നമ്മുടെ ശ്രേഷ്‌ഠ​നായ സ്രഷ്ടാ​വും അവന്റെ പ്രവൃ​ത്തി​ക​ളും

എത്ര ഉജ്ജ്വലം! ഇഗ്വാ​ക്കു​വി​ലെ അല്ലെങ്കിൽ നയാ​ഗ്രാ​യി​ലെ ഇരമ്പുന്ന ജലപാ​തങ്ങൾ, അരി​സോ​ണ​യി​ലെ അല്ലെങ്കിൽ ഹവായി​യി​ലെ ഗംഭീ​ര​മായ മലയി​ടു​ക്കു​കൾ, നോർവേ​യി​ലെ അല്ലെങ്കിൽ ന്യൂസീ​ല​ണ്ടി​ലെ മഹനീ​യ​മായ സമു​ദ്ര​വ​ങ്കങ്ങൾ—പ്രകൃ​തി​യി​ലെ ഈ അത്ഭുതങ്ങൾ ഭയാദ​ര​വി​ന്റെ എന്ത്‌ ഉദ്‌ഘോ​ഷ​ങ്ങ​ളാണ്‌ ഉണർത്തു​ന്നത്‌! എന്നാൽ അവ കേവലം പ്രകൃ​തി​മാ​താ​വെന്നു വിളി​ക്ക​പ്പെ​ടു​ന്ന​തി​ന്റെ യാദൃ​ച്ഛിക ഉല്‌പ​ന്ന​ങ്ങ​ളാ​ണോ? അല്ല, അവ അവയേ​ക്കാൾ വളരെ കവിഞ്ഞ​വ​യാണ്‌! അവ ശ്രേഷ്‌ഠ​നായ ഒരു സ്രഷ്ടാ​വി​ന്റെ, സ്‌നേ​ഹ​വാ​നായ ഒരു സ്വർഗ്ഗീയ പിതാ​വി​ന്റെ, കിടി​ലം​കൊ​ള്ളി​ക്കുന്ന പ്രവൃ​ത്തി​ക​ളാണ്‌. അവനെ​ക്കു​റി​ച്ചു ജ്ഞാനി​യായ ശലോ​മോൻരാ​ജാവ്‌ ഇങ്ങനെ എഴുതി: “അവൻ സകലവും അതതിന്റെ സമയത്തു ഭംഗി​യാ​യി ചെയ്‌തു നിത്യ​ത​യും മനുഷ്യ​രു​ടെ ഹൃദയ​ത്തിൽ വെച്ചി​രി​ക്കു​ന്നു; എങ്കിലും ദൈവം ആദി​യോ​ടന്തം ചെയ്യുന്ന പ്രവൃ​ത്തി​യെ ഗ്രഹി​പ്പാൻ അവർക്കു കഴിവില്ല.” (സഭാ​പ്ര​സം​ഗി 3:11) സത്യമാ​യി, നമ്മുടെ സ്രഷ്ടാവു പ്രപഞ്ചത്തെ നിറച്ചി​രി​ക്കുന്ന മഹത്തായ സകല സൃഷ്ടി​ക്രി​യ​ക​ളെ​യും ആരായു​ന്ന​തി​നു മനുഷ്യർക്കു നിത്യത ആവശ്യ​മാണ്‌.

നമുക്ക്‌ എത്ര ശ്രേഷ്‌ഠ​നായ സ്രഷ്ടാ​വാ​ണു​ള്ളത്‌! ഈ സർവശ​ക്ത​നായ ദൈവം “ഈ അന്ത്യകാ​ലത്തു പുത്രൻ മുഖാ​ന്തരം നമ്മോടു അരുളി​ച്ചെ​യ്‌തി​രി​ക്കു​ന്നു. അവനെ താൻ സകലത്തി​ന്നും അവകാ​ശി​യാ​ക്കി​വെച്ചു; അവൻ മുഖാ​ന്തരം ലോക​ത്തെ​യും ഉണ്ടാക്കി”, അതിൽ നാം എത്ര സന്തുഷ്ട​രാണ്‌. (എബ്രായർ 1:2) ഈ പുത്രൻ, യേശു​ക്രി​സ്‌തു, പിതാ​വി​ന്റെ സൃഷ്ടി​യി​ലെ രമണീയ വസ്‌തു​ക്കളെ വിലമ​തി​ച്ചു. അവൻ തന്റെ പിതാ​വി​ന്റെ ഉദ്ദേശ്യ​ങ്ങളെ വിശദീ​ക​രി​ച്ച​പ്പോ​ഴും തന്റെ കേൾവി​ക്കാ​രോ​ടു പ്രോൽസാ​ഹ​ന​വാ​ക്കു​കൾ പറഞ്ഞ​പ്പോ​ഴും കൂടെ​ക്കൂ​ടെ അവയെ പരാമർശി​ച്ചു. (മത്തായി 6:28-30; യോഹ​ന്നാൻ 4:35, 36) സൃഷ്ടി​യി​ലെ അത്ഭുതങ്ങൾ “ദൈവ​ത്തി​ന്റെ വചനത്താൽ നിർമ്മി​ക്ക​പ്പെട്ടു”വെന്ന്‌ അനേകർ “വിശ്വാ​സ​ത്താൽ” ഗ്രഹി​ച്ചി​രി​ക്കു​ന്നു. (എബ്രായർ 11:3) നമ്മുടെ അനുദി​ന​ജീ​വി​തം അങ്ങനെ​യുള്ള വിശ്വാ​സത്തെ പ്രതി​ഫ​ലി​പ്പി​ക്കണം.—യാക്കോബ്‌ 2:14, 26.

ദൈവ​ത്തി​ന്റെ സൃഷ്ടികൾ തീർച്ച​യാ​യും ശ്രേഷ്‌ഠ​മാണ്‌. അവ അവന്റെ ജ്ഞാന​ത്തെ​യും ശക്തി​യെ​യും നീതി​യെ​യും സ്‌നേ​ഹ​ത്തെ​യും അത്ഭുത​ക​ര​മാ​യി പ്രതി​ബിം​ബി​പ്പി​ക്കു​ന്നു. ദൃഷ്ടാ​ന്ത​ത്തിന്‌, അവൻ തന്റെ ഭാവി​സൃ​ഷ്ടി​യായ മനുഷ്യ​നു ഋതുക്കളുടെ ഉല്ലാസ​ദാ​യ​ക​മായ ഘോഷ​യാ​ത്ര ആസ്വദി​ക്കാൻ കഴിയ​ത്ത​ക്ക​വണ്ണം നമ്മുടെ ഭൂമിയെ ചെരി​ച്ചു​നിർത്തു​ക​യും സൂര്യനു ചുററും അതു കറങ്ങത്ത​ക്ക​വണ്ണം ക്രമീ​ക​രി​ക്കു​ക​യും ചെയ്‌തു. ദൈവം ഇങ്ങനെ പ്രസ്‌താ​വി​ച്ചു: “ഭൂമി​യുള്ള കാല​ത്തോ​ളം വിതയും കൊയി​ത്തും, ശീതവും ഉഷ്‌ണ​വും, വേനലും വർഷവും, രാവും പകലും നിന്നു​പോ​ക​യു​മില്ല.” (ഉല്‌പത്തി 8:22) കൂടാതെ, ദൈവം നമ്മുടെ ഭൂമി​യിൽ വില​യേ​റിയ ധാതു​സ​മ്പത്തു ധാരാ​ള​മാ​യി സംഭരി​ച്ചു​വെച്ചു. അവൻ, പിൽക്കാ​ലത്തു സകല ഭൗമജീ​വ​ന്റെ​യും അത്യന്താ​പേ​ക്ഷിത ഘടകവും പിൻബ​ല​വു​മാ​യി​രി​ക്ക​ത്ത​ക്ക​വണ്ണം വിശേ​ഷാൽ ധാരാ​ള​മാ​യി വെള്ളം പ്രദാ​നം​ചെ​യ്‌തു.

ഓരോ​ന്നി​നും ആയിര​ക്ക​ണ​ക്കി​നു വർഷങ്ങൾ ദൈർഘ്യ​മുള്ള ആറു ‘സൃഷ്ടി​ദി​വ​സ​ങ്ങ​ളു​ടെ’ ഒരു ക്രമീ​കൃത പരമ്പര​യിൽ “ദൈവ​ത്തി​ന്റെ ആത്മാവ്‌,” (പ്രവർത്ത​ന​നി​ര​ത​മായ ശക്തി, NW) മനുഷ്യ​നി​വാ​സ​ത്തി​നു​വേണ്ടി ഭൂമിയെ ഒരുക്കാൻ തുടങ്ങി. ഏതിനാൽ നാം കാണു​ന്നു​വോ ആ വെളി​ച്ച​വും നാം ശ്വസി​ക്കുന്ന വായു​വും നാം ജീവി​ക്കുന്ന ഉണങ്ങിയ നിലവും സസ്യങ്ങ​ളും പകലി​ന്റെ​യും രാത്രി​യു​ടെ​യും പരമ്പര​യും മത്സ്യങ്ങ​ളും പക്ഷിക​ളും മൃഗങ്ങ​ളും—സകലവും മമനു​ഷ്യ​ന്റെ സേവന​ത്തി​നു​വേ​ണ്ടി​യും ആസ്വാ​ദ​ന​ത്തി​നു​വേ​ണ്ടി​യും നമ്മുടെ ശ്രേഷ്‌ഠ​നായ സ്രഷ്ടാവു ക്രമാ​നു​ഗ​ത​മാ​യി ഉളവാ​ക്കി​യ​താണ്‌. (ഉല്‌പത്തി 1:2-25) തീർച്ച​യാ​യും, “യഹോവേ, നിന്റെ പ്രവൃ​ത്തി​കൾ എത്ര പെരു​കി​യി​രി​ക്കു​ന്നു! ജ്ഞാന​ത്തോ​ടെ നീ അവയെ ഒക്കെയും ഉണ്ടാക്കി​യി​രി​ക്കു​ന്നു; ഭൂമി നിന്റെ സൃഷ്ടി​ക​ളാൽ നിറെ​ഞ്ഞി​രി​ക്കു​ന്നു” എന്ന്‌ ഉദ്‌ഘോ​ഷി​ക്കു​ന്ന​തിൽ നമുക്കു സങ്കീർത്ത​ന​ക്കാ​ര​നോ​ടു ചേരാൻ കഴിയും.—സങ്കീർത്തനം 104:24.

ദൈവ​ത്തി​ന്റെ വിദഗ്‌ദ്ധ​സൃ​ഷ്ടി

ആറാം സൃഷ്ടി“ദിവസം” അവസാ​ന​ത്തോ​ട​ടു​ത്ത​പ്പോൾ ദൈവം മനുഷ്യ​നെ​യും പിന്നീട്‌ അവന്റെ സഹധർമ്മി​ണി​യായ സ്‌ത്രീ​യെ​യും നിർമ്മി​ച്ചു. ഭൗമി​ക​സൃ​ഷ്ടി​യു​ടെ എന്തൊരു മഹത്തര​മായ പാരമ്യം, മുമ്പു നടന്ന സകല ഭൗതി​ക​സൃ​ഷ്ടി​ക​ളേ​ക്കാ​ളും വളരെ​യേറെ അത്ഭുത​കരം! സങ്കീർത്തനം 115:16 നമ്മെ ഇങ്ങനെ അറിയി​ക്കു​ന്നു: “സ്വർഗ്ഗം യഹോ​വ​യു​ടെ സ്വർഗ്ഗ​മാ​കു​ന്നു; ഭൂമിയെ അവൻ മനുഷ്യർക്കു കൊടു​ത്തി​രി​ക്കു​ന്നു.” അതനു​സ​രിച്ച്‌, യഹോവ നേര​ത്തെ​യുള്ള ഭൂമി​യി​ലെ തന്റെ സൃഷ്ടി​ക​ളിൽ പ്രമോ​ദി​ക്കാ​നും അവയെ ഉപയോ​ഗി​ക്കാ​നും കഴിയ​ത്ത​ക്ക​വണ്ണം മനുഷ്യ​ദേ​ഹി​ക​ളായ നമ്മെ സംവി​ധാ​നം​ചെ​യ്‌തു. നമുക്കു ചുററു​മുള്ള വർണ്ണപ്പ​കി​ട്ടാർന്ന ലോകത്തെ ഒപ്പി​യെ​ടു​ക്കാൻ കഴിയുന്ന അതിവി​ശിഷ്ട ക്യാമ​റ​യെ​ക്കാൾ സങ്കീർണ്ണ​മായ നമ്മുടെ കണ്ണുകൾക്കു​വേണ്ടി നാം എത്ര നന്ദിയു​ള്ള​വ​രാ​യി​രി​ക്കണം! സംഭാ​ഷ​ണ​വും സംഗീ​ത​വും പക്ഷിക​ളു​ടെ ശ്രുതി​മ​ധു​ര​മായ ഗാനവും ആസ്വദി​ക്കു​ന്ന​തി​നു നമ്മെ സഹായി​ക്കുന്ന ഏതു മനുഷ്യ​നിർമ്മിത ഉച്ചഭാ​ഷി​ണി​യെ​ക്കാ​ളും മെച്ചപ്പെട്ട ചെവികൾ നമുക്കുണ്ട്‌. നമുക്ക്‌ ഏതു ദിശയി​ലേ​ക്കും തിരി​ക്കാ​വുന്ന നാവുൾപ്പെടെ ഒരു അന്തർനിർമ്മിത സംസാ​ര​സം​വി​ധാ​ന​മുണ്ട്‌. നാവിലെ രസമു​കു​ള​ങ്ങ​ളും അതോ​ടൊ​പ്പം നമ്മുടെ ഘ്രാ​ണേ​ന്ദ്രി​യ​വും അനന്ത​വൈ​വി​ധ്യ​മാർന്ന ഭക്ഷ്യപ​ദാർത്ഥങ്ങൾ രുചി​ക്കു​ന്ന​തി​നും കരുതൽചെ​യ്യു​ന്നു! സ്‌നേ​ഹ​നിർഭ​ര​മായ ഒരു കരസ്‌പർശത്തെ നാം എത്ര വിലമ​തി​ക്കു​ന്നു! തീർച്ച​യാ​യും, “ഭയങ്കര​വും അതിശ​യ​വു​മാ​യി എന്നെ സൃഷ്ടി​ച്ചി​രി​ക്ക​യാൽ ഞാൻ നിനക്കു സ്‌തോ​ത്രം ചെയ്യുന്നു; നിന്റെ പ്രവൃ​ത്തി​കൾ അത്ഭുത​ക​ര​മാ​കു​ന്നു; അതു എന്റെ ഉള്ളം നല്ലവണ്ണം അറിയു​ന്നു” എന്നു പറഞ്ഞ സങ്കീർത്ത​ന​ക്കാ​രൻ ചെയ്‌ത​തു​പോ​ലെ നമുക്കു നമ്മുടെ സ്രഷ്ടാ​വി​നു നന്ദി​കൊ​ടു​ക്കാൻ കഴിയും.—സങ്കീർത്തനം 139:14.

നമ്മുടെ സ്രഷ്ടാ​വി​ന്റെ സ്‌നേ​ഹ​ദയ

സങ്കീർത്ത​ന​ക്കാ​രൻ ഇങ്ങനെ എഴുതി: “യഹോ​വെക്കു സ്‌തോ​ത്രം ചെയ്‌വിൻ; അവൻ നല്ലവന​ല്ലോ . . . ഏകനായി മഹാത്ഭു​ത​ങ്ങളെ പ്രവർത്തി​ക്കു​ന്ന​വന്നു—അവന്റെ ദയ എന്നേക്കു​മു​ള്ളതു.” (സങ്കീർത്തനം 136:1-4) ആ സ്‌നേ​ഹദയ നാമി​പ്പോൾ വർണ്ണി​ച്ചു​ക​ഴിഞ്ഞ സകല സൃഷ്ടി​ക​ളെ​ക്കാ​ളും അതിമ​ഹ​ത്ത​ര​മായ അത്ഭുത​കാ​ര്യ​ങ്ങൾ ചെയ്യാൻ ഇപ്പോൾ അവനെ പ്രേരി​പ്പി​ക്കു​ക​യാണ്‌. അതെ, ഭൗതി​ക​വ​സ്‌തു​ക്കൾ സൃഷ്ടിച്ച ശേഷം വിശ്ര​മി​ക്കു​മ്പോൾപോ​ലും അവൻ ഒരു ആത്മീയ തലത്തിൽ സൃഷ്ടി നടത്തി​ക്കൊ​ണ്ടി​രി​ക്കു​ക​യാണ്‌. ഇത്‌ അവൻ ചെയ്യു​ന്നത്‌ അവന്റെ നേർക്കു​ണ്ടായ ഒരു ദുഷ്ട വെല്ലു​വി​ളി​ക്കു​ത്ത​ര​മാ​യി​ട്ടാണ്‌. അതെങ്ങനെ?

ഒന്നാമത്തെ മനുഷ്യ​നും സ്‌ത്രീ​യും മഹത്തായ ഒരു പറുദീ​സ​യിൽ, ഏദെനിൽ, ആക്കി​വെ​ക്ക​പ്പെട്ടു. എന്നിരു​ന്നാ​ലും, ഒരു വിശ്വാ​സ​ഘാ​ത​ക​നായ ദൂതൻ, സാത്താൻ, തന്നേത്തന്നെ ഒരു ദൈവ​മാ​യി അവരോ​ധി​ക്കു​ക​യും ആ മനുഷ്യ​ജോ​ടി​യെ യഹോ​വ​ക്കെ​തി​രായ ഒരു മത്സരത്തി​ലേക്കു നയിക്കു​ക​യും ചെയ്‌തു. ദൈവം ന്യായ​യു​ക്ത​മാ​യി അവരെ മരണത്തി​നു വിധിച്ചു, അവരുടെ മക്കളായ മുഴു മനുഷ്യ​വർഗ്ഗ​വും പാപപൂർണ്ണ​വും മരണക​ര​വു​മായ ഒരു അവസ്ഥയിൽ ജനിപ്പി​ക്ക​പ്പെ​ട്ടി​രി​ക്കു​ന്നു​വെ​ന്ന​താണ്‌ ഫലം. (സങ്കീർത്തനം 51:5) യാതൊ​രു മനുഷ്യ​നും പരി​ശോ​ധ​ന​യിൻ കീഴിൽ ദൈവ​ത്തോ​ടു നിർമ്മലത പാലി​ക്കാൻ കഴിക​യി​ല്ലെന്നു വാദി​ച്ചു​കൊ​ണ്ടു സാത്താൻ ദൈവത്തെ വെല്ലു​വി​ളി​ച്ചു​വെന്ന്‌ ഇയ്യോ​ബി​നെ​ക്കു​റി​ച്ചുള്ള ബൈബിൾ വിവരണം സൂചി​പ്പി​ക്കു​ന്നു. എന്നാൽ സാത്താൻ ഒരു കടുത്ത നുണയ​നാ​ണെന്ന്‌ ഇയ്യോബ്‌ തെളി​യി​ച്ചു, ബൈബിൾകാ​ല​ങ്ങ​ളി​ലെ​യും നമ്മുടെ കാലം​വ​രെ​യു​മുള്ള മററ​നേകം വിശ്വ​സ്‌ത​ദൈ​വ​ദാ​സൻമാ​രും അങ്ങനെ ചെയ്‌തി​ട്ടുണ്ട്‌. (ഇയ്യോബ്‌ 1:7-12; 2:2-5, 9, 10; 27:5) ഒരു പൂർണ്ണ​മ​നു​ഷ്യ​നെന്ന നിലയിൽ യേശു കിടയററ നിർമ്മ​ല​താ​പാ​ല​ന​ത്തി​ന്റെ മാതൃക വെച്ചു.—1 പത്രൊസ്‌ 2:21-23.

അങ്ങനെ, യേശു​വിന്‌, ‘ലോക​ത്തി​ന്റെ പ്രഭു​വിന്ന്‌ [സാത്താൻ] എന്നോടു ഒരു കാര്യ​വു​മില്ല’ എന്നു പറയാൻ കഴിഞ്ഞു. (യോഹ​ന്നാൻ 14:30) എന്നിരു​ന്നാ​ലും ഇന്നോളം “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) യഹോ​വ​യു​ടെ പരമാ​ധി​കാ​രത്തെ ചോദ്യം​ചെ​യ്യു​ക​യാൽ മനുഷ്യ​വർഗ്ഗ​ത്തിൻമേ​ലുള്ള സാത്താന്റെ സ്വന്തം ആധിപ​ത്യ​ത്തി​നു വിജയി​ക്കാൻ കഴിയു​മോ​യെന്നു പ്രകട​മാ​ക്കാൻ അവന്‌ ഏതാണ്ട്‌ 6,000 വർഷങ്ങൾ കൊടു​ക്ക​പ്പെ​ട്ടി​രി​ക്കു​ക​യാണ്‌. അധഃപ​തി​ച്ചു​കൊ​ണ്ടി​രി​ക്കുന്ന ലോകാ​വ​സ്ഥകൾ തുടർന്നു സാക്ഷ്യ​പ്പെ​ടു​ത്തു​ന്ന​തു​പോ​ലെ, എത്ര ദയനീ​യ​മാ​യി അവൻ പരാജ​യ​പ്പെ​ട്ടി​രി​ക്കു​ന്നു! നമ്മുടെ സ്‌നേ​ഹ​നി​ധി​യായ യഹോ​വ​യാം ദൈവം അഴിമതി നിറഞ്ഞ ഈ ലോക​സ​മൂ​ഹത്തെ പെട്ടെ​ന്നു​തന്നെ നീക്കം​ചെ​യ്യു​ക​യും ഭൂമി​മേ​ലു​മുള്ള തന്റെ നീതി​യു​ക്ത​മായ പരമാ​ധി​കാ​രത്തെ സ്ഥാപി​ക്കു​ക​യും ചെയ്യും. അതു സമാധാ​ന​പൂർണ്ണ​മായ നീതി​ഭ​ര​ണ​ത്തി​നു കാംക്ഷി​ക്കുന്ന മനുഷ്യർക്ക്‌ എത്ര സന്തുഷ്ട​മായ ആശ്വാ​സ​മാ​ണു കൈവ​രു​ത്തുക!—സങ്കീർത്തനം 37:9-11; 83:17, 18.

എന്നിരു​ന്നാ​ലും, അതുമാ​ത്രമല്ല! യോഹ​ന്നാൻ 3:16-ലെ യേശു​വി​ന്റെ പിൻവ​രുന്ന വാക്കു​ക​ളു​ടെ അടിസ്ഥാ​ന​ത്തിൽ ദൈവ​ത്തി​ന്റെ സ്‌നേ​ഹദയ കൂടു​ത​ലാ​യി പ്രകടി​പ്പി​ക്ക​പ്പെ​ടും: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നൽകു​വാൻ തക്കവണ്ണം മനുഷ്യ​വർഗ്ഗ​ലോ​കത്തെ സ്‌നേ​ഹി​ച്ചു.” ഭൂമി​യി​ലെ നിത്യ​ജീ​വന്റെ പ്രതീക്ഷ മനുഷ്യ​വർഗ്ഗ​ത്തി​നു പുനഃ​സ്ഥാ​പി​ക്കു​ന്ന​തിൽ പുതിയ കാര്യങ്ങൾ സൃഷ്ടി​ക്കു​ന്നത്‌ ഉൾപ്പെ​ടു​ന്നു. അവ എന്തൊ​ക്കെ​യാണ്‌? ദുഃഖി​ക്കുന്ന മനുഷ്യ​രാ​ശിക്ക്‌ അവ എങ്ങനെ പ്രയോ​ജ​നം​ചെ​യ്യു​ന്നു? ഞങ്ങളുടെ അടുത്ത ലേഖനം പറയും.