“സകല സൗമ്യൻമാ​രു​മാ​യു​ള്ളോ​രേ, യഹോ​വയെ അന്വേ​ഷി​പ്പിൻ”

“യഹോ​വ​യു​ടെ ന്യായം പ്രവർത്തി​ക്കു​ന്ന​വ​രാ​യി ഭൂമി​യി​ലെ സകല സൗമ്യൻമാ​രു​മാ​യു​ള്ളോ​രേ, യഹോ​വയെ അന്വേ​ഷി​പ്പിൻ; നീതി അന്വേ​ഷി​പ്പിൻ; സൗമ്യത അന്വേ​ഷി​പ്പിൻ; ഒരുപക്ഷേ നിങ്ങൾ യഹോ​വ​യു​ടെ കോപ​ദി​വ​സ​ത്തിൽ മറയ്‌ക്ക​പ്പെ​ട്ടേ​ക്കാം.”—സെഫന്യാവ്‌ 2:3, NW.

പ്രവാ​ച​ക​നാ​യ സെഫന്യാവ്‌ ആ വാക്കുകൾ സംബോ​ധന ചെയ്‌തത്‌ ‘ഭൂമി​യി​ലെ സൗമ്യ​ത​യു​ള്ളവ’രോടാ​യി​രു​ന്നു. “യഹോ​വ​യു​ടെ കോപ​ദി​വ​സ​ത്തിൽ” സംരക്ഷി​ക്ക​പ്പെ​ടേ​ണ്ട​തി​നു “സൗമ്യത അന്വേഷി”പ്പാൻ അദ്ദേഹം അവരെ ബുദ്ധ്യു​പ​ദേ​ശി​ച്ചു. അതിജീ​വ​ന​ത്തി​നു സൗമ്യത ഒരു അവശ്യ​ഘ​ട​ക​മാ​ണെ​ന്ന​തി​നു യാതൊ​രു സംശയ​വും അവശേ​ഷി​പ്പി​ക്കു​ന്നില്ല. എന്നാൽ എന്തു​കൊണ്ട്‌?

സൗമ്യത അന്വേ​ഷി​ക്കേ​ണ്ടത്‌ എന്തു​കൊണ്ട്‌?

ഗർവമോ അഹംഭാ​വ​മോ ഇല്ലാതെ ശാന്ത സ്വഭാ​വ​മു​ണ്ടാ​യി​രി​ക്കുക എന്ന ഗുണമാ​ണു സൗമ്യത. താഴ്‌മ, വിനയം എന്നിങ്ങ​നെ​യുള്ള മററു സദ്‌ഗു​ണ​ങ്ങ​ളോട്‌ അതു വളരെ അടുത്തു ബന്ധപ്പെ​ട്ടി​രി​ക്കു​ന്നു. ആ സ്ഥിതിക്ക്‌, സൗമ്യ​ത​യു​ള്ളവർ പ്രബോ​ധി​പ്പി​ക്കാൻ പററു​ന്ന​വ​രും തത്‌കാ​ലം വ്യസന​ക​ര​മെന്നു തോന്നി​യാ​ലും ദൈവ​ത്തി​ന്റെ കൈയാ​ലുള്ള ശിക്ഷണം സ്വീക​രി​ക്കാൻ ഒരുക്ക​മു​ള്ള​വ​രു​മാണ്‌.—സങ്കീർത്തനം 25:9; എബ്രായർ 12:4-11.

സൗമ്യ​തക്ക്‌ അതിൽത്തന്നെ ഒരുവന്റെ വിദ്യാ​ഭ്യാ​സ​ത്തോ​ടോ ജീവി​ത​നി​ല​വാ​ര​ത്തോ​ടോ യാതൊ​രു ബന്ധവു​മി​ല്ലാ​യി​രി​ക്കാം. എന്നാൽ ഉന്നത വിദ്യാ​ഭ്യാ​സ​മു​ള്ള​വ​രും ലൗകി​ക​മായ വിധത്തിൽ വിജയം പ്രാപി​ക്കു​ന്ന​വ​രും തങ്ങൾ എല്ലാ കാര്യ​ത്തി​ലും, ആരാധ​ന​യു​ടെ കാര്യ​ത്തിൽപോ​ലും, സ്വന്തമാ​യി തീരു​മാ​ന​മെ​ടു​ക്കാൻ യോഗ്യ​രാണ്‌ എന്നു ചിന്തി​ച്ചേ​ക്കാൻ പ്രവണത കാട്ടുന്നു. ഇതു തങ്ങളെ എന്തെങ്കി​ലും പഠിപ്പി​ക്കാൻ മറെറാ​രാ​ളെ അനുവ​ദി​ക്കു​ന്ന​തിൽനിന്ന്‌ അല്ലെങ്കിൽ ബുദ്ധ്യു​പ​ദേശം കൈ​ക്കൊ​ണ്ടു തങ്ങളുടെ ജീവി​ത​ത്തിൽ ആവശ്യ​മായ മാററങ്ങൾ വരുത്തു​ന്ന​തിൽനിന്ന്‌ അവരെ തടഞ്ഞേ​ക്കാം. ഭൗതി​ക​മാ​യി സമ്പന്നരായ മററു ചിലർ തങ്ങളുടെ സുരക്ഷി​ത​ത്വം തങ്ങളുടെ ഭൗതിക സ്വത്തു​ക്ക​ളി​ലാണ്‌ എന്ന തെററായ ചിന്തയി​ലേക്കു വഴുതി​വീ​ണേ​ക്കാം. അതിനാൽ ദൈവ​ത്തി​ന്റെ വചനമായ ബൈബി​ളിൽനി​ന്നുള്ള ആത്മീയ സമ്പത്തിന്റെ ആവശ്യകത അവർക്ക്‌ അനുഭ​വ​പ്പെ​ടു​ന്നില്ല.—മത്തായി 4:4; 5:3; 1 തിമൊ​ഥെ​യൊസ്‌ 6:17.

യേശു​വി​ന്റെ നാളിലെ ശാസ്‌ത്രി​മാ​രെ​യും പരീശൻമാ​രെ​യും മുഖ്യ​പു​രോ​ഹി​തൻമാ​രെ​യും​കു​റി​ച്ചു ചിന്തി​ക്കുക. ഒരിക്കൽ യേശു​വി​നെ അറസ്‌ററു ചെയ്യാ​നാ​യി പറഞ്ഞയച്ച ചേവകർ വെറും​കൈ​യോ​ടെ തിരി​ച്ചു​വ​ന്ന​പ്പോൾ പരീശൻമാർ ഇങ്ങനെ പറഞ്ഞു: “നിങ്ങളും തെററി​പ്പോ​യോ? പ്രമാ​ണി​ക​ളിൽ ആകട്ടെ പരീശൻമാ​രിൽ ആകട്ടെ ആരെങ്കി​ലും അവനിൽ വിശ്വ​സി​ച്ചി​ട്ടു​ണ്ടോ? ന്യായ​പ്ര​മാ​ണം അറിയാത്ത പുരു​ഷാ​ര​മോ ശപിക്ക​പ്പെ​ട്ട​വ​രാ​കു​ന്നു.” (യോഹ​ന്നാൻ 7:45-49) മററു വാക്കു​ക​ളിൽ പറഞ്ഞാൽ, അവരുടെ കണക്കിന്‌ അജ്ഞരും അനഭ്യ​സ്‌ത​രും മാത്രമേ യേശു​വിൽ വിശ്വ​സി​ക്കാൻമാ​ത്രം വിഡ്‌ഢി​ക​ളാ​യി​രി​ക്കൂ.

എന്നിട്ടും ചില പരീശൻമാർ സത്യത്തി​ലേക്ക്‌ ആകർഷി​ക്ക​പ്പെ​ടു​ക​യും ക്രിസ്‌തു​വി​നും ക്രിസ്‌ത്യാ​നി​കൾക്കും വേണ്ടി വാദി​ക്കു​ക​യും ചെയ്‌തു. ഇവരിൽ പെട്ടവ​രാ​യി​രു​ന്നു നിക്കോ​ദേ​മൊ​സും ഗമാലി​യേ​ലും. (യോഹ​ന്നാൻ 7:50-52; പ്രവൃ​ത്തി​കൾ 5:34-40) യേശു​വി​ന്റെ മരണ​ശേഷം “പുരോ​ഹി​തൻമാ​രി​ലും വലി​യോ​രു കൂട്ടം വിശ്വാ​സ​ത്തി​ന്നു അധീന​രാ​യി​ത്തീർന്നു.” (പ്രവൃ​ത്തി​കൾ 6:7) ഏററവും മികച്ച ദൃഷ്ടാന്തം അപ്പോ​സ്‌ത​ല​നായ പൗലോ​സി​ന്റേ​താ​യി​രു​ന്നെ​ന്ന​തി​നു സംശയ​മില്ല. അദ്ദേഹം ഗമാലി​യേ​ലിൽനി​ന്നു വിദ്യ അഭ്യസി​ച്ചിട്ട്‌ യഹൂദ​മ​ത​ത്തി​ന്റെ സമർഥ​നും ബഹുമാ​ന്യ​നു​മായ ഒരു വക്താവാ​യി​ത്തീർന്നു. എന്നിരു​ന്നാ​ലും, സമയമാ​യ​പ്പോൾ ക്രിസ്‌തു​യേ​ശു​വി​ന്റെ വിളി​യോ​ടു പ്രതി​ക​രി​ക്കു​ക​യും അവിടു​ത്തെ തീക്ഷ്‌ണാ​നു​ഗാ​മി​യാ​യി​ത്തീ​രു​ക​യും ചെയ്‌തു.—പ്രവൃ​ത്തി​കൾ 22:3; 26:4, 5; ഗലാത്യർ 1:14-24; 1 തിമൊ​ഥെ​യൊസ്‌ 1:12-16.

ഇതെല്ലാം കാണി​ക്കു​ന്നത്‌, ഒരുവന്റെ പശ്ചാത്തലം എന്തുത​ന്നെ​യാ​യി​രു​ന്നാ​ലും, അല്ലെങ്കിൽ ബൈബിൾസ​ന്ദേ​ശ​ത്തെ​ക്കു​റിച്ച്‌ ഒരുവൻ ഇപ്പോൾ എങ്ങനെ വിചാ​രി​ച്ചാ​ലും സെഫന്യാ​വി​ന്റെ വാക്കുകൾ അപ്പോ​ഴും ബാധക​മാണ്‌. ആരെങ്കി​ലും ദൈവ​ത്താൽ അംഗീ​ക​രി​ക്ക​പ്പെ​ടാ​നും അവിടു​ത്തെ വചനത്താൽ വഴിന​ട​ത്ത​പ്പെ​ടാ​നും ആഗ്രഹി​ക്കു​ന്നെ​ങ്കിൽ സൗമ്യത അനിവാ​ര്യ​മാണ്‌.

ഇന്നു “സൗമ്യത അന്വേ​ഷി​ക്കു”ന്നവർ

ഇന്ന്‌, ലോക​ത്തി​നു​ചു​റ​റു​മുള്ള ലക്ഷക്കണ​ക്കി​നാ​ളു​കൾ രാജ്യ​സു​വാർത്ത​യോ​ടു പ്രതി​ക​രി​ക്കു​ന്നുണ്ട്‌. അത്തരമാ​ളു​ക​ളു​ടെ ഭവനങ്ങ​ളിൽവെച്ചു യഹോ​വ​യു​ടെ സാക്ഷികൾ വാരം​തോ​റും 40 ലക്ഷത്തി​ല​ധി​കം ബൈബി​ള​ധ്യ​യ​നങ്ങൾ നടത്തുന്നു. ഇവർ അനേക പശ്ചാത്ത​ല​ങ്ങ​ളിൽനി​ന്നും സാമ്പത്തി​ക​വും സാമൂ​ഹി​ക​വു​മായ വ്യത്യസ്‌ത സാഹച​ര്യ​ങ്ങ​ളിൽനി​ന്നു​മു​ള്ള​വ​രാണ്‌. എന്നിട്ടും, അവർക്കെ​ല്ലാം പൊതു​വാ​യുള്ള ഒരു സംഗതി അവരുടെ വീട്ടു​വാ​തിൽക്ക​ലോ മറെറ​വി​ടെ​യെ​ങ്കി​ലു​മോ വച്ച്‌ ആരോ അവർക്കു കൊടുത്ത ബൈബിൾസ​ന്ദേശം സ്വീക​രി​ക്കാൻമാ​ത്ര​മുള്ള താഴ്‌മ അവർക്കുണ്ട്‌ എന്നതാണ്‌. അവരി​ല​നേ​ക​രും നല്ലവണ്ണം പുരോ​ഗ​മി​ക്കു​ന്നുണ്ട്‌, കാരണം തങ്ങളുടെ മാർഗ​മ​ധ്യേ​യുള്ള പ്രതി​ബ​ന്ധ​ങ്ങളെ തരണം ചെയ്യാ​നാ​വ​ശ്യ​മായ ശ്രമം നടത്താൻ അവർ മനസ്സൊ​രു​ക്ക​മു​ള്ളവർ ആണ്‌. അതേ, അവർ ‘ഭൂമി​യി​ലെ സൗമ്യ’രിൽ പെട്ടവ​രാണ്‌.

ഉദാഹ​ര​ണ​ത്തിന്‌ മെക്‌സി​ക്കോ​യി​ലെ മരിയ​യു​ടെ കാര്യ​മെ​ടു​ക്കുക. അവർ സർവക​ലാ​ശാ​ല​യിൽ നിയമം പഠിച്ചു, പൂർവ​സ്വ​ത്തു​ണ്ടാ​യി​രു​ന്ന​തി​നാൽ സാമ്പത്തി​ക​മാ​യി സുരക്ഷി​ത​യു​മാ​യി​രു​ന്നു. ഇക്കാര​ണ​ത്താൽ, അവർ പറഞ്ഞ​പ്ര​കാ​രം, തന്നെ ഒരു “മത്സരി​യും പരുഷ​യും അടക്കി​ഭ​രി​ക്കു​ന്ന​വ​ളും നിരീ​ശ്വ​ര​വി​ശ്വാ​സി​യും” ആക്കിമാ​റ​റിയ ചില യഥേഷ്ട സങ്കൽപ്പങ്ങൾ താൻ വളർത്തി​യെ​ടു​ത്തു. “പണം​കൊണ്ട്‌ എന്തും നേടാ​മെ​ന്നും ദൈവം അപ്രസ​ക്ത​മാ​ണെ​ന്നും ഞാൻ ചിന്തി​ക്കാ​നി​ട​യാ​യി. വാസ്‌ത​വ​ത്തിൽ, അവൻ സ്ഥിതി​ചെ​യ്‌തി​രു​ന്നി​ല്ലെ​ന്നു​പോ​ലും ഞാൻ വിചാ​രി​ച്ചു,” മരിയ ഓർക്കു​ന്നു. “എന്നെ സംബന്ധി​ച്ച​ട​ത്തോ​ളം, മതം അപഹാ​സ്യ​വും വെറു​മൊ​രു സാമൂ​ഹിക ആവശ്യ​വു​മാ​യി​രു​ന്നു,” അവർ കൂട്ടി​ച്ചേർത്തു.

നാളു​കൾക്കു​ശേഷം, തന്റെ ഒരു മച്ചുനൻ യഹോ​വ​യു​ടെ സാക്ഷി​യാ​യ​തിൽപ്പി​ന്നെ അയാളിൽക്കണ്ട മാററങ്ങൾ മരിയ ശ്രദ്ധിച്ചു. “അയാൾ ഭയങ്കര​നാ​യി​രു​ന്നു, ഇപ്പോ​ഴോ, വളരെ ശാന്തനും നേരു​ള്ള​വ​നു​മായ ഒരു വ്യക്തി” മരിയ വിശദീ​ക​രി​ച്ചു. “അയാൾ ഒരു സുവി​ശേ​ഷ​പ്ര​സം​ഗ​ക​നാ​ണെ​ന്നും ബൈബിൾ വായി​ക്കു​മെ​ന്നും അക്കാര​ണ​ത്താൽ അയാൾ മേലാൽ മദ്യപി​ക്കു​ക​യോ പെണ്ണു​പി​ടി​ക്കു​ക​യോ ചെയ്യു​ന്നി​ല്ലെ​ന്നും ബന്ധുക്കൾ പറഞ്ഞു. അതു​കൊണ്ട്‌ അയാൾ വന്ന്‌ എന്നെ ബൈബിൾ വായി​ച്ചു​കേൾപ്പി​ക്കാൻ ഞാനാ​ഗ്ര​ഹി​ച്ചു, കാരണം എനിക്ക്‌ വളരെ ആവശ്യ​മാ​യി​രുന്ന ശാന്തത​യും സമാധാ​ന​വും അങ്ങനെ​യെ​നി​ക്കു കിട്ടു​മ​ല്ലോ എന്നു ഞാൻ ചിന്തിച്ചു.” സാക്ഷി​ക​ളായ ഒരു ദമ്പതി​ക​ളോ​ടൊ​പ്പം മരിയ ഒരു ബൈബി​ള​ധ്യ​യനം സ്വീക​രി​ച്ചെ​ന്ന​താ​ണു ഫലം.

അവർക്കു തരണം ചെയ്യേണ്ട നിരവധി സംഗതി​ക​ളു​ണ്ടാ​യി​രു​ന്നു. ഒന്നാമ​താ​യി, തന്റെ ഭർത്താ​വി​നു കീഴ്‌പെ​ടാൻത​ക്ക​വണ്ണം ശിരസ്ഥാ​ന​മെന്ന ബൈബിൾത​ത്ത്വം അംഗീ​ക​രി​ക്കാൻ അവർക്കു വളരെ ബുദ്ധി​മു​ട്ടു​ണ്ടാ​യി​രു​ന്നു. എന്നാൽ അവർ തന്റെ ജീവി​ത​ത്തി​ലും മനോ​ഭാ​വ​ത്തി​ലും സമൂല മാററങ്ങൾ വരുത്തി. അവർ ഇങ്ങനെ ഏററു​പ​റഞ്ഞു: “യഹോ​വ​യു​ടെ സഹായ​വു​മാ​യി സഹോ​ദ​രൻമാർ എന്റെ വീട്ടിൽ കാലു​കു​ത്തി​യ​നാൾമു​തൽ ഇവിടെ സന്തോ​ഷ​വും സമാധാ​ന​വും ദൈവാ​നു​ഗ്ര​ഹ​വു​മുണ്ട്‌.” ഇന്നു മരിയ സമർപ്പി​ച്ചു സ്‌നാ​പ​ന​മേററ ഒരു യഹോ​വ​യു​ടെ സാക്ഷി​യാണ്‌.

സത്യാ​രാ​ധ​ന​യു​ടെ അനുധാ​വ​ന​ത്തിൽ, സൗമ്യത അല്ലെങ്കിൽ അതിന്റെ അഭാവം സുപ്ര​ധാന പങ്കു വഹിക്കുന്ന മറെറാ​രു വശമുണ്ട്‌. മിക്ക​പ്പോ​ഴും, കുടും​ബ​ത്തിൽ ഭാര്യ സത്യം സ്വീക​രി​ക്കു​ക​യും യഹോ​വയെ സേവി​ക്കാ​നാ​ഗ്ര​ഹി​ക്കു​ക​യും ചെയ്യുന്നു, എന്നാൽ ഭർത്താവു മടിച്ചു നിൽക്കു​ന്നു. തന്റെ ഭാര്യ ഇപ്പോൾ കീഴ്‌പെ​ടേണ്ട മറെറാ​രു വ്യക്തി—യഹോ​വ​യാം ദൈവം—ഉണ്ടെന്ന്‌ അംഗീ​ക​രി​ക്കുക ഒരുപക്ഷേ ചില ഭർത്താ​ക്കൻമാർക്കു പ്രയാ​സ​മാണ്‌. (1 കൊരി​ന്ത്യർ 11:3) മെക്‌സി​ക്കോ​യി​ലെ ചെവാ​വാ​യി​ലെ ഒരു സ്‌ത്രീ ഒരു ബൈബി​ള​ധ്യ​യനം ആവശ്യ​പ്പെ​ടു​ക​യും ക്രമേണ അവരും ഏഴു മക്കളും സത്യത്തിൽ വരുക​യും ചെയ്‌തു. ആദ്യം അവരുടെ ഭർത്താവ്‌ എതിർത്തു. എന്തു​കൊണ്ട്‌? എന്തു​കൊ​ണ്ടെ​ന്നാൽ ബൈബിൾസാ​ഹി​ത്യ​ങ്ങൾ വിതരണം ചെയ്‌തു​കൊ​ണ്ടു തന്റെ കുടും​ബ​ത്തി​ലു​ള്ളവർ വീടു​തോ​റും പോകു​ന്നത്‌ അയാൾക്ക്‌ ഇഷ്ടമി​ല്ലാ​യി​രു​ന്നു. വാസ്‌ത​വ​ത്തിൽ ഇതു തന്റെ അന്തസ്സിനു ചേർന്ന​ത​ല്ലെന്ന്‌ അയാൾ വിചാ​രി​ച്ചു. എന്നുവ​രി​കി​ലും, അയാളു​ടെ കുടും​ബം ദൈവത്തെ സേവി​ക്കാ​നുള്ള തങ്ങളുടെ തീരു​മാ​ന​ത്തിൽ ഉറച്ചു​നി​ന്നു. കാല​ക്ര​മേണ, ദൈവ​ത്തി​ന്റെ ക്രമീ​ക​ര​ണത്തെ അംഗീ​ക​രി​ക്കു​ന്ന​തി​ന്റെ മൂല്യം ഭർത്താവു തിരി​ച്ച​റി​യാൻ തുടങ്ങി. എന്നാൽ അയാൾ യഹോ​വക്കു സമർപ്പി​ക്കു​മ്പോ​ഴേ​ക്കും 15 വർഷങ്ങൾ കടന്നു​പോ​യി​രു​ന്നു.

മെക്‌സി​ക്കോ​യി​ലു​ട​നീ​ളം, തദ്ദേശ​വാ​സി​കൾ അമേരി​ക്കൻ ഇൻഡ്യ​ക്കാ​രു​ടെ നാട്ടു​ഭാഷ സംസാ​രി​ക്കു​ന്ന​തും പ്രാ​ദേ​ശിക സമ്പ്രദാ​യ​ങ്ങ​ളു​ള്ള​തു​മായ ധാരാളം ഒററപ്പെട്ട സമൂഹങ്ങൾ ഇനിയു​മുണ്ട്‌. ബൈബിൾസ​ന്ദേശം അവരി​ലേക്ക്‌ എത്തുക​യും അത്‌ അവരുടെ സാംസ്‌കാ​രിക നിലവാ​രം മെച്ച​പ്പെ​ടു​ത്തു​ക​യും ചെയ്യു​ന്നുണ്ട്‌. കാരണം ബൈബിൾ പഠിക്കു​മ്പോൾത്തന്നെ ചിലർ എഴുതാ​നും വായി​ക്കാ​നും​കൂ​ടി പഠിക്കു​ന്നുണ്ട്‌. എന്നിരു​ന്നാ​ലും, ആളുകൾക്കു വിദ്യാ​ഭ്യാ​സ​മി​ല്ലെ​ന്ന​തോ ഭൗതിക ധനം ഇല്ലെന്ന​തോ അവർ കൂടുതൽ സ്വീകാ​ര്യ​ക്ഷ​മ​ത​യു​ള്ള​വ​രാ​യി​രി​ക്കും എന്ന്‌ അവശ്യം അർഥമാ​ക്കു​ന്നില്ല. വംശാ​ഭി​മാ​ന​വും പിതൃ​പാ​ര​മ്പ​ര്യ​ങ്ങ​ളോ​ടുള്ള അഭിനി​വേ​ശ​വും ചിലർക്കു സത്യം സ്വീക​രി​ക്കുക പ്രയാ​സ​ക​ര​മാ​ക്കാ​റുണ്ട്‌. ചില ഇൻഡ്യൻ ഗ്രാമ​ങ്ങ​ളിൽ സത്യം പഠിക്കു​ന്ന​വരെ മിക്ക​പ്പോ​ഴും മററു ഗ്രാമ​വാ​സി​കൾ ഉപദ്ര​വി​ക്കു​ന്ന​തി​ന്റെ കാരണ​വും ഇതു വ്യക്തമാ​ക്കു​ന്നു. അതു​കൊണ്ട്‌, വിവിധ സന്ദർഭ​ങ്ങ​ളിൽ സൗമ്യത പ്രകട​മാ​ക്കേ​ണ്ട​തുണ്ട്‌.

സൗമ്യ​മാ​യി പ്രതി​ക​രി​ക്കു​ക

വ്യക്തി​പ​ര​മാ​യി നിങ്ങളെ സംബന്ധി​ച്ചെന്ത്‌? ദൈവ​വ​ച​ന​ത്തി​ലെ സത്യ​ത്തോ​ടു നിങ്ങൾ പ്രതി​ക​രി​ക്കു​ന്നു​ണ്ടോ? അതോ ചില ബൈബിൾസ​ത്യ​ങ്ങൾ സ്വീക​രി​ക്കാൻ നിങ്ങൾക്കു പ്രയാ​സ​മു​ണ്ടോ? നിങ്ങളെ എന്താണു തടയു​ന്ന​തെന്നു മനസ്സി​ലാ​ക്കാൻ ഒരുപക്ഷേ സ്വയം ഒരു പരി​ശോ​ധന നടത്താൻ നിങ്ങൾ ആഗ്രഹി​ച്ചേ​ക്കാം. സത്യത്തി​ലേക്ക്‌ ആകർഷി​ക്ക​പ്പെ​ട്ടി​രി​ക്കു​ന്ന​വ​രിൽ അനേക​രും എളിയ കുലങ്ങ​ളിൽനി​ന്നു വന്നവരാ​യ​തു​കൊ​ണ്ടു നിങ്ങൾ അസ്വസ്ഥ​രാ​കു​ന്നു​വോ? ദുരഭി​മാ​ന​മാ​ണോ നിങ്ങളു​ടെ ചിന്തയി​ലു​ള്ളത്‌? അപ്പോ​സ്‌ത​ല​നായ പൗലോ​സി​ന്റെ വാക്കുകൾ ശ്രദ്ധി​ക്കു​ന്നതു നല്ലതാണ്‌: “ജ്ഞാനി​കളെ ലജ്ജിപ്പി​പ്പാൻ ദൈവം ലോക​ത്തിൽ ഭോഷ​ത്വ​മാ​യതു തിര​ഞ്ഞെ​ടു​ത്തു; ബലമു​ള്ള​തി​നെ ലജ്ജിപ്പി​പ്പാൻ ദൈവം ലോക​ത്തിൽ ബലഹീ​ന​മാ​യതു തിര​ഞ്ഞെ​ടു​ത്തു. ഉള്ളതിനെ ഇല്ലായ്‌മ​യാ​ക്കു​വാൻ ദൈവം ലോക​ത്തിൽ കുലഹീ​ന​വും നികൃ​ഷ്ട​മാ​യ​തും ഏതുമി​ല്ലാ​ത്ത​തും തിര​ഞ്ഞെ​ടു​ത്തു; ദൈവ​സ​ന്നി​ധി​യിൽ ഒരു ജഡവും പ്രശം​സി​ക്കാ​തി​രി​ക്കേ​ണ്ട​തി​ന്നു തന്നെ.”—1 കൊരി​ന്ത്യർ 1:27-29.

ഒരു നിസ്സാര മൺകു​ട​ത്തിൽ കണ്ടെത്തി​യെന്ന കാരണ​ത്താൽ നിങ്ങൾ ഒരു നിധി വലി​ച്ചെ​റി​യു​മോ? ഒരിക്ക​ലു​മില്ല! എന്നാൽ അതേ വിധത്തിൽത്ത​ന്നെ​യാ​ണു ദൈവം തന്റെ ജീവര​ക്ഷാ​ക​ര​മായ സത്യവ​ചനം നമുക്കു തരുന്നത്‌. അതാണ്‌ അപ്പോ​സ്‌ത​ല​നായ പൗലോസ്‌ പറയു​ന്നത്‌: “എങ്കിലും ഈ അത്യന്ത​ശക്തി ഞങ്ങളുടെ സ്വന്തം എന്നല്ല, ദൈവ​ത്തി​ന്റെ ദാനം എന്നത്രേ വരേണ്ട​തി​ന്നു ഈ നിക്ഷേപം ഞങ്ങൾക്കു മൺപാ​ത്ര​ങ്ങ​ളിൽ അത്രേ ആകുന്നു ഉള്ളതു.” (2 കൊരി​ന്ത്യർ 4:7) നമുക്കു പകർന്നു​ത​രാ​നു​പ​യോ​ഗി​ക്കുന്ന “മൺപാ​ത്രങ്ങ”ളെ അഥവാ മനുഷ്യ മാധ്യ​മ​ങ്ങളെ നോക്കാ​തെ ആ നിധി​യു​ടെ യഥാർഥ മൂല്യം തിരി​ച്ച​റി​യാൻ സൗമ്യ​ത​യും താഴ്‌മ​യും നമ്മെ സഹായി​ക്കും. അങ്ങനെ ചെയ്‌താൽ, “യഹോ​വ​യു​ടെ കോപ​ദി​വ​സ​ത്തിൽ മറയ്‌ക്ക​പ്പെടാ”നും “ഭൂമിയെ അവകാ​ശ​മാ​ക്കു”ന്ന സൗമ്യ​രു​ടെ​യി​ട​യിൽ ഉണ്ടായി​രി​ക്കാ​നും ഉള്ള നമ്മുടെ സാധ്യത വർധി​പ്പി​ക്കു​ക​കൂ​ടെ​യാ​യി​രി​ക്കും നാം ചെയ്യു​ന്നത്‌.—സെഫന്യാ​വു 2:3; മത്തായി 5:5.