പുതിയ സൃഷ്ടികൾ ഉളവാ​ക്ക​പ്പെ​ടു​ന്നു!

ജ്ഞാനി​യായ ശലോ​മോൻരാ​ജാവ്‌, “സൂര്യന്നു കീഴിൽ പുതു​താ​യി യാതൊ​ന്നു​മില്ല” എന്ന്‌ ഒരിക്കൽ പറഞ്ഞു. (സഭാ​പ്ര​സം​ഗി 1:9) അതു നാം ജീവി​ക്കുന്ന ഭൗതി​ക​ലോ​ക​ത്തെ​സം​ബ​ന്ധി​ച്ചു സത്യമാണ്‌, എന്നാൽ യഹോ​വ​യു​ടെ ആത്മീയ​സൃ​ഷ്ടി​ക​ളു​ടെ വിപു​ല​മായ മണ്ഡല​ത്തെ​സം​ബ​ന്ധി​ച്ചെന്ത്‌? ആ മണ്ഡലത്തിൽ, ശലോ​മോ​നെ​ക്കാൾ വലിയ ഒരുവ​നായ, തീർച്ച​യാ​യും ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും വലിയ മനുഷ്യ​നാ​യി​രു​ന്നവൻ, പ്രമു​ഖ​നായ ഒരു പുതിയ സൃഷ്ടി​യാ​യി​ത്തീർന്നു. ഇതെങ്ങനെ സംഭവി​ച്ചു?

നമ്മുടെ പൊതു​യു​ഗ​ത്തി​ന്റെ 29-ാമാണ്ടിൽ, പൂർണ്ണ​മ​നു​ഷ്യ​നാ​യി​രുന്ന യേശു യോഹ​ന്നാ​നാൽ സ്‌നാ​പനം കഴിപ്പി​ക്ക​പ്പെ​ടേ​ണ്ട​തി​നു യോർദ്ദാൻന​ദി​യി​ങ്കൽ തന്നേത്തന്നെ ഏല്‌പി​ച്ചു​കൊ​ടു​ത്തു. “യേശു സ്‌നാ​ന​മേററ ഉടനെ, വെള്ളത്തിൽനി​ന്നു കയറി; അപ്പോൾ സ്വർഗ്ഗം തുറന്നു ദൈവാ​ത്മാ​വു പ്രാ​വെ​ന്ന​പോ​ലെ ഇറങ്ങി തന്റെമേൽ വരുന്നതു അവൻ കണ്ടു; ഇവൻ എന്റെ പ്രിയ​പു​ത്രൻ; ഇവനിൽ ഞാൻ പ്രസാ​ദി​ച്ചി​രി​ക്കു​ന്നു എന്നു സ്വർഗ്ഗ​ത്തിൽനി​ന്നു ഒരു ശബ്ദവും ഉണ്ടായി.” (മത്തായി 3:16, 17) അങ്ങനെ, ക്രിസ്‌തു​യേശു എന്ന മനുഷ്യൻ ദൈ​വേഷ്ടം ചെയ്യാൻ അഭി​ഷേ​കം​ചെ​യ്യ​പ്പെട്ട, ഒരു പുതിയ സൃഷ്ടി​യി​ലെ ആദ്യത്തവൻ ആയിരു​ന്നു. പിന്നീട്‌, യേശു തന്റെ ബലിമ​ര​ണ​ത്തി​ന്റെ അടിസ്ഥാ​ന​ത്തിൽ ദൈവ​വും മനുഷ്യ​രു​ടെ ഒരു തെര​ഞ്ഞെ​ടു​ക്ക​പ്പെട്ട കൂട്ടവും തമ്മിലുള്ള ഒരു പുതിയ ഉടമ്പടി​യു​ടെ മദ്ധ്യസ്ഥ​നാ​യി​ത്തീർന്നു. ഇവരി​ലോ​രോ​രു​ത്ത​രും യേശു​വി​ന്റെ സ്വർഗ്ഗീ​യ​രാ​ജ്യ​ത്തിൽ അവനോ​ടു​കൂ​ടെ ഭരിക്കാ​നുള്ള പ്രതീ​ക്ഷ​യോ​ടെ ഒരു സ്വർഗ്ഗീയ പ്രത്യാ​ശ​യി​ലേക്കു ദൈവാ​ത്മാ​വി​നാൽ ജനിപ്പി​ക്ക​പ്പെട്ട്‌ “ഒരു പുതിയ സൃഷ്ടി” ആയിത്തീർന്നി​രി​ക്കു​ന്നു.—2 കൊരി​ന്ത്യർ 5:17; 1 തിമൊ​ഥെ​യൊസ്‌ 2:5, 6; എബ്രായർ 9:15.

ഈ ആത്മജനനം പ്രാപിച്ച അഭിഷി​ക്ത​ക്രി​സ്‌ത്യാ​നി​കൾ പല നൂററാ​ണ്ടു​ക​ളി​ലാ​യി ഒരു പുതിയ സൃഷ്ടി​ത​ന്നെ​യായ സത്യ​ക്രി​സ്‌തീ​യ​സ​ഭ​യെന്ന നിലയിൽ ക്രിസ്‌തു​വി​നോ​ടുള്ള ഐക്യ​ത്തിൽ കൂട്ടി​ച്ചേർക്ക​പ്പെ​ട്ടി​രി​ക്കു​ന്നു. ദൈവം അതിനെ ഒരു ഉദ്ദേശ്യാർത്ഥം ഈ ലോക​ത്തിൽനി​ന്നു വിളി​ച്ച​താണ്‌, അപ്പൊ​സ്‌ത​ല​നായ പത്രൊസ്‌ പ്രസ്‌താ​വി​ക്കു​ന്ന​തു​പോ​ലെ, “നിങ്ങളോ അന്ധകാ​ര​ത്തിൽനി​ന്നു തന്റെ അത്ഭുത​പ്ര​കാ​ശ​ത്തി​ലേക്കു നിങ്ങളെ വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ​ന്ത​ക്ക​വണ്ണം തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീ​യ​പു​രോ​ഹി​ത​വർഗ്ഗ​വും വിശു​ദ്ധ​വം​ശ​വും സ്വന്തജ​ന​വും ആകുന്നു.” (1 പത്രൊസ്‌ 2:9) ദൈവ​ത്തി​ന്റെ ആദ്യത്തെ പുതിയ സൃഷ്ടി​യായ ക്രിസ്‌തു​യേ​ശു​വി​നെ​പ്പോ​ലെ, തുടർന്നു​വ​രുന്ന ഈ പുതിയ സൃഷ്ടി​ക്കും സുവാർത്ത പ്രസം​ഗി​ക്കാ​നുള്ള ഒരു പ്രഥമ​ക​ട​പ്പാ​ടുണ്ട്‌. (ലൂക്കൊസ്‌ 4:18, 19) ആത്യന്തി​ക​മാ​യി 1,44,000 എണ്ണം വരുന്ന അതിലെ അംഗങ്ങൾ വ്യക്തി​ഗ​ത​മാ​യി “യഥാർത്ഥ​നീ​തി​യി​ലും വിശ്വ​സ്‌ത​ത​യി​ലും ദൈ​വേ​ഷ്ട​പ്ര​കാ​രം സൃഷ്ടി​ക്ക​പ്പെട്ട പുതിയ വ്യക്തി​ത്വം ധരിക്ക”ണം. (എഫേസ്യർ 4:24, NW; വെളി​പ്പാ​ടു 14:1, 3) ഇത്‌ അവർ ഗലാത്യർ 5:22, 23-ൽ വർണ്ണി​ക്ക​പ്പെ​ട്ടി​രി​ക്കുന്ന “ആത്മാവി​ന്റെ ഫലം” നട്ടുവ​ളർത്തേ​ണ്ട​തും തങ്ങളുടെ ഗൃഹവി​ചാ​ര​ക​ത്വ​ത്തി​നു​വേണ്ടി വിശ്വ​സ്‌ത​മാ​യി കരു​തേ​ണ്ട​തു​മാ​വ​ശ്യ​മാ​ക്കി​ത്തീർക്കു​ന്നു.—1 കൊരി​ന്ത്യർ 4:2; 9:16.

ആധുനി​ക​കാ​ല​ങ്ങ​ളി​ലെ ഈ പുതിയ സൃഷ്ടി​യെ​സം​ബ​ന്ധി​ച്ചെന്ത്‌? ബൈബിൾ കാലപ്പ​ട്ടിക പ്രകട​മാ​ക്കു​ന്ന​പ്ര​കാ​രം 1914 എന്ന വർഷത്തിൽ വെളി​പ്പാ​ടു 11:15-ലെ വാക്കുകൾ നിറ​വേറി: “ലോക​രാ​ജ​ത്വം നമ്മുടെ കർത്താ​വി​ന്നും [യഹോവ] അവന്റെ ക്രിസ്‌തു​വി​ന്നും ആയിത്തീർന്നി​രി​ക്കു​ന്നു; അവൻ എന്നെ​ന്നേ​ക്കും വാഴും.” പുതു​താ​യി അവരോ​ധി​ക്ക​പ്പെട്ട രാജാ​വെന്ന നിലയിൽ ക്രിസ്‌തു​വി​ന്റെ ആദ്യത്തെ പ്രവൃത്തി സാത്താ​നെ​യും അവന്റെ ഭൂതദൂ​തൻമാ​രെ​യും സ്വർഗ്ഗ​ത്തിൽനി​ന്നു ഭൂമി​യു​ടെ പരിസ​ര​ത്തേക്കു വലി​ച്ചെ​റി​യു​ക​യെ​ന്ന​താ​യി​രു​ന്നു. ഇതു ഒന്നാം ലോക​മ​ഹാ​യു​ദ്ധ​ത്തി​ന്റെ​യും അതോ​ടൊ​പ്പം വന്ന കൊടും​വി​പ​ത്തു​ക​ളു​ടെ​യും രൂപത്തിൽ ഭൂമിക്ക്‌ “അയ്യോ കഷ്ടം” വരുത്തി.—വെളി​പ്പാ​ടു 12:9, 12, 17.

ഇതു പുതിയ സൃഷ്ടി​യിൽപെ​ട്ട​വ​രാ​യി ഭൂമി​യിൽ ശേഷി​ച്ചവർ “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പ​ടും; അപ്പോൾ അവസാനം വരും” എന്ന യേശു​വി​ന്റെ പ്രവചനം നിവർത്തി​ക്കു​ന്ന​തിൽ പങ്കുപ​റ​റ​ണ​മെ​ന്നുള്ള അറിയി​പ്പാ​യും ഉതകി: ആ “അവസാനം” എന്താണ്‌? യേശു തുടർന്നു വിശദീ​ക​രി​ക്കു​ന്നു: “ലോകാ​രം​ഭം മുതൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തും ആയ വലിയ കഷ്ടം അന്നു ഉണ്ടാകും. ആ നാളുകൾ ചുരു​ങ്ങാ​തി​രു​ന്നാൽ ഒരു ജഡവും രക്ഷിക്ക​പ്പെ​ടു​ക​യില്ല; വൃതൻമാർ നിമി​ത്ത​മോ ആ നാളുകൾ ചുരു​ങ്ങും.”—മത്തായി 24:3-14, 21, 22.

യഹോ​വ​യു​ടെ ആത്മാവ്‌ ഈ ഭൂമി​യിൽ നടക്കാ​നി​രി​ക്കു​ന്ന​തി​ലേ​ക്കും അതിവി​പു​ല​മായ പ്രസം​ഗ​പ്ര​സ്ഥാ​ന​ത്തിൽ തിരക്കു​ള്ള​വ​രാ​യി​രി​ക്കാൻ ഈ പുതിയ സൃഷ്ടി​യി​ലുള്ള ആ അഭിഷി​ക്തരെ പ്രേരി​പ്പി​ച്ചു. ആ തീക്ഷ്‌ണ​ത​യുള്ള രാജ്യ​പ്ര​ഘോ​ഷ​ക​രു​ടെ 1919-ലെ ഏതാനും​ചില ആയിര​ങ്ങ​ളിൽനിന്ന്‌ 1930-കളുടെ മദ്ധ്യമാ​യ​പ്പോ​ഴേക്ക്‌ ഏതാണ്ട്‌ 50,000 ആയി വർദ്ധിച്ചു. പ്രവചി​ക്ക​പ്പെ​ട്ട​തു​പോ​ലെ, “അവരുടെ നാദം സർവഭൂ​മി​യി​ലും അവരുടെ വചനം ഭൂതല​ത്തി​ന്റെ അററ​ത്തോ​ള​വും പരന്നു.”—റോമർ 10:18.

രക്ഷക്കു​വേ​ണ്ടി കൂട്ടി​ച്ചേർക്ക​പ്പെ​ടു​ന്നവർ പുതിയ സൃഷ്ടി​യി​ലെ ഭൂമി​യി​ലെ ശേഷി​പ്പു​മാ​ത്ര​മാ​യി​രി​ക്കു​മോ? അല്ല, എന്തു​കൊ​ണ്ടെ​ന്നാൽ സ്വർഗ്ഗ​ത്തി​ലേക്കു പോകാ​നുള്ള ആത്മീയ ഇസ്ര​യേ​ല്യ​രു​ടെ മാത്രമല്ല, പിന്നെ​യോ “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ളതായി ആർക്കും എണ്ണിക്കൂ​ടാത്ത ഒരു മഹാപു​രു​ഷാര”മായ മററു​ള്ള​വ​രു​ടെ​യും കൂട്ടി​ച്ചേർപ്പു പൂർത്തി​യാ​കു​ന്ന​തു​വരെ ദൈവ​ദൂ​തൻമാർ മഹോ​പ​ദ്ര​വ​ത്തി​ന്റെ കാററു​കൾ പിടി​ച്ചു​നിർത്തു​മെന്നു പ്രവചനം പ്രസ്‌താ​വി​ച്ചി​രു​ന്നു. അവരുടെ ഭാവി എവി​ടെ​യാ​യി​രി​ക്കും? എന്തിന്‌, അവർ ഒരു പറുദീ​സാ​ഭൂ​മി​യി​ലെ നിത്യ​ജീ​വൻ ആസ്വദി​ക്കാൻ “മഹോ​പ​ദ്രവ”ത്തിൽനി​ന്നു ഹാനി​ത​ട്ടാ​തെ പുറത്തു​വ​രും!—വെളി​പ്പാ​ടു 7:1-4, 9, 14.

സന്തോ​ഷ​ക​ര​മെ​ന്നു പറയട്ടെ, 229 രാജ്യ​ങ്ങ​ളിൽനി​ന്നു കൂട്ടി​ച്ചേർക്ക​പ്പെ​ട്ടി​രി​ക്കുന്ന ഈ മഹാപു​രു​ഷാ​രം കൂണു​പോ​ലെ ഏകദേശം 45,00,000-ത്തിൽപരം സജീവ​സാ​ക്ഷി​ക​ളാ​യി പെരു​കി​യി​രി​ക്കു​ന്നു. കഴിഞ്ഞ വർഷം ഏപ്രിൽ 17-നു നടന്ന, യേശു​വി​ന്റെ മരണത്തി​ന്റെ സ്‌മാ​ര​ക​ത്തി​ലെ 1,14,31,171 എന്ന ഹാജരി​നാൽ സൂചി​പ്പി​ക്ക​പ്പെ​ടു​ന്ന​തു​പോ​ലെ, കൂടു​ത​ലാ​യി അനേകർ വരുന്നുണ്ട്‌. ഈ ലക്ഷങ്ങളി​ലെ​ല്ലാം​വെച്ചു പുതിയ സൃഷ്ടി​യിൽ ശേഷി​ച്ചവർ എന്ന്‌ അവകാ​ശ​പ്പെ​ടുന്ന 8,683 പേർമാ​ത്രമേ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റി​യു​ള്ളു. ഈ ചെറിയ സംഘത്തിൽപെ​ട്ട​വർക്കു സ്വന്തമാ​യി ഇന്നത്തെ ഈ വിപു​ല​മായ പ്രസം​ഗ​വേല ചെയ്‌തു​തീർക്കാൻ കഴിയു​മാ​യി​രു​ന്നില്ല. ഇപ്പോൾ മഹാപു​രു​ഷാ​ര​മാ​യി​രി​ക്കുന്ന ഈ ലക്ഷങ്ങൾ വേല ചെയ്‌തു​തീർക്കു​ന്ന​തിന്‌ അവരുടെ തോ​ളൊ​ത്തു​നി​ന്നു പ്രവർത്തി​ക്കു​ക​യാണ്‌. (സെഫന്യാ​വു 3:9) തന്നെയു​മല്ല, നല്ല പരിശീ​ലനം കിട്ടിയ മഹാപു​രു​ഷാ​ര​ത്തി​ലെ അംഗങ്ങൾ, യെരൂ​ശ​ലേ​മി​ന്റെ മതിലു​ക​ളു​ടെ അററകു​റ​റ​പ്പ​ണി​കൾ ചെയ്യു​ന്ന​തിൽ ഇസ്ര​യേ​ല്യ​ര​ല്ലാത്ത നെഥി​നിം പുരോ​ഹി​തൻമാ​രോ​ടു​കൂ​ടെ പ്രവർത്തി​ച്ച​തു​പോ​ലെ, ആത്മീയ ഇസ്ര​യേ​ലി​ന്റെ അഭിഷി​ക്ത​ഭ​ര​ണ​സം​ഘ​ത്തോ​ടൊ​ത്തു ഭരണപ​ര​മായ ജോലി​ക​ളും ഉത്തരവാ​ദ​പ്പെട്ട മററു ജോലി​ക​ളും ഇപ്പോൾ ചെയ്യു​ന്നുണ്ട്‌.—നെഹെ​മ്യാ​വു 3:22-26.

“പുതിയ ആകാശ​ങ്ങ​ളു​ടെ​യും ഒരു പുതി​യ​ഭൂ​മി”യുടെ​യും സൃഷ്ടി

ഈ കൂട്ടി​ച്ചേർപ്പോ​ടു​കൂ​ടെ എന്തു സന്തോ​ഷ​മാ​ണു കൈവ​രു​ന്നത്‌! അതു യഹോവ പറഞ്ഞതു​പോ​ലെ​ത​ന്നെ​യാണ്‌: “ഇതാ, ഞാൻ പുതിയ ആകാശ​വും പുതിയ ഭൂമി​യും സൃഷ്ടി​ക്കു​ന്നു; മുമ്പി​ല​ത്തെവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല. ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ; ഇതാ, ഞാൻ യെരൂ​ശ​ലേ​മി​നെ ഉല്ലാസ​പ്ര​ദ​മാ​യും അതിലെ ജനത്തെ ആനന്ദ​പ്ര​ദ​മാ​യും സൃഷ്ടി​ക്കു​ന്നു. ഞാൻ യെരൂ​ശ​ലേ​മി​നെ​ക്കു​റി​ച്ചു സന്തോ​ഷി​ക്കു​ക​യും എന്റെ ജനത്തെ​ക്കു​റി​ച്ചു ആനന്ദി​ക്കു​ക​യും ചെയ്യും; കരച്ചലും നിലവി​ളി​യും ഇനി അതിൽ കേൾക്ക​യില്ല.” (യെശയ്യാ​വു 65:17-19) യഹോവ സൃഷ്ടി​ക്കുന്ന പുതിയ ആകാശങ്ങൾ ഒടുവിൽ ക്രിസ്‌തു​യേ​ശു​വും കഴിഞ്ഞ 19 നൂററാ​ണ്ടു​ക​ളിൽ മനുഷ്യ​വർഗ്ഗ​ത്തി​ന്റെ ഇടയിൽനി​ന്നു വിലയ്‌ക്കു​വാ​ങ്ങ​പ്പെട്ട പുനരു​ത്ഥാ​നം പ്രാപി​ക്കുന്ന പുതിയ സൃഷ്ടി​യു​ടെ 1,44,000 അംഗങ്ങ​ളും ചേർന്നു​ണ്ടാ​കു​ന്ന​താ​യി​രി​ക്കും. അത്‌ അക്ഷരീയ യരൂശ​ലേ​മിൽ ഭരിച്ച ഏതു ഭൗമി​ക​ഗ​വൺമെൻറി​നേ​ക്കാ​ളും, ശലോ​മോ​ന്റെ നാളി​ലേ​തി​നെ​ക്കാൾ പോലും, വളരെ വളരെ മഹത്താ​യി​രി​ക്കും. അത്‌ ഒളിവി​ത​റുന്ന സകല മനോ​ഹാ​രി​ത​യോ​ടും​കൂ​ടെ വെളി​പ്പാ​ടു 21-ാം അദ്ധ്യാ​യ​ത്തിൽ വർണ്ണി​ക്ക​പ്പെ​ട്ടി​രി​ക്കുന്ന ഒരു സ്വർഗ്ഗീയ നഗരമായ പുതിയ യെരൂ​ശ​ലേ​മി​നെ ഉൾപ്പെ​ടു​ത്തു​ന്നു.

പുതിയ യെരൂ​ശ​ലേം ക്രിസ്‌തു​വി​ന്റെ ആത്മീയ മണവാ​ട്ടി​യാണ്‌, അവന്റെ 1,44,000 അഭിഷി​ക്താ​നു​ഗാ​മി​ക​ളാണ്‌, അവർ തങ്ങളുടെ മരണത്തി​നും ആത്മീയ പുനരു​ത്ഥാ​ന​ത്തി​നും ശേഷം സ്വർഗ്ഗ​ത്തിൽ തങ്ങളുടെ മണവാ​ള​നോ​ടു ചേരുന്നു. അവർ വെളി​പ്പാ​ടു 21:1-4-ൽ “സ്വർഗ്ഗ​ത്തിൽനി​ന്നു, ദൈവ​സ​ന്നി​ധി​യിൽനി​ന്നു തന്നേ ഇറങ്ങുന്ന”തായി, അതായത്‌ ഇവിടെ ഭൂമി​യി​ലെ മനുഷ്യ​വർഗ്ഗ​ത്തിന്‌ അനു​ഗ്ര​ഹങ്ങൾ ചൊരി​യു​ന്ന​തിന്‌, അവനാൽ ഉപയോ​ഗി​ക്ക​പ്പെ​ടു​ന്ന​താ​യി ചിത്രീ​ക​രി​ക്ക​പ്പെ​ട്ടി​രി​ക്കു​ന്നു. ഈ വിധത്തിൽ ഈ പ്രവചനം നിവർത്തി​ക്ക​പ്പെ​ടു​ന്നു: “ഇതാ മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ള​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”

ദൈവ​ത്തി​ന്റെ ആ പുതിയ ആകാശ​ങ്ങ​ളു​ടെ സൃഷ്ടി​യിൽ നമു​ക്കെത്ര നന്ദിയു​ള്ള​വ​രാ​യി​രി​ക്കാൻ കഴിയും! മനുഷ്യ​വർഗ്ഗത്തെ ഇത്ര ദീർഘ​മാ​യി കഷ്ടപ്പെ​ടു​ത്തിയ നശ്വര​മായ, അഴിമതി നിറഞ്ഞ, ഭരണാ​ധി​പ​ത്യ​ങ്ങ​ളിൽനി​ന്നു വ്യത്യ​സ്‌ത​മാ​യി, ദൈവ​ത്തി​ന്റെ ഈ ഭരണപ​ര​മായ ക്രമീ​ക​രണം സ്ഥിരമാ​യി​രി​ക്കും. പുതിയ സൃഷ്ടി​യും അവരുടെ ആത്മീയ സന്തതി​യായ മഹാപു​രു​ഷാ​ര​വും ദൈവ​ത്തി​ന്റെ കൂടു​ത​ലായ വാഗ്‌ദ​ത്ത​ത്തിൽ ആഹ്ലാദി​ക്കു​ന്നു: “ഞാൻ ഉണ്ടാക്കുന്ന പുതിയ ആകാശ​വും പുതിയ ഭൂമി​യും എന്റെ മുമ്പാകെ നിലനി​ല്‌ക്കു​ന്ന​തു​പോ​ലെ നിങ്ങളു​ടെ സന്തതി​യും നിങ്ങളു​ടെ പേരും നിലനിൽക്കും എന്നു യഹോ​വ​യു​ടെ അരുള​പ്പാ​ടു.”—യെശയ്യാ​വു 66:22.

“പുതിയ ഭൂമി”ക്കു തുടക്ക​മി​ടു​ന്നതു പുതിയ സൃഷ്ടി​യി​ലെ ഈ അഭിഷി​ക്ത​രു​ടെ സന്തതി​യി​ലാണ്‌. അതു പുതിയ, ദൈവ​ഭ​യ​മുള്ള, ഭൂമി​യി​ലെ മനുഷ്യ​വർഗ്ഗ​സ​മു​ദാ​യ​മാണ്‌. ഇന്നത്തെ മനുഷ്യ​സ​മു​ദാ​യ​ത്തി​ലെ വിദ്വേ​ഷ​വും കുററ​കൃ​ത്യ​ങ്ങ​ളും അക്രമ​വും അഴിമ​തി​യും ദുർമ്മാർഗ്ഗ​വും തീർച്ച​യാ​യും ഉപകാ​ര​പ്ര​ദ​മായ പുതിയ ആകാശ​ത്തി​ന്റെ മാർഗ്ഗ​നിർദ്ദേ​ശ​പ്ര​കാ​രം പ്രവർത്തി​ക്കുന്ന ഒരു പുതി​യ​ഭൂ​മി​സ​മു​ദാ​യ​ത്തി​ലേ​ക്കുള്ള ഒരു സമ്പൂർണ്ണ​മാ​റ​റ​ത്തി​ന്റെ ആവശ്യ​ത്തിന്‌ അടിവ​ര​യി​ടു​ന്നു. അതാണു യഹോവ ഉദ്ദേശി​ക്കു​ന്നത്‌. അവൻ പുതിയ ആകാശങ്ങൾ സൃഷ്ടി​ച്ചി​രി​ക്കു​ന്ന​തു​പോ​ലെ, അവൻ സമാധാ​ന​പൂർണ്ണ​മായ ഒരു പുതി​യ​ലോ​ക​സ​മു​ദാ​യ​ത്തി​ന്റെ കേന്ദ്ര​ബി​ന്ദു​വെ​ന്ന​നി​ല​യിൽ മഹാപു​രു​ഷാ​രത്തെ കൂട്ടി​വ​രു​ത്തി​ക്കൊണ്ട്‌ പുതിയ ഭൂമിയെ സൃഷ്ടി​ക്കു​ക​യാണ്‌. ഈ സമുദാ​യം മാത്രമേ “മഹാക​ഷ്ട​ത്തിൽ” ജീവ​നോ​ടെ സംരക്ഷി​ക്ക​പ്പെ​ടു​ക​യും മുഴു​ഭൂ​മി​യെ​യും നിറയ്‌ക്കു​ന്ന​തി​നു വികസി​ക്കു​ക​യും ചെയ്യു​ക​യു​ള്ളു.—വെളി​പ്പാ​ടു 7:14.

മഹോ​പ​ദ്ര​വ​ത്തെ തുടർന്നു നമുക്ക്‌ എന്തു പ്രതീ​ക്ഷി​ക്കാൻ കഴിയും? പുതിയ ഭൂമിയെ ഭരിക്കാ​നി​രി​ക്കുന്ന പുതിയ ആകാശ​ങ്ങ​ളാ​യി​ത്തീ​രു​ന്ന​വ​രി​ലെ ആദ്യത്ത​വ​രായ തന്റെ അപ്പൊ​സ്‌ത​ലൻമാ​രോ​ടു സംസാ​രി​ച്ചു​കൊ​ണ്ടു യേശു ഇങ്ങനെ വാഗ്‌ദാ​നം​ചെ​യ്‌തു: “എന്നെ അനുഗ​മി​ച്ചി​രി​ക്കുന്ന നിങ്ങൾ പുനർജ്ജ​ന​ന​ത്തിൽ [പുനർസൃഷ്ടിയിൽ, NW] മനുഷ്യ​പു​ത്രൻ തന്റെ മഹത്വ​ത്തി​ന്റെ സിംഹാ​സ​ന​ത്തിൽ ഇരിക്കു​മ്പോൾ നിങ്ങളും പന്ത്രണ്ടു സിംഹാ​സ​ന​ങ്ങ​ളിൽ” ഇരിക്കും. (മത്തായി 19:28) ഈ പുതിയ യെരൂ​ശ​ലേ​മി​ലെ 1,44,000 പേരും മനുഷ്യ​വർഗ്ഗത്തെ ന്യായം വിധി​ക്കു​ന്ന​തിൽ യേശു​വി​നോ​ടു​കൂ​ടെ പങ്കു​ചേ​രും. അന്നു മനുഷ്യ​സ​മു​ദാ​യം പണിയ​പ്പെ​ട്ടി​രി​ക്കുന്ന അടിസ്ഥാ​ന​മെന്ന നിലയിൽ സ്‌നേഹം സ്വാർത്ഥ​തയെ പുറന്ത​ള്ളും. ഗോ​ത്ര​പ​ര​വും വർഗ്ഗീ​യ​വും ദേശീ​യ​വു​മായ പ്രശ്‌നങ്ങൾ ഉൻമൂ​ലനം ചെയ്യ​പ്പെ​ടും. പുനരു​ത്ഥാ​നം ക്രമാ​നു​ഗ​ത​മാ​യി പ്രിയ​പ്പെ​ട്ട​വരെ തിരികെ കൊണ്ടു​വ​രും. കോടി​ക്ക​ണ​ക്കി​നുള്ള വിശ്വ​സ്‌ത​മ​നു​ഷ്യ​വർഗ്ഗം ഒരു പറുദീ​സ​യാ​യി രൂപാ​ന്തരം പ്രാപി​ക്കുന്ന ഭൂമി​യി​ലെ നിത്യ​ജീ​വ​നി​ലേക്ക്‌ ഉദ്ധരി​ക്ക​പ്പെ​ടുന്ന ഒരു ഏകീകൃ​ത​മായ വലിയ കുടും​ബ​മാ​യി​ത്തീ​രും.

ഇത്‌ ഒരു സാങ്കല്‌പി​ക​ലോ​ക​മോ ഭൂലോ​ക​സ്വർഗ്ഗ​മോ അല്ല. അത്‌ ഒരു സ്ഥിരമായ സൃഷ്ടി​യാ​യി​രി​ക്കും—“നാം അവന്റെ വാഗ്‌ദ​ത്ത​പ്ര​കാ​രം കാത്തി​രി​ക്കുന്ന പുതിയ ആകാശ​ങ്ങ​ളും ഒരു പുതിയ ഭൂമിയു”മായി​രി​ക്കും, “അവയിൽ നീതി​വ​സി​ക്കേ​ണ്ട​താണ്‌.” (2 പത്രൊസ്‌ 2:13, NW) തീർച്ച​യാ​യും, അത്‌ അത്യത്ഭു​ത​ക​ര​മായ ഒരു പദ്ധതി​യാണ്‌, “ഇതാ ഞാൻ സകലവും പുതു​താ​ക്കു​ന്നു” എന്നു പറഞ്ഞവ​നാ​ലുള്ള ഒരു മഹനീയ വാഗ്‌ദ​ത്തം​തന്നെ. “ഈ വചനം വിശ്വാ​സ​യോ​ഗ്യ​വും സത്യവും ആകുന്നു” എന്ന വിശ്വാ​സ​പ്ര​ചോ​ദ​ക​മായ പ്രസ്‌താ​വന കൂട്ടി​ച്ചേർത്തവൻ അവനാണ്‌.—വെളി​പ്പാ​ടു 21:5.