നിങ്ങൾ ഉൾപ്പെ​ടുന്ന സാർവ്വ​ത്രിക കോട​തി​ക്കേസ്‌

“‘നിങ്ങളു​ടെ വിവാ​ദാ​ത്‌മക വ്യവഹാ​രം മുന്നോ​ട്ടു കൊണ്ടു​വ​രിക’ എന്ന്‌ യഹോവ പറയുന്നു. ‘നിങ്ങളു​ടെ വാദങ്ങൾ ഹാജരാ​ക്കുക.’”—യെശയ്യാവ്‌ 41:21.

1, 2. (എ) വാദം നടത്തേ​ണ്ട​തുള്ള ഏററം നിർണ്ണാ​യ​ക​മായ കോട​തി​ക്കേ​സിൽ ഉൾപ്പെ​ട്ടി​രി​ക്കു​ന്ന​താർ? (ബി) എന്താണ്‌ വിവാ​ദ​പ്ര​ശ്‌ന​മാ​യി​രി​ക്കു​ന്നത്‌?

ചരി​ത്ര​ത്തി​ലു​ട​നീ​ളം എണ്ണമററ കോട​തി​ക്കേ​സു​കൾ ഉണ്ടായി​ട്ടുണ്ട്‌. ഇവയിൽ ഒരു പക്ഷത്തി​നു​വേണ്ടി അല്ലെങ്കിൽ മറുപ​ക്ഷ​ത്തി​നു​വേണ്ടി വാദി​ക്കാൻ സാക്ഷി​കളെ കൊണ്ടു​വ​രി​ക​യും തെളി​വു​കൾ ഹാജരാ​ക്കു​ക​യും ചെയ്‌തി​ട്ടുണ്ട്‌. ഈ കേസു​ക​ളിൽ അനേക​ത്തി​ലും വ്യക്തി​ക​ളാണ്‌ ഉൾപ്പെ​ട്ടി​രു​ന്നത്‌. അതേസ​മയം മററു ചിലത്‌ ഏറെ ആളുകളെ ബാധി​ച്ചി​ട്ടുണ്ട്‌. എന്നാൽ ഇപ്പോൾ വാദി​ക്ക​പ്പെ​ട്ടു​കൊ​ണ്ടി​രി​ക്കുന്ന സാർവ്വ​ത്രിക കോട​തി​ക്കേ​സി​നോ​ടു താരത​മ്യ​പ്പെ​ടു​ത്തു​മ്പോൾ അങ്ങനെ​യുള്ള കേസു​ക​ളെ​ല്ലാം അപ്രധാ​ന​മാ​യി​ത്തീ​രു​ക​യാണ്‌. അത്‌ ചരി​ത്ര​ത്തി​ലെ ഏററം നിർണ്ണാ​യ​ക​മായ കോട​തി​ക്കേസ്‌ ആണ്‌. അതിന്റെ ഫലങ്ങൾ ഭൂമി​യി​ലെ ഓരോ വ്യക്തി​യെ​യും ബാധി​ക്കും, ഉൾപ്പെ​ടാ​നി​ഷ്ട​പ്പെ​ട്ടാ​ലും ഇല്ലെങ്കി​ലും.

² ഈ കേസിലെ മുഖ്യ ആൾ അഖിലാ​ണ്ഡ​ത്തി​ലെ ഏററവും ഉയർന്ന വ്യക്തി​യായ യഹോ​വ​യാം ദൈവ​മാണ്‌, “ആകാശ​ങ്ങ​ളു​ടെ സ്രഷ്ടാ​വും അവയെ വിരി​ക്കുന്ന മഹാനു​മാ​യവൻ; ഭൂമി​യെ​യും അതിലെ ഉല്‌പ​ന്ന​ത്തെ​യും നിരത്തു​ന്നവൻ, അതിലെ ജനത്തിന്‌ ശ്വാസം കൊടു​ക്കു​ന്നവൻ.” (യെശയ്യാവ്‌ 42:5) എന്താണു വിവാ​ദ​പ്ര​ശ്‌നം? അവന്റെ ദൈവ​ത്വ​മാ​ണു വിവാ​ദ​പ്ര​ശ്‌നം—ഭൂമി​യും അതിലെ നിവാ​സി​ക​ളും ഉൾപ്പെടെ മുഴു അഖിലാ​ണ്ഡ​ത്തിൻമേ​ലും അവനുള്ള ഭരണാ​ധി​പ​ത്യ​ത്തി​ന്റെ നീതി​തന്നെ. ഇതിനെ സാർവ്വ​ത്രിക പരമാ​ധി​കാ​ര​ത്തി​ന്റെ വിവാ​ദ​പ്ര​ശ്‌നം എന്നു വിളി​ക്കാൻ കഴിയും.

3. സാർവ്വ​ത്രിക പരമാ​ധി​കാ​ര​ത്തി​ന്റെ വിവാ​ദ​പ്ര​ശ്‌ന​ത്തിൽ ഏതു ചോദ്യ​ങ്ങൾ അടിസ്ഥാ​ന​പ​ര​മാ​യി​ട്ടു​ള്ള​താണ്‌?

³ ഈ വിവാ​ദ​പ്ര​ശ്‌ന​ത്തിൽ അടിസ്ഥാ​ന​പ​ര​മാ​യി ഈ ചോദ്യ​ങ്ങൾ ഉൾപ്പെ​ട്ടി​രി​ക്കു​ന്നു: നിങ്ങളു​ടെ ജീവനും ഭാവി​ഗ​തി​യും അർപ്പി​ക്കാൻ തക്കവണ്ണം ആരാധി​ക്ക​പ്പെ​ടുന്ന ദൈവ​ങ്ങ​ളിൽ ഏതു ദൈവം വളരെ ആശ്രയ​യോ​ഗ്യ​നെന്നു തെളി​യി​ച്ചി​രി​ക്കു​ന്നു? ഏതു ദൈവം യഥാർത്ഥ​ത്തിൽ സ്ഥിതി​ചെ​യ്‌തി​രി​ക്കു​ന്നു, ഏതു ദൈവം കേവലം മനുഷ്യ കണ്ടുപി​ടു​ത്ത​ങ്ങ​ളാ​യി​രി​ക്കു​ന്നു? മനുഷ്യ​വർഗ്ഗത്തെ അതിന്റെ ഇപ്പോ​ഴത്തെ ആശയററ അവസ്ഥയിൽനിന്ന്‌ വിടു​വി​ക്കാ​നും യഥാർത്ഥ സമാധാ​ന​ത്തി​നും ഭദ്രത​ക്കും ഐശ്വ​ര്യ​ത്തി​നും ആരോ​ഗ്യ​ത്തി​നും ഉറപ്പു​വ​രു​ത്താ​നും കഴിവുള്ള ജീവനുള്ള ഒരു യഥാർത്ഥ പരമോ​ന്നത ദൈവം ഉണ്ടോ?

4. തങ്ങൾ ഇപ്പോൾത്തന്നെ ദൈവ​ത്തിൽ വിശ്വ​സി​ക്കു​ന്നു​വെന്ന്‌ പറയു​ന്ന​തു​കൊണ്ട്‌ വിവാ​ദ​പ്ര​ശ്‌ന​മി​ല്ലെന്നു വിചാ​രി​ക്കു​ന്ന​വ​രെ​ക്കു​റിച്ച്‌ എന്തു പറയാൻ കഴിയും?

⁴ തങ്ങൾ ഇപ്പോൾത്തന്നെ ദൈവ​ത്തിൽ വിശ്വ​സി​ക്കു​ന്നു​വെന്നു പറയു​ന്ന​തു​കൊണ്ട്‌ തങ്ങൾക്ക്‌ വിവാ​ദ​പ്ര​ശ്‌ന​മി​ല്ലെന്ന്‌ അനേകർ വിചാ​രി​ക്കു​ന്നു. എന്നാൽ തങ്ങൾ ആരാധി​ക്കുന്ന ദൈവം യഥാർത്ഥ​ത്തിൽ സത്യ​ദൈ​വ​മാ​ണെ​ന്നു​ള്ള​തിന്‌, അവന്റെ വാഗ്‌ദ​ത്തങ്ങൾ വിശ്വാ​സ്യ​മാ​ണെ​ന്നു​ള്ള​തിന്‌, അവന്റെ ഉദ്ദേശ്യ​ങ്ങ​ളും നിയമ​ങ്ങ​ളും തങ്ങളുടെ ജീവി​തത്തെ നയിക്കു​ന്നു​വെ​ന്ന​തിന്‌, അവർക്കു തെളിവു ഹാജരാ​ക്കാൻ കഴിയു​മോ? അങ്ങനെ​യു​ള്ളവർ ഉവ്വ്‌ എന്ന്‌ ഉത്തരം പറയു​ന്നു​വെ​ങ്കിൽ, അപ്പോൾ അവർ ഈ ചോദ്യ​ങ്ങൾക്ക്‌ ഉത്തരം പറയാൻ പ്രാപ്‌ത​രാ​യി​രി​ക്കേ​ണ്ട​താണ്‌: വിശ്വ​സ​നീ​യ​മായ വാഗ്‌ദ​ത്തങ്ങൾ നൽകുന്ന ഒരു സത്യ​ദൈവം ഉണ്ടെന്നു​ള്ള​തിന്‌ എന്താണ്‌ തെളിവ്‌? മനുഷ്യ​വർഗ്ഗ​ത്തെ​യും ഭൂമി​യെ​യും സംബന്ധിച്ച ദൈ​വോ​ദ്ദേ​ശ്യം എന്താണ്‌? ദൈവ​ത്തി​ന്റെ സമയവി​വ​ര​പ്പ​ട്ടി​ക​യിൽ നാം എവിടെ സ്ഥിതി​ചെ​യ്യു​ന്നു, സത്വര​ഭാ​വി എന്തു കൈവ​രു​ത്തും? നാം അവനെ ഉയർത്തി​പ്പി​ടി​ക്കു​ന്ന​തിന്‌ നാം എന്തു ചെയ്യാൻ അവൻ ആഗ്രഹി​ക്കു​ന്നു?

5. തങ്ങളുടെ ദൈവ​വി​ശ്വാ​സത്തെ പിന്താ​ങ്ങാൻ തെളിവ്‌ ഹാജരാ​ക്കാത്ത ആളുകളെ ആരോട്‌ ഉപമി​ക്കാൻ കഴിയും?

⁵ ദൈവ​ത്തിൽ വിശ്വ​സി​ക്കു​ന്നു​വെന്നു പറയുന്ന മിക്കയാ​ളു​ക​ളും ഈ ചോദ്യ​ങ്ങൾക്ക്‌ ആധികാ​രി​ക​മാ​യി ഉത്തരം പറയാൻ അപ്രാ​പ്‌ത​രാണ്‌. ഒന്നാം നൂററാ​ണ്ടിൽ ദൈവ​ത്തിൽ വിശ്വ​സി​ക്കു​ന്നു​വെന്ന്‌ അവകാ​ശ​പ്പെ​ട്ട​വ​രും എന്നാൽ പ്രവൃ​ത്തി​കൾ ആ അവകാ​ശ​വാ​ദത്തെ പൊള്ള​യാ​ക്കി​യ​വ​രു​മാ​യ​വ​രോട്‌ അങ്ങനെ​യു​ള്ള​വരെ ഉപമി​ക്കാൻ കഴിയും. അവരെ സംബന്ധിച്ച്‌ ദൈവ​വ​ചനം ഇങ്ങനെ പറയുന്നു: “തങ്ങൾ ദൈവത്തെ അറിയു​ന്നു​വെന്ന്‌ അവർ പരസ്യ​മാ​യി പ്രഖ്യാ​പി​ക്കു​ന്നു, എന്നാൽ അവർ തങ്ങളുടെ പ്രവൃ​ത്തി​ക​ളാൽ അവനെ തള്ളിപ്പ​റ​യു​ന്നു.” അതെ “പ്രവൃ​ത്തി​ക​ളി​ല്ലാത്ത വിശ്വാ​സം മൃതമാണ്‌.” (തീത്തോസ്‌ 1:16; യാക്കോബ്‌ 2:26) അതു​കൊണ്ട്‌, ദൈവ​ത്തിൽ വിശ്വ​സി​ക്കു​ന്നു​വെന്ന്‌ പറയു​ന്ന​വ​രെ​ങ്കി​ലും അതിനെ പിന്താ​ങ്ങാൻ ഈടുററ തെളിവു നൽകാൻ കഴിയാ​ത്തവർ ആരാധ​നാ​ല​ക്ഷ്യ​ങ്ങ​ളെ​ന്ന​നി​ല​യിൽ പണ്ടേ അപ്രത്യ​ക്ഷ​പ്പെട്ട വ്യാജ​ദൈ​വ​ങ്ങ​ളിൽ വിശ്വ​സി​ച്ചി​രുന്ന കഴിഞ്ഞ നൂററാ​ണ്ടു​ക​ളി​ലെ ആളുക​ളെ​ക്കാൾ ഒരു പ്രകാ​ര​ത്തി​ലും വ്യത്യ​സ്‌തരല്ല.

പരീക്ഷ​ണ​കേ​സു​കൾ

6, 7. (എ) പുരാതന ഈജി​പ്‌റ​റു​കാ​രു​ടെ മതത്തെ വർണ്ണി​ക്കുക. (ബി) യഹോ​വ​യും ഈജി​പ്‌റ​റി​ലെ ദൈവ​ങ്ങ​ളും തമ്മിലുള്ള വിവാ​ദ​പ്ര​ശ്‌ന​ത്തിൽ യിസ്രാ​യേ​ല്യർ ഉൾപ്പെ​ട്ടി​രു​ന്ന​തെ​ങ്ങനെ?

⁶ ഇതിന്റെ ഒരു ദൃഷ്ടാ​ന്ത​മാ​യി​രു​ന്നു നമ്മുടെ പൊതു​യു​ഗ​ത്തിന്‌ ഏതാണ്ട്‌ 1500 വർഷം മുമ്പ്‌ പുരാതന ഈജി​പ്‌റ​റി​ലെ ദൈവ​ങ്ങൾക്കെ​തി​രെ ഉന്നയി​ക്ക​പ്പെട്ട കേസ്‌. ഈജി​പ്‌റ​റു​കാർ കാള, പൂച്ച, പശു, ചീങ്കണ്ണി, പ്രാപ്പി​ടി​യൻ, തവള, കുറുക്കൻ, സിംഹം, സർപ്പം, കഴുകൻ, ചെന്നായ്‌ മുതലായ മൃഗങ്ങൾ ഉൾപ്പെടെ ഒട്ടേറെ ദൈവ​ങ്ങളെ ആരാധി​ച്ചു. ഈ മൃഗങ്ങ​ളി​ല​നേ​ക​വും ദൈവ​ത്തി​ന്റെ​യോ ദേവി​യു​ടെ​യോ അവതാ​ര​ങ്ങ​ളാ​യി പരിഗ​ണി​ക്ക​പ്പെ​ട്ടി​രു​ന്നു. ഇവയി​ലൊ​ന്നി​നെ മനഃപൂർവ്വം കൊല്ലു​ന്നത്‌ മരണശിക്ഷ കൈവ​രു​ത്തി. വിശുദ്ധ മൃഗങ്ങൾ സുഗന്ധ​വർഗ്ഗ​മി​ട്ടു സൂക്ഷി​ക്ക​പ്പെ​ടു​ക​യും വിപു​ല​മായ ശവസം​സ്‌ക്കാ​രങ്ങൾ കൊടു​ക്ക​പ്പെ​ടു​ക​യും ചെയ്‌തു.

⁷ പുരാ​ത​ന​യി​സ്രാ​യേൽ ആരാധിച്ച ദൈവ​മായ യഹോവ ആ ദൈവ​ങ്ങൾക്കെ​ല്ലാം എതിരാ​യി​രു​ന്നു. അന്ന്‌ അടിമ​ത്ത​ത്തി​ലാ​യി​രുന്ന യഹോ​വ​യു​ടെ ജനത്തെ വിടു​വി​ക്കാൻ അവന്റെ പ്രതി​നി​ധി​യാ​യി​രുന്ന മോശ ഫറവോ​നോ​ടാ​വ​ശ്യ​പ്പെ​ടാൻ അയയ്‌ക്ക​പ്പെട്ടു. കാരണം യഹോവ അവർക്കു സ്വാത​ന്ത്ര്യം വാഗ്‌ദത്തം ചെയ്‌തി​രു​ന്നു. (പുറപ്പാട്‌ 3:6-10) എന്നാൽ ഫറവോൻ ഇങ്ങനെ പ്രഖ്യാ​പി​ച്ചു: “യിസ്രാ​യേ​ലി​നെ വിട്ടയ​യ്‌ക്കാൻ ഞാൻ അവന്റെ ആജ്ഞ അനുസ​രി​ക്കേ​ണ്ട​തിന്‌ യഹോവ ആർ? ഞാൻ യഹോ​വയെ അശേഷം അറിയു​ന്നില്ല, എന്തിന​ധി​കം, ഞാൻ യിസ്രാ​യേ​ലി​നെ വിട്ടയ​യ്‌ക്കാൻ പോകു​ന്നില്ല.” (പുറപ്പാട്‌ 5:2) ഈജി​പ്‌റ​റി​ലെ ദൈവങ്ങൾ യഹോ​വ​യെ​ക്കാൾ ശ്രേഷ്‌ഠ​രാ​ണെന്ന്‌ ഫറവോന്‌ ഉറപ്പു​തോ​ന്നി.

8, 9. (എ) യഹോവ ഈജി​പ്‌റ​റി​ലെ ദൈവ​ങ്ങ​ളു​ടെ​മേൽ തന്റെ ശ്രേഷ്‌ഠത തെളി​യി​ച്ച​തെ​ങ്ങനെ? (ബി) സംഭവി​ച്ച​തി​ന്റെ വീക്ഷണ​ത്തിൽ, ഈജി​പ്‌റ​റി​ലെ ദൈവ​ങ്ങ​ളെ​ക്കു​റിച്ച്‌ എന്തു പറയാൻ കഴിയും?

⁸ തന്റെ വാഗ്‌ദ​ത്തങ്ങൾ നിറ​വേ​റ​റാ​നും തന്റെ ജനത്തെ സംരക്ഷി​ക്കാ​നും പ്രാപ്‌ത​നായ സത്യ​ദൈവം ആരാ​ണെന്നു തെളി​യും? ഉത്തരം പെട്ടെ​ന്നു​തന്നെ കിട്ടു​മാ​യി​രു​ന്നു. “ഈജി​പ്‌റ​റി​ലെ സകല ദൈവ​ങ്ങ​ളു​ടെ​മേ​ലും ഞാൻ ന്യായ​വി​ധി നടത്തും” എന്ന്‌ യഹോവ മുൻകൂ​ട്ടി​പ്പ​റഞ്ഞു (പുറപ്പാട്‌ 12:12) അവൻ ആ പ്രവചനം നിറ​വേ​റ​റി​യോ? ഉവ്വ്‌! യഹോവ ഈജി​പ്‌റ​റി​ലെ ദൈവ​ങ്ങളെ താഴ്‌ത്താ​നു​ദ്ദേ​ശി​ച്ചുള്ള പത്തു വിനാശക ബാധകൾ വരുത്തി. ആ ദൈവ​ങ്ങ​ളി​ലാർക്കും ഈജി​പ്‌റ​റു​കാ​രെ സംരക്ഷി​ക്കാൻ കഴിഞ്ഞില്ല. പത്താമത്തെ ബാധ വിശേ​ഷാൽ അർത്ഥഗർഭ​മാ​യി​രു​ന്നു, എന്തെന്നാൽ അത്‌ ഫറവോ​ന്റേ​തുൾപ്പെ​ടെ​യുള്ള ആദ്യജാ​തൻമാ​രെ കൊന്നു. അത്‌ അവരുടെ മുഖ്യ​ദൈ​വ​മാ​യി​രുന്ന റാ (ആമോൻ റാ) യിക്കി​ട്ടുള്ള നേരി​ട്ടുള്ള ഒരു പ്രഹര​മാ​യി​രു​ന്നു, എന്തു​കൊ​ണ്ടെ​ന്നാൽ ഈജി​പ്‌റ​റി​ലെ ഭരണാ​ധി​പൻമാർ തങ്ങളേ​ത്തന്നെ റായുടെ പുത്രൻമാ​രായ ദൈവ​ങ്ങ​ളെന്നു പരിഗ​ണി​ച്ചി​രു​ന്നു. ഈജി​പ്‌റ​റു​കാ​രെ സംബന്ധി​ച്ച​ട​ത്തോ​ളം ഫറവോ​ന്റെ ആദ്യജാ​തന്റെ മരണം ഒരു ദൈവ​ത്തി​ന്റെ മരണത്തെ അർത്ഥമാ​ക്കി.

⁹ എന്നിരു​ന്നാ​ലും, യഹോ​വ​യു​ടെ സംരക്ഷണം ഉണ്ടായി​രു​ന്ന​തു​കൊണ്ട്‌ യിസ്രാ​യേല്യ ആദ്യജാ​തൻമാ​രിൽ ഒരുവൻപോ​ലും കൊല്ല​പ്പെ​ട്ടില്ല. താൻ വാഗ്‌ദത്തം ചെയ്‌തി​രുന്ന സ്വാത​ന്ത്ര്യം ദൈവം തന്റെ ജനത്തിനു കൊടു​ക്കു​ക​യും ചെയ്‌തു. ഈജി​പ്‌റ​റി​ലെ വ്യാജ​ദൈ​വ​ങ്ങൾക്കി​ട്ടുള്ള അന്തിമ​പ്ര​ഹരം എന്ന നിലയിൽ ഫറവോ​നും അവന്റെ സൈന്യ​വും—അവരിൽ ഓരോ​രു​ത്ത​നും—ചെങ്കട​ലിൽ നശിപ്പി​ക്ക​പ്പെട്ടു. അങ്ങനെ യഹോവ സത്യ​ദൈ​വ​മെന്നു തെളിഞ്ഞു. അവന്റെ വാഗ്‌ദ​ത്ത​ങ്ങ​ളാ​യി​രു​ന്നു നിവർത്തി​ക്ക​പ്പെ​ട്ടത്‌, അവന്റെ ആരാധ​ക​രാ​യി​രു​ന്നു സംരക്ഷി​ക്ക​പ്പെ​ട്ടത്‌. (പുറപ്പാട്‌ 14:21-31) മറിച്ച്‌, ഈജി​പ്‌റ​റി​ലെ ദൈവങ്ങൾ അവരുടെ ആരാധ​കരെ സഹായി​ക്കാൻ അപ്രാ​പ്‌ത​രാ​യി​രു​ന്നു. ആ ദൈവങ്ങൾ യഥാർത്ഥ​ത്തിൽ സ്ഥിതി​ചെയ്‌തി​ട്ടു​പോ​ലു​മി​ല്ലാ​യി​രു​ന്നു, പിന്നെ​യോ മനുഷ്യ​രു​ടെ കണ്ടുപി​ടു​ത്ത​ങ്ങ​ളാ​യി​രു​ന്നു.

10. യഹോ​വ​യു​ടെ ആരാധ​ക​രെ​യും അശൂറി​നെ​യും ഏത്‌ വിവാ​ദ​പ്ര​ശ്‌നം അഭിമു​ഖീ​ക​രി​ച്ചു?

¹⁰ ദൈവ​ത്വം ഉൾപ്പെട്ട മറെറാ​രു കേസ്‌ ഏതാണ്ട്‌ എട്ടു നൂററാ​ണ്ടു​കൾക്കു​ശേഷം, ഹിസ്‌കീ​യാ​വു രാജാ​വി​ന്റെ കാലത്ത്‌ മുൻപ​ന്തി​യി​ലേക്കു വന്നു.a യഹോ​വ​യു​ടെ ആരാധകർ ഘോര​മായ അശൂർ ലോക​ശ​ക്തി​യാൽ ഭീഷണി​പ്പെ​ടു​ത്ത​പ്പെ​ടു​ക​യാ​യി​രു​ന്നു, അത്‌ അതിന്റെ പാതയി​ലെ സകല ജനതക​ളെ​യും ജയിച്ച​ട​ക്കി​യി​രു​ന്നു. ഇപ്പോൾ അത്‌ യഹോ​വ​യു​ടെ ഭൂമി​യി​ലെ ആരാധ​നയെ പ്രതി​നി​ധാ​നം ചെയ്‌ത “യഹോ​വ​യു​ടെ സിംഹാ​സനം” ഉണ്ടായി​രുന്ന നഗരമാ​യി​രുന്ന യെരൂ​ശ​ലേ​മി​ന്റെ കീഴടങ്ങൽ ആവശ്യ​പ്പെട്ടു. (1 ദിനവൃ​ത്താ​ന്തം 29:23) അശൂര്യർ ‘മററു രാജ്യ​ങ്ങ​ളെ​യെ​ല്ലാം നശിപ്പി​ക്കു​ക​യും ആ രാജ്യ​ങ്ങ​ളി​ലെ ദൈവങ്ങൾ ദൈവ​ങ്ങ​ളാ​യി​രി​ക്കാ​തെ മമനു​ഷ്യ​ന്റെ കൈപ്പ​ണി​യാ​യി​രു​ന്ന​തു​കൊണ്ട്‌ അവയെ തീയി​ലി​ടു​ക​യും ചെയ്‌തി​രു​ന്നു’വെന്ന്‌ യഹൂദ​യി​ലെ രാജാ​വാ​യി​രുന്ന ഹിസ്‌ക്കീ​യാവ്‌ സമ്മതിച്ചു പറഞ്ഞി​രു​ന്നു.—യെശയ്യാവ്‌ 37:18, 19.

11. യഹോവ തന്റെ ആരാധ​കരെ എങ്ങനെ വിടു​വി​ച്ചു, ഇത്‌ എന്തു പ്രകട​മാ​ക്കി?

¹¹ അപ്പോൾ വിശ്വ​സ്‌ത​നായ ഹിസ്‌ക്കീ​യാവ്‌ യഹോ​വ​യു​ടെ സംരക്ഷ​ണ​ത്തി​നാ​യി അപേക്ഷി​ച്ചു​കൊണ്ട്‌ അവനോ​ടു പ്രാർത്ഥി​ച്ചു. ഒരൊററ അശൂര്യ ആയുധ​വും യെരൂ​ശ​ലേ​മിൽ പ്രഹരി​ക്കു​ക​യി​ല്ലെന്ന്‌ യഹോവ വാഗ്‌ദാ​നം ചെയ്‌തു. (യെശയ്യാവ്‌ 37:33) ആ പ്രവച​ന​മ​നു​സ​രിച്ച്‌ ഒരൊററ ആയുധ​വും പ്രഹരി​ച്ചില്ല. പകരം, “യഹോ​വ​യു​ടെ ദൂതൻ പുറ​പ്പെട്ട്‌ അശൂര്യ​രു​ടെ പാളയ​ത്തിൽ ഒരുല​ക്ഷത്തി എൺപത്ത​യ്യാ​യി​രം പേരെ വെട്ടി​വീ​ഴ്‌ത്താൻ തുടങ്ങി.” ആ ഞെരി​ക്കുന്ന പരാജ​യ​ത്തി​നു ശേഷം അശൂർ രാജാ​വായ സെൻഹെ​രീബ്‌ പിൻവാ​ങ്ങി. പിന്നീട്‌ അവൻ തന്റെ ദൈവ​മായ നി​സ്രോ​ക്കി​നെ ആരാധി​ച്ചു​കൊ​ണ്ടി​രു​ന്ന​പ്പോൾ അവന്റെ പുത്രൻമാർ അവനെ നിഗ്ര​ഹി​ച്ചു. (യെശയ്യാവ്‌ 37:36-38) അങ്ങനെ യഹോവ തന്റെ ആരാധ​കരെ വിടു​വി​ക്കാൻ കഴിയുന്ന യഥാർത്ഥ​പ്ര​വ​ച​ന​ത്തി​ന്റെ ദൈവ​മാ​ണെന്ന്‌ അവൻ വീണ്ടും തെളി​യി​ച്ചു. അശൂറി​ലെ​യും ചുററു​പാ​ടു​മു​ണ്ടാ​യി​രുന്ന ജനതക​ളി​ലെ​യും ദൈവങ്ങൾ അവയുടെ അനുഗാ​മി​കളെ സംരക്ഷി​ക്കാൻ പ്രാപ്‌തി​യി​ല്ലാത്ത, സ്ഥിതി​ചെ​യ്യാത്ത, വ്യാജ​ദൈ​വ​ങ്ങ​ളാ​ണെന്ന്‌ തെളിഞ്ഞു.

12. ബേൽശസ്സർ ഏതു വിധത്തിൽ യഹോ​വയെ പരിഹ​സി​ച്ചു?

¹² ഏതാണ്ടു രണ്ടു നൂററാ​ണ്ടു​കൾക്കു​ശേഷം, അടുത്ത ലോക​ശ​ക്തി​യാ​യി​രുന്ന ബാബി​ലോൻ, അവിശ്വ​സ്‌ത​രാ​യി​രുന്ന തന്റെ ജനത്തെ ബന്ദിക​ളാ​യി പിടി​ക്കാൻ ദൈവം അനുവ​ദി​ച്ചു. ബാബി​ലോ​ന്റെ മുഖ്യ​സ​വി​ശേഷത അതിന്റെ ബഹു​ദൈ​വ​ങ്ങ​ളും ദേവി​ക​ളും ആരാധ​നാ​ല​യ​ങ്ങ​ളു​മാ​യി​രു​ന്നു. എന്നാൽ അഹന്തയു​ടെ ഒരു വീമ്പി​ള​ക്ക​ലിൽ ബാബി​ലോ​ന്യ​രാ​ജാ​വായ ബേൽശസ്സർ യഹോ​വയെ പരിഹ​സി​ച്ചു. ഒരു വമ്പിച്ച വിരു​ന്നിൽ, യെരൂ​ശ​ലേ​മി​ലെ ആലയത്തിൽനി​ന്നു പിടി​ച്ചെ​ടു​ത്തി​രുന്ന വിശുദ്ധ പാത്രങ്ങൾ കൊണ്ടു​വ​രാൻ അവൻ ആജ്ഞാപി​ച്ചു. “രാജാ​വും അവന്റെ മഹത്തു​ക്ക​ളും അവന്റെ വെപ്പാ​ട്ടി​ക​ളും അവന്റെ ഉപഭാ​ര്യ​മാ​രും അവയിൽനി​ന്നു കുടിച്ചു. അവർ വീഞ്ഞു കുടിച്ചു, അവർ പൊന്നും വെള്ളി​യും ചെമ്പും ഇരുമ്പും മരവും കല്ലും കൊണ്ടുള്ള ദൈവ​ങ്ങളെ സ്‌തു​തി​ച്ചു.”—ദാനി​യേൽ 5:1-4.

13. യഹോവ ദാനി​യേ​ലി​നെ​ക്കൊണ്ട്‌ ബേൽശ​സ്സ​റി​നോട്‌ എന്തു പറയിച്ചു?

¹³ ഇത്‌ യഹോ​വക്ക്‌ നേരി​ട്ടുള്ള ഒരു അവഹേ​ള​ന​വും ബാബി​ലോ​ന്യ ദൈവ​ങ്ങ​ളു​ടെ നാമത്തിൽ അവനോ​ടുള്ള ഒരു വെല്ലു​വി​ളി​യു​മാ​യി​രു​ന്നു. അപ്പോൾ യഹോവ തന്റെ പ്രവാ​ച​ക​നായ ദാനി​യേ​ലി​നെ​ക്കൊണ്ട്‌ ബേൽശസ്സർ രാജാ​വി​നും വിരു​ന്നിൽ ഹാജരാ​യി​രുന്ന എല്ലാവർക്കും സധൈ​ര്യം സാക്ഷ്യം വഹിപ്പി​ച്ചു. ദാനി​യേൽ യഹോ​വ​യു​ടെ ദൈവ​ത്വ​ത്തെ മുറു​കെ​പ്പി​ടി​ക്കു​ക​യും ബേൽശസ്സർ രാജാ​വി​നോട്‌ ഇങ്ങനെ പറയു​ക​യും ചെയ്‌തു: “നീ നിന്റെ ഹൃദയത്തെ താഴ്‌ത്തി​യി​ട്ടില്ല . . . എന്നാൽ സ്വർഗ്ഗ​ങ്ങ​ളി​ലെ കർത്താ​വി​നെ​തി​രെ നീ നിന്നേ​ത്തന്നെ ഉയർത്തി, . . . യാതൊ​ന്നും കാണാ​ത്ത​തോ യാതൊ​ന്നും കേൾക്കാ​ത്ത​തോ യാതൊ​ന്നും അറിയാ​ത്ത​തോ ആയ വെറും വെള്ളി​കൊ​ണ്ടും പൊന്നു​കൊ​ണ്ടും ചെമ്പു​കൊ​ണ്ടും ഇരുമ്പു​കൊ​ണ്ടും മരം​കൊ​ണ്ടും കല്ലു​കൊ​ണ്ടു​മുള്ള ദൈവ​ങ്ങളെ നീ സ്‌തു​തി​ച്ചി​രി​ക്കു​ന്നു; എന്നാൽ നിന്റെ ശ്വാസം ആരുടെ കയ്യിൽ ഇരിക്കു​ന്നു​വോ, നിന്റെ വഴിക​ളെ​ല്ലാം ആരു​ടേ​താ​ണോ ആ ദൈവത്തെ നീ മഹത്വീ​ക​രി​ച്ചി​ട്ടില്ല.”—ദാനി​യേൽ 5:22, 23.

14. താനാണ്‌ സത്യ​ദൈ​വ​മെന്ന്‌ യഹോവ എങ്ങനെ പ്രകട​മാ​ക്കി?

¹⁴ പിന്നീട്‌ ദാനി​യേൽ യഹോ​വ​യു​ടെ സന്ദേശം അറിയി​ച്ചു, അത്‌ ഇതായി​രു​ന്നു: “ഗർവ്വി​ഷ്‌ഠ​നായ ബേൽശസ്സർ രാജാ​വും ബാബി​ലോ​നും അന്നുരാ​ത്രി​തന്നെ മേദ്യ​രാ​ലും പാർസി​ക​ളാ​ലും മറിച്ചി​ട​പ്പെ​ടും! (ദാനി​യേൽ 5:24-27) ഈ പ്രവചനം നിവർത്തി​ച്ചോ? ഉവ്വ്‌. “അന്നു രാത്രി​തന്നെ കൽദയ രാജാ​വായ ബേൽശസ്സർ കൊല്ല​പ്പെ​ടു​ക​യും മേദ്യ​നായ ദാര്യാ​വേ​ശി​നു​തന്നെ രാജ്യം കിട്ടു​ക​യും ചെയ്‌തു.” (ദാനി​യേൽ 5:30, 31) വീണ്ടും ഈജി​പ്‌റ​റി​ന്റെ​യും അശൂരി​ന്റെ​യും കാര്യ​ത്തി​ലെ​ന്ന​പോ​ലെ യഹോവ സത്യ​ദൈ​വ​മെന്ന്‌, തന്റെ വാഗ്‌ദ​ത്ത​ങ്ങളെ നിവർത്തി​ക്കുന്ന ദൈവ​മെന്ന്‌, തെളിഞ്ഞു. ദൈവ​ദാ​സൻമാർക്കു പ്രയോ​ജനം കിട്ടി, എന്തു​കൊ​ണ്ടെ​ന്നാൽ അവർ അടിമ​ത്ത​ത്തിൽ നിന്നു വിടു​വി​ക്ക​പ്പെ​ടു​ക​യും തങ്ങളുടെ സ്വദേ​ശ​ത്തേക്കു മടങ്ങി​പ്പോ​കു​ക​യും ചെയ്‌തു. വ്യാജ ദൈവ​ങ്ങളെ പിന്തു​ട​രു​ന്ന​തിൽ തുടർന്ന​വർക്ക്‌ വിപത്തു നേരിട്ടു.

നമ്മുടെ കാല​ത്തേ​ക്കുള്ള പ്രവച​ന​ങ്ങൾ

15. (എ) അനേകം ബൈബിൾ പ്രവച​ന​ങ്ങൾക്ക്‌ എന്ത്‌ സവി​ശേ​ഷ​ത​യുണ്ട്‌? (ബി) നാം “ദൈവം” എന്ന പദം ഉപയോ​ഗി​ക്കു​മ്പോൾ എന്തി​നെ​യും പരാമർശി​ക്കു​ന്നുണ്ട്‌?

¹⁵ പ്രവാ​ച​ക​നായ യെശയ്യാവ്‌ പണ്ട്‌ പുരാതന കാലങ്ങ​ളിൽ ഒരു നിവൃ​ത്തി​യു​ണ്ടായ പ്രവച​നങ്ങൾ രേഖ​പ്പെ​ടു​ത്താൻ നിശ്വ​സ്‌ത​നാ​ക്ക​പ്പെട്ടു. എന്നാൽ മിക്ക​പ്പോ​ഴും ബൈബിൾ പ്രവച​ന​ത്തിൽ നമ്മുടെ കാല​ത്തോ​ടു ബന്ധപ്പെട്ട വലിപ്പ​മേ​റിയ മറെറാ​രു നിവൃത്തി ഉണ്ട്‌. യെശയ്യാവ്‌ എഴുതിയ അനേകം കാര്യങ്ങൾ സംബന്ധിച്ച്‌ വാസ്‌ത​വ​മി​താ​യി​രു​ന്നു. അവന്റെ സന്ദേശ​ത്തി​ന്റെ ഒരു ഭാഗത്ത്‌ സകല ജനതക​ളോ​ടും അവരുടെ ദൈവ​ങ്ങ​ളോ​ടു​മുള്ള യഹോ​വ​യു​ടെ ആധുനി​ക​നാ​ളി​ലെ വെല്ലു​വി​ളി സംബന്ധിച്ച പ്രവച​നങ്ങൾ അടങ്ങി​യി​രു​ന്നു. “ദൈവങ്ങൾ” എന്ന പദത്താൽ ഞങ്ങൾ പരാമർശി​ക്കു​ന്നത്‌ ഇന്ന്‌ വിഗ്ര​ഹാ​രാ​ധക ജനതക​ളെന്നു വിളി​ക്ക​പ്പെ​ടു​ന്നവ ഉൾപ്പെടെ ലോക​ത്തി​ന്റെ എല്ലാ ഭാഗങ്ങ​ളി​ലു​മുള്ള ആളുകൾ നേരി​ട്ടാ​രാ​ധി​ക്കുന്ന ദൈവ​ങ്ങളെ മാത്രമല്ല ആ വാക്കിന്റെ നിർവ്വ​ച​ന​ത്തി​നു യോജി​ക്കുന്ന വസ്‌തു​ക്ക​ളെ​യു​മാണ്‌. “ദൈവം” എന്ന പദത്തിന്റെ ഒരു നിഘണ്ടു നിർവ​ചനം ഇതാണ്‌: “യാഥാർത്ഥ്യ​ത്തി​ന്റെ ഒരു പ്രത്യേക വശത്തെ അല്ലെങ്കിൽ ഭാഗത്തെ നിയ​ന്ത്രി​ക്കു​ന്നവൻ, പരമോ​ന്നത മൂല്യ​മുള്ള ഒരു ആൾ അഥവാ വസ്‌തു.”

16. ക്രൈ​സ്‌ത​വ​ലോ​കം ഉൾപ്പെ​ടെ​യുള്ള ജനതക​ളി​ലെ ആളുകൾ ഇന്ന്‌ ഏതു ദൈവ​ങ്ങളെ ആരാധി​ക്കു​ന്നു?

¹⁶ ഇന്നു ദൈവങ്ങൾ എന്നു പരിഗ​ണി​ക്ക​പ്പെ​ടു​ന്ന​വ​രിൽ ഹിന്ദുക്കൾ ആരാധി​ക്കുന്ന ദശലക്ഷ​ക്ക​ണ​ക്കി​നു ദൈവ​ങ്ങ​ളും ബുദ്ധമ​ത​ക്കാ​രും ഷിന്റോ​മ​ത​ക്കാ​രും, ജഡാത്മ​വാ​ദി​ക​ളും മററു മതക്കാ​രും ആരാധി​ക്കുന്ന ദൈവ​ങ്ങ​ളും ഉൾപ്പെ​ടു​ന്നു. അതിൽ ഭൗതി​കത്വ ദൈവ​വും ഉൾപ്പെ​ടു​ന്നു, ഭൂമി​യി​ലെ മിക്കയാ​ളു​കൾക്കും പരമോ​ന്ന​ത​മൂ​ല്യ​മുള്ള സംഗതി, അവരുടെ ജീവി​ത​ത്തി​ലെ മുഖ്യ​പ്രേ​ര​ക​ഘ​ടകം, ആയിരി​ക്കു​ന്നത്‌ അതാണ്‌. അതിൽ രാഷ്‌ട്രങ്ങൾ ഭദ്രത​ക്കും രക്ഷക്കും വേണ്ടി നോക്കുന്ന സൈനി​ക​ശ​ക്തി​യും ശാസ്‌ത്ര​വു​മാ​കുന്ന ദൈവ​ങ്ങ​ളും ഉൾപ്പെ​ടു​ന്നു. ക്രൈ​സ്‌ത​വ​ലോ​ക​ത്തിൽപോ​ലും ദൈവ​ത്തിൽ വിശ്വ​സി​ക്കു​ന്നു​വെന്നു പറയുന്ന മിക്കവ​രും യഥാർത്ഥ​മാ​യി അവനിൽ ആശ്രയി​ക്കു​ക​യോ വിശ്വ​സ്‌ത​മാ​യി അവനെ സേവി​ക്കു​ക​യോ ചെയ്യു​ന്നില്ല; പകരം അവർ തങ്ങളുടെ മുഖ്യ​ഭ​ക്തി​യു​ടെ ലക്ഷ്യ​മെ​ന്ന​നി​ല​യിൽ ആളുകളെ അല്ലെങ്കിൽ വസ്‌തു​ക്കളെ ആശ്രയി​ക്കു​ക​യും സേവി​ക്കു​ക​യും ചെയ്യുന്നു.

17. യെശയ്യാ​വി​ന്റെ സന്ദേശ​ത്തി​ന്റെ വലിപ്പ​മേ​റിയ നിവൃത്തി എന്തി​ലേക്കു വിരൽ ചൂണ്ടുന്നു?

¹⁷ യെശയ്യാ​വി​ന്റെ സന്ദേശ​ത്തി​ന്റെ വലിപ്പ​മേ​റിയ നിവൃത്തി നമ്മുടെ കാലത്തെ അങ്ങനെ​യുള്ള സകല ദൈവ​ങ്ങ​ളു​ടെ​യും നേരേ വിരൽ ചൂണ്ടുന്നു. ഒന്നിച്ചു​കൂ​ടി “സംസാ​രി​ക്കാൻ” യഹോവ ദേശീയ സംഘങ്ങ​ളോ​ടു പറയുന്നു. അവൻ അവരെ വെല്ലു​വി​ളി​ക്കു​ന്നു: “നമുക്കു ന്യായ​വി​ധി​ക്കു​വേ​ണ്ടി​ത്തന്നെ ഒരുമി​ച്ചു​കൂ​ടി​വ​രാം.” (യെശയ്യാവ്‌ 41:1) ഇന്ന്‌, നാം ഈ ലോക​ത്തി​ന്റെ “ന്യായ​വി​ധി” കാലത്താണ്‌ ജീവി​ക്കു​ന്നത്‌. അത്‌ 2 തിമൊ​ഥെ​യോസ്‌ 3:1-5-ലും മത്തായി 24:1-14-ലും മുൻകൂ​ട്ടി​പ്പ​റ​ഞ്ഞി​രി​ക്കുന്ന അതിന്റെ “അന്ത്യനാ​ളു​കളി”ലാണ്‌. ഈ കാലത്ത്‌ ഭാവി കൃത്യ​മാ​യി മുൻകൂ​ട്ടി​പ്പ​റ​യാ​നും അങ്ങനെ തങ്ങൾ ദൈവ​ങ്ങ​ളാ​ണെന്നു തെളി​യി​ക്കാ​നും യഹോവ ജനതക​ളു​ടെ ദൈവ​ങ്ങളെ വെല്ലു​വി​ളി​ക്കു​ക​യാണ്‌. അവർക്കു കഴിയു​മെ​ങ്കിൽ തങ്ങളുടെ അനുയാ​യി​കളെ രക്ഷിക്കാ​നും അവരെ വെല്ലു​വി​ളി​ക്കു​ന്നു. “നിങ്ങളു​ടെ വിവാ​ദാ​ത്മക വ്യവഹാ​രം മുന്നോ​ട്ടു കൊണ്ടു​വ​രിക,” എന്ന്‌ അവൻ പ്രസ്‌താ​വി​ക്കു​ന്നു. “നിങ്ങളു​ടെ വാദങ്ങൾ ഹാജരാ​ക്കുക . . . സംഭവി​ക്കാൻ പോകുന്ന കാര്യങ്ങൾ ഞങ്ങളോ​ടു പറയു​ക​യും ചെയ്യുക.”—യെശയ്യാവ്‌ 41:21, 22.

18. സർവ്വശ​ക്ത​നായ ദൈവം തന്നേത്തന്നെ എങ്ങനെ തിരി​ച്ച​റി​യി​ക്കു​ന്നു, അവൻ തന്റെ ആരാധ​കർക്ക്‌ എന്തു വാഗ്‌ദത്തം നൽകുന്നു?

¹⁸ താൻ ആരാ​ണെന്ന്‌ സർവ്വശ​ക്ത​നായ ദൈവം തിരി​ച്ച​റി​യി​ക്കു​ന്നു: “ഞാൻ യഹോ​വ​യാ​കു​ന്നു. അതാണ്‌ എന്റെ പേർ; ഞാൻ എന്റെ സ്വന്തം മഹത്വം മറെറാ​രു​വ​നും എന്റെ സ്‌തുതി കൊത്ത​പ്പെട്ട പ്രതി​മ​കൾക്കും കൊടു​ക്കു​ക​യില്ല.” (യെശയ്യാവ്‌ 42:8) തന്നെ ഉയർത്തി​പ്പി​ടി​ക്കു​ന്ന​വ​രോട്‌ അവൻ പറയുന്നു: “ഭയപ്പെ​ട​രുത്‌, എന്തെന്നാൽ ഞാൻ നിന്നോ​ടു​കൂ​ടെ​യുണ്ട്‌. അങ്ങുമി​ങ്ങും ഉററു​നോ​ക്ക​രുത്‌, എന്തെന്നാൽ ഞാനാണ്‌ നിന്റെ ദൈവം. ഞാൻ നിന്നെ ഊർജ്ജ​സ്വ​ല​നാ​ക്കും. ഞാൻ നിന്നെ യഥാർത്ഥ​മാ​യി സഹായി​ക്കും.” അവൻ അവരോട്‌ ഇങ്ങനെ വാഗ്‌ദാ​നം ചെയ്യുന്നു: “നിന്നോ​ടു കയർക്കുന്ന എല്ലാവ​രും ലജ്ജിത​രാ​കു​ക​യും അവമാ​നി​ത​രാ​ക്ക​പ്പെ​ടു​ക​യും ചെയ്യും. നിന്നോ​ടു ശണ്‌ഠ​യി​ടുന്ന മനുഷ്യർ നാസ്‌തി​പോ​ലെ​യാ​കു​ക​യും നശിച്ചു​പോ​കു​ക​യും ചെയ്യും.” “നിന​ക്കെ​തി​രെ നിർമ്മി​ക്ക​പ്പെ​ടുന്ന ഏതായു​ധ​ത്തി​നും വിജയം ലഭിക്കു​ക​യില്ല . . . ഇത്‌ യഹോ​വ​യു​ടെ ദാസൻമാ​രു​ടെ പരമ്പരാ​വ​കാ​ശ​മാ​കു​ന്നു.”—യെശയ്യാവ്‌ 41:10, 11; 54:17.

19, 20. (എ) കാര്യ​ങ്ങൾക്ക്‌ തീരു​മാ​ന​മു​ണ്ടാ​ക്കു​ന്ന​തിന്‌ യഹോ​വക്ക്‌ ഒരു നിയമി​ത​സ​മ​യ​മു​ണ്ടെന്ന്‌ യെശയ്യാവ്‌ പ്രകട​മാ​ക്കു​ന്ന​തെ​ങ്ങനെ? (ബി) ഈ “അന്ത്യനാ​ളു​ക​ളിൽ” യഹോവ ആരെ കൊണ്ടു​വ​രു​ന്നു, അവർ അവനെ എങ്ങനെ പ്രതി​നി​ധാ​നം ചെയ്യുന്നു?

¹⁹ ദീർഘ​കാ​ലം, നൂററാ​ണ്ടു​ക​ളിൽ, യഹോവ ജനതകളെ സ്വന്തം വഴിയിൽ പോകാൻ അനുവ​ദി​ച്ചു. എന്നിരു​ന്നാ​ലും, ഭൂമി​യി​ലെ കാര്യങ്ങൾ നേരെ​യാ​ക്കാ​നുള്ള അവന്റെ നിയമിത സമയം വന്നിരി​ക്കു​ക​യാണ്‌. അതു​കൊണ്ട്‌ അവൻ പ്രഖ്യാ​പി​ക്കു​ന്നു: “ഞാൻ ദീർഘ​കാ​ലം മിണ്ടാ​തി​രു​ന്നു. ഞാൻ മൗനമാ​യി തുടർന്നു. ഞാൻ ആത്മനി​യ​ന്ത്രണം പാലി​ച്ചു​കൊ​ണ്ടി​രു​ന്നു.” എന്നാൽ ഇപ്പോൾ, “ഒരു ബലവാ​നായ മനുഷ്യ​നെ​പ്പോ​ലെ യഹോ​വ​തന്നെ മുന്നോ​ട്ടു​പോ​കും. ഒരു യോദ്ധാ​വി​നെ​പ്പോ​ലെ അവൻ തീക്ഷ്‌ണത ഉണർത്തും. അവൻ ആക്രോ​ശി​ക്കും, അതെ, അവൻ ഒരു പോർവി​ളി അയയ്‌ക്കും; അവന്റെ ശത്രു​ക്ക​ളു​ടെ​മേൽ അവൻ ശക്തി​യേ​റി​യ​വ​നെന്നു പ്രകട​മാ​ക്കും.” (യെശയ്യാവ്‌ 42:13, 14) യെശയ്യാ​യു​ടെ​യും മററു ബൈബി​ളെ​ഴു​ത്തു​കാ​രു​ടെ​യും, അതു​പോ​ലെ​തന്നെ യേശു​വി​ന്റെ​യും പ്രവച​ന​ങ്ങ​ളിൽ ഈ “അന്ത്യനാ​ളു​ക​ളിൽ” താൻ ഒരു ജനത്തെ, അവർ ഒരു കോട​തി​ക്കേ​സിൽ സാക്ഷി​ക​ളാ​യി​രി​ക്കു​ന്ന​തു​പോ​ലെ തനിക്ക്‌ തീക്ഷ്‌ണ​മായ സാക്ഷ്യം വഹിക്കാൻ എഴു​ന്നേൽപ്പി​ക്കു​ന്ന​തി​നെ​ക്കു​റിച്ച്‌ യഹോവ മുൻകൂ​ട്ടി​പ്പ​റ​യു​ന്നു.

²⁰ തന്നെ സേവി​ക്കാൻ യഹോവ പുറ​പ്പെ​ടു​വി​ച്ചു​കൊ​ണ്ടു​വ​രുന്ന ജനം അവൻ സത്യ​ദൈ​വ​വും തന്റെ ആരാധ​ക​രു​ടെ രക്ഷകനും വ്യാജ​ദൈ​വ​ങ്ങ​ളു​ടെ​യും അവരുടെ അനുയാ​യി​ക​ളു​ടെ​യും നാശക​നു​മാ​ണെ​ന്നു​ള്ള​തിന്‌ തെളിവ്‌ സമർപ്പി​ക്കു​ന്നു. ഇന്ന്‌ യഹോ​വ​യു​ടെ ജനം ‘ഭൂമി​യു​ടെ അററത്തു​നിന്ന്‌ സകല ജനതക​ളിൽനി​ന്നും ദ്വീപു​ക​ളിൽനി​ന്നും, പർവ്വത​ങ്ങ​ളു​ടെ ശിഖര​ത്തിൽനി​ന്നും അവന്റെ സ്‌തു​തി​പാ​ടു​ന്നു.’ (യെശയ്യാവ്‌ 42:10-12) ഇത്‌ യെശയ്യാ​യു​ടെ മറെറാ​രു പ്രവച​നത്തെ നിവർത്തി​ക്കു​ന്നു, അതിങ്ങനെ മുൻകൂ​ട്ടി​പ്പ​റഞ്ഞു: “[നമ്മുടെ കാലത്തെ] നാളു​ക​ളു​ടെ അന്തിമ​ഭാ​ഗത്ത്‌ . . . യഹോ​വ​യു​ടെ ആലയമുള്ള [അവന്റെ സത്യാ​രാ​ധന] പർവ്വതം പർവ്വത​ങ്ങ​ളു​ടെ ശിഖര​ത്തിൻമേൽ ദൃഢമാ​യി സ്ഥാപി​ത​മാ​കും, അത്‌ തീർച്ച​യാ​യും കുന്നു​കൾക്കു മീതെ [മറെറ​ല്ലാ​ത്തരം ആരാധ​ന​ക്കും മീതെ] ഉയർത്ത​പ്പെ​ടും; അതി​ലേക്ക്‌ സകല ജനതക​ളും [അവയിൽ നിന്നുള്ള ആളുകൾ] ഒഴു​കേ​ണ്ട​താണ്‌.” അവർ എന്തു​ചെ​യ്യാൻ മററു​ള്ള​വരെ പ്രോ​ത്സാ​ഹി​പ്പി​ക്കു​ന്നു? “ജനങ്ങളേ, വരുവിൻ, നമുക്ക്‌ യഹോ​വ​യു​ടെ പർവ്വത​ത്തി​ലേക്ക്‌ കയറി​പ്പോ​കാം” എന്ന്‌ അവർ പരമാർത്ഥ​ഹൃ​ദ​യ​മു​ള്ള​വ​രോട്‌ അഭ്യർത്ഥി​ക്കു​ന്നു, “അവൻ തന്റെ വഴിക​ളെ​ക്കു​റിച്ച്‌ നമ്മെ പഠിപ്പി​ക്കും, നാം അവന്റെ പാതക​ളിൽ നടക്കും.”—യെശയ്യാവ്‌ 2:2-4.

21. ജനതക​ളു​ടെ ദൈവ​ങ്ങ​ളോ​ടാ​യുള്ള യഹോ​വ​യു​ടെ വെല്ലു​വി​ളി​യാൽ ഏത്‌ ചോദ്യ​ങ്ങൾ ഉന്നയി​ക്ക​പ്പെ​ടു​ന്നു?

²¹ അങ്ങനെ, ഒരു കോട​തി​യെ സംബോ​ധന ചെയ്യു​ന്ന​തു​പോ​ലെ, യഹോവ പറയുന്നു: “ജനതക​ളെ​ല്ലാം ഒരു സ്ഥലത്തു കൂടി​വ​രട്ടെ, ദേശീയ സംഘങ്ങൾ ഒരുമി​ച്ചു കൂടട്ടെ . . . അവർ നീതി​മാൻമാ​രെന്നു പ്രഖ്യാ​പി​ക്ക​പ്പെ​ടേ​ണ്ട​തിന്‌, അവർ തങ്ങളുടെ സാക്ഷി​കളെ കൊണ്ടു​വ​രട്ടെ, അല്ലെങ്കിൽ അവർ കേട്ടിട്ട്‌ ‘ഇതാണു സത്യം!’ എന്നു പറയട്ടെ.” (യെശയ്യാവ്‌ 43:9) ഇത്‌ ജനതക​ളു​ടെ ദൈവ​ങ്ങ​ളോട്‌ നേരി​ട്ടുള്ള ഒരു വെല്ലു​വി​ളി​യാണ്‌. അവരിൽ ആർക്കെ​ങ്കി​ലും ഭാവി​യിൽ എന്തു സ്ഥിതി​ചെ​യ്യു​ന്നു​വെന്ന്‌ പറയാൻ കഴിയു​മോ? അവർക്ക്‌ കഴിഞ്ഞ കാലത്ത്‌ ഇതു ചെയ്യാൻ കഴിഞ്ഞി​ട്ടു​ണ്ടോ? അങ്ങനെ​യുള്ള ദൈവങ്ങൾ നമ്മുടെ ഭക്തിക്ക്‌ അർഹത​യുള്ള സത്യവാൻമാ​രാ​ണെന്ന്‌ തെളി​ഞ്ഞി​ട്ടു​ണ്ടെ​ന്നു​ള്ള​തിന്‌ ഈടുററ തെളി​വോ​ടെ സാക്ഷ്യം വഹിക്കാൻ അവർക്ക്‌ ആരെ​യെ​ങ്കി​ലും കണ്ടെത്താൻ കഴിയു​മോ? ജനതക​ളു​ടെ ദൈവ​ങ്ങ​ളും അവരുടെ അനുഗാ​മി​ക​ളും നമ്മുടെ കാലത്ത്‌ എന്തു രേഖ ഉളവാ​ക്കി​യി​ട്ടുണ്ട്‌? അത്‌ പുരാതന ഈജി​പ്‌റ​റു​കാ​രു​ടെ​യും അശൂര്യ​രു​ടെ​യും ബാബി​ലോ​ന്യ​രു​ടെ​യും ദൈവങ്ങൾ ഉളവാ​ക്കി​യി​ട്ടു​ള്ള​തി​നെ​ക്കാൾ അല്‌പ​മെ​ങ്കി​ലും മെച്ചമാ​ണോ? മറിച്ച്‌, യഹോ​വക്കു സാക്ഷ്യം വഹിക്കു​ന്നവർ യഹോവ സത്യ​ദൈവം, നമ്മുടെ ആരാധ​നക്ക്‌ യോഗ്യ​നായ ഏകൻ, ആണെന്നു​ള്ള​തിന്‌ ഈടുററ തെളിവ്‌ ഹാജരാ​ക്കി​യി​ട്ടു​ണ്ടോ? അടുത്ത ലേഖനം ഈ കാര്യങ്ങൾ ചർച്ച ചെയ്യും. (w88 2/1)

[അടിക്കു​റി​പ്പു​കൾ]

പുനര​വ​ലോ​കന ചോദ്യ​ങ്ങൾ

◻ സാർവ്വ​ത്രിക പരമാ​ധി​കാ​ര​ത്തി​ന്റെ വിവാ​ദ​പ്ര​ശ്‌നം എന്താണ്‌?

◻ ജനതക​ളു​ടെ ഏതു ദൈവ​ങ്ങ​ളാണ്‌ ഇന്ന്‌ വിവാ​ദ​പ്ര​ശ്‌ന​ത്തിൽ ഉൾപ്പെ​ട്ടി​രി​ക്കു​ന്നത്‌?

◻ മൂന്നു പരീക്ഷ​ണ​കേ​സു​ക​ളു​ടെ ഏതു പരിണ​ത​ഫലം വ്യാജ​ദൈ​വ​ങ്ങ​ളു​ടെ​മേ​ലുള്ള യഹോ​വ​യു​ടെ ശ്രേഷ്‌ഠ​തയെ പ്രകട​മാ​ക്കു​ന്നു?

◻ യഹോവ നമ്മുടെ നാളിൽ കാര്യ​ങ്ങൾക്ക്‌ തീരു​മാ​ന​മു​ണ്ടാ​ക്കു​മെന്ന്‌ യെശയ്യാവ്‌ പ്രകട​മാ​ക്കു​ന്ന​തെ​ങ്ങനെ?

◻ ഇന്ന്‌ സകല മതങ്ങളു​ടെ​യും അനുയാ​യി​ക​ളെ​ക്കു​റിച്ച്‌ ഏതു ചോദ്യ​ങ്ങൾക്ക്‌ ഉത്തരം ലഭി​ക്കേ​ണ്ട​തുണ്ട്‌?

[12-ാം പേജിലെ ചിത്രം]

ഈജിപ്‌ററിലെ ദൈവങ്ങൾ സത്യ​ദൈ​വ​മായ യഹോ​വ​യു​ടെ മുമ്പാകെ അശക്തരാ​യി​രു​ന്നു

13-ാം പേജിലെ ചിത്രം]

സത്യദൈവം അശൂറി​ലെ ദൈവ​ങ്ങൾക്കി​ട്ടും അവരുടെ അനുയാ​യി​കൾക്കി​ട്ടും ഒരു ഞെരി​ക്കുന്ന പ്രഹര​മേൽപ്പി​ച്ചു

14-ാം പേജിലെ ചിത്രം]

ദാനിയേൽ ബാബി​ലോ​നി​ലെ വ്യാജ​ദൈ​വ​ങ്ങ​ളു​ടെ ആരാധ​കർക്ക്‌ യഹോ​വ​യു​ടെ സന്ദേശം ഏൽപ്പി​ച്ചു​കൊ​ടു​ത്തു