വാഗ്‌ദ​ത്ത​ദേ​ശത്തു നിന്നുള്ള രംഗങ്ങൾ

നസറെത്ത്‌ പ്രവാ​ച​കന്റെ ഭവനം

“ജനക്കൂട്ടം ‘ഇത്‌ ഗലീല​യി​ലെ നസറെ​ത്തിൽനി​ന്നുള്ള പ്രവാ​ച​ക​നായ യേശു​വാണ്‌!’ എന്നു പറഞ്ഞു​കൊ​ണ്ടി​രു​ന്നു.” ഉവ്വ്‌, യേശു​വി​ന്റെ ശുശ്രൂ​ഷാ​കാ​ല​ത്തു​പോ​ലും അവനെ​ക്കു​റി​ച്ചുള്ള കേവല പരാമർശനം, ഇപ്പോൾ പ്രസി​ദ്ധ​മാ​യി​രി​ക്കുന്ന നസറെത്ത്‌ നഗരത്തെ ഓർമ്മ​യി​ലേക്കു വരുത്തു​മാ​യി​രു​ന്നു. അതു​കൊണ്ട്‌ അവനെ അറസ്‌റ​റു​ചെ​യ്യാൻ വന്നവർ തങ്ങൾ യേശു​വി​നെ എന്നല്ല, പിന്നെ​യോ “നസറാ​യ​നായ യേശു​വി​നെ” അന്വേ​ഷി​ക്ക​യാണ്‌ എന്നാണ്‌ പറഞ്ഞത്‌.—മത്തായി 21:11; 26:71; യോഹ​ന്നാൻ 18:3-5; പ്രവൃ​ത്തി​കൾ 26:9.

മുകളിൽ കൊടു​ത്തി​രി​ക്കുന്ന ചിത്രം, ഇന്നു നിങ്ങൾ നസറെത്ത്‌ സന്ദർശി​ക്കു​ക​യാ​ണെ​ങ്കിൽ എന്തു കണ്ടെത്തു​മെന്ന്‌ കാണി​ക്കു​ന്നു. ഒരു ദൂതൻ “ഗലീല​യി​ലെ നസറെത്ത്‌ എന്നു പേരുള്ള ഒരു നഗരത്തിൽ” മറിയ​യോട്‌ അവൾ ദൈവ​പു​ത്രനെ പ്രസവി​ക്കും എന്നു പറയു​ന്ന​തിന്‌ വന്നപ്പോ​ഴ​ത്തേ​ക്കാൾ വളരെ വലുതാണ്‌ അത്‌. (ലൂക്കോസ്‌ 1:26-33) അന്ന്‌ നസറെത്ത്‌ ഏറെയും അടുത്ത​പേ​ജിൽ കാണി​ച്ചി​രി​ക്കുന്ന, മലഞ്ചെ​രു​വി​ലെ ചതുര​ഗൃ​ഹ​ങ്ങ​ളോ​ടു​കൂ​ടിയ ഗ്രാമം പോ​ലെ​യാ​യി​രു​ന്നു. സാധ്യ​ത​യ​നു​സ​രിച്ച്‌ യോ​സേ​ഫും മറിയ​യും ഇവയി​ലൊ​ന്നി​ലേ​തു​പോ​ലുള്ള ഒരു ഭവനത്തിൽ പാർത്തി​രു​ന്നു. എന്നാൽ മറിയ യേശു​വി​നെ പ്രസവി​ക്കു​ന്ന​തി​നു തൊട്ടു​മുമ്പ്‌ തെക്ക്‌ ബേത്‌ല​ഹേ​മി​ലേക്കു പോ​കേ​ണ്ടി​വന്നു, അവിടെ യേശു പിറന്നു. പിന്നീട്‌ അവർ ഹെരോ​ദാ​വി​ന്റെ കൊല​പാ​ത​ക​പ​ര​മായ ലക്ഷ്യങ്ങ​ളിൽ നിന്ന്‌ കുട്ടിയെ സംരക്ഷി​ക്കു​ന്ന​തിന്‌ ഈജി​പ്‌റ​റി​ലേക്ക്‌ ഓടി​പ്പോ​യി. അതിനു​ശേഷം “അവർ ഗലീല​യി​ലെ തങ്ങളുടെ നഗരമായ നസറെ​ത്തി​ലേക്കു മടങ്ങി​പ്പോ​യി.”—ലൂക്കോസ്‌ 2:4, 39; മത്തായി 2:13-23.

അതു​കൊണ്ട്‌ യേശു വളർന്നത്‌ യെരു​ശ​ലേ​മി​നെ​പ്പോ​ലെ​യൊ തിബര്യാ​സി​നെ​പ്പോ​ലെ​യൊ ബഹളം നിറഞ്ഞ ഒരു കേന്ദ്ര​ത്തി​ലാ​യി​രു​ന്നില്ല, പിന്നെ​യോ ഒരു ശാന്തമായ സ്ഥലത്താ​യി​രു​ന്നു. നസറെത്ത്‌ ലോവർ ഗലീല​യി​ലെ കുന്നു​ക​ളാൽ ചുററ​പ്പെട്ട ഒരു തടത്തിൽ ആയിരു​ന്നു സ്ഥിതി​ചെ​യ്‌തി​രു​ന്നത്‌. അവിടെ ധാന്യ​വും മുന്തി​രി​യും ഒലിവും അത്തിയും സമൃദ്ധ​മാ​യി​രു​ന്നു. അവിടെ വേനൽ ഉല്ലാസ​പ്ര​ദ​മായ തണുപ്പു​ള്ള​താ​യി​രു​ന്നു, എന്നിരു​ന്നാ​ലും ശീതകാ​ലം അപ്പർ ഗലീല​യി​ലെ​പ്പോ​ലെ അത്ര കഠിന​മാ​യി​രു​ന്നില്ല.

യോ​സേഫ്‌ ഒരുപക്ഷേ ആധുനിക നസറെ​ത്തി​ലെ ഈ ഒന്നു​പോ​ലുള്ള ഒരു പണിശാ​ല​യിൽ ഒരു തച്ചനായി ജോലി​ചെ​യ്‌തു​കൊണ്ട്‌ തന്റെ ഭാര്യ​യെ​യും പുത്രൻമാ​രെ​യും പുത്രി​മാ​രെ​യും പോറ​റി​യി​രു​ന്നു. അവൻ പട്ടണത്തി​ലെ ഭവനങ്ങൾക്കു​വേണ്ടി മേൽക്കൂ​ര​യു​ടെ തുലാ​ങ്ങ​ളും കതകു​ക​ളും അല്ലെങ്കിൽ മേശക​ളും സ്‌ററൂ​ളു​ക​ളും മരം​കൊ​ണ്ടുള്ള മററു സാമാ​ന​ങ്ങ​ളും നിർമ്മി​ച്ചി​രു​ന്നി​രി​ക്കും. യേശു നിരീ​ക്ഷി​ക്ക​യും പഠിക്കു​ക​യും ചെയ്‌തി​രു​ന്നു​വെന്ന്‌ നമുക്ക​റി​യാം, എന്തു​കൊ​ണ്ടെ​ന്നാൽ അവനും “തച്ചൻ” എന്ന്‌ വിളി​ക്ക​പ്പെ​ട്ടി​രു​ന്നു. (മർക്കോസ്‌ 6:3; മത്തായി 13:55) നസറെ​ത്തി​നു ചുററു​മു​ണ്ടാ​യി​രുന്ന കൃഷി​പ്പണി മററു ജോലി​ക​ളി​ലേ​ക്കും നയിച്ചി​രി​ക്കാൻ സാധ്യ​ത​യുണ്ട്‌. ഒരുപക്ഷേ യേശു ഈ മൃഗങ്ങ​ളു​ടെ​മേൽ കാണ​പ്പെ​ടു​ന്ന​തു​പോ​ലുള്ള ഒരു നുകം രൂപ​പ്പെ​ടു​ത്തി​യി​രു​ന്നി​രി​ക്കും. അതേസ​മയം യോ​സേഫ്‌ കലപ്പകൾ അല്ലെങ്കിൽ നുകത്തി​ന്റെ പിന്നിൽ കെട്ടി വലിക്കു​ന്ന​തരം മെതി​വ​ണ്ടി​കൾ ഉണ്ടാക്കു​ന്ന​തിന്‌ തന്റെ ഉപകര​ണങ്ങൾ ഉപയോ​ഗി​ച്ചി​രു​ന്നി​രി​ക്കും.—2 ശമുവേൽ 24:22; യെശയ്യാവ്‌ 44:13.

ഒരു ബാലൻ എന്ന നിലയിൽ യേശു എട്ടു​മൈൽ വടക്കുള്ള “ഗലീല​യി​ലെ കാനാ”പോലെ നസറെ​ത്തി​നു ചുററു​മുള്ള പ്രദേ​ശ​ങ്ങ​ളി​ലേക്ക്‌ നടന്നി​രി​ക്കും, പിന്നീട്‌ അവി​ടെ​യാ​യി​രു​ന്നു അവൻ തന്റെ ആദ്യത്തെ അത്‌ഭു​തം പ്രവർത്തി​ച്ചത്‌. (യോഹ​ന്നാൻ 2:1-12) ഏകദേശം ആറു​മൈൽ തെക്കു​കി​ഴ​ക്കുള്ള യി​സ്രെ​യേൽ താഴ്‌വ​ര​യി​ലേ​ക്കും മോരേ കുന്നി​ലേ​ക്കും നടന്ന്‌ യേശു 17-ാം പേജിൽ കാണുന്ന നയിൻ നഗരത്തിൽ എത്തിയി​രി​ക്കും.a (ന്യായാ​ധി​പൻമാർ 6:33; 7:1) യേശു​വി​ന്റെ ആദ്യത്തെ പ്രസം​ഗ​പ​ര്യ​ടന സമയത്ത്‌ അവൻ നയീനു സമീപം ഒരു ശവസം​സ്‌കാര ഘോഷ​യാ​ത്രയെ അഭിമു​ഖീ​ക​രി​ച്ചു​വെ​ന്നോർക്കുക. അനുക​മ്പാർദ്ര​നാ​യി അവൻ ഒരു വിധവ​യു​ടെ മകനെ ഉയിർപ്പി​ച്ചു.—ലൂക്കോസ്‌ 7:11-16.

നസറെത്ത്‌ ദേശത്തി​ലെ ഏതെങ്കി​ലും മുഖ്യ പാതകൾക്ക​രി​കി​ലല്ല സ്ഥിതി​ചെ​യ്‌തി​രു​ന്നത്‌, എന്നിരു​ന്നാ​ലും അവി​ടെ​നിന്ന്‌ അത്തരം പാതക​ളി​ലേക്ക്‌ എളുപ്പ​ത്തിൽ പ്രവേ​ശി​ക്കാൻക​ഴി​യു​മാ​യി​രു​ന്നു. നിങ്ങൾക്കിത്‌ യഹോ​വ​യു​ടെ സാക്ഷി​ക​ളു​ടെ 1990-ലെ കലണ്ടറി​ന്റെ കവർഭൂ​പ​ട​ത്തിൽനിന്ന്‌ കാണാൻ കഴിയും, അതിൽ ഇന്നത്തെ നസറെ​ത്തി​ന്റെ ഒരു വലിയ ചിത്ര​വു​മുണ്ട്‌. യി​സ്രെ​യേൽ താഴ്‌വ​ര​യിൽകൂ​ടി​യുള്ള കിഴക്കു-പടിഞ്ഞാ​റു പാത അക്രെ തുറമു​ഖത്തെ അല്ലെങ്കിൽ റേറാ​ളി​മാ​യ്‌സി​നെ ഗലീലാ​ക​ട​ലു​മാ​യും യോർദ്ദാൻ താഴ്‌വ​ര​യു​മാ​യും ബന്ധിപ്പി​ച്ചി​രു​ന്നു. അതിനു കുറുകെ പോകു​ന്ന​താ​യി​രു​ന്നു ഡമാസ്‌ക​സ്സിൽനിന്ന്‌ തെക്കോ​ട്ടു​വന്ന്‌ ശമര്യ​യി​ലൂ​ടെ കടന്ന്‌ യെരു​ശ​ലേ​മി​ലേക്ക്‌ പോയി​രുന്ന പാത.

നസറെ​ത്തിന്‌ അതിന്റെ സ്വന്തമായ ഒരു സിന്ന​ഗോ​ഗു​ണ്ടാ​യി​രു​ന്നു, യേശു​വി​ന്റെ ശുശ്രൂ​ഷ​യു​ടെ പ്രാരം​ഭ​കാ​ലത്ത്‌ അവൻ “തന്റെ പതിവ​നു​സ​രിച്ച്‌” അവിടെ പോയി. അവൻ യെശയ്യാവ്‌ 61:1, 2 തനിക്കു​തന്നെ ബാധക​മാ​ക്കി​ക്കൊണ്ട്‌ വായിച്ചു. പട്ടണവാ​സി​കൾ എങ്ങനെ പ്രതി​ക​രി​ക്കും? അവരിൽ ചിലർ അവന്റെ വളർച്ച നിരീ​ക്ഷി​ച്ചി​രു​ന്ന​വ​രും ആശാരി​പ്പണി ചെയ്‌ത​തിന്‌ അവന്‌ കൂലി​കൊ​ടു​ത്തവർ പോലു​മാ​യി​രു​ന്നി​രി​ക്കാം. അവർ കോപി​ഷ്‌ഠ​രാ​യി​ത്തീ​രു​ക​യും അവനെ മലയുടെ അഗ്രത്തിൽ നിന്ന്‌ തള്ളിയി​ടാൻ ശ്രമി​ക്കു​ക​യും ചെയ്‌തു, എന്നാൽ യേശു രക്ഷപ്പെട്ടു. (ലൂക്കോസ്‌ 4:16-30) തെളി​വ​നു​സ​രിച്ച്‌, അവൻ പിന്നീട്‌ നയീനി​ലും മററു​ള്ളി​ട​ങ്ങ​ളി​ലും ചെയ്‌ത കാര്യങ്ങൾ സംബന്ധിച്ച്‌ നസറെ​ത്തിൽ അറിവു കിട്ടി, കാരണം അവൻ തിരികെ വന്ന്‌ സ്ഥലത്തെ സിന്ന​ഗോ​ഗിൽ പഠിപ്പി​ച്ച​പ്പോൾ ആരും അവനെ കൊല്ലു​ന്ന​തി​നെ​ക്കു​റിച്ച്‌ സംസാ​രി​ച്ചില്ല. എന്നിട്ടും “അവൻ അവിടെ വളരെ വീര്യ​പ്ര​വൃ​ത്തി​കൾ ചെയ്‌തില്ല,” എന്തു​കൊ​ണ്ടെ​ന്നാൽ നസറെ​ത്തി​ലെ പരിച​യ​ക്കാർ ഒരു പ്രവാ​ചകൻ എന്ന നിലയിൽ അവനിൽ വിശ്വാ​സം പ്രകടി​പ്പി​ച്ചില്ല.—മത്തായി 13:53-58.

മർക്കോസ്‌ യേശു​വി​ന്റെ പ്രതി​ക​രണം രേഖ​പ്പെ​ടു​ത്തു​ന്നു: “ഒരു പ്രവാ​ചകൻ തന്റെ സ്വന്ത​പ്ര​ദേ​ശ​ത്തും തന്റെ ബന്ധുക്ക​ളു​ടെ​യി​ട​യി​ലും തന്റെ സ്വന്തം ഭവനത്തി​ലു​മ​ല്ലാ​തെ ബഹുമാ​നി​ക്ക​പ്പെ​ടാ​തി​രി​ക്കു​ന്നില്ല.” ഇത്‌ നസറെ​ത്തി​ലുള്ള അനേക​രെ​സം​ബ​ന്ധി​ച്ചും സത്യമാ​യി​രു​ന്നു എന്നത്‌ എത്ര ദയനീയം! എന്നിരു​ന്നാ​ലും നാം ബഹുമാ​നി​ക്കാൻ ഇഷ്ടപ്പെ​ടുന്ന പ്രവാ​ച​കന്റെ ഭവനം എന്ന നിലയിൽ നമുക്ക്‌ ആ നഗരത്തെ സംബന്ധിച്ച്‌ ചിന്തി​ക്കാൻ കഴിയും.—മർക്കോസ്‌ 6:4. (w90 3⁄1)

[അടിക്കു​റിപ്പ്‌]

[10-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.