അയൽസ്‌നേഹം സാധ്യ​മാണ്‌

യേശു​ക്രി​സ്‌തു പറഞ്ഞ ശമര്യാ​ക്കാ​രന്റെ ദൃഷ്ടാന്തം ആത്മാർഥ​മായ അയൽസ്‌നേഹം യഥാർഥ​ത്തിൽ എന്തർഥ​മാ​ക്കു​ന്നു​വെന്നു പ്രകട​മാ​ക്കി. (ലൂക്കൊസ്‌ 10:25-37) യേശു ഇതും​കൂ​ടെ പഠിപ്പി​ച്ചു: “നിന്റെ ദൈവ​മായ കർത്താ​വി​നെ (യഹോവയെ, NW) നീ പൂർണ്ണ ഹൃദയ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം. ഇതാകു​ന്നു വലിയ​തും ഒന്നാമ​ത്തേ​തു​മായ കല്‌പന. രണ്ടാമ​ത്തേതു അതി​നോ​ടു സമം: കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.”—മത്തായി 22:37-39.

നിരവധി ആളുക​ളെ​പ്പോ​ലെ, നിങ്ങളു​ടേ​തിൽനി​ന്നു വ്യത്യ​സ്‌ത​മായ വംശത്തിൽപ്പെട്ട നിങ്ങളു​ടെ അയൽക്കാ​രനെ സ്‌നേ​ഹി​ക്കാൻ ബുദ്ധി​മു​ട്ടു​ള്ള​താ​യി നിങ്ങൾക്കു തോന്നു​ന്നു​ണ്ടോ? അങ്ങനെ​യാ​യി​രി​ക്കു​ന്നത്‌ ഒരുപക്ഷേ, നിങ്ങൾ വിവേ​ച​ന​ത്തെ​യും അനീതി​യെ​യും കുറിച്ചു മനസ്സി​ലാ​ക്കു​ക​യോ വ്യക്തി​പ​ര​മാ​യി അവ അനുഭ​വി​ക്കു​ക​യോ ചെയ്‌ത​തു​കൊ​ണ്ടാ​യി​രി​ക്കാം. നിങ്ങളോ നിങ്ങളു​ടെ പ്രിയ​പ്പെ​ട്ട​വ​രോ മറെറാ​രു സമൂഹ​ത്തി​ലെ ആളുക​ളാൽ ഉപദ്ര​വി​ക്ക​പ്പെ​ടു​ക​പോ​ലും ചെയ്‌തി​രി​ക്കാം.

ദൈവ​ത്തി​ന്റെ കൽപ്പന​ക​ളിൽ ഒന്ന്‌ നാം നമ്മുടെ അയൽക്കാ​രനെ സ്‌നേ​ഹി​ക്കണം എന്നതാ​ണെന്നു യേശു സൂചി​പ്പി​ച്ച​തി​നാൽ അത്തരം ശക്തമായ വികാ​ര​ങ്ങളെ തരണം​ചെ​യ്യുക സാധ്യ​മാ​യി​രി​ക്കേ​ണ്ട​താണ്‌. അങ്ങനെ ചെയ്യു​ന്ന​തി​നുള്ള താക്കോൽ ആളുകളെ ദൈവ​വും ക്രിസ്‌തു​വും വീക്ഷി​ക്കു​ന്ന​തു​പോ​ലെ വീക്ഷി​ക്കുക എന്നതാണ്‌. ഇക്കാര്യ​ത്തിൽ നമുക്കു യേശു​വി​ന്റെ​യും ആദ്യകാല ക്രിസ്‌ത്യാ​നി​ക​ളു​ടെ​യും ദൃഷ്ടാന്തം പരിചി​ന്തി​ക്കാം.

യേശു​വി​ന്റെ നല്ല ദൃഷ്ടാന്തം

ഒന്നാം നൂററാ​ണ്ടി​ലെ യഹൂദർക്ക്‌, യഹൂദ്യ​ക്കും ഗലീല​ക്കും ഇടയി​ലുള്ള ഒരു പ്രദേ​ശത്തു വസിച്ചി​രുന്ന ഒരു ജനമായ ശമര്യാ​ക്കാർക്കെ​തി​രെ ശക്തമായ വികാ​രങ്ങൾ ഉണ്ടായി​രു​ന്നു. ഒരവസ​ര​ത്തിൽ യഹൂദ​രായ എതിരാ​ളി​കൾ അവജ്ഞ​യോ​ടെ: “നീ ഒരു ശമര്യൻ; നിനക്കു ഭൂതം ഉണ്ടു എന്നു ഞങ്ങൾ പറയു​ന്നതു ശരിയ​ല്ല​യോ” എന്നു യേശു​വി​നോ​ടു ചോദി​ച്ചു. (യോഹ​ന്നാൻ 8:48) ചില യഹൂദർ ശമര്യാ​ക്കാ​രെ സിന്ന​ഗോ​ഗു​ക​ളിൽവെച്ചു പരസ്യ​മാ​യി ശപിക്കു​ക​യും ശമര്യാ​ക്കാർക്കു നിത്യ​ജീ​വൻ കൊടു​ക്ക​രു​തെന്നു പ്രാർഥി​ക്കു​ക​യും ചെയ്യത്ത​ക്ക​വണ്ണം പോലും ശമര്യാ-വിരുദ്ധ വികാ​രങ്ങൾ അത്ര ശക്തമാ​യി​രു​ന്നു.

സംശയ​ലേ​ശ​മെ​ന്യേ, അഗാധ​സ്ഥി​ത​മായ ഈ വിദ്വേ​ഷ​ത്തെ​ക്കു​റി​ച്ചുള്ള അറിവാ​ണു കവർച്ച​ക്കാ​രു​ടെ പ്രഹര​മേററ യഹൂദനെ പരിര​ക്ഷി​ച്ചു​കൊ​ണ്ടു യഥാർഥ അയൽക്കാ​ര​നെന്നു സ്വയം തെളി​യിച്ച ശമര്യാ​ക്കാ​രന്റെ ദൃഷ്ടാന്തം നൽകാൻ യേശു​വി​നെ പ്രേരി​പ്പി​ച്ചത്‌. മോശ​യു​ടെ ന്യായ​പ്ര​മാ​ണം സംബന്ധി​ച്ചു വിശാ​ര​ദ​നാ​യി​രുന്ന യഹൂദ​മ​നു​ഷ്യൻ “എന്റെ കൂട്ടു​കാ​രൻ (അയൽക്കാരൻ, NW) ആർ” എന്നു ചോദി​ച്ച​പ്പോൾ യേശു​വിന്‌ എങ്ങനെ ഉത്തരം പറയാ​മാ​യി​രു​ന്നു? (ലൂക്കൊസ്‌ 10:29) കൊള്ളാം, ‘നിന്റെ അയൽക്കാ​രിൽ സഹയഹൂ​ദൻ മാത്രമല്ല, മററു മനുഷ്യ​രും, ഒരു ശമര്യാ​ക്കാ​രൻ പോലും ഉൾപ്പെ​ടു​ന്നു’ എന്നു പറഞ്ഞു​കൊ​ണ്ടു യേശു​വി​നു നേരിട്ടു മറുപടി നൽകാ​മാ​യി​രു​ന്നു. എന്നാൽ അതു സ്വീക​രി​ക്കുക പ്രയാ​സ​മെന്നു യഹൂദർ കണ്ടെത്തു​മാ​യി​രു​ന്നു. അതു​കൊണ്ട്‌, അവിടുന്ന്‌ ഒരു ശമര്യാ​ക്കാ​രന്റെ കാരു​ണ്യം ലഭിച്ച ഒരു യഹൂദ​നെ​ക്കു​റി​ച്ചുള്ള ദൃഷ്ടാന്തം വിവരി​ച്ചു. അങ്ങനെ യഥാർഥ അയൽസ്‌നേഹം യഹൂ​ദേ​ത​രി​ലേ​ക്കും വ്യാപി​ക്കു​മെന്നു നിഗമനം ചെയ്യാൻ യേശു യഹൂദ ശ്രോ​താ​ക്കളെ സഹായി​ച്ചു.

യേശു​വി​നു ശമര്യാ​വി​രുദ്ധ വികാ​ര​ങ്ങ​ളി​ല്ലാ​യി​രു​ന്നു. ഒരിക്കൽ ശമര്യ​യിൽക്കൂ​ടി സഞ്ചരി​ക്കവേ തന്റെ ശിഷ്യൻമാർ ഭക്ഷണം വാങ്ങു​ന്ന​തിന്‌ അടുത്തുള്ള പട്ടണത്തി​ലേക്കു പോയ​പ്പോൾ അവിടുന്ന്‌ ഒരു കിണറ​റി​ന്ന​രി​കെ വിശ്ര​മി​ച്ചു. ഒരു ശമര്യാ​ക്കാ​രി വെള്ളം കോരു​ന്ന​തി​നു വന്നപ്പോൾ അവിടു​ന്നു ചോദി​ച്ചു: “എനിക്കു കുടി​പ്പാൻ തരുമോ.” യഹൂദർക്കു ശമര്യാ​ക്കാ​രു​മാ​യി യാതൊ​രി​ട​പാ​ടു​മി​ല്ലാ​ഞ്ഞ​തു​കൊ​ണ്ടു സ്‌ത്രീ ചോദി​ച്ചു: “നീ യഹൂദൻ ആയിരി​ക്കെ ശമര്യ​ക്കാ​ര​ത്തി​യായ എന്നോടു കുടി​പ്പാൻ ചോദി​ക്കു​ന്നതു എങ്ങനെ.” അപ്പോൾ, താനാണു മിശിഹ എന്നു പരസ്യ​മാ​യി പ്രഖ്യാ​പി​ച്ചു​കൊ​ണ്ടു​പോ​ലും യേശു ആ സ്‌ത്രീ​ക്കു സാക്ഷ്യം നൽകി. വന്ന്‌ അവിടു​ത്തെ കേൾക്കാൻ മററു​ള്ള​വരെ വിളി​ക്കാ​നാ​യി പട്ടണത്തി​ലേക്കു പോയി​ക്കൊണ്ട്‌ ആ സ്‌ത്രീ പ്രതി​ക​രി​ച്ചു. ഫലമോ? “ആ പട്ടണത്തി​ലെ പല ശമര്യ​രും അവനിൽ വിശ്വ​സി​ച്ചു.” തന്റെ യഹൂദ സമകാ​ലീ​ന​രു​ടെ ഇടയിൽ പ്രബല​പ്പെ​ട്ടി​രുന്ന മനോ​ഭാ​വ​ത്താൽ തളയ്‌ക്ക​പ്പെ​ടാ​ഞ്ഞ​തി​നാൽ ഉണ്ടായ എന്തൊരു നല്ല ഫലം!—യോഹ​ന്നാൻ 4:4-42.

ദൈവ​ത്തി​നു മുഖപ​ക്ഷ​മി​ല്ല

യേശു മുഖ്യ​മാ​യും യഹൂദ​രോട്‌, “യിസ്രാ​യേൽഗൃ​ഹ​ത്തി​ലെ കാണാ​തെ​പോയ ആടുക​ളോട്‌” പ്രസം​ഗി​ക്ക​ണ​മെ​ന്നതു ദൈവ​ത്തി​ന്റെ ഉദ്ദേശ്യ​മാ​യി​രു​ന്നു. (മത്തായി 15:24) അതിനാൽ അവിടു​ത്തെ ആദ്യകാല അനുഗാ​മി​കൾ യഹൂദ പശ്ചാത്ത​ല​ത്തിൽപ്പെ​ട്ട​വ​രാ​യി​രു​ന്നു. എന്നാൽ പൊ.യു. (പൊതു​യു​ഗം) 33-ലെ പെന്ത​ക്കോ​സ്‌തി​ലു​ണ്ടായ പരിശു​ദ്ധാ​ത്മാ​വി​ന്റെ പകരലി​നു വെറും മൂന്നു വർഷത്തി​നു​ശേഷം യഹൂദ വിശ്വാ​സി​കൾ ജനതക​ളി​ലേക്ക്‌, വിജാ​തീ​യ​രി​ലേക്ക്‌, ശിഷ്യ​രാ​ക്കൽവേല വ്യാപി​പ്പി​ക്കാൻ താൻ ആഗ്രഹി​ക്കു​ന്നെന്നു യഹോവ വ്യക്തമാ​ക്കി.

തന്നെ​പ്പോ​ലെ​ത​ന്നെ ഒരു ശമര്യാ​ക്കാ​രനെ സ്‌നേ​ഹി​ക്കുക എന്നതു യഹൂദ മനസ്സിന്‌ ഉൾക്കൊ​ള്ളാൻ വളരെ ബുദ്ധി​മു​ട്ടാ​യി​രി​ക്കു​മാ​യി​രു​ന്നു. യഹൂദ​രു​മാ​യി ശമര്യാ​ക്കാ​രെ​ക്കാൾ കുറച്ചു പൊതു​താ​ത്‌പ​ര്യം ഉണ്ടായി​രുന്ന പരിച്‌ഛേ​ദ​ന​യേൽക്കാഞ്ഞ വിജാ​തീ​യ​രോട്‌ അയൽസ്‌നേഹം കാട്ടുക അതിലും ബുദ്ധി​മു​ട്ടാ​യി​രി​ക്കു​മാ​യി​രു​ന്നു. വിജാ​തീ​യ​രോ​ടുള്ള യഹൂദ​രു​ടെ മനോ​ഭാ​വ​ത്തെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊ​ണ്ടു ദി ഇൻറർനാ​ഷണൽ സ്‌ററാൻഡേഡ്‌ ബൈബിൾ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നത്‌ ഇങ്ങനെ​യാണ്‌: “അങ്ങേയ​റ​റത്തെ വെറു​പ്പും നിന്ദയും വിദ്വേ​ഷ​വും പു[തിയ] നി[യമ] കാലത്ത്‌ ഉണ്ടായി​രു​ന്ന​താ​യി നാം മനസ്സി​ലാ​ക്കു​ന്നു. അവരെ [വിജാ​തീ​യരെ] അശുദ്ധ​രാ​യി കണക്കാ​ക്കി​യി​രു​ന്നു, അവരു​മാ​യുള്ള ഏതൊ​രു​വിധ സൗഹൃദ ഇടപെ​ട​ലും നിയമ​വി​രു​ദ്ധ​മാ​യി​രു​ന്നു. അവർ ദൈവ​ത്തി​ന്റെ​യും അവിടു​ത്തെ ജനത്തി​ന്റെ​യും ശത്രു​ക്ക​ളാ​യി​രു​ന്നു, മതപരി​വർത്തനം ചെയ്യാ​ത്ത​പക്ഷം അവർക്കു ദൈവ​ത്തെ​ക്കു​റി​ച്ചുള്ള പരിജ്ഞാ​നം നിഷേ​ധി​ക്ക​പ്പെ​ട്ടി​രു​ന്നു. പരിവർത്തനം ചെയ്‌താൽപ്പോ​ലും, പുരാതന കാല​ത്തെ​പ്പോ​ലെ, അവർക്കു പൂർണ​തോ​തി​ലുള്ള കൂട്ടായ്‌മ അനുവ​ദി​ക്കാൻ കഴിയു​മാ​യി​രു​ന്നില്ല. അവർക്കു ബുദ്ധ്യു​പ​ദേശം കൊടു​ക്കു​ന്ന​തിൽനി​ന്നു യഹൂദരെ വിലക്കി​യി​രു​ന്നു, അവർ ദിവ്യ​കാ​ര്യ​ങ്ങ​ളെ​ക്കു​റി​ച്ചു ചോദി​ച്ചാൽ അവരെ ശപിക്ക​ണ​മാ​യി​രു​ന്നു.”

അനേകർക്ക്‌ ഈ വീക്ഷണങ്ങൾ ഉണ്ടായി​രി​ക്കെ, ‘ദൈവം ശുദ്ധീ​ക​രി​ച്ച​തി​നെ അശുദ്ധ​മെന്നു വിളി​ക്കു​ന്നതു’ നിർത്താൻ തന്നോട്‌ ആവശ്യ​പ്പെട്ട ഒരു ദർശനം പത്രോസ്‌ കാണാൻ യഹോവ ഇടയാക്കി. പിന്നെ ദൈവം അദ്ദേഹത്തെ വിജാ​തീ​യ​നായ കൊർന്നെ​ല്യോ​സി​ന്റെ ഭവനത്തി​ലേക്കു നയിച്ചു. പത്രോസ്‌ കൊർന്നെ​ല്യോ​സി​നും അയാളു​ടെ കുടും​ബ​ത്തി​നും മററു വിജാ​തീ​യർക്കും ക്രിസ്‌തു​വി​നെ​ക്കു​റി​ച്ചു സാക്ഷ്യം നൽകി. “ദൈവ​ത്തി​ന്നു മുഖപ​ക്ഷ​മില്ല എന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും ഞാൻ ഇപ്പോൾ യഥാർഥ​മാ​യി ഗ്രഹി​ക്കു​ന്നു” എന്നു പത്രോസ്‌ പറഞ്ഞു. പത്രോസ്‌ സംസാ​രി​ച്ചു​കൊ​ണ്ടി​രി​ക്കെ​ത്തന്നെ ആ പുതിയ വിശ്വാ​സി​ക​ളു​ടെ​മേൽ പരിശു​ദ്ധാ​ത്മാ​വു വന്നു, അനന്തരം അവർ സ്‌നാ​പ​ന​മേൽക്കു​ക​യും ക്രിസ്‌തു​വി​ന്റെ ആദ്യ വിജാ​തീയ അനുഗാ​മി​ക​ളാ​യി​ത്തീ​രു​ക​യും ചെയ്‌തു.—പ്രവൃ​ത്തി​കൾ 10-ാം അധ്യായം.

“സകല ജാതി​ക​ളെ​യും ശിഷ്യ​രാ​ക്കാ”നുള്ള യേശു​വി​ന്റെ കൽപ്പന സകല ദേശങ്ങ​ളി​ലെ​യും യഹൂദ​രിൽ മാത്രം പരിമി​ത​പ്പെ​ടു​ത്താ​തെ വിജാ​തീ​യ​രെ​യും ഉൾപ്പെ​ടു​ത്തി​യി​രു​ന്നെന്നു തിരി​ച്ച​റി​ഞ്ഞു​കൊ​ണ്ടു യഹൂദാ​നു​ഗാ​മി​കൾ ഈ വികാ​സത്തെ അംഗീ​ക​രി​ച്ചു. (മത്തായി 28:19, 20; പ്രവൃ​ത്തി​കൾ 11:18) തങ്ങൾക്കു വിജാ​തീ​യർക്കെ​തി​രെ ഉണ്ടായി​രു​ന്നി​രി​ക്കാ​വുന്ന ഏതു വികാ​ര​ങ്ങ​ളെ​യും തരണം​ചെ​യ്‌തു​കൊ​ണ്ടു ജനതകൾക്കി​ട​യിൽ ശിഷ്യരെ ഉളവാ​ക്കാൻ അവർ ഉത്സാഹ​പൂർവം ഒരു പ്രസം​ഗ​പ്ര​സ്ഥാ​നം സംഘടി​പ്പി​ച്ചു. മുപ്പതിൽത്താ​ഴെ വർഷങ്ങൾക്കു​ശേഷം “ആകാശ​ത്തിൻ കീഴെ സകല സൃഷ്ടി​ക​ളു​ടെ​യും ഇടയിൽ” സുവാർത്ത പ്രസം​ഗി​ക്ക​പ്പെട്ടു എന്നു പറയാൻ കഴിഞ്ഞു.—കൊ​ലൊ​സ്സ്യർ 1:23.

ഈ പ്രസം​ഗ​വേ​ലക്കു നേതൃ​ത്വം നൽകി​ക്കൊ​ണ്ടി​രു​ന്നതു യഹൂദ പശ്ചാത്ത​ല​മു​ണ്ടാ​യി​രുന്ന ഒരു ക്രിസ്‌ത്യാ​നി​യാ​യി​രുന്ന അപ്പോ​സ്‌ത​ല​നായ പൗലോസ്‌ ആയിരു​ന്നു. ക്രിസ്‌തു​വി​ന്റെ അനുഗാ​മി​യാ​കു​ന്ന​തി​നു മുമ്പ്‌ അദ്ദേഹം പരീശ​മ​ത​വി​ഭാ​ഗ​ത്തി​ലെ തീക്ഷ്‌ണ​ത​യുള്ള ഒരംഗ​മാ​യി​രു​ന്നു. അവർ വിജാ​തീ​യരെ മാത്രമല്ല, തങ്ങളു​ടെ​തന്നെ ദേശക്കാ​രായ സാധാ​ര​ണ​ക്കാ​രെ​പ്പോ​ലും അവജ്ഞ​യോ​ടെ വീക്ഷിച്ചു. (ലൂക്കൊസ്‌ 18:11, 12) എന്നാൽ മററു​ള്ള​വ​രോട്‌ അയൽസ്‌നേഹം കാണി​ക്കു​ന്ന​തിൽനി​ന്നു തന്നെ പിന്തി​രി​പ്പി​ക്കാൻ പൗലോസ്‌ ആ വീക്ഷണ​ങ്ങളെ അനുവ​ദി​ച്ചില്ല. മറിച്ച്‌, മെഡി​റ​റ​റേ​നി​യൻ ദേശങ്ങ​ളി​ലു​ട​നീ​ള​മുള്ള ശിഷ്യ​രാ​ക്കൽവേ​ല​ക്കാ​യി തന്റെ ജീവിതം അർപ്പി​ച്ചു​കൊണ്ട്‌ അദ്ദേഹം “ജാതി​ക​ളു​ടെ [വിജാ​തീ​യ​രു​ടെ] ഒരു അപ്പൊ​സ്‌തലൻ” ആയിത്തീർന്നു.—റോമർ 11:13.

തന്റെ ശുശ്രൂ​ഷാ​കാ​ലത്തു പൗലോസ്‌ കല്ലേറു കൊള്ളു​ക​യും അടി​കൊ​ള്ളു​ക​യും തടവി​ലാ​ക്ക​പ്പെ​ടു​ക​യും ചെയ്‌തു. (പ്രവൃ​ത്തി​കൾ 14:19; 16:22, 23) അത്തരം കഠിന​മായ അനുഭ​വങ്ങൾ അദ്ദേഹം പ്രകോ​പി​ത​നാ​കാ​നും തന്റെ സമയം ചില ജനതകൾക്കും വംശീയ സമൂഹ​ങ്ങൾക്കു​മി​ട​യിൽ പാഴാ​ക്കു​ക​യാ​ണെന്നു നിഗമനം ചെയ്യാ​നും ഇടയാ​ക്കി​യോ? അശേഷ​മില്ല. തന്റെ നാളിലെ അനേകം വംശീയ സമൂഹ​ങ്ങൾക്കി​ട​യിൽ ആത്മാർഥ​ഹൃ​ദ​യ​രാ​യവർ ചിതറി​ക്കി​ട​പ്പു​ണ്ടെന്ന്‌ അദ്ദേഹം അറിഞ്ഞി​രു​ന്നു.

ദൈവ​ത്തി​ന്റെ വഴികൾ പഠിക്കാൻ സന്നദ്ധത കാട്ടിയ വിജാ​തീ​യരെ കണ്ടെത്തി​യ​പ്പോൾ പൗലോസ്‌ അവരെ സ്‌നേ​ഹി​ക്കാ​നി​ട​യാ​യി. ഉദാഹ​ര​ണ​ത്തിന്‌, അദ്ദേഹം തെസ്സ​ലോ​നി​ക്യർക്കി​ങ്ങനെ എഴുതി: “ഒരു അമ്മ തന്റെ കുഞ്ഞു​ങ്ങളെ പോറ​റും​പോ​ലെ ഞങ്ങൾ നിങ്ങളു​ടെ ഇടയിൽ ആർദ്ര​ത​യു​ള്ള​വ​രാ​യി​രു​ന്നു. ഇങ്ങനെ ഞങ്ങൾ നിങ്ങളെ ഓമനി​ച്ചു​കൊ​ണ്ടു നിങ്ങൾക്കു ദൈവ​ത്തി​ന്റെ സുവി​ശേഷം പ്രസം​ഗി​പ്പാൻ മാത്രമല്ല, നിങ്ങൾ ഞങ്ങൾക്കു പ്രിയ​രാ​ക​യാൽ ഞങ്ങളുടെ പ്രാണ​നും​കൂ​ടെ വെച്ചു​ത​രു​വാൻ ഒരുക്ക​മാ​യി​രു​ന്നു.” (1 തെസ്സ​ലൊ​നീ​ക്യർ 2:7, 8) പൗലോസ്‌ വിജാ​തീയ തെസ്സ​ലോ​നി​ക്യ​രെ വാസ്‌ത​വ​മാ​യും സ്‌നേ​ഹി​ച്ചെ​ന്നും അവരു​മാ​യുള്ള നല്ല ബന്ധം മൂലമു​ണ്ടായ സന്തോ​ഷത്തെ നശിപ്പി​ക്കാൻ യാതൊ​ന്നി​നെ​യും അനുവ​ദി​ച്ചി​ല്ലെ​ന്നും ഈ ഹൃദയം​ഗ​മ​മായ വാക്കുകൾ പ്രകട​മാ​ക്കു​ന്നു.

അയൽസ്‌നേഹം പ്രവർത്ത​ന​ത്തിൽ

ഇന്ന്‌, ഒന്നാം നൂററാ​ണ്ടി​ലെ​പ്പോ​ലെ, ക്രിസ്‌തീയ സഭയോട്‌ പററി​നിൽക്കു​ന്നവർ സകല വംശീയ സമൂഹ​ങ്ങ​ളി​ലെ​യും ആളുക​ളോട്‌ അയൽസ്‌നേഹം വളർത്തു​ന്നു. മററു​ള്ള​വ​രെ​ക്കു​റിച്ച്‌ ഒരു ദൈവിക വീക്ഷണം വികസി​പ്പി​ച്ചെ​ടു​ക്കു​ന്ന​തി​നാ​ലും അവർക്കു രാജ്യ​സു​വാർത്ത പങ്കു വെക്കു​ന്ന​തി​നാ​ലും, സത്യ​ക്രി​സ്‌ത്യാ​നി​കൾ ഒരുപക്ഷേ തങ്ങൾ ഒരിക്ക​ലും അറിയാ​നി​ട​യാ​കു​ക​യി​ല്ലാത്ത ആളുക​ളെ​ക്കു​റി​ച്ചുള്ള ഗ്രാഹ്യം വിശാ​ല​മാ​ക്കി​യി​രി​ക്കു​ന്നു. അവർക്ക്‌ അവരോ​ടു സഹോ​ദ​ര​സ്‌നേഹം പോലു​മുണ്ട്‌. (യോഹ​ന്നാൻ 13:34, 35) ഇതു നിങ്ങളു​ടെ​യും അനുഭ​വ​മാ​യി​രി​ക്കാൻ കഴിയും.

യഹോ​വ​യു​ടെ സാക്ഷികൾ 229 രാജ്യ​ങ്ങ​ളിൽ കാണ​പ്പെ​ടു​ക​യും ‘സകല ജാതി​ക​ളെ​യും ഗോ​ത്ര​ങ്ങ​ളെ​യും വംശങ്ങ​ളെ​യും ഭാഷക​ളെ​യും’ പ്രതി​നി​ധാ​നം ചെയ്യു​ക​യും ചെയ്യു​ന്നെ​ങ്കി​ലും ഇത്തരം സ്‌നേഹം അവർക്കി​ട​യി​ലുണ്ട്‌. (വെളി​പ്പാ​ടു 7:9) ഒരു ആഗോള സഹോ​ദ​ര​വർഗ​മെ​ന്ന​നി​ല​യിൽ, യഹോ​വയെ ആരാധി​ക്കു​ന്ന​തി​ലും, വംശീയ കലാപ​ങ്ങ​ളി​ലും മാത്സര്യ​ങ്ങ​ളി​ലും പങ്കെടു​ക്കു​ന്ന​തി​നു വിസമ്മ​തി​ക്കു​ന്ന​തി​ലും, ആളുകൾക്കു സഹമനു​ഷ്യ​രോ​ടുള്ള ഊഷ്‌മ​ള​ബ​ന്ധത്തെ കവർന്നു​ക​ള​യുന്ന മുൻവി​ധി​കളെ നിരാ​ക​രി​ക്കു​ന്ന​തി​ലും അവർ ഒററ​ക്കെ​ട്ടാ​യി നില​കൊ​ള്ളു​ന്നു.

സാക്ഷി​ക​ളു​മാ​യി സഹവസി​ക്കുക, അപ്പോൾ, എല്ലാ വംശീയ പശ്ചാത്ത​ല​ങ്ങ​ളി​ലും​പെട്ട ആളുകൾ ദൈവ​ത്തി​ന്റെ ഇഷ്ടം ചെയ്യു​ന്ന​തെ​ങ്ങ​നെ​യെന്നു നിങ്ങൾ നിരീ​ക്ഷി​ക്കും. അവർ ദൈവ​രാ​ജ്യ സുവാർത്ത പ്രസം​ഗി​ക്കു​മ്പോൾ, അയൽസ്‌നേഹം പ്രവർത്ത​ന​ത്തി​ലി​രി​ക്കു​ന്നതു നിങ്ങൾ കാണും. അതേ, കൂടാതെ തങ്ങളുടെ അയൽക്കാ​രെ സ്‌നേ​ഹി​ക്കാൻ തങ്ങൾ യഥാർഥ​ത്തിൽ പഠിച്ചി​ട്ടു​ണ്ടെന്നു സ്വന്തം ജീവി​തം​കൊ​ണ്ടു പ്രകട​മാ​ക്കുന്ന, ദയയും ആത്മാർഥ​ത​യും ഉള്ള ആളുകളെ നിങ്ങൾ അവരുടെ സഭകളിൽ കണ്ടുമു​ട്ടും.

[4-ാം പേജിലെ ചിത്ര​ത്തിന്‌ കടപ്പാട്‌]

Arrival of the Good Samaritan at the Inn/The Doré Bible Illustrations/Dover Publications, Inc.

[6-ാം പേജിലെ ചിത്രം]

യഹോവയുടെ സാക്ഷി​ക​ളു​ടെ സഭകളിൽ നിങ്ങൾ എല്ലാ വർഗങ്ങ​ളി​ലും​പെട്ട സന്തുഷ്ട​രായ ആളുകളെ കണ്ടെത്തും