വായന​ക്കാ​രിൽനി​ന്നുള്ള ചോദ്യ​ങ്ങൾ

■ യേശു പ്രത്യ​ക്ഷ​പ്പെ​ട്ട​താ​യി 1 കൊരി​ന്ത്യർ 15:5-ൽ പരാമർശി​ച്ചി​രി​ക്കുന്ന “പന്ത്രണ്ടു പേർ” ആരായി​രു​ന്നു?

1 കൊരി​ന്ത്യർ 15:5-ൽ പരാമർശി​ച്ചി​രി​ക്കുന്ന പ്രത്യക്ഷത തോമ​സ്സും ഉൾപ്പെ​ട്ടി​രുന്ന, യോഹ​ന്നാൻ 20:26-29-ൽ പറഞ്ഞി​രി​ക്കു​ന്ന​താ​ണെന്ന്‌ തോന്നു​ന്നു. എന്നിരു​ന്നാ​ലും, ഇത്‌ അപ്പോ​സ്‌ത​ലൻമാ​രെ ഒരു സംഘമെന്ന നിലയിൽ പരാമർശി​ക്കു​ന്നു, സാധ്യ​ത​യ​നു​സ​രിച്ച്‌ മത്ഥിയാ​സും ഉൾപ്പെ​ട്ടി​രു​ന്നു.

പുനരു​ത്ഥാ​ന​ത്തെ​ക്കു​റിച്ച്‌ സംസാ​രി​ക്കു​ക​യിൽ പൗലോസ്‌, യേശു ഉയിർപ്പി​ക്ക​പ്പെ​ട്ട​ശേഷം മനുഷ്യർക്ക്‌ പ്രത്യ​ക്ഷ​പ്പെ​ട്ട​തി​നെ​ക്കു​റിച്ച്‌ എഴുതി. ക്രിസ്‌തു “കേഫാ​വി​നും പിന്നീട്‌ പന്ത്രണ്ടു​പേർക്കും പ്രത്യ​ക്ഷ​നാ​യി. അതിനു​ശേഷം അവൻ അഞ്ഞൂറി​നു​മേൽ സഹോ​ദ​രൻമാർക്ക്‌ പ്രത്യ​ക്ഷ​നാ​യി” എന്ന്‌ അപ്പോ​സ്‌തലൻ പറഞ്ഞു.—1 കൊരി​ന്ത്യർ 15:5, 6.

ശിഷ്യൻമാർ എന്ന നിലയിൽ യേശു​വി​നെ അനുഗ​മി​ച്ച​വ​രിൽ നിന്ന്‌ അവൻ 12 അപ്പോ​സ്‌ത​ലൻമാ​രെ തിര​ഞ്ഞെ​ടു​ത്തു. (മത്തായി 10:2-5) യൂദാ ഇസ്‌ക​രി​യോ​ത്താ 12-ൽ ഒരുവ​നാ​യി​രു​ന്നു. എന്നാൽ അവൻ വിശ്വാസ വഞ്ചകനാ​യി​ത്തീ​രു​ക​യും യേശു​വി​നെ ഒററി​ക്കൊ​ടു​ക്കു​ക​യും ചെയ്‌ത​ശേഷം സ്വയം കെട്ടി​ഞാ​ന്നു മരിച്ചു. (മത്തായി 26:20-25; 27:3-10) അതു​കൊണ്ട്‌ ക്രിസ്‌തു​വി​ന്റെ മരണത്തി​ന്റെ​യും ഉയിർപ്പി​ന്റെ​യും സമയത്ത്‌ ആദ്യത്തെ 12 പേരിൽ 11 വിശ്വസ്‌ത അപ്പോ​സ്‌ത​ലൻമാർ മാത്രമേ ഉണ്ടായി​രു​ന്നു​ള്ളു. യേശു തന്റെ ഉയിർപ്പി​ന്റെ​യും സ്വർഗ്ഗാ​രോ​ഹ​ണ​ത്തി​ന്റെ​യും ഇടക്ക്‌ പല ശിഷ്യൻമാർക്ക്‌ പ്രത്യ​ക്ഷ​നാ​യി. അതിനു​ശേഷം അപ്പോ​സ്‌ത​ലൻമാർ യൂദാ​സി​നു പകരം ആളെ എടു​ക്കേ​ണ്ട​തി​ന്റെ ആവശ്യം തിരി​ച്ച​റി​ഞ്ഞു. ദിവ്യ മാർഗ്ഗ​നിർദ്ദേ​ശ​ത്തിൻ കീഴിൽ മത്ഥിയാ​സി​നെ തിര​ഞ്ഞെ​ടു​ക്കു​ക​യും “അവൻ പതി​നൊന്ന്‌ അപ്പോ​സ്‌ത​ലൻമാ​രോ​ടു​കൂ​ടെ എണ്ണപ്പെ​ടു​ക​യും ചെയ്‌തു.”—പ്രവൃ​ത്തി​കൾ 1:6-26.

ആ സമയത്ത്‌ യൂദാസ്‌ മരിക്ക​യും മത്ഥിയാ​സി​നെ അതുവരെ തിര​ഞ്ഞെ​ടു​ക്കാ​തി​രി​ക്ക​യും ചെയ്‌തി​രി​ക്കെ യേശു “പന്ത്രണ്ട്‌ പേർക്ക്‌” പ്രത്യ​ക്ഷ​പ്പെട്ടു എന്ന്‌ പൗലോസ്‌ എന്തു​കൊണ്ട്‌ എഴുതി​യെന്ന്‌ ചിലർ അതിശ​യി​ച്ചി​ട്ടുണ്ട്‌. കൃത്യ​മാ​യി പറഞ്ഞാൽ അപ്പോൾ അവിടെ യേശു ആരംഭ​ത്തിൽ നിയോ​ഗി​ച്ചയച്ച “പതി​നൊന്ന്‌ അപ്പോ​സ്‌ത​ലൻമാർ” മാത്രമെ ഉണ്ടായി​രു​ന്നു​ള്ളു.—ലൂക്കോസ്‌ 6:13-16.

ഒരു അംഗം ഹാജരി​ല്ലെ​ങ്കി​ലും ഒരു കൂട്ടത്തെ ഒരുമിച്ച്‌ പരാമർശി​ക്കു​ന്നത്‌ സാധാ​ര​ണ​മാണ്‌. (ഡയറക്ടർമാ​രു​ടെ ബോർഡ്‌ തീരു​മാ​നി​ച്ചു . . . “മൂപ്പൻമാ​രു​ടെ സംഘം” ഒരുമി​ച്ചു​കൂ​ടി. . . .) അതു​കൊണ്ട്‌ “പന്ത്രണ്ട്‌” എന്ന പദം ഒരു സന്ദർഭ​ത്തിൽ ഒന്നോ രണ്ടോ പേർ ഹാജരി​ല്ലെ​ങ്കി​ലും അപ്പോ​സ്‌ത​ലൻമാ​രു​ടെ മുഴു​സം​ഘ​ത്തെ​യും പരാമർശി​ക്കാൻ നന്നായി ഉപയോ​ഗി​ച്ചി​രു​ന്നി​രി​ക്കണം. (പ്രവൃ​ത്തി​കൾ 6:1-6 വരെ താരത​മ്യം ചെയ്യുക.) യേശു ആദ്യം അടച്ചി​ട്ടി​രുന്ന ഒരു മുറി​യിൽ ശിഷ്യൻമാർക്ക്‌ പ്രത്യ​ക്ഷ​നാ​യ​പ്പോൾ, “പന്ത്രണ്ടു​പേ​രിൽ ഒരുവ​നാ​യി​രുന്ന തോമസ്‌, . . . അവരോ​ടു​കൂ​ടെ ഉണ്ടായി​രു​ന്നില്ല.” എട്ടുദി​വ​സ​ങ്ങൾക്കു​ശേഷം അവൻ സന്നിഹി​ത​നാ​യി​രു​ന്നു, ഏതൊരു അനിശ്ചി​ത​ത്വ​ത്തെ​യും നീക്കു​ക​യും ചെയ്‌തു. (യോഹ​ന്നാൻ 20:19-29) മത്ഥിയാ​സി​നെ യൂദാ​സി​നു പകരം നിയോ​ഗി​ച്ചി​ട്ടി​ല്ലാ​യി​രു​ന്നെ​ങ്കി​ലും അവൻ ഒരു ദീർഘ​കാല ശിഷ്യ​നാ​യി​രു​ന്നു. (പ്രവൃ​ത്തി​കൾ 1:21, 22) അവൻ ആദ്യകാല അപ്പോ​സ്‌ത​ലൻമാ​രോട്‌ അടുത്ത്‌ സഹവസി​ച്ചി​രു​ന്ന​തി​നാ​ലും അതിനു​ശേഷം ഉടൻതന്നെ അവരോ​ടു കൂടെ “എണ്ണപ്പെ​ടു​ക​യും” ചെയ്‌ത​തി​നാ​ലും “പന്ത്രണ്ടു പേർക്ക്‌” യേശു പ്രത്യ​ക്ഷ​മാ​യി എന്നുള്ള നേരത്തത്തെ പ്രസ്‌താ​വ​ന​യിൽ സാധ്യ​ത​യ​നു​സ​രിച്ച്‌ മത്ഥിയാ​സി​നെ​യും ഉൾപ്പെ​ടു​ത്തി​യി​രു​ന്നി​രി​ക്കും. (w87 1/15)