പയനി​യർമാർ—അനു​ഗ്ര​ഹങ്ങൾ വർഷി​ക്കു​ന്നു, വാരി​ക്കൂ​ട്ടു​ന്നു

“വിജയ​പ്ര​ദ​മായ ഒരു ലൗകിക ജോലി​യെ​ക്കാ​ളും വളരെ​യേറെ വില​യേ​റി​യ​താണ്‌ പയനി​യ​റിങ്‌. യഹോ​വ​യെ​യും അവിടു​ത്തെ സത്യ​ത്തെ​യും കുറിച്ച്‌ അറിയാൻ ആളുകളെ സഹായി​ക്കു​ന്ന​തി​നെ​ക്കാൾ സംതൃ​പ്‌തി​ക​ര​മായ വേറൊ​ന്നു​മില്ല.” പയനി​യ​റിങ്‌—മുഴു​സമയ രാജ്യ​പ്ര​സം​ഗ​വേല—തന്റെ ജീവി​ത​വൃ​ത്തി​യാ​യി തിര​ഞ്ഞെ​ടുത്ത ഒരു ക്രിസ്‌തീയ വനിത പറഞ്ഞത്‌ അപ്രകാ​ര​മാണ്‌. വേറെ ഏതു ജോലി​കൾക്ക്‌ അത്തരം സന്തുഷ്ടി പ്രദാനം ചെയ്യാ​നാ​കും?

പയനി​യ​റിങ്‌ ഉന്നതമായ ഒരു ലാക്കും അമൂല്യ​മായ ഒരു പദവി​യു​മാണ്‌. ഒരു വ്യക്തിക്ക്‌ അത്തര​മൊ​രു ജീവിതം തിര​ഞ്ഞെ​ടു​ക്കാൻ എങ്ങനെ കഴിയും? പയനി​യ​റിങ്‌ വെച്ചു​നീ​ട്ടുന്ന അനു​ഗ്ര​ഹങ്ങൾ കൊയ്യു​ന്ന​തി​നു വേണ്ടത്ര ദീർഘ​കാ​ലം അതി​നോ​ടു പററി​നിൽക്കാൻ ആവശ്യ​മാ​യി​രി​ക്കു​ന്നത്‌ എന്താണ്‌?

രണ്ടു കാര്യങ്ങൾ സുപ്ര​ധാ​ന​മാണ്‌. ഒന്ന്‌, ശരിയായ സാഹച​ര്യ​ങ്ങൾ. പയനി​യ​റി​ങ്ങി​നെ തികച്ചും അസാധ്യ​മാ​ക്കി​ത്തീർക്കുന്ന ചില സാഹച​ര്യ​ങ്ങ​ളി​ലാണ്‌ അനേകർ ജീവി​ക്കു​ന്നത്‌. രണ്ട്‌, ഉചിത​മായ ആത്മീയ യോഗ്യ​ത​ക​ളും വീക്ഷണ​വും. തീർച്ച​യാ​യും, ഇപ്പോ​ഴത്തെ സാഹച​ര്യ​ങ്ങൾ പയനി​യ​റിങ്‌ ചെയ്യാൻ ഒരു വ്യക്തിയെ അനുവ​ദി​ച്ചാ​ലും ഇല്ലെങ്കി​ലും പക്വമായ ക്രിസ്‌തീയ ഗുണങ്ങൾ വികസി​പ്പി​ച്ചെ​ടു​ക്കാൻ എല്ലാവർക്കും പ്രവർത്തി​ക്കാ​നാ​കും.

ചിലർ പയനി​യ​റിങ്‌ ചെയ്യു​ന്ന​തി​ന്റെ കാരണം

വിജയ​പ്ര​ദ​മായ പയനി​യ​റി​ങ്ങി​നുള്ള യോഗ്യ​തകൾ എന്തൊ​ക്കെ​യാണ്‌? കൊള്ളാം, പ്രസം​ഗ​വൈ​ദ​ഗ്‌ധ്യ​ങ്ങൾ പ്രധാ​ന​മാണ്‌. അപരി​ചി​ത​രോ​ടു സുവാർത്ത പറയേ​ണ്ട​തും താത്‌പ​ര്യ​മു​ള്ള​വർക്കു മടക്കസ​ന്ദർശ​നങ്ങൾ നടത്തേ​ണ്ട​തും ബൈബി​ള​ധ്യ​യ​നങ്ങൾ നടത്തേ​ണ്ട​തും എങ്ങനെ​യെന്നു പയനി​യർമാർ അറിഞ്ഞി​രി​ക്കേ​ണ്ട​തുണ്ട്‌. ഈ കഴിവു​ക​ളു​ടെ അഭാവം ഒരു പയനി​യറെ നിരു​ത്സാ​ഹ​പ്പെ​ടു​ത്തി​യേ​ക്കാം. എന്നിരു​ന്നാ​ലും, മററു കാര്യ​ങ്ങ​ളും പ്രധാ​ന​മാണ്‌.

ദൃഷ്ടാ​ന്ത​ത്തിന്‌, നമ്മുടെ ആരാധ​ന​യിൽ ഉൾപ്പെട്ട ഏതു കാര്യ​വും യഹോ​വ​യോ​ടും അവിടു​ത്തെ സ്ഥാപന​ത്തോ​ടു​മുള്ള നമ്മുടെ ബന്ധത്തോ​ടു ബന്ധപ്പെ​ട്ടി​രി​ക്കു​ന്നു. ഇതിൽ പയനി​യ​റി​ങ്ങും ഉൾപ്പെ​ടു​ന്നു. റാഡോ എന്നു പേരുള്ള ഒരു യുവപ​യ​നി​യർ ഇപ്രകാ​രം വിശദീ​ക​രി​ച്ചു: “ഒരു യുവവ്യ​ക്തി​യെ സംബന്ധി​ച്ചി​ട​ത്തോ​ളം യഹോ​വയെ ഓർക്കു​ക​യും സത്യത്തി​ന്റെ പാതയിൽ നടക്കു​ക​യും ചെയ്യു​ന്ന​തി​നെ​ക്കാൾ മെച്ചമായ യാതൊ​ന്നു​മില്ല.” അതേ, യുവജ​ന​ങ്ങൾക്കു യഹോ​വ​യോ​ടുള്ള തങ്ങളുടെ സ്‌നേ​ഹ​വും അടുപ്പ​വും പ്രകട​മാ​ക്കാ​നുള്ള ഒരു നല്ല മാർഗ​മാ​ണു പയനി​യ​റിങ്‌.—സഭാ​പ്ര​സം​ഗി 12:1.

പരിജ്ഞാ​ന​വും ഗ്രാഹ്യ​വും ഒഴിച്ചു​കൂ​ടാ​നാ​വാ​ത്ത​വ​യാണ്‌. (ഫിലി​പ്പി​യർ 1:9-11) ഫലത്തിൽ, നമ്മുടെ ആത്മീയ യന്ത്രത്തെ മുന്നോ​ട്ടു നയിക്കുന്ന ഇന്ധനമാണ്‌ ഇവ. ഉത്സാഹ​വും ബോധ്യ​വും നഷ്ടപ്പെട്ട്‌ ആത്മീയ​മാ​യി ക്ഷീണി​ത​രാ​യി​ത്തീ​രാ​തി​രി​ക്കാൻ ക്രമമാ​യുള്ള വ്യക്തി​പ​ര​മായ പഠനം അനിവാ​ര്യ​മാണ്‌. തീർച്ച​യാ​യും, നാം ഉൾക്കൊ​ള്ളുന്ന പരിജ്ഞാ​നം ബുദ്ധിയെ മാത്രമല്ല നമ്മുടെ ഹൃദയ​ത്തെ​യും സ്വാധീ​നി​ക്കണം. (സദൃശ​വാ​ക്യ​ങ്ങൾ 2:2) അതു​കൊണ്ട്‌, വ്യക്തി​പ​ര​മാ​യി പഠിക്കു​ന്നതു കൂടാതെ നാം ആർജി​ക്കുന്ന പരിജ്ഞാ​നം ഹൃദയത്തെ സ്‌പർശി​ക്കു​ന്ന​തി​നു പ്രാർഥി​ക്കാ​നും ധ്യാനി​ക്കാ​നു​മുള്ള സമയവും നമുക്കാ​വ​ശ്യ​മാണ്‌. അപ്പോൾ, നമ്മുടെ സാഹച​ര്യ​ങ്ങൾ അനുവ​ദി​ക്കു​ന്ന​പക്ഷം, പയനി​യ​റിങ്‌ നടത്താൻ നാം ആഗ്രഹി​ക്കും.—എസ്രാ 7:10 താരത​മ്യ​പ്പെ​ടു​ത്തുക.

പയനി​യർസേ​വ​നം ഏറെറ​ടു​ക്കു​ന്ന​തിന്‌ ആത്മത്യാ​ഗ​ത്തി​ന്റെ ആത്മാവ്‌ ആവശ്യ​മാണ്‌. റോൺ എന്ന യുവാവ്‌ പയനി​യ​റി​ങ്ങി​നുള്ള സകല ആസൂ​ത്ര​ണ​ങ്ങ​ളും നടത്തി. പയനി​യ​റിങ്‌ തുടങ്ങാ​നുള്ള ശരിയായ സാഹച​ര്യ​ങ്ങൾക്കാ​യി അദ്ദേഹം കാത്തി​രി​ക്കു​ക​യാ​യി​രു​ന്നു. വ്യക്തമാ​യി പറഞ്ഞാൽ, പയനി​യ​റിങ്‌ നടത്താ​നും അതേസ​മ​യം​തന്നെ ജീവി​ത​ത്തി​ലെ കുറച്ചു സുഖ​ലോ​ലു​പത ആസ്വദി​ക്കാ​നും തന്നെ സഹായി​ക്കുന്ന ഒരു ജോലി അദ്ദേഹം ആഗ്രഹി​ച്ചു. പക്വത​യുള്ള ഒരു സഹോ​ദ​രി​യോട്‌ അദ്ദേഹം ഇക്കാര്യം പരാമർശി​ച്ച​പ്പോൾ അവരുടെ ഉത്തരം അദ്ദേഹ​ത്തി​നു ഞെട്ടലു​ള​വാ​ക്കി. അവർ പറഞ്ഞതി​ങ്ങ​നെ​യാണ്‌: “യഹോവ അനു​ഗ്ര​ഹി​ക്കു​ന്നതു പ്രവൃ​ത്തി​ക​ളെ​യാണ്‌, വാഗ്‌ദാ​ന​ങ്ങ​ളെയല്ല.” പയനി​യ​റി​ങ്ങി​നു സമയം ലഭ്യമാ​ക്കി​ത്തീർത്ത താഴ്‌ന്ന വരുമാ​ന​മുള്ള ഒരു ജോലി ആ യുവാവ്‌ കണ്ടെത്തി. മത്തായി 6:25-34 ബാധക​മാ​ക്കു​ന്നത്‌ ചെറിയ വരുമാ​ന​വു​മാ​യി പൊരു​ത്ത​പ്പെട്ടു പോകാൻ ഒരു വ്യക്തിയെ സഹായി​ക്കും.

താഴ്‌മ​യോ​ടെ നല്ല നിർദേ​ശങ്ങൾ പിൻപ​റ​റാ​നുള്ള മനസ്സൊ​രു​ക്കം പയനി​യർസേ​വ​ന​ത്തിൽ പ്രവേ​ശി​ക്കാൻ നമ്മെ സഹായി​ച്ചേ​ക്കാം. പയനി​യ​റിങ്‌ ചെയ്യാ​നുള്ള ആഗ്രഹം ഒരു ക്രിസ്‌ത്യാ​നി​യെ​ന്ന​നി​ല​യിൽ ഹാന്നാ ബാല്യ​കാ​ലത്തു വളർത്തി​യെ​ടു​ത്തി​രു​ന്നു. എന്നാൽ, ഒരു കുടും​ബത്തെ വളർത്തി​ക്കൊ​ണ്ടു​വ​ന്ന​പ്പോൾ അവർ പയനി​യ​റിങ്‌ ചെയ്‌തില്ല. പിന്നീട്‌ അവർ ഒരു ബിസി​ന​സിൽ ഏർപ്പെ​ടു​ക​യും ചെയ്‌തു. ജാഗ്ര​ത​യു​ണ്ടാ​യി​രുന്ന മൂപ്പൻമാ​രിൽനി​ന്നുള്ള നല്ല ബുദ്ധ്യു​പ​ദേശം സ്വീക​രി​ച്ചു​കൊണ്ട്‌, ഹാന്നാ തനിക്കി​ഷ്ട​പ്പെട്ട ജോലി ഉപേക്ഷിച്ച്‌ പയനി​യർസേ​വനം ഏറെറ​ടു​ത്തു. മററു​ള്ള​വരെ സമർപ്പ​ണ​ത്തി​ലേക്കു കൊണ്ടു​വ​രു​ന്ന​തി​ലും നിഷ്‌ക്രി​യരെ സഹായി​ക്കു​ന്ന​തി​ലും ഹാന്നാ ഇപ്പോൾ വലിയ സന്തോഷം അനുഭ​വി​ക്കു​ന്നു.

സത്യം ഒരുവന്റെ ജീവി​ത​ത്തിൽ എന്തു ചെയ്‌തി​രി​ക്കു​ന്നു​വോ അതി​നോ​ടുള്ള കൃതജ്ഞ​ത​യ്‌ക്കും പയനി​യ​റിങ്‌ നടത്താ​നുള്ള ഒരു പ്രചോ​ദ​ന​മാ​യി​രി​ക്കാൻ കഴിയും. വിവാ​ഹ​ബന്ധം തകർന്നു​കൊ​ണ്ടി​രുന്ന ഒരു സ്‌ത്രീ​യു​ടെ കാര്യ​മെ​ടു​ക്കുക, അവർ ആഴമായ വിഷാ​ദ​മ​നു​ഭ​വി​ച്ചി​രു​ന്നു. അവർ ദൈവ​വ​ച​ന​ത്തി​ലെ സത്യം പഠിച്ച്‌ അതു ബാധക​മാ​ക്കി​യ​പ്പോൾ സ്ഥിതി​ഗ​തി​കൾക്കു നാടകീയ മാററം ഉണ്ടായി. സത്യം തനിക്കു​വേണ്ടി ചെയ്‌ത സംഗതി​യിൽ പുളകി​ത​യായ ആ സ്‌ത്രീ, തന്റെ വിലമ​തി​പ്പു പ്രകട​മാ​ക്കാ​നുള്ള ഏററവും നല്ല മാർഗം പയനി​യ​റിങ്‌ ചെയ്‌ത്‌ മററു​ള്ള​വരെ സഹായി​ക്കു​ന്ന​താ​യി​രി​ക്കും എന്നു തീരു​മാ​നി​ച്ചു. അവർ അതുതന്നെ ചെയ്‌തു. അനേകം ബൈബി​ള​ധ്യ​യ​ന​ങ്ങ​ളു​ടെ​യും ഒരു സന്തുഷ്ട കുടും​ബ​ജീ​വി​ത​ത്തി​ന്റെ​യും അനു​ഗ്ര​ഹങ്ങൾ അവർ ഇപ്പോൾ അനുഭ​വി​ക്കു​ന്നു.

മററു​ള്ള​വർക്കു സഹായി​ക്കാൻ കഴിയും

പയനി​യർമാർ മിക്ക​പ്പോ​ഴും മററു പയനി​യർമാ​രെ ഉളവാ​ക്കു​ന്നു. മുമ്പു പ്രസ്‌താ​വിച്ച റാഡോ​യ്‌ക്ക്‌ ആറു വയസ്സു​ള്ള​പ്പോ​ഴാ​യി​രു​ന്നു രണ്ടു പയനി​യർമാർ അവന്റെ മാതാ​പി​താ​ക്ക​ളോ​ടൊ​ത്തു ബൈബിൾ പഠിച്ചത്‌. തീരെ ചെറു​പ്പ​മാ​യി​രി​ക്കെ​ത്തന്നെ വയൽശു​ശ്രൂ​ഷ​യിൽ അവൻ ഈ മുഴു​സമയ പ്രസം​ഗ​ക​രോ​ടൊ​പ്പം ക്രമമാ​യി പോയി​രു​ന്നു. 17-ാമത്തെ വയസ്സിൽ റാഡോ ഒരു നിരന്ത​ര​പ​യ​നി​യ​റാ​യി​ത്തീർന്നു. മറെറാ​രു യുവാ​വായ ആർനോ ക്രിസ്‌തീയ കുടും​ബ​ത്തി​ലാ​ണു വളർന്ന​തെ​ങ്കി​ലും ആത്മീയ​മാ​യി ബലഹീ​ന​നാ​യി​ത്തീർന്നു. പിന്നീട്‌, തന്റെ ആത്മീയ ശക്തി വീണ്ടെ​ടു​ക്കാൻ നിശ്ചയി​ച്ചു​റച്ച അവൻ ഇപ്പോൾ പറയു​ന്നത്‌ ഇങ്ങനെ​യാണ്‌: “പയനി​യർമാ​രിൽനിന്ന്‌ എനിക്കു ധാരാളം പ്രോ​ത്സാ​ഹനം ലഭിച്ചു. പ്രത്യേ​കിച്ച്‌ സ്‌കൂൾ അവധി​ക്കാ​ലത്തു ഞാൻ അവരോ​ടൊ​ത്തു സഹവസി​ച്ചു, ചില മാസങ്ങ​ളിൽ വയൽസേ​വ​ന​ത്തിൽ 60 മണിക്കൂർ റിപ്പോർട്ടി​ടു​ക​യും ചെയ്‌തു. അതു കഴിഞ്ഞ​പ്പോൾ നിരന്ത​ര​പ​യ​നി​യർ സേവന​ത്തി​ലേ​ക്കുള്ള അടുത്ത പടി [മാസം​തോ​റും ആവശ്യ​മായ 90 മണിക്കൂർ] അത്ര പ്രയാ​സ​മി​ല്ലാ​യി​രു​ന്നു.” ലോകത്തെ പൂർണ​മാ​യി ഉപയോ​ഗി​ക്കാ​തി​രി​ക്കാ​നുള്ള 1 കൊരി​ന്ത്യർ 7:29-31-ലെ ബുദ്ധ്യു​പ​ദേ​ശ​ത്തെ​ക്കു​റി​ച്ചു ധ്യാനി​ക്കു​ന്നത്‌ അത്തരം യുവജ​ന​ങ്ങളെ യഥാർഥ​ത്തിൽ സഹായി​ച്ചി​രി​ക്കു​ന്നു.

ആത്മീയ താത്‌പ​ര്യ​ങ്ങൾക്കു പ്രഥമ​സ്ഥാ​ന​മു​ള്ള​തും മുഴു​സമയ ശുശ്രൂ​ഷ​യിൽ പ്രവേ​ശി​ക്കാൻ മാതാ​പി​താ​ക്കൾ തങ്ങളുടെ കുട്ടി​കളെ പ്രോ​ത്സാ​ഹി​പ്പി​ക്കു​ന്ന​തു​മായ ഒരു ഭവനത്തിൽ പയനിയർ ആത്മാവ്‌ വേരു​പി​ടി​ക്കു​ന്നതു കൂടുതൽ എളുപ്പ​മാണ്‌. അത്തര​മൊ​രു ഭവനത്തിൽ വളർന്നു​വന്ന ഫിലോ അഭി​പ്രാ​യ​പ്പെ​ടു​ന്നത്‌ ഇങ്ങനെ​യാണ്‌: “ഒരു ലൗകിക ഭാവി​ക്കാ​യി പ്രവർത്തി​ക്കു​ന്ന​തിന്‌ എന്റെ വിദ്യാ​ഭ്യാ​സം തുടരാൻ പലരും എന്നെ ഉപദേ​ശി​ച്ചു. എന്നാൽ ജ്ഞാന​മേ​റിയ ഒരു തിര​ഞ്ഞെ​ടു​പ്പു നടത്താൻ മാതാ​പി​താ​ക്കൾ എന്നെ സഹായി​ച്ചു. ഞാൻ എന്റെ ഭാവി കെട്ടി​പ്പ​ടു​ക്കാൻ ആഗ്രഹി​ക്കു​ന്ന​പക്ഷം, എന്റെ ഒന്നാം സ്ഥാനം യഹോ​വ​യു​മാ​യുള്ള ഒരു ബന്ധം വളർത്തി​യെ​ടു​ക്കു​ന്ന​താ​യി​രി​ക്ക​ണ​മെന്ന്‌ അവർ എന്നോടു പറഞ്ഞു.”

താൻ പയനി​യർസേ​വനം ഏറെറ​ടു​ത്ത​തി​ന്റെ കാരണം തന്റെ മാതാ​പി​താ​ക്ക​ളു​ടെ മാതൃ​ക​യും ഉദ്യമ​ങ്ങ​ളു​മാ​ണെന്നു താമാർ എന്നു പേരുള്ള യുവതി​യും പറയുന്നു. അവർ പറയു​ന്നതു കേൾക്കൂ: “ജീവി​ത​ത്തെ​ക്കു​റി​ച്ചുള്ള ഒരു ആത്മീയ വീക്ഷണം എപ്പോ​ഴാ​ണു ഞാൻ വളർത്തി​യെ​ടു​ത്ത​തെന്നു പറയാൻ വാസ്‌ത​വ​ത്തിൽ എനിക്കാ​വില്ല, എന്നാൽ അത്തര​മൊ​രു വീക്ഷണ​ത്തോ​ടെയല്ല ഞാൻ ജനിച്ച​തെന്ന്‌ എനിക്ക​റി​യാം. ക്രമമാ​യി വയൽസേ​വ​ന​ത്തിൽ പങ്കുപ​റ​റു​ക​യും യോഗ​ങ്ങൾക്കു ഹാജരാ​കു​ക​യും ചെയ്യുന്ന എന്റെ മാതാ​പി​താ​ക്ക​ളു​ടെ പതിവു രീതി​യും ഒപ്പം സത്യ​ത്തോ​ടുള്ള അവരുടെ ആഴമായ സ്‌നേ​ഹ​വും എന്റെ ആത്മീയ വീക്ഷണം വളർത്തി​യെ​ടു​ക്കാൻ സാരമാ​യി എന്നെ സഹായി​ച്ചു.”

നിങ്ങളു​ടെ തീരു​മാ​ന​ത്തോ​ടു പററി​നിൽക്കൽ

ഒരു വ്യക്തി പയനി​യർസേ​വ​ന​ത്തിൽ പ്രവേ​ശി​ച്ച​ശേഷം അതിൽ തുടർന്നു നിലനിൽക്കു​ന്നത്‌, ജ്ഞാനപൂർവ​ക​മായ ആ തീരു​മാ​ന​ത്തി​ന്റെ പൂർണ പ്രയോ​ജനം കൊയ്യാൻ ആ വ്യക്തിയെ പ്രാപ്‌ത​മാ​ക്കു​ന്നു. ആ ലക്ഷ്യത്തിൽ പ്രാ​യോ​ഗി​ക​മായ ധാരാളം ഉപദേശം നൽകാൻ കഴിയും. ഉദാഹ​ര​ണ​ത്തിന്‌, സാധ്യ​മാ​കു​ന്നി​ട​ത്തോ​ളം ഉത്‌പാ​ദ​ന​ക്ഷ​മ​മാ​യി​രി​ക്ക​ത്ത​ക്ക​വണ്ണം തങ്ങളുടെ സമയം പട്ടിക​പ്പെ​ടു​ത്താൻ പയനി​യർമാർ പഠിക്കു​ന്നതു വളരെ നല്ലതാണ്‌. എന്നിരു​ന്നാ​ലും, യഹോ​വ​യോ​ടും അവിടു​ത്തെ സ്ഥാപന​ത്തോ​ടു​മുള്ള ഒരു വ്യക്തി​യു​ടെ ബന്ധം അതി​പ്ര​ധാ​ന​ഘ​ട​ക​മാ​യി​ത്തന്നെ നില​കൊ​ള്ളു​ന്നു.

ഇതി​നോ​ടു ബന്ധപ്പെ​ട്ട​താണ്‌ പ്രാർഥ​നാ​പൂർവ​ക​മായ ഒരു മനോ​ഭാ​വം. “ഞാൻ സത്യത്തി​ലേക്കു വന്നപ്പോൾ, പയനി​യ​റിങ്‌ ചെയ്യാൻ വളരെ​യ​ധി​കം ആഗ്രഹി​ച്ചു” എന്നു കോർ പറയുന്നു. എന്നാൽ, ആദ്യം അവൻ കാർഷിക സർവക​ലാ​ശാ​ല​യി​ലെ ഒരു കോഴ്‌സ്‌ പൂർത്തി​യാ​ക്ക​ണ​മെന്ന്‌ അദ്ദേഹ​ത്തി​ന്റെ പിതാവ്‌ ആവശ്യ​പ്പെട്ടു. അതിനു​ശേഷം കോർ പയനി​യ​റിങ്‌ തുടങ്ങി. കാല​ക്ര​മേണ അദ്ദേഹം വിവാഹം ചെയ്‌തു, അദ്ദേഹ​ത്തി​ന്റെ ഭാര്യ പയനി​യർവേ​ല​യിൽ അദ്ദേഹ​ത്തോ​ടൊ​പ്പം ചേർന്നു. ഭാര്യ ഗർഭി​ണി​യാ​യ​പ്പോൾ, അദ്ദേഹം പയനി​യർവേല ഉപേക്ഷി​ക്കേ​ണ്ട​തി​ന്റെ സാധ്യ​തയെ അഭിമു​ഖീ​ക​രി​ച്ചു. “ഞാൻ മിക്ക സമയത്തും യഹോ​വ​യോ​ടു പ്രാർഥി​ക്കു​ക​യും പയനി​യ​റിങ്‌ തുടരാ​നുള്ള എന്റെ ഹൃദയാ​ഭി​ലാ​ഷം അവിടു​ത്തെ മുമ്പാകെ വയ്‌ക്കു​ക​യും ചെയ്‌തു,” കോർ പറയുന്നു. ഒടുവിൽ ഒരു കുടും​ബത്തെ വളർത്തി​ക്കൊ​ണ്ടു​വ​രവേ, പയനി​യ​റിങ്‌ ചെയ്യാൻ തന്നെ പ്രാപ്‌ത​നാ​ക്കിയ ഒരു ജോലി കോർ കണ്ടെത്തി.

പയനി​യർശു​ശ്രൂ​ഷ​യിൽ നിലനിൽക്കാൻ മിക്ക​പ്പോ​ഴും ഒരു വ്യക്തിയെ സഹായി​ക്കുന്ന മറെറാ​രു ഘടകമാണ്‌ അവശ്യ ഭൗതി​ക​വ​സ്‌തു​ക്കൾക്കൊ​ണ്ടു തൃപ്‌ത​രാ​യി​രി​ക്കൽ. അപ്പോ​സ്‌ത​ല​നായ പൗലോസ്‌ ഇപ്രകാ​ര​മെ​ഴു​തി: ‘നിങ്ങളു​ടെ നടപ്പു ദ്രവ്യാ​ഗ്ര​ഹ​മി​ല്ലാ​ത്ത​താ​യി​രി​ക്കട്ടെ; ഉള്ളതു​കൊ​ണ്ടു തൃപ്‌തി​പ്പെ​ടു​വിൻ; “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല” എന്നു അവൻ തന്നേ അരുളി​ച്ചെ​യ്‌തി​രി​ക്കു​ന്നു​വ​ല്ലോ.’ (എബ്രായർ 13:5) നിലവി​ലുള്ള വസ്‌തു​ക്കൾക്കൊ​ണ്ടു തൃപ്‌ത​രാ​യി​രു​ന്നത്‌, പയനി​യ​റിങ്‌ തുടരാൻ ഹാരി​യെ​യും ഇറേന​യെ​യും സഹായി​ച്ചു. അന്ധയായ ഇറേന എട്ടു വർഷം ഒരു പയനി​യ​റാ​യി​രു​ന്നു. “ഞങ്ങളുടെ സാമ്പത്തി​കാ​വ​സ്ഥയെ ഒരു പ്രശ്‌ന​മാ​യി ഞങ്ങളൊ​രി​ക്ക​ലും വീക്ഷി​ച്ചി​ട്ടില്ല,” ഇറേന പറയുന്നു. “അനാവ​ശ്യ​മായ സാമ്പത്തിക ഭാരങ്ങൾ തലയിൽ കയററാ​തി​രി​ക്കാൻ ഞങ്ങൾ ശ്രദ്ധ പുലർത്തി. ഞങ്ങൾ എപ്പോ​ഴും കണക്കു കൂട്ടി​നോ​ക്കി​യി​രു​ന്നു. ഞങ്ങളുടെ ജീവിതം എപ്പോ​ഴും ലളിത​മാ​യി​രു​ന്നെ​ങ്കി​ലും അതു വളരെ സന്തോ​ഷ​ഭ​രി​ത​വും അനു​ഗ്ര​ഹ​ങ്ങ​ളാൽ സമ്പന്നവു​മാ​യി​രു​ന്നു.”

അനവധി സന്തോ​ഷാ​നു​ഗ്ര​ഹങ്ങൾ

ഒമ്പതു വർഷത്തെ പയനി​യ​റി​ങ്ങി​ലേക്കു തിരി​ഞ്ഞു​നോ​ക്കി​ക്കൊണ്ട്‌, താമാർ പറയു​ന്നത്‌ ഇങ്ങനെ​യാണ്‌: “യഥാർഥ​ത്തിൽ യഹോവ നിങ്ങളു​ടെ കൈ പിടി​ച്ചി​രു​ന്ന​തു​പോ​ലെ നിങ്ങൾ അവിടു​ത്തോ​ടു വളരെ അടുത്തു വരുന്നു.” (സങ്കീർത്തനം 73:23) ചില കഷ്ടാനു​ഭ​വ​ങ്ങ​ളും മനസ്സി​ലേക്കു വരും. “മററു​ള്ള​വ​രു​ടെ അപൂർണ​ത​ക​ളും എന്റെ സ്വന്തം അപൂർണ​ത​ക​ളും എന്നെ നിരന്തരം അസ്വസ്ഥ​യാ​ക്കി,” താമാർ കൂട്ടി​ച്ചേർക്കു​ന്നു. “അതു മാത്രമല്ല, ഭൗതി​ക​മാ​യി കൂടുതൽ പ്രതി​ഫ​ല​ദാ​യ​ക​മായ ജീവി​ത​ഗതി തിര​ഞ്ഞെ​ടുത്ത സഹോ​ദ​രീ​സ​ഹോ​ദ​രൻമാ​രെ ഞാൻ നോക്കു​മാ​യി​രു​ന്നു, മഴയത്തും തണുപ്പ​ത്തും വീടു​വീ​ടാ​ന്തരം ഞാൻ കയറി​യി​റ​ങ്ങി​യ​പ്പോൾ, അവർ തിര​ഞ്ഞെ​ടു​ത്തത്‌ ഏറെ ആകർഷ​ക​മാ​യി എനിക്കു തോന്നി. എന്നാൽ, എന്റെ ഹൃദയ​ത്തി​ന്റെ ആഴങ്ങളിൽ ഞാൻ ഒരിക്ക​ലും അവരുടെ സ്ഥാനത്താ​യി​രി​ക്കാൻ ആഗ്രഹി​ച്ചി​രു​ന്നില്ല. അത്തരം സന്തോ​ഷ​വും ആത്മീയ സംതൃ​പ്‌തി​യും അനു​ഗ്ര​ഹ​ങ്ങ​ളും കൈവ​രു​ത്താൻ പയനി​യ​റി​ങ്ങി​ന​ല്ലാ​തെ മറെറ​ന്തി​നു കഴിയും?” സമാന​മായ സന്തോ​ഷ​ങ്ങൾക്കും അനു​ഗ്ര​ഹ​ങ്ങൾക്കും നിങ്ങൾ ഉയർന്ന വില കൽപ്പി​ക്കു​മോ?

ക്രിസ്‌തീ​യ ശുശ്രൂ​ഷ​യിൽ പയനി​യർമാർ വളരെ​യ​ധി​കം സമയം ചെലവ​ഴി​ക്കു​ന്ന​തു​കൊണ്ട്‌, ബൈബിൾ സത്യ​ത്തെ​ക്കു​റി​ച്ചുള്ള പരിജ്ഞാ​നം നേടാൻ ധാരാ​ള​മാ​ളു​കളെ സഹായി​ക്കാൻ കഴിയുന്ന ഒരു സ്ഥാനത്താ​ണവർ. മുമ്പു പരാമർശിച്ച ഹാരി​യും ഇറേന​യും ഇങ്ങനെ പറയുന്നു: “യഹോ​വ​യു​ടെ സ്ഥാപന​ത്തിൽ ഉണ്ടായി​രി​ക്കാൻ കഴിയുന്ന അനവധി പദവി​ക​ളുണ്ട്‌, എന്നാൽ ഒരു പുതിയ താത്‌പ​ര്യ​ക്കാ​രനെ യഹോ​വ​യു​ടെ ഒരു ദാസനാ​യി​ത്തീ​രുന്ന ഘട്ടത്തോ​ളം പുരോ​ഗ​മി​ക്കാൻ സഹായി​ക്കു​ന്ന​താണ്‌ എല്ലാറ​റി​ലും വച്ച്‌ ഏററവും മഹത്തായ പദവി.”

“എന്റെ കാര്യ​ത്തിൽ സദൃശ​വാ​ക്യ​ങ്ങൾ 10:22-ലെ വാക്കുകൾ സത്യ​മെന്നു തെളി​ഞ്ഞി​രി​ക്കു​ന്നു: ‘യഹോ​വ​യു​ടെ അനു​ഗ്രഹം—അതാണു സമ്പന്നനാ​ക്കു​ന്നത്‌, അവിടുന്ന്‌ അതി​നോ​ടു വേദന കൂട്ടു​ന്നില്ല.’ ഞാൻ യഹോ​വയെ സേവിച്ച വർഷങ്ങ​ളിൽ ഈ തിരു​വെ​ഴുത്ത്‌ എന്റെ കാര്യ​ത്തിൽ കൂടെ​ക്കൂ​ടെ നിവൃ​ത്തി​യാ​യി​ട്ടുണ്ട്‌” എന്നു പറഞ്ഞ​പ്പോൾ മറെറാ​രു പയനിയർ കാര്യ​ങ്ങളെ നല്ലവണ്ണം പ്രകട​മാ​ക്കു​ക​യാ​യി​രു​ന്നു.

മാതാ​പി​താ​ക്ക​ളേ, പയനി​യ​റിങ്‌ ചെയ്യാ​നുള്ള ഒരു ആഗ്രഹം നിങ്ങളു​ടെ കുട്ടി​ക​ളിൽ നിങ്ങൾ കരുപ്പി​ടി​പ്പി​ക്കു​ന്നു​ണ്ടോ? പയനി​യർമാ​രേ, മററു​ള്ള​വ​രിൽ ഈ ആഗ്രഹം നട്ടുവ​ളർത്താൻ നിങ്ങൾ പ്രയത്‌നി​ക്കു​ന്നു​ണ്ടോ? മൂപ്പൻമാ​രേ, നിങ്ങളു​ടെ സഭയിലെ പയനി​യർമാ​രെ പിന്തു​ണ​യ്‌ക്കു​ക​യും മററു​ള്ള​വ​രിൽ ഒരു പയനിയർ ആത്മാവ്‌ വളർത്തി​യെ​ടു​ക്കാൻ നിങ്ങൾ സഹായി​ക്കു​ക​യും ചെയ്യു​ന്നു​ണ്ടോ? പയനി​യർസേ​വ​ന​ത്തിൽ ഏർപ്പെ​ട്ടു​കൊണ്ട്‌ അത്തരം അനു​ഗ്ര​ഹ​ങ്ങ​ളി​ലേക്ക്‌ എത്തിപ്പി​ടി​ക്കാൻ യഹോ​വ​യു​ടെ ജനത്തിലെ അനേക​മ​നേകം പേർ പ്രേരി​ത​രാ​കട്ടെ.