“കേൾക്കുന്ന ഏവനും: ‘വരിക!’ എന്നു പറയട്ടെ”

“ആത്മാവും മണവാ​ട്ടി​യും “വരിക!” എന്നു പറഞ്ഞു​കൊ​ണ്ടി​രി​ക്കു​ന്നു. കേൾക്കുന്ന ഏവനും ‘വരിക!’ എന്നു പറയട്ടെ. ദാഹി​ക്കുന്ന ഏവനും വരട്ടെ; ഇച്ഛിക്കുന്ന ഏവനും ജീവജലം സൗജന്യ​മാ​യി സ്വീക​രി​ക്കട്ടെ.”—വെളി​പ്പാട്‌ 22:17.

വരുംവർഷത്തിലുടനീളം ലോക​വ്യാ​പ​ക​മാ​യി 200ൽപരം രാജ്യ​ങ്ങ​ളി​ലുള്ള യഹോ​വ​യു​ടെ സാക്ഷികൾ “കേൾക്കുന്ന ഏവനും ‘വരിക!’ എന്നു പറയട്ടെ” എന്ന 1991-ലെ തങ്ങളുടെ വാർഷി​ക​വാ​ക്യ​ത്തിന്‌ അനു​യോ​ജ്യ​മാ​യി തങ്ങളേ​ത്തന്നെ പ്രവർത്ത​ന​നി​ര​ത​രാ​ക്കു​ന്ന​താ​യി​രി​ക്കും.

1. നാം ഏതു “വെള്ള”ത്തിങ്ക​ലേക്കു “വരാൻ” ക്ഷണിക്ക​പ്പെ​ടു​ന്നു?

“വരിക!” നിങ്ങൾ ക്ഷണിക്ക​പ്പെ​ട്ടി​രി​ക്കു​ന്നു. എന്തിനു​വേണ്ടി വരാൻ? വെള്ളം കുടിച്ചു നിങ്ങളു​ടെ ദാഹം ശമിപ്പി​ക്കാൻ. ഇത്‌ സാധാരണ വെള്ളമല്ല, പിന്നെ​യോ കിണറ​റി​ങ്കൽ നിന്ന ശമര്യ​സ്‌ത്രീ​യോട്‌ “ഞാൻ കൊടു​ക്കുന്ന വെള്ളം കുടി​ക്കുന്ന ഏവനും ഒരിക്ക​ലും അശേഷം ദാഹി​ക്കു​ക​യില്ല, എന്നാൽ ഞാൻ അവനു കൊടു​ക്കുന്ന വെള്ളം അവനിൽ നിത്യ​ജീ​വൻ പ്രദാ​നം​ചെ​യ്യാൻ കുമി​ളി​ച്ചു​പൊ​ങ്ങുന്ന നീരു​റ​വ​യാ​യി​ത്തീ​രും” എന്നു പറഞ്ഞ​പ്പോൾ യേശു​ക്രി​സ്‌തു പ്രസ്‌താ​വിച്ച അതേ വെള്ളമാണ്‌. (യോഹ​ന്നാൻ 4:14) യേശു​വിന്‌ ഈ “വെള്ളം” എവി​ടെ​നി​ന്നാണ്‌ ലഭിച്ചത്‌?

2. ഈ “വെള്ള”ത്തിന്റെ ഉറവ്‌ ഏതാണ്‌, ഏതു സംഭവ​ത്തി​നു​ശേഷം മാത്രമേ അതിനു പ്രവഹി​ക്കാൻ കഴിയു​മാ​യി​രു​ന്നു​ള്ളു?

² ഈ വെള്ളത്തി​ന്റെ ഉത്ഭവസ്ഥാ​നം ദർശന​ത്തിൽ കാണാ​നുള്ള പദവി അപ്പോ​സ്‌ത​ല​നായ യോഹ​ന്നാ​നു ലഭിച്ചു. അവൻ വെളി​പ്പാട്‌ 22:1-ൽ കുറി​ക്കൊ​ണ്ട​പ്ര​കാ​രം “ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സ​ന​ത്തിൽനിന്ന്‌ പ്രവഹി​ക്കുന്ന പളുങ്കു​പോ​ലെ തെളിഞ്ഞ ഒരു ജീവജ​ല​നദി അവൻ എന്നെ കാണിച്ചു.” അതെ, ജീവദാ​യ​ക​മായ ഘടകങ്ങ​ളോ​ടു​കൂ​ടിയ പളുങ്കു​പോ​ലെ തെളിഞ്ഞ ഈ വെള്ളത്തി​ന്റെ ഉറവ്‌ ജീവദാ​താ​വായ യഹോ​വ​യ​ല്ലാ​തെ മററാ​രു​മല്ല. അവൻ കുഞ്ഞാ​ടായ യേശു​ക്രി​സ്‌തു​വി​ലൂ​ടെ​യാണ്‌ അത്‌ ലഭ്യമാ​ക്കു​ന്നത്‌. (വെളി​പ്പാട്‌ 21:6 താരത​മ്യ​പ്പെ​ടു​ത്തുക.) “ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സന”ത്തെക്കു​റി​ച്ചു പറഞ്ഞി​രി​ക്കു​ന്ന​തു​കൊണ്ട്‌ മശി​ഹൈ​ക​രാ​ജ്യം 1914-ൽ സ്ഥാപി​ക്ക​പ്പെട്ട ശേഷമാ​യി​രി​ക്കണം, അതായത്‌ കർത്താ​വി​ന്റെ ദിവസം തുടങ്ങി​യ​ശേ​ഷ​മാ​യി​രി​ക്കണം ജീവജലം പ്രവഹി​ക്കാൻ തുടങ്ങു​ന്നത്‌.—വെളി​പ്പാട്‌ 1:10.

3, 4. “ജലം” എന്തിനെ പ്രതി​നി​ധാ​നം​ചെ​യ്യു​ന്നു, അത്‌ ആർക്ക്‌ ലഭ്യമാണ്‌?

³ ഈ ജീവജലം എന്തി​നെ​യാണ്‌ പ്രതീ​ക​പ്പെ​ടു​ത്തു​ന്നത്‌? അത്‌ ഒരു പറുദീ​സ​യാ​യി മാററ​പ്പെ​ടുന്ന ഭൂമി​യി​ലെ പൂർണ്ണ​ത​യി​ലുള്ള നിത്യ​ജീ​വനെ, പൂർണ്ണ മനുഷ്യ​ജീ​വനെ, പുനഃ​സ്ഥാ​പി​ക്കാ​നുള്ള ദൈവ​ത്തി​ന്റെ കരുത​ലി​നെ ചിത്രീ​ക​രി​ക്കു​ന്നു. ജീവജലം യേശു​ക്രി​സ്‌തു​വി​ലൂ​ടെ​യുള്ള ജീവനു​വേ​ണ്ടി​യുള്ള സകല കരുത​ലു​ക​ളെ​യും പ്രതി​നി​ധാ​നം​ചെ​യ്യു​ന്നു. ഇതു മുഴുവൻ ഇപ്പോൾ ലഭ്യമാ​ണോ? അല്ല, മുഴുവൻ ലഭ്യമല്ല, എന്തു​കൊ​ണ്ടെ​ന്നാൽ ആദ്യമാ​യി പിശാ​ചായ സാത്താൻ എന്ന അദൃശ്യ ഭരണാ​ധി​കാ​രി​യോ​ടു​കൂ​ടിയ ഇപ്പോ​ഴത്തെ ദുഷ്ട വ്യവസ്ഥി​തി​യെ ദൈവം നീക്കം ചെയ്യേ​ണ്ടി​യി​രി​ക്കു​ന്നു. എന്നാൽ രാജ്യ​ത്തി​ന്റെ സുവാർത്ത കേൾക്കു​ക​യും അനുസ​രി​ക്കു​ക​യും നമ്മുടെ ജീവി​തത്തെ അതി​നോട്‌ അനുരൂ​പ​പ്പെ​ടു​ത്തു​ക​യും ചെയ്‌തു​കൊണ്ട്‌ ഈ “ജല”ത്തിൽ ഇപ്പോൾ ലഭ്യമാ​യ​തി​നെ നമുക്കു സ്വീക​രി​ക്കാൻ കഴിയും.—യോഹ​ന്നാൻ 3:16; റോമർ 12:2.

⁴ അങ്ങനെ, യോഹ​ന്നാ​നെ ‘ജീവജ​ല​നദി’ കാണി​ച്ച​ശേഷം യേശു ഈ ദർശനം സഹിതം തന്റെ ദൂതനെ അയച്ചതി​ലുള്ള തന്റെ ഉദ്ദേശ്യം യോഹ​ന്നാ​നോ​ടു പറഞ്ഞു. പിന്നീട്‌ യോഹ​ന്നാൻ ഈ പ്രഖ്യാ​പനം കേട്ടു: “‘വരിക!’ എന്ന്‌ ആത്മാവും മണവാ​ട്ടി​യും പറഞ്ഞു​കൊ​ണ്ടി​രി​ക്കു​ന്നു. കേൾക്കുന്ന ഏവനും ‘വരിക!’ എന്നു പറയട്ടെ. ദാഹി​ക്കുന്ന ഏവനും വരട്ടെ; ഇച്ഛിക്കുന്ന ഏവനും ജീവജലം സൗജന്യ​മാ​യി സ്വീക​രി​ക്കട്ടെ.” (വെളി​പ്പാട്‌ 22:17) അതു​കൊണ്ട്‌, ദൈവ​ത്തി​ന്റെ കുഞ്ഞാ​ടി​ലൂ​ടെ ഭൂമി​യി​ലെ നിത്യ​ജീ​വൻ നേടാ​നുള്ള ദൈവ​ത്തി​ന്റെ കരുത​ലു​ക​ളിൽനിന്ന്‌ കുടി​ച്ചു​തു​ട​ങ്ങാൻ ദൈവ​ദാ​സൻമാർ ദാഹമു​ള്ള​വരെ ക്ഷണിച്ചു​കൊ​ണ്ടി​രി​ക്കു​ക​യാണ്‌.—യോഹ​ന്നാൻ 1:29.

ജീവജ​ല​ത്തി​ന്റെ ആവശ്യം ഉദിക്കു​ന്നു

5. മനുഷ്യ​വർഗ്ഗ​ത്തിന്‌ ഈ ദിവ്യ കരുതൽ ആവശ്യ​മാ​യി​ത്തീർന്ന​തെ​ങ്ങനെ?

⁵ സങ്കടക​ര​മെന്നു പറയട്ടെ, മനുഷ്യ​കു​ടും​ബ​ത്തി​ന്റെ ആദ്യ മാതാ​പി​താ​ക്കൾ തങ്ങളുടെ സന്താന​ങ്ങൾക്ക്‌ ഒരു പറുദീ​സാ​ഭ​വ​ന​ത്തി​ലെ പൂർണ്ണ മനുഷ്യ​ജീ​വൻ എന്നേക്കും ആസ്വദി​ക്കാ​നുള്ള അവസരം കൊടു​ക്കു​മാ​യി​രുന്ന ജീവി​ത​ഗ​തി​യോ​ടു പററി​നി​ന്നില്ല. മനുഷ്യ​വർഗ്ഗ​ത്തി​ന്റെ നിത്യ​ജീ​വന്‌, ആദാം തന്റെ സ്രഷ്ടാ​വി​നെ അനുസ​ര​ണ​പൂർവം സേവി​ക്കാ​നുള്ള ബുദ്ധി​പൂർവ​ക​മായ തീരു​മാ​നം ചെയ്യേ​ണ്ട​താ​വ​ശ്യ​മാ​യി​രു​ന്നു. മത്സരി​യായ ഒരു ആത്മജീ​വി​യു​ടെ സ്വാധീ​ന​ത്തിൽ ഹവ്വാ മനുഷ്യ​വർഗ്ഗ​ത്തിന്‌ മരണത്തിൽ കലാശിച്ച പ്രസ്ഥാ​ന​ത്തിന്‌ തുടക്ക​മി​ട്ടു, പൂർണ്ണ​ത​യു​ണ്ടാ​യി​രുന്ന അവളുടെ ഭർത്താ​വാ​യി​രുന്ന ആദാം ആ മരണക​ര​മായ ഗതിയിൽ അവളോ​ടു ചേരാൻ തീരു​മാ​നി​ച്ചു. അങ്ങനെ, മനുഷ്യ​വർഗ്ഗ​ത്തി​ന്റെ തുടർന്നു​വന്ന തലമു​റ​ക​ളു​ടെ സ്വാഭാ​വിക ജീവദാ​താ​വെന്ന നിലയിൽ ആദാമാ​യി​രു​ന്നു യഥാർത്ഥ​ത്തിൽ മുഴു​മ​നു​ഷ്യ​കു​ടും​ബ​ത്തി​ലേ​ക്കും മരണത്തി​ന്റെ വ്യാപ​രി​ക്കൽ അവതരി​പ്പി​ച്ചത്‌. അതു​കൊ​ണ്ടാണ്‌ ബൈബിൾ ഇങ്ങനെ പ്രസ്‌താ​വി​ക്കു​ന്നത്‌: “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ പ്രവേ​ശി​ച്ചു, അങ്ങനെ സകല മനുഷ്യ​രും പാപം​ചെ​യ്‌തി​രു​ന്ന​തു​കൊണ്ട്‌ മരണം അവരി​ലേ​ക്കെ​ല്ലാം വ്യാപി​ച്ചു.” (റോമർ 5:12) ആദാമും ഹവ്വായും പാപത്തി​ലേക്കു വീണതി​നു ശേഷമാ​യി​രു​ന്നു അവർ മനുഷ്യ​കു​ടും​ബ​ത്തി​ലേക്ക്‌ പുതിയ അംഗങ്ങളെ കൂട്ടാൻ തുടങ്ങി​യത്‌.—സങ്കീർത്തനം 51:5.

6. ഈ “ജലം” ലഭ്യമാ​ക്കാൻ യഹോവ ക്രമീ​ക​ര​ണം​ചെ​യ്‌ത​തെ​ന്തു​കൊണ്ട്‌?

⁶ പൂർണ്ണ​ത​യുള്ള മനുഷ്യ​രെ​ക്കൊ​ണ്ടു നിറയുന്ന ഒരു പറുദീ​സാ​ഭൂ​മി​യെ സംബന്ധിച്ച തന്റെ ഉദ്ദേശ്യം സാക്ഷാ​ത്‌ക്ക​രി​ക്കു​ന്ന​തിൽനിന്ന്‌ ദൈവം എന്നേക്കു​മാ​യി തടയ​പ്പെ​ടു​മാ​യി​രു​ന്നോ? തീർച്ച​യാ​യും ഇല്ല എന്നതാണ്‌ ബൈബിൾപ​ര​മായ ഉത്തരം! ഏതായാ​ലും, തന്റെ ഉദ്ദേശ്യം നിറ​വേ​റ​റു​ക​യെന്ന ലക്ഷ്യത്തിൽ, യഹോവ ആദാമി​ന്റെ വിപൽക്ക​ര​മായ ഗതി​യോ​ടു പ്രതി​പ്ര​വർത്തനം നടത്തു​ന്ന​തും ന്യായ​ത്തോ​ടും നീതി​യോ​ടും പൂർണ്ണ​യോ​ജി​പ്പി​ലാ​യി​രി​ക്കു​ന്നതു​മായ സ്‌നേ​ഹ​പൂർവ​ക​മായ ഒരു കരുതൽ ചെയ്‌തു. ന്യായ​ത്തി​ന്റെ​യും നീതി​യു​ടെ​യും പൂർണ്ണ​വും ആത്യന്തി​ക​വു​മായ പ്രകടനം യഹോ​വ​യി​ലാ​ണു​ള്ളത്‌. അവൻ “ജീവജ​ല​നദി” മൂലമാണ്‌ ഇതു ചെയ്യു​ന്നത്‌. അതു മുഖേന അവൻ ജീവന്റെ ഉറവി​നോ​ടുള്ള ബന്ധം നഷ്ടപ്പെട്ട അനുസ​ര​ണ​മുള്ള മനുഷ്യ​വർഗ്ഗ​ത്തിന്‌ പൂർണ്ണ മാനു​ഷ​ജീ​വൻ തിരികെ കൊടു​ക്കും. ഈ നദി പൂർണ്ണ​മായ അർത്ഥത്തിൽ ഒഴുകു​ന്നത്‌ യേശു​ക്രി​സ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ല​ത്താണ്‌. അങ്ങനെ, മരിച്ച​വ​രിൽനിന്ന്‌ പുനരു​ത്ഥാ​നം പ്രാപി​ക്കു​ന്നവർ ഉൾപ്പെ​ടെ​യുള്ള മനുഷ്യർ ക്രിസ്‌തു​വി​ന്റെ സഹസ്രാ​ബ്ദ​വാ​ഴ്‌ച​യി​ലു​ട​നീ​ളം “ജീവജ​ല​നദി”യിൽനിന്ന്‌ കുടി​ക്കണം.—യെഹെ​സ്‌ക്കേൽ 47:1-10 താരത​മ്യ​പ്പെ​ടു​ത്തുക; പ്രവൃ​ത്തി​കൾ 24:15.

7. “ജല”ത്തിനു​വേ​ണ്ടി​യുള്ള കരുതൽ ചെയ്യ​പ്പെ​ട്ടി​രി​ക്കു​ന്നത്‌ എന്തിന്റെ അടിസ്ഥാ​ന​ത്തി​ലാണ്‌?

⁷ യഹോവ തന്റെ സ്വന്തം ജീവൻ ആസ്വദി​ക്കു​ന്നു. തന്റെ സൃഷ്ടി​ക​ളിൽ ചിലർക്ക്‌ ബുദ്ധി​ശ​ക്തി​യോ​ടു​കൂ​ടിയ ജീവൻ കൊടു​ക്കുന്ന പദവി​യും അവൻ ആസ്വദി​ക്കു​ന്നു. ജീവൻ കൊടു​ക്കു​ന്ന​തി​നുള്ള യഹോ​വ​യു​ടെ കരുത​ലു​ക​ളു​ടെ അടിസ്ഥാ​നം യേശു​വി​ന്റെ മറുവി​ല​യാ​ഗ​മാണ്‌. (മർക്കോസ്‌ 10:45; 1 യോഹ​ന്നാൻ 4:9, 10) ദൈവ​വ​ച​ന​വും ഉൾപ്പെ​ടു​ന്നുണ്ട്‌, അതിനെ ബൈബിൾ ചില​പ്പോൾ വിളി​ക്കു​ന്നത്‌ “വെള്ളം” എന്നാണ്‌. (എഫേസ്യർ 5:26) പൂർണ്ണ​ത​യുള്ള മനുഷ്യ​ജോ​ടി​യാ​യി​രുന്ന ആദാമി​നും ഹവ്വായി​ക്കും​വേണ്ടി ദൈവം ചെയ്‌തി​രുന്ന ആദ്യക​രു​ത​ലു​ക​ളു​ടെ നഷ്ടം അനുഭ​വിച്ച മനുഷ്യ​ജീ​വി​ക​ളോട്‌ “വരിക!” എന്നു പറയാൻ യഹോ​വ​യാം ദൈവ​ത്തി​നു സ്വാത​ന്ത്ര്യ​മുണ്ട്‌.

മണവാ​ട്ടി​വർഗ്ഗം “വരിക!” എന്ന ക്ഷണം നീട്ടി​ക്കൊ​ടു​ക്കു​ന്നു

8. ഈ “ജലം” ആദ്യമാ​യി ആർക്ക്‌, എപ്പോൾ പ്രദാ​നം​ചെ​യ്യ​പ്പെട്ടു?

⁸ “വരിക!” എന്ന ക്ഷണം ആദ്യമാ​യി നീട്ടി​ക്കൊ​ടു​ക്കു​ന്നത്‌ യഹോ​വ​യു​ടെ ആദ്യജാത ആത്മീയ​പു​ത്ര​നായ കുഞ്ഞാ​ടി​ന്റെ ആലങ്കാ​രിക മണവാ​ട്ടി​യാ​യി​രി​ക്കു​ന്ന​വ​രാണ്‌. (വെളി​പ്പാട്‌ 14:1, 3, 4; 21:9) ക്രിസ്‌തു​വി​ന്റെ ആത്മീയ മണവാട്ടി “വരിക!” എന്നു തന്നോ​ടു​ത​ന്നെയല്ല പറയു​ന്നത്‌, അതായത്‌ മണവാ​ട്ടി​വർഗ്ഗത്തെ 1,44,000 പേർ ചേർന്ന​താ​ക്കാൻ യഹോ​വ​യാം ദൈവം ഇനിയും ശേഖരി​ക്കു​ന്ന​വ​രോ​ടല്ല. ക്ഷണത്തിന്റെ ആ വാക്കുകൾ നീട്ടി​ക്കൊ​ടു​ക്ക​പ്പെ​ടു​ന്നത്‌ അർമ്മ​ഗെ​ദ്ദോ​നു​ശേഷം ഭൂമി​യി​ലെ പൂർണ്ണ മനുഷ്യ​ജീ​വൻ പ്രാപി​ക്കാൻ പ്രത്യാ​ശി​ക്കുന്ന മനുഷ്യർക്കാണ്‌. (വെളി​പ്പാട്‌ 16:14, 16) 1914 മുതലുള്ള വ്യവസ്ഥി​തി​യു​ടെ ഈ സമാപ​ന​കാ​ലത്ത്‌ “മണവാട്ടി” ദൈവ​ത്തി​ന്റെ പരിശു​ദ്ധാ​ത്മാ​വി​നോ​ടു സഹകരിച്ച്‌ ഈ ക്ഷണം നീട്ടി​ക്കൊ​ടു​ക്കു​ന്നത്‌ നാം കേട്ടി​രി​ക്കു​ന്നു.

9. അത്‌ ഒരു ചെറിയ കൂട്ടത്തി​നു മാത്ര​മ​ല്ലെന്ന്‌ നാം എങ്ങനെ അറിയു​ന്നു?

⁹ പുളക​പ്ര​ദ​മാ​യി, ‘യാതൊ​രു മനുഷ്യ​നും എണ്ണാൻ കഴിയാഞ്ഞ ഒരു മഹാപു​രു​ഷാ​രം’ ദൈവ​രാ​ജ്യ​സു​വാർത്ത​യു​ടെ ഘോഷ​ണ​ത്തോട്‌ പ്രതി​ക​രി​ക്കു​മെ​ന്നും ആ രാജകീ​യ​ഗ​വൺമെൻറി​ന്റെ പക്ഷത്ത്‌ ഉറച്ച നില സ്വീക​രി​ക്കു​മെ​ന്നും ബൈബി​ളി​ന്റെ അവസാ​നത്തെ പുസ്‌തകം പ്രകട​മാ​ക്കു​ന്നു. (വെളി​പ്പാട്‌ 7:9, 10, 16, 17) നിങ്ങൾ ആ മഹാപു​രു​ഷാ​ര​ത്തിൽപെട്ട ഒരാളാ​ണോ? എങ്കിൽ, “കേൾക്കുന്ന ഏവനും ‘വരിക!’ എന്നു പറയട്ടെ.”

ആത്മാവും മണവാ​ട്ടി​യും “വരിക!” എന്നു പറയുന്നു

10. പ്രതീ​കാ​ത്മ​ക​ജലം എവി​ടെ​നിന്ന്‌ ഉത്ഭവി​ക്കണം, എന്തു​കൊണ്ട്‌?

¹⁰ എന്നാൽ വെളി​പ്പാട്‌ 22:17-ൽ ദൈവ​വും ആലങ്കാ​രി​ക​മ​ണ​വാ​ട്ടി​യും എന്നു പറയാ​ത്ത​തെ​ന്തു​കൊണ്ട്‌? ഒന്നാമത്‌, ആരുടെ മാർഗ്ഗ​നിർദ്ദേ​ശ​ത്തിൽ ആത്മാവ്‌ പ്രവർത്തി​ക്കു​ന്നു​വെന്ന്‌ ഈ വാക്യം പറയു​ന്നി​ല്ലെന്ന്‌ ശ്രദ്ധി​ക്കുക. എന്നിരു​ന്നാ​ലും, ആത്മാവി​നെ​യുള്ള പരാമർശം നമ്മുടെ ശ്രദ്ധയെ യഹോ​വ​യാം ദൈവ​ത്തി​ലേക്കു തന്നെ തിരി​ച്ചു​വി​ടു​ന്നു. പിതാവ്‌ ചിത്ര​ത്തിൽനിന്ന്‌ പുറന്ത​ള്ള​പ്പെ​ടു​ന്നില്ല, കാരണം അവൻ പരിശു​ദ്ധാ​ത്മാ​വി​ന്റെ ഉറവു​ത​ന്നെ​യാണ്‌. രണ്ടാമത്‌, പുത്രൻ തന്റെ പിതാ​വി​നോട്‌ പൂർണ്ണ​മാ​യി സഹകരി​ക്കു​ന്നു, എന്തു​കൊ​ണ്ടെ​ന്നാൽ അവൻ തന്നെ പറയു​ന്ന​തു​പോ​ലെ: “പുത്രന്‌ സ്വന്തമാ​യി മുൻ​കൈ​യെ​ടുത്ത്‌ ഒരു കാര്യ​വും ചെയ്യാൻ കഴിക​യില്ല, എന്നാൽ തന്റെ പിതാവു ചെയ്‌തു​കാ​ണു​ന്നതു മാത്രം.” (യോഹ​ന്നാൻ 5:19) തന്നെയു​മല്ല, ഈ ക്ഷണം ആത്യന്തി​ക​മാ​യി യഹോ​വ​യാം ദൈവ​ത്തിൽനിന്ന്‌ ഉത്ഭവി​ക്കുന്ന ഒരു നിശ്വ​സ്‌ത​മൊ​ഴി​യാ​യി​രി​ക്കെ, മനുഷ്യർക്ക്‌ ദിവ്യ​മാർഗ്ഗ​നിർദ്ദേശം അഥവാ “നിശ്വ​സ്‌ത​മൊ​ഴി” “വചന”മായ യേശു​ക്രി​സ്‌തു​മു​ഖേന സ്വീക​രി​ക്കാൻ കഴിയും. (വെളി​പ്പാട്‌ 22:6; കൂടാതെ 22:17, റഫറൻസ്‌ ബൈബിൾ അടിക്കു​റിപ്പ്‌; യോഹ​ന്നാൻ 1:1) അപ്പോൾ ഉചിത​മാ​യി​ത്തന്നെ നാം മണവാ​ള​നായ ക്രിസ്‌തു​വി​നെ ഈ ക്ഷണത്തോ​ടു ബന്ധിപ്പി​ക്കു​ന്നു. അതെ, മണവാ​ളന്റെ പിതാ​വായ യഹോ​വ​യാം ദൈവ​വും മണവാ​ള​നായ യേശു​ക്രി​സ്‌തു​വും പരിശു​ദ്ധാ​ത്മാ​വു മുഖേന “വരിക!” എന്നു പറയു​ന്ന​തിൽ “മണവാട്ടി”യോടു ചേരു​ന്നു​വെ​ന്ന​തിൽ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.

11, 12. (എ) കുടി​ക്കാ​നുള്ള ക്ഷണം വികസി​പ്പി​ക്ക​പ്പെ​ടു​മെന്ന്‌ നേരത്തെ എന്തു സൂചന​യു​ണ്ടാ​യി​രു​ന്നു? (ബി) ഈ സംഗതി പല വർഷങ്ങൾകൊണ്ട്‌ വർദ്ധി​ത​മാ​യി വ്യക്തമാ​യ​തെ​ങ്ങനെ?

¹¹ “വരിക!” എന്ന ഈ ക്ഷണം ദശാബ്ദ​ങ്ങ​ളി​ലാ​യി “ജീവജല”ത്തിനു​വേണ്ടി ദാഹി​ക്കുന്ന ആളുക​ളി​ലേക്കു പൊയ്‌ക്കൊ​ണ്ടാ​ണി​രി​ക്കു​ന്നത്‌. മുമ്പ്‌ 1918-ൽപോ​ലും മണവാ​ട്ടി​വർഗ്ഗം വിശേ​ഷാൽ ഭൂമി​യിൽ ജീവി​ച്ചേ​ക്കാ​വു​ന്ന​വരെ ഉൾപ്പെ​ടു​ത്തിയ ഒരു സന്ദേശം പ്രസം​ഗി​ച്ചു​തു​ടങ്ങി. അത്‌ “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്കാ​തി​രു​ന്നേ​ക്കാം” എന്ന പരസ്യ​പ്ര​സം​ഗ​മാ​യി​രു​ന്നു. ഇത്‌ അനേകർ അർമ്മ​ഗെ​ദ്ദോ​നെ അതിജീ​വി​ക്കു​മെ​ന്നും അതിനു​ശേഷം ദൈവ​ത്തി​ന്റെ മശി​ഹൈ​ക​രാ​ജ്യ​ത്തിൻകീ​ഴിൽ ഒരു പറുദീ​സാ​ഭൂ​മി​യിൽ നിത്യ​ജീ​വൻ നേടു​മെ​ന്നു​മുള്ള പ്രത്യാശ വെച്ചു​നീ​ട്ടി. എന്നാൽ ആ ദൂത്‌ പൊതു​നീ​തി​യാൽ എന്നതിൽ കവിഞ്ഞ്‌ സുനി​ശ്ചി​ത​മാ​യി ഈ അതിജീ​വ​ന​പ​ദ​വി​യി​ലേ​ക്കുള്ള വഴി കാണി​ച്ചു​കൊ​ടു​ത്തില്ല.

¹² “വരിക!” എന്ന ക്ഷണവു​മാ​യി അനേകരെ സമീപി​ക്കു​ന്ന​തിന്‌, ദൈവത്തെ സേവി​ക്കു​ന്ന​തിൽ തത്‌പ​ര​രാ​യി​രി​ക്കുന്ന എല്ലാവ​രി​ലേ​ക്കും 1922-ൽ “രാജാ​വി​നെ​യും രാജ്യ​ത്തെ​യും പരസ്യ​പ്പെ​ടു​ത്തുക” എന്ന സന്ദേശം പോയി. 1923-ൽ മത്തായി 25:31-46 വരെയുള്ള യേശു​വി​ന്റെ ഉപമയി​ലെ “ചെമ്മരി​യാ​ടു​ക​ളും” “കോലാ​ടു​ക​ളും” അർമ്മ​ഗെ​ദ്ദോ​നു​മു​മ്പേ പ്രത്യ​ക്ഷ​പ്പെ​ടു​മെന്ന്‌ മണവാ​ട്ടി​വർഗ്ഗം മനസ്സി​ലാ​ക്കി. പിന്നീട്‌ 1929-ൽ മാർച്ച്‌ 15-ലെ വാച്ച്‌റ​റവർ “കൃപാ​പൂർവ​ക​മായ ക്ഷണം” എന്ന ലേഖനം വിശേ​ഷ​വൽക്ക​രി​ച്ചു. അതിന്റെ വിഷയ​വാ​ക്യം വെളി​പ്പാട്‌ 22:17 ആയിരു​ന്നു. അത്‌ “വരിക!” എന്ന ക്ഷണം നീട്ടി​ക്കൊ​ടു​ക്കാ​നുള്ള മണവാ​ട്ടി​വർഗ്ഗ​ത്തി​ന്റെ ഉത്തരവാ​ദി​ത്തം ഊന്നി​പ്പ​റഞ്ഞു.—പേജുകൾ 87-9.a

“വരിക!” എന്നു പറയു​ന്ന​തിൽ വേറെ ആടുകൾ ചേരുന്നു

13, 14. പ്രതീ​കാ​ത്മ​ക​ജലം മററു​ള്ള​വ​രും കുടി​ക്കു​മെന്ന്‌ 1930കളിൽ കൂടു​ത​ലാ​യി എന്തു വിശദീ​ക​ര​ണം​കൊ​ടു​ക്ക​പ്പെട്ടു?

¹³ മാത്ര​വു​മല്ല, 1932ഓളം മുമ്പ്‌, ക്രമത്തിൽ “വരിക!” എന്നു പറയാ​നുള്ള “വേറെ ആടുക​ളു​ടെ” ഉത്തരവാ​ദി​ത്തം ഇംഗ്ലീഷ്‌ വീക്ഷാ​ഗോ​പു​രം ചൂണ്ടി​ക്കാ​ട്ടി. (യോഹ​ന്നാൻ 10:16) അതിന്റെ ഓഗസ്‌ററ്‌ 1-ലെ ലക്കത്തിൽ 232-ാം പേജ്‌ 29-ാം ഖണ്ഡിക ഇങ്ങനെ പറഞ്ഞു: “യഹോ​വ​യു​ടെ സാക്ഷി​കൾക്ക്‌ ഇപ്പോൾ യേഹു​വി​ന്റേ​തു​പോ​ലെ​യുള്ള തീക്ഷ്‌ണ​ത​യുണ്ട്‌, അവർ തങ്ങളോ​ടു​കൂ​ടെ വരാനും ദൈവ​രാ​ജ്യം സമീപി​ച്ചി​രി​ക്കു​ന്നു​വെന്ന്‌ മററു​ള്ള​വ​രോ​ടു ഘോഷി​ക്കു​ന്ന​തിൽ കുറെ പങ്കുവ​ഹി​ക്കാ​നും യോനാ​ദാ​ബു​വർഗ്ഗത്തെ [വേറെ ആടുകളെ] പ്രോൽസാ​ഹി​പ്പി​ക്കണം.” പിന്നീട്‌ വെളി​പ്പാട്‌ 22:17 ഉദ്ധരി​ച്ച​ശേഷം ഖണ്ഡിക ഇങ്ങനെ പറഞ്ഞു: “രാജ്യ​സു​വാർത്ത അറിയി​ക്കു​ന്ന​തിൽ പങ്കെടു​ക്കാൻ മനസ്സുള്ള എല്ലാവ​രെ​യും അഭിഷി​ക്തർ പ്രോൽസാ​ഹി​പ്പി​ക്കട്ടെ. കർത്താ​വി​ന്റെ സന്ദേശം ഘോഷി​ക്കാൻ അവർ കർത്താ​വി​നാൽ അഭി​ഷേ​കം​ചെ​യ്യ​പ്പെ​ടേ​ണ്ട​തില്ല. യഹോ​വ​യു​ടെ സമൃദ്ധ​മായ നൻമ നിമിത്തം അർമ്മ​ഗെ​ദ്ദോ​നി​ലൂ​ടെ കടത്തി​യിട്ട്‌ ഭൂമി​യിൽ നിത്യ​ജീ​വൻ കൊടു​ക്ക​പ്പെ​ടുന്ന ഒരു ജനവർഗ്ഗ​ത്തിന്‌ ജീവജലം എത്തിച്ചു​കൊ​ടു​ക്കാൻ അവർ അനുവ​ദി​ക്ക​പ്പെ​ട്ടി​രി​ക്കു​ന്നു​വെന്ന്‌ ഇപ്പോൾ അറിയു​ന്നത്‌ യഹോ​വ​യു​ടെ സാക്ഷി​കൾക്ക്‌ വലിയ ആശ്വാ​സ​മാണ്‌.”b

¹⁴ ഈ വേറെ ആടുകൾ ഇപ്പോൾ തങ്ങളെ​ത്തന്നെ ദൈവ​ത്തി​നു സമർപ്പി​ക്കു​ക​യും ഈ സമർപ്പ​ണത്തെ ജലസ്‌നാ​പ​ന​ത്താൽ ലക്ഷ്യ​പ്പെ​ടു​ത്തു​ക​യും അനന്തരം ദാഹി​ക്കുന്ന മററു​ള്ള​വ​രോ​ടും “വരിക!” എന്നു പറയു​ന്ന​തിൽ മണവാ​ട്ടി​വർഗ്ഗ​ത്തോ​ടു ചേരു​ക​യും ചെയ്യേ​ണ്ട​താ​ണെന്ന്‌ 1934 മുതൽ അഭിഷി​ക്ത​ശേ​ഷിപ്പ്‌ ചൂണ്ടി​ക്കാ​ട്ടു​ക​യു​ണ്ടാ​യി. അങ്ങനെ, ദാഹമുള്ള ഈ വേറെ ആടുകളെ “ഏക ഇടയനായ” യേശു​ക്രി​സ്‌തു​വിൻകീ​ഴി​ലെ “ഏക ആട്ടിൻകൂട്ട”ത്തിലേക്ക്‌ ഒന്നിച്ചു​കൂ​ട്ടാൻ മണവാ​ട്ടി​വർഗ്ഗം ഇപ്പോൾ സുനി​ശ്ചി​ത​മായ ഒരു ക്ഷണം നീട്ടി​ക്കൊ​ടു​ക്കു​ന്നു​ണ്ടാ​യി​രു​ന്നു. (യോഹ​ന്നാൻ 10:16) 1935-ൽ തങ്ങൾ “വരിക!” എന്നു പറയുന്ന ചെമ്മരി​യാ​ടു​തു​ല്യ​രായ ജനവർഗ്ഗം യഥാർത്ഥ​ത്തിൽ വെളി​പ്പാട്‌ 7:9-17ലെ “മഹാപു​രു​ഷാര”മാണെന്ന്‌ ആ വർഷത്തി​ലെ തങ്ങളുടെ പൊതു കൺ​വെൻ​ഷ​നിൽവെച്ച്‌ മനസ്സി​ലാ​ക്കി​യ​തിൽ അഭിഷി​ക്ത​ശേ​ഷിപ്പ്‌ ഉത്തേജി​ത​രാ​യി. ഇത്‌ ക്ഷണിക്കൽവേ​ലക്ക്‌ വലിയ പ്രചോ​ദ​ന​മേകി.

15. “വരിക!” എന്ന ക്ഷണത്തിൽ “ആത്മാവ്‌” ഉൾപ്പെ​ട്ടി​രു​ന്ന​തെ​ങ്ങനെ?

¹⁵ “വരിക!” എന്നു പറയു​ന്ന​തിൽ മണവാ​ട്ടി​വർഗ്ഗം ദൈവാ​ത്മാ​വി​നോ​ടു ചേർച്ച​യി​ലാ​യി​രു​ന്നു. തന്റെ എഴുത​പ്പെട്ട വചനത്തി​ലെ പ്രവച​ന​ങ്ങ​ളു​ടെ അർത്ഥം തുറന്നു​കൊ​ടു​ക്കു​ന്ന​തിൽ തന്റെ ആത്മാവു​മു​ഖേന അവൻ മണവാ​ട്ടി​വർഗ്ഗ​ത്തി​ന്റെ ശേഷിപ്പ്‌ ഈ ക്ഷണം നീട്ടി​ക്കൊ​ടു​ക്കാ​നി​ട​യാ​ക്കി. തങ്ങളുടെ ക്ഷണം അടിസ്ഥാ​ന​പ്പെ​ട്ടി​രുന്ന ഈ പ്രവച​നങ്ങൾ ദൈവാ​ത്മാ​വി​നാൽ നിശ്വ​സ്‌ത​മാ​യ​താ​യി​രു​ന്നു. അങ്ങനെ​യാ​യി​രു​ന്നു ഫലത്തിൽ ക്രിസ്‌തു​വി​ലൂ​ടെ പ്രവഹി​ച്ചു​കൊ​ണ്ടി​രുന്ന ദൈവാ​ത്മാ​വും അവന്റെ മണവാ​ട്ടി​യും ചെമ്മരി​യാ​ടു​തു​ല്യ​രായ ആളുക​ളോട്‌ “വരിക!” എന്നു പറഞ്ഞു​കൊ​ണ്ടി​രു​ന്നത്‌.—വെളി​പ്പാട്‌ 19:10.

16. ആത്മാവും മണവാ​ട്ടി​യും ഇന്ന്‌ ക്ഷണത്തോ​ടു ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

¹⁶ ആത്മാവും ശേഷി​പ്പി​നാൽ പ്രതി​നി​ധാ​നം​ചെ​യ്യ​പ്പെ​ടുന്ന മണവാ​ട്ടി​യും ഇന്നോളം “‘വരിക’ എന്ന്‌ പറഞ്ഞു​കൊ​ണ്ടി​രി​ക്കു”കയാണ്‌. ഇനിയും മററു​ള്ള​വരെ “വരിക!” എന്നു ക്ഷണിക്കാൻ ശേഷിപ്പ്‌ ഈ വേറെ ആടുക​ളോ​ടു പറയുന്നു. ഇന്നു ലഭ്യമാ​യി​രി​ക്കു​ന്നി​ട​ത്തോ​ളം “ജീവജലം” അവർ തങ്ങളിൽത്തന്നെ ഒതുക്കി​വെ​ക്കാ​വു​ന്നതല്ല. അവർ “ആത്മാവിൽനി​ന്നും മണവാ​ട്ടി​യിൽനി​ന്നു”മുള്ള, “കേൾക്കുന്ന ഏവനും ‘വരിക!’ എന്നു പറയട്ടെ” എന്ന കല്‌പന അനുസ​രി​ക്കേ​ണ്ട​താണ്‌. തങ്ങളുടെ ദാഹം ശമിപ്പി​ക്കുന്ന എല്ലാവ​രും ക്ഷണം പ്രചരി​പ്പി​ക്കേ​ണ്ട​താണ്‌. അവർ വർഗ്ഗവും ദേശീ​യ​ത​യും ഭാഷയും ഇപ്പോ​ഴത്തെ മതവും പരിഗ​ണി​ക്കാ​തെ, എല്ലായി​ട​ത്തു​മുള്ള എല്ലാവർക്കും ക്ഷണം നീട്ടി​ക്കൊ​ടു​ക്കേ​ണ്ട​താണ്‌. ഇക്കാലത്ത്‌ ലഭ്യമാ​യി​രി​ക്കു​ന്നി​ട​ത്തോ​ളം “ജീവജല”മാണ്‌ വന്ന്‌ സൗജന്യ​മാ​യി കുടി​ക്കാൻ യഹോ​വ​യു​ടെ സാക്ഷികൾ എല്ലാവ​രെ​യും ക്ഷണിക്കു​ന്ന​തും സഹായി​ക്കു​ന്ന​തും!

17. ഏതുതരം “ജല”മാണ്‌ ഇന്ന്‌ ലഭ്യമാ​യി​രി​ക്കു​ന്നത്‌?

¹⁷ കുഞ്ഞാ​ടായ യേശു​ക്രി​സ്‌തു തീർച്ച​യാ​യും ഭൂവ്യാ​പ​ക​മാ​യി മഹാപു​രു​ഷാ​രത്തെ “ജീവജ​ല​ത്തി​ന്റെ ഉറവക​ളി​ലേക്ക്‌” നയിക്കു​ക​യാണ്‌. (വെളി​പ്പാട്‌ 7:17) ഇത്‌ മലിന​മായ ജലമല്ല, പിന്നെ​യോ ഉറവിൽനി​ന്നു​തന്നെ വരുന്ന തെളിഞ്ഞ, ശീതള​മായ, ആരോ​ഗ്യ​പ്ര​ദ​മായ ജലമാണ്‌. ഈ പ്രതീ​കാ​ത്മക വെള്ളങ്ങൾ ബൈബിൾസ​ത്യ​ങ്ങ​ളു​ടെ ഗ്രാഹ്യം എന്ന അർത്ഥത്തി​ലുള്ള വെള്ളങ്ങ​ളെ​ക്കാൾ കവിഞ്ഞ​താണ്‌; അവ സൗഭാ​ഗ്യ​ത്തോ​ടെ​യുള്ള പൂർണ്ണ​മായ നിത്യ​ജീ​വൻ പ്രാപി​ക്കു​ന്ന​തി​ലേ​ക്കുള്ള മാർഗ്ഗ​ത്തിൽ മഹാപു​രു​ഷാ​രത്തെ ആക്കി​വെ​ക്കു​ന്ന​തിന്‌ ഇപ്പോൾത്തന്നെ തുടങ്ങുന്ന യേശു​ക്രി​സ്‌തു​വി​ലൂ​ടെ​യുള്ള ദൈവ​ത്തി​ന്റെ സകല കരുത​ലു​ക​ളു​മാണ്‌.

ഇപ്പോൾ ഘോഷ​ണ​ത്തിൽ ചേരുക

18. നമ്മുടെ കാലത്ത്‌ ക്ഷണം എത്ര വിപു​ല​മാണ്‌?

¹⁸ ഇപ്പോൾത്തന്നെ ഈ മഹാപു​രു​ഷാ​ര​ത്തി​ന്റെ സംഖ്യ 40,17,213 ആയി കുതി​ച്ചു​യർന്നി​രി​ക്കു​ന്നു. അവർ തീക്ഷ്‌ണ​മാ​യി രാജ്യ​ത്തി​ന്റെ സുവാർത്ത നിവസി​ത​ഭൂ​മി​യി​ലെ​ല്ലാം പ്രസം​ഗി​ക്കു​ന്ന​തിൽ തുടരു​ക​യാണ്‌. അവർ രാജ്യ​സു​വാർത്ത പ്രസം​ഗി​ക്കു​ന്ന​തി​ലെ തങ്ങളുടെ വയൽപ്ര​വർത്തനം ക്രമമാ​യി റിപ്പോർട്ടു​ചെ​യ്യു​ന്നുണ്ട്‌. ഇപ്പോൾ അത്‌ 212 രാജ്യ​ങ്ങ​ളി​ലേക്കു വ്യാപി​ച്ചി​രി​ക്കു​ക​യാണ്‌. വ്യവസ്ഥി​തി​യു​ടെ ഈ സമാപ​ന​കാ​ലത്തെ സമയം അനുവ​ദി​ക്കു​ന്ന​ത​നു​സ​രിച്ച്‌ വലിയ സമയപാ​ല​ക​നായ യഹോ​വ​യാം ദൈവ​ത്തി​ന്റെ ക്ഷമക്കും ദീർഘ​സ​ഹ​ന​ത്തി​നു​മ​നു​ഗു​ണ​മാ​യി ക്ഷണം തുടരും. സമയം തീരു​ന്ന​തെ​പ്പോ​ഴെ​ന്നും ബൈബിൾപ്ര​വ​ച​ന​ത്തി​ലെ ആവർത്തി​ച്ചുള്ള പ്രസ്‌താ​വ​ന​ക​ള​നു​സ​രിച്ച്‌ താൻ വാഗ്‌ദ​ത്തം​ചെ​യ്‌തി​രി​ക്കു​ന്ന​തു​പോ​ലെ യഹോ​വ​യെന്ന നിലയിൽ തന്നേത്തന്നെ എല്ലാവർക്കും അറിയി​ക്കു​ന്ന​തി​നുള്ള നിർണ്ണാ​യ​ക​നി​മി​ഷ​മെ​പ്പോ​ഴെ​ന്നും അവന്‌ അറിയാം.—യെഹെ​സ്‌ക്കേൽ 36:23; 38:21-23; 39:7.

19. ഈ “ജലം” സൗജന്യ​മാ​യി വാഗ്‌ദാ​നം​ചെ​യ്യ​പ്പെ​ടു​ന്നു​വെന്ന്‌ നമുക്ക്‌ പറയാൻക​ഴി​യു​ന്ന​തെ​ന്തു​കൊണ്ട്‌?

¹⁹ അതു​കൊണ്ട്‌ ഇപ്പോ​ഴും സമയമു​ള്ള​തി​നാൽ മഹാപു​രു​ഷാ​ര​ത്തി​ലെ അംഗങ്ങൾ ‘വന്ന്‌ ജീവജലം സൗജന്യ​മാ​യി ആസ്വദി​ക്കുക’ എന്ന്‌ പറയു​ന്ന​തിൽ മണവാ​ട്ടി​സ​മൂ​ഹ​ത്തോ​ടു​കൂ​ടെ സന്തോ​ഷ​പൂർവം പങ്കു​ചേ​രു​ന്നു. ഈ ജീവര​ക്താ​ക​ര​മായ സുവാർത്ത​യു​ടെ ഘോഷകർ ലോക​മാ​സ​കലം രാജ്യ​ദൂ​തു പ്രചരി​പ്പി​ക്കു​മ്പോൾ തങ്ങളനു​ഷ്‌ഠി​ക്കുന്ന സേവന​ങ്ങൾക്ക്‌ യാതൊ​ന്നും ഈടാ​ക്കാ​തെ സൗജന്യ​മാ​യി​ട്ടാണ്‌ ഘോഷണം നടത്തു​ന്നത്‌.

20. ഈ “ജലം” ലഭ്യമാ​യി​രി​ക്കു​ന്ന​തു​കൊണ്ട്‌ എന്തു ഫലമു​ണ്ടാ​കും?

²⁰ ജീവജലം ഇപ്പോൾ ഗോള​ത്തി​നു ചുററു​മെ​ല്ലാം ലഭ്യമാണ്‌. തന്നിമി​ത്തം പങ്കുപ​റ​റാ​നാ​ഗ്ര​ഹി​ക്കുന്ന ആളുകൾക്ക്‌ പൂർണ്ണ​സം​തൃ​പ്‌തി​യോ​ടെ ജീവര​ക്താ​ക​ര​മായ ഫലങ്ങ​ളോ​ടെ അങ്ങനെ ചെയ്യാ​വു​ന്ന​താണ്‌. വീണ്ടെ​ടു​ക്ക​പ്പെട്ട മനുഷ്യ​വർഗ്ഗം ഈ ഭൂമി​യിൽത്തന്നെ അനന്തജീ​വൻ ആസ്വദി​ക്കും. ഭൂമി യഹോ​വ​യു​ടെ വില​യേ​റിയ ഉദ്ദേശ്യ​ത്തെ സംസ്ഥാ​പി​ച്ചു​കൊണ്ട്‌ ഒരു പറുദീ​സാ​യാ​യി രൂപാ​ന്ത​ര​പ്പെ​ടു​ത്ത​പ്പെ​ടും. നമ്മുടെ സ്രഷ്ടാവ്‌ വ്യർത്ഥ​മാ​യി​ട്ടല്ല ഭൂമിയെ സൃഷ്ടി​ച്ചത്‌, പിന്നെ​യൊ ലോക​ത്തി​നു ചുററു​മുള്ള ഒരു ഏദൻതോ​ട്ടം അഥവാ ഉല്ലാസ​ത്തി​ന്റെ പറുദീ​സാ​യാ​യി​രി​ക്കാ​നാണ്‌. അതിൽ പാർക്കേ​ണ്ടത്‌ ദൈവ​ത്തി​ന്റെ പ്രതി​ച്ഛാ​യ​യി​ലും സാദൃ​ശ്യ​ത്തി​ലു​മുള്ള പൂർണ്ണ​രായ മനുഷ്യ​വർഗ്ഗ​മാണ്‌.

21. ഭൂമി​യെ​സം​ബ​ന്ധിച്ച ദൈ​വോ​ദ്ദേ​ശ്യം എങ്ങനെ സാക്ഷാ​ത്‌ക്ക​രി​ക്ക​പ്പെ​ടും?

²¹ തീർച്ച​യാ​യും, അങ്ങനെ​യുള്ള ഒരു പുതിയ ലോക​ത്തി​ലാ​യി​രി​ക്കു​ന്നത്‌ അവർണ്ണ​നീ​യ​മായ ഒരു മഹദ്‌പ​ദ​വി​യും സന്തോ​ഷ​വു​മാ​യി​രി​ക്കും! അന്ന്‌ ദൈവം ആദ്യ മനുഷ്യ​ജോ​ടി​ക്കു കൊടു​ത്തി​രുന്ന ഉല്‌പത്തി 1:27, 28ലെ നിയോ​ഗം സമൃദ്ധ​മാ​യി നിറ​വേ​റ​റ​പ്പെ​ടും. മനുഷ്യ​കു​ടും​ബ​ത്തി​നു നേരിട്ട അനർത്ഥത്തെ വിദഗ്‌ദ്ധ​മാ​യി യഹോവ കൈകാ​ര്യം​ചെ​യ്‌ത​തി​നാൽ ഒരു പറുദീ​സാ​യാ​യി​ത്തീ​രുന്ന അളവോ​ളം ഭൂമി കീഴട​ക്ക​പ്പെ​ടു​ക​യും പൂർണ്ണ​ത​യുള്ള ഒരു മനുഷ്യ​വർഗ്ഗ​ത്തെ​ക്കൊണ്ട്‌ നിറയു​ക​യും ചെയ്യും. അതെ, ദൈവം നിർമ്മി​ച്ചി​ട്ടു​ള്ള​തി​നെ​യെ​ല്ലാം ദൈവം നോക്കും. നോക്കൂ, അത്‌ വളരെ നല്ലതാ​യി​രി​ക്കും. നിങ്ങൾ അവിടെ ഉണ്ടായി​രി​ക്കു​മോ? എങ്കിൽ, നിങ്ങൾ ഇപ്പോൾ വിലമ​തി​പ്പോ​ടെ ജീവജലം സൗജന്യ​മാ​യി പങ്കുപ​റ​റി​ത്തു​ട​ങ്ങണം. “വരിക”യും ഇപ്പോൾ പ്രവഹി​ച്ചു​തു​ട​ങ്ങി​യി​രി​ക്കു​ന്ന​തും വരാനി​രി​ക്കുന്ന സഹസ്രാ​ബ്ദ​ത്തിൽ പൂർണ്ണ​മാ​യി പ്രവഹി​ക്കാ​നി​രി​ക്കു​ന്ന​തു​മായ ജീവജലം നിറയെ കുടിച്ച്‌ ദാഹം ശമിപ്പി​ക്കു​ക​യും ചെയ്യുക. ഈ മധു​രോ​ദാ​ര​മായ ക്ഷണം കേൾക്കുന്ന ഏവനും “വരിക!” എന്നു പറയട്ടെ. (w90 12⁄15)

[അടിക്കു​റി​പ്പു​കൾ]

നിങ്ങളു​ടെ ഉത്തരം എന്താണ്‌?

◻ വെളി​പ്പാട്‌ 22:17-ൽ ഏതു “ജല”ത്തെ പരാമർശി​ച്ചി​രി​ക്കു​ന്നു?

◻ ഈ “ജല”ത്തിന്റെ ഉറവ്‌ ഏതാണ്‌?

◻ “ജലം” ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌, അതിന്‌ എപ്പോൾമാ​ത്രമേ പ്രവഹി​ച്ചു​തു​ട​ങ്ങാൻ കഴിയു​മാ​യി​രു​ന്നു​ള്ളു?

◻ നമ്മുടെ വാക്യ​ത്തി​ലെ “ആത്മാവ്‌” എന്ന പരാമർശം എന്തു സൂചി​പ്പി​ക്കു​ന്നു, “മണവാട്ടി” ഉൾപ്പെ​ട്ടി​രി​ക്കു​ന്ന​തെ​ങ്ങനെ?

◻ ഈ “ജല”ത്തിൽ ആർക്കു പങ്കുപ​റ​റാൻ കഴിയും, എന്തു ഫലത്തോ​ടെ?