പാപമി​ല്ലാത്ത ഒരു ലോകം—എങ്ങനെ?

ടോക്കി​യോ​യി​ലെ സമാധാ​ന​പൂർണ്ണ​മായ ഒരു പ്രദേ​ശത്ത്‌ ഒരു ശീതകാ​ല​പ്ര​ഭാ​ത​ത്തി​ന്റെ പ്രശാ​ന്ത​മായ പ്രാരം​ഭ​വേ​ളയെ സഹായ​ത്തി​നു​വേ​ണ്ടി​യുള്ള ആക്രന്ദ​നങ്ങൾ ഭേദിച്ചു. പത്രം വിതരണം ചെയ്യുന്ന ഒരു സ്‌ത്രീ​യെ ഓടി​ച്ചി​ട്ടു തുട​രെ​കു​ത്തി​യ​പ്പോ​ഴത്തെ അവരുടെ ആശയററ മുറയി​ടൽ അഞ്ചുമു​തൽ പത്തുവരെ മിനി​ററ്‌ സമയം ഒരു ഡസൻ ആളുകൾ കേട്ടു. എന്താണു സംഭവി​ച്ചു​കൊ​ണ്ടി​രി​ക്കു​ന്ന​തെന്നു തിരി​ഞ്ഞു​നോ​ക്കാൻ ഒരാളും തയ്യാറാ​യില്ല. രക്തത്തിന്റെ അമിത നഷ്ടത്താൽ അവൾ മരിച്ചു. “അവളുടെ നിലവി​ളി കേട്ടയു​ടനെ ആരെങ്കി​ലും ഈ സംഭവം പോലീ​സിൽ റിപ്പോർട്ടു ചെയ്‌തി​രു​ന്നു​വെ​ങ്കിൽ അവളുടെ ജീവൻ രക്ഷിക്കാ​മാ​യി​രു​ന്നു” എന്ന്‌ ഒരു സൂക്ഷ്‌മാ​ന്വേ​ഷകൻ പറഞ്ഞു.

മരിച്ചു​കൊ​ണ്ടി​രുന്ന സ്‌ത്രീ​യു​ടെ ശബ്ദം കേട്ടവർ അവളെ കേവലം അവഗണി​ച്ചു​ക​ള​യു​ന്ന​തി​ലു​പരി മോശ​മാ​യി ഒന്നും ചെയ്‌തി​ല്ലെ​ങ്കി​ലും തങ്ങൾ കുററ​ത്തിൽനി​ന്നു വിമു​ക്ത​രാ​ണെന്ന്‌ അവർക്കു ന്യായ​മാ​യി അവകാ​ശ​പ്പെ​ടാൻ കഴിയു​മാ​യി​രു​ന്നോ? “കൊല​പാ​ത​ക​ത്തെ​ക്കു​റിച്ച്‌ അറിഞ്ഞ​തി​നു​ശേഷം വെള്ളി​യാ​ഴ്‌ച​മു​ഴു​വൻ എന്റെ മനസ്സാക്ഷി എന്നെ ദണ്ഡിപ്പി​ച്ചു”വെന്ന്‌ അവളുടെ കരച്ചിൽ കേട്ട ഒരാൾ പറഞ്ഞു. ഇതു യഥാർത്ഥ​ത്തിൽ പാപം എന്താണ്‌ എന്നറി​യാൻ നമ്മെ ആകാം​ക്ഷാ​ഭ​രി​ത​രാ​ക്കു​ന്നു.

പാപം എന്താണ്‌?

പാപ​ബോ​ധ​ത്തി​ലേക്കു വിരൽചൂ​ണ്ടി​ക്കൊ​ണ്ടു സാഹിത്യ വിമർശ​ക​നും ജപ്പാൻ ടോക്കി​യോ​യി​ലെ ഹോസീ സർവ്വക​ലാ​ശാ​ല​യി​ലെ റിട്ടയർ ചെയ്‌ത പ്രൊ​ഫ​സ​റു​മായ ഹീഡി​യോ ഓഡോ​ഗീ​രി​യും ഇങ്ങനെ പറഞ്ഞു: “ഒരു കുട്ടി​യിൽ കുടി​കൊ​ള്ളുന്ന ഹീനമായ അഹന്ത, അപമാ​ന​ക​ര​മായ ഈർഷ്യ, രഹസ്യ​മായ വിശ്വാ​സ​വഞ്ചന എന്നിങ്ങ​നെ​യുള്ള പാപങ്ങ​ളു​ടെ തിരി​ച്ച​റി​വു സംബന്ധി​ച്ചുള്ള വ്യക്തമായ ഓർമ്മകൾ എനിക്കു മായി​ച്ചു​ക​ള​യാൻ കഴിയു​ക​യില്ല. ഞാൻ പ്രാഥ​മിക വിദ്യാ​ല​യ​ത്തിൽ ആയിരു​ന്ന​പ്പോൾ ഈ ബോധം എന്റെ മനസ്സിൽ പതിഞ്ഞു. അത്‌ ഇപ്പോ​ഴും എന്നെ ദണ്ഡിപ്പി​ച്ചു​കൊ​ണ്ടി​രി​ക്കു​ന്നു.” ഈ പ്രസ്‌താ​വന ആസാഹീ ഷീംബുൻ പത്രത്തിൽ ഉദ്ധരി​ച്ചി​രു​ന്നു. നിങ്ങൾക്ക്‌ എന്നെങ്കി​ലും അത്തരം വികാ​രങ്ങൾ അനുഭ​വ​പ്പെ​ട്ടി​ട്ടു​ണ്ടോ? തെററാണ്‌ എന്നു നിങ്ങൾക്ക്‌ അറിയാ​വുന്ന എന്തെങ്കി​ലും നിങ്ങൾ ചെയ്യു​ക​യാ​ണെ​ങ്കിൽ നിങ്ങളെ കുററം​വി​ധി​ക്കുന്ന ഒരു ആന്തരിക ശബ്ദം നിങ്ങൾക്കു​ണ്ടോ? ഒരുപക്ഷേ നിങ്ങൾ ഒരു കുററ​കൃ​ത്യ​വും ചെയ്‌തി​ട്ടി​ല്ലാ​യി​രി​ക്കാം, എന്നാൽ ഒരു അസുഖ​ക​ര​മായ വികാരം നിങ്ങളു​ടെ മനസ്സിൽ തങ്ങിനിൽക്കു​ക​യും നിങ്ങളെ ഭാര​പ്പെ​ടു​ത്തു​ക​യും ചെയ്യുന്നു. ഇതു നിങ്ങളു​ടെ മനസ്സാക്ഷി പ്രവർത്തി​ക്കു​ന്ന​താണ്‌. തുടർന്നു​വ​രുന്ന വേദഭാ​ഗത്തു ബൈബിൾ അതിങ്ങനെ പരാമർശി​ക്കു​ന്നു: “ന്യായ​പ്ര​മാ​ണ​മി​ല്ലാത്ത ജാതികൾ ന്യായ​പ്ര​മാ​ണ​ത്തി​ലു​ള്ളതു സ്വഭാ​വ​ത്താൽ ചെയ്യു​മ്പോൾ ന്യായ​പ്ര​മാ​ണ​മി​ല്ലാത്ത അവർ തങ്ങൾക്കു തന്നേ ഒരു ന്യായ​പ്ര​മാ​ണം ആകുന്നു. അവരുടെ മനസ്സാ​ക്ഷി​കൂ​ടെ സാക്ഷ്യം പറഞ്ഞും അവരുടെ വിചാ​രങ്ങൾ തമ്മിൽ കുററം ചുമത്തു​ക​യോ പ്രതി​വാ​ദി​ക്ക​യോ ചെയ്‌തും​കൊ​ണ്ടു അവർ ന്യായ​പ്ര​മാ​ണ​ത്തി​ന്റെ പ്രവൃത്തി തങ്ങളുടെ ഹൃദയ​ത്തിൽ എഴുതി​യി​രി​ക്കു​ന്ന​താ​യി കാണി​ക്കു​ന്നു.” (റോമർ 2:14, 15) അതെ, വ്യഭി​ചാ​രം, മോഷണം, ഭോഷ്‌ക്കു​പ​റ​ച്ചിൽ തുടങ്ങിയ കാര്യ​ങ്ങ​ളാൽ പ്രകൃ​ത്യാ​തന്നെ മിക്കവ​രും അസ്വസ്ഥ​രാണ്‌. അവരുടെ മനസ്സാക്ഷി പാപത്തെ സാക്ഷ്യ​പ്പെ​ടു​ത്തു​ന്നു.

എന്നിരു​ന്നാ​ലും, മനസ്സാ​ക്ഷി​യു​ടെ ശബ്ദത്തെ വീണ്ടും​വീ​ണ്ടും അവഗണി​ക്കു​മ്പോൾ അതു മേലാൽ ഒരു സുരക്ഷി​ത​വ​ഴി​കാ​ട്ടി​യാ​യി സേവി​ക്കു​ന്നില്ല. അതിനു ചേതന​യ​റ​റ​തും ദുഷി​ച്ച​തു​മാ​യ​ത്തീ​രാൻ കഴിയും. (തീത്തൊസ്‌ 1:15) തിൻമ​യോ​ടുള്ള ഒരു സംവേ​ദ​ക​ത്വം നഷ്ടപ്പെ​ടു​ന്നു. വാസ്‌ത​വ​ത്തിൽ, പാപത്തെ സംബന്ധി​ച്ച​ട​ത്തോ​ളം ഇന്ന്‌ അനേക​മാ​ളു​ക​ളു​ടെ​യും മനസ്സാക്ഷി മൃതമാണ്‌.

പാപത്തി​ന്റെ ഏക അളവു​കോൽ മനസ്സാ​ക്ഷി​മാ​ത്ര​മാ​ണോ, അതോ പാപം എന്താണ്‌ എന്നും എന്തല്ല എന്നും സ്ഥാപി​ക്കു​ന്ന​തി​നുള്ള പരമ മാനദ​ണ്ഡ​മാ​യി സേവി​ക്കാൻ കഴിയുന്ന മറെറ​ന്തെ​ങ്കി​ലു​മു​ണ്ടോ? മൂവാ​യി​ര​ത്തിൽപരം വർഷങ്ങൾക്കു​മു​മ്പു ദൈവം തന്റെ തിര​ഞ്ഞെ​ടു​ക്ക​പ്പെട്ട ജനത്തിന്‌ ഒരു നിയമ​സം​ഹിത കൊടു​ത്തു. ഈ ന്യായ​പ്ര​മാ​ണ​ത്തി​ലൂ​ടെ പാപം “പാപമാ​യി തിരി​ച്ച​റിയ”പ്പെടാൻ ഇടയായി. (റോമർ 7:13, ന്യൂ ഇൻറർനാ​ഷണൽ വേർഷൻ) മുമ്പ്‌ ഏതാണ്ടു സ്വീകാ​ര്യ​മാ​യി​രുന്ന നടത്ത​പോ​ലും അത്‌ എന്തായി​രു​ന്നു​വെന്ന്‌ ഇപ്പോൾ വെളി​പ്പെട്ടു—പാപം. ഇസ്ര​യേ​ല്യർ, ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനം, പാപി​ക​ളാ​ണെ​ന്നും ആ നിലയിൽ കുററ​വി​ധി​യിൻ കീഴി​ലാ​ണെ​ന്നും വ്യക്തമാ​യി.

നമ്മുടെ മനസ്സാക്ഷി നമ്മെ തിരി​ച്ച​റി​യി​ക്കു​ന്ന​തും മോ​ശൈക ന്യായ​പ്ര​മാ​ണ​ത്തിൽ പ്രത്യേ​കം പ്രസ്‌താ​വി​ക്കു​ക​യും രേഖ​പ്പെ​ടു​ത്തു​ക​യും ചെയ്‌ത​തു​മായ ഈ പാപങ്ങൾ എന്താണ്‌? ബൈബി​ളി​ലെ ഉപയോ​ഗ​ത്തിൽ പാപം എന്ന പദത്തിന്റെ അർത്ഥം സ്രഷ്ടാ​വി​നോ​ടുള്ള ബന്ധത്തിൽ ലക്ഷ്യം പിഴയ്‌ക്കൽ എന്നാണ്‌. അവന്റെ വ്യക്തി​ത്വ​ത്തോ​ടും പ്രമാ​ണ​ങ്ങ​ളോ​ടും വഴിക​ളോ​ടും ഇഷ്ടത്തോ​ടും ചേർച്ച​യി​ല​ല്ലാ​ത്ത​തെ​ല്ലാം പാപം ആകുന്നു. താൻ സ്ഥാപി​ച്ചി​ട്ടുള്ള ലക്ഷ്യത്തിൽ എത്തി​ച്ചേ​രു​ന്ന​തിൽ പിഴയ്‌ക്കുന്ന ഏതു സൃഷ്ടി​ക്കും തുടർന്നു നിലനിൽക്കുന്ന അസ്‌തി​ത്വം അനുവ​ദി​ക്കാൻ അവനു കഴിയില്ല. അതു​കൊണ്ട്‌ ഒന്നാം നൂററാ​ണ്ടി​ലെ ഒരു നിയമ​വി​ദ​ഗ്‌ദ്ധൻ എബ്രായ ക്രിസ്‌ത്യാ​നി​കൾക്കു മുന്നറി​യി​പ്പു കൊടു​ത്തു: “സഹോ​ദ​രൻമാ​രേ, ജീവനുള്ള ദൈവത്തെ ത്യജി​ച്ചു​ക​ള​യാ​തി​രി​ക്കേ​ണ്ട​തി​ന്നു അവിശ്വാ​സ​മുള്ള ദുഷ്ടഹൃ​ദയം നിങ്ങളിൽ ആർക്കും ഉണ്ടാകാ​തി​രി​പ്പാൻ നോക്കു​വിൻ.” (എബ്രായർ 3:12) അതെ, സ്രഷ്ടാ​വി​ലുള്ള വിശ്വാ​സ​ക്കു​റവ്‌ ഒരു വലിയ പാപം ആകുന്നു. അതിനാൽ ബൈബി​ളിൽ വിശദ​മാ​ക്കി​യി​രി​ക്കുന്ന പാപത്തി​ന്റെ വ്യാപ്‌തി പാപമാ​യി സാധാരണ പരിഗ​ണി​ക്കു​ന്ന​തി​നേ​ക്കാൾ വളരെ വ്യാപ​ക​മാണ്‌. ബൈബിൾ ഇങ്ങനെ പറയുന്ന അളവോ​ളം പോകു​ന്നു: “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു.”—റോമർ 3:23.

പാപത്തി​ന്റെ ഉത്ഭവം

മനുഷ്യൻ ഒരു പാപി​യാ​യി സൃഷ്ടി​ക്ക​പ്പെ​ട്ടു​വെന്ന്‌ അത്‌ അർത്ഥമാ​ക്കു​ന്നു​ണ്ടോ? ഇല്ല, മനുഷ്യ​ജീ​വന്റെ കാരണ​ഭൂ​ത​നായ യഹോ​വ​യാം ദൈവം, ആദ്യമ​നു​ഷ്യ​നെ ഒരു പൂർണ്ണ ജീവി​യാ​യി ഉണ്ടാക്കി. (ഉല്‌പത്തി 1:26, 27; ആവർത്തനം 32:4) എന്നിരു​ന്നാ​ലും, ആദ്യ മാനു​ഷ​ദ​മ്പ​തി​കൾ ദൈവം വെച്ചി​രുന്ന ഒരേ​യൊ​രു നിരോ​ധ​നത്തെ ധിക്കരി​ച്ച​പ്പോൾ, വിലക്ക​പ്പെട്ട “നൻമതിൻമ​ക​ളെ​ക്കു​റി​ച്ചുള്ള അറിവി​ന്റെ വൃക്ഷത്തിൽ”നിന്നു തിന്ന​പ്പോൾ, അവർക്കു ലക്ഷ്യം പിഴച്ചു. (ഉല്‌പത്തി 2:17) അവർ പൂർണ്ണ​രാ​യി​ട്ടാ​ണു സൃഷ്ടി​ക്ക​പ്പെ​ട്ടി​രു​ന്ന​തെ​ങ്കി​ലും അവർ ഇപ്പോൾ തങ്ങളുടെ പിതാ​വി​നോ​ടുള്ള പരിപൂർണ്ണ​മായ അനുസ​ര​ണ​ത്തി​ന്റെ ലക്ഷ്യം പിഴച്ചു പാപി​ക​ളാ​യി​ത്തീ​രു​ക​യും അതിൻപ്ര​കാ​രം വിധി​ക്ക​പ്പെ​ടു​ക​യും ചെയ്‌തു.

ഈ പുരാതന ചരി​ത്ര​ത്തിന്‌ ഇന്നു പാപ​ത്തോട്‌ എന്തു ബന്ധമാ​ണു​ള്ളത്‌? ബൈബിൾ വിശദീ​ക​രി​ക്കു​ന്നു: “അതു​കൊ​ണ്ടു ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.” (റോമർ 5:12) ഒരു വ്യത്യ​സ്‌ത​ത​യു​മി​ല്ലാ​തെ നാമെ​ല്ലാം പൈതൃ​കാ​വ​കാ​ശ​ത്താൽ പാപി​ക​ളാണ്‌. ഇക്കാര​ണ​ത്താൽ നാം മരണത്തി​ന്റെ ശിക്ഷാ​വി​ധി​യിൻ കീഴിൽ വന്നിരി​ക്കു​ന്നു.—സഭാ​പ്ര​സം​ഗി 7:20.

പാപത്തെ മായി​ക്കാ​നുള്ള മാനു​ഷിക പ്രയത്‌ന​ങ്ങൾ

ആദാം തന്റെ സന്തതി​ക​ളി​ലേക്കു പാപം കടത്തി​വി​ട്ടു, എന്നാൽ അവൻ ദൈവദത്ത മനസ്സാ​ക്ഷി​യു​ടെ പ്രാപ്‌തി​കൂ​ടി കടത്തി​വി​ട്ടു. പാപം അസ്വസ്ഥ​ത​യു​ടെ ഒരു തോന്ന​ലി​നു ഇടയാ​ക്കി​യേ​ക്കാം. മുമ്പു പ്രസ്‌താ​വി​ച്ച​തു​പോ​ലെ, ഇത്തരം വികാ​രങ്ങൾ ലഘൂക​രി​ക്കാൻ മനുഷ്യർ വ്യത്യസ്‌ത പദ്ധതികൾ ആസൂ​ത്രണം ചെയ്‌തി​ട്ടുണ്ട്‌. എന്നിരു​ന്നാ​ലും അവ യഥാർത്ഥ​ത്തിൽ ഫലപ്ര​ദ​മാ​ണോ?

പാശ്ചാ​ത്യ​ദേ​ശ​ത്തും, പൗരസ്‌ത്യ​ദേ​ശ​ത്തും ആളുകൾ അവരുടെ പ്രമാ​ണങ്ങൾ മാററി​ക്കൊ​ണ്ടോ പാപത്തി​ന്റെ അസ്‌തി​ത്വ​ത്തെ​ത്തന്നെ നിഷേ​ധി​ച്ചു​കൊ​ണ്ടോ പാപത്തി​ന്റെ ഫലത്തെ നേരി​ടാൻ ശ്രമി​ച്ചി​ട്ടുണ്ട്‌. (1 തിമൊ​ഥെ​യൊസ്‌ 4:1, 2) മമനു​ഷ്യ​ന്റെ പാപപൂർണ്ണ​മായ അവസ്ഥയെ ജ്വരമുള്ള ഒരു മമനു​ഷ്യ​ന്റെ അവസ്ഥ​യോ​ടു സാദൃ​ശ​പ്പെ​ടു​ത്താൻ കഴി​ഞ്ഞേ​ക്കും. പാപത്തെ രോഗ​ല​ക്ഷ​ണ​ങ്ങൾക്ക്‌ ഇടയാ​ക്കുന്ന വൈറ​സ്സി​നോ​ടു താരത​മ്യം ചെയ്യാം, അതേസ​മയം അസ്വസ്ഥ​മായ മനസ്സാ​ക്ഷി​യെ അസുഖ​ക​ര​മായ ജ്വര​ത്തോ​ടു താരത​മ്യം​ചെ​യ്യാൻ കഴിയും. തെർമോ​മീ​ററർ തകർക്കു​ന്ന​തു​കൊ​ണ്ടു രോഗി​ക്കു കഠിന​മായ ജ്വരമുണ്ട്‌ എന്ന വസ്‌തു​തക്കു മാററം വരുന്നില്ല. ക്രൈ​സ്‌ത​വ​ലോ​ക​ത്തി​ലെ അനേകർ ചെയ്‌തി​ട്ടു​ള്ള​തു​പോ​ലെ, ധാർമ്മിക പ്രമാ​ണങ്ങൾ കാററിൽ പറത്തു​ന്ന​തും സ്വന്തം മനസ്സാ​ക്ഷി​യു​ടെ സാക്ഷ്യം അവഗണി​ക്കു​ന്ന​തും പാപം മായി​ച്ചു​ക​ള​യു​ന്ന​തി​നു സഹായ​കമല്ല.

ജ്വരം ശമിപ്പി​ക്കു​ന്ന​തിന്‌ ഒരു വ്യക്തി ഐസ്‌സഞ്ചി പ്രയോ​ഗി​ച്ചേ​ക്കാം. അതു മനസ്സാ​ക്ഷി​ക്കുത്ത്‌ ഒഴിവാ​ക്കു​ന്ന​തി​നു​വേണ്ടി ഷിന്റോ ശുദ്ധീ​ക​ര​ണ​ച്ച​ട​ങ്ങു​കൾ വഴിപാ​ടു​പോ​ലെ അനുഷ്‌ഠി​ക്കു​ന്ന​തി​നു സമാന​മാണ്‌. ഒരു ഐസ്‌സഞ്ചി ജ്വരബാ​ധി​തനെ താത്‌ക്കാ​ലി​ക​മാ​യി തണുപ്പി​ച്ചേ​ക്കാ​മെ​ങ്കി​ലും അതു ജ്വരത്തി​ന്റെ കാരണത്തെ നീക്കം​ചെ​യ്യു​ന്നില്ല. യിരമ്യാ​വി​ന്റെ നാളിലെ പുരോ​ഹി​തൻമാ​രും പ്രവാ​ച​കൻമാ​രും ആ കാലത്തെ ഇസ്ര​യേ​ല്യർക്കു​വേണ്ടി സമാന​മായ ഒരു സൗഖ്യ​മാ​ക്ക​ലി​നു ശ്രമിച്ചു. “എല്ലാം ശുഭം, എല്ലാം ശുഭം” എന്നു പറഞ്ഞു​കൊണ്ട്‌ അവർ ആളുക​ളു​ടെ ആത്മീയ​വും ധാർമ്മി​ക​വു​മായ മുറി​വു​കൾ “ലഘുവാ​യി” സുഖ​പ്പെ​ടു​ത്തി. (യിരെ​മ്യാ​വു 6:14; 8:11, ഒരു അമേരി​ക്കൻ ഭാഷാ​ന്തരം) മതപര​മായ ചടങ്ങുകൾ വെറുതെ വഴിപാ​ടു​പോ​ലെ കഴിക്കു​ന്ന​തും “എല്ലാം ശുഭം” എന്നു ജല്‌പനം ചെയ്യു​ന്ന​തും ദൈവ​ജ​ന​ത്തി​ന്റെ ധാർമ്മി​കാ​ധഃ​പ​ത​നത്തെ സുഖ​പ്പെ​ടു​ത്തി​യില്ല. ശുദ്ധീ​കരണ കർമ്മങ്ങൾ ഇന്ന്‌ ആളുക​ളു​ടെ നീതി​ശാ​സ്‌ത്രത്തെ മാററു​ന്നില്ല.

ജ്വരമുള്ള വ്യക്തി, ജ്വരസം​ഹാ​രി​കൾ കഴിക്കു​ന്ന​തി​നാൽ ജ്വരം ശമിപ്പി​ച്ചേ​ക്കാം. എന്നാൽ വൈറസ്സ്‌ അപ്പോ​ഴും അദ്ദേഹ​ത്തി​ന്റെ ശരീര​ത്തി​ലുണ്ട്‌. വിദ്യാ​ഭ്യാ​സ​ത്തി​ലൂ​ടെ തിൻമയെ കൈകാ​ര്യം ചെയ്യുന്ന കൺഫ്യു​ഷ്യൻ രീതി ഇതുത​ന്നെ​യാണ്‌. തിൻമ​യിൽനി​ന്നു തിരി​ഞ്ഞു​വ​രാൻ ഇതു ബാഹ്യ​മാ​യി ആളുകളെ സഹായി​ച്ചേ​ക്കാം, എന്നാൽ ലീയുടെ ആചരണം പ്രാവർത്തി​ക​മാ​ക്കു​ന്നതു പാപാത്മക നടത്തയെ അടിച്ച​മർത്തുക മാത്രമേ ചെയ്യു​ന്നു​ള്ളു, ദുർന്ന​ട​ത്ത​യു​ടെ അടിസ്ഥാ​ന​കാ​ര​ണ​മായ ജൻമനാ​യുള്ള പാപ​പ്ര​വ​ണ​ത​യിൽനിന്ന്‌ ഒരുവനെ വിമു​ക്ത​മാ​ക്കു​ന്നില്ല.—ഉല്‌പത്തി 8:21.

തന്നേത്തന്നെ പാപ​പ്ര​വ​ണ​ത​ക​ളിൽനി​ന്നു വിമു​ക്ത​നാ​ക്കു​ന്ന​തി​നു നിർവാ​ണം പ്രാപി​ക്കണം എന്ന ബുദ്ധമ​ത​പ​ഠി​പ്പി​ക്കൽ സംബന്ധി​ച്ചെന്ത്‌? “അണയുക” എന്നർത്ഥ​മു​ള്ള​താ​യി പറയ​പ്പെ​ടുന്ന നിർവാ​ണാ​വസ്ഥ അവർണ്ണ​നീ​യ​മാ​ണെന്ന്‌, എല്ലാ വികാ​ര​ങ്ങ​ളു​ടെ​യും ആഗ്രഹ​ങ്ങ​ളു​ടെ​യും നിഗ്ര​ഹ​ണ​മാ​ണെന്ന്‌ സങ്കല്‌പി​ക്ക​പ്പെ​ടു​ന്നു. അതു വ്യക്തി​യെ​ന്ന​നി​ല​യി​ലുള അസ്‌തി​ത്വ​ത്തി​ന്റെ അവസാ​ന​മാ​ണെന്നു ചിലർ അവകാ​ശ​പ്പെ​ടു​ന്നു. അത്‌ ജ്വര​രോ​ഗി​യായ ഒരു മനുഷ്യ​നോട്‌ ആശ്വാസം കണ്ടെത്താൻവേണ്ടി മരിക്കാൻ പറയു​ന്ന​തു​പോ​ലെ​യല്ലേ? കൂടാതെ, നിർവാ​ണം​പ്രാ​പി​ക്കൽ വളരെ ബുദ്ധി​മു​ട്ടാ​ണെന്ന്‌, അസാദ്ധ്യം​പോ​ലു​മാ​ണെന്നു കരുത​പ്പെ​ടു​ന്നു. അസ്വസ്ഥ മനസ്സാ​ക്ഷി​യുള്ള ഒരു വ്യക്തിക്ക്‌ ഈ പഠിപ്പി​ക്കൽ സഹായ​ക​മാ​ണെന്നു തോന്നു​ന്നു​വോ?

പാപത്തിൽനി​ന്നുള്ള വിമോ​ച​നം

ജീവി​ത​ത്തെ​യും പാപാത്മക പ്രവണ​ത​ക​ളെ​യും കുറി​ച്ചുള്ള മാനു​ഷ​ത​ത്ത്വ​ശാ​സ്‌ത്ര​ങ്ങൾക്ക്‌ ഏററവും അനുകൂ​ല​മായ സാഹച​ര്യ​ങ്ങ​ളി​ലും ഒരുവന്റെ മനസ്സാ​ക്ഷി​യെ സാന്ത്വ​ന​പ്പെ​ടു​ത്താ​നേ കഴിയൂ എന്നു വ്യക്തമാണ്‌. അവ പാപപൂർണ്ണ​മായ അവസ്ഥയെ നീക്കം​ചെ​യ്യു​ന്നില്ല. (1 തിമൊ​ഥെ​യൊസ്‌ 6:20) ഇതു നീക്കം​ചെ​യ്യു​ന്ന​തിന്‌ എന്തെങ്കി​ലും മാർഗ്ഗ​മു​ണ്ടോ? മദ്ധ്യപൂർവ​ദേ​ശ​ത്തു​വച്ച്‌ എഴുത​പ്പെട്ട ഒരു പുരാ​ത​ന​പു​സ്‌ത​ക​മായ ബൈബി​ളിൽ പാപത്തിൽനി​ന്നുള്ള വിമോ​ച​ന​ത്തി​ന്റെ താക്കോൽ നാം കണ്ടെത്തു​ന്നു. “നിങ്ങളു​ടെ പാപങ്ങൾ കടുഞ്ചു​വ​പ്പാ​യി​രു​ന്നാ​ലും ഹിമം​പോ​ലെ വെളു​ക്കും; . . . നിങ്ങൾ മനസ്സു​വെച്ചു കേട്ടനു​സ​രി​ക്കു​ന്നു​വെ​ങ്കിൽ ദേശത്തി​ലെ നൻമ അനുഭ​വി​ക്കും.” (യെശയ്യാ​വു 1:18, 19) ഇവിടെ യഹോവ, തന്റെ തിര​ഞ്ഞെ​ടു​ക്ക​പ്പെട്ട ജനമാ​യി​രു​ന്നെ​ങ്കി​ലും തന്നോ​ടുള്ള നിർമ്മലത പാലി​ക്കു​ന്ന​തിൽ ലക്ഷ്യം പിഴച്ചി​രുന്ന ഇസ്രയേൽ ജനത്തോ​ടു സംസാ​രി​ക്കു​ക​യാ​യി​രു​ന്നു. എന്നിരു​ന്നാ​ലും മനുഷ്യ​വർഗ്ഗ​ത്തി​നു മൊത്ത​ത്തിൽ ഇതേ തത്ത്വം ബാധക​മാണ്‌. ഒരു തരത്തിൽ പറഞ്ഞാൽ സ്രഷ്ടാ​വി​ന്റെ വാക്കുകൾ ശ്രദ്ധി​ക്കു​ന്ന​തി​നുള്ള മനസ്സൊ​രു​ക്ക​മാണ്‌ ഒരുവന്റെ പാപങ്ങളെ ശുദ്ധീ​ക​രി​ക്കു​ന്ന​തി​നും കഴുകി​ക്ക​ള​യു​ന്ന​തി​നു​മുള്ള താക്കോൽ.

മനുഷ്യ​വർഗ്ഗ​ത്തി​ന്റെ പാപങ്ങ​ളു​ടെ കഴുകി​ക്ക​ളയൽ സംബന്ധി​ച്ചു ദൈവ​വ​ചനം നമ്മോട്‌ എന്തു പറയുന്നു? ഏക മമനു​ഷ്യ​ന്റെ പാപത്താൽ മുഴു​മ​നു​ഷ്യ​വർഗ്ഗ​വും പാപി​ക​ളാ​യി​ത്തീർന്ന​തു​പോ​ലെ​തന്നെ മറെറാ​രു മമനു​ഷ്യ​ന്റെ ദൈവ​ത്തോ​ടുള്ള പൂർണ്ണ അനുസ​ര​ണ​ത്താൽ അനുസ​ര​ണ​മുള്ള മനുഷ്യ​വർഗ്ഗം അവരുടെ ദുരി​ത​ത്തിൽനി​ന്നു വിടു​വി​ക്ക​പ്പെ​ടു​മെന്നു ബൈബിൾ പറയുന്നു. (റോമർ 5:18, 19) എങ്ങനെ? “ക്രിസ്‌തു​വോ നാം പാപികൾ ആയിരി​ക്കു​മ്പോൾ തന്നേ നമുക്കു വേണ്ടി മരിക്ക​യാൽ ദൈവം തനിക്കു നമ്മോ​ടുള്ള സ്‌നേ​ഹത്തെ പ്രദർശി​പ്പി​ക്കു​ന്നു.” (റോമർ 5:8) പാപം ചെയ്യു​ന്ന​തി​നു മുമ്പുള്ള ആദ്യ ആദാമി​നു സമനായി പൂർണ്ണ​നും പാപര​ഹി​ത​നു​മായ ഒരു മനുഷ്യ​നാ​യി ജനിച്ച യേശു​ക്രി​സ്‌തു മനുഷ്യ​വർഗ്ഗ​ത്തി​ന്റെ പാപങ്ങൾ ചുമന്നു​നീ​ക്കു​ന്ന​തി​നുള്ള ഒരു സ്ഥാനത്താ​യി​രു​ന്നു. (യെശയ്യാ​വു 53:12; യോഹ​ന്നാൻ 1:14; 1 പത്രൊസ്‌ 2:24) ഒരു കുററ​വാ​ളി​യെ​ന്ന​പോ​ലെ ഒരു ദണ്ഡനസ്‌തം​ഭ​ത്തിൽ വധിക്ക​പ്പെ​ട്ടു​കൊ​ണ്ടു യേശു മനുഷ്യ​വർഗ്ഗത്തെ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു മോചി​പ്പി​ച്ചു. “നാം ബലഹീനർ ആയിരി​ക്കു​മ്പോൾ തന്നേ ക്രിസ്‌തു തക്ക സമയത്തു അഭക്തർക്കു വേണ്ടി മരിച്ചു. . . പാപം മരണത്താൽ വാണതു​പോ​ലെ കൃപയും നമ്മുടെ കർത്താ​വായ യേശു​ക്രി​സ്‌തു​മു​ഖാ​ന്തരം നീതി​യാൽ നിത്യ​ജീ​വ​ന്നാ​യി വാഴേ​ണ്ട​തി​ന്നു തന്നേ” എന്നു പൗലോസ്‌ റോമി​ലെ ക്രിസ്‌ത്യാ​നി​ക​ളോ​ടു വിശദീ​ക​രി​ച്ചു.—റോറർ 5:6, 21.

മനുഷ്യ​വർഗ്ഗം മുഴു​വ​നും​വേ​ണ്ടി​യുള്ള ക്രിസ്‌തു​വി​ന്റെ മരണവും ആദാമി​നാൽ സമനില തെററി​ക്ക​പ്പെട്ട ത്രാസ്സി​ന്റെ സന്തുലി​ത​മാ​ക്ക​ലും “മറുവില”ക്രമീ​ക​ര​ണ​മെന്നു വിളി​ക്ക​പ്പെ​ടു​ന്നു. (മത്തായി 20:28) ഇതിനെ ജ്വരത്തി​നു കാരണ​മാ​ക്കുന്ന വൈറ​സ്സി​നെ​തി​രെ പ്രവർത്തി​ക്കുന്ന ഒരു ഔഷധ​ത്തോട്‌ ഉപമി​ക്കാൻ കഴിയും. യേശു​വി​ന്റെ മറുവി​ല​യു​ടെ മൂല്യം മനുഷ്യ​വർഗ്ഗ​ത്തി​നു പ്രയോ​ജ​ന​പ്പെ​ടു​ത്തു​ന്ന​തി​നാൽ മരണം ഉൾപ്പെടെ മനുഷ്യ​വർഗ്ഗ​ത്തി​ന്റെ പാപം നിമി​ത്ത​മുള്ള രോഗാ​വസ്ഥ ഭേദമാ​ക്കാൻ കഴിയും. ഈ സൗഖ്യ​മാ​ക്കൽപ്ര​ക്രിയ ബൈബി​ളി​ന്റെ അവസാ​ന​പു​സ്‌ത​ക​ത്തിൽ ആലങ്കാ​രി​ക​മാ​യി വർണ്ണി​ക്ക​പ്പെ​ട്ടി​രി​ക്കു​ന്നു: “നദിക്കു ഇക്കരെ​യും അക്കരെ​യും ജീവവൃ​ക്ഷം ഉണ്ടു; അതു പന്ത്രണ്ടു വിധം ഫലം കായിച്ചു മാസം​തോ​റും അതതു ഫലം കൊടു​ക്കു​ന്നു; വൃക്ഷത്തി​ന്റെ ഇല ജാതി​ക​ളു​ടെ രോഗ​ശാ​ന്തി​ക്കു ഉതകുന്നു.” (വെളി​പ്പാ​ടു 22:2) ചിന്തി​ക്കുക! ജീവജ​ല​ത്തി​ന്റെ ഒരു ആലങ്കാ​രിക നദി, ഇലക​ളോ​ടു​കൂ​ടിയ ജീവവൃ​ക്ഷ​ങ്ങ​ളു​ടെ ഇടയി​ലൂ​ടെ ഒഴുകു​ന്നു, ഇലക​ളെ​ല്ലാം മനുഷ്യ​വർഗ്ഗ​ത്തി​ന്റെ സൗഖ്യ​മാ​ക്ക​ലി​നു​വേ​ണ്ടി​യു​ള്ള​വ​യാണ്‌. ഈ ദിവ്യ​നി​ശ്വസ്‌ത പ്രതീ​കങ്ങൾ യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ മനുഷ്യ​വർഗ്ഗത്തെ പൂർണ്ണ​ത​യി​ലേക്കു പുനഃ​സ്ഥി​തീ​ക​രി​ക്കു​ന്ന​തി​നുള്ള ദൈവ​ത്തി​ന്റെ കരുത​ലി​നെ പ്രതി​നി​ധാ​നം ചെയ്യുന്നു.

വെളി​പ്പാ​ടു പുസ്‌ത​ക​ത്തി​ലെ പ്രാവ​ച​നിക ദർശനങ്ങൾ പെട്ടെ​ന്നു​തന്നെ യാഥാർത്ഥ്യ​മാ​യി​ത്തീ​രും. (വെളി​പ്പാ​ടു 22:6, 7) അനന്തരം, യേശു​വി​ന്റെ മറുവി​ല​യാ​ഗ​ത്തി​ന്റെ മൂല്യം മനുഷ്യ​വർഗ്ഗ​ത്തി​നു പൂർണ്ണ​മാ​യി പ്രയോ​ഗി​ക്കു​ന്ന​തോ​ടെ നീതി​ഹൃ​ദ​യ​രായ എല്ലാവ​രും പൂർണ്ണ​രാ​യി​ത്തീ​രു​ക​യും “ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടു​ത​ലും ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യ​വും” പ്രാപി​ക്കു​ക​യും ചെയ്യും. (റോമർ 8:20) ബൈബിൾ പ്രവച​ന​ങ്ങ​ളു​ടെ നിവൃത്തി ഈ മഹത്തായ വിമോ​ചനം അടുത്തി​രി​ക്കു​ന്നു​വെന്നു സൂചി​പ്പി​ക്കു​ന്നു. (വെളി​പ്പാ​ടു 6:1-8) ദൈവം പെട്ടെ​ന്നു​തന്നെ ഭൂമി​യിൽനി​ന്നു ദുഷ്ടത നീക്കം​ചെ​യ്യും, മനുഷ്യർ ഒരു പറുദീ​സാ​ഭൂ​മി​യിൽ നിത്യ​ജീ​വൻ ആസ്വദി​ക്കു​ക​യും ചെയ്യും. (യോഹ​ന്നാൻ 3:16) അതു തീർച്ച​യാ​യും പാപമി​ല്ലാത്ത ഒരു ലോക​മാ​യി​രി​ക്കും!

[7-ാം പേജിലെ ചിത്രം]

യേശുവിന്റെ മറുവി​ല​യാ​ഗം ഇതു​പോ​ലുള്ള കുടും​ബ​ങ്ങൾക്കു നിത്യ​സ​ന്തു​ഷ്ടി ആസ്വദി​ക്കുക സാധ്യ​മാ​ക്കും