പുളകം​കൊ​ള്ളി​ക്കുന്ന കൺ​വെൻ​ഷ​നു​കൾ ദിവ്യ ബോധ​ന​ത്തി​നു പ്രചോ​ദ​ന​മേ​കു​ന്നു

ലോകം ഇന്നു വിവര​ങ്ങ​ളു​ടെ ഒരു പ്രളയം​തന്നെ അനുഭ​വി​ക്കു​ക​യാണ്‌. ടെലി​വി​ഷൻ, റേഡി​യോ, പുസ്‌ത​കങ്ങൾ എന്നിവ​യിൽനി​ന്നോ അല്ലെങ്കിൽ കമ്പ്യൂ​ട്ട​റു​ക​ളി​ലൂ​ടെ​യോ ലഭ്യമാ​കുന്ന, ചിന്തി​ക്കാ​വുന്ന ഏതു വിഷയ​ത്തെ​ക്കു​റി​ച്ചു​മുള്ള അറിവി​ന്റെ ശേഖരം ഏതാണ്ട്‌ അനന്തമാണ്‌. എന്നിട്ടും, ആളുകൾ രോഗം ബാധിച്ചു മരിക്കു​ന്നു. കുററ​കൃ​ത്യ​വും വിശപ്പും ദാരി​ദ്ര്യ​വും ഭൂമി​യു​ടെ എല്ലാ ഭാഗങ്ങ​ളി​ലും നിലനിൽക്കു​ന്നു, വൈകാ​രിക ക്രമ​ക്കേ​ടു​കൾ മുമ്പെ​ന്ന​ത്തേ​ക്കാ​ളും അധിക​മ​ധി​കം ആളുകളെ ബാധി​ക്കു​ന്നു. ലഭ്യമായ അറിവു​കൾക്കൊ​ന്നും കാര്യ​ങ്ങളെ നേരെ​യാ​ക്കാൻ കഴിഞ്ഞി​ട്ടില്ല. എന്തു​കൊ​ണ്ടില്ല? എന്തെന്നാൽ മനുഷ്യ​വർഗം ദൈവ​ത്തി​ന്റെ ജ്ഞാനത്തി​നു പുറം​തി​രി​ഞ്ഞു​ക​ള​ഞ്ഞി​രി​ക്കു​ന്നു.

അപ്പോൾ, യഹോ​വ​യു​ടെ സാക്ഷി​ക​ളു​ടെ അടുത്ത കാലത്തെ കൺ​വെൻ​ഷ​നു​കൾക്കു തിര​ഞ്ഞെ​ടുത്ത ‘ദിവ്യ ബോധനം’ എന്ന വിഷയം എത്ര അനു​യോ​ജ്യ​മാ​യി​രു​ന്നു! ദൈവ​വ​ച​ന​മായ ബൈബി​ളിൽ കാണുന്ന പഠിപ്പി​ക്ക​ലി​നു മാത്രമേ ജീവര​ക്ഷാ​ക​ര​മായ യഥാർഥ മൂല്യ​മു​ള്ളൂ​വെന്നു സന്നിഹി​ത​രായ എല്ലാവ​രെ​യും ആ പരിപാ​ടി അനുസ്‌മ​രി​പ്പി​ച്ചു.

ആദ്യത്തെ കൺ​വെൻ​ഷൻ ജൂൺ 3, വ്യാഴാഴ്‌ച യു.എസ്‌.എ.യിലെ ന്യൂ​യോർക്കി​ലുള്ള യൂണി​യൻഡേ​ലിൽ ആരംഭി​ച്ചു. അപ്പോൾമു​തൽ ഒന്നിനു പിന്നാലെ മറെറാ​ന്നാ​യി ഓരോ രാജ്യ​ത്തും വ്യത്യസ്‌ത നഗരങ്ങ​ളിൽ ഈ പരിപാ​ടി അവതരി​പ്പി​ക്ക​പ്പെട്ടു, ആഫ്രിക്ക, തെക്കേ അമേരിക്ക എന്നീ ഭൂഖണ്ഡ​ങ്ങ​ളി​ലാണ്‌ അവ അവസാ​നി​ക്കു​ന്നത്‌.

ഒന്നാം ദിവസം ഉച്ചതി​രിഞ്ഞ്‌

ദിവ്യ ബോധ​ന​ത്തി​ന്റെ ഒരു പ്രത്യേക വശത്തിന്‌ ഊന്നൽ നൽകിയ ഒരു വിഷയം ഓരോ ദിവസ​വും ഉണ്ടായി​രു​ന്നു. ദൃഷ്ടാ​ന്ത​ത്തിന്‌, ഒന്നാം ദിവസത്തെ പരിപാ​ടി “ദൈവ​ത്തിൽനി​ന്നുള്ള ബോധ​നത്തെ മനസ്സി​ലാ​ക്കൽ” എന്ന വിഷയത്തെ ആധാര​മാ​ക്കി​യു​ള്ള​താ​യി​രു​ന്നു. (യോഹ​ന്നാൻ 7:17) വൈകു​ന്നേ​ര​മാ​യ​തോ​ടെ ഈ ആശയം നന്നായി വികസി​പ്പി​ക്ക​പ്പെട്ടു.

ഗീതത്തി​നും പ്രാർഥ​ന​യ്‌ക്കും ശേഷം, “ദിവ്യ ബോധനം നമ്മെ കൂട്ടി​വ​രു​ത്തു​ന്നു” എന്ന തലക്കെ​ട്ടുള്ള പ്രസം​ഗ​ത്തോ​ടെ കൺ​വെൻ​ഷൻ ചെയർമാൻ പരിപാ​ടി ആരംഭി​ച്ചു. യഹോ​വ​യു​ടെ വഴികൾ പഠിക്കു​ന്ന​തി​നാ​ലും അവിടു​ത്തെ പാതക​ളിൽ നടക്കു​ന്ന​തി​നാ​ലും യഹോ​വ​യു​ടെ ജനം ഐക്യ​മു​ള്ള​വ​രാണ്‌ എന്ന്‌ അദ്ദേഹം പ്രകട​മാ​ക്കി. (മീഖാ 4:1-5) ദിവ്യ ബോധനം അവരുടെ ഐക്യത്തെ ബലിഷ്‌ഠ​മാ​ക്കു​ന്നു. തങ്ങളുടെ ഏകീകൃത സഹവർത്തി​ത്വ​ത്തിൽ സന്തോ​ഷി​ക്കാൻ സമ്മേളി​തർ പ്രോ​ത്സാ​ഹി​പ്പി​ക്ക​പ്പെട്ടു.—സങ്കീർത്തനം 133:1-3.

ഉച്ചതി​രിഞ്ഞ്‌ കുറച്ചു കഴിഞ്ഞ​പ്പോൾ, “യഹോ​വ​യു​ടെ വഴിക​ളെ​ക്കു​റി​ച്ചു നമ്മെ പ്രബോ​ധി​പ്പി​ക്കുന്ന യോഗങ്ങൾ” എന്ന തലക്കെ​ട്ടുള്ള ഒരു സിമ്പോ​സി​യ​ത്തി​ലൂ​ടെ ക്രമമാ​യുള്ള സഭാ​യോ​ഗ​ങ്ങ​ളെ​ക്കു​റി​ച്ചുള്ള ചർച്ച നടന്നു. നാം കൂടി​വ​രു​മ്പോൾ യഹോ​വയെ ബഹുമാ​നി​ക്കു​ക​യാ​ണെ​ന്നും തത്‌ഫ​ല​മാ​യി അവിടു​ത്തെ അനു​ഗ്രഹം ലഭിക്കു​ന്നു​വെ​ന്നും ആദ്യ​പ്ര​സം​ഗകൻ സമ്മേളി​തരെ ഓർമി​പ്പി​ച്ചു. അതിനു​ശേഷം പ്രസംഗം നടത്തിയ ആൾ യോഗ​ങ്ങ​ളിൽ പങ്കുപ​റേ​റ​ണ്ട​തി​ന്റെ ആവശ്യത്തെ ഊന്നി​പ്പ​റഞ്ഞു. അങ്ങനെ ചെയ്യു​മ്പോൾ നാം യഹോ​വയെ പരസ്യ​മാ​യി സ്‌തു​തി​ക്കു​ക​യും നമ്മുടെ വിശ്വാ​സത്തെ പ്രകട​മാ​ക്കു​ക​യും മററു​ള്ള​വ​രു​ടെ വിശ്വാ​സത്തെ ബലിഷ്‌ഠ​മാ​ക്കു​ക​യു​മാ​ണു ചെയ്യു​ന്നത്‌. യോഗ​ങ്ങ​ളിൽ നാം പഠിക്കുന്ന കാര്യങ്ങൾ ബാധക​മാ​ക്കേ​ണ്ട​തി​ന്റെ ആവശ്യകത സിമ്പോ​സി​യ​ത്തി​ലെ മൂന്നാ​മത്തെ പ്രസം​ഗകൻ എടുത്തു​കാ​ട്ടി. നാം “കേൾവി​ക്കാർ മാത്ര​മാ​യി​രി​ക്കാ​തെ വചനത്തെ പ്രവർത്തി​ക്കു​ന്നവർ” ആയിരി​ക്കേ​ണ്ട​തുണ്ട്‌.—യാക്കോബ്‌ 1:22, NW.

അടുത്ത​താ​യി യഹോ​വ​യ്‌ക്കു സ്‌തു​തി​കൾ പാടു​ന്ന​തി​നെ​ക്കു​റി​ച്ചുള്ള ഒരു നല്ല ചർച്ചയാ​യി​രു​ന്നു. ഹൃദയം​ഗ​മ​മായ ഗീതം നമ്മുടെ ആരാധ​ന​യു​ടെ ഒരു പ്രധാന ഭാഗമാണ്‌. ഈ പ്രസം​ഗ​ത്തെ​ത്തു​ടർന്ന്‌ “ദിവ്യ ബോധനം വിജയി​ക്കു​ന്നു” എന്ന മുഖ്യ​വി​ഷയ പ്രസം​ഗ​മാ​ണു​ണ്ടാ​യി​രു​ന്നത്‌. എന്തൊരു അത്യുത്തമ വിഷയം! “ഏതൊ​രാൾക്കും ലഭിക്കാ​വുന്ന ഏററവും നല്ല പഠിപ്പി​ക്ക​ലി​ന്റെ ഉറവ്‌ യഹോ​വ​യാണ്‌,” പ്രസം​ഗകൻ പറഞ്ഞു. പിന്നീട്‌ മനുഷ്യ മസ്‌തി​ഷ്‌ക​ത്തി​ന്റെ അത്ഭുത​ത്തെ​ക്കു​റി​ച്ചു ഹ്രസ്വ​മാ​യി ചർച്ച ചെയ്‌ത​ശേഷം അദ്ദേഹം ഇങ്ങനെ പറഞ്ഞു: “നാം നമ്മുടെ ചിന്താ​പ്രാ​പ്‌തി​കളെ പ്രാഥ​മി​ക​മാ​യി ദിവ്യ​ബോ​ധനം സ്വീക​രി​ക്കു​ന്ന​തിന്‌ ഉപയോ​ഗി​ക്കണം. അതു മാത്ര​മാ​ണു സാക്ഷാ​ലുള്ള ജ്ഞാനത്തിൽ കലാശി​ക്കു​ന്നത്‌.” എത്രയോ സത്യം!

രണ്ടാം ദിവസം രാവിലെ

“നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി​ക്കുക” എന്നതാ​യി​രു​ന്നു കൺ​വെൻ​ഷന്റെ രണ്ടാം ദിവസത്തെ വിഷയം. (തീത്തൊസ്‌ 2:9) “ഭൂതങ്ങ​ളു​ടെ പഠിപ്പി​ക്ക​ലു​കൾക്കെ​തി​രെ ദിവ്യ ബോധനം” എന്ന പ്രസം​ഗ​ത്തിൽ ഈ തത്ത്വം മുൻപ​ന്തി​യി​ലേക്കു വന്നു. അതേ, ഭൂതങ്ങൾക്ക്‌ അവയുടെ പഠിപ്പി​ക്ക​ലു​ക​ളുണ്ട്‌. (1 തിമൊ​ഥെ​യൊസ്‌ 4:1) പ്രസം​ഗകൻ വിശദീ​ക​രി​ച്ച​പ്ര​കാ​രം, വ്യാജ പഠിപ്പി​ക്ക​ലു​ക​ളെ​യും പിശാ​ചി​ന്റെ കുടി​ല​മായ മാർഗ​ങ്ങ​ളെ​യും തുറന്നു​കാ​ട്ടു​ക​വഴി ദിവ്യ ബോധനം സാത്താന്റെ “ജ്ഞാന”ത്തിൻമേൽ വിജയം വരിക്കു​ന്നു. ഇതു നിമിത്തം നീതി ഹൃദയ​രായ ഏതാണ്ട്‌ 45,00,000 ക്രിസ്‌ത്യാ​നി​കൾ മേലാൽ സാത്താന്റെ അന്ധകാ​ര​ത്തി​ലെ അടിമ​കളല്ല.—യോഹ​ന്നാൻ 8:32.

എന്നുവ​രി​കി​ലും നാം സാത്താനെ തുടർന്നും ചെറു​ത്തു​കൊ​ണ്ടേ​യി​രി​ക്കണം. “നിങ്ങൾ ലോക​ത്തി​ന്റെ ആത്മാവി​നെ ചെറു​ക്കു​ന്നു​വോ?” എന്ന പ്രസംഗം ഇതിന്‌ ഊന്നൽ നൽകി. ഈ ലോക​ത്തി​ന്റെ ആത്മാവ്‌ മാരക​മാണ്‌. അധഃപ​തിച്ച ധാർമി​ക​ത​യെ​യും അധികാ​ര​ത്തോ​ടുള്ള ഒരു മത്സര മനോ​ഭാ​വ​ത്തെ​യും ഭൗതിക വസ്‌തു​ക്ക​ളോ​ടുള്ള അത്യാ​ഗ്ര​ഹ​ത്തെ​യും അത്‌ ഊട്ടി​വ​ളർത്തു​ന്നു. ഒരു ക്രിസ്‌ത്യാ​നി തന്നേത്തന്നെ നിരന്തരം പരി​ശോ​ധി​ക്കേ​ണ്ട​തുണ്ട്‌. താൻ എന്തു വീക്ഷി​ക്കു​ന്നു, എന്തു ശ്രദ്ധി​ക്കു​ന്നു, അല്ലെങ്കിൽ എന്തു വായി​ക്കു​ന്നു എന്നീ കാര്യ​ങ്ങ​ളിൽ ഇപ്പോ​ഴും അയാൾക്ക്‌ ഉന്നതമായ നിലവാ​ര​ങ്ങ​ളു​ണ്ടോ? പ്രോ​ത്സാ​ഹ​ജ​ന​ക​മാം​വി​ധം പ്രസം​ഗകൻ ഇങ്ങനെ പറഞ്ഞു: “സഹോ​ദ​രൻമാ​രും സഹോ​ദ​രി​മാ​രും ചെറു​പ്പ​ക്കാ​രും ആയ നിങ്ങൾ ഇക്കാര്യ​ത്തിൽ ഇപ്പോൾത്തന്നെ നടത്തുന്ന ആത്മാർഥ​മായ പരി​ശ്ര​മത്തെ ഞങ്ങൾ പ്രശം​സി​ക്കു​ന്നു.”—1 യോഹ​ന്നാൻ 2:15-17.

ലോക​ത്തി​ന്റെ ആത്മാവി​നോ​ടു ചെറു​ത്തു​നിൽക്കു​ന്നതു ദുഷ്‌ക​ര​മാ​ക്കി​ത്തീർക്കുന്ന ഒരു ഘടകമുണ്ട്‌. എന്താണത്‌? നാമെ​ല്ലാം അപൂർണ​രാണ്‌ എന്ന കാര്യം. യേശു നമ്മുടെ പാപങ്ങൾക്കു​വേണ്ടി മരിച്ചു എന്നതു സത്യം​തന്നെ, എന്നാൽ പാപത്തി​ലേ​ക്കുള്ള ചായ്‌വി​നെ​തി​രെ നാം ഇപ്പോ​ഴും പോരാ​ടേ​ണ്ട​തുണ്ട്‌. “വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി​യോ​ടു പൊരു​തൽ” എന്ന പ്രസം​ഗ​ത്തിൽ ഈ വിഷയം പരിചി​ന്തി​ക്ക​പ്പെട്ടു. നാം പുതിയ വ്യക്തി​ത്വം ധരിക്കു​ക​യും നമ്മുടെ പാപപൂർണ​മായ പ്രവണ​ത​കളെ തൃപ്‌തി​പ്പെ​ടു​ത്തുന്ന എന്തും ഒഴിവാ​ക്കു​ക​യും ചെയ്യു​ന്ന​പക്ഷം പാപ​ത്തോ​ടുള്ള പോരാ​ട്ട​ത്തിൽ നമുക്കു വിജയി​ക്കാൻ കഴിയു​മെന്ന്‌, മററു കാര്യ​ങ്ങ​ളു​ടെ കൂട്ടത്തിൽ, പ്രസം​ഗകൻ പറഞ്ഞു.

“ആരോ​ഗ്യാ​വ​ഹ​മായ പ്രബോ​ധ​നത്തെ നിങ്ങളു​ടെ ജീവി​ത​മാർഗ​മാ​ക്കുക” എന്നതാ​യി​രു​ന്നു അടുത്ത പ്രസം​ഗ​ത്തി​ന്റെ വിഷയം. തങ്ങളുടെ ശാരീ​രിക ആരോ​ഗ്യ​ത്തെ​ക്കു​റി​ച്ചു ചിലർക്ക്‌ അമിത​മായ ഉത്‌ക​ണ്‌ഠ​യുണ്ട്‌. എന്നാൽ വാസ്‌ത​വ​ത്തിൽ ആത്മീയ ആരോ​ഗ്യ​മാണ്‌ അതിലു​മേറെ പ്രധാനം. ഈ കാര്യ​ത്തിൽ നമ്മുടെ ഉത്തരവാ​ദി​ത്വ​ങ്ങൾ ഗൗരവ​മാ​യി എടു​ക്കേ​ണ്ട​തി​ന്റെ ആവശ്യത്തെ പ്രസം​ഗകൻ ഊന്നി​പ്പ​റഞ്ഞു. ക്രിസ്‌തീയ സ്‌ത്രീ​ക​ളോട്‌ അദ്ദേഹ​ത്തി​നു വിശേ​ഷാൽ പ്രോ​ത്സാ​ഹ​ജ​ന​ക​മായ ഒരു കാര്യം പറയാ​നു​ണ്ടാ​യി​രു​ന്നു. അദ്ദേഹം ഇങ്ങനെ പറഞ്ഞു: “തങ്ങളുടെ ശുശ്രൂ​ഷ​യി​ലുള്ള തീക്ഷ്‌ണ​ത​യി​ലും വ്യക്തി​പ​ര​മായ ഉത്തരവാ​ദി​ത്വ​ങ്ങ​ളി​ലും നല്ല സമനില പാലി​ക്കുന്ന പ്രായ​മായ സഹോ​ദ​രി​മാ​രെ​യും ചെറു​പ്പ​ക്കാ​രായ സഹോ​ദ​രി​മാ​രെ​യും നാം വളരെ വിലമ​തി​ക്കു​ന്നു.” അതേ, നമ്മെ ലോക​ത്തിൽനി​ന്നു വേർതി​രി​ച്ചു​നിർത്തുന്ന ആരോ​ഗ്യാ​വ​ഹ​മായ പ്രബോ​ധ​ന​ത്തി​നു​വേണ്ടി നാമെ​ല്ലാം യഹോ​വ​യോ​ടു നന്ദിയു​ള്ള​വ​രാണ്‌.

രാവി​ല​ത്തെ പരിപാ​ടി​ക്കു പരിസ​മാ​പ്‌തി കുറി​ച്ചത്‌, “ദിവ്യ ബോധനം ജീവി​ത​ത്തി​ന്റെ ഉദ്ദേശ്യം വെളി​പ്പെ​ടു​ത്തു​ന്നു” എന്ന പ്രസം​ഗ​മാ​യി​രു​ന്നു. “‘ജീവി​ത​ത്തി​ന്റെ ഉദ്ദേശ്യം എന്താണ്‌’ എന്ന്‌ ഇപ്പോ​ഴ​ല്ലെ​ങ്കിൽ പിന്നീട്‌ മിക്കവാ​റും എല്ലാവ​രും ആശ്ചര്യ​പ്പെ​ടാ​റുണ്ട്‌.” ബൈബിൾ മാത്രമേ ആ ചോദ്യ​ത്തി​നുള്ള യഥാർഥ ഉത്തരം നൽകു​ന്നു​ള്ളൂ​വെന്നു ശക്തമായ വാദങ്ങ​ളോ​ടെ അദ്ദേഹം തെളി​യി​ച്ചു. അതിനു​ശേഷം, ദൈവ​ത്തി​ന്റെ അത്ഭുതാ​വ​ഹ​മായ വാഗ്‌ദ​ത്തങ്ങൾ നമുക്കു ജീവി​ത​ത്തിൽ ഒരു നല്ല ഉദ്ദേശ്യം തരുന്നു​വെന്ന്‌ അദ്ദേഹം എടുത്തു​കാ​ട്ടി. ‘എന്റെ പ്രദേ​ശ​ത്തുള്ള ആളുകൾ തീർച്ച​യാ​യും കേൾക്കേണ്ട ഒന്നാണിത്‌’ എന്നു സദസ്യ​രിൽ പലരും ചിന്തി​ച്ചി​രി​ക്കാ​നി​ട​യുണ്ട്‌. ഭരണസം​ഘ​ത്തിൽപ്പെ​ട്ട​വ​രും അതേ അഭി​പ്രാ​യ​മു​ള്ള​വ​രാ​യി​രു​ന്നു. ജീവി​ത​ത്തി​ന്റെ ഉദ്ദേശ്യം എന്ത്‌? എന്ന തലക്കെ​ട്ടുള്ള ഒരു പുതിയ ലഘുപ​ത്രിക പ്രസം​ഗ​ത്തി​ന്റെ ഒടുവിൽ പ്രകാ​ശനം ചെയ്യ​പ്പെട്ടു. എല്ലാവ​രും എത്ര സന്തോ​ഷ​മു​ള്ള​വ​രാ​യി​രു​ന്നു! പുതിയ പ്രസി​ദ്ധീ​ക​രണം ഒന്നു കാണാ​നുള്ള അവസരം ഉച്ചയ്‌ക്കത്തെ ഇടവേള പ്രദാനം ചെയ്‌തു.

രണ്ടാം ദിവസം ഉച്ചതി​രിഞ്ഞ്‌

“നിങ്ങളു​ടെ സകല ഉത്‌ക്ക​ണ്‌ഠ​ക​ളും യഹോ​വ​യു​ടെ​മേൽ ഇട്ടു​കൊൾക” എന്ന ആശ്വാ​സ​ദാ​യ​ക​മായ വിഷയ​മാ​യി​രു​ന്നു ഉച്ചതി​രി​ഞ്ഞുള്ള ആദ്യത്തെ പ്രസം​ഗ​ത്തി​നു​ണ്ടാ​യി​രു​ന്നത്‌. ഉത്‌ക​ണ്‌ഠ​യു​ണ്ടാ​ക്കുന്ന പല കാര്യ​ങ്ങ​ളുണ്ട്‌; എന്നാൽ, നമ്മുടെ എല്ലാ ഉത്‌ക​ണ്‌ഠ​ക​ളും നാം ദൈവ​ത്തി​ന്റെ​മേൽ ഇട്ടു​കൊ​ള്ള​ണ​മെന്നു ദൈവ​വ​ചനം പറയുന്നു. (1 പത്രൊസ്‌ 5:6, 7) ചില പ്രശ്‌നങ്ങൾ നീണ്ടു​നി​ന്നേ​ക്കാം എന്നതു സത്യമാണ്‌, ഈ കാര്യ​ത്തിൽ പ്രസം​ഗകൻ ഇങ്ങനെ പ്രോ​ത്സാ​ഹി​പ്പി​ച്ചു: ‘ക്ഷമയു​ള്ള​വ​നാ​യി​രി​ക്കുക. യഹോ​വ​ക്കാ​യി കാത്തി​രി​ക്കുക. ബൈബിൾ പറയു​ന്നതു പിന്തു​ട​രു​ന്ന​താണ്‌ എപ്പോ​ഴും അത്യു​ത്ത​മ​മെന്ന്‌ ഉറപ്പായി വിശ്വ​സി​ക്കുക. നമ്മുടെ ഹൃദയങ്ങൾ നാം യഹോ​വ​യിൽ പതിപ്പി​ക്കു​ന്നെ​ങ്കിൽ, സകല ചിന്ത​യേ​യും കവിയുന്ന “ദൈവ​സ​മാ​ധാ​നം” നാം ആസ്വദി​ക്കാൻ ഇടയാ​യി​ത്തീ​രും.’—ഫിലി​പ്പി​യർ 4:6, 7.

ദിവ്യ ബോധനം കുടും​ബ​ജീ​വി​ത​ത്തി​നു ബാധക​മാ​കു​ന്നു​വെന്നു തുടർന്നു വന്ന നാലു പ്രസം​ഗങ്ങൾ പ്രകട​മാ​ക്കി. ലോക​ത്തി​ന്റെ ദൃഷ്ടി​യിൽ വിവാഹം ഉപേക്ഷി​ക്കാ​വുന്ന ഒന്നാണ്‌, എന്നാൽ ദൈവ​ത്തി​ന്റെ ദൃഷ്ടി​യിൽ അത്‌ അങ്ങനെയല്ല എന്ന്‌ “വിവാ​ഹത്തെ ഒരു നിലനിൽക്കുന്ന ബന്ധമാക്കൽ” എന്ന ആദ്യ​പ്ര​സം​ഗം സമ്മേളി​തരെ ഓർമ​പ്പെ​ടു​ത്തി. എന്നാൽ, വിവാ​ഹ​ജീ​വി​തത്തെ വിജയ​പ്ര​ദ​മാ​ക്കാൻ നാം യഹോ​വ​യു​ടെ മാർഗ​നിർദേശം പിൻപ​റേ​റ​ണ്ട​തുണ്ട്‌. അവിടുന്ന്‌ നമ്മെ ഉണ്ടാക്കി. അതു​കൊണ്ട്‌, വിവാ​ഹ​ജീ​വി​ത​ത്തെ​ക്കു​റി​ച്ചുള്ള ലഭ്യമായ ഏററവും നല്ല ബുദ്ധ്യു​പ​ദേശം അവിടു​ത്തെ നിശ്വസ്‌ത വചനത്തിൽ അടങ്ങി​യി​രി​ക്കു​ന്നു.

“നിങ്ങളു​ടെ കുടും​ബ​ത്തി​ന്റെ രക്ഷക്കു​വേണ്ടി കഠിന​മാ​യി പ്രയത്‌നി​ക്കുക” എന്ന പ്രസംഗം ഈ ദുർഘ​ട​സ​മ​യ​ങ്ങ​ളിൽ ഒരു കുടും​ബത്തെ പരിപാ​ലി​ക്കു​ന്ന​തി​ന്റെ വെല്ലു​വി​ളി​ക​ളെ​ക്കു​റി​ച്ചു ചർച്ച ചെയ്‌തു. (2 തിമൊ​ഥെ​യൊസ്‌ 3:1) ശാരീ​രിക ശുചി​ത്വം, നല്ല പെരു​മാ​റ​റ​രീ​തി​കൾ, എങ്ങനെ ജോലി ചെയ്യണം, എങ്ങനെ മററു​ള്ള​വ​രോട്‌ ഔദാ​ര്യ​മു​ള്ള​വ​രും അവരെ പരിപാ​ലി​ക്കു​ന്ന​വ​രും ആയിരി​ക്കണം തുടങ്ങിയ കാര്യങ്ങൾ മാതാ​പി​താ​ക്കൾ കുട്ടി​കളെ പഠിപ്പി​ക്കു​ന്നു. അതിലും പ്രധാ​ന​മാ​യി, യഹോ​വ​യു​ടെ അർപ്പിത ദാസൻമാ​രാ​യി​രി​ക്കാൻ അവർ കുട്ടി​കളെ പഠിപ്പി​ക്കേ​ണ്ട​തുണ്ട്‌.—സദൃശ​വാ​ക്യ​ങ്ങൾ 22:6.

അടുത്ത​താ​യി ഉണ്ടായി​രുന്ന, “മാതാ​പി​താ​ക്കളേ, നിങ്ങളു​ടെ കുട്ടി​കൾക്കു വിശേ​ഷ​വി​ധ​മായ ശ്രദ്ധ ആവശ്യ​മാണ്‌” എന്ന ചർച്ചയിൽ കുട്ടി​കളെ പ്രശം​സി​ക്കേ​ണ്ട​തി​ന്റെ ആവശ്യ​ത്തെ​ക്കു​റി​ച്ചു പ്രസം​ഗകൻ സമ്മേളി​തരെ ഓർമ​പ്പെ​ടു​ത്തി, ഒപ്പം അവരുടെ ബലഹീ​ന​ത​കൾക്കു നേരെ കണ്ണടച്ചു​ക​ള​യാ​തി​രി​ക്കാ​നും. സത്യസ​ന്ധ​ത​യി​ല്ലായ്‌മ, ഭൗതി​ക​ത്വം, അല്ലെങ്കിൽ സ്വാർഥത എന്നിവ​യി​ലേ​ക്കുള്ള പ്രവണ​ത​കൾക്കെ​തി​രെ മാതാ​പി​താ​ക്കൾ പ്രത്യേ​കി​ച്ചും ജാഗ്ര​ത​യു​ള്ള​വ​രാ​യി​രി​ക്കണം.

“യുവാ​ക്കളേ, നിങ്ങൾ ആരുടെ പ്രബോ​ധ​ന​ങ്ങളെ പിൻപ​റ​റു​ന്നു?” എന്ന പ്രസം​ഗ​ത്തി​നു സമ്മേള​ന​ത്തിൽ കൂടി​വ​ന്ന​വ​രിൽ പ്രത്യേ​കി​ച്ചും ചെറു​പ്പ​ക്കാർ അവധാ​ന​പൂർവ​മായ ശ്രദ്ധ നൽകി​യോ? ഇന്നു യുവ​ക്രി​സ്‌ത്യാ​നി​കൾക്കു കാര്യങ്ങൾ ദുഷ്‌ക​ര​മാണ്‌. ഈ ലോക​ത്തോ​ടൊ​പ്പം പോകുക എളുപ്പ​മാണ്‌, എന്നാൽ അതു മരണത്തി​ലേ​ക്കാ​ണു നയിക്കു​ന്നത്‌. ദിവ്യ ബോധ​ന​ത്തോ​ടു പററി​നിൽക്കു​ന്ന​തിന്‌ ഒരു യുവവ്യ​ക്തി​ക്കു ധൈര്യ​മാ​വ​ശ്യ​മാ​ണെ​ങ്കി​ലും, അത്‌ ഇപ്പോൾ വലിയ അനു​ഗ്ര​ഹ​ങ്ങ​ളും പിന്നീട്‌ നിത്യ​ജീ​വ​നും കൈവ​രു​ത്തു​ന്നു.—1 തിമൊ​ഥെ​യൊസ്‌ 4:8.

“ഇപ്പോൾ തങ്ങളുടെ സ്രഷ്ടാ​വി​നെ ഓർമ്മി​ക്കുന്ന യുവാക്കൾ” എന്ന ഹൃദയ​ഹാ​രി​യായ നാടക​ത്തോ​ടെ രണ്ടാം ദിവസം പര്യവ​സാ​നി​ച്ചു. ആമുഖ​ത്തിൽ സംവി​ധാ​യകൻ ദൈവ​സ്ഥാ​പ​ന​ത്തി​ലെ യുവജ​ന​ങ്ങളെ, “യഹോ​വ​യാം ദൈവ​ത്തി​നും അവിടു​ത്തെ നിയുക്ത സ്വർഗ്ഗീയ രാജാ​വായ ക്രിസ്‌തു​യേ​ശു​വി​നു​മുള്ള അർപ്പിത സേവന​ത്തിൽ വിശ്വ​സ്‌ത​ത​യോ​ടെ ഏർപ്പെ​ടുന്ന ഒരു ദിവ്യാ​ധി​പത്യ സേന” എന്നു വിളിച്ചു. അദ്ദേഹം ഇങ്ങനെ കൂട്ടി​ച്ചേർത്തു: “നമ്മുടെ യുവജ​നങ്ങൾ തീർച്ച​യാ​യും ഒരു ശ്രേഷ്‌ഠ​ധർമ്മം ആണ്‌ നിർവ​ഹി​ക്കു​ന്നത്‌!” ഒരു മാതാ​വോ പിതാ​വോ കുട്ടിയെ നല്ലവണ്ണം പരിശീ​ലി​പ്പി​ക്കു​ന്നു​വെ​ങ്കിൽ ആ കുട്ടി വളർന്നു​വന്ന്‌ സ്വന്തമാ​യി യഹോ​വയെ സേവി​ക്കു​മ്പോൾ അത്‌ അവനു പ്രയോ​ജനം ചെയ്യു​മെന്നു നാടകം വ്യക്തമാ​യി പ്രകട​മാ​ക്കി.

മൂന്നാം ദിവസം രാവിലെ

മൂന്നാം ദിവസത്തെ വിഷയം, “സകല രാഷ്‌ട്ര​ങ്ങ​ളി​ലെ​യും ജനങ്ങളെ പഠിപ്പി​ക്കു​ന്ന​തിൽ തുടരു​വിൻ” എന്നതാ​യി​രു​ന്നു. (മത്തായി 28:19, 20) സമ്മേള​ന​ത്തി​നു കൂടി​വ​ന്നവർ പ്രസം​ഗ​വേ​ല​യെ​ക്കു​റി​ച്ചുള്ള കാലോ​ചി​ത​മായ ബുദ്ധ്യു​പ​ദേശം പ്രതീ​ക്ഷി​ച്ചു, അവർ നിരാ​ശ​രാ​യു​മില്ല. “നമ്മുടെ പ്രസംഗ-പഠിപ്പി​ക്കൽ നിയോ​ഗം സന്തോ​ഷ​ത്തോ​ടെ നിറ​വേ​ററൽ” എന്ന വിഷയ​ത്തി​ലുള്ള ഒരു സിമ്പോ​സി​യം സാക്ഷീ​കരണ വേലയിൽ തുടർന്നു പങ്കുപ​റ​റാ​നുള്ള അവരുടെ ദൃഢതീ​രു​മാ​നത്തെ ബലിഷ്‌ഠ​മാ​ക്കി. ഒന്നാമത്തെ പ്രസംഗം ആദ്യ സന്ദർശ​ന​ങ്ങ​ളെ​യും, രണ്ടാമ​ത്തേത്‌ മടക്കസ​ന്ദർശ​ന​ങ്ങ​ളെ​യും, മൂന്നാ​മ​ത്തേത്‌ ബൈബി​ള​ധ്യ​യ​ന​ങ്ങ​ളെ​യും കുറിച്ചു ചർച്ച ചെയ്‌തു. ലോക​ത്തി​നു ചുററു​മുള്ള മിഷന​റി​മാർ തങ്ങളുടെ മാതൃ​രാ​ജ്യ​ത്തേക്കു മടങ്ങി തങ്ങളുടെ കുടും​ബ​ങ്ങ​ളോ​ടും സ്‌നേ​ഹി​ത​രോ​ടു​മൊ​പ്പം ഒരു സമ്മേള​ന​ത്തിൽ പങ്കുപ​റ​റാൻ ക്ഷണിക്ക​പ്പെ​ട്ടി​രു​ന്നു. ചില സ്ഥലങ്ങളിൽ, മിഷന​റി​മാർ പരിപാ​ടി​യു​ടെ ഈ ഭാഗത്തു പങ്കെടു​ത്തു. അവരുടെ നിയമ​ന​ങ്ങ​ളി​ലെ വിജയ​ത്തെ​ക്കു​റി​ച്ചുള്ള ഉൾക്കാഴ്‌ച ലഭിക്കു​ന്നതു സന്തോ​ഷ​ക​ര​മാ​യി​രു​ന്നു. “സുവാർത്ത എല്ലാവ​രു​ടെ​യും അടുക്കൽ എത്തിക്കൽ” എന്ന അടുത്ത പ്രസംഗം അനൗപ​ചാ​രിക സാക്ഷീ​ക​ര​ണ​ത്തി​ന്റെ ഫലത്തെ​ക്കു​റി​ച്ചു പരിചി​ന്തനം ചെയ്‌തു.

യഹോ​വ​യു​ടെ സാക്ഷി​ക​ളു​ടെ വൻകൂ​ട്ട​ങ്ങ​ളി​ലെ ഒരു സവിശേഷ ഇനമായ സ്‌നാ​പ​ന​പ്ര​സം​ഗ​ത്തോ​ടെ രാവി​ലത്തെ പരിപാ​ടി​കൾ അവസാ​നി​ച്ചു. ഓരോ കൺ​വെൻ​ഷ​നു​ക​ളി​ലും വൻസദ​സ്സി​ന്റെ മുമ്പാകെ പുതു​താ​യി സമർപ്പി​ച്ച​വ​രു​ടെ വലിയ കൂട്ടങ്ങൾ എഴു​ന്നേ​ററു നിന്നു, അവരോ​ടു ചോദിച്ച രണ്ടു ചോദ്യ​ങ്ങൾക്ക്‌ അവർ ഉവ്വ്‌ എന്നു ദൃഢസ്വ​ര​ത്തിൽ ഉത്തരം നൽകി. അതിനു​ശേഷം അവർ പൊതു​സ്‌നാ​പ​ന​ത്തി​നു വിധേ​യ​രാ​യി. ദിവ്യ ബോധ​ന​ത്തി​ന്റെ മഹത്തായ ഫലപ്രാ​പ്‌തി​യു​ടെ എത്ര ശക്തമായ തെളിവ്‌!

മൂന്നാം ദിവസം ഉച്ചതി​രിഞ്ഞ്‌

ഗഹനമായ ഒരു ആത്മീയ ചർച്ച​യോ​ടെ ഉച്ചകഴി​ഞ്ഞുള്ള പരിപാ​ടി​ക്കു തുടക്കം കുറിച്ചു. മത്തായി 24-ാം അധ്യാ​യ​ത്തി​ലെ​യും ലൂക്കോസ്‌ 21-ാം അധ്യാ​യ​ത്തി​ലെ​യും വാക്കുകൾ യഹോ​വ​യു​ടെ സാക്ഷി​കൾക്കു സുപരി​ചി​ത​മാണ്‌. ഈ ബൈബി​ള​ധ്യാ​യ​ങ്ങ​ളെ​ക്കു​റി​ച്ചു പുതു​താ​യി ഒന്നും പറയാൻ ഉണ്ടാവില്ല എന്നു ചിലർ ചിന്തി​ച്ചു​വോ? എന്നാൽ അവർക്കു തെററു​പ​ററി! “നിന്റെ സാന്നി​ധ്യ​ത്തി​ന്റെ അടയാ​ള​മെ​ന്താ​യി​രി​ക്കും?,” “ഞങ്ങളോ​ടു പറയൂ, ഇതെ​പ്പോൾ സംഭവി​ക്കും?” എന്നീ പ്രസം​ഗങ്ങൾ സമ്മേളി​തരെ ആ രണ്ട്‌ അധ്യാ​യ​ഭാ​ഗ​ങ്ങ​ളു​ടെ ആകർഷ​ക​മായ ചർച്ചയി​ലേക്കു നയിക്കു​ക​യും ചില വാക്യ​ങ്ങ​ളു​ടെ കാലാ​നു​സൃ​ത​മാ​ക്ക​പ്പെട്ട വിവരങ്ങൾ നൽകു​ക​യും ചെയ്‌തു. ആ സെഷനു​ശേഷം ആശയങ്ങൾ തങ്ങൾക്കു മനസ്സി​ലാ​യോ എന്നറി​യാൻ സമ്മേളി​തർ നോട്ടു​കൾ ഒത്തു​നോ​ക്കി​യ​പ്പോൾ അതു സജീവ ചർച്ചയ്‌ക്കു വഴിതു​റന്നു. ഈ വിവരം വീക്ഷാ​ഗോ​പു​ര​ത്തിൽ പ്രസി​ദ്ധീ​ക​രി​ക്ക​പ്പെ​ടു​മ്പോൾ നിസ്സം​ശ​യ​മാ​യും അനേകം ചോദ്യ​ങ്ങൾക്ക്‌ ഉത്തരം ലഭിക്കും.

“നിങ്ങളു​ടെ ബൈബിൾചോ​ദ്യ​ങ്ങൾക്കുള്ള വിജ്ഞാ​ന​പ​ര​മായ ഉത്തരങ്ങൾ” എന്ന പ്രസം​ഗ​ത്തിൽ ബൈബി​ള​ധ്യ​യ​ന​ത്തെ​ക്കു​റി​ച്ചുള്ള വിഷയം തുടർന്നു​വന്നു. അതിനു​ശേഷം പരിപാ​ടി പുതി​യൊ​രു മാനം കൈവ​രി​ച്ചു. 1993 എന്ന വർഷം വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 50-ാം വാർഷി​കത്തെ അടയാ​ള​പ്പെ​ടു​ത്തി. “അമ്പതു വർഷത്തെ ഗിലെ​യാദ്‌ മിഷനറി പരിശീ​ല​ന​വും പ്രവർത്ത​ന​വും” എന്ന പ്രസംഗം ആ കാലഘ​ട്ട​ത്തിൽ എന്തു നേടി എന്നതു സമ്മേളി​തർക്കു കാട്ടി​ക്കൊ​ടു​ത്തു. “ആഗോ​ള​വ​യ​ലി​ലെ സുവി​ശേ​ഷ​പ്ര​സം​ഗ​ത്തി​ന്റെ നേട്ടങ്ങൾ” എന്ന പ്രസം​ഗ​സ​മ​യത്ത്‌ ഏതെങ്കി​ലും മിഷന​റി​മാർ സ്ഥലത്തു​ണ്ടെ​ങ്കിൽ സദസ്സു​മാ​യി അവരുടെ ചില അനുഭ​വങ്ങൾ പങ്കുവ​യ്‌ക്കാൻ അവർ ക്ഷണിക്ക​പ്പെട്ടു. മിഷന​റി​മാ​രു​ടെ വിവര​ണങ്ങൾ കേൾക്കു​ന്നതു പുളക​പ്ര​ദ​മാ​യി​രു​ന്നു!

“യഹോ​വ​യു​ടെ സാക്ഷികൾ ഉണർന്നി​രി​ക്കു​ന്ന​തി​ന്റെ കാരണം” എന്ന തുടർന്നു​വന്ന പ്രസംഗം മറെറാ​രു ചരി​ത്ര​പാ​ഠ​മാ​യി​രു​ന്നു. പൊ.യു. ഒന്നാം നൂററാ​ണ്ടു​മു​തൽ ഇപ്പോൾവരെ ക്രിസ്‌ത്യാ​നി​കൾ ഉണർന്നി​രു​ന്നി​ട്ടു​ണ്ടെന്ന്‌ അതു പ്രകട​മാ​ക്കി. അതു മറെറാ​രു വിസ്‌മ​യ​ത്തി​ലേക്കു നയിച്ചു. “രാജ്യ​പ്ര​ഘോ​ഷകർ ഭൂമി​യി​ലെ​ങ്ങും സജീവർ” എന്ന തലക്കെ​ട്ടുള്ള അടുത്ത പ്രസം​ഗ​ത്തിൽ വലി​യൊ​രു പുസ്‌തകം (പ്രാ​ദേ​ശിക ഭാഷയിൽ അപ്പോൾത്തന്നെ ലഭ്യമാ​യി​രു​ന്നു) എടുത്തു​യർത്തി​ക്കൊ​ണ്ടു പ്രസം​ഗകൻ ഇങ്ങനെ പറഞ്ഞു: “യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന ഈ പുതിയ പുസ്‌തകം ഇന്നു പ്രകാ​ശനം ചെയ്യു​ന്ന​താ​യി അറിയി​ക്കു​ന്നതു സന്തോ​ഷ​മുള്ള ഒരു കാര്യ​മാണ്‌.” യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരി​ത്ര​ത്തെ​ക്കു​റി​ച്ചുള്ള സവിസ്‌തര വിവരണം ഈ പുസ്‌ത​ക​ത്തിൽ അടങ്ങി​യി​രി​ക്കു​ന്നു. യഹോ​വ​യു​ടെ ആത്മാവ്‌ അവിടു​ത്തെ ദാസൻമാ​രു​ടെ​മേൽ സജീവ​മാ​യി പ്രവർത്തി​ക്കു​ന്നു എന്നതിന്റെ തെളിവു നൽകി​ക്കൊണ്ട്‌ സഹിഷ്‌ണു​ത​യു​ടെ​യും ദൃഢനി​ശ്ച​യ​ത്തി​ന്റെ​യും വിജയ​ത്തി​ന്റെ​യും പുളകം​കൊ​ള്ളി​ക്കുന്ന കഥ ആ പുസ്‌തകം പറയുന്നു.

നാലാം ദിവസം രാവിലെ

കൺ​വെൻ​ഷന്റെ അവസാന ദിവസ​മെ​ത്തി​ക്ക​ഴി​ഞ്ഞു. “ദിവ്യ ബോധ​ന​ത്താൽ സ്വയം പ്രയോ​ജനം നേടുന്നു” എന്ന ഈ ദിവസത്തെ വിഷയം പരിപാ​ടി​ക്കു നല്ലൊരു പരമകാഷ്‌ഠ ഉണ്ടായി​രി​ക്കു​മെന്നു സൂചന നൽകി. (യെശയ്യാവ്‌ 48:17) രാവിലെ കൂടി​വ​ന്ന​വ​രു​ടെ ശ്രദ്ധ ശക്തമായ മൂന്നു പ്രസം​ഗ​ങ്ങ​ളുള്ള ഒരു സിമ്പോ​സി​യ​ത്തിൽ തീവ്ര​മാ​യി പതിഞ്ഞി​രു​ന്നു. “യിരെ​മ്യാ​വി​ന്റെ നിശ്വസ്‌ത മുന്നറി​യി​പ്പിൻ സന്ദേശം—കഴിഞ്ഞ കാല​ത്തേ​ക്കും ഇക്കാല​ത്തേ​ക്കും” എന്ന സിമ്പോ​സി​യ​ത്തിൽ യിരെ​മ്യാവ്‌ 23, 24, 25 എന്നീ അധ്യാ​യ​ങ്ങ​ളു​ടെ വാക്യാ​നു​വാ​ക്യ ചർച്ചയു​ണ്ടാ​യി​രു​ന്നു. ഈ അധ്യാ​യ​ങ്ങ​ളിൽ എന്തൊരു ഊററ​മായ സന്ദേശ​മാണ്‌ അടങ്ങി​യി​രി​ക്കു​ന്നത്‌! യിരെ​മ്യാ​യു​ടെ തുറന്ന​ടി​ച്ചുള്ള ദിവ്യ​നി​ശ്വസ്‌ത മുന്നറി​യി​പ്പു​ക​ളിൽ അദ്ദേഹ​ത്തി​ന്റെ കാലത്തെ അവിശ്വസ്‌ത ഇസ്രാ​യേൽ ഞെട്ടി​വി​റ​ച്ചി​രി​ക്കണം. ആ മുന്നറി​യി​പ്പു​കൾ നിവൃ​ത്തി​യേ​റി​യ​പ്പോൾ മുഴു​ലോ​ക​വും വാസ്‌ത​വ​ത്തിൽ അതിലു​മ​ധി​കം ഞെട്ടി​വി​റച്ചു. ഇന്നു സ്ഥിതി​യാ​കെ മാറി​യോ? അശേഷ​മില്ല. യഹോ​വ​യു​ടെ സാക്ഷികൾ ദൈവ​ത്തി​ന്റെ ന്യായ​വി​ധി സന്ദേശങ്ങൾ സധീരം പ്രസം​ഗി​ക്കു​ന്നു. ഒടുവിൽ ഈ മുഴു​വ്യ​വ​സ്ഥി​തി​യും യഹോ​വ​യു​ടെ ന്യായ​വി​ധി നടപടി​കളെ നേരി​ടേ​ണ്ടി​വ​രും. അതു സാത്താന്റെ ലോക​ത്തി​നു സമൂല നാശത്തെ അർഥമാ​ക്കും.

ഞായറാ​ഴ്‌ച രാവി​ലത്തെ പരിപാ​ടി​കൾ, “വഴി​തെ​റ​റി​ക്ക​പ്പെ​ടു​ക​യോ ദൈവത്തെ പരിഹ​സി​ക്കു​ക​യോ അരുത്‌” എന്ന നാടക​ത്തോ​ടെ അവസാ​നി​ച്ചു. അധഃപ​തി​പ്പി​ക്കുന്ന വീഡി​യോ​ക​ളാ​ലും സംഗീ​ത​ത്താ​ലും സ്വാധീ​നി​ക്ക​പ്പെ​ടു​ന്ന​തിൽനി​ന്നും സഹക്രി​സ്‌ത്യാ​നി​ക​ളു​ടെ ഇടയിൽ അനൈ​ക്യം വിതയ്‌ക്കു​ന്ന​തിൽനി​ന്നും നമ്മെ ദിവ്യ ബോധ​ന​ത്തിന്‌ എങ്ങനെ സംരക്ഷി​ക്കാൻ കഴിയു​മെന്ന്‌ അതു വ്യക്തമാ​യി എടുത്തു​കാ​ട്ടി. നാടക​ത്തി​ന്റെ ഒടുവിൽ അഭി​നേ​താ​ക്ക​ളിൽ ഒരാളു​ടെ ചിന്തോ​ദ്ദീ​പ​ക​മായ ഈ വാക്കുകൾ അധ്യക്ഷൻ ഉദ്ധരിച്ചു: “നാം ഈ ലോക​ത്തി​ന്റെ സ്വാധീ​ന​ങ്ങ​ളിൽനി​ന്നു വിമു​ക്തരല്ല. നാം ചെറുത്തു നിൽക്കു​ന്നി​ല്ലെ​ങ്കിൽ ലോക​ത്തി​നു നമ്മുടെ ചിന്താ​രീ​തി​യെ കൗശല​പൂർവ്വം ദുഷി​പ്പി​ക്കാൻ കഴിയും. നാം വിശ്വ​സ്‌ത​രാ​യി നിലനിൽക്കു​മോ ഇല്ലയോ എന്നുള്ളത്‌ നാം വിതച്ചു​കൊ​ണ്ടി​രി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു.” എത്രയോ സത്യം!

അവസാന ദിവസം ഉച്ചതി​രിഞ്ഞ്‌

“നമ്മുടെ നിർണാ​യക നാളു​ക​ളി​ലേ​ക്കുള്ള സഹായ​ക​ര​മായ പ്രബോ​ധനം” എന്ന തലക്കെ​ട്ടുള്ള പരസ്യ​പ്ര​സം​ഗം നടത്താൻ പ്രസം​ഗകൻ പ്രസം​ഗ​വേ​ദി​യി​ലേക്കു പോയ​പ്പോൾ കൺ​വെൻ​ഷൻ സത്വരം സമാപ​ന​ത്തി​ലേക്കു അടുക്കു​ക​യാ​യി​രു​ന്നു. നമ്മെ ഇന്നു ബാധി​ക്കുന്ന പ്രശ്‌ന​ങ്ങളെ സ്‌പഷ്ട​വും യുക്തി​സ​ഹ​വു​മായ ഒരു വിധത്തിൽ അദ്ദേഹം തിരി​ച്ച​റി​യി​ക്കു​ക​യും ഒരു മെച്ചപ്പെട്ട ജീവിതം ആസ്വദി​ക്കാൻ നമ്മെ ദിവ്യ ബോധനം സഹായി​ക്കുന്ന ചില വിധങ്ങൾ ചൂണ്ടി​ക്കാ​ട്ടു​ക​യും ചെയ്‌തു. തിരു​വെ​ഴു​ത്തു​പ​ര​മായ പ്രബോ​ധനം നാം ഇപ്പോൾ പിൻപ​റ​റു​ന്നെ​ങ്കിൽ യഹോ​വ​യു​ടെ പുതിയ ലോക​ത്തിൽ അത്‌ എന്നേക്കും പിൻപ​റ​റാൻ നാം പ്രാപ്‌ത​രാ​യി​രി​ക്കു​മെന്ന്‌ അദ്ദേഹം പറഞ്ഞു.

വാരം​തോ​റു​മുള്ള വീക്ഷാ​ഗോ​പുര അധ്യയ​ന​ത്തി​ന്റെ സംഗ്ര​ഹ​ത്തി​നു​ശേഷം അവസാന പ്രസം​ഗ​ത്തി​നുള്ള സമയം വന്നണഞ്ഞു. ചതുർദിന പരിപാ​ടി​യു​ടെ സവിശേഷ ഭാഗങ്ങൾ പ്രസം​ഗകൻ ഓടിച്ചു പരാമർശി​ക്കു​ക​യും പുതിയ പ്രസി​ദ്ധീ​ക​ര​ണ​ങ്ങ​ളെ​ക്കു​റി​ച്ചു സമ്മേളി​തരെ ഓർമ​പ്പെ​ടു​ത്തു​ക​യും ചെയ്‌തു. ബൈബിൾ—വസ്‌തു​ത​യു​ടെ​യും പ്രവച​ന​ത്തി​ന്റെ​യും ഒരു പുസ്‌തകം എന്ന പരമ്പര​യി​ലെ രണ്ടാമത്തെ വീഡി​യോ കാസെ​ററ്‌ വേഗം​തന്നെ പുറത്തി​റ​ങ്ങു​മെ​ന്നും അദ്ദേഹം അറിയി​ച്ചു. വാസ്‌ത​വ​ത്തിൽ, “ബൈബിൾ—മനുഷ്യ​വർഗ​ത്തി​ന്റെ ഏററവും പഴക്ക​മേ​റിയ ആധുനിക പുസ്‌തകം” എന്ന വീഡി​യോ കാസെ​ററ്‌ ഇപ്പോൾ ഇംഗ്ലീ​ഷിൽ ലഭ്യമാണ്‌. ഗുരു​ത​ര​മായ പ്രതി​സ​ന്ധി​ക​ളുള്ള ബോസ്‌നിയ, ഹെർട്‌സ​ഗോ​വിന തുടങ്ങിയ സ്ഥലങ്ങളിൽനി​ന്നുള്ള വികാ​ര​സ്‌പർശി​യായ റിപ്പോർട്ടു​കൾ വായി​ക്കു​ക​യു​ണ്ടാ​യി. ഉപസം​ഹാ​ര​ത്തിൽ പ്രസം​ഗകൻ സഭാ​പ്ര​സം​ഗി 12:13-ലെ വാക്കുകൾ വായിച്ചു: “എല്ലാറ​റി​ന്റെ​യും സാരം കേൾക്കുക; ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു.”

എന്തൊരു നല്ല ഓർമി​പ്പി​ക്കൽ! നമ്മുടെ മഹാ ഉപദേ​ഷ്ടാ​വായ യഹോ​വയെ മുഴു​മ​നു​ഷ്യ​വർഗ​വും സ്‌തു​തി​ക്കുന്ന നാളി​നു​വേണ്ടി നമുക്കു ജീവി​ക്കു​ക​യും അവിടു​ത്തെ ദിവ്യ ബോധ​ന​ത്തി​നു ചെവി​കൊ​ടു​ക്കു​ക​യും ചെയ്യാം.

[24, 25 പേജു​ക​ളി​ലെ ചിത്രങ്ങൾ]

മോസ്‌കോയിലെയും കീവി​ലെ​യും “ദിവ്യ ബോധന” കൺ​വെൻ​ഷ​നു​കൾ വലിയ സന്തോ​ഷ​ത്തി​നു കാരണ​മാ​യി

[26, 27 പേജു​ക​ളി​ലെ ചിത്രങ്ങൾ]

1. സ്‌നാ​പ​ന​മേൽക്കു​ക​വഴി അനേകർ ദൈവ​ത്തി​നുള്ള തങ്ങളുടെ സമർപ്പ​ണത്തെ പ്രതീ​ക​പ്പെ​ടു​ത്തി

2. കൺ​വെൻ​ഷനു വന്ന ഒരു 100-വയസ്സു​കാ​രൻ പുതിയ പ്രസി​ദ്ധീ​ക​രണം ലഭിച്ച​തിൽ സന്തോ​ഷി​ച്ചു

3, 4. ചിന്തോ​ദ്ദീ​പ​ക​മായ നാടകങ്ങൾ വളരെ​യ​ധി​കം വിലമ​തി​ക്ക​പ്പെ​ട്ടു

5. കൺ​വെൻ​ഷ​നു​ക​ളിൽവച്ച്‌ അഭിമു​ഖം നടത്തപ്പെട്ട മിഷന​റി​മാർ ദിവ്യ ബോധ​ന​ത്തി​ന്റെ പ്രയോ​ജ​ന​ങ്ങളെ എടുത്തു​കാ​ട്ടി