സത്യം വഴുതി​പ്പോ​കാൻ നിങ്ങൾ ഇടയാ​ക്കു​ന്നു​വോ?

ആമസോൺ വനാന്ത​ര​ങ്ങ​ളിൽ തങ്ങളുടെ വിമാനം നിർബ്ബ​ന്ധി​ത​മാ​യി ഇറക്കേ​ണ്ടി​വ​ന്ന​തി​ന്റെ കെടു​തി​യെ അതിജീ​വിച്ച യാത്ര​ക്കാ​രിൽ മിക്കവർക്കും തങ്ങൾ ഇറങ്ങിയ ഇടത്തെ ഭൂപ്പര​പ്പി​നു കാര്യ​മായ ശ്രദ്ധ നൽകാൻ ഉടനെ ചായ്‌വു​ണ്ടാ​യി​രി​ക്ക​യില്ല. പക്ഷെ പ്രശാന്തത കൈ​വെ​ടി​യാ​തി​രുന്ന നിതാന്ത നിരീക്ഷണ പടുവായ ഒരു മമനു​ഷ്യ​ന്റെ സംഗതി അങ്ങനെ​യാ​യി​രു​ന്നില്ല! അദ്ദേഹം ഒരു ഭൂമി​ശാ​സ്‌ത്ര വിദഗ്‌ദ്ധ​നാ​യി​രു​ന്നു. ഹെലി​കോ​പ്‌ററർ ഇറങ്ങിയ ആ ഒരു തുണ്ട്‌ ഭൂമി എത്ര അസാധാ​ര​ണ​മാം വിധം തരിശാ​യി​രു​ന്നു​വെന്ന്‌ അദ്ദേഹം ശ്രദ്ധിച്ചു. അദ്ദേഹം അവസരം കൈവി​ട്ടു കളയു​ന്ന​തിന്‌ പകരം ആ തരിശു നിലത്ത്‌ കുറെ​ക്കൂ​ടി അടുത്ത നിരീ​ക്ഷണം നടത്തി. മററു​ള്ള​വർക്ക്‌ കേവലം ഒരു തുണ്ട്‌ നിലം മാത്ര​മാ​യി തോന്നി​യത്‌ വാസ്‌ത​വ​ത്തിൽ ലോക​ധാ​തു​സ​മ്പ​ത്തി​ന്റെ ഏററവും വലിയ വാഗ്‌ദാ​ന​മാ​യി​രുന്ന ഖനിക​ളിൽ ഒന്നായി​രു​ന്നു എന്ന്‌ ചുരു​ങ്ങിയ സമയം കൊണ്ട്‌ അദ്ദേഹം തിരി​ച്ച​റി​ഞ്ഞു. ഒരു നാളിൽ “ദ ന്യു എൽഡൊ​റാ​ഡോ” എന്ന്‌ കീർത്തി​ക്ക​പ്പെ​ടാ​നി​രുന്ന ബോക്‌​സൈ​റ​റി​ന്റെ​യും മാംഗ​നി​സ്സി​ന്റെ​യും ചെമ്പി​ന്റെ​യും സ്വർണ്ണ​ത്തി​ന്റെ​യും ബൃഹത്തായ കലവറ​യാ​യി​രു​ന്നു അത്‌.

അവസരങ്ങൾ വഴുതി​പ്പോ​കാ​നി​ട​യാ​കാ​തെ അവയെ പ്രയോ​ജ​ന​പ്പെ​ടു​ത്തുന്ന വ്യക്തികൾ വിരള​മാണ്‌. നമ്മുടെ പൊതു​യു​ഗ​ത്തി​ന്റെ ഒന്നാം നൂററാ​ണ്ടി​ലെ റോമൻ ഗവർണ്ണർ ആയിരുന്ന പൊന്തി​യോസ്‌ പീലാ​ത്തോ​സി​ന്റെ ഉദാഹ​രണം പരിഗ​ണി​ക്കുക. അവന്റെ മുമ്പാകെ അത്യപൂർവ്വ​മായ ഒരവസരം വന്നു​ചേർന്നു. ഭൂമി​യിൽ ജീവി​ച്ചി​രു​ന്ന​തിൽ വച്ച്‌ സത്യത്തി​ന്റെ ഏററവും വലിയ ഉപദേ​ഷ്ടാ​വി​നെ യഹൂദ​നേ​താ​ക്കൻമാർ അവന്റെ കൈയിൽ ഏൽപ്പിച്ചു. പീലാ​ത്തോ​സിന്‌ ആരാഞ്ഞ​റി​യാ​നാ​കു​മാ​യി​രുന്ന ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കുക! അവന്‌ ഗ്രഹി​ക്കാ​നാ​കു​മാ​യി​രുന്ന സമൃദ്ധ​മായ സത്യങ്ങ​ളെ​ക്കു​റിച്ച്‌ ചിന്തി​ക്കുക! താൻ “യഹൂദൻമാ​രു​ടെ രാജാവ്‌” ആണ്‌ എന്ന്‌ അവകാ​ശ​വാ​ദം ചെയ്‌തു​വെ​ന്നാ​രോ​പി​ച്ചു​കൊണ്ട്‌ യേശു​വി​നെ ആദ്യമാ​യി പീലാ​ത്തോ​സി​ന്റെ മുമ്പിൽ കൊണ്ടു​ചെ​ന്ന​പ്പോൾ അവന്‌ ഒട്ടൊരു ജിജ്ഞാസ തോന്നാ​തി​രു​ന്നില്ല.

“നീ യഹൂദൻമാ​രു​ടെ രാജാ​വാ​കു​ന്നു​വോ?” എന്ന്‌ പീലാ​ത്തോസ്‌ ചോദി​ച്ചു.

മറുപടി നൽകി​കൊണ്ട്‌ യേശു ഇങ്ങനെ പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല . . . ഞാൻ സത്യത്തിന്‌ സാക്ഷി നിൽക്കേ​ണ്ട​താണ്‌, ഇതിനാ​യി ഞാൻ ജനിച്ചി​രി​ക്കു​ന്നു, ഇതിനാ​യി ഞാൻ ലോക​ത്തിൽ വന്നുമി​രി​ക്കു​ന്നു. സത്യത്തിൻ പക്ഷത്തുള്ള ഏവനും എന്റെ സ്വരം കേൾക്കു​ന്നു.” ഇവി​ടെ​യാ​യി​രു​ന്നു പീലാ​ത്തോ​സി​ന്റെ സുവർണ്ണ അവസരം. ദൈവ​വാ​ഗ്‌ദ​ത്ത​ങ്ങ​ളു​ടെ സത്യതക്ക്‌ സ്വജീ​വി​ത​ത്തി​ലൂ​ടെ ജീവി​ക്കുന്ന തെളിവ്‌ നൽകി​യ​വ​നും മറേറ​തൊ​രു മനുഷ്യ​നും സാധി​ക്കാ​ത്ത​വി​ധം അദ്ദേഹത്തെ പ്രബു​ദ്ധ​നാ​ക്കാൻ സന്നദ്ധത​യും കഴിവും ഉള്ളവനു​മായ ഒരു മനുഷ്യൻ ആയിരു​ന്നു അവന്റെ മുമ്പിൽ നിന്നത്‌. പീലാ​ത്തോ​സി​ന്റെ മറുപടി പക്ഷെ എന്തായി​രു​ന്നു? “സത്യം എന്നാൽ എന്ത്‌?” എന്നൊണ്‌ ചോദി​ച്ചിട്ട്‌ പെട്ടെന്ന്‌ അവൻ “യഹൂദൻമാ​രു​ടെ അടു​ത്തേക്ക്‌ വീണ്ടും ഇറങ്ങി​ച്ചെന്നു.”—യോഹ​ന്നാൻ 18:33-38.

അതെ, സത്യം വഴുതി​പ്പോ​കാൻ പീലാ​ത്തോസ്‌ അനുവ​ദി​ച്ചു. ഇന്നും അനേകർ ഇതേ അബദ്ധം ആവർത്തി​ക്കു​ന്നു. നിങ്ങൾ വായി​ക്കുന്ന വീക്ഷാ​ഗോ​പു​രം എന്ന ഈ പത്രിക സത്യം സംബന്ധിച്ച്‌ ആളുകളെ പ്രബു​ദ്ധ​രാ​ക്കു​ന്ന​തി​നു​വേ​ണ്ടി​യാണ്‌ പ്രസി​ദ്ധീ​ക​രി​ച്ചി​രി​ക്കു​ന്നത്‌. അനേകർ പക്ഷെ അത്‌ വായി​ക്കാൻപോ​ലും വിസമ്മ​തി​ക്കു​ന്നു. മററുള്ള പലരും അതു വായി​ക്കു​ക​യും അതിന്റെ ലേഖനങ്ങൾ ആസ്വദി​ക്കു​ക​യും ചെയ്യു​ന്നു​ണ്ടാ​യി​രി​ക്കാ​മെ​ങ്കി​ലും അതിന​പ്പു​റ​മാ​യി ഒന്നും ചെയ്യു​ന്നി​ല്ല​താ​നും. അവർ പീലാ​ത്തോ​സി​നെ​പ്പോ​ലെ സത്യം വഴിതി​പ്പോ​കു​വാൻ ഇടയാ​ക്കു​ന്ന​വ​രാ​യി​രി​ക്കു​മോ? (w86 3/1)