ചിലർ വീണ്ടും ജനിക്കു​ന്ന​തി​ന്റെ കാരണം

“പുതു​താ​യി ജനിച്ചില്ല എങ്കിൽ ദൈവ​രാ​ജ്യം കാൺമാൻ ആർക്കും കഴിക​യില്ല.” (യോഹ​ന്നാൻ 3:3) യേശു​ക്രി​സ്‌തു 1,900 വർഷങ്ങൾക്കു മുമ്പ്‌ ആ വാക്കുകൾ സംസാ​രി​ച്ച​തു​മു​തൽ അവ അനേക​മാ​ളു​കളെ പുളകം കൊള്ളി​ക്കു​ക​യും അമ്പരപ്പി​ക്കു​ക​യും ചെയ്‌തി​രി​ക്കു​ന്നു.

വീണ്ടും ജനിക്കു​ന്നതു സംബന്ധിച്ച യേശു​വി​ന്റെ പ്രസ്‌താ​വ​ന​ക​ളു​ടെ ശരിയായ ഗ്രാഹ്യം ലഭിക്കു​ന്ന​തി​നു നാം ആദ്യം ഈ ചോദ്യ​ങ്ങൾക്ക്‌ ഉത്തരം പറയണം: മനുഷ്യ​വർഗ്ഗത്തെ സംബന്ധിച്ച ദൈ​വോ​ദ്ദേ​ശ്യം എന്താണ്‌? മരണത്തി​ങ്കൽ ദേഹിക്ക്‌ എന്തു സംഭവി​ക്കു​ന്നു? ദൈവ​രാ​ജ്യം എന്തു ചെയ്യാൻ ഉദ്ദേശി​ക്ക​പ്പെ​ടു​ന്നു?

മനുഷ്യ​വർഗ്ഗത്തെ സംബന്ധിച്ച ദൈ​വോ​ദ്ദേ​ശ്യം

ആദ്യമ​നു​ഷ്യ​നായ ആദാം ദൈവ​ത്തി​ന്റെ ഒരു പൂർണ്ണ മാനു​ഷ​പു​ത്ര​നെ​ന്ന​നി​ല​യിൽ സൃഷ്ടി​ക്ക​പ്പെട്ടു. (ലൂക്കൊസ്‌ 3:38) ആദാം മരിക്ക​ണ​മെന്നു യഹോ​വ​യാം ദൈവം ഒരിക്ക​ലും ഉദ്ദേശി​ച്ചില്ല. ആദാമി​നും അവന്റെ ഭാര്യ ഹവ്വായ്‌ക്കും, എന്നേക്കും ജീവി​ക്കു​ക​യും ഒരു പറുദീ​സാ​ഭൂ​മി​യെ നിറയ്‌ക്കു​ക​യും ചെയ്യുന്ന ഒരു പാപര​ഹിത മാനു​ഷ​കു​ടും​ബത്തെ ഉളവാ​ക്കാ​നുള്ള പ്രതീക്ഷ ഉണ്ടായി​രു​ന്നു. (ഉല്‌പത്തി 1:28) മരണം മനുഷ്യ​നെ​യും സ്‌ത്രീ​യെ​യും സംബന്ധിച്ച ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​ന്റെ ഭാഗമാ​യി​രു​ന്നില്ല. ദിവ്യ​നി​യ​മ​ത്തി​നെ​തി​രായ മത്സരത്തി​ന്റെ ഒരു അനന്തര​ഫ​ല​മെ​ന്ന​നി​ല​യിൽ മാത്ര​മാ​യി​രു​ന്നു അതു മാനു​ഷ​രം​ഗത്തെ ആക്രമി​ച്ചത്‌.—ഉല്‌പത്തി 2:15-17; 3:17-19.

ഈ മത്സരം ദൈവ​ത്തി​ന്റെ പരമാ​ധി​കാ​ര​ത്തി​ന്റെ ന്യായ​യു​ക്ത​ത​യും അവന്റെ നിയമ​ങ്ങ​ളോ​ടു വിശ്വ​സ്‌ത​മാ​യി പററി​നിൽക്കാ​നുള്ള മമനു​ഷ്യ​ന്റെ പ്രാപ്‌തി​യും പോലുള്ള വലിയ ധാർമ്മിക വാദവി​ഷ​യങ്ങൾ ഉയർത്തി. ഈ വാദവി​ഷ​യ​ങ്ങൾക്കു തീർപ്പു കല്‌പി​ക്കു​ന്ന​തി​നു സമയം ആവശ്യ​മാ​യി​രു​ന്നു. എന്നാൽ മനുഷ്യ​വർഗ്ഗത്തെ സംബന്ധിച്ച യഹോ​വ​യാം ദൈവ​ത്തി​ന്റെ ഉദ്ദേശ്യ​ത്തി​നു മാററം വന്നില്ല, അവൻ ചെയ്യാൻ ഉദ്യമി​ക്കു​ന്ന​തിൽ അവനു പരാജ​യ​പ്പെ​ടാ​നും കഴിയു​ക​യില്ല. പറുദീ​സ​യിൽ നിത്യ​ജീ​വൻ ആസ്വദി​ക്കുന്ന പൂർണ്ണ​ത​യുള്ള ഒരു മാനുഷ കുടും​ബ​ത്തെ​ക്കൊ​ണ്ടു ഭൂമിയെ നിറയ്‌ക്കാൻ അവൻ പൂർണ്ണ​മാ​യും ഉദ്ദേശി​ക്കു​ന്നു. (സങ്കീർത്തനം 37:29; 104:5; യെശയ്യാ​വു 45:18; ലൂക്കൊസ്‌ 23:43) വീണ്ടും ജനിക്കു​ന്ന​തി​നെ സംബന്ധിച്ച യേശു​വി​ന്റെ വാക്കുകൾ നാം പരിഗ​ണി​ക്കു​മ്പോൾ ഈ അടിസ്ഥാ​ന​സ​ത്യം നാം മനസ്സിൽ പിടി​ക്കണം.

മരണത്തി​ങ്കൽ ദേഹിക്ക്‌ എന്തു സംഭവി​ക്കു​ന്നു?

ദൈവ​ത്തി​ന്റെ പരിശു​ദ്ധാ​ത്മാ​വു ബൈബി​ളെ​ഴു​ത്തു​കാർക്കു വെളി​പ്പെ​ടു​ത്തി​യത്‌ അറിയാ​തി​രുന്ന ഗ്രീക്കു തത്ത്വജ്ഞാ​നി​കൾ ജീവി​ത​ത്തിൽ അർത്ഥം കണ്ടെത്താൻ പാടു​പെട്ടു. മിക്ക​പ്പോ​ഴും ദുരി​ത​പൂർണ്ണ​മായ അവസ്ഥക​ളിൽ ചുരുക്കം ചില വർഷങ്ങൾ മാത്രം ജീവി​ച്ചി​ട്ടു മനുഷ്യൻ ഒടുവിൽ അസ്‌തി​ത്വ​ര​ഹി​ത​നാ​യി​ത്തീ​രാൻ ഉദ്ദേശി​ക്ക​പ്പെട്ടു എന്ന്‌ അവർക്കു വിശ്വ​സി​ക്കാൻ കഴിഞ്ഞില്ല. ഇതിൽ അവരുടെ ഭാഗം ശരിയാ​യി​രു​ന്നു. എന്നാൽ മമനു​ഷ്യ​ന്റെ മരണാ​ന​ന്ത​ര​പ്ര​തീ​ക്ഷകൾ സംബന്ധിച്ച അവരുടെ നിഗമ​ന​ങ്ങ​ളിൽ അവർക്കു തെററു​പ​ററി. മരണ​ശേഷം മറേറ​തെ​ങ്കി​ലും രൂപത്തിൽ മനുഷ്യാ​സ്‌തി​ത്വം തുടരു​ന്നു​വെന്ന്‌, എല്ലാവ​രു​ടെ​യും ഉള്ളിൽ ഒരു അമർത്ത്യ​ദേഹി ഉണ്ടെന്ന്‌ അവർ നിഗമനം ചെയ്‌തു.

യഹൂദൻമാ​രും ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ട്ട​വ​രും അത്തരം വീക്ഷണ​ങ്ങ​ളാൽ സ്വാധീ​നി​ക്ക​പ്പെട്ടു. സ്വർഗ്ഗം—ഒരു ചരിത്രം [Heaven—A History] എന്ന പുസ്‌തകം ഇപ്രകാ​രം പറയുന്നു: “ചിതറി​പ്പോയ യഹൂദൻമാർ ഗ്രീക്കു ബുദ്ധി​ജീ​വി​കളെ കണ്ടുമു​ട്ടി​യ​ട​ത്തെ​ല്ലാം ഒരു അമർത്ത്യ​ദേ​ഹി​യു​ടെ ആശയം പൊന്തി​വന്നു.” ആ പുസ്‌തകം ഇങ്ങനെ കൂട്ടി​ച്ചേർക്കു​ന്നു: “ദേഹിയെ സംബന്ധിച്ച ഗ്രീക്കു സിദ്ധാ​ന്തങ്ങൾ യഹൂദൻമാ​രു​ടെ​യും ക്രമേണ ക്രിസ്‌ത്യാ​നി​ക​ളു​ടെ​യും വിശ്വാ​സ​ങ്ങ​ളു​ടെ​മേൽ ഒരു സ്ഥായി​യായ മുദ്ര പതിപ്പി​ച്ചു. . . . പ്ലേറേ​റാ​ണിക തത്ത്വശാ​സ്‌ത്ര​ത്തി​ന്റെ​യും ബൈബിൾ പാരമ്പ​ര്യ​ത്തി​ന്റെ​യും ഒരു അസാധാ​രണ സങ്കലനം സൃഷ്ടി​ക്കു​ക​വഴി ഫിലോ [അലക്‌സാ​ണ്ട്രി​യ​യിൽ ഒന്നാം നൂററാ​ണ്ടി​ലു​ണ്ടാ​യി​രുന്ന ഒരു തത്ത്വചി​ന്തകൻ] പിന്നീ​ടുള്ള ക്രിസ്‌തീയ ചിന്തകർക്കു വഴി​യൊ​രു​ക്കി.”

ഫിലോ എന്താണു വിശ്വ​സി​ച്ചത്‌? അതേ പുസ്‌തകം ഈവിധം തുടരു​ന്നു: “അദ്ദേഹത്തെ സംബന്ധി​ച്ചി​ട​ത്തോ​ളം, മരണം ദേഹിയെ അതിന്റെ ആദ്യത്തെ, ജനനത്തി​നു​മു​മ്പത്തെ, അവസ്ഥയിൽ പുനഃ​സ്ഥി​തീ​ക​രി​ക്കു​ന്നു. ദേഹി ആത്മീയ​ലോ​ക​ത്തി​ന്റെ ഒരു ഭാഗമാ​യി​രി​ക്കു​ന്ന​തി​നാൽ ശരീര​ത്തി​ലുള്ള ജീവൻ ഹ്രസ്വ​മായ, മിക്ക​പ്പോ​ഴും നിർഭാ​ഗ്യ​ക​ര​മായ, ഒരു ഉപകഥ ആയിത്തീ​രു​ന്നു.” എന്നിരു​ന്നാ​ലും, “ജനനത്തി​നു​മു​മ്പത്തെ” ആദാമി​ന്റെ അവസ്ഥ അസ്‌തി​ത്വ​മി​ല്ലാ​യ്‌മ​യാ​യി​രു​ന്നു. ബൈബിൾരേ​ഖ​യ​നു​സ​രിച്ച്‌ ഭൂമി, താഴ്‌ന്ന​തോ ഉയർന്ന​തോ ആയ ഒരു അസ്‌തി​ത്വ​ത്തി​ലേ​ക്കുള്ള ഇടത്താ​വളം ആണെന്ന​പോ​ലെ, മരണത്തി​ങ്കൽ മറേറ​തെ​ങ്കി​ലും മണ്ഡലത്തി​ലേ​ക്കുള്ള ഒരു സ്വതഃ​പ്രേ​രി​ത​മാ​ററം സംഭവി​ക്കാൻ ദൈവം ഉദ്ദേശി​ച്ചില്ല.

മാനു​ഷ​ദേഹി അമർത്ത്യ​മാ​ണെ​ന്നുള്ള വിശ്വാ​സം ദൈവ​ത്തി​ന്റെ ആത്മനി​ശ്വസ്‌ത വചനമായ ബൈബിൾ പഠിപ്പി​ക്കു​ന്നില്ല. അത്‌ ഒരിക്കൽപോ​ലും “അമർത്ത്യ​ദേഹി” എന്ന പദം ഉപയോ​ഗി​ക്കു​ന്നില്ല. ആദാം ഒരു ദേഹി​യാ​യി സൃഷ്ടി​ക്ക​പ്പെ​ട്ടു​വെന്ന്‌ അതു പറയുന്നു, ഒരു ദേഹി സഹിതം എന്നല്ല. “യഹോ​വ​യായ ദൈവം നിലത്തെ പൊടി​കൊ​ണ്ടു മനുഷ്യ​നെ നിർമ്മി​ച്ചി​ട്ടു അവന്റെ മൂക്കിൽ ജീവശ്വാ​സം ഊതി, മനുഷ്യൻ ജീവനുള്ള ദേഹി​യാ​യി തീർന്നു” എന്ന്‌ ഉല്‌പത്തി 2:7 പറയുന്നു. മനുഷ്യ​വർഗ്ഗം സ്വർഗ്ഗ​ത്തി​ലെ നിത്യ​ജീ​വ​ന്റെ​യോ അഗ്നിന​ര​ക​ത്തി​ലെ നിത്യ​ദ​ണ്ഡ​ന​ത്തി​ന്റെ​യോ പ്രതീ​ക്ഷയെ ഒരിക്ക​ലും അഭിമു​ഖീ​ക​രി​ച്ചില്ല. മരിക്കുന്ന ദേഹിക്ക്‌ അഥവാ വ്യക്തിക്ക്‌ ബോധ​പൂർവ്വ​ക​മായ അസ്‌തി​ത്വം ഇല്ലെന്നു ബൈബിൾ പ്രകട​മാ​ക്കു​ന്നു. (സങ്കീർത്തനം 146:3, 4; സഭാ​പ്ര​സം​ഗി 9:5, 10; യെഹെ​സ്‌ക്കേൽ 18:4) അതു​കൊണ്ട്‌, തത്ത്വചി​ന്തകർ ദേഹിയെ സംബന്ധിച്ച തിരു​വെ​ഴു​ത്തു​വി​രു​ദ്ധ​മായ വീക്ഷണങ്ങൾ വച്ചുപു​ലർത്തി​യി​രി​ക്കു​ന്നു. വീണ്ടും ജനിക്കു​ന്നതു സംബന്ധിച്ച യേശു​വി​ന്റെ വാക്കു​ക​ളെ​ക്കു​റി​ച്ചുള്ള നമ്മുടെ ഗ്രാഹ്യ​ത്തെ അവ്യക്ത​മാ​ക്കാൻ കഴിയുന്ന വഴി​തെ​റ​റി​ക്കുന്ന ആശയങ്ങൾക്കെ​തി​രെ നാം ജാഗ്രത പാലി​ക്കേ​ണ്ട​തുണ്ട്‌.

രാജാ​ക്കൻമാ​രാ​യി ഭരിക്കാൻ വീണ്ടും ജനിക്കു​ന്നു

‘വീണ്ടും ജനിക്കു​ന്നവർ ദൈവ​രാ​ജ്യ​ത്തിൽ കടക്കു​മെന്ന്‌’ യേശു നിക്കോ​ദേ​മോ​സി​നോ​ടു പറഞ്ഞു. (യോഹ​ന്നാൻ 3:3-5) ആ രാജ്യം എന്താണ്‌? മാനു​ഷ​ച​രി​ത്ര​ത്തി​ന്റെ ആരംഭ​ത്തിൽത്തന്നെ, പ്രതീ​കാ​ത്മക ഭാഷയിൽ ആദ്യ പാമ്പായ പിശാ​ചായ സാത്താന്റെ തല തകർക്കാൻ ഒരു പ്രത്യേക സന്തതിയെ—വരുവാ​നി​രുന്ന ഒരു ഭരണാ​ധി​കാ​രി​യെ—ഉപയോ​ഗി​ക്കാ​നുള്ള തന്റെ ഉദ്ദേശ്യ​ത്തെ​ക്കു​റി​ച്ചു യഹോ​വ​യാം ദൈവം അറിവു നല്‌കി. (ഉല്‌പത്തി 3:15; വെളി​പ്പാ​ടു 12:9) തിരു​വെ​ഴു​ത്തു​ക​ളിൽ ക്രമാ​നു​ഗ​ത​മാ​യി വെളി​പ്പെ​ടു​ത്തി​യി​രി​ക്കു​ന്ന​തു​പോ​ലെ, ദൈവ​ത്തി​ന്റെ പരമാ​ധി​കാ​ര​ത്തി​ന്റെ ഒരു അനുപമ പ്രകട​ന​മായ മിശി​ഹൈ​ക​രാ​ജ്യ​ത്തിൽ സഹഭര​ണാ​ധി​കാ​രി​ക​ളോ​ടൊ​ത്തു വാഴുന്ന യേശു​ക്രി​സ്‌തു​വാ​യി ഈ “സന്തതി”യെ തിരി​ച്ച​റി​യി​ച്ചി​രി​ക്കു​ന്നു. (സങ്കീർത്തനം 2:8, 9; യെശയ്യാ​വു 9:6, 7; ദാനീ​യേൽ 2:44; 7:13, 14) ഇതാണു സ്വർഗ്ഗീയ രാജ്യം, യഹോ​വ​യു​ടെ പരമാ​ധി​കാ​രത്തെ സംസ്ഥാ​പി​ക്കു​ക​യും മനുഷ്യ​വർഗ്ഗത്തെ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു വിടു​വി​ക്കു​ക​യും ചെയ്യുന്ന സ്വർഗ്ഗ​ങ്ങ​ളി​ലെ ഒരു ഗവൺമെൻറു​തന്നെ.—മത്തായി 6:9, 10.

സഹഭര​ണാ​ധി​കാ​രി​ക​ളാ​യി യേശു​വി​നോ​ടു​കൂ​ടെ​യു​ള്ളതു മനുഷ്യ​വർഗ്ഗ​ത്തിൽനി​ന്നു വിലയ്‌ക്കു വാങ്ങ​പ്പെ​ടുന്ന 1,44,000 പേരാണ്‌. (വെളി​പ്പാ​ടു 5:9, 10; 14:1-4) ആദാമി​ന്റെ അപൂർണ്ണ മാനു​ഷ​കു​ടും​ബ​ത്തിൽനിന്ന്‌ ഈ “അത്യു​ന്ന​തന്റെ വിശു​ദ്ധൻമാർ” ആയിത്തീ​രാൻ ദൈവം ചിലരെ തിര​ഞ്ഞെ​ടു​ത്തി​രി​ക്കു​ന്നു, അവർ മിശി​ഹൈ​ക​രാ​ജ്യ​ത്തിൽ ക്രിസ്‌തു​വി​നോ​ടു​കൂ​ടെ ഭരിക്കു​ന്നു. (ദാനീ​യേൽ 7:27; 1 കൊരി​ന്ത്യർ 6:2; വെളി​പ്പാ​ടു 3:21; 20:6) ഈ സ്‌ത്രീ​പു​രു​ഷൻമാർ, തങ്ങൾ “വീണ്ടും ജനിക്കു”മെന്നു പറഞ്ഞ യേശു​ക്രി​സ്‌തു​വിൽ വിശ്വാ​സം പ്രകട​മാ​ക്കു​ന്നു. (യോഹ​ന്നാൻ 3:5-7) എങ്ങനെ, എന്തു​കൊണ്ട്‌ ഈ ജനനം സംഭവി​ക്കു​ന്നു?

ക്രിസ്‌തു​വി​ന്റെ അനുഗാ​മി​കൾ എന്നനി​ല​യിൽ ഈ വ്യക്തികൾ ജലത്തിൽ സ്‌നാ​പ​ന​മേ​റ​റി​രി​ക്കു​ന്നു. യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ ദൈവം അവരുടെ പാപങ്ങൾ മോചി​ക്ക​യും, അവരെ നീതി​മാൻമാ​രാ​യി പ്രഖ്യാ​പി​ക്കു​ക​യും ആത്മീയ​പു​ത്രൻമാ​രാ​യി ദത്തെടു​ക്കു​ക​യും ചെയ്‌തി​രി​ക്കു​ന്നു. (റോമർ 3:23-26; 5:12-21; കൊ​ലൊ​സ്സ്യർ 1:13, 14) അങ്ങനെ​യു​ള്ള​വ​രോട്‌ അപ്പൊ​സ്‌ത​ല​നായ പൗലൊസ്‌ ഇപ്രകാ​രം പറയുന്നു: “നാം അബ്ബാ പിതാവേ, എന്നു വിളി​ക്കുന്ന പുത്ര​ത്വ​ത്തിൻ ആത്മാവി​നെ അത്രേ പ്രാപി​ച്ചതു. നാം ദൈവ​ത്തി​ന്റെ മക്കൾ എന്നു ആത്മാവു​താ​നും നമ്മുടെ ആത്മാ​വോ​ടു​കൂ​ടെ സാക്ഷ്യം പറയുന്നു. നാം മക്കൾ എങ്കിലോ അവകാ​ശി​ക​ളും ആകുന്നു; ദൈവ​ത്തി​ന്റെ അവകാ​ശി​ക​ളും ക്രിസ്‌തു​വി​ന്നു കൂട്ടവ​കാ​ശി​ക​ളും തന്നേ; നാം അവനോ​ടു​കൂ​ടെ തേജസ്‌ക​രി​ക്ക​പ്പെ​ടേ​ണ്ട​തി​ന്നു അവനോ​ടു​കൂ​ടെ കഷ്ടമനു​ഭ​വി​ച്ചാ​ല​ത്രേ.”—റോമർ 8:15-17.

ക്രിസ്‌തു​വി​ന്റെ അനുഗാ​മി​കൾ എന്നനി​ല​യിൽ ഇവർക്കു ജീവി​ത​ത്തിൽ ഒരു പുതിയ ജനനം അഥവാ തുടക്കം ലഭിച്ചി​രി​ക്കു​ന്നു. അവർ യേശു​വി​ന്റെ സ്വർഗ്ഗീയ അവകാ​ശ​ത്തിൽ പങ്കുകാ​രാ​കും എന്ന ഒരു ബോധ്യ​ത്തിൽ ഇതു കാലാ​ശി​ച്ചി​രി​ക്കു​ന്നു. (ലൂക്കൊസ്‌ 12:32; 22:28-30; 1 പത്രൊസ്‌ 1:23) അപ്പൊ​സ്‌ത​ല​നായ പത്രോസ്‌ പുനർജ​ന​നത്തെ ഈ വിധത്തിൽ വിവരി​ച്ചു: “മരിച്ച​വ​രു​ടെ ഇടയിൽനി​ന്നുള്ള യേശു​ക്രി​സ്‌തു​വി​ന്റെ പുനരു​ത്ഥാ​ന​ത്താൽ തന്റെ [ദൈവ​ത്തി​ന്റെ] കരുണാ​ധി​ക്യ​പ്ര​കാ​രം നമ്മെ ജീവനുള്ള പ്രത്യാ​ശെ​ക്കാ​യി, . . . നിങ്ങൾക്കു​വേണ്ടി സ്വർഗ്ഗ​ത്തിൽ സൂക്ഷി​ച്ചി​രി​ക്കു​ന്ന​തും ക്ഷയം, മാലി​ന്യം, വാട്ടം, എന്നിവ ഇല്ലാത്ത​തു​മായ അവകാ​ശ​ത്തി​ന്നാ​യി തന്നേ വീണ്ടും ജനിപ്പി​ച്ചി​രി​ക്കു​ന്നു.” (1 പത്രൊസ്‌ 1:3, 4) ദൈവം യേശു​വി​നെ ഉയർപ്പി​ച്ച​തു​പോ​ലെ അവരെ​യും ഉയർപ്പി​ക്കു​ന്ന​തു​കൊണ്ട്‌ അത്തരം വ്യക്തി​കൾക്കു സ്വർഗ്ഗ​ത്തി​ലെ ഈ പുതു​ജീ​വൻ സാധ്യ​മാ​യി​ത്തീ​രു​ന്നു.—1 കൊരി​ന്ത്യർ 15:42-49.

ഭൂമിയെ സംബന്ധി​ച്ചെന്ത്‌?

അനുസ​ര​ണ​മുള്ള സകല മനുഷ്യ​രും അന്തിമ​മാ​യി ഭൂമി​യിൽനി​ന്നു സ്വർഗ്ഗ​ത്തിൽ പോകാൻ വീണ്ടും ജനിക്കു​മെന്ന്‌ ഇത്‌ അർത്ഥമാ​ക്കു​ന്നില്ല. അത്തരം തെററായ ആശയം “ശരീര​ത്തി​ലുള്ള ജീവൻ ഒരു ഹ്രസ്വ​മായ, മിക്ക​പ്പോ​ഴും പരിതാ​പ​ക​ര​മായ, ഒരു ഉപകഥ​യ​ല്ലാ​തെ മറെറാ​ന്നു​മല്ല” എന്നു കരുതിയ ഫിലോ​യെ​പ്പോ​ലുള്ള തത്ത്വജ്ഞാ​നി​കൾ വച്ചുപു​ലർത്തിയ ആശയ​ത്തോ​ടു സമാന​മാണ്‌. എന്നാൽ യഹോ​വ​യു​ടെ ആദിമ ഭൗമി​ക​സൃ​ഷ്ടി​യിൽ യാതൊ​രു പിശകും ഉണ്ടായി​രു​ന്നില്ല.—ഉല്‌പത്തി 1:31; ആവർത്തനം 32:4.

മനുഷ്യ​ജീ​വൻ ഹ്രസ്വ​വും വേദനാ​ജ​ന​ക​വും ആയിരി​ക്കാൻ ഒരിക്ക​ലും ഉദ്ദേശി​ക്ക​പ്പെ​ട്ടില്ല. യേശു​ക്രി​സ്‌തു​വും അവനോ​ടു​കൂ​ടെ സ്വർഗ്ഗ​ത്തിൽ രാജാ​ക്കൻമാ​രും പുരോ​ഹി​തൻമാ​രു​മാ​യി സേവി​ക്കാൻ വീണ്ടും ജനിച്ച​വ​രും സാത്താന്റെ മത്സരത്തി​ന്റെ സകല ദോഷ​ക​ര​മായ ഫലങ്ങ​ളെ​യും നീക്കം ചെയ്യും. (എഫെസ്യർ 1:8-10) വാഗ്‌ദ​ത്ത​പ്ര​കാ​ര​മുള്ള ‘അബ്രാ​ഹാ​മി​ന്റെ സന്തതി’യെന്ന നിലയിൽ അവർ മുഖാ​ന്തരം “ഭൂമി​യി​ലെ സകല ജനതക​ളും തീർച്ച​യാ​യും തങ്ങളേ​ത്തന്നെ അനു​ഗ്ര​ഹി​ക്കും.” (ഗലാത്യർ 3:29; ഉല്‌പത്തി 22:18, NW) അനുസ​ര​ണ​മുള്ള മനുഷ്യ​വർഗ്ഗ​ത്തിന്‌ ഇന്നത്തെ വേദന നിറഞ്ഞ, ഹ്രസ്വ​മായ അസ്‌തി​ത്വ​ത്തിൽനി​ന്നു വളരെ വ്യത്യ​സ്‌ത​മായ ഒരു പറുദീ​സാ​ഭൂ​മി​യി​ലെ ജീവനെ ഇത്‌ അർത്ഥമാ​ക്കും.—സങ്കീർത്തനം 37:11, 29; വെളി​പ്പാ​ടു 21:1-4.

ആർ പ്രയോ​ജനം നേടും?

മനുഷ്യ​വർഗ്ഗത്തെ അനു​ഗ്ര​ഹി​ക്കാ​നുള്ള ദൈവ​ത്തി​ന്റെ കരുത​ലിൽനി​ന്നു പ്രയോ​ജനം നേടു​ന്ന​വ​രു​ടെ ഇടയിൽ യേശു​വി​ന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കുന്ന, പുനരു​ത്ഥാ​ന​ത്തി​ലേക്കു വരുത്ത​പ്പെ​ടുന്ന മൃതരും ഉണ്ടായി​രി​ക്കും. (യോഹ​ന്നാൻ 5:28, 29; പ്രവൃ​ത്തി​കൾ 24:15) അവരിൽ ഭൂരി​പ​ക്ഷ​വും ദൈവ​ത്തെ​യും ക്രിസ്‌തു​വി​നെ​യും കുറിച്ച്‌ ഒരിക്ക​ലും പഠിച്ചി​ട്ടില്ല, അതു​കൊണ്ട്‌ അവർക്കു യേശു​വിൽ വിശ്വാ​സം പ്രകട​മാ​ക്കാൻ കഴിഞ്ഞി​ട്ടു​മില്ല. യേശു​വി​ന്റെ മരണം സ്വർഗ്ഗീ​യ​ജീ​വ​നി​ലേക്കു വഴിതു​റ​ന്ന​തി​നു​മു​മ്പു മരിച്ചു​പോയ യോഹ​ന്നാൻ സ്‌നാ​പ​ക​നെ​പ്പോ​ലുള്ള വിശ്വ​സ്‌ത​മ​നു​ഷ്യർ പുനരു​ത്ഥാ​ന​ത്തി​ലേക്കു വരുത്ത​പ്പെ​ടു​ന്ന​വ​രിൽ ഉൾപ്പെ​ടും. (മത്തായി 11:11) ഇവർക്കു​പു​റമേ, യേശു​ക്രി​സ്‌തു എന്ന ‘കുഞ്ഞാ​ടി​ന്റെ രക്തത്തിൽ സകല ജനതക​ളി​ലും​നി​ന്നുള്ള ഒരു മഹാപു​രു​ഷാ​രം തങ്ങളുടെ അങ്കികൾ അലക്കി വെളു​പ്പി​ച്ചി​ട്ടുണ്ട്‌.’ യേശു​വി​ന്റെ വീണ്ടും ജനിച്ച “സഹോ​ദ​രൻമാർ” നേതൃ​ത്വം കൊടു​ക്കുന്ന രാജ്യ​പ്ര​സം​ഗ​വേ​ല​യോട്‌ അവർ അനുകൂ​ല​മാ​യി പ്രതി​ക​രി​ക്കു​ന്നു, ഒരു ശുദ്ധീ​ക​രി​ക്ക​പ്പെട്ട ഭൂമി​യിൽ ജീവി​ക്കാൻ ദൈവ​ത്തി​ന്റെ യുദ്ധമായ അർമ്മ​ഗെ​ദ്ദോ​നെ അവർ അതിജീ​വി​ക്കും. (വെളി​പ്പാ​ടു 7:9-14; 16:14-16; മത്തായി 24:14; 25:31-46) അതു​കൊണ്ട്‌, ദൈവ​ത്തി​ന്റെ ക്രമീ​ക​ര​ണ​ത്തിൽ, ക്രിസ്‌തു​വി​നോ​ടു​കൂ​ടെ സ്വർഗ്ഗ​ത്തിൽ ഭരിക്കാൻ വീണ്ടും ജനിച്ച​വ​ര​ല്ലെ​ങ്കി​ലും ലക്ഷങ്ങൾ രക്ഷിക്ക​പ്പെ​ടും.—1 യോഹ​ന്നാൻ 2:1, 2.

ഒരു പറുദീ​സാ​ഭൂ​മി​യി​ലെ ജീവൻ അവകാ​ശ​മാ​ക്കു​ന്ന​വ​രു​ടെ കൂട്ടത്തിൽ നിങ്ങൾ ഉണ്ടായി​രി​ക്കു​മോ? യേശു​ക്രി​സ്‌തു​വി​ന്റെ യാഗത്തിൽ വിശ്വാ​സം പ്രകട​മാ​ക്കു​ക​യും സത്യ​ക്രി​സ്‌തീ​യ​സ​ഭ​യോ​ടു സജീവ​മാ​യി സഹവസി​ക്കു​ക​യും ചെയ്യു​ന്നെ​ങ്കിൽ നിങ്ങൾക്ക്‌ അവരുടെ കൂട്ടത്തിൽ ഉണ്ടായി​രി​ക്കാൻ കഴിയും. സത്യ​ക്രി​സ്‌തീ​യ​സ​ഭയെ തത്ത്വശാ​സ്‌ത്രങ്ങൾ ദുഷി​പ്പി​ച്ചി​ട്ടില്ല, പിന്നെ​യോ “സത്യത്തി​ന്റെ ഒരു തൂണും താങ്ങു​മാ​യി” അതു നിലനി​ന്നി​രി​ക്കു​ന്നു. (1 തിമൊ​ഥെ​യൊസ്‌ 3:15; താരത​മ്യ​പ്പെ​ടു​ത്തുക യോഹ​ന്നാൻ 4:24; 8:31, 32.) അപ്പോൾ, ദൈവ​ത്തി​ന്റെ വീണ്ടും ജനിച്ച പുത്രൻമാർ സ്വർഗ്ഗ​ത്തിൽ ഭരണം നടത്തു​ക​യും ദൈവ​ത്തി​ന്റെ ഭൗമി​ക​മ​ക്ക​ളെ​ല്ലാം ഒരു അത്ഭുത​ക​ര​മായ പറുദീ​സാ​ഭൂ​മി​യി​ലെ പൂർണ്ണ​ത​യി​ലേക്കു പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്യുന്ന അത്ഭുത​ക​ര​മായ ഭാവി​യി​ലേക്കു നിങ്ങൾക്കു നോക്കി​പ്പാർത്തി​രി​ക്കാൻ കഴിയും. അതു​കൊ​ണ്ടു നിത്യാ​നു​ഗ്ര​ഹ​ങ്ങ​ളു​ടെ ആ പുതിയ ലോക​ത്തി​ലെ ജീവൻ പ്രാപി​ക്കാ​നുള്ള നിങ്ങളു​ടെ അവസരത്തെ മുറുകെ പിടി​ക്കുക.—റോമർ 8:19-21; 2 പത്രൊസ്‌ 3:13.

[6-ാം പേജിലെ ചിത്രം]

ഒന്നുകിൽ സ്വർഗ്ഗ​ത്തി​ലെ ജീവനോ അല്ലെങ്കിൽ അഗ്നിന​ര​ക​ത്തി​ലെ നിത്യ​ദ​ണ്ഡ​ന​മോ തിര​ഞ്ഞെ​ടു​ക്കാ​നുള്ള ഒരവസരം ആദാമി​നു നൽക​പ്പെ​ട്ടി​ല്ല