മോവാ​ബ്യ​ശില നശിപ്പി​ക്ക​പ്പെ​ട്ടു​വെ​ങ്കി​ലും നഷ്ടപ്പെ​ട്ടി​ല്ല

മോവാ​ബ്യ ശില അഥവാ മേശാ​ശില അതു കണ്ടുപി​ടി​ക്ക​പ്പെട്ട 1868നുശേഷം ഒരു വർഷത്തി​നകം അതു കരുതി​ക്കൂ​ട്ടി തകർക്ക​പ്പെട്ടു. അതിന്‌ ഏതാണ്ട്‌ 3,000 വർഷം പഴക്കമു​ണ്ടാ​യി​രു​ന്നു. ഭംഗി​യാ​യി ഉരുട്ടിയ മുക​ളോ​ടു​കൂ​ടിയ മിനു​ക്കിയ ഒരു കൃഷ്‌ണ​ശി​ലാ​ശ​ക​ല​മായ അതിന്‌ ഏതാണ്ട്‌ നാലടി ഉയരവും രണ്ടില​ധി​കം അടി വീതി​യും ഏകദേശം രണ്ടടി ഘനവു​മു​ണ്ടാ​യി​രു​ന്നു. അത്‌ തകർക്ക​പ്പെട്ട ശേഷം 2 വലിയ കഷണങ്ങ​ളും 18 ചെറിയ കഷണങ്ങ​ളും വീണ്ടെ​ടു​ക്ക​പ്പെട്ടു, എന്നാൽ ശിലയു​ടെ മൂന്നി​ലൊ​രു ഭാഗം പുനഃ​സ്ഥാ​പി​ക്കാൻ കഴിയാ​ത്ത​വി​ധം നഷ്ടപ്പെട്ടു.

അത്തരം അസാധാ​ര​ണ​മായ ഒരു കരകൗ​ശ​ല​ശി​ല്‌പം മിക്കവാ​റും എന്നേക്കു​മാ​യി നഷ്ടപ്പെ​ട്ട​തെ​ങ്ങനെ? ബൈബിൾവി​ദ്യാർത്ഥി​കൾക്ക്‌ അത്‌ എത്ര വില​യേ​റി​യ​താണ്‌?

തന്ത്രവും അവിശ്വാ​സ​വും

ശില തകരാത്ത അവസ്ഥയിൽ ആദ്യമാ​യും അവസാ​ന​മാ​യും കണ്ട യൂറോ​പ്യൻ എഫ്‌. എ. ക്ലൈൻ ആയിരു​ന്നു. അത്‌ ചാവു​ക​ട​ലി​ന്റെ വടക്കു​കി​ഴ​ക്കുള്ള ഡീബോ​ണി​ന്റെ നഷ്ടശി​ഷ്ട​ങ്ങൾക്കി​ട​യിൽ കിടക്കു​ക​യാ​യി​രു​ന്നു. അതിന്റെ പൊങ്ങി​നിന്ന അരികു​കൾക്കു​ള്ളിൽ 35 വരിക​ളി​ലുള്ള ആലേഖ​ന​ത്തി​ന്റെ ഭാഗങ്ങ​ളു​ടെ ചില ഹ്രസ്വ​മായ രേഖാ​ചി​ത്രങ്ങൾ അദ്ദേഹം നിർമ്മി​ച്ചു, യെരൂ​ശ​ലേ​മി​ലേക്കു തിരി​ച്ചു​ചെ​ന്ന​പ്പോൾ തന്റെ പ്രഷ്യൻ മേലാ​വി​നോട്‌ ഈ കണ്ടുപി​ടു​ത്ത​ത്തെ​ക്കു​റിച്ച്‌ റിപ്പോർട്ടു​ചെ​യ്യു​ക​യും​ചെ​യ്‌തു. രേഖ ഫൊയ്‌നീ​ക്യ​ഭാ​ഷ​യി​ലു​ള്ള​താ​ണെന്ന്‌ പെട്ടെന്ന്‌ തിരി​ച്ച​റി​യ​പ്പെട്ടു, അതിന്റെ പ്രാധാ​ന്യ​വും തിരി​ച്ച​റി​യ​പ്പെട്ടു. ബർലി​നി​ലെ റോയൽ കാഴ്‌ച​ബം​ഗ്ലാവ്‌ ഈ ശില വാങ്ങു​ന്ന​തി​നുള്ള പണം സംഭരി​ച്ചു. എന്നാൽ പെട്ടെ​ന്നു​തന്നെ മററ്‌ തത്‌പ​ര​ക​ക്ഷി​കൾ അതിനു​വേണ്ടി പോരാ​ടി. തങ്ങളുടെ നേട്ടത്തി​ന്റെ മൂല്യം​സം​ബ​ന്ധിച്ച്‌ ഉണർത്ത​പ്പെ​ട്ട​തി​നാൽ തദ്ദേശ ഷെയി​ക്കു​കൾ അത്‌ ഒളിച്ചു​വെ​ക്കു​ക​യും അതിന്റെ വില ജുഗു​പ്‌സാ​വ​ഹ​മാ​യി ഉയർത്തു​ക​യും​ചെ​യ്‌തു.

ഒരു ഫ്രഞ്ച്‌ പുരാ​വ​സ്‌തു​ശാ​സ്‌ത്ര​ജ്ഞന്‌ ലേഖനം കടലാ​സിൽ അമുക്കി​യെ​ടു​ക്കാൻക​ഴി​ഞ്ഞു. എന്നാൽ അത്‌ ഉണങ്ങു​ന്ന​തി​നു​മുമ്പ്‌ വേർപെ​ടു​ത്തി​യെ​ടു​ക്കേ​ണ്ട​തു​ണ്ടാ​യി​രു​ന്ന​തി​നാൽ എഴുത്ത്‌ തീരെ പതിഞ്ഞി​രു​ന്നില്ല. ഇതിനി​ട​യിൽ തങ്ങളുടെ ശില ഗവൺമെൻറ്‌ ഉദ്യോ​ഗ​സ്ഥൻമാ​രെ ഏൽപ്പി​ക്കാൻ ഡമാസ്‌ക​സിൽ നിന്ന്‌ ബഡൂവിൻഅ​റ​ബി​കൾക്ക്‌ കല്‌പ​ന​കി​ട്ടി. അതനു​സ​രി​ച്ചു പ്രവർത്തി​ക്കു​ന്ന​തി​നു പകരം അതു നശിപ്പി​ക്കാൻ ബഡൂവിൻ തീരു​മാ​നി​ച്ചു. അങ്ങനെ അവർ വില​യേ​റിയ സ്‌മാ​ര​കാ​വ​ശി​ഷ്ട​ത്തി​നു ചുററും തീകൂ​ട്ടു​ക​യും അത്‌ ആവർത്തിച്ച്‌ വെള്ളത്തിൽ മുക്കു​ക​യും​ചെ​യ്‌തു. ശില തകർന്ന​പ്പോൾ ശകലങ്ങൾ പ്രകട​മാ​യും തങ്ങളുടെ വിളകൾക്ക്‌ അനു​ഗ്രഹം ഉറപ്പു​വ​രു​ത്താൻ കളപ്പു​ര​ക​ളിൽവെ​ക്കു​ന്ന​തിന്‌ തദ്ദേശീയ കുടും​ബ​ങ്ങ​ളു​ടെ ഇടയിൽ പെട്ടെന്ന്‌ വിതര​ണം​ചെ​യ്യ​പ്പെട്ടു. ചിതറി​പ്പോയ ശകലങ്ങ​ളു​ടെ വില്‌പ​നക്ക്‌ വ്യക്തി​പ​ര​മാ​യി ഏർപ്പാ​ടു​ചെ​യ്യു​ന്ന​തി​നുള്ള ഏററം നല്ല മാർഗ്ഗ​വു​മ​താ​യി​രു​ന്നു.

ബൈബിൾച​രി​ത്രം ജീവനി​ലേക്കു വരുന്നു

ശകലങ്ങളെ മെച്ച​പ്പെ​ടു​ത്താ​നുള്ള പ്ലാസ്‌ററർ വാർപ്പു​ക​ളു​ടെ​യും കടലാ​സ്‌പ​തി​പ്പു​ക​ളു​ടെ​യും സഹായ​ത്താൽ ആലേഖനം ഒടുവിൽ വീണ്ടെ​ടു​ക്ക​പ്പെട്ടു. പൂർണ്ണ​പാ​ഠം വെളി​പ്പെ​ടു​ത്ത​പ്പെ​ട്ട​പ്പോൾ പണ്ഡിതൻമാർ അതിശ​യി​ച്ചു​പോ​യി. ആ സമയത്ത്‌ ആ പുരാതന ശിലാ​ഫ​ലകം “കണ്ടുപി​ടി​ക്ക​പ്പെ​ട്ടി​ട്ടു​ള്ള​തി​ലേ​ക്കും ശ്രദ്ധേ​യ​മായ ഒററക്കൽ ഫലകം” എന്ന്‌ വർണ്ണി​ക്ക​പ്പെട്ടു.

യിസ്രാ​യേ​ലി​ന്റെ ആധിപ​ത്യ​ത്തെ മോവാ​ബി​ലെ മേശാ​രാ​ജാവ്‌ തകർത്ത​തി​ന്റെ സ്‌മര​ണ​ക്കാ​യി അയാൾ നാട്ടി​യ​താ​യി​രു​ന്നു മോവാ​ബ്യ​ശില. ആ ആധിപ​ത്യം 40 വർഷം നീണ്ടു​നി​ന്നി​രു​ന്നു​വെ​ന്നും “തന്റെ ദേശ​ത്തോ​ടു കോപി​ച്ച​തി​നാൽ” കെമോശ്‌ അതനു​വ​ദി​ച്ച​താ​ണെ​ന്നും അയാൾ പറയുന്നു. മോവാ​ബി​ന്റെ ഈ വിപ്ലവം സാധാ​ര​ണ​യാ​യി 2 രാജാ​ക്കൻമാർ മൂന്നാം അദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന സംഭവ​ങ്ങ​ളോട്‌ ബന്ധപ്പെ​ട്ടി​രി​ക്കു​ന്ന​താ​യി പരിഗ​ണി​ക്ക​പ്പെ​ടു​ന്നു. ഈ സ്‌മാ​ര​ക​ശി​ല​യിൽ മേശാ താൻ മതഭക്ത​നാ​യി​രി​ക്കു​ന്ന​താ​യും നഗരങ്ങ​ളും ഒരു പെരു​വ​ഴി​യും പണിക​ഴി​പ്പി​ച്ച​താ​യും യിസ്രാ​യേ​ലിൻമേൽ ഒരു വിജയം നേടി​യ​താ​യും വീമ്പി​ള​ക്കു​ന്നു. ഇതിൽ അയാൾ സകല ബഹുമ​തി​യും തന്റെ ദൈവ​മായ കെമോ​ശി​നു കൊടു​ക്കു​ന്നു. ഒരുവന്‌ പ്രതീ​ക്ഷി​ക്കാൻ കഴിയു​ന്ന​തു​പോ​ലെ, മേശാ​യു​ടെ പരാജ​യ​വും അവന്റെ സ്വന്തം പുത്രന്റെ ബലിയും—ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്നത്‌—ഈ ആത്മപ്ര​ശം​സാ​പ​ര​മായ ആലേഖ​ന​ത്തിൽ വിട്ടു​ക​ള​ഞ്ഞി​രി​ക്കു​ക​യാണ്‌.

താൻ പിടി​ച്ച​ട​ക്കി​യ​താ​യി മേശാ പട്ടിക​പ്പെ​ടു​ത്തി​യി​രി​ക്കുന്ന അനേകം സ്ഥലങ്ങൾ ബൈബി​ളിൽ പറയ​പ്പെ​ട്ടി​ട്ടുണ്ട്‌. അവയിൽ മെദബാ​യും അതാ​രോ​ത്തും നെബോ​യും യാഹാ​സും ഉൾപ്പെ​ടു​ന്നു. അങ്ങനെ ഈ ശില ബൈബിൾവി​വ​ര​ണ​ങ്ങ​ളു​ടെ കൃത്യ​തയെ പിന്താ​ങ്ങു​ന്നു. എന്നിരു​ന്നാ​ലും മുന്തി​നിൽക്കു​ന്നത്‌ മേശാ തന്റെ രേഖയു​ടെ 18-ാമത്തെ വരിയിൽ യിസ്രാ​യേ​ലി​ന്റെ ദൈവ​ത്തി​ന്റെ നാമമായ യഹോവ എന്നതിന്റെ ചതുര​ക്ഷ​രങ്ങൾ ഉപയോ​ഗി​ച്ചി​രി​ക്കു​ന്ന​താണ്‌. അവിടെ മേശാ ഇങ്ങനെ വീമ്പി​ള​ക്കു​ന്നു: “ഞാൻ അവി​ടെ​നിന്ന്‌ [നെബോ] യാഹ്വേ​യു​ടെ [പാത്രങ്ങൾ] എടുക്കു​ക​യും കെമോ​ശി​ന്റെ മുമ്പി​ലേക്ക്‌ അവയെ വലിച്ചു​കൊ​ണ്ടു​പോ​കു​ക​യും​ചെ​യ്‌തു.” ഒരുപക്ഷേ ബൈബി​ളി​നു പുറത്തെ ദിവ്യ​നാ​മ​ത്തി​ന്റെ ഉപയോ​ഗ​ത്തി​ന്റെ ഏററം ആദിമ​മായ രേഖ ഇതാണ്‌.

ആയിര​ത്തി​എ​ണ്ണൂ​ററി എഴുപ​ത്തി​മൂ​ന്നിൽ മോവാ​ബ്യ​ശില നഷ്ടപ്പെട്ട പാഠത്തി​ന്റെ പ്ലാസ്‌റ​റർവാർപ്പു​കൾ കൊണ്ട്‌ പുനഃ​സ്ഥി​തീ​ക​രി​ക്ക​പ്പെ​ടു​ക​യും പാരീ​സി​ലെ ലൂവ്‌ർ മ്യൂസി​യ​ത്തിൽ പ്രദർശി​പ്പി​ക്ക​പ്പെ​ടു​ക​യും ചെയ്‌തു. അതവിടെ സ്ഥിതി​ചെ​യ്യു​ന്നു. ലണ്ടനിലെ ബ്രിട്ടീഷ്‌ മ്യൂസി​യ​ത്തിൽ ഒരു പ്രതി​ചി​ത്രണം കാണാൻ കഴിയും. (w90 4⁄15)

[27-ാം പേജിലെ ചിത്രങ്ങൾ]

(മുകളിൽ) മോവാ​ബ്‌ദേ​ശം

[കടപ്പാട്‌]

Pictorial Archive (Near Eastern History) Est.

(ഇടത്ത്‌) പുനർനിർമ്മി​ക്ക​പ്പെട്ട മോവാ​ബ്യ​ശി​ല

[കടപ്പാട്‌]

Musée du Louvre, Paris

(വലത്ത്‌) കരകൗശല ശില്‌പ​ത്തിൽ കാണ​പ്പെ​ടു​ന്ന​തു​പോ​ലെ​യുള്ള ചതുര​ക്ഷ​ര​ങ്ങൾ

[കടപ്പാട്‌]

The Bible in the British Museum