സുവർണ്ണ​നി​യമം—അതെന്താണ്‌?

‘നോക്കൂ! ഞാൻ എന്റെ അയൽക്കാ​രെ ഉപദ്ര​വി​ക്കു​ന്നില്ല. എന്നെ സംബന്ധി​ച്ച​ട​ത്തോ​ളം അവർക്കി​ഷ്ട​മു​ള്ളത്‌ അവർക്കു ചെയ്യാൻ കഴിയും. എന്നാൽ അവർക്ക്‌ പ്രയാസം നേരി​ടു​ക​യാ​ണെ​ങ്കിൽ, സഹായി​ക്കാൻ എന്നാൽ കഴിയു​ന്നതു ഞാൻ ചെയ്യും.” അതാണോ നിങ്ങളു​ടെ വീക്ഷണം? വിപത്തു​കൾ നേരി​ടു​മ്പോൾ, മിക്ക​പ്പോ​ഴും അനേക​രെ​യും അതിശ​യി​പ്പി​ക്കു​മാറ്‌ ദയയു​ടെ​യും നിസ്വാർത്ഥ​ത​യു​ടെ​യും പ്രവൃ​ത്തി​കൾ പെരു​കി​യേ​ക്കാം. എന്നാൽ അതു മതിയോ?

നിങ്ങൾ ഒരു മാതാ​വോ പിതാ​വോ ആണെങ്കിൽ നിങ്ങളു​ടെ കുട്ടി​ക​ളു​ടെ കളിക്കൂ​ട്ടു​കാ​രെ പ്രകോ​പി​പ്പി​ക്കു​ന്ന​തൊ​ഴി​വാ​ക്കാൻ നിങ്ങൾ അവരെ ഉപദേ​ശി​ച്ചി​ട്ടു​ണ്ടെ​ന്നു​ള്ള​തി​നു സംശയ​മില്ല. ആ മാർഗ്ഗ​രേ​ഖയെ അവഗണി​ക്കു​ന്നത്‌ പകരം​വീ​ട്ട​ലി​ലേക്കു നയിക്കു​ന്നു​വെന്ന്‌ പ്രകട​മാ​ക്കാൻ നമ്മില​നേ​ക​രും നമ്മുടെ ബാല്യ​കാ​ലത്തെ വടുക്കൾ വഹിക്കു​ന്നുണ്ട്‌. അതെ, നാം പൗരസ്‌ത്യ തത്വജ്ഞാ​നി​യാ​യി​രുന്ന കൊൺഫ്യൂ​ഷ്യസ്‌ രൂപ​പ്പെ​ടു​ത്തിയ ആപ്‌ത​വാ​ക്യ​ത്തി​ന്റെ ജ്ഞാനം മനസ്സി​ലാ​ക്കി​യി​ട്ടുണ്ട്‌: “നിങ്ങ​ളോ​ടു ചെയ്യാൻ നിങ്ങളാ​ഗ്ര​ഹി​ക്കാ​ത്തത്‌ മററു​ള്ള​വ​രോ​ടു ചെയ്യരുത്‌.” എന്നിരു​ന്നാ​ലും, ഇത്‌ സുവർണ്ണ​നി​യമം എന്നറി​യ​പ്പെ​ടു​ന്ന​തി​ന്റെ കേവലം ഗുണം​കു​റഞ്ഞ ഒരു നിഷേ​ധാ​ത്മക ഭാഷ്യ​മാ​ണെന്നു നിങ്ങൾ തിരി​ച്ച​റി​യു​ന്നു​ണ്ടോ?

ഒരു ക്രിയാ​ത്മ​ക​മായ നിയമം

വെബസറേ​റ​ഴസ ന്യൂ കൊളീ​ജി​യ​ററ ഡികഷ​ണ​റി​യിൽ കാണു​ന്ന​ത​നു​സ​രിച്ച്‌ “സുവർണ്ണ​നി​യമം [മത്തായി]7:12നെയും [ലൂക്കോസ്‌]6:31നെയും പരാമർശി​ക്കു​ന്ന​തും മററു​ള്ളവർ തന്നോടു ചെയ്യണ​മെന്ന്‌ ആഗ്രഹി​ക്കു​ന്ന​തു​പോ​ലെ അവർക്കും ഒരുവൻ ചെയ്യണ​മെന്നു പ്രസ്‌താ​വി​ക്കു​ന്ന​തു​മായ ഒരു ധാർമ്മി​ക​പെ​രു​മാ​ററ നിയമം” എന്നു നിർവ​ചി​ക്ക​പ്പെ​ടു​ന്നു. പേജിന്റെ അടിയി​ലെ ചതുരം നോക്കി​യിട്ട്‌ മത്തായി 7-ാം അദ്ധ്യായം 12-ാം വാക്യ​ത്തി​ന്റെ വിവിധ വിവർത്ത​നങ്ങൾ ഈ മാർഗ്ഗ​ദർശ​ക​ത​ത്ത്വ​ത്തി​ന്റെ ശോഭ പ്രകാ​ശി​ക്കാൻ അനുവ​ദി​ക്കു​ന്ന​തെ​ങ്ങ​നെ​യെന്ന്‌ പരിചി​ന്തി​ക്കുക.

ഓരോ വിവർത്ത​ന​ത്തി​ലും വാക്കുകൾ വ്യത്യ​സ്‌ത​മാ​ണെ​ങ്കി​ലും നിയമം ക്രിയാ​ത്മ​ക​മാ​ണെന്ന്‌ കുറി​ക്കൊ​ള്ളുക. ഏതായാ​ലും യേശു മലമ്പ്ര​സം​ഗ​ത്തിൽ നേരത്തെ ന്യായ​വാ​ദം​ചെ​യ്‌ത​തു​പോ​ലെ: “ചോദി​ച്ചു​കൊ​ണ്ടി​രി​ക്കുക, നിങ്ങൾക്കു നൽക​പ്പെ​ടും; അന്വേ​ഷി​ച്ചു​കൊ​ണ്ടി​രി​ക്കുക, നിങ്ങൾ കണ്ടെത്തും; മുട്ടി​ക്കൊ​ണ്ടി​രി​ക്കുക, നിങ്ങൾക്കു തുറന്നു​കി​ട്ടും. എന്തെന്നാൽ ചോദി​ക്കുന്ന ഏവനും ലഭിക്കു​ന്നു, അന്വേ​ഷി​ക്കുന്ന ഏവനും കണ്ടെത്തു​ന്നു, മുട്ടുന്ന ഏവനും തുറന്നു​കി​ട്ടും.” (മത്തായി 7:7, 8) ചോദി​ക്കു​ന്ന​തും അന്വേ​ഷി​ക്കു​ന്ന​തും മുട്ടു​ന്ന​തു​മെ​ല്ലാം ക്രിയാ​ത്‌മ​ക​ന​ട​പ​ടി​ക​ളാണ്‌. “അതു​കൊണ്ട്‌ മനുഷ്യർ നിങ്ങൾക്കു ചെയ്യണ​മെന്ന്‌ നിങ്ങൾ ആഗ്രഹി​ക്കുന്ന സകല കാര്യ​ങ്ങ​ളും നിങ്ങളും അതു​പോ​ലെ അവർക്കു ചെയ്യണം” എന്ന്‌ യേശു തുടർന്നു.—മത്തായി 7:12.

യേശു​വി​ന്റെ ശിഷ്യൻമാ​രും ഇതേ നിയമ​മ​നു​സ​രി​ച്ചു ജീവി​ക്കാൻ ശുപാർശ​ചെ​യ്‌തു​വെന്നു ബൈബിൾ പ്രകട​മാ​ക്കു​ന്നു. (റോമർ 15:2; 1 പത്രോസ്‌ 3:11; 3 യോഹ​ന്നാൻ 11) എന്നിരു​ന്നാ​ലും, നാമ​ധേ​യ​ക്രി​സ്‌ത്യാ​നി​ക​ളാ​യാ​ലും അല്ലെങ്കി​ലും ആളുകൾ ഏറെയും ഈ നിയമം അനുസ​രി​ക്കു​ന്നി​ല്ലെന്ന്‌ മാനു​ഷ​ബ​ന്ധ​ങ്ങ​ളി​ലെ ഇപ്പോ​ഴത്തെ അവസ്ഥകൾ സാക്ഷീ​ക​രി​ക്കു​ന്നു​വെ​ന്ന​താണ്‌ അസന്തു​ഷ്‌ടി​ക്കി​ട​യാ​ക്കു​ന്നത്‌. ഈ ധാർമ്മി​ക​പെ​രു​മാ​റ​റ​ച്ചട്ടം മേലാൽ വിലയി​ല്ലാ​ത്ത​താ​ണെന്ന്‌ ഇതിനർത്ഥ​മു​ണ്ടോ? അത്‌ ഒരുപക്ഷേ കാലഹ​ര​ണ​പ്പെ​ട്ട​താ​ണോ? (w89 11⁄1)

[3-ാം പേജിലെ ചതുരം]

“മററു മനുഷ്യ​രെ​ക്കൊ​ണ്ടു നിങ്ങൾ നിങ്ങൾക്കു ചെയ്യി​ക്കു​ന്ന​തെ​ല്ലാം അവർക്കും ചെയ്യുക.”—ആർ. എ. നോക്‌സ്‌ വിവർത്ത​നം​ചെയ്‌ത വിശുദ്ധ ബൈബിൾ.

“മററു​ള്ളവർ പെരു​മാ​റാൻ നിങ്ങൾ കൃത്യ​മാ​യി ആഗ്രഹി​ക്കു​ന്ന​തു​പോ​ലെ​തന്നെ അവരോ​ടും പെരു​മാ​റുക.”—ദി ന്യൂ റെറസ്‌റ​റ​മെൻറ്‌ ഇൻ മോഡേൺ ഇംഗ്ലീഷ്‌, ജെ. ബി. ഫിലി​പ്‌സ്‌.

“മററു​ള്ളവർ നിങ്ങ​ളോ​ടും നിങ്ങൾക്കു​വേ​ണ്ടി​യും ചെയ്യണ​മെന്നു നിങ്ങളാ​ഗ്ര​ഹി​ക്കു​ന്ന​തെ​ല്ലാം നിങ്ങളും അങ്ങനെ​തന്നെ അവർക്കും അവർക്കു​വേ​ണ്ടി​യും ചെയ്യുക.”—ദി ആംപ്ലി​ഫൈഡ്‌ ന്യൂ റെറസ്‌റ​റ​മെൻറ്‌

“മററു​ള്ളവർ നിങ്ങൾക്കു​വേണ്ടി ചെയ്യണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം അവർക്കു​വേണ്ടി ചെയ്യുക.—ദി ന്യൂ റെറസ്‌റ​റ​മെൻറ്‌ ഇൻ ദ ലാം​ഗ്വേജ്‌ ഓഫ്‌ ററുഡേ, ഡബ്ലിയൂ. എഫ്‌. ബക്ക്‌

“അപ്പോൾ എല്ലാ വിധത്തി​ലും നിങ്ങളു​ടെ സഹജീ​വി​കൾ നിങ്ങ​ളോ​ടു പെരു​മാ​റാൻ ആഗ്രഹി​ക്കു​ന്ന​തു​പോ​ലെ, അവരോ​ടു പെരു​മാ​റുക.”—ഈ. വി. റ്യൂ വിവർത്ത​നം​ചെയ്‌ത നാലു സുവി​ശേ​ഷ​ങ്ങൾ

“മററു​ള്ളവർ നിങ്ങ​ളോട്‌ ഇടപെ​ടാൻ നിങ്ങളാ​ഗ്ര​ഹി​ക്കു​ന്ന​തു​പോ​ലെ, നിങ്ങൾ അവരോട്‌ പതിവാ​യി ഇടപെ​ടേ​ണ്ട​താണ്‌.”—ദി ന്യൂ റെറസ്‌റ​റ​മെൻറ്‌ ബൈ സി. ബി. വില്യംസ്‌.