ദൈവി​ക​ഭ​ക്തി​യുള്ള ആളുകൾക്ക്‌ വിടുതൽ അടുത്തി​രി​ക്കു​ന്നു

“ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാ​നും, എന്നാൽ നീതി​കെ​ട്ട​വരെ, . . . ന്യായ​വി​ധി​ദി​വ​സ​ത്തിൽ ഛേദി​ക്ക​പ്പെ​ടു​ന്ന​തിന്‌ സൂക്ഷി​ക്കാ​നും യഹോ​വ​ക്ക​റി​യാം.”—2 പത്രോസ്‌ 2:9.

1. (എ) നമ്മുടെ നാളിൽ ഏതു ക്ലേശക​ര​മായ അവസ്ഥകൾ മനുഷ്യ​വർഗ്ഗത്തെ അഭിമു​ഖീ​ക​രി​ക്കു​ന്നു? (ബി) ഇതിന്റെ വീക്ഷണ​ത്തിൽ, നാം ഏതു ചോദ്യ​ങ്ങൾ പരിചി​ന്തി​ക്കാൻപോ​കു​ക​യാണ്‌?

സകല മനുഷ്യ​വർഗ്ഗ​ത്തി​നും ജീവി​ത​പ്ര​ശ്‌നങ്ങൾ പെരു​കു​ക​യാണ്‌. ഒരുവൻ ജീവി​ക്കു​ന്നത്‌ ഭൗതി​ക​വ​സ്‌തു​ക്കൾ ധാരാ​ള​മു​ള്ളി​ട​ത്താ​യാ​ലും അവ കുറവു​ള്ളി​ട​ത്താ​യാ​ലും ഇതു സത്യമാണ്‌. എല്ലായി​ട​ത്തും അരക്ഷി​ത​ത്വം നിലവി​ലി​രി​ക്കു​ന്നു. വ്യാകു​ല​പ്പെ​ടു​ന്ന​തി​നു അനിശ്ചി​ത​മായ സാമ്പത്തി​കാ​വ​സ്ഥകൾ പോരാ​ഞ്ഞി​ട്ടെ​ന്ന​പോ​ലെ, ഗുരു​ത​ര​മായ പരിസ്ഥി​തി​പ്ര​ശ്‌നങ്ങൾ ഭൂഗ്ര​ഹത്തെ ആക്രമി​ക്കു​ക​യും അതിലെ സകല ജീവ​നെ​യും ഭീഷണി​പ്പെ​ടു​ത്തു​ക​യു​മാണ്‌. രോഗം വ്യാപ​ക​മാണ്‌. സാം​ക്ര​മി​ക​രോ​ഗങ്ങൾ, ഹൃ​ദ്രോ​ഗങ്ങൾ, അർബ്ബു​ദ​വ്യാ​ധി എന്നിവ വമ്പിച്ച ജീവഹാ​നി വരുത്തി​ക്കൂ​ട്ടു​ന്നു. ദുർമ്മാർഗ്ഗം മാനു​ഷ​വി​കാ​ര​ങ്ങൾക്കും കുടും​ബ​ജീ​വി​ത​ത്തി​നും പരക്കെ വിനാശം വിതച്ചി​രി​ക്കു​ന്നു. ഇതി​നെ​ല്ലാം പുറമേ, ലോകം അക്രമം​കൊ​ണ്ടു നിറഞ്ഞി​രി​ക്കു​ന്നു. മനുഷ്യ​സ​മു​ദാ​യം അഭിമു​ഖീ​ക​രി​ക്കുന്ന അവസ്ഥാ​വി​ശേ​ഷ​ത്തി​ന്റെ വീക്ഷണ​ത്തിൽ നാം യാഥാർത്ഥ്യ​ബോ​ധ​ത്തോ​ടെ ചോദി​ക്കു​ക​യാണ്‌: നേര​ത്തെ​യുള്ള ഒരു വിടുതൽ പ്രതീ​ക്ഷി​ക്കാൻ ഈടുററ അടിസ്ഥാ​ന​മു​ണ്ടോ? ഉണ്ടെങ്കിൽ അത്‌ എങ്ങനെ കൈവ​രും, ആർക്കു​വേണ്ടി?—ഹബക്കൂക്ക്‌ 1:2; 2:1-3 താരത​മ്യം​ചെ​യ്യുക.

2, 3. (എ) 2പത്രോസ്‌ 2:9-ൽ പറഞ്ഞി​രി​ക്കു​ന്നത്‌ ഉറപ്പു​നൽകു​ന്ന​താ​ണെന്ന്‌ നാം ഇന്നു കണ്ടെത്തു​ന്ന​തെ​ന്തു​കൊണ്ട്‌? (ബി) വിടു​ത​ലി​ന്റെ ഏതു പ്രവർത്ത​നങ്ങൾ പ്രോൽസാ​ഹ​ന​ത്തി​ന്റെ ഒരു അടിസ്ഥാ​ന​മെന്ന നിലയിൽ ബൈബിൾ ചൂണ്ടി​ക്കാ​ട്ടു​ന്നു?

² നമ്മുടെ നാളിൽ സംഭവി​ക്കു​ന്നത്‌ നമ്മെ മനുഷ്യ​ച​രി​ത്ര​ത്തി​ലെ അത്യന്തം പ്രാധാ​ന്യ​മുള്ള ചില കാലങ്ങൾ അനുസ്‌മ​രി​പ്പി​ക്കു​ന്നു. അപ്പോ​സ്‌ത​ല​നായ പത്രോസ്‌ ആ സന്ദർഭ​ങ്ങ​ളിൽ ദൈവം നിർവ​ഹിച്ച വിടു​തൽപ്ര​വർത്ത​ന​ങ്ങ​ളി​ലേക്ക്‌ ശ്രദ്ധ ക്ഷണിക്കു​ക​യും അനന്തരം ഈ ഉറപ്പു​നൽകുന്ന നിഗമ​ന​ത്തി​ലെ​ത്തു​ക​യും ചെയ്യുന്നു: “ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാൻ യഹോ​വ​ക്ക​റി​യാം.” (2 പത്രോസ്‌ 2:9) 2 പത്രോസ്‌ 2:4-10 വരെയുള്ള ആ പ്രസ്‌താ​വ​ന​യു​ടെ സന്ദർഭം ശ്രദ്ധി​ക്കുക:

³ “ദൈവം പാപം ചെയ്‌ത ദൂതൻമാ​രെ ശിക്ഷി​ക്കു​ന്ന​തിൽനിന്ന്‌ തീർച്ച​യാ​യും പിൻവാ​ങ്ങാ​തെ അവരെ ററാർട്ട​റ​സിൽ തള്ളി​ക്കൊണ്ട്‌ ന്യായ​വി​ധി​ക്കാ​യി സൂക്ഷി​ക്കാൻ കൂരി​രി​ട്ടിൻകൂ​പ​ങ്ങ​ളിൽ ഇടുക​യും, അവൻ ഒരു പുരാ​ത​ന​ലോ​കത്തെ ശിക്ഷി​ക്കു​ന്ന​തിൽനിന്ന്‌ പിൻവാ​ങ്ങാ​തെ ഭക്തികെട്ട ആളുക​ളു​ടെ ഒരു ലോക​ത്തിൽ ഒരു പ്രളയം​വ​രു​ത്തി​യ​പ്പോൾ ഒരു നീതി​പ്ര​സം​ഗി​യായ നോഹയെ വേറെ ഏഴു​പേ​രോ​ടു​കൂ​ടെ സൂക്ഷി​ക്കു​ക​യും, സോ​ദോം ഗോ​മോ​റാ എന്നീ നഗരങ്ങളെ ചുട്ടു​ചാ​മ്പ​ലാ​ക്കി​ക്കൊണ്ട്‌ അവരെ അവൻ കുററം​വി​ധി​ക്കു​ക​യും, നിയമത്തെ ധിക്കരി​ക്കുന്ന ആളുക​ളു​ടെ അഴിഞ്ഞ നടത്തയി​ലെ ആശക്തി​യാൽ അതിയാ​യി ദുഃഖി​ത​നായ നീതി​മാ​നായ ലോത്തി​നെ അവൻ വിടു​വി​ക്കു​ക​യും ചെയ്‌തു​വെ​ങ്കിൽ—എന്തെന്നാൽ ആ നീതി​മാ​നായ മനുഷ്യൻ അവരുടെ ഇടയിൽ അനുദി​നം വസിക്കവേ താൻ കാണു​ക​യും കേൾക്കു​ക​യും ചെയ്‌ത​വ​യാൽ അവരുടെ നിയമ​ര​ഹി​ത​പ്ര​വൃ​ത്തി​കൾ ഹേതു​വാ​യി തന്റെ നീതി​യുള്ള ദേഹിയെ ദണ്ഡിപ്പി​ക്കു​ക​യാ​യി​രു​ന്നു—ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാ​നും, എന്നാൽ നീതി​കെ​ട്ട​വരെ, വിശേ​ഷാൽ ജഡത്തെ മലിന​പ്പെ​ടു​ത്താ​നുള്ള ആഗ്രഹ​ത്തോ​ടെ അതിന്റെ പിന്നാലെ പോകു​ക​യും കർതൃ​ത്വ​ത്തെ പുച്ഛി​ക്കു​ക​യും ചെയ്യു​ന്ന​വരെ ന്യായ​വി​ധി​ദി​വ​സ​ത്തിൽ ഛേദി​ക്ക​പ്പെ​ടു​ന്ന​തിന്‌ സൂക്ഷി​ക്കാ​നും യഹോ​വ​ക്ക​റി​യാം.” ആ തിരു​വെ​ഴു​ത്തു​കൾ പ്രകട​മാ​ക്കു​ന്ന​തു​പോ​ലെ, നോഹ​യു​ടെ നാളി​ലും ലോത്തി​ന്റെ നാളി​ലും നടന്നത്‌ നമുക്ക്‌ അർത്ഥസ​മ്പൂർണ്ണ​മാണ്‌.

നോഹ​യു​ടെ നാളിൽ നിലവി​ലി​രുന്ന ആത്മാവ്‌

4. നോഹ​യു​ടെ നാളിൽ ഭൂമി പാഴാ​ക്ക​പ്പെ​ട്ട​താ​യി ദൈവം വീക്ഷി​ച്ച​തെ​ന്തു​കൊണ്ട്‌? (സങ്കീർത്തനം 11:5)

⁴ ഉല്‌പത്തി 6-ാം അദ്ധ്യാ​യ​ത്തി​ലെ ചരി​ത്ര​വി​വ​രണം നോഹ​യു​ടെ നാളിൽ ഭൂമി യഹോ​വ​യു​ടെ ദൃഷ്ടി​യിൽ പാഴാ​ക്ക​പ്പെ​ട്ടി​രു​ന്നു​വെന്ന്‌ നമ്മെ അറിയി​ക്കു​ന്നു. എന്തു​കൊണ്ട്‌? അക്രമം നിമിത്തം. ഇത്‌ കുററ​ക​ര​മായ അക്രമ​ത്തി​ന്റെ ഒററപ്പെട്ട കേസു​ക​ളാ​യി​രു​ന്നില്ല. “ഭൂമി അക്രമം​കൊ​ണ്ടു നിറഞ്ഞു”വെന്ന്‌ ഉല്‌പത്തി 6:11 റിപ്പോർട്ടു​ചെ​യ്യു​ന്നു.

5. (എ) മനുഷ്യ​രു​ടെ ഭാഗത്തെ ഏതു മനോ​ഭാ​വം നോഹ​യു​ടെ നാളിലെ അക്രമ​ത്തി​നു സംഭാ​വ​ന​ചെ​യ്‌തു? (ബി) അഭക്തി​യെ​ക്കു​റി​ച്ചു നോഹ എന്തു മുന്നറി​യി​പ്പു നൽകി​യി​രു​ന്നു?

⁵ അതിന്റെ പിമ്പിൽ എന്താണു​ണ്ടാ​യി​രു​ന്നത്‌? 2 പത്രോ​സിൽനിന്ന്‌ ഉദ്ധരി​ക്ക​പ്പെട്ട തിരു​വെ​ഴുത്ത്‌ ഭക്തികെട്ട ജനത്തെ പരാമർശി​ക്കു​ന്നു. അതെ, അഭക്തി​യു​ടെ ഒരു ആത്മാവ്‌ മനുഷ്യ​കാ​ര്യ​ങ്ങളെ ബാധി​ച്ചി​രു​ന്നു. ഇതിൽ ദിവ്യ​നി​യ​മ​ത്തോ​ടുള്ള ഒരു പൊതു അനാദ​ര​വു​മാ​ത്രമല്ല, ദൈവ​ത്തോ​ടു​ത​ന്നെ​യുള്ള ഒരു ധിക്കാ​ര​മ​നോ​ഭാ​വ​വും ഉൾപ്പെ​ട്ടി​രു​ന്നു.a മനുഷ്യർ ദൈവ​ത്തോ​ടു ധിക്കാരം കാട്ടു​മ്പോൾ അവർ സഹമനു​ഷ്യ​നോട്‌ ദയാപൂർവം ഇടപെ​ടു​മെന്ന്‌ എങ്ങനെ പ്രതീ​ക്ഷി​ക്കാൻ കഴിയും? നോഹ ജനിക്കു​ന്ന​തി​നു​മു​മ്പു​തന്നെ ഈ അഭക്തി വളരെ പ്രബല​പ്പെ​ട്ടി​രു​ന്ന​തി​നാൽ ഹാനോക്ക്‌ പരിണ​ത​ഫ​ല​ത്തേ​ക്കു​റി​ച്ചു പ്രവചി​ക്കാൻ യഹോവ ഇടവരു​ത്തി. (യൂദാ 14, 15) ദൈവ​ത്തോ​ടുള്ള അവരുടെ ധിക്കാരം തീർച്ച​യാ​യും ഒരു ദിവ്യ​ന്യാ​യ​വി​ധി​നിർവ​ഹണം വരുത്തി​ക്കൂ​ട്ടു​മാ​യി​രു​ന്നു.

6, 7. പ്രളയ​ത്തി​നു മുമ്പു സംജാ​ത​മായ ദുഷിച്ച അവസ്ഥക​ളിൽ ദൂതൻമാർ ഉൾപ്പെട്ട ഏതു സാഹച​ര്യം ഒരു മുഖ്യ​ഘ​ട​ക​മാ​യി​രു​ന്നു?

⁶ ആ നാളു​ക​ളി​ലെ അക്രമ​ത്തി​നു സംഭാ​വ​ന​ചെയ്‌ത മറെറാ​രു സ്വാധീ​ന​വു​മു​ണ്ടാ​യി​രു​ന്നു. ഉല്‌പത്തി 6:1, 2 പിൻവ​രു​ന്ന​പ്ര​കാ​രം പറയു​മ്പോൾ അതി​ലേക്കു ശ്രദ്ധതി​രി​ക്കു​ന്നു: “ഇപ്പോൾ മനുഷ്യർ ഭൂതല​ത്തിൽ എണ്ണത്തിൽ പെരു​കി​ത്തു​ട​ങ്ങു​ക​യും അവർക്കു പുത്രി​മാർ ജനിക്കു​ക​യും ചെയ്‌ത​പ്പോൾ സത്യ​ദൈ​വ​ത്തി​ന്റെ പുത്രൻമാർ മനുഷ്യ​രു​ടെ പുത്രി​മാർ സുമു​ഖി​ക​ളാ​ണെന്ന്‌ ഗൗനി​ക്കാൻ തുടങ്ങി; അവർ തങ്ങൾക്കി​ഷ്ട​പ്പെ​ട്ട​വ​രെ​യെ​ല്ലാം ഭാര്യ​മാ​രാ​യി എടുത്തു.” ആ സത്യ​ദൈ​വ​ത്തി​ന്റെ പുത്രൻമാർ ആരായി​രു​ന്നു? വെറും മനുഷ്യ​ര​ല്ലാ​യി​രു​ന്നു. മനുഷ്യർ നൂററാ​ണ്ടു​ക​ളിൽ സുമു​ഖി​ക​ളായ സ്‌ത്രീ​കളെ ശ്രദ്ധി​ക്കു​ക​യും വിവാ​ഹം​ക​ഴി​ക്കു​ക​യും ചെയ്‌തു​കൊ​ണ്ടാ​ണി​രു​ന്നത്‌. ആ ദൈവ​പു​ത്രൻമാർ ജഡമെ​ടുത്ത ദൈവ​ദൂ​തൻമാ​രാ​യി​രു​ന്നു. യൂദാ 6-ൽ അവർ “തങ്ങളുടെ ആദിമ​സ്ഥാ​നം കാത്തു​കൊ​ള്ളാ​തെ തങ്ങളുടെ ഉചിത​മായ സ്വന്തം വാസസ്ഥലം ഉപേക്ഷിച്ച ദൂതൻമാർ” എന്നു വർണ്ണി​ക്ക​പ്പെ​ട്ടി​രി​ക്കു​ന്നു.—1 പത്രോസ്‌ 3:19, 20 താരത​മ്യം​ചെ​യ്യുക.

⁷ മനുഷ്യ​രാ​യി ജഡം ധരിച്ച ഈ മനുഷ്യാ​തീത ജീവികൾ മനുഷ്യ​പു​ത്രി​മാ​രു​മാ​യി ബന്ധങ്ങളി​ലേർപ്പെ​ട്ട​പ്പോൾ ഫലമെ​ന്താ​യി​രു​ന്നു? “ആ നാളു​ക​ളി​ലും, അതിനു​ശേ​ഷ​വും, ഭൂമി​യിൽ നെഫി​ലിം ഉണ്ടെന്നു തെളിഞ്ഞു, അന്ന്‌ സത്യ​ദൈ​വ​ത്തി​ന്റെ പുത്രൻമാർ മനുഷ്യ​രു​ടെ പുത്രി​മാ​രു​മാ​യി ബന്ധങ്ങളി​ലേർപ്പെ​ടു​ന്ന​തിൽ തുടരു​ക​യും അവർ അവർക്കു പുത്രൻമാ​രെ പ്രസവി​ക്കു​ക​യും​ചെ​യ്‌തു, അവരാ​യി​രു​ന്നു പുരാതന ബലവാൻമാർ, കീർത്തി​പ്പെട്ട പുരു​ഷൻമാർ.” അതെ, ആ പ്രകൃ​തി​വി​രുദ്ധ ബന്ധത്തിന്റെ സന്തതി​ക​ളാ​യി​രു​ന്നു നെഫി​ലിം, തങ്ങളുടെ മികച്ച ശക്തി മററു​ള്ള​വ​രോ​ടു ക്രൂര​മാ​യി പെരു​മാ​റാൻ ഉപയോ​ഗിച്ച ശക്തൻമാർ.—ഉല്‌പത്തി 6:4.

8. ഭൂമി​യി​ലെ വഷളായ അവസ്ഥക​ളോ​ടു യഹോവ എങ്ങനെ പ്രതി​ക​രി​ച്ചു?

⁸ അവസ്ഥ എത്ര വഷളാ​യി​ത്തീർന്നു? അത്‌ “ഭൂമി​യിൽ മമനു​ഷ്യ​ന്റെ വഷളത്വം പെരു​കി​യി​രി​ക്കു​ന്നു​വെ​ന്നും അവന്റെ ഹൃദയ​ചി​ന്ത​ക​ളു​ടെ ഓരോ ചായ്‌വും എല്ലാ സമയത്തും ചീത്ത മാത്ര​മാ​ണെ​ന്നും യഹോവ കണ്ട” ഘട്ടത്തി​ലെത്തി. യഹോവ ഇതി​നോട്‌ എങ്ങനെ പ്രതി​ക​രി​ച്ചു? “താൻ ഭൂമി​യിൽ മനുഷ്യ​രെ ഉണ്ടാക്കി​യി​രു​ന്ന​തിൽ യഹോ​വക്കു ദുഃഖം​തോ​ന്നി, അവന്‌ തന്റെ ഹൃദയ​ത്തിൽ വേദന തോന്നി.” മനുഷ്യ​വർഗ്ഗത്തെ സൃഷ്ടി​ച്ച​പ്പോൾ ദൈവം ഒരു തെററു​ചെ​യ്‌തു​വെന്ന്‌ അവൻ വിചാ​രി​ച്ചു​വെന്ന്‌ ഇതിന്‌ അർത്ഥമില്ല. എന്നാൽ, താൻ മനുഷ്യ​രെ സൃഷ്‌ടി​ച്ച​ശേഷം അവരെ നശിപ്പി​ക്കാൻ തനിക്ക്‌ കടപ്പാ​ടു​ണ്ടാ​ക​ത്ത​ക്ക​വണ്ണം അവരുടെ നടത്ത അത്ര ദുഷ്‌ട​മാ​യി​ത്തീർന്ന​തി​ലാണ്‌ അവന്‌ സങ്കടം തോന്നി​യത്‌.—ഉല്‌പത്തി 6:5-7.

വിടു​ത​ലി​ലേക്കു നയിച്ച ഗതി

9. (എ) ദൈവം നോഹ​യോട്‌ പ്രീതി​യോ​ടെ ഇടപെ​ട്ട​തെ​ന്തു​കൊണ്ട്‌? (ബി) ദൈവം നോഹക്ക്‌ മുന്നമേ എന്തു അറിവു കൊടു​ത്തു?

⁹ നോഹ​യെ​സം​ബ​ന്ധി​ച്ച​ട​ത്തോ​ളം, അവൻ “യഹോ​വ​യു​ടെ ദൃഷ്‌ടി​യിൽ പ്രീതി കണ്ടെത്തി. . . . നോഹ ഒരു നീതി​മാ​നായ മനുഷ്യൻ ആയിരു​ന്നു. അവൻ തന്റെ സമകാ​ലീ​ന​രു​ടെ ഇടയിൽ നിഷ്‌ക്ക​ള​ങ്ക​നെന്നു തെളിഞ്ഞു. നോഹ സത്യ​ദൈ​വ​ത്തോ​ടു​കൂ​ടെ നടന്നു.” (ഉല്‌പത്തി 6:8, 9) അതു​കൊണ്ട്‌ താൻ ഒരു ആഗോള പ്രളയം വരുത്താൻപോ​കു​ക​യാ​ണെന്ന്‌ യഹോവ നോഹക്ക്‌ മുന്നമേ അറിയി​പ്പു​കൊ​ടു​ക്കു​ക​യും ഒരു പെട്ടകം പണിയാൻ അവനോ​ടു നിർദ്ദേ​ശി​ക്കു​ക​യും ചെയ്‌തു. നോഹ​ക്കും അവന്റെ കുടും​ബ​ത്തി​നും പുറ​മേ​യുള്ള സകല മനുഷ്യ​വർഗ്ഗ​വും ഭൂതല​ത്തിൽനിന്ന്‌ തുടച്ചു​നീ​ക്ക​പ്പെ​ടും. നോഹ പെട്ടക​ത്തിൽ കയറേ​റ​ണ്ടി​യി​രുന്ന ഓരോ അടിസ്ഥാ​ന​വർഗ്ഗ​ത്തി​ന്റെ​യും ഏതാനും ചില പ്രതി​നി​ധി​കൾ ഒഴിച്ച്‌ മൃഗസൃ​ഷ്ടി​യും നശിപ്പി​ക്ക​പ്പെ​ടു​മാ​യി​രു​ന്നു.—ഉല്‌പത്തി 6:13, 14, 17.

10. (എ) സംരക്ഷണം മുന്നിൽക​ണ്ടു​കൊണ്ട്‌ എന്ത്‌ ഒരുക്കം നടത്തേ​ണ്ട​തു​ണ്ടാ​യി​രു​ന്നു, അത്‌ എത്ര വലിയ ഒരു ജോലി​യാ​യി​രു​ന്നു? (ബി) നോഹ തന്റെ നിയമനം കൈകാ​ര്യം​ചെയ്‌ത രീതി​സം​ബ​ന്ധിച്ച്‌ എന്താണ്‌ ശ്രദ്ധാർഹ​മാ​യി​ട്ടു​ള്ളത്‌?

¹⁰ മുന്ന​മേ​യുള്ള അറിവ്‌ നോഹ​യു​ടെ​മേൽ ഒരു ഭാരിച്ച ഉത്തരവാ​ദി​ത്തം വെച്ചു. പെട്ടകം പണിയണം. അത്‌ ഏതാണ്ട്‌ 14,00,000 ഘനയടി വ്യാപ്‌ത​മുള്ള ഒരു വലിയ പെട്ടി​യു​ടെ ആകൃതി​യി​ലാ​യി​രി​ക്ക​ണ​മാ​യി​രു​ന്നു. നോഹ അതിൽ ആഹാരം സംഭരി​ച്ച​ശേഷം സംരക്ഷി​ക്കു​ന്ന​തി​നു​വേണ്ടി മൃഗങ്ങ​ളും പക്ഷിക​ളു​മാ​യി “സകലതരം ജഡത്തെ​യും” അകത്തു​ക​ട​ത്ത​ണ​മാ​യി​രു​ന്നു. അതു വർഷങ്ങ​ളി​ലെ വേല ആവശ്യ​മാ​ക്കി​ത്തീർക്കുന്ന ഒരു പദ്ധതി​യാ​യി​രു​ന്നു. നോഹ എങ്ങനെ പ്രതി​ക​രി​ച്ചു? അവൻ “ദൈവം അവനോ​ടു കല്‌പി​ച്ചി​രു​ന്ന​തു​പോ​ലെ​യെ​ല്ലാ​മ​നു​സ​രി​ച്ചു ചെയ്യാൻ തുടങ്ങി. അവൻ അങ്ങനെ​തന്നെ ചെയ്‌തു.”—ഉല്‌പത്തി 6:14-16, 19-22; എബ്രായർ 11:7.

11. തന്റെ സ്വന്തം കുടും​ബ​ത്തി​ന്റെ കാര്യ​ത്തിൽ നോഹ​യു​ടെ​മേൽ എന്തു മർമ്മ​പ്ര​ധാ​ന​മായ ഉത്തരവാ​ദി​ത്തം സ്ഥിതി​ചെ​യ്‌തി​രു​ന്നു?

¹¹ ആ വേല ചെയ്‌തു​കൊ​ണ്ടി​രു​ന്ന​പ്പോൾത്തന്നെ നോഹക്ക്‌ തന്റെ കുടും​ബ​ത്തി​ന്റെ ആത്മീയത കെട്ടു​പ​ണി​ചെ​യ്യാ​നും സമയം വിനി​യോ​ഗി​ക്ക​ണ​മാ​യി​രു​ന്നു. അവർ തങ്ങളുടെ ചുററു​മു​ണ്ടാ​യി​രുന്ന ആളുക​ളു​ടെ അക്രമാ​സ​ക്ത​വ​ഴി​ക​ളും ധിക്കാ​ര​മ​നോ​ഭാ​വ​വും സ്വീക​രി​ക്കു​ന്ന​തി​നെ​തി​രെ കാത്തു​സൂ​ക്ഷി​ക്ക​പ്പെ​ടേ​ണ്ട​തു​ണ്ടാ​യി​രു​ന്നു. അവർ ദൈനം​ദിന ജീവി​ത​കാ​ര്യ​ങ്ങ​ളിൽ അമിത​മാ​യി ആമഗ്‌ന​രാ​യി​ത്തീ​രാ​തി​രി​ക്കു​ന്നത്‌ പ്രധാ​ന​മാ​യി​രു​ന്നു. അവർ ചെയ്യേ​ണ്ട​തിന്‌ ദൈവം ഒരു വേല കൊടു​ത്തി​രു​ന്നു. അവർ തങ്ങളുടെ ജീവി​തത്തെ അതിനു ചുററും കെട്ടി​പ്പ​ടു​ക്കു​ന്നതു മർമ്മ​പ്ര​ധാ​ന​മാ​യി​രു​ന്നു. നോഹ​യു​ടെ കുടും​ബം അവന്റെ നിർദ്ദേശം സ്വീക​രി​ക്കു​ക​യും അവന്റെ വിശ്വാ​സ​ത്തിൽ പങ്കുപ​റ​റു​ക​യും ചെയ്‌തു​വെന്ന്‌ നമുക്ക​റി​യാം, എന്തു​കൊ​ണ്ടെ​ന്നാൽ നോഹ​യും അവന്റെ ഭാര്യ​യും അവരുടെ മൂന്നു പുത്രൻമാ​രും പുത്രൻമാ​രു​ടെ ഭാര്യ​മാ​രും—മൊത്തം എട്ടുപേർ—അംഗീ​കാ​ര​മു​ള്ള​വ​രാ​യി തിരു​വെ​ഴു​ത്തു​ക​ളിൽ പറയ​പ്പെ​ട്ടി​രി​ക്കു​ന്നു.—ഉല്‌പത്തി 6:18; 1 പത്രോസ്‌ 3:20.

12. രണ്ടു പത്രോസ്‌ 2:5-ൽ പ്രകട​മാ​ക്ക​പ്പെ​ട്ടി​രി​ക്കുന്ന പ്രകാരം നോഹ എന്ത്‌ ഉത്തരവാ​ദി​ത്തം വിശ്വ​സ്‌ത​മാ​യി നിറ​വേ​ററി?

¹² നോഹക്ക്‌ മറെറാ​രു ഉത്തരവാ​ദി​ത്ത​വു​മു​ണ്ടാ​യി​രു​ന്നു—വരാനി​രുന്ന ജലപ്ര​ള​യ​ത്തെ​ക്കു​റി​ച്ചു മുന്നറി​യി​പ്പു​കൊ​ടു​ക്കു​ക​യും അതു വരുന്ന​തെ​ന്തു​കൊ​ണ്ടെന്നു അറിയി​ക്കു​ക​യും. അവൻ വിശ്വ​സ്‌ത​മാ​യി ആ ഉത്തരവാ​ദി​ത്തം നിറ​വേ​റ​റി​യെന്നു പ്രകട​മാണ്‌, എന്തു​കൊ​ണ്ടെ​ന്നാൽ അവൻ ദൈവ​വ​ച​ന​ത്തിൽ “ഒരു നീതി​പ്ര​സം​ഗി”യെന്നു പരാമർശി​ക്ക​പ്പെ​ട്ടി​രി​ക്കു​ന്നു.—2 പത്രോസ്‌ 2:5.

13. നോഹ തന്റെ ദൈവ​ദ​ത്ത​മായ നിയമ​ന​ത്തിൽ ശ്രദ്ധി​ച്ച​പ്പോൾ ഏത്‌ അവസ്ഥകളെ അവൻ അഭിമു​ഖീ​ക​രി​ച്ചു?

¹³ ഇപ്പോൾ നോഹ ആ നിയമനം നിറ​വേ​റ​റിയ സാഹച​ര്യ​ങ്ങ​ളെ​ക്കു​റി​ച്ചു ചിന്തി​ക്കുക. നിങ്ങ​ളെ​ത്തന്നെ അവന്റെ സ്ഥാനത്തു നിർത്തുക. നിങ്ങൾ നോഹ​യോ അവന്റെ ഒരു കുടും​ബാം​ഗ​മോ ആയിരു​ന്നെ​ങ്കിൽ നിങ്ങൾ നെഫി​ലി​മും ഭക്തികെട്ട മനുഷ്യ​രും പ്രോൽസാ​ഹി​പ്പിച്ച അക്രമ​ത്താൽ ചുററ​പ്പെ​ടു​മാ​യി​രു​ന്നു. നിങ്ങൾ മത്‌സ​രി​ക​ളാ​യി​രുന്ന ദൂതൻമാ​രു​ടെ സ്വാധീ​നത്തെ നേരിട്ട്‌ അഭിമു​ഖീ​ക​രി​ക്കു​മാ​യി​രു​ന്നു. നിങ്ങൾ പെട്ടകം​പ​ണി​യി​ലേർപ്പെ​ടു​മ്പോൾ നിങ്ങൾ പരിഹാ​സ​പാ​ത്ര​മാ​കു​മാ​യി​രു​ന്നു. വർഷം​തോ​റും നിങ്ങൾ വരാനി​രുന്ന പ്രളയ​ത്തെ​ക്കു​റിച്ച്‌ മുന്നറി​യി​പ്പു​കൊ​ടു​ക്കു​മ്പോൾ ആളുകൾ അനുദി​ന​ജീ​വി​ത​വ്യാ​പാ​ര​ങ്ങ​ളിൽ വളരെ​യ​ധി​കം ആമഗ്‌ന​രാ​യി​രി​ക്കു​ന്ന​തി​നാൽ “ജലപ്ര​ളയം വന്ന്‌ അവരെ​യെ​ല്ലാം ഒഴുക്കി​ക്കൊ​ണ്ടു​പോ​കു​ന്ന​തു​വരെ” “അവർ ഗൗനി​ച്ചി​ല്ലെ”ന്നും നിങ്ങൾ കണ്ടെത്തു​മാ​യി​രു​ന്നു.—മത്തായി 24:39; ലൂക്കോസ്‌ 17:26, 27.

നോഹ​യു​ടെ അനുഭവം നിങ്ങൾക്ക്‌ എന്തർത്ഥ​മാ​ക്കു​ന്നു?

14. നോഹ​യെ​യും അവന്റെ കുടും​ബ​ത്തെ​യും അഭിമു​ഖീ​ക​രിച്ച സാഹച​ര്യം മനസ്സി​ലാ​ക്കാൻ ഇന്നു നമുക്കു പ്രയാ​സ​മി​ല്ലെന്നു നാം കണ്ടെത്തു​ന്ന​തെ​ന്തു​കൊണ്ട്‌?

¹⁴ ഞങ്ങളുടെ മിക്ക വായന​ക്കാർക്കും അങ്ങനെ​യുള്ള ഒരു അവസ്ഥ സങ്കൽപ്പി​ക്കാൻ അശേഷം പ്രയാ​സ​മില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ നമ്മുടെ നാളിലെ അവസ്ഥകൾ ഏറെയും നോഹ​യു​ടെ നാളി​ലേ​തു​പോ​ലെ​ത​ന്നെ​യാണ്‌. ഇതു പ്രതീ​ക്ഷി​ക്കേ​ണ്ട​താ​ണെന്ന്‌ യേശു​ക്രി​സ്‌തു പറയു​ക​യു​ണ്ടാ​യി. വ്യവസ്ഥി​തി​യു​ടെ സമാപ​ന​ത്തി​ങ്കലെ തന്റെ സാന്നി​ദ്ധ്യ​ത്തി​ന്റെ സമയ​ത്തെ​ക്കു​റി​ച്ചുള്ള അവന്റെ വലിയ പ്രവച​ന​ത്തിൽ “നോഹ​യു​ടെ നാളു​കൾപോ​ലെ​ത​ന്നെ​യാ​യി​രി​ക്കും മനുഷ്യ​പു​ത്രന്റെ സാന്നി​ദ്ധ്യം” എന്ന്‌ യേശു മുൻകൂ​ട്ടി​പ്പ​റഞ്ഞു.—മത്തായി 24:37.

15, 16. (എ) നോഹ​യു​ടെ നാളി​ലെ​പ്പോ​ലെ ഇന്നു ഭൂമി അക്രമം കൊണ്ടു നിറഞ്ഞി​രി​ക്കു​ന്നു​വെ​ന്നതു സത്യമാ​യി​രി​ക്കു​ന്ന​തെ​ന്തു​കൊണ്ട്‌? (ബി) യഹോ​വ​യു​ടെ ദാസൻമാർ പ്രത്യേ​കിച്ച്‌ ഏതു അക്രമ​ത്തി​നു വിധേ​യ​രാ​ക്ക​പ്പെ​ട്ടി​രി​ക്കു​ന്നു?

¹⁵ അത്‌ അങ്ങനെ​യാ​യി​ത്തീർന്നി​ട്ടു​ണ്ടോ? ഇന്നു ലോകം അക്രമം​കൊ​ണ്ടു നിറഞ്ഞി​രി​ക്കു​ന്നു​വോ? ഉവ്വ്‌! ഈ നൂററാ​ണ്ടി​ലെ യുദ്ധങ്ങ​ളിൽ പത്തു​കോ​ടി​യി​ല​ധി​കം പേർ മരിച്ചി​രി​ക്കു​ന്നു. ഞങ്ങളുടെ വായന​ക്കാ​രിൽ ചിലർക്ക്‌ നേരിട്ട്‌ ഇതിന്റെ ഫലം അനുഭ​വ​പ്പെ​ട്ടി​ട്ടുണ്ട്‌. അതിലു​മ​ധി​കം പേർ തങ്ങളുടെ പണവും മററു വിലയുള്ള വസ്‌തു​ക്ക​ളും തട്ടി​യെ​ടു​ക്കാൻ മുതി​രുന്ന കുററ​പ്പു​ള്ളി​ക​ളാൽ ഭീഷണി​പ്പെ​ടു​ത്ത​പ്പെ​ട്ടി​ട്ടുണ്ട്‌. കുട്ടികൾ സ്‌ക്കൂ​ളി​ലെ അക്രമ​ത്തി​നു വിധേ​യ​രാ​ക്ക​പ്പെ​ട്ടി​ട്ടുണ്ട്‌.

¹⁶ എന്നിരു​ന്നാ​ലും, യഹോ​വ​യു​ടെ ദാസൻമാർക്ക്‌ യുദ്ധത്തി​ന്റെ​യും കുററ​ക​ര​മായ പൊതു അക്രമ​ത്തി​ന്റെ​യും കെടു​തി​ക​ളെ​ക്കാ​ള​ധി​കം അനുഭ​വ​പ്പെ​ടു​ന്നു. അവർ ലോക​ത്തി​ന്റെ ഭാഗമാ​യി​രി​ക്കാ​തെ ദൈവി​ക​ഭ​ക്തി​യുള്ള ആളുക​ളാ​യി​രി​ക്കാൻ ശ്രമി​ക്കു​ന്ന​തു​കൊ​ണ്ടും അവർ അക്രമ​ത്തി​നു വിധേ​യ​രാ​ക്ക​പ്പെ​ടു​ന്നു. (2 തിമൊ​ഥെ​യോസ്‌ 3:10-12) ചില​പ്പോൾ ആ അക്രമം കേവലം ഉന്തി​ന്റെ​യോ തള്ളി​ന്റെ​യോ രൂപത്തി​ലാ​യി​രി​ക്കാം; മററു സമയങ്ങ​ളിൽ വസ്‌തു​നാ​ശ​വും ദുഷ്ടമായ പ്രഹര​ങ്ങ​ളും കൊലകൾ പോലും ഉൾപ്പെ​ടു​ന്നു.—മത്തായി 24:9.

17. ഇന്ന്‌ അക്രമം വ്യാപ​ക​മാ​ണോ? വിശദീ​ക​രി​ക്കുക.

¹⁷ അങ്ങനെ​യുള്ള അക്രമ​ങ്ങ​ളി​ലേർപ്പെ​ടവേ, ഭക്തി​കെ​ട്ടവർ ചില​പ്പോൾ ദൈവ​ത്തോ​ടുള്ള തങ്ങളുടെ പുച്‌ഛം​പോ​ലും നിർലജ്ജം പ്രഖ്യാ​പി​ച്ചി​ട്ടുണ്ട്‌. ആഫ്രി​ക്ക​യി​ലെ ഒരു പ്രദേ​ശത്ത്‌, പോലീസ്‌ ഇങ്ങനെ പ്രഖ്യാ​പി​ച്ചു: “ഗവൺമെൻറ്‌ ഞങ്ങളു​ടേ​താണ്‌. ദൈവ​മെ​ന്നൊ​രു​ത്ത​നു​ണ്ടെ​ങ്കിൽ അവന്റെ അടുക്കൽപോ​യി നിങ്ങളെ സഹായി​ക്കാൻ ആവശ്യ​പ്പെ​ടുക.” യഹോ​വ​യു​ടെ സാക്ഷികൾ തുറു​ങ്കു​ക​ളി​ലും തടങ്കൽപാ​ള​യ​ങ്ങ​ളി​ലും ജർമ്മനി, സാക്‌സെൻഹോ​സ​നി​ലെ ബാര​നോ​വ്‌സ്‌ക്കി​യെ​പ്പോ​ലുള്ള മനുഷ്യ​രെ അഭിമു​ഖീ​ക​രി​ച്ചി​ട്ടുണ്ട്‌. “ഞാൻ യഹോ​വ​യു​മാ​യുള്ള ഒരു പോരാ​ട്ടം ഏറെറ​ടു​ത്തി​രി​ക്കു​ക​യാണ്‌. ഞാനാ​ണോ യഹോ​വ​യാ​ണോ കൂടുതൽ ശക്തനെന്ന്‌ നമുക്കു കാണാം” എന്ന്‌ അയാൾ പരിഹ​സി​ച്ചു. അധികം താമസി​യാ​തെ ബാര​നോ​വ്‌സ്‌ക്കി രോഗം ബാധിച്ചു മരിച്ചു; എന്നാൽ മററു ചിലർ സമാന​മായ ഒരു മനോ​ഭാ​വം പ്രകട​മാ​ക്കു​ന്ന​തിൽ തുടരു​ക​യാണ്‌. പീഡന​ത്തി​ന്റെ ഒരു കുരി​ശു​യു​ദ്ധ​ത്തി​ലേർപ്പെ​ടുന്ന ഉദ്യോ​ഗ​സ്ഥൻമാർ മാത്രമല്ല ദൈവ​ത്തോ​ടുള്ള ധിക്കാരം പ്രകട​മാ​ക്കു​ന്നത്‌. ലോക​ത്തി​നു ചുററും ദൈവ​ദാ​സൻമാർ കാണു​ക​യും കേൾക്കു​ക​യും ചെയ്യുന്ന കാര്യങ്ങൾ അവയിൽ ഏർപ്പെ​ടു​ന്ന​വർക്ക്‌ ഹൃദയ​ങ്ങ​ളിൽ ദൈവ​ഭ​യ​മി​ല്ലെ​ന്നു​ള്ള​തി​ന്റെ തെളി​വാണ്‌.

18. ദുഷ്ടാ​ത്മാ​ക്കൾ ഏതു വിധങ്ങ​ളിൽ മനുഷ്യ​വർഗ്ഗ​ത്തി​ന്റെ പ്രക്ഷു​ബ്ധാ​വ​സ്ഥക്ക്‌ സംഭാ​വ​ന​ചെ​യ്യു​ന്നു?

¹⁸ ഏറെയും നോഹ​യു​ടെ കാല​ത്തെ​പ്പോ​ലെ​യാ​യി​രി​ക്കുന്ന ഈ നാളു​ക​ളിൽ നാമും ദുഷ്ടാ​ത്മാ​ക്ക​ളു​ടെ ഇടപെ​ട​ലു​കൾക്കു സാക്ഷി​ക​ളാണ്‌. (വെളി​പ്പാട്‌ 12:7-9) ഈ ഭൂതങ്ങൾ നോഹ​യു​ടെ നാളു​ക​ളിൽ ജഡമെ​ടുത്ത്‌ സ്‌ത്രീ​കളെ വിവാ​ഹം​ക​ഴിച്ച അതേ ദൂതൻമാർത​ന്നെ​യാണ്‌. പ്രളയം വന്നപ്പോൾ അവരുടെ ഭാര്യ​മാ​രും കുട്ടി​ക​ളും നശിപ്പി​ക്ക​പ്പെട്ടു, എന്നാൽ ആ അനുസ​ര​ണം​കെട്ട ദൂതൻമാർ ആത്മീയ​മ​ണ്ഡ​ല​ത്തി​ലേക്കു തിരി​കെ​പോ​കാൻ നിർബ​ദ്ധ​രാ​യി. അവർക്കു മേലാൽ യഹോ​വ​യു​ടെ വിശുദ്ധ സ്ഥാപന​ത്തിൽ ഒരു സ്ഥാനമി​ല്ലാ​യി​രു​ന്നു. എന്നാൽ അവർ ദിവ്യ​പ്ര​കാ​ശ​ത്തിൽനിന്ന്‌ ഛേദി​ക്ക​പ്പെട്ട്‌, കൂരി​രു​ട്ടി​ന്റെ ഒരു അവസ്ഥയായ ററാർട്ട​റ​സി​ലേക്ക്‌ അയക്ക​പ്പെട്ടു. (2 പത്രോസ്‌ 2:4, 5) മേലാൽ ജഡംധ​രി​ക്കാൻ അപ്രാ​പ്‌ത​രെ​ങ്കി​ലും അവർ സാത്താന്റെ നിയ​ന്ത്ര​ണ​ത്തിൽ പ്രവർത്തി​ച്ചു​കൊണ്ട്‌ മനുഷ്യ​രോട്‌ അടുത്ത സമ്പർക്കം പുലർത്തു​ന്ന​തിൽ തുടരു​ക​യും പുരു​ഷൻമാ​രെ​യും സ്‌ത്രീ​ക​ളെ​യും കുട്ടി​ക​ളെ​പ്പോ​ലും നിയ​ന്ത്രി​ക്കാൻ ശ്രമി​ക്കു​ക​യും ചെയ്‌തി​രി​ക്കു​ന്നു. അവയിൽ ചിലത്‌ നിഗൂ​ഢ​വി​ദ്യ​യി​ലൂ​ടെ​യാണ്‌ ചെയ്യ​പ്പെ​ടു​ന്നത്‌. അവർ മാനു​ഷ​ന്യാ​യ​ബോ​ധത്തെ വെല്ലുന്ന വിധങ്ങ​ളിൽ അന്യോ​ന്യം നശിപ്പി​ക്കാ​നും മനുഷ്യ​വർഗ്ഗത്തെ ഇളക്കി​വി​ടു​ന്നു. എന്നാൽ അതുമാ​ത്രമല്ല.

19. (എ) വിശേ​ഷിച്ച്‌ ആർക്കെ​തി​രാ​യി​ട്ടാണ്‌ ഭൂതങ്ങൾ വിദ്വേ​ഷം പ്രകട​മാ​ക്കു​ന്നത്‌? (ബി) നാം എന്തു ചെയ്യാൻ നിർബ​ന്ധി​ക്കു​ന്ന​തി​നാണ്‌ ഭൂതങ്ങൾ ശ്രമി​ക്കു​ന്നത്‌?

¹⁹ ഭൂതങ്ങൾ “ദൈവ​ത്തി​ന്റെ കല്‌പ​ന​ക​ള​നു​ഷ്‌ഠി​ക്കു​ക​യും യേശു​വി​നു സാക്ഷ്യം വഹിക്കുന്ന വേല ഉണ്ടായി​രി​ക്ക​യും ചെയ്യുന്ന”വർക്കെ​തി​രെ യുദ്ധം​ചെ​യ്യു​ക​യാ​ണെ​ന്നും ബൈബിൾ വെളി​പ്പെ​ടു​ത്തു​ന്നു. (വെളി​പ്പാട്‌ 12:12, 17) ആ ദുഷ്‌ടാ​ത്‌മാ​ക്ക​ളാണ്‌ യഹോ​വ​യു​ടെ സാക്ഷി​കൾക്കെ​തി​രായ പീഡന​ത്തി​ന്റെ മുഖ്യ കാരണ​ക്കാർ. (എഫേസ്യർ 6:10-13) അവർ യഹോ​വ​യോ​ടുള്ള നിർമ്മ​ല​തയെ ഭഞ്‌ജി​ക്കാ​നും യേശു മശി​ഹൈ​ക​രാ​ജാ​വാ​യി​രി​ക്കുന്ന യഹോ​വ​യു​ടെ രാജ്യത്തെ ഘോഷി​ക്കു​ന്നതു നിർത്താ​നും വിശ്വ​സ്‌ത​മ​നു​ഷ്യ​രെ നിർബ​ന്ധി​ക്കു​ക​യും പ്രലോ​ഭി​പ്പി​ക്കു​ക​യും ചെയ്യുന്നു.

20. ഭൂതങ്ങ​ളു​ടെ നിയ​ന്ത്ര​ണ​ത്തിൽനിന്ന്‌ ആളുകൾ കുതറി​മാ​റു​ന്ന​തി​നെ തടയാൻ ഭൂതങ്ങൾ ശ്രമി​ക്കു​ന്ന​തെ​ങ്ങനെ? (യാക്കോബ്‌ 4:7)

²⁰ ഭൂതങ്ങ​ളു​ടെ മർദ്ദക​സ്വാ​ധീ​ന​ത്തിൽനി​ന്നുള്ള ആശ്വാസം കാംക്ഷി​ക്കു​ന്ന​വരെ തടയാൻ അവർ കഠിന​ശ്രമം ചെയ്യുന്നു. സാക്ഷികൾ തന്റെ വീടു സന്ദർശി​ച്ച​പ്പോൾ വാതിൽ തുറക്ക​രു​തെന്ന്‌ ഭൂതശ​ബ്ദങ്ങൾ ആജ്ഞാപി​ച്ചെന്ന്‌ ബ്രസീ​ലി​ലെ ഒരു മുൻ ആത്മവി​ദ്യ​ക്കാ​രി റിപ്പോർട്ടു​ചെ​യ്യു​ന്നു; എന്നാൽ അവൾ വാതിൽ തുറന്നു, അവൾ സത്യം പഠിക്കു​ക​യും ചെയ്‌തു. അനേകം പ്രദേ​ശ​ങ്ങ​ളിൽ, യഹോ​വ​യു​ടെ സാക്ഷി​ക​ളു​ടെ വേല നിർത്താൻ ശ്രമി​ക്കു​ന്ന​തിന്‌ ഭൂതങ്ങൾ മന്ത്രവാ​ദി​കളെ നേരിട്ടു നിയമി​ക്കു​ന്നു. ദൃഷ്ടാ​ന്ത​മാ​യി, സുറീ​ന​ത്തി​ലെ ഒരു ഗ്രാമ​ത്തിൽ മന്ത്രവടി ആളുക​ളു​ടെ നേരെ നീട്ടു​ന്ന​തി​നാൽമാ​ത്രം പെട്ടെന്ന്‌ അവരുടെ മരണം കൈവ​രു​ത്താൻ കഴിവു​ള്ള​താ​യി പ്രസി​ദ്ധ​നാ​യി​രി​ക്കുന്ന ഒരു ആത്മവി​ദ്യ​ക്കാ​രനെ യഹോ​വ​യു​ടെ സാക്ഷി​ക​ളു​ടെ എതിരാ​ളി​കൾ സമീപി​ച്ചു. ഒരു ഭൂതം​ബാ​ധിച്ച ആത്മവി​ദ്യ​ക്കാ​രൻ നർത്തക​രും തമ്പേറ​ടി​കാ​രു​മ​ട​ങ്ങുന്ന തന്റെ പരിവാ​ര​ങ്ങ​ളു​മാ​യി യഹോ​വ​യു​ടെ സാക്ഷി​കളെ അഭിമു​ഖീ​ക​രി​ച്ചു. അയാൾ തന്റെ മന്ത്രം ജപിച്ചു​കൊണ്ട്‌ അവരുടെ നേരെ തന്റെ വടി നീട്ടി. സാക്ഷികൾ മരിച്ചു​വീ​ഴു​മെന്ന്‌ ഗ്രാമ​വാ​സി​കൾ പ്രതീ​ക്ഷി​ച്ചു. എന്നാൽ ബോധം​കെ​ട്ടു​വീ​ണത്‌ ആത്‌വി​ദ്യ​ക്കാ​ര​നാ​യി​രു​ന്നു. ബുദ്ധി​മു​ട്ട​നു​ഭ​വ​പ്പെട്ട അയാളു​ടെ പിന്തു​ണ​ക്കാർ അയാളെ പൊക്കി​യെ​ടു​ത്തു​കൊ​ണ്ടു​പോ​കേ​ണ്ടി​വന്നു.

21. നോഹ​യു​ടെ നാളി​ലെ​പ്പോ​ലെ, ഭൂരി​പ​ക്ഷ​മാ​ളു​ക​ളും നമ്മുടെ പ്രസം​ഗ​ത്തോട്‌ പ്രതി​ക​രി​ക്കു​ന്ന​തെ​ങ്ങനെ, എന്തു​കൊണ്ട്‌?

²¹ മന്ത്രവാ​ദ​വും ക്ഷുദ്ര​പ്ര​യോ​ഗ​വും ഇത്ര പരസ്യ​മാ​യി ആചരി​ക്ക​പ്പെ​ടാത്ത പ്രദേ​ശ​ങ്ങ​ളിൽപോ​ലും ശല്യം​തോ​ന്നാ​നാ​ഗ്ര​ഹി​ക്കാ​ത്ത​വണ്ണം അനുദി​ന​ജീ​വി​ത​വ്യാ​പാ​ര​ങ്ങ​ളിൽ വളരെ​യ​ധി​കം ആമഗ്നരാ​യി​രി​ക്കുന്ന ആളുക​ളോ​ടു പ്രസം​ഗി​ക്കാൻ ശ്രമി​ക്കു​ന്ന​തി​ന്റെ ഫലം ഓരോ യഹോ​വ​യു​ടെ സാക്ഷി​ക്കും അനുഭ​വ​പ്പെ​ട്ടി​ട്ടുണ്ട്‌. നോഹ​യു​ടെ നാളു​ക​ളി​ലെ​പ്പോ​ലെ, ബഹുഭൂ​രി​പ​ക്ഷ​വും ‘ഗൗനി​ക്കു​ന്നില്ല.’ (മത്തായി 24:37-39) ചിലർ നമ്മുടെ ഐക്യ​ത്തെ​യും നേട്ടങ്ങ​ളെ​യും ആദരി​ച്ചേ​ക്കാം. എന്നാൽ നമ്മുടെ ആത്മീയ നിർമ്മാ​ണ​വേല—മണിക്കൂ​റു​ക​ളോ​ള​മുള്ള വ്യക്തി​പ​ര​മായ ബൈബിൾപ​ഠ​ന​വും നിരന്ത​ര​യോ​ഗ​ഹാ​ജ​രും വയൽസേ​വ​ന​വും—എല്ലാം അവർക്ക്‌ മൂഢത്വ​മാണ്‌. ദൈവ​വ​ച​ന​ത്തി​ലെ വാഗ്‌ദ​ത്ത​ങ്ങ​ളി​ലുള്ള നമ്മുടെ വിശ്വാ​സത്തെ അവർ പരിഹ​സി​ക്കു​ന്നു, എന്തു​കൊ​ണ്ടെ​ന്നാൽ അവരുടെ ജീവിതം അവർക്കി​പ്പോൾ ലഭിക്കാ​വുന്ന ഭൗതി​ക​സ്വ​ത്തു​ക്ക​ളി​ലും ഇന്ദ്രി​യ​സു​ഖ​ങ്ങ​ളി​ലു​മാണ്‌ കേന്ദ്രീ​ക​രി​ച്ചി​രി​ക്കു​ന്നത്‌.

22, 23. യഹോവ ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കു​മെന്ന്‌ നോഹ​യു​ടെ നാളിലെ സംഭവങ്ങൾ ഈടുററ ഉറപ്പു​നൽകു​ന്ന​തെ​ങ്ങനെ?

²² യഹോ​വ​യു​ടെ വിശ്വ​സ്‌ത​ദാ​സൻമാർ ദൈവ​സ്‌നേ​ഹ​മി​ല്ലാ​ത്ത​വ​രു​ടെ ദുഷ്‌പെ​രു​മാ​റ​റ​ത്തിന്‌ എന്നേക്കും വിധേ​യ​രാ​ക്ക​പ്പെ​ടു​മോ? യാതൊ​രു പ്രകാ​ര​ത്തി​ലു​മില്ല! നോഹ​യു​ടെ നാളിൽ എന്തു സംഭവി​ച്ചു? ദൈവ​ത്തി​ന്റെ മാർഗ്ഗ​നിർദ്ദേ​ശ​പ്ര​കാ​രം നോഹ​യും അവന്റെ കുടും​ബ​വും പൂർത്തി​യായ പെട്ടക​ത്തി​ലേക്കു നീങ്ങി. പിന്നെ ദിവ്യ​നിർദ്ദി​ഷ്ട​സ​മ​യത്ത്‌ “വിസ്‌തൃ​ത​മായ ആഴിയു​ടെ ഉറവു​ക​ളെ​ല്ലാം പിളരു​ക​യും ആകാശ​ങ്ങ​ളു​ടെ ജലകവാ​ടങ്ങൾ തുറക്കു​ക​യും ചെയ്‌തു.” പർവത​ങ്ങൾപോ​ലും മൂടു​ന്ന​തു​വരെ പ്രളയം തുടർന്നു. (ഉല്‌പത്തി 7:11, 17-20) തങ്ങളുടെ ഉചിത​മായ വാസസ്ഥലം ഉപേക്ഷി​ച്ചു​പോന്ന ദൂതൻമാർ തങ്ങളുടെ മൂർത്തീ​ക​രി​ക്ക​പ്പെട്ട മനുഷ്യ​ശ​രീ​രങ്ങൾ വെടിഞ്ഞ്‌ ആത്മമണ്ഡ​ല​ത്തി​ലേക്കു മടങ്ങാൻ നിർബ​ദ്ധ​രാ​ക്ക​പ്പെട്ടു. നെഫി​ലി​മും നോഹ​യു​ടെ മുന്നറി​യി​പ്പ​നു​സ​രി​ക്കാൻ കഴിയാ​ത്ത​വി​ധം അത്ര ഉദാസീ​ന​രാ​യി​രു​ന്ന​വ​രും ഉൾപ്പെടെ ആ ഭക്തികെട്ട ലോക​ത്തി​ലെ ശേഷിച്ച സകലരും നശിപ്പി​ക്ക​പ്പെട്ടു. മറിച്ച്‌, നോഹ​യും അവന്റെ ഭാര്യ​യും അവരുടെ മൂന്നു പുത്രൻമാ​രും പുത്രൻമാ​രു​ടെ ഭാര്യ​മാ​രും രക്ഷിക്ക​പ്പെട്ടു. അങ്ങനെ, നോഹ​യും അവന്റെ കുടും​ബ​വും വിശ്വ​സ്‌ത​മാ​യി അനേകം വർഷക്കാ​ലം സഹിച്ചി​രുന്ന പീഡാ​നു​ഭ​വ​ത്തിൽനിന്ന്‌ യഹോവ അവരെ വിടു​വി​ച്ചു.

²³ ഇന്ന്‌ ദൈവി​ക​ഭ​ക്തി​യുള്ള ആളുകൾക്കു​വേണ്ടി യഹോവ അതുതന്നെ ചെയ്യു​മോ? അതുസം​ബ​ന്ധി​ച്ചു യാതൊ​രു സംശയ​വു​മില്ല. അവൻ അതു വാഗ്‌ദ​ത്തം​ചെ​യ്‌തി​ട്ടുണ്ട്‌. അവനു വ്യാജം പറയുക സാദ്ധ്യമല്ല.—തീത്തോസ്‌ 1:2; 2 പത്രോസ്‌ 3:5-7. (w90 4⁄15)

[അടിക്കു​റിപ്പ്‌]

നിങ്ങൾ ഓർക്കു​ന്നു​വോ?

◻ ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാൻ യഹോ​വ​ക്ക​റി​യാ​മെന്ന്‌ പത്രോസ്‌ എങ്ങനെ പ്രകട​മാ​ക്കി?

◻ നോഹ​യു​ടെ നാളിലെ അക്രമ​ത്തിന്‌ ഏതു ഘടകങ്ങൾ സംഭാ​വ​ന​ചെ​യ്‌തു?

◻ വരാനി​രുന്ന ആഗോ​ള​പ്ര​ള​യ​ത്തി​ന്റെ വീക്ഷണ​ത്തിൽ നോഹക്ക്‌ എന്ത്‌ ഉത്തരവാ​ദി​ത്ത​മു​ണ്ടാ​യി​രു​ന്നു?

◻ നാം നമ്മുടെ കാലത്ത്‌ നോഹ​യു​ടെ നാളു​ക​ളു​മാ​യി എന്തു സമാന്തരം കാണുന്നു?

[14-ാം പേജിലെ ചിത്രം]

പെട്ടകംപണിയിൽ വർഷങ്ങ​ളി​ലെ കഠിന​വേല ഉൾപ്പെ​ട്ടി​രു​ന്നു

[15-ാം പേജിലെ ചിത്രം]

നോഹ തന്റെ കുടും​ബ​ത്തി​ന്റെ ആത്മീയത വളർത്തി​യെ​ടു​ക്കാൻ സമയം വിനി​യോ​ഗി​ച്ചു