വായന​ക്കാ​രിൽനി​ന്നുള്ള ചോദ്യ​ങ്ങൾ

മല്‌ക്കീസേദെക്ക്‌ എന്നു പേരുള്ള പുരാതന പുരോ​ഹി​തൻ ഒരു യഥാർഥ മനുഷ്യ​നാ​യി​രു​ന്നി​ട്ടും എന്തു​കൊ​ണ്ടാണ്‌ അദ്ദേഹ​ത്തി​നു “വംശാ​വ​ലി​യില്ല” എന്നു ബൈബിൾ പറയു​ന്നത്‌?

എബ്രായർ 7:3-ലാണ്‌ ഈ പ്രസ്‌താ​വന നടത്തി​യി​രി​ക്കു​ന്നത്‌. ഈ വാക്യ​ത്തി​ന്റെ സന്ദർഭം ശ്രദ്ധി​ക്കുക:

“ശാലേം​രാ​ജാ​വും അത്യു​ന്ന​ത​നായ ദൈവ​ത്തി​ന്റെ പുരോ​ഹി​ത​നു​മായ ഈ മല്‌ക്കീ​സേ​ദെക്ക്‌ രാജാ​ക്കൻമാ​രെ ജയിച്ചു മടങ്ങി​വ​രുന്ന അബ്രാ​ഹാ​മി​നെ എതി​രേ​ററു അനു​ഗ്ര​ഹി​ച്ചു; അബ്രാ​ഹാം അവന്നു സകലത്തി​ലും പത്തി​ലൊ​ന്നു കൊടു​ത്തു. അവന്റെ പേരിന്നു ആദ്യം നീതി​യു​ടെ രാജാ​വെ​ന്നും പിന്നെ ശാലേം​രാ​ജാ​വു എന്നു​വെ​ച്ചാൽ സമാധാ​ന​ത്തി​ന്റെ രാജാവു എന്നും അർത്ഥം. അവന്നു പിതാ​വില്ല, മാതാ​വില്ല, വംശാ​വ​ലി​യില്ല, ജീവാ​രം​ഭ​വും ജീവാ​വ​സാ​ന​വും ഇല്ല; അവൻ ദൈവ​പു​ത്രന്നു തുല്യ​നാ​യി എന്നേക്കും പുരോ​ഹി​ത​നാ​യി​രി​ക്കു​ന്നു.”—എബ്രായർ 7:1-3.

പറഞ്ഞി​രി​ക്കു​ന്ന​പ്ര​കാ​രം മല്‌ക്കീ​സേ​ദെക്ക്‌ അദ്ദേഹ​ത്തി​നു നേരിട്ട്‌ ഇടപാ​ടു​ക​ളു​ണ്ടാ​യി​രുന്ന അബ്രാ​ഹാ​മി​നെ​പ്പോ​ലെ ഒരു യഥാർഥ മനുഷ്യ​നാ​യി​രു​ന്നു. (ഉല്‌പത്തി 14:17-20; എബ്രായർ 7:4-10) അങ്ങനെ​യാ​ക​യാൽ, മല്‌ക്കീ​സേ​ദെ​ക്കി​നു മാതാ​വും പിതാ​വും ഉണ്ടായി​രു​ന്നി​രി​ക്കണം, അദ്ദേഹ​ത്തി​നു സന്താന​ങ്ങ​ളും ഉണ്ടായി​രു​ന്നി​രി​ക്കാം. അതു​കൊണ്ട്‌, ഒരു മനുഷ്യൻ എന്ന നിലയിൽ അദ്ദേഹ​ത്തിന്‌ വംശാ​വലി അല്ലെങ്കിൽ വംശപാ​ര​മ്പ​ര്യം ഉണ്ടായി​രു​ന്നു. അദ്ദേഹം മരിക്കു​ക​യു​മു​ണ്ടാ​യി. അപ്പോ​സ്‌ത​ല​നായ പൗലോസ്‌ റോമർ 5:12, 14-ൽ നൽകിയ പ്രസ്‌താ​വ​ന​യോ​ടുള്ള ചേർച്ച​യിൽ മല്‌ക്കീ​സേ​ദെക്ക്‌ ഏതോ ഘട്ടത്തിൽ മരിച്ചു. എന്നാൽ അദ്ദേഹം എന്നാണു മരിച്ച​തെ​ന്നും അങ്ങനെ പുരോ​ഹി​ത​നാ​യുള്ള സേവനം എന്നാണ്‌ അവസാ​നി​ച്ച​തെ​ന്നും നമുക്ക​റി​ഞ്ഞു​കൂ​ടാ, ആ അർഥത്തിൽ അറിയ​പ്പെ​ടുന്ന അവസാനം ഇല്ലാതെ അദ്ദേഹം സേവിച്ചു.

എബ്രാ​യർക്കു​ള്ള പുസ്‌ത​ക​ത്തിൽ പൗലോസ്‌ ഒരു ശ്രേഷ്‌ഠ മഹാപു​രോ​ഹി​ത​നാ​യുള്ള യേശു​ക്രി​സ്‌തു​വി​ന്റെ റോളി​നെ സംബന്ധി​ച്ചു പറഞ്ഞ​പ്പോൾ മല്‌ക്കീ​സേ​ദെ​ക്കി​നെ​പ്പ​ററി പരാമർശ​നങ്ങൾ നടത്തി. യേശു​വി​ന്റെ ഈ പൗരോ​ഹി​ത്യ റോളിൽ മല്‌ക്കീ​സേ​ദെ​ക്കി​നെ ഒരു മുൻകു​റി​യാ​യി അല്ലെങ്കിൽ മാതൃ​ക​യാ​യി പരാമർശി​ച്ചു​കൊണ്ട്‌ പൗലോസ്‌ പറഞ്ഞു: “യേശു മല്‌ക്കീ​സേ​ദെ​ക്കി​ന്റെ ക്രമ​പ്ര​കാ​രം എന്നേക്കും മഹാപു​രോ​ഹി​ത​നാ​യി” തീർന്നി​രി​ക്കു​ന്നു. (എബ്രായർ 6:20) ഏതർഥ​ത്തിൽ?

മല്‌ക്കീ​സേ​ദെ​ക്കി​ന്റെ കുടുംബ വംശാ​വ​ലി​യെ—അദ്ദേഹ​ത്തി​ന്റെ പൂർവി​കൻമാ​രെ​യോ സന്തതി​ക​ളാ​യി​രി​ക്കാൻ സാധ്യ​ത​യു​ള്ള​വ​രെ​യോ—സംബന്ധി​ച്ചുള്ള വിശദാം​ശങ്ങൾ ബൈബിൾ നൽകു​ന്നി​ല്ലെന്നു പൗലോസ്‌ തിരി​ച്ച​റി​ഞ്ഞി​രി​ക്കും. ആ വിവരം ബൈബിൾ രേഖയി​ലുള്ള കാര്യം അല്ലതന്നെ. അതു​കൊണ്ട്‌, പൗലോ​സി​നോ നമുക്കോ അറിയാ​വുന്ന വസ്‌തു​ത​യു​ടെ നിലപാ​ടിൽനി​ന്നു നോക്കു​മ്പോൾ മല്‌ക്കീ​സേ​ദെ​ക്കി​നെ​ക്കു​റിച്ച്‌ “വംശാ​വ​ലി​യി​ല്ലാ​ത്തവൻ” എന്ന്‌ (ന്യൂ​വേൾഡ്‌ ട്രാൻസ്‌ലേഷൻ; അമേരി​ക്കൻ സ്‌ററാൻഡാർഡ്‌ വേർഷൻ), “വംശോ​ല്‌പ​ത്തി​പ്പ​ട്ടിക ഇല്ലാത്തവൻ” എന്ന്‌ (ഡബ്ലിയൂ. ജെ. കോണീ​ബെയർ), അല്ലെങ്കിൽ “വംശപാ​ര​മ്പ​ര്യ​മി​ല്ലാ​ത്തവൻ” എന്ന്‌ (ജെ. ബി. ഫിലി​പ്‌സ്‌) കൃത്യ​മാ​യി പറയാൻ കഴിയും.

ഏതുവി​ധ​ത്തി​ലാണ്‌ യേശു അങ്ങനെ​യാ​യി​രു​ന്നത്‌? യേശു​വി​ന്റെ പിതാവ്‌ യഹോ​വ​യാം ദൈവം ആയിരു​ന്നു​വെ​ന്നും അവിടു​ത്തെ മാനു​ഷിക മാതാവ്‌ യഹൂദാ ഗോ​ത്ര​ത്തി​ലെ മറിയ ആയിരു​ന്നു​വെ​ന്നും നമുക്ക​റി​യാ​മെ​ന്നതു ശരിതന്നെ. എങ്കിലും മല്‌ക്കീ​സേ​ദെ​ക്കും യേശു​വും തമ്മിൽ ഒരു സാമ്യം ഉണ്ടായി​രു​ന്നു. അതെങ്ങനെ? ഇസ്രയേൽ ജനതയു​ടെ പുരോ​ഹിത കുലമാ​യി​രുന്ന ലേവി ഗോ​ത്ര​ത്തി​ലാ​യി​രു​ന്നില്ല യേശു ജനിച്ചത്‌. ഇല്ല, യേശു മനുഷ്യ​വം​ശാ​വ​ലി​പ്ര​കാ​രം ഒരു പുരോ​ഹി​ത​നാ​യി​ത്തീർന്നില്ല. മല്‌ക്കീ​സേ​ദെക്ക്‌ പുരോ​ഹി​ത​നാ​യ​തും “ജഡസം​ബ​ന്ധ​മായ കല്‌പ​ന​യു​ടെ പ്രമാ​ണ​ത്താൽ അല്ലാ”യിരുന്നു, അതായത്‌, പുരോ​ഹിത ഗോ​ത്ര​ത്തി​ലോ കുടും​ബ​ത്തി​ലോ ജനിക്കു​ക​വ​ഴി​യല്ല എന്നുതന്നെ. (എബ്രായർ 7:15, 16) പുരോ​ഹി​ത​നാ​യി​രുന്ന ഒരു മാനു​ഷ​പി​താ​വി​ലൂ​ടെ പുരോ​ഹി​ത​നാ​കു​ന്ന​തി​നു​പ​കരം യേശു​വിന്‌ “മല്‌ക്കീ​സേ​ദെ​ക്കി​ന്റെ ക്രമ​പ്ര​കാ​രം മഹാപു​രോ​ഹി​തൻ എന്നുള്ള നാമം ദൈവ​ത്താൽ ലഭിച്ചു​മി​രി​ക്കു​ന്നു.”—എബ്രായർ 5:10.

കൂടാതെ യേശു​വി​ന്റെ പൗരോ​ഹി​ത്യ​ത്തിന്‌ അനന്തര​ഗാ​മി​ക​ളോ പിൻഗാ​മി​ക​ളോ ഉണ്ടായി​രു​ന്നില്ല. ഈ അർഥത്തി​ലും അവിടു​ന്നു വംശാ​വലി ഇല്ലാത്ത​വ​നാ​യി​രു​ന്നു. അവിടു​ന്നു സഹായ​ക​നായ ഉപദേ​ശ​ക​നാ​യി നിത്യം പൗരോ​ഹി​ത്യ സേവനം അനുഷ്‌ഠി​ക്കും. എല്ലാ നിത്യ​ത​യി​ലും തുടരുന്ന ഈ സേവന​ത്തെ​ക്കു​റി​ച്ചു പൗലോസ്‌ ഇങ്ങനെ അഭി​പ്രാ​യ​പ്പെട്ടു:

“[യേശു​വോ] എന്നേക്കും ഇരിക്കു​ന്ന​തു​കൊ​ണ്ടു മാറാത്ത പൌ​രോ​ഹി​ത്യം ആകുന്നു പ്രാപി​ച്ചി​രി​ക്കു​ന്നതു. അതു​കൊ​ണ്ടു താൻമു​ഖാ​ന്ത​ര​മാ​യി ദൈവ​ത്തോ​ടു അടുക്കു​ന്ന​വർക്കു വേണ്ടി പക്ഷവാദം ചെയ്‌വാൻ സദാ ജീവി​ക്കു​ന്ന​വ​നാ​ക​യാൽ അവരെ പൂർണ്ണ​മാ​യി രക്ഷിപ്പാൻ അവൻ പ്രാപ്‌ത​നാ​കു​ന്നു.”—എബ്രായർ 7:24, 25.

അതു​കൊണ്ട്‌, എബ്രായർ 7:3-ലെ പൗലോ​സി​ന്റെ വാക്കു​ക​ളു​ടെ പരിചി​ന്തനം നമ്മുടെ തലയിൽ എങ്ങോ സൂക്ഷി​ക്കേണ്ട കേവലം ഒരു അറിവി​ന്റെ ശകലം ആയി ഒതുങ്ങ​രുത്‌. അത്‌, യഹോ​വ​യാം ദൈവം നമ്മുടെ പാപങ്ങൾക്കു നിത്യ​മാ​യി മോചനം ലഭിക്കു​ന്ന​തി​നു ചെയ്‌തി​രി​ക്കുന്ന സ്‌നേ​ഹ​നിർഭ​ര​മായ കരുത​ലി​നോ​ടും നമുക്കു സ്ഥിരമാ​യി സഹായ​വും മാർഗ​നിർദേ​ശ​വും ലഭിക്കു​ന്ന​തിന്‌ അവിടുന്ന്‌ ഒരുക്കി​യി​രി​ക്കുന്ന വിധ​ത്തോ​ടു​മുള്ള നമ്മുടെ വിലമ​തി​പ്പി​നെ ബലിഷ്‌ഠ​മാ​ക്കേ​ണ്ട​താണ്‌.