‘ഞാൻ സ്‌നാ​പ​ന​മേൽക്ക​ണ​മോ?’

നാം ജീവി​ത​ത്തിൽ എടുക്കേണ്ട എല്ലാ തീരു​മാ​ന​ങ്ങ​ളി​ലും​വെച്ച്‌ ഒരുപക്ഷേ ഇതിലും പ്രാധാ​ന്യ​മുള്ള മറെറാ​ന്നില്ല: ‘ഞാൻ സ്‌നാ​പ​ന​മേൽക്ക​ണ​മോ? അതു വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ ഈ ചോദ്യം​സം​ബ​ന്ധിച്ച നമ്മുടെ തീരു​മാ​ന​ത്തിന്‌ ഇപ്പോ​ഴത്തെ നമ്മുടെ ജീവി​ത​ഗ​തി​യു​ടെ​മേൽ മാത്രമല്ല, നമ്മുടെ നിത്യ​ക്ഷേ​മ​ത്തിൻമേ​ലും നേരി​ട്ടുള്ള ഒരു ഫലമുണ്ട്‌.

നിങ്ങൾ ഈ തീരു​മാ​നത്തെ അഭിമു​ഖീ​ക​രി​ക്കു​ന്നു​വോ? ഒരുപക്ഷേ നിങ്ങൾ കുറേ കാലമാ​യി യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിക്കു​ന്നു​ണ്ടാ​യി​രി​ക്കാം. അല്ലെങ്കിൽ നിങ്ങളു​ടെ മാതാ​പി​താ​ക്കൾ നിങ്ങളെ ശൈശവം മുതൽ തിരു​വെ​ഴു​ത്തു​കൾ പഠിപ്പി​ക്കു​ന്നു​ണ്ടാ​യി​രി​ക്കാം. ഇപ്പോൾ നിങ്ങൾ ചെയ്യേ​ണ്ട​തു​സം​ബ​ന്ധി​ച്ചു തീരു​മാ​ന​മെ​ടു​ക്കേണ്ട ഘട്ടത്തി​ലെ​ത്തി​യി​രി​ക്കു​ന്നു. ശരിയായ തീരു​മാ​നം ചെയ്യു​ന്ന​തിന്‌, സ്‌നാ​പ​ന​ത്തിൽ എന്തുൾപ്പെ​ട്ടി​രി​ക്കു​ന്നു​വെ​ന്നും ആരാണു സ്‌നാ​പ​ന​മേൽക്കേ​ണ്ട​തെ​ന്നും നിങ്ങൾ മനസ്സി​ലാ​ക്കേ​ണ്ട​തുണ്ട്‌.

സ്‌നാ​പ​ന​ത്തിൽ ഉൾപ്പെ​ട്ടി​രി​ക്കു​ന്നത്‌

ഏറെക്കു​റെ ഒരു വിവാ​ഹ​ത്തെ​പ്പോ​ലെ, സ്‌നാ​പനം ഒരു ബന്ധത്തെ ബഹുമാ​ന്യ​മാ​ക്കുന്ന ഒരു ചടങ്ങാണ്‌. ഒരു വിവാ​ഹ​ത്തി​ന്റെ സംഗതി​യിൽ, ഉൾപ്പെ​ട്ടി​രി​ക്കുന്ന പുരു​ഷ​നും സ്‌ത്രീ​യും അപ്പോൾത്തന്നെ ഒരു അടുത്ത ബന്ധം വളർത്തി​യി​ട്ടുണ്ട്‌. വിവാ​ഹ​ച​ടങ്ങ്‌ സ്വകാ​ര്യ​മാ​യി സമ്മതി​ച്ചി​രി​ക്കു​ന്ന​തി​നെ, അതായത്‌, ഇരുവ​രും ഇപ്പോൾ യഥാർത്ഥ ദാമ്പത്യ​ബ​ന്ധ​ത്തി​ലേക്കു പ്രവേ​ശി​ക്കു​ക​യാ​ണെ​ന്നു​ള്ള​തി​നെ, കേവലം പരസ്യ​മാ​ക്കു​ന്ന​തേ​യു​ള്ളു. അതു ദമ്പതി​കൾക്ക്‌ ആസ്വദി​ക്കാ​നുള്ള പദവി​ക​ളും തുറന്നു​കൊ​ടു​ക്കു​ക​യും തങ്ങളുടെ ഒരുമി​ച്ചുള്ള ജീവി​ത​ത്തിൽ വഹിക്കേണ്ട ഉത്തരവാ​ദി​ത്തങ്ങൾ കൈവ​രു​ത്തു​ക​യും ചെയ്യുന്നു.

സ്‌നാ​പ​ന​ത്തി​ന്റെ കാര്യ​ത്തിൽ സാഹച​ര്യം മിക്കവാ​റും സമാന​മാണ്‌. നാം ബൈബിൾ പഠിക്കു​മ്പോൾ, യഹോവ നമുക്കു​വേണ്ടി ചെയ്‌തി​രി​ക്കുന്ന സ്‌നേ​ഹ​പൂർവ​ക​മായ കാര്യങ്ങൾ നാം മനസ്സി​ലാ​ക്കു​ന്നു. അവൻ നമുക്കു ജീവനും അതു നിലനിർത്തു​ന്ന​തി​നാ​വ​ശ്യ​മായ സകലവും മാത്രമല്ല, തന്നോ​ടുള്ള ഒരു ബന്ധത്തി​ലേക്കു വരാനും ഒരു പറുദീ​സാ​ഭൂ​മി​യി​ലെ നിത്യ​ജീ​വൻ ആസ്വദി​ക്കാ​നും പാപി​ക​ളായ മനുഷ്യ​വർഗ്ഗ​ത്തി​നു വഴിതു​റ​ന്നു​കൊ​ടു​ക്കാൻ തന്റെ ഏകജാ​ത​നായ പുത്ര​നെ​യും നൽകി​യി​രി​ക്കു​ന്നു. നാം ഇതി​നെ​ക്കു​റി​ച്ചെ​ല്ലാം ചിന്തി​ക്കു​മ്പോൾ, നാം എന്തെങ്കി​ലും ചെയ്യാൻ പ്രേരി​ത​രാ​കു​ന്നി​ല്ലേ?

നമു​ക്കെ​ന്തു ചെയ്യാൻ കഴിയും? ദൈവ​പു​ത്ര​നായ യേശു​ക്രി​സ്‌തു നമ്മോടു പറയുന്നു: “ഒരുത്തൻ എന്റെ പിന്നാലെ വരുവാൻ ഇച്ഛിച്ചാൽ തന്നെത്താൻ ത്യജിച്ചു, തന്റെ ക്രൂശു (ദണ്ഡനസ്‌തംഭം, NW) എടുത്തു​കൊ​ണ്ടു എന്നെ അനുഗ​മി​ക്കട്ടെ.” (മത്തായി 16:24) അതെ, നമുക്ക്‌ യേശു​ക്രി​സ്‌തു​വി​ന്റെ പിതാ​വായ യഹോ​വ​യു​ടെ താത്‌പ​ര്യ​ങ്ങൾക്കു സേവ​ചെ​യ്യു​ന്ന​തി​ലുള്ള അവന്റെ ദൃഷ്ടാ​ന്ത​മ​നു​ക​രി​ച്ചു​കൊണ്ട്‌ അവന്റെ ശിഷ്യ​രാ​കാൻ കഴിയും. എന്നിരു​ന്നാ​ലും, അങ്ങനെ ചെയ്യു​ന്ന​തിന്‌, നാം നമ്മേത്തന്നെ ‘ത്യജി​ക്കേണ്ട’ത്‌, അതായത്‌ ദൈ​വേ​ഷ്ടത്തെ നമ്മു​ടേ​തി​നു​പ​രി​യാ​യി കരുതാൻ സ്വമേ​ധയാ തീരു​മാ​നി​ക്കേ​ണ്ടത്‌, ആവശ്യ​മാണ്‌; ഇതിൽ നമ്മുടെ ജീവനെ ദൈവ​ത്തി​ന്റെ ഇഷ്ടം ചെയ്യു​ന്ന​തി​നു സമർപ്പി​ക്കു​ന്നത്‌ ഉൾപ്പെ​ടു​ന്നു. സ്വമേ​ധ​യാ​യുള്ള ഈ സ്വകാ​ര്യ​തീ​രു​മാ​നം അറിയി​ക്കു​ന്ന​തിന്‌, ഒരു പരസ്യ​ച​ടങ്ങു നടത്ത​പ്പെ​ടു​ന്നു. ജലസ്‌നാ​പ​ന​മാണ്‌ ദൈവ​ത്തി​നാ​യുള്ള നമ്മുടെ സമർപ്പ​ണത്തെ ലക്ഷ്യ​പ്പെ​ടു​ത്തു​ന്ന​തി​നുള്ള ആ ചടങ്ങ്‌.

ആർ സ്‌നാ​പ​ന​മേൽക്കണം?

‘പോയി താൻ കല്‌പി​ച്ചി​രുന്ന സകല കാര്യ​ങ്ങ​ളും അനുഷ്‌ഠി​ക്കാൻ സകല ജനതക​ളി​ലെ​യും ആളുകളെ പഠിപ്പി​ച്ചു​കൊണ്ട്‌ പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ അവരെ സ്‌നാ​പ​ന​പ്പെ​ടു​ത്തി ശിഷ്യ​രാ​ക്കി​ക്കൊ​ള്ളാൻ’ തന്റെ അനുഗാ​മി​ക​ളോട്‌ യേശു​ക്രി​സ്‌തു നിർദ്ദേ​ശി​ച്ചു. (മത്തായി 28:19, 20) സ്‌നാ​പ​ന​മേൽക്കു​ന്ന​വർക്ക്‌ മനസ്സി​ന്റെ​യും ഹൃദയ​ത്തി​ന്റെ​യും ഒരളവി​ലുള്ള പക്വത ആവശ്യ​മാ​ണന്ന്‌ വ്യക്തമാണ്‌. ദൈവ​വ​ച​ന​ത്തി​ന്റെ വ്യക്തി​പ​ര​മായ പഠനത്തി​ലൂ​ടെ അവർ തങ്ങളുടെ മുൻ ജീവി​ത​ഗ​തി​യിൽനിന്ന്‌ ‘അനുത​പി​ച്ചു തിരി​ഞ്ഞു​വ​രേ​ണ്ട​തി​ന്റെ’ ആവശ്യ​ക​തയെ വിലമ​തി​ക്കാ​നി​ട​യാ​യി​രി​ക്കു​ന്നു. (പ്രവൃ​ത്തി​കൾ 3:19) അനന്തരം, യേശു​ക്രി​സ്‌തു ചെയ്‌ത സുവി​ശേ​ഷി​ക്കൽവേല ഏറെറ​ടു​ത്തു​കൊണ്ട്‌ അവന്റെ ശിഷ്യ​രാ​യി​ത്തീ​രേ​ണ്ട​തി​ന്റെ ആവശ്യകത അവർ കണ്ടിരി​ക്കു​ന്നു. ഇതെല്ലാം സ്‌നാ​പ​ന​മാ​കുന്ന പടിക്കു മുമ്പു നടന്നി​രി​ക്കു​ന്നു.

നിങ്ങളു​ടെ ആത്മീയ വളർച്ച​യിൽ നിങ്ങൾ ഈ ഘട്ടത്തിൽ എത്തിയി​രി​ക്കു​ന്നു​വോ? നിങ്ങൾ ദൈവത്തെ സേവി​ക്കാ​നാ​ഗ്ര​ഹി​ക്കു​ന്നു​വോ? അങ്ങനെ​യെ​ങ്കിൽ, പ്രവൃ​ത്തി​കൾ 8-ാമദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന എത്യോ​പ്യൻ ഷണ്ഡനെ​ക്കു​റി​ച്ചുള്ള ബൈബിൾവി​വ​രണം പ്രാർത്ഥ​നാ​പൂർവം പരിചി​ന്തി​ക്കുക. മിശി​ഹാ​യായ യേശു​ക്രി​സ്‌തു​വി​നെ​ക്കു​റി​ച്ചുള്ള പ്രവച​നങ്ങൾ ഈ മനുഷ്യ​നു വിശദീ​ക​രി​ച്ചു​കൊ​ടു​ത്ത​പ്പോൾ അയാൾ തന്റെ മനസ്സി​നെ​യും ഹൃദയ​ത്തെ​യും പരി​ശോ​ധി​ക്കു​ക​യും അനന്തരം “ഞാൻ സ്‌നാ​ന​മേൽക്കു​ന്ന​തി​നു എന്തു വിരോ​ധം” എന്നു ചോദി​ക്കു​ക​യും ചെയ്‌തു. പ്രത്യ​ക്ഷ​ത്തിൽ വിരോ​ധി​ക്കേണ്ട യാതൊ​രു കാരണ​വു​മി​ല്ലാ​യി​രു​ന്നു; തന്നിമി​ത്തം അയാൾ സ്‌നാ​പ​ന​മേ​ററു.—പ്രവൃ​ത്തി​കൾ 8:26-38.

ഇന്ന്‌ അനേകർ അതേ ചോദ്യം ചോദി​ക്കു​ക​യാണ്‌: “ഞാൻ സ്‌നാ​ന​മേൽക്കു​ന്ന​തി​നു എന്തു വിരോ​ധം”? തത്‌ഫ​ല​മാ​യി 1991-ൽ പുതു​താ​യി സമർപ്പി​ക്ക​പ്പെട്ട 3,00,945 പേർ സ്‌നാ​പ​ന​മേ​ററു. ഇതു യഹോ​വ​യു​ടെ ജനത്തി​നെ​ല്ലാം വലിയ സന്തോഷം കൈവ​രു​ത്തി. പുരോ​ഗ​മി​ക്കു​ന്ന​തി​നും സ്‌നാ​പ​ന​ത്തി​നുള്ള യോഗ്യ​ത​ക​ളി​ലെ​ത്തി​ച്ചേ​രു​ന്ന​തി​നും നീതി​ഹൃ​ദ​യി​കളെ സഹായി​ക്കാൻ സഭകളി​ലെ മൂപ്പൻമാർക്ക്‌ സന്തോ​ഷ​മുണ്ട്‌.

എന്നിരു​ന്നാ​ലും, കുറേ​ക്കൂ​ടെ കഴിയട്ടെ എന്നു നിങ്ങളു​ടെ സഭയിലെ മൂപ്പൻമാർ നിങ്ങ​ളോ​ടു നിർദ്ദേ​ശി​ച്ചേ​ക്കാം. അല്ലെങ്കിൽ നിങ്ങൾ ഒരു കുട്ടി​യാ​ണെ​ങ്കിൽ, നിങ്ങൾ കാത്തി​രി​ക്കാൻ നിങ്ങളു​ടെ മാതാ​പി​താ​ക്കൾ നിങ്ങ​ളോ​ടു നിർദ്ദേ​ശി​ച്ചേ​ക്കാം. അപ്പോ​ഴെന്ത്‌? നിരു​ത്സാ​ഹ​പ്പെ​ട​രുത്‌. അത്യു​ന്ന​ത​നു​മാ​യുള്ള വ്യക്തി​പ​ര​മായ ഒരു ബന്ധത്തി​ലേക്കു പ്രവേ​ശി​ക്കു​ന്നതു വളരെ ഗൗരവ​മുള്ള ഒരു സംഗതി​യാ​ണെന്ന്‌ ഓർക്കുക. ഉയർന്ന നിലവാ​ര​ങ്ങ​ളി​ലെ​ത്തു​ക​യും അവ നിലനിർത്തു​ക​യും ചെയ്യേ​ണ്ട​താണ്‌. അതു​കൊണ്ട്‌, നൽക​പ്പെ​ടുന്ന നിർദ്ദേ​ശങ്ങൾ ശ്രദ്ധി​ക്കു​ക​യും മുഴു​ഹൃ​ദ​യ​ത്തോ​ടെ ബാധക​മാ​ക്കു​ക​യും ചെയ്യുക. നൽക​പ്പെ​ടുന്ന കാരണങ്ങൾ നിങ്ങൾക്കു പൂർണ്ണ​മാ​യി മനസ്സി​ലാ​കു​ന്നി​ല്ലെ​ങ്കിൽ ഒഴിഞ്ഞു​മാ​റാ​തെ നിങ്ങൾ എന്ത്‌ ഒരുക്കം നടത്തേ​ണ്ട​തു​ണ്ടെന്നു യഥാർത്ഥ​ത്തിൽ മനസ്സി​ലാ​കു​ന്ന​തു​വരെ ചോദ്യ​ങ്ങൾ ചോദി​ക്കുക.

മറിച്ച്‌, ചിലയാ​ളു​കൾ അവർ പറയു​ന്ന​തു​പോ​ലെ​യുള്ള ആ വലിയ പടി സ്വീക​രി​ക്കാൻ മടി​ച്ചേ​ക്കാം. നിങ്ങൾ അവരിൽപ്പെട്ട ഒരാളാ​ണോ? തീർച്ച​യാ​യും, നിങ്ങൾ സമർപ്പ​ണ​വും സ്‌നാ​പ​ന​വും നീട്ടി​വെ​ക്കേ​ണ്ട​തി​നു സുനി​ശ്ചിത കാരണങ്ങൾ ഉണ്ടായി​രി​ക്കാം. എന്നാൽ നിങ്ങൾക്കു യോഗ്യ​ത​യു​ണ്ടാ​യി​രു​ന്നി​ട്ടും പിൻമാ​റി​നിൽക്കു​ക​യാ​ണെ​ങ്കിൽ നിങ്ങ​ളോ​ടു​തന്നെ “ഞാൻ സ്‌നാ​ന​മേൽക്കു​ന്ന​തി​നു എന്തു വിരോ​ധം” എന്നു ചോദി​ക്കു​ന്നതു നല്ലതാണ്‌. പ്രാർത്ഥ​നാ​പൂർവം നിങ്ങളു​ടെ സാഹച​ര്യ​ത്തെ വിശക​ലനം ചെയ്യു​ക​യും തന്നോടു വ്യക്തി​പ​ര​മാ​യി ഒരു ബന്ധത്തിൽ പ്രവേ​ശി​ക്കു​ന്ന​തി​നുള്ള യഹോ​വ​യു​ടെ ക്ഷണത്തിനു ചെവി​കൊ​ടു​ക്കുന്ന കാര്യം നീട്ടി​വെ​ക്കു​ന്ന​തി​നു യഥാർത്ഥ​ത്തിൽ സാധു​വായ കാരണ​മു​ണ്ടോ​യെന്നു കാണു​ക​യും ചെയ്യുക.

‘ഞാൻ ഇപ്പോ​ഴും ഇളപ്പമാണ്‌’

നിങ്ങൾ ഇപ്പോ​ഴും ഒരു കുട്ടി​യാ​ണെ​ങ്കിൽ, ‘ഞാൻ ഇപ്പോ​ഴും ചെറു​പ്പ​മാണ്‌’ എന്നു നിങ്ങൾ ചിന്തി​ച്ചേ​ക്കാം. കുട്ടികൾ തങ്ങളുടെ മാതാ​പി​താ​ക്കളെ അനുസ​രി​ക്കു​ക​യും അവർക്കു ചെവി​കൊ​ടു​ക്കു​ക​യും തങ്ങളുടെ കഴിവി​ന്റെ പരമാ​വധി തിരു​വെ​ഴു​ത്തു​കൾ ബാധക​മാ​ക്കു​ക​യും ചെയ്യു​ന്ന​ട​ത്തോ​ളം കാലം യഹോവ അവരെ “വിശുദ്ധ”രായി വീക്ഷി​ക്കു​ന്നു​വെന്ന്‌ അവർക്ക്‌ ഉറപ്പു​ണ്ടാ​യി​രി​ക്കാൻ കഴിയും. യഥാർത്ഥ​ത്തിൽ, നീതി​നി​ഷ്‌ഠ​രായ മാതാ​പി​താ​ക്ക​ളു​ടെ ദിവ്യാം​ഗീ​കാ​രം ആശ്രി​ത​രായ മക്കളി​ലേക്കു വ്യാപി​ക്കു​ന്നു​വെന്ന്‌ ബൈബിൾ നമ്മോടു പറയുന്നു. (1 കൊരി​ന്ത്യർ 7:14) എന്നിരു​ന്നാ​ലും, ഈ ആശ്രയ​കാ​ല​ഘട്ടം അവസാ​നി​ക്കു​ന്ന​തു​സം​ബ​ന്ധിച്ച യാതൊ​രു പ്രായ​പ​രി​ധി​യും ബൈബി​ളിൽ നൽക​പ്പെ​ടു​ന്നില്ല. തന്നിമി​ത്തം ക്രിസ്‌തീയ യുവാക്കൾ ‘ഞാൻ സ്‌നാ​പ​ന​മേൽക്ക​ണ​മോ?’ എന്ന ചോദ്യം ഗൗരവ​മാ​യി പരിചി​ന്തി​ക്കു​ന്നത്‌ പ്രധാ​ന​മാണ്‌.

ബൈബിൾ യുവജ​ന​ങ്ങളെ ‘തങ്ങളുടെ യൗവന​നാ​ളു​ക​ളിൽ തങ്ങളുടെ മഹദ്‌സ്ര​ഷ്ടാ​വി​നെ ഓർത്തു​കൊ​ള്ളാൻ’ പ്രോൽസാ​ഹി​പ്പി​ക്കു​ന്നു. (സഭാ​പ്ര​സം​ഗി 12:1, NW) ഈ കാര്യ​ത്തിൽ നമുക്ക്‌, “ഒരു ബാലനാ​യി യഹോ​വ​യു​ടെ മുമ്പാകെ ശുശ്രൂ​ഷി​ച്ചു​കൊ​ണ്ടി​രുന്ന” കുട്ടി​പ്രാ​യ​ത്തി​ലുള്ള ശമു​വേ​ലി​ന്റെ ദൃഷ്ടാ​ന്ത​മുണ്ട്‌. തിമൊ​ഥെ​യോ​സി​ന്റെ ദൃഷ്ടാ​ന്ത​വു​മുണ്ട്‌, അവൻ ശൈശ​വം​മു​തൽ അവന്റെ അമ്മയും വല്യമ്മ​യും അവനെ പഠിപ്പിച്ച സത്യം കാര്യ​മാ​യി എടുത്തു.—1 ശമുവേൽ 2:18; 2 തിമൊ​ഥെ​യോസ്‌ 1:5; 3:14, 15.

അതു​പോ​ലെ ഇന്ന്‌ അനേകം കുട്ടികൾ യഹോ​വയെ സേവി​ക്കാൻ തങ്ങളുടെ ജീവി​തത്തെ സമർപ്പി​ച്ചി​രി​ക്കു​ന്നു. ആക്കിഫൂ​സാ എന്നു പേരുള്ള ഒരു 15-വയസ്സു​കാ​രൻ സ്‌നാ​പ​ന​മേൽക്കാൻ തീരു​മാ​ന​മെ​ടു​ക്കു​ന്ന​തി​നു സേവന​യോ​ഗ​ത്തി​ലെ ഒരു ഭാഗം തന്നെ സഹായി​ച്ചു​വെന്നു പറഞ്ഞു. ആയുമി പത്തു വയസ്സു​ണ്ടാ​യി​രു​ന്ന​പ്പോൾ സ്‌നാ​പ​ന​മേ​ററു. യഹോ​വയെ യഥാർത്ഥ​മാ​യി സ്‌നേ​ഹി​ക്കാ​നി​ട​യാ​യ​തു​കൊണ്ട്‌ അവൾ അവനെ സേവി​ക്കാ​നാ​ഗ്ര​ഹി​ച്ചു. ഇപ്പോൾ അവൾക്കു 13 വയസ്സുണ്ട്‌. യഹോ​വയെ സ്‌നേ​ഹി​ക്കാ​നി​ട​യായ അവളുടെ ബൈബി​ള​ദ്ധ്യേ​താ​വും 12-ാം വയസ്സിൽ സ്‌നാ​പ​ന​മേൽക്കു​ന്നതു കാണുന്ന അനുഭവം അവൾക്കു​ണ്ടാ​യി. ആയുമി​യു​ടെ ഇളയ സഹോ​ദ​ര​നായ ഹിക്കാ​രു​വും പത്താം വയസ്സിൽ സ്‌നാ​പ​ന​മേ​ററു. “ഞാൻ തീരെ ഇളപ്പമാ​ണെന്നു ചിലർ പറഞ്ഞു,” അവൻ അനുസ്‌മ​രി​ക്കു​ന്നു, “എന്നാൽ എന്റെ വിചാരം യഹോവ അറിഞ്ഞു. എനിക്കുള്ള സകലവു​മാ​യി യഹോ​വയെ സേവി​ക്കാൻ എന്റെ ജീവി​തത്തെ സമർപ്പി​ക്കാൻ തീരു​മാ​നി​ച്ചു​ക​ഴി​ഞ്ഞ​പ്പോൾ സ്‌നാ​പ​ന​മേൽക്കാൻ ഞാൻ ദൃഢനി​ശ്ച​യ​മെ​ടു​ത്തു.”

ഒരു യുവ സഹോ​ദ​രി​യു​ടെ ദൃഷ്ടാ​ന്ത​ത്തിൽനി​ന്നു കാണാൻ കഴിയു​ന്ന​തു​പോ​ലെ, മാതാ​പി​താ​ക്ക​ളു​ടെ ദൃഷ്ടാ​ന്ത​വും ഒരു ഘടകമാണ്‌. അവളുടെ അമ്മ അവളും അവളുടെ സഹോ​ദ​ര​നും സഹോ​ദ​രി​യു​മാ​യി ബൈബിൾ പഠിക്കു​ന്നത്‌ അവളുടെ അപ്പൻ തടഞ്ഞു. അയാൾ അവരെ അടിക്കു​ക​യും അവരുടെ പുസ്‌ത​കങ്ങൾ ചുട്ടെ​രി​ക്കു​ക​യും ചെയ്യു​മാ​യി​രു​ന്നു. എന്നാൽ അമ്മയുടെ സഹിഷ്‌ണു​ത​യും വിശ്വാ​സ​വും നിമിത്തം മക്കൾക്കു യഹോ​വ​യാം ദൈവത്തെ സേവി​ക്കു​ന്ന​തി​ന്റെ പ്രാധാ​ന്യം കാണാൻ കഴിഞ്ഞു. ഈ പെൺകു​ട്ടി 13-ാം വയസ്സിൽ സ്‌നാ​പ​ന​മേ​ററു. അവളുടെ ഇളയ സഹോ​ദ​ര​നും സഹോ​ദ​രി​യും അവളുടെ മാതൃ​കയെ അനുക​രി​ച്ചി​രി​ക്കു​ന്നു.

‘എനിക്കു പ്രായം കടന്നു​പോ​യി’

സങ്കീർത്ത​ന​ക്കാ​രൻ പറഞ്ഞു: “വൃദ്ധൻമാ​രും ബാലൻമാ​രും . . . യഹോ​വ​യു​ടെ നാമത്തെ സ്‌തു​തി​ക്കട്ടെ.” (സങ്കീർത്തനം 148:12, 13) അതെ, പ്രായ​മേ​റി​യ​വ​രും യഹോ​വ​യു​ടെ പക്ഷത്തു നിലയു​റ​പ്പി​ക്കേ​ണ്ട​തി​ന്റെ ആവശ്യകത തിരി​ച്ച​റി​യേ​ണ്ടി​യി​രി​ക്കു​ന്നു. എന്നിരു​ന്നാ​ലും പ്രായ​മേ​റിയ ചിലർ മാററങ്ങൾ വരുത്തു​ന്ന​തൊ​ഴി​വാ​ക്കാ​നുള്ള പ്രവണത കാട്ടുന്നു. “പന്തീരാ​ണ്ടു കഴിഞ്ഞാ​ലും പട്ടിയു​ടെ വാൽ വളഞ്ഞേ ഇരിക്കു​ക​യു​ള്ളു” എന്ന്‌ അവർ വിചാ​രി​ക്കു​ന്നു. എന്നിരു​ന്നാ​ലും വിശ്വ​സ്‌ത​നായ അബ്രാ​ഹാ​മി​നോട്‌, “നിന്റെ ദേശക്കാ​രെ​യും നിന്റെ ചാർച്ച​ക്കാ​രെ​യും വിട്ടു ഞാൻ നിനക്കു കാണി​ച്ചു​ത​രുന്ന ദേശത്തി​ലേക്കു ചെല്ലുക” എന്നു പറഞ്ഞ​പ്പോൾ അവന്‌ 75 വയസ്സു പ്രായ​മാ​യി​രു​ന്നു. (പ്രവൃ​ത്തി​കൾ 7:3; ഉല്‌പത്തി 12:1, 4) യഹോവ മോശയെ “എന്റെ ജനമായ യിസ്രാ​യേൽമ​ക്കളെ മിസ്ര​യീ​മിൽനി​ന്നു പുറ​പ്പെ​ടു​വി”ക്കുന്നതി​നു നിയോ​ഗി​ച്ച​പ്പോൾ അവന്‌ 80 വയസ്സാ​യി​രു​ന്നു. (പുറപ്പാ​ടു 3:10) തന്നോ​ടുള്ള സ്‌നേ​ഹ​വും സമർപ്പ​ണ​വും പ്രകട​മാ​ക്കാൻ യഹോവ ആവശ്യ​പ്പെ​ട്ട​പ്പോൾ ഈ മനുഷ്യ​രും മററു​ള്ള​വ​രു​മെ​ല്ലാം തങ്ങളുടെ ജീവി​ത​രീ​തി​യിൽ നന്നായി ഉറച്ചവ​രാ​യി​രു​ന്നു. യഹോ​വ​യു​ടെ ആഹ്വാ​ന​ത്തി​നു ചെവി​കൊ​ടു​ക്കാൻ അവർ മടികാ​ണി​ച്ചില്ല.

ഇന്ന്‌ എന്ത്‌? ഷീസുമൂ ബൈബി​ളി​ന്റെ ഒരു പഠനം തുടങ്ങി​യ​പ്പോൾ അയാൾ 78 വയസ്സുള്ള ഒരു ബുദ്ധമ​ത​ക്കാ​ര​നാ​യി​രു​ന്നു. അയാളു​ടെ സ്വന്തം വീട്ടിൽവെച്ചു പഠിക്കാൻ അനുവ​ദി​ക്കു​ക​പോ​ലും ചെയ്യാതെ അയാളു​ടെ കുടും​ബം അയാളെ എതിർത്തു. ഒരു വർഷം മാത്രം കഴിഞ്ഞ​പ്പോൾ അയാൾ തന്നേത്തന്നെ യഹോ​വക്കു സമർപ്പി​ക്കേ​ണ്ട​തി​ന്റെ ആവശ്യകത കണ്ടു. അയാൾ സ്‌നാ​പ​ന​മേൽക്കു​ക​യും ചെയ്‌തു. അയാൾ മാററം വരുത്തി​യ​തെ​ന്തു​കൊ​ണ്ടാ​യി​രു​ന്നു? അയാൾ പറഞ്ഞു: “അനേകം വർഷങ്ങ​ളിൽ ഞാൻ വ്യാജ​മ​ത​ത്താൽ കബളി​പ്പി​ക്ക​പ്പെ​ട്ടി​രു​ന്നു. യഹോ​വ​യിൽനി​ന്നു സത്യം സ്വീക​രി​ക്കു​ന്ന​തിൽ എന്നേക്കും തുടരാൻ ഞാൻ ആഗ്രഹി​ച്ചു.”

‘അതി​പ്പോൾ നിങ്ങളെ രക്ഷിക്കു​ക​യാ​കു​ന്നു’

സമയം തീർന്നു​കൊ​ണ്ടി​രി​ക്കു​ക​യാണ്‌. നിങ്ങളു​ടേ​തുൾപ്പെടെ ജീവൻ അപകട​ത്തി​ലാണ്‌. യഹോ​വക്കു സമർപ്പി​ക്കു​ക​യും അതിനെ ജലസ്‌നാ​പ​ന​ത്താൽ ലക്ഷ്യ​പ്പെ​ടു​ത്തു​ക​യും ചെയ്യുന്ന കാര്യം നിങ്ങൾ സഗൗരവം പരിഗ​ണി​ക്കേ​ണ്ടത്‌ അടിയ​ന്തി​ര​മാണ്‌. “സ്‌നാ​ന​മോ ഇപ്പോൾ . . . നമ്മെയും രക്ഷിക്കു​ന്നു” എന്നു പറഞ്ഞു​കൊണ്ട്‌ അപ്പോ​സ്‌ത​ല​നായ പത്രോസ്‌ ഇതു ദൃഢീ​ക​രി​ച്ചു. സ്‌നാ​പനം “ജഡത്തിന്റെ അഴുക്കു കളയു​ന്ന​താ​യി​ട്ടല്ല,” (ഒരു വ്യക്തി സ്‌നാ​പ​ന​ത്തി​നു യോഗ്യത നേടു​ന്ന​തി​നു​മുമ്പ്‌ അതു നേരത്തേ ചെയ്‌തി​രി​ക്കും) “ദൈവ​ത്തോ​ടു നല്ല മനസ്സാ​ക്ഷി​ക്കാ​യുള്ള അപേക്ഷ​യാ​യി​ട്ട​ത്രേ” എന്ന്‌ അവൻ കൂടു​ത​ലാ​യി വിശദീ​ക​രി​ച്ചു.—1 പത്രൊസ്‌ 3:21.

യഹോ​വ​യു​ടെ വ്യവസ്ഥകൾ നിറ​വേ​റ​റി​യി​രി​ക്കെ, സ്‌നാ​പ​ന​മേററ ശിഷ്യന്‌ ഒരു നല്ല മനസ്സാക്ഷി ലഭിക്കു​ന്നു. യഹോ​വയെ സേവി​ക്കു​ന്ന​തിൽ പരമാ​വധി ചെയ്യു​ന്ന​തിൽ തുടരു​ന്ന​തി​നാൽ അയാൾ മനഃസ​മാ​ധാ​ന​വും സംതൃ​പ്‌തി​യും ആസ്വദി​ക്കു​ന്നു. (യാക്കോബ്‌ 1:25) എല്ലാറ​റി​നു​മു​പ​രി​യാ​യി അയാൾക്കു വരാനി​രി​ക്കുന്ന പുതിയ വ്യവസ്ഥി​തി​യിൽ യഹോ​വ​യിൽനി​ന്നുള്ള അനന്തമായ അനു​ഗ്ര​ഹങ്ങൾ ലഭിക്കാൻ ദൃഢവി​ശ്വാ​സ​ത്തോ​ടെ നോക്കി​പ്പാർത്തി​രി​ക്കാൻ കഴിയും. നിങ്ങൾ ‘ഞാൻ സ്‌നാ​പ​ന​മേൽക്ക​ണ​മോ?’ എന്ന ചോദ്യ​ത്തോ​ടു ക്രിയാ​ത്മ​ക​മാ​യി പ്രതി​ക​രി​ക്കു​മ്പോൾ അതായി​രി​ക്കട്ടെ നിങ്ങളു​ടെ ഓഹരി.

[25-ാം പേജിലെ ചിത്രം]

ശമുവേൽ ഒരു ബാലനാ​യി​രി​ക്കെ യഹോ​വ​യു​ടെ മുമ്പാകെ ശുശ്രൂഷ ചെയ്‌തു

[26-ാം പേജിലെ ചിത്രം]

മോശ യഹോ​വ​യാൽ നിയോ​ഗി​ക്ക​പ്പെ​ട്ട​പ്പോൾ അവന്‌ 80 വയസ്സാ​യി​രു​ന്നു

[27-ാം പേജിലെ ചിത്രം]

ഇന്നു സ്‌നാ​പ​ന​മേൽക്കുന്ന യുവാ​ക്കൾക്കും പ്രായ​മു​ള്ള​വർക്കും ദൈവ​ത്തി​ന്റെ പുതിയ വ്യവസ്ഥി​തി​യി​ലെ അനന്ത ജീവനു​വേണ്ടി നോക്കി​പ്പാർത്തി​രി​ക്കാൻ കഴിയും