“ഞങ്ങൾ മിശി​ഹാ​യെ കണ്ടെത്തി​യി​രി​ക്കു​ന്നു”!

“[അന്ത്രെ​യാസ്‌] ആദ്യമാ​യി തന്റെ സഹോ​ദരൻ ശിമോ​നെ കണ്ടു പറഞ്ഞു: ഞങ്ങൾ മിശി​ഹാ​യെ കണ്ടെത്തി​യി​രി​ക്കു​ന്നു. മിശിഹാ എന്നതിനു ക്രിസ്‌തു അല്ലെങ്കിൽ അഭിഷി​ക്തൻ എന്നർത്ഥം.”—യോഹ​ന്നാൻ 1:41, പുതിയ നിയമം ആധുനിക വിവർത്തനം.

1. നസറെ​ത്തി​ലെ യേശു​വി​നെ​ക്കു​റി​ച്ചു സ്‌നാ​പ​ക​യോ​ഹ​ന്നാൻ എന്തു സാക്ഷ്യ​പ്പെ​ടു​ത്തി, അന്ത്രെ​യാസ്‌ അവനെ​ക്കു​റിച്ച്‌ എന്തു നിഗമനം ചെയ്‌തു?

അന്ത്രെ​യാസ്‌ നസറെ​ത്തി​ലെ യേശു എന്നു വിളി​ക്ക​പ്പെട്ട യഹൂദ മനുഷ്യ​നെ ദീർഘ​നേരം സൂക്ഷി​ച്ചു​നോ​ക്കി. അവന്‌ ഒരു രാജാ​വി​ന്റെ​യോ ഒരു ജ്ഞാനി​യു​ടെ​യോ ഒരു റബ്ബിയു​ടേ​യോ പ്രകൃതി ഇല്ലായി​രു​ന്നു. അവനു രാജകീയ പകിട്ടോ നരച്ച മുടി​യോ മാർദ്ദ​വ​മുള്ള കൈക​ളും അഴകാർന്ന ത്വക്കു​മോ ഇല്ലായി​രു​ന്നു. യേശു യുവാ​വാ​യി​രു​ന്നു—ഏതാണ്ടു 30 വയസ്സു​ള്ളവൻ—ഒരു തൊഴി​ലാ​ളി​യു​ടെ തഴമ്പുള്ള കൈക​ളും നിറം മങ്ങിയ ത്വക്കു​മു​ണ്ടാ​യി​രു​ന്ന​വൻതന്നെ. അതു​കൊണ്ട്‌ അവൻ ഒരു തച്ചനാ​ണെന്നു മനസ്സി​ലാ​ക്കി​യ​പ്പോൾ അന്ത്രെ​യാസ്‌ അതിശ​യി​ച്ചി​രി​ക്കാ​നി​ട​യില്ല. എന്നിരു​ന്നാ​ലും, സ്‌നാ​പ​ക​യോ​ഹ​ന്നാൻ ഈ മനുഷ്യ​നെ​ക്കു​റിച്ച്‌ “ഇതാ ദൈവ​ത്തി​ന്റെ കുഞ്ഞാടു!” എന്നു പറഞ്ഞു. തലേ ദിവസം അതിലും വിസ്‌മ​യ​ക​ര​മായ ചിലതു യോഹ​ന്നാൻ പറഞ്ഞി​രു​ന്നു: “അവിടുന്ന്‌ ദൈവ​പു​ത്രൻ ആണ്‌.” ഇതു സത്യമാ​യി​രി​ക്കാൻ കഴിയു​മോ? അന്നു യേശു​വി​നെ ശ്രദ്ധി​ച്ചു​കൊണ്ട്‌ അന്ത്രെ​യാസ്‌ കുറെ സമയം ചെലവ​ഴി​ച്ചു. യേശു പറഞ്ഞ​തെ​ന്താ​ണെന്നു നമുക്ക​റി​വില്ല; അവന്റെ വാക്കുകൾ അന്ത്രെ​യാ​സി​ന്റെ ജീവി​ത​ത്തി​നു മാററം വരുത്തി​യെന്നു നമുക്കു തീർച്ച​യാ​യും അറിയാം. അവൻ തന്റെ സഹോ​ദ​ര​നായ ശിമോ​നെ കണ്ടെത്താൻ ദ്രുത​ഗ​തി​യിൽ പോകു​ക​യും “ഞങ്ങൾ മിശി​ഹാ​യെ കണ്ടെത്തി​യി​രി​ക്കു​ന്നു” എന്ന്‌ ഉദ്‌ഘോ​ഷി​ക്കു​ക​യും ചെയ്‌തു!—യോഹ​ന്നാൻ 1:34-41, പുതിയ നിയമം ആധുനിക വിവർത്തനം.

2. യേശു വാഗ്‌ദ​ത്ത​മി​ശി​ഹാ ആണോ​യെ​ന്ന​തി​ന്റെ തെളിവു പരിചി​ന്തി​ക്കു​ന്നതു പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

² അന്ത്രെ​യാ​സും ശിമോ​നും (അവനു യേശു പത്രോസ്‌ എന്നു മറു​പേ​രി​ട്ടു) പിൽക്കാ​ലത്തു യേശു​വി​ന്റെ അപ്പോ​സ്‌ത​ലൻമാ​രാ​യി​ത്തീർന്നു. അവന്റെ ശിഷ്യ​നാ​യി രണ്ടില​ധി​കം വർഷം ചെലവ​ഴി​ച്ച​ശേഷം പത്രോസ്‌ യേശു​വി​നോട്‌: “നീ ജീവനുള്ള ദൈവ​ത്തി​ന്റെ പുത്ര​നായ ക്രിസ്‌തു [മിശിഹ] എന്നു ഉത്തരം പറഞ്ഞു.” (മത്തായി 16:16) വിശ്വ​സ്‌ത​രായ അപ്പോ​സ്‌ത​ലൻമാ​രും ശിഷ്യൻമാ​രും ആ വിശ്വാ​സ​ത്തി​നു​വേണ്ടി തങ്ങളുടെ ജീവൻ പണയ​പ്പെ​ടു​ത്താൻ സന്നദ്ധരാ​ണെന്ന്‌ ആത്യന്തി​ക​മാ​യി തെളിഞ്ഞു. ഇന്ന്‌, ആത്മാർത്ഥ​ത​യുള്ള ദശലക്ഷ​ക്ക​ണ​ക്കി​നാ​ളു​കൾ തുല്യ​മാ​യി അർപ്പണ​ബോ​ധ​മു​ള്ള​വ​രാണ്‌. എന്നാൽ തെളി​വെ​ന്താണ്‌? ഏതായാ​ലും തെളി​വാണ്‌ വിശ്വാ​സ​വും വെറും ക്ഷണിക​വി​ശ്വാ​സ​വും തമ്മിൽ വ്യത്യാ​സ​മു​ള​വാ​ക്കു​ന്നത്‌. (എബ്രായർ 11:1 കാണുക.) തന്നിമി​ത്തം യേശു തീർച്ച​യാ​യും മിശിഹാ ആയിരു​ന്നു​വെന്നു പ്രകട​മാ​ക്കുന്ന തെളി​വി​ന്റെ മൂന്നു പൊതു സരണികൾ നമുക്കു പരിചി​ന്തി​ക്കാം.

യേശു​വി​ന്റെ വംശാ​വ​ലി

3. മത്തായി​യു​ടെ​യും ലൂക്കോ​സി​ന്റെ​യും സുവി​ശേ​ഷങ്ങൾ യേശു​വി​ന്റെ വംശാ​വ​ലി​സം​ബ​ന്ധിച്ച്‌ എന്തു വിശദാം​ശങ്ങൾ നൽകുന്നു?

³ യേശു​വി​ന്റെ മിശി​ഹാ​പ​ദ​വി​യു​ടെ തെളി​വി​ലേക്ക്‌ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​കൾ നൽകുന്ന ഒന്നാമത്തെ തെളിവ്‌ അവന്റെ വംശാ​വ​ലി​യാണ്‌. മിശിഹാ ദാവീ​ദു​രാ​ജാ​വി​ന്റെ കുടും​ബ​വം​ശ​ത്തിൽ വരു​മെന്നു ബൈബിൾ മുൻകൂ​ട്ടി​പ്പ​റഞ്ഞു. (സങ്കീർത്തനം 132:11, 12; യെശയ്യാ​വു 11:1, 10) മത്തായി​യു​ടെ സുവി​ശേഷം ഇങ്ങനെ തുടങ്ങു​ന്നു: “അബ്രാ​ഹാ​മി​ന്റെ പുത്ര​നായ ദാവീ​ദി​ന്റെ പുത്ര​നായ യേശു​ക്രി​സ്‌തു​വി​ന്റെ വംശാ​വലി.” മത്തായി യേശു​വി​ന്റെ വളർത്തു​പി​താ​വായ യോ​സേ​ഫി​ന്റെ വംശത്തി​ലുള്ള അവന്റെ ഉത്ഭവം വിവരി​ച്ചു​കൊണ്ട്‌ ഈ ധീരമായ അവകാ​ശ​വാ​ദത്തെ പിന്താ​ങ്ങു​ന്നു. (മത്തായി 1:1-16) ലൂക്കോ​സി​ന്റെ സുവി​ശേഷം യേശു​വി​ന്റെ സ്വാഭാ​വിക മാതാ​വായ മറിയ​യി​ലൂ​ടെ പിമ്പോ​ട്ടു ദാവീ​ദി​ലൂ​ടെ​യും അബ്രാ​ഹാ​മി​ലൂ​ടെ​യും ആദാം​വരെ വിവരി​ക്കു​ന്നു. (ലൂക്കോസ്‌ 3:23-38)a അങ്ങനെ സുവി​ശേഷ എഴുത്തു​കാർ നിയമ​പ​ര​വും സ്വാഭാ​വി​ക​വു​മായ അർത്ഥത്തിൽ യേശു ദാവീ​ദി​ന്റെ ഒരു പുത്ര​നാ​ണെ​ന്നുള്ള അവരുടെ അവകാ​ശ​വാ​ദത്തെ രേഖക​ളാൽ പൂർണ്ണ​മാ​യും തെളി​യി​ക്കു​ന്നു.

4, 5. (എ) യേശു​വി​ന്റെ സമകാ​ലി​കർ ദാവീ​ദിൽനി​ന്നുള്ള അവന്റെ വംശോ​ല്‌പ​ത്തി​യെ വെല്ലു​വി​ളി​ച്ചോ, ഇതു സാർത്ഥ​ക​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ബൈബിൾപ​ര​മ​ല്ലാത്ത പരാമർശങ്ങൾ യേശു​വി​ന്റെ വംശാ​വ​ലി​യെ പിന്താ​ങ്ങു​ന്ന​തെ​ങ്ങനെ?

⁴ യേശു​വി​ന്റെ മിശി​ഹാ​പ​ദ​വി​യു​ടെ ഏററവും സംശയാ​ലു​വായ എതിരാ​ളി​ക്കു പോലും താൻ ദാവീ​ദി​ന്റെ ഒരു പുത്ര​നാ​ണെ​ന്നുള്ള യേശു​വി​ന്റെ അവകാ​ശ​വാ​ദത്തെ നിഷേ​ധി​ക്കാൻ കഴിയില്ല. എന്തു​കൊണ്ട്‌? രണ്ടു കാരണ​ങ്ങ​ളുണ്ട്‌. ആ അവകാ​ശ​വാ​ദം പൊ.യു. 70-ൽ യെരൂ​ശ​ലേം നശിപ്പി​ക്ക​പ്പെ​ടു​ന്ന​തി​നു​മുമ്പ്‌ ആ നഗരത്തിൽ വ്യാപ​ക​മാ​യി ആവർത്തി​ക്ക​പ്പെ​ട്ടി​രു​ന്നു. (മത്തായി 21:9 താരത​മ്യ​പ്പെ​ടു​ത്തുക; പ്രവൃ​ത്തി​കൾ 4:27; 5:27, 28.) ആ അവകാ​ശ​വാ​ദം വ്യാജ​മാ​യി​രു​ന്നെ​ങ്കിൽ, യേശു​വി​ന്റെ എതിരാ​ളി​ക​ളിൽ ആർക്കു വേണ​മെ​ങ്കി​ലും—അവന്‌ അനേകർ ഉണ്ടായി​രു​ന്നു—പൊതു​ഗ്ര​ന്ഥ​പ്പു​ര​ക​ളി​ലെ വംശാ​വ​ലി​ക​ളിൽ കേവലം യേശു​വി​ന്റെ വംശം പരി​ശോ​ധി​ച്ചു​കൊണ്ട്‌ അവൻ ഒരു വഞ്ചകനാ​ണെന്നു തെളി​യി​ക്കാൻ കഴിയു​മാ​യി​രു​ന്നു.b എന്നാൽ ദാവീ​ദു​രാ​ജാ​വിൽനി​ന്നുള്ള യേശു​വി​ന്റെ വംശോ​ത്‌പ​ത്തി​യെ ആരെങ്കി​ലും വെല്ലു​വി​ളി​ക്കു​ന്ന​തി​ന്റെ രേഖ ചരി​ത്ര​ത്തി​ലില്ല. സ്‌പഷ്ട​മാ​യി ആ അവകാ​ശ​വാ​ദം ചോദ്യം​ചെ​യ്യ​പ്പെ​ടാ​വു​ന്ന​താ​യിരു​ന്നില്ല. മത്തായി​യും ലൂക്കോ​സും നേരിട്ടു പൊതു രേഖക​ളിൽനി​ന്നു തങ്ങളുടെ വിവര​ണ​ങ്ങൾക്കു പ്രസക്ത​മായ പേരുകൾ പകർത്തി​യെ​ന്നു​ള്ള​തി​നു സംശയ​മില്ല.

⁵ രണ്ടാമത്‌, ബൈബി​ളി​നു പുറത്തുള്ള തെളി​വു​കൾ യേശു​വി​ന്റെ വംശാ​വ​ലി​യു​ടെ പൊതു അംഗീ​ക​ര​ണത്തെ സ്ഥിരീ​ക​രി​ക്കു​ന്നു. ഉദാഹ​ര​ണ​ത്തിന്‌, തൽമൂദ്‌ യേശു​വി​ന്റെ അമ്മയായ മറിയ ‘ആശാരി​മാ​രു​മാ​യി വേശ്യാ​വൃ​ത്തി​യി​ലേർപ്പെട്ട’തിനു നാലാം നൂററാ​ണ്ടി​ലെ ഒരു റബ്ബി ആഭാസ​മായ ഒരു ആക്രമണം നടത്തി​യ​താ​യി രേഖ​പ്പെ​ടു​ത്തു​ന്നു; എന്നാൽ അതേ ഗ്രന്ഥഭാ​ഗം “അവൾ രാജാ​ക്കൻമാ​രു​ടെ​യും ഭരണാ​ധി​പൻമാ​രു​ടെ​യും സന്തതി​യാ​യി​രു​ന്നു” എന്നു സമ്മതി​ക്കു​ന്നു. അതിലും നേര​ത്തെ​യുള്ള ഒരു ഉദാഹ​ര​ണ​മാ​ണു രണ്ടാം നൂററാ​ണ്ടി​ലെ ഒരു ചരി​ത്ര​കാ​ര​നാ​യി​രുന്ന ഹിജസി​പ്പസ്‌. ദാവീ​ദി​ന്റെ ഏതു വംശജ​രെ​യും നശിപ്പി​ക്കാൻ റോമൻ കൈസ​റായ ഡൊമീ​ഷ്യൻ ആഗ്രഹി​ച്ച​പ്പോൾ ആദിമ​ക്രി​സ്‌ത്യാ​നി​ക​ളു​ടെ ചില ശത്രുക്കൾ യേശു​വി​ന്റെ അർദ്ധസ​ഹോ​ദ​ര​നായ യൂദാ​യു​ടെ പൗത്രൻമാർ “ദാവീ​ദി​ന്റെ കുടും​ബ​ത്തിൽ പെട്ടവ​രാണ്‌” എന്നു കുററ​പ്പെ​ടു​ത്തി എന്ന്‌ അദ്ദേഹം പ്രതി​പാ​ദി​ച്ചു. യൂദാ ദാവീ​ദി​ന്റെ ഒരു അറിയ​പ്പെട്ട സന്തതി​യാ​യി​രു​ന്നെ​ങ്കിൽ യേശു​വും അങ്ങനെ​യാ​യി​രു​ന്നി​ല്ലേ? അനി​ഷേ​ധ്യ​മാ​യി​ത്തന്നെ!—ഗലാത്യർ 1:19; യൂദാ 1.

മിശി​ഹൈക പ്രവച​ന​ങ്ങൾ

6. എബ്രായ തിരു​വെ​ഴു​ത്തു​ക​ളിൽ മിശി​ഹൈ​ക​പ്ര​വ​ച​നങ്ങൾ എത്ര സമൃദ്ധ​മാണ്‌?

⁶ യേശു മിശിഹാ ആയിരു​ന്നു​വെ​ന്ന​തി​ന്റെ തെളി​വി​ന്റെ മറെറാ​രു സരണി നിവൃ​ത്തി​യായ പ്രവച​ന​ങ്ങ​ളാണ്‌. മിശി​ഹാ​യ്‌ക്കു ബാധക​മാ​കുന്ന പ്രവച​നങ്ങൾ എബ്രായ തിരു​വെ​ഴു​ത്തു​ക​ളിൽ ധാരാ​ള​മുണ്ട്‌. യേശു മിശി​ഹാ​യു​ടെ ജീവി​ത​വും കാലങ്ങ​ളും (The Life and Times of Jesus the Messiah) എന്ന തന്റെ പുസ്‌ത​ക​ത്തിൽ ആൽ​ഫ്രെഡ്‌ എഡർഷെ​യിം മിശി​ഹാ​യെ​ക്കു​റി​ച്ചു​ള്ള​തെന്നു പുരാതന റബ്ബിമാർ വീക്ഷിച്ച എബ്രായ തിരു​വെ​ഴു​ത്തു​ക​ളി​ലെ 456 ഭാഗങ്ങൾ പട്ടിക​പ്പെ​ടു​ത്തി. എന്നിരു​ന്നാ​ലും, റബ്ബിമാർക്കു മിശി​ഹാ​യെ​ക്കു​റി​ച്ചു തെററായ അനേകം ആശയങ്ങൾ ഉണ്ടായി​രു​ന്നു; അവർ വിരൽചൂ​ണ്ടിയ അനേകം ഭാഗങ്ങൾ അശേഷം മിശി​ഹാ​യെ​ക്കു​റി​ച്ചു​ള്ള​വയല്ല. എന്നാലും യേശു​വി​നെ മിശി​ഹാ​യാ​യി തിരി​ച്ച​റി​യി​ക്കുന്ന ബഹുദശം പ്രവച​ന​ങ്ങ​ളെ​ങ്കി​ലു​മുണ്ട്‌.—വെളി​പ്പാ​ടു 19:10 താരത​മ്യ​പ്പെ​ടു​ത്തുക.

7. യേശു​വി​ന്റെ ഭൂമി​യി​ലെ ഹ്രസ്വ താമസ​ക്കാ​ലത്ത്‌ അവൻ നിവർത്തിച്ച പ്രവച​ന​ങ്ങ​ളിൽ ചിലതേവ?

⁷ അവയിൽപെ​ട്ട​വ​യാണ്‌: അവൻ ജനിച്ച പട്ടണം (മീഖാ 5:2; ലൂക്കോസ്‌ 2:4-11); അവന്റെ ജനന​ശേഷം നടന്ന കൂട്ടശി​ശു​ഹ​ത്യാ​ദു​രന്തം (യിരെ​മ്യാവ്‌ 31:15; മത്തായി 2:16-18); അവൻ ഈജി​പ്‌തിൽനി​ന്നു വിളി​ക്ക​പ്പെ​ടും (ഹോശേയ 11:1; മത്തായി 2:15); അവനെ നശിപ്പി​ക്കാൻ ജനതക​ളി​ലെ ഭരണാ​ധി​പൻമാർ ഒത്തുകൂ​ടും (സങ്കീർത്തനം 2:1, 2; പ്രവൃ​ത്തി​കൾ 4:25-28); 30 വെള്ളി​ക്കാ​ശി​നുള്ള അവന്റെ ഒററി​ക്കൊ​ടു​ക്കൽ (സെഖര്യാവ്‌ 11:12; മത്തായി 26:15); അവന്റെ മരണവി​ധം പോലും.—സങ്കീർത്തനം 22:16, NW, അടിക്കു​റിപ്പ്‌; യോഹ​ന്നാൻ 19:18, 23; 20:25, 27.c

അവന്റെ വരവു പ്രവചി​ക്ക​പ്പെ​ട്ടു

8. (എ) മിശിഹാ എപ്പോൾ വരു​മെന്ന്‌ ഏതു പ്രവചനം ചൂണ്ടി​ക്കാ​ട്ടു​ന്നു? (ബി) ഈ പ്രവചനം മനസ്സി​ലാ​ക്കു​ന്ന​തിന്‌ ഏതു രണ്ടു ഘടകങ്ങൾ അറിഞ്ഞി​രി​ക്കണം?

⁸ നമുക്ക്‌ ഒരു പ്രവച​ന​ത്തിൽ മാത്രം ശ്രദ്ധ കേന്ദ്രീ​ക​രി​ക്കാം. ദാനി​യേൽ 9:25-ൽ മിശിഹാ എപ്പോൾ വരു​മെന്നു യഹൂദൻമാ​രോ​ടു പറയ​പ്പെട്ടു. അതിങ്ങനെ വായി​ക്ക​പ്പെ​ടു​ന്നു: “അതു​കൊ​ണ്ടു നീ അറിഞ്ഞു ഗ്രഹി​ച്ചു​കൊ​ള്ളേ​ണ്ട​തെ​ന്തെ​ന്നാൽ: യെരൂ​ശ​ലേ​മി​നെ യഥാസ്ഥാ​ന​പ്പെ​ടു​ത്തി പണിവാൻ കല്‌പന പുറ​പ്പെ​ടു​ന്ന​തു​മു​തൽ അഭിഷി​ക്ത​നാ​യോ​രു പ്രഭു​വരെ (നേതാ​വായ മിശിഹാ, NW) ഏഴു ആഴ്‌ച​വട്ടം; അറുപ​ത്തി​രണ്ടു ആഴ്‌ച​വട്ടം.” ആദ്യ​നോ​ട്ട​ത്തിൽ ഈ പ്രവചനം ഗൂഢാർത്ഥ​മാ​ണെന്നു തോന്നി​യേ​ക്കാം. എന്നാൽ വിശാ​ല​മായ ഒരു അർത്ഥത്തിൽ രണ്ടു വിവര​ശ​ക​ലങ്ങൾ മാത്രം കണ്ടെത്താ​നാണ്‌ അതു നമ്മോ​ടാ​വ​ശ്യ​പ്പെ​ടു​ന്നത്‌: ഒരു ആരംഭ​വും ഒരു കാലഘ​ട്ട​വും. ദൃഷ്ടാ​ന്തീ​ക​രി​ക്കു​ന്ന​തിന്‌, “ടൗൺപാർക്കി​ലെ കിണറ​റി​ങ്കൽനിന്ന്‌ 50 കമ്പു കിഴക്കു​മാ​റി മണ്ണിന​ടി​യിൽ കിടക്കുന്ന ഒരു നിധി”യിലേക്കു വിരൽചൂ​ണ്ടുന്ന ഒരു ഭൂപടം നിങ്ങൾക്കു​ണ്ടെ​ങ്കിൽ നിർദ്ദേ​ശങ്ങൾ കുഴപ്പി​ക്കു​ന്ന​താ​ണെന്നു നിങ്ങൾ കണ്ടെത്തി​യേ​ക്കാം—വിശേ​ഷിച്ച്‌ ഈ കിണർ എവി​ടെ​യാ​ണെ​ന്നോ ‘കമ്പിന്‌’ എന്തു നീളമു​ണ്ടെ​ന്നോ നിങ്ങൾക്ക​റി​യി​ല്ലെ​ങ്കിൽ. നിങ്ങൾക്കു നിധി കണ്ടെത്താൻ കഴി​യേ​ണ്ട​തി​നു നിങ്ങൾ ആ രണ്ടു വസ്‌തു​തകൾ അന്വേ​ഷി​ച്ചു കണ്ടുപി​ടി​ക്കു​ക​യി​ല്ലേ? ശരി, നാം ഒരു ആരംഭം തിരി​ച്ച​റി​യു​ക​യും തുടർന്നു​വ​രുന്ന കാലഘ​ട്ടത്തെ അളക്കു​ക​യും ചെയ്യാത്ത പക്ഷം ദാനി​യേ​ലി​ലെ പ്രവചനം അധിക​മാ​യി അങ്ങനെ​യാണ്‌.

9, 10. (എ) അറുപ​ത്തൊൻപത്‌ ആഴ്‌ച അളക്കു​ന്നത്‌ ഏതു ആരംഭ​ഘട്ടം മുതലാണ്‌? (ബി) ഈ 69 ആഴ്‌ച എത്ര ദീർഘ​മാ​യി​രു​ന്നു, നാം ഇത്‌ എങ്ങനെ അറിയു​ന്നു?

⁹ ഒന്നാമ​താ​യി, നമുക്ക്‌ ആരംഭ​ഘട്ടം, ‘യെരൂ​ശ​ലേ​മി​നെ യഥാസ്ഥാ​ന​പ്പെ​ടു​ത്തി പണിയാൻ കല്‌പന പുറപ്പെട്ട’ സമയം, ആവശ്യ​മാണ്‌. അടുത്ത​താ​യി, ആ ഘട്ടത്തിൽനി​ന്നുള്ള ദൈർഘ്യം നാം അറി​യേ​ണ്ട​തുണ്ട്‌, അതായത്‌, ഈ 69 (7-ഉം 62-ഉം) ആഴ്‌ചകൾ എത്ര ദീർഘ​മാ​യി​രു​ന്നു​വെന്ന്‌. ഈ രണ്ടു വിവര​ശ​ക​ല​ങ്ങ​ളും ലഭിക്കുക പ്രയാ​സമല്ല. യെരു​ശ​ലേ​മി​നെ ഒടുവിൽ പുനഃ​സ്ഥാ​പി​ക്ക​പ്പെട്ട ഒരു നഗരമാ​ക്കി​ക്കൊണ്ട്‌ അതിനു ചുററു​മുള്ള മതിൽ പണിയാൻ “അർത്ഥഹ്‌ശ​ഷ്ടാ​രാ​ജാ​വി​ന്റെ ഇരുപ​താ​മാ​ണ്ടിൽ” കല്‌പന പുറ​പ്പെ​ട്ട​താ​യി നെഹെ​മ്യാ​വു സുവ്യ​ക്ത​മാ​യി നമ്മോടു പറയുന്നു. (നെഹെ​മ്യാ​വു 2:1, 5, 7, 8) അതു നമ്മുടെ ആരംഭ​ഘ​ട്ടത്തെ പൊ.യു.മു. (പൊതു​യു​ഗ​ത്തി​നു മുമ്പ്‌) 455 ആക്കുന്നു.d

¹⁰ ഇപ്പോൾ, ഈ 69 ആഴ്‌ച​കളെ സംബന്ധി​ച്ചാ​ണെ​ങ്കിൽ അവ ഏഴുദി​വ​സ​മ​ട​ങ്ങിയ അക്ഷരീയ ആഴ്‌ച​ക​ളാ​യി​രി​ക്കു​മോ? അല്ല, എന്തെന്നാൽ മിശിഹാ പൊ.യു.മു. 455-നുശേഷം കേവലം ഒരു വർഷവും അല്‌പ​കാ​ല​വും​കൂ​ടെ കഴിഞ്ഞ​പ്പോൾ പ്രത്യ​ക്ഷ​പ്പെ​ട്ടില്ല. തന്നിമി​ത്തം ഈ ആഴ്‌ചകൾ “വർഷങ്ങ​ളു​ടേത്‌” ആണെന്നു മിക്ക ബൈബിൾ പണ്ഡിതൻമാ​രും (ഈ വാക്യ​ത്തി​ന്റെ ഒരു അടിക്കു​റി​പ്പിൽ യഹൂദ താനാക്ക്‌ ഉൾപ്പെടെ) നിരവധി ഭാഷാ​ന്ത​ര​ങ്ങ​ളും സമ്മതി​ക്കു​ന്നു. ‘വർഷങ്ങ​ളു​ടെ ആഴ്‌ച’ അല്ലെങ്കിൽ ഒരു സപ്‌ത​വർഷ ചക്രം എന്ന ഈ ആശയം പുരാതന യഹൂദൻമാർക്കു പരിചി​ത​മാ​യി​രു​ന്നു. അവർ ഓരോ എഴു ദിവസ​ത്തി​ലും ഒരു ശബത്തു​ദി​വസം ആചരി​ച്ച​തു​പോ​ലെ, ഓരോ ഏഴാം വർഷത്തി​ലും ഒരു ശബത്തു​വർഷ​വും ആചരി​ച്ചി​രു​ന്നു. (പുറപ്പാട്‌ 20:8-11; 23:10, 11) അതു​കൊ​ണ്ടു വർഷങ്ങ​ളു​ടെ 69 ആഴ്‌ചകൾ 7 വർഷത്തി​ന്റെ 69 മടങ്ങാ​യി​രി​ക്കും, അല്ലെങ്കിൽ 483 വർഷം. നാം ചെയ്യാൻ ശേഷി​ച്ചി​രി​ക്കു​ന്നത്‌ എണ്ണുക മാത്ര​മാണ്‌. പൊ.യു.മു. 455മുതൽ 483 വർഷങ്ങൾ എണ്ണു​മ്പോൾ നാം പൊ.യു. 29-ൽ വന്നെത്തു​ന്നു—ആ വർഷത്തിൽത​ന്നെ​യാ​യി​രു​ന്നു യേശു സ്‌നാ​പ​ന​മേൽക്കു​ക​യും മശിയാഹ്‌, മിശിഹാ, ആയിത്തീ​രു​ക​യും ചെയ്‌തത്‌!—“എഴുപത്‌ ആഴ്‌ചകൾ” കാണുക, തിരു​വെ​ഴു​ത്തു​ക​ളിൽനി​ന്നുള്ള ഉൾക്കാഴ്‌ച, വാള്യം 2, പേജ്‌ 899 കാണുക.

11. ഇതു ദാനി​യേ​ലി​ന്റെ പ്രവച​നത്തെ വ്യാഖ്യാ​നി​ക്കുന്ന ഒരു ആധുനി​ക​രീ​തി മാത്ര​മാ​ണെന്നു പറയു​ന്ന​വർക്കു നമുക്ക്‌ എങ്ങനെ ഉത്തരം കൊടു​ക്കാം?

¹¹ ഇതു ചരി​ത്ര​ത്തോ​ടു യോജി​ക്കാൻ തക്കവണ്ണം കേവലം പ്രവച​നത്തെ വ്യാഖ്യാ​നി​ക്കുന്ന ഒരു ആധുനി​ക​രീ​തി​യാ​ണെന്നു ചിലർ തടസ്സവാ​ദം പറഞ്ഞേ​ക്കാം. അങ്ങനെ​യാ​ണെ​ങ്കിൽ, യേശു​വി​ന്റെ നാളു​ക​ളി​ലെ ആളുകൾ ആ കാലത്തു മിശിഹാ പ്രത്യ​ക്ഷ​പ്പെ​ടാൻ പ്രതീ​ക്ഷി​ച്ച​തെ​ന്തു​കൊണ്ട്‌? ക്രിസ്‌തീയ ചരി​ത്ര​കാ​ര​നായ ലൂക്കോ​സും റോമൻച​രി​ത്ര​കാ​രൻമാ​രായ ററാസി​റ​റ​സും സ്യൂ​ട്ടോ​ണി​യ​സും യഹൂദ ചരി​ത്ര​കാ​ര​നായ ജൊസീ​ഫ​സും യഹൂദ തത്ത്വചി​ന്ത​ക​നായ ഫിലോ​യും ഈ കാല​ത്തോ​ട​ടു​ത്തു ജീവി​ക്കു​ക​യും ഈ പ്രതീ​ക്ഷ​യു​ടെ അവസ്ഥക്കു സാക്ഷ്യം​വ​ഹി​ക്കു​ക​യും ചെയ്‌തു. (ലൂക്കൊസ്‌ 3:15) ആ നാളു​ക​ളിൽ യഹൂദൻമാർ മിശി​ഹാ​യെ കാംക്ഷി​ക്കു​ക​യും പ്രതീ​ക്ഷി​ക്കു​ക​യും ചെയ്യാ​നി​ട​യാ​ക്കി​യതു റോമൻമർദ്ദ​ന​മാ​യി​രു​ന്നു​വെന്നു ചില പണ്ഡിതൻമാർ ഇന്നു ശഠിക്കു​ന്നു. എന്നാൽ നൂററാ​ണ്ടു​കൾക്കു മുമ്പു മൃഗീ​യ​മായ ഗ്രീക്കു പീഡനം നടന്ന​പ്പോൾ യഹൂദൻമാർ മിശി​ഹാ​യെ പ്രതീ​ക്ഷി​ക്കാ​തെ അന്നു പ്രതീ​ക്ഷി​ച്ച​തെ​ന്തു​കൊണ്ട്‌? “ദുർഗ്ര​ഹ​ങ്ങ​ളായ പ്രവചനങ്ങ”ളായി​രു​ന്നു ശക്തരായ ഭരണാ​ധി​കാ​രി​കൾ യഹൂദ്യ​യിൽനി​ന്നു വരാനും “സാർവ​ത്രിക സാമ്രാ​ജ്യം കരഗത​മാ​ക്കാ​നും” യഹൂദൻമാർ പ്രതീ​ക്ഷി​ക്കു​ന്ന​തി​ലേക്കു നയിച്ച​തെന്നു ററാസി​റ​റസ്‌ പറഞ്ഞ​തെ​ന്തു​കൊണ്ട്‌? അബ്ബാ ഹില്ലേൽ സിൽവർ ഇസ്ര​യേ​ലി​ലെ മിശി​ഹൈക അഭ്യൂഹം (A History of Messianic Speculation in Israel) എന്ന തന്റെ പുസ്‌ത​ക​ത്തിൽ “മിശിഹാ പൊ.യു. ഒന്നാം നൂററാ​ണ്ടി​ന്റെ രണ്ടാം ചതുരം​ശ​ത്തോ​ട​ടു​ത്തു വരാൻ പ്രതീ​ക്ഷി​ക്ക​പ്പെ​ട്ടി​രു​ന്നു” എന്നു സമ്മതി​ക്കു​ന്നു, റോമൻ പീഡനം നിമി​ത്തമല്ല, ഭാഗി​ക​മാ​യി ദാനി​യേ​ലി​ന്റെ പുസ്‌ത​ക​ത്തിൽനി​ന്നു നിഗമ​നം​ചെയ്‌ത “അന്നത്തെ ജനകീയ കാലഗണന” നിമിത്തം.

മേലിൽനി​ന്നു തിരി​ച്ച​റി​യി​ക്ക​പ്പെ​ടു​ന്നു

12. യഹോവ യേശു​വി​നെ എങ്ങനെ മിശി​ഹാ​യാ​യി തിരി​ച്ച​റി​യി​ച്ചു?

¹² യേശു​വി​ന്റെ മിശി​ഹാ​പ​ദ​വി​യു​ടെ മൂന്നാ​മത്തെ തരത്തി​ലുള്ള തെളിവു ദൈവ​ത്തി​ന്റെ​തന്നെ സാക്ഷ്യ​മാണ്‌. ലൂക്കോസ്‌ 3:21, 22 അനുസ​രിച്ച്‌, യേശു സ്‌നാ​പ​ന​മേററ ശേഷം അവൻ അഖിലാ​ണ്ഡ​ത്തി​ലെ ഏററവും പാവന​വും പ്രബല​വു​മായ ശക്തിയാൽ, യഹോ​വ​യു​ടെ സ്വന്തം പരിശു​ദ്ധാ​ത്മാ​വി​നാൽ, അഭി​ഷേ​കം​ചെ​യ്യ​പ്പെട്ടു. തന്റെ പുത്ര​നായ യേശു​വി​നെ താൻ അംഗീ​ക​രി​ച്ചി​രി​ക്കു​ന്നു​വെന്ന്‌ തന്റെ സ്വന്തം ശബ്ദത്തിൽ യഹോവ സമ്മതി​ച്ചു​പ​റഞ്ഞു. വേറെ രണ്ടു സന്ദർഭ​ങ്ങ​ളിൽ യഹോവ സ്വർഗ്ഗ​ത്തിൽനി​ന്നു യേശു​വി​നോ​ടു നേരിട്ടു സംസാ​രി​ക്കു​ക​യും അങ്ങനെ തന്റെ അംഗീ​കാ​രത്തെ സൂചി​പ്പി​ക്കു​ക​യും ചെയ്‌തു: ഒരു പ്രാവ​ശ്യം യേശു​വി​ന്റെ അപ്പോ​സ്‌ത​ലൻമാ​രിൽ മൂന്നു​പേ​രു​ടെ മുമ്പാ​കെ​യും മറെറാ​രു പ്രാവ​ശ്യം കാണി​ക​ളു​ടെ ഒരു കൂട്ടത്തി​ന്റെ മുമ്പാ​കെ​യും. (മത്തായി 17:1-5; യോഹ​ന്നാൻ 12:28, 29) കൂടാതെ, ക്രിസ്‌തു അഥവാ മിശിഹാ ആയുള്ള യേശു​വി​ന്റെ പദവിയെ സ്ഥിരീ​ക​രി​ക്കാൻ ദൂതൻമാർ മേലിൽനിന്ന്‌ അയക്ക​പ്പെട്ടു.—ലൂക്കോസ്‌ 2:10, 11.

13, 14. യഹോവ മിശിഹാ എന്ന നിലയി​ലുള്ള യേശു​വി​ന്റെ അംഗീ​കാ​രത്തെ പ്രകട​മാ​ക്കി​യ​തെ​ങ്ങനെ?

¹³ യഹോവ വീര്യ​പ്ര​വൃ​ത്തി​കൾ ചെയ്യാൻ തന്റെ അഭിഷി​ക്തനെ അധികാ​ര​പ്പെ​ടു​ത്തി​ക്കൊ​ണ്ടു തന്റെ അംഗീ​കാ​രം പ്രകട​മാ​ക്കി. ദൃഷ്ടാ​ന്ത​ത്തിന്‌, യേശു മുൻകൂ​ട്ടി ചരി​ത്ര​ത്തി​ന്റെ വിശദാം​ശങ്ങൾ നൽകിയ പ്രവച​നങ്ങൾ പറഞ്ഞു—ചിലത്‌ നമ്മുടെ സ്വന്തം നാൾവരെ നീളു​ന്നത്‌.e അവൻ വിശന്ന ജനക്കൂ​ട്ട​ങ്ങളെ പോഷി​പ്പി​ക്കു​ക​യും രോഗി​കളെ സൗഖ്യ​മാ​ക്കു​ക​യും ചെയ്യു​ന്ന​തു​പോ​ലെ​യുള്ള അത്ഭുത​ങ്ങ​ളും ചെയ്‌തു. അവൻ മരിച്ച​വരെ ഉയിർപ്പി​ക്കുക പോലും ചെയ്‌തു. അവന്റെ അനുഗാ​മി​കൾ യാഥാർത്ഥ്യ​മെന്നു തോന്നി​ക്ക​ത്ത​ക്ക​വണ്ണം ഈ വീര്യ​പ്ര​വൃ​ത്തി​ക​ളു​ടെ കഥകൾ കെട്ടി​ച്ച​മ​ക്കു​ക​യാ​യി​രു​ന്നോ? ശരി, യേശു തന്റെ അത്ഭുത​ങ്ങ​ളി​ല​നേ​ക​വും ദൃക്‌സാ​ക്ഷി​ക​ളു​ടെ മുമ്പാ​കെ​യാ​ണു ചെയ്‌തത്‌, ചില സമയങ്ങ​ളിൽ ആയിര​ങ്ങൾക്കു മുമ്പാകെ. യേശു യഥാർത്ഥ​ത്തിൽ ഈ കാര്യങ്ങൾ ചെയ്‌തു​വെ​ന്ന​തി​നെ അവന്റെ ശത്രു​ക്കൾക്കു​പോ​ലും നിഷേ​ധി​ക്കാ​നാ​യില്ല. (മർക്കോസ്‌ 6:2; യോഹ​ന്നാൻ 11:47) കൂടാതെ, യേശു​വി​ന്റെ അനുഗാ​മി​കൾ അങ്ങനെ​യുള്ള വിവര​ണങ്ങൾ കെട്ടി​ച്ച​മ​ക്കാൻ ചായ്‌വു​ള്ള​വ​രാ​യി​രു​ന്നെ​ങ്കിൽ, അവർ തങ്ങളുടെ സ്വന്തം വീഴ്‌ച​ക​ളു​ടെ കാര്യ​ത്തിൽ ഇത്ര തുറന്നു സംസാ​രി​ക്കു​ന്ന​വ​രാ​യി​രു​ന്ന​തെ​ന്തു​കൊണ്ട്‌? യഥാർത്ഥ​ത്തിൽ, അവർ വ്യക്തി​പ​ര​മാ​യി കെട്ടി​ച്ചമച്ച വെറും കെട്ടു​ക​ഥ​ക​ളി​ല​ധി​ഷ്‌ഠി​ത​മായ വിശ്വാ​സ​ത്തി​നു​വേണ്ടി മരിക്കാൻ അവർ സന്നദ്ധരാ​കു​മാ​യി​രു​ന്നോ? ഇല്ല. യേശു​വി​ന്റെ അത്ഭുതങ്ങൾ ചരി​ത്ര​വ​സ്‌തു​ത​ക​ളാണ്‌.

¹⁴ യേശു മിശിഹാ ആണെന്നുള്ള ദൈവ​ത്തി​ന്റെ സാക്ഷ്യം കൂറേ​ക്കൂ​ടെ മുൻപോ​ട്ടു​പോ​യി. യേശു​വി​ന്റെ മിശി​ഹാ​പ​ദ​വി​യു​ടെ തെളിവ്‌ എഴുത​പ്പെ​ടു​ന്ന​തി​ലും, സകല ചരി​ത്ര​ത്തി​ലും​വെച്ച്‌ അതിവ്യാ​പ​ക​മാ​യി വിവർത്തനം ചെയ്യ​പ്പെ​ട്ടി​രി​ക്കു​ന്ന​തും വിതര​ണം​ചെ​യ്യ​പ്പെ​ട്ടി​രി​ക്കു​ന്ന​തു​മായ പുസ്‌ത​ക​ത്തി​ന്റെ ഭാഗമാ​യി​ത്തീ​രു​ന്ന​തി​ലും അവൻ പരിശു​ദ്ധാ​ത്മാ​വു​മു​ഖേന ശ്രദ്ധിച്ചു.

യഹൂദൻമാർ യേശു​വി​നെ സ്വീക​രി​ക്കാ​ഞ്ഞ​തെ​ന്തു​കൊണ്ട്‌?

15. (എ) യേശു​വി​നെ മിശിഹാ എന്ന നിലയിൽ തിരി​ച്ച​റി​യി​ക്കുന്ന സാക്ഷ്യങ്ങൾ എത്ര വിപു​ല​മാണ്‌? (ബി) യഹൂദൻമാ​രു​ടെ ഏതു പ്രതീ​ക്ഷകൾ അവരി​ല​നേകർ മിശിഹാ എന്ന നിലയിൽ അവനെ തള്ളിക്ക​ള​യു​ന്ന​തി​ലേക്കു നയിച്ചു?

¹⁵ അപ്പോൾ, തെളി​വി​ന്റെ ഈ മൂന്നു വിഭാ​ഗ​ങ്ങ​ളിൽ യേശു​വി​നെ മിശി​ഹാ​യാ​യി തിരി​ച്ച​റി​യി​ക്കുന്ന, അക്ഷരീ​യ​മാ​യി ശതക്കണ​ക്കി​നു വസ്‌തു​തകൾ ഉൾക്കൊ​ണ്ടി​രി​ക്കു​ന്നു. അതു പോരേ? ഒരു ഡ്രൈ​വ​റു​ടെ ലൈസൻസി​നു​വേ​ണ്ടി​യോ ഒരു ക്രെഡി​ററ്‌ കാർഡി​നു​വേ​ണ്ടി​യോ അപേക്ഷി​ക്കു​ന്നു​വെ​ന്നും വ്യക്തിയെ തിരി​ച്ച​റി​യി​ക്കുന്ന മൂന്നു തെളി​വു​കൾ മതിയാ​ക​യി​ല്ലെന്ന്‌—നിങ്ങൾ നൂറു​ക​ണ​ക്കി​നു തെളി​വു​കൾ ഹാജരാ​ക്ക​ണ​മെന്ന്‌—പറയു​ന്നു​വെ​ന്നും സങ്കൽപ്പി​ക്കുക. എത്ര ന്യായ​ര​ഹി​തം! അപ്പോൾ യേശു ബൈബി​ളിൽ മതിയാം​വണ്ണം തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു. എന്നാൽ യേശു​വി​ന്റെ സ്വന്തം ജനത്തിൽപ്പെട്ട അനേകർ അവൻ മിശിഹാ ആണെന്നുള്ള ഈ സകല തെളി​വു​ക​ളും നിഷേ​ധി​ച്ച​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ യഥാർത്ഥ വിശ്വാ​സ​ത്തി​നു തെളിവു പ്രധാ​ന​മാ​ണെ​ങ്കി​ലും അതു വിശ്വാ​സ​ത്തിന്‌ ഉറപ്പു നൽകു​ന്നില്ല. സങ്കടക​ര​മെന്നു പറയട്ടെ, അനേകർ തങ്ങൾ വിശ്വ​സി​ക്കാ​നാ​ഗ്ര​ഹി​ക്കു​ന്ന​താ​ണു വിശ്വ​സി​ക്കു​ന്നത്‌, സുവ്യ​ക്ത​മായ തെളി​വി​നെ അവഗണി​ച്ചു​കൊ​ണ്ടു​പോ​ലും. മിശി​ഹാ​യു​ടെ കാര്യ​ത്തിൽ, തങ്ങൾക്കു വേണ്ട​തെ​ന്താ​ണെ​ന്നു​ള്ള​തിൽ സുനി​ശ്ചി​ത​മായ ആശയങ്ങൾ മിക്ക യഹൂദൻമാർക്കും ഉണ്ടായി​രു​ന്നു. അവർ ആഗ്രഹി​ച്ചതു റോമൻ മർദ്ദന​ത്തിന്‌ അറുതി​വ​രു​ത്തു​ന്ന​വ​നും ഒരു ഭൗതി​ക​രീ​തി​യിൽ ശലോ​മോ​ന്റെ നാളു​ക​ളി​ലെ മഹത്വ​ത്തിൽ ഇസ്ര​യേ​ലി​നെ പുനഃ​സ്ഥാ​പി​ക്കു​ന്ന​വ​നു​മായ ഒരു രാഷ്‌ട്രീയ മിശി​ഹാ​യെ ആയിരു​ന്നു. അപ്പോൾ ഒരു തച്ചന്റെ ഈ എളിയ മകനെ, രാഷ്‌ട്രീ​യ​ത്തി​ലോ ധനത്തി​ലോ യാതൊ​രു താത്‌പ​ര്യ​വും കാണി​ക്കാഞ്ഞ ഈ നസറാ​യനെ, അവർക്ക്‌ എങ്ങനെ സ്വീക​രി​ക്കാൻ കഴിയും? വിശേ​ഷിച്ച്‌ അവൻ കഷ്ടമനു​ഭ​വി​ക്കു​ക​യും ലജ്ജാക​ര​മാ​യി ഒരു ദണ്ഡനസ്‌തം​ഭ​ത്തിൽ മരിക്കു​ക​യും ചെയ്‌ത​ശേഷം അവനു മിശി​ഹാ​യാ​യി​രി​ക്കാൻ എങ്ങനെ കഴിയു​മാ​യി​രു​ന്നു?

16. യേശു​വി​ന്റെ അനുഗാ​മി​കൾ മിശി​ഹാ​യെ​സം​ബ​ന്ധിച്ച തങ്ങളുടെ സ്വന്തം പ്രതീ​ക്ഷ​കളെ നേരേ​യാ​ക്കേ​ണ്ടി​യി​രു​ന്ന​തെ​ന്തു​കൊണ്ട്‌?

¹⁶ യേശു​വി​ന്റെ സ്വന്തം ശിഷ്യൻമാർ അവന്റെ മരണത്തിൽ അന്ധാളി​ച്ചു​പോ​യി. അവന്റെ മഹത്വ​മാർന്ന പുനു​രു​ത്ഥാ​ന​ശേഷം അവർ പ്രത്യ​ക്ഷ​ത്തിൽ ഉടൻതന്നെ അവൻ ‘ഇസ്ര​യേ​ലി​നു രാജ്യം പുനഃ​സ്ഥാ​പി​ക്കു’മെന്ന്‌ ആശിച്ചു. (പ്രവൃ​ത്തി​കൾ 1:6) എന്നാൽ ഈ വ്യക്തി​പ​ര​മായ പ്രത്യാശ സാക്ഷാ​ത്‌ക്കരി​ക്ക​പ്പെ​ടാ​ഞ്ഞ​തു​കൊ​ണ്ടു​മാ​ത്രം അവർ യേശു​വി​നെ മിശി​ഹാ​യെന്ന നിലയിൽനി​ന്നു തള്ളിക്ക​ള​ഞ്ഞില്ല. അവർ ലഭ്യമാ​യി​രുന്ന സമൃദ്ധ​മായ തെളി​വി​നെ അടിസ്ഥാ​ന​പ്പെ​ടു​ത്തി അവനിൽ വിശ്വാ​സം പ്രകട​മാ​ക്കി. അവരുടെ ഗ്രാഹ്യം ക്രമേണ വളർന്നു; മർമ്മങ്ങൾ വ്യക്തമാ​യി. ഈ ഭൂമി​യിൽ ഒരു മനുഷ്യ​നാ​യി​രുന്ന ചുരു​ങ്ങിയ കാലത്തു മിശി​ഹാ​യ്‌ക്ക്‌ അവനെ​ക്കു​റി​ച്ചുള്ള സകല പ്രവച​ന​ങ്ങ​ളും നിവർത്തി​ക്കാൻ കഴിയു​മാ​യി​രു​ന്നി​ല്ലെന്ന്‌ അവർ മനസ്സി​ലാ​ക്കാ​നി​ട​യാ​യി. എന്തിന്‌, അവൻ എളിയ രീതി​യിൽ ഒരു കഴുത​ക്കു​ട്ടി​പ്പു​റത്തു കയറി​വ​രു​ന്ന​തി​നെ​ക്കു​റിച്ച്‌ ഒരു പ്രവചനം പറഞ്ഞു, അതേസ​മയം മറെറാന്ന്‌ അവൻ മേഘങ്ങ​ളിൽ മഹത്വ​ത്തിൽ വരുന്ന​തി​നെ​ക്കു​റി​ച്ചു പറഞ്ഞു! രണ്ടും എങ്ങനെ സത്യമാ​യി​രി​ക്കാൻ കഴിയും? അവൻ രണ്ടാം പ്രാവ​ശ്യം വരേണ്ടി​യി​രു​ന്നു​വെന്നു സ്‌പഷ്ട​മാ​യി​രു​ന്നു.—ദാനി​യേൽ 7:13; സെഖര്യാ​വു 9:9.

മിശിഹാ മരി​ക്കേ​ണ്ടി​യി​രു​ന്ന​തി​ന്റെ കാരണം

17. ദാനി​യേ​ലി​ന്റെ പ്രവചനം മിശിഹാ മരി​ക്കേ​ണ്ട​താ​ണെന്നു വ്യക്തമാ​ക്കി​യ​തെ​ങ്ങനെ, അവൻ ഏതു കാരണ​ത്തി​നാ​ണു മരിക്കു​ന്നത്‌?

¹⁷ മാത്ര​വു​മല്ല, മിശിഹാ മരി​ക്കേ​ണ്ട​താ​ണെന്നു മിശി​ഹൈ​ക​പ്ര​വ​ച​നങ്ങൾ വ്യക്തമാ​ക്കി. ഉദാഹ​ര​ണ​ത്തിന്‌, മിശിഹാ വരുന്ന​തെ​പ്പോ​ഴെന്നു മുൻകൂ​ട്ടി​പ്പ​റ​ഞ്ഞി​രുന്ന പ്രവച​നം​തന്നെ അടുത്ത വാക്യ​ത്തിൽ ഇങ്ങനെ മുൻകൂ​ട്ടി​പ്പ​റഞ്ഞു: “[ഏഴാഴ്‌ചയെ തുടർന്നുള്ള] അറുപ​ത്തി​രണ്ടു ആഴ്‌ച​വട്ടം കഴിഞ്ഞി​ട്ടു അഭിഷി​ക്തൻ (മിശിഹാ, NW) ഛേദി​ക്ക​പ്പെ​ടും.” (ദാനി​യേൽ 9:26) “ഛേദി​ക്ക​പ്പെ​ടുക” എന്നതിന്‌ ഇവിടെ ഉപയോ​ഗി​ക്ക​പ്പെ​ട്ടി​രി​ക്കുന്ന കരാത്ത്‌ എന്ന എബ്രായ പദം മോ​ശൈ​ക​ന്യാ​യ​പ്ര​മാ​ണ​ത്തിൽ വധശി​ക്ഷക്ക്‌ ഉപയോ​ഗി​ക്ക​പ്പെ​ട്ടി​രി​ക്കുന്ന അതേ പദമാണ്‌. നിസ്സം​ശ​യ​മാ​യി മിശിഹാ മരിക്ക​ണ​മാ​യി​രു​ന്നു. എന്തു​കൊണ്ട്‌? 24-ാം വാക്യം നമുക്ക്‌ ഉത്തരം നൽകുന്നു: “അതി​ക്ര​മത്തെ തടസ്ഥം​ചെ​യ്‌തു പാപങ്ങളെ മുദ്ര​യി​ടു​വാ​നും അകൃത്യ​ത്തി​ന്നു പ്രായ​ശ്ചി​ത്തം​ചെ​യ്‌തു നിത്യ​നീ​തി വരുത്തു​വാ​നും.” അകൃത്യ​ത്തി​നു പരിഹാ​രം വരുത്തു​വാൻ ഒരു യാഗത്തിന്‌, ഒരു മരണത്തിന്‌, മാത്രമേ കഴിക​യു​ള്ളു​വെന്നു യഹൂദൻമാർക്കു നന്നായി അറിയാ​മാ​യി​രു​ന്നു.—ലേവ്യ​പു​സ്‌തകം 17:11; എബ്രായർ 9:22 താരത​മ്യം​ചെ​യ്യുക.

18. (എ) മിശിഹാ കഷ്ടമനു​ഭ​വി​ക്കു​ക​യും മരിക്കു​ക​യും ചെയ്യേ​ണ്ട​താ​ണെന്നു യെശയ്യാ​വു 53-ാം അദ്ധ്യായം പ്രകട​മാ​ക്കു​ന്ന​തെ​ങ്ങനെ? (ബി) ഈ പ്രവചനം വിരോ​ധാ​ഭാ​സ​മെന്നു തോന്നുന്ന എന്തു സംഗതി ഉന്നയി​ക്കു​ന്നു?

¹⁸ മററു​ള്ള​വ​രു​ടെ പാപങ്ങൾ മറയ്‌ക്കു​ന്ന​തി​നു കഷ്ടപ്പെ​ടു​ക​യും മരിക്ക​യും ചെയ്യേണ്ട യഹോ​വ​യു​ടെ ഒരു പ്രത്യേക ദാസനാ​യി​ട്ടാ​ണു യെശയ്യാ​വു 53-ാം അദ്ധ്യായം മിശി​ഹാ​യെ​ക്കു​റി​ച്ചു പറയു​ന്നത്‌. 5-ാം വാക്യം പറയുന്നു: “അവൻ നമ്മുടെ അതി​ക്ര​മങ്ങൾ നിമിത്തം മുറി​വേ​റ​റും നമ്മുടെ അകൃത്യ​ങ്ങൾ നിമിത്തം തകർന്നു​മി​രി​ക്കു​ന്നു.” ഇതേ പ്രവചനം ഈ മിശിഹാ “ഒരു അകൃത്യ​യാ​ഗ​മാ​യി” മരി​ക്കേ​ണ്ട​താ​ണെന്നു നമ്മോടു പറഞ്ഞ​ശേഷം അവൻതന്നെ “ദീർഘാ​യു​സ്സു പ്രാപി​ക്കു​ക​യും യഹോ​വ​യു​ടെ ഇഷ്ടം അവന്റെ കയ്യാൽ സാധി​ക്കു​ക​യും ചെയ്യും” എന്നു വെളി​പ്പെ​ടു​ത്തു​ന്നു. (വാക്യം 10) അത്‌ ഒരു വിരോ​ധാ​ഭാ​സ​മല്ലേ? മിശി​ഹാ​യ്‌ക്കു മരിക്കാ​നും അനന്തരം “ദീർഘാ​യു​സ്സു പ്രാപി​ക്കാ​നും” എങ്ങനെ കഴിയും. അവന്‌ ഒരു യാഗമാ​യി അർപ്പി​ക്ക​പ്പെ​ടാ​നും പിന്നീട്‌ ‘യഹോ​വ​യു​ടെ ഇഷ്ടം സാധി​പ്പി​ക്കാ​നും’ എങ്ങനെ കഴിയും? തീർച്ച​യാ​യും അവനു മരിക്കാ​നും അവനെ​ക്കു​റി​ച്ചുള്ള അതി​പ്ര​ധാന പ്രവച​നങ്ങൾ, അതായത്‌ അവൻ രാജാ​വാ​യി എന്നേക്കും വാഴു​മെ​ന്നും മുഴു ലോക​ത്തി​ലും സമാധാ​ന​വും സന്തുഷ്ടി​യും കൈവ​രു​ത്തു​മെ​ന്നു​മുള്ള പ്രവച​നങ്ങൾ, നിവർത്തി​ക്കാ​തെ മരിച്ച​വ​നാ​യി​രി​ക്കാ​നും എങ്ങനെ കഴിയു​മാ​യി​രു​ന്നു?—യെശയ്യാ​വു 9:6, 7.

19. യേശു​വി​ന്റെ പുനരു​ത്ഥാ​നം പരസ്‌പ​ര​വി​രു​ദ്ധ​മെന്നു തോന്നുന്ന മിശി​ഹാ​യെ​ക്കു​റി​ച്ചുള്ള പ്രവച​ന​ങ്ങളെ പൊരു​ത്ത​പ്പെ​ടു​ത്തു​ന്ന​തെ​ങ്ങനെ?

¹⁹ ഈ വിരോ​ധാ​ഭാ​സ​മെന്നു തോന്നുന്ന സംഗതി പകിട്ടാർന്ന ഒരൊററ അത്ഭുത​ത്താൽ പരിഹ​രി​ക്ക​പ്പെട്ടു. യേശു ഉയിർപ്പി​ക്ക​പ്പെട്ടു. പരമാർത്ഥ​ഹൃ​ദ​യി​ക​ളായ നൂറു​ക​ണ​ക്കി​നു യഹൂദൻമാർ ഈ മഹത്തായ യാഥാർത്ഥ്യ​ത്തി​നു ദൃക്‌സാ​ക്ഷി​ക​ളാ​യി. (1 കൊരി​ന്ത്യർ 15:6) അപ്പോ​സ്‌ത​ല​നായ പൗലോസ്‌ പിൽക്കാ​ലത്ത്‌ ഇങ്ങനെ എഴുതി: “യേശു​വോ [ക്രിസ്‌തു] പാപങ്ങൾക്കു​വേണ്ടി ഏകയാഗം കഴിച്ചി​ട്ടു എന്നേക്കും ദൈവ​ത്തി​ന്റെ വലതു​ഭാ​ഗത്തു ഇരുന്നു​കൊ​ണ്ടു തന്റെ ശത്രുക്കൾ തന്റെ പാദപീ​ഠ​മാ​കു​വോ​ളം കാത്തി​രി​ക്കു​ന്നു.” (എബ്രായർ 10:10, 12, 13) അതെ, യേശു സ്വർഗ്ഗീയ ജീവനി​ലേക്കു പുനരു​ത്ഥാ​നം പ്രാപിച്ച ശേഷവും “കാത്തിരി”പ്പിന്റെ ഒരു കാലഘ​ട്ട​ത്തി​നു​ശേ​ഷ​വു​മാണ്‌ അവൻ ഒടുവിൽ രാജാ​വാ​യി സിംഹാ​സ​ന​സ്ഥ​നാ​ക്ക​പ്പെ​ടു​ക​യും തന്റെ പിതാ​വായ യഹോ​വ​യു​ടെ ശത്രു​ക്കൾക്കെ​തി​രെ നടപടി സ്വീക​രി​ക്കു​ക​യും ചെയ്യു​ന്നത്‌. സ്വർഗ്ഗീയ രാജാ​വെന്ന തന്റെ റോളിൽ മിശി​ഹാ​യായ യേശു ഇപ്പോൾ ജീവി​ക്കുന്ന ഓരോ വ്യക്തി​യു​ടെ​യും ജീവി​തത്തെ ബാധി​ക്കു​ന്നുണ്ട്‌. ഏതു വിധത്തിൽ? നമ്മുടെ അടുത്ത ലേഖനം അതു പരിചി​ന്തി​ക്കും.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ യേശു വാഗ്‌ദ​ത്ത​മി​ശി​ഹാ ആണോ​യെ​ന്ന​തി​ന്റെ തെളിവു പരി​ശോ​ധി​ക്കു​ന്ന​തെ​ന്തിന്‌?

◻ യേശു​വി​ന്റെ വംശാ​വലി അവന്റെ മിശി​ഹാ​പ​ദ​വി​യെ പിന്താ​ങ്ങു​ന്ന​തെ​ങ്ങനെ?

◻ യേശു മിശിഹാ ആയിരു​ന്നു​വെന്നു തെളി​യി​ക്കാൻ ബൈബിൾപ്ര​വ​ച​നങ്ങൾ സഹായി​ക്കു​ന്ന​തെ​ങ്ങനെ?

◻ മിശിഹാ എന്ന നിലയി​ലുള്ള യേശു​വി​ന്റെ തിരി​ച്ച​റി​യ​ലി​നെ ഏതു വിധങ്ങ​ളിൽ യഹോവ വ്യക്തി​പ​ര​മാ​യി സ്ഥിരീ​ക​രി​ച്ചു?

◻ വളരെ​യ​ധി​കം യഹൂദൻമാർ മിശിഹാ എന്ന നിലയിൽ യേശു​വി​നെ തള്ളിക്ക​ള​ഞ്ഞ​തെ​ന്തു​കൊണ്ട്‌, ഈ കാരണങ്ങൾ ഈടു​റ​റ​ത​ല്ലാ​ഞ്ഞ​തെ​ന്തു​കൊണ്ട്‌?

[12-ാം പേജിലെ ചിത്രം]

യേശുവിന്റെ അനേകം അത്ഭുത​ങ്ങ​ളിൽ ഓരോ​ന്നും അവന്റെ മിശി​ഹാ​പ​ദ​വി​യു​ടെ കൂടു​ത​ലായ തെളിവു നൽകി