വായന​ക്കാ​രിൽ നിന്നുള്ള ചോദ്യ​ങ്ങൾ

◼ ദൈവ​ത്തി​ലും ബൈബി​ളി​ലും യേശു​ക്രി​സ്‌തു​വി​ലും ഇപ്പോ​ഴും വിശ്വാ​സം ഉണ്ടെന്നു അവകാ​ശ​പ്പെ​ടുന്ന ചിലരെ വിശ്വാ​സ​ത്യാ​ഗ​ത്തിന്‌ യഹോ​വ​യു​ടെ സാക്ഷികൾ സഭയിൽനി​ന്നു പുറത്താ​ക്കു​ന്നത്‌ (സഭാ​ഭ്ര​ഷ്ട​രാ​ക്കു​ന്നത്‌) എന്തു​കൊണ്ട്‌?

അപ്രകാ​രം ഒരു തടസ്സം പറയു​ന്നവർ, ക്രിസ്‌ത്യാ​നി​കൾ എന്നവകാ​ശ​പ്പെ​ടുന്ന അനേക​മ​ത​സ്ഥാ​പ​ന​ങ്ങ​ളും ഭിന്നവീ​ക്ഷ​ണങ്ങൾ അനുവ​ദി​ക്കു​ന്നു​വെന്ന്‌ ചൂണ്ടി​ക്കാ​ണി​ക്കു​ന്നു. ചില വൈദി​കൻമാർപോ​ലും തങ്ങളുടെ സഭയുടെ അടിസ്ഥാനോപദേശങ്ങളോടുയോജിക്കുന്നില്ലെങ്കിലും, അവർ സഭയിൽ നല്ല നിലയിൽ നിൽക്കു​ന്നു. ക്രൈ​സ്‌ത​വ​മ​ണ്ഡ​ല​ത്തി​ലെ മതഭേ​ദ​ങ്ങ​ളിൽ മിക്കവാ​റും എല്ലാറ​റി​ലും​തന്നെ, തിരു​വെ​ഴു​ത്തു​ക​ളു​ടെ നിശ്വ​സ്‌ത​തയേ സംബന്ധി​ച്ചു അന്യോ​ന്യം വളരെ വിയോ​ജി​ക്കുന്ന നവീന ചിന്താ​ഗ​തി​ക്കാ​രും മൌലി​ക​വാ​ദി​ക​ളും ഉണ്ട്‌.

എന്നിരു​ന്നാ​ലും, അപ്രകാ​ര​മുള്ള മാതൃ​കകൾ നാം അതു​പോ​ലെ ചെയ്യു​ന്ന​തി​നു യാതൊ​ര​ടി​സ്ഥാ​ന​വും നൽകു​ന്നില്ല എന്തു​കൊണ്ട്‌ ഇല്ല? അപ്രകാ​ര​മുള്ള അനേക​മ​ത​ഭേ​ദ​ങ്ങ​ളും വ്യാപക വൈപ​രീ​ത്യ​വീ​ക്ഷ​ണങ്ങൾ വൈദി​ക​വർഗ്ഗ​ത്തി​ലും അയ്‌മേ​നി​ക​ളു​ടെ​യി​ട​യി​ലും അനുവ​ദി​ക്കു​ന്നു, കാരണം ബൈബിൾ സത്യം എന്താകു​ന്നു​വെന്നു അവർക്കു​റ​പ്പു​ണ്ടാ​യി​രി​ക്കാൻ സാദ്ധ്യ​മ​ല്ലെന്നു അവർക്കു തോന്നു​ന്നു. അവർ യേശു​വി​ന്റെ നാളിലെ പരീശൻമാ​രെ​യും ശാസ്‌ത്രി​ക​ളേ​യും പോ​ലെ​യാണ്‌, യേശു അധികാ​ര​ത്തോ​ടെ പഠിപ്പി​ച്ച​തു​പോ​ലെ അധികാ​ര​മുള്ള ആളുക​ളേ​പ്പോ​ലെ സംസാ​രി​പ്പാൻ അവർ അപ്രാ​പ്‌ത​രാ​കു​ന്നു. (മത്തായി 7:29) കൂടാതെ, മതക്കാർ മിശ്ര​വി​ശ്വാ​സ​ത്തിൽ വിശ്വ​സി​ക്കു​ന്ന​ട​ത്തോ​ളം വൈപ​രീ​ത്യ വിശ്വാ​സങ്ങൾ അത്ര ഗൗരവ​മാ​യി എടുക്കാ​തി​രി​ക്കാൻ കടപ്പെ​ട്ട​വ​രാണ്‌.

എന്നാൽ വസ്‌തു​ത​ക​ളു​ടെ അപ്രകാ​ര​മുള്ള ഒരു വീക്ഷണ​മു​ണ്ടാ​യി​രി​ക്കു​ന്ന​തി​നു തിരു​വെ​ഴു​ത്തു​ക​ളിൽ അടിസ്ഥാ​ന​മില്ല. യഹൂദ​മ​ത​ത്തി​ലെ യാതൊ​രു വിഭാ​ഗ​വു​മാ​യി യേശു പൊതു താല്‌പ​ര്യ​ത്താൽ ബന്ധിക്ക​പ്പെ​ട്ടില്ല. ആ വിഭാ​ഗ​ങ്ങ​ളി​ലെ യഹൂദൻമാർ സൃഷ്ടി​യിൻ ദൈവ​ത്തി​ലും എബ്രായ തിരു​വെ​ഴു​ത്തു​കൾ പ്രത്യേ​കിച്ച്‌ മോ​ശെ​യു​ടെ ന്യായ​പ്ര​മാ​ണ​ത്തി​ലും വിശ്വ​സി​ച്ചി​രു​ന്ന​താ​യി അവകാ​ശ​പ്പെ​ട്ടി​രു​ന്നു. എങ്കിലും യേശു അവന്റെ ശിഷ്യൻമാ​രോട്‌, “പരീശൻമാ​രു​ടെ​യും ശാസ്‌ത്രീ​മാ​രു​ടെ​യും ഉപദേ​ശത്തെ . . . സൂക്ഷി​ച്ചു​കൊ​ള്ളു​വിൻ.” എന്നു പറഞ്ഞു. (മത്തായി 16:11, 12; 23:15) അപ്പോ​സ്‌ത​ല​നായ പൗലോസ്‌ വസ്‌തു​ക്കൾ എത്ര ശക്തമായി പ്രസ്‌താ​വി​ക്കു​ന്നു എന്നതും കുറി​ക്കൊ​ള്ളുക: “ഞങ്ങളോ അല്ലെങ്കിൽ സ്വർഗ്ഗ​ത്തിൽ നിന്ന്‌ ഒരു ദൂതനോ വന്ന്‌ ഞങ്ങൾ നിങ്ങ​ളോട്‌ സുവാർത്ത​യാ​യി അറിയി​ച്ച​തി​ന​പ്പു​റ​മാ​യി എന്തെങ്കി​ലും സുവാർത്ത​യാ​യി അറിയി​ച്ചാൽ, അവൻ ശപിക്ക​പ്പെ​ട്ട​വ​നാ​കട്ടെ.” പൗലോസ്‌ അപ്പോൾ ഊന്നലി​നു​വേണ്ടി ആ പ്രസ്‌താ​വന ആവർത്തി​ച്ചു.—ഗലാത്യർ 1:8, 9.

വിയോ​ജി​ക്കു​ന്ന അല്ലെങ്കിൽ അകലുന്ന വീക്ഷണങ്ങൾ സത്യ​ക്രി​സ്‌ത്യാ​നി​ത്വ​ത്തോ​ടു യോജി​ക്കു​ന്നതല്ല, പൗലോസ്‌ 1 കൊരി​ന്ത്യർ 1:10-ൽ വ്യക്തമാ​ക്കു​ന്ന​തു​പോ​ലെ: “നിങ്ങൾ മനസ്സി​ലും ചിന്തയി​ലും സമ്പൂർണ്ണ​മാ​യി ഏകീകൃ​ത​രാ​യി​രി​ക്കു​ന്ന​തി​നും നിങ്ങളു​ടെ​യി​ട​യിൽ യാതൊ​രു ഭിന്നത​യും ഉണ്ടാകാ​തി​രി​ക്കു​ന്ന​തി​നും വേണ്ടി നിങ്ങൾ അന്യോ​ന്യം യോജി​പ്പു​ള്ള​വ​രാ​യി​രി​പ്പാൻ നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തിൽ സഹോ​ദ​ര​ങ്ങ​ളായ നിങ്ങ​ളോ​ടു ഞാൻ അപേക്ഷി​ക്കു​ന്നു.” (ന്യൂ ഇൻറർ നാഷണൽ വേർഷൻ) എഫേസ്യർ 4:3-6-ൽ അവൻ കൂടു​ത​ലാ​യി പ്രസ്‌താ​വി​ച്ചത്‌, ക്രിസ്‌ത്യാ​നി​കൾ “സമാധാ​ന​ത്തി​ന്റെ ഏകീക​രി​ക്കുന്ന ബന്ധത്തിൽ ആത്മാവി​ന്റെ ഐക്യത പാലി​ക്കു​വാൻ ആത്മാർത്ഥ​മാ​യി ശ്രമി​ക്കു​ന്ന​വ​രാ​യി​രി​ക്കണം. ഏക പ്രത്യാ​ശ​ക്കാ​യി നിങ്ങളെ വിളി​ക്ക​പ്പെ​ട്ടി​രി​ക്കു​ന്ന​തു​പോ​ലെ, ഒരു ശരീര​വും ഒരു ആത്മാവു​മാ​കു​ന്നു; കർത്താവ്‌ ഒരുവൻ, വിശ്വാ​സം ഒന്ന്‌, സ്‌നാനം ഒന്ന്‌; എല്ലാവ​രു​ടെ​യും പിതാ​വും ദൈവ​വു​മാ​യവൻ ഒരുവൻ.”

ഓരോ​രു​ത്തൻ സ്വത​ന്ത്ര​മാ​യി തിരു​വെ​ഴു​ത്തു​കൾ പരി​ശോ​ധി​ക്ക​യും അവന്റെ സ്വന്തം തീരു​മാ​ന​ങ്ങ​ളി​ലെ​ത്തു​ക​യും അവ പഠിപ്പി​ക്ക​യും ചെയ്യു​ന്ന​തി​നാൽ ഈ ഐക്യം പ്രാപി​ക്ക​യും നിലനിർത്തു​ക​യും ചെയ്യേ​ണ്ട​താ​യി​രു​ന്നോ? ഒരിക്ക​ലും അല്ല! ഈ ഉദ്ദേശ്യ​ത്തി​നു​വേണ്ടി യേശു​ക്രി​സ്‌തു​വിൽകൂ​ടി, യഹോ​വ​യാം ദൈവം കരുതി “ചിലരെ അപ്പോ​സ്‌ത​ലൻമാ​രാ​യും, . . . ചിലരെ സുവി​ശേ​ഷ​കൻമാ​രാ​യും, ചിലരെ ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും . . . വിശ്വാ​സ​ത്തി​ലുള്ള ഐക്യ​ത​യി​ലും പൂർണ്ണ​വ​ളർച്ച​പ്രാ​പിച്ച ഒരു മമനു​ഷ്യ​ന്റെ അളവോ​ളം ദൈവ​പു​ത്ര​നെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​ത്തി​ലും നാം എല്ലാം എത്തുന്ന​തു​വരെ.” ഉവ്വ്‌, അപ്രകാ​ര​മുള്ള ശുശ്രൂ​ഷ​കൻമാ​രു​ടെ സഹായ​ത്താൽ, സഭാപ​ര​മായ ഐക്യം—ഉപദേ​ശ​ത്തി​ലും പ്രവർത്ത​ന​ത്തി​ലും ഉണ്ടായി​രി​ക്കാം, സാദ്ധ്യ​വു​മാണ്‌.—എഫേസ്യർ 4:11-13.

സ്‌പഷ്ട​മാ​യി, ദൈവ​ത്തി​ലും, ബൈബി​ളി​ലും യേശു​ക്രി​സ്‌തു​വി​ലും അതു​പോ​ലുള്ള കാര്യ​ങ്ങ​ളി​ലു​മുള്ള ഒരു വിശ്വാ​സ​ത്തിൽ ആശ്രയി​ച്ചു​മാ​ത്രം യഹോ​വ​യു​ടെ സാക്ഷി​ക​ളു​മാ​യുള്ള ഒരു അംഗീ​കൃത സഹവാ​സ​ത്തി​ന്റെ അടിസ്ഥാ​നം സ്ഥിതി​ചെ​യ്യാൻ കഴിയു​ക​യില്ല. റോമൻ കത്തോ​ലിക്ക പാപ്പാ​യും, അതു​പോ​ലെ കാൻറൻബ​റി​യി​ലെ ആംഗ്ലിക്കൻ ആർച്ചു ബിഷോ​പ്പും അത്തരം വിശ്വാ​സം അവകാ​ശ​പ്പെ​ടു​ന്നു, എങ്കിലും അവരുടെ സഭാം​ഗങ്ങൾ അന്യോ​ന്യം നിഷേ​ധ​ക​മാണ്‌. അതു​പോ​ലെ, അപ്രകാ​ര​മുള്ള വിശ്വാ​സങ്ങൾ ഉണ്ടെന്നു അവകാ​ശ​പ്പെ​ടു​ന്ന​തു​കൊ​ണ്ടു​മാ​ത്രം ഒരാളെ യഹോ​വ​യു​ടെ സാക്ഷി​ക​ളി​ലൊ​രു​വ​നാ​യി അറിയ​പ്പെ​ടാൻ നിയോ​ഗി​ത​നാ​ക്കു​ക​യില്ല.

യഹോ​വ​യു​ടെ സാക്ഷി​ക​ളോ​ടുള്ള അംഗീ​കൃത സഹവാ​സ​ത്തിന്‌ യഹോ​വ​യു​ടെ സാക്ഷി​കൾക്കു അനന്യ​മായ തിരു​വെ​ഴു​ത്തു​പ​ര​മായ വിശ്വാ​സങ്ങൾ ഉൾപ്പെടെ, ബൈബി​ളി​ന്റെ സത്യോ​പ​ദേ​ശ​ങ്ങ​ളു​ടെ മുഴു​നി​ര​യും സ്വീക​രി​ക്കു​ന്നത്‌ ആവശ്യ​മാണ്‌. അപ്രകാ​ര​മുള്ള വിശ്വാ​സ​ങ്ങ​ളിൽ എന്തുൾപ്പെ​ടു​ന്നു?

മനുഷ്യ​വർഗ്ഗ​ത്തിൻ മുമ്പാ​കെ​യുള്ള വലിയ വിവാ​ദ​വി​ഷയം യഹോ​വ​യു​ടെ പരമാ​ധി​കാ​ര​ത്തി​ന്റെ അർഹത​യേ​പ്പ​റ​റി​യു​ള്ള​താ​കു​ന്നു, അതു​കൊ​ണ്ടാണ്‌ അവൻ ഇത്രനാൾ ദുഷ്ടത അനുവ​ദി​ച്ചി​രി​ക്കു​ന്നത്‌ (യെഹെ​സ്‌ക്കേൽ 25:17) എന്നുള്ളതു യേശു​ക്രി​സ്‌തു​വി​നു മനുഷ്യ​നാ​കു​ന്ന​തി​നു മുമ്പ്‌ ഒരു ആസ്‌തി​ക്യ​മു​ണ്ടാ​യി​രു​ന്നു​വെ​ന്നും അവന്റെ സ്വർഗ്ഗീയ പിതാ​വിന്‌ കീഴ്‌പ്പെ​ട്ടി​രു​ന്നു​വെ​ന്നും (യോഹ​ന്നാൻ 14:28) ഉള്ളത്‌. ‘യേശു​വി​ന്റെ ഭൗമിക താല്‌പ​ര്യ​ങ്ങൾ എല്ലാം ഭരമേ​ല്‌പ്പി​ക്ക​പ്പെ​ട്ടി​രി​ക്കുന്ന’ “വിശ്വ​സ്‌ത​നും വിവേ​കി​യു​മായ ഒരു അടിമ” ഇന്നു ഭൂമി​യി​ലു​ണ്ടെ​ന്നും, ആ അടിമ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​വു​മാ​യി സംയോ​ജി​ക്ക​പ്പെ​ട്ടി​രി​ക്കു​ന്നു​വെ​ന്നും (മത്തായി 24:45-47) ഉള്ളത്‌. 1914 ജാതി​ക​ളു​ടെ കാലങ്ങ​ളു​ടെ അന്ത്യവും സ്വർഗ്ഗ​ത്തിൽ ദൈവ​രാ​ജ്യ​ത്തി​ന്റെ സ്ഥാപന​വും അതു​പോ​ലെ മുൻകൂ​ട്ടി​പ​റ​യ​പ്പെട്ട ക്രിസ്‌തു​വി​ന്റെ സാന്നിദ്ധ്യ സമയവും കുറി​ക്കു​ന്നു. (ലൂക്കോസ്‌ 21:7-24; വെളി​പ്പാട്‌ 11:15-12:10) എന്നുള്ളത്‌. 144,000 ക്രിസ്‌ത്യാ​നി​കൾ മാത്രമേ സ്വർഗ്ഗീയ പ്രതി​ഫലം പ്രാപി​ക്ക​യു​ള്ളു (വെളി​പ്പാട്‌ 14:1, 3) എന്നുള്ളത്‌. സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധത്തെ സൂചി​പ്പി​ക്കുന്ന, അർമ്മ​ഗെ​ദ്ദോൻ സമീപി​ച്ചി​രി​ക്കു​ന്നു. (വെളി​പ്പാട്‌ (16:14, 16;19:11, 12) എന്നത്‌. അതിനെ ക്രിസ്‌തു​വി​ന്റെ സഹസ്രാ​ബ്ദ​വാഴ്‌ച പിന്തു​ടർന്ന്‌ ഭൂവി​സ്‌തൃ​ത​മായ ഒരു പരദീസാ പുനഃ​സ്ഥാ​പി​ക്കു​മെ​ന്ന​തും അതിനെ ആദ്യമേ ആസ്വദി​ക്കു​ന്നവർ യേശു​വി​ന്റെ “വേറെ ആടുക​ളു​ടെ” “മഹാപു​രു​ഷാ​രം” ആയിരി​ക്കും എന്നതും.—യോഹ​ന്നാൻ 10:16; വെളി​പ്പാട്‌ 7:9-17; 21:3, 4 എന്നതും.

അത്ര കർക്കശ​മായ നില അവലം​ബി​ക്കു​ന്ന​തിന്‌ നമുക്ക്‌ തിരു​വെ​ഴു​ത്തു​പ​ര​മായ മുൻമാ​തൃക ഉണ്ടോ? നിശ്ചയ​മാ​യും നമുക്കുണ്ട്‌! പൗലോസ്‌ തന്റെ നാളിലെ ചില​രേ​പ്പ​ററി എഴുതി: “അവരുടെ വാക്ക്‌ അർബ്ബു​ധ​വ്യാ​ധി​പ്പോ​ലെ തിന്നു​കൊ​ണ്ടി​രി​ക്കും. ഹുമന​യോ​സും ഫിലേ​ത്തോ​സും അവരുടെ കൂട്ടത്തി​ലു​ള്ള​വ​രാ​കു​ന്നു. പുനരു​ത്ഥാ​നം കഴിഞ്ഞു​പോ​യി എന്നു പറഞ്ഞ്‌ ഈ മനുഷ്യർ സത്യത്തിൽനി​ന്നു വ്യതി​ച​ലി​ച്ചു പോയി, അവർ ചിലരു​ടെ വിശ്വാ​സം മറിച്ചു​ക​ള​യു​ന്നു.” (2 തിമൊ​ഥെ​യോസ്‌ 2:17, 18; മത്തായി 18:6 കൂടെ കാണുക) ഈ മനുഷ്യർ ദൈവ​ത്തി​ലും, ബൈബി​ളി​ലും, യേശു​വി​ന്റെ ബലിയി​ലും വിശ്വ​സി​ച്ചില്ല എന്നു സൂചി​പ്പി​ക്കുന്ന യാതൊ​ന്നു​മില്ല. എങ്കിലു, ഈ ഒരു അടിസ്ഥാന സംഗതി​യിൽ, പുനരു​ത്ഥാ​ന​ത്തി​ന്റെ സമയം സംബന്ധി​ച്ചു അവർ പഠിപ്പി​ക്കു​ന്ന​തിൽ, പൗലോസ്‌ അവരെ ശരിയാ​യി വിശ്വാ​സ​ത്യാ​ഗി​കൾ എന്നു മുദ്ര​യ​ടി​ച്ചു, അവരു​മാ​യി വിശ്വ​സ്‌ത​ക്രി​സ്‌ത്യാ​നി​കൾ സഹവസി​ക്ക​യില്ല.

അതു​പോ​ലെ, യേശു ജഡത്തിൽ വന്നു എന്നു വിശ്വ​സി​ക്കാ​ത്ത​വരെ എതിർക്രി​സ്‌തു​ക്കൾ എന്നു അപ്പോ​സ്‌ത​ല​നായ യോഹ​ന്നാൻ പറഞ്ഞു. അവർ ദൈവ​ത്തി​ലും, എബ്രാ​യ​തി​രു​വെ​ഴു​ത്തു​ക​ളി​ലും, യേശു​വി​നെ ദൈവ​പു​ത്രൻ എന്നും മററും വിശ്വ​സി​ച്ചി​രു​ന്നി​രി​ക്കാം. എന്നാൽ ഈ കാര്യ​ത്തിൽ, യേശു യഥാർത്ഥ​ത്തിൽ ജഡത്തിൽ വന്നു​വെ​ന്ന​തിൽ, അവർ വിയോ​ജി​ക്ക​യും അപ്രകാ​രം “എതിർക്രി​സ്‌തു​ക്കൾ” എന്നു വിളി​ക്ക​പ്പെ​ടു​ക​യും ചെയ്‌തു. അപ്രകാ​രം വ്യത്യസ്ഥ വീക്ഷണങ്ങൾ പുലർത്തു​ന്ന​വ​രേ​പ്പ​ററി യോഹ​ന്നാൻ തുടർന്നു പറയുന്നു: “നിങ്ങളു​ടെ അടുത്ത്‌ ആരെങ്കി​ലും വരിക​യും ഈ ഉപദേശം കൊണ്ടു​വ​രാ​തി​രി​ക്ക​യും ചെയ്യു​ന്നു​വെ​ങ്കിൽ, അവനെ ഒരിക്ക​ലും നിങ്ങളു​ടെ ഭവനങ്ങ​ളിൽ സ്വീക​രി​ക്കു​ക​യോ ഒരു വന്ദനം പറയു​ക​യോ ചെയ്യരുത്‌. കാരണം അവന്‌ ഒരു വന്ദനം പറയു​ന്നവൻ അവന്റെ ദുഷ്‌പ്ര​വൃ​ത്തി​കൾക്കു പങ്കാളി​യാ​കു​ന്നു.—2 യോഹ​ന്നാൻ 7, 10, 11.

അതേ​പ്ര​കാ​ര​മു​ള്ള തിരു​വെ​ഴു​ത്തു മാതൃ​കകൾ പിന്തു​ടർന്നു​കൊണ്ട്‌, ഒരു ക്രിസ്‌ത്യാ​നി (ദൈവ​ത്തി​ലും, ബൈബി​ളി​ലും, യേശു​വി​ലും വിശ്വാ​സം അവകാ​ശ​പ്പെ​ടുന്ന) അനുതാ​പ​മി​ല്ലാ​തെ വ്യാ​ജോ​പ​ദേ​ശങ്ങൾ പരത്തു​ന്നു​വെ​ങ്കിൽ അവനെ സഭയിൽ നിന്നു പുറത്താ​ക്ക​പ്പെ​ടേണ്ട ആവശ്യം ഉണ്ടായി​രു​ന്നേ​ക്കാം. (തീത്തോസ്‌ 3:10, 11 കാണുക) നിശ്ചയ​മാ​യും, ഒരു വ്യക്തിക്ക്‌ സംശയങ്ങൾ ഉണ്ട്‌ അഥവാ ഒരു വസ്‌തു​ത​യേ​പ്പ​ററി വിവര​ക്കു​റ​വുണ്ട്‌ എങ്കിൽ, യോഗ്യ​ത​യുള്ള ശുശ്രൂ​ഷകർ അയാളെ സ്‌നേ​ഹ​പു​ര​സ്സരം സഹായി​ക്കും. ഇത്‌ ഈ ബുദ്ധി​യു​പ​ദേ​ശ​ത്തോ​ടു യോജി​ക്കു​ന്നു: “സംശയ​മുള്ള ചില​രോ​ടു കരുണ​കാ​ണി​ക്കു​ന്ന​തിൽ തുടരുക; തീയിൽനി​ന്നു വലി​ച്ചെ​ടുത്ത്‌ അവരെ രക്ഷിക്കുക.” (യൂദാ 22, 23) അതു​കൊണ്ട്‌ സത്യ​ക്രി​സ്‌തീ​യ​സ​ഭയെ കർക്കശ​മാ​യി സ്വമത ശാഠ്യ​മു​ള്ള​വ​രാ​യി​രി​ക്കു​ന്നു​വെന്നു ശരിയാ​യി കുററ​മാ​രോ​പി​ക്ക​പ്പെ​ടാൻ സാദ്ധ്യമല്ല, എന്നാൽ അത്‌ ദൈവ​വ​ച​ന​ത്തിൽ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കുന്ന ഐക്യത്തെ അതിയാ​യി വിലമ​തി​ക്ക​യും അതിനു​വേണ്ടി പ്രവൃ​ത്തി​ക്ക​യും ചെയ്യുന്നു. (w86 4/1)