പൂർണ്ണ​ഹൃ​ദ​യ​ത്തോ​ടെ യഹോ​വയെ സേവി​ക്കാൻ ഉറച്ചി​രി​ക്കു​ന്നു

“ഒരു പൂർണ്ണ​ഹൃ​ദ​യ​ത്തോ​ടും ആഹ്ലാദ​ക​ര​മായ ദേഹി​യോ​ടും​കൂ​ടെ അവനെ സേവി​ക്കുക; എന്തെന്നാൽ സകല ഹൃദയ​ങ്ങ​ളെ​യും യഹോവ പരി​ശോ​ധി​ക്കു​ക​യാ​കു​ന്നു, ചിന്തക​ളു​ടെ സകല ചായ്‌വി​നെ​യും അവൻ വിവേ​ചി​ക്കു​ക​യാ​കു​ന്നു.”—1 ദിനവൃ​ത്താ​ന്തം 28:9.

1. ഒന്നു ദിനവൃ​ത്താ​ന്തം 28:9 ഏതു ചോദ്യ​ങ്ങൾ ഉന്നയി​ക്കു​ന്നു?

മേലു​ദ്ധ​രിച്ച തിരു​വെ​ഴുത്ത്‌ ഹൃദയത്തെ സംബന്ധി​ച്ചു ചില ചോദ്യ​ങ്ങൾ ഉന്നയി​ക്കു​ന്നു. അത്‌ ശാരീ​രിക ഹൃദയ​ത്തെ​യാ​ണു പരാമർശി​ക്കു​ന്ന​തെ​ങ്കിൽ ഒരു വ്യക്തിക്ക്‌ ഒരു പൂർണ്ണ​ഹൃ​ദ​യ​ത്തിൽ കുറഞ്ഞ ഒന്നുമാ​യി എങ്ങനെ ജീവി​ക്കാൻ കഴിയും? ദൃഷ്ടാ​ന്ത​മാ​യി, പകുതി ഹൃദയ​വു​മാ​യി ആർക്കെ​ങ്കി​ലും ജീവി​ക്കാൻ കഴിയു​മോ? ആധുനി​ക​നാ​ളി​ലെ ഒരു ഹൃ​ദ്രോ​ഗ​വി​ദ​ഗ്‌ദ്ധ​നെ​പ്പോ​ലെ യഹോവ ശാരീ​രിക ഹൃദയ​ത്തി​ന്റെ വൈക​ല്യ​ങ്ങൾ പരി​ശോ​ദി​ച്ചു കണ്ടുപി​ടി​ക്കു​ന്നു​ണ്ടോ? ചിന്തക​ളു​ടെ ചായ്‌വു​കളെ സംബന്ധി​ച്ചാ​ണെ​ങ്കിൽ, ചിന്തകൾ നമ്മുടെ ഹൃദയ​ത്തി​ലാ​ണോ വസിക്കു​ന്നത്‌? ചില ബൈബിൾ പരാമർശങ്ങൾ അങ്ങനെ പറയു​ന്ന​താ​യി തോന്നു​ന്നു; ‘ഹൃദയ​ത്തി​ന്റെ ചിന്തക​ളു​ടെ ചായ്‌വി​നെ’ക്കുറിച്ച്‌ പറയു​ന്നു​ണ്ട​ല്ലോ. (ഉല്‌പത്തി 6:5; 1 ദിനവൃ​ത്താ​ന്തം 29:18) യഹോവ നമ്മുടെ ചിന്തകളെ വിവേ​ചി​ക്കാൻ നമ്മുടെ ശാരീ​രിക ഹൃദയ​ങ്ങളെ പരി​ശോ​ധി​ക്കു​ന്നു​ണ്ടോ? ‘ഒരു പൂർണ്ണ​ഹൃ​ദ​യ​ത്തോ​ടെ അവനെ സേവി​ക്കുക’യെന്നതി​നാൽ യഥാർത്ഥ​ത്തിൽ എന്താണർത്ഥ​മാ​ക്ക​പ്പെ​ടു​ന്നത്‌?

2. പുരാതന ഈജി​പ്‌റ​റു​കാ​രും ബാബി​ലോ​ന്യ​രും ഗ്രീക്ക്‌ തത്വശാ​സ്‌ത്ര​ജ്ഞ​നായ അരിസ്‌റേ​റാ​ട്ടി​ലും ഹൃദയത്തെ സംബന്ധിച്ച്‌ എന്തു വിശ്വാ​സങ്ങൾ പുലർത്തി?

² ശാരീ​രി​ക​ഹൃ​ദയം ബുദ്ധി​ശ​ക്തി​യു​ടെ​യും വികാ​ര​ങ്ങ​ളു​ടെ​യും ഇരിപ്പി​ട​മാ​ണെന്ന്‌ പുരാതന ഈജി​പ്‌റ​റു​കാർ വിശ്വ​സി​ച്ചി​രു​ന്നു. അതിന്‌ സ്വന്തം ഇച്ഛയു​ണ്ടെ​ന്നും അവർ വിശ്വ​സി​ച്ചു. ഹൃദയം ബുദ്ധി​ശ​ക്തി​യു​ടെ​യും സ്‌നേ​ഹ​ത്തി​ന്റെ​യും വാസസ്ഥ​ല​മാ​ണെന്ന്‌ ബാബി​ലോ​ന്യർ പറഞ്ഞു. അത്‌ ഇന്ദ്രി​യ​ങ്ങ​ളു​ടെ ഇരിപ്പി​ട​മാ​ണെ​ന്നും ദേഹി​യു​ടെ മണ്ഡലമാ​ണെ​ന്നും ഗ്രീക്ക്‌ തത്വജ്ഞാ​നി​യായ അരിസ്‌റേ​റാ​ട്ടിൽ പഠിപ്പി​ച്ചു. എന്നാൽ കാലം കടന്നു​പോ​കു​ക​യും വിജ്ഞാനം വർദ്ധി​ക്കു​ക​യും ചെയ്‌ത​തോ​ടെ ഈ വീക്ഷണങ്ങൾ ത്യജി​ക്ക​പ്പെട്ടു. ഒടുവിൽ ഹൃദയം അതിന്റെ നിജസ്ഥി​തി​യിൽ അറിയ​പ്പെട്ടു—ശരീര​ത്തി​ലു​ട​നീ​ളം രക്തം സംക്ര​മി​പ്പി​ക്കു​ന്ന​തി​നുള്ള ഒരു പമ്പ്‌.

3. ഏതു വസ്‌തു​തകൾ ഹൃദയത്തെ ഭയാവ​ഹ​മാ​ക്കി​ത്തീർക്കു​ന്നു?

³ ഉവ്വ്‌, അതു മുഖ്യ​മാ​യി ഒരു പമ്പാണ്‌, എന്നാൽ എത്ര ഭയാവഹം! അതു നമ്മുടെ ജീവി​ത​ത്തി​ലെ ഓരോ സെക്കണ്ടി​ലും ജീവന്റെ ചുവന്ന നീരൊ​ഴു​ക്കി​നെ വിശ്വ​സ്‌ത​ത​യോ​ടെ പ്രവഹി​പ്പി​ക്കു​ന്നു! മുഷ്ടി​യെ​ക്കാൾ അല്‌പം കൂടെ വലിപ്പ​മു​ള്ള​തും ഒരു റാത്തലിൽ കുറഞ്ഞ തൂക്കമു​ള്ള​തു​മായ മനുഷ്യ​ഹൃ​ദയം ദിവസം 1,00,000 പ്രാവ​ശ്യം സ്‌പന്ദി​ക്കു​ക​യും ശരീര​ത്തി​ലെ 6000 മൈൽ ദൈർഘ്യ​മുള്ള ഹൃദയ​സം​വഹന വ്യവസ്ഥ​യി​ലൂ​ടെ ജീവരക്തം പമ്പു​ചെ​യ്യു​ക​യും ചെയ്യുന്നു—അനുദി​നം 2000 ഗ്യാലൻ; ഒരു ആയുഷ്‌ക്കാ​ലത്ത്‌ കോടി​ക്ക​ണ​ക്കി​നു ഗ്യാലൻ.a ഹൃദയ​സ്‌പ​ന്ദ​ന​ത്തിന്‌ തുടക്ക​മി​ടു​ന്നത്‌ കോശ​ങ്ങ​ളു​ടെ ഒരു കേന്ദ്രീ​ക​ര​ണ​ത്താ​ലാണ്‌, അവ അതിന്റെ ഗതി​വേഗം നിശ്ചയി​ക്കു​ക​യും ഹൃദയ​സ്‌പ​ന്ദ​ന​ത്തി​ന്റെ നിരക്കി​നെ ഭരിക്കുന്ന വൈദ്യു​ത ചോദ​നകൾ അയക്കു​ക​യും ചെയ്യുന്നു. ശരീര​ത്തി​ലെ മറെറാ​രു മാംസ​പേ​ശി​യും ഹൃദയ​ത്തെ​ക്കാൾ കഠിന​മാ​യും ദീർഘ​മാ​യും സ്ഥിരമാ​യും ദശാബ്ദങ്ങൾ തോറും പ്രവർത്തി​ക്കു​ന്നില്ല. വൈകാ​രിക സമ്മർദ്ദ​ത്തിൻ കീഴി​ലോ തീവ്ര​മായ വ്യായാമ സമയത്തോ അതിന്‌ അതിന്റെ നിർഗമം അഞ്ചുമ​ടങ്ങു വർദ്ധി​പ്പി​ക്കാൻ കഴിയും. ഹൃദയത്തെ നെഞ്ചിൽനിന്ന്‌ മാററി​യാ​ലും അതു കുറേ​സ​മയം തുടർന്ന്‌ സ്‌പന്ദി​ച്ചു​കൊ​ണ്ടി​രി​ക്കും. ഹൃദയ​ത്തിൽനിന്ന്‌ മുറിച്ചു മാററിയ കോശ​ങ്ങൾപോ​ലും അനുകൂല സാഹച​ര്യ​ങ്ങ​ളിൽ അങ്ങനെ ചെയ്യു​ന്ന​തിൽ തുടരും. തലച്ചോ​റി​നു മാത്രമേ ഹൃദയ​ത്തെ​ക്കാൾ കൂടുതൽ പോഷ​ണ​വും ഓക്‌സി​ജ​നും ആവശ്യ​മാ​യി​രി​ക്കു​ന്നു​ള്ളു.

4, 5. (എ) തിരു​വെ​ഴു​ത്തു​കൾ ഹൃദയ​ത്തിന്‌ ഏതു ഗുണങ്ങൾ ഉള്ളതായി പറയുന്നു? (ബി) തിരു​വെ​ഴു​ത്തു​ക​ള​നു​സ​രിച്ച്‌, ഏതു വികാ​ര​ങ്ങ​ളും പ്രേര​ണ​ക​ളും ഹൃദയ​ത്തിൽ വസിക്കു​ന്നു?

⁴ ദൈവ​വ​ചനം ഹൃദയ​ത്തെ​ക്കു​റിച്ച്‌ ഏകദേശം ആയിരം പ്രാവ​ശ്യം പറയു​ന്നുണ്ട്‌. അവയിൽ ചുരുക്കം ചിലത്‌ അക്ഷരീയ ഹൃദയ​ത്തെ​യാണ്‌ പരാമർശി​ക്കു​ന്നത്‌. മററു ചിലത്‌ ഒരു വസ്‌തു​വി​ന്റെ കേന്ദ്രത്തെ അഥവാ മദ്ധ്യത്തെ പരാമർശി​ക്കു​ന്നു, “സമുദ്ര ഹൃദയ​ത്തിൽ,” “ഭൂമി​യു​ടെ ഹൃദയ​ത്തിൽ” എന്നിങ്ങനെ. (യെഹെ​സ്‌ക്കേൽ 27:25-27; മത്തായി 12:40) എന്നിരു​ന്നാ​ലും, ആയിര​ത്തോ​ട​ടുത്ത പരാമർശ​ന​ങ്ങ​ളിൽ ഹൃദയം ഒരു ആലങ്കാ​രിക അർത്ഥത്തിൽ ഉപയോ​ഗി​ക്ക​പ്പെ​ട്ടി​രി​ക്കു​ന്നു. കിററ​ലി​ന്റെ തിയ​ളോ​ജി​ക്കൽ ഡിക്‌ഷ​ണറി ഓഫ്‌ ദ ന്യൂ റെറസ്‌റ​റമെൻറ്‌ “ഹൃദയ”ത്തിന്റെ കീഴിൽ പിൻവ​രുന്ന ഓരോ തലക്കെ​ട്ടി​നും അനേകം തിരു​വെ​ഴു​ത്തു​കൾ പട്ടിക​പ്പെ​ടു​ത്തു​ന്നു: “ഹൃദയ​ത്തിൽ വിചാ​ര​ങ്ങ​ളും വികാ​ര​ങ്ങ​ളും ആഗ്രഹ​ങ്ങ​ളും ആസക്തി​ക​ളും വസിക്കു​ന്നു.” “ഹൃദയം വിവേ​ക​ത്തി​ന്റെ ഇരിപ്പി​ട​വും ചിന്തയു​ടെ​യും ആലോ​ച​ന​യു​ടെ​യും ഉറവു​മാ​കു​ന്നു.” “ഹൃദയം ഇച്ഛയുടെ ഇരിപ്പി​ട​വും തീരു​മാ​ന​ങ്ങ​ളു​ടെ ഉറവു​മാ​കു​ന്നു.” “അങ്ങനെ ഹൃദയ​മാണ്‌ ദൈവം പരമോ​ന്ന​ത​മാ​യി മനുഷ്യ​നിൽ തിരിഞ്ഞു നോക്കുന്ന ഒരു കേന്ദ്രം, അതിലാണ്‌ മതപര​മായ ജീവി​ത​ത്തി​ന്റെ വേരു​ള്ളത്‌, അതാണ്‌ ധാർമ്മിക നടത്തയെ നിശ്ചയി​ക്കു​ന്നത്‌.”

⁵ വികാ​ര​ങ്ങ​ളും പ്രേര​ണ​ക​ളും ഈ ആലങ്കാ​രിക ഹൃദയ​ത്തിൽ വസിക്കു​ന്നു. അനേകം തിരു​വെ​ഴു​ത്തു​ക​ള​നു​സ​രിച്ച്‌ ഹൃദയ​ത്തിന്‌ സന്തുഷ്ട​വും മ്ലാനവും ഇരുണ്ട​തും തെളി​ഞ്ഞ​തും സാഹസി​ക​വും ആശ്രയി​ക്കു​ന്ന​തും ദുർബ്ബ​ല​വും കഠിന​വു​മാ​യി​രി​ക്കാൻ കഴിയും. അതിന്‌ കോപ​ത്താൽ ചൂടാ​കാ​നും അല്ലെങ്കിൽ ഭയന്ന്‌ ഉരുകാ​നും കഴിയും. അതിന്‌ അഹങ്കാ​ര​വും ധിക്കാ​ര​വു​മു​ള്ള​താ​യി​രി​ക്കാൻ കഴിയും; ഉററു സ്‌നേ​ഹി​ക്കു​ന്ന​തോ ദ്വേഷം നിറഞ്ഞ​തോ ആയിരി​ക്കാൻ കഴിയും; ശുദ്ധമോ നിർമ്മ​ല​മോ വ്യഭി​ചാ​ര​ക്കു​റ​റ​മു​ള്ള​തോ ആയിരി​ക്കാൻ കഴിയും. അത്‌ തിൻമ​യി​ലേക്കു ചാഞ്ഞി​രി​ക്കു​ന്ന​താണ്‌, എന്നാൽ അതിന്‌ നൻമ​ചെ​യ്യാൻ നമ്മെ പ്രേരി​പ്പി​ക്കാൻ കഴിയും.

അർദ്ധഹൃ​ദ​യ​നോ ഇരുഹൃ​ദ​യ​നോ ആകാതി​രി​ക്കു​ക

6, 7. (എ) സങ്കീർത്ത​ന​ക്കാ​രൻ ഏതുതരം ആളുകളെ വെറുത്തു, യിസ്രാ​യേ​ലി​ലെ​യും യഹൂദ​യി​ലെ​യും ഏതു പ്രവർത്ത​നങ്ങൾ ഈ അവസ്ഥയെ ചിത്രീ​ക​രി​ക്കു​ന്നു? (ബി) യഹോ​വക്ക്‌ അർദ്ധ ഹൃദയ​ത്തോ​ടെ​യുള്ള സേവനം അസ്വീ​കാ​ര്യ​മാ​ണെന്ന്‌ യേശു എങ്ങനെ ചിത്രീ​ക​രി​ച്ചു?

⁶ അക്ഷരീയ ഹൃദയം പ്രവർത്തി​ക്ക​ണ​മെ​ങ്കിൽ അവിക​ല​മാ​യി​രി​ക്കണം, എന്നാൽ ആലങ്കാ​രിക ഹൃദയ​ത്തിന്‌ വിഭജി​ത​മാ​യി​രി​ക്കാൻ കഴിയും. പ്രസ്‌പ​ഷ്ട​മാ​യി, ദൈവ​ത്തി​ന്റെ സ്വന്തഹൃ​ദ​യ​പ്ര​കാ​ര​മുള്ള ഒരു മനുഷ്യ​നാ​യി​രുന്ന സങ്കീർത്ത​ന​ക്കാ​രൻ നിശ്വ​സ്‌ത​ത​യിൽ “അർദ്ധഹൃ​ദ​യരെ ഞാൻ വെറു​ത്തി​രി​ക്കു​ന്നു” എന്ന്‌ എഴുതി. (സങ്കീർത്തനം 119:113) അങ്ങനെ​യു​ള്ള​വ​രിൽപെ​ട്ട​വ​രാ​യി​രു​ന്നു ഏലിയാവ്‌ ഇങ്ങനെ വെല്ലു​വി​ളിച്ച ആ യിസ്രാ​യേ​ല്യർ: “നിങ്ങൾ എത്ര​ത്തോ​ളം രണ്ട്‌ വ്യത്യസ്‌ത അഭി​പ്രാ​യ​ങ്ങ​ളിൽ ചാടി​ച്ചാ​ടി നടക്കും? സത്യ​ദൈവം യഹോ​വ​യാ​ണെ​ങ്കിൽ അവനെ അനുഗ​മി​ക്കുക; എന്നാൽ ബാലാ​ണെ​ങ്കിൽ അവനെ അനുക​രി​ക്കുക.” (1 രാജാ​ക്കൻമാർ 18:21) അവർ അർദ്ധഹൃ​ദ​യ​ത്തോ​ടെ ‘രണ്ടു വ്യത്യസ്‌ത അഭി​പ്രാ​യ​ങ്ങ​ളിൽ ചാടി​ച്ചാ​ടി നടന്നി​രു​ന്നു.’

⁷ അതു​പോ​ലെ​തന്നെ യഹൂദാ യഹോ​വ​യി​ങ്ക​ലേക്ക്‌ ഭാഗി​ക​മാ​യി മടങ്ങി​വ​ന്ന​ശേഷം: “എന്നിരു​ന്നാ​ലും ജനം പിന്നെ​യും ഉന്നതസ്ഥ​ല​ങ്ങ​ളിൽ ബലിയർപ്പി​ച്ചു​കൊ​ണ്ടി​രു​ന്നു; അത്‌ അവരുടെ ദൈവ​മായ യഹോ​വ​യ്‌ക്കാ​യി​രു​ന്നു​വെന്നു മാത്രം” എന്നു രേഖ​പ്പെ​ടു​ത്തി​യി​രി​ക്കു​ന്നു. (2 ദിനവൃ​ത്താ​ന്തം 33:17) വിഭജിത ഹൃദയ​ങ്ങ​ളോ​ടെ അവർ യഹോ​വയെ ആരാധി​ക്കു​ന്ന​താ​യി അവകാ​ശ​പ്പെ​ട്ടെ​ങ്കി​ലും അത്‌ ഒരു അനധി​കൃത വിധത്തി​ലും, അവർ മുമ്പു ബാലിനെ ആരാധി​ച്ചി​രുന്ന സ്ഥലങ്ങളി​ലു​മാ​യി​രു​ന്നു. “ആർക്കും രണ്ട്‌ യജമാ​നൻമാർക്കു​വേണ്ടി അടിമ​വേല ചെയ്യാൻ സാദ്ധ്യമല്ല” എന്ന്‌ യേശു പറഞ്ഞു. (മത്തായി 6:24) ആ നാളു​ക​ളിൽ അടിമകൾ ഒരു വസ്‌തു​പോ​ലെ​യാ​യി​രു​ന്നു. അവർ ദിവസ​ത്തി​ന്റെ 24 മണിക്കൂ​റും യജമാ​നനെ സേവി​ക്ക​ണ​മാ​യി​രു​ന്നു. അവരുടെ സമയം രണ്ട്‌ യജമാ​നൻമാർക്കു​വേണ്ടി പകുതി വീതം വിഭജി​ക്കാൻ കഴിയു​മാ​യി​രു​ന്നില്ല. യഹോ​വ​യ്‌ക്ക്‌ അർദ്ധഹൃ​ദ​യ​ത്തോ​ടെ​യുള്ള സേവനം പാടി​ല്ലെ​ന്നുള്ള ആശയം യേശു ഇവിടെ സ്ഥാപി​ക്കു​ക​യാ​യി​രു​ന്നു!

8. ആലങ്കാ​രി​ക​മാ​യി പറഞ്ഞാൽ ഒരു വ്യക്തിക്ക്‌ എങ്ങനെ രണ്ടു ഹൃദയങ്ങൾ ഉണ്ടായി​രി​ക്കാൻ കഴിയും, ഏതു തിരു​വെ​ഴു​ത്തു​കൾ ഇതിനെ പ്രതി​ഫ​ലി​പ്പി​ക്കു​ന്നു?

⁸ ഓരോ ആളിലും ഒരു അക്ഷരീ​യ​ഹൃ​ദയം മാത്ര​മേ​യു​ള്ളു. എന്നാൽ ആലങ്കാ​രി​ക​മാ​യി പറഞ്ഞാൽ ഒരു വ്യക്തിക്ക്‌ രണ്ടു ഹൃദയങ്ങൾ ഉണ്ടായി​രി​ക്കാൻ കഴിയും. ദാവീദ്‌ അങ്ങനെ​യുള്ള ആളുകളെ പരാമർശി​ച്ചു​കൊണ്ട്‌ പറഞ്ഞു: “അവർ ഇരുഹൃ​ദ​യ​ത്തോ​ടെ പോലും [“ഒരു ഹൃദയ​ത്തോ​ടെ​യും ഒരു ഹൃദയ​ത്തോ​ടെ​യും,” റെഫ. ബൈ. അടിക്കു​റിപ്പ്‌] ഒരു സൗമ്യ​മായ അധര​ത്തോ​ടെ സംസാ​രി​ച്ചു​കൊ​ണ്ടി​രി​ക്കു​ന്നു.” (സങ്കീർത്തനം 12:2) ഒരു ഹൃദയം പൊതു​പ്ര​ദർശ​ന​ത്തിന്‌ നില​കൊ​ണ്ടു, മറേറത്‌ രഹസ്യ​മാ​യി സ്വാർത്ഥ പ്രയോ​ജ​ന​ത്തിന്‌ ഉപായം പ്രയോ​ഗി​ച്ചു. ഈ ഇരുമു​ഖ​ങ്ങ​ളും ഇരുഹൃ​ദ​യ​ങ്ങ​ളു​മുള്ള നിലപാട്‌ തിരു​വെ​ഴു​ത്തു​ക​ളിൽ ഇങ്ങനെ വർണ്ണി​ക്ക​പ്പെ​ട്ടി​രി​ക്കു​ന്നു: “എന്തെന്നാൽ ഒരുവൻ തന്റെ ഉള്ളിൽ കണക്കു​കൂ​ട്ടി​യി​രി​ക്കു​ന്ന​തു​പോ​ലെ​യാ​കു​ന്നു. ‘തിന്നു​കു​ടി​ക്കുക’ എന്ന്‌ അവൻ നിങ്ങ​ളോ​ടു പറയുന്നു, എന്നാൽ അവന്റെ ഹൃദയം നിങ്ങ​ളോ​ടു​കൂ​ടെ​യില്ല.” “അവൻ തന്റെ ശബ്ദത്തെ സ്വീകാ​ര്യ​മാ​ക്കു​ന്നു​വെ​ങ്കി​ലും അവനെ വിശ്വ​സി​ക്ക​രുത്‌, എന്തെന്നാൽ അവന്റെ ഹൃദയ​ത്തിൽ വെറു​ക്കത്തക്ക ഏഴു കാര്യ​ങ്ങ​ളുണ്ട്‌.” സദൃശ​വാ​ക്യ​ങ്ങൾ 23:7; 26:25; സങ്കീർത്തനം 28:3.

9. യിരെ​മ്യാ​വി​ന്റെ നാളി​ലും യേശു​വി​ന്റെ കാലത്തും ഇരുഹൃ​ദ​യ​ത്തോ​ടെ​യുള്ള ആരാധന സ്ഥിതി​ചെ​യ്‌തി​രു​ന്നു​വെന്ന്‌ എന്തു പ്രകട​മാ​ക്കു​ന്നു?

⁹ മനുഷ്യ​ബ​ന്ധ​ങ്ങ​ളി​ലെ അത്തരം കപടഭാ​വം അപലപ​നീ​യ​മാണ്‌; എന്നാൽ യഹോ​വ​യു​ടെ ആരാധ​ന​യിൽ വിതക്ക​പ്പെ​ടു​മ്പോൾ അത്‌ അനർത്ഥം കൊയ്യു​ന്നു. “‘അവ യഹോ​വ​യു​ടെ ആലയം, യഹോ​വ​യു​ടെ ആലയം, യഹോ​വ​യു​ടെ ആലയം ആകുന്നു!’ എന്നു പറയുന്ന വ്യാജ​വാ​ക്കു​ക​ളിൽ ആശ്രയി​ക്ക​രുത്‌. ഇതാ നിങ്ങൾ വ്യാജ​വാ​ക്കു​ക​ളി​ലാണ്‌ ആശ്രയി​ക്കു​ന്നത്‌—അത്‌ നിങ്ങൾക്ക്‌ അശേഷം പ്രയോ​ജ​ന​ക​ര​മാ​യി​രി​ക്ക​യില്ല. മോഷ​ണ​വും കൊല​ചെ​യ്യ​ലും വ്യഭി​ചാ​രം ചെയ്യലും കള്ളസത്യം ചെയ്യലും ബാലിനു ധൂപം കാട്ടലും നിങ്ങൾ അറിഞ്ഞി​ട്ടി​ല്ലാത്ത മററു ദൈവ​ങ്ങ​ളു​ടെ പിന്നാ​ലെ​യുള്ള നടപ്പും ആകാമോ, ഈ വെറു​ക്കത്തക്ക കാര്യ​ങ്ങ​ളെ​ല്ലാം ചെയ്യു​ന്നതു വിഗണി​ച്ചു​കൊണ്ട്‌, നിങ്ങൾ വന്ന്‌ എന്റെ നാമം വിളി​ക്ക​പ്പെ​ട്ടി​രി​ക്കുന്ന ഈ ആലയത്തിൽ എന്റെ മുമ്പാകെ നിന്നു​കൊണ്ട്‌ ‘ഞങ്ങൾ തീർച്ച​യാ​യും വിടു​വി​ക്ക​പ്പെ​ടും’ എന്നു പറയണ​മോ?” (യിരെ​മ്യാവ്‌ 7:4, 8-10) പരീശൻമാ​രു​ടെ​യും ശാസ്‌ത്രീ​മാ​രു​ടെ​യും ഇടയിലെ അത്തരം ഇരുഹൃ​ദ​യ​ത്തോ​ടു​കൂ​ടിയ കപടഭ​ക്തി​യെ അപലപി​ച്ചു​കൊണ്ട്‌ യേശു ഇങ്ങനെ പറഞ്ഞു: “കപടഭ​ക്തരേ, ‘ഈ ജനം തങ്ങളുടെ അധരങ്ങൾ കൊണ്ട്‌ എന്നെ ബഹുമാ​നി​ക്കു​ന്നു, എന്നാൽ അവരുടെ ഹൃദയം എന്നിൽനിന്ന്‌ വളരെ അകന്നി​രി​ക്കു​ന്നു’ എന്ന്‌ യെശയ്യാ​വു പറഞ്ഞ​പ്പോൾ അവൻ നിങ്ങ​ളെ​ക്കു​റിച്ച്‌ ഉചിത​മാ​യി പ്രവചി​ച്ചു.”—മത്തായി 15:7, 8.

10, 11. യഹോ​വ​യും ക്രിസ്‌തു​വും ഒരു വ്യക്തിയെ ന്യായം​വി​ധി​ക്കു​മ്പോൾ എവിടെ നോക്കു​ന്നു, എന്തു​കൊണ്ട്‌?

¹⁰ ഇതിൽനി​ന്നെ​ല്ലാം യഹോവ ശമൂ​വേ​ലി​നോട്‌ ഇങ്ങനെ പറഞ്ഞ​തെ​ന്തു​കൊ​ണ്ടെന്ന്‌ വ്യക്തമാണ്‌: “മനുഷ്യൻ കാണു​ന്ന​തു​പോ​ലെയല്ല ദൈവം കാണു​ന്നത്‌, എന്തു​കൊ​ണ്ടെ​ന്നാൽ വെറും മനുഷ്യൻ കണ്ണുകൾക്ക്‌ പ്രത്യ​ക്ഷ​പ്പെ​ടു​ന്നതു കാണുന്നു; എന്നാൽ യഹോ​വയെ സംബന്ധി​ച്ചാ​ണെ​ങ്കിൽ അവൻ ഹൃദയം എന്തെന്നു കാണുന്നു.” (1 ശമൂവേൽ 16:7) തന്നിമി​ത്തം യഹോവ ഒരു മനുഷ്യ​നെ അളക്കു​മ്പോൾ അത്‌ ബാഹ്യ​മായ തെളി​വിൽ അധിഷ്‌ഠി​തമല്ല; അവൻ സംഗതി​യു​ടെ ഹൃദയ​ത്തി​ലേ​ക്കു​തന്നെ ചുഴി​ഞ്ഞു​നോ​ക്കു​ന്നു. നമ്മുടെ നടത്ത നല്ലതാ​യാ​ലും ചീത്തയാ​യാ​ലും അതിന്റെ പിമ്പിലെ പ്രേര​ണാ​ശക്തി ഹൃദയ​മാ​ണെന്ന്‌ ക്രിസ്‌തു​യേശു തിരി​ച്ച​റി​യി​ച്ചു. “ഒരു നല്ല മനുഷ്യൻ തന്റെ ഹൃദയ​ത്തി​ലെ നല്ല നിക്ഷേ​പ​ത്തിൽനിന്ന്‌ നല്ലത്‌ പുറ​പ്പെ​ടു​വി​ക്കു​ന്നു, എന്നാൽ ഒരു ദുഷ്ടമ​നു​ഷ്യൻ തന്റെ ദുഷ്ട നിക്ഷേ​പ​ത്തിൽനിന്ന്‌ ദുഷ്ടമാ​യതു പുറ​പ്പെ​ടു​വി​ക്കു​ന്നു; എന്തെന്നാൽ ഹൃദയ​ത്തി​ന്റെ സമൃദ്ധി​യിൽ നിന്നാണ്‌ അവന്റെ വായ്‌ സംസാ​രി​ക്കു​ന്നത്‌.” കൂടാതെ, “ഹൃദയ​ത്തിൽനിന്ന്‌ ദുഷ്ടന്യാ​യ​വാ​ദ​ങ്ങ​ളും കൊല​പാ​ത​ക​ങ്ങ​ളും വ്യഭി​ചാ​ര​ങ്ങ​ളും ദുർവൃ​ത്തി​ക​ളും മോഷ​ണ​ങ്ങ​ളും കള്ളസാ​ക്ഷ്യ​ങ്ങ​ളും ദൂഷണ​ങ്ങ​ളും വരുന്നു.”—ലൂക്കോസ്‌ 6:45; മത്തായി 15:19.

¹¹ ന്യായ​വി​ധി ഭരമേൽപ്പി​ക്ക​പ്പെ​ട്ടി​രി​ക്കുന്ന യേശു​ക്രി​സ്‌തു​വും യഹോവ നോക്കു​ന്ന​ട​ത്തു​തന്നെ നോക്കു​ന്നു: “ഞാൻ വൃക്കക​ളെ​യും [അത്യഗാധ വികാ​ര​ങ്ങളെ, റെഫ. ബൈ. അടിക്കു​റിപ്പ്‌] ഹൃദയ​ങ്ങ​ളെ​യും പരി​ശോ​ധി​ക്കു​ന്ന​വ​നാ​കു​ന്നു, ഞാൻ നിങ്ങളു​ടെ പ്രവൃ​ത്തി​ക​ള​നു​സ​രി​ച്ചു വ്യക്തി​പ​ര​മാ​യി പ്രതി​ഫലം നൽകും.” (വെളി​പ്പാട്‌ 2:23) ഈ കാരണ​ത്താൽ “സൂക്ഷി​ക്കേണ്ട മറെറ​ല്ലാ​റ​റി​നെ​ക്കാ​ളു​മ​ധി​ക​മാ​യി, നിങ്ങളു​ടെ ഹൃദയത്തെ കാത്തു​സൂ​ക്ഷി​ക്കുക, എന്തെന്നാൽ അതിൽനി​ന്നാ​കു​ന്നു ജീവന്റെ ഉറവുകൾ.”—സദൃശ​വാ​ക്യ​ങ്ങൾ 4:23.

12. യഹോ​വ​യു​ടെ മുഴു​ഹൃ​ദ​യ​സേ​വനം നമ്മുടെ ഭാഗത്ത്‌ ഉത്സാഹ​പൂർവ്വ​ക​മായ ശ്രമം ആവശ്യ​മാ​ക്കി​ത്തീർക്കു​ന്ന​തെ​ന്തു​കൊണ്ട്‌?

¹² നമ്മുടെ യഹോ​വാ​രാ​ധന അർദ്ധഹൃ​ദ​യ​ത്തോ​ടെ​യോ ഇരുഹൃ​ദ​യ​ത്തോ​ടെ​യോ ആയിരി​ക്ക​രുത്‌. പിന്നെ​യോ മുഴു​ഹൃ​ദ​യ​ത്തോ​ടെ​യാ​യി​രി​ക്കണം. ഇത്‌ നമ്മുടെ ഭാഗത്ത്‌ ഉത്സാഹ​പൂർവ്വ​ക​മായ ശ്രമം ആവശ്യ​മാ​ക്കി​ത്തീർക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ഹൃദയം ചതിക്കു​ന്ന​താണ്‌, അതിനു വളരെ വഞ്ചകമാ​യി​രി​ക്കാൻ കഴിയും. നമ്മുടെ വീഴ്‌ച​ഭ​വിച്ച ജഡത്തെ ആകർഷി​ക്കുന്ന തെററു​കളെ ന്യായീ​ക​രി​ക്കു​ന്ന​തിൽ അത്‌ എത്ര വിദഗ്‌ദ്ധ​മാ​ണെന്നു ചിന്തി​ക്കു​ന്നത്‌ ഭയാവ​ഹ​മാണ്‌. അതു നമ്മെ വഞ്ചിക്കു​ക​യും നമ്മുടെ യഥാർത്ഥ ആന്തരങ്ങളെ നമ്മിൽനിന്ന്‌ മറച്ചു​വെ​ക്കു​ക​യും ചെയ്‌തേ​ക്കാ​മെ​ങ്കി​ലും യഹോവ അതിന്റെ തനി അവസ്ഥ കാണുന്നു. അവൻ നമുക്ക്‌ ഇതു സംബന്ധിച്ച്‌ മുന്നറി​യി​പ്പു നൽകുന്നു: “ഹൃദയം മററ്‌ എന്തി​നെ​ക്കാ​ളും വഞ്ചകവും സാഹസി​ക​വു​മാണ്‌. ആർക്ക്‌ അതിനെ അറിയാൻ കഴിയും? യഹോ​വ​യായ ഞാൻ, ഓരോ​രു​ത്ത​നും അവനവന്റെ വഴിക​ള​നു​സ​രിച്ച്‌, അവന്റെ ഇടപെ​ട​ലു​ക​ളു​ടെ ഫലമനു​സ​രിച്ച്‌, കൊടു​ക്കാൻതന്നെ ഹൃദയത്തെ പരി​ശോ​ധി​ക്കു​ക​യും വൃക്കകളെ ശോധന ചെയ്യു​ക​യും ചെയ്യുന്നു.”—യിരെ​മ്യാവ്‌ 17:9, 10.

ഒരു പൂർണ്ണ​ഹൃ​ദയം നേടുക

13. യേശു തന്റെ നാളിലെ ചില മതഭക്ത​രെ​ക്കു​റിച്ച്‌ എന്തു പറഞ്ഞു, അത്തരം നടത്ത നിമിത്തം അവർക്കു​ണ്ടായ ഫലമെ​ന്താ​യി​രു​ന്നു?

¹³ തന്റെ നാളിലെ മതഭക്തരെ സംബന്ധിച്ച്‌ യേശു ഇങ്ങനെ പറഞ്ഞു: “ഈ ജനത്തിന്റെ ഹൃദയം സ്വീകാ​ര്യ​ക്ഷ​മ​മ​ല്ലാ​താ​യി​ത്തീർന്നി​രി​ക്കു​ന്നു, അവർ തങ്ങളുടെ ചെവി​കൾകൊണ്ട്‌ പ്രതി​ക​ര​ണ​മി​ല്ലാ​തെ കേട്ടി​രി​ക്കു​ന്നു, അവർ തങ്ങളുടെ കണ്ണുകൾ അടച്ചി​രി​ക്കു​ന്നു; അവർ തങ്ങളുടെ കണ്ണുകൾ കൊണ്ട്‌ ഒരിക്ക​ലും കാണാ​തെ​യും തങ്ങളുടെ ചെവികൾ കൊണ്ട്‌ ഒരിക്ക​ലും കേൾക്കാ​തെ​യും തങ്ങളുടെ ഹൃദയ​ങ്ങൾകൊണ്ട്‌ അതിന്റെ അർത്ഥം ഗ്രഹിച്ച്‌ തിരി​ഞ്ഞു​വ​രാ​തെ​യും ഞാൻ അവരെ സൗഖ്യ​മാ​ക്കാ​തെ​യു​മി​രി​ക്കേ​ണ്ട​തി​നു​തന്നെ.” (മത്തായി 13:15) മതപര​മായ മുൻധാ​ര​ണകൾ നിമിത്തം അവർ യേശു​വി​ന്റെ ഉപദേ​ശ​ത്തിന്‌ തങ്ങളുടെ കണ്ണുക​ളും ചെവി​ക​ളും അടച്ചു​ക​ള​യു​ക​യും ഹൃദയ​ങ്ങളെ കഠിന​പ്പെ​ടു​ത്തു​ക​യും ചെയ്‌തു. ശാസനയെ ത്യജി​ച്ചു​കൊണ്ട്‌ ഉചിത​മായ പ്രേര​ണ​യുള്ള ഒരു ഹൃദയം നേടു​ന്ന​തിൽ അവർ പരാജ​യ​പ്പെട്ടു: “ശാസന ശ്രദ്ധി​ക്കു​ന്നവൻ ഹൃദയം നേടു​ക​യാ​കു​ന്നു [“നല്ല ആന്തരം നേടു​ക​യാ​കു​ന്നു,” റെഫ. ബൈ. അടിക്കു​റിപ്പ്‌]. “(സദൃശ​വാ​ക്യ​ങ്ങൾ 15:32) അവർ ദൈവത്തെ ആരാധി​ക്കു​ന്ന​താ​യി അവകാ​ശ​പ്പെട്ടു, എന്നാൽ അവർ മനുഷ്യർ കാണേ​ണ്ട​തി​നാണ്‌ തങ്ങളുടെ “നീതി” പ്രവർത്തി​ച്ചത്‌.—മത്തായി 6:1, 2, 5, 16.

14. സത്യം നമ്മുടെ ഉള്ളിൽ ആഴത്തിൽ വസിക്കാൻ പ്രവേ​ശി​ക്കു​ന്ന​തി​നുള്ള മുഖാ​ന്ത​ര​ങ്ങളെ പ്രകട​മാ​ക്കുന്ന ദൃഷ്ടാ​ന്ത​ങ്ങ​ളേവ?

¹⁴ യഹൂദ​യി​ലെ യഹോ​ശാ​ഫാത്ത്‌ രാജാ​വി​നെ​പ്പോ​ലെ​യാ​യി​രി​ക്കു​ന്നത്‌ എത്രയോ മെച്ചമാണ്‌, അവൻ ‘സത്യ​ദൈ​വത്തെ അന്വേ​ഷി​ക്കാൻ തന്റെ ഹൃദയത്തെ ഒരുക്കി.’ (2 ദിനവൃ​ത്താ​ന്തം 19:3) നിങ്ങളു​ടെ ദൈവാ​ന്വേ​ഷ​ണ​ത്തി​ലുള്ള ഏററവും നല്ല ഒരുക്കം ഹൃദയം​ഗ​മ​മായ പ്രാർത്ഥ​ന​യാണ്‌. ദുഃഖി​ത​യായ ഹന്നാ യഹോ​വ​യോട്‌ ആവേശ​പൂർവ്വം പ്രാർത്ഥി​ച്ച​പ്പോൾ, അവൾ “തന്റെ ഹൃദയ​ത്തിൽ സംസാ​രി​ക്കു​ക​യാ​യി​രു​ന്നു,” അവളുടെ പ്രാർത്ഥ​നക്ക്‌ ഉത്തരം ലഭിച്ചു. ശ്രദ്ധി​ക്കാ​നുള്ള ഒരു സന്നദ്ധത​യും ആവശ്യ​മാണ്‌. യേശു​വി​ന്റെ അമ്മ ശ്രദ്ധിച്ചു: “അവന്റെ അമ്മ ഈ മൊഴി​ക​ളെ​ല്ലാം ശ്രദ്ധാ​പൂർവ്വം അവളുടെ ഹൃദയ​ത്തിൽ സൂക്ഷിച്ചു.” അവൾ “തന്റെ ഹൃദയ​ത്തിൽ നിഗമ​ന​ങ്ങ​ളി​ലെ​ത്താൻ” തുടങ്ങി. അവൾ യേശു​വി​ന്റെ ഒരു വിശ്വസ്‌ത ശിഷ്യ​യാ​യി​ത്തീർന്നു. യഹോവ ഒരു ആത്മാർത്ഥ​ത​യുള്ള അന്വേ​ഷ​കനെ സഹായി​ക്കു​ന്നു. ദൈവ​ഭ​യ​മു​ണ്ടാ​യി​രുന്ന ലുദിയാ പൗലോ​സി​നെ ശ്രദ്ധിച്ചു, “പൗലോസ്‌ പറഞ്ഞ കാര്യ​ങ്ങൾക്കു ശ്രദ്ധ​കൊ​ടു​ക്കാൻ യഹോവ അവളുടെ ഹൃദയത്തെ വിസ്‌താ​ര​ത്തിൽ തുറന്നു.” അവൾ സ്‌നാ​ന​മേ​ററു. (1 ശമൂവേൽ 1:12, 13; ലൂക്കോസ്‌ 2:19, 51; പ്രവൃ​ത്തി​കൾ 16:14, 15) എല്ലായ്‌പ്പോ​ഴും ആലങ്കാ​രിക ഹൃദയ​മാണ്‌—വിചാ​ര​ങ്ങ​ളും വികാ​ര​ങ്ങ​ളും നല്ല ആന്തരങ്ങ​ളും—ആണ്‌ സത്യം ഒരു വ്യക്തി​യിൽ പ്രവേ​ശി​ക്കാ​നും വസിക്കാ​നും അനുവ​ദി​ക്കു​ന്നത്‌.

15. ഒരു പൂർണ്ണ​ഹൃ​ദയം നേടു​ന്ന​തിന്‌, നാം എന്തു ചെയ്യാൻ ഒരുങ്ങി​യി​രി​ക്കണം?

¹⁵ ഒരു പൂർണ്ണ​ഹൃ​ദയം നേടു​ന്ന​തിന്‌, നാം മുൻധാ​ര​ണ​യായ അഭി​പ്രാ​യങ്ങൾ വർജ്ജി​ക്കു​ന്ന​തിന്‌ വൈകാ​രി​ക​മാ​യി ഒരുങ്ങി​യി​രി​ക്കു​ക​യും, നമ്മുടെ പ്രിയ​ങ്ക​ര​മായ ചില ആശയങ്ങ​ളെ​യോ ഉപദേശ വീക്ഷണ​ങ്ങ​ളെ​യോ പൊളി​ച്ചാൽപോ​ലും ദൈവം സത്യവാ​നെന്നു കണ്ടെത്ത​പ്പെ​ടാൻ സന്നദ്ധരാ​യി​രി​ക്കു​ക​യും വേണം. (റോമർ 3:4) യഹോ​വ​യു​ടെ ഇഷ്ടത്തോ​ടും വഴിക​ളോ​ടും നമ്മുടെ ഹൃദയ​ങ്ങളെ സ്വീകാ​ര്യ​ക്ഷ​മ​മാ​ക്കാൻ സ്വാർത്ഥ​പ​ര​മായ ആന്തരങ്ങളെ നീക്കം ചെയ്യേ​ണ്ട​താണ്‌. യഹോവ ഒരിക്കൽ തന്റെ നിയമങ്ങൾ കല്ലിൽ എഴുതി, എന്നാൽ പിന്നീട്‌ അവൻ നിയമ​ങ്ങളെ മനുഷ്യ​ഹൃ​ദ​യ​ങ്ങ​ളിൽ എഴുതി. അപ്പോ​സ്‌ത​ല​നായ പൗലോ​സും ഹൃദയ​ത്തിൽ എഴുതി. നിങ്ങൾക്കും “നിങ്ങളു​ടെ ഹൃദയ​പ്പ​ല​ക​യിൽ [സ്‌നേ​ഹ​ദ​യ​യും സത്യവും] എഴുതാൻ” കഴിയും.—സദൃശ​വാ​ക്യ​ങ്ങൾ 3:3; എബ്രായർ 10:16; 2 കൊരി​ന്ത്യർ 3:3.

16. യഹോ​വ​ക്കാ​യി ഒരു പൂർണ്ണ​ഹൃ​ദയം ഉണ്ടായി​രി​ക്കാൻ ഒരുവൻ സ്വീക​രി​ക്കേണ്ട നടപടി​കളെ ഏതു ചോദ്യ​ങ്ങൾ ദീപ്‌തി​മ​ത്താ​ക്കു​ന്നു?

¹⁶ നിങ്ങളു​ടെ ഹൃദയം യഹോ​വ​യു​ടെ തത്വങ്ങ​ളും ചട്ടങ്ങളും എഴുതാൻ പററിയ ഒരു പ്രതല​മെ​ന്ന​നി​ല​യിൽ യോഗ്യ​ത​യു​ള്ള​താ​ണോ? നിങ്ങൾ ദിവ്യ​സ​ത്യ​ത്തി​നി​ടം കൊടു​ക്കാൻ മുൻധാ​ര​ണകൾ നീക്കി അതിനെ ശുദ്ധീ​ക​രി​ക്കു​ന്നു​വോ? അനന്തരം നിങ്ങളു​ടെ മനസ്സു പുതു​ക്കു​ന്ന​തി​നും പഴയ വ്യക്തി​ത്വം ഉരിഞ്ഞു​ക​ള​യു​ന്ന​തി​നും ദൈവ സാദൃ​ശ്യ​പ്ര​കാ​രം രൂപം കൊടുത്ത പുതിയ വ്യക്തി​ത്വം ധരിക്കു​ന്ന​തി​നും തുടർന്നു പഠിക്കു​മോ? നിങ്ങൾ സത്യവ​ച​നത്തെ ശരിയാ​യി കൈകാ​ര്യം ചെയ്‌തു​കൊണ്ട്‌ യാതൊ​ന്നും ലജ്ജിക്കാ​നി​ല്ലാത്ത ഒരു വേലക്കാ​ര​നാ​യി​രി​ക്കാൻ നിങ്ങളു​ടെ പരമാ​വധി പ്രവർത്തി​ക്കു​മോ?—റോമർ 12:2; കൊ​ലോ​സ്യർ 3:9, 10; 2 തിമൊ​ഥെ​യോസ്‌ 2:15.

ഒരു പൂർണ്ണ​ഹൃ​ദയം നിലനിർത്തു​ക

17. ദാവീദ്‌ തന്റെ പുത്ര​നായ ശലോ​മോ​നെ ബുദ്ധി​യു​പ​ദേ​ശി​ച്ച​തെ​ങ്ങനെ, ശലോ​മോൻ ഉപദേശം അനുസ​രി​ക്കു​ന്ന​തിൽ പരാജ​യ​പ്പെ​ട്ട​തെ​ന്തു​കൊണ്ട്‌?

¹⁷ ദാവീദു ശലോ​മോ​നോട്‌ ഇങ്ങനെ പറഞ്ഞു: “എന്റെ മകനേ, ശലോ​മോ​നേ, നിന്റെ അപ്പന്റെ ദൈവത്തെ അറിയു​ക​യും ഒരു പൂർണ്ണ​ഹൃ​ദ​യ​ത്തോ​ടും ഒരു ആഹ്ലാദ​ക​ര​മായ ദേഹി​യോ​ടും കൂടെ അവനെ സേവി​ക്കു​ക​യും ചെയ്യുക; എന്തെന്നാൽ സകല ഹൃദയ​ങ്ങ​ളെ​യും യഹോവ പരി​ശോ​ധി​ക്കു​ക​യാ​കു​ന്നു, ചിന്തക​ളു​ടെ സകല ചായ്‌വി​നെ​യും അവൻ വിവേ​ചി​ക്കു​ക​യാ​കു​ന്നു.” ശലോ​മോൻ ഒരു പൂർണ്ണ​ഹൃ​ദ​യ​ത്തോ​ടെ സേവിച്ചു തുടങ്ങു​ക​തന്നെ ചെയ്‌തു. എന്നാൽ വർഷങ്ങൾ കടന്നു​പോ​യ​പ്പോൾ അവൻ അതിനെ നിലനിർത്തി​യില്ല:” ശലോ​മോൻ വൃദ്ധനായ സമയത്ത്‌ അവന്റെ ഭാര്യ​മാർതന്നെ മററു ദൈവ​ങ്ങളെ അനുഗ​മി​ക്കാൻ അവന്റെ ഹൃദയത്തെ ചായി​ച്ചി​രു​ന്നു; അവന്റെ ഹൃദയം അവന്റെ പിതാ​വായ ദാവീ​ദി​ന്റെ ഹൃദയം പോലെ അവന്റെ ദൈവ​മായ യഹോ​വ​യി​ങ്കൽ പൂർണ്ണ​മാ​ണെന്നു തെളി​ഞ്ഞില്ല.”—1 ദിനവൃ​ത്താ​ന്തം 28:9; 1 രാജാ​ക്കൻമാർ 11:4.

18, 19. (എ) ഒരു പൂർണ്ണ​ഹൃ​ദയം നിലനിർത്തു​ന്ന​തിൽ നിങ്ങൾ പരാജ​യ​പ്പെ​ടാ​നി​ട​യാ​ക്കു​ന്ന​തിന്‌ സാത്താൻ ഏതു വിവി​ധ​മാർഗ്ഗങ്ങൾ ഉപയോ​ഗി​ക്കും? (ബി) ഈ കൂടുതൽ തന്ത്രപ​ര​മായ ശ്രമങ്ങൾ പരാജ​യ​പ്പെ​ടു​ന്നു​വെ​ങ്കിൽ അവന്റെ നയങ്ങൾ എങ്ങനെ മാറും?

¹⁸ ശലോ​മോൻ പരാജ​യ​പ്പെ​ട്ട​ടത്ത്‌ നിങ്ങൾ വിജയി​ക്കു​മോ? യഹോ​വ​യു​ടെ ഒരു സാക്ഷി​യെ​ന്ന​നി​ല​യിൽ നിങ്ങ​ളേ​ത്തന്നെ സമർപ്പി​ക്കു​ക​യും നിങ്ങളു​ടെ ആരാധ​ന​യിൽ സകല അർദ്ധഹൃ​ദ​യ​ത്വ​ത്തെ​യും ഇരുഹൃ​ദ​യ​ത്വ​ത്തെ​യും ഉപേക്ഷി​ക്കു​ക​യും “നിന്റെ ദൈവ​മായ യഹോ​വയെ നിന്റെ മുഴു ഹൃദയ​ത്തോ​ടെ സ്‌നേ​ഹി​ക്കാ​നു”ള്ള യേശു​വി​ന്റെ വാക്കുകൾ അനുസ​രി​ക്കു​ക​യും ചെയ്‌ത സ്ഥിതിക്ക്‌ ഇപ്പോൾ യഹോ​വ​യു​ടെ സേവന​ത്തിന്‌ പൂർണ്ണ​മാ​യി അർപ്പി​ക്ക​പ്പെ​ട്ട​താ​യി നിങ്ങളു​ടെ ഹൃദയത്തെ നിലനിർത്താൻ നിങ്ങൾ ഉറച്ചി​രി​ക്കു​മോ? (മത്തായി: 22:37) സാത്താൻ അത്‌ ഇഷ്ടപ്പെ​ടു​ക​യില്ല. അവൻ തന്ത്രശാ​ലി​യായ ഒരു പ്രതി​യോ​ഗി​യാണ്‌. നിങ്ങളു​ടെ ഹൃദയം അവന്റെ ഇരയാ​യി​ത്തീ​രും. പാപം ചെയ്യാ​നുള്ള അതിന്റെ ചായ്‌വി​നെ​ക്കു​റിച്ച്‌ അവന്‌ അറിയാം. നിങ്ങൾ നിങ്ങളു​ടെ ജാഗ്രത വെടി​യു​ന്നു​വെ​ങ്കിൽ അവന്‌ അതി​ലേക്കു നുഴഞ്ഞു​ക​യ​റാൻ കഴിയും. അവൻ ‘യേശു​വി​നെ ഒററി​ക്കൊ​ടു​ക്കാൻ ഇസ്‌ക്ക​രി​യോ​ത്താ യൂദാ​യു​ടെ ഹൃദയ​ത്തിൽ തോന്നി​ച്ചി​ല്ല​യോ?’ (യോഹ​ന്നാൻ 13:2) പണം, ഭൗതി​ക​ത്വം, വിനോ​ദം, അഹങ്കാരം, ലൗകിക ജീവി​ത​വൃ​ത്തി​കൾ, പ്രതാപ പ്രകട​നങ്ങൾ—അവന്‌ ആഘാത​വി​ധേ​യ​മായ നമ്മുടെ സ്ഥാനങ്ങൾ അറിയാം, അവൻ അവയെ ലക്ഷ്യം വച്ച്‌ തന്റെ തീയമ്പു​കൾ പായി​ക്കു​ന്നു. നിങ്ങൾ വിശ്വാ​സം എന്ന പരിച​കൊണ്ട്‌ അവയെ​യെ​ല്ലാം കെടു​ത്തി​ക്ക​ള​യു​മോ?—എഫേസ്യർ 6:14; 1 യോഹ​ന്നാൻ 2:15-17.

¹⁹ ഈ സാത്താന്യ അടവു​ക​ളെ​ല്ലാം പരാജ​യ​പ്പെ​ടു​മ്പോൾ, അവൻ അടങ്ങി​യി​രി​ക്കു​ന്നില്ല. അക്രമാ​സക്ത കൂട്ട പ്രക്ഷോ​ഭ​ണ​ങ്ങ​ളാ​ലും പ്രഹര​ങ്ങ​ളാ​ലും തടവു​ക​ളാ​ലും മരണത്താൽപോ​ലും യഹോ​വ​യു​ടെ വിശ്വസ്‌ത സാക്ഷി​കളെ വിഴു​ങ്ങാൻ ശ്രമി​ച്ചു​കൊണ്ട്‌ അവൻ ഒരു അലറുന്ന സിംഹ​മാ​യി​ത്തീ​രു​ന്നു. എന്നാൽ യഹോവ ഇതി​ലെ​ല്ലാം തന്നോടു ഹൃദയം പൂർണ്ണ​മാ​യി​രി​ക്കു​ന്ന​വരെ ബലപ്പെ​ടു​ത്തും.—യാക്കോബ്‌ 4:7; 1 പത്രോസ്‌ 5:8-10; വെളി​പ്പാട്‌ 2:10.

20, 21. (എ) അക്ഷരീയ ഹൃദയത്തെ പരി​ശോ​ധി​ക്കു​മ്പോൾ ഏതു ചോദ്യ​ങ്ങൾ ചോദി​ക്ക​പ്പെ​ടാം? (ബി) ആലങ്കാ​രിക ഹൃദയത്തെ പരി​ശോ​ധി​ക്കാൻ സമാന ചോദ്യ​ങ്ങൾ ഉപയോ​ഗി​ക്കാ​വു​ന്ന​തെ​ങ്ങനെ?

²⁰ അക്ഷരീയ ഹൃദയ​ത്തിന്‌ ഇടയ്‌ക്കി​ടെ ഒരു പരി​ശോ​ധന ആവശ്യ​മാണ്‌. അതിന്‌ ക്രമമായ ഇടവേ​ള​ക​ളിൽ നല്ല പോഷണം വേണ്ടത്ര അളവു​ക​ളിൽ കിട്ടു​ന്നു​ണ്ടോ? അതിന്റെ സ്‌പന്ദനം സ്ഥിരവും ശക്തവു​മാ​ണോ, അതോ മന്ദവും ദുർബ്ബ​ല​വു​മാ​ണോ? അത്‌ ഉചിത​മായ രക്തസമ്മർദ്ദം നിലനിർത്തു​ന്നു​ണ്ടോ? അതിന്‌ ആവശ്യ​മായ വ്യായാ​മം ലഭിക്കു​ന്നു​ണ്ടോ? (ആരോ​ഗ്യ​പ്ര​ദ​മാ​യി​രി​ക്കു​ന്ന​തിന്‌ ഹൃദയം ദീർഘ സമയങ്ങ​ളി​ലേക്ക്‌ ഊർജ്ജ്വ​സ്വ​ല​മാ​യി പമ്പു ചെയ്യേണ്ട ആവശ്യ​മുണ്ട്‌.) അതിന്റെ ഗതിനിർണ്ണയ സംവി​ധാ​നം മാറി​വ​രുന്ന ആവശ്യ​ങ്ങളെ നേരി​ടു​ന്ന​തിന്‌ അതിന്റെ വേഗം വ്യത്യാ​സ​പ്പെ​ടു​ത്തു​ന്നു​ണ്ടോ? അത്‌ അതിനെ ഭാരിച്ച സമ്മർദ്ദ​ത്തിൻ കീഴാ​ക്കുന്ന വൈകാ​രിക പരിതഃ​സ്ഥി​തിക്ക്‌ വിധേ​യ​മാ​ക്ക​പ്പെ​ടു​ന്നു​ണ്ടോ?

²¹ ശാരീ​രിക ഹൃദയ​ത്തിന്‌ പരി​ശോ​ധ​നകൾ ആവശ്യ​മാ​ണെ​ങ്കിൽ ആലങ്കാ​രിക ഹൃദയ​ത്തിന്‌ എത്രയ​ധി​കം ആവശ്യ​മാണ്‌! യഹോവ അതിനെ പരി​ശോ​ധി​ക്കു​ന്നു; നാമും അത്‌ ചെയ്യുന്നു. വ്യക്തി​പ​ര​മായ നിരന്തര പഠനത്താ​ലും യോഗ ഹാജരി​നാ​ലും അതിന്‌ വേണ്ടത്ര അളവിൽ ആത്മീയാ​ഹാ​രം ലഭിക്കു​ന്നു​ണ്ടോ? (സങ്കീർത്തനം 1:1, 2; സദൃശ​വാ​ക്യ​ങ്ങൾ 15:28; എബ്രായർ 10:24, 25) അതിന്റെ വിചാ​ര​ങ്ങ​ളും അഗാധ​വി​കാ​ര​ങ്ങ​ളും വയൽശു​ശ്രൂ​ഷ​യി​ലെ തീക്ഷ്‌ണ​മായ സേവന​ത്തിന്‌ നമ്മെ പ്രേരി​പ്പി​ക്കു​ന്നു​ണ്ടോ—ചില സമയങ്ങ​ളിൽ നാം ഒരു പക്ഷേ സഹായ പയനി​യ​റിം​ഗിൽ തീവ്ര​യ​ത്‌നം ചെയ്യാ​നി​ട​യാ​ക്കി​ക്കൊണ്ട്‌? (യിരെ​മ്യാവ്‌ 20:9; ലൂക്കോസ്‌ 13:24; 1 കൊരി​ന്ത്യർ 9:16) അതിന്റെ ചുററു​പാ​ടി​നെ സംബന്ധി​ച്ചെന്ത്‌? അത്‌ സമാന​വി​കാ​ര​ങ്ങ​ളോ​ടും പ്രേര​ണ​ക​ളോ​ടും കൂടെ ഏകാ​ഗ്ര​വും പൂർണ്ണ​വു​മായ മററു ഹൃദയ​ങ്ങ​ളാൽ ചുററ​പ്പെ​ട്ടി​രി​ക്കു​ന്നു​വോ?—2 രാജാ​ക്കൻമാർ 10:15, 16; സങ്കീർത്തനം 86:11; സദൃശ​വാ​ക്യ​ങ്ങൾ 13:20, 1 കൊരി​ന്ത്യർ 15:33.

22. യഹോ​വയെ ഒരു പൂർണ്ണ​ഹൃ​ദ​യ​ത്തോ​ടെ സേവി​ക്കാ​നുള്ള നമ്മുടെ തീരു​മാ​ന​ത്തി​ന്റെ വിജയത്തെ ഉറപ്പാ​ക്കു​ന്ന​തെന്ത്‌?

²² നിങ്ങളു​ടെ പരി​ശോ​ധന മേല്‌പറഞ്ഞ ചോദ്യ​ങ്ങൾക്ക്‌ ഉവ്വ്‌ എന്ന്‌ ഉത്തരം നൽകാൻ നിങ്ങളെ പ്രാപ്‌ത​നാ​ക്കു​ന്നു​വെ​ങ്കിൽ, അപ്പോൾ നിങ്ങൾ നിങ്ങളു​ടെ ആലങ്കാ​രിക ഹൃദയത്തെ കാത്തു​സൂ​ക്ഷി​ക്കു​ക​യാണ്‌. യഹോ​വയെ പൂർണ്ണ​ഹൃ​ദ​യ​ത്തോ​ടെ സേവി​ക്കാ​നുള്ള നിങ്ങളു​ടെ തീരു​മാ​ന​ത്തിൽ വിശ്വ​സ്‌ത​രായ ദശലക്ഷ​ക്ക​ണ​ക്കിന്‌ മററു സാക്ഷി​ക​ളോ​ടൊ​പ്പം നിങ്ങളും വിജയി​ക്കും. അങ്ങനെ​യു​ള്ള​വർക്കെ​ല്ലാം ഈ ഉറപ്പുണ്ട്‌: “സകല ചിന്ത​യെ​ക്കാ​ളും മികച്ച ദൈവ​സ​മാ​ധാ​നം ക്രിസ്‌തു​യേശു മുഖേന നിങ്ങളു​ടെ ഹൃദയ​ങ്ങ​ളെ​യും മാനസി​ക​ശ​ക്തി​ക​ളെ​യും കാക്കും.”—ഫിലി​പ്യർ 4:7. (w86 6/1)

[അടിക്കു​റി​പ്പു​കൾ]

ഒരു ഗ്യാലൻ=3.8 ലിററർ

നിങ്ങൾ ഓർമ്മി​ക്കു​ന്നു​വോ?

◻ ആലങ്കാ​രിക ഹൃദയ​ത്തിന്‌ ഉള്ളതായി പറയുന്ന അനേകം ഗുണങ്ങ​ളേവ?

◻ നമുക്ക്‌ അർദ്ധഹൃ​ദ​യ​രോ ഇരുഹൃ​ദ​യ​രോ ആയിരി​ക്കു​ന്നത്‌ എങ്ങനെ ഒഴിവാ​ക്കാം?

◻ യഹോ​വ​യും ക്രിസ്‌തു​വും ന്യായം​വി​ധി​ക്കു​മ്പോൾ ഹൃദയത്തെ നോക്കു​ന്ന​തെ​ന്തു​കൊണ്ട്‌?

◻ നമുക്ക്‌ ഒരു പൂർണ്ണ​ഹൃ​ദയം എങ്ങനെ നേടാ​നും നിലനിർത്താ​നും കഴിയും?

[10-ാം പേജിലെ ചിത്രം]

നിങ്ങൾക്ക്‌ രണ്ടു മുഖങ്ങ​ളു​ണ്ടോ?

[11-ാം പേജിലെ ചിത്രം]

ലുദിയ

യഹോശാഫാത്ത്‌

ഹന്നാ

മറിയ