ഐക്യം സുനി​ശ്ചി​തം ക്രിസ്‌തു​വി​ലൂ​ടെ

എഫേസ്യരിൽ നിന്നുള്ള വിശേ​ഷാ​ശ​യ​ങ്ങൾ

അപ്പോ​സ്‌ത​ല​നായ പൗലോസ്‌ ക്രി.വ. 52-ന്റെ പ്രാരം​ഭ​ത്തിൽതന്നെ എഫേസൂ​സിൽ പ്രസം​ഗി​ച്ചു. ഏഷ്യാ​മൈ​ന​റി​ലെ ഈ സമ്പന്ന വ്യാപാര നഗരം വ്യാജ​മ​ത​ത്തി​ന്റെ ഒരു കേന്ദ്ര​വും​കൂ​ടി​യാ​യി​രു​ന്നു. എന്നാൽ സാധ്യ​ത​യ​നു​സ​രിച്ച്‌ ക്രി.വ. 52⁄53-ലെ ശീതകാ​ലത്ത്‌ പൗലോസ്‌ എഫേസൂ​സി​ലേക്കു മടങ്ങി​വ​ന്ന​ശേഷം അവിടെ ക്രിസ്‌ത്യാ​നി​ത്വം തഴച്ചു​വ​ളർന്നു. അവൻ ഒരു സ്‌കൂൾ ഓഡി​റേ​റാ​റി​യ​ത്തിൽ ദിവസേന പ്രസം​ഗി​ക്കു​ക​യും ഏകദേശം മൂന്നു​വർഷത്തെ തന്റെ താമസ​ക്കാ​ലത്ത്‌ വീടു​തോ​റും സാക്ഷീ​ക​രി​ക്കു​ക​യും ചെയ്‌തു.—പ്രവൃ​ത്തി​കൾ 19:8-10; 20:20, 21, 31.

ക്രി.വ. ഏതാണ്ട്‌ 60-61-ൽ റോമിൽ തടവിൽ കിടന്ന​പ്പോ​ഴാണ്‌ പൗലോസ്‌ എഫേസ്യ​ക്രി​സ്‌ത്യാ​നി​കൾക്കെ​ഴു​തി​യത്‌. യേശു​ക്രി​സ്‌തു​വു​മാ​യും യേശു​ക്രി​സ്‌തു​വി​ലൂ​ടെ​യു​മുള്ള ഐക്യം എന്നതാണ്‌ അവന്റെ ലേഖന​ത്തി​ന്റെ വിഷയം. യഥാർത്ഥ​ത്തിൽ ‘ക്രിസ്‌തു​വി​നോ​ടുള്ള ഐക്യ’ത്തിന്റെ 13 പരാമർശ​നങ്ങൾ അതിൽ അടങ്ങി​യി​ട്ടുണ്ട്‌, പൗലോസ്‌ എഴുതിയ മററ്‌ ഏതു ലേഖന​ത്തി​ലേ​തി​ലു​മ​ധി​കം. എഫേസ്യ​രെ​പ്പോ​ലെ ദുർമ്മാർഗ്ഗം ഒഴിവാ​ക്കി​ക്കൊ​ണ്ടും ദുഷ്ടാ​ത്മ​സേ​ന​കളെ ചെറു​ത്തു​നി​ന്നു​കൊ​ണ്ടും നമുക്കും ക്രിസ്‌തു​വി​ന്റെ റോളി​നെ​ക്കു​റി​ച്ചുള്ള പൗലോ​സി​ന്റെ വാക്കു​ക​ളിൽനിന്ന്‌ പ്രയോ​ജ​ന​മ​നു​ഭ​വി​ക്കാൻ കഴിയും.

ഐക്യം ദൈ​വോ​ദ്ദേ​ശ്യം

ഒന്നാമ​താ​യി ദൈവം ക്രിസ്‌തു മുഖാ​ന്തരം എങ്ങനെ ഐക്യം കൈവ​രു​ത്തു​മെന്ന്‌ പൗലോസ്‌ വിശദീ​ക​രി​ച്ചു. (എഫേസ്യർ 1:1-23) യഹോവ “ഒരു ഭരണനിർവ​ഹണം” (കാര്യങ്ങൾ നടത്തുന്ന രീതി) മുഖേന സ്വർഗ്ഗ​ത്തി​ലെ​യും ഭൂമി​യി​ലെ​യും സകല​രേ​യും വീണ്ടും കൂട്ടി​ച്ചേർക്കാൻ ഉദ്ദേശി​ച്ചു. ദൈവം സ്വർഗ്ഗീ​യ​ജീ​വ​നി​ലേക്ക്‌ തിര​ഞ്ഞെ​ടു​ക്ക​പ്പെ​ട്ട​വ​രേ​യും ഭൂമി​യിൽ ജീവി​ക്കാ​നുള്ള മററു​ള്ള​വ​രേ​യും ക്രിസ്‌തു മുഖേന തന്നോ​ടു​തന്നെ ഏകീഭ​വി​പ്പി​ക്കും. ഇന്ന്‌ ദൈവം അഭിഷി​ക്ത​രേ​യും ഒരു “മഹാപു​രു​ഷാര”ത്തേയും ഏകീഭ​വി​പ്പി​ച്ചി​രി​ക്കു​ന്നു, ‘ഭൂമി​യി​ലെ സകല അസ്‌തി​ത്വ​ങ്ങ​ളു​ടെ​യും കൂട്ടി​ച്ചേർക്കൽ’ സ്‌മാ​ര​ക​ക്ക​ല്ല​റ​ക​ളി​ലു​ള്ളവർ യേശു​വി​ന്റെ ശബ്ദം കേട്ട്‌ പുറത്തു​വ​രു​ന്ന​തു​വരെ തുടരു​ന്ന​താ​യി​രി​ക്കും. (വെളി​പ്പാട്‌ 7:9; യോഹ​ന്നാൻ 5:28, 29) ഇതിനു നാം നന്ദിയു​ള്ള​വ​രാ​യി​രി​ക്കണം, എഫേസ്യർ തങ്ങൾക്കു​വേ​ണ്ടി​യുള്ള ദൈവ​ത്തി​ന്റെ കരുത​ലി​നെ വിലമ​തി​ക്കാൻ പൗലോസ്‌ പ്രാർത്ഥി​ച്ച​തു​പോ​ലെ​തന്നെ.

അടുത്ത​താ​യി ഒരിക്കൽ പാപത്തിൽ മരിച്ച​വ​രാ​യി​രുന്ന പുറജാ​തി​ക്രി​സ്‌ത്യാ​നി​ക​ളി​ലേക്ക്‌ ശ്രദ്ധ തിരി​ച്ചു​വി​ട​പ്പെട്ടു. (2:1–3:21) ക്രിസ്‌തു മുഖാ​ന്തരം ന്യായ​പ്ര​മാ​ണം നീക്ക​പ്പെ​ടു​ക​യും യഹൂദൻമാ​രും വിജാ​തീ​യ​രും ഐക്യ​പ്പെട്ട്‌ ദൈവ​ത്തിന്‌ ആത്മാവി​നാൽ വസിക്കാ​നുള്ള ഒരു ആലയമാ​യി​ത്തീ​രു​ന്ന​തി​നുള്ള അടിസ്ഥാ​നം ഇടപ്പെ​ടു​ക​യും ചെയ്‌തു. വിജാ​തീ​യർക്ക്‌ സംസാ​ര​സ്വാ​ത​ന്ത്ര്യ​ത്തോ​ടെ ആരിലൂ​ടെ ദൈവത്തെ സമീപി​ക്കാൻ കഴിയു​മോ ആ ക്രിസ്‌തു​വി​നോ​ടുള്ള ഐക്യ​ത്തി​ലേക്ക്‌ അവർക്ക്‌ വരാവു​ന്ന​താ​ണെ​ന്നുള്ള പാവന​ര​ഹ​സ്യം പ്രസി​ദ്ധ​മാ​ക്കു​ക​യെ​ന്ന​താ​യി​രു​ന്നു പൗലോ​സി​ന്റെ ഗൃഹവി​ചാ​ര​ക​ധർമ്മം. പൗലോസ്‌ വീണ്ടും എഫേസ്യർക്കു​വേണ്ടി പ്രാർത്ഥി​ച്ചു, അവർ വിശ്വാ​സ​ത്താ​ലും സ്‌നേ​ഹ​ത്താ​ലും ദൃഢമാ​യി ഉറപ്പി​ക്ക​പ്പെ​ടാൻ യഹോവ ഇടയാ​ക്കട്ടെ എന്നായി​രു​ന്നു ഈ പ്രാവ​ശ്യ​ത്തെ അപേക്ഷ.

ഐക്യത്തെ പ്രോ​ത്സാ​ഹി​പ്പി​ക്കുന്ന ഘടകങ്ങൾ

ദൈവം ഏകീക​രി​ക്കുന്ന ഘടകങ്ങൾ നൽകി​യി​ട്ടു​ണ്ടെന്ന്‌ പൗലോസ്‌ പ്രകട​മാ​ക്കി. (4:1-16) ഇവയിൽ ഉൾപ്പെ​ടു​ന്ന​താണ്‌ സഭയാ​കുന്ന ഏക ആത്മീയ ശരീരം. ഈ ശരീരം ക്രിസ്‌തു​വി​ന്റെ ശിരഃ​സ്ഥാ​ന​ത്തിൻകീ​ഴിൽ ഐക്യ​ത്തിൽ പ്രവർത്തി​ക്കു​ന്നു. വിശ്വാ​സ​ത്തിൽ എല്ലാവ​രു​ടേ​യും ഏകതക്ക്‌ സഹായി​ക്കാൻ അവൻ മനുഷ്യ​രാം ദാനങ്ങളെ പ്രദാനം ചെയ്യുന്നു.

യഹോവ ഐക്യ​ത്തി​നു പ്രോ​ത്സാ​ഹി​പ്പി​ക്കുന്ന ക്രിസ്‌തീ​യ​ഗു​ണങ്ങൾ പ്രകട​മാ​ക്കു​ന്ന​തും സാധ്യ​മാ​ക്കു​ന്നു. (4:17–6:9) “പുതിയ വ്യക്തി​ത്വം” ധരിച്ചി​രി​ക്കു​ന്ന​തി​നാൽ ക്രിസ്‌ത്യാ​നി​കൾ അസാൻമാർഗ്ഗിക സംസാരം പോ​ലെ​യുള്ള അഭക്തി ഒഴിവാ​ക്കു​ന്നു. അവർ ജ്ഞാനപൂർവം നടക്കു​ക​യും ക്രിസ്‌തു​വി​നെ ബഹുമാ​നി​ക്കു​ക​യും ഉചിത​മായ കീഴ്‌പ്പെടൽ പ്രകട​മാ​ക്കു​ക​യും ചെയ്യുന്നു.

കൂടാതെ, നമ്മുടെ ഐക്യത്തെ താറു​മാ​റാ​ക്കാൻ ശ്രമി​ക്കുന്ന ദുഷ്ടാ​ത്മ​സേ​ന​കളെ ചെറു​ത്തു​നിൽക്കാൻ ദൈവം ക്രിസ്‌ത്യാ​നി​കളെ പ്രാപ്‌ത​രാ​ക്കു​ന്നു. (6:10-24) ദൈവ​ത്തിൽനി​ന്നുള്ള ആത്മീയ ആയുധ​വർഗ്ഗ​മാണ്‌ അങ്ങനെ​യുള്ള സംരക്ഷണം നൽകു​ന്നത്‌. അതു​കൊണ്ട്‌ നമ്മുടെ അപേക്ഷ​ക​ളിൽ സഹവി​ശ്വാ​സി​കളെ ഉൾപ്പെ​ടു​ത്തി​ക്കൊണ്ട്‌ നമുക്ക്‌ അതുപ​യോ​ഗി​ക്കു​ക​യും ആത്മാർത്ഥ​മാ​യി പ്രാർത്ഥി​ക്കു​ക​യും ചെയ്യാം.

എത്ര നല്ല ബുദ്ധി​യു​പ​ദേ​ശ​മാണ്‌ പൗലോസ്‌ എഫേസ്യർക്ക്‌ കൊടു​ത്തത്‌! ദുർമ്മാർഗ്ഗം ഒഴിവാ​ക്കി​ക്കൊ​ണ്ടും ദുഷ്ടാ​ത്മ​സേ​ന​കളെ ചെറു​ത്തു​നി​ന്നു​കൊ​ണ്ടും നമുക്ക്‌ അത്‌ അനുസ​രി​ക്കാം. നമുക്ക്‌ യേശു​ക്രി​സ്‌തു​വി​ലൂ​ടെ നാം ആസ്വദി​ക്കുന്ന ഐക്യത്തെ അഗാധ​മാ​യി വിലമ​തി​ക്കാം. (w90 11/15)

[31-ാം പേജിലെ ചതുരം/ചിത്രം]

തീയമ്പുകൾ: ആത്മീയ ആയുധ​വർഗ്ഗ​ത്തിൽ സാത്താന്റെ “തീയമ്പു​കളെ” തടുക്കാൻ അഥവാ നിരു​പ​ദ്ര​വ​ക​ര​മാ​ക്കാൻ ഉപയോ​ഗി​ക്കേണ്ട “വിശ്വാ​സ​മെന്ന വലിയ പരിച” ഉൾപ്പെ​ടു​ന്നു. (എഫേസ്യർ 6:16) റോമാ​ക്കാർ ഉപയോ​ഗി​ച്ചി​രുന്ന ചില അമ്പുകൾ കത്തുന്ന നാഫ്‌ത്താ നിറച്ചി​രുന്ന ഒരു ഇരിമ്പു​താ​ലം മുനയു​ടെ കീഴെ വെച്ചി​രുന്ന പൊള്ള​യായ ഈറൽ ആയിരു​ന്നു. തീ കെട്ടു​പോ​കു​ന്നത്‌ ഒഴിവാ​ക്കാൻ അയഞ്ഞ വില്ലു​ക​ളിൽനി​ന്നാണ്‌ അവ പായി​ക്ക​പ്പെ​ട്ടത്‌. അവ വെള്ളത്തിൽ മുക്കു​ന്നത്‌ ജ്വാല​യു​ടെ തീവ്രത വർദ്ധി​പ്പി​ക്കുക മാത്രമേ ചെയ്‌തു​ള്ളു. എന്നാൽ വലിയ പരിചകൾ അങ്ങനെ​യുള്ള അമ്പുക​ളിൽ നിന്ന്‌ പടയാ​ളി​കളെ സംരക്ഷി​ച്ചു, യഹോ​വ​യി​ലുള്ള വിശ്വാ​സം “ദുഷ്ടന്റെ സകല തീയമ്പു​ക​ളേ​യും കെടു​ത്താൻ” അവന്റെ ദാസൻമാ​രെ പ്രാപ്‌ത​രാ​ക്കു​ന്നു​ണ്ട​ല്ലോ. അതെ, വിശ്വാ​സം ദുഷ്ടാ​ത്മാ​ക്ക​ളു​ടെ ആക്രമ​ണ​ങ്ങ​ളും തെററു ചെയ്യാ​നും ഒരു ധനാസക്ത ജീവി​ത​രീ​തി പിന്തു​ട​രാ​നും ഭയത്തി​നും സംശയ​ത്തി​നും വഴങ്ങാ​നു​മുള്ള പ്രലോ​ഭ​ന​ങ്ങ​ളും പോ​ലെ​യുള്ള കാര്യ​ങ്ങളെ ചെറുത്തു നിൽക്കാൻ നമ്മെ സഹായി​ക്കു​ന്നു.