‘നിങ്ങൾ ദൈവ​ത്തി​ന്റെ നാമ​ത്തോ​ടു കാണിച്ച സ്‌നേഹം’ അവൻ മറക്കു​ന്നി​ല്ല

“ദൈവം നിങ്ങളു​ടെ വേലയും വിശു​ദ്ധൻമാ​രെ ശുശ്രൂ​ഷി​ച്ചി​രി​ക്കു​ന്ന​തി​ലും ശുശ്രൂ​ഷി​ക്കു​ന്ന​തിൽ തുടരു​ന്ന​തി​ലും നിങ്ങൾ അവന്റെ നാമ​ത്തോ​ടു കാണിച്ച സ്‌നേ​ഹ​വും മറക്കു​ന്നില്ല.” (എബ്രായർ 6:10, NW) അപ്പോ​സ്‌ത​ല​നായ പൗലോ​സി​ന്റെ ഈ വാക്കുകൾ കിഴക്കൻ യൂറോ​പ്പി​ലെ യഹോ​വ​യു​ടെ സാക്ഷി​ക​ളു​ടെ കാര്യ​ത്തിൽ സത്യമാണ്‌. ദൈവ​നാ​മ​ത്തി​ന്റെ താത്‌പ​ര്യ​ങ്ങൾക്ക്‌ വിശ്വ​സ്‌ത​മാ​യി സേവി​ച്ചു​കൊണ്ട്‌, അവർ മുൻ സോവ്യ​റ​റ്‌നി​യ​ന്ത്രിത ഗവൺമെൻറു​കൾ ചുമത്തി​യി​രുന്ന നിയ​ന്ത്ര​ണ​ങ്ങ​ളിൻകീ​ഴിൽ ദശാബ്ദ​ങ്ങ​ളിൽ കഠിനാ​ദ്ധ്വാ​നം ചെയ്‌തി​രി​ക്കു​ന്നു. യഹോവ അവരുടെ നല്ല പ്രവൃ​ത്തി​കൾ ഓർക്കു​ക​യും അവരു​ടെ​മേൽ രാജ്യാ​നു​ഗ്ര​ഹങ്ങൾ വർഷി​ക്കു​ക​യും ചെയ്യുന്നു. ദൃഷ്ടാ​ന്ത​ത്തിന്‌, ആ പ്രദേ​ശ​ങ്ങ​ളിൽ കേവലം മൂന്നെ​ണ്ണ​ത്തിൽനി​ന്നുള്ള കഴിഞ്ഞ സേവന​വർഷ​ത്തി​ലെ റിപ്പോർട്ടു നമു​ക്കൊ​ന്നു പരി​ശോ​ധി​ക്കാം.

മുൻ സോവ്യ​ററ്‌ യൂണി​യന്റെ പ്രദേ​ശ​ങ്ങൾ

ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂ​റ​റി​ര​ണ്ടി​ലെ സേവന​വർഷ​ത്തിൽ രാജ്യ​പ്ര​സാ​ധ​ക​രു​ടെ അത്യുച്ച സംഖ്യ 49,171-ൽനിന്ന്‌ 66,211 ആയി 35 ശതമാനം വർദ്ധി​ച്ചു​വെന്നു മുൻ സോവ്യ​റ​റ്‌യൂ​ണി​യ​നി​ലെ പ്രദേ​ശങ്ങൾ റിപ്പോർട്ടു​ചെ​യ്യു​ന്നു! എന്നാൽ അതുമാ​ത്രമല്ല, മാസി​കകൾ ഉൾപ്പെ​ടെ​യുള്ള ബൈബിൾസാ​ഹി​ത്യ​സ​മർപ്പ​ണ​ങ്ങ​ളി​ലെ നല്ല വർദ്ധന​വു​ക​ളിൽനി​ന്നു കാണാൻ കഴിയു​ന്ന​തു​പോ​ലെ, ആ പ്രസാ​ധകർ പിന്നീടു വളരെ പ്രവർത്ത​ന​നി​ര​ത​രാ​യി​രി​ക്കു​ന്നു. അവർ ലഘുപ​ത്രി​ക​ക​ളും ചെറു​പു​സ്‌ത​ക​ങ്ങ​ളും​കൂ​ടെ നന്നായി ഉപയോ​ഗി​ച്ചി​രി​ക്കു​ന്നു, 16,54,559 എണ്ണം സമർപ്പി​ച്ചു​കൊ​ണ്ടു​തന്നെ. അതു കഴിഞ്ഞ വർഷത്തെ സംഖ്യ​യായ 4,77,235-ന്റെ ഇരട്ടി​യി​ല​ധി​ക​മാണ്‌! ഈ സമർപ്പ​ണ​ങ്ങ​ളോ​ടെ​ല്ലാ​മുള്ള പ്രതി​ക​രണം എന്തായി​രു​ന്നി​ട്ടുണ്ട്‌? ഭവന​ബൈ​ബി​ള​ദ്ധ്യ​യ​ന​ങ്ങ​ളു​ടെ എണ്ണം ഇരട്ടി​യാ​യി. ഇപ്പോൾ 38,484 ബൈബി​ള​ദ്ധ്യ​യ​നങ്ങൾ നടത്തു​ന്നുണ്ട്‌.

കൂടാതെ സഹായ പയനി​യർസേ​വ​ന​ത്തി​ലെ പങ്കുപ​ററൽ 94 ശതമാനം ഉയർന്നു. കഴിഞ്ഞ വർഷം സ്‌നാ​പ​ന​മേ​റ​റ​വ​രു​ടെ സംഖ്യ​യായ 6,570-നോടു താരത​മ്യ​പ്പെ​ടു​ത്തു​മ്പോൾ, ഇതു പുതു​താ​യി സ്‌നാ​പ​ന​മേററ ശിഷ്യ​രു​ടെ മുന്തിയ മൊത്ത​സം​ഖ്യ​യായ 26,986-നു സംഭാ​വ​ന​ചെ​യ്‌തു​വെന്നു സ്‌പഷ്ട​മാണ്‌, വർദ്ധനവ്‌ വിസ്‌മ​യാ​വ​ഹ​മായ 311 ശതമാ​ന​മാണ്‌!

പുതു​താ​യി സ്‌നാ​പ​ന​മേ​റ​റ​വ​രിൽ ചിലർ എങ്ങനെ​യാണ്‌ ആദ്യമാ​യി സുവാർത്ത​യിൽ തത്‌പ​ര​രാ​യത്‌? ചിലസ​മ​യ​ങ്ങ​ളിൽ അദ്ധ്യയനം നടത്തുന്ന സാക്ഷി​യു​ടെ അഗാധ​മായ താത്‌പ​ര്യം ഒരു ഘടകമാ​യി​രു​ന്നു. മോൾഡോ​വ​യിൽനി​ന്നുള്ള ഒരു അദ്ധ്യക്ഷ​മേൽവി​ചാ​രകൻ ഇങ്ങനെ പ്രസ്‌താ​വി​ക്കു​ന്നു:

“എന്റെ ഭാര്യ​യും ഞാനും മുമ്പു ബൈബിൾസ​ത്യ​ത്തിൽ താത്‌പ​ര്യം പ്രകട​മാ​ക്കിയ ഒരു സ്‌ത്രീ​യെ സന്ദർശി​ച്ചു. അവരു​മാ​യി ഒരു ബൈബി​ള​ദ്ധ്യ​യനം തുടങ്ങി. എന്നിരു​ന്നാ​ലും, അവരുടെ ഭർത്താവ്‌ അശേഷം താത്‌പ​ര്യം കാണി​ച്ചില്ല. ഒരു ദിവസം അദ്ധ്യയനം തുടർന്നു നടത്തു​ന്ന​തി​നു അവരെ സന്ദർശി​ക്കാൻ ഞങ്ങൾ പോകു​മ്പോൾ കാലാവസ്ഥ അതിശീ​ത​വും മഞ്ഞുനി​റ​ഞ്ഞ​തു​മാ​യി​രു​ന്നു. തെരു​വു​ക​ളിൽ ആരും​തന്നെ ഇല്ലായി​രു​ന്നു, എന്നാൽ ഞങ്ങൾ നിശ്ചി​ത​സ​മ​യ​ത്തു​തന്നെ അവരുടെ വീട്ടി​ലെത്തി. അവർ ഭർത്താ​വി​നോ​ടു പറഞ്ഞു: ‘ഈ ആളുകൾ നമ്മളെ​ക്കു​റി​ച്ചു എത്രമാ​ത്രം കരുതു​ന്നു​വെന്ന്‌ അങ്ങു മനസ്സി​ലാ​ക്കു​ന്നു​ണ്ടോ? മഞ്ഞുണ്ടാ​യി​രു​ന്നി​ട്ടും അവർ സമയനിഷ്‌ഠ പാലി​ക്കു​ന്നു.’ ഈ സംഭവം അവരുടെ ഭർത്താ​വി​നെ ചിന്തി​പ്പി​ച്ചു. അദ്ദേഹം തീരു​മാ​നം മാററു​ക​യും അദ്ധ്യയ​ന​ത്തിൽ ചേരു​ക​യും ചെയ്‌തു. ഇപ്പോൾ അയാളും ഭാര്യ​യും സ്‌നാ​പ​ന​മേററ സാക്ഷി​ക​ളാണ്‌.”

മററു സമയങ്ങ​ളിൽ സാക്ഷി​യു​ടെ മര്യാദ സുവാർത്ത​യിൽ താത്‌പ​ര്യം ഉത്തേജി​പ്പി​ച്ചേ​ക്കാം. മോൾഡോ​വ​യിൽനി​ന്നു​ത​ന്നെ​യുള്ള ഒരു മൂപ്പന്‌ ഈ അനുഭവം ഉണ്ടായി:

“എന്റെ പ്രസം​ഗ​പ്ര​ദേ​ശത്തു ഞാൻ സന്ദർശിച്ച ഒരു മനുഷ്യൻ യഹോ​വ​യു​ടെ സാക്ഷി​ക​ളിൽ തത്‌പ​ര​നാ​യി​രു​ന്നില്ല. താൻ തന്റെ പിതാ​വി​നെ​യും പിതാ​മ​ഹ​നെ​യും പോലെ ഓർത്ത​ഡോ​ക്‌സു​കാ​ര​നാ​ണെന്ന്‌ അദ്ദേഹം പറഞ്ഞു. അതു​കൊണ്ട്‌ സ്ഥലംവി​ടാൻ അദ്ദേഹം എന്നോട്‌ ആവശ്യ​പ്പെട്ടു. ഏതായാ​ലും, പോരു​ന്ന​തി​നു​മുമ്പ്‌ എന്റെ സന്ദർശ​ന​ത്തി​ന്റെ കാരണ​മെ​ന്താ​ണെന്ന്‌ അദ്ദേഹ​ത്തോ​ടു പറയാ​നുള്ള അവസരം അദ്ദേഹം എനിക്കു നൽകി. ഞാൻ മത്തായി 28:19-ലേക്കു വിരൽചൂ​ണ്ടി, അതിങ്ങനെ പ്രസ്‌താ​വി​ക്കു​ന്നു: ‘പോയി പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചു സകലജാ​തി​ക​ളെ​യും ശിഷ്യ​രാ​ക്കുക.’ പിന്നീടു ഞാൻ അദ്ദേഹ​ത്തി​നു ഞങ്ങളുടെ യോഗ​സ്ഥ​ല​ത്തി​ന്റെ മേൽവി​ലാ​സം കൊടു​ത്തി​ട്ടു പോയി. ഒരാഴ്‌ച കഴിഞ്ഞ്‌ ഈ മനുഷ്യൻ ഞങ്ങളുടെ യോഗ​ത്തി​നു വന്നപ്പോൾ ഞാൻ അതിശ​യി​ച്ചു​പോ​യി! പരിപാ​ടി തീരു​ന്ന​തു​വരെ അദ്ദേഹം ഇരുന്നു. എന്നോടു തീരെ അപമര്യാ​ദ​യാ​യി പെരു​മാ​റി​യ​തു​കൊണ്ട്‌ വാരം മുഴുവൻ തനിക്ക്‌ പശ്ചാത്താ​പം​തോ​ന്നി​യി​രു​ന്നെന്ന്‌ അദ്ദേഹം വിശദീ​ക​രി​ച്ചു. ഉടൻതന്നെ ഒരു ബൈബി​ള​ദ്ധ്യ​യനം തുടങ്ങി. ഇപ്പോൾ അദ്ദേഹം നമ്മുടെ സഹോ​ദ​രൻമാ​രി​ലൊ​രാ​ളാണ്‌.”

സേവന​വർഷ​ത്തി​ലെ മറെറാ​രു പ്രമു​ഖ​വശം ആ പ്രദേ​ശത്തെ നമ്മുടെ സഹോ​ദ​രൻമാ​രു​ടെ ആവശ്യ​ങ്ങ​ളോ​ടുള്ള അത്യധി​ക​മായ പ്രതി​ക​ര​ണ​മാണ്‌. ഞെരു​ക്ക​മു​ള്ള​വർക്കു​വേണ്ടി 1991⁄92-ലെ വർഷകാ​ലത്ത്‌ ഏതാണ്ടു 400 ടൺ ഭക്ഷ്യപ​ദാർത്ഥ​ങ്ങ​ളും പുരു​ഷൻമാർക്കും സ്‌ത്രീ​കൾക്കും കുട്ടി​കൾക്കും വേണ്ടി വളരെ​യ​ധി​കം വസ്‌ത്ര​ങ്ങ​ളും അയക്ക​പ്പെട്ടു. ഈ വസ്‌തു​ക്കൾ മുൻ സോവ്യ​റ​റ്‌യൂ​ണി​യന്റെ പ്രദേ​ശ​ത്തി​ന്റെ മിക്കവാ​റും എല്ലാ ഭാഗങ്ങ​ളി​ലും, ജപ്പാന്റെ അടുത്തുള്ള സൈബീ​രി​യാ​യി​ലെ ഇർക്കു​ട്ട്‌സ്‌ക്കും ഖാബ​റോ​സ്‌ക്കും വരെ​പോ​ലും, വിതര​ണം​ചെ​യ്യ​പ്പെട്ടു. വാസ്‌ത​വ​ത്തിൽ, നമ്മുടെ സഹോ​ദ​രൻമാർ തന്റെ നാമ​ത്തോ​ടു കാണിച്ച സ്‌നേ​ഹത്തെ യഹോവ മറന്നി​ട്ടി​ല്ലെ​ന്നു​ള്ള​തി​ന്റെ ഒരു ശ്രദ്ധാർഹ​മായ സൂചന​തന്നെ! യഹോ​വ​യു​ടെ ആത്മാവി​നാൽ ഉത്തേജി​ക്ക​പ്പെ​ടുന്ന സഹോ​ദ​ര​സ്‌നേ​ഹ​ത്തി​ന്റെ ഈ സൂചനക്ക്‌ അവരെ തങ്ങളുടെ ലോക​വ്യാ​പ​ക​കു​ടും​ബ​ത്തോ​ടു ഏകീഭ​വി​പ്പി​ക്കുന്ന ഫലവു​മു​ണ്ടാ​യി​രു​ന്നു. ദൃഷ്ടാ​ന്ത​ത്തിന്‌, ഉക്രേ​യ്‌നി​ലെ ഒരു സഹോ​ദരി ബ്രാഞ്ചാ​ഫീ​സി​ലേക്ക്‌ ഇങ്ങനെ എഴുതി:

“നിങ്ങൾ ഞങ്ങൾക്കു നൽകിയ സഹായം ഞങ്ങളുടെ ഹൃദയത്തെ അഗാധ​മാ​യി സ്‌പർശി​ച്ചു. ഞങ്ങൾ വികാ​രാ​ധീ​ന​രാ​യി കണ്ണീർ പൊഴി​ക്കു​ക​യും ഞങ്ങളെ മറക്കാ​തി​രു​ന്ന​തി​നു യഹോ​വ​യാം ദൈവ​ത്തി​നു നന്ദി കൊടു​ക്കു​ക​യും​ചെ​യ്‌തു. ഇപ്പോൾത്തന്നെ ഞങ്ങൾക്കു ഭൗതി​ക​മായ പ്രയാ​സ​ങ്ങ​ളു​ണ്ടെ​ന്നു​ള്ളതു സത്യം​തന്നെ, എന്നാൽ പാശ്ചാ​ത്യ​നാ​ടു​ക​ളി​ലെ നമ്മുടെ സഹോ​ദ​രൻമാ​രിൽനി​ന്നു വന്നെത്തിയ സഹായ​ത്താൽ ഞങ്ങൾക്കു ഭൗതി​ക​മാ​യി കരകയ​റാൻ സാധിച്ചു. ഇപ്പോൾ, നിങ്ങളു​ടെ സഹായ​ത്താൽ, ഞങ്ങളുടെ കുടും​ബ​ത്തിന്‌ യഹോ​വ​യു​ടെ സേവന​ത്തിൽ കൂടുതൽ സമയം വിനി​യോ​ഗി​ക്കാൻ കഴിയും. യഹോ​വ​ക്കി​ഷ്ട​മെ​ങ്കിൽ, എന്റെ മകളും ഞാനും വേനൽമാ​സ​ങ്ങ​ളിൽ സഹായ​പ​യ​നി​യ​റിംഗ്‌ നടത്തും.”

അതിനു​പു​റ​മേ, സാക്ഷികൾ തങ്ങളുടെ പ്രവർത്ത​ന​ങ്ങ​ളാൽ സ്‌നേഹം പ്രകടി​പ്പി​ക്കു​ന്നു​വെന്നു കാണി​കൾക്കു മനസ്സി​ലാ​ക്കാൻ കഴിഞ്ഞ​തി​നാൽ ദുരി​താ​ശ്വാ​സ​ശ്ര​മങ്ങൾ പുറത്തു​ള്ള​വർക്കു ഒരു സാക്ഷ്യ​മാ​യി. മറെറാ​രു സഭയിൽനി​ന്നുള്ള ഒരു കുടും​ബം ഇങ്ങനെ എഴുതി: “ഭക്ഷണവും വസ്‌ത്ര​വു​മ​ട​ങ്ങിയ ഭൗതി​ക​സ​ഹാ​യം ഞങ്ങൾക്കു കിട്ടി. അതു വളരെ​യ​ധി​ക​മു​ണ്ടാ​യി​രു​ന്നു! നിങ്ങളു​ടെ പിന്തു​ണ​യും പ്രോൽസാ​ഹ​ന​വും ഞങ്ങളും മററു​ള്ള​വർക്കു നൻമ ചെയ്യണ​മെ​ന്നുള്ള ഒരു പാഠമാണ്‌. ഈ സ്‌നേ​ഹ​പ്ര​വൃ​ത്തി അവിശ്വാ​സി​ക​ളും അതു​പോ​ലെ​തന്നെ താത്‌പ​ര്യ​ക്കാ​രും അവരുടെ കുടും​ബ​ങ്ങ​ളും ശ്രദ്ധി​ക്കാ​തി​രു​ന്നില്ല; അത്‌ യഥാർത്ഥ സാഹോ​ദ​ര്യം സംബന്ധിച്ച ഒരു വമ്പിച്ച സാക്ഷ്യ​മാ​യി​രി​ക്കു​ന്നു.”

“പ്രകാ​ശ​വാ​ഹകർ” എന്ന വിഷയത്തെ അടിസ്ഥാ​ന​പ്പെ​ടു​ത്തി ഈ കഴിഞ്ഞ ജൂണി​ലും ജൂ​ലൈ​യി​ലും നടത്തിയ അഞ്ചു ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളും ഒരു സാർവ​ദേ​ശീയ കൺ​വെൻ​ഷ​നും തന്റെ സാക്ഷി​ക​ളു​ടെ കഠിന​വേ​ല​യു​ടെ​മേ​ലും തന്റെ നാമത്തെ പ്രസി​ദ്ധ​മാ​ക്കു​ന്ന​തി​നു അവർ കാണി​ച്ചി​രി​ക്കുന്ന സ്‌നേ​ഹ​ത്തിൻമേ​ലു​മുള്ള യഹോ​വ​യു​ടെ അനു​ഗ്ര​ഹ​ത്തി​ന്റെ മറെറാ​രു തെളി​വാണ്‌. കൺ​വെൻ​ഷ​നു​കൾക്ക്‌ 91,673പേർ ഹാജരാ​യി. 8,562 പേർ സ്‌നാ​പ​ന​മേ​ററു. ഏററവും വലിയ ഹാജർ സാർവ​ദേ​ശീ​യ​കൺ​വെൻ​ഷൻ നടന്ന സെൻറ്‌ പീറേ​റ​ഴ്‌സ്‌ബർഗ്ഗി​ലാ​യി​രു​ന്നു. അവിടെ ലോക​ത്തി​നു​ചു​റ​റു​മുള്ള ഏതാണ്ടു 30 രാജ്യ​ങ്ങ​ളിൽനി​ന്നുള്ള പ്രതി​നി​ധി​കൾ ഉൾപ്പെടെ 46,214 പേർ കിറോവ്‌ സ്‌റേ​റ​ഡി​യ​ത്തിൽ കൂടി​വന്നു.

സൈബീ​രി​യ​യിൽ ഏകദേശം 60 വയസ്സുള്ള ഒരു മനുഷ്യൻ ഒന്നു കാണാൻവേ​ണ്ടി​മാ​ത്രം ഇർക്കു​ട്ട്‌സ്‌ക്കി​ലെ കൺ​വെൻ​ഷൻസ്ഥ​ല​ത്തേക്കു വന്നു. അദ്ദേഹം ഇങ്ങനെ പറഞ്ഞു: “ഹാജരാ​യി​രുന്ന എല്ലാവ​രും പുഞ്ചി​രി​തൂ​കുന്ന മുഖങ്ങ​ളോ​ടെ, നന്നായി വസ്‌ത്ര​ധാ​രണം നടത്തി​യി​രി​ക്കു​ന്നു, അന്യോ​ന്യം ദയയു​ള്ള​വ​രു​മാണ്‌. ഈ ആളുകൾ ഒരു ഏകീകൃത കുടും​ബം പോ​ലെ​യാണ്‌. അവർ സ്‌റേ​റ​ഡി​യ​ത്തിൽ മാത്രമല്ല, ജീവി​ത​ത്തി​ലും സുഹൃ​ത്തു​ക്ക​ളാ​ണെന്ന്‌ ഒരുവന്‌ അനുഭ​വി​ച്ച​റി​യാൻ കഴിയും. എനിക്കു വിശി​ഷ്ട​മായ ബൈബിൾസാ​ഹി​ത്യം ലഭിച്ചു, ഇത്‌ ഏതുതരം സ്ഥാപന​മാ​ണെന്നു വളരെ മെച്ചമാ​യി മനസ്സി​ലാ​കു​ക​യും ചെയ്‌തു. ഞാൻ യഹോ​വ​യു​ടെ സാക്ഷി​ക​ളു​മാ​യി സമ്പർക്കം​പു​ലർത്താ​നും അവരോ​ടു​കൂ​ടെ ബൈബിൾ പഠിക്കാ​നും ആഗ്രഹി​ക്കു​ന്നു.”

അയ്യായി​ര​ത്തി​അ​മ്പ​ത്തൊ​ന്നു​പേർ ഹാജരായ ഇർക്കു​റ​റ്‌സ്‌ക്കി​ലെ അതേ കൺ​വെൻ​ഷ​നിൽവെച്ചു സൈബീ​രി​യ​യി​ലെ യാക്കറ​റ്റി​പ്പ​ബ്ലി​ക്കിൽനി​ന്നുള്ള ഒരു താത്‌പ​ര്യ​ക്കാ​രി ഇങ്ങനെ അഭി​പ്രാ​യ​പ്പെട്ടു: “ഞാൻ ആളുകളെ നോക്കു​ന്നു, ഞാൻ സന്തോ​ഷം​കൊ​ണ്ടു കരയാ​നാ​ഗ്ര​ഹി​ക്കു​ന്നു. ഇങ്ങനെ​യുള്ള ആളുക​ളെ​ക്കു​റിച്ച്‌ അറിയാൻ എന്നെ സഹായി​ച്ച​തിന്‌ എനിക്കു യഹോ​വ​യോ​ടു വളരെ നന്ദിയുണ്ട്‌. ഇവിടെ കൺ​വെൻ​ഷ​നിൽവെച്ചു എനിക്കു സാഹി​ത്യം കിട്ടി, അതി​നെ​ക്കു​റി​ച്ചു മററു​ള്ള​വ​രു​മാ​യി സംസാ​രി​ക്കാൻ ഞാൻ ആഗ്രഹി​ക്കു​ന്നു. ഞാൻ യഹോ​വ​യു​ടെ ഒരു ആരാധ​ക​യാ​യി​രി​ക്കാൻ വളരെ​യ​ധി​കം ആഗ്രഹി​ക്കു​ന്നു.”

ആറായി​ര​ത്തി​അ​റു​നൂ​റ​റഞ്ചു പേർ ഹാജരായ കൺ​വെൻ​ഷൻ നടന്ന കസാക്ക്‌സ്ഥാ​നി​ലെ ആൽമാ ആററാ​യി​ലെ സെൻട്രൽ സ്‌റേ​റ​ഡി​യ​ത്തി​ന്റെ ഡയറക്ടർ പിൻവ​രു​ന്നതു പറഞ്ഞു: “ഞാൻ നിങ്ങളു​ടെ മനോ​ഭാ​വ​ത്തിൽ പുളകം​കൊ​ള്ളു​ന്നു. നിങ്ങ​ളെ​ല്ലാം, ചെറു​പ്പ​ക്കാ​രും പ്രായ​മു​ള്ള​വ​രും, ബഹുമാ​ന്യ​രായ ആളുക​ളാ​ണെന്ന്‌ എനിക്കു ബോധ്യ​പ്പെട്ടു. ഞാൻ ദൈവ​ത്തിൽ വിശ്വ​സി​ക്കു​ന്നു​വെന്ന്‌ എനിക്ക്‌ പറയാൻ കഴിയില്ല, എന്നാൽ നിങ്ങളു​ടെ സാഹോ​ദ​ര്യം വഹിക്കുന്ന പവി​ത്ര​കാ​ര്യ​ങ്ങ​ളി​ലും ആത്മീയ​മൂ​ല്യ​ങ്ങ​ളോ​ടും ഭൗതി​ക​മൂ​ല്യ​ങ്ങ​ളോ​ടു​മുള്ള നിങ്ങളു​ടെ മനോ​ഭാ​വ​ത്തി​ലും ഞാൻ വിശ്വ​സി​ക്കു​ക​തന്നെ ചെയ്യുന്നു.”

ആൽമാ ആററാ കൺ​വെൻ​ഷ​നി​ലെ ഒരു പൊലീസ്‌ ഉദ്യോ​ഗസ്ഥൻ ഇങ്ങനെ പ്രസ്‌താ​വി​ച്ചു: “ഞാൻ രണ്ടു പ്രാവ​ശ്യം നിങ്ങളു​ടെ ആളുക​ളു​മാ​യി സമ്പർക്ക​ത്തിൽ വന്നിട്ടുണ്ട്‌, ഓരോ പ്രാവ​ശ്യ​വും ഒരു കൺ​വെൻ​ഷ​നിൽവെ​ച്ചു​തന്നെ. യഹോ​വ​യു​ടെ സാക്ഷി​ക​ളോ​ടു​കൂ​ടെ ജോലി ചെയ്യു​ന്നത്‌ അത്യന്തം ഉല്ലാസ​ക​ര​മാണ്‌.”

റുമേ​നി​യ

റുമേ​നി​യ​യി​ലെ സഹോ​ദ​രൻമാർ തന്റെ നാമ​ത്തോ​ടു കാണിച്ച സ്‌നേ​ഹ​വും യഹോവ മറന്നി​ട്ടില്ല. ഈ കഴിഞ്ഞ സേവന​വർഷ​ത്തിൽ യഹോ​വ​യു​ടെ സാക്ഷി​കൾക്ക്‌ സന്തോ​ഷ​ക​ര​മായ അനേകം സംഭവ​ങ്ങ​ളു​ണ്ടാ​യി. ഒന്നാമ​താ​യി, ഒരിക്കൽകൂ​ടെ ബുക്കാ​റ​സ്‌റ​റിൽ ഒരു ബ്രാഞ്ചാ​ഫീസ്‌ സ്ഥാപി​ക്ക​പ്പെട്ടു. അവസാ​നത്തെ നിയമ​പ​ര​മായ പ്രവർത്തനം 1949-ൽ നിലച്ചു. പുതിയ ഓഫീ​സിൽ ഏതാണ്ട്‌ 20 സഹോ​ദ​രൻമാ​രും സഹോ​ദ​രി​മാ​രും ജോലി​ചെ​യ്യു​ന്നുണ്ട്‌. ബ്രാഞ്ചാ​ഫീസ്‌ 24,752 പ്രസാ​ധ​കർക്കു സേവന​മ​നു​ഷ്‌ഠി​ക്കു​ന്നു—ഇത്‌ ഏപ്രി​ലിൽ എത്തി​ച്ചേർന്ന സർവ്വകാല അത്യു​ച്ച​മാ​യി​രു​ന്നു, കഴിഞ്ഞ വർഷത്തെ ശരാശ​രി​യെ അപേക്ഷിച്ച്‌ 21 ശതമാനം വർദ്ധന​വു​മാണ്‌.

വർഷങ്ങ​ളോ​ളം രഹസ്യ​മാ​യി പ്രസം​ഗി​ച്ച​ശേഷം, പ്രസാ​ധകർ വീടു​തോ​റു​മുള്ള പരസ്യ​സാ​ക്ഷീ​കരണ വേല​യോ​ടു മെച്ചമാ​യി പൊരു​ത്ത​പ്പെ​ടു​ക​യാണ്‌. മുരസ്‌ കൗണ്ടി​യിൽനി​ന്നുള്ള ഒരു അനുഭവം ചില സാക്ഷികൾ മററു​ള്ള​വ​രോ​ടു പ്രസം​ഗി​ക്കു​ന്ന​തി​നുള്ള ഏതവസ​ര​ത്തെ​യും, യാത്ര​ചെ​യ്യുന്ന സമയം​പോ​ലും, നന്നായി എങ്ങനെ വിനി​യോ​ഗി​ക്കു​ന്നു​വെന്നു പ്രകട​മാ​ക്കു​ന്നു. ബ്രാഞ്ചാ​ഫീസ്‌ ഇങ്ങനെ എഴുതു​ന്നു:

“ഒരു പ്രസാ​ധകൻ തീവണ്ടി​യിൽ കമ്പാർട്ടു​മെൻറു​കൾതോ​റും പ്രസം​ഗി​ക്കാൻ തീരു​മാ​നി​ച്ചു. ആളുക​ളു​ടെ പ്രതി​ക​രണം പൊതു​വേ അനുകൂ​ല​മാ​യി​രു​ന്നു, എന്നാൽ അവസാ​നത്തെ കമ്പാർട്ട്‌മെൻറിൽ കുറെ പ്രയാ​സങ്ങൾ നേരിട്ടു. യാത്ര​ക്കാ​രിൽ ആരും നമ്മുടെ മാസി​ക​ക​ളു​ടെ ഒരു പ്രതി സ്വീക​രി​ക്കാൻ ആഗ്രഹി​ച്ചില്ല. ഒടുവിൽ, വളരെ അസ്വസ്ഥ​നാ​യി​ത്തീർന്ന ഒരു മനുഷ്യൻ എഴു​ന്നേ​ററ്‌ ആക്രോ​ശി​ച്ചു: ‘ഞാൻ നിങ്ങളു​ടെ മാസി​ക​ക​ളെ​ല്ലാം ജനലിനു പുറ​ത്തേക്ക്‌ എറിയാൻ പോക​യാണ്‌! നിങ്ങൾ നിങ്ങളു​ടെ മതവു​മാ​യി ഞങ്ങളെ ഇത്രയ​ധി​കം ശല്യ​പ്പെ​ടു​ത്തു​ന്ന​തെ​ന്തിന്‌?’ അദ്ദേഹം മാസി​ക​ക​ളെ​ല്ലാം എറിഞ്ഞു​ക​ള​ഞ്ഞാ​ലും അയാളു​ടെ പ്രവർത്ത​ന​ത്തിൽനിന്ന്‌ മററാർക്കെ​ങ്കി​ലും—മാസി​കകൾ പെറു​ക്കി​യെ​ടു​ക്കു​ന്ന​വർക്ക്‌—പ്രയോ​ജനം കിട്ടി​യേ​ക്കാ​മെന്നു പ്രസാ​ധകൻ ദയാപൂർവം മറുപടി പറഞ്ഞു. പ്രസാ​ധ​കന്റെ പ്രശാന്തത കണ്ടിട്ട്‌ ആ മനുഷ്യ​നു വളരെ​യ​ധി​കം മതിപ്പു​ണ്ടാ​ക​യാൽ അദ്ദേഹം​തന്നെ മാസി​കകൾ എടുത്തു കമ്പാർട്ട്‌മെൻറി​ലെ മററു യാത്ര​ക്കാർക്കു വിതരണം ചെയ്‌തു​തു​ടങ്ങി. അതിശ​യ​ക​ര​മാ​യി, അവരെ​ല്ലാം ഓരോ മാസിക സ്വീക​രി​ച്ചു. വിതര​ണം​ചെ​യ്‌തു​ക​ഴി​ഞ്ഞ​പ്പോൾ ആ മനുഷ്യന്‌ ഒരു പ്രതി ഇല്ലായി​രു​ന്നു. അതു​കൊ​ണ്ടു പ്രസാ​ധകൻ അയാ​ളോട്‌ ‘സർ, താങ്കൾക്കു പ്രതി​ക​ളൊ​ന്നും വേണ്ടേ?’ എന്നു ചോദി​ച്ചു. അപ്പോൾ ആ മനുഷ്യൻ രണ്ടു പ്രതി​ക​ളു​ണ്ടാ​യി​രുന്ന ഒരു മനുഷ്യ​നിൽനിന്ന്‌ ഒന്നു പിടി​ച്ചു​പ​റി​ക്കു​ക​യും ‘ഇപ്പോൾ എനിക്കും ഒരു പ്രതി കിട്ടി’ എന്നു പറയു​ക​യും ചെയ്‌തു!”

അനേകം രാജ്യ​ങ്ങ​ളിൽ യഹോ​വ​യു​ടെ സാക്ഷി​ക​ളു​ടെ പ്രസം​ഗ​വേല ചില​പ്പോൾ ക്രൈ​സ്‌ത​വ​ലോ​ക​ത്തി​ലെ വൈദി​ക​രു​ടെ എതിർപ്പ്‌ ഇളക്കി​വി​ട്ടി​ട്ടുണ്ട്‌. റുമേ​നി​യ​യിൽ, ഓർത്ത​ഡോ​ക്‌സ്‌ സഭയിലെ പുരോ​ഹി​തൻമാർ മിക്ക​പ്പോ​ഴും സാക്ഷി​ക​ളോ​ടു കോപി​ക്കു​ന്നു. എന്നാൽ തന്റെ നാമ​ത്തോ​ടു തന്റെ ജനം കാണിച്ച സ്‌നേഹം നിമിത്തം അവരെ അനു​ഗ്ര​ഹി​ക്കു​ന്ന​തിൽനിന്ന്‌ യഹോ​വയെ തടയാൻ ഇതിനു കഴിക​യില്ല. ഒരു സർക്കിട്ട്‌ മേൽവി​ചാ​രകൻ ഇങ്ങനെ എഴുതു​ന്നു:

“സ്ഥലത്തെ സഭയോ​ടൊ​ത്തു ഞങ്ങൾ ഉൾപ്ര​ദേ​ശ​ങ്ങ​ളിൽ സേവന​ത്തി​നു പോയി. നൂറു സഹോ​ദ​രൻമാർ ഉണ്ടായി​രു​ന്നു. ഞങ്ങൾ ഒരു ബസ്സ്‌ വാടക​ക്കെ​ടു​ത്തു നാട്ടിൻപു​റത്തെ ഒരു ചെറു​പ​ട്ട​ണ​ത്തി​ലേക്ക്‌ ഏതാണ്ട്‌ 50 കിലോ​മീ​ററർ പോയി. ഞങ്ങൾ ഒരു പരസ്യ​പ്ര​സം​ഗ​ത്തിന്‌ അനേകരെ ക്ഷണിച്ചു. അതു നടത്താ​നി​രു​ന്നതു സാംസ്‌കാ​രി​ക​മ​ന്ദി​ര​ത്തി​ലാ​യി​രു​ന്നു. മീററിംഗ്‌ തുടങ്ങിയ ഉടനെ ഓർത്ത​ഡോ​ക്‌സ്‌ പുരോ​ഹി​തൻ ഞങ്ങളുടെ മീററിംഗ്‌ അലങ്കോ​ല​പ്പെ​ടു​ത്താൻ വന്നു. പൊലീസ്‌ ഉദ്യോ​ഗ​സ്ഥൻമാർ പുരോ​ഹി​തനെ തടയാൻ ശ്രമിച്ചു. എന്നിട്ടും അദ്ദേഹം ശാന്തനാ​കാൻ വിസമ്മ​തി​ച്ചു. അദ്ദേഹം പ്രധാന പ്രവേ​ശ​ന​ക​വാ​ട​ത്തി​ന്റെ കണ്ണാടി​ച്ചില്ല്‌ തല്ലി​പ്പൊ​ട്ടി​ച്ച​പ്പോൾ യോഗം നിർത്തി​ക്കു​ന്ന​തിൽ അദ്ദേഹം വിജയി​ച്ചു. എന്നിരു​ന്നാ​ലും, തദ്ദേശ​വാ​സി​ക​ളി​ല​നേകർ പുരോ​ഹി​തന്റെ നടത്ത​യോ​ടു ഒട്ടും യോജി​ച്ചില്ല. അപ്പോൾ ഹാജരാ​യി​രുന്ന എല്ലാവർക്കും ഒരു പൂർണ്ണ​സാ​ക്ഷ്യം കൊടു​ക്കാൻ കഴിഞ്ഞു. ധാരാളം സാഹി​ത്യ​വും വിതര​ണം​ചെ​യ്‌തു.”

നിർഭാ​ഗ്യ​വ​ശാൽ, രാജ്യ​ത്തി​ന്റെ ചില ഭാഗങ്ങ​ളിൽ, വളരെ കുറച്ചു സാക്ഷി​കളേ ഉള്ളു. ഒരു നിരന്തര പയനിയർ ആദ്യം ഓൾട്ട്‌ കൗണ്ടി​യിൽ എത്തിയ​പ്പോൾ, മുഴു കൗണ്ടി​യി​ലും ഒൻപതു സഹോ​ദ​ര​ങ്ങളെ മാത്രമേ അദ്ദേഹം കണ്ടുള്ളു, പ്രസം​ഗി​ക്കു​ന്ന​തിന്‌ ഒരു വലിയ പ്രദേ​ശ​വു​മു​ണ്ടാ​യി​രു​ന്നു. ഒരു വർഷം കഴിഞ്ഞ​പ്പോൾ, സാക്ഷി​ക​ളു​ടെ എണ്ണം 27 ആയി വർദ്ധിച്ചു, അവരിൽ അഞ്ചുപേർ പുനഃ​ക്രി​യ​രാ​ക്ക​പ്പെട്ട പ്രസാ​ധ​ക​രാ​യി​രു​ന്നു. പയനിയർ കൊ​റോ​ബ്യാ നഗരത്തിൽ പാർപ്പു​റ​പ്പി​ച്ചു, അവിടെ സാക്ഷി​കളേ ഇല്ലായി​രു​ന്നു. സാക്ഷികൾ വെറും 45 ദിവസം അവിടെ ചെലവ​ഴി​ച്ച​ശേഷം, അവിടത്തെ ഇടവക പുരോ​ഹി​തൻ അവരുടെ വേലയെ ക്രയോ​വാ റേഡി​യോ​യി​ലൂ​ടെ വിമർശി​ച്ചു. അവർ അവരുടെ പഠിപ്പി​ക്ക​ലു​കൾകൊ​ണ്ടു കൊ​റോ​ബ്യ​യെ “ആക്രമി​ക്കു​ക​യും” ആളുകളെ മതപരി​വർത്തനം ചെയ്യി​ക്കാൻ ശ്രമി​ക്കു​ക​യും ചെയ്‌ത​താ​യി അദ്ദേഹം പറഞ്ഞു. ആക്രമ​ണങ്ങൾ തുടർന്നു, വേലയെ തടയു​ക​യും ആ പ്രദേ​ശത്തെ സാക്ഷി​ക​ളു​ടെ കീർത്തി​യെ നശിപ്പി​ക്കു​ക​യും ചെയ്യു​ക​യെ​ന്ന​താ​യി​രു​ന്നു ഉദ്ദേശ്യം. സഹോ​ദ​രൻമാർ ഡിസ്‌ട്രിക്ട്‌ കൺ​വെൻ​ഷ​നു​വേണ്ടി ബുക്കാ​റ​സ്‌റ​റി​ലെ​ത്തി​യ​പ്പോൾ എല്ലാം മൂർദ്ധ​ന്യ​ത്തി​ലെത്തി. കൊ​റോ​ബ്യ​യി​ലെ ഇടവക​പു​രോ​ഹി​തൻ തന്റെ പള്ളിശു​ശ്രൂ​ഷ​ക്കു​ശേഷം, ഒരു ശക്തമായ പ്രഖ്യാ​പനം നടത്തി: “സാക്ഷി​കൾക്കെ​തി​രെ നടപടി​യെ​ടു​ക്കാൻ പോലീ​സി​നെ ഇളക്കി​വി​ടു​ന്ന​തിന്‌ നമ്മളെ​ല്ലാം ഒരു തെരു​വു​പ്ര​ക​ടനം സംഘടി​പ്പി​ക്കണം, അവരാ​ണെ​ങ്കിൽ തങ്ങളുടെ പ്രസി​ദ്ധീ​ക​ര​ണ​ങ്ങ​ളു​മാ​യി മുഴു​പ്ര​ദേ​ശ​ത്തെ​യും ആക്രമി​ക്കു​ക​യും ആളുക​ളിൽ വിഷം കുത്തി​വെ​ക്കു​ക​യും ചെയ്‌തി​രി​ക്കു​ക​യാണ്‌.” എന്നാൽ മീററിംഗ്‌ നടത്താൻ ഉദ്ദേശി​ച്ചി​രുന്ന ദിവസ​ത്തി​ന്റെ തലേ രാത്രി അസാധാ​ര​ണ​മായ ചിലതു സംഭവി​ച്ചു. ഒരു കൂട്ടം ആഭാസൻമാർ ഭദ്രാ​സ​ന​പ്പ​ള്ളി​യും സിററി കൾച്ച്വറൽ ഹോമും നശിപ്പി​ച്ചു. അതു​കൊണ്ട്‌ പ്രതി​ഷേധ യോഗം ഒരിക്ക​ലും നടന്നില്ല!

മുൻയൂ​ഗോ​സ്ലാ​വ്യ​യു​ടെ പ്രദേ​ശ​ങ്ങൾ

യൂഗോ​സ്ലാ​വ്യ​പ്ര​ദേ​ശത്തെ സഹോ​ദ​ര​ങ്ങൾക്ക്‌ 1992-ലെ സേവന​വർഷം അത്യന്തം പ്രയാ​സ​ക​ര​മായ ഒരു വർഷമാ​യി​രു​ന്നു. എന്നിരു​ന്നാ​ലും, അതേസ​മ​യം​തന്നെ, അവർക്കു സന്തോ​ഷ​ക​ര​മായ കുറെ അനുഭ​വ​ങ്ങ​ളു​മു​ണ്ടാ​യി​രു​ന്നു. അവരുടെ വേല​യെ​യും അവന്റെ നാമ​ത്തോട്‌ അവർ കാണിച്ച സ്‌നേ​ഹ​ത്തെ​യും യഹോവ മറക്കു​ന്നി​ല്ലാ​ത്ത​തിൽ നന്ദിയുണ്ട്‌.

ആദ്യം സ്ലൊ​വേ​ന്യ​യി​ലും പിന്നീട്‌ ക്രയോ​ഷ്യ​യി​ലും അനന്തരം ബോസ്‌നി​യ​യി​ലും ഹെർസ​ഗോ​വി​ന​യി​ലും യുദ്ധം തുടങ്ങി. ഒരു വർഷത്തി​നു​ള്ളിൽ ഒരു റിപ്പബ്ലി​ക്കിൽനിന്ന്‌ അഞ്ചു പുതിയ സംസ്ഥാ​നങ്ങൾ അവയുടെ സ്വന്തം അതിർത്തി​ക​ളും നിയമ​ങ്ങ​ളും കറൻസി​യും സ്ഥാപി​ക്കാൻ ശ്രമി​ക്കു​ക​യാ​യി​രു​ന്നു. നൂറു​ക​ണ​ക്കി​നു സാക്ഷി​കൾക്കു തങ്ങളുടെ വീടു​വി​ട്ടോ​ടി മററു സ്ഥലങ്ങളി​ലെ തങ്ങളുടെ സഹോ​ദ​ര​ങ്ങ​ളോ​ടൊത്ത്‌ അഭയം​ക​ണ്ടെ​ത്തേ​ണ്ടി​വന്നു. കിഴക്കൻ യൂറോ​പ്പി​ലെ മററു രാജ്യ​ങ്ങ​ളി​ലെ​പ്പോ​ലെ, വലിപ്പ​മേ​റിയ നഗരങ്ങ​ളിൽ അടിയ​ന്തി​രാ​വ​സ്ഥാ​ക​മ്മി​റ​റി​കളെ നിയമി​ച്ചു​കൊണ്ട്‌, ഞെരു​ക്ക​മുള്ള നമ്മുടെ സഹോ​ദ​ര​ങ്ങൾക്കു​വേണ്ടി താമസ​സൗ​ക​ര്യ​ങ്ങൾ, ഭക്ഷണം, വസ്‌ത്രം എന്നിവ കൈകാ​ര്യം​ചെ​യ്‌തു. ആ സേവന​വർഷ​ത്തിൽ അസ്വസ്ഥ​പ്ര​ദേ​ശ​ങ്ങ​ളി​ലെ സഭകളിൽപെട്ട സഹോ​ദ​ര​ങ്ങൾക്ക്‌ ഏതാണ്ട്‌ 55 ടൺ ഭക്ഷ്യപ​ദാർത്ഥങ്ങൾ വിതര​ണം​ചെ​യ്‌തു. വിലമ​തി​പ്പി​ന്റെ അനേകം കത്തുകൾ ലഭിക്കു​ക​യു​ണ്ടാ​യി.

ലഭിച്ച സഹായ​ത്തി​നു തങ്ങൾ എത്ര നന്ദിയു​ള്ള​വ​രാ​ണെന്ന്‌ ഡു​ബ്രോ​വ്‌നി​ക്കി​ലെ സഹോ​ദ​രങ്ങൾ പ്രസ്‌താ​വി​ച്ചു. ഒരു സഹോ​ദരി തന്റെ ഭക്ഷണ​പ്പൊ​തി​യു​മാ​യി വീട്ടി​ലേക്കു ചെന്ന​പ്പോൾ അവർ എവി​ടെ​നി​ന്നാണ്‌ മുട്ട കൊണ്ടു​വ​ന്ന​തെന്ന്‌ ഒരു അയൽക്കാ​രി ചോദി​ച്ചു. മറെറാ​രു മേഖല​യി​ലുള്ള തന്റെ ആത്മീയ സഹോ​ദ​രങ്ങൾ അവ അയച്ചു​ത​ന്ന​താ​ണെന്ന്‌ സഹോ​ദരി അവളോ​ടു പറഞ്ഞു. അയൽക്കാ​രി അതിശ​യി​ച്ചു​പോ​യി. മറെറാ​രു സംഭവ​ത്തിൽ സ്ലൊ​വേ​നി​യ​യിൽനി​ന്നുള്ള ഒരു അജ്ഞാത​മ​നു​ഷ്യൻ ഒരു മൂപ്പനെ സമീപിച്ച്‌ ഇങ്ങനെ പറഞ്ഞു: “യഹോ​വ​യു​ടെ സാക്ഷികൾ തങ്ങളുടെ സഹോ​ദ​രൻമാ​രിൽനിന്ന്‌ ലഭിച്ച ഭക്ഷണം ന്യായ​മായ രീതി​യിൽ വിതര​ണം​ചെ​യ്യു​ന്നു​ണ്ടെന്ന്‌ ഞാൻ കേട്ടി​രി​ക്കു​ന്നു. ഞാൻ ആളുകൾക്ക്‌ പല പൊതി​കൾ അയച്ചി​ട്ടുണ്ട്‌; എന്നിരു​ന്നാ​ലും അവ ഒരിക്ക​ലും ലക്ഷ്യത്തി​ലെ​ത്തി​യില്ല. നിങ്ങളെ ദുരി​താ​ശ്വാ​സ​ത്തി​നാ​യുള്ള കുറെ പദാർത്ഥങ്ങൾ ഏൽപ്പി​ച്ചാൽ അവ വിതര​ണം​ചെ​യ്യാൻ കഴിയു​മോ?” കൂടാതെ, പത്രങ്ങ​ളും റേഡി​യോ​യും നമ്മുടെ ദുരി​താ​ശ്വാ​സ​പ്ര​വർത്ത​ന​ത്തെ​ക്കു​റിച്ച്‌ അനുകൂ​ല​മാ​യി റിപ്പോർട്ടു​ചെ​യ്‌തു.

സാഗ്ര​ബിൽ 1991-ലെ സാർവ​ദേ​ശീയ കൺ​വെൻ​ഷ​നിൽ സ്‌നാ​പ​ന​മേററ ഒരു സഹോ​ദരൻ വർദ്ധി​ച്ചു​വ​രുന്ന പ്രയാ​സ​ങ്ങ​ളെ​ക്കു​റി​ച്ച​റി​യു​ക​യും ഒരു മുഴു​ഭ​ക്ഷ്യ​ശാ​ല​യും വാങ്ങു​ക​യും ചെയ്‌തു. അദ്ദേഹം യുദ്ധ​പ്ര​ദേ​ശ​ത്തി​ന​ടു​ത്തുള്ള തന്റെ വീട്ടി​ലേക്കു ഭക്ഷ്യവ​സ്‌തു​ക്കൾ കൊണ്ടു​വന്നു. ഭക്ഷ്യദൗർല​ഭ്യം ഗുരു​ത​ര​മാ​യ​പ്പോൾ ഈ ശേഖരം സഹോ​ദ​ര​ങ്ങൾക്ക്‌ യഥാർത്ഥ അനു​ഗ്ര​ഹ​മാ​ണെന്നു തെളിഞ്ഞു.

സാര​യെ​വോ​യി​ലെ ഉപരോ​ധി​ക്ക​പ്പെട്ട സഹോ​ദ​ര​ങ്ങൾക്കു മുഖ്യ​ഭ​ക്ഷ്യ​പ​ദാർത്ഥങ്ങൾ കൊണ്ടു​പോ​കു​ന്ന​തിന്‌ ഒരു വലിയ ലോറി​ക്കു പെർമി​റ​റു​കി​ട്ടുക സാദ്ധ്യ​മാ​യി​രു​ന്നു. സാധനങ്ങൾ വിജയ​ക​ര​മാ​യി എത്തിച്ചു​കൊ​ടു​ത്തു​വെന്നു പറയാൻ ഞങ്ങൾക്കു സന്തോ​ഷ​മുണ്ട്‌.

പോരാ​ട്ട​ത്തിൽ പൗരൻമാ​രും മരണമ​ടഞ്ഞു. സങ്കടക​ര​മെന്നു പറയട്ടെ, സേവന​വർഷ​ത്തി​ന്റെ അവസാ​ന​മാ​യ​പ്പോ​ഴേക്ക്‌ നമ്മുടെ സഹോ​ദ​രീ​സ​ഹോ​ദ​രൻമാ​രിൽ ആറു​പേർക്കും രണ്ടു താത്‌പ​ര്യ​ക്കാർക്കും ജീവഹാ​നി സംഭവി​ച്ചു, ചിലർക്കു പരു​ക്കേ​ററു.

എന്നിരു​ന്നാ​ലും, പൊതു​വേ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​രി​ക്കു​ന്നത്‌ ഒരു സംരക്ഷ​ണ​മാ​ണെന്ന്‌ അനേകം അനുഭ​വങ്ങൾ തെളി​യി​ക്കു​ന്നു. ഒരു സന്ദർഭ​ത്തിൽ, സഹോ​ദ​രൻമാർ ബൽ​ഗ്രേ​ഡി​ലെ ഒരു ഡിസ്‌ട്രിക്ട്‌ കൺ​വെൻ​ഷ​നി​ലേക്കു യാത്ര​ചെ​യ്യു​ക​യാ​യി​രു​ന്നു. പടയാ​ളി​കൾ ബസ്സ്‌ തടയു​ക​യും ഒരു പ്രത്യേ​ക​മ​ത​ത്തി​ലെ അംഗങ്ങൾ അവരുടെ കൂട്ടത്തി​ലു​ണ്ടോ​യെന്നു ചോദി​ക്കു​ക​യും ചെയ്‌തു. ആരുമി​ല്ലെന്ന്‌ സഹോ​ദ​രൻമാർ മറുപടി പറഞ്ഞു. അവർ തിരി​ച്ച​റി​യൽകാർഡ്‌ കാണി​ക്ക​ണ​മാ​യി​രു​ന്നു, അവരിൽ ചിലർക്ക്‌ ആ മതത്തിൽപെ​ട്ട​വ​രാ​യി​രി​ക്കാ​മെന്നു സൂചി​പ്പി​ക്കുന്ന പേരു​ക​ളാ​ണു​ണ്ടാ​യി​രു​ന്നത്‌. അവർ വ്യാജം പറയു​ക​യാ​ണെന്ന്‌ പടയാ​ളി​കൾ കുററ​പ്പെ​ടു​ത്തി, എന്നാൽ സഹോ​ദ​രൻമാർക്ക്‌ ആ സഭയിൽനി​ന്നു പിൻമാ​റി​യ​താ​യി കാണി​ക്കുന്ന അറിയി​പ്പു​കൾ കൈവ​ശ​മു​ണ്ടാ​യി​രു​ന്നു; അവർ ആ മതത്തിൽ ജനിച്ചി​രു​ന്നു​വെ​ങ്കി​ലും ഇപ്പോൾ അവർ യഹോ​വ​യു​ടെ സാക്ഷി​ക​ളാ​ണെ​ന്നും തങ്ങളുടെ കൺ​വെൻ​ഷ​നി​ലേ​ക്കുള്ള യാത്ര​യി​ലാ​ണെ​ന്നും അവർ പറഞ്ഞു. അതോടെ യാത്ര തുടരാൻ പടയാ​ളി​കൾ അവരെ അനുവ​ദി​ച്ചു.

പയനി​യർമാർ തളരാത്ത തീക്ഷ്‌ണ​ത​യോ​ടെ തങ്ങളുടെ സേവനം തുടരു​ക​യാണ്‌, ഇതു വേലക്കു യഥാർത്ഥ ഉത്തേജ​ന​മാ​ണെന്നു തെളി​ഞ്ഞി​രി​ക്കു​ന്നു. മുഴു​വർണ്ണ കവറോ​ടു​കൂ​ടിയ ഭംഗി​യുള്ള വീക്ഷാ​ഗോ​പു​രം ഈ പ്രദേ​ശത്തെ മുഖ്യ​ഭാ​ഷ​ക​ളി​ലേ​ക്കെ​ല്ലാം ഒരേ കാലത്ത്‌ പരിഭാ​ഷ​പ്പെ​ടു​ത്തു​ക​യാണ്‌. അത്‌ സത്യ​ത്തെ​യും നീതി​യെ​യും സ്‌നേ​ഹി​ക്കു​ന്ന​വർക്ക്‌ ‘തക്കസമ​യത്തെ ആത്മീയാ​ഹാ​ര​വീ​തം’ ക്രമമാ​യി പ്രദാ​നം​ചെ​യ്‌തു​കൊ​ണ്ടി​രി​ക്കു​ക​യാണ്‌. (ലൂക്കൊസ്‌ 12:42) ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂ​റ​റി​ര​ണ്ടി​ലെ സേവന​വർഷ​ത്തിൽ, 674 പുതിയ സഹോ​ദ​രീ​സ​ഹോ​ദ​രൻമാർ സ്‌നാ​പ​ന​മേ​ററു.

തീർച്ച​യാ​യും കിഴക്കൻ യൂറോ​പ്പി​ലെ സഹോ​ദ​ര​ങ്ങ​ളു​ടെ വേലയും തന്റെ നാമ​ത്തോട്‌ അവർ കാണി​ച്ചി​രി​ക്കുന്ന സ്‌നേ​ഹ​വും ദൈവം മറന്നി​ട്ടില്ല. കൂടാതെ, തന്റെ സകല ആരാധ​ക​രും, അവർ എവിടെ ജീവി​ച്ചാ​ലും, എബ്രായർ 6:11-ൽ പൗലോസ്‌ അടുത്ത​താ​യി നൽകിയ നല്ല ബുദ്ധി​യു​പ​ദേശം അനുസ​രി​ക്ക​ണ​മെന്ന്‌ അവൻ ആഗ്രഹി​ക്കു​ന്നു. അതിങ്ങനെ പ്രസ്‌താ​വി​ക്കു​ന്നു: “നിങ്ങൾ ഓരോ​രു​ത്തൻ പ്രത്യാ​ശ​യു​ടെ പൂർണ്ണ​നി​ശ്ചയം പ്രാപി​പ്പാൻ അവസാ​ന​ത്തോ​ളം ഒരു​പോ​ലെ ഉത്സാഹം കാണി​ക്കേ​ണ​മെന്നു ഞങ്ങൾ ആഗ്രഹി​ക്കു​ന്നു.”