നാഷ്‌ പപ്പൈ​റ​സി​ന്റെ മൂല്യം

നിങ്ങൾ ഒരു പഴയ എബ്രായ ബൈബിൾ കയ്യെഴു​ത്തു​പ്ര​തി​യെ എങ്ങനെ കൃത്യ​മാ​യി കാലനിർണ്ണയം ചെയ്യും? ഡോ. ജോൺ സി ട്രവർ 1948-ൽ യെശയ്യാ​വി​ന്റെ ചാവു​കടൽ ചുരു​ളു​കൾ ആദ്യം കണ്ടപ്പോൾ അദ്ദേഹത്തെ അഭിമു​ഖീ​ക​രിച്ച പ്രശ്‌നം അതായി​രു​ന്നു. എബ്രായ അക്ഷരങ്ങ​ളു​ടെ ആകൃതി അദ്ദേഹത്തെ അമ്പരപ്പി​ച്ചു​ക​ളഞ്ഞു. അതിന്റെ പ്രായം അറിയാ​നുള്ള താക്കോൽ സ്ഥിതി​ചെ​യ്യു​ന്നത്‌ അക്ഷരങ്ങ​ളി​ലാ​ണെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു, എന്നാൽ അവ എന്തുമാ​യി താരത​മ്യം ചെയ്യും? അദ്ദേഹം ശരിയായ തീരു​മാ​ന​ത്തി​ലെത്തി: നാഷ്‌ പപ്പൈ​റ​സി​ലെ അക്ഷരങ്ങ​ളു​മാ​യി​ത്തന്നെ. എന്തു​കൊണ്ട്‌? എന്താണ്‌ ഈ കയ്യെഴു​ത്തു​പ്രതി, അത്‌ എവി​ടെ​നി​ന്നു ലഭിച്ചു?

നാഷ്‌ പപ്പൈ​റ​സിൽ എബ്രായ പാഠത്തി​ന്റെ 24 വരികൾ അടങ്ങുന്ന നാലു ശകലങ്ങൾ ആണുള്ളത്‌, 7.5 സെൻറീ​മീ​ററർ വീതി​യും 12.5 സെൻറീ​മീ​ററർ നീളവും ഉള്ളവതന്നെ. സൊ​സൈ​ററി ഓഫ്‌ ബിബ്‌ളി​ക്കൽ ആർക്കി​യോ​ള​ജി​യു​ടെ സെക്ര​ട്ട​റി​യാ​യി​രുന്ന ഡബ്‌ളി​യു. എൽ. നാഷിന്റെ പേരാണ്‌ അതിനു കൊടു​ത്തി​രി​ക്കു​ന്നത്‌, അദ്ദേഹം 1902-ൽ ഒരു ഈജി​പ്‌ഷ്യൻ വ്യാപാ​രി​യിൽനിന്ന്‌ അതു വാങ്ങി. അടുത്ത വർഷം എസ്‌. എ. കുക്ക്‌ ആ സൊ​സൈ​റ​റി​യു​ടെ പ്രൊ​സീ​ഡിം​ഗ്‌സിൽ അതു പ്രസി​ദ്ധീ​ക​രി​ക്കു​ക​യും ഇംഗ്ലണ്ടി​ലെ കേം​ബ്രി​ഡ്‌ജ്‌ സർവ്വക​ലാ​ശാ​ല​യി​ലെ ലൈ​ബ്ര​റി​യി​ലേക്ക്‌ അതു കൊടു​ക്കു​ക​യും ചെയ്‌തു, അത്‌ അവിടെ സൂക്ഷി​ച്ചി​രി​ക്കു​ന്നു. ഈ പപ്പൈ​റസ്‌ ശകലത്തി​ന്റെ മൂല്യം അതിന്റെ പ്രായ​ത്തോ​ടു ബന്ധപ്പെ​ട്ടി​രി​ക്കു​ന്നു. പണ്ഡിതൻമാർ അത്‌ പൊ.യു.മു. രണ്ടാമ​ത്തെ​യോ ഒന്നാമ​ത്തെ​യോ നൂററാ​ണ്ടി​ലേ​താ​യി കാലനിർണ്ണയം ചെയ്‌തു, അതു​കൊണ്ട്‌ അതു കണ്ടുപി​ടി​ച്ച​തിൽവെച്ച്‌ ഏററവും ആദ്യത്തെ എബ്രായ കയ്യെഴു​ത്തു താളാ​യി​രു​ന്നു.

ഡോ. ട്രവർ നാഷ്‌ പപ്പൈ​റ​സി​ന്റെ ഒരു വർണ്ണ സൈഡ്‌ള്‌ തനിക്കു കിട്ടിയ ചുരു​ളു​മാ​യി താരത​മ്യം ചെയ്‌ത​പ്പോൾ, അദ്ദേഹം ഒററപ്പെട്ട അക്ഷരങ്ങ​ളു​ടെ കെട്ടും മട്ടും സൂക്ഷ്‌മ​മാ​യി പരി​ശോ​ധി​ച്ചു​നോ​ക്കി. സംശയ​ലേ​ശ​മെ​ന്യേ, അവ വളരെ സാമ്യ​മു​ള്ള​താ​യി​രു​ന്നു. അങ്ങനെ ആയിരു​ന്നെ​ങ്കി​ലും, പുതു​താ​യി കണ്ടെത്തിയ വലിയ കയ്യെഴു​ത്തു​പ്രതി നാഷ്‌ പപ്പൈ​റ​സി​ന്റെ അത്രതന്നെ പഴക്കമു​ള്ള​താ​യി​രി​ക്കാൻ സാദ്ധ്യ​ത​യു​ണ്ടെ​ന്നു​ള്ളത്‌ അദ്ദേഹ​ത്തിന്‌ അവിശ്വ​സ​നീ​യ​മാ​യി തോന്നി. എന്നിരു​ന്നാ​ലും, കുറെ​ക്ക​ഴിഞ്ഞ്‌ അദ്ദേഹ​ത്തി​ന്റെ ന്യായ​വാ​ദം ശരിയാ​ണെന്ന്‌ കണ്ടെത്തു​ക​യു​ണ്ടാ​യി. യെശയ്യാ​യു​ടെ ചാവു​കടൽ ചുരു​ളു​കൾ പൊ.യു.മു. രണ്ടാം നൂററാ​ണ്ടി​ലേ​താ​യി​രു​ന്നു.

നാഷ്‌ പപ്പൈ​റ​സി​ന്റെ ഉള്ളടക്കം

നാഷ്‌ പപ്പൈ​റസ്‌ പാഠത്തി​ന്റെ ഒരു സൂക്ഷ്‌മ​പ​രി​ശോ​ധന അതിന്റെ 24 വരിക​ളും അപൂർണ്ണ​മാ​ണെന്ന്‌, രണ്ടററ​ങ്ങ​ളി​ലും ഒരു വാക്കോ അക്ഷരങ്ങ​ളോ വിട്ടു​പോ​യി​രി​ക്കു​ന്നു​വെന്നു വെളി​പ്പെ​ടു​ത്തു​ന്നു. അതിൽ പുറപ്പാട്‌ 20-ാം അദ്ധ്യാ​യ​ത്തിൽനി​ന്നുള്ള പത്തു കല്‌പ​ന​ക​ളു​ടെ ഭാഗങ്ങ​ളും അതോ​ടൊ​പ്പം ആവർത്തനം 5-ഉം 6-ഉം അദ്ധ്യാ​യ​ങ്ങ​ളി​ലെ ചില വാക്യ​ങ്ങ​ളും അടങ്ങുന്നു. അതു​കൊണ്ട്‌ ഇതു സാധാ​ര​ണ​മായ ഒരു ബൈബിൾ കയ്യെഴു​ത്തു പ്രതി​യാ​യി​രു​ന്നില്ല, പിന്നെ​യോ ഒരു പ്രത്യേക ഉദ്ദേശ്യ​ത്തി​നാ​യുള്ള ഒരു സമ്മിശ്ര പാഠമാ​യി​രു​ന്നു. അതു പ്രത്യ​ക്ഷ​ത്തിൽ ദൈവ​ത്തോ​ടുള്ള ഒരുവന്റെ കർത്തവ്യം ഒരു യഹൂദനെ ഓർമ്മ​പ്പെ​ടു​ത്താൻ പ്രബോ​ധ​ന​ത്തി​ന്റെ ഉദ്ദേശ്യ​ത്തി​ലുള്ള ഒരു സമാഹാ​രം ആയിരു​ന്നു. ഷേമാ എന്നു വിളി​ക്ക​പ്പെ​ടുന്ന ആവർത്തനം 6:4-ഓടെ തുടങ്ങുന്ന ഒരു തിരു​വെ​ഴു​ത്തു ഭാഗം കൂടെ​ക്കൂ​ടെ ആവർത്തി​ച്ചി​രു​ന്നു. ആ വാക്യം ഇപ്രകാ​രം വായി​ക്കു​ന്നു: “ഇസ്ര​യേലേ, കേൾക്ക, നമ്മുടെ ദൈവ​മായ യഹോവ ഏക യഹോ​വ​യാ​കു​ന്നു.”

ഈ വാക്യ​ത്തിൽ YHWH, “യഹോവ” എന്ന ചതുര​ക്ഷ​രങ്ങൾ പപ്പൈ​റ​സി​ന്റെ അവസാ​നത്തെ വരിയിൽ രണ്ടു പ്രാവ​ശ്യം കാണാ​വു​ന്ന​താണ്‌, അതു മററ്‌ അഞ്ചു സ്ഥലങ്ങളിൽകൂ​ടെ വരുന്നുണ്ട്‌. അതിന്റെ ആദ്യ അക്ഷരം കൂടാതെ അത്‌ ഒരു പ്രാവ​ശ്യം​കൂ​ടെ പ്രത്യ​ക്ഷ​പ്പെ​ടു​ന്നു.

ഷേമ പ്രത്യേ​കി​ച്ചും “ദൈവ​ത്തി​ന്റെ ഏകവ്യ​ക്തി​ത്വം” ഊന്നി​പ്പ​റ​യാൻ ഉദ്ദേശി​ച്ചു​ള്ള​താ​യി​രു​ന്നു. യഹൂദ തൽമൂദ്‌ അനുസ​രിച്ച്‌ (ബെര​ക്കോട്ട്‌ 19എ) സമാപന വാക്കായ എക്കോദ്‌ (“ഏക”) “ഓരോ അക്ഷരവും എടുത്തു വ്യക്തമാ​യി ഉച്ചരി​ക്കു​മ്പോൾ പ്രത്യേ​കാൽ ദൃഢത​നൽക​പ്പെ​ടണം.” (ഡബ്‌ളി​യു. ഓ. ഇ. ഓസ്‌റ​റർലെ​യും ജി. എച്ച്‌. ബോക്‌സും) ദൈവത്തെ പരാമർശി​ക്കു​മ്പോൾ ഈ ദീർഘി​പ്പിച്ച എക്കോദ്‌ അവിടു​ത്തെ അദ്വി​തീ​യ​തയെ വിളി​ച്ച​റി​യി​ക്കു​ന്നു.

ഇന്ന്‌ നാഷ്‌ പപ്പൈ​റ​സിന്‌ അനേകം കൂട്ടാ​ളി​ക​ളുണ്ട്‌, വിശേ​ഷി​ച്ചും ക്വംറാ​നു സമീപം ചാവു​ക​ട​ലി​ന്റെ തീരങ്ങ​ളി​ലെ ഗുഹക​ളിൽനി​ന്നു കണ്ടെത്തിയ ചുരു​ളു​ക​ളു​ടെ കൂട്ടത്തിൽതന്നെ. ഈ കയ്യെഴു​ത്തു​പ്ര​തി​ക​ളിൽ പലതും പൊ.യു.മു. ഒന്നും രണ്ടും നൂററാ​ണ്ടു​ക​ളി​ലേ​താ​യി​രു​ന്നു​വെന്നു വിശദ​മായ പരി​ശോ​ധന സ്ഥിരീ​ക​രി​ച്ചി​ട്ടുണ്ട്‌.a നാഷ്‌ പപ്പൈ​റസ്‌ മേലാൽ അറിയ​പ്പെ​ടുന്ന ഏററവും ആദ്യത്തെ കയ്യെഴു​ത്തു​പ്ര​തി​യ​ല്ലെ​ങ്കി​ലും അത്‌ ഇപ്പോ​ഴും വലിയ താത്‌പ​ര്യം ജനിപ്പി​ക്കു​ന്ന​തു​ത​ന്നെ​യാണ്‌. അത്‌ ഈജി​പ്‌റ​റിൽനി​ന്നു കണ്ടെത്തിയ അത്രയും പഴക്കമുള്ള ഏക എബ്രായ ബൈബിൾ കയ്യെഴു​ത്തു​പ്ര​തി​യാ​യി ഇപ്പോ​ഴും നിലനിൽക്കു​ന്നു. (w92 12/15)

[അടിക്കു​റിപ്പ്‌]