യേശു​വി​ന്റെ ജീവി​ത​വും ശുശ്രൂ​ഷ​യും

പ്രഭാ​ഷ​ണ​ങ്ങ​ളിൽ വച്ച്‌ ഏററ പ്രസി​ദ്ധ​മാ​യത്‌

ഈ ദൃശ്യം ബൈബിൾ ചരി​ത്ര​ത്തി​ലെ ഏററം സ്‌മര​ണാർഹ​മായ ഒന്നാണ്‌. തന്റെ പ്രശസ്‌ത ഗിരി​പ്ര​ഭാ​ഷണം നിർവ​ഹി​ച്ചു​കൊണ്ട്‌ യേശു ഒരു മലഞ്ചെ​രു​വിൽ ഇരിക്കു​ന്നു. ഈ സ്ഥാനം ഗലീലാ കടലി​ന​ടു​ത്താണ്‌, ഒരുപക്ഷെ കഫർന്ന​ഹൂ​മി​നു സമീപം. യേശു രാത്രി മുഴുവൻ ദൈവ​ത്തോ​ടുള്ള പ്രാർത്ഥ​ന​യിൽ ചെലവ​ഴി​ച്ച​ശേഷം പിറേ​റന്ന്‌ രാവിലെ അപ്പോ​സ്‌ത​ലൻമാ​രാ​യി​രി​ക്കാൻ അവൻ തന്റെ ശിഷ്യൻമാ​രിൽ 12 പേരെ തെര​ഞ്ഞെ​ടു​ത്തു. അതിനു​ശേഷം എല്ലാവ​രെ​യും കൂട്ടി അവൻ മലഞ്ചെ​രു​വി​ന്റെ ഈ നിരപ്പായ സ്ഥാന​ത്തെത്തി.

ഇതി​നോ​ട​കം യേശു വളരെ ക്ഷീണി​ച്ചി​രി​ക്കു​ന്ന​തി​നാൽ അവന്‌ അല്‌പം വിശ്രമം ആവശ്യ​മാ​ണെന്ന്‌ നിങ്ങൾ വിചാ​രി​ച്ചേ​ക്കാം. എന്നാൽ വലിയ പുരു​ഷാ​രം എത്തിയി​ട്ടുണ്ട്‌. ചിലർ 60-ഉം 70-ഉം മൈൽ (100-110 കി. മീ.) അകലെ നിന്ന്‌—യഹൂദ്യ​യിൽനി​ന്നും യരുശ​ലേ​മിൽ നിന്നും—ഉള്ളവരാണ്‌. മററു ചിലർ ഉത്തരദി​ക്കി​ലെ സോരിൽനി​ന്നും സീദോ​നിൽനി​ന്നും ഉള്ളവരാണ്‌. അവർ യേശു​വി​ന്റെ വാക്കുകൾ കേൾക്കു​ന്ന​തി​നും രോഗ​ശാ​ന്തി ലഭിക്കു​ന്ന​തി​നു​മാ​യാണ്‌ വന്നിരി​ക്കു​ന്നത്‌. അവരിൽ ഭൂതബാ​ധ​യു​ള്ള​വർപോ​ലു​മുണ്ട്‌.

യേശു ഇറങ്ങി​വ​രു​മ്പോൾ രോഗി​കൾ അവനെ സ്‌പർശി​ക്കു​ന്ന​തി​നു​വേണ്ടി അവന്റെ​യ​ടു​ത്തു വരുന്നു. അവൻ അവരെ​യെ​ല്ലാം സൗഖ്യ​മാ​ക്കു​ന്നു. അതിനു​ശേഷം യേശു പ്രത്യ​ക്ഷ​ത്തിൽ മലയുടെ ഉയർന്ന ഒരു സ്ഥാന​ത്തേക്ക്‌ കയറുന്നു. അവി​ടെ​യി​രു​ന്നു​കൊണ്ട്‌ തന്റെ മുമ്പാകെ നിരപ്പായ പ്രദേ​ശത്ത്‌ കൂടി​യി​രി​ക്കുന്ന പുരു​ഷാ​ര​ത്തോട്‌ ഉപദേ​ശി​ച്ചു​തു​ട​ങ്ങു​ന്നു. അതി​നെ​ക്കു​റിച്ച്‌ ചിന്തി​ക്കുക! ഇപ്പോൾ ആ സദസ്സിൽ ഗുരു​ത​ര​മായ വൈക​ല്യ​ത്താൽ കഷ്‌ട​പ്പെ​ടുന്ന ഒററ വ്യക്തി​പോ​ലു​മില്ല!

ഈ അത്ഭുത പ്രവർത്ത​നങ്ങൾ നിർവ​ഹി​ക്കാൻ പ്രാപ്‌ത​നായ ഈ ഉപദേ​ഷ്ടാ​വി​ന്റെ വാക്കുകൾ ശ്രദ്ധി​ക്കാൻ ആളുകൾ വളരെ ഉത്‌സു​ക​രാണ്‌. എന്നിരു​ന്നാ​ലും, യേശു മുഖ്യ​മാ​യും തന്റെ ശിഷ്യൻമാ​രു​ടെ പ്രയോ​ജ​ന​ത്തി​നാ​യി പ്രസംഗം നിർവ​ഹി​ക്കു​ന്നു. അവർ സാദ്ധ്യ​ത​യ​നു​സ​രിച്ച്‌ അവനോട്‌ ഏററം അടുത്താ​ണി​രി​ക്കു​ന്നത്‌. എന്നാൽ നമുക്കും പ്രയോ​ജ​ന​മ​നു​ഭ​വി​ക്കാൻ കഴിയ​ത്ത​ക്ക​വണ്ണം മത്തായി​യും ലൂക്കോ​സും ഇത്‌ രേഖ​പ്പെ​ടു​ത്തി​യി​ട്ടുണ്ട്‌.

മത്തായി​യു​ടെ വിവരണം ലൂക്കോ​സി​ന്റേ​തി​നേ​ക്കാൾ ഏതാണ്ട്‌ നാലു മടങ്ങ്‌ ദീർഘ​മാണ്‌. കൂടാതെ, മത്തായി​യു​ടെ വിവര​ണ​ത്തി​ലെ ചില ഭാഗങ്ങൾ യേശു തന്റെ ശുശ്രൂ​ഷ​യു​ടെ മറെറാ​ര​വ​സ​ര​ത്തിൽ പറഞ്ഞതാ​യി ലൂക്കോസ്‌ വിവരി​ക്കു​ന്നു. ഇത്‌ മത്തായി 6:9-13-നോട്‌ ലൂക്കോസ്‌ 11:1-4-ഉം മത്തായി 6:25-34-നോട്‌ ലൂക്കോസ്‌ 12:22-31-ഉം താരത​മ്യ​പ്പെ​ടു​ത്തു​മ്പോൾ നിരീ​ക്ഷി​ക്കാ​വു​ന്ന​താണ്‌. എന്നാൽ ഇത്‌ ആശ്ചര്യ​ക​രമല്ല. കാരണം യേശു സ്‌പഷ്ട​മാ​യും ഒരേ കാര്യങ്ങൾ ഒന്നില​ധി​കം പ്രാവ​ശ്യം പഠിപ്പി​ച്ചി​ട്ടുണ്ട്‌. ലൂക്കോസ്‌ ഈ പഠിപ്പി​ക്ക​ലു​ക​ളിൽ ചിലത്‌ മറെറാ​രു പശ്ചാത്ത​ല​ത്തിൽ രേഖ​പ്പെ​ടു​ത്താ​നി​ഷ്ട​പ്പെട്ടു.

യേശു​വി​ന്റെ പ്രഭാ​ഷ​ണത്തെ വളരെ മൂല്യ​വ​ത്താ​ക്കു​ന്നത്‌ അതിലെ ആത്മീയ വിവര​ങ്ങ​ളു​ടെ ആഴം മാത്രമല്ല, മറിച്ച്‌ ഈ സത്യങ്ങൾ അവതരി​പ്പി​ക്കു​ന്ന​തി​ലെ ലാളി​ത്യ​വും വ്യക്തത​യു​മാണ്‌. അവൻ സാധാരണ അനുഭ​വ​ങ്ങ​ളി​ലേക്ക്‌ ശ്രദ്ധയാ​കർഷി​ക്കു​ക​യും ആളുകൾക്ക്‌ സുപരി​ചി​ത​മാ​യി​രി​ക്കുന്ന കാര്യങ്ങൾ ഉപയോ​ഗി​ക്കു​ക​യും ചെയ്‌തു. അങ്ങനെ തന്റെ ആശയങ്ങൾ ദൈവിക മാർഗ്ഗ​ത്തിൽ മെച്ചപ്പെട്ട ജീവൻ അന്വേ​ഷി​ക്കുന്ന സകലർക്കും എളുപ്പ​ത്തിൽ മനസ്സി​ലാ​കുന്ന വിധത്തിൽ അവതരി​പ്പി​ച്ചു. അടുത്ത ലക്കങ്ങളിൽ നാം അവൻ പറഞ്ഞ ചില കാര്യങ്ങൾ പരി​ശോ​ധി​ക്കു​ന്ന​താണ്‌. ലൂക്കോസ്‌ 6:12-20; മത്തായി 5:1, 2.

◆ യേശു​വി​ന്റെ ഏററം സ്‌മര​ണാർഹ​മായ പ്രഭാ​ഷണം എവി​ടെ​വ​ച്ചാണ്‌ നടത്ത​പ്പെ​ട്ടത്‌, ആരെല്ലാം സന്നിഹി​ത​രാ​യി​രു​ന്നു, അത്‌ നിർവ​ഹി​ക്കു​ന്ന​തിന്‌ തൊട്ടു​മുമ്പ്‌ എന്തു സംഭവി​ച്ചി​രു​ന്നു?

◆ ലൂക്കോസ്‌ യേശു​വി​ന്റെ ഉപദേ​ശ​ങ്ങ​ളിൽ ചിലത്‌ മറെറാ​രു പശ്ചാത്ത​ല​ത്തിൽ രേഖ​പ്പെ​ടു​ത്തു​ന്നത്‌ ആശ്ചര്യ​മ​ല്ലാ​ത്ത​തെ​ന്തു​കൊണ്ട്‌?

◆ യേശു​വി​ന്റെ പ്രഭാ​ഷ​ണത്തെ വളരെ മൂല്യ​വ​ത്താ​ക്കു​ന്ന​തെന്ത്‌? (w86 9/15)