വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

നിങ്ങൾ ഋതുക്കളിൽനിന്ന്‌ പഠിക്കു​മോ?

യഹോവ ഒരിക്കൽ ഇപ്രകാ​രം പറഞ്ഞു: ‘ഭൂമി തുടരുന്ന നാളു​ക​ളി​ലെ​ല്ലാം വിത്തു​വി​ത​ക്ക​ലും കൊയ്‌ത്തും വേനലും വർഷവും ഒരിക്ക​ലും നിന്നു​പോ​ക​യില്ല.’ (ഉൽപ്പത്തി 8:22) അവൻ അപ്രകാ​രം കാർഷികഋതുക്കളെ ഊന്നി​പ്പ​റഞ്ഞു.

നിങ്ങൾക്ക്‌ ഋതുക്കളെയും അവക്ക്‌ കൃഷി​യോ​ടുള്ള ബന്ധത്തെ​യും സംബന്ധിച്ച്‌ എന്ത്‌ അറിയാം? നിങ്ങൾ ഒരു നഗരത്തിൽ താമസി​ക്ക​യൊ അല്ലെങ്കിൽ ഒട്ടും​തന്നെ കൃഷി​ചെ​യ്യാ​തി​രി​ക്ക​യൊ ചെയ്‌താ​ലും നിങ്ങൾ ഇസ്രാ​യേ​ലി​ലെ ഋതുക്കളെയും കൃഷി​പ്പ​ണി​ക​ളെ​യും സംബന്ധിച്ച്‌ പഠിക്കണം. എന്തു​കൊണ്ട്‌? എന്തു​കൊ​ണ്ടെ​ന്നാൽ നിങ്ങൾ അതുസം​ബ​ന്ധിച്ച്‌ എത്രയ​ധി​കം പഠിക്കു​ന്നു​വോ അത്രയ​ധി​കം മെച്ചമാ​യി ദൈവ​ത്തി​ന്റെ വചനം മനസ്സി​ലാ​ക്കും.

കൃഷി​ക്കാർ നിലം ഉഴുന്നു, വിത്തു​വി​ത​ക്കു​ന്നു, പിന്നീട്‌ തങ്ങളുടെ വിളവ്‌ കൊയ്യു​ക​യും മെതി​ക്കു​ക​യും ചെയ്യുന്നു. എന്നാൽ ബൈബിൾ പറയു​ന്നത്‌ കൂടുതൽ വ്യക്തമാ​യി ഗ്രഹി​ക്കു​ന്ന​തിന്‌ നാം ആ പ്രവർത്ത​നങ്ങൾ എപ്പോൾ നടക്കുന്നു എന്നതുൾപ്പെടെ കൂടു​ത​ലാ​യി മനസ്സി​ലാ​ക്കണം. ദൃഷ്ടാ​ന്ത​മാ​യി, മുകളിൽ പുരാതന യഹൂദ്യ​യാ​യി​രു​ന്നി​ടത്ത്‌ തട്ടുക​ളാ​യി തിരിച്ച ഭൂമി​യിൽ ചെയ്യു​ന്ന​താ​യി കാണു​ന്ന​തു​പോ​ലുള്ള ഉഴവ്‌ എടുക്കുകa ഈ ചിത്രം ഏതു മാസത്തിൽ എടുത്ത​താ​ണെ​ന്നാണ്‌ നിങ്ങൾ കരുതു​ന്നത്‌? നിങ്ങളു​ടെ ദേശത്ത്‌ ഉഴവു നടക്കുന്ന കാലം അറിയു​ന്നത്‌ നിങ്ങളെ വഴി​തെ​റ​റി​ച്ചേ​ക്കാം. ഉത്തരാർദ്ധ​ഗോ​ള​ത്തിൽ ഉഴുന്ന​തി​നുള്ള കാലം​ത​ന്നെയല്ല ദക്ഷിണാർദ്ധ​ഗോ​ള​ത്തി​ലേത്‌: അത്‌ വിവിധ ഉയരങ്ങ​ളി​ലും മഴക്കാ​ല​ത്തി​ന​നു​സ​ര​ണ​മാ​യും വ്യത്യാ​സ​പ്പെ​ടു​ന്നു.

ഇത്‌ നിങ്ങൾ ബൈബിൾസം​ഭ​വ​ങ്ങളെ വീക്ഷി​ക്കുന്ന വിധത്തെ ബാധി​ക്കു​ന്നു. നിങ്ങൾ ഏലിയാ​വു തന്റെ പിൻഗാ​മി​യെ നിയമി​ക്കു​ന്ന​താ​യി ഇപ്രകാ​രം വായി​ച്ചേ​ക്കാം: “അവൻ . . . ശാഫാ​ത്തി​ന്റെ മകനായ എലീശാ പന്ത്രണ്ട്‌ ഏർ കാളകളെ പൂട്ടി ഉഴുവി​ച്ചു​കൊ​ണ്ടി​രുന്ന സ്ഥലത്തു​വെച്ച്‌ അവനെ കണ്ടെത്തി.” (1 രാജാ​ക്കൻമാർ 19:19) അത്‌ ഏതു മാസം നടന്നതാ​യാണ്‌ നിങ്ങൾ വിചാ​രി​ക്കു​ന്നത്‌, ദേശം എങ്ങനെ കാണ​പ്പെ​ട്ടി​രി​ക്കണം? കൂടാതെ യോഹ​ന്നാൻ 4:35-ൽ യേശു ഇപ്രകാ​രം പറഞ്ഞു: “കൊയ്‌ത്തു​വ​രു​ന്ന​തി​നു മുമ്പ്‌ നാലു മാസം​കൂ​ടി​യു​ണ്ടെന്ന്‌ നിങ്ങൾ പറയു​ന്നി​ല്ലേ? . . . നിങ്ങളു​ടെ കണ്ണുകൾ ഉയർത്തി വയലു​കളെ നിരീ​ക്ഷി​ക്കുക, അവ കൊയ്‌തി​നു വെളു​ത്തി​രി​ക്കു​ന്നതു കാണുക.” അവൻ ഒരു സമയം പരാമർശി​ച്ചെ​ങ്കി​ലും എപ്പോ​ഴെന്നു നിങ്ങൾക്കു മനസ്സി​ലാ​കു​ന്നു​ണ്ടോ?

ചാർട്ട്‌ വാഗ്‌ദ​ത്ത​നാ​ട്ടി​ലെ ഋതുക്കളുടെയും കൃഷി​പ്പ​ണി​ക​ളു​ടെ​യും ഒരു നല്ല സംക്ഷി​പ്‌തം പ്രദാനം ചെയ്യുന്നു. പുറത്തെ വളയത്തിൽ യഹൂദൻമാ​രു​ടെ മതപര​മായ പഞ്ചാം​ഗ​ത്തി​ലെ മാസങ്ങൾ കൊടു​ക്കു​ന്നു.b ഇവയെ നമ്മുടെ മാസങ്ങ​ളോ​ടു താരത​മ്യ​പ്പെ​ടു​ത്തു​മ്പോൾ നിങ്ങൾ നീസാൻ (അല്ലെങ്കിൽ ആബീബ്‌) മാർച്ചി​ന്റെ അവസാ​ന​ഭാ​ഗ​ത്തേ​ക്കും ഏപ്രി​ലി​ന്റെ ആദ്യഭാ​ഗ​ത്തേ​ക്കും കയറി​ക്കി​ട​ക്കു​ന്ന​തു​പോ​ലുള്ള സ്ഥിതി​വി​ശേഷം ശ്രദ്ധി​ക്കും. കേന്ദ്ര​ത്തോ​ട​ടുത്ത അടുത്ത ഭാഗം വിളകൾ പാകമാ​കു​ന്ന​തെ​പ്പോ​ഴെന്ന്‌ കാണി​ക്കു​ന്നു, അത്‌ കൊയ്‌ത്തും മെതി​യും​പോ​ലുള്ള ചില കൃഷി​പ്പ​ണി​കൾ നടക്കു​ന്ന​തെ​പ്പോ​ഴെന്ന്‌ തിരി​ച്ച​റി​യാൻ നിങ്ങളെ സഹായി​ക്കു​ന്നു. ചാർട്ടി​ന്റെ കേന്ദ്ര​ഭാ​ഗം ആണ്ടിലെ കാലാ​വ​സ്ഥാ​മാ​റ​റ​ങ്ങളെ താരത​മ്യ​പ്പെ​ടു​ത്താൻ നിങ്ങളെ അനുവ​ദി​ക്കു​ന്നു.

നേരത്തെ പരാമർശിച്ച രണ്ടു ദൃഷ്ടാ​ന്ത​ങ്ങ​ളി​ലേ​തു​പോ​ലുള്ള ബൈബിൾവി​വ​ര​ണ​ങ്ങ​ളു​ടെ ഗ്രാഹ്യ​വും വിലമ​തി​പ്പും അഗാധ​മാ​ക്കു​ന്ന​തിന്‌ ചാർട്ട്‌ ഉപയോ​ഗി​ക്കുക.

എലീശ ഒരു പ്രവാ​ച​ക​നാ​യി വിളി​ക്ക​പ്പെ​ട്ട​പ്പോൾ അവൻ ഒരു വലിയ ഉഴവു​വേ​ല​യിൽ പങ്കെടു​ത്തു​കൊ​ണ്ടി​രി​ക്ക​യാ​യി​രു​ന്നു. അത്‌ കാലം വേനലി​ന്റെ അമിത ചൂടു കഴിഞ്ഞ തിസ്രി​യിൽ (സെപ്‌റ​റം​ബർ, ഒക്‌ടോ​ബർ) എത്തിക്കു​ന്നു. ഉഴവും തുടർന്ന്‌ വിതയും സാധ്യ​മാ​ക്കി​ത്തീർക്ക​ത്ത​ക്ക​വണ്ണം മണ്ണിനെ മയപ്പെ​ടു​ത്തുന്ന പ്രാരം​ഭമഴ തുടങ്ങി​ക്ക​ഴി​ഞ്ഞി​രു​ന്നു.

യേശു യോഹ​ന്നാൻ 4:35-ലെ വാക്കുകൾ എപ്പോ​ഴാണ്‌ പറഞ്ഞത്‌? കൊയ്‌ത്ത്‌ നാലു​മാ​സം കഴിഞ്ഞാണ്‌. ബാർലി​കൊ​യ്‌ത്ത്‌ പെസഹാ​കാ​ല​ത്തോ​ട​ടുത്ത്‌ നീസാൻ മാസത്തിൽ (മാർച്ച്‌-ഏപ്രിൽ) ആരംഭി​ച്ചി​രു​ന്നു​വെന്ന്‌ ശ്രദ്ധി​ക്കുക. നാലു​മാ​സം പിറ​കോ​ട്ടു എണ്ണുക. അതു നിങ്ങളെ കിസേ​വ്‌ള്‌ (നവംബർ-ഡിസംബർ)-ൽ എത്തിക്കു​ന്നു. മഴ വർദ്ധി​ക്കു​ന്നു, ശക്തമായ മഴയും തണു​പ്പേ​റിയ കാലാ​വ​സ്ഥ​യും വരാനി​രു​ന്നു. അതു​കൊണ്ട്‌ യേശു, “നിങ്ങളു​ടെ കണ്ണുകൾ ഉയർത്തി വയലു​കളെ നിരീ​ക്ഷി​ക്കുക, അവ കൊയ്‌തി​നു വെളു​ത്തി​രി​ക്കു​ന്നതു കാണുക” എന്നു പറഞ്ഞ​പ്പോൾ അവൻ വ്യക്തമാ​യും ഒരു ആലങ്കാ​രി​ക​കൊ​യ്‌ത്തി​നെ​യാ​യി​രു​ന്നു അർത്ഥമാ​ക്കി​യത്‌.

താഴെ​ക്കൊ​ടു​ക്കുന്ന ചോദ്യ​ങ്ങൾ നിങ്ങളു​ടെ വ്യക്തി​പ​ര​മായ പഠനത്തി​നോ നിങ്ങളു​ടെ കുടും​ബ​വു​മൊ​ത്തുള്ള ഉല്ലാസ​ക​ര​മായ പഠനസ​മ​യത്ത്‌ ഉപയോ​ഗി​ക്കു​ന്ന​തി​നോ വേണ്ടി​യു​ള്ള​താണ്‌:

▪ യെരി​ഹോ​ക്കു ചുററും ചണക്കൊ​യ്‌ത്ത്‌ ആദാർമാ​സ​ത്തി​ലാ​യി​രു​ന്നു; അതു​കൊണ്ട്‌ യോശുവ 2:6-ലെയും യോശുവ 3:15-ലെയും വിശദാം​ശങ്ങൾ ബൈബി​ളി​ന്റെ കൃത്യ​തയെ ദൃഢീ​ക​രി​ക്കു​ന്ന​തെ​ങ്ങനെ?—യോശുവ 4:19; 5:11.

▪ മെതി ധാന്യ​കൊ​യ്‌ത്തി​നെ തുടർന്നാ​യി​രു​ന്നു, അതു​കൊണ്ട്‌ ലേവ്യർ 26:5-ലെ വാഗ്‌ദത്തം സമ്പൽസ​മൃ​ദ്ധി​യെ എങ്ങനെ ചിത്രീ​ക​രി​ക്കു​ന്നു?

▪ 2 ശമുവേൽ 21:10 ദൈവ​ത്തി​ന്റെ ജനത്തിൽനിന്ന്‌ രക്തപാ​തകം നീക്കു​ന്ന​തി​നു​വേണ്ടി കൊല്ല​പ്പെ​ടാൻ അനുവ​ദിച്ച തന്റെ രണ്ടു മക്കൾക്കു​വേണ്ടി രിസ്‌പാ ദീർഘ​മാ​യി ജാഗ്ര​ത​പു​ലർത്തി​യി​രി​ക്കാ​മെന്ന്‌ സൂചി​പ്പി​ക്കു​ന്ന​തെ​ങ്ങനെ?

▪ ഒന്നു ശമുവേൽ 12:17-ൽ പരാമർശി​ച്ചി​രി​ക്കുന്ന ഇടിനാ​ദ​ങ്ങ​ളും മഴയും ഒരു ദിവ്യ പ്രതി​ക​ര​ണ​മാ​യി കണക്കാ​ക്ക​പ്പെ​ടു​ന്ന​തെ​ന്തു​കൊണ്ട്‌?—സദൃശ​വാ​ക്യ​ങ്ങൾ 26:1.

▪ തന്നോ​ടുള്ള ബോവ​സി​ന്റെ പെരു​മാ​ററം കേവലം നൈമി​ഷി​ക​മായ ഒരു പ്രതി​ക​ര​ണ​മ​ല്ലാ​യി​രു​ന്നു​വെന്ന്‌ നിഗമനം ചെയ്യാൻ രൂത്തിന്‌ എന്തു കാരണ​മു​ണ്ടാ​യി​രു​ന്നു?—രൂത്ത്‌ 1:22; 2:23.

ബൈബിൾ വായി​ക്കു​മ്പോൾ ഈ ചാർട്ട്‌ കൈ​യെ​ത്തു​ന്നി​ടത്ത്‌ എന്തു​കൊണ്ട്‌ സൂക്ഷി​ച്ചു​കൂ​ടാ? (w90 9⁄1)

കിസേവ്‌ള്‌ നീസാൻ

25 സമർപ്പണ ഉത്സവം 14 പെസഹാ 15-21 പുളി​പ്പി​ല്ലാത്ത അപ്പം 16 ആദ്യഫ​ല​ങ്ങ​ളു​ടെ അർപ്പണം

ഇയ്യാർ ആദാർ

14 നിർദ്ദി​ഷ്ട​സ​മയം കഴിഞ്ഞുള്ള പെസഹ 14, 15 പൂരീം (സംഖ്യാ​പു​സ്‌തകം 9:10-13)

സിവാൻ തിസ്രി

6 വാരോ​ത്സവം 1 കാഹള​ധ്വ​നി (പെന്തെ​ക്കൊ​സ്‌ത്‌) 10 പാപപ​രി​ഹാ​ര​ദി​വസം 15-21 കൂടാ​ര​പ്പെ​രു​നാൾ 22 വിശുദ്ധ സമ്മേളനം

[അടിക്കു​റി​പ്പു​കൾ]

[19-ാം പേജിലെ രേഖാ​ചി​ത്രം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

നീസാൻ (ആബീബ്‌

മാർച്ച്‌-ഏപ്രിൽ

ബാർലി

ഇയ്യാർ (സീവ്‌)

ഏപ്രിൽ-മേയ്‌

ഗോതമ്പ്‌

സിവാൻ

മേയ്‌-ജൂൺ

ആദ്യകാല അത്തി

തമ്മൂസ്‌

ജൂൺ-ജൂലൈ

ആദ്യ മുന്തി​രി​പ്പ​ഴ​ങ്ങൾ

ആബ്‌

ജൂലൈ-ഓഗസ്റ്റ്‌

ഗ്രീഷ്‌മ​കാ​ല​പ​ഴങ്ങൾ

ഏലൂൾ

ഓഗസ്റ്റ്‌-സെപ്‌റ്റം​ബർ

ഈത്ത്‌പ്പഴം, മുന്തിരി, അത്തിപ്പഴം

തിസ്രി (എഥാനീം)

സെപ്‌റ്റം​ബർ-ഒക്ടോബർ

ഉഴവ്‌

ഹെശ്‌വാൻ(ബൂൽ)

ഒക്ടോബർ-നവംബർ

ഒലിവു​കൾ

കിസ്ലേവ്‌

നവംബർ-ഡിസംബർ

ആടുക​ളു​ടെ ശീതകാ​ല​സം​ര​ക്ഷണം

തെബെത്ത്‌

ഡിസംബർ-ജനുവരി

സസ്യങ്ങൾ വളരുന്നു

ശെബാത്ത്‌

ജനുവരി-ഫെബ്രു​വ​രി

ബദാം പൂക്കുന്നു

ആദാർ

ഫെബ്രു​വരി-മാർച്ച്‌

നാരകങ്ങൾ

വീദാർ

മാർച്ച്‌

[18-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[19-ാം പേജിലെ ചിത്ര​ത്തിന്‌ കടപ്പാട്‌]

Garo Nalbandian

Pictorial Archive (Near Eastern History) Est.