നിങ്ങൾ താക്കോൽ കണ്ടെത്തി​യോ?

സ്‌നേഹം ക്രിസ്‌ത്യാ​നി​കൾക്ക്‌ ഇത്ര പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? കാരണം അത്തരത്തി​ലുള്ള ഒരു ദൈവ​ത്തെ​യാണ്‌ അവർ ആരാധി​ക്കു​ന്നത്‌. അപ്പോ​സ്‌ത​ല​നായ യോഹ​ന്നാൻ അവനെ പിൻവ​രുന്ന വാക്കു​ക​ളിൽ വർണ്ണി​ക്കു​ന്നു: “ദൈവം സ്‌നേ​ഹ​മാ​കു​ന്നു.” (1 യോഹ​ന്നാൻ 4:8) തങ്ങളുടെ കുട്ടികൾ തങ്ങളുടെ കാലടി​കളെ പിൻതു​ട​ര​ണ​മെന്ന്‌ പല മാതാ​പി​താ​ക്ക​ളും കരുതു​ന്ന​തു​പോ​ലെ ക്രിസ്‌ത്യാ​നി​കൾ തന്നെ​പ്പോ​ലെ ആയിരി​ക്കണം എന്ന്‌ യഹോ​വ​യാം ദൈവം കരുതു​ന്നു. അപ്രകാ​രം, അപ്പോ​സ്‌ത​ല​നായ പൗലോസ്‌ ഇങ്ങനെ പ്രചോ​ദി​പ്പി​ച്ചു: “പ്രിയ​മ​ക്ക​ളെ​ന്ന​നി​ല​യിൽ ദൈവ​ത്തി​ന്റെ അനുകാ​രി​ക​ളാ​യി​ത്തീ​രു​ക​യും സ്‌നേ​ഹ​ത്തിൽ നടന്നു​കൊ​ണ്ടി​രി​ക്കു​ക​യും ചെയ്യുക.”—എഫേസ്യർ 5:1, 2.

സ്‌നേഹം മററു ക്രിസ്‌തീയ ഗുണങ്ങളെ സമനി​ല​യിൽ കൊണ്ടു​വ​രു​ക​കൂ​ടി ചെയ്യുന്നു. യേശു​വി​ന്റെ നാളു​ക​ളിൽ യഹൂദൻമാർ—വിശേ​ഷിച്ച്‌ അവരുടെ നേതാക്കൾ—ബൈബി​ളി​ന്റെ സൂക്ഷ്‌മ പഠിതാ​ക്കൾ ആയിരു​ന്നു. പക്ഷേ യേശു അവരോട്‌ എന്തു പറഞ്ഞു​വെന്ന്‌ കാണുക: “നിങ്ങൾ തിരു​വെ​ഴു​ത്തു​ക​ളിൽ അന്വേ​ഷി​ക്കു​ന്നു, കാരണം അവയാൽ നിങ്ങൾക്ക്‌ നിത്യ​ജീ​വൻ ലഭിക്കു​മെന്ന്‌ നിങ്ങൾ കരുതു​ന്നു; . . . പക്ഷെ നിങ്ങളിൽ ദൈവ​സ്‌നേ​ഹ​മി​ല്ലെന്ന്‌ ഞാൻ നന്നായ​റി​യു​ന്നു.” (യോഹ​ന്നാൻ 5:39, 42; ലൂക്കോസ്‌ 11:42) അവർക്ക്‌ അറിവി​നോ​ടൊ​പ്പം സ്‌നേ​ഹ​വും കൂടി​യു​ണ്ടാ​യി​രു​ന്നെ​ങ്കിൽ യേശു​വി​നെ മശിഹാ ആയി അവർ തിരി​ച്ച​റി​യു​മാ​യി​രു​ന്നു. സംഭവി​ച്ച​തു​പോ​ലെ, അവരിൽ മിക്കവർക്കും ക്രിസ്‌തീ​യ​സ​ഭ​യു​ടെ ആദ്യ അംഗങ്ങൾ ആയിത്തീ​രു​ന്ന​തി​നുള്ള അവസരം നഷ്ടമായി.

അമേരി​ക്കൻ ഭൂഖണ്ഡ​ങ്ങ​ളി​ലേക്ക്‌ (നവലോ​കം) തങ്ങളുടെ മതം കൊ​ണ്ടെ​ത്തിച്ച സ്‌പെ​യിൻകാ​രായ റോമൻ കത്തോ​ലി​ക്കാ ജേതാ​ക്ക​ളെ​ക്കു​റി​ച്ചും ഓർത്തു​നോ​ക്കൂ. തങ്ങൾ ചെയ്‌ത​കാ​ര്യം നിവർത്തി​ക്കാൻ അവർക്ക്‌ ശക്തമായ വിശ്വാ​സ​വും അത്യു​ത്സാ​ഹ​വും ഉണ്ടായി​രു​ന്നി​രി​ക്കാം. പക്ഷെ അത്‌ സ്‌നേഹം കൊണ്ട്‌ പരുവ​പ്പെ​ടു​ത്തി​യി​രു​ന്നില്ല, നിശ്ചയം. അല്ലായി​രു​ന്നെ​ങ്കിൽ അവർ അമേരി​ക്കൻ വൻകര​ക​ളി​ലെ തദ്ദേശ നിവാ​സി​കളെ കവർച്ച, ദണ്ഡനം, ബലാൽസം​ഗം, കൊല എന്നിവക്ക്‌ ഇരകളാ​ക്കു​ക​യി​ല്ലാ​യി​രു​ന്നു.

അതു​കൊണ്ട്‌ താക്കോ​ലാ​യി ഉതകുന്ന കാതലായ ക്രിസ്‌തീയ ഗുണം സ്‌നേ​ഹ​മാണ്‌. സ്‌നേ​ഹ​ത്തി​ന്റെ ലക്ഷ്യം എന്തായി​രി​ക്കണം? ഈ സ്‌നേഹം ആരോ​ടാണ്‌ പ്രകടി​പ്പി​ക്കേ​ണ്ടത്‌? യേശു നമ്മോട്‌ പറയുന്നു: “നിങ്ങൾ നിങ്ങളു​ടെ ദൈവ​മായ യഹോ​വയെ പൂർണ്ണ​ഹൃ​ദ​യ​ത്തോ​ടും പൂർണ്ണ​ദേ​ഹി​യോ​ടും പൂർണ്ണ​മ​ന​സ്സോ​ടും കൂടെ സ്‌നേ​ഹി​ക്കണം. ഇതത്രെ ഏററവും പ്രധാ​ന​പ്പെ​ട്ട​തും ഒന്നാമ​ത്തെ​തും ആയ കല്‌പന. രണ്ടാമ​ത്തേ​തും, അതു​പോ​ലെ, ഇതാണ്‌, ‘നീ നിന്റെ അയൽക്കാ​രനെ നിന്നെ​പ്പോ​ലെ തന്നെ സ്‌നേ​ഹി​ക്കണം.’”—മത്തായി 22:37-39.

വാസ്‌ത​വ​ത്തിൽ ഒരു ക്രിസ്‌ത്യാ​നി​യു​ടെ സ്‌നേഹം ഇതിനു​മ​പ്പു​റം ചെല്ലുന്നു. യേശു ഇങ്ങനെ​യും പറഞ്ഞു: “നിങ്ങളു​ടെ ശത്രു​ക്കളെ സ്‌നേ​ഹി​ക്കു​ക​യും നിങ്ങളെ പീഡി​പ്പി​ക്കു​ന്ന​വർക്കാ​യി പ്രാർത്ഥി​ച്ചു​കൊ​ണ്ടി​രി​ക്കു​ക​യും ചെയ്യുക. സ്വർഗ്ഗ​ത്തി​ലുള്ള നിങ്ങളു​ടെ പിതാ​വി​ന്റെ പുത്രൻമാ​രാണ്‌ നിങ്ങൾ എന്ന്‌ തെളി​യി​ക്കു​ന്ന​തിന്‌ തന്നെ. കാരണം അവൻ തന്റെ സൂര്യൻ ദുഷ്ടജ​ന​ങ്ങ​ളു​ടെ മേലും നീതി​കെ​ട്ട​വ​രു​ടെ മേലും ഉദിക്കാ​നി​ട​യാ​ക്കു​ന്നു.” (മത്തായി 5:44, 45) മററു​വാ​ക്കു​ക​ളിൽ ഒരു ക്രിസ്‌ത്യാ​നി​യു​ടെ സ്‌നേഹം എല്ലാവ​രെ​യും ആശ്ലേഷി​ക്കു​ന്നു! പക്ഷേ ഇതിന്‌ എന്ത്‌ പ്രാ​യോ​ഗിക അർത്ഥം ആണുള്ളത്‌?

നാം ദൈവത്തെ വാസ്‌ത​വ​മാ​യി സ്‌നേ​ഹി​ക്കു​ന്നെ​ങ്കിൽ

ദൈവത്തെ സ്‌നേ​ഹി​ക്കാൻ നാം വാസ്‌ത​വ​മാ​യി ആഗ്രഹി​ക്കു​ന്നെ​ങ്കിൽ നാം അവനെ ഏറെ നന്നായി അറി​യേ​ണ്ട​തുണ്ട്‌. ബൈബിൾ പ്രദാനം ചെയ്‌തു​കൊണ്ട്‌ അവൻതന്നെ ഇത്‌ സാദ്ധ്യ​മാ​ക്കി​യി​രി​ക്കു​ന്നു. അത്‌ ഫലത്തിൽ അവനിൽനി​ന്നുള്ള കത്താണു​താ​നും. നമ്മുടെ പ്രിയ​പ്പെട്ട ആരിൽ നിന്നെ​ങ്കി​ലും നമുക്ക്‌ ഒരു കത്ത്‌ കിട്ടി​യാൽ നാം എത്ര തിരക്കു​ള്ള​വ​രാ​യി​രു​ന്നാ​ലും ഉടനെ അത്‌ വായി​ക്കും. ബൈബിൾ വായി​ക്കു​ന്ന​തിൽ ഇതിൽനിന്ന്‌ എന്ത്‌ വ്യത്യാ​സ​മാ​ണു​ള്ളത്‌? ഒന്നും തന്നെയില്ല. ഇന്ന്‌ പലരു​ടെ​യും ജീവിതം ശ്രദ്ധ പതറി​ക്കുന്ന കാര്യങ്ങൾ കൊണ്ട്‌ നിറഞ്ഞി​രി​ക്കു​ന്നു എന്നതും മിക്കവ​രും ശ്രദ്ധാ​പൂർവ്വ​ക​മായ വായന​ക്കു​പ​കരം ടെലി​വി​ഷൻ നിരീ​ക്ഷി​ക്കാ​നാണ്‌ പ്രിയ​പ്പെ​ടു​ന്നത്‌ എന്നുള്ള​തും സത്യം​തന്നെ. പക്ഷെ ബൈബിൾ വായന​യിൽ നിന്നും തങ്ങളെ തടയാൻ യഥാർത്ഥ​ക്രി​സ്‌ത്യാ​നി​കൾ അവയെ അനുവ​ദി​ക്കു​ക​യില്ല. അവർ പിൻവ​രുന്ന വാക്കു​ക​ളെ​ഴു​തിയ സങ്കീർത്ത​ന​ക്കാ​ര​നെ​പ്പോ​ലെ ആയിത്തീ​രു​ന്നു: “എന്റെ ദേഹി നിന്റെ ഓർമ്മ​പ്പെ​ടു​ത്ത​ലു​കൾ കാത്തി​രി​ക്കു​ന്നു. [അവ ഇന്ന്‌ ബൈബി​ളിൽ കാണ​പ്പെ​ടു​ന്നു], ഞാൻ അവയെ അത്യധി​ക​മാ​യി പ്രിയ​പ്പെ​ടു​ക​യും ചെയ്യുന്നു.”—സങ്കീർത്ത​നങ്ങൾ 119:167.

ബൈബി​ളിൽ താൻ പ്രവർത്തി​ക്കാ​നാ​ഗ്ര​ഹി​ക്കുന്ന വിധം സംബന്ധിച്ച്‌ ദൈവം നമ്മോട്‌ പറയുന്നു. തങ്ങളുടെ കുട്ടി​ക​ളു​ടെ നടപ്പിന്‌ മാതാ​പി​താ​ക്കൾ പ്രമാ​ണങ്ങൾ വയ്‌ക്കു​ന്ന​തു​പോ​ലെ നാം പ്രമാ​ണി​ക്ക​ണ​മെന്ന്‌ യഹോ​വ​യാ​ഗ്ര​ഹി​ക്കുന്ന ചില നിലവാ​രങ്ങൾ അവനും വച്ചിട്ടുണ്ട്‌—നീക്കു​പോ​ക്കി​ല്ലാത്ത പ്രമാ​ണങ്ങൾ തന്നെ. ഉദാഹ​ര​ണ​ത്തിന്‌ ബൈബിൾ നമ്മോ​ടി​ങ്ങനെ പറയുന്നു: “പരസം​ഗി​കൾ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, പ്രകൃ​തി​വി​രു​ദ്ധോ​ദ്ദേ​ശ്യ​ങ്ങൾക്കാ​യി കാക്ക​പ്പെ​ട്ടി​രി​ക്കുന്ന പുരു​ഷൻമാർ കള്ളൻമാർ, അത്യാ​ഗ്ര​ഹി​കൾ, ദൂഷകൻമാർ, കവർച്ച​ക്കാർ, എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” (1 കൊരി​ന്ത്യർ 6:9, 10) ഒരു നീണ്ട പട്ടിക തന്നെ! പക്ഷേ ദൈവത്തെ യഥാർത്ഥ​മാ​യി സ്‌നേ​ഹി​ക്കുന്ന ഏതൊ​രു​വ​നും അത്‌ കുറി​ക്കൊ​ള്ളു​ന്ന​തിന്‌ സന്തോ​ഷ​മു​ണ്ടാ​യി​രി​ക്കും. എന്തു​കൊണ്ട്‌? കാരണം, യോഹ​ന്നാൻ അപ്പോ​സ്‌തലൻ ചൂണ്ടി​ക്കാ​ട്ടി​യത്‌ പോലെ: “ദൈവ​ത്തോ​ടുള്ള സ്‌നേ​ഹ​ത്തി​ന്റെ അർത്ഥം ഇതാണ്‌, നാം അവന്റെ കൽപ്പനകൾ പ്രമാ​ണി​ക്കു​ന്നത്‌ തന്നെ.”—1 യോഹ​ന്നാൻ 5:3.

ഖേദക​ര​മാ​യ സംഗതി ബൈബി​ളിൽ കുററം​വി​ധി​ക്ക​പ്പെ​ട്ടി​രി​ക്കുന്ന ആചാര​ങ്ങ​ളിൽ പലതും ഇന്ന്‌ “ക്രൈ​സ്‌തവ” ജനങ്ങളു​ടെ ഇടയിൽ പോലും അംഗീകാരയോഗ്യമായിത്തീർന്നുകൊണ്ടിരിക്കുന്നു എന്നതാണ്‌. സ്വവർഗ്ഗ​ര​തി​ക്കാ​രെ​ക്കൂ​ടി വൈദീ​ക​ശു​ശ്രൂ​ഷ​ക​രാ​യി നിയോ​ഗി​ക്കുന്ന കാര്യം പരിഗ​ണി​ക്കു​ന്ന​തിന്‌ ശുപാർശ ചെയ്‌തു​കൊണ്ട്‌ പ്രൊ​ട്ട​സ്‌റ​റൻറ്‌ വിഭാഗം പുറത്തി​റ​ക്കിയ ഒരു റിപ്പോർട്ട്‌ വിവാഹം കൂടാ​തെ​യുള്ള ലൈം​ഗീ​കത ചില പ്രത്യേക സാഹച​ര്യ​ങ്ങ​ളിൽ അംഗീ​കാ​ര​യോ​ഗ്യ​മാ​ണെന്ന്‌ ഉറപ്പായി പ്രസ്‌താ​വി​ക്കു​ക​യും വൈവാ​ഹിക വിശ്വ​സ്‌തത വ്യഭി​ചാ​രത്തെ തടയു​ന്നില്ല എന്ന്‌ അഭി​പ്രാ​യ​പ്പെ​ടു​ക​യും ചെയ്‌തു. ആ റിപ്പോർട്ടി​ന്റെ ഉപജ്ഞാ​താ​ക്കൾക്ക്‌ തങ്ങൾ വിശാല ഹൃദയ​രും കരുത​ലു​ള്ള​വ​രു​മാ​ണെന്ന്‌ പുറമെ ധാരണ​യു​ണ്ടാ​ക​ണ​മെന്ന്‌ ആഗ്രഹം ഉണ്ടായി​രു​ന്നു എന്നതിന്‌ സംശയ​മില്ല. പക്ഷെ ദൈവ​ത്തോ​ടോ അത്തരം അധാർമ്മീക നടപടി​ക​ളിൽ അവർ ആരെ പ്രോ​ത്സാ​ഹി​പ്പി​ക്കു​ന്നു​വോ അവരോ​ടോ അവർ സ്‌നേഹം കാണി​ക്കു​ക​യാ​യി​രു​ന്നു​വോ? ഒരിക്ക​ലും അല്ല. കാരണം അത്തരം കാര്യങ്ങൾ ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്ന്‌ പൗലോസ്‌ പറഞ്ഞു. ദൈവ​ത്തി​ന്റെ പ്രമാ​ണ​ങ്ങ​ളോട്‌ ഭയലേ​ശ​മെ​ന്യെ പററി​നിൽക്കു​ന്ന​തും, വിനാ​ശ​ത്തി​ലേക്ക്‌ നയിക്കുന്ന ഒരു എളുപ്പ​മാർഗ്ഗം പിന്തു​ട​രാൻ വികാ​ര​ത്തി​ന​ടി​പ്പെട്ട്‌ മററു​ള്ള​വരെ പ്രോ​ത്സാ​ഹി​പ്പി​ക്കു​ന്ന​തിന്‌ പകരം അങ്ങനെ ചെയ്യാൻ ദുർബ​ലരെ സഹായി​ക്കു​ന്ന​തും എത്ര സ്‌നേ​ഹ​പൂർവ്വ​ക​മാ​യി​രി​ക്കും!”

മററ​ള്ള​വ​രു​മാ​യി പങ്കുവ​യ്‌ക്കാൻ പ്രേരി​ത​രാ​യി

നാം ബൈബിൾ വായി​ക്കു​മ്പോൾ മനുഷ്യ​വർഗ്ഗ​ത്തി​നു​വേണ്ടി ദൈവം ഉദ്ദേശി​ച്ചി​രി​ക്കുന്ന അത്ഭുത​കാ​ര്യ​ങ്ങളെ സംബന്ധി​ച്ചു​കൂ​ടെ നാം ഗ്രഹി​ക്കാ​നി​ട​യാ​കു​ന്നു. “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌ ദൈവം അവനെ നൽകു​വാൻ തക്കവണ്ണം ലോകത്തെ സ്‌നേ​ഹി​ച്ചു.” (യോഹ​ന്നാൻ 3:16) ഇതേ യേശു​വി​ന്റെ കീഴി​ലുള്ള തന്റെ രാജ്യ​ത്തി​ലൂ​ടെ ഭൂമി​യിൽ നിന്ന്‌ ദുഷ്ടത തുടച്ചു​നീ​ക്കി ഒരു സമാധാന സമ്പൂർണ്ണ​മായ പറുദീ​സാ വ്യവസ്ഥി​തി പകരം കൊണ്ടു​വ​രാ​നുള്ള ദൈവ​ത്തി​ന്റെ ഉദ്ദേശ്യ​ത്തെ​ക്കു​റി​ച്ചും നാം ഗ്രഹി​ച്ചി​രി​ക്കു​ന്നു. (മത്തായി 6:9, 10; വെളി​പ്പാട്‌ 21:3, 4) ബൈബിൾ വാഗ്‌ദാ​നം ചെയ്യു​ന്ന​പ്ര​കാ​രം: “കുറച്ചു​കാ​ലം കൂടി കഴിഞ്ഞാൽ ദുഷ്ടൻ മേലാൽ ഉണ്ടായി​രി​ക്കു​ക​യില്ല . . . എന്നാൽ സൗമ്യ​ത​യു​ള്ളവർ ഭൂമിയെ അവകാ​ശ​മാ​ക്കും, സമാധാന സമൃദ്ധി​യിൽ അവർ പരമാ​നന്ദം കണ്ടെത്തും.”—സങ്കീർത്തനം 37:10, 11.

വാസ്‌ത​വ​ത്തിൽ മാനവ​രാ​ശിക്ക്‌ ആവശ്യ​മാ​യി​രി​ക്കു​ന്ന​തെ​ന്തോ കൃത്യ​മാ​യി അതുത​ന്നെ​യാണ്‌ ബൈബി​ളി​ന്റെ സന്ദേശ​വും. ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ ദരി​ദ്ര​നാ​ടു​ക​ളിൽ തങ്ങൾ കാണുന്ന പട്ടിണി​യും അനീതി​യും നിമിത്തം ശ്രദ്ധ പതറി​ക്ക​പ്പെ​ട്ടിട്ട്‌ അവർ രാഷ്‌ട്രീ​യ​ത്തി​ലി​റ​ങ്ങു​ക​യും വിപ്ലവ​ത്തി​ലേർപ്പെ​ടു​ക​പോ​ലും ചെയ്യുന്നു എന്ന്‌ കാണു​ന്നത്‌ പരിതാ​പ​ക​ര​മാ​യി​രി​ക്കു​ന്നത്‌ അതു​കൊ​ണ്ടാണ്‌. വിപ്ലവം ആ രാജ്യ​ങ്ങ​ളി​ലെ പ്രശ്‌നങ്ങൾ പരിഹ​രി​ക്കു​ക​യില്ല. ആ മിഷന​റി​മാർ വാസ്‌ത​വ​ത്തിൽ ദൈവത്തെ സ്‌നേ​ഹി​ക്കു​ന്ന​വ​രാ​ണോ? അങ്ങനെ​യെ​ങ്കിൽ, അവർ അവന്റെ വാഗ്‌ദ​ത്ത​ങ്ങ​ളിൽ വിശ്വാ​സ​മർപ്പി​ക്കു​ക​യും അവന്റെ രാജ്യ​ത്തി​ലേക്ക്‌ അവരുടെ ശ്രദ്ധ തിരി​ക്കു​ക​യും ചെയ്യു​ക​യി​ല്ലേ? ആട്ടിൻപ​റ​റത്തെ വാസ്‌ത​വ​മാ​യി സ്‌നേ​ഹി​ക്കുന്ന ഇടയൻമാർ, നിഷ്‌ഫ​ല​ത​യിൽ മാത്രം കലാശി​ക്കുന്ന രാഷ്‌ട്രീയ പദ്ധതി​ക​ളിൽ അവരെ ഉൾപ്പെ​ടു​ത്തു​ന്ന​തിന്‌ പകരം ദൈവ​ത്തി​ന്റെ നിയമ​ങ്ങ​ളോ​ടുള്ള അനുസ​ര​ണ​ത്തിന്‌ ഇപ്പോൾ പോലും അവരെ എങ്ങനെ സഹായി​ക്കാൻ കഴിയും എന്നു തീർച്ച​യാ​യും കാണിച്ചു കൊടു​ക്കും.

ജീവനുള്ള യാതൊ​രു വ്യക്തിക്ക്‌ പോലും തന്നിൽ തന്നെ അടക്കി​വ​യ്‌ക്കാൻ കഴിയാ​ത​വണ്ണം ബൈബി​ളി​ന്റെ ദൂത്‌ അത്ര ആശ്ചര്യാ​വ​ഹ​മാണ്‌. അതു​കൊ​ണ്ടാണ്‌ തങ്ങളറി​യു​ന്നത്‌ മററു​ള്ള​വ​രു​മാ​യി പങ്കുവ​യ്‌ക്കാൻ സ്‌നേഹം യഥാർത്ഥ ക്രിസ്‌ത്യാ​നി​കളെ പ്രചോ​ദി​പ്പി​ക്കു​ന്നത്‌. ക്രൈ​സ്‌ത​വ​ലോ​ക​ത്തിൽ ബൈബി​ളി​നെ​ക്കു​റിച്ച്‌ മററു​ള്ള​വ​രോട്‌ സംസാ​രി​ക്കുന്ന ജോലി ഒരു തൊഴി​ലെ​ന്ന​വണ്ണം അത്‌ ചെയ്യുന്ന, വേതനം പററുന്ന ഒരു ചെറിയ വർഗ്ഗ​ത്തെ​യാണ്‌—വൈദീ​ക​രെ​യാണ്‌—ഏൽപ്പി​ച്ചി​രി​ക്കു​ന്നത്‌. ഇതിന്‌ മോശ​മായ പ്രത്യാ​ഘാ​തങ്ങൾ ഉണ്ടായി​ട്ടുണ്ട്‌. ക്രിസ്‌ത്യാ​നി​ത്വം ഇന്ന്‌ എന്ന മാസി​ക​യിൽ ഒരു ലൂഥറൻ പാസ്‌ററർ ഏററു​പ​റ​ഞ്ഞ​തു​പോ​ലെ: “തങ്ങൾ ചെയ്യുന്ന അതേ വേല ചെയ്യാൻ വിശ്വാ​സി​ക​ളു​ടെ ഒരു സംഘത്തെ പരിശീ​ലി​പ്പി​ക്കാൻ ആത്മീയ നായകൻമാർ പരാജ​യ​പ്പെ​ട്ടി​രി​ക്കു​ന്ന​തു​കൊണ്ട്‌ സഭയിന്ന്‌ ബലഹീ​ന​മാണ്‌! അല്ലെങ്കിൽ ആ ശുശ്രൂഷ തിരി​ച്ച​റി​യാ​നും സ്വീക​രി​ക്കാ​നും വിശ്വാ​സി​കൾ പരാജ​യ​പ്പെ​ട്ട​താ​വും കാരണം.”

യഥാർത്ഥ ക്രിസ്‌ത്യാ​നി​കൾ “അത്തര​മൊ​രു ശുശ്രൂഷ തിരി​ച്ച​റി​യു​ക​യും സ്വീക​രി​ക്കു​ക​യും ചെയ്‌തി​രി​ക്കു​ന്നു.” അവർ അപ്പോ​സ്‌ത​ല​നായ പൗലോ​സി​ന്റെ പിൻവ​രുന്ന വാക്കുകൾ ഗൗരവ​മാ​യെ​ടു​ക്കു​ന്നു: “വാഗ്‌ദത്തം ചെയ്‌തവൻ വിശ്വ​സ്‌ത​നാ​ക​യാൽ, നമ്മുടെ പ്രത്യാ​ശ​യു​ടെ പരസ്യ​പ്ര​ഖ്യാ​പനം നമുക്ക്‌ മുറുകെ പിടി​ക്കാം.” (എബ്രായർ 10:23) അവരുടെ ആന്തരമോ? പൗലോസ്‌ അപ്പോ​സ്‌ത​ല​നാൽ പിൻവ​രുന്ന വാക്കു​ക​ളി​ലൂ​ടെ ഊഷ്‌മ​ള​മാ​യി പ്രശം​സി​ക്ക​പ്പെട്ട ഒന്നാം നൂററാ​ണ്ടി​ലെ ഒരു സംഘം ക്രിസ്‌ത്യാ​നി​കൾക്കു​ണ്ടാ​യി​രുന്ന അതേ ആന്തരം തന്നെ: “അവർ ക്രിസ്‌തു​വി​നെ സ്‌നേ​ഹ​ത്തിൽ നിന്ന്‌ പരസ്യ​പ്പെ​ടു​ത്തു​ന്നു.”—ഫിലി​പ്യർ 1:16.

സഹക്രി​സ്‌ത്യാ​നി​ക​ളോ​ടുള്ള സ്‌നേഹം

അതെ യഥാർത്ഥ ക്രിസ്‌ത്യാ​നി​ക​ളു​ടെ ജീവി​ത​ത്തി​ന്റെ എല്ലാ വശങ്ങ​ളെ​യും ബാധി​ക്കു​ന്ന​തു​കൊണ്ട്‌ സ്‌നേ​ഹ​മാണ്‌ യഥാർത്ഥ ക്രിസ്‌ത്യാ​നി​ത്വ​ത്തി​ന്റെ താക്കോൽ. അവർ ആ വിധത്തിൽ തങ്ങൾക്ക്‌ ചുററു​മുള്ള ആളുക​ളിൽ നിന്ന്‌ വ്യത്യ​സ്ഥ​രാ​യി​രി​ക്കു​ന്നു. എന്തു​കൊണ്ട്‌? ഈ ലോക​ത്തെ​ക്കു​റിച്ച്‌ യോഹ​ന്നാൻ അപ്പോ​സ്‌തലൻ ഇങ്ങനെ പറഞ്ഞു: “മുഴു​ലോ​ക​വും ദുഷ്ടനാ​യ​വന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ദുഷ്ടനാ​യവൻ പിശാ​ചായ സാത്താ​നാണ്‌, ലോകം അതിന്റെ പ്രവൃ​ത്ത​ന​ങ്ങ​ളി​ലൂ​ടെ അവന്റെ മൂല്യ​ങ്ങളെ പ്രതി​ഫ​ലി​പ്പി​ക്കു​ന്നു. വ്യാപ​ക​മായ സത്യസ​ന്ധ​ത​യി​ല്ലായ്‌മ, അധാർമ്മീ​കത, അനീതി, വംശസം​ഘർഷം, സാമ്പത്തിക അനീതി തുടങ്ങി ഇന്നു നിലവി​ലുള്ള കാര്യ​ങ്ങ​ളിൽ അവന്റെ സ്വാധീ​നം കാണ​പ്പെ​ടു​ന്നു. സ്‌നേ​ഹി​ക്കുന്ന ഒരു ദൈവത്തെ ആരാധി​ച്ചു​കൊണ്ട്‌ സ്‌നേ​ഹ​ഗു​ണം വളർത്തി​യെ​ടു​ത്തു​കൊണ്ട്‌ അവനെ പകർത്തുന്ന ഒരു ക്രിസ്‌ത്യാ​നി വ്യത്യ​സ്ഥ​നാ​യി​രു​ന്നേ​പ​ററു!

ഇത്‌ ഒററക്ക്‌ ചെയ്യുക എളുപ്പമല്ല. അതു​കൊണ്ട്‌ സ്‌നേഹം എന്ന ഗുണ​ത്തോട്‌ ഇതു​പോ​ലെ വിലമ​തി​പ്പുള്ള മററു​ള്ള​വരെ അന്വേ​ഷി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ക​കൂ​ടി ചെയ്യുന്നു. അങ്ങനെ ക്രിസ്‌ത്യാ​നി​കൾക്ക്‌ പരസ്‌പരം സഹായി​ക്കാൻ കഴിയും. അതു​കൊ​ണ്ടാണ്‌ അപ്പോ​സ്‌ത​ല​നായ പൗലോസ്‌ ഈ പ്രോ​ത്സാ​ഹ​ജ​ന​ക​മായ വാക്കു​ക​ളെ​ഴു​തി​യത്‌: “നമ്മുടെ ഒന്നിച്ചുള്ള കൂടി​വ​ര​വി​നെ ഉപേക്ഷി​ക്കാ​തെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും ഉത്തേജനം ലഭിക്കു​മാറ്‌ നമുക്ക്‌ പരസ്‌പരം പരിഗണന കാണി​ക്കാം, . . . അന്യോ​ന്യം പ്രോ​ത്സാ​ഹി​പ്പി​ച്ചു​കൊണ്ട്‌ തന്നെ.”—എബ്രായർ 10:23-25.

ആ പ്രോ​ത്സാ​ഹ​ന​ത്തോട്‌ പ്രതി​ക​രി​ക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ, തങ്ങളുടെ ജീവി​ത​ത്തിൽ ദൈവീ​ക​സ്‌നേഹം പ്രകടി​പ്പി​ക്കാൻ കഠിനാ​ദ്ധാ​നം ചെയ്യുന്ന ഒരു കൂട്ടം ആളുകളെ നിങ്ങൾക്ക്‌ പരിച​യ​പ്പെ​ടു​ത്താൻ യഹോ​വ​യു​ടെ സാക്ഷികൾ സന്തോ​ഷ​മു​ള്ളവർ ആയിരി​ക്കും. നിങ്ങളു​ടെ പ്രദേ​ശത്ത്‌ അങ്ങനെ​യൊ​രു കൂട്ടം ഉണ്ടായി​രി​ക്കു​മെ​ന്നു​ള്ള​തിന്‌ സംശയ​മില്ല, അവരു​ടെ​മേൽ ദൈവാ​ത്മാവ്‌ ഉണ്ടുതാ​നും, കാരണം, ആത്യന്തി​ക​മായ വിശക​ല​ന​ത്തിൽ അതാണ്‌ യഥാർത്ഥ ക്രിസ്‌തീയ സ്‌നേ​ഹ​ത്തി​ന്റെ ഉറവ്‌. “ആത്മാവി​ന്റെ ഫലമോ സ്‌നേഹം തന്നെ.” (ഗലാത്യർ 5:22) അവരോ​ടൊത്ത്‌ സഹവസി​ക്കു​ന്നത്‌ പത്രോസ്‌ അപ്പോ​സ്‌ത​ലന്റെ പ്രോ​ത്സാ​ഹ​ന​ത്തിന്‌ ചെവി​കൊ​ടു​ക്കാൻ നിങ്ങളെ സഹായി​ക്കും: “സഹോ​ദ​രൻമാ​രു​ടെ മുഴു സംഘ​ത്തോ​ടും സ്‌നേഹം ഉണ്ടായി​രി​ക്കുക.”—1 പത്രോസ്‌ 2:17.

സ്‌നേഹം വളർത്തി​യെ​ടു​ക്കുക

ദൈവത്തെ സേവി​ക്കാൻ കഠിനാ​ദ്ധ്വാ​നം ചെയ്‌ത​ശേഷം യേശു​വി​ന്റെ ഈ വിധി​നിർണ്ണാ​യ​ക​മായ വാക്കുകൾ കേൾക്കേ​ണ്ടി​വ​രുന്ന കൂട്ടത്തി​ലാ​യി​രി​ക്കു​ന്നത്‌ എത്ര പരിതാ​പ​ക​ര​മാണ്‌: “ഞാൻ നിങ്ങളെ ഒരു നാളും അറിഞ്ഞി​ട്ടില്ല! അധർമ്മം പ്രവർത്തി​ക്കു​ന്ന​വരെ, എന്നെവിട്ട്‌ പോകു​വിൻ.” (മത്തായി 7:23) യഥാർത്ഥ ക്രിസ്‌ത്യാ​നി​ത്വ​ത്തി​ലേ​ക്കുള്ള താക്കോ​ലായ സ്‌നേഹം നാം വളർത്തി​യെ​ടു​ത്താൽ അത്‌ നമുക്ക്‌ സംഭവി​ക്കു​ക​യില്ല. ബൈബിൾ വായി​ക്കു​ന്ന​തി​നും അതിന്റെ പ്രമാ​ണ​ങ്ങൾക്ക​നു​സ​രിച്ച്‌ ജീവി​ക്കു​ന്ന​തി​നും മററു ക്രിസ്‌ത്യാ​നി​ക​ളോ​ടൊത്ത്‌ സഹവസി​ക്കു​ന്ന​തി​നും ബൈബി​ളി​ല​ട​ങ്ങി​യി​രി​ക്കുന്ന നല്ല കാര്യങ്ങൾ മററു​ള്ള​വ​രോട്‌ പറയു​ന്ന​തി​നും സ്‌നേഹം നമ്മെ പ്രചോ​ദി​പ്പി​ക്കും. അതെ, നാം ചെയ്യു​ന്ന​തി​നാ​യി ദൈവം ആഗ്രഹി​ക്കുന്ന കാര്യങ്ങൾ നിർവ്വ​ഹി​ക്കാൻ സ്‌നേഹം നമ്മെ പ്രേരി​പ്പി​ക്കും. കൂടാതെ, യേശു പറഞ്ഞതു​പോ​ലെ, “സ്വർഗ്ഗ​സ്ഥ​നായ [തന്റെ] പിതാ​വി​ന്റെ ഇഷ്ടം ചെയ്യു​ന്ന​വ​ന​ത്രെ” ദൈവ​ത്തി​ന്റെ വാഗ്‌ദ​ത്തങ്ങൾ അവകാ​ശ​മാ​ക്കു​ന്നത്‌. അപ്പോ​സ്‌ത​ല​നായ യോഹ​ന്നാൻ ഇങ്ങനെ കൂട്ടി​ച്ചേർത്തു: “ദൈ​വേഷ്ടം ചെയ്യു​ന്ന​വ​നോ എന്നെ​ന്നേ​ക്കും നിലനിൽക്കും.”—മത്തായി 7:21; 1 യോഹ​ന്നാൻ 2:17.

അതെ, സ്‌നേഹം വളർത്തി​യെ​ടു​ക്കുക. അത്‌ ദൈ​വേഷ്ടം ചെയ്യാൻ നിങ്ങളെ പ്രേരി​പ്പി​ക്കട്ടെ. അങ്ങനെ, ഒരു യഥാർത്ഥ ക്രിസ്‌ത്യാ​നി​യാ​ണെന്ന്‌ നിങ്ങൾ സ്വയം തെളി​യി​ക്കും, കാരണം യേശു ഇങ്ങനെ പറഞ്ഞു: “നിങ്ങൾക്കു തമ്മിൽ സ്‌നേഹം ഉണ്ടെങ്കിൽ ഇതിനാൽ നിങ്ങ​ളെന്റെ ശിഷ്യ​രാണ്‌ എന്നു സകലരും അറിയും. (യോഹ​ന്നാൻ 13:35) തന്നെ സ്‌നേ​ഹി​ക്കു​ന്ന​വർക്കു​വേണ്ടി ദൈവം വാഗ്‌ദാ​നം ചെയ്‌തി​രി​ക്കുന്ന നിത്യ​പ്ര​തി​ഫ​ലങ്ങൾ നിങ്ങൾ ആസ്വദി​ക്കു​ക​യും ചെയ്യും. (w86 6/1)

[7-ാം പേജിലെ ചിത്രം]

സ്‌നേഹം വളർത്തി​യെ​ടു​ക്കുക