മിശി​ഹാ​യു​ടെ സാന്നി​ദ്ധ്യ​വും ഭരണവും

“നിങ്ങളെ വിട്ടു സ്വർഗ്ഗാ​രോ​ഹണം ചെയ്‌ത ഈ യേശു​വി​നെ സ്വർഗ്ഗ​ത്തി​ലേക്കു പോകു​ന്ന​വ​നാ​യി നിങ്ങൾ കണ്ടതു​പോ​ലെ തന്നേ അവൻ വീണ്ടും വരും.”—പ്രവൃ​ത്തി​കൾ 1:11.

1, 2. (എ) യേശു സ്വർഗ്ഗാ​രോ​ഹണം ചെയ്‌ത​പ്പോൾ രണ്ടു ദൂതൻമാർ അവന്റെ അപ്പോ​സ്‌ത​ലൻമാ​രെ ആശ്വസി​പ്പി​ച്ച​തെ​ങ്ങനെ? (ബി) ക്രിസ്‌തു​വി​ന്റെ തിരി​ച്ചു​വ​ര​വി​ന്റെ പ്രതീ​ക്ഷ​യാൽ ഏതു ചോദ്യ​ങ്ങൾ ഉന്നയി​ക്ക​പ്പെ​ടു​ന്നു?

പതി​നൊ​ന്നു പുരു​ഷൻമാർ ഒലിവു​മ​ല​യു​ടെ കിഴക്കേ ചെരു​വിൽ ആകാശ​ത്തേക്കു നോക്കി നിൽക്കു​ക​യാ​യി​രു​ന്നു. വെറും നിമി​ഷ​ങ്ങൾക്കു​മു​മ്പു യേശു​ക്രി​സ്‌തു അവരുടെ ഇടയിൽനിന്ന്‌ ആരോ​ഹണം ചെയ്‌തി​രു​ന്നു, ഒരു മേഘത്താൽ മറയ്‌ക്ക​പ്പെ​ടു​ന്ന​തു​വരെ അവന്റെ രൂപം മങ്ങി​ക്കൊ​ണ്ടി​രു​ന്നു. അവനോ​ടു​കൂ​ടെ ചെലവ​ഴിച്ച തങ്ങളുടെ വർഷങ്ങ​ളിൽ ഈ പുരു​ഷൻമാർ യേശു താൻ മിശി​ഹാ​യാ​ണെ​ന്നു​ള്ള​തി​നു ധാരാളം തെളിവു നൽകു​ന്നതു കണ്ടിരു​ന്നു; അവർ അവന്റെ മരണത്തി​ന്റെ ഹൃദയ​ത്ത​കർച്ച​യും അവന്റെ പുനരു​ത്ഥാ​ന​ത്തി​ന്റെ ആനന്ദാ​തി​രേ​ക​വും അനുഭ​വി​ച്ച​റി​ഞ്ഞി​രു​ന്നു. ഇപ്പോൾ അവൻ അപ്രത്യ​ക്ഷ​പ്പെ​ട്ടി​രു​ന്നു.

² രണ്ടു ദൂതൻമാർ പെട്ടെന്നു പ്രത്യ​ക്ഷ​പ്പെ​ടു​ക​യും ഈ ആശ്വാ​സ​വ​ച​നങ്ങൾ പറയു​ക​യും ചെയ്‌തു: “ഗലീലാ​പു​രു​ഷൻമാ​രേ, നിങ്ങൾ ആകാശ​ത്തി​ലേക്കു നോക്കി​നിൽക്കു​ന്നതു എന്തു? നിങ്ങളെ വിട്ടു സ്വർഗ്ഗാ​രോ​ഹണം ചെയ്‌ത ഈ യേശു​വി​നെ സ്വർഗ്ഗ​ത്തി​ലേക്കു പോകു​ന്ന​വ​നാ​യി നിങ്ങൾ കണ്ടതു​പോ​ലെ തന്നേ അവൻ വീണ്ടും വരും.” (പ്രവൃ​ത്തി​കൾ 1:11) എത്ര ആശ്വാ​സ​പ്രദം—യേശു​വി​ന്റെ സ്വർഗ്ഗാ​രോ​ഹണം അവൻ മേലാൽ ഭൂമി​യി​ലും മനുഷ്യ​വർഗ്ഗ​ത്തി​ലും തത്‌പ​ര​ന​ല്ലെന്ന്‌ അർത്ഥമാ​ക്കി​യില്ല! മറിച്ച്‌, യേശു തിരി​ച്ചു​വ​രും. ഈ വാക്കുകൾ അപ്പോ​സ്‌ത​ലൻമാ​രിൽ പ്രത്യാശ നിറച്ചു​വെ​ന്ന​തി​നു സംശയ​മില്ല. ഇന്ന്‌ ദശലക്ഷ​ക്ക​ണ​ക്കി​നാ​ളു​ക​ളും ക്രിസ്‌തു​വി​ന്റെ തിരി​ച്ചു​വ​ര​വു​സം​ബ​ന്ധിച്ച വാഗ്‌ദ​ത്ത​ത്തി​നു വലിയ പ്രാധാ​ന്യം കല്‌പി​ക്കു​ന്നുണ്ട്‌. ചിലർ അതി​നെ​ക്കു​റിച്ച്‌ “രണ്ടാം വരവ്‌” അഥവാ “ആഗമനം” എന്നു പറയുന്നു. എന്നാൽ മിക്കവ​രും ക്രിസ്‌തു​വി​ന്റെ തിരി​ച്ചു​വ​ര​വി​ന്റെ യഥാർത്ഥ അർത്ഥ​മെ​ന്താ​ണെ​ന്നു​ള്ള​തിൽ കുഴഞ്ഞു​പോ​യി​രി​ക്കു​ന്ന​താ​യി തോന്നു​ന്നു. ക്രിസ്‌തു ഏതു വിധത്തിൽ തിരി​ച്ചു​വ​രു​ന്നു? എപ്പോൾ? ഇത്‌ ഇന്നു നമ്മുടെ ജീവി​തത്തെ ബാധി​ക്കു​ന്ന​തെ​ങ്ങ​നെ​യാണ്‌?

ക്രിസ്‌തു​വി​ന്റെ തിരി​ച്ചു​വ​ര​വി​ന്റെ രീതി

3. ക്രിസ്‌തു​വി​ന്റെ തിരി​ച്ചു​വ​ര​വി​നെ​ക്കു​റിച്ച്‌ അനേക​മാ​ളു​കൾ എന്തു വിശ്വ​സി​ക്കു​ന്നു?

³ സുവി​ശേ​ഷ​പ​ര​മായ ഒരു ക്രിസ്‌തു​ശാ​സ്‌ത്രം (An Evangelical Christology)എന്ന പുസ്‌തകം പറയു​ന്ന​ത​നു​സ​രി​ച്ചു “ക്രിസ്‌തു​വി​ന്റെ രണ്ടാം​വ​രവ്‌ അഥവാ തിരി​ച്ചു​വ​രവ്‌ (പറൂസി​യാ) അന്തിമ​മാ​യി, പരസ്യ​മാ​യി, സകല നിത്യ​ത​യി​ലേ​ക്കു​മാ​യി, ദൈവ​രാ​ജ്യം സ്ഥാപി​ക്കു​ന്നു.” ക്രിസ്‌തു​വി​ന്റെ തിരി​ച്ചു​വ​രവു പരസ്യ​മാ​യി ദൃശ്യ​മാ​യി​രി​ക്കു​മെ​ന്നും ഈ ഗോള​ത്തി​ലുള്ള എല്ലാവ​രും കാണു​മെ​ന്നു​മു​ള്ളതു പരക്കെ​യുള്ള വിശ്വാ​സ​മാണ്‌. ഈ ആശയത്തെ പിന്താ​ങ്ങു​ന്ന​തിന്‌ അനേകർ വെളി​പ്പാ​ടു 1:7-ലേക്ക്‌ വിരൽചൂ​ണ്ടു​ന്നു, അതിങ്ങനെ വായി​ക്ക​പ്പെ​ടു​ന്നു: “ഇതാ, അവൻ മേഘാ​രൂ​ഢ​നാ​യി വരുന്നു; ഏതു കണ്ണും, അവനെ കുത്തി​ത്തു​ളെ​ച്ച​വ​രും അവനെ കാണും.” എന്നാൽ ഈ വാക്യം അക്ഷരീ​യ​മാ​യി മനസ്സി​ലാ​ക്കാൻ ഉദ്ദേശി​ക്ക​പ്പെ​ട്ടി​ട്ടു​ണ്ടോ?

4, 5. (എ) വെളി​പ്പാട്‌ 1:7-ന്‌ ഒരു അക്ഷരീ​യാർത്ഥ​മ​ല്ലു​ള്ള​തെന്നു നാം എങ്ങനെ അറിയു​ന്നു? (ബി) യേശു​വി​ന്റെ സ്വന്തം വാക്കുകൾ ഈ ഗ്രാഹ്യ​ത്തെ സ്ഥിരീ​ക​രി​ക്കു​ന്ന​തെ​ങ്ങനെ?

⁴ വെളി​പാ​ടു​പു​സ്‌തകം “അടയാ​ള​ങ്ങ​ളാ​യി” അവതരി​പ്പി​ക്ക​പ്പെ​ട്ടി​രി​ക്കു​ന്നു​വെന്ന്‌ ഓർക്കുക. (വെളി​പാട്‌ 1:1, NW) ആ സ്ഥിതിക്ക്‌ ഈ വാക്യം പ്രതീ​കാ​ത്മ​ക​മാ​യി​രി​ക്കണം; ഏതായാ​ലും “അവനെ കുത്തി​ത്തു​ളച്ചവ”ർക്ക്‌ എങ്ങനെ ക്രിസ്‌തു തിരി​ച്ചു​വ​രു​ന്നതു കാണാൻ കഴിയും? അവർ മരിച്ചി​ട്ടു 20 നൂററാ​ണ്ടോ​ട​ടു​ത്താ​യി! കൂടാതെ, ക്രിസ്‌തു വിട്ടു​പോ​കു​ന്ന​താ​യി “കണ്ടതു​പോ​ലെ” (“അതേ രീതി​യിൽ,” NW) തിരി​ച്ചു​വ​രു​മെ​ന്നാ​ണു ദൂതൻമാർ പറഞ്ഞത്‌. ശരി, അവൻ എങ്ങനെ​യാ​ണു വിട്ടു​പോ​യത്‌? ദശലക്ഷങ്ങൾ വീക്ഷി​ച്ചു​കൊ​ണ്ടി​രി​ക്കെ ആണോ? അല്ല, ആ സംഭവം ചുരു​ക്കം​ചില വിശ്വ​സ്‌തർ മാത്രമേ കണ്ടുള്ളു. ദൂതൻമാർ അപ്പോ​സ്‌ത​ലൻമാ​രോ​ടു സംസാ​രി​ച്ച​പ്പോൾ ക്രിസ്‌തു​വി​ന്റെ സ്വർഗ്ഗ​ത്തി​ലേ​ക്കുള്ള യാത്ര​യു​ടെ ദൂരം മുഴു​വ​നും അവർ അക്ഷരീ​യ​മാ​യി വീക്ഷി​ച്ചു​കൊ​ണ്ടി​രി​ക്കു​ക​യാ​യിരു​ന്നോ? അല്ലായി​രു​ന്നു, ഒരു മേഘാ​വ​രണം യേശു​വി​നെ കാഴ്‌ച​യിൽനി​ന്നു മറച്ചി​രു​ന്നു. അതിനു​ശേഷം കുറേ കഴിഞ്ഞ്‌ അവൻ മനുഷ്യ​നേ​ത്ര​ങ്ങൾക്ക്‌ അദൃശ്യ​നായ ഒരു ആത്മജീ​വി​യാ​യി ആത്മസ്വർഗ്ഗ​ങ്ങ​ളി​ലേക്കു പ്രവേ​ശി​ച്ചി​രി​ക്കണം. (1 കൊരി​ന്ത്യർ 15:50) അതു​കൊണ്ട്‌ അപ്പോ​സ്‌ത​ലൻമാർ, കൂടി​യാൽ, യേശു​വി​ന്റെ യാത്ര​യു​ടെ തുടക്കമേ കണ്ടുള്ളു; അവർക്ക്‌ അതിന്റെ അവസാനം, അവന്റെ പിതാ​വായ യഹോ​വ​യു​ടെ സ്വർഗ്ഗീയ സാന്നി​ദ്ധ്യ​ത്തി​ലേ​ക്കുള്ള മടങ്ങി​പ്പോക്ക്‌, വീക്ഷി​ക്കാൻ കഴിഞ്ഞില്ല; ഇത്‌ അവർക്ക്‌ തങ്ങളുടെ വിശ്വാ​സ​നേ​ത്ര​ങ്ങ​ളാൽ മാത്രമേ കാണാൻ കഴിഞ്ഞു​ള്ളു.—യോഹ​ന്നാൻ 20:17.

⁵ യേശു ഏറെയും ആ വിധത്തിൽതന്നെ വരുന്നു​വെന്നു ബൈബിൾ പഠിപ്പി​ക്കു​ന്നു. യേശു​തന്നെ തന്റെ മരണത്തിന്‌ അല്‌പം​മുമ്പ്‌ “അല്‌പ​കാ​ലം​കൂ​ടെ കഴിഞ്ഞാൽ ലോകം എന്നെ മേലാൽ കാണു​ക​യില്ല” എന്നു പറഞ്ഞു. (യോഹ​ന്നാൻ 14:19, NW) “ദൈവ​രാ​ജ്യം കാണത്ത​ക്ക​വ​ണ്ണമല്ല വരുന്നതു” എന്നും അവൻ പറഞ്ഞു. (ലൂക്കൊസ്‌ 17:20) അപ്പോൾ ഏതർത്ഥ​ത്തി​ലാണ്‌ ‘ഏതു കണ്ണും അവനെ കാണു’ന്നത്‌? ഉത്തരം പറയു​ന്ന​തിന്‌, യേശു​വി​ന്റെ തിരി​ച്ചു​വ​ര​വി​നോ​ടുള്ള ബന്ധത്തിൽ അവനും അവന്റെ അനുഗാ​മി​ക​ളും ഉപയോ​ഗിച്ച പദത്തിന്റെ വ്യക്തമായ ഒരു ഗ്രാഹ്യം നമുക്കാ​വ​ശ്യ​മാണ്‌.

6. (എ) “തിരി​ച്ചു​വ​രവ്‌,” “വന്നെത്തൽ,” “ആഗമനം,” “വരവ്‌” എന്നിങ്ങ​നെ​യുള്ള പദങ്ങൾ പറൂസി​യാ എന്ന ഗ്രീക്കു പദത്തിന്റെ ഉചിത​മായ വിവർത്ത​ന​ങ്ങ​ള​ല്ലാ​ത്ത​തെ​ന്തു​കൊണ്ട്‌? (ബി) പറൂസി​യാ അല്ലെങ്കിൽ “സാന്നി​ദ്ധ്യം” ഏതു ക്ഷണിക​സം​ഭ​വ​ത്തെ​ക്കാ​ളും വളരെ ദീർഘ​മാ​യി നീണ്ടു​നിൽക്കു​ന്നു​വെന്ന്‌ എന്തു പ്രകട​മാ​ക്കു​ന്നു?

⁶ ക്രിസ്‌തു കേവലം “തിരി​ച്ചു​വരു”ന്നതി​നേ​ക്കാ​ളും വളരെ​ധി​കം ചെയ്യുന്നു എന്നതാണു വസ്‌തുത. “വരവ്‌,” “വന്നെത്തൽ,” അല്ലെങ്കിൽ “ആഗമനം” എന്ന ആ വാക്കു ചുരു​ങ്ങിയ സമയഘ​ട്ടം​കൊ​ണ്ടു നടക്കുന്ന ഒരൊററ സംഭവത്തെ സൂചി​പ്പി​ക്കു​ന്നു. എന്നാൽ യേശു​വും അവന്റെ അനുഗാ​മി​ക​ളും ഉപയോ​ഗിച്ച ഗ്രീക്കു​പ​ദ​ത്തി​നു വളരെ​യ​ധി​കം അർത്ഥം​കൂ​ടെ​യുണ്ട്‌. ആ പദം ഒരു “അരിക​ത്തി​രി​ക്ക​ലി​നെ” അല്ലെങ്കിൽ “സാന്നിദ്ധ്യ”ത്തെ അക്ഷരീ​യ​മാ​യി അർത്ഥമാ​ക്കുന്ന പറൂസി​യാ ആണ്‌. ഈ പദം ഒരു വന്നെത്ത​ലി​നെ മാത്രമല്ല, പിന്നെ​യോ തുടർന്നുള്ള സാന്നി​ദ്ധ്യ​ത്തെ​യും ഉൾപ്പെ​ടു​ത്തു​ന്നു​വെന്ന്‌ മിക്ക പണ്ഡിതൻമാ​രും സമ്മതി​ക്കു​ന്നു—ഒരു രാജാ​വി​ന്റെ ഔദ്യോ​ഗിക സന്ദർശ​ന​ത്തി​ലെ​ന്ന​പോ​ലെ. ഈ സാന്നി​ദ്ധ്യം ഒരു ക്ഷണിക​മായ സംഭവമല്ല; അതു പ്രത്യേ​കം ശ്രദ്ധി​ക്ക​പ്പെ​ടുന്ന ഒരു കാലഘ​ട്ട​മാണ്‌. “മനുഷ്യ​പു​ത്രന്റെ സാന്നി​ദ്ധ്യം” [പറൂസി​യാ] ജലപ്ര​ള​യ​ത്തിൽ പരമകാഷ്‌ഠ പ്രാപിച്ച “നോഹ​യു​ടെ നാളു​കൾപോ​ലെ” ആയിരി​ക്കു​മെന്നു മത്തായി 24:37-39-ൽ (NW) യേശു പറഞ്ഞു. ജലപ്ര​ളയം വന്നെത്തി ആ ദുഷിച്ച ലോക​വ്യ​വ​സ്ഥി​തി​യെ തുടച്ചു​നീ​ക്കു​ന്ന​തി​നു​മു​മ്പു നോഹ ദശാബ്ദ​ങ്ങ​ളോ​ളം പെട്ടകം പണിയു​ക​യും ദുഷ്ടൻമാർക്കു മുന്നറി​യി​പ്പു കൊടു​ക്കു​ക​യും ചെയ്‌തു​കൊ​ണ്ടി​രു​ന്നു. അപ്പോൾ, അതു​പോ​ലെ​തന്നെ ക്രിസ്‌തു​വി​ന്റെ അദൃശ്യ​സാ​ന്നി​ദ്ധ്യ​വും ഒരു വലിയ നാശത്തിൽ പരമകാഷ്‌ഠ പ്രാപി​ക്കു​ന്ന​തി​നു​മു​മ്പു കുറെ ദശാബ്ദ​ങ്ങ​ള​ട​ങ്ങുന്ന ഒരു കാലഘട്ടം നീണ്ടു​നിൽക്കു​ന്നു.

7. (എ) പറൂസി​യാ മനുഷ്യ​നേ​ത്ര​ങ്ങൾക്കു ദൃശ്യ​മ​ല്ലെന്ന്‌ എന്തു തെളി​യി​ക്കു​ന്നു? (ബി) ക്രിസ്‌തു​വി​ന്റെ തിരി​ച്ചു​വ​രവ്‌ ‘ഏതു കണ്ണിനും’ ദൃശ്യ​മാ​കു​ന്ന​താ​യി വർണ്ണി​ക്കുന്ന തിരു​വെ​ഴു​ത്തു​കൾ എപ്പോൾ, എങ്ങനെ നിവർത്തി​ക്ക​പ്പെ​ടും?

⁷ പറൂസി​യാ മനുഷ്യ​നേ​ത്ര​ങ്ങൾക്ക്‌ അക്ഷരീ​യ​മാ​യി ദൃശ്യ​മ​ല്ലെ​ന്നു​ള്ള​തി​നു സംശയ​മില്ല. അതു ദൃശ്യ​മാ​യി​രു​ന്നെ​ങ്കിൽ, നാം കാണാൻ പോകു​ന്ന​തു​പോ​ലെ, യേശു തന്റെ സാന്നി​ദ്ധ്യ​ത്തെ തിരി​ച്ച​റി​യു​ന്ന​തി​നു തന്റെ അനുഗാ​മി​കളെ സഹായി​ക്കാൻ അവർക്ക്‌ ഒരു അടയാളം കൊടു​ക്കു​ന്ന​തി​നു വളരെ​യ​ധി​കം സമയം ചെലവ​ഴി​ക്കു​ന്ന​തെ​ന്തിന്‌?a ഏതായാ​ലും, സാത്താന്റെ ലോക​വ്യ​വ​സ്ഥി​തി​യെ നശിപ്പി​ക്കാൻ ക്രിസ്‌തു വരു​മ്പോൾ അവന്റെ സാന്നി​ദ്ധ്യ​ത്തി​ന്റെ യാഥാർത്ഥ്യം എല്ലാവർക്കും അത്യന്തം പ്രകട​മാ​യി​രി​ക്കും. അപ്പോ​ഴാണ്‌ “ഏതു കണ്ണും . . . അവനെ കാണു”ന്നത്‌. യേശു​വി​ന്റെ വാഴ്‌ച യഥാർത്ഥ​മാ​ണെന്ന്‌ അവന്റെ എതിരാ​ളി​കൾ പോലും കിടി​ലം​കൊ​ള്ളു​മാറ്‌ തിരി​ച്ച​റി​യാൻ പ്രാപ്‌ത​രാ​കും.—മത്തായി 24:30 കാണുക; 2 തെസ്സ​ലൊ​നീ​ക്യർ 2:8; വെളി​പ്പാ​ടു 1:5, 6.

അത്‌ എപ്പോൾ തുടങ്ങു​ന്നു?

8. ഏതു സംഭവം ക്രിസ്‌തു​വി​ന്റെ സാന്നി​ദ്ധ്യ​ത്തി​ന്റെ തുടക്കം കുറി​ക്കു​ന്നു, ഇത്‌ എവിടെ സംഭവി​ച്ചു?

⁸ മിശി​ഹാ​യു​ടെ സാന്നി​ദ്ധ്യം മിശി​ഹൈ​ക​പ്ര​വ​ച​ന​ങ്ങ​ളിൽ ആവർത്തി​ച്ചു​വ​രുന്ന ഒരു പ്രതി​പാ​ദ്യ​ത്തെ നിവർത്തി​ക്കുന്ന ഒരു സംഭവ​ത്തോ​ടെ തുടങ്ങു​ന്നു. അവൻ സ്വർഗ്ഗ​ത്തിൽ രാജാ​വാ​യി കിരീടം ധരിപ്പി​ക്ക​പ്പെ​ടു​ന്നു. (2 ശമുവേൽ 7:12-16; യെശയ്യാ​വു 9:6, 7; യെഹെ​സ്‌ക്കേൽ 21:26, 27) തന്റെ സാന്നി​ദ്ധ്യം തന്റെ രാജത്വ​ത്തോ​ടു ബന്ധപ്പെ​ട്ടി​രി​ക്കു​മെന്നു യേശു​തന്നെ പ്രകട​മാ​ക്കി. അവൻ പല ദൃഷ്ടാ​ന്ത​ങ്ങ​ളിൽ തന്റെ ഭവനക്കാ​രെ​യും അടിമ​ക​ളെ​യും പിമ്പിൽ വിട്ടിട്ടു “രാജത്വം” പ്രാപി​ക്കു​ന്ന​തിന്‌ ഒരു “ദൂരദേശ”ത്തേക്കു ദീർഘ​കാ​ലം യാത്ര​ചെ​യ്യുന്ന ഒരു യജമാ​ന​നോ​ടു തന്നേത്തന്നെ ഉപമിച്ചു. അങ്ങനെ​യുള്ള ഒരു ദൃഷ്ടാന്തം അവൻ പറഞ്ഞത്‌ അവന്റെ പറൂസി​യാ എപ്പോൾ തുടങ്ങു​മെ​ന്നുള്ള അവന്റെ അപ്പോ​സ്‌ത​ലൻമാ​രു​ടെ ചോദ്യ​ത്തി​നുള്ള തന്റെ ഉത്തരത്തി​ന്റെ ഭാഗമാ​യി​ട്ടാ​യി​രു​ന്നു; മറെറാന്ന്‌ അവൻ പറഞ്ഞത്‌, “ദൈവ​രാ​ജ്യം ക്ഷണത്തിൽ വെളി​പ്പെ​ടും എന്നു അവർക്കു തോന്നു​ക​യാൽ” ആയിരു​ന്നു. (ലൂക്കോസ്‌ 19:11, 12, 15; മത്തായി 24:3; 25:14, 19) അതു​കൊണ്ട്‌ അവൻ ഭൂമി​യിൽ ഒരു മനുഷ്യ​നാ​യി​രുന്ന കാലത്ത്‌, അവന്റെ കിരീ​ട​ധാ​രണം പിന്നെ​യും ദീർഘ​കാ​ല​ത്തി​നു​ശേ​ഷ​മാ​യി​രു​ന്നു, സ്വർഗ്ഗ​മാ​കുന്ന “ദൂരദേശ”ത്തു സംഭവി​ക്കേ​ണ്ട​താ​യി​രു​ന്നു. അത്‌ എപ്പോൾ സംഭവി​ക്കു​മാ​യി​രു​ന്നു?

9, 10. ക്രിസ്‌തു ഇപ്പോൾ സ്വർഗ്ഗ​ത്തിൽ ഭരിക്കു​ന്നു​വെ​ന്ന​തിന്‌ എന്തു തെളി​വുണ്ട്‌, അവൻ തന്റെ ഭരണം എപ്പോൾ തുടങ്ങി?

⁹ “നിന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​മെ​ന്താ​യി​രി​ക്കും?” എന്നു യേശു​വി​ന്റെ ശിഷ്യൻമാർ അവനോ​ടു ചോദി​ച്ച​പ്പോൾ ആ ഭാവി​കാ​ല​ത്തി​ന്റെ ഒരു വിശദ​മായ വർണ്ണന അവർക്കു കൊടു​ത്തു​കൊ​ണ്ടു യേശു പ്രതി​വ​ചി​ച്ചു. (മത്തായി, അദ്ധ്യായം 24; മർക്കൊസ്‌, അദ്ധ്യായം 13; ലൂക്കൊസ്‌, അദ്ധ്യായം 21; 2 തിമൊ​ഥെ​യോസ്‌ 3:1-5കൂടെ കാണുക; വെളി​പ്പാട്‌, അദ്ധ്യായം 6.) ഈ അടയാളം ഒരു പ്രക്ഷുബ്ധ കാലഘ​ട്ട​ത്തി​ന്റെ ഒരു വിശദ ചിത്രീ​ക​ര​ണ​ത്തി​നു സമമാണ്‌. അത്‌ സാർവ​ദേ​ശീയ യുദ്ധങ്ങ​ളും കുതി​ച്ചു​യ​രുന്ന കുററ​കൃ​ത്യ​ങ്ങ​ളും അധഃപ​തി​ച്ചു​കൊ​ണ്ടി​രി​ക്കുന്ന കുടും​ബ​ജീ​വി​ത​വും സമസ്‌ത​വ്യാ​പ​ക​പ​കർച്ച​വ്യാ​ധി​ക​ളും ക്ഷാമങ്ങ​ളും ഭൂകമ്പ​ങ്ങ​ളും ഉള്ള ഒരു കാലമാ​യി​രി​ക്കും—പ്രാ​ദേ​ശി​ക​പ്ര​ശ്‌ന​ങ്ങ​ളാ​യി​ട്ടല്ല, പിന്നെ​യോ ആഗോ​ള​പ്ര​തി​സ​ന്ധി​ക​ളാ​യിട്ട്‌. ഇതു പരിചി​ത​മാ​യി തോന്നു​ന്നു​വോ? കടന്നു​പോ​കുന്ന ഓരോ ദിവസ​വും 20-ാം നൂററാ​ണ്ടു പൂർണ്ണ​മാ​യും യേശു​വി​ന്റെ വർണ്ണനക്കു യോജി​ക്കു​ന്നു​വെന്നു സ്ഥിരീ​ക​രി​ക്കു​ന്നു.

¹⁰ ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലു മനുഷ്യ​ച​രി​ത്ര​ത്തി​ലെ ഒരു വഴിത്തി​രിവ്‌, ഒരു മർമ്മ​പ്ര​ധാ​ന​മായ വർഷം, ആയിരു​ന്നു​വെ​ന്നും അതിനു​ശേ​ഷ​മാണ്‌ ഈ പ്രശ്‌ന​ങ്ങ​ളിൽ പലതും നിയ​ന്ത്ര​ണാ​തീ​ത​മാ​യി ഒരു ആഗോ​ള​തോ​തിൽ വ്യാപി​ച്ച​തെ​ന്നും ചരി​ത്ര​കാ​രൻമാർ സമ്മതി​ക്കു​ന്നു. അതെ, ബൈബിൾപ്ര​വ​ച​ന​ത്തി​ന്റെ നിവൃ​ത്തി​യാ​യുള്ള ഭൗതിക ലോക​സം​ഭ​വ​ങ്ങ​ളെ​ല്ലാം യേശു സ്വർഗ്ഗ​ത്തിൽ രാജാ​വാ​യി ഭരിക്കാൻ തുടങ്ങിയ വർഷമെന്ന നിലയിൽ 1914-ലേക്കു വിരൽചൂ​ണ്ടു​ന്നു. കൂടാതെ, ദാനി​യേൽ 4-ാമദ്ധ്യാ​യ​ത്തി​ലെ ഒരു പ്രവചനം യഹോ​വ​യു​ടെ നിയമി​ത​രാ​ജാ​വു ഭരണം തുടങ്ങുന്ന സമയമെന്ന നിലയിൽ 1914 എന്ന അതേ വർഷത്തി​ലേ​ക്കു​തന്നെ നമ്മെ നയിക്കുന്ന കാലഗ​ണ​നാ​പ​ര​മായ തെളിവു നൽകുന്നു.b

കുഴപ്പ​ങ്ങ​ളു​ടെ ഒരു കാലം എന്തു​കൊണ്ട്‌?

11, 12. (എ) ക്രിസ്‌തു ഇപ്പോൾത്തന്നെ സ്വർഗ്ഗ​ത്തിൽ ഭരിക്കു​ന്നു​ണ്ടെന്നു വിശ്വ​സി​ക്കു​ന്നതു ചിലർക്കു പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) യേശു രാജാ​വാ​യി കിരീടം ധരിപ്പി​ക്ക​പ്പെട്ട ശേഷം സംഭവി​ച്ച​തി​നെ നമുക്ക്‌ എങ്ങനെ ദൃഷ്ടാ​ന്തീ​ക​രി​ക്കാം?

¹¹ ‘മിശിഹാ സ്വർഗ്ഗ​ത്തിൽ ഭരിക്കു​ന്നു​ണ്ടെ​ങ്കിൽ ലോകം ഇത്ര കുഴപ്പം നിറഞ്ഞ​താ​യി​രി​ക്കു​ന്ന​തെ​ന്തു​കൊണ്ട്‌, അവന്റെ ഭരണം വിഫല​മാ​ണോ?’ എന്നു ചിലർ സംശയി​ക്കു​ന്നു. ഒരു ദൃഷ്ടാന്തം സഹായി​ച്ചേ​ക്കാം. ഒരു രാജ്യം ഒരു ദുഷ്ട പ്രസി​ഡ​ണ്ടി​നാ​ലാ​ണു ഭരിക്ക​പ്പെ​ടു​ന്നത്‌. രാജ്യ​ത്തി​ന്റെ ഏതു മൂലയി​ലേ​ക്കും വ്യാപി​ക്കുന്ന നിയ​ന്ത്ര​ണ​ശ​ക്തി​യോ​ടെ അയാൾ ഒരു ദുഷിച്ച വ്യവസ്ഥി​തി സ്ഥാപി​ച്ചി​രി​ക്കു​ന്നു. എന്നാൽ ഒരു തെര​ഞ്ഞെ​ടു​പ്പു നടത്ത​പ്പെ​ടു​ന്നു; ഒരു നല്ല മനുഷ്യൻ വിജയി​ക്കു​ന്നു. എന്തു സംഭവി​ക്കും? ചില ജനാധി​പ​ത്യ​രാ​ജ്യ​ങ്ങ​ളിൽ വാസ്‌ത​വ​മാ​യി​രി​ക്കു​ന്ന​തു​പോ​ലെ, പുതിയ പ്രസി​ഡണ്ട്‌ സ്ഥാനാ​രോ​ഹണം ചെയ്യു​ന്ന​തി​നു​മുമ്പ്‌ ഏതാനും മാസങ്ങ​ളു​ടെ ഒരു പരിവർത്ത​ന​ഘട്ടം തുടർന്നു​വ​രു​ന്നു. അങ്ങനെ​യുള്ള ഒരു കാലഘ​ട്ട​ത്തിൽ ഈ രണ്ടാളു​കൾ എങ്ങനെ വർത്തി​ക്കും? ഈ നല്ല മനുഷ്യൻ സത്വരം ആക്രമണം നടത്തു​ക​യും തന്റെ മുൻഗാ​മി രാജ്യ​ത്തു​ട​നീ​ളം വരുത്തി​വെ​ച്ചി​രി​ക്കുന്ന തിൻമ​ക​ളെ​ല്ലാം നീക്കം​ചെ​യ്യു​ക​യും ചെയ്യു​മോ? മറിച്ച്‌, അയാൾ ആദ്യം ഒരു പുതിയ മന്ത്രിസഭ സ്ഥാപി​ക്കു​ക​യും മുൻ പ്രസി​ഡ​ണ്ടി​ന്റെ കുടി​ല​രായ മിത്ര​ങ്ങ​ളും പിണി​യാ​ളു​ക​ളു​മാ​യുള്ള ബന്ധം വിച്‌ഛേ​ദി​ക്കു​ക​യും ചെയ്‌തു​കൊ​ണ്ടു തലസ്ഥാ​ന​ന​ഗ​രി​യിൽ ശ്രദ്ധ കേന്ദ്രീ​ക​രി​ക്കു​ക​യി​ല്ലേ? ആ വിധത്തിൽ, അയാൾ പൂർണ്ണ​മാ​യി അധികാ​ര​ത്തി​ലേക്കു വരു​മ്പോൾ അയാൾക്കു ശുദ്ധമായ, കാര്യ​ക്ഷ​മ​മായ, അധികാ​ര​സ്ഥാ​ന​ത്തു​നി​ന്നു പ്രവർത്തി​ക്കാൻ കഴിയും. അഴിമ​തി​ക്കാ​ര​നായ പ്രസി​ഡ​ണ്ടി​നെ സംബന്ധി​ച്ചാ​ണെ​ങ്കിൽ, അയാൾ സകല അധികാ​ര​വും നഷ്ടപ്പെ​ടു​ന്ന​തി​നു മുമ്പ്‌, ഹീനമാർഗ്ഗ​ങ്ങ​ളി​ലൂ​ടെ ആർജ്ജിച്ച സകല വിഭവ​ങ്ങ​ളും പിടു​ങ്ങു​ന്ന​തി​നു തനിക്കു ശേഷി​ച്ചി​രി​ക്കുന്ന ചുരു​ങ്ങിയ കാലത്തെ മുത​ലെ​ടു​ക്കു​ക​യി​ല്ലേ?

¹² ഫലത്തിൽ, ക്രിസ്‌തു​വി​ന്റെ പറൂസി​യാ​യും സമാന​മാണ്‌. ക്രിസ്‌തു സ്വർഗ്ഗ​ത്തിൽ രാജാ​വാ​ക്ക​പ്പെ​ട്ട​പ്പോൾ അവൻ ഒന്നാമ​താ​യി സാത്താ​നെ​യും ഭൂതങ്ങ​ളെ​യും സ്വർഗ്ഗ​ത്തിൽനി​ന്നു ചുഴറ​റി​യെ​റി​യു​ക​യും അങ്ങനെ തന്റെ ഗവൺമെൻറി​ന്റെ ആസ്ഥാനത്തെ ശുദ്ധീ​ക​രി​ക്കു​ക​യും ചെയ്‌തു​വെന്നു വെളി​പ്പാ​ടു 12:7-12 പ്രകട​മാ​ക്കു​ന്നു. ദീർഘ​നാ​ളാ​യി പ്രതീ​ക്ഷി​ച്ചി​രുന്ന ഈ പരാജയം ഏററു​വാ​ങ്ങി​യ​ശേഷം, സാത്താൻ ഇവിടെ ഭൂമി​യിൽ ക്രിസ്‌തു പൂർണ്ണ അധികാ​രം പ്രയോ​ഗി​ക്കു​ന്ന​തി​നു മുമ്പുള്ള “അല്‌പ​കാല”ത്ത്‌ എങ്ങനെ വർത്തി​ക്കു​ന്നു? ആ അഴിമ​തി​ക്കാ​ര​നായ പ്രസി​ഡ​ണ്ടി​നെ​പ്പോ​ലെ, അവൻ ഈ പഴയ വ്യവസ്ഥി​തി​യിൽനി​ന്നു തനിക്കു കിട്ടാ​വു​ന്ന​തെ​ല്ലാം നേടാൻ ശ്രമി​ക്കു​ക​യാണ്‌. അവൻ പണം അന്വേ​ഷി​ക്കു​ന്നില്ല; അവൻ മനുഷ്യ​ജീ​വി​ക​ളെ​യാണ്‌ അന്വേ​ഷി​ക്കു​ന്നത്‌. കഴിയു​ന്നത്ര ആളുകളെ യഹോ​വ​യിൽനി​ന്നും അവന്റെ വാഴുന്ന രാജാ​വിൽനി​ന്നും അകററാൻ അവൻ ആഗ്രഹി​ക്കു​ന്നു.

13. ക്രിസ്‌തു​വി​ന്റെ ഭരണത്തി​ന്റെ തുടക്കം ഇവിടെ ഭൂമി​യിൽ കുഴപ്പ​ത്തി​ന്റെ ഒരു കാലമാ​യി​രി​ക്കു​മെന്നു തിരു​വെ​ഴു​ത്തു​കൾ പ്രകട​മാ​ക്കു​ന്ന​തെ​ങ്ങനെ?

¹³ അപ്പോൾ മിശി​ഹാ​യു​ടെ ഭരണത്തി​ന്റെ ആരംഭം “ഭൂമിക്കു ഹാ കഷ്ട”ത്തിന്റെ ഒരു കാലമാ​യി​രി​ക്കു​ന്നത്‌ അതിശ​യമല്ല. (വെളി​പ്പാ​ടു 12:12) സമാന​മാ​യി, മിശിഹാ തന്റെ ‘ശത്രു​ക്ക​ളു​ടെ മദ്ധ്യേ’യാണു ഭരണം തുടങ്ങു​ന്ന​തെന്നു സങ്കീർത്തനം 110:1, 2, 6 പ്രകട​മാ​ക്കു​ന്നു. അവൻ പിന്നീടു മാത്രമേ സാത്താന്റെ ദുഷിച്ച വ്യവസ്ഥി​തി​യു​ടെ സകല വശങ്ങളും സഹിതം സകല “ജനതകളെ”യും പൂർണ്ണ​മാ​യി തകർത്തു വിസ്‌മൃ​തി​യി​ലാ​ഴ്‌ത്തു​ന്നു​ള്ളു!

മിശിഹാ ഭൂമിയെ ഭരിക്കു​മ്പോൾ

14. മിശിഹാ സാത്താന്റെ ദുഷ്ടവ്യ​വ​സ്ഥി​തി​യെ നശിപ്പിച്ച ശേഷം എന്തു ചെയ്യാൻ പ്രാപ്‌ത​നാ​യി​രി​ക്കും?

¹⁴ സാത്താന്റെ വ്യവസ്ഥി​തി​യെ​യും അതിനെ പിന്താ​ങ്ങുന്ന സകല​രെ​യും നശിപ്പിച്ച ശേഷം മിശി​ഹൈക രാജാ​വായ യേശു​ക്രി​സ്‌തു അന്തിമ​മാ​യി തന്റെ സഹസ്രാ​ബ്ദ​വാ​ഴ്‌ചയെ വർണ്ണി​ക്കുന്ന അത്ഭുത​ക​ര​മായ ബൈബിൾ പ്രവച​ന​ങ്ങളെ നിവർത്തി​ക്കു​ന്ന​തി​നുള്ള ഒരു സ്ഥാനത്താ​യി​രി​ക്കും. യെശയ്യാ​വു 11:1-10 മിശിഹാ ഏതുതരം ഭരണാ​ധി​കാ​രി​യാ​യി​രി​ക്കു​മെന്നു കാണാൻ നമ്മെ സഹായി​ക്കു​ന്നു. അവനു “യഹോ​വ​യു​ടെ ആത്മാവു . . . ജ്ഞാനത്തി​ന്റെ​യും വിവേ​ക​ത്തി​ന്റെ​യും ആത്മാവു, ആലോ​ച​ന​യു​ടെ​യും ബലത്തി​ന്റെ​യും ആത്മാവു” ഉണ്ടെന്ന്‌ 2-ാം വാക്യം നമ്മോടു പറയുന്നു.

15. മിശി​ഹൈക ഭരണത്തിൽ ‘ബലത്തിന്റെ ആത്മാവ്‌’ എന്തിനെ അർത്ഥമാ​ക്കും?

¹⁵ യേശു​വി​ന്റെ ഭരണത്തിൽ ‘ബലത്തിന്റെ ആത്മാവ്‌’ എന്തിനെ അർത്ഥമാ​ക്കു​മെന്നു പരിചി​ന്തി​ക്കുക. അവൻ ഭൂമി​യി​ലാ​യി​രു​ന്ന​പ്പോൾ അത്ഭുതങ്ങൾ ചെയ്യാൻ അവനെ പ്രാപ്‌ത​നാ​ക്കിയ, യഹോ​വ​യിൽനി​ന്നുള്ള ബലത്തിന്റെ ഒരു അളവ്‌ അവനു​ണ്ടാ​യി​രു​ന്നു. “എനിക്കു മനസ്സുണ്ടു” എന്നു പറഞ്ഞു​കൊണ്ട്‌ അവൻ ആളുകളെ സഹായി​ക്കാൻ ഹൃദയം​ഗ​മ​മായ ആഗ്രഹം പ്രകട​മാ​ക്കി. (മത്തായി 8:3) എന്നാൽ ആ നാളു​ക​ളി​ലെ അവന്റെ അത്ഭുതങ്ങൾ താൻ സ്വർഗ്ഗ​ത്തിൽനി​ന്നു ഭരിക്കു​മ്പോൾ എന്തു ചെയ്യു​മെ​ന്നു​ള്ള​തി​ന്റെ ഒരു പൂർവ​വീ​ക്ഷണം മാത്ര​മാ​യി​രു​ന്നു. യേശു ആഗോ​ള​മായ ഒരു തോതിൽ അത്ഭുതങ്ങൾ ചെയ്യും! രോഗി​ക​ളും അന്ധരും ബധിര​രും അംഗഭം​ഗം​ഭ​വി​ച്ച​വ​രും മുടന്ത​രും സദാകാ​ല​ത്തേ​ക്കും സൗഖ്യ​മാ​ക്ക​പ്പെ​ടും. (യെശയ്യാ​വു 35:5, 6) നീതി​പൂർവം വിതരണം ചെയ്യ​പ്പെ​ടുന്ന സമൃദ്ധ​മായ ഭക്ഷ്യം വിശപ്പ്‌ എന്നേക്കു​മാ​യി അവസാ​നി​പ്പി​ക്കും. (സങ്കീർത്തനം 72:16) ദൈവ​ത്തിന്‌ ഓർക്കാ​നി​ഷ്ട​മുള്ള ശവക്കു​ഴി​ക​ളി​ലെ ആ എണ്ണമററ ദശലക്ഷ​ങ്ങളെ സംബന്ധി​ച്ചെന്ത്‌? യേശു​വി​ന്റെ “ബല”ത്തിൽ അവരെ ഉയിർപ്പി​ക്കു​ന്ന​തി​നുള്ള ശക്തി ഉൾപ്പെ​ടും, ഓരോ​രു​ത്തർക്കും പറുദീ​സ​യിൽ ജീവി​ക്കു​ന്ന​തി​നുള്ള അവസരം കൊടു​ത്തു​കൊ​ണ്ടു​തന്നെ! (യോഹ​ന്നാൻ 5:28, 29) എന്നിരു​ന്നാ​ലും, ഈ ബലമെ​ല്ലാ​മു​ണ്ടെ​ങ്കി​ലും, മിശി​ഹൈക രാജാവ്‌ എല്ലായ്‌പ്പോ​ഴും അത്യന്തം താഴ്‌മ​യു​ള്ള​വ​നാ​യി​രി​ക്കും. “അവന്റെ പ്രമോ​ദം യഹോ​വാ​ഭ​ക്തി​യിൽ ആയിരി​ക്കും.”—യെശയ്യാ​വു 11:3.

16. മിശി​ഹൈക രാജാവ്‌ ഏതുതരം ന്യായാ​ധി​പ​തി​യാ​യി​രി​ക്കും, അതു മനുഷ്യ​ന്യാ​യാ​ധി​പൻമാ​രെ സംബന്ധി​ച്ചുള്ള രേഖകൾക്കു വിരു​ദ്ധ​മാ​യി​രി​ക്കു​ന്ന​തെ​ങ്ങനെ?

¹⁶ ഈ രാജാവു പൂർണ്ണ​ത​യുള്ള ഒരു ന്യായാ​ധി​പൻകൂ​ടെ​യാ​യി​രി​ക്കും. “അവൻ കണ്ണു​കൊ​ണ്ടു കാണു​ന്ന​തു​പോ​ലെ ന്യായ​പാ​ലനം ചെയ്‌ക​യില്ല; ചെവി​കൊ​ണ്ടു കേൾക്കു​ന്ന​തു​പോ​ലെ വിധി​ക്ക​യു​മില്ല.” പണ്ടത്തെ​യോ ഇപ്പോ​ഴ​ത്തെ​യോ ഏതു മനുഷ്യ ന്യായാ​ധി​പനെ ആ വിധത്തിൽ വർണ്ണി​ക്കാൻ കഴിയും? വളരെ സമർത്ഥ​നായ ഒരു മനുഷ്യ​നു​പോ​ലും താൻ കാണു​ക​യും കേൾക്കു​ക​യും ചെയ്യു​ന്ന​ത​നു​സ​രി​ച്ചു​മാ​ത്രമേ തനിക്കുള്ള ഏതു ജ്ഞാനവും അല്ലെങ്കിൽ വിവേ​ച​ന​യും ഉപയോ​ഗി​ച്ചു വിധി​ക്കാൻ കഴിക​യു​ള്ളു. തന്നിമി​ത്തം, ഈ പഴയ​ലോ​ക​ത്തി​ലെ ന്യായാ​ധി​പൻമാ​രും ജൂറി​മാ​രും വിദഗ്‌ദ്ധ​വും വഞ്ചനാ​ത്മ​ക​വു​മായ ന്യായ​വാ​ദ​ങ്ങ​ളാ​ലും കോട​തി​മു​റി​യി​ലെ വിദ്യ​ക​ളാ​ലും അല്ലെങ്കിൽ വൈരു​ദ്ധ്യ​മുള്ള തെളി​വു​ക​ളാ​ലും സ്വാധീ​നി​ക്ക​പ്പെ​ടു​ക​യോ കുഴപ്പി​ക്ക​പ്പെ​ടു​ക​യോ ചെയ്‌തേ​ക്കാം. മിക്ക​പ്പോ​ഴും ധനികർക്കും ശക്തൻമാർക്കും മാത്രമേ ഫലപ്ര​ദ​മായ ഒരു പ്രതി​വാ​ദം നടത്താൻ നിർവാ​ഹ​മു​ള്ളു, യഥാർത്ഥ​ത്തിൽ നീതി വിലക്കു​വാ​ങ്ങി​ക്കൊണ്ട്‌. മിശി​ഹൈ​ക​ന്യാ​യാ​ധി​പന്റെ കീഴിൽ അങ്ങനെയല്ല! അവൻ ഹൃദയ​ങ്ങളെ അറിയു​ന്നു. അവന്റെ നിരീ​ക്ഷ​ണ​ത്തിൽനി​ന്നു യാതൊ​ന്നും ഒഴിഞ്ഞു​പോ​ക​യില്ല. സ്‌നേ​ഹ​ത്താ​ലും കരുണ​യാ​ലും മയപ്പെ​ടു​ത്ത​പ്പെ​ടുന്ന നീതി വില്‌പ​ന​ച്ച​ര​ക്കാ​യി​രി​ക്ക​യില്ല. അത്‌ എല്ലായ്‌പ്പോ​ഴും വിജയി​ക്കും.—യെശയ്യാ​വു 11:3-5.

അവന്റെ ഭരണം നിങ്ങളെ ബാധി​ക്കുന്ന വിധം

17, 18. (എ) യെശയ്യാ​വു 11:6-9-ൽ മനുഷ്യ​വർഗ്ഗ​ത്തി​ന്റെ ഭാവി​യു​ടെ ഏതു ഉജ്ജ്വല​മായ വർണ്ണന നൽക​പ്പെ​ട്ടി​രി​ക്കു​ന്നു? (ബി) ഈ പ്രവചനം ആർക്കാണു മുഖ്യ​മാ​യി ബാധക​മാ​കു​ന്നത്‌, എന്തു​കൊണ്ട്‌? (സി) ഈ പ്രവച​ന​ത്തിന്‌ ഒരു അക്ഷരീയ നിവൃത്തി ഉണ്ടാകു​ന്ന​തെ​ങ്ങനെ?

¹⁷ മനസ്സി​ലാ​ക്കാ​വു​ന്ന​തു​പോ​ലെ, മിശി​ഹാ​യു​ടെ ഭരണത്തിന്‌ അതിന്റെ പ്രജക​ളു​ടെ​മേൽ ഗംഭീ​ര​മായ ഒരു സ്വാധീ​ന​മുണ്ട്‌. അത്‌ ആളുകൾക്കു മാററം വരുത്തു​ന്നു. അങ്ങനെ​യുള്ള മാററങ്ങൾ എത്ര വിപു​ല​മാ​ണെന്നു യെശയ്യാ​വു 11:6-9 പ്രകട​മാ​ക്കു​ന്നു. ഈ പ്രവചനം അപകട​കാ​രി​ക​ളായ ഇരപി​ടി​യൻമൃ​ഗങ്ങൾ—കരടി​ക​ളും ചെന്നാ​യ്‌ക്ക​ളും പുള്ളി​പ്പു​ലി​ക​ളും സിംഹ​ങ്ങ​ളും മൂർഖൻമാ​രും—നിരു​പ​ദ്ര​വി​ക​ളായ വീട്ടു​മൃ​ഗ​ങ്ങ​ളോ​ടും കുട്ടി​ക​ളോ​ടു​പോ​ലു​മുള്ള സഹവാ​സ​ത്തിൽ കഴിയു​ന്ന​തി​ന്റെ വികാ​ര​സ്‌പർശി​യായ ഒരു ചിത്രം വരച്ചു​കാ​ട്ടു​ന്നു. എന്നാൽ ഇരപി​ടി​യൻമാർ അശേഷം അപകട​കാ​രി​ക​ളാ​യി​രി​ക്കു​ന്നില്ല! എന്തു​കൊണ്ട്‌? ഒൻപതാം വാക്യം ഉത്തരം നൽകുന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”

¹⁸ തീർച്ച​യാ​യും “യഹോ​വ​യു​ടെ പരിജ്ഞാ​ന​ത്തിന്‌” അക്ഷരീയ മൃഗങ്ങ​ളു​ടെ​മേൽ ഫലമു​ണ്ടാ​യി​രി​ക്കാൻ കഴിയില്ല; തന്നിമി​ത്തം ഈ വാക്യങ്ങൾ മുഖ്യ​മാ​യി ആളുകൾക്കു ബാധക​മാ​കേ​ണ്ട​താണ്‌. മിശി​ഹാ​യു​ടെ ഭരണം യഹോ​വ​യെ​യും അവന്റെ വഴിക​ളെ​യും കുറിച്ച്‌ ആളുകളെ പഠിപ്പി​ച്ചു​കൊണ്ട്‌, തങ്ങളുടെ സമസൃ​ഷ്ടി​യെ സ്‌നേ​ഹ​ത്തോ​ടും ആദര​വോ​ടും മാന്യ​ത​യോ​ടും​കൂ​ടെ കരുതാൻ എല്ലാവ​രെ​യും പഠിപ്പി​ച്ചു​കൊണ്ട്‌, ഒരു ആഗോള വിദ്യാ​ഭ്യാ​സ​പ​രി​പാ​ടി ഏറെറ​ടു​ത്തു നടത്തുന്നു. വരാനി​രി​ക്കുന്ന പറുദീ​സ​യിൽ മിശിഹാ മനുഷ്യ​വർഗ്ഗത്തെ ശാരീ​രി​ക​വും ധാർമ്മി​ക​വു​മായ പൂർണ്ണ​ത​യി​ലേക്ക്‌ ഉയർത്തും. അപൂർണ്ണ മനുഷ്യ​പ്ര​കൃ​തി​യെ കളങ്ക​പ്പെ​ടു​ത്തുന്ന ഇരപി​ടി​യൻ, മൃഗീയ, വാസനകൾ പൊയ്‌പോ​യി​രി​ക്കും. അക്ഷരീ​യ​മായ ഒരു അർത്ഥത്തി​ലും മനുഷ്യ​വർഗ്ഗം മൃഗങ്ങ​ളു​മാ​യി സമാധാ​ന​ത്തി​ലാ​കും—ഒടുവിൽ!—ഉല്‌പത്തി 1:28 താരത​മ്യ​പ്പെ​ടു​ത്തുക.

19. മിശി​ഹാ​യു​ടെ ഭരണം ഈ അന്ത്യനാ​ളു​ക​ളി​ലെ ആളുക​ളു​ടെ ജീവി​തത്തെ ബാധി​ക്കു​ന്ന​തെ​ങ്ങനെ?

¹⁹ എന്നാൽ മിശിഹാ ഇപ്പോൾത്തന്നെ ഭരിക്കു​ന്നു​വെ​ന്നോർക്കുക. ഇപ്പോൾപ്പോ​ലും അവന്റെ രാജ്യ​ത്തി​ന്റെ പ്രജകൾ ഒരർത്ഥ​ത്തിൽ യെശയ്യാ​വു 11:6-9 നിവർത്തി​ച്ചു​കൊ​ണ്ടു സമാധാ​ന​ത്തിൽ ഒരുമി​ച്ചു ജീവി​ക്കാൻ പഠിക്കു​ക​യാണ്‌. തന്നെയു​മല്ല, ഏതാണ്ട്‌ 80-ഓളം വർഷമാ​യി യേശു യെശയ്യാ​വു 11:10 നിവർത്തി​ച്ചു​കൊ​ണ്ടാ​ണി​രി​ക്കു​ന്നത്‌. “അന്നാളിൽ വംശങ്ങൾക്കു കൊടി​യാ​യി നിൽക്കുന്ന യിശ്ശാ​യി​വേ​രാ​യ​വനെ ജാതികൾ അന്വേ​ഷി​ച്ചു​വ​രും; അവന്റെ വിശ്രാ​മ​സ്ഥലം മഹത്വ​മു​ള്ള​താ​യി​രി​ക്കും.” സകല ജനതക​ളി​ലും​പെട്ട ആളുകൾ മിശി​ഹാ​യി​ലേക്കു തിരി​യു​ക​യാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ അവൻ ഭരിച്ചു​തു​ട​ങ്ങി​യ​തു​മു​തൽ എപ്പോ​ഴും അവൻ “വംശങ്ങൾക്കു കൊടി​യാ​യി നിൽക്കു”കയാണ്‌. അവൻ മുകളിൽ വർണ്ണിച്ച വിപു​ല​മായ വിദ്യാ​ഭ്യാ​സ​പ​രി​പാ​ടി​മു​ഖേന തന്റെ സാന്നി​ദ്ധ്യം ലോക​വ്യാ​പ​ക​മാ​യി അറിയി​ച്ചു​കൊ​ണ്ടാ​ണി​രി​ക്കു​ന്നത്‌. യഥാർത്ഥ​ത്തിൽ, ഈ പഴയ വ്യവസ്ഥി​തി അവസാ​നി​ക്കു​ന്ന​തി​നു മുമ്പ്‌ ഒരു ആഗോള പ്രസം​ഗ​വേല തന്റെ സാന്നി​ദ്ധ്യ​ത്തി​ന്റെ ഒരു പ്രമുഖ അടയാ​ള​മാ​യി​രി​ക്കു​മെന്നു യേശു മുൻകൂ​ട്ടി​പ്പ​റഞ്ഞു.—മത്തായി 24:14.

20. മിശി​ഹാ​യു​ടെ ഭരണത്തി​ലെ സകല പ്രജക​ളും ഏതു മനോ​ഭാ​വം ഒഴിവാ​ക്കണം, എന്തു​കൊണ്ട്‌?

²⁰ അതു​കൊണ്ട്‌, രാജകീ​യാ​ധി​കാ​ര​ത്തി​ലുള്ള ക്രിസ്‌തു​വി​ന്റെ സാന്നി​ദ്ധ്യം ഒരു വിദൂര സൈദ്ധാ​ന്തിക സംഗതി, കേവലം ദൈവ​ശാ​സ്‌ത്ര​ജ്ഞൻമാ​രു​ടെ ഇടയിലെ ബൗദ്ധി​ക​മായ വാദ​പ്ര​തി​വാ​ദ​ത്തി​ന്റെ ഒരു വിഷയം, അല്ല. യെശയ്യാ​വു മുൻകൂ​ട്ടി​പ്പ​റ​ഞ്ഞ​തു​പോ​ലെ അവന്റെ ഭരണം ഇവിടെ ഭൂമി​യി​ലെ ആളുക​ളു​ടെ ജീവി​ത​ങ്ങളെ ബാധി​ക്കു​ക​യും പരിവർത്തി​പ്പി​ക്കു​ക​യും ചെയ്യുന്നു. യേശു തന്റെ രാജ്യ​ത്തി​നു​വേണ്ടി ദശലക്ഷ​ക്ക​ണ​ക്കി​നു പ്രജകളെ ഈ ദുഷിച്ച ലോക​വ്യ​വ​സ്ഥി​തി​യിൽനി​ന്നു പുറ​ത്തേക്കു നയിച്ചി​ട്ടുണ്ട്‌. നിങ്ങൾ അങ്ങനെ​യുള്ള ഒരു പ്രജയാ​ണോ? ആണെങ്കിൽ, നമ്മുടെ ഭരണാ​ധി​കാ​രിക്ക്‌ അർഹത​പ്പെട്ട സകല ഉത്സാഹ​ത്തോ​ടും സന്തോ​ഷ​ത്തോ​ടും കൂടെ സേവി​ക്കുക! ക്ഷീണി​ച്ചു​പോ​കു​ന്നത്‌, “അവന്റെ ഈ വാഗ്‌ദത്ത സാന്നി​ദ്ധ്യം എവിടെ?” എന്ന ലോക​ത്തി​ന്റെ ദോഷ​ദൃ​ഷ്ടി​യോ​ടു​കൂ​ടിയ മുറവി​ളി​യിൽ ചേരു​ന്നത്‌, വളരെ എളുപ്പ​മാ​ണെന്നു സമ്മതി​ക്കു​ന്നു. (2 പത്രോസ്‌ 3:4, NW) എന്നാൽ യേശു​തന്നെ പറഞ്ഞതു​പോ​ലെ, “അവസാ​ന​ത്തോ​ളം സഹിച്ചു​നിൽക്കു​ന്നവൻ രക്ഷിക്ക​പ്പെ​ടും.”—മത്തായി 24:13.

21. നമു​ക്കെ​ല്ലാം മിശി​ഹൈ​ക​പ്ര​ത്യാ​ശ​യോ​ടുള്ള നമ്മുടെ വിലമ​തിപ്പ്‌ എങ്ങനെ വർദ്ധി​പ്പി​ക്കാൻ കഴിയും?

²¹ കടന്നു​പോ​കുന്ന ഓരോ ദിവസ​വും, മുഴു​ലോ​ക​ത്തി​നും തന്റെ പുത്രന്റെ സാന്നി​ദ്ധ്യ​ത്തെ പ്രകട​മാ​ക്കാൻ യഹോവ അവനോ​ടു നിർദ്ദേ​ശി​ക്കുന്ന മഹാദി​വ​സ​ത്തോ​ടു നമ്മെ ഏറെ അടുപ്പി​ക്കു​ന്നു. ആ ദിവസ​ത്തി​ലുള്ള നിങ്ങളു​ടെ പ്രത്യാശ മങ്ങി​പ്പോ​കാൻ അനുവ​ദി​ക്ക​രുത്‌. യേശു​വി​ന്റെ മിശി​ഹാ​പ​ദ​വി​യെ​യും വാഴുന്ന രാജാ​വെന്ന നിലയി​ലുള്ള അവന്റെ ഗുണങ്ങ​ളെ​യും കുറിച്ചു ധ്യാനി​ക്കുക. ബൈബി​ളിൽ വിവരി​ച്ചി​രി​ക്കുന്ന മഹത്തായ മിശി​ഹൈ​ക​പ്ര​ത്യാ​ശ​യു​ടെ കാരണ​ഭൂ​ത​നും സൂത്ര​ധാ​ര​നു​മായ യഹോ​വ​യാം ദൈവ​ത്തെ​ക്കു​റി​ച്ചും ആഴമായി ചിന്തി​ക്കുക. നിങ്ങൾ അതു ചെയ്യു​മ്പോൾ, “ഹാ, ദൈവ​ത്തി​ന്റെ ധനം, ജ്ഞാനം, അറിവു എന്നിവ​യു​ടെ ആഴമേ!” എന്നെഴു​തിയ അപ്പോ​സ്‌ത​ല​നായ പൗലോ​സി​നെ​പ്പോ​ലെ നിങ്ങൾ അധിക​മ​ധി​കം വിചാ​രി​ക്കു​മെ​ന്നു​ള്ള​തി​നു സംശയ​മില്ല.—റോമർ 11:33.

[അടിക്കു​റിപ്പ്‌]

നിങ്ങൾ എങ്ങനെ ഉത്തരം പറയും?

◻ ക്രിസ്‌തു ഏതു രീതി​യിൽ തിരി​ച്ചു​വ​രു​ന്നു?

◻ ക്രിസ്‌തു​വി​ന്റെ പറൂസി​യാ അദൃശ്യ​മാ​ണെ​ന്നും ഗണ്യമായ ഒരു കാലഘട്ടം നീണ്ടു​നിൽക്കു​ന്നു​വെ​ന്നും നാം എങ്ങനെ അറിയു​ന്നു?

◻ ക്രിസ്‌തു​വി​ന്റെ സാന്നി​ദ്ധ്യം എപ്പോൾ തുടങ്ങു​ന്നു, നാം ഇത്‌ എങ്ങനെ അറിയു​ന്നു?

◻ മിശിഹാ ഏതുതരം സ്വർഗ്ഗീയ ഭരണാ​ധി​കാ​രി​യാണ്‌?

◻ ക്രിസ്‌തു​വി​ന്റെ ഭരണം അതിന്റെ പ്രജക​ളു​ടെ ജീവി​തത്തെ ഏതു വിധങ്ങ​ളിൽ ബാധി​ക്കു​ന്നു?

[15-ാം പേജിലെ ചിത്രം]

യേശു തിരി​ച്ചു​വ​രു​മെ​ന്നുള്ള പ്രത്യാശ അവന്റെ വിശ്വ​സ്‌ത​രായ അപ്പോ​സ്‌ത​ലൻമാർക്കു വളരെ​യ​ധി​കം അർത്ഥവ​ത്താ​യി​രു​ന്നു

[17-ാം പേജിലെ ചിത്രം]

യേശു സ്വർഗ്ഗ​ത്തിൽനി​ന്നു ഭരിച്ചു​കൊണ്ട്‌ ഒരു ആഗോ​ള​തോ​തിൽ അത്ഭുതങ്ങൾ ചെയ്യും

[കടപ്പാട്‌]

Earth: Based on NASA photo