വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

ശീലോ​വി​ലേക്കു പോകു​ന്നു—നല്ല കുട്ടി​ക​ളും ചീത്തക്കു​ട്ടി​ക​ളും

വാഗ്‌ദ​ത്ത​ദേ​ശ​ത്തി​ലെ നഗരങ്ങ​ളെ​യും പട്ടണങ്ങ​ളെ​യും അല്ലെങ്കിൽ പ്രദേ​ശ​ങ്ങ​ളെ​യും കുറിച്ചു നിങ്ങൾ ചിന്തി​ക്കു​മ്പോൾ ചില ഉത്‌കൃ​ഷ്ട​രായ സ്‌ത്രീ​പു​രു​ഷൻമാർ നിങ്ങളു​ടെ മനസ്സി​ലേക്കു കടന്നു​വ​രു​ന്നു​വോ? അതിനു സാധ്യത ഉണ്ട്‌, എന്തെന്നാൽ മിക്ക ബൈബിൾവി​വ​ര​ണ​ങ്ങ​ളി​ലും പ്രായ​പൂർത്തി​യാ​യവർ ഉൾപ്പെ​ടു​ന്നു. എന്നാൽ അക്കാലത്തെ കുട്ടി​കളെ സംബന്ധി​ച്ചെന്ത്‌? ഈ രംഗങ്ങ​ളിൽ നിങ്ങൾ അവരെ വിഭാ​വനം ചെയ്യു​ന്നു​വോ?

മുകളി​ലു​ള്ള ദൃശ്യ​ത്തി​നു യുവജ​നങ്ങൾ ഉൾപ്പെ​ടുന്ന വിവര​ണ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തി​നു നമ്മെ സഹായി​ക്കാൻ കഴിയും, അവരിൽ ചിലർ ക്രിസ്‌ത്യാ​നി​കൾക്കു നല്ല ദൃഷ്ടാ​ന്ത​ങ്ങ​ളും മററു ചിലർ മുന്നറി​യി​പ്പിൻ ദൃഷ്ടാ​ന്ത​ങ്ങ​ളും ആയിരു​ന്നു. മദ്ധ്യത്തി​ലുള്ള മൊട്ട​ക്കുന്ന്‌, പ്രത്യ​ക്ഷ​ത്തിൽ ശീലോ​വി​ന്റെ സ്ഥാനമാണ്‌a.

ഇസ്ര​യേൽജ​നം വാഗ്‌ദ​ത്ത​ദേ​ശത്തു പ്രവേ​ശി​ച്ച​പ്പോൾ അവർ ആദ്യം യഹോ​വ​യു​ടെ സമാഗ​മ​ന​കൂ​ടാ​രം യരീ​ഹോ​യ്‌ക്കു സമീപ​മുള്ള ഗിൽഗാ​ലിൽ സ്ഥാപി​ച്ചു​വെന്നു നിങ്ങൾ ഒരുപക്ഷേ ഓർമ്മി​ച്ചേ​ക്കാം. (യോശുവ 4:19) എന്നാൽ ദേശം രണ്ടായി വിഭാ​ഗി​ക്ക​പ്പെ​ട്ടു​കൊ​ണ്ടി​രു​ന്ന​പ്പോൾ ഈ വിശുദ്ധ കൂടാരം—ഇസ്ര​യേ​ലി​ന്റെ ആരാധ​ന​യു​ടെ കേന്ദ്രം—ഇവിടെ ശീലോ​വി​ലേക്കു മാററ​പ്പെട്ടു. (യോശുവ 18:1) ഇതു യരുശ​ലേ​മിന്‌ ഏതാണ്ട്‌ 30 കിലോ​മീ​ററർ വടക്കുള്ള എഫ്രയീ​മി​ന്റെ പർവത​പ്ര​ദേ​ശ​ത്താ​യി​രു​ന്നു. ഇസ്ര​യേ​ലിൽ എല്ലായി​ട​ത്തും​നി​ന്നുള്ള സ്‌ത്രീ​ക​ളും പുരു​ഷൻമാ​രും ശീലോ​വി​ലേക്കു സഞ്ചരിച്ചു; സാധ്യ​ത​യ​നു​സ​രി​ച്ചു സമാഗ​മ​ന​കൂ​ടാ​രം നിന്നി​രുന്ന സ്ഥാനത്തി​നു തെക്കുള്ള താഴ്‌വ​ര​യിൽ ആളുക​ളു​ടെ വലിയ കൂട്ടങ്ങൾക്കു കൂടി​വ​രാൻ കഴിഞ്ഞു. (യോശുവ 22:12) ഇവി​ടേക്കു കുട്ടികൾ വരുന്നതു നിങ്ങൾക്കു വിഭാ​വനം ചെയ്യാൻ കഴിയു​മോ?

ചിലർ വന്നു. നമ്മൾ അറിയേണ്ട ഏററവും ശ്രദ്ധേ​യ​മായ ദൃഷ്ടാന്തം ബാലനായ ശമുവേൽ ആയിരു​ന്നു. അവന്റെ മാതാ​പി​താ​ക്കൾ, എൽക്കാ​ന​യും ഹന്നായും, പടിഞ്ഞാ​റുള്ള കുന്നു​കൾക്കു​മു​ക​ളി​ലുള്ള ഒരു പട്ടണത്തിൽ താമസി​ച്ചി​രു​ന്നു. ഓരോ വർഷവും അവർ ഇവി​ടേക്കു സഞ്ചരി​ച്ചി​രു​ന്നു, സാധ്യ​ത​യ​നു​സ​രിച്ച്‌ എൽക്കാ​ന​യു​ടെ മറേറ ഭാര്യ​യി​ലുള്ള കുട്ടി​ക​ളെ​യും കൊണ്ടു​വ​ന്നി​രു​ന്നു. ഒടുവിൽ, ശമൂവേൽ എന്നു പേരി​ട​പ്പെട്ട ഒരു പുത്രനെ കൊടു​ത്തു​കൊ​ണ്ടു ഹന്നായെ യഹോവ അനു​ഗ്ര​ഹി​ച്ചു. കാല​ക്ര​മ​ത്തിൽ അവന്റെ മാതാ​പി​താ​ക്കൾ അവനെ ശീലോ​വിൽ താമസി​ക്കു​ന്ന​തി​നു കൊണ്ടു​വന്നു. അതു​കൊ​ണ്ടു മഹാപു​രോ​ഹി​ത​നായ ഏലി​യോ​ടൊ​പ്പം സമാഗ​മ​ന​കൂ​ടാ​ര​ത്തിൽ സേവി​ക്കാൻ അവനു കഴിഞ്ഞു.—1 ശമൂവേൽ 1:1–2:11.

ബാലനു ദൈവ​ത്തി​ന്റെ ഭവനത്തിൽ ഗൃഹ​ജോ​ലി​കൾ ചെയ്യാ​നു​ണ്ടാ​യി​രു​ന്നു. സമീപ​ത്തുള്ള കുന്നു​ക​ളി​ലേക്കു നടന്നു​പോ​കു​ന്ന​തി​നുള്ള പല അവസര​ങ്ങ​ളും അവനു ലഭിച്ചി​രു​ന്നി​രി​ക്കണം. (1 ശമൂവേൽ 3:1, 15) ഒൻപതാം പേജിലെ ചിത്ര​ത്തിൽ കാണു​ന്ന​തു​പോ​ലെ അവയിൽ ചിലതു തട്ടുക​ളാ​യി തിരി​ച്ച​തും ഒലിവു മരങ്ങൾ നിറഞ്ഞ​തു​മാ​യി​രു​ന്നു. ചെറിയ ശിലാ​നിർമ്മിത കാവൽഗോ​പു​രം ശ്രദ്ധി​ക്കുക. ഒററപ്പെട്ട കൃഷി​ക്കാർക്കോ ആട്ടിട​യൻമാർക്കോ അത്തരം ഒരു കാവൽഗോ​പു​ര​ത്തിൽനി​ന്നു വീക്ഷി​ക്കു​വാൻ കഴിയു​മാ​യി​രു​ന്നു, എന്നാൽ ബാലനായ ശമൂ​വേ​ലും ഒരു വീക്ഷണം നടത്തു​ന്ന​തി​നു മുകളിൽ കയറു​ന്നതു നിങ്ങൾക്കു സങ്കല്‌പി​ക്കാൻ കഴിയും. (2 ദിനവൃ​ത്താ​ന്തം 20:24 താരത​മ്യ​പ്പെ​ടു​ത്തുക.) ഇതു വന്യജീ​വി​കളെ നിരീ​ക്ഷി​ക്കു​ന്ന​തി​നു സൗകര്യ​മുള്ള ഒരു നല്ല സ്ഥാനം ആയിരി​ക്കും.

അക്കാലത്ത്‌, ഇപ്പോ​ഴു​ള്ള​തി​നേ​ക്കാൾ കൂടുതൽ മരങ്ങൾ ഉണ്ടായി​രു​ന്നു, വന്യജീ​വി​കൾ വിഹരി​ച്ചി​രുന്ന വനങ്ങൾപോ​ലും. (യോശുവ 17:15, 18) ഏലീശാ ദൈവ​ത്തി​ന്റെ മുഖ്യ​പ്ര​വാ​ച​ക​നാ​യി​ത്തീർന്ന​പ്പോൾ ഉണ്ടായ ഒരു സംഭവ​ത്തിൽനി​ന്നു നാം ഇത്‌ അറിയു​ന്നു. എലീശാ യരീ​ഹോ​വിൽനി​ന്നു ബെഥേ​ലി​ലേക്കു യാത്ര​ചെ​യ്യു​ക​യാ​യി​രു​ന്നു, അങ്ങനെ അവൻ ശീലോ​വിന്‌ ഏതാണ്ടു 16 കിലോ​മീ​ററർ മൈൽ തെക്കുള്ള ഈ പ്രദേ​ശത്ത്‌ എത്തി. സ്വർണ്ണ​ക്കാ​ള​ക്കു​ട്ടി​യു​ടെ ആരാധ​നാ​കേ​ന്ദ്ര​മാ​യി​ത്തീർന്നി​രുന്ന ബെഥേ​ലി​ലെ ആളുക​ളിൽനിന്ന്‌ ഏതു തരത്തി​ലുള്ള സ്വീക​രണം അവനു ലഭിക്കു​മാ​യി​രു​ന്നു? (1 രാജാ​ക്കൻമാർ 12:27-33; 2 രാജാ​ക്കൻമാർ 10:29) മുതിർന്ന​വർക്കു യഹോ​വ​യു​ടെ പ്രവാ​ച​ക​നോ​ടു വൈരാ​ഗ്യ​മു​ണ്ടാ​യി​രു​ന്നു​വെന്നു തോന്നു​ന്നു, അവരുടെ മനോ​ഭാ​വം അവരുടെ സന്തതി​ക​ളി​ലേക്കു വ്യാപി​ച്ച​താ​യി തോന്നു​ന്നു.

ബാലൻമാ​രു​ടെ ഒരു കൂട്ടം ദൈവ​ത്തി​ന്റെ പ്രവാ​ച​കനെ പരിഹ​സി​ച്ചു​വെന്നു രണ്ടു രാജാ​ക്കൻമാർ 2:23, 24 നമ്മോടു പറയുന്നു: “മൊട്ട​ത്ത​ലയാ, കയറി വാ; മൊട്ട​ത്ത​ലയാ, കയറി വാ.” പ്രതി​ക​ര​ണ​മാ​യി എലീശാ “യഹോ​വ​നാ​മ​ത്തിൽ അവരെ ശപിച്ചു; അപ്പോൾ കാട്ടിൽനി​ന്നു രണ്ടു പെൺക​രടി ഇറങ്ങി​വന്നു അവരിൽ നാല്‌പ​ത്തി​രണ്ടു ബാലൻമാ​രെ കീറി​ക്ക​ളഞ്ഞു.” സിറി​യ​യി​ലുള്ള അത്തരം തവിട്ടു കരടികൾ ഭ്രമി​ക്കു​മ്പോ​ഴോ അവയുടെ കുഞ്ഞു​ങ്ങൾക്കു ഭീഷണി​യു​ള്ള​താ​യി തോന്നു​മ്പോ​ഴോ രൗദ്ര​ഭാ​വ​മു​ള്ള​താ​യി തീർന്നേ​ക്കാം. (2 ശമൂവേൽ 17:8; സദൃശ​വാ​ക്യ​ങ്ങൾ 17:12; 28:15) ദൈവ​ത്തി​ന്റെ പ്രതി​നി​ധി​ക​ളെ​യും അങ്ങനെ യഹോ​വ​യെ​ത്ത​ന്നെ​യും സംസ്‌കാ​ര​ശൂ​ന്യ​മാ​യി ആക്ഷേപി​ച്ച​വർക്കെ​തി​രെ ദിവ്യ​നീ​തി നടപ്പാ​ക്കു​വാൻ ദൈവം അവയെ ഉപയോ​ഗി​ച്ചു.

ശീലോ​വി​നു ചുററു​മുള്ള കുന്നു​ക​ളിൽ ഒരു കുട്ടി അത്തരം വന്യജീ​വി​കളെ കണ്ടേക്കാ​മെ​ന്നു​ള്ളതു സമാഗ​മ​ന​കൂ​ടാ​ര​ത്തിൽ സേവി​ക്കാൻ ശമൂ​വേ​ലി​നെ കൊണ്ടു​വ​ന്ന​തിൽ അവന്റെ മാതാ​പി​താ​ക്കൾ പ്രകട​മാ​ക്കിയ വിശ്വാ​സത്തെ കൂടുതൽ വിലമ​തി​ക്കാൻ നമ്മെ സഹായി​ക്കണം.

മറെറാ​രു സത്യാ​രാ​ധകൻ, ന്യായാ​ധി​പ​നായ യിഫ്‌താഹ്‌ കുറേ​ക്കൂ​ടെ മുമ്പു സമാന​മായ വിശ്വാ​സ​വും ഭക്തിയും പ്രകട​മാ​ക്കി​യി​രു​ന്നു. അവൻ യോർദ്ദാ​ന്റെ കിഴക്കു​ഭാ​ഗത്തെ മലനാ​ടായ ഗിലെ​യാ​ദിൽ താമസി​ച്ചി​രു​ന്നു. അമ്മോന്യ ശത്രു​ക്കൾക്കെ​തി​രെ യഹോ​വ​യ്‌ക്കു​വേ​ണ്ടി​യുള്ള തീക്ഷ്‌ണ​ത​യാൽ, തന്റെ ഭവനത്തിൽനി​ന്നു തന്നെ എതി​രേൽക്കാൻ ആദ്യം വരുന്ന​യാ​ളെ യഹോ​വ​യ്‌ക്കു ബലി​ചെ​യ്യു​മെന്നു അവൻ പ്രതിജ്ഞ ചെയ്‌തു. അത്‌ അവന്റെ കന്യക​യായ പുത്രി​യാ​ണെന്നു തെളിഞ്ഞു. അതു​കൊണ്ട്‌ അവൻ തന്റെ ഏകപു​ത്രി​യെ ശീലോ​വി​ലുള്ള ദൈവ​ത്തി​ന്റെ ആലയത്തിൽ കൊണ്ടു​വന്നു. അവിടെ അവൾ പാർക്കു​ക​യും വർഷങ്ങ​ളോ​ളം വിശ്വ​സ്‌ത​മാ​യി സേവി​ക്കു​ക​യും ചെയ്‌തു.—ന്യായാ​ധി​പൻമാർ 11:30-40.

ഈ ശീലോ​പ്ര​ദേ​ശത്തു ശമൂ​വേ​ലും യിഫ്‌താ​ഹി​ന്റെ പുത്രി​യും പ്രകട​മാ​ക്കിയ വിശ്വ​സ്‌ത​മായ ഭക്തി ഇതേ പ്രദേ​ശ​ത്തു​തന്നെ യഹോ​വ​യു​ടെ പ്രവാ​ച​കനെ പരിഹ​സിച്ച 42 ദുഷ്‌പ്ര​വൃ​ത്തി​ക്കാ​രു​ടെ മോശ​മായ ദൃഷ്ടാ​ന്ത​ത്തിൽനി​ന്നു തികച്ചും വ്യത്യ​സ്‌ത​മാണ്‌.—1 കൊരി​ന്ത്യർ 10:6, 11 താരത​മ്യം ചെയ്യുക.

[അടിക്കു​റിപ്പ്‌]

[8-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[9-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[9-ാം പേജിലെ ചിത്ര​ത്തിന്‌ കടപ്പാട്‌]

Safari Zoo, Ramat-Gan, Tel Aviv