മനുഷ്യ​വർഗ്ഗത്തെ ആർ സമാധാ​ന​ത്തി​ലേക്ക്‌ നയിക്കും?

മനുഷ്യർക്ക്‌ സമാധാ​നം കൈവ​രു​ത്താൻ കഴിയു​ക​യി​ല്ലെ​ന്നുള്ള വസ്‌തു​തക്ക്‌ നാം ഒരിക്ക​ലും സമാധാ​നം കാണു​ക​യി​ല്ലെന്ന്‌ അർത്ഥമു​ണ്ടോ? ഇല്ല. ഭൂമി​യി​ലെ സമാധാ​ന​ത്തി​ന്റെ ആത്യന്തി​ക​മായ തടസ്സം നമ്മെക്കാൾ ശക്തനായ സാത്താൻ ആണെന്ന​പോ​ലെ​തന്നെ, അന്തിമ​മാ​യി മനുഷ്യ​വർഗ്ഗത്തെ സമാധാ​ന​ത്തി​ലേക്ക്‌ നയിക്കുന്ന, സാത്താ​നേ​ക്കാൾ വളരെ​യ​ധി​കം ശക്തനായ ഒരുവൻ ഉണ്ട്‌. സാത്താ​നെ​ക്കു​റി​ച്ചു പറയുന്ന ബൈബിൾ ഈ ഒരുവ​നെ​ക്കു​റി​ച്ചും പറയു​ന്നുണ്ട്‌. അത്‌ ഇപ്രകാ​രം പറയുന്നു: “രാജകീയ ഭരണം അവന്റെ തോളിൽ വരും. അവന്‌ അത്ഭുത​വാ​നായ ഉപദേ​ഷ്ടാവ്‌, ശക്തനാം ദൈവം, നിത്യ​പി​താവ്‌, സമാധാ​ന​പ്രഭു എന്നു പേർവി​ളി​ക്ക​പ്പെ​ടും.” (യെശയ്യാവ്‌ 9:6, 7) ഈ സമാധാ​ന​പ്രഭു ആരാണ്‌? യേശു​ക്രി​സ്‌തു​വ​ല്ലാ​തെ മററാ​രു​മല്ല, അവൻ നമ്മേക്കാൾ വളരെ​യ​ധി​കം യോഗ്യ​നാ​ക​യാൽ അവന്‌ സമാധാ​നം കൈവ​രു​ത്താൻ കഴിയും. ഏതു വിധങ്ങ​ളിൽ?

മാനു​ഷ​യോ​ഗ്യ​ത​ക​ളേ​ക്കാൾ അധികം

ഒരു സംഗതി, യേശു മരണത്തി​നു വിധേ​യ​നായ മർത്യനല്ല. അവൻ ഒരു മനുഷ്യ​നെ​പ്പോ​ലെ ജീവി​ക്കു​ക​യും ഒരു ബലിമ​രണം വരിക്കു​ക​യും ചെയ്‌തു എന്നതു സത്യം​തന്നെ. എന്നാൽ അവൻ പിന്നീട്‌ അമർത്യ സ്വർഗ്ഗീയ ജീവനി​ലേക്ക്‌ ഉയിർപ്പി​ക്ക​പ്പെട്ടു, ഈ അവസ്ഥയി​ലാണ്‌ അവൻ സമാധാ​ന​പ്ര​ഭു​വാ​യി​ത്തീർന്നി​രി​ക്കു​ന്നത്‌. അതു​കൊ​ണ്ടാണ്‌ ഒരു പ്രവചനം ഇപ്രകാ​രം പറയു​ന്നത്‌: “അവന്റെ രാജ്യ​ത്തിന്‌ അവസാ​ന​മു​ണ്ടാ​ക​യില്ല.” (ലൂക്കോസ്‌ 1:32, 33) പൗരസ്‌ത്യ ചക്രവർത്തി​യാ​യി​രുന്ന അശോ​ക​നിൽനി​ന്നു വ്യത്യ​സ്‌ത​മാ​യി യേശു തന്റെ നല്ല വേല താഴ്‌ന്ന പിൻഗാ​മി​ക​ളാൽ നശിപ്പി​ക്ക​പ്പെ​ടു​ന്നി​ല്ലെന്ന്‌ ഉറപ്പു​വ​രു​ത്തു​ന്ന​തിന്‌ അനന്തമാ​യി ജീവി​ച്ചി​രി​ക്കും.

കൂടാതെ, യേശു പാപത്താൽ കളങ്ക​പ്പെ​ടു​ത്ത​പ്പെ​ടാ​ത്ത​വ​നാണ്‌. അവന്റെ ഭരണം ദൈവി​ക​ജ്ഞാ​ന​ത്തി​ലും ശരിയായ തത്വങ്ങ​ളി​ലും അടിസ്ഥാ​ന​പ്പെ​ട്ട​താ​യി​രി​ക്കും. പ്രവാ​ച​ക​നായ യെശയ്യാവ്‌ ഇപ്രകാ​രം മുൻകൂ​ട്ടി​പ്പ​റഞ്ഞു: “അവന്റെ​മേൽ യഹോ​വ​യു​ടെ ആത്മാവ്‌ ഉണ്ടായി​രി​ക്കും, ജ്ഞാനത്തി​ന്റെ​യും ഗ്രാഹ്യ​ത്തി​ന്റെ​യും ആത്മാവ്‌, ഉപദേ​ശ​ത്തി​ന്റെ​യും ബലത്തി​ന്റെ​യും ആത്മാവ്‌, പരിജ്ഞാ​ന​ത്തി​ന്റെ​യും യഹോ​വാ​ഭ​യ​ത്തി​ന്റെ​യും ആത്മാവ്‌ . . . അവൻ കേവലം തന്റെ കണ്ണുകൾക്ക്‌ പ്രത്യ​ക്ഷ​പ്പെ​ടു​ന്ന​തു​പോ​ലെ ന്യായം​വി​ധി​ക്ക​യില്ല, കേവലം തന്റെ ചെവി​കൾകൊണ്ട്‌ കേൾക്കു​ന്ന​തി​ന​നു​സ​രിച്ച്‌ ശാസി​ക്ക​യു​മില്ല. അവൻ എളിയ​വരെ നീതി​യോ​ടെ​തന്നെ ന്യായം​വി​ധി​ക്കും.” (യെശയ്യാവ്‌ 11:2-4) ഒരു മുൻ യുഗത്തി​ലെ യൂറോ​പ്യൻമാ​രെ​പ്പോ​ലെ, യേശു വിദേ​ശ​രാ​ജ്യ​ങ്ങ​ളിൽ യുദ്ധം ചെയ്യാൻവേണ്ടി സ്വദേ​ശത്തു മാത്രം സമാധാ​നം നിലനിർത്തു​ക​യില്ല. അവന്റെ കീഴിൽ സമാധാ​നം സാർവ​ത്രി​ക​മാ​യി​രി​ക്കും.

കൂടാതെ, യേശു​വിന്‌ സമാധാ​നം സ്ഥാപി​ക്കാ​നുള്ള ശക്തിയുണ്ട്‌. പ്രവചനം ഇങ്ങനെ പറയുന്നു: “യഹോ​വ​യു​ടെ ആത്മാവ്‌ . . . , ഉപദേ​ശ​ത്തി​ന്റെ​യും ബലത്തി​ന്റെ​യും ആത്മാവ്‌,” അവന്റെ​മേൽ ഉണ്ട്‌. അഖിലാ​ണ്ഡ​സൃ​ഷ്‌ടി​പ്പി​ന്റെ​യും ബൈബിൾ റിപ്പോർട്ടു ചെയ്‌തി​രി​ക്കുന്ന നീതി​യു​ടെ ശക്തമായ സകല പ്രവർത്ത​ന​ങ്ങ​ളു​ടെ​യും പിമ്പിൽ ഈ ആത്മാവാ​ണു​ണ്ടാ​യി​രു​ന്നത്‌. വലിയ എതിരാ​ളി​യായ സാത്താ​നു​പോ​ലും ദൈവ​ത്തി​ന്റെ ആത്മാവി​ന്റെ ശക്തിയെ വിജയ​പൂർവം നേരി​ടു​ന്ന​തിന്‌ യാതൊ​രു ആയുധ​വു​മില്ല.

സമാധാ​ന​ത്തി​ലേ​ക്കുള്ള പടികൾ

യേശു എങ്ങനെ മനുഷ്യ​വർഗ്ഗത്തെ സമാധാ​ന​ത്തി​ലേക്കു നയിക്കും? അവൻ തുടങ്ങി​ക്ക​ഴി​ഞ്ഞു എന്ന്‌ അറിയു​ന്ന​തിൽ നിങ്ങൾ അതിശ​യി​ച്ചേ​ക്കാം. പ്രവച​ന​പു​സ്‌ത​ക​മായ വെളി​പ്പാ​ടിൽ, യേശു ദൈവ​ത്തിൽനിന്ന്‌ ഒരു സ്വർഗ്ഗീ​യ​രാ​ജ്യ​ത്തിൽ രാജത്വം സ്വീക​രി​ക്കു​ന്ന​താ​യി കാണ​പ്പെ​ടു​ന്നു. (വെളി​പ്പാട്‌ 11:15) നാം ബൈബിൾപ്ര​വ​ച​നങ്ങൾ പരി​ശോ​ധി​ക്കു​ക​യും അവയെ നമ്മുടെ നൂററാ​ണ്ടി​ലെ സംഭവ​ങ്ങ​ളോട്‌ താരത​മ്യ​പ്പെ​ടു​ത്തു​ക​യും ചെയ്യു​ന്നെ​ങ്കിൽ രാജാ​വെന്ന നിലയിൽ സ്വർഗ്ഗ​ത്തിൽ യേശു​വി​ന്റെ സിംഹാ​സ​നാ​രോ​ഹണം 1914-ൽ നടന്നതാ​യി നാം മനസ്സി​ലാ​ക്കും. (മത്തായി 24:3-42) അത്‌ ഭൂമി​യിൽ സമാധാ​നം കൈവ​രു​ത്തു​ന്ന​തി​നുള്ള ഒരു പ്രമുഖ പടിയാ​യി​രു​ന്നു.

എന്നാൽ വാസ്‌ത​വ​മ​താ​ണെ​ങ്കിൽ, 1914-ൽ ഒന്നാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​തെ​ന്തു​കൊണ്ട്‌? നമ്മുടെ നൂററാണ്ട്‌ ചരി​ത്ര​ത്തിൽ മറെറാ​രി​ക്ക​ലും കാണ​പ്പെ​ടാത്ത ഹീനമായ യുദ്ധങ്ങൾ ദർശി​ച്ച​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ സ്വർഗ്ഗീ​യ​രാ​ജാ​വി​ന്റെ ആദ്യ നടപടി സാത്താനെ എന്നേക്കു​മാ​യി സ്വർഗ്ഗ​ത്തിൽനിന്ന്‌ ബഹിഷ്‌ക​രി​ക്കു​ക​യും ഭൂമി​യു​ടെ പ്രദേ​ശ​ത്തേക്ക്‌ ചുഴററി എറിയു​ക​യും ചെയ്യുക എന്നതാ​യി​രു​ന്നു. ഫലമെ​ന്താ​യി​രു​ന്നു? പ്രവചനം പറയുന്നു: “ഭൂമി​ക്കും സമു​ദ്ര​ത്തി​നും അയ്യോ കഷ്ടം, പിശാച്‌ തനിക്ക്‌ ഒരു ഹ്രസ്വ​കാ​ല​ഘ​ട്ട​മാ​ണു​ള്ള​തെ​ന്ന​റി​ഞ്ഞു​കൊണ്ട്‌ വലിയ കോപ​ത്തോ​ടെ നിങ്ങളു​ടെ അടുക്ക​ലേക്ക്‌ ഇറങ്ങി​വ​ന്നി​രി​ക്കു​ന്നു.” (വെളി​പ്പാട്‌ 12:7-12) നമ്മുടെ നൂററാ​ണ്ടി​ലെ മഹായു​ദ്ധങ്ങൾ സാത്താന്റെ കോപ​ത്തോ​ടു ബന്ധപ്പെ​ട്ട​വ​യാണ്‌. എന്നാൽ ശ്രദ്ധിക്കൂ: സാത്താന്റെ കോപം “ഒരു ഹ്രസ്വ​കാ​ലഘട്ട”ത്തേക്കാണ്‌. പ്രതി​സന്ധി ഉടൻ അവസാ​നി​ക്കും!

അത്‌ അവസാ​നി​ക്കു​ന്ന​തി​നു​മുമ്പ്‌ സമാധാ​ന​പ്രഭു സമാധാ​ന​ത്തി​നു​വേണ്ടി കൂടു​ത​ലാ​യി മർമ്മ​പ്ര​ധാ​ന​മായ ഒരുക്കങ്ങൾ നടത്തുന്നു. തുടക്ക​ത്തിൽതന്നെ ക്രിസ്‌തു മുഖാ​ന്തരം സമാധാ​നം കൈവ​രു​ത്താ​നുള്ള ദൈവ​ത്തി​ന്റെ ഉദ്ദേശ്യം മനുഷ്യ​വർഗ്ഗം അറി​യേ​ണ്ട​തുണ്ട്‌. അതനു​സ​രിച്ച്‌ നമ്മുടെ കാലത്ത്‌ “രാജ്യ​ത്തി​ന്റെ ഈ സുവാർത്ത സകലജ​ന​ത​കൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും” എന്ന്‌ യേശു പ്രവചി​ച്ചു. (മത്തായി 24:14) ഇതിന്റെ നിവൃ​ത്തി​യാ​യി സുവാർത്ത ഗോള​ത്തി​ന്റെ ഏതു കോണി​ലും യഹോ​വ​യു​ടെ സാക്ഷികൾ പ്രസം​ഗി​ച്ചു​കൊ​ണ്ടി​രി​ക്ക​യാണ്‌.

അനന്തരം, നീതി​ഹൃ​ദ​യി​കൾ സമാധാ​ന​ത്തി​ന്റെ മാർഗ്ഗ​ത്തിൽ പഠിപ്പി​ക്ക​പ്പെ​ടേ​ണ്ട​തുണ്ട്‌. ബൈബിൾ ഇങ്ങനെ വാഗ്‌ദത്തം ചെയ്യുന്നു: “നിന്റെ പുത്രൻമാ​രെ​ല്ലാം യഹോ​വ​യാൽ പഠിപ്പി​ക്ക​പ്പെട്ട ആളുക​ളാ​യി​രി​ക്കും, നിന്റെ പുത്രൻമാ​രു​ടെ സമാധാ​നം സമൃദ്ധ​മാ​യി​രി​ക്കും.” (യെശയ്യാവ്‌ 54:13) ഇപ്പോൾത്തന്നെ ദശലക്ഷ​ക്ക​ണ​ക്കി​നു നീതി​ഹൃ​ദ​യി​കൾക്ക്‌ ഈ വിദ്യാ​ഭ്യാ​സം ലഭിക്കു​ന്നുണ്ട്‌.

അടുത്ത നടപടി

സമാധാ​നം കൈവ​രു​ത്തുന്ന പ്രക്രി​യ​യിൽ മറെറാ​രു നിർണ്ണാ​യക നടപടി​ക്കുള്ള സമയം മിക്കവാ​റും ആയിരി​ക്ക​യാണ്‌. അതെന്താണ്‌? അനേകർക്കും പേർ അറിയാ​മെ​ങ്കി​ലും യഥാർത്ഥ ഉദ്ദേശ്യം അധികം​പേർക്ക​റി​യാൻപാ​ടി​ല്ലാത്ത ഒന്നുതന്നെ. ബൈബിൾ അതിനെ “സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധം” അല്ലെങ്കിൽ അർമ്മ​ഗെ​ദ്ദോൻ എന്നു വിളി​ക്കു​ന്നു. (വെളി​പ്പാട്‌ 16:14, 16) അനേക​രും അർമ്മ​ഗെ​ദ്ദോൻ നാഗരി​ക​ത്വ​ത്തെ നശിപ്പി​ക്കുന്ന ഒരു ന്യൂക്ലി​യർ യുദ്ധമാ​ണെന്ന്‌ വിചാ​രി​ക്കു​ന്നു. മറിച്ച്‌ സമാധാ​ന​ത്തിന്‌ മർമ്മ​പ്ര​ധാ​ന​മാ​യി​രി​ക്കുന്ന കാര്യങ്ങൾ നേടു​ന്ന​തിന്‌ സമാധാ​ന​പ്ര​ഭു​വായ യേശു​വി​ന്റെ നേരി​ട്ടുള്ള ഒരു പ്രവർത്ത​ന​മാ​ണത്‌.

ഒന്നാമ​താ​യി അർമ്മ​ഗെ​ദ്ദോൻ സമാധാ​ന​ത്തി​ന്റെ സകല മാനു​ഷി​ക​പ്ര​തി​ബ​ന്ധ​ങ്ങ​ളും നീക്കം ചെയ്യും. സങ്കീർത്തനം 37:10-ലെ പ്രവചനം ഇങ്ങനെ പറയുന്നു: “അൽപ്പകാ​ല​വും കൂടെ കഴിഞ്ഞാൽ ദുഷ്‌ടൻ മേലാൽ ഉണ്ടായി​രി​ക്ക​യില്ല; നീ അവന്റെ സ്ഥലത്തിനു ശ്രദ്ധ കൊടു​ക്കും, അവൻ ഉണ്ടായി​രി​ക്ക​യില്ല.” അതെ, യേശു “ദുഷ്‌ടനെ—യുദ്ധം​ചെ​യ്യു​ന്ന​വ​രെ​യും കുററ​പ്പു​ള്ളി​ക​ളെ​യും ഭീകര​പ്ര​വർത്ത​ക​രെ​യും വലിയ സമാധാ​ന​പ്ര​ഭു​വി​നെ സ്വീക​രി​ക്കാൻ വിസമ്മ​തി​ക്കുന്ന സകല​രെ​യും—ഭൗമിക രംഗത്തു​നിന്ന്‌ നീക്കം​ചെ​യ്യും. അവർക്ക്‌ ഈ ഗോള​ത്തിൻമേൽ തുടർന്നു​ജീ​വി​ക്കാൻ കൂടു​ത​ലായ അവകാ​ശ​മു​ണ്ടാ​യി​രി​ക്ക​യില്ല.—വെളി​പ്പാട്‌ 19:19-21.

രണ്ടാമ​താ​യി അർമ്മ​ഗെ​ദ്ദോ​നിൽ ദാനി​യേ​ലി​ന്റെ ഈ പ്രവചനം നിവൃ​ത്തി​യേ​റും: “ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. രാജ്യം​തന്നെ മറേറ​തെ​ങ്കി​ലും ജനത്തിന്‌ ഏൽപ്പി​ക്ക​പ്പെ​ടു​ക​യില്ല. അത്‌ ഈ രാജ്യ​ങ്ങ​ളെ​യെ​ല്ലാം തകർക്കു​ക​യും അവസാ​നി​പ്പി​ക്കു​ക​യും ചെയ്യും. അതുതന്നെ അനിശ്ചി​ത​കാ​ല​ങ്ങ​ളോ​ളം നിൽക്കും.” (ദാനി​യേൽ 2:44) മിക്ക​പ്പോ​ഴും യുദ്ധത്തി​ലേക്കു നയിച്ച ദേശീയ ഭിന്നതകൾ നീക്ക​പ്പെ​ടും. ഒടുവിൽ നമുക്കാ​ശ്ര​യി​ക്കാൻ കഴിയുന്ന ഒരു ഭരണാ​ധി​കാ​രി​യു​ടെ കീഴിൽ ഒരു ലോക​ഗ​വൺമെൻറ്‌ ഉണ്ടായി​രി​ക്കും!

അർമ്മ​ഗെ​ദ്ദോൻ എപ്പോൾ വരും? ബൈബിൾ പറയു​ന്നില്ല. എന്നാൽ പ്രവച​ന​നി​വൃ​ത്തി​യാ​യുള്ള ലോക​സം​ഭ​വങ്ങൾ അത്‌ വളരെ വേഗം വരു​മെന്ന്‌ സൂചി​പ്പി​ക്കു​ന്നു. ഒരു സത്വര​മു​ന്നോ​ടി​യാ​യി​രി​ക്കുന്ന ഒരു സംഭവത്തെ ബൈബിൾ വ്യക്തമാ​യി മുൻകൂ​ട്ടി​പ്പ​റ​യു​ന്നു. അപ്പോ​സ്‌ത​ല​നായ പൗലോസ്‌ ഇങ്ങനെ പറയുന്നു: “അവർ ‘സമാധാ​ന​വും സുരക്ഷി​ത​ത്വ​വും’ എന്ന്‌ പറയു​ന്ന​തെ​പ്പോ​ഴോ അപ്പോൾ പെട്ടെ​ന്നുള്ള നാശം അവരു​ടെ​മേൽ ക്ഷണത്തിൽ വരേണ്ട​താണ്‌.” (1 തെസ്സ​ലോ​നി​ക്യർ 5:3) പിന്നീട്‌, അർമ്മ​ഗെ​ദ്ദോ​നോ​ടെ മൂർദ്ധ​ന്യ​ത്തി​ലെ​ത്തുന്ന പെട്ടെ​ന്നുള്ള നാശത്തി​നു​ശേഷം ഉടൻതന്നെ സമാധാ​ന​ത്തി​ന്റെ ഏററം വലിയ തടസ്സം നീക്ക​പ്പെ​ടും. സാത്താന്റെ “ഹ്രസ്വ കാലഘട്ടം” തീരും, അവനു മേലാൽ ഇവിടെ ഭൂമി​യിൽ കുഴപ്പം​ചെ​യ്യാൻ കഴിയാത്ത ഒരവസ്ഥ​യിൽ അവൻ ആക്കപ്പെ​ടും. (വെളി​പ്പാട്‌ 20:1-3) എന്തോ​രാ​ശ്വാ​സം!

സമാധാ​ന​മുള്ള ഒരു ലോകം

ആ കാലത്തെ അവസ്ഥയെ മനസ്സിൽ ചിത്രീ​ക​രി​ക്കുക. സങ്കീർത്ത​ന​ക്കാ​രൻ ഇങ്ങനെ പ്രവചി​ച്ചു: “സൗമ്യ​ത​യു​ള്ളവർ തന്നെ ഭൂമിയെ കൈവ​ശ​മാ​ക്കും, തീർച്ച​യാ​യും അവർ സമാധാ​ന​സ​മൃ​ദ്ധി​യിൽ പരമാ​നന്ദം കണ്ടെത്തും.” (സങ്കീർത്തനം 37:11) ഈ സൗമ്യ​ത​യു​ള്ളവർ യെശയ്യാ​വി​ലെ മനോ​ഹ​ര​മായ പ്രവചനം നിറ​വേ​റ​റു​ന്ന​തിൽ തുടരും: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർക്കേ​ണ്ടി​വ​രും. ജനത ജനത​ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യില്ല.” (യെശയ്യാവ്‌ 2:4)

ഒടുവിൽ, ഏദെനു​ശേഷം ആദ്യമാ​യി സകല മനുഷ്യ​ജീ​വി​ക​ളും യഹോ​വ​യാം ദൈവ​ത്തി​ന്റെ അനു​ഗ്ര​ഹങ്ങൾ ആസ്വദി​ക്കും, അവൻ തന്റെ വാഗ്‌ദത്തം നിറ​വേ​റ​റും: “നോക്കൂ! ദൈവ​ത്തി​ന്റെ കൂടാരം മനുഷ്യ​വർഗ്ഗ​ത്തോ​ടു​കൂ​ടെ​യാ​കു​ന്നു, അവൻ അവരോ​ടു​കൂ​ടെ വസിക്കും, അവർ അവന്റെ ജനങ്ങളാ​യി​രി​ക്കും. ദൈവം തന്നെ അവരോ​ടു​കൂ​ടെ ഉണ്ടായി​രി​ക്കും. അവൻ അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മേലാൽ മരണം ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. മുൻകാ​ര്യ​ങ്ങൾ കടന്നു​പോ​യി​രി​ക്കു​ന്നു.”—വെളി​പ്പാട്‌ 21:3, 4.

ഒരു ഉറച്ച പ്രത്യാശ

അപ്പോൾ മനുഷ്യ​വർഗ്ഗത്തെ ആർ സമാധാ​ന​ത്തി​ലേക്കു നയിക്കും? നിയമിത സമാധാ​ന​പ്ര​ഭു​വായ യേശു​ക്രി​സ്‌തു. ഇത്‌ ഇന്ന്‌ നമുക്ക്‌ പ്രാ​യോ​ഗി​ക​മായ ഒരു പ്രത്യാ​ശ​യാ​ണോ? ശരി, ബൈബി​ളി​ന്റെ വാഗ്‌ദ​ത്തങ്ങൾ വിശ്വ​സ​നീ​യ​മ​ല്ലെ​ങ്കിൽ സമാധാ​ന​ത്തിന്‌ യഥാർത്ഥ പ്രത്യാ​ശ​യു​ണ്ടാ​യി​രി​ക്ക​യില്ല. മനുഷ്യർ അവസാ​ന​മി​ല്ലാ​തെ യുദ്ധം ചെയ്യു​ന്ന​തി​ലും അന്യോ​ന്യം കൊല്ലു​ന്ന​തി​ലും തുടരും. എന്നാൽ ബൈബിൾ വിശ്വ​സ​നീ​യ​മാണ. ക്രിസ്‌തു​വിൻകീ​ഴി​ലുള്ള ദൈവ​രാ​ജ്യം സമാധാ​നം കൈവ​രു​ത്തും. യഹോ​വ​യു​ടെ സാക്ഷികൾ നിങ്ങളു​ടെ ഭവനത്തി​ലേക്കു കൊണ്ടു​വ​രുന്ന രാജ്യ​സു​വാർത്ത ശ്രദ്ധി​ക്കാ​നും നിങ്ങൾതന്നെ ഇതു മനസ്സി​ലാ​ക്കാ​നും ഞങ്ങൾ നിങ്ങളെ പ്രോ​ത്‌സാ​ഹി​പ്പി​ക്കു​ന്നു. അനന്തരം, ആ സമയം വന്നെത്തു​മ്പോൾ ഭൂമിയെ അവകാ​ശ​മാ​ക്കു​ന്ന​വ​രും സമാധാ​ന​സ​മൃ​ദ്ധി​യിൽ ആനന്ദി​ക്കു​ന്ന​വ​രു​മായ സൗമ്യ​ത​യു​ള്ള​വ​രിൽ നിങ്ങൾ ഉൾപ്പെ​ടട്ടെ. (w90 4⁄1)

ഈ ലേഖന​ത്തിൽ ചർച്ച​ചെ​യ്യ​പ്പെ​ട്ടി​രി​ക്കുന്ന സമാധാ​ന​പ്ര​ത്യാ​ശ ബൈബി​ളിൽനി​ന്നാണ്‌. ഇന്ന്‌ അനേകർ മേലാൽ ബൈബിൾ വിശ്വ​സി​ക്കു​ന്നി​ല്ലാ​ത്ത​തി​നാൽ നിങ്ങൾ, ഈ പ്രത്യാശ പ്രാ​യോ​ഗി​ക​മാ​ണോ എന്ന്‌ ചോദ്യം ചെയ്‌തേ​ക്കാം. യഹോ​വ​യു​ടെ സാക്ഷികൾ അത്‌ പ്രാ​യോ​ഗി​ക​മാ​ണെന്ന്‌ ദൃഢമാ​യി വിശ്വ​സി​ക്കു​ന്നു. അവർ ബൈബിൾ ദൈവ​ത്തി​ന്റെ നിശ്വ​സ്‌ത​വ​ച​ന​മാ​ണെ​ന്നും, അതു​കൊണ്ട്‌ പൂർണ്ണ​മാ​യും ആശ്രയ​യോ​ഗ്യ​മാ​ണെ​ന്നും അംഗീ​ക​രി​ക്കു​ന്നു. 1989-ൽ ഈ വസ്‌തു​ത​സം​ബ​ന്ധിച്ച്‌ അനേകം തെളി​വു​കൾ അവതരി​പ്പി​ച്ചു​കൊണ്ട്‌ അവർ, ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ? എന്ന ശീർഷ​ക​ത്തിൽ ഒരു പുസ്‌തകം പ്രസി​ദ്ധീ​ക​രി​ച്ചു.

സമാധാനത്തെസംബന്ധിച്ച ബൈബി​ളി​ന്റെ വാഗ്‌ദാ​ന​ത്തെ​ക്കു​റി​ച്ചുള്ള കൂടുതൽ വിവരങ്ങൾ നവംബർ 1, 1991-ലെ വീക്ഷാ​ഗോ​പു​ര​ത്തിൽ “ലോക​സ​മാ​ധാ​നം—അത്‌ യഥാർത്ഥ​ത്തിൽ എന്തർത്ഥ​മാ​ക്കും?” എന്ന ലേഖന​ത്തിൽ പ്രത്യ​ക്ഷ​പ്പെ​ടും.

[8-ാം പേജിലെ ആകർഷ​ക​വാ​ക്യം]

യേശുവിനു മാത്രമേ മനുഷ്യ​വർഗ്ഗത്തെ സമാധാ​ന​ത്തി​ലേക്കു നയിക്കു​ന്ന​തി​നുള്ള യോഗ്യ​ത​യു​ള്ളു

[9-ാം പേജിലെ ആകർഷ​ക​വാ​ക്യം]

ഇന്ന്‌, രാജ്യ​ത്തി​ന്റെ സുവാർത്ത ഗോള​ത്തി​ന്റെ എല്ലാ മുക്കി​ലും പ്രസം​ഗി​ക്ക​പ്പെട്ടു കൊണ്ടി​രി​ക്കു​ന്നു