യഹോ​വ​യു​ടെ സേവന​ത്തി​ലെ സന്തുഷ്ട​രായ യുവജ​ന​ങ്ങൾ

“ഒരു കുട്ടി​പോ​ലും അവന്റെ പ്രവൃ​ത്തി​ക​ളാൽ അറിയ​പ്പെ​ടു​ന്നു, അവന്റെ പെരു​മാ​ററം നിർമ്മ​ല​വും നീതി​യു​ള്ള​തു​മാ​ണോ എന്നതി​നാൽതന്നെ.”—സദൃശ​വാ​ക്യ​ങ്ങൾ 20:11, ന്യൂ ഇൻറർനാ​ഷനൽ വേർഷൻ.

1. ശമൂ​വേ​ലി​നെ​പ്പ​ററി ബൈബിൾ പറയുന്ന ചില ശ്രദ്ധേ​യ​മായ കാര്യങ്ങൾ എന്തൊ​ക്കെ​യാണ്‌?

ശീലോ​വി​ലെ യഹോ​വ​യു​ടെ സമാഗ​മ​ന​കൂ​ടാ​ര​ത്തിൽ “ശുശ്രൂഷ” ആരംഭി​ച്ച​പ്പോൾ ബാലനായ ശമൂ​വേ​ലിന്‌ മൂന്നി​നും അഞ്ചിനും മദ്ധ്യേ​യുള്ള പ്രായമേ ഉണ്ടായി​രു​ന്നു​ള്ളു. അവന്റെ ചുമത​ല​ക​ളിൽ ഒന്ന്‌ “യഹോ​വ​യു​ടെ ഭവനത്തി​ന്റെ വാതി​ലു​കൾ” തുറക്കു​ന്ന​താ​യി​രു​ന്നു. “ശമൂവേൽ വലിപ്പ​ത്തി​ലും യഹോ​വ​യു​ടെ​യും മനുഷ്യ​രു​ടെ​യും നിലപാ​ടിൽ പ്രിയ​ങ്ക​ര​നാ​യും വളർന്നു​കൊ​ണ്ടി​രു​ന്നു” എന്ന്‌ ബൈബിൾ പറയുന്നു. പ്രായ​പൂർത്തി​യാ​യ​പ്പോൾ അവൻ ഇസ്രാ​യേ​ലി​നെ സത്യാ​രാ​ധ​ന​യി​ലേക്കു മടക്കി​ക്കൊ​ണ്ടു​വന്നു. അവൻ “തന്റെ ആയുഷ്‌ക്കാ​ല​മൊ​ക്കെ​യും ദൈവത്തെ സേവിച്ചു. അവൻ “വൃദ്ധനും നരച്ചവ​നും” ആയ ശേഷവും “യഹോ​വയെ ഭയപ്പെ​ടാ​നും . . . അവനെ സത്യത്തിൽ സേവി​ക്കാ​നും” അവൻ ജനങ്ങളെ ഉത്സാഹി​പ്പി​ച്ചു​കൊ​ണ്ടി​രു​ന്നു. ബൈബിൾ ശമൂ​വേ​ലി​നെ​പ്പ​ററി പറയു​ന്ന​തു​പോ​ലെ ആളുകൾക്ക്‌ നിങ്ങ​ളെ​പ്പ​ററി ഇത്തരം നല്ല കാര്യങ്ങൾ പറയാൻക​ഴി​ഞ്ഞി​രു​ന്നെ​ങ്കിൽ അതു വളരെ നല്ല ഒരു കാര്യ​മാ​യി​രി​ക്കു​മാ​യി​രു​ന്നി​ല്ലേ?—1 ശമൂവേൽ 1:24; 2:18, 26; 3:15; 7:2-4, 15; 12:2, 24.

2. യഹോ​വ​യു​ടെ ജനത്തിന്റെ മീററിം​ഗു​ക​ളിൽനിന്ന്‌ ഇന്ന്‌ കൊച്ചു​കു​ട്ടി​കൾ എന്തു പഠിക്കു​ന്നു?

² നിങ്ങൾ യഹോ​വ​യു​ടെ സാക്ഷി​ക​ളി​ലൊ​രാൾ ആണെങ്കിൽ, അല്ലെങ്കിൽ നിങ്ങൾ അവരുടെ ക്രിസ്‌തീ​യ​യോ​ഗ​ങ്ങൾക്ക്‌ ഹാജരാ​കു​ന്നു​ണ്ടെ​ങ്കിൽ നിങ്ങൾ ഈ ലേഖനം പഠിക്കാൻ കൂടി​വ​രുന്ന രാജ്യ​ഹാ​ളിൽ നിങ്ങളു​ടെ ചുററു​പാ​ടു​മൊ​ന്നു കണ്ണോ​ടി​ക്കുക. എല്ലാ പ്രായ​ത്തി​ലു​മുള്ള ആളുകളെ നിങ്ങൾ കാണുന്നു. ഒരുപക്ഷേ ഇപ്പോൾത്തന്നെ “വൃദ്ധരും നരച്ചവ​രു​മായ” ആളുക​ളു​ണ്ടാ​യി​രി​ക്കാം. മാതാ​പി​താ​ക്ക​ളും യുവജ​ന​ങ്ങ​ളും കൊച്ചു​കു​ട്ടി​ക​ളും കൈക്കു​ഞ്ഞു​ങ്ങ​ളും ഉണ്ട്‌. ഏററം ചെറിയ കുഞ്ഞു​ങ്ങൾപോ​ലും ഇപ്പോൾത്തന്നെ പഠിക്കു​ന്നു​ണ്ടോ? ഉവ്വ്‌. കൊച്ചു​കു​ട്ടി​ക​ളാ​യി​രു​ന്ന​പ്പോൾ മീററിം​ഗി​നു കൊണ്ടു​വ​ര​പ്പെ​ട്ട​വ​രോട്‌ ഒന്നു ചോദി​ച്ചു​നോ​ക്കുക. തങ്ങളുടെ ആദ്യവർഷങ്ങൾ മുതൽതന്നെ ദൈവത്തെ ബഹുമാ​നി​ക്കു​ന്ന​തി​നും അവന്റെ ജനത്തെ സ്‌നേ​ഹി​ക്കു​ന്ന​തി​നും അവനെ ആരാധി​ക്കുന്ന സ്ഥലത്തെ വിലമ​തി​ക്കു​ന്ന​തി​നും തങ്ങൾ പഠിക്കു​ക​യാ​യി​രു​ന്നു​വെന്ന്‌ അവർ സത്യസ​ന്ധ​മാ​യി നിങ്ങ​ളോ​ടു പറയും. കാലം കടന്നു​പോ​കു​മ്പോൾ കൊച്ചു​കു​ട്ടി​കൾ അത്ഭുത​ക​ര​ങ്ങ​ളായ സത്യങ്ങൾ പഠിക്കു​ന്നു. അറിവി​ലും വിലമ​തി​പ്പി​ലും വളർന്നു​ക​ഴി​യു​മ്പോൾ അനേകം യുവജ​നങ്ങൾ “യഹോ​വ​യു​ടെ നാമം അത്യു​ന്ന​ത​മാ​യി​രി​ക്കു​ന്ന​തി​നാൽ അവന്റെ നാമത്തെ സ്‌തു​തി​ക്കാൻ” സങ്കീർത്ത​ന​ക്കാ​രൻ ആരെ പ്രോൽസാ​ഹി​പ്പി​ക്കു​ന്നു​വോ ആ ‘യുവജ​ന​ങ്ങ​ളു​ടെ​യും കന്യക​മാ​രു​ടെ​യും വൃദ്ധൻമാ​രു​ടെ​യും ബാലൻമാ​രു​ടെ​യും’ ഭാഗമാ​യി​ത്തീ​രു​ന്നു.—സങ്കീർത്തനം 148:12, 13.

3. ബൈബിൾ പഠിച്ചി​ട്ടുള്ള യുവജ​നങ്ങൾ അതു പഠിച്ചി​ട്ടി​ല്ലാ​ത്ത​വ​രിൽ നിന്ന്‌ വ്യത്യ​സ്‌ത​മാ​യി ജീവി​തത്തെ വീക്ഷി​ക്കു​ന്ന​തെ​ങ്ങനെ?

³ അത്തരം മീററിം​ഗു​കൾക്ക്‌ ക്രമമാ​യി കൊണ്ടു​വ​ര​പ്പെ​ടുന്ന ചെറു​പ്രാ​യ​ക്കാ​രാണ്‌ നിങ്ങ​ളെ​ങ്കിൽ നിങ്ങൾ പ്രത്യേ​കാൽ അനുഗൃ​ഹീ​ത​രാണ്‌. മററ്‌ അനേകം യുവജ​നങ്ങൾ ലോക​ത്തി​ലെ പ്രശ്‌നങ്ങൾ നിമിത്തം മനഃ​പ്ര​യാ​സം അനുഭ​വി​ക്കു​ന്ന​വ​രാണ്‌. ചിലർക്ക്‌ മനുഷ്യർ ഭൂമിയെ നശിപ്പി​ക്കും എന്നുള്ള ഭയമാ​യി​രി​ക്കാം. അതു സംഭവി​ക്കാൻ ദൈവം അനുവ​ദി​ക്കു​ക​യില്ല എന്ന്‌, ഈ സുന്ദര​മായ ഭൂമിയെ നശിപ്പി​ക്കു​ന്ന​തിൽ തുടരാൻ ദൈവം അവരെ അനുവ​ദി​ക്കു​ക​യില്ല എന്ന്‌, നിങ്ങൾക്ക​റി​യാം. അതു സംഭവി​ക്കാൻ അനുവ​ദി​ക്കു​ന്ന​തി​നു പകരം ബൈബിൾ പറയുന്ന പ്രകാരം ദൈവം “ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.” ദൈവ​ത്തി​ന്റെ നീതി​യുള്ള പുതിയ ലോക​ത്തി​ലെ ശോഭ​ന​മായ ഒരു ഭാവി ആസന്നമാണ്‌ എന്ന്‌ ബൈബിൾ വാഗ്‌ദാ​നം​ചെ​യ്യു​ന്നു​വെന്ന്‌ നിങ്ങൾക്ക​റി​യാം.—വെളി​പ്പാട്‌ 11:18; സങ്കീർത്തനം 37:29; 2 പത്രോസ്‌ 3:13.

നിങ്ങളു​ടെ സ്വന്തം വിശ്വാ​സം

4. ദൈവ​ത്തി​ന്റെ വഴികൾ അറിയു​ന്നത്‌ യുവജ​ന​ങ്ങ​ളു​ടെ​മേൽ എന്ത്‌ ഉത്തരവാ​ദി​ത്വം വെക്കുന്നു, ഇതിൽ ബാലനായ ശമൂവേൽ ഒരു നല്ല മാതൃ​ക​യാ​യി​രു​ന്ന​തെ​ങ്ങനെ?

⁴ തുടക്ക​ത്തിൽ ക്രിസ്‌തീ​യ​സ​ത്യ​ത്തി​ന്റെ മാർഗ്ഗം നിങ്ങളു​ടെ മാതാ​പി​താ​ക്ക​ളു​ടെ അനുധാ​വ​ന​മാ​യി​രു​ന്നി​രി​ക്കാം. ഒരുപക്ഷേ അവർ നിങ്ങളെ കൊണ്ടു​വ​ന്ന​തു​കൊണ്ട്‌ നിങ്ങൾ ക്രിസ്‌തീയ യോഗ​ങ്ങൾക്ക്‌ ഹാജരാ​യി. അവർ ദൈവി​ക​സേ​വ​ന​ത്തിൽ ഏർപ്പെ​ട്ട​തു​കൊണ്ട്‌ നിങ്ങളും അപ്രകാ​രം ചെയ്‌തി​രി​ക്കാം. എന്നിരു​ന്നാ​ലും കാലം കടന്നു​പോ​കു​മ്പോൾ യഹോ​വയെ സേവി​ക്കു​ന്ന​തും അനുസ​രി​ക്കു​ന്ന​തും നിങ്ങളു​ടെ സ്വന്തം ഇഷ്ടത്താൽ ആയിരി​ക്കാൻ കഴിയും. ബാലനായ ശമൂ​വേ​ലി​ന്റെ അമ്മ നേരായ വഴിയിൽ അവന്‌ തുടക്ക​മി​ട്ടു​കൊ​ടു​ത്തു, എന്നാൽ അവൻ വ്യക്തി​പ​ര​മാ​യി ആ വഴിയേ പോ​കേ​ണ്ട​തു​ണ്ടാ​യി​രു​ന്നു. നാം ഇപ്രകാ​രം വായി​ക്കു​ന്നു: “ഒരു കുട്ടി​പോ​ലും അവന്റെ പ്രവൃ​ത്തി​ക​ളാൽ അറിയ​പ്പെ​ടു​ന്നു, അവന്റെ പെരു​മാ​ററം നിർമ്മ​ല​വും നീതി​യു​ള്ള​തു​മാ​ണോ എന്നതി​നാൽതന്നെ.”—സദൃശ​വാ​ക്യ​ങ്ങൾ 20:11, NIV.

5. (എ) ബൈബിൾ എത്രമാ​ത്രം വില​പ്പെ​ട്ട​താണ്‌? (ബി) ദൈവ​ത്തി​ന്റെ എഴുത​പ്പെട്ട വചനം സംബന്ധിച്ച്‌ പൗലോസ്‌ തിമൊ​ഥെ​യോ​സി​നോട്‌ എന്തു പറഞ്ഞു?

⁵ ദൈവം നമ്മിൽനിന്ന്‌ എന്താണാ​വ​ശ്യ​പ്പെ​ടു​ന്ന​തെന്ന്‌ തിരു​വെ​ഴു​ത്തു​കൾ നമ്മോടു പറയുന്നു. അവനെ പ്രസാ​ദി​പ്പി​ക്കേ​ണ്ടത്‌ എങ്ങനെ​യെന്ന്‌ നമുക്ക്‌ പ്രയോ​ജ​ന​ക​ര​മായ വളരെ​യ​ധി​കം വിവരങ്ങൾ നൽകി​ക്കൊണ്ട്‌ തിരു​വെ​ഴു​ത്തു​കൾ വ്യക്തമാ​യി കാണി​ച്ചു​ത​രു​ന്നു. തന്റെ യുവസ​ഹാ​യി​യാ​യി​രുന്ന തിമൊ​ഥെ​യോ​സി​നോട്‌ അപ്പോ​സ്‌ത​ല​നായ പൗലോസ്‌ ഇപ്രകരം പറഞ്ഞു: “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും പ്രാപ്‌ത​നാ​യി പൂർണ്ണ​മാ​യും സജ്ജനാ​കേ​ണ്ട​തിന്‌ പഠിപ്പി​ക്ക​ലി​നും ശാസന​ക്കും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം കൊടു​ക്കു​ന്ന​തി​നും പ്രയോ​ജ​ന​ക​ര​വു​മാ​കു​ന്നു.”—2 തിമൊ​ഥെ​യോസ്‌ 3:16, 17.

6. അറിവി​ന്റെ​യും ദൈവി​ക​ജ്ഞാ​ന​ത്തി​ന്റെ​യും പ്രാധാ​ന്യം​സം​ബ​ന്ധിച്ച്‌ സദൃശ​വാ​ക്യ​ങ്ങൾ എന്ന പുസ്‌തകം എന്തു പറയുന്നു?

⁶ “ശിക്ഷണ​ത്തിന്‌ ചെവി​കൊ​ടു​ത്തു ജ്ഞാനി​ക​ളാ​യി​ത്തീ​രാ​നും” ബൈബിൾ നമ്മോടു പറയുന്നു. ദൈവ​ക​ല്‌പ​ന​കളെ “നിധി​പോ​ലെ കണക്കാ​ക്കാ​നും” “വിവേ​ക​ത്തി​നാ​യി വിളി​ക്കാ​നും” മറഞ്ഞി​രി​ക്കുന്ന നിക്ഷേ​പ​ങ്ങൾക്കെ​ന്ന​പോ​ലെ “വിവേകം തേടി​ക്കൊ​ണ്ടി​രി​ക്കാ​നും” അതു പറയുന്നു. നിങ്ങൾ ഈ ഉപദേശം സ്വീക​രി​ക്കു​ന്നു​വെ​ങ്കിൽ നിങ്ങൾ “യഹോ​വാ​ഭയം ഗ്രഹി​ക്കു​ക​യും ദൈവി​ക​പ​രി​ജ്ഞാ​നം​തന്നെ കണ്ടെത്തു​ക​യും ചെയ്യും.” ഈ ബുദ്ധി​യു​പ​ദേ​ശ​വും നാം കാണുന്നു: “ഇപ്പോൾ പുത്രൻമാ​രേ, എന്റെ വാക്കു കേട്ടു​കൊൾക. അതെ, എന്റെ വഴികൾതന്നെ അനുസ​രി​ക്കു​ന്നവർ സന്തുഷ്ട​രാ​കു​ന്നു. ശിക്ഷണം കേട്ട്‌ ജ്ഞാനി​ക​ളാ​യി​ത്തീ​രുക, യാതൊ​രു അവഗണ​ന​യും കാണി​ക്ക​രുത്‌. എന്നെ ശ്രദ്ധി​ക്കുന്ന മനുഷ്യൻ . . . സന്തുഷ്ട​നാ​കു​ന്നു. എന്തു​കൊ​ണ്ടെ​ന്നാൽ എന്നെ കണ്ടെത്തു​ന്നവൻ നിശ്ചയ​മാ​യും ജീവനെ കണ്ടെത്തും, യഹോ​വ​യു​ടെ പ്രീതി സമ്പാദി​ക്കു​ക​യും ചെയ്യുന്നു.” നിങ്ങൾ ബൈബി​ളി​നെ അത്ര​ത്തോ​ളം വിലമ​തി​ക്കു​ക​യും അതു പറയുന്ന കാര്യങ്ങൾ പഠിക്കാൻ ആ വിധത്തിൽ ശ്രമം​ചെ​യ്യു​ക​യും ചെയ്യു​ന്നു​വോ?—സദൃശ​വാ​ക്യ​ങ്ങൾ 2:1-5, 8:32-35.

അറിവു സമ്പാദി​ക്കു​ക

7. നാം പഠിക്കേണ്ട ഏററം പ്രധാ​ന​മായ കാര്യങ്ങൾ ഏവയാണ്‌?

⁷ ചില യുവജ​ന​ങ്ങൾക്ക്‌ കായി​ക​വി​നോ​ദ​രം​ഗത്തെ എല്ലാ സ്ഥിതി​വി​വ​ര​ക്ക​ണ​ക്കു​ക​ളു​മ​റി​യാം, അല്ലെങ്കിൽ അവർക്കി​ഷ്ട​പ്പെട്ട സംഗീ​ത​സം​ഘത്തെ സംബന്ധിച്ച എല്ലാ വിവര​ങ്ങ​ളും അവർ നിങ്ങ​ളോ​ടു പറയും. ഈ കാര്യങ്ങൾ പഠിക്കു​ക​യും ഓർമ്മ​യിൽ വെക്കു​ക​യും ചെയ്യു​ന്നത്‌ എളുപ്പ​മാ​ണന്ന്‌ അവർ കണ്ടെത്തു​ന്നു, എന്തു​കൊ​ണ്ടെ​ന്നാൽ അവർക്ക്‌ അവയിൽ താത്‌പ​ര്യ​മുണ്ട്‌. എന്നാൽ അവർക്ക്‌ ദൈവത്തെ സംബന്ധിച്ച്‌ എന്തറി​യാം എന്നതാണ്‌ ഏററം പ്രധാ​ന​പ്പെട്ട ചോദ്യം. അവൻ ചെയ്‌തി​ട്ടുള്ള കാര്യ​ങ്ങ​ളെ​പ്പ​ററി ഒന്നു ചിന്തി​ക്കുക. ദൈവം ഈ അഖിലാ​ണ്ഡത്തെ സൃഷ്ടിച്ചു. മനുഷ്യർ എന്തു ചെയ്യു​മെ​ന്നും എന്തു സംഭവി​ക്കു​മെ​ന്നും അവ സംഭവി​ക്കു​ന്ന​തിന്‌ ദീർഘ​നാൾമു​മ്പേ അവൻ മുൻകൂ​ട്ടി​പ്പ​റഞ്ഞു. ബൈബിൾ നമ്മോട്‌ ദൈവ​ത്തെ​പ്പ​ററി പറയു​ക​മാ​ത്രമല്ല ചെയ്യു​ന്നത്‌, നമുക്ക്‌ അവനെ എങ്ങനെ പ്രസാ​ദി​പ്പി​ക്കാ​മെ​ന്നും അതു നമ്മെ പഠിപ്പി​ക്കു​ന്നു. നമുക്ക്‌ ഇപ്പോൾ സന്തുഷ്ട​മായ ഒരു ജീവിതം ഉണ്ടായി​രി​ക്കാൻ കഴിയു​ന്ന​തെ​ങ്ങ​നെ​യെ​ന്നും അവന്റെ നീതി​യുള്ള പുതിയ ലോക​ത്തിൽ നമുക്ക്‌ എങ്ങനെ നിത്യ​ജീ​വൻ നേടാ​മെ​ന്നും അതു കാണി​ച്ചു​ത​രു​ന്നു. ഒരു പന്തുക​ളി​യിൽ ആരു ജയിച്ചു​വെ​ന്ന​റി​യു​ന്ന​തി​നെ​ക്കാ​ളും, ആളുകൾ പെട്ടെ​ന്നു​തന്നെ മറന്നു​ക​ള​യുന്ന സംഗീ​ത​ജ്ഞ​രു​ടെ പേരു പഠിക്കു​ന്ന​തി​നെ​ക്കാ​ളും ഏറെ പ്രധാ​ന​മാ​യി​രി​ക്കു​ന്നത്‌ അതല്ലേ?—യെശയ്യാവ്‌ 42:5, 9; 46:9, 10; ആമോസ്‌ 3:7.

8. യോശീ​യാ​വും യേശു​വും എന്തു നല്ല ദൃഷ്‌ടാ​ന്തം വെച്ചു?

⁸ യുവാ​വാ​യി​രുന്ന യോശീ​യാവ്‌ രാജാ​വിന്‌ 15 വയസ്സാ​യി​രു​ന്ന​പ്പോൾ അവൻ “തന്റെ പൂർവ​പി​താ​വായ ദാവീ​ദി​ന്റെ ദൈവത്തെ അന്വേ​ഷി​ക്കാൻ തുടങ്ങി.” യേശു​വിന്‌ 12 വയസ്സു​ണ്ടാ​യി​രു​ന്ന​പ്പോൾ “അവൻ യഹോ​വ​യു​ടെ ആലയത്തി​ലെ ഉപദേ​ഷ്ടാ​ക്കൻമാ​രെ ശ്രദ്ധി​ച്ചു​കൊ​ണ്ടും അവരോ​ടു ചോദ്യ​ങ്ങൾ ചോദി​ച്ചു​കൊ​ണ്ടും അവരോ​ടു​കൂ​ടെ ഇരിക്കു​ന്ന​താ​യി കണ്ടെത്ത​പ്പെട്ടു.”a നിങ്ങളു​ടെ പ്രായം എത്രയാ​യി​രു​ന്നാ​ലും യോശി​യാ​വി​നെ​യും യേശു​വി​നെ​യും​പോ​ലെ ദൈവം ചെയ്യി​ട്ടു​ള്ള​തും ചെയ്യാ​നി​രി​ക്കു​ന്ന​തു​മായ കാര്യ​ങ്ങ​ളെ​പ്പ​ററി പഠിക്കു​ന്ന​തിന്‌ ഒരു യഥാർത്ഥ താത്‌പ​ര്യം വികസി​പ്പി​ച്ചെ​ടു​ത്തി​ട്ടു​ണ്ടോ?—2 ദിനവൃ​ത്താ​ന്തം 34:3; ലൂക്കോസ്‌ 2:46.

9. (എ) അനേകം യുവജ​ന​ങ്ങൾക്ക്‌ എന്തു പ്രശ്‌ന​മാ​ണു​ള്ളത്‌? (ബി) വായന​യും പഠനവും കൂടുതൽ എളുപ്പ​മാ​ക്കി​ത്തീർക്കാൻ എന്തിനു കഴിയും, ഇത്‌ സത്യമാ​ണെന്ന്‌ നിങ്ങൾ വ്യക്തി​പ​ര​മാ​യി കണ്ടിരി​ക്കു​ന്നു​വോ?

⁹ എന്നിരു​ന്നാ​ലും, ‘പഠനം കഠിന ജോലി​യാണ്‌’ എന്ന്‌ നിങ്ങൾ പറഞ്ഞേ​ക്കാം. ചെറു​പ്പ​ക്കാ​രും പ്രായ​മാ​യ​വ​രു​മായ അനേക​മാ​ളു​കൾ വായന എളുപ്പ​മാ​യി​ത്തീ​രാൻ വേണ്ടത്ര വായി​ച്ചി​ട്ടേ​യില്ല. നിങ്ങൾ എത്രയ​ധി​കം വായി​ക്കു​ന്നു​വോ അത്ര​ത്തോ​ളം വായന എളുപ്പ​മാ​യി​ത്തീ​രു​ന്നു. നിങ്ങൾ എത്രയ​ധി​കം പഠിക്കു​ന്നു​വോ അത്ര​ത്തോ​ളം പഠനം എളുപ്പ​മാ​യി​ത്തീ​രു​ന്നു. കാര്യങ്ങൾ ഗ്രഹി​ക്കു​ന്ന​തും ഓർമ്മ​യിൽ വെക്കു​ന്ന​തും കൂടുതൽ എളുപ്പ​മാ​ക്കി​ത്തീർത്തു​കൊണ്ട്‌, നിങ്ങൾക്ക്‌ അപ്പോൾത്തന്നെ അറിയാ​വുന്ന കാര്യ​ങ്ങ​ളോട്‌ നിങ്ങൾ പുതിയ ആശയങ്ങൾ ബന്ധിപ്പി​ക്കു​ന്നു.

10. (എ) ക്രിസ്‌തീ​യ​യോ​ഗ​ങ്ങ​ളിൽനിന്ന്‌ നിങ്ങൾക്ക്‌ എങ്ങനെ കൂടുതൽ പ്രയോ​ജനം നേടാൻ കഴിയും? (ബി)  ഇതു സംബന്ധിച്ച നിങ്ങളു​ടെ സ്വന്തം അനുഭവം എന്താണ്‌?

¹⁰ ദൈവ​ത്തെ​പ്പ​ററി കൂടുതൽ പഠിക്കാൻ എന്തിന്‌ നിങ്ങളെ സഹായി​ക്കു​ന്ന​തി​നു കഴിയും? ഒരുപക്ഷേ ക്രിസ്‌തീ​യ​യോ​ഗ​ങ്ങൾക്ക്‌ ഹാജരാ​കു​ന്ന​തിൽ നിങ്ങൾക്ക്‌ കൂടുതൽ ക്രമമു​ള്ള​വ​രാ​യി​രി​ക്കാൻ കഴിയും. മുൻകൂ​ട്ടി തയ്യാറാ​കു​ന്ന​തി​നും യഥാർത്ഥ​ത്തിൽ പങ്കുപ​റ​റു​ന്ന​തി​നും നിങ്ങൾക്കു കഴിയു​മോ? ഉദാഹ​ര​ണ​ത്തിന്‌ ഉദ്ധരി​ക്കാ​തെ പരാമർശി​ക്കു​ക​മാ​ത്രം ചെയ്‌തി​രി​ക്കുന്ന തിരു​വെ​ഴു​ത്തു​ഭാ​ഗങ്ങൾ എടുത്തു പരി​ശോ​ധി​ക്കു​ന്ന​തി​നാൽ ഈ പഠനഭാ​ഗ​ത്തു​നിന്ന്‌ നിങ്ങൾക്ക്‌ കൂടുതൽ ആഴത്തി​ലുള്ള അറിവു സമ്പാദി​ക്കാൻ കഴിയു​മോ? ഈ തിരു​വെ​ഴു​ത്തു​ക​ളി​ലോ​രോ​ന്നും ഒരു ഖണ്ഡിക​യോട്‌ അല്ലെങ്കിൽ ഈ പഠനഭാ​ഗ​ത്തോട്‌ കൂടു​ത​ലായ എന്താശ​യങ്ങൾ കൂട്ടി​ച്ചേർക്കു​ന്നു​വെന്ന്‌ നിങ്ങളെ ഓർമ്മ​പ്പെ​ടു​ത്താൻ മാർജി​നിൽ നിങ്ങൾ ഒന്നോ രണ്ടോ വാക്കുകൾ എഴുതി​യി​ട്ടു​ണ്ടോ? തിരു​വെ​ഴു​ത്തു​ചർച്ച​യോ​ടുള്ള നിങ്ങളു​ടെ വിലമ​തിപ്പ്‌ പ്രകട​മാ​ക്കാൻ ഈ തിരു​വെ​ഴു​ത്തു​ക​ളിൽ ഒന്നെങ്കി​ലും നിങ്ങളു​ടെ ഉത്തരത്തിൽ ഉൾപ്പെ​ടു​ത്തുന്ന ഒരു രീതി നിങ്ങൾക്കു​ണ്ടോ? അനേകം വർഷങ്ങൾ ക്രമമാ​യി മീററിം​ഗു​കൾക്ക്‌ ഹാജരാ​യി​ട്ടുള്ള ഒരു സഭാമൂ​പ്പൻ പറയുന്നു: “ഞാൻ നന്നായി തയ്യാറാ​യി​ട്ടി​ല്ലാത്ത ഏതെങ്കി​ലും പഠനഭാ​ഗത്ത്‌ ശ്രദ്ധ​കേ​ന്ദ്രീ​ക​രി​ക്കുക പ്രയാ​സ​മാ​ണെന്ന്‌ ഞാൻ കണ്ടെത്തു​ന്നു, എന്നാൽ ഞാൻ നന്നായി പഠിച്ചി​ട്ടുള്ള ഒരു പഠനഭാ​ഗ​ത്തി​ന്റെ ചർച്ചയിൽ പങ്കെടു​ക്കു​ന്നത്‌ വളരെ ഉല്ലാസ​ക​ര​മാണ്‌.”

11. ബൈബി​ള​ധി​ഷ്‌ഠിത പ്രസം​ഗ​ങ്ങ​ളിൽനിന്ന്‌ നിങ്ങൾക്ക്‌ എങ്ങനെ കൂടുതൽ പ്രയോ​ജനം അനുഭ​വി​ക്കാം, ഇത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

¹¹ ബൈബിൾപ്ര​സം​ഗങ്ങൾ ശ്രദ്ധി​ക്കു​മ്പോൾ പ്രസംഗം എങ്ങനെ വികസി​പ്പി​ക്കു​ന്നു​വെന്ന്‌ അപഗ്ര​ഥി​ക്കു​ന്ന​തി​നും ചർച്ച​ചെ​യ്യ​പ്പെ​ടുന്ന കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തി​നും നിങ്ങൾ നോട്ടു​കു​റി​ക്കാ​റു​ണ്ടോ? നിങ്ങൾ കേൾക്കുന്ന കാര്യങ്ങൾ കൂടുതൽ എളുപ്പ​ത്തിൽ മനസ്സി​ലാ​കു​ന്ന​തി​നും മെച്ചമാ​യി ഓർമ്മ​യിൽ വെക്കു​ന്ന​തി​നും അവയെ നിങ്ങൾക്ക്‌ നേര​ത്തെ​തന്നെ അറിയാ​വുന്ന കാര്യ​ങ്ങ​ളോട്‌ നിങ്ങൾ താരത​മ്യം​ചെ​യ്യാ​റു​ണ്ടോ? യേശു ഇപ്രകാ​രം പ്രാർത്ഥി​ച്ചു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും കുറി​ച്ചുള്ള അറിവു സമ്പാദി​ക്കു​ന്നത്‌ നിത്യ​ജീ​വനെ അർത്ഥമാ​ക്കു​ന്നു.” (യോഹ​ന്നാൻ 17:3) ജീവനി​ലേക്കു നയിക്കുന്ന അറിവ്‌ നിങ്ങൾക്ക്‌ സമ്പാദി​ക്കാൻക​ഴി​യു​ന്ന​തി​ലേ​ക്കും ഏററവും നല്ല അറിവല്ലേ? ഇതുസം​ബ​ന്ധിച്ച്‌ ബൈബിൾ പറയു​ന്നതു കുറി​ക്കൊ​ള്ളുക: “യഹോ​വ​തന്നെ ജ്ഞാനം നൽകുന്നു; അവന്റെ വായിൽനിന്ന്‌ പരിജ്ഞാ​ന​വും വിവേ​ക​വും വരുന്നു. ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കു​ക​യും പരിജ്ഞാ​നം​തന്നെ നിന്റെ ദേഹിക്ക്‌ ഉല്ലാസ​ക​ര​മാ​യി​ത്തീ​രു​ക​യും ചെയ്യു​മ്പോൾ ചിന്താ​പ്രാ​പ്‌തി തന്നെ നിങ്ങളെ സൂക്ഷി​ക്കും, വിവേ​ച​ന​തന്നെ നിങ്ങളെ കാത്തു​ര​ക്ഷി​ക്കും.”—സദൃശ​വാ​ക്യ​ങ്ങൾ 2:6, 10, 11.

വിലമ​തി​പ്പു വർദ്ധി​പ്പി​ക്കു​ക

12. ദൈവം നമുക്കു​വേണ്ടി ചെയ്‌തി​രി​ക്കുന്ന ശ്രദ്ധേ​യ​മായ ചില കാര്യങ്ങൾ ഏവ?

¹² ദൈവം നമുക്കു​വേണ്ടി ചെയ്‌തി​ട്ടു​ള്ള​തി​നെ നാം യഥാർത്ഥ​ത്തിൽ വിലമ​തി​ക്കു​ന്നു​വോ? അവൻ സുന്ദര​മായ ഒരു ഭൂമിയെ സൃഷ്ടി​ക്കു​ക​യും ജീവി​ത​ത്തി​നു​വേണ്ടി അതിനെ ഒരുക്കു​ക​യും ചെയ്‌തു. അവൻ നമ്മുടെ ആദ്യമാ​താ​പി​താ​ക്കളെ സൃഷ്ടി​ക്കു​ക​യും അപ്രകാ​രം നാം ജനിക്കു​ന്നത്‌ സാദ്ധ്യ​മാ​ക്കു​ക​യും ചെയ്‌തു. നമുക്ക്‌ കുടും​ബ​ത്തി​ന്റെ​യും സ്‌നേ​ഹ​മുള്ള ഒരു സഭാകൂ​ട്ട​ത്തി​ന്റെ​യും പിന്തുണ ഉണ്ടായി​രി​ക്കാൻ അവൻ ക്രമീ​ക​ര​ണം​ചെ​യ്‌തു. (ഉല്‌പത്തി 1:27, 28; യോഹ​ന്നാൻ 13:35; എബ്രായർ 10:25) തന്നെപ്പ​ററി നമ്മെ കൂടുതൽ പഠിപ്പി​ക്കു​ന്ന​തി​നും നിത്യ​ജീ​വൻ സാദ്ധ്യ​മാ​ക്കി​ത്തീർക്ക​ത്ത​ക്ക​വണ്ണം ഒരു മറുവില പ്രദാ​നം​ചെ​യ്യു​ന്ന​തി​നു​മാ​യി തന്റെ ആദ്യജാ​ത​പു​ത്രനെ അവൻ ഭൂമി​യി​ലേ​ക്ക​യച്ചു. അത്തരം അത്ഭുത​ക​ര​മായ ദാനങ്ങളെ നിങ്ങൾ യഥാർഥ​ത്തിൽ വിലമ​തി​ക്കു​ന്നു​ണ്ടോ? അവനെ​പ്പ​ററി പഠിക്കാ​നും അവനെ സേവി​ക്കാ​നു​മുള്ള ക്ഷണം സ്വീക​രി​ക്കാൻ അവ നിങ്ങളെ പ്രേരി​പ്പി​ക്കു​ന്നു​ണ്ടോ?—മത്തായി 20:28; യോഹ​ന്നാൻ 1:18; റോമർ 5:21.

13. ദൈവം വ്യക്തി​ക​ളിൽ തത്‌പ​ര​നാ​ണെന്ന്‌ നിങ്ങൾക്ക്‌ തോന്നു​ന്ന​തെ​ന്തു​കൊണ്ട്‌?

¹³ അഖിലാ​ണ്ഡ​ത്തി​ന്റെ സ്രഷ്ടാവ്‌ ആളുക​ളിൽ തത്‌പ​ര​നാണ്‌. അവൻ അബ്രാ​ഹാ​മി​നെ “എന്റെ സുഹൃത്ത്‌” എന്നു വിളിച്ചു. അവൻ മോശ​യോട്‌ “എനിക്കു നിന്നെ പേരി​നാൽ അറിയാം” എന്നു പറഞ്ഞു. (യെശയ്യാവ്‌ 41:8; പുറപ്പാട്‌ 33:12) ദൈവ​ത്തിന്‌ “ലോകാ​രം​ഭം​മു​ത​ലുള്ള” തന്റെ വിശ്വ​സ്‌ത​ദാ​സൻമാ​രു​ടെ പേരു​ക​ള​ട​ങ്ങുന്ന ഒരു പ്രതീ​കാ​ത്മ​ക​പു​സ്‌തകം അല്ലെങ്കിൽ “ജീവന്റെ ചുരുൾ” ഉണ്ടെന്ന്‌ വെളി​പ്പാ​ടു പുസ്‌തകം സൂചി​പ്പി​ക്കു​ന്നു. അതിൽ നിങ്ങളു​ടെ പേർ ഉണ്ടായി​രി​ക്കു​മോ?—വെളി​പ്പാട്‌ 3:5; 17:8; 2 തിമൊ​ഥെ​യോസ്‌ 2:19.

14. ദൈവ​ത്തി​ന്റെ തത്വങ്ങൾ അനുസ​രി​ക്കു​ന്ന​തി​നാൽ നിങ്ങളു​ടെ ജീവി​തത്തെ മെച്ച​പ്പെ​ടു​ത്താൻ കഴിയു​ന്ന​തെ​ങ്ങനെ?

¹⁴ ദൈവ​ത്തി​ന്റെ തത്വങ്ങൾ പ്രാ​യോ​ഗി​ക​മാണ്‌. അവന്റെ രീതി​യിൽ കാര്യങ്ങൾ ചെയ്യു​ന്നത്‌ അനേകം പ്രശ്‌ന​ങ്ങളെ ഒഴിവാ​ക്കു​ന്നു. അധാർമ്മി​കത, ആഗ്രഹി​ക്കാത്ത ഗർഭങ്ങൾ, ഗുഹ്യ​രോ​ഗങ്ങൾ, മയക്കു​മ​രു​ന്നി​ലുള്ള ആസക്തി, മദ്യാ​സക്തി, അക്രമം, കൊല​പാ​തകം എന്നിവ​യും മററു ദോഷ​ങ്ങ​ളു​ടെ ഒരു നീണ്ട പട്ടിക​യും​തന്നെ. അവന്റെ വഴിക​ളിൽ നടക്കു​ന്നത്‌ യഥാർത്ഥ സുഹൃ​ത്തു​ക്കളെ കണ്ടെത്തു​ന്ന​തി​നും കൂടുതൽ സന്തുഷ്ട​മായ ഒരു ജീവിതം നയിക്കു​ന്ന​തി​നും നിങ്ങളെ സഹായി​ക്കു​ക​യും ചെയ്യും. അത്‌ യഥാർത്ഥ​ത്തിൽ വിലയു​ള്ള​തല്ലേ? (1 കൊരി​ന്ത്യർ 6:9-11) ദൈവ​ത്തി​ന്റെ വഴിയിൽ കാര്യങ്ങൾ ചെയ്യാൻ തീരു​മാ​നം​ചെ​യ്‌തി​രി​ക്കുന്ന ഒരു യുവാ​വി​നോ യുവതി​ക്കോ പോലും ശരിയാ​യതു ചെയ്യു​ന്ന​തിന്‌ കൂടുതൽ ശക്തി​നേ​ടാൻ കഴിയും. ബൈബിൾ പറയുന്നു: “വിശ്വ​സ്‌ത​നാ​യ​വ​നോട്‌ [യഹോവ] വിശ്വ​സ്‌ത​ത​യോ​ടെ ഇടപെ​ടു​ന്നു.” അവൻ തന്റെ “വിശ്വ​സ്‌തൻമാ​രെ ഉപേക്ഷി​ക്കു​ക​യില്ല” എന്നും “തന്റെ ജനത്തെ മറന്നു​ക​ള​യു​ക​യില്ല” എന്നും അത്‌ ഉറപ്പു​ത​രു​ന്നു.—സങ്കീർത്തനം 18:25; 37:28; 94:14; യെശയ്യാവ്‌ 40:29-31.

ദൈവത്തെ സേവി​ക്കു​ന്ന​തിൽ മുന്നേ​റു​ക

15. ശലോ​മോൻ യുവജ​ന​ങ്ങൾക്ക്‌ എന്തു ദൈവി​ക​മായ ബുദ്ധി​യു​പ​ദേശം നൽകി?

¹⁵ നിങ്ങളു​ടെ ലക്ഷ്യങ്ങൾ നശിച്ചു​കൊ​ണ്ടി​രി​ക്കുന്ന പഴയ ലോകത്തെ കേന്ദ്രീ​ക​രി​ച്ചാ​ണോ അതോ നീതി​യുള്ള പുതിയ ലോകത്തെ കേന്ദ്രീ​ക​രി​ച്ചാ​ണോ? നിങ്ങൾ ശ്രദ്ധി​ക്കു​ന്നത്‌ ദൈവ​ത്തെ​യാ​ണോ അതോ ദൈവ​ത്തിന്‌ എതിർനി​ല്‌ക്കുന്ന ലോക​പ്ര​കാ​രം ജ്ഞാനി​ക​ളാ​യ​വ​രെ​യാ​ണോ? വിനോ​ദ​മോ ഉന്നതവി​ദ്യാ​ഭ്യാ​സ​മോ അല്ലെങ്കിൽ നിങ്ങളു​ടെ സമയം ഏറെ കവർന്നെ​ടു​ക്കുന്ന ഒരു ലൗകി​ക​തൊ​ഴി​ലോ ദൈവ​ത്തി​നും അവന്റെ സേവന​ത്തി​നും മുമ്പി​ലാ​യി നിൽക്കു​ന്നു​വോ? നമ്മുടെ ജീവി​ത​ത്തിൽ ഒന്നാമതു വരേണ്ടത്‌ എന്താ​ണെന്നു കാണി​ക്കാൻ മാത്ര​മാണ്‌ ജ്ഞാനി​യായ ശലോ​മോൻരാ​ജാവ്‌ സഭാ​പ്ര​സം​ഗി​യെന്ന പുസ്‌തകം എഴുതി​യത്‌. അവൻ അത്‌ ഇപ്രകാ​രം ഉപസം​ഹ​രി​പ്പി​ച്ചു: “നിന്റെ നവയൗ​വ​ന​ത്തി​ന്റെ നാളു​ക​ളിൽ, ദുർദ്ദി​വ​സങ്ങൾ വരുക​യും അല്ലെങ്കിൽ ‘എനിക്ക്‌ അവയിൽ സന്തോ​ഷ​മില്ല’ എന്ന്‌ നീ പറയുന്ന കാലം വരിക​യും ചെയ്യു​ന്ന​തി​നു​മു​മ്പേ, ഇപ്പോൾ, നിന്റെ മഹദ്‌സ്ര​ഷ്ടാ​വി​നെ ഓർത്തു​കൊൾക. എല്ലാം കേട്ട​ശേഷം കാര്യ​ങ്ങ​ളു​ടെ അവസാനം ഇതാകു​ന്നു: സത്യ​ദൈ​വത്തെ ഭയപ്പെട്ട്‌ അവന്റെ കല്‌പ​നകൾ അനുസ​രി​ക്കുക, എന്തു​കൊ​ണ്ടെ​ന്നാൽ ഇതാകു​ന്നു മമനു​ഷ്യ​ന്റെ മുഴു​വ​നായ കടപ്പാട്‌.”—സഭാ​പ്ര​സം​ഗി 12:1, 13.

16. കൂടു​ത​ലായ പദവി​കൾക്കു​വേണ്ടി യുവജ​ന​ങ്ങൾക്ക്‌ എങ്ങനെ എത്തിപ്പി​ടി​ക്കാൻ കഴിയും?

¹⁶ നിങ്ങൾക്ക​റി​യാ​വുന്ന പ്രായ​മേ​റിയ ക്രിസ്‌തീയ സഹോ​ദ​രൻമാ​രെ​ല്ലാം—മൂപ്പൻമാ​രും പയനി​യർമാ​രും നിങ്ങളു​ടെ സർക്കിട്ട്‌, ഡിസ്‌ത്രി​ക്‌ററ്‌ മേൽവി​ചാ​ര​കൻമാ​രും—ഒരിക്കൽ കുട്ടി​ക​ളാ​യി​രു​ന്നു. അവർ ഇന്ന്‌ ആസ്വദി​ക്കുന്ന അനു​ഗ്ര​ഹ​ങ്ങ​ളി​ലേക്ക്‌ നയിച്ചത്‌ എന്തായി​രു​ന്നു? അവർ ദൈവത്തെ സ്‌നേ​ഹി​ക്കു​ക​യും അവനെ സേവി​ക്കാൻ ആഗ്രഹി​ക്കു​ക​യും ചെയ്‌തു. യൗവന​കാ​ലത്ത്‌ അവരിൽ അനേകർ തങ്ങൾക്ക്‌ മിച്ചി​ക്കാൻ കഴിഞ്ഞ സമയം അറിവും പരിച​യ​വും നേടാൻ വേണ്ടി വിനി​യോ​ഗി​ച്ചു. അവർ പഠിക്കു​ക​യും മീററിം​ഗു​ക​ളിൽ പങ്കുപ​റ​റു​ക​യും ചെയ്‌തു. അവർ പഠിപ്പി​ക്ക​ലിൽ പങ്കെടു​ത്തു. പയനി​യ​റിംഗ്‌, ബെഥേൽസേ​വനം, അല്ലെങ്കിൽ അതു​പോ​ലുള്ള മററ്‌ പ്രതി​ഫ​ല​ദാ​യ​ക​ങ്ങ​ളായ പ്രവർത്ത​ന​ങ്ങ​ളു​ടെ പദവികൾ അവർ എത്തിപ്പി​ടി​ച്ചു. അവർ ‘അസാധാ​രണ യുവജനങ്ങ’ളൊന്നും ആയിരു​ന്നില്ല; അവർക്കും നിങ്ങൾക്കു​ള്ള​തു​പോ​ലെ, സാധാരണ താത്‌പ​ര്യ​ങ്ങ​ളും പദ്ധതി​ക​ളു​മാ​ണു​ണ്ടാ​യി​രു​ന്നത്‌. എന്നിരു​ന്നാ​ലും, “നിങ്ങൾ എന്തുതന്നെ ചെയ്‌താ​ലും മനുഷ്യർക്കെ​ന്ന​പോ​ലെയല്ല, യഹോ​വ​ക്കെ​ന്ന​പോ​ലെ മുഴു​ദേ​ഹി​യോ​ടെ ചെയ്യുക” എന്ന ബുദ്ധി​യു​പ​ദേ​ശ​ത്തി​നു ചേർച്ച​യാ​യി അവർ പ്രവർത്തി​ച്ചു.—കൊ​ലോ​സ്യർ 3:23; ലൂക്കോസ്‌ 10:27; 2 തിമൊ​ഥെ​യോസ്‌ 2:15 താരത​മ്യം​ചെ​യ്യുക.

17. ദൈവ​സേ​വ​ന​ത്തിൽ പുരോ​ഗ​മി​ക്കു​ന്ന​തിന്‌ എന്തിന്‌ യുവജ​ന​ങ്ങളെ സഹായി​ക്കാൻ കഴിയും?

¹⁷ നിങ്ങളെ സംബന്ധി​ച്ചെന്ത്‌? ദൈവി​ക​കാ​ര്യ​ങ്ങളെ നിങ്ങൾ യഥാർത്ഥ​ത്തിൽ വിലമ​തി​ക്കു​ന്നു​വോ? ആത്മീയ​കാ​ര്യ​ങ്ങൾ ഒന്നാമതു വെക്കു​ന്ന​വ​രു​ടെ ഇടയിൽനിന്ന്‌ നിങ്ങൾ സുഹൃ​ത്തു​ക്കളെ തെര​ഞ്ഞെ​ടു​ക്കു​ന്നു​വോ? ക്രിസ്‌തീയ പ്രവർത്ത​ന​ങ്ങ​ളിൽ നിങ്ങ​ളോ​ടൊ​പ്പം ചേരാൻ നിങ്ങൾ മററു​ള്ള​വരെ പ്രോൽസാ​ഹി​പ്പി​ക്കാ​റു​ണ്ടോ? പ്രായ​വും കൂടുതൽ അനുഭ​വ​പ​രി​ച​യ​വു​മു​ള്ള​വ​രിൽനിന്ന്‌ പഠിക്കു​ന്ന​തി​നും അവരുടെ സന്തോഷം രുചി​ച്ച​റി​യു​ന്ന​തി​നും അവരുടെ സൽപ്ര​വൃ​ത്തി​ക​ളാൽ പ്രോൽസാ​ഹി​ത​രാ​കു​ന്ന​തി​നും നിങ്ങൾ അവരോ​ടൊ​പ്പം ക്രിസ്‌തീയ സേവന​ത്തി​നു പോകാ​റു​ണ്ടോ? ഇരുപ​തു​വർഷം മുമ്പ്‌ തന്നേക്കാൾ പ്രായ​മുള്ള ഒരാൾ ആദ്യമാ​യി വയൽശു​ശൂ​ഷക്കു പോകാൻ തന്നെ ക്ഷണിച്ചത്‌ ഒരു സാക്ഷി ഇന്നും അനുസ്‌മ​രി​ക്കു​ന്നു. അത്‌ തന്റെ ജീവി​ത​ത്തി​ലെ ഒരു വഴിത്തി​രി​വാ​യി​രു​ന്നു​വെന്ന്‌ അവൾ പറയുന്നു: “ആദ്യമാ​യി ഞാൻ ഇഷ്‌ട​പ്പെ​ട്ടിട്ട്‌ പോകു​ക​യാ​യി​രു​ന്നു, എന്റെ മാതാ​പി​താ​ക്കൾ എന്നെ കൂട്ടി​ക്കൊ​ണ്ടു​പോ​യ​തു​കൊ​ണ്ടു മാത്രമല്ല.”

18. സ്‌നാ​പ​ന​ത്തിന്‌ മുമ്പോ​ട്ടു​വ​രു​ന്ന​തി​നു മുമ്പ്‌ എന്തി​നെ​യെ​ല്ലാം പററി ചിന്തി​ക്കേ​ണ്ട​തുണ്ട്‌?

¹⁸ ദൈവ​ത്തി​ന്റെ രീതി​യിൽ കാര്യങ്ങൾ ചെയ്യു​ന്ന​തിൽ നിങ്ങൾ പുരോ​ഗതി കൈവ​രി​ക്കു​ന്നു​ണ്ടെ​ങ്കിൽ താമസി​യാ​തെ നിങ്ങൾ സ്‌നാ​പ​ന​ത്തെ​പ്പ​ററി ചിന്തി​ച്ചേ​ക്കാം. സ്‌നാ​പനം നവയൗ​വ​ന​ത്തി​ലേക്കു പ്രവേ​ശി​ക്കു​മ്പോ​ഴത്തെ ഒരു ചടങ്ങല്ല എന്ന്‌ ഓർമ്മി​ക്കു​ന്നതു പ്രധാ​ന​മാണ്‌. അതു നിങ്ങൾ വളർന്നു​വ​രു​ന്നു എന്നതിന്റെ ഒരു പ്രകട​ന​മാ​യി​രി​ക്കു​ന്നില്ല, അത്‌ നിങ്ങളു​ടെ സുഹൃ​ത്തു​ക്കൾ ആ പടി സ്വീക​രി​ച്ച​തു​കൊ​ണ്ടു​മാ​ത്രം നിങ്ങൾ ചെയ്യേണ്ട ഒരു സംഗതി​യു​മല്ല. സ്‌നാ​പ​ന​മേൽക്കാ​നുള്ള ആഗ്രഹം പ്രകട​മാ​ക്കു​ന്ന​തി​നു മുമ്പ്‌ നിങ്ങൾക്ക്‌ സത്യ​ത്തെ​ക്കു​റിച്ച്‌ അടിസ്ഥാ​ന​പ​ര​മായ അറിവ്‌ ഉണ്ടായി​രി​ക്കു​ക​യും നിങ്ങൾ ദൈവ​വ​ച​ന​ത്തോ​ടു ചേർച്ച​യിൽ ജീവി​ക്കു​ക​യും ചെയ്യേ​ണ്ട​തുണ്ട്‌. ആ അറിവു മററു​ള്ള​വ​രു​മാ​യി പങ്കു​വെ​ക്കു​ന്ന​തിൽ നിങ്ങൾക്ക്‌ ന്യായ​മായ അളവി​ലുള്ള അനുഭ​വ​പ​രി​ച​യ​മു​ണ്ടാ​യി​രി​ക്കു​ക​യും അത്‌ സത്യാ​രാ​ധ​ന​യു​ടെ ഒരു സുപ്ര​ധാന ഭാഗമാ​ണെന്ന്‌ നിങ്ങൾ തിരി​ച്ച​റി​യു​ക​യും ചെയ്യേ​ണ്ട​തുണ്ട്‌. (മത്തായി 24:14; 28:19, 20) ഈ സുപ്ര​ധാന ക്രിസ്‌തീയ നടപടി സ്വീക​രി​ച്ച​ശേഷം നിങ്ങൾ ബൈബി​ളി​ന്റെ നീതി​യുള്ള ധാർമ്മിക തത്വങ്ങൾക്കു ചേർച്ച​യിൽ ജീവി​ക്കാൻ പ്രതീ​ക്ഷി​ക്ക​പ്പെ​ടു​ന്നു​വെന്ന്‌ നിങ്ങൾ അറിഞ്ഞി​രി​ക്കേ​ണ്ട​തുണ്ട്‌.b നിങ്ങൾ ഹൃദയ​ത്തിൽ നിങ്ങളു​ടെ സ്‌നേ​ഹ​വാ​നായ സ്വർഗ്ഗീയ പിതാ​വിന്‌ നിങ്ങളു​ടെ ജീവി​തത്തെ സമർപ്പി​ച്ചി​ട്ടു​ണ്ടാ​യി​രി​ക്കണം.—സങ്കീർത്തനം 40:8, 9 താരത​മ്യം​ചെ​യ്യുക.

19. ഒരു വ്യക്തി സ്‌നാ​പ​ന​മേൽക്കേ​ണ്ട​തെ​പ്പോൾ?

¹⁹ എന്തുതന്നെ സംഭവി​ച്ചാ​ലും നിങ്ങളു​ടെ ശിഷ്‌ട​ജീ​വി​ത​ത്തി​ലൊ​ക്കെ​യും നിങ്ങൾ തീർച്ച​യാ​യും ദൈവത്തെ സേവി​ക്കു​മെന്ന്‌ ഉറച്ച തീരു​മാ​നം എടുത്ത ശേഷം നിങ്ങൾ സ്വീക​രി​ക്കേണ്ട പടിയാണ്‌ സ്‌നാ​പനം. നിങ്ങൾ ദൈ​വേഷ്ടം ചെയ്യാൻവേണ്ടി യേശു​ക്രി​സ്‌തു​വി​ലൂ​ടെ പൂർണ്ണ​വും കലവറ​യി​ല്ലാ​ത്ത​തും നിരു​പാ​ധി​ക​വു​മായ സമർപ്പണം നടത്തി​യി​രി​ക്കു​ന്നു​വെ​ന്ന​തി​ന്റെ ഒരു പരസ്യ​മായ അടയാ​ള​മാണ്‌ അത്‌. ഏതാണ്ട്‌ അര നൂററാ​ണ്ടു​മുമ്പ്‌ “ഞാൻ അതു സംബന്ധിച്ച്‌ എന്തെങ്കി​ലും ചെയ്യേ​ണ്ടി​യി​രി​ക്കു​ന്നു” എന്ന്‌ താൻ തിരി​ച്ച​റിഞ്ഞ ദിവസം ഒരു ക്രിസ്‌തീയ മൂപ്പൻ ഇപ്പോ​ഴും ഓർമ്മി​ക്കു​ന്നു. ഏതാനും വർഷം മുമ്പ്‌ ഇംഗ്ലണ്ടി​ലെ ന്യൂ കാസി​ലിൽ സ്‌നാ​പ​ന​മേററ ഒരു യുവ സാക്ഷി മൈക്കിൾ പറയുന്നു: “ഞാൻ എന്റെ ജീവി​തത്തെ സമർപ്പി​ക്ക​ണ​മെ​ന്നും സ്‌നാ​പ​ന​മേൽക്ക​ണ​മെ​ന്നും 13-ാമത്തെ വയസ്സിൽ ഞാൻ തിരി​ച്ച​റി​ഞ്ഞു; ദൈവത്തെ സേവി​ക്കു​ന്ന​തി​നെ​ക്കാൾ ഞാൻ ഇഷ്ടപ്പെട്ട മററ്‌ യാതൊ​ന്നു​മി​ല്ലാ​യി​രു​ന്നു.”

20. (എ) പതിനാ​യി​ര​ക്ക​ണ​ക്കിന്‌ യുവജ​നങ്ങൾ എന്തു നല്ല ദൃഷ്ടാന്തം വച്ചിരി​ക്കു​ന്നു? (ബി) ഈ നടപടി എങ്ങനെ വീക്ഷി​ക്ക​പ്പെ​ടണം?

²⁰ ഈ അടുത്ത കാലങ്ങ​ളിൽ പതിനാ​യി​ര​ക്ക​ണ​ക്കിന്‌ യുവജ​നങ്ങൾ സ്‌നാ​പ​ന​മേ​റ​റി​ട്ടുണ്ട്‌. ദൈവ​ത്തി​ന്റെ വചനം പഠിക്കു​ക​യും അവന്റെ വഴികൾ മനസ്സി​ലാ​ക്കു​ക​യും ചെയ്‌ത​ശേഷം ജലസ്‌നാ​പ​ന​ത്തി​ലൂ​ടെ ദൈവ​ത്തോ​ടുള്ള തങ്ങളുടെ സമർപ്പണം പ്രതീ​ക​പ്പെ​ടു​ത്തു​ന്ന​തിന്‌ അവർ സന്തോ​ഷ​പൂർവം പ്രായ​മാ​യ​വ​രോ​ടു ചേർന്നു. സ്‌നാ​പനം എന്തി​ന്റെ​യെ​ങ്കി​ലും അവസാ​നമല്ല എന്നും മറിച്ച്‌ യഹോ​വ​യു​ടെ സേവന​ത്തിൽ അവർ പിൻപ​റ​റാൻ ആഗ്രഹി​ക്കുന്ന യഥാർത്ഥ ജീവി​ത​ത്തി​ന്റെ തുടക്കം മാത്ര​മാ​ണെ​ന്നും അവർക്ക​റി​യാം. (w90 8⁄1)

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ ദൈവ​വ​ച​നത്തെ സംബന്ധിച്ച അറിവ്‌ വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

◻ ക്രിസ്‌തീ​യ​യോ​ഗ​ങ്ങ​ളിൽ നിന്ന്‌ നിങ്ങൾക്ക്‌ എങ്ങനെ കൂടുതൽ പ്രയോ​ജനം നേടാം?

◻ ദൈവ​ത്തിൽനി​ന്നുള്ള എന്ത്‌ അനു​ഗ്ര​ഹങ്ങൾ അവനെ അനുസ​രി​ക്കാൻ നമ്മെ പ്രേരി​പ്പി​ക്കണം?

◻ ദൈവി​ക​സേ​വ​ന​ത്തിൽ നിങ്ങൾക്ക്‌ എങ്ങനെ പുരോ​ഗ​മി​ക്കാൻ കഴിയും?

◻ ഒരുവൻ സ്‌നാ​പ​ന​മേൽക്കേ​ണ്ടത്‌ എപ്പോൾ?