ബുദ്ധ്യു​പ​ദേശം കൊടു​ക്കു​മ്പോൾ നി​ങ്ങൾ മററു​ള്ള​വരെ മാനി​ക്കു​ന്നു​വോ?

മാന്യ​മാ​യി ബുദ്ധ്യു​പ​ദേ​ശി​ക്ക​പ്പെ​ടു​ന്നത്‌ എത്ര ഹിതക​ര​വും എത്ര പ്രയോ​ജ​ന​പ്ര​ദ​വു​മാണ്‌! “ദയാപു​ര​സ്സ​ര​മായ, പരവി​കാ​രം മാനി​ക്കുന്ന, സൂക്ഷ്‌മ ശ്രദ്ധനൽകി​ക്കൊ​ണ്ടുള്ള ബുദ്ധ്യു​പ​ദേശം നല്ല ബന്ധങ്ങളിൽ കലാശി​ക്കു​ന്നു” എന്ന്‌ എഡ്വേർഡ്‌ പറയുന്നു. “നിങ്ങൾക്കു പറയാ​നു​ള്ളത്‌ കേൾക്കാ​നുള്ള മനസ്സൊ​രു​ക്കം പ്രകട​മാ​ക്കി​ക്കൊ​ണ്ടു ബുദ്ധ്യു​പ​ദേ​ശകൻ നിങ്ങളെ ബഹുമാ​നി​ക്കു​ന്നു, ആദരി​ക്കു​ന്നു എന്നു നിങ്ങൾക്കു തോന്നു​മ്പോൾ ബുദ്ധ്യു​പ​ദേശം സ്വീക​രി​ക്കുക എളുപ്പ​മാ​കു​ന്നു” എന്നു വാറൻ അഭി​പ്രാ​യ​പ്പെ​ടു​ന്നു. “ബുദ്ധ്യു​പ​ദേ​ശകൻ എന്നോട്‌ ആദര​വോ​ടെ ഇടപെ​ടു​മ്പോൾ ബുദ്ധ്യു​പ​ദേശം ആവശ്യ​പ്പെ​ട്ടു​കൊണ്ട്‌ എനിക്ക്‌ അദ്ദേഹത്തെ സമീപി​ക്കാ​നുള്ള സ്വാത​ന്ത്ര്യം തോന്നും,” അങ്ങനെ​യാ​ണു നോർമൻ അഭി​പ്രാ​യ​പ്പെ​ടു​ന്നത്‌.

മാന്യ​ത​ക്കുള്ള മമനു​ഷ്യ​ന്റെ സ്വാഭാ​വിക അവകാശം

ഊഷ്‌മ​ള​മായ, സൗഹാർദ​മായ, സ്‌നേ​ഹ​പു​ര​സ്സ​ര​മായ ബുദ്ധ്യു​പ​ദേശം തീർച്ച​യാ​യും സ്വാഗ​താർഹ​മാണ്‌. ബുദ്ധ്യു​പ​ദേശം ലഭിക്കാൻ നിങ്ങൾ ആഗ്രഹി​ക്കു​ന്ന​വി​ധ​ത്തിൽ മററു​ള്ള​വരെ ബുദ്ധ്യു​പ​ദേ​ശി​ക്കു​ന്ന​താ​ണു പ്രയോ​ജ​ന​പ്രദം. (മത്തായി 7:12) വിമർശി​ക്കു​ക​യും കുററം​വി​ധി​ക്കു​ക​യും ചെയ്യു​ന്ന​തി​നു​പ​കരം ഒരു നല്ല ബുദ്ധ്യു​പ​ദേ​ശകൻ ശ്രദ്ധി​ക്കാൻ സമയ​മെ​ടു​ക്കു​ന്നു, കൂടാതെ ബുദ്ധ്യു​പ​ദേ​ശ​ത്തി​നു വിധേ​യ​നാ​കുന്ന വ്യക്തി​യു​ടെ ചിന്ത, സ്ഥാനം, വികാ​രങ്ങൾ എന്നിവ മനസ്സി​ലാ​ക്കാ​നും ശ്രമി​ക്കു​ന്നു.—സദൃശ​വാ​ക്യ​ങ്ങൾ 18:13.

ബുദ്ധ്യു​പ​ദേ​ശം കൊടു​ക്കു​മ്പോൾ ക്രിസ്‌തീയ മൂപ്പൻമാർ ഉൾപ്പെ​ടെ​യുള്ള ഇന്നത്തെ ബുദ്ധ്യു​പ​ദേ​ശകർ മററു​ള്ള​വരെ മാനി​ക്കാൻ ജാഗരൂ​ക​രാ​യി​രി​ക്കേ​ണ്ട​തുണ്ട്‌. എന്തു​കൊണ്ട്‌? അതിന്റെ ലളിത​മായ കാരണം ഇതാണ്‌, മാനം​കെ​ടു​ത്തു​ന്ന​വി​ധ​ത്തിൽ മററു​ള്ള​വ​രോട്‌ ഇടപെ​ട​ണ​മെന്ന ഒരു മനോ​ഭാ​വ​മാ​ണു സമൂഹ​ത്തിൽ കണ്ടുവ​രു​ന്നത്‌. ഇതു പടർന്നു​പി​ടി​ക്കു​ന്ന​താണ്‌. പലപ്പോ​ഴും നിങ്ങൾ മാന്യ​മായ പെരു​മാ​ററം ആരിൽനി​ന്നു പ്രതീ​ക്ഷി​ക്കു​ന്നു​വോ അവർത​ന്നെ​യാണ്‌ അതു നൽകാൻ പരാജ​യ​പ്പെ​ടു​ന്നത്‌, അവർ വിദഗ്‌ധ​രോ, മതനേ​താ​ക്ക​ളോ, മററുള്ള ആരുമോ ആയി​ക്കൊ​ള്ളട്ടെ. ദൃഷ്ടാ​ന്തീ​ക​രി​ച്ചാൽ, ജോലി​സ്ഥ​ലത്ത്‌ ഒരാളെ പിരി​ച്ചു​വി​ടു​ന്നതു തൊഴി​ലു​ട​മ​ക്കും തൊഴി​ലാ​ളി​ക്കും വേദനാ​ജ​ന​ക​മാണ്‌, ക്ലേശക​ര​മാണ്‌. അത്‌ ആത്മാഭി​മാ​ന​ത്തി​നു ക്ഷതം തട്ടുന്ന​താണ്‌, വിശേ​ഷി​ച്ചും അപരാ​ധി​യോ​ടുള്ള ഇടപെ​ട​ലിൽ മാന്യ​ത​യി​ല്ലെ​ങ്കിൽ. ഇത്തരം സന്ദർഭ​ങ്ങ​ളിൽ ആ “കടുത്ത സന്ദേശം വ്യക്തമാ​യി, ലളിത​മാ​യി, വിദഗ്‌ധ​മാ​യി ധരിപ്പി​ച്ചു വ്യക്തി​യു​ടെ മാന്യ​തക്കു ക്ഷതമേൽപ്പി​ക്കാ​തെ എങ്ങനെ കൊടു​ക്കാ​മെന്ന്‌ ഇങ്ങനെ​യുള്ള രംഗങ്ങ​ളിൽ മേൽനോ​ട്ടം വഹിക്കു​ന്നവർ പഠി​ക്കേ​ണ്ട​തുണ്ട്‌” എന്നു വാൻകൂ​വർ സൺ റിപ്പോർട്ടു​ചെ​യ്യു​ന്നു. അതേ, സകല മനുഷ്യ​രും മാന്യ​മായ പെരു​മാ​ററം അർഹി​ക്കു​ന്ന​വ​രാണ്‌.

ഐക്യ​രാ​ഷ്‌ട്ര​ങ്ങ​ളു​ടെ പൊതു​സഭ ഇങ്ങനെ പ്രഖ്യാ​പി​ക്കു​ന്നു: “സകല മനുഷ്യ​രും സ്വത​ന്ത്ര​രാ​യും തുല്യ മാന്യ​ത​യോ​ടെ​യും അവകാ​ശ​ങ്ങ​ളോ​ടെ​യും ജനിച്ചി​രി​ക്കു​ന്നു. യുക്തി​യും മനസ്സാ​ക്ഷി​യും അവർക്കു പ്രകൃ​ത്യാ​ത​ന്നെ​യുണ്ട്‌, സാഹോ​ദ​ര്യ​ത്തി​ന്റെ ആത്മാവിൽ അവർ പരസ്‌പരം വർത്തി​ക്കണം.” മമനു​ഷ്യ​ന്റെ മാന്യത ഹനിക്ക​പ്പെ​ടു​ന്ന​തി​നാൽ ഐക്യ​രാ​ഷ്‌ട്ര​ങ്ങ​ളു​ടെ ഭരണവ്യ​വ​സ്ഥ​ക​ളും (Charter) മനുഷ്യാ​വ​കാ​ശ​ങ്ങ​ളു​ടെ സാർവ​ദേ​ശീയ പ്രഖ്യാ​പ​ന​ത്തി​ന്റെ പ്രസ്‌താ​വ​ന​യും (Preamble) ഈ ഗുണവി​ശേ​ഷത്തെ അംഗീ​ക​രി​ച്ചു​പ​റ​യു​ന്നത്‌ നല്ല കാരണ​ങ്ങ​ളോ​ടെ​യാണ്‌. “മമനു​ഷ്യ​ന്റെ അടിസ്ഥാ​ന​പ​ര​മായ അവകാ​ശ​ങ്ങ​ളി​ലും മനുഷ്യ​വ്യ​ക്തി​യു​ടെ യോഗ്യ​ത​യി​ലും മാന്യ​ത​യി​ലു​മുള്ള വിശ്വാസ”ത്തെ അവ ഊട്ടി​യു​റ​പ്പി​ക്കു​ന്നു.

യഹോവ മനുഷ്യ​നെ സൃഷ്ടിച്ചു—സഹജമായ മാന്യ​ത​യോ​ടെ

യഹോവ മാന്യ​ത​യു​ടെ ദൈവ​മാണ്‌. അവിടു​ത്തെ നിശ്വ​സ്‌ത​വ​ചനം ശരിയാ​യി ഇങ്ങനെ പ്രസ്‌താ​വി​ക്കു​ന്നു, “മാന്യ​ത​യും തേജസ്സും അവിടു​ത്തെ സന്നിധി​യി​ലുണ്ട്‌,” “[അവിടു​ത്തെ] മാന്യത സ്വർഗ​ങ്ങൾക്കു​മീ​തെ വർണി​ക്ക​പ്പെ​ടു​ന്നു.”—1 ദിനവൃ​ത്താ​ന്തം 16:27; സങ്കീർത്തനം 8:1, NW.

മാന്യ​ത​യു​ള്ള ദൈവം, അഖിലാണ്ഡ പരമാ​ധി​കാ​രി എന്നീ നിലക​ളിൽ അവിടു​ന്നു സ്വർഗീ​യ​വും ഭൗമി​ക​വു​മായ തന്റെ സകല സൃഷ്ടി​കൾക്കും മാന്യത കൽപ്പി​ക്കു​ന്നു. മഹത്ത്വീ​ക​രണം പ്രാപിച്ച, വാഴ്‌ച​ന​ട​ത്തുന്ന അവിടു​ത്തെ പുത്ര​നായ രാജാ​വാം യേശു​ക്രി​സ്‌തു​വാണ്‌ അങ്ങനെ ആദരി​ക്ക​പ്പെ​ട്ട​വ​രിൽ പ്രമുഖൻ. “അങ്ങ്‌ അവനെ മാന്യ​ത​യും തേജസ്സും അണിയി​ച്ചു” എന്നു ദാവീദ്‌ പ്രാവ​ച​നി​ക​മാ​യി എഴുതി.—സങ്കീർത്തനം 21:5; ദാനി​യേൽ 7:14, NW.

സങ്കടക​ര​മെ​ന്നു​പ​റ​യട്ടെ, മമനു​ഷ്യ​ന്റെ അടിസ്ഥാ​ന​പ​ര​മായ ഈ അവകാശം ചരി​ത്ര​ത്തി​ലു​ട​നീ​ളം ചവിട്ടി​മെ​തി​ക്ക​പ്പെ​ട്ടി​രി​ക്കു​ന്നു. തന്റെതന്നെ പ്രവൃ​ത്തി​ക​ളാൽ പിശാ​ചായ സാത്താനായിത്തീർന്ന ഒരു ശക്തനായ ദൂതൻ ദൈവ​ത്തി​ന്റെ പരമാ​ധി​കാ​ര​ത്തി​ന്റെ ഔചി​ത്യം, നീതി, യോഗ്യത എന്നിവയെ വെല്ലു​വി​ളി​ച്ചു. അങ്ങനെ ചെയ്‌തു​കൊണ്ട്‌ അവൻ യഹോ​വ​യോട്‌ അനാദ​രവു കാണിച്ചു, ഭരിക്കാ​നുള്ള അവിടു​ത്തെ അവകാ​ശത്തെ വെല്ലു​വി​ളി​ച്ചു​കൊണ്ട്‌ അവിടു​ത്തെ മാന്യ​മായ നാമത്തെ അവഹേ​ളി​ച്ചു. അവൻ തനിക്ക്‌ അമിത​മായ മാന്യ​ത​യു​ള്ള​താ​യി സ്വയം ഭാവിച്ചു. പിശാ​ചി​നെ​പ്പോ​ലെ, ശക്തരായ ചില മനുഷ്യ ഏകാധി​പ​തി​മാർ—ബൈബിൾ നാളിലെ നെബു​ഖ​ദ്‌നേ​സ​റി​നെ​പ്പോ​ലെ​യു​ള്ളവർ—തങ്ങളുടെ ‘ശക്തി​യെ​യും പ്രതാ​പ​ത്തെ​യും’ കുറിച്ചു വീമ്പി​ള​ക്കി​യി​ട്ടുണ്ട്‌. തങ്ങൾക്കു​തന്നെ അന്യാ​യ​മായ മാന്യത കൽപ്പി​ച്ചു​കൊണ്ട്‌ അവർ യഹോ​വ​യു​ടെ മാന്യ​ത​ക്കു​നേരെ കടന്നാ​ക്ര​മണം നടത്തി. (ദാനീ​യേൽ 4:30) മനുഷ്യ​വർഗ​ലോ​ക​ത്തി​നു​മേൽ അടി​ച്ചേൽപ്പി​ക്ക​പ്പെ​ട്ടി​രി​ക്കുന്ന സാത്താന്റെ മർദക​ഭ​രണം മനുഷ്യ​മാ​ന്യ​തയെ ഹനിച്ചി​ട്ടുണ്ട്‌, ഹനിക്കു​ന്ന​തിൽ തുടരു​ക​യും ചെയ്യുന്നു.

നിങ്ങളു​ടെ മാന്യത എപ്പോ​ഴെ​ങ്കി​ലും ഇടിച്ചു​താ​ഴ്‌ത്ത​പ്പെ​ട്ടി​ട്ടു​ണ്ടോ? ബുദ്ധ്യു​പ​ദേ​ശി​ക്ക​പ്പെ​ട്ട​പ്പോൾ അതു നിങ്ങളിൽ ഉളവാ​ക്കി​യത്‌ എന്തായി​രു​ന്നു, അങ്ങേയ​റ​റത്തെ കുററ​ബോ​ധം, ലജ്ജ, അപമാനം, അല്ലെങ്കിൽ തരംതാ​ഴ്‌ത്തൽ? “പരിഗണന, സഹതാപം, മാന്യത ഇവയൊ​ന്നും എനിക്ക്‌ അനുഭ​വ​പ്പെ​ട്ടില്ല. ഞാൻ ഒന്നിനും​കൊ​ള്ളാ​ത്ത​വ​നാ​യി എനിക്കു തോന്നി” എന്ന്‌ അഭി​പ്രാ​യ​പ്പെ​ടുന്ന ആന്ത്രേയ്‌ ഇങ്ങനെ കൂട്ടി​ച്ചേർക്കു​ന്നു: “നിരാ​ശ​യി​ലേ​ക്കും ഉത്‌ക​ണ്‌ഠ​യി​ലേ​ക്കും വിഷാ​ദ​ത്തി​ലേ​ക്കു​പോ​ലും ഇത്‌ എന്നെ കൊ​ണ്ടെ​ത്തി​ച്ചു.” “നിങ്ങളു​ടെ ക്ഷേമം കണക്കി​ലെ​ടു​ക്കു​ന്നില്ല എന്നു നിങ്ങൾക്കു തോന്നുന്ന ഒരുവ​നിൽനി​ന്നു ബുദ്ധ്യു​പ​ദേശം കൈ​ക്കൊ​ള്ളാൻ ബുദ്ധി​മു​ട്ടാണ്‌” എന്നു ലോറ പറയുന്നു.

അതു​കൊ​ണ്ടാണ്‌ ആദര​വോ​ടും ബഹുമാ​ന​ത്തോ​ടും​കൂ​ടെ ആട്ടിൻകൂ​ട്ടത്തെ പരിപാ​ലി​ക്കാൻ ക്രിസ്‌തീയ മേൽവി​ചാ​ര​കൻമാർ അനുശാ​സി​ക്ക​പ്പെ​ട്ടി​രി​ക്കു​ന്നത്‌. (1 പത്രൊസ്‌ 5:2, 3) മററു​ള്ള​വരെ ബുദ്ധ്യു​പ​ദേ​ശി​ക്കേ​ണ്ടത്‌ ആവശ്യ​വും പ്രയോ​ജ​ന​പ്ര​ദ​വു​മാ​ണെന്നു തോന്നുന്ന സാഹച​ര്യം വരു​ന്നെ​ങ്കിൽ മററു​ള്ള​വ​രു​ടെ മാന്യത ഒരു മടിയും​കൂ​ടാ​തെ നഷ്ടപ്പെ​ടു​ത്തുന്ന ലോക​മ​നു​ഷ്യ​രു​ടെ ചിന്തയിൽനി​ന്നും പ്രവൃ​ത്തി​യിൽനി​ന്നും നിങ്ങൾക്കു സ്വയം എങ്ങനെ സംരക്ഷി​ക്കാ​നാ​വും? സഹക്രി​സ്‌ത്യാ​നി​ക​ളു​ടേതു മാത്രമല്ല നിങ്ങളു​ടെ​തന്നെ മാന്യ​ത​യും കാത്തു​സൂ​ക്ഷി​ക്കാൻ നിങ്ങളെ സഹായി​ക്കാൻ എന്തിനു കഴിയും?—സദൃശ​വാ​ക്യ​ങ്ങൾ 27:6; ഗലാത്യർ 6:1.

മാന്യ​തയെ കാക്കുന്ന തത്ത്വങ്ങൾ

ദൈവ​വ​ചനം മൗനം പാലി​ക്കുന്ന ഒരു വിഷയമല്ല ഇത്‌. ഒരു വിദഗ്‌ധ​നായ ബുദ്ധ്യു​പ​ദേ​ശകൻ ദൈവ​വ​ച​ന​ത്തി​ന്റെ ബുദ്ധ്യു​പ​ദേ​ശ​ത്തിൽ പൂർണ​മായ ആശ്രയം വെക്കും, ഈ ലോക​ത്തി​ന്റെ ജ്ഞാനത്തി​ലേക്കു തിരി​യു​ക​യില്ല. മൂല്യ​വ​ത്തായ ഉപദേ​ശങ്ങൾ തിരു​വെ​ഴു​ത്തു​ക​ളി​ലുണ്ട്‌. പിൻപ​റ​റു​ന്നെ​ങ്കിൽ അവ ബുദ്ധ്യു​പ​ദേ​ശ​ക​നും പ്രബോ​ധി​പ്പി​ക്ക​പ്പെ​ടു​ന്ന​വ​നും മാനം കൈവ​രു​ത്തും. അതിനാൽ, ക്രിസ്‌തീയ മേൽവി​ചാ​ര​ക​നായ തിമൊ​ഥെ​യോ​സി​നുള്ള പൗലോ​സി​ന്റെ നിർദേശം ഇതായി​രു​ന്നു: “ഒരു പ്രായം​ചെന്ന മനുഷ്യ​നെ നിശി​ത​മാ​യി വിമർശി​ക്ക​രുത്‌. നേരെ​മ​റിച്ച്‌, അയാളെ പിതാ​വി​നെ​പ്പോ​ലെ​യും യുവാ​ക്കളെ സഹോ​ദ​രൻമാ​രെ​പ്പോ​ലെ​യും പ്രായം​ചെന്ന സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ സകല നിർമ​ല​ത​യോ​ടും​കൂ​ടെ സഹോ​ദ​രി​മാ​രെ​പ്പോ​ലെ​യും കണക്കാ​ക്കുക.” (1 തിമൊ​ഥെ​യോസ്‌ 5:1, 2, NW) എത്രമാ​ത്രം ദുഃഖ​വും വ്രണി​ത​വി​കാ​ര​ങ്ങ​ളും വ്യാകു​ല​ത​ക​ളു​മാണ്‌ ഈ നിലവാ​ര​ങ്ങ​ളോ​ടു പററി​നി​ന്നാൽ ഒഴിവാ​ക്കാൻ കഴിയു​ന്നത്‌!

മറേറ വ്യക്തി​യോ​ടും, കൂടാതെ മാന്യ​വും സംരക്ഷ​ണാ​ത്മ​ക​വു​മായ വിധത്തി​ലുള്ള പെരു​മാ​റ​റ​ത്തി​നു വിധേ​യ​മാ​കാ​നുള്ള അയാളു​ടെ അവകാ​ശ​ത്തോ​ടും ഉചിത​മായ ആദരവു പ്രകട​മാ​ക്കു​ന്ന​താ​ണു വിജയ​ക​ര​മാ​യി ബുദ്ധ്യു​പ​ദേ​ശി​ക്കു​ന്ന​തി​നുള്ള താക്കോൽ എന്നതു ശ്രദ്ധി​ക്കുക. പൊരു​ത്ത​പ്പെ​ടു​ത്ത​ലു​കൾ വരുത്തേണ്ട ആവശ്യ​മു​ള്ള​യാൾ എന്തു​കൊ​ണ്ടാണ്‌ അങ്ങനെ ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌ എന്നു നിർണ​യി​ക്കാൻ ഒരു​മ്പെ​ട്ടു​കൊ​ണ്ടു സഞ്ചാര​മേൽവി​ചാ​ര​കൻമാർ ഉൾപ്പെ​ടെ​യുള്ള ക്രിസ്‌തീയ മൂപ്പൻമാർ ഈ ഉപദേശം പിൻപ​റ​റാൻ ശ്രമി​ക്കണം. അയാളു​ടെ കാഴ്‌ച​പ്പാട്‌ എന്തെന്നു കേൾക്കാൻ അവർ ആഗ്രഹി​ക്കു​ക​യും ബുദ്ധ്യു​പ​ദേ​ശി​ക്ക​പ്പെ​ടുന്ന വ്യക്തിയെ ലജ്ജിപ്പി​ക്കു​ന്ന​തോ തരംതാ​ഴ്‌ത്തു​ന്ന​തോ അപമാ​നി​ക്കു​ന്ന​തോ ആയി തോന്നാ​വുന്ന എന്തും ഒഴിവാ​ക്കാൻ സകല ശ്രമവും നടത്തു​ക​യും ചെയ്യണം.

ഒരു മൂപ്പനെന്ന നിലയിൽ, നിങ്ങൾക്കു നിങ്ങളു​ടെ സഹോ​ദ​ര​നോ​ടു പരിഗ​ണ​ന​യു​ണ്ടെ​ന്നും പ്രശ്‌ന​ങ്ങ​ളിൽ അദ്ദേഹത്തെ സഹായി​ക്കാൻ നിങ്ങൾ ആഗ്രഹി​ക്കു​ന്നെ​ന്നും അദ്ദേഹം അറിയട്ടെ. ഇതാണ്‌ ഒരു ദേഹപ​രി​ശോ​ധ​നക്കു നിങ്ങൾ ഒരു നല്ല ഡോക്ട​റു​ടെ അടുത്തു ചെല്ലു​മ്പോൾ അദ്ദേഹം ചെയ്യുന്നത്‌. തണുത്തു മരവി​ക്കുന്ന ഒരു മുറി​ക്കു​ള്ളിൽവെച്ചു നിങ്ങളു​ടെ വസ്‌ത്രങ്ങൾ അഴിക്കു​ന്ന​തി​നെ​ക്കു​റി​ച്ചുള്ള ചിന്തതന്നെ നിങ്ങളെ അമ്പരപ്പി​ക്കു​ക​യും ലജ്ജിപ്പി​ക്കു​ക​യും ചെയ്‌തേ​ക്കാം. നിങ്ങളു​ടെ രോഗ​കാ​രണം കണ്ടുപി​ടി​ക്കാ​നുള്ള അത്യാ​വശ്യ പരി​ശോ​ധ​നകൾ കർട്ടന്റെ മറയത്തു​വെച്ചു നിർവ​ഹി​ക്കുന്ന, നിങ്ങളു​ടെ ആത്മാഭി​മാ​ന​ത്തെ​യും വികാ​ര​ത്തെ​യും കണക്കി​ലെ​ടു​ത്തു നിങ്ങളെ മാനി​ക്കുന്ന ഒരു ഡോക്ടറെ നിങ്ങൾ എത്ര വിലമ​തി​ക്കും! അതു​പോ​ലെ, വ്യക്തി​യോട്‌ ഉചിത​മായ ആദരവു പ്രകട​മാ​ക്കുന്ന ഒരു ക്രിസ്‌തീയ ബുദ്ധ്യു​പ​ദേ​ശകൻ ദയാലു​വും ദൃഢചി​ത്ത​നു​മാ​യി​രി​ക്കു​മ്പോൾത്തന്നെ സ്വീകർത്താ​വി​നെ മാന്യത അണിയി​ക്കു​ക​യും ചെയ്യുന്നു. (വെളി​പ്പാ​ടു 2:13, 14, 19, 20) പരുഷ​മായ, തണുപ്പൻ, വികാ​ര​ര​ഹി​ത​മായ വിധത്തിൽ ബുദ്ധ്യു​പ​ദേശം കൊടു​ക്കു​ന്നതു നിങ്ങളെ ലജ്ജിപ്പി​ക്കുന്ന, തരംതാ​ഴ്‌ത്തുന്ന, നിങ്ങളു​ടെ മാനം​കെ​ടു​ത്തുന്ന ഒരു ആലങ്കാ​രിക വസ്‌ത്ര​മ​ഴി​ക്ക​ലി​നോ​ടു സമാന​മാണ്‌.

ദിവ്യാ​ധി​പ​ത്യ ശുശ്രൂ​ഷാ​സ്‌കൂൾ മേൽവി​ചാ​രകൻ മാന്യ​ത​യോ​ടെ ബുദ്ധ്യു​പ​ദേ​ശി​ക്കാൻ വിശേ​ഷാൽ ശ്രദ്ധാ​ലു​വാണ്‌. പ്രായ​മു​ള്ള​വർക്കു ബുദ്ധ്യു​പ​ദേശം കൊടു​ക്കു​മ്പോൾ അവർ പ്രതി​ഫ​ലി​പ്പി​ക്കു​ന്നതു തങ്ങളുടെ ജഡിക മാതാ​പി​താ​ക്ക​ളോട്‌ അവർ പ്രകടി​പ്പി​ക്കുന്ന അതേ സ്‌നേ​ഹ​മാണ്‌. അവർ പരിഗ​ണ​ന​യും സൗഹൃ​ദ​വും ഊഷ്‌മ​ള​ത​യു​മു​ള്ള​വ​രാണ്‌. അത്തരം മൃദു​വായ സമീപനം അത്യാ​വ​ശ്യ​മാണ്‌. അതു ബുദ്ധ്യു​പ​ദേ​ശ​ത്തി​ന്റെ ഉചിത​മായ കൊടു​ക്ക​ലി​നും സ്വീക​രി​ക്ക​ലി​നും സഹായ​ക​മായ ഒരന്തരീ​ക്ഷത്തെ ഒരുക്കു​ന്നു.

മൂപ്പൻമാ​രേ, ഇത്‌ ഓർത്തു​കൊൾക: പ്രാ​യോ​ഗിക ബുദ്ധ്യു​പ​ദേശം ഉന്നതി​വ​രു​ത്തു​ന്ന​താണ്‌, പ്രോ​ത്സാ​ഹി​പ്പി​ക്കു​ന്ന​താണ്‌, പടുത്തു​യർത്തു​ന്ന​താണ്‌, ക്രിയാ​ത്മ​ക​മാണ്‌. “കേൾക്കു​ന്ന​വർക്കു കൃപ ലഭി​ക്കേ​ണ്ട​തി​ന്നു ആവശ്യം​പോ​ലെ ആത്മീക​വർദ്ധ​നെ​ക്കാ​യി നല്ല വാക്കല്ലാ​തെ ആകാത്തതു ഒന്നും നിങ്ങളു​ടെ വായിൽനി​ന്നു പുറ​പ്പെ​ട​രു​തു” എന്ന്‌ എഫെസ്യർ 4:29 പ്രസ്‌താ​വി​ക്കു​ന്നു.

പരുക്കൻ വാക്കു​ക​ളോ ഭാഷയോ ന്യായ​വാ​ദ​മോ ഉപയോ​ഗി​ക്കേ​ണ്ട​യാ​വ​ശ്യ​മില്ല. പകരം, ക്രിയാ​ത്മ​ക​വും നിർമാ​ണാ​ത്മ​ക​വു​മായ വിധത്തിൽ കാര്യങ്ങൾ അവതരി​പ്പി​ക്കു​ന്ന​തി​നു മറേറ വ്യക്തി​യോ​ടുള്ള ആദരവ്‌, അയാളു​ടെ ആത്മപ്ര​ശം​സ​യും ആത്മാഭി​മാ​ന​വും കാത്തു​സൂ​ക്ഷി​ക്കാ​നുള്ള ആഗ്രഹം എന്നിവ നിങ്ങളെ പ്രേരി​പ്പി​ക്കു​ന്നു. എന്തെങ്കി​ലും അഭി​പ്രാ​യം പറയേ​ണ്ട​തു​ള്ള​പ്പോൾ അയാൾക്കു നിരാ​ശ​യോ ആത്മനി​ന്ദ​യോ അനുഭ​വ​പ്പെ​ടാ​നി​ട​യാ​ക്കുന്ന കാഴ്‌ച​പ്പാ​ടു​കൾക്ക്‌ ആക്കം കൊടു​ക്കാ​തെ അയാളു​ടെ നല്ല വശങ്ങളോ ഗുണങ്ങ​ളോ സംബന്ധിച്ച ആത്മാർഥ​വും യഥാർഥ​വു​മായ പ്രശംസ ആദ്യം നൽകുക. നിങ്ങൾ ഒരു മൂപ്പനാ​യി സേവി​ക്കു​ന്നെ​ങ്കിൽ ‘അധികാ​രം പ്രയോ​ഗി​ക്കേ​ണ്ടതു പടുത്തു​യർത്താ​നാ​യി​രി​ക്കണം, ഇടിച്ചു​ക​ള​യാ​നാ​യി​രി​ക്ക​രുത്‌.’—2 കൊരി​ന്ത്യർ 10:8, NW.

അതേ, ക്രിസ്‌തീയ മേൽവി​ചാ​ര​കൻമാ​രിൽനി​ന്നുള്ള ഏതൊരു ബുദ്ധ്യു​പ​ദേ​ശ​ത്തി​ന്റെ​യും ഫലം ആവശ്യ​മായ പ്രോ​ത്സാ​ഹനം കൊടു​ക്കുക, അനുകൂല സാഹച​ര്യ​മു​ണ്ടാ​ക്കി​ക്കൊ​ടു​ക്കുക എന്നിവ​യാ​യി​രി​ക്കണം. അതു നിരു​ത്സാ​ഹ​പ്പെ​ടു​ത്തു​ക​യോ “പേടി​പ്പി​ക്കു​ക​യോ” ചെയ്യരുത്‌. (2 കൊരി​ന്ത്യർ 10:9) ഗുരു​ത​ര​മായ തെററു​ചെ​യ്‌തി​ട്ടു​ള്ള​വ​നു​പോ​ലും ആത്മാഭി​മാ​ന​വും മാന്യ​ത​യും ഒരള​വോ​ളം കൊടു​ക്കേ​ണ്ട​തുണ്ട്‌. വ്യക്തിയെ അനുതാ​പ​ത്തി​ലേക്കു വരുത്തു​ന്ന​തി​നു ബുദ്ധ്യു​പ​ദേ​ശത്തെ ദയയു​ള്ള​തും അതേസ​മയം ദൃഢവു​മായ ശാസനാ​വാ​ക്കു​ക​ളാൽ സമനി​ല​യിൽ നിർത്തണം.—സങ്കീർത്തനം 44:15; 1 കൊരി​ന്ത്യർ 15:34.

ഇസ്രാ​യേ​ലി​നു​ള്ള ദൈവ​ത്തി​ന്റെ ന്യായ​പ്ര​മാ​ണ​ത്തിൽ ഇതേ തത്ത്വങ്ങൾ ഉൾക്കൊ​ണ്ടി​രു​ന്നു എന്നത്‌ എടുത്തു​പ​റ​യേ​ണ്ട​താണ്‌. ബുദ്ധ്യു​പ​ദേ​ശ​വും ശാരീ​രിക ശിക്ഷണം​പോ​ലും അനുവ​ദി​ച്ച​പ്പോൾ അത്‌ ഒരള​വോ​ളം വ്യക്തി​പ​ര​മായ മാന്യത ലഭിക്കാ​നുള്ള ഒരുവന്റെ അവകാ​ശത്തെ കാത്തു​സൂ​ക്ഷി​ച്ചു. “കുററ​ത്തി​ന്നു തക്കവണ്ണം എണ്ണി”യുള്ള അടിയാണ്‌ അനുവ​ദി​ച്ചി​രു​ന്നത്‌, എന്നാൽ ഇത്‌ അമിത​മാ​കാൻ പാടി​ല്ലാ​യി​രു​ന്നു. കൊടു​ക്കേണ്ട അടിയു​ടെ എണ്ണത്തിന്‌ ഒരു പരിധി നിശ്ചയി​ച്ചി​രു​ന്നു, അതാകട്ടെ കുററ​ക്കാ​രൻ “നിന്ദി​ത​നാ​യി​ത്തീ​രാ”തിരി​ക്കാ​നാ​യി​രു​ന്നു.—ആവർത്ത​ന​പു​സ്‌തകം 25:2, 3.

അനുതാ​പ​മു​ള്ള കുററ​ക്കാ​രു​ടെ വികാ​ര​ങ്ങ​ളോ​ടുള്ള പരിഗണന യേശു​വി​ന്റെ​യും ഒരു പ്രത്യേ​ക​ത​യാ​യി​രു​ന്നു. അവിടു​ത്തെ​ക്കു​റി​ച്ചു യശയ്യാ പ്രവചി​ച്ചു: “ചതഞ്ഞ ഓട അവൻ ഒടിച്ചു​ക​ള​ക​യില്ല; പുകയുന്ന തിരി കെടു​ത്തു​ക​ള​ക​യില്ല; അവൻ സത്യ​ത്തോ​ടെ ന്യായം പ്രസ്‌താ​വി​ക്കും.”—യെശയ്യാ​വു 42:3; മത്തായി 12:17, 20; ലൂക്കൊസ്‌ 7:37, 38, 44-50.

സമാനു​ഭാ​വ​ത്തി​ന്റെ ആവശ്യം കൂടു​ത​ലാ​യി ഊന്നി​പ്പ​റ​യു​ന്ന​താ​ണു യേശു​വി​ന്റെ ഗിരി​പ്ര​ഭാ​ഷ​ണ​ത്തി​ലെ വാക്കുകൾ: “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ.” (മത്തായി 7:12) സാധാ​ര​ണ​മാ​യി സുവർണ​നി​യമം എന്നു വിളി​ക്ക​പ്പെ​ടുന്ന ഈ തത്ത്വം നല്ല ബന്ധങ്ങൾ പരിപു​ഷ്ടി​പ്പെ​ടു​ത്തു​ന്ന​തിൽ മർമ​പ്ര​ധാ​ന​മാണ്‌. ഒരു ക്രിസ്‌തീയ മൂപ്പ​നെ​ന്ന​നി​ല​യിൽ, ബുദ്ധ്യു​പ​ദേശം നൽകു​മ്പോൾ ദയയും മാന്യ​ത​യും പ്രകട​മാ​ക്കി മററു​ള്ള​വ​രോട്‌ ഇടപെ​ടാൻ അതിനു നിങ്ങളെ എങ്ങനെ സഹായി​ക്കാ​നാ​കും?

നിങ്ങൾക്കും തെററു​കൾ പററും എന്ന വസ്‌തുത മനസ്സിൽ പിടി​ക്കുക. യാക്കോബ്‌ സൂചി​പ്പി​ച്ച​തു​പോ​ലെ, “നാം എല്ലാവ​രും പലതി​ലും തെററി​പ്പോ​കു​ന്നു.” (യാക്കോബ്‌ 3:2) ഇക്കാര്യം ഓർമ​യിൽ സൂക്ഷി​ക്കു​ന്നതു മററു​ള്ള​വ​രു​ടെ കുറവു​ക​ളെ​ക്കു​റിച്ച്‌ അവരോ​ടു സംസാ​രി​ക്കേ​ണ്ടി​വ​രു​മ്പോൾ നിങ്ങളു​ടെ അഭി​പ്രാ​യ​ങ്ങൾക്കു പശിമ​വ​രു​ത്താ​നും നിങ്ങളു​ടെ വികാ​ര​ങ്ങളെ നിയ​ന്ത്രി​ക്കാ​നും സഹായി​ക്കും. അവരുടെ വികാ​ര​ങ്ങളെ അംഗീ​ക​രി​ക്കുക. നിസ്സാര തെററു​ക​ളെ​യോ പിഴവു​ക​ളെ​യോ ചൂണ്ടി​ക്കൊ​ണ്ടുള്ള അമിത​മായ വിമർശനം ഒഴിവാ​ക്കാൻ ഇതു നിങ്ങളെ സഹായി​ക്കും. ഇത്‌ ഊന്നി​പ്പ​റ​യു​ന്ന​തി​നാ​ണു “നിങ്ങൾ വിധി​ക്ക​പ്പെ​ടാ​തി​രി​ക്കേ​ണ്ട​തി​ന്നു വിധി​ക്ക​രു​തു. നിങ്ങൾ വിധി​ക്കുന്ന വിധി​യാൽ നിങ്ങ​ളെ​യും വിധി​ക്കും; നിങ്ങൾ അളക്കുന്ന അളവി​നാൽ നിങ്ങൾക്കും അളന്നു കിട്ടും” എന്നു യേശു പറഞ്ഞത്‌.—മത്തായി 7:1, 2.

മററു​ള്ള​വരെ മാനി​ക്കുക—പിശാ​ചി​നെ എതിർക്കു​ക

നിങ്ങളു​ടെ മാന്യത കെടുത്തി നിങ്ങളിൽ അപമാനം, ആത്മനിന്ദ, ആശാഭം​ഗം എന്നിവ​പോ​ലുള്ള വികാ​രങ്ങൾ ഉളവാ​ക്കാ​നാ​ണു സാത്താൻ തന്ത്രങ്ങൾ ആവിഷ്‌ക​രി​ക്കു​ന്നത്‌. വിശ്വ​സ്‌ത​നായ ഇയ്യോ​ബിൽ നിഷേ​ധാ​ത്മ​ക​മായ ചിന്തയു​ണർത്താൻ അവൻ ഒരു മനുഷ്യ​നെ ഉപകര​ണ​മാ​ക്കി​യത്‌ എങ്ങനെ​യെന്നു ശ്രദ്ധി​ക്കുക. കാപട്യ​ക്കാ​ര​നായ എലീഫസ്‌ ഇങ്ങനെ വാദിച്ചു: “സ്വദാ​സൻമാ​രി​ലും അവന്നു [യഹോ​വക്കു] വിശ്വാ​സ​മില്ല; തന്റെ ദൂതൻമാ​രി​ലും അവൻ കുററം ആരോ​പി​ക്കു​ന്നു. പൊടി​യിൽനി​ന്നു​ത്ഭ​വി​ച്ചു മൺപു​ര​ക​ളിൽ [പാപപൂ​രി​ത​രായ മനുഷ്യർ] പാർത്തു പുഴു​പോ​ലെ ചതെഞ്ഞു​പോ​കു​ന്ന​വ​രിൽ എത്രയ​ധി​കം!” (ഇയ്യോബ്‌ 4:18, 19) അയാൾ പറയു​ന്ന​ത​നു​സ​രിച്ച്‌, ഒരു പുഴു​വി​ന്റെ വിലയേ ദൈവം ഇയ്യോ​ബി​നു കൊടു​ത്തി​രു​ന്നു​ള്ളൂ. നിശ്ചയ​മാ​യും, എലീഫ​സി​ന്റെ​യും അയാളു​ടെ കൂട്ടു​കാ​രു​ടെ​യും ബുദ്ധ്യു​പ​ദേശം കെട്ടു​പ​ണി​ചെ​യ്യു​ന്ന​തി​നു​പ​കരം ഇയ്യോ​ബി​ന്റെ നല്ല നാളു​ക​ളെ​ക്കു​റി​ച്ചുള്ള ഓർമ​പോ​ലും അതു തകർത്തെ​റി​ഞ്ഞി​ട്ടു​ണ്ടാ​കണം. അവരുടെ വീക്ഷണ​ത്തിൽ അദ്ദേഹ​ത്തി​ന്റെ വിശ്വ​സ്‌തത, കുടും​ബ​പ​രി​ശീ​ലനം, ദൈവ​വു​മാ​യുള്ള ബന്ധം, ദയാദാ​നങ്ങൾ എന്നിവ​യെ​ല്ലാം​തന്നെ പാഴാ​യി​രു​ന്നു.

അതു​പോ​ലെ ഇന്ന്‌, അനുതാ​പ​മുള്ള കുററ​ക്കാർ അത്തരം വികാ​ര​ങ്ങൾക്ക്‌ അടി​പ്പെ​ടാൻ വിശേ​ഷി​ച്ചും സാധ്യ​ത​യുണ്ട്‌, ‘അതിദുഃ​ഖ​ത്താൽ മുങ്ങി​പ്പോ​കു​ന്ന​തി​ന്റെ’ അപകട​വു​മുണ്ട്‌. അത്തരക്കാ​രെ ബുദ്ധ്യു​പ​ദേ​ശി​ക്കു​മ്പോൾ, മൂപ്പൻമാ​രേ, മാന്യത ഒരള​വോ​ളം കാത്തു​സൂ​ക്ഷി​ക്കാൻ അവരെ അനുവ​ദി​ച്ചു​കൊണ്ട്‌ അവരോ​ടുള്ള “നിങ്ങളു​ടെ സ്‌നേഹം . . . ഉറപ്പി​ച്ചു​കൊ​ടു​ക്കുക.” (2 കൊരി​ന്ത്യർ 2:7, 8) “മാന്യത കാണി​ക്കാ​തെ ഇടപെ​ട്ടാൽ അതു ബുദ്ധ്യു​പ​ദേശം സ്വീക​രി​ക്കുക ബുദ്ധി​മു​ട്ടാ​ക്കും” എന്നു വില്യം സമ്മതി​ച്ചു​പ​റ​യു​ന്നു. തങ്ങൾ ദൈവ​ത്തി​ന്റെ ദൃഷ്ടി​യിൽ വിലയു​ള്ള​വ​രാണ്‌ എന്ന അവരുടെ വിശ്വാ​സത്തെ ബലിഷ്‌ഠ​മാ​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. ‘[അവർ] തന്റെ നാമ​ത്തോ​ടു കാണിച്ച സ്‌നേഹം മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല’ യഹോവ എന്ന്‌ അവരെ അനുസ്‌മ​രി​പ്പി​ക്കുക.—എബ്രായർ 6:10.

ബുദ്ധ്യു​പ​ദേ​ശം കൊടു​ക്കു​മ്പോൾ മററു​ള്ള​വരെ മാനി​ക്കാൻ നിങ്ങളെ സഹായി​ക്കാൻ കഴിയുന്ന മററു ഘടകങ്ങൾ എന്തെല്ലാ​മാണ്‌? ദൈവ​ത്തി​ന്റെ സാദൃ​ശ്യ​ത്തിൽ സൃഷ്ടി​ക്ക​പ്പെ​ട്ടി​രി​ക്കു​ന്ന​തു​കൊ​ണ്ടു മാന്യ​ത​ക്കുള്ള ഒരു സ്വാഭാ​വിക അവകാശം സകല മനുഷ്യർക്കു​മു​ണ്ടെന്ന വസ്‌തുത അംഗീ​ക​രി​ക്കുക. യഹോ​വ​യാം ദൈവ​വും യേശു​ക്രി​സ്‌തു​വും അവരെ വിലയു​ള്ള​വ​രാ​യി കരുതു​ന്നു; മറുവില, പുനരു​ത്ഥാ​നം എന്നീ രണ്ടു ക്രമീ​ക​ര​ണ​ങ്ങൾതന്നെ ഇതിനുള്ള തെളി​വാണ്‌. ക്രിസ്‌ത്യാ​നി​കൾക്കു “ഒരു ശുശ്രൂഷ നിയമി​ച്ചു​കൊ​ടു​ത്തു”കൊണ്ടും ഒരു ദുഷ്ട തലമു​റ​യോ​ടു ദൈവ​വു​മാ​യി സമാധാ​ന​ത്തി​ലാ​കാൻ അഭ്യർഥി​ക്കാൻ അവരെ ഉപയോ​ഗി​ച്ചു​കൊ​ണ്ടും യഹോവ അവർക്കു കൂടു​ത​ലായ മാന്യത കൽപ്പി​ച്ചു​കൊ​ടു​ക്കു​ന്നു.—1 തിമൊ​ഥെ​യോസ്‌ 1:12, NW.

മൂപ്പൻമാ​രേ, നിങ്ങളു​ടെ ക്രിസ്‌തീയ സഹോ​ദ​ര​ങ്ങ​ളിൽ ബഹുഭൂ​രി​ഭാ​ഗ​വും ഒരു ശുദ്ധീ​ക​രി​ക്ക​പ്പെട്ട ഭൂമി​യി​ലെ പുതിയ മനുഷ്യ​സ​മൂ​ഹ​ത്തി​ന്റെ അടിത്ത​റ​യം​ഗ​ങ്ങ​ളാ​കാൻ സാധ്യ​ത​യു​ള്ള​വ​രാണ്‌ എന്ന്‌ ഓർക്കുക. വിലയും നിലയു​മുള്ള അത്തരം വ്യക്തികൾ ആദരവു ലഭിക്കാൻ യോഗ്യ​രാണ്‌. ബുദ്ധ്യു​പ​ദേ​ശി​ക്കു​മ്പോൾ യഹോ​വ​യും യേശു​ക്രി​സ്‌തു​വും അവരോട്‌ എങ്ങനെ പരിഗണന പ്രകട​മാ​ക്കു​ന്നു​വെന്ന്‌ ഓർക്കുക, സാത്താന്റെ വെല്ലു​വി​ളി​കളെ അഭിമു​ഖീ​ക​രി​ക്കവേ, മാന്യ​താ​ബോ​ധ​വും ആത്മാഭി​മാ​ന​വും കാത്തു​സൂ​ക്ഷി​ക്കാൻ നിങ്ങളു​ടെ സഹോ​ദ​ര​ങ്ങളെ സഹായി​ക്കാൻ തുടർന്നും നിങ്ങളു​ടെ പങ്കു നിർവ​ഹി​ക്കുക.—2 പത്രൊസ്‌ 3:13; 1 പത്രൊസ്‌ 3:7 താരത​മ്യ​പ്പെ​ടു​ത്തുക.

[29-ാം പേജിലെ ചതുരം]

മാന്യത കൽപ്പി​ക്കുന്ന ബുദ്ധ്യു​പ​ദേ​ശം

(1) നിർവ്യാ​ജ​മായ, ആത്മാർഥ​മായ പ്രശംസ കൊടു​ക്കുക. (വെളി​പ്പാ​ടു 2:2, 3)

(2) ഒരു നല്ല ശ്രോ​താ​വാ​യി​രി​ക്കുക. വ്യക്തമാ​യി, ദയാപു​ര​സ്സ​ര​മാ​യി പ്രശ്‌ന​ത്തെ​യും ബുദ്ധ്യു​പ​ദേ​ശ​ത്തി​നുള്ള കാരണ​ത്തെ​യും തിരി​ച്ച​റി​യുക. (2 ശമൂവേൽ 12:1-14; സദൃശ​വാ​ക്യ​ങ്ങൾ 18:13; വെളി​പ്പാ​ടു 2:4)

(3) നിങ്ങളു​ടെ ബുദ്ധ്യു​പ​ദേ​ശത്തെ തിരു​വെ​ഴു​ത്തു​ക​ളിൽ അടിസ്ഥാ​ന​പ്പെ​ടു​ത്തുക. ക്രിയാ​ത്മ​ക​വും ന്യായ​യു​ക്ത​വു​മായ മനോ​ഭാ​വ​മു​ണ്ടാ​യി​രി​ക്കുക. പ്രോ​ത്സാ​ഹി​പ്പി​ക്കു​ന്ന​വ​രും സമാനു​ഭാ​വം പ്രകട​മാ​ക്കു​ന്ന​വ​രു​മാ​യി​രി​ക്കുക. സ്വീകർത്താ​വി​ന്റെ മാന്യ​ത​ക്കും ആത്മാഭി​മാ​ന​ത്തി​നും ക്ഷതമേൽപ്പി​ക്കാ​തി​രി​ക്കുക. (2 തിമൊ​ഥെ​യൊസ്‌ 3:16; തീത്തൊസ്‌ 3:2; വെളി​പ്പാ​ടു 2:5, 6)

(4) ബുദ്ധ്യു​പ​ദേശം സ്വീക​രി​ച്ചു ബാധക​മാ​ക്കി​യാൽ അനു​ഗ്ര​ഹങ്ങൾ ലഭിക്കു​മെന്നു സ്വീകർത്താ​വി​നെ ബോധ്യ​പ്പെ​ടു​ത്തുക. (എബ്രായർ 12:7, 11; വെളി​പ്പാ​ടു 2:7)

[26-ാം പേജിലെ ചിത്രം]

ബുദ്ധ്യുപദേശം കൊടു​ക്കു​മ്പോൾ ക്രിസ്‌തീയ മൂപ്പൻമാർ മററു​ള്ള​വരെ മാനി​ക്കേ​ണ്ട​യാ​വ​ശ്യ​മുണ്ട്‌