യഹോ​വ​യു​ടെ സ്‌നേ​ഹ​പൂർവ​ക​മായ കുടും​ബ​ക്ര​മീ​ക​രണം

“അതുനി​മി​ത്തം ഞാൻ സ്വർഗ്ഗ​ത്തി​ലും ഭൂമി​യി​ലു​മുള്ള സകല കുടും​ബ​ത്തി​ന്നും പേർ വരുവാൻ കാരണ​മായ പിതാ​വി​ന്റെ സന്നിധി​യിൽ മുട്ടു​കു​ത്തു​ന്നു.”—എഫെസ്യർ 3:14, 15.

1, 2. (എ) യഹോ​വ​യാം ദൈവം കുടും​ബത്തെ ഉളവാ​ക്കി​യത്‌ എന്തു​ദ്ദേ​ശ്യ​ത്തി​ലാണ്‌? (ബി) ഇന്നു കുടും​ബ​ത്തി​നു യഹോ​വ​യു​ടെ ക്രമീ​ക​ര​ണ​ത്തിൽ എന്തു പങ്കാണ്‌ ഉണ്ടായി​രി​ക്കേ​ണ്ടത്‌?

യഹോവ കുടും​ബത്തെ ഉളവാക്കി. അതുവഴി അവൻ സൗഹൃ​ദ​ത്തി​നും പിന്തു​ണ​ക്കും അടുപ്പ​ത്തി​നു​മുള്ള മാനുഷ ആവശ്യം തൃപ്‌തി​പ്പെ​ടു​ത്തു​ന്ന​തി​നേ​ക്കാൾ അധികം ചെയ്‌തു. (ഉല്‌പത്തി 2:18) ഭൂമിയെ നിറയ്‌ക്കുക എന്നുള്ള ദൈവ​ത്തി​ന്റെ മഹത്തായ ഉദ്ദേശ്യം നിറ​വേ​റ​റാ​നുള്ള മാർഗ്ഗം കുടും​ബ​മാ​യി​രു​ന്നു. ആദ്യ ദമ്പതി​ക​ളോട്‌ അവൻ ഇപ്രകാ​രം പറഞ്ഞു: “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കി”ക്കൊൾവിൻ. (ഉല്‌പത്തി 1:28) കുടും​ബ​ത്തി​ന്റെ ഊഷ്‌മ​ള​വും പരിപു​ഷ്ടി​പ്പെ​ടു​ത്തു​ന്ന​തു​മായ ചുററു​പാട്‌ ആദാമി​നും ഹവ്വായ്‌ക്കും അവരുടെ പിൻത​ല​മു​റ​ക്കാർക്കും ജനിക്കാ​നി​രുന്ന അസംഖ്യം കുട്ടി​കൾക്കും പ്രയോ​ജ​ന​ക​ര​മെന്നു തെളി​യു​മാ​യി​രു​ന്നു.

² എന്നാൽ ആ ആദ്യ ദമ്പതികൾ അനുസ​ര​ണ​ക്കേ​ടി​ന്റെ ഗതി തെര​ഞ്ഞെ​ടു​ത്തു—തങ്ങൾക്കു​ത​ന്നെ​യും തങ്ങളുടെ സന്തതി​കൾക്കും വിനാ​ശ​ക​ര​മായ ഫലങ്ങ​ളോ​ടെ​തന്നെ. (റോമർ 5:12) അപ്രകാ​രം ഇന്നത്തെ കുടും​ബ​ജീ​വി​തം അത്‌ എന്തായി​രി​ക്കാൻ ദൈവം ഉദ്ദേശി​ച്ചു​വോ അതിന്റെ ഒരു വികൃ​ത​രൂ​പ​മാണ്‌. എന്നാൽ ഇപ്പോ​ഴും കുടും​ബ​ത്തി​നു യഹോ​വ​യു​ടെ ക്രമീ​ക​ര​ണ​ത്തിൽ ഒരു സുപ്ര​ധാ​ന​മായ സ്ഥാനമുണ്ട്‌, അതു ക്രിസ്‌തീയ സമൂഹ​ത്തി​ന്റെ അടിസ്ഥാ​ന​ഘ​ട​ക​മാ​യി സേവി​ക്കു​ന്നു. ഇങ്ങനെ പറയു​ന്നതു നമ്മുടെ ഇടയി​ലുള്ള അവിവാ​ഹി​ത​രായ അനേകം ക്രിസ്‌ത്യാ​നി​കൾ ചെയ്യുന്ന നല്ല വേല​യോ​ടു വിലമ​തി​പ്പി​ല്ലാ​തെയല്ല. മറിച്ച്‌, ക്രിസ്‌തീയ സ്ഥാപന​ത്തി​ന്റെ മൊത്ത​ത്തി​ലുള്ള ആത്മീയ ആരോ​ഗ്യ​ത്തി​നു കുടും​ബങ്ങൾ നൽകുന്ന വലിയ സംഭാ​വ​ന​യെ​യും നാം അംഗീ​ക​രി​ക്കു​ന്നു. ശക്തമായ കുടും​ബങ്ങൾ ശക്തമായ സഭകൾ ഉണ്ടായി​രി​ക്കാൻ ഇടയാ​ക്കു​ന്നു. എന്നാൽ ഇന്നത്തെ സമ്മർദ്ദ​ങ്ങ​ളു​ണ്ടെ​ങ്കി​ലും നിങ്ങളു​ടെ കുടും​ബ​ത്തിന്‌ എങ്ങനെ തഴച്ചു വളരാൻ കഴിയും? ഉത്തരമാ​യി കുടും​ബ​ക്ര​മീ​ക​ര​ണ​ത്തെ​ക്കു​റി​ച്ചു ബൈബി​ളിന്‌ എന്തു പറയാ​നു​ണ്ടെന്നു നമുക്കു പരി​ശോ​ധി​ക്കാം.

കുടും​ബം ബൈബിൾകാ​ല​ങ്ങ​ളിൽ

3. പൂർവ്വ​പി​താ​ക്കൻമാ​രു​ടെ കുടും​ബ​ങ്ങ​ളിൽ ഭർത്താ​വി​നും ഭാര്യ​ക്കും എന്തു പങ്കാണ്‌ ഉണ്ടായി​രു​ന്നത്‌?

³ ആദാമും ഹവ്വായും ദൈവ​ത്തി​ന്റെ ശിരഃ​സ്ഥാന ക്രമീ​ക​ര​ണത്തെ നിരാ​ക​രി​ച്ചു. എന്നാൽ നോഹ, അബ്രഹാം, ഇസ്‌ഹാക്ക്‌, യാക്കോബ്‌, ഇയ്യോബ്‌ എന്നിങ്ങനെ വിശ്വാ​സ​മു​ണ്ടാ​യി​രുന്ന പുരു​ഷൻമാർ കുടും​ബ​ത്ത​ല​വൻമാ​രെന്ന നിലയിൽ ഉചിത​മാ​യി തങ്ങളുടെ സ്ഥാനങ്ങൾ ഏറെറ​ടു​ത്തു. (എബ്രായർ 7:4) പൂർവ​പി​താ​ക്കൻമാ​രു​ടെ കുടും​ബങ്ങൾ ഒരു ചെറിയ ഗവൺമെൻറു​പോ​ലെ​യാ​യി​രു​ന്നു, പിതാവ്‌ മതനേ​താ​വും ഉപദേ​ഷ്ടാ​വും ന്യായാ​ധി​പ​നു​മാ​യി പ്രവർത്തി​ച്ചു. (ഉല്‌പത്തി 8:20; 18:19) ഭാര്യ​മാർക്കും പ്രധാ​ന​പ്പെട്ട ഒരു പങ്കുണ്ടാ​യി​രു​ന്നു, അവർ അടിമ​ക​ളാ​യി​ട്ടല്ല മറിച്ചു കുടും​ബ​ത്തി​ലെ അസിസ്‌റ​റൻറ്‌ മാനേ​ജർമാ​രാ​യി സേവിച്ചു.

4. മോ​ശൈക ന്യായ​പ്ര​മാ​ണ​ത്തിൻകീ​ഴിൽ കുടും​ബ​ജീ​വി​ത​ത്തിന്‌ എങ്ങനെ​യാ​ണു മാററം സംഭവി​ച്ചത്‌, എന്നാൽ മാതാ​പി​താ​ക്കൾ എന്തു പങ്കു വഹിച്ചു​കൊ​ണ്ടി​രു​ന്നു?

⁴ പൊ.യു.മു. (പൊതു​യു​ഗ​ത്തി​നു മുമ്പ്‌) 1513-ൽ ഇസ്രയേൽ ഒരു ജനതയാ​യി​ത്തീർന്ന​പ്പോൾ കുടും​ബ​നി​യമം മോശ മുഖാ​ന്തരം നൽകപ്പെട്ട ദേശീ​യ​നി​യ​മ​ത്തി​നു കീഴി​ലാ​യി. (പുറപ്പാട്‌ 24:3-8) ജീവൻ-മരണ കാര്യ​ങ്ങ​ളി​ലുൾപ്പെടെ തീർപ്പു​കൽപ്പി​ക്കാ​നുള്ള അധികാ​രം അപ്പോൾ നിയമിത ന്യായാ​ധി​പൻമാർക്കു നൽക​പ്പെട്ടു. (പുറപ്പാട്‌ 18:13-26) ലേവ്യ പൗരോ​ഹി​ത്യം ആരാധ​ന​യു​ടെ യാഗപ​ര​മായ വശങ്ങൾ ഏറെറ​ടു​ത്തു. (ലേവ്യ​പു​സ്‌തകം 1:2-5) എന്നിരു​ന്നാ​ലും, പിതാവ്‌ ഒരു പ്രമുഖ പങ്കു വഹിക്കു​ന്ന​തിൽ തുടർന്നു. മോശ പിതാ​ക്കൻമാ​രെ ഇപ്രകാ​രം പ്രബോ​ധി​പ്പി​ച്ചു: “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേൽക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.” (ആവർത്തനം 6:6, 7) മാതാ​ക്കൾക്കു ഗണ്യമായ സ്വാധീ​ന​മു​ണ്ടാ​യി​രു​ന്നു. സദൃശ​വാ​ക്യ​ങ്ങൾ 1:8 യുവജ​ന​ങ്ങ​ളോട്‌ ഇപ്രകാ​രം കല്‌പി​ച്ചു: “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രു​തു.” അതെ, ഭർത്താ​വി​ന്റെ അധികാ​ര​ത്തി​നു കീഴ്‌പ്പെ​ട്ടു​നി​ന്നു​കൊണ്ട്‌ എബ്രായ ഭാര്യക്കു കുടും​ബ​ത്തി​നു​വേണ്ടി നിയമങ്ങൾ വയ്‌ക്കു​ക​യും നടപ്പാ​ക്കു​ക​യും ചെയ്യാ​മാ​യി​രു​ന്നു. അവൾ വൃദ്ധയായ ശേഷവും അവൾ അവളുടെ മക്കളാൽ ബഹുമാ​നി​ക്ക​പ്പെ​ട​ണ​മാ​യി​രു​ന്നു.—സദൃശ​വാ​ക്യ​ങ്ങൾ 23:22.

5. മോ​ശൈക ന്യായ​പ്ര​മാ​ണം കുടും​ബ​ക്ര​മീ​ക​ര​ണ​ത്തിൽ കുട്ടി​കൾക്കുള്ള സ്ഥാനം നിർവ്വ​ചി​ച്ചത്‌ എങ്ങനെ​യാണ്‌?

⁵ കുട്ടി​ക​ളു​ടെ സ്ഥാനവും ദൈവ​നി​യ​മ​ത്താൽ വ്യക്തമാ​യി നിർവ്വ​ചി​ക്ക​പ്പെ​ട്ടി​രു​ന്നു. ആവർത്തനം 5:16 ഇപ്രകാ​രം പറഞ്ഞു: “നിനക്കു ദീർഘാ​യു​സ്സു ഉണ്ടാകു​വാ​നും നിന്റെ ദൈവ​മായ യഹോവ നിനക്കു തരുന്ന ദേശത്തു നിനക്കു നന്നായി​രി​പ്പാ​നും നിന്റെ ദൈവ​മായ യഹോവ നിന്നോ​ടു കൽപി​ച്ച​തു​പോ​ലെ നിന്റെ അപ്പനെ​യും അമ്മയെ​യും ബഹുമാ​നിക്ക.” മോ​ശൈക ന്യായ​പ്ര​മാ​ണ​ത്തിൻകീ​ഴിൽ ഒരുവന്റെ മാതാ​പി​താ​ക്ക​ളോ​ടുള്ള അനാദ​രവ്‌ അങ്ങേയ​ററം ഗുരു​ത​ര​മായ ഒരു കുററ​മാ​യി​രു​ന്നു. (പുറപ്പാട്‌ 21:15, 17) “അപ്പനെ​യോ അമ്മയെ​യോ ശപിക്കു​ന്നവൻ മരണശിക്ഷ അനുഭ​വി​ക്കേണം” എന്നു നിയമം അനുശാ​സി​ച്ചു. (ലേവ്യ​പു​സ്‌തകം 20:9) ഒരുവന്റെ മാതാ​പി​താ​ക്കൾക്കെ​തി​രെ​യുള്ള മത്സരം ദൈവ​ത്തി​നെ​തി​രെ​തന്നെ ഉള്ള മത്സരത്തി​നു തുല്യ​മാ​യി​രു​ന്നു.

ക്രിസ്‌തീയ ഭർത്താ​ക്കൻമാ​രു​ടെ പങ്ക്‌

6, 7. എഫെസ്യർ 5:23-29-ലെ പൗലോ​സി​ന്റെ വാക്കുകൾ അവന്റെ ഒന്നാം നൂററാ​ണ്ടി​ലെ വായന​ക്കാർക്കു വിപ്ലവാ​ത്മ​ക​മാ​യി തോന്നി​യത്‌ എന്തു​കൊ​ണ്ടാണ്‌?

⁶ ക്രിസ്‌ത്യാ​നി​ത്വം കുടും​ബ​ക്ര​മീ​ക​ര​ണ​ത്തിൻമേൽ, വിശേ​ഷി​ച്ചു ഭർത്താ​വി​ന്റെ പങ്കിൻമേൽ വെളിച്ചം വീശി. ക്രിസ്‌തീ​യ​സ​ഭക്കു വെളി​യിൽ ഒന്നാം നൂററാ​ണ്ടി​ലെ ഭർത്താ​ക്കൻമാർ ഭാര്യ​മാ​രോ​ടു കഠിന​വും മർദ്ദക​വു​മായ രീതി​യിൽ പെരു​മാ​റു​ന്നതു സാധാ​ര​ണ​മാ​യി​രു​ന്നു. സ്‌ത്രീ​കൾക്ക്‌ അടിസ്ഥാന അവകാ​ശ​ങ്ങ​ളും മാന്യ​ത​യും നിഷേ​ധി​ക്ക​പ്പെ​ട്ടി​രു​ന്നു. ദി എക്‌സ്‌പോ​സി​റേ​റ​ഴ്‌സ്‌ ബൈബിൾ ഇപ്രകാ​രം പറയുന്നു: “സംസ്‌കാ​ര​സ​മ്പ​ന്ന​നായ ഗ്രീക്കു​കാ​രൻ ഒരു ഭാര്യയെ പരി​ഗ്ര​ഹി​ച്ചതു കുട്ടി​കളെ ഉൽപാ​ദി​പ്പി​ക്കാ​നാ​യി​രു​ന്നു. അവളുടെ അവകാ​ശങ്ങൾ അയാളു​ടെ തൃഷ്‌ണയെ ഒരു തരത്തി​ലും നിയ​ന്ത്രി​ച്ചില്ല. വിവാഹ ഉടമ്പടി​യിൽ സ്‌നേഹം ഉൾപ്പെ​ട്ടി​രു​ന്നില്ല. . . . അടിമ​സ്‌ത്രീ​ക്കു യാതൊ​രു അവകാ​ശ​വു​മി​ല്ലാ​യി​രു​ന്നു. അവളുടെ ശരീരം അവളുടെ ഉടമയു​ടെ ഉപയോ​ഗ​ത്തി​നു​ള്ള​താ​യി​രു​ന്നു.”

⁷ അത്തര​മൊ​രു ചുററു​പാ​ടിൽ പൗലോസ്‌ എഫെസ്യർ 5:23-29-ലെ വാക്കുകൾ എഴുതി: “ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യക്കു തലയാ​കു​ന്നു. . . . ഭർത്താ​ക്കൻമാ​രെ, ക്രിസ്‌തു​വും സഭയെ സ്‌നേ​ഹി​ച്ച​തു​പോ​ലെ നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ അവൻ . . .തന്നെത്താൻ അവൾക്കു വേണ്ടി ഏല്‌പി​ച്ചു​കൊ​ടു​ത്തു. അവ്വണ്ണം ഭർത്താ​ക്കൻമാ​രും തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്നവൻ തന്നെത്താൻ സ്‌നേ​ഹി​ക്കു​ന്നു. ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ; . . . അതിനെ പോററി പുലർത്തു​ക​യ​ത്രേ ചെയ്യു​ന്നതു.” ഒന്നാം നൂററാ​ണ്ടി​ലെ വായന​ക്കാർക്ക്‌ ഈ വാക്കുകൾ വിപ്ലവാ​ത്മകം തന്നെയാ​യി​രു​ന്നു. ദി എക്‌സ്‌പോ​സി​റേ​റ​ഴ്‌സ്‌ ബൈബിൾ ഇപ്രകാ​രം പറയുന്നു: “അന്നത്തെ കുത്തഴിഞ്ഞ ധാർമ്മി​ക​ത​യോ​ടുള്ള താരത​മ്യ​ത്തിൽ വിവാഹം സംബന്ധിച്ച ക്രിസ്‌തീയ വീക്ഷണ​ത്തേ​ക്കാൾ നവീന​വും കർക്കശ​വു​മാ​യി ക്രിസ്‌ത്യാ​നി​ത്വ​ത്തി​ലെ യാതൊ​ന്നും കാണ​പ്പെ​ട്ടില്ല. . . . [അതു] മനുഷ്യ​വർഗ്ഗ​ത്തിന്‌ ഒരു പുതിയ യുഗം തുറന്നു​കൊ​ടു​ത്തു.”

8, 9. സ്‌ത്രീ​ക​ളോ​ടുള്ള എന്ത്‌ അനാ​രോ​ഗ്യ​ക​ര​മായ മനോ​ഭാ​വം പുരു​ഷൻമാർക്കി​ട​യിൽ സാധാ​ര​ണ​മാണ്‌, ക്രിസ്‌തീയ പുരു​ഷൻമാർ അത്തരം വീക്ഷണങ്ങൾ ത്യജി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ ഭർത്താ​ക്കൻമാർക്കാ​യുള്ള ബൈബി​ളി​ന്റെ ബുദ്ധ്യു​പ​ദേശം ഇന്ന്‌ അത്രതന്നെ വിപ്ലവാ​ത്മ​ക​മാണ്‌. സ്‌ത്രീ​സ്വാ​ത​ന്ത്ര്യ​ത്തെ​പ്പ​ററി ഇത്ര​യെ​ല്ലാം സംസാ​ര​മു​ണ്ടെ​ങ്കി​ലും അനേകം പുരു​ഷൻമാ​രാൽ ഇന്നും സ്‌ത്രീ​കൾ ലൈം​ഗിക സംതൃ​പ്‌തി​ക്കുള്ള വസ്‌തു​ക്കൾ മാത്ര​മാ​യി വീക്ഷി​ക്ക​പ്പെ​ടു​ന്നു. കീഴട​ക്ക​പ്പെ​ടു​ന്ന​തും നിയ​ന്ത്രി​ക്ക​പ്പെ​ടു​ന്ന​തും ദ്രോ​ഹി​ക്ക​പ്പെ​ടു​ന്ന​തും സ്‌ത്രീ​കൾ വാസ്‌ത​വ​ത്തിൽ ആസ്വദി​ക്കു​ന്നു എന്ന പുരാണം വിശ്വ​സി​ച്ചു​കൊണ്ട്‌ അനേകം പുരു​ഷൻമാർ ശാരീ​രി​ക​മാ​യും വൈകാ​രി​ക​മാ​യും തങ്ങളുടെ ഭാര്യ​മാ​രെ ഉപദ്ര​വി​ക്കു​ന്നു. ഒരു ക്രിസ്‌തീയ പുരുഷൻ ലൗകിക ചിന്തക​ളാൽ സ്വാധീ​നി​ക്ക​പ്പെ​ടു​ന്ന​തും തന്റെ ഭാര്യ​യോ​ടു ദ്രോ​ഹ​പൂർവ്വം പെരു​മാ​റു​ന്ന​തും എത്ര ലജ്ജാക​ര​മാണ്‌! “എന്റെ ഭർത്താവ്‌ ഒരു ശുശ്രൂ​ഷാ​ദാ​സ​നാ​യി​രു​ന്നു, പരസ്യ​പ്ര​സം​ഗങ്ങൾ നടത്താ​റു​മു​ണ്ടാ​യി​രു​ന്നു,” ഒരു ക്രിസ്‌തീയ സ്‌ത്രീ പറയുന്നു. എന്നിട്ടും, “ഞാൻ ഭാര്യാ​പ്ര​ഹ​ര​ത്തി​ന്റെ ഒരു ഇരയാ​യി​രു​ന്നു” എന്ന്‌ അവൾ വെളി​പ്പെ​ടു​ത്തു​ന്നു. വ്യക്തമാ​യും, അത്തരം പ്രവൃ​ത്തി​കൾ ദൈവി​ക​ക്ര​മീ​ക​ര​ണ​ത്തോ​ടു യോജി​പ്പി​ലാ​യി​രു​ന്നില്ല. ആ മനുഷ്യ​ന്റേത്‌ ഒരു അസാധാ​രണ സംഗതി​യാ​യി​രു​ന്നു; ദൈവ​പ്രീ​തി ലഭിക്കാൻ പ്രതീ​ക്ഷി​ക്കു​ന്നു​വെ​ങ്കിൽ തന്റെ കോപത്തെ അടക്കാൻ അയാൾ സഹായം തേടേ​ണ്ട​യാ​വ​ശ്യ​മു​ണ്ടാ​യി​രു​ന്നു.—ഗലാത്യർ 5:19-21.

⁹ തങ്ങളുടെ ഭാര്യ​മാ​രെ സ്വന്തം ശരീര​ങ്ങ​ളെ​പ്പോ​ലെ സ്‌നേ​ഹി​ക്ക​ണ​മെന്നു ദൈവം ഭർത്താ​ക്കൻമാ​രോ​ടു കൽപി​ക്കു​ന്നു. അങ്ങനെ ചെയ്യാൻ വിസമ്മ​തി​ക്കു​ന്നതു ദൈവ​ത്തി​ന്റെ​തന്നെ ക്രമീ​ക​ര​ണ​ത്തോ​ടുള്ള മത്സരമാണ്‌, അതു ദൈവ​വു​മാ​യുള്ള ഒരുവന്റെ ബന്ധത്തിനു തുരങ്കം വയ്‌ക്കും. അപ്പൊ​സ്‌ത​ല​നായ പത്രോ​സി​ന്റെ വാക്കുകൾ വ്യക്തമാണ്‌: “അങ്ങനെ തന്നേ ഭർത്താ​ക്കൻമാ​രേ, നിങ്ങളു​ടെ പ്രാർത്ഥ​നെക്കു മുടക്കം വരാതി​രി​ക്കേ​ണ്ട​തി​നു വിവേ​ക​ത്തോ​ടെ ഭാര്യ​മാ​രോ​ടു​കൂ​ടെ വസിച്ചു, സ്‌ത്രീ​ജനം ബലഹീ​ന​പാ​ത്രം എന്നും . . . ഓർത്തു അവർക്കു ബഹുമാ​നം കൊടു​പ്പിൻ.” (1 പത്രൊസ്‌ 3:7) ഒരുവന്റെ ഭാര്യ​യോ​ടുള്ള കഠിന​മായ പെരു​മാ​റ​റ​ത്തിന്‌ അവളുടെ ആത്മീയ​ത​യു​ടെ​മേ​ലും അവളുടെ മക്കളുടെ ആത്മീയ​ത​യു​ടെ​മേ​ലും വിനാ​ശ​ക​ര​മായ ഒരു ഫലമു​ണ്ടാ​ക്കാൻ കഴിയും.

10. ഭർത്താ​ക്കൻമാർക്കു ക്രിസ്‌തു​തു​ല്യ​മായ ഒരു വിധത്തിൽ ശിരഃ​സ്ഥാ​നം പ്രയോ​ഗി​ക്കാൻ കഴിയു​ന്ന​തി​നുള്ള ചില മാർഗ്ഗങ്ങൾ ഏവയാണ്‌?

¹⁰ ഭർത്താ​ക്കൻമാ​രേ, നിങ്ങൾ ക്രിസ്‌തു​തു​ല്യ​മായ ഒരു വിധത്തിൽ നിങ്ങളു​ടെ ശിരഃ​സ്ഥാ​നം പ്രയോ​ഗി​ക്കു​ന്നു​വെ​ങ്കിൽ നിങ്ങളു​ടെ കുടും​ബം അതിൻകീ​ഴിൽ തഴച്ചു​വ​ള​രും. ക്രിസ്‌തു ഒരിക്ക​ലും കഠിന​മാ​യോ ദ്രോ​ഹ​പൂർവ​ക​മാ​യോ പെരു​മാ​റി​യില്ല. നേരേ​മ​റിച്ച്‌, അവന്‌ ഇപ്രകാ​രം പറയാൻ കഴിഞ്ഞു: “ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും.” (മത്തായി 11:29) നിങ്ങളു​ടെ കുടും​ബ​ത്തി​നു നിങ്ങ​ളെ​പ്പ​ററി അതു പറയാൻ കഴിയു​മോ? യേശു സുഹൃ​ത്തു​ക്ക​ളോ​ടെ​ന്ന​പോ​ലെ തന്റെ ശിഷ്യൻമാ​രോ​ടു പെരു​മാ​റു​ക​യും അവരിൽ വിശ്വാ​സം അർപ്പി​ക്കു​ക​യും ചെയ്‌തു. (യോഹ​ന്നാൻ 15:15) നിങ്ങൾ നിങ്ങളു​ടെ ഭാര്യക്ക്‌ അതേ മാന്യത കൽപി​ക്കു​ന്നു​വോ? “സാമർത്ഥ്യ​മുള്ള ഭാര്യ”യെ സംബന്ധി​ച്ചു ബൈബി​ളിൽ ഇപ്രകാ​രം പറഞ്ഞി​രി​ക്കു​ന്നു: “ഭർത്താ​വി​ന്റെ ഹൃദയം അവളെ വിശ്വ​സി​ക്കു​ന്നു.” (സദൃശ​വാ​ക്യ​ങ്ങൾ 31:10, 11) അതിന്റെ അർത്ഥം അന്യാ​യ​മായ നിയ​ന്ത്ര​ണങ്ങൾ വയ്‌ക്കാ​തെ അവൾക്ക്‌ ഒരു പരിധി​വ​രെ​യുള്ള പ്രവർത്ത​ന​സ്വാ​ത​ന്ത്ര്യം അനുവ​ദി​ക്ക​ണ​മെ​ന്നാണ്‌. കൂടാതെ തങ്ങളുടെ വികാ​ര​ങ്ങ​ളും അഭി​പ്രാ​യ​ങ്ങ​ളും പ്രകടി​പ്പി​ക്കാൻ യേശു തന്റെ ശിഷ്യൻമാ​രെ പ്രോ​ത്സാ​ഹി​പ്പി​ച്ചു. (മത്തായി 9:28; 16:13-15) നിങ്ങൾ നിങ്ങളു​ടെ ഭാര്യ​യോട്‌ അപ്രകാ​ര​മാ​ണോ പെരു​മാ​റു​ന്നത്‌? അതോ സത്യസ​ന്ധ​മായ അഭി​പ്രാ​യ​വ്യ​ത്യാ​സത്തെ നിങ്ങളു​ടെ അധികാ​ര​ത്തോ​ടുള്ള വെല്ലു​വി​ളി​യാ​യി​ട്ടാ​ണോ നിങ്ങൾ കാണു​ന്നത്‌? ഭാര്യ​യു​ടെ വികാ​ര​ങ്ങളെ അവഗണി​ക്കാ​തെ അവ കണക്കി​ലെ​ടു​ക്കു​ക​വഴി നിങ്ങൾ വാസ്‌ത​വ​ത്തിൽ നിങ്ങളു​ടെ ശിരഃ​സ്ഥാ​ന​ത്തോ​ടുള്ള അവളുടെ ആദരവു കെട്ടു​പണി ചെയ്യുന്നു.

11. (എ) പിതാ​ക്കൻമാർക്കു തങ്ങളുടെ മക്കളുടെ ആത്മീയാ​വ​ശ്യ​ങ്ങൾക്കു​വേണ്ടി എങ്ങനെ കരുതാൻ കഴിയും? (ബി) തങ്ങളുടെ കുടും​ബ​ങ്ങൾക്കു​വേണ്ടി കരുതു​ന്ന​തിൽ മൂപ്പൻമാ​രും ശുശ്രൂ​ഷാ​ദാ​സൻമാ​രും നല്ല ദൃഷ്ടാന്തം വയ്‌ക്കേ​ണ്ടത്‌ എന്തു​കൊണ്ട്‌?

¹¹ നിങ്ങൾ ഒരു പിതാ​വാ​ണെ​ങ്കിൽ നിങ്ങൾ നിങ്ങളു​ടെ കുട്ടി​ക​ളു​ടെ ആത്മീയ​വും വൈകാ​രി​ക​വും ശാരീ​രി​ക​വു​മായ ആവശ്യ​ങ്ങൾക്കു ശ്രദ്ധ കൊടു​ക്കുന്ന കാര്യ​ത്തിൽ നേതൃ​ത്വ​മെ​ടു​ക്കേ​ണ്ട​തു​മുണ്ട്‌. നിങ്ങളു​ടെ കുടും​ബ​ത്തിന്‌ ഒരു നല്ല ആത്മീയ​ദി​ന​ചര്യ ഉണ്ടായി​രി​ക്കു​ന്ന​തും അതിൽ ഉൾപ്പെ​ടു​ന്നു: വയൽസേ​വ​ന​ത്തിൽ അവരോ​ടൊ​പ്പം പ്രവർത്തി​ച്ചു​കൊ​ണ്ടും ഒരു ഭവന​ബൈ​ബി​ള​ദ്ധ്യ​യനം നടത്തി​ക്കൊ​ണ്ടും ദിനവാ​ക്യം ചർച്ച​ചെ​യ്‌തു​കൊ​ണ്ടും തന്നെ. രസാവ​ഹ​മാ​യി, മൂപ്പൻമാ​രും ശുശ്രൂ​ഷാ​ദാ​സൻമാ​രും “സ്വന്തകു​ടും​ബത്തെ നന്നായി ഭരിക്കു​ന്ന​വരാ”യിരി​ക്കണം എന്നു ബൈബിൾ പ്രകട​മാ​ക്കു​ന്നു. അപ്രകാ​രം ഈ നിലക​ളിൽ സേവി​ക്കു​ന്നവർ മാതൃ​കാ​യോ​ഗ്യ​രായ കുടും​ബ​ത്ത​ല​വൻമാർ ആയിരി​ക്കണം. അവർ സഭാപ​ര​മായ ഉത്തരവാ​ദി​ത്വ​ങ്ങ​ളു​ടെ ഒരു വലിയ ഭാരം വഹിക്ക​വേ​തന്നെ അവർ തങ്ങളുടെ സ്വന്തം കുടും​ബ​ങ്ങൾക്കു മുൻഗണന നൽകണം. എന്തു​കൊ​ണ്ടെന്നു പൗലോസ്‌ പ്രകട​മാ​ക്കി: “സ്വന്തകു​ടും​ബത്തെ ഭരിപ്പാൻ അറിയാ​ത്തവൻ ദൈവ​സ​ഭയെ എങ്ങനെ പരിപാ​ലി​ക്കും?”—1 തിമൊ​ഥെ​യൊസ്‌ 3:4, 5, 12.

പിന്തുണ നൽകുന്ന ക്രിസ്‌തീയ ഭാര്യ​മാർ

12. ക്രിസ്‌തീയ ക്രമീ​ക​ര​ണ​ത്തിൽ ഭാര്യ എന്തു പങ്കാണു വഹിക്കു​ന്നത്‌?

¹² നിങ്ങൾ ഒരു ക്രിസ്‌തീയ ഭാര്യ​യാ​ണോ? എങ്കിൽ കുടും​ബ​ക്ര​മീ​ക​ര​ണ​ത്തിൽ നിങ്ങളും ഒരു മർമ്മ​പ്ര​ധാ​ന​മായ പങ്കു വഹി​ക്കേ​ണ്ട​തുണ്ട്‌. ക്രിസ്‌തീയ ഭാര്യ​മാർ “ഭർത്തൃ​പ്രി​യ​മാ​രും പുത്ര​പ്രി​യ​മാ​രും സുബോ​ധ​വും പാതി​വ്ര​ത്യ​വു​മു​ള്ള​വ​രും വീട്ടു​കാ​ര്യം നോക്കു​ന്ന​വ​രും ദയയു​ള്ള​വ​രും ഭർത്താ​ക്കൻമാർക്കു കീഴ്‌പ്പെ​ടു​ന്ന​വ​രും ആയിരി​ക്കാൻ” ബുദ്ധ്യു​പ​ദേ​ശി​ക്ക​പ്പെ​ട്ടി​രി​ക്കു​ന്നു. (തീത്തൊസ്‌ 2:4, 5) അങ്ങനെ നിങ്ങളു​ടെ കുടും​ബ​ത്തി​നു​വേണ്ടി ശുചി​ത്വ​മു​ള്ള​തും ഉല്ലാസ​പ്ര​ദ​വു​മായ ഒരു ഭവനത്തെ പരിപാ​ലി​ച്ചു​കൊ​ണ്ടു മാതൃ​കാ​യോ​ഗ്യ​യായ ഒരു വീട്ടമ്മ​യാ​യി​രി​ക്കാൻ നിങ്ങൾ ശ്രമി​ക്കണം. വീട്ടു​ജോ​ലി ചില​പ്പോൾ മുഷി​പ്പാ​യി തോന്നി​യേ​ക്കാം. എന്നാൽ അതു തരംതാ​ഴ്‌ന്ന​തോ നിസ്സാ​ര​മോ അല്ല. ഒരു ഭാര്യ​യെന്ന നിലയിൽ നിങ്ങൾ “ഭവനം രക്ഷിക്കു​ന്നു,” അതിൽ നിങ്ങൾക്കു ഗണനീ​യ​മായ സ്വാത​ന്ത്ര്യം ആസ്വദി​ക്കാൻ കഴി​ഞ്ഞേ​ക്കും. (1 തിമൊ​ഥെ​യൊസ്‌ 5:14) ഉദാഹ​ര​ണ​ത്തിന്‌, “സാമർത്ഥ്യ​മുള്ള ഭാര്യ” വീട്ടാ​വ​ശ്യ​ത്തി​നുള്ള സാധനങ്ങൾ വാങ്ങു​ക​യും വസ്‌തു​ക്കൾ സമ്പാദി​ക്കു​ക​യും ഒരു ചെറിയ വ്യാപാ​രം ചെയ്‌തു ആദായം ഉണ്ടാക്കു​ക​യും ചെയ്‌തു. അവൾ തന്റെ ഭർത്താ​വി​ന്റെ പ്രശംസ പിടി​ച്ചു​പ​റ​റി​യത്‌ അതിശ​യമല്ല! (സദൃശ​വാ​ക്യ​ങ്ങൾ, അദ്ധ്യായം 31) സ്വാഭാ​വി​ക​മാ​യും അവൾ മുൻകൈ എടുത്തതു ശിര​സ്സെ​ന്ന​നി​ല​യിൽ അവളുടെ ഭർത്താവു നൽകിയ മാർഗ്ഗ​നിർദ്ദേ​ശ​ങ്ങൾക്കു​ള്ളിൽ നിന്നു​കൊ​ണ്ടാണ്‌.

13. (എ) ചില സ്‌ത്രീ​കൾക്കു കീഴ്‌പ്പെടൽ പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ക്രിസ്‌തീയ ഭാര്യ​മാ​രെ സംബന്ധി​ച്ചി​ട​ത്തോ​ളം തങ്ങളുടെ ഭർത്താ​ക്കൻമാർക്കു കീഴ്‌പ്പെ​ട്ടി​രി​ക്കു​ന്നതു നേട്ടമാ​യി​രി​ക്കു​ന്നത്‌ എന്തു​കൊ​ണ്ടാണ്‌?

¹³ എന്നിരു​ന്നാ​ലും, നിങ്ങളു​ടെ ഭർത്താ​വി​നു കീഴ്‌പ്പെ​ട്ടി​രി​ക്കു​ന്നത്‌ എല്ലായ്‌പ്പോ​ഴും എളുപ്പ​മ​ല്ലാ​തി​രു​ന്നേ​ക്കാം. എല്ലാ പുരു​ഷൻമാ​രും ആദരവ്‌ അർഹി​ക്കു​ന്ന​വരല്ല. പണം കൈകാ​ര്യം ചെയ്യു​ന്ന​തി​ലും ആസൂ​ത്രണം ചെയ്യു​ന്ന​തി​ലും സംഘാ​ട​ന​ത്തി​ലും നിങ്ങൾ വളരെ പ്രാപ്‌ത​യാ​ണെ​ന്നും വന്നേക്കാം. നിങ്ങൾക്ക്‌ ഒരു ലൗകിക ജോലി​യു​ണ്ടാ​യി​രി​ക്കു​ക​യും നിങ്ങൾ കുടും​ബ​വ​രു​മാ​ന​ത്തി​നു കാര്യ​മായ ഒരു സംഭാവന നൽകു​ക​യും ചെയ്‌തേ​ക്കാം. അല്ലെങ്കിൽ കഴിഞ്ഞ​കാ​ലത്തു പുരു​ഷ​മേ​ധാ​വി​ത്വ​ത്തിൽ നിന്നു നിങ്ങൾ ഏതെങ്കി​ലും വിധത്തിൽ കഷ്ടമനു​ഭ​വി​ക്കു​ക​യും ഒരു പുരു​ഷനു കീഴ്‌പ്പെ​ട്ടി​രി​ക്കു​ന്നതു പ്രയാ​സ​മാ​ണെന്നു കണ്ടെത്തു​ക​യും ചെയ്‌തേ​ക്കാം. എന്നിരു​ന്നാ​ലും, നിങ്ങളു​ടെ ഭർത്താ​വി​നോട്‌ “ആഴമായ ബഹുമാ​നം” അഥവാ “ഭയം” കാണി​ക്കു​ന്നതു ദൈവ​ത്തി​ന്റെ ശിരഃ​സ്ഥാ​ന​ത്തോ​ടുള്ള നിങ്ങളു​ടെ ആദരവാ​ണു പ്രകട​മാ​ക്കു​ന്നത്‌. (എഫേസ്യർ 5:33, കിംഗ്‌ഡം ഇൻറർലീ​നി​യർ; 1 കൊരി​ന്ത്യർ 11:3) കീഴ്‌പ്പെടൽ നിങ്ങളു​ടെ കുടും​ബ​ത്തി​ന്റെ വിജയ​ത്തി​നും മർമ്മ​പ്ര​ധാ​ന​മാണ്‌; നിങ്ങളു​ടെ വിവാ​ഹത്തെ അനാവ​ശ്യ​മായ സമ്മർദ്ദ​ത്തി​നും പിരി​മു​റു​ക്ക​ത്തി​നും വിധേ​യ​മാ​ക്കു​ന്നത്‌ ഒഴിവാ​ക്കാൻ അതു നിങ്ങളെ സഹായി​ക്കും.

14. തന്റെ ഭർത്താവ്‌ എടുത്ത ഒരു തീരു​മാ​ന​ത്തോ​ടു വിയോ​ജി​ക്കു​മ്പോൾ ഒരു ഭാര്യക്ക്‌ എന്തു ചെയ്യാ​വു​ന്ന​താണ്‌?

¹⁴ എന്നാൽ നിങ്ങളു​ടെ കുടും​ബ​ത്തി​ന്റെ ഉത്തമതാ​ത്‌പ​ര്യ​ങ്ങൾക്കു വിരു​ദ്ധ​മെന്നു നിങ്ങൾക്കു തോന്നുന്ന ഒരു തീരു​മാ​നം നിങ്ങളു​ടെ ഭർത്താവു കൈ​ക്കൊ​ള്ളു​മ്പോൾ നിങ്ങൾ നിശ്ശബ്ദ​യാ​യി​രി​ക്കണം എന്ന്‌ ഇതിനർത്ഥ​മു​ണ്ടോ? അവശ്യം അങ്ങനെയല്ല. തന്റെ പുത്ര​നായ യിസ്‌ഹാ​ക്കി​ന്റെ ക്ഷേമത്തി​നെ​തി​രെ ഒരു ഭീഷണി​യു​ള്ള​താ​യി കണ്ടപ്പോൾ അബ്രഹാ​മി​ന്റെ ഭാര്യ​യായ സാറാ നിശ്ശബ്ദ​യാ​യി​രു​ന്നില്ല (ഉല്‌പത്തി 21:8-10) സമാന​മാ​യി, ചില​പ്പോൾ നിങ്ങളു​ടെ വികാ​രങ്ങൾ പ്രകടി​പ്പി​ക്കാ​നുള്ള ഒരു കടപ്പാടു നിങ്ങൾക്കു തോന്നി​യേ​ക്കാം. ഇതു ആദരപൂർവ്വം “തക്കസമ​യത്തു” ചെയ്യു​ന്നു​വെ​ങ്കിൽ ദൈവ​ഭ​യ​മുള്ള ഒരു ക്രിസ്‌തീയ പുരുഷൻ ശ്രദ്ധി​ക്കു​ക​തന്നെ ചെയ്യും. (സദൃശ​വാ​ക്യ​ങ്ങൾ 25:11) എന്നാൽ നിങ്ങളു​ടെ നിർദ്ദേശം സ്വീക​രി​ക്ക​പ്പെ​ടു​ന്നി​ല്ലെ​ങ്കിൽ, ഏതെങ്കി​ലും ബൈബിൾ തത്ത്വത്തി​ന്റെ ഗുരു​ത​ര​മായ ലംഘനം ഉൾപ്പെ​ട്ടി​ട്ടി​ല്ലെ​ങ്കിൽ, നിങ്ങളു​ടെ ഭർത്താ​വി​ന്റെ ആഗ്രഹ​ത്തി​നെ​തി​രെ നിൽക്കു​ന്നതു നിങ്ങളു​ടെ​തന്നെ താത്‌പ​ര്യ​ത്തെ ഹനിക്കു​ക​യി​ല്ലേ? “സ്‌ത്രീ​ക​ളിൽ ജ്ഞാനമു​ള്ളവൾ തന്റെ വീടു പണിയു​ന്നു; ഭോഷ​ത്വ​മു​ള്ള​വ​ളോ അതു സ്വന്ത​കൈ​ക​ളാൽ പൊളി​ച്ചു കളയുന്നു” എന്നോർക്കുക. (സദൃശ​വാ​ക്യ​ങ്ങൾ 14:1) നിങ്ങളു​ടെ ഭവനം പണിയു​ന്ന​തി​നുള്ള ഒരു മാർഗ്ഗം നിങ്ങളു​ടെ ഭർത്താ​വി​ന്റെ ശിരഃ​സ്ഥാ​ന​ത്തി​നു പിന്തുണ കൊടു​ക്കുക എന്നതാണ്‌, അദ്ദേഹ​ത്തി​ന്റെ നേട്ടങ്ങൾക്ക്‌ അദ്ദേഹത്തെ പ്രശം​സി​ച്ചു​കൊ​ണ്ടും തെററു​കൾ സംബന്ധിച്ച്‌ അസ്വസ്ഥ​യാ​കാ​തി​രു​ന്നു​കൊ​ണ്ടും തന്നെ.

15. തന്റെ കുട്ടി​കൾക്കു ശിക്ഷണം കൊടു​ക്കു​ന്ന​തി​ലും അവരെ പരിശീ​ലി​പ്പി​ക്കു​ന്ന​തി​ലും ഒരു ഭാര്യക്ക്‌ ഏതെല്ലാം വിധങ്ങ​ളിൽ പങ്കുപ​റ​റാൻ കഴിയും?

¹⁵ നിങ്ങളു​ടെ ഭവനം പണിയാ​നുള്ള മറെറാ​രു മാർഗ്ഗം നിങ്ങളു​ടെ കുട്ടി​കൾക്കു ശിക്ഷണം കൊടു​ക്കു​ന്ന​തി​ലും അവരെ പരിശീ​ലി​പ്പി​ക്കു​ന്ന​തി​ലും പങ്കുപ​റ​റു​ന്ന​താണ്‌. ഉദാഹ​ര​ണ​ത്തിന്‌, കുടുംബ ബൈബി​ള​ദ്ധ്യ​യനം ക്രമമു​ള്ള​തും കെട്ടു​പണി ചെയ്യു​ന്ന​തു​മാ​ക്കി നിലനിർത്തു​ന്ന​തി​നു നിങ്ങൾക്കു നിങ്ങളു​ടെ പങ്കു വഹിക്കാൻ കഴിയും. എല്ലാ അവസര​ങ്ങ​ളി​ലും—യാത്ര ചെയ്യു​മ്പോ​ഴും കേവലം എന്തെങ്കി​ലും സാധനങ്ങൾ വാങ്ങാൻ പോകു​മ്പോ​ഴും—നിങ്ങളു​ടെ കുട്ടി​ക​ളു​മാ​യി ദൈവ​ത്തി​ന്റെ സത്യം പങ്കുവ​യ്‌ക്കു​ന്ന​തിൽ “നിന്റെ കൈ ഇളെച്ചി​രി​ക്ക​രുത്‌.” (സഭാ​പ്ര​സം​ഗി 11:6) മീററിം​ഗു​ക​ളിൽ പറയാ​നുള്ള അഭി​പ്രാ​യ​ങ്ങ​ളും ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ നിയമ​ന​ങ്ങ​ളും തയ്യാറാ​കു​ന്ന​തിന്‌ അവരെ സഹായി​ക്കുക. അവരുടെ സഹവാ​സങ്ങൾ ശ്രദ്ധി​ക്കുക. (1 കൊരി​ന്ത്യർ 15:33) ദൈവിക നിലവാ​ര​ങ്ങ​ളു​ടെ​യും ശിക്ഷണ​ത്തി​ന്റെ​യും കാര്യം വരു​മ്പോൾ നിങ്ങളും നിങ്ങളു​ടെ ഭർത്താ​വും യോജി​പ്പി​ലാ​ണെന്നു നിങ്ങളു​ടെ കുട്ടികൾ മനസ്സി​ലാ​ക്കട്ടെ. നിങ്ങളെ നിങ്ങളു​ടെ ഭർത്താ​വി​നെ​തി​രാ​യി നിർത്താൻ കുട്ടി​കളെ അനുവ​ദി​ക്ക​രുത്‌.

16. (എ) ഒററക്കാ​രായ മാതാ​പി​താ​ക്ക​ളെ​യും അവിശ്വാ​സി​കളെ വിവാഹം ചെയ്‌തി​ട്ടു​ള്ള​വ​രെ​യും പ്രോ​ത്സാ​ഹി​പ്പി​ക്കാൻ ഏതു ബൈബിൾ ദൃഷ്ടാന്തം ഉപകരി​ക്കു​ന്നു? (ബി) അങ്ങനെ​യു​ള്ള​വർക്കു സഭയിലെ മററു​ള്ളവർ സഹായ​മാ​യി​രു​ന്നേ​ക്കാ​വു​ന്നത്‌ എങ്ങനെ​യാണ്‌?

¹⁶ നിങ്ങൾ ഒററക്കുള്ള ഒരു പിതാ​വോ മാതാ​വോ ആണെങ്കിൽ അഥവാ നിങ്ങൾക്ക്‌ ഒരു അവിശ്വാ​സി​യായ ഇണയാ​ണു​ള്ള​തെ​ങ്കിൽ നിങ്ങൾ ആത്മീയ​കാ​ര്യ​ങ്ങ​ളിൽ നേതൃ​ത്വ​മെ​ടു​ക്കേ​ണ്ട​തു​ണ്ടാ​യി​രി​ക്കാം. ഇതു ചില​പ്പോൾ പ്രയാ​സ​ക​ര​മോ നിരു​ത്സാ​ഹ​പ്പെ​ടു​ത്തു​ന്ന​തോ പോലു​മാ​യി​രി​ക്കാം. എന്നാൽ ശ്രമം ഉപേക്ഷി​ച്ചു​ക​ള​യ​രുത്‌. തിമൊ​ഥെ​യോ​സി​ന്റെ അമ്മയായ യൂനിക്ക ഒരു അവിശ്വാ​സി​യെ​യാ​ണു വിവാഹം ചെയ്‌തി​രു​ന്ന​തെ​ങ്കി​ലും “ശൈശവം മുതൽ”ത്തന്നെ തിമൊ​ഥെ​യോ​സി​നെ തിരു​വെ​ഴു​ത്തു​കൾ പഠിപ്പി​ക്കു​ന്ന​തിൽ അവൾ വിജയി​ച്ചു. (2 തിമൊ​ഥെ​യോസ്‌ 1:5; 3:15, NW) നമ്മുടെ ഇടയിൽ അനേകർ സമാന​മായ വിജയം ആസ്വദി​ക്കു​ന്നുണ്ട്‌. ഈ സംഗതി​യിൽ നിങ്ങൾക്ക്‌ എന്തെങ്കി​ലും സഹായം ആവശ്യ​മു​ണ്ടെ​ങ്കിൽ നിങ്ങൾക്കു നിങ്ങളു​ടെ ആവശ്യം മൂപ്പൻമാ​രെ അറിയി​ക്കാൻ കഴിയും. മീററിം​ഗു​കൾക്കു ഹാജരാ​കു​ന്ന​തി​നും വയൽസേ​വ​ന​ത്തി​നു പോകു​ന്ന​തി​നും നിങ്ങളെ സഹായി​ക്കാൻ ആരെ​യെ​ങ്കി​ലും ക്രമീ​ക​രി​ക്കു​ന്ന​തിന്‌ അവർക്കു കഴി​ഞ്ഞേ​ക്കും. വിനോ​ദ​യാ​ത്ര​കൾക്കും കൂടി​വ​ര​വു​കൾക്കും നിങ്ങളു​ടെ കുടും​ബത്തെ ഉൾപ്പെ​ടു​ത്താൻ അവർ മററു​ള്ള​വരെ പ്രോ​ത്സാ​ഹി​പ്പി​ച്ചേ​ക്കാം. അല്ലെങ്കിൽ ഒരു കുടുംബ അദ്ധ്യയനം ആരംഭി​ക്കു​ന്ന​തി​നു നിങ്ങളെ സഹായി​ക്കാൻ പരിച​യ​സ​മ്പ​ന്ന​നായ ഒരു പ്രസാ​ധ​കനെ അവർ ക്രമീ​ക​രി​ച്ചേ​ക്കാം.

വിലമ​തി​പ്പുള്ള കുട്ടികൾ

17. (എ) യുവജ​ന​ങ്ങൾക്ക്‌ എങ്ങനെ​യാ​ണു കുടുംബ ക്ഷേമത്തി​നു സംഭാവന ചെയ്യാൻ കഴിയു​ന്നത്‌? (ബി) ഈ സംഗതി​യിൽ യേശു എന്തു ദൃഷ്ടാന്തം വച്ചു?

¹⁷ ക്രിസ്‌തീയ യുവജ​ന​ങ്ങൾക്ക്‌ എഫെസ്യർ 6:1-3-ലെ ബുദ്ധ്യു​പ​ദേശം അനുസ​രി​ച്ചു​കൊ​ണ്ടു കുടും​ബ​ക്ഷേ​മ​ത്തി​നു സംഭാവന ചെയ്യാൻ കഴിയും: “മക്കളേ, നിങ്ങളു​ടെ അമ്മയപ്പൻമാ​രെ കർത്താ​വിൽ അനുസ​രി​പ്പിൻ; അതു ന്യായ​മ​ല്ലോ. ‘നിനക്കു നൻമ ഉണ്ടാകു​വാ​നും നീ ഭൂമി​യിൽ ദീർഘാ​യു​സ്സോ​ടി​രി​പ്പാ​നും നിന്റെ അപ്പനെ​യും അമ്മയെ​യും ബഹുമാ​നിക്ക’ എന്നതു വാഗ്‌ദ​ത്ത​ത്തോ​ടു​കൂ​ടിയ ആദ്യ കൽപ്പന ആകുന്നു.” നിങ്ങളു​ടെ മാതാ​പി​താ​ക്ക​ളോ​ടു സഹകരി​ച്ചു​കൊ​ണ്ടു നിങ്ങൾ യഹോ​വ​യോ​ടുള്ള നിങ്ങളു​ടെ ആദരവും പ്രകട​മാ​ക്കു​ന്നു. യേശു​ക്രി​സ്‌തു പൂർണ്ണ​നാ​യി​രു​ന്നു, അപൂർണ്ണ​രായ മാതാ​പി​താ​ക്കൾക്കു കീഴ്‌പ്പെ​ടു​ന്നതു തന്റെ മാന്യ​തക്കു നിരക്കാ​ത്ത​താണ്‌ എന്ന്‌ അവന്‌ എളുപ്പ​ത്തിൽ ന്യായ​വാ​ദം ചെയ്യാൻ കഴിയു​മാ​യി​രു​ന്നു. എന്നിരു​ന്നാ​ലും അവൻ “അവർക്കു കീഴട​ങ്ങി​യി​രു​ന്നു. . . . യേശു​വോ ജ്ഞാനത്തി​ലും വളർച്ച​യി​ലും ദൈവ​ത്തി​ന്റെ​യും മനുഷ്യ​രു​ടെ​യും കൃപയി​ലും മുതിർന്നു​വന്നു.”—ലൂക്കോസ്‌ 2:51, 52.

18, 19. (എ) ഒരുവന്റെ മാതാ​പി​താ​ക്കളെ ബഹുമാ​നി​ക്കുക എന്നതിന്റെ അർത്ഥ​മെ​ന്താണ്‌? (ബി) ഭവനത്തിന്‌ എങ്ങനെ​യാ​ണു നവോൻമേ​ഷ​ത്തി​ന്റെ ഒരു സ്ഥലമാ​യി​ത്തീ​രാൻ കഴിയു​ന്നത്‌?

¹⁸ നിങ്ങളും അതു​പോ​ലെ നിങ്ങളു​ടെ മാതാ​പി​താ​ക്കളെ ബഹുമാ​നി​ക്കേ​ണ്ട​തല്ലേ? ഇവിടെ “ബഹുമാ​നി​ക്കുക” എന്നതിന്റെ അർത്ഥം ഉചിത​മാ​യി സ്ഥാപി​ത​മാ​യി​രി​ക്കുന്ന അധികാ​രത്തെ അംഗീ​ക​രി​ക്കുക എന്നാണ്‌. (1 പത്രൊസ്‌ 2:17 താരത​മ്യം ചെയ്യുക.) ഒരുവന്റെ മാതാ​പി​താ​ക്കൾ അവിശ്വാ​സി​ക​ളാ​ണെ​ങ്കി​ലും അല്ലെങ്കിൽ ഒരു നല്ല മാതൃക വയ്‌ക്കു​ന്ന​തിൽ പരാജ​യ​പ്പെ​ടു​ന്നു​വെ​ങ്കി​ലും മിക്ക സാഹച​ര്യ​ങ്ങ​ളി​ലും അവർക്ക്‌ അത്തരം ബഹുമാ​നം നൽക​പ്പെ​ടേ​ണ്ട​താണ്‌. നിങ്ങളു​ടെ മാതാ​പി​താ​ക്കൾ മാതൃ​കാ​യോ​ഗ്യ​രായ ക്രിസ്‌ത്യാ​നി​ക​ളാ​ണെ​ങ്കിൽ നിങ്ങൾ അവരെ അതി​ലേറെ ബഹുമാ​നി​ക്കണം. നിങ്ങളു​ടെ മാതാ​പി​താ​ക്ക​ളാൽ നിങ്ങൾക്കു നൽക​പ്പെ​ടുന്ന ശിക്ഷണ​വും മാർഗ്ഗ​നിർദ്ദേ​ശ​വും നിങ്ങളെ അനാവ​ശ്യ​മാ​യി നിയ​ന്ത്രി​ക്കാൻ ഉദ്ദേശി​ച്ചു​ള്ളതല്ല എന്നും​കൂ​ടെ ഓർമ്മി​ക്കുക. മറിച്ച്‌ അവ നിങ്ങൾക്കു “ജീവി​ച്ചി​രി​ക്കാൻ” കഴി​യേ​ണ്ട​തി​നു നിങ്ങളെ സംരക്ഷി​ക്കാ​നാണ്‌.—സദൃശ​വാ​ക്യ​ങ്ങൾ 7:1, 2.

¹⁹ അപ്പോൾ കുടും​ബം എത്രയോ സ്‌നേ​ഹ​പൂർവ്വ​ക​മായ ഒരു ക്രമീ​ക​ര​ണ​മാണ്‌! ഭർത്താ​ക്കൻമാ​രും ഭാര്യ​മാ​രും കുട്ടി​ക​ളു​മെ​ല്ലാം കുടും​ബ​ജീ​വി​തം സംബന്ധി​ച്ചുള്ള ദൈവ​ത്തി​ന്റെ നിയമങ്ങൾ അനുസ​രി​ക്കു​മ്പോൾ ഭവനം ഒരു അഭയസ​ങ്കേതം, നവോൻമേ​ഷ​ത്തി​ന്റെ ഒരു സ്ഥലം ആയിത്തീ​രു​ന്നു. എന്നിരു​ന്നാ​ലും, ആശയവി​നി​മ​യ​വും കുട്ടി​ക​ളു​ടെ പരിശീ​ല​ന​വും ഉൾപ്പെ​ടുന്ന പ്രശ്‌നങ്ങൾ പൊന്തി​വ​ന്നേ​ക്കാം. ഈ പ്രശ്‌ന​ങ്ങ​ളിൽ ചിലത്‌ എങ്ങനെ പരിഹ​രി​ക്കാൻ കഴിയു​മെന്നു നമ്മുടെ അടുത്ത ലേഖനം ചർച്ച ചെയ്യുന്നു.

നിങ്ങൾ ഓർമ്മി​ക്കു​ന്നു​ണ്ടോ?

◻ ബൈബിൾകാ​ല​ങ്ങ​ളിൽ ദൈവ​ഭ​യ​മുള്ള ഭർത്താ​ക്കൻമാ​രും ഭാര്യ​മാ​രും കുട്ടി​ക​ളും എന്തു മാതൃക വച്ചു?

◻ ഭർത്താ​വി​ന്റെ ധർമ്മത്തിൻമേൽ ക്രിസ്‌ത്യാ​നി​ത്വം എന്തു വെളിച്ചം വീശി?

◻ ക്രിസ്‌തീയ കുടും​ബ​ത്തിൽ ഭാര്യ എന്തു പങ്കു വഹിക്കണം?

◻ ക്രിസ്‌തീയ യുവജ​ന​ങ്ങൾക്കു കുടും​ബ​ത്തി​ന്റെ ക്ഷേമത്തി​നു സംഭാവന ചെയ്യാൻ കഴിയു​ന്ന​തെ​ങ്ങനെ?

[9-ാം പേജിലെ ചിത്രം]

“അന്നത്തെ കുത്തഴിഞ്ഞ ധാർമ്മി​ക​ത​യോ​ടുള്ള താരത​മ്യ​ത്തിൽ വിവാഹം സംബന്ധിച്ച ക്രിസ്‌തീയ വീക്ഷണ​ത്തേ​ക്കാൾ നവീന​വും കർക്കശ​വു​മാ​യി ക്രിസ്‌ത്യാ​നി​ത്വ​ത്തി​ലെ യാതൊ​ന്നും കാണ​പ്പെ​ട്ടില്ല. . . . [അതു] മനുഷ്യ​വർഗ്ഗ​ത്തിന്‌ ഒരു പുതി​യ​യു​ഗം തുറന്നു​കൊ​ടു​ത്തു”

[10-ാം പേജിലെ ചിത്രം]

ക്രിസ്‌തീയ ഭർത്താ​ക്കൻമാർ തങ്ങളുടെ ഭാര്യ​മാ​രെ അവരുടെ വികാ​രങ്ങൾ പ്രകടി​പ്പി​ക്കാൻ പ്രോ​ത്സാ​ഹി​പ്പി​ക്കു​ന്നു, ആ വികാ​രങ്ങൾ കണക്കി​ലെ​ടു​ത്തു​കൊ​ണ്ടു​തന്നെ