വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

ഗിലെ​യാദ്‌—ധൈര്യ​ശാ​ലി​കൾക്കുള്ള മേഖല

ഇസ്രയേൽ വാഗ്‌ദ​ത്ത​ദേ​ശ​ത്തി​ലേക്കു യോർദാൻ നദി കുറുകെ കടക്കു​ന്ന​തി​നു തൊട്ടു മുമ്പ്‌ മോശ അവരെ ഇങ്ങനെ പ്രബോ​ധി​പ്പി​ച്ചു: “ബലവും ധൈര്യ​വു​മു​ള്ള​വ​രാ​യി​രി​പ്പിൻ; അവരെ പേടി​ക്ക​രുത്‌, ഭ്രമി​ക്ക​യു​മ​രുത്‌; നിന്റെ ദൈവ​മായ യഹോവ തന്നേ നിന്നോ​ടു​കൂ​ടെ പോരു​ന്നു.”—ആവർത്ത​ന​പു​സ്‌തകം 31:6.

രൂബേ​ന്റെ​യും ഗാദി​ന്റെ​യും ഗോ​ത്ര​ങ്ങ​ളും മനശ്ശെ ഗോ​ത്ര​ത്തി​ന്റെ പകുതി​യും മോശ​യു​ടെ ആഹ്വാ​ന​ത്തിൽ ഉൾപ്പെ​ട്ടി​രു​ന്നു. ‘ഗിലെ​യാദ്‌ ദേശം ആടുമാ​ടു​കൾക്കു കൊള്ളാ​കുന്ന സ്ഥലം’ എന്ന്‌ അവർ കണ്ടിരു​ന്നു, അതിനാൽ ഗിലെ​യാദ്‌ ദേശത്ത്‌ ജീവി​ക്കാൻ തക്കവണ്ണം നിയമി​ച്ചു​കി​ട്ടാൻ അവർ ആവശ്യ​പ്പെ​ട്ടി​രു​ന്നു.—സംഖ്യാ​പു​സ്‌തകം 32:1-40.

ഗിലെ​യാദ്‌ സ്ഥിതി ചെയ്‌തി​രു​ന്നതു യോർദാ​ന്റെ മറുക​ര​യിൽ കിഴക്കെ തീരത്താ​യി​രു​ന്നു, അതു ചാവു​ക​ട​ലി​ന്റെ വടക്കെ അററം​മു​തൽ ഗലീലയാ കടൽവ​രെ​യുള്ള കിഴക്കെ തീരം മുഴു​വ​നും ആയിരു​ന്നു. ഈ പ്രദേശം യോർദാൻ സമതല​ത്തിൽനി​ന്നു നല്ല നീരോ​ട്ട​മുള്ള പീഠഭൂ​മി​യാ​യും വൃത്താ​കാ​ര​മായ കുന്നു​ക​ളാ​യും ഉയർന്നു​നി​ന്നി​രു​ന്നു. അതു​കൊ​ണ്ടു ഗിലെ​യാദ്‌ ധാന്യോ​ത്‌പാ​ദ​ന​ത്തി​നും ആടുമാ​ടു​കളെ മേയ്‌ക്കു​ന്ന​തി​നും ഒരു ഉത്തമ പ്രദേ​ശ​മാ​യി​രു​ന്നു. ഗിലെ​യാ​ദി​ന്റെ ഭാഗം എങ്ങനെ​യാ​യി​രു​ന്നു​വെന്നു മുകളി​ലുള്ള ചിത്രം നിങ്ങൾക്ക്‌ ഒരു ധാരണ നൽകുന്നു. എന്നാൽ താരത​മ്യേന രമണീ​യ​മായ അത്തര​മൊ​രു പ്രദേ​ശത്തെ ധൈര്യ​വു​മാ​യി എന്തു​കൊ​ണ്ടു ബന്ധപ്പെ​ടു​ത്തണം?

ഗിലെ​യാ​ദിൽ ജീവി​ക്കാൻ ആഗ്രഹിച്ച ഗോ​ത്രങ്ങൾ സ്‌പഷ്ട​മാ​യും അങ്ങനെ ചെയ്‌തതു ഭയം നിമി​ത്ത​മ​ല്ലാ​യി​രു​ന്നു. വാഗ്‌ദ​ത്ത​ദേ​ശത്തെ ശത്രു​ക്ക​ളു​മാ​യി പോരാ​ടാൻ അവർ യോർദാൻ കടക്കാ​മെന്നു സമ്മതി​ച്ചത്‌ ഓർമി​ക്കുക. ഗിലെ​യാ​ദിൽ തിരി​ച്ചു​വ​ന്ന​തി​നു​ശേഷം അവർക്കു കൂടുതൽ ധൈര്യം ആവശ്യ​മാ​യി​രു​ന്നു. എന്തു​കൊണ്ട്‌? കൊള്ളാം, അവർ ദക്ഷിണ-പൂർവ​ദേ​ശത്തെ അമ്മോ​ന്യ​രിൽനി​ന്നും വടക്കെ ദേശത്തെ സിറി​യ​ക്കാ​രിൽനി​ന്നും ആക്രമ​ണ​സാ​ധ്യ​ത​യുള്ള അതിർത്തി പ്രദേ​ശ​ത്താ​യി​രു​ന്നു. അവർ ആക്രമി​ക്ക​പ്പെ​ടു​ക​യും ചെയ്‌തു.—യോശുവ 22:9; ന്യായാ​ധി​പൻമാർ 10:7, 8; 1 ശമൂവേൽ 11:1; 2 രാജാ​ക്കൻമാർ 8:28; 9:14; 10:32, 33.

ആ ആക്രമ​ണങ്ങൾ ധൈര്യം ആവശ്യ​മാ​യി​രുന്ന പ്രത്യേക അവസര​ങ്ങ​ളാ​യി​രു​ന്നു. ഉദാഹ​ര​ണ​ത്തിന്‌, അമ്മോ​ന്യർ ഗിലെ​യാ​ദി​നെ ഞെരു​ക്കാൻ യഹോവ അനുവ​ദി​ച്ച​തി​നു​ശേഷം ദൈവ​ജനം പശ്ചാത്ത​പി​ക്കു​ക​യും നേതൃ​ത്വ​ത്തി​നാ​യി “പരാ​ക്ര​മ​ശാ​ലി”യായ ഒരു മമനു​ഷ്യ​ന്റെ അടുക്ക​ലേക്കു തിരി​യു​ക​യും ചെയ്‌തു, അദ്ദേഹ​ത്തി​ന്റെ പിതാ​വി​ന്റെ പേർ ഗിലെ​യാദ്‌ എന്നുമാ​യി​രു​ന്നു. പരാ​ക്ര​മി​യായ അല്ലെങ്കിൽ ധൈര്യ​ശാ​ലി​യായ ആ മനുഷ്യൻ യിഫ്‌താഹ്‌ ആയിരു​ന്നു. അദ്ദേഹം ധൈര്യ​ശാ​ലി​യാ​യി​രു​ന്നി​ട്ടു​പോ​ലും ദൈവ​ത്തി​ന്റെ മാർഗ​നിർദേ​ശ​വും പിന്തു​ണ​യും തേടി​യ​താ​യി പ്രതി​ഫ​ലി​പ്പിച്ച ഒരു ശപഥത്തി​നു പേരു​കേ​ട്ട​വ​നാണ്‌. മർദക​രായ അമ്മോ​ന്യ​രെ കീഴട​ക്കാൻ തന്നെ ദൈവം സഹായി​ച്ചാൽ തന്റെ ഭവനത്തിൽനി​ന്നു തന്നെ എതി​രേൽക്കാൻ ആദ്യമാ​യി ഇറങ്ങി​വ​രു​ന്ന​തി​നെ ദൈവ​ത്തി​നു ‘ഹോമ​യാ​ഗ​മാ​യി അർപ്പിക്കു’കയോ ബലിയർപ്പി​ക്കു​ക​യോ ചെയ്യു​മെന്നു യിഫ്‌താഹ്‌ ശപഥം ചെയ്‌തു.a അതു യിഫ്‌താ​ഹി​ന്റെ ഏക കുട്ടി, അദ്ദേഹ​ത്തി​ന്റെ പുത്രി​യാ​യി​പ്പോ​യി. അവൾ പിന്നീടു ദൈവ​ത്തി​ന്റെ കൂടാ​ര​ത്തിൽ സേവി​ക്കാൻ പോകു​ക​യും ചെയ്‌തു. അതേ, യിഫ്‌താ​ഹും ഒരു വ്യത്യ​സ്‌ത​മായ വിധത്തിൽ അദ്ദേഹ​ത്തി​ന്റെ പുത്രി​യും ധൈര്യം പ്രകടി​പ്പി​ച്ചു.—ന്യായാ​ധി​പൻമാർ 11:1, 4-40.

ശൗലിന്റെ സമയത്ത്‌ ഒരുപക്ഷേ അത്രയ​ധി​കം അറിയ​പ്പെ​ടാത്ത ഒരു ധൈര്യ​പ്ര​ക​ടനം നടന്നു. സാഹച​ര്യം മനസ്സി​ലാ​ക്കാൻ, ശൗൽ രാജാ​വാ​യ​പ്പോൾ കുന്നു​ക​ളി​ലൂ​ടെ യോർദാ​നി​ലേക്ക്‌ ഒഴുകുന്ന ഒരു നീർച്ചാ​ലിൽ സ്ഥിതി​ചെ​യ്‌തി​രി​ക്കാൻ സാധ്യ​ത​യുള്ള യാബേശ്‌-ഗിലെ​യാദ്‌ എന്ന പട്ടണത്തി​ലെ ആണുങ്ങ​ളു​ടെ വലതു​കണ്ണ്‌ അമ്മോ​ന്യർ ചുഴ്‌ന്നെ​ടു​ക്കു​മെന്നു ഭീഷണി​പ്പെ​ടു​ത്തി​യത്‌ ഓർമി​ക്കുക. യാബേ​ശി​നെ ശക്തി​പ്പെ​ടു​ത്താൻവേണ്ടി ഒരു സൈന്യ​ത്തെ ശൗൽ പെട്ടെ​ന്നു​തന്നെ ശേഖരി​ച്ചു. (1 ശമുവേൽ 11:1-11) ഈ പശ്ചാത്തലം മനസ്സിൽ പിടി​ച്ചു​കൊ​ണ്ടു ശൗലിന്റെ ഭരണത്തി​ന്റെ അവസാ​ന​ഘ​ട്ട​ത്തി​ലേക്കു തിരി​ഞ്ഞാൽ ധൈര്യം പ്രകട​മാ​ക്കി​യ​തെ​ങ്ങ​നെ​യെന്നു കാണാം.

ശൗലും അദ്ദേഹ​ത്തി​ന്റെ മൂന്നു പുത്രൻമാ​രും ഫെലി​സ്‌ത്യ​രു​മാ​യുള്ള യുദ്ധത്തിൽ മരിച്ചു​വെന്നു നിങ്ങൾ ഓർമി​ച്ചേ​ക്കാം. ആ ശത്രുക്കൾ ശൗലിന്റെ ശിരസ്സു ഛേദി​ക്കു​ക​യും വിജയ​ശ്രീ​ലാ​ളി​ത​രാ​യി ശൗലി​ന്റെ​യും അദ്ദേഹ​ത്തി​ന്റെ പുത്രൻമാ​രു​ടെ​യും മൃതശ​രീ​രങ്ങൾ ബേത്ത്‌-ശാന്റെ ചുവരിൻമേൽ തൂക്കു​ക​യും ചെയ്‌തു. (1 ശമൂവേൽ 31:1-10; വലതു​വ​ശത്ത്‌ നിങ്ങൾ കാണു​ന്നതു ഖനനം ചെയ്‌ത ബേത്ത്‌-ശാൻ കുന്നാണ്‌.) യോർദാ​ന്റെ മറുവ​ശ​ത്തുള്ള ഗിലെ​യാദ്‌ കുന്നു​ക​ളി​ലുള്ള യാബേ​ശിൽ ഇതി​നെ​ക്കു​റി​ച്ചുള്ള വിവരം എത്തി. ഇസ്രയേൽ രാജാ​വി​നെ തോൽപ്പി​ക്കാൻപോന്ന ശക്തിയുള്ള ഒരു ശത്രു​വി​നു മുമ്പിൽ ഗിലെ​യാ​ദു​കാർക്ക്‌ എന്തു ചെയ്യാൻ കഴിയു​മാ​യി​രു​ന്നു?

ഭൂപടം നോക്കുക. “ശൂരൻമാ​രായ എല്ലാവ​രും പുറ​പ്പെട്ടു രാത്രി​മു​ഴു​വ​നും നടന്നു​ചെന്നു ബേത്ത്‌-ശാന്റെ ചുവരിൽനി​ന്നു ശൌലി​ന്റെ ശവവും അവന്റെ പുത്രൻമാ​രു​ടെ ശവങ്ങളും എടുത്തു യാബേ​ശിൽ കൊണ്ടു​വന്നു അവി​ടെ​വെച്ചു ദഹിപ്പി​ച്ചു.” (1 ശമൂവേൽ 31:12) അതേ, ശത്രു​വി​ന്റെ ശക്തി​കേ​ന്ദ്ര​ത്തി​ലേക്കു രാത്രി​സ​മ​യ​ത്തുള്ള ഒരു മിന്നലാ​ക്ര​മണം അവർ ഏറെറ​ടു​ത്തു. അവരെ ശൂരൻമാർ, അല്ലെങ്കിൽ ധൈര്യ​ശാ​ലി​കൾ എന്ന്‌ ബൈബിൾ എന്തു​കൊ​ണ്ടു വിളി​ക്കു​ന്നു​വെന്നു നിങ്ങൾക്കു മനസ്സി​ലാ​ക്കാ​വു​ന്ന​താണ്‌.

കാല​ക്ര​മ​ത്തിൽ, ഇസ്ര​യേ​ലി​ന്റെ വടക്കെ രാജ്യം രൂപീ​ക​രി​ക്കാൻവേണ്ടി പത്തു ഗോ​ത്രങ്ങൾ വേർപി​രി​ഞ്ഞു, ഇതിൽ ഗിലെ​യാ​ദും ഉൾപ്പെ​ട്ടി​രു​ന്നു. ആദ്യം സിറി​യ​ക്കാ​രും, പിന്നെ അസീറി​യ​ക്കാ​രു​മാ​യി ചുററും കിടന്നി​രുന്ന ജനതകൾ യോർദാ​ന്റെ കിഴക്കു വശത്തുള്ള ആ സ്ഥലത്തിന്റെ ഭാഗങ്ങൾ കയ്യടക്കാൻ തുടങ്ങി. അങ്ങനെ ധൈര്യ​ത്തി​ന്റെ കഴിഞ്ഞ​കാല ദൃഷ്ടാ​ന്തങ്ങൾ ഉണ്ടായി​രു​ന്നി​ട്ടും ഒരു അതിർത്തി പ്രദേ​ശ​ത്താ​യി​രു​ന്ന​തി​ന്റെ പേരിൽ ഗിലെ​യാ​ദി​ലെ ജനങ്ങൾ ഒരു വില കൊടു​ത്തു.—1 രാജാ​ക്കൻമാർ 22:1-3; 2 രാജാ​ക്കൻമാർ 15:29.

[അടിക്കു​റിപ്പ്‌]

[8-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[9-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[8-ാം പേജിലെ ഭൂപടം]

ഗലീലയാ കടൽ

ചാവു കടൽ

യോർദാൻ നദി

ബെത്ത്‌-ശാൻ

രാമോത്ത്‌-ഗിലെ​യാദ്‌

യാബേശ്‌

ഗിലെയാദ്‌

[കടപ്പാട്‌]

Based on a map copyrighted by Pictorial Archive (Near Eastern History) Est. and Survey of Israel.