ക്രിസ്‌തീ​യ​കു​ടും​ബം ആത്മീയ​കാ​ര്യ​ങ്ങൾക്കു മുൻഗണന കൊടു​ക്കു​ന്നു

“നിങ്ങ​ളെ​ല്ലാ​വ​രും ഹൃദ​യൈ​ക്യ​വും അനുക​മ്പ​യും സഹോ​ദ​ര​സ്‌നേ​ഹ​വും കരുണ​യും വിനയ​വും ഉള്ളവരാ​യി​രി​ക്കു​വിൻ.”—1 പത്രോസ്‌ 3:8, പി.ഒ.സി. ബൈ.

1. നമുക്ക്‌ എല്ലാവർക്കും എന്തു തെര​ഞ്ഞെ​ടു​പ്പാ​ണു​ള്ളത്‌, നമ്മുടെ തെര​ഞ്ഞെ​ടു​പ്പി​നു നമ്മുടെ ഭാവിയെ ബാധി​ക്കാൻ കഴിയു​ന്ന​തെ​ങ്ങനെ?

മുകളിൽ കാണുന്ന വാക്യം മനുഷ്യ​വർഗ​ത്തി​ന്റെ ഏററവും പുരാതന സ്ഥാപന​മായ കുടും​ബ​ത്തിൽ എത്ര നന്നായി ബാധക​മാ​കു​ന്നു! ഈ വിഷയ​ങ്ങ​ളിൽ മാതാ​പി​താ​ക്കൾ നേതൃ​ത്വം പ്രകട​മാ​ക്കു​ന്നത്‌ എത്ര പ്രധാ​ന​മാണ്‌! അവരുടെ മാതൃ​കാ​നു​സാ​ര​വും ദോഷ​ക​ര​വും ആയ ഗുണഗ​ണങ്ങൾ മിക്ക​പ്പോ​ഴും കുട്ടി​ക​ളി​ലും പ്രകട​മാ​കു​ന്നു. എന്നുവ​രി​കി​ലും, തെര​ഞ്ഞെ​ടു​ക്കാ​നുള്ള അവസരം ഒരു കുടും​ബ​ത്തിൽ ഓരോ അംഗത്തി​നു​മുണ്ട്‌. ക്രിസ്‌ത്യാ​നി​ക​ളെ​ന്ന​നി​ല​യിൽ, നമുക്ക്‌ ആത്മീയ​വ്യ​ക്തി​ക​ളാ​യി​രി​ക്കു​ന്ന​തി​നോ ജഡിക​വ്യ​ക്തി​ക​ളാ​യി​രി​ക്കു​ന്ന​തി​നോ തെര​ഞ്ഞെ​ടു​ക്കാൻ കഴിയും. നമുക്കു ദൈവത്തെ പ്രീതി​പ്പെ​ടു​ത്തു​ന്ന​തി​നെ​യോ അപ്രീ​തി​പ്പെ​ടു​ത്തു​ന്ന​തി​നെ​യോ തെര​ഞ്ഞെ​ടു​ക്കാൻ കഴിയും. ആ തെര​ഞ്ഞെ​ടുപ്പ്‌ ഒന്നുകിൽ നിത്യ​ജീ​വ​നും സമാധാ​ന​വും ആകുന്ന ഒരു അനു​ഗ്ര​ഹ​ത്തിൽ അല്ലെങ്കിൽ എന്നന്നേ​ക്കു​മുള്ള മരണമെന്ന ഒരു ശാപത്തിൽ കലാശി​ച്ചേ​ക്കാം.—ഉല്‌പത്തി 4:1, 2; റോമർ 8:5-8; ഗലാത്യർ 5:19-23.

2. (എ) കുടും​ബ​ത്തോ​ടുള്ള തന്റെ താത്‌പ​ര്യം പത്രോസ്‌ പ്രകട​മാ​ക്കി​യ​തെ​ങ്ങനെ? (ബി) ആത്മീയത എന്നാ​ലെന്ത്‌? (അടിക്കു​റി​പ്പു കാണുക.)

² ഒന്നു പത്രോസ്‌ 3-ാം അധ്യായം 8-ാം വാക്യ​ത്തി​ലെ അപ്പോ​സ്‌ത​ലന്റെ വാക്കുകൾ ഭാര്യാ​ഭർത്താ​ക്കൻമാർക്ക്‌ അദ്ദേഹം നൽകിയ ഏതാനും ശ്രേഷ്‌ഠ​മായ ബുദ്ധ്യു​പ​ദേ​ശത്തെ തുടർന്നു​വ​രു​ന്ന​താണ്‌. ക്രിസ്‌തീയ കുടും​ബ​ങ്ങ​ളു​ടെ ക്ഷേമത്തിൽ പത്രോസ്‌ വാസ്‌ത​വ​മാ​യും തത്‌പ​ര​നാ​യി​രു​ന്നു. ശക്തമായ ആത്മീയത ഏകീകൃ​ത​വും കരുത​ലു​ള്ള​തും ആയ ഒരു കുടും​ബ​ത്തി​ന്റെ താക്കോ​ലാ​ണെന്ന്‌ അദ്ദേഹം അറിഞ്ഞി​രു​ന്നു.a അതു​കൊണ്ട്‌, ഭർത്താ​ക്കൻമാർക്കുള്ള തന്റെ ബുദ്ധ്യു​പ​ദേശം അവഗണി​ച്ചാൽ ഭർത്താ​വി​നും യഹോ​വ​യ്‌ക്കും ഇടയിൽ ഒരു ആത്മീയ​മ​തിൽ ഉണ്ടാക​ലാ​യി​രി​ക്കും അനന്തര​ഫ​ല​മെന്ന്‌ അദ്ദേഹം 7-ാം വാക്യ​ത്തിൽ സൂചി​പ്പി​ച്ചു. ഭാര്യ​യു​ടെ ആവശ്യങ്ങൾ അവഗണി​ക്കു​ക​യോ അവളെ നിർദയം ഞെരു​ക്കു​ക​യോ ചെയ്യു​ന്നെ​ങ്കിൽ ഭർത്താ​വി​ന്റെ പ്രാർഥ​നകൾ തടസ്സ​പ്പെ​ട്ടേ​ക്കാം.

ക്രിസ്‌തു—ആത്മീയ​ത​യു​ടെ പരിപൂർണ​മായ ഒരു മാതൃക

3. ഭർത്താ​ക്കൻമാർക്കുള്ള ക്രിസ്‌തു​വി​ന്റെ മാതൃക പൗലോസ്‌ എങ്ങനെ വിശേ​ഷ​വ​ത്‌ക്ക​രി​ച്ചു?

³ ഒരു കുടും​ബ​ത്തി​ന്റെ ആത്മീയത ആശ്രയി​ച്ചി​രി​ക്കു​ന്നത്‌ ഉത്തമ മാതൃ​ക​യി​ലാണ്‌. ഭർത്താവ്‌ ക്രിസ്‌ത്യാ​നി​ത്വം ആചരി​ക്കുന്ന ഒരുവ​നാ​യി​രി​ക്കു​മ്പോൾ ആത്മീയ​ഗു​ണങ്ങൾ പ്രകടി​പ്പി​ക്കു​ന്ന​തിൽ അദ്ദേഹം നേതൃ​ത്വ​മെ​ടു​ക്കു​ന്നു. വിശ്വാ​സി​യായ ഭർത്താ​വി​ല്ലെ​ങ്കിൽ ആ ഉത്തരവാ​ദി​ത്വം നിവർത്തി​ക്കാൻ സാധാ​ര​ണ​മാ​യി കുട്ടി​ക​ളു​ടെ അമ്മ പ്രയത്‌നി​ക്കു​ന്നു. സംഗതി എന്തായാ​ലും, അനുക​രി​ക്കാൻ പരിപൂർണ​മായ മാതൃക യേശു​ക്രി​സ്‌തു പ്രദാനം ചെയ്യുന്നു. അവിടു​ത്തെ പ്രവൃ​ത്തി​യും വാക്കു​ക​ളും ചിന്തയും എല്ലായ്‌പോ​ഴും കെട്ടു​പണി ചെയ്യു​ന്ന​തും നവോൻമേ​ഷ​പ്ര​ദ​വും ആയിരു​ന്നു. അപ്പോ​സ്‌ത​ല​നായ പൗലോസ്‌ വായന​ക്കാ​രനെ ആവർത്തി​ച്ചാ​വർത്തി​ച്ചു ക്രിസ്‌തു​വി​ന്റെ സ്‌നേ​ഹ​പൂർവ​ക​മായ മാതൃ​ക​യി​ലേക്കു തിരി​ച്ചു​വി​ടു​ന്നു. ഉദാഹ​ര​ണ​ത്തിന്‌, അദ്ദേഹം ഇപ്രകാ​രം പ്രസ്‌താ​വി​ക്കു​ന്നു: “ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യക്കു തലയാ​കു​ന്നു. ഭർത്താ​ക്കൻമാ​രേ, ക്രിസ്‌തു​വും സഭയെ സ്‌നേ​ഹി​ച്ച​തു​പോ​ലെ നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ.”—എഫെസ്യർ 5:23, 25, 29; മത്തായി 11:28-30; കൊ​ലൊ​സ്സ്യർ 3:19.

4. ആത്മീയ​ത​യു​ടെ ഏതു മാതൃ​ക​യാ​ണു യേശു വെച്ചത്‌?

⁴ യേശു ആത്മീയ​ത​യു​ടെ​യും സ്‌നേഹം, ദയ, അനുകമ്പ എന്നിവ പ്രകട​മാ​ക്കി​ക്കൊ​ണ്ടുള്ള ശിരസ്ഥാ​ന​ത്തി​ന്റെ​യും പ്രമുഖ ദൃഷ്ടാ​ന്ത​മാ​യി​രു​ന്നു. അവിടുന്ന്‌ ആത്മത്യാ​ഗി​യാ​യി​രു​ന്നു, സ്വാർഥ​ലോ​ലു​പ​നാ​യി​രു​ന്നില്ല. അവിടുന്ന്‌ എല്ലായ്‌പോ​ഴും തന്റെ പിതാ​വി​നെ മഹത്ത്വ​പ്പെ​ടു​ത്തു​ക​യും അവിടു​ത്തെ ശിരസ്ഥാ​നത്തെ ആദരി​ക്കു​ക​യും ചെയ്‌തു. പിൻവ​രുന്ന പ്രകാരം പറയാൻ കഴി​യേ​ണ്ട​തിന്‌ അവിടു​ന്നു തന്റെ പിതാ​വിൽനി​ന്നു മാർഗ​നിർദേശം സ്വീക​രി​ച്ചു: “എനിക്കു സ്വതേ ഒന്നും ചെയ്‌വാൻ കഴിയു​ന്നതല്ല; ഞാൻ കേൾക്കു​ന്ന​തു​പോ​ലെ ന്യായം വിധി​ക്കു​ന്നു; ഞാൻ എന്റെ ഇഷ്ടം അല്ല, എന്നെ അയച്ചവന്റെ ഇഷ്ടമത്രേ ചെയ്‌വാൻ ഇച്ഛിക്കു​ന്ന​തു​കൊ​ണ്ടു എന്റെ വിധി നീതി​യു​ള്ളതു ആകുന്നു.” “ഞാൻ സ്വയമാ​യി​ട്ടു ഒന്നും ചെയ്യാതെ പിതാവു എനിക്കു ഉപദേ​ശി​ച്ചു​ത​ന്നതു പോലെ ഇതു സംസാ​രി​ക്കു​ന്നു.”—യോഹ​ന്നാൻ 5:30; 8:28; 1 കൊരി​ന്ത്യർ 11:3.

5. തന്റെ അനുഗാ​മി​കൾക്കു​വേണ്ടി കരുതു​ന്ന​തിൽ യേശു ഭർത്താ​ക്കൻമാർക്കാ​യി ഏതു മാതൃക വെച്ചു?

⁵ ഭർത്താ​ക്കൻമാ​രെ സംബന്ധിച്ച്‌ ഇത്‌ എന്താണ്‌ അർഥമാ​ക്കു​ന്നത്‌? എല്ലാക്കാ​ര്യ​ങ്ങ​ളി​ലും അവർ പിന്തു​ട​രേണ്ട മാതൃക തന്റെ പിതാ​വിന്‌ എല്ലായ്‌പോ​ഴും തന്നെത്തന്നെ കീഴ്‌പ്പെ​ടു​ത്തിയ ക്രിസ്‌തു​വാ​ണെന്ന്‌ അത്‌ അർഥമാ​ക്കു​ന്നു. ഉദാഹ​ര​ണ​ത്തിന്‌, ഭൂമി​യി​ലെ സകല ജീവരൂ​പ​ങ്ങൾക്കും യഹോവ ഭക്ഷണം പ്രദാനം ചെയ്‌ത​തു​പോ​ലെ, യേശു തന്റെ അനുഗാ​മി​കൾക്കു ഭക്ഷണം പ്രദാനം ചെയ്‌തു. അവരുടെ അടിസ്ഥാ​ന​പ​ര​മായ ഭൗതി​കാ​വ​ശ്യ​ത്തെ അവിടുന്ന്‌ അവഗണി​ച്ചില്ല. അയ്യായി​രം പേരെ​യും 4,000 പേരെ​യും തീററി​പോ​റ​റിയ അവിടു​ത്തെ അത്ഭുതങ്ങൾ അവിടു​ത്തെ ശ്രദ്ധയു​ടെ​യും ഉത്തരവാ​ദി​ത്വ​ബോ​ധ​ത്തി​ന്റെ​യും തെളി​വാണ്‌. (മർക്കൊസ്‌ 6:35-44; 8:1-9) അതു​പോ​ലെ ഇന്ന്‌, ഉത്തരവാ​ദി​ത്ത​മുള്ള കുടും​ബ​ത്ത​ല​വൻമാർ തങ്ങളുടെ വീട്ടു​കാ​രു​ടെ ഭൗതി​കാ​വ​ശ്യ​ങ്ങൾക്കു​വേണ്ടി കരുതു​ന്നു. എന്നാൽ അവരുടെ ഉത്തരവാ​ദി​ത്വം അവിടം​കൊ​ണ്ട​വ​സാ​നി​ക്കു​ന്നു​വോ?—1 തിമൊ​ഥെ​യൊസ്‌ 5:8.

6. (എ) ഏതു പ്രധാന കുടും​ബാ​വ​ശ്യ​ങ്ങൾക്കു​വേണ്ടി കരു​തേ​ണ്ട​തുണ്ട്‌? (ബി) ഭർത്താ​ക്കൻമാർക്കും പിതാ​ക്കൻമാർക്കും വിവേകം പ്രകട​മാ​ക്കാൻ കഴിയു​ന്ന​തെ​ങ്ങനെ?

⁶ യേശു സൂചി​പ്പി​ച്ച​തു​പോ​ലെ, കുടും​ബ​ങ്ങൾക്കു കൂടുതൽ പ്രധാ​ന​പ്പെട്ട വേറെ ആവശ്യ​ങ്ങ​ളു​മുണ്ട്‌. അവർക്ക്‌ ആത്മീയ​വും വൈകാ​രി​ക​വു​മായ ആവശ്യ​ങ്ങ​ളുണ്ട്‌. (ആവർത്ത​ന​പു​സ്‌തകം 8:3; മത്തായി 4:4) കുടും​ബ​ത്തി​ലും സഭയി​ലും നാം മററു​ള്ള​വ​രു​മാ​യി അന്യോ​ന്യം വർത്തി​ക്കു​ന്നു. കെട്ടു​പണി ചെയ്യു​ന്ന​വ​രാ​യി​രി​ക്കാൻ നമ്മെ പ്രചോ​ദി​പ്പി​ക്കാൻ നമുക്ക്‌ ഉത്തമ മാർഗ​നിർദേശം ആവശ്യ​മാണ്‌. ഇക്കാര്യ​ത്തിൽ ഭർത്താ​ക്കൻമാർക്കും പിതാ​ക്കൻമാർക്കും ഒരു വലിയ പങ്കു വഹിക്കാ​നുണ്ട്‌—അവർ മൂപ്പൻമാ​രോ ശുശ്രൂ​ഷാ​ദാ​സൻമാ​രോ ആണെങ്കിൽ അതിൽക്കൂ​ടു​ത​ലും. മാതാ​വോ പിതാ​വോ മാത്ര​മുള്ള കുടും​ബ​ങ്ങ​ളിൽ തങ്ങളുടെ കുട്ടി​കളെ സഹായി​ക്കു​മ്പോൾ സമാന​മായ ഗുണങ്ങൾ അവർക്ക്‌ ആവശ്യ​മാണ്‌. കുടും​ബാം​ഗങ്ങൾ പറയു​ന്നതു മാത്രമല്ല, അവർ പറയാതെ വിട്ടു​ക​ള​യു​ന്ന​തും മാതാ​പി​താ​ക്കൾ മനസ്സി​ലാ​ക്കണം. അതിനു വിവേ​ച​ന​യും സമയവും ക്ഷമയും ആവശ്യ​മാണ്‌. ഭർത്താ​ക്കൻമാർ പരിഗ​ണ​ന​യു​ള്ള​വ​രും പരിജ്ഞാ​ന​പ്ര​കാ​രം തങ്ങളുടെ ഭാര്യ​മാ​രോ​ടൊ​പ്പം വസിക്കു​ന്ന​വ​രും ആയിരി​ക്ക​ണ​മെന്നു പത്രോ​സി​നു പറയാൻ കഴിഞ്ഞ​തി​ന്റെ ഒരു കാരണം അതാണ്‌.—1 തിമൊ​ഥെ​യൊസ്‌ 3:4, 5, 12; 1 പത്രൊസ്‌ 3:7.

ഒഴിവാ​ക്കേണ്ട അപകടങ്ങൾ

7, 8. (എ) ഒരു കുടും​ബ​ത്തിന്‌ ആത്മീയ കപ്പൽഛേദം ഒഴിവാ​ക്ക​ണ​മെ​ങ്കിൽ എന്താണ്‌ ആവശ്യ​മാ​യി​രി​ക്കു​ന്നത്‌? (ബി) ക്രിസ്‌തീ​യ​മാർഗ​ത്തിൽ ഒരു നല്ല തുടക്ക​ത്തി​നു പുറമെ വേറെ എന്തുകൂ​ടി ആവശ്യ​മാണ്‌? (മത്തായി 24:13)

⁷ കുടും​ബ​ത്തി​ന്റെ ആത്മീയ​തക്കു ശ്രദ്ധ നൽകു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ദൃഷ്ടാ​ന്തീ​ക​രി​ക്കു​ന്ന​തിന്‌, നമുക്ക്‌ ഇങ്ങനെ ചോദി​ക്കാ​വു​ന്ന​താണ്‌, ഒരു കപ്പലിന്റെ കപ്പിത്താൻ ആഴംകു​റഞ്ഞ അപകട മേഖല​യി​ലൂ​ടെ കപ്പലോ​ടി​ക്കു​മ്പോൾ തന്റെ നാവി​ക​ഭൂ​പ​ട​ങ്ങ​ളി​ലേക്കു സൂക്ഷ്‌മ ശ്രദ്ധ കൊടു​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​രണ്ട്‌ ആഗസ്‌റ​റിൽ സമു​ദ്ര​പ​ര്യ​ടന കപ്പലായ ക്വീൻ എലിസ​ബത്ത്‌ 2 (QE2) മണൽത്തി​ട്ട​ക​ളും പാറ​ക്കെ​ട്ടു​ക​ളും ഹേതു​വാ​യി അപകടം​പ​തി​യി​രി​ക്കുന്ന, സമു​ദ്ര​യാ​ത്ര​യിൽ അബദ്ധങ്ങൾ സാധാ​ര​ണ​മാ​യി സംഭവി​ക്കാ​റുള്ള ഒരു മേഖല​യി​ലൂ​ടെ ഓടി​ച്ചു​പോ​യി. ഒരു സ്ഥലവാസി ഇപ്രകാ​രം അഭി​പ്രാ​യ​പ്ര​ക​ടനം നടത്തി: “ആ മേഖല​മു​ഖാ​ന്തരം എത്ര പേർക്ക്‌ അവരുടെ തൊഴിൽ നഷ്ടപ്പെ​ട്ടി​രി​ക്കു​ന്നു.” ക്വീൻ എലിസ​ബത്ത്‌ 2 വെള്ളത്തി​ന​ടി​യി​ലെ പാറ​ക്കെ​ട്ടിൽ തട്ടി. ആ അബദ്ധത്തി​നു കൊടു​ക്കേ​ണ്ടി​വന്ന വില വളരെ വലുതാ​യി​രു​ന്നു. അടിത്ത​ട്ടി​ന്റെ മൂന്നി​ലൊ​രു ഭാഗം തകർന്ന​തി​നാൽ കപ്പൽ നന്നാക്കാൻവേണ്ടി പലയാ​ഴ്‌ച​ക​ളോ​ളം സർവീസ്‌ നിർത്തേ​ണ്ടി​വന്നു.

⁸ അതു​പോ​ലെ കുടും​ബ​ത്തി​ന്റെ “കപ്പിത്താൻ” നാവി​ക​ഭൂ​പ​ട​മായ ദൈവ​വ​ചനം ശ്രദ്ധാ​പൂർവം പരി​ശോ​ധി​ക്കു​ന്നി​ല്ലെ​ങ്കിൽ അയാളു​ടെ കുടും​ബത്തെ എളുപ്പം ആത്മീയ അനർത്ഥം പിടി​കൂ​ടാം. ഒരു മൂപ്പന്‌ അല്ലെങ്കിൽ ശുശ്രൂ​ഷാ​ദാ​സനു സഭയ്‌ക്ക​ക​ത്തുള്ള പദവി​ക​ളു​ടെ നഷ്ടമാ​യി​രി​ക്കാം ഫലം, ഒരുപക്ഷേ മററു കുടും​ബാം​ഗ​ങ്ങൾക്കു ഗുരു​ത​ര​മായ ദോഷ​വും വരുത്തി​യേ​ക്കാം. അതു​കൊണ്ട്‌, പണ്ടുണ്ടാ​യി​രുന്ന പഠനസ്വ​ഭാ​വ​ത്തി​ലും തീക്ഷ്‌ണ​ത​യി​ലും മാത്രം ആശ്രയി​ച്ചു​കൊണ്ട്‌ ആത്മീയ അലംഭാ​വ​ത്തിൽ കുടു​ങ്ങി​പ്പോ​കാ​തി​രി​ക്കാൻ ഓരോ ക്രിസ്‌ത്യാ​നി​യും ശ്രദ്ധി​ക്കണം. നമ്മുടെ ക്രിസ്‌തീയ മാർഗ​ത്തിൽ നന്നായി തുടക്കം കുറി​ക്കു​ന്ന​തു​മാ​ത്രം മതിയാ​യി​രി​ക്കു​ന്നില്ല; യാത്ര വിജയ​ക​ര​മാ​യി പൂർത്തീ​ക​രി​ക്കണം.—1 കൊരി​ന്ത്യർ 9:24-27; 1 തിമൊ​ഥെ​യൊസ്‌ 1:19.

9. (എ) വ്യക്തി​ഗ​ത​മായ പഠനം എത്ര പ്രധാ​ന​മാണ്‌? (ബി) നമുക്കു നമ്മോ​ടു​തന്നെ ചോദി​ക്കാ​വുന്ന ചില പ്രസക്ത​മായ ചോദ്യ​ങ്ങ​ളേവ?

⁹ ആത്മീയ​മായ ആഴക്കു​റ​വും പാറ​ക്കെ​ട്ടു​ക​ളും മണൽത്തി​ട്ട​ക​ളും ഒഴിവാ​ക്കാൻവേണ്ടി നാം ദൈവ​വ​ച​ന​ത്തി​ന്റെ ഒരു നിരന്ത​ര​മായ പഠനത്താൽ നമ്മുടെ “നാവിക ഭൂപടങ്ങൾ” സംബന്ധിച്ച്‌ ഏററവും പുതിയ വിവരങ്ങൾ അറിഞ്ഞി​രി​ക്കേണ്ട ആവശ്യ​മുണ്ട്‌. നമ്മെ സത്യത്തി​ലേക്കു കൊണ്ടു​വന്ന അടിസ്ഥാന പഠനത്തിൽ മാത്രം ആശ്രയി​ക്കാൻ നമുക്കാ​കില്ല. നമ്മുടെ ആത്മീയ​ബലം ആശ്രയി​ച്ചി​രി​ക്കു​ന്നതു പഠനത്തി​ന്റെ​യും സേവന​ത്തി​ന്റെ​യും നിരന്ത​ര​വും സമനി​ല​യു​ള്ള​തും ആയ ഒരു കർമപ​രി​പാ​ടി​യി​ലാണ്‌. ഉദാഹ​ര​ണ​ത്തിന്‌, ഈ പ്രതി​യും കയ്യി​ലേന്തി നാം സഭയിലെ വീക്ഷാ​ഗോ​പു​ര​ധ്യ​യ​ന​ത്തി​നു സംബന്ധി​ക്കു​മ്പോൾ, നമുക്കു നമ്മോ​ടു​തന്നെ ചോദി​ക്കാ​നാ​കും, ‘ഞാൻ അഥവാ ഒരു കുടും​ബ​മെന്ന നിലയിൽ ഞങ്ങൾ തിരു​വെ​ഴു​ത്തു​കൾ പരി​ശോ​ധി​ച്ചു​കൊ​ണ്ടും അവയുടെ പ്രയു​ക്ത​തയെ സംബന്ധി​ച്ചു ധ്യാനി​ച്ചു​കൊ​ണ്ടും ഈ ലേഖനം വാസ്‌ത​വ​ത്തിൽ പഠിച്ചു​വോ? അതോ ഞങ്ങൾ കേവലം ഉത്തരങ്ങൾക്ക്‌ അടിവ​ര​യി​ട്ടു​വോ? ഒരുപക്ഷേ, ഞങ്ങൾ യോഗ​ത്തി​നു മുമ്പായി ലേഖനം ഒന്നു വായി​ച്ചു​നോ​ക്കു​ന്നതു പോലും അവഗണി​ച്ചു​വോ? ഈ ചോദ്യ​ങ്ങൾക്കുള്ള സത്യസ​ന്ധ​മായ ഉത്തരങ്ങൾ ചിന്തക്കു വക നൽകു​ക​യും പുരോ​ഗതി പ്രാപി​ക്കാ​നുള്ള ആഗ്രഹ​ത്തി​നു തിരി​കൊ​ളു​ത്തു​ക​യും ചെയ്‌തേ​ക്കാം—അത്‌ അത്യാ​വ​ശ്യ​മാ​യി വരു​ന്നെ​ങ്കിൽ.—എബ്രായർ 5:12-14.

10. ആത്മപരി​ശോ​ധന പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁰ അത്തരം ആത്മപരി​ശോ​ധന പ്രധാ​ന​മാ​യി​രി​ക്കു​ന്ന​തെ​ന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ, നാം ജീവി​ക്കു​ന്നതു സാത്താന്റെ ആത്മാവ്‌ ആധിപ​ത്യം പുലർത്തുന്ന ഒരു ലോക​ത്തി​ലാണ്‌, ദൈവ​ത്തി​ലും അവിടു​ത്തെ വാഗ്‌ദാ​ന​ങ്ങ​ളി​ലും ഉള്ള നമ്മുടെ വിശ്വാ​സ​ത്തിന്‌ അനേകം നിഗൂഢ വിധങ്ങ​ളിൽ തുരങ്കം​വെ​ക്കാൻ ശ്രമി​ക്കുന്ന ഒരു ലോക​ത്തിൽ തന്നെ. ആത്മീയാ​വ​ശ്യ​ങ്ങൾ ശ്രദ്ധി​ക്കാൻ നമുക്കു സമയമി​ല്ലാ​ത്ത​വി​ധം നമ്മെ തിരക്കി​ലാ​ക്കി​നിർത്താൻ ആഗ്രഹി​ക്കുന്ന ഒരു ലോക​മാ​ണിത്‌. അതു​കൊണ്ട്‌ നാം നമ്മോ​ടു​തന്നെ ചോദി​ക്കേ​ണ്ട​താണ്‌, ‘എന്റെ കുടും​ബം ആത്മീയ​മാ​യി ബലിഷ്‌ഠ​മാ​ണോ? ഞാൻ ഒരു പിതാ​വെന്ന നിലയിൽ ആയിരി​ക്കേണ്ട വിധത്തിൽ ശക്തനാ​ണോ? ഞങ്ങൾ ഒരു കുടും​ബം എന്ന നിലയിൽ, നീതി​യി​ലും വിശ്വ​സ്‌ത​ത​യി​ലും അധിഷ്‌ഠി​ത​മായ തീരു​മാ​നങ്ങൾ എടുക്കാൻ ഞങ്ങളെ സഹായി​ക്കുന്ന, മനസ്സിനെ കർമോ​ദ്യു​ക്ത​മാ​ക്കുന്ന ആ ആത്മീയ​ശക്തി നട്ടുവ​ളർത്തു​ന്നു​ണ്ടോ?’—എഫെസ്യർ 4:23, 24.

11. ക്രിസ്‌തീയ യോഗങ്ങൾ ആത്മീയ​മാ​യി പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ഒരു ദൃഷ്ടാന്തം നൽകുക.

¹¹ നാം സംബന്ധി​ക്കുന്ന ഓരോ യോഗ​ത്താ​ലും നമ്മുടെ ആത്മീയത ബലപ്പെ​ടു​ത്ത​പ്പെ​ടണം. സാത്താ​ന്റേ​തായ പ്രതി​കൂല ലോക​ത്തിൽ അതിജീ​വി​ക്കാൻ ശ്രമി​ച്ചു​കൊ​ണ്ടു നാം ചെലവ​ഴി​ക്കേ​ണ്ടി​വ​രുന്ന നീണ്ട മണിക്കൂ​റു​കൾക്കു​ശേഷം രാജ്യ​ഹാ​ളി​ലോ സഭാപു​സ്‌ത​കാ​ധ്യ​യ​ന​ത്തി​ലോ നാം ചെലവി​ടുന്ന ആ വിലപി​ടിച്ച മണിക്കൂ​റു​കൾ നമുക്കു നവോൻമേഷം പകർന്നു കിട്ടാൻ സഹായി​ക്കു​ന്നു. ഉദാഹ​ര​ണ​ത്തിന്‌, ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻ എന്ന പുസ്‌തകം പഠിക്കാൻ കഴിഞ്ഞത്‌ എന്തൊരു നവോൻമേ​ഷ​പ്ര​ദ​മാ​യി​രു​ന്നു! യേശു​വി​നെ​യും അവിടു​ത്തെ ജീവി​ത​ത്തെ​യും അവിടു​ത്തെ ശുശ്രൂ​ഷ​യെ​യും സംബന്ധിച്ച്‌ ഒരു മെച്ചപ്പെട്ട ഗ്രാഹ്യം ലഭിക്കാൻ ഇതു നമ്മെ സഹായി​ച്ചു. പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ നാം ശ്രദ്ധാ​പൂർവം വായി​ക്കു​ക​യും വ്യക്തി​ഗ​ത​മായ ഗവേഷ​ണങ്ങൾ നടത്തു​ക​യും, അങ്ങനെ യേശു വെച്ച മാതൃ​ക​യിൽനി​ന്നു ധാരാളം കാര്യങ്ങൾ പഠിക്കു​ക​യും ചെയ്‌തു.—എബ്രായർ 12:1-3; 1 പത്രൊസ്‌ 2:21.

12. വയൽശു​ശ്രൂഷ നമ്മുടെ ആത്മീയ​തയെ പരി​ശോ​ധി​ക്കു​ന്ന​തെ​ങ്ങനെ?

¹² നമ്മുടെ ആത്മീയ​ത​യു​ടെ ഒരു ഉത്തമ പരി​ശോ​ധ​ന​യാ​ണു ക്രിസ്‌തീയ ശുശ്രൂഷ. പലപ്പോ​ഴും ഉദാസീ​ന​രോ എതിർക്കു​ന്ന​വ​രോ ആയ പൊതു​ജ​ന​ങ്ങ​ളു​ടെ മുമ്പിൽ ഔപചാ​രി​ക​വും അനൗപ​ചാ​രി​ക​വും ആയ സാക്ഷീ​ക​ര​ണ​ത്തിൽ സ്ഥിരോ​ത്സാ​ഹം പ്രകടി​പ്പി​ക്കാൻ ഉചിത​മായ പ്രചോ​ദ​ന​വും ദൈവ​ത്തോ​ടുള്ള സ്‌നേ​ഹ​വും അയൽക്കാ​രോ​ടുള്ള സ്‌നേ​ഹ​വും നമുക്ക്‌ ആവശ്യ​മാണ്‌. നിശ്ചയ​മാ​യും, നിരാ​ക​രി​ക്ക​പ്പെ​ടു​ന്നത്‌ ആരും ആസ്വദി​ക്കു​ന്നില്ല, നമ്മുടെ വയൽശു​ശ്രൂ​ഷ​യിൽ അതു സംഭവി​ക്കാ​വു​ന്ന​തു​മാണ്‌. എന്നാൽ നിരാ​ക​രി​ക്കു​ന്നതു സുവാർത്ത​യെ​യാണ്‌, വ്യക്തി​ക​ളെന്ന നിലയിൽ നമ്മെയല്ല എന്നു നാം ഓർക്കണം. യേശു ഇങ്ങനെ പറയു​ക​യു​ണ്ടാ​യി: “ലോകം നിങ്ങളെ പകെക്കു​ന്നു എങ്കിൽ അതു നിങ്ങൾക്കു മുമ്പെ എന്നെ പകെച്ചി​രി​ക്കു​ന്നു എന്നു അറിവിൻ. നിങ്ങൾ ലോക​ക്കാർ [“ലോക​ത്തി​ന്റെ ഭാഗം,” NW] ആയിരു​ന്നു എങ്കിൽ ലോകം തനിക്കു സ്വന്തമാ​യ​തി​നെ സ്‌നേ​ഹി​ക്കു​മാ​യി​രു​ന്നു; എന്നാൽ നിങ്ങൾ ലോക​ക്കാ​രാ​യി​രി​ക്കാ​തെ ഞാൻ നിങ്ങളെ ലോക​ത്തിൽനി​ന്നു തെര​ഞ്ഞെ​ടു​ത്ത​തു​കൊ​ണ്ടു ലോകം നിങ്ങളെ പകെക്കു​ന്നു. . . . എങ്കിലും എന്നെ അയച്ചവനെ അവർ അറിയാ​യ്‌ക​കൊ​ണ്ടു എന്റെ നാമം നിമിത്തം ഇതു ഒക്കെയും നിങ്ങ​ളോ​ടു ചെയ്യും.”—യോഹ​ന്നാൻ 15:18-21.

പ്രവൃ​ത്തി​കൾ വാക്കു​ക​ളെ​ക്കാൾ ഉച്ചത്തിൽ സംസാ​രി​ക്കു​ന്നു

13. ഒരു കുടും​ബ​ത്തി​ന്റെ ആത്മീയ​തയെ അപകട​പ്പെ​ടു​ത്താൻ ഒരു വ്യക്തിക്കു കഴിയു​ന്ന​തെ​ങ്ങനെ?

¹³ ഒരു കുടും​ബ​ത്തിൽ ഒരാൾ ഒഴികെ മറെറ​ല്ലാ​വ​രും വീടിന്റെ ശുചി​ത്വ​വും വൃത്തി​യും സൂക്ഷി​ക്കു​മ്പോൾ എന്തു സംഭവി​ക്കു​ന്നു? മഴയുള്ള ഒരു ദിവസം മറവി​ക്കാ​ര​നായ വ്യക്തി ഒഴികെ എല്ലാവ​രും കാലിലെ ചെളി​യോ​ടെ വീടി​ന​ക​ത്തേക്കു കയറാ​തി​രി​ക്കാൻ ശ്രദ്ധി​ക്കു​ന്നു. മററു​ള്ള​വർക്ക്‌ അധിക​ജോ​ലിക്ക്‌ ഇടയാ​ക്കി​ക്കൊ​ണ്ടു വീടാകെ പതിഞ്ഞ ചെളി​പി​ടിച്ച കാൽപ്പാ​ടു​കൾ അയാളു​ടെ അശ്രദ്ധ​യ്‌ക്കു തെളിവു നൽകുന്നു. ഇതുതന്നെ ആത്മീയ​ത​ക്കും ബാധക​മാ​കു​ന്നു. സ്വാർഥ​മ​തി​യോ അശ്രദ്ധ​നോ ആയ കേവലം ഒരു വ്യക്തിക്കു കുടും​ബ​ത്തി​ന്റെ സൽപ്പേ​രി​നു കളങ്കം വരുത്താ​നാ​കും. ക്രിസ്‌തു​വി​ന്റെ മനോ​ഭാ​വം പ്രതി​ഫ​ലി​പ്പി​ക്കാൻ മാതാ​പി​താ​ക്കൾ മാത്രമല്ല വീട്ടു​കാർ എല്ലാവ​രും യത്‌നി​ക്കണം. നിത്യ​ജീ​വന്റെ കാഴ്‌ച​പ്പാ​ടോ​ടെ എല്ലാവ​രും ഒത്തൊ​രു​മി​ച്ചു പ്രവർത്തി​ക്കു​മ്പോൾ അത്‌ എത്ര നവോൻമേ​ഷ​പ്ര​ദ​മാണ്‌! ആ കുടും​ബ​ത്തി​ന്റെ മാനസിക ചായ്‌വ്‌ ആത്മീക​മാണ്‌, (എന്നാൽ സ്വയം നീതീ​ക​രി​ക്കുന്ന ഒന്നല്ല). അത്തര​മൊ​രു കുടും​ബ​ത്തിൽ ആത്മീയ​മായ അവഗണ​ന​യു​ടെ ലക്ഷണങ്ങൾ ഉണ്ടാകാ​റില്ല.—സഭാ​പ്ര​സം​ഗി 7:16; 1 പത്രൊസ്‌ 4:1, 2.

14. എന്തു ഭൗതിക പ്രലോ​ഭ​ന​ങ്ങ​ളാ​ണു സാത്താൻ നമ്മുടെ വഴിയിൽ വെക്കു​ന്നത്‌?

¹⁴ ഓരോ ദിവസ​വും നമ്മുടെ ജീവൻ നിലനിർത്താൻ നിറ​വേ​റേറണ്ട അടിസ്ഥാ​ന​പ​ര​മായ ഭൗതി​കാ​വ​ശ്യ​ങ്ങൾ നമുക്ക്‌ എല്ലാവർക്കു​മുണ്ട്‌. (മത്തായി 6:11, 30-32) എന്നാൽ പലപ്പോ​ഴും നമ്മുടെ ആവശ്യ​ങ്ങളെ കവച്ചു​വെ​ക്കു​ന്ന​താ​ണു നമ്മുടെ ആഗ്രഹങ്ങൾ. ഉദാഹ​ര​ണ​ത്തിന്‌, സാത്താന്റെ വ്യവസ്ഥി​തി നമുക്കു നേരെ എല്ലാത്തരം ഗൃഹോ​പ​ക​ര​ണ​ങ്ങ​ളും സാമ​ഗ്രി​ക​ളും വെച്ചു​നീ​ട്ടു​ന്നു. സകലത്തി​ലും അതിനൂ​ത​ന​മാ​യത്‌ ഉണ്ടായി​രി​ക്കണം എന്നു നാം എല്ലായ്‌പോ​ഴും ആഗ്രഹി​ക്കു​ന്നെ​ങ്കിൽ നമുക്ക്‌ ഒരിക്ക​ലും തൃപ്‌തി വരില്ല, കാരണം അതിനൂ​തനം പെട്ടെ​ന്നു​തന്നെ പഴഞ്ചനാ​യി​ത്തീ​രു​ക​യും അതിലും വിശേ​ഷ​ത​യാർന്ന മോഡൽ പ്രത്യ​ക്ഷ​പ്പെ​ടു​ക​യും ചെയ്യുന്നു. വാണി​ജ്യ​ലോ​കം ഒരിക്ക​ലും നിൽക്കാത്ത ഒരു ഉല്ലാസ​വ​ലയം തീർത്തി​രി​ക്കു​ന്നു. അതു നമ്മെ വർധി​ച്ചു​കൊ​ണ്ടേ​യി​രി​ക്കുന്ന ആഗ്രഹ​ങ്ങളെ തൃപ്‌തി​പ്പെ​ടു​ത്താൻ കൂടുതൽ പണം ഉണ്ടാക്കാൻ ശ്രമി​ക്കു​ന്ന​തി​ലേക്കു വശീക​രി​ക്കു​ന്നു. “മൗഢ്യ​വും ഹാനി​ക​ര​വു​മായ അനേകം ആഗ്രഹങ്ങ”ളിലേ​ക്കോ “അബദ്ധജ​ഡി​ല​വും അപകട​ക​ര​വു​മായ ജീവി​താ​ഭി​ലാ​ഷങ്ങ”ളിലേ​ക്കോ ഇതിനു നയിക്കാൻ കഴിയും. ആത്മീയ പ്രവർത്ത​ന​ങ്ങൾക്കുള്ള സമയം കുറച്ചു-കുറച്ച്‌ അതിന്‌ അസന്തു​ലി​ത​മായ ഒരു ജീവി​ത​ത്തിൽ കലാശി​ക്കാൻ കഴിയും.—1 തിമൊ​ഥെ​യൊസ്‌ 6:9, 10; ദ ജറൂസ​ലേം ബൈബിൾ.

15. കുടും​ബ​നാ​ഥന്റെ മാതൃക പ്രധാ​ന​മാ​യി​രി​ക്കു​ന്നത്‌ ഏതു വിധത്തിൽ?

¹⁵ ഇവിടെ വീണ്ടും, ക്രിസ്‌തീ​യ​കു​ടും​ബ​ത്തി​ന്റെ ശിരസ്സ്‌ വെക്കുന്ന മാതൃക വളരെ പ്രധാ​ന​മാണ്‌. ലൗകി​ക​വും ആത്മീയ​വും ആയ ഉത്തരവാ​ദി​ത്വ​ങ്ങ​ളു​ടെ നേർക്കുള്ള അദ്ദേഹ​ത്തി​ന്റെ സമനി​ല​യുള്ള മനോ​ഭാ​വം മററു കുടും​ബാം​ഗ​ങ്ങളെ പ്രചോ​ദി​പ്പി​ക്കണം. പിതാവ്‌ ഉത്‌കൃ​ഷ്ട​മായ നിർദേ​ശങ്ങൾ വാക്കാൽ കൊടു​ക്കു​ക​യും എന്നാൽ സ്വന്തം വാക്കു​കൾക്കു ചേർച്ച​യിൽ ജീവി​ക്കാൻ പരാജ​യ​പ്പെ​ടു​ക​യു​മാ​ണെ​ങ്കിൽ അതു നിശ്ചയ​മാ​യും ഇടിച്ചു​ക​ള​യുന്ന ഫലമു​ണ്ടാ​ക്കും. എന്റെ പ്രവൃത്തി നോക്കേണ്ട, വചനം നോക്കി​യാൽ മതി എന്ന സമീപനം കുട്ടി​കൾക്കു പെട്ടെന്നു മനസ്സി​ലാ​ക്കാൻ കഴിയും. അതു​പോ​ലെ, മററു​ള്ള​വ​രോ​ടു വീടു​തോ​റു​മുള്ള ശുശ്രൂ​ഷ​യിൽ പങ്കെടു​ക്കാൻ പ്രോ​ത്സാ​ഹി​പ്പി​ക്കുന്ന ഒരു മൂപ്പനോ ശുശ്രൂ​ഷാ​ദാ​സ​നോ, അതേ സമയം ആ പ്രവർത്ത​ന​ത്തിൽ തന്റെ കുടും​ബ​ത്തോ​ടു ചേരു​ന്നി​ല്ലെ​ങ്കിൽ ഉടനെ അദ്ദേഹ​ത്തി​നു കുടും​ബ​ത്തി​ലും സഭയി​ലും ഉള്ള വിശ്വാ​സ്യത നഷ്ടപ്പെ​ടും.—1 കൊരി​ന്ത്യർ 15:58; മത്തായി 23:3 താരത​മ്യ​പ്പെ​ടു​ത്തുക.

16. നാം നമ്മോ​ടു​തന്നെ ഏതു ചോദ്യ​ങ്ങൾ ചോദി​ക്കേ​ണ്ട​താണ്‌?

¹⁶ അതു​കൊണ്ട്‌, നമുക്കു പ്രയോ​ജ​ന​പ്ര​ദ​മാ​കു​മാ​റു നമ്മുടെ ജീവി​ത​ങ്ങളെ പരി​ശോ​ധി​ക്കാം. ആത്മീയ പുരോ​ഗതി പ്രാപി​ക്കു​ന്ന​തി​നെ അവഗണി​ച്ചു​കൊ​ണ്ടു ലൗകിക വിജയം കൈവ​രി​ക്കു​ന്ന​തിൽ നാം മുഴു​കി​യി​രി​ക്കു​ന്നു​വോ? നാം ലൗകി​ക​മാ​യി ഉയരു​ക​യും സഭയിൽ താഴു​ക​യും ചെയ്യു​ന്നു​വോ? പൗലോ​സി​ന്റെ ബുദ്ധ്യു​പ​ദേശം ഓർക്കുക: “ഒരുവൻ അദ്ധ്യക്ഷ​സ്ഥാ​നം കാംക്ഷി​ക്കു​ന്നു​വെ​ങ്കിൽ നല്ലവേല ആഗ്രഹി​ക്കു​ന്നു. എന്നുള്ളതു വിശ്വാ​സ​യോ​ഗ്യം ആകുന്നു.” (1 തിമൊ​ഥെ​യൊസ്‌ 3:1) തൊഴിൽസ്ഥ​ലത്തെ ഉദ്യോ​ഗ​ക്ക​യ​റ​റ​ത്തെ​ക്കാൾ സഭയി​ലുള്ള ഒരു ഉത്തരവാ​ദി​ത്വ​ബോ​ധം നമ്മുടെ ആത്മീയത സംബന്ധി​ച്ചു കൂടുതൽ സൂചി​പ്പി​ക്കു​ന്നു. യഹോ​വക്ക്‌ എന്നതി​ലു​പരി തൊഴി​ലു​ട​മ​കൾക്കു സമർപ്പി​ച്ചി​രി​ക്കു​ന്നു എന്നപോ​ലെ അവർ നമ്മെ നിയ​ന്ത്രി​ക്കാൻ നമ്മുടെ തൊഴി​ലു​ട​മ​കളെ അനുവ​ദി​ക്കാ​തി​രി​ക്കു​ന്ന​തിന്‌ നാം ശ്രദ്ധാ​പൂർവം ഒരു സമനില കാക്കേ​ണ്ട​തുണ്ട്‌.—മത്തായി 6:24.

അർഥവ​ത്തായ ആശയവി​നി​യമം ആത്മീയത അഭിവൃ​ദ്ധി​പ്പെ​ടു​ത്തു​ന്നു

17. ഒരു കുടും​ബ​ത്തിൽ യഥാർഥ സ്‌നേഹം നട്ടുവ​ളർത്തു​ന്ന​തി​നു സംഭാവന ചെയ്യു​ന്നത്‌ എന്താണ്‌?

¹⁷ ഇന്നു ലക്ഷക്കണ​ക്കി​നു ഭവനങ്ങൾ ഫലത്തിൽ വിശ്ര​മ​സ​ങ്കേ​തങ്ങൾ മാത്ര​മാ​യി ചുരു​ങ്ങി​യി​രി​ക്കു​ന്നു. എങ്ങനെ? കുടും​ബാം​ഗങ്ങൾ വരുന്നതു തിന്നാ​നും ഉറങ്ങാ​നും മാത്രം, എന്നിട്ടു പെട്ടെന്നു പോകു​ക​യും ചെയ്യുന്നു. ഒരു മേശക്കു ചുററും ഒരുമി​ച്ചി​രു​ന്നു ഭക്ഷണം ആസ്വദി​ക്കാ​റില്ല. കുടും​ബ​മെന്ന വിചാരം അപ്രത്യ​ക്ഷ​മാ​യി​ക്കൊ​ണ്ടി​രി​ക്കു​ന്നു. ഫലമോ? ആശയവി​നി​മ​യ​ത്തി​ന്റെ അഭാവ​മുണ്ട്‌, അർഥവ​ത്തായ സംഭാ​ഷണം ഇല്ലതന്നെ. അതു മററ്‌ അംഗങ്ങ​ളു​ടെ കാര്യ​ത്തി​ലുള്ള താത്‌പ​ര്യ​ക്കു​റ​വി​ലും, ഒരുപക്ഷേ ഒരു യഥാർഥ താത്‌പ​ര്യ​ത്തി​ന്റെ അഭാവ​ത്തി​ലും കലാശി​ച്ചേ​ക്കാം. നാം പരസ്‌പരം സ്‌നേ​ഹി​ക്കു​മ്പോൾ നാം സംഭാ​ഷി​ക്കാ​നും ശ്രദ്ധി​ക്കാ​നും സമയമു​ണ്ടാ​ക്കു​ന്നു. നാം പ്രോ​ത്സാ​ഹി​പ്പി​ക്കു​ക​യും സഹായി​ക്കു​ക​യും ചെയ്യുന്നു. ദമ്പതികൾ തമ്മിലും മാതാ​പി​താ​ക്ക​ളും കുട്ടി​ക​ളും തമ്മിലും ഉള്ള അർഥവ​ത്തായ ആശയവി​നി​യമം ആത്മീയ​ത​യു​ടെ ഈ വശത്ത്‌ ഉൾപ്പെ​ടു​ന്നു.b നമ്മുടെ സന്തോ​ഷ​ങ്ങ​ളും അനുഭ​വ​ങ്ങ​ളും പ്രശ്‌ന​ങ്ങ​ളും പങ്കു​വെ​ക്കാൻവേണ്ടി നാം പരസ്‌പരം അടുക്കു​മ്പോൾ അതിനു സമയവും നയവും ആവശ്യ​മാ​ക്കി​ത്തീർക്കു​ന്നു.—1 കൊരി​ന്ത്യർ 13:4-8; യാക്കോബ്‌ 1:19.

18. (എ) പലപ്പോ​ഴും ആശയവി​നി​മ​യ​ത്തി​നുള്ള ഒരു വൻതടസ്സം എന്താണ്‌? (ബി) അർഥവ​ത്തായ ബന്ധങ്ങൾ കെട്ടി​പ്പൊ​ക്കു​ന്നത്‌ എന്തിൻമേ​ലാണ്‌?

¹⁸ നല്ല ആശയവി​നി​മ​യ​ത്തി​നു സമയവും ശ്രമവും ആവശ്യ​മാണ്‌. പരസ്‌പരം സംസാ​രി​ക്കാ​നും ശ്രദ്ധി​ക്കാ​നും സമയം നീക്കി​വെ​ക്കു​ന്ന​തി​നെ അത്‌ അർഥമാ​ക്കു​ന്നു. ഇതിനുള്ള വൻതട​സ്സ​ങ്ങ​ളിൽ ഒന്ന്‌ അനേകം കുടും​ബ​ങ്ങ​ളി​ലും ആദരപൂർവ​ക​മായ സ്ഥലം കയ്യടക്കി​യി​രി​ക്കുന്ന, സമയം​കൊ​ല്ലി ഉപകര​ണ​മായ ടിവി ആണ്‌. ഇത്‌ ഒരു വെല്ലു​വി​ളി ഉയർത്തു​ന്നു—ടിവി നിങ്ങളെ നിയ​ന്ത്രി​ക്കു​ന്നോ അതോ നിങ്ങൾ അതിനെ നിയ​ന്ത്രി​ക്കു​ന്നോ? ടിവിയെ നിയ​ന്ത്രി​ക്കു​ന്ന​തിന്‌, അതു ഓഫ്‌ ചെയ്യാ​നുള്ള മനക്കരു​ത്തുൾപ്പെടെ, ദൃഢനി​ശ്ചയം ആവശ്യ​മാണ്‌. എന്നാൽ കുടും​ബാം​ഗങ്ങൾ എന്ന നിലയി​ലും ആത്മീയ സഹോ​ദ​രീ​സ​ഹോ​ദ​രൻമാർ എന്ന നിലയി​ലും അന്യോ​ന്യം മൈ​ത്രി​യി​ലാ​കാൻ അങ്ങനെ ചെയ്യു​ന്നതു നമുക്കു വഴി തുറന്നു​ത​രും. അന്യോ​ന്യം നമ്മുടെ ആവശ്യ​ങ്ങ​ളും സന്തോ​ഷ​ങ്ങ​ളും മനസ്സി​ലാ​ക്കാൻ ശ്രമി​ച്ചു​കൊണ്ട്‌ നമുക്കു ചെയ്‌തു​ത​രുന്ന ദയാപു​ര​സ്സ​ര​മായ എല്ലാ സംഗതി​ക​ളെ​യും നാം എന്തുമാ​ത്രം വിലമ​തി​ക്കു​ന്നു എന്നു പരസ്‌പരം പറഞ്ഞു​കൊണ്ട്‌ നല്ല ആശയവി​നി​യമം നടത്തു​ന്നത്‌ അർഥവ​ത്തായ ബന്ധങ്ങൾക്ക്‌ ആവശ്യ​മാണ്‌. മററു വാക്കു​ക​ളിൽപ്പ​റ​ഞ്ഞാൽ, നാം മററു​ള്ള​വ​രോ​ടു നന്ദിയു​ള്ള​വ​രും അവരെ വിലമ​തി​ക്കു​ന്ന​വ​രും ആണെന്ന്‌ അർഥവ​ത്തായ സംഭാ​ഷണം പ്രകട​മാ​ക്കു​ന്നു.—സദൃശ​വാ​ക്യ​ങ്ങൾ 31:28, 29.

19, 20. കുടും​ബ​ത്തി​ലെ എല്ലാവർക്കും​വേണ്ടി നാം കരുതു​ന്നെ​ങ്കിൽ നാം എന്തു ചെയ്യും?

¹⁹ അതു​കൊണ്ട്‌, കുടും​ബ​പ​ശ്ചാ​ത്ത​ല​ത്തിൽ നാം പരസ്‌പരം കരുതു​ന്നു​വെ​ങ്കിൽ—അതിൽ വിശ്വാ​സി​ക​ള​ല്ലാത്ത കുടും​ബാം​ഗ​ങ്ങൾക്കു​വേണ്ടി കരുതു​ന്ന​തും ഉൾപ്പെ​ടു​ന്നു—നാം നമ്മുടെ ആത്മീയ​തയെ പരിപു​ഷ്ടി​പ്പെ​ടു​ത്തു​ന്ന​തി​നും നിലനിർത്തു​ന്ന​തി​നും വേണ്ടി വളരെ​യ​ധി​കം പ്രവർത്തി​ക്കു​ക​യാ​യി​രി​ക്കും. ഒരു കുടും​ബ​പ​ശ്ചാ​ത്ത​ല​ത്തിൽ നാം പത്രോ​സി​ന്റെ ഈ ബുദ്ധ്യു​പ​ദേശം പിൻപ​റ​റു​ക​യാ​യി​രി​ക്കും: “അവസാ​ന​മാ​യി, നിങ്ങ​ളെ​ല്ലാ​വ​രും ഹൃദ​യൈ​ക്യ​വും അനുക​മ്പ​യും സഹോ​ദ​ര​സ്‌നേ​ഹ​വും കരുണ​യും വിനയ​വും ഉള്ളവരാ​യി​രി​ക്കു​വിൻ. തിൻമ​യ്‌ക്കു തിൻമ​യോ, നിന്‌ന്ദ​ന​ത്തിന്‌ നിന്‌ന്ദ​ന​മോ പകരം കൊടു​ക്കാ​തെ, അനു​ഗ്ര​ഹി​ക്കു​വിൻ. അനു​ഗ്രഹം അവകാ​ശ​മാ​ക്കു​ന്ന​തി​നു​വേണ്ടി വിളി​ക്ക​പ്പെ​ട്ടി​രി​ക്കു​ന്ന​വ​രാ​ണ​ല്ലോ നിങ്ങൾ.”—1 പത്രോസ്‌ 3:8, 9, പി.ഒ.സി. ബൈ.

²⁰ നാം നമ്മുടെ ആത്മീയത നിലനിർത്താൻ പ്രയത്‌നി​ക്കു​ന്നെ​ങ്കിൽ നമുക്ക്‌ ഇപ്പോൾ യഹോ​വ​യു​ടെ അനു​ഗ്രഹം ഉണ്ടായി​രി​ക്കാൻ കഴിയും, നമുക്കു പറുദീ​സാ ഭൂമി​യി​ലെ നിത്യ​ജീ​വന്റെ ദാനം ലഭിക്കു​മ്പോൾ ഭാവി​യിൽ അവിടു​ത്തെ അനു​ഗ്രഹം അവകാ​ശ​മാ​ക്കു​ന്ന​തി​ലേ​ക്കും ഇതിനു നയിക്കാൻ കഴിയും. കുടും​ബ​മെന്ന നിലയിൽ ആത്മീയ​മാ​യി പരസ്‌പരം സഹായി​ക്കാൻ നമുക്കു ചെയ്യാൻ കഴിയുന്ന വേറെ​യും സംഗതി​ക​ളുണ്ട്‌. ഒരു കുടും​ബ​മെന്ന നിലയിൽ കാര്യങ്ങൾ ഒത്തൊ​രു​മി​ച്ചു ചെയ്യു​ന്ന​തി​ന്റെ പ്രയോ​ജ​നങ്ങൾ അടുത്ത ലേഖനം ചർച്ച ചെയ്യു​ന്ന​താ​യി​രി​ക്കും.—ലൂക്കൊസ്‌ 23:43; വെളി​പ്പാ​ടു 21:1-4.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ ആത്മീയത എന്നാൽ എന്താണ്‌?

◻ ക്രിസ്‌തു​വി​ന്റെ മാതൃക ഒരു കുടും​ബ​ത്ത​ല​വന്‌ അനുക​രി​ക്കാൻ കഴിയു​ന്ന​തെ​ങ്ങനെ?

◻ നമ്മുടെ ആത്മീയ​ത​യ്‌ക്കു നേരെ​യുള്ള ഭീഷണി​കൾ നമുക്ക്‌ എങ്ങനെ ഒഴിവാ​ക്കാം?

◻ ഒരു കുടും​ബ​ത്തി​ന്റെ ആത്മീയ​തയെ അപകട​പ്പെ​ടു​ത്താൻ എന്തിനു കഴിയും?

◻ അർഥവ​ത്തായ ആശയവി​നി​യമം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

[12-ാം പേജിലെ ചിത്രം]

സഭാപുസ്‌തകാധ്യയനത്തിൽ പങ്കു​കൊ​ള്ളു​ന്നതു കുടും​ബത്തെ ആത്മീയ​മാ​യി ബലിഷ്‌ഠ​മാ​ക്കു​ന്നു