അപകട​ഭീ​ഷ​ണി​യു​ള്ള​പ്പോൾ അകന്നു​നിൽക്കു​ക

നാവി​ക​രെ​ക്കാൾ അപകട​ചി​ന്ത​യു​ള്ളവർ നന്നേ ചുരു​ക്ക​മാണ്‌. കാലാ​വ​സ്ഥ​യി​ലോ ഏററമി​റ​ക്ക​ത്തി​ലോ ഉള്ള മാററ​ത്തെ​ക്കു​റി​ച്ചും തങ്ങളുടെ കപ്പലിന്റെ തീര​ത്തോ​ട​ടു​ക്ക​ലി​നെ​ക്കു​റി​ച്ചും അവർ ജാഗരൂ​ക​രാ​യി​രി​ക്കണം. തിരയും കാററും ഒത്തു​ചേർന്നു കപ്പലിനെ തീര​ത്തേ​ക്ക​ടു​പ്പി​ക്കു​മ്പോൾ നാവികർ കഠിനാ​ധ്വാ​ന​ത്തെ​യും അപകട​ത്തെ​യും നേരി​ടു​ന്നു.

ഈ അവസ്ഥക​ളിൽ—കാററു വശത്തുള്ള തീര​ത്തേക്കു (lee shore) കപ്പലടു​ക്കു​മ്പോൾ—ഒരു നാവികൻ തന്റെ കപ്പലി​നും തീരത്തി​നു​മി​ട​യിൽ ഗണ്യമായ അകലം കാക്കുന്നു, വിശേ​ഷി​ച്ചും പായ്‌കപ്പൽ ആണെങ്കിൽ. ‘ഒരു കൊടു​ങ്കാ​റ​റിൽ അകപ്പെട്ടു കാററു തട്ടാത്ത​വ​ശത്തെ കരയി​ലേക്ക്‌ അടുക്കു​ന്ന​താണ്‌’ ഒരു നാവികൻ അകപ്പെ​ട്ടേ​ക്കാ​വുന്ന ‘ഏററവും ദാരു​ണ​മായ അവസ്ഥ’ എന്നു കപ്പൽസ​ഞ്ചാര സംഗ്ര​ഹ​ഗ്രന്ഥം വിശദീ​ക​രി​ക്കു​ന്നു. നിർദേ​ശി​ച്ചി​രി​ക്കുന്ന പരിഹാ​ര​മോ? ‘നിങ്ങളു​ടെ കപ്പൽ അത്തര​മൊ​രു വിഷമ​സ്ഥി​തി​യിൽ അകപ്പെ​ടാൻ അനുവ​ദി​ക്കാ​തി​രി​ക്കുക.’ മണൽത്തി​ട്ട​യി​ലോ പാറനി​റഞ്ഞ തീരത്തോ ഇടിച്ചു​ത​ക​രു​ന്നതു തടയാ​നുള്ള സുരക്ഷി​ത​മായ മാർഗം അപകട​ത്തിൽനിന്ന്‌ അകന്നു​നിൽക്കു​ന്ന​താണ്‌.

ക്രിസ്‌ത്യാ​നി​കൾ തങ്ങളുടെ വിശ്വാ​സ​ക്കപ്പൽ തകർത്തേ​ക്കാ​വുന്ന അപകട​ങ്ങൾക്കെ​തി​രെ ജാഗരൂ​ക​രാ​യി​രി​ക്കേ​ണ്ട​തുണ്ട്‌. (1 തിമൊ​ഥെ​യൊസ്‌ 1:19) ഒരു അചഞ്ചല​മായ ഗതി സ്വീക​രി​ക്കു​ന്ന​തിന്‌ അനു​യോ​ജ്യ​മായ അവസ്ഥകളല്ല ഇന്നത്തേത്‌. കാററു​ക​ളും തിരക​ളും​മൂ​ലം ബോട്ടി​നു ഗതി​ഭേദം സംഭവി​ക്കാ​വു​ന്ന​തു​പോ​ലെ​തന്നെ, ലോക​ത്തി​ന്റെ ആത്മാവി​ന്റെ നിരന്ത​ര​മായ പിന്നോ​ക്കം പായി​ക്ക​ലി​നാ​ലും നമ്മുടെ അപൂർണ ജഡത്തിന്റെ സ്ഥിരമാ​യുള്ള കെട്ടി​വ​ലി​ക്ക​ലി​നാ​ലും സംജാ​ത​മാ​കുന്ന കൊടു​ങ്കാ​റ​റിൽ നമ്മുടെ സമർപ്പിത ജീവി​ത​ത്തി​ന്റെ നിയ​ന്ത്ര​ണ​വും നഷ്ടപ്പെ​ടാ​വു​ന്ന​താണ്‌.

അപകട​ക​ര​മാ​യി ജീവിച്ച ഒരു മനുഷ്യൻ

അപകട​ക​ര​മായ ആത്മീയ വെള്ളങ്ങ​ളിൽ ചിന്താ​ശൂ​ന്യ​മാ​യി സാഹസ​ത്തി​നൊ​രു​മ്പെ​ടുക എത്ര എളുപ്പ​മാണ്‌!

കരയാൽ ചുററ​പ്പെട്ട ചാവു​ക​ട​ലി​നു സമീപം നടന്ന ഒരു ദൃഷ്ടാന്തം പരിചി​ന്തി​ക്കുക. നാം ലോത്തി​ന്റെ ദൃഷ്ടാ​ന്ത​മാ​ണു പരാമർശി​ക്കു​ന്നത്‌. സോ​ദോ​മിൽ ജീവി​ക്കാ​നുള്ള തന്റെ തീരു​മാ​നം അദ്ദേഹ​ത്തി​നു കൈവ​രു​ത്തിയ പ്രശ്‌ന​ങ്ങ​ളും പ്രയാ​സ​വും കുറ​ച്ചൊ​ന്നു​മല്ല. തങ്ങളുടെ ഇടയൻമാർ തമ്മിലു​ണ്ടായ ഒരു ശണ്‌ഠ​യെ​ത്തു​ടർന്ന്‌ അബ്രഹാ​മും ലോത്തും വ്യത്യസ്‌ത പ്രദേ​ശ​ങ്ങ​ളിൽ ജീവി​ക്കാൻ സമ്മതിച്ചു. ലോത്ത്‌ യോർദാൻ ജില്ല തിര​ഞ്ഞെ​ടുത്ത്‌ ആ ജില്ലയി​ലെ പലയി​ട​ങ്ങ​ളി​ലും കൂടാ​ര​മ​ടി​ച്ചെന്നു നാം വായി​ക്കു​ന്നു. പിന്നീട്‌, സോ​ദോ​മ്യ​രു​ടെ ജീവി​ത​രീ​തി അദ്ദേഹത്തെ മുഷി​പ്പി​ച്ചെ​ങ്കി​ലും സോ​ദോ​മിൽ താമസി​ക്കാൻ അദ്ദേഹം തീരു​മാ​നി​ച്ചു.—ഉല്‌പത്തി 13:5-13; 2 പത്രൊസ്‌ 2:8.

യഹോ​വ​യെ ആഴമായി വ്യസനി​പ്പി​ച്ച​തും ചുററു​പാ​ടും ജീവി​ക്കുന്ന ആളുക​ളു​ടെ നിലവി​ളിക്ക്‌ ഇടയാ​ക്കി​യ​തും അധാർമി​ക​തക്കു കുപ്ര​സി​ദ്ധി​യാർജി​ച്ച​തു​മായ ഒരു പട്ടണത്തിൽ ലോത്ത്‌ തുടർന്നു ജീവി​ച്ചത്‌ എന്തു​കൊ​ണ്ടാണ്‌? സോ​ദോം സമ്പൽസ​മൃ​ദ്ധ​മായ പ്രദേ​ശ​മാ​യി​രു​ന്നു, കൂടാതെ ലോത്തി​ന്റെ ഭാര്യ നിസ്സം​ശ​യ​മാ​യും പട്ടണജീ​വി​ത​ത്തി​ന്റെ ഭൗതിക പ്രയോ​ജ​നങ്ങൾ ആസ്വദി​ച്ചി​രു​ന്നു. (യെഹെ​സ്‌കേൽ 16:49, 50) ഒരുപക്ഷേ ലോത്തു​പോ​ലും സോ​ദോ​മി​ന്റെ ഉജ്ജ്വല​മായ സാമ്പത്തി​കാ​വ​സ്ഥ​യാൽ ആകർഷി​ത​നാ​യി​രു​ന്നി​രി​ക്കാം. അവിടെ താമസി​ച്ച​തി​ന്റെ കാരണം എന്തുത​ന്നെ​യാ​യാ​ലും അദ്ദേഹം നേരത്തെ സ്ഥലം വിടേ​ണ്ട​താ​യി​രു​ന്നു. യഹോ​വ​യു​ടെ ദൂതൻമാ​രു​ടെ നിർബ​ന്ധം​മൂ​ലം മാത്ര​മാ​ണു ലോത്തി​ന്റെ കുടും​ബം ഒടുവിൽ അപകട​മേഖല വിട്ടത്‌.

ഉല്‌പത്തി വിവരണം പറയുന്നു: “ഉഷസ്സാ​യ​പ്പോൾ ദൂതൻമാർ ലോത്തി​നെ ബദ്ധപ്പെ​ടു​ത്തി: ഈ പട്ടണത്തി​ന്റെ അകൃത്യ​ത്തിൻമേൽ നശിക്കാ​തി​രി​പ്പാൻ എഴു​ന്നേ​ററു നിന്റെ ഭാര്യ​യെ​യും ഇവിടെ കാണുന്ന നിന്റെ രണ്ടു പുത്രി​മാ​രെ​യും കൂട്ടി​ക്കൊ​ണ്ടു പൊയ്‌ക്കൾക.” എന്നാൽ ശക്തമായ മുന്നറി​യി​പ്പി​നു​ശേ​ഷം​പോ​ലും “അവൻ താമസി​ച്ച​പ്പോൾ,” ദൂതൻമാർ “അവനെ​യും ഭാര്യ​യെ​യും രണ്ടു പുത്രി​മാ​രെ​യും കൈക്കു​പി​ടി​ച്ചു പട്ടണത്തി​ന്റെ പുറത്തു കൊണ്ടു​പോ​യി ആക്കി.”—ഉല്‌പത്തി 19:15, 16.

പട്ടണത്തി​ന്റെ അതിർത്തി​യിൽവെച്ചു ദൂതൻമാർ ലോത്തി​ന്റെ കുടും​ബ​ത്തി​നു ചില അന്തിമ നിർദേ​ശങ്ങൾ നൽകി: “ജീവര​ക്ഷെ​ക്കാ​യി ഓടി​പ്പോക: പുറ​കോ​ട്ടു നോക്ക​രു​തു; ഈ പ്രദേ​ശ​ത്തെ​ങ്ങും നില്‌ക്ക​യു​മ​രു​തു; നിനക്കു നാശം ഭവിക്കാ​തി​രി​പ്പാൻ പർവത​ത്തി​ലേക്കു ഓടി​പ്പോക.” (ഉല്‌പത്തി 19:17) എന്നിട്ടും ആ പ്രദേശം തീർത്തും ഉപേക്ഷി​ക്കു​ന്ന​തി​നു​പ​കരം അടുത്ത പട്ടണമായ സോവ​രി​ലേക്കു പോകാൻ ലോത്ത്‌ അനുവാദമിരന്നു. (ഉല്‌പത്തി 19:18-22) വ്യക്തമാ​യും, അപകട​ത്തിൽനിന്ന്‌ എത്രയും അകന്നു​മാ​റാൻ ലോത്ത്‌ വിമു​ഖ​നാ​യി​രു​ന്നു.

സോവ​രി​ലേ​ക്കു​ള്ള വഴിയിൽ ലോത്തി​ന്റെ ഭാര്യ താൻ പിന്നിൽ ഉപേക്ഷി​ച്ചു​പോന്ന വസ്‌തു​ക്ക​ളി​ലുള്ള വാഞ്‌ഛ​നി​മി​ത്തം സോ​ദോ​മി​ന്റെ​നേരെ തിരി​ഞ്ഞു​നോ​ക്കി. ദൂതൻമാ​രു​ടെ നിർദേ​ശങ്ങൾ അവഗണി​ച്ച​തു​നി​മി​ത്തം അവൾക്കു ജീവൻ നഷ്ടപ്പെട്ടു. ലോത്ത്‌—ഒരു നീതി​മാ​നായ മനുഷ്യൻ—തന്റെ രണ്ടു പുത്രി​മാ​രോ​ടൊ​പ്പം ആ പട്ടണത്തി​ന്റെ നാശത്തെ അതിജീ​വി​ച്ചു. എന്നാൽ അപകട​ത്തോ​ടു തൊട്ടു​ചേർന്നു ജീവി​ക്കാൻ തിര​ഞ്ഞെ​ടു​ത്ത​തി​നാൽ എന്തു വിലയാണ്‌ അദ്ദേഹം ഒടു​ക്കേ​ണ്ടി​വ​ന്നത്‌!—ഉല്‌പത്തി 19:18-26; 2 പത്രൊസ്‌ 2:7.

അപകട​ത്തിൽനി​ന്നു തിരി​ച്ചു​വി​ടൽ

നാം അപകട​മേ​ഖ​ല​യോട്‌ അടുത്തു​വ​രു​ക​യോ അവിടെ ചുററി​ക്ക​റ​ങ്ങു​ക​യോ ചെയ്‌താൽ എന്തു സംഭവി​ക്കാ​മെന്നു ലോത്തി​ന്റെ കയ്‌പേ​റിയ അനുഭവം കാണി​ക്കു​ന്നു. നല്ല നാവി​ക​രെ​പ്പോ​ലെ അങ്ങനെ​യൊ​രു വിഷമ​സ​ന്ധി​യി​ല​ക​പ്പെ​ടാൻ നമ്മെ അനുവ​ദി​ക്കാ​തി​രി​ക്കാൻ വിവേകം നമുക്കു വഴി പറഞ്ഞു​ത​രും. നാം തീർത്തും അകന്നു​നിൽക്കേണ്ട അപകട​ക​ര​മായ ചില മേഖലകൾ ഏതെല്ലാ​മാണ്‌? ബിസി​നസ്‌ പ്രവർത്ത​ന​ങ്ങ​ളിൽ അമിത​മാ​യി ഏർപ്പെ​ട്ടു​കൊ​ണ്ടും ലൗകിക സുഹൃ​ത്തു​ക്ക​ളു​മാ​യി ഉററ സുഹൃ​ദ്‌ബന്ധം സ്ഥാപി​ച്ചു​കൊ​ണ്ടും അല്ലെങ്കിൽ തങ്ങൾ വിവാഹം ചെയ്യാൻ സ്വത​ന്ത്ര​ര​ല്ലാ​തി​രി​ക്കെ എതിർലിം​ഗ​ത്തിൽപ്പെട്ട ഒരാളു​മാ​യി വൈകാ​രി​ക​മായ അടുപ്പം വളർത്തി​ക്കൊ​ണ്ടും ചില ക്രിസ്‌ത്യാ​നി​കൾ വഴിപി​ഴ​ച്ചു​പോ​യി​ട്ടുണ്ട്‌.

ഈ ഓരോ സംഗതി​യി​ലും ജ്ഞാനപൂർവ​ക​മായ ഗതി അപകട​ത്തിൽനിന്ന്‌ അകന്നു​നിൽക്കുക എന്നതാണ്‌. ദൃഷ്ടാ​ന്ത​ത്തിന്‌, ബിസി​ന​സ്സി​ലെ സുവർണാ​വ​സ​ര​മെന്നു പറയ​പ്പെ​ടു​ന്നവ കൈവ​രു​ത്തി​യേ​ക്കാ​വുന്ന അപകടം​സം​ബ​ന്ധി​ച്ചു നാം ജാഗരൂ​ക​രാ​ണോ? ചില സഹോ​ദ​രങ്ങൾ തങ്ങളുടെ കുടും​ബ​ത്തി​നും ആരോ​ഗ്യ​ത്തി​നും ദിവ്യാ​ധി​പത്യ ഉത്തരവാ​ദി​ത്വ​ങ്ങൾക്കും കെടു​തി​വ​രു​ത്തി​ക്കൊണ്ട്‌ വാണിജ്യ സംരം​ഭ​ങ്ങ​ളിൽ മുഴുകി ജീവി​ക്കു​ന്നു. ചില​പ്പോൾ ഈ വശീക​ര​ണ​ത്തി​നു കാരണം പണം കൈവ​രു​ത്തുന്ന കൂടു​ത​ലായ സുഖസൗ​ക​ര്യ​ങ്ങ​ളാണ്‌. ബിസി​ന​സ്സി​ലുള്ള തങ്ങളുടെ സാമർഥ്യം തെളി​യി​ക്കുക എന്നതാണു മററു​ചി​ല​സ​മ​യ​ങ്ങ​ളിൽ പ്രേരി​ക്കു​ന്നത്‌. മററു സഹോ​ദ​ര​ങ്ങൾക്കു തൊഴി​ല​വ​സരം ഉണ്ടാക്കി​ക്കൊ​ടു​ക്കുക അല്ലെങ്കിൽ ലോകവ്യാപക വേലയ്‌ക്കു​വേണ്ടി കൂടുതൽ സംഭാവന നൽകുക എന്നിവ​യാ​ണു തങ്ങളുടെ ലക്ഷ്യ​മെന്നു ചിലർ ന്യായ​വാ​ദം ചെയ്‌തേ​ക്കാം. ബിസി​നസ്‌ നല്ലവണ്ണം ഓടു​മ്പോൾ രാജ്യ​താ​ത്‌പ​ര്യ​ങ്ങൾക്ക്‌ അർപ്പി​ക്കാൻ തങ്ങൾക്കു കൂടുതൽ സമയം ഉണ്ടാകു​മെന്ന്‌ ഒരുപക്ഷേ അവർ ചിന്തി​ക്കു​ന്നു​ണ്ടാ​കും.

ചില കെണികൾ എന്തെല്ലാ​മാണ്‌? അനിശ്ചി​ത​മായ സാമ്പത്തി​കാ​വ​സ്ഥ​യ്‌ക്കും “മുൻകൂ​ട്ടി​ക്കാ​ണാത്ത സംഭവ”ത്തിനും ഏററവും ആസൂ​ത്രി​ത​മായ ബിസി​നസ്‌ ഉദ്യമ​ത്തെ​പ്പോ​ലും തകിടം മറിക്കാൻ കഴിയും. (സഭാ​പ്ര​സം​ഗി 9:11, NW) ഭാരിച്ച കടബാ​ധ്യത പരിഹ​രി​ക്കാൻ നോക്കു​മ്പോൾ ആശങ്ക ഉളവാ​കു​ക​യും ആത്മീയ കാര്യങ്ങൾ പുറന്ത​ള്ള​പ്പെ​ടു​ക​യും ചെയ്‌തേ​ക്കാം. ഒരു വ്യവസാ​യം അഭിവൃദ്ധിപ്രാപിച്ചുകൊണ്ടിരിക്കുമ്പോൾപ്പോലും അതു മിക്ക​പ്പോ​ഴും കൂടുതൽ സമയവും മാനസിക ഊർജ​വും ആഗിരണം ചെയ്യും. കൂടാതെ, അത്‌ ഗണ്യമായ തോതിൽ ലൗകിക സഹവാസം ആവശ്യ​മാ​ക്കി​ത്തീർക്കു​ക​യും ചെയ്യും.

സ്‌പെ​യി​നി​ലെ ഒരു മൂപ്പൻ കഠിന​മായ സാമ്പത്തിക ബുദ്ധി​മു​ട്ടി​ലാ​യി​രു​ന്ന​പ്പോ​ഴാണ്‌ ഒരു ഇൻഷ്വ​റൻസ്‌ കമ്പനി അദ്ദേഹ​ത്തി​നു പ്രലോ​ഭി​പ്പി​ക്കുന്ന ഒരു വാഗ്‌ദാ​നം നൽകി​യത്‌. ഒരു സ്വതന്ത്ര ഇൻഷ്വ​റൻസ്‌ ഏജൻറ്‌ എന്നനി​ല​യിൽ ധാരാളം പണം സമ്പാദി​ക്കു​ന്ന​തി​നുള്ള അവസര​ങ്ങ​ളു​ണ്ടാ​യി​രു​ന്നി​ട്ടും അദ്ദേഹം ആ വാഗ്‌ദാ​നം നിരസ്സി​ച്ചു. “അത്‌ എളുപ്പ​മുള്ള ഒരു തീരു​മാ​ന​മാ​യി​രു​ന്നില്ല, എന്നാൽ വേണ്ട എന്നു പറഞ്ഞതിൽ ഞാൻ സന്തുഷ്ട​നാണ്‌” എന്ന്‌ അദ്ദേഹം വിശദീ​ക​രി​ക്കു​ന്നു. “ഒരു സംഗതി, എന്റെ ദിവ്യാ​ധി​പത്യ പരിച​യ​ക്കാ​രി​ലൂ​ടെ—പരോ​ക്ഷ​മാ​യി​പ്പോ​ലും—പണം സമ്പാദി​ക്കാൻ ഞാൻ വിമു​ഖ​നാ​യി​രു​ന്നു. ആരു​ടെ​യും കീഴി​ല​ല്ലാ​തെ ജോലി ചെയ്യുക എന്നത്‌ എനിക്കി​ഷ്ട​മാ​യി​രു​ന്നെ​ങ്കി​ലും എനിക്ക്‌ വളരെ യാത്ര ചെയ്യേ​ണ്ടി​യും തൊഴി​ലിൽ ധാരാളം സമയം ചെലവി​ടേ​ണ്ടി​യും വരുമാ​യി​രു​ന്നു. അത്‌ എന്റെ കുടും​ബ​ത്തെ​യും സഭയെ​യും അവഗണി​ക്കുക അനിവാ​ര്യ​മാ​ക്കി​ത്തീർക്കു​മാ​യി​രു​ന്നു. എല്ലാറ​റി​നു​മു​പരി, ഞാൻ ആ വാഗ്‌ദാ​നം സ്വീക​രി​ച്ചി​രു​ന്നെ​ങ്കിൽ എനി​ക്കെന്റെ ജീവി​ത​ത്തിൻമേൽ നിയ​ന്ത്രണം നഷ്ടപ്പെ​ടു​മാ​യി​രു​ന്നു​വെന്ന ഉത്തമ​ബോ​ധ്യ​മുണ്ട്‌.”

തന്റെ ജീവി​ത​ത്തിൻമേൽ നിയ​ന്ത്രണം നഷ്ടപ്പെ​ടു​ന്നത്‌ ഒരു ക്രിസ്‌ത്യാ​നി​ക്കും താങ്ങാ​വുന്ന ഒന്നല്ല. തൊഴി​ലിൽനി​ന്നു വിരമി​ച്ചു ജീവിതം ആയാസ​ര​ഹി​ത​മാ​ക്കാ​നാ​യി ധനം കുന്നു​കൂ​ട്ടിയ ഒരു വ്യക്തി​യു​ടെ ദൃഷ്ടാന്തം വിവരി​ച്ചു​കൊണ്ട്‌ അപ്രകാ​ര​മുള്ള ഒരു ഗതിയു​ടെ ദാരു​ണ​മായ ഫലം യേശു​ക്രി​സ്‌തു കാണി​ച്ചു​തന്നു. ഒടുവിൽ താൻ ധാരാളം ധനം കുന്നു​കൂ​ട്ടി​യെന്നു നിശ്ചയിച്ച രാത്രി​യിൽ അയാൾ മരിച്ചു. “ദൈവ​വി​ഷ​യ​മാ​യി സമ്പന്നനാ​കാ​തെ തനിക്കു തന്നേ നിക്ഷേ​പി​ക്കു​ന്ന​വന്റെ കാര്യം ഇങ്ങനെ ആകുന്നു” എന്ന്‌ യേശു മുന്നറി​യി​പ്പു നൽകി.—ലൂക്കൊസ്‌ 12:16-21; യാക്കോബ്‌ 4:13-17 താരത​മ്യം ചെയ്യുക.

ലോക​ക്കാ​രാ​യ ആളുക​ളു​മാ​യുള്ള നീണ്ടു​നിൽക്കുന്ന സഹവാ​സ​ത്തി​നെ​തി​രെ​യും നാം ജാഗ്രത പാലി​ക്കണം. ഒരുപക്ഷേ അത്‌ ഒരു അയൽക്കാ​ര​നോ ഒരു സഹപാ​ഠി​യോ ഒരു സഹപ്ര​വർത്ത​ക​നോ ഒരു ബിസി​നസ്‌ പങ്കാളി​യോ ആകാം. ‘അയാൾ സാക്ഷി​കളെ ആദരി​ക്കു​ന്നുണ്ട്‌, അയാൾ ഒരു ശുദ്ധമായ ജീവിതം നയിക്കു​ന്നുണ്ട്‌, ഞങ്ങൾ സത്യ​ത്തെ​ക്കു​റി​ച്ചു വല്ലപ്പോ​ഴു​മൊ​ക്കെ സംസാ​രി​ക്കാ​റു​മുണ്ട്‌’ എന്നു നാം ന്യായ​വാ​ദം ചെയ്‌തേ​ക്കാം. എന്നാൽ കാല​ക്ര​മേണ ഒരു ആത്മീയ സഹോ​ദ​ര​നു​മാ​യോ സഹോ​ദ​രി​യു​മാ​യോ സഹവസി​ക്കു​ന്ന​തി​നെ​ക്കാ​ള​ധി​കം അങ്ങനെ​യുള്ള ലൗകിക സഹവാസം ഇഷ്ടപ്പെ​ട്ടേ​ക്കാ​മെന്നു മററു​ള്ള​വ​രു​ടെ അനുഭവം തെളി​യി​ക്കു​ന്നു. അപ്രകാ​ര​മുള്ള സുഹൃ​ദ്‌ബ​ന്ധ​ത്തി​ന്റെ ചില അപകട​ങ്ങ​ളെ​ന്തെ​ല്ലാ​മാണ്‌?

നാം ജീവി​ക്കുന്ന കാലഘ​ട്ട​ത്തി​ന്റെ പ്രാധാ​ന്യ​ത്തെ നാം ലഘൂക​രി​ക്കാ​നോ ആത്മീയ​കാ​ര്യ​ങ്ങൾക്കു പകരം ഭൗതിക കാര്യ​ങ്ങ​ളിൽ താത്‌പ​ര്യ​മെ​ടു​ക്കാ​നോ തുടങ്ങി​യേ​ക്കാം. ഒരുപക്ഷേ, ലോകക്കാരനായ സുഹൃ​ത്തി​നെ അപ്രീ​തി​പ്പെ​ടു​ത്താ​നുള്ള ഭയംമൂ​ലം ലോക​ത്താൽ അംഗീ​ക​രി​ക്ക​പ്പെ​ടാൻ നാം ആഗ്രഹി​ക്കു​ക​പോ​ലും ചെയ്‌തേ​ക്കാം. (1 പത്രൊസ്‌ 4:3-7 താരത​മ്യം ചെയ്യുക.) നേരെ മറിച്ച്‌, സങ്കീർത്ത​ന​ക്കാ​ര​നായ ദാവീദ്‌ യഹോ​വയെ സ്‌നേ​ഹി​ക്കുന്ന ജനങ്ങളു​മാ​യി സഹവസി​ക്കാ​നാണ്‌ ആഗ്രഹി​ച്ചത്‌. “ഞാൻ നിന്റെ നാമത്തെ എന്റെ സഹോ​ദ​രൻമാ​രോ​ടു കീർത്തി​ക്കും: സഭാമ​ദ്ധ്യേ ഞാൻ നിന്നെ സ്‌തു​തി​ക്കും” എന്ന്‌ അദ്ദേഹം എഴുതി. (സങ്കീർത്തനം 22:22) ദാവീ​ദി​ന്റെ ദൃഷ്ടാന്തം അനുക​രിച്ച്‌ ആത്മീയ​മാ​യി നമ്മെ പരിപു​ഷ്ടി​പ്പെ​ടു​ത്തുന്ന സുഹൃ​ദ്‌ബന്ധം തേടു​ന്നു​വെ​ങ്കിൽ നാം സംരക്ഷി​ക്ക​പ്പെ​ടും.

ഒരുവൻ വിവാഹം ചെയ്യാൻ സ്വത​ന്ത്ര​ന​ല്ലാ​തി​രി​ക്കെ എതിർലിം​ഗ​ത്തിൽപ്പെട്ട ഒരു വ്യക്തി​യു​മാ​യി വൈകാ​രി​ക​മാ​യി കുരു​ക്കി​ല​ക​പ്പെ​ടു​ന്ന​താണ്‌ ആപത്‌ക​ര​മായ മറെറാ​രു ഗതി. ആകർഷ​ക​വും ഉത്തേജ​നാ​ത്മ​ക​മായ സംസാ​ര​ചാ​തു​ര്യ​വും തന്റേതി​നു സമാന​മായ വീക്ഷണ​ഗ​തി​യും നർമ​ബോ​ധ​വും​പോ​ലു​മുള്ള ഒരാളി​ലേക്ക്‌ ആകർഷി​ക്ക​പ്പെ​ടു​മ്പോ​ഴാണ്‌ ഈ അപകടം ഉയർന്നു​വ​രു​ന്നത്‌. ‘എത്ര​ത്തോ​ളം പോകാം എന്നെനി​ക്ക​റി​യാം. ഞങ്ങൾ വെറും സുഹൃ​ത്തു​ക്ക​ളാണ്‌’ എന്നിങ്ങനെ ന്യായ​വാ​ദം ചെയ്‌തു​കൊണ്ട്‌ ഒരാൾ അവന്റെ​യോ അവളു​ടെ​യോ സൗഹൃദം ആസ്വദി​ച്ചേ​ക്കാം. എന്നാൽ, ഒരിക്കൽ ഉണർത്ത​പ്പെട്ട വികാ​രങ്ങൾ നിയ​ന്ത്രി​ക്കുക എളുപ്പമല്ല.

മേരി​യെ​ന്നു പേരുള്ള വിവാ​ഹി​ത​യായ ഒരു യുവ സഹോ​ദരി മൈക്കി​ളി​ന്റെ സൗഹൃദം ആസ്വദി​ച്ചു.a അദ്ദേഹം ഒരു നല്ല സഹോ​ദ​ര​നാ​യി​രു​ന്നു എന്നാൽ സുഹൃ​ത്തു​ക്കളെ നേടുക വളരെ വിഷമ​ക​ര​മാ​യി കണ്ടെത്തി. സമാന​മായ അനേകം സംഗതി​കൾ അവർക്കു​ണ്ടാ​യി​രു​ന്നു, തങ്ങൾക്ക്‌ ഒന്നിച്ചി​രു​ന്നു ഫലിതങ്ങൾ പറയാ​നാ​കു​മെന്ന്‌ അവർ മനസ്സി​ലാ​ക്കി. അവിവാ​ഹി​ത​നായ ഒരു സഹോ​ദരൻ തന്നോടു രഹസ്യങ്ങൾ പറയു​ന്ന​തിൽ മേരിക്ക്‌ അഭിമാ​നം തോന്നി. നിഷ്‌ക​ള​ങ്ക​മെന്നു കരുതി​യി​രുന്ന സുഹൃ​ദ്‌ബന്ധം അധികം താമസി​യാ​തെ ആഴമായ വൈകാ​രിക അടുപ്പ​മാ​യി രൂപാ​ന്തരം പ്രാപി​ച്ചു. അവർ ഒരുമിച്ച്‌ കൂടുതൽ സമയം ചെലവി​ടു​ക​യും ഒടുവിൽ ദുർവൃ​ത്തി​യിൽ ഏർപ്പെ​ടു​ക​യും ചെയ്‌തു. “ആരംഭ​ത്തിൽത്തന്നെ ഞാൻ അപകടം തിരി​ച്ച​റി​യേ​ണ്ട​താ​യി​രു​ന്നു. സുഹൃ​ദ്‌ബന്ധം വികാ​സം​പ്രാ​പി​ച്ചു കഴിഞ്ഞ​പ്പോൾ അതു ഞങ്ങളെ കൂടുതൽ ആഴത്തിൽ പൂഴ്‌ത്തുന്ന പൂഴി​മ​ണൽപോ​ലെ​യാ​യി” എന്നു മേരി നെടു​വീർപ്പി​ട്ടു​കൊ​ണ്ടു പറയുന്നു.

“ഹൃദയം എല്ലാറ​റി​നെ​ക്കാ​ളും കപടവും വിഷമ​വു​മു​ള്ളതു; അതു ആരാഞ്ഞ​റി​യു​ന്നവൻ ആർ?” എന്ന ബൈബി​ളി​ന്റെ മുന്നറി​യി​പ്പു നാം ഒരിക്ക​ലും മറക്കരുത്‌. (യിരെ​മ്യാ​വു 17:9) പായ്‌ക​പ്പ​ലി​നെ പാറക​ളു​ടെ നേരെ നയിക്കുന്ന തിര​പോ​ലെ നമ്മെ നാശക​ര​മായ വൈകാ​രിക ബന്ധത്തി​ലേക്കു നയിക്കാൻ നമ്മുടെ വഞ്ചനാ​ത്മ​ക​മായ ഹൃദയ​ത്തി​നു കഴിയും. അതിനുള്ള പരിഹാ​ര​മോ? നിങ്ങൾ വിവാഹം ചെയ്യാൻ സ്വത​ന്ത്ര​ന​ല്ലെ​ങ്കിൽ നിങ്ങൾക്ക്‌ ആകർഷ​ക​മാ​യി തോന്നുന്ന ഒരാളിൽനി​ന്നു വൈകാ​രി​ക​മാ​യി അകന്നു​നിൽക്കാൻ മനഃപൂർവം പ്രയത്‌നി​ക്കുക.—സദൃശ​വാ​ക്യ​ങ്ങൾ 10:23.

അപകട​ത്തിൽനി​ന്നു രക്ഷപെട്ട്‌ വീണ്ടും അതില​ക​പ്പെ​ടാ​തെ അകന്നു​നിൽക്കൽ

നാം ഇപ്പോൾത്തന്നെ ആത്മീയ​മാ​യി അപകട​ത്തി​ലാ​ണെന്നു കണ്ടെത്തി​യാ​ലോ? കാററി​ലും തിരയി​ലും​പെട്ടു പാറനി​റഞ്ഞ തീര​ത്തേക്ക്‌ അടുപ്പി​ക്ക​പ്പെ​ടു​മ്പോൾ കപ്പൽച്ചേതം സംഭവി​ക്കാ​തി​രി​ക്കാൻ സുരക്ഷിത വെള്ളത്തിൽ എത്തി​ച്ചേ​രു​ന്ന​തു​വരെ കപ്പൽ കടലി​ലേക്കു തിരി​ക്കു​ന്ന​തി​നു നാവികർ കിണഞ്ഞു പരി​ശ്ര​മി​ക്കു​ന്നു. സമാന​മാ​യി, വിടുതൽ പ്രാപി​ക്കു​ന്ന​തി​നു നാമും കിണഞ്ഞു പരി​ശ്ര​മി​ക്കേ​ണ്ട​തുണ്ട്‌. തിരു​വെ​ഴു​ത്തു ബുദ്ധ്യു​പ​ദേ​ശങ്ങൾ അനുസ​രി​ച്ചും യഹോ​വ​യു​ടെ സഹായ​ത്തി​നാ​യി കേണ​പേ​ക്ഷി​ച്ചും പക്വത​യുള്ള ക്രിസ്‌തീയ സഹോ​ദ​ര​ങ്ങ​ളു​ടെ സഹായം തേടി​യും​കൊ​ണ്ടു നമുക്ക്‌ ഒരു സുരക്ഷിത ഗതിയി​ലേക്കു വരാൻ കഴിയും. സമാധാ​ന​മുള്ള മനസ്സും ഹൃദയ​വും​കൊ​ണ്ടു നാം വീണ്ടും അനു​ഗ്ര​ഹി​ക്ക​പ്പെ​ടും.—1 തെസ്സ​ലൊ​നീ​ക്യർ 5:17.

നമ്മുടെ സാഹച​ര്യം എന്തുമാ​കട്ടെ, “ലോക​ത്തി​ന്റെ സംഗതി​ക​ളിൽ”നിന്ന്‌ അകന്നു​നിൽക്കു​ന്നെ​ങ്കിൽ നാം ജ്ഞാനി​ക​ളാ​യി​രി​ക്കും. (ഗലാത്യർ 4:3, NW) ലോത്ത്‌ ചെയ്‌ത​തി​നു വിപരീ​ത​മാ​യി, ലോക​ക്കാ​രായ കനാന്യ​രിൽനിന്ന്‌ അകന്നു ജീവി​ക്കാൻ അബ്രഹാം ആഗ്രഹി​ച്ചു, അനേക​വർഷ​ക്കാ​ലം കൂടാ​ര​ങ്ങ​ളിൽ ജീവി​ക്കാൻ അത്‌ ഇടയാ​ക്കി​യെ​ങ്കിൽപ്പോ​ലും. ഒരുപക്ഷേ, ചില ഭൗതിക സുഖസൗ​ക​ര്യ​ങ്ങൾ അദ്ദേഹ​ത്തി​നു ലഭ്യമ​ല്ലാ​യി​രു​ന്നി​രി​ക്കാം, എന്നാൽ തന്റെ ലളിത​മായ ജീവി​ത​രീ​തി അദ്ദേഹത്തെ ആത്മീയ​മാ​യി സംരക്ഷി​ച്ചു. വിശ്വാ​സ​ക്ക​പ്പൽഛേദം അനുഭ​വി​ക്കു​ന്ന​തി​നു പകരം അദ്ദേഹം ‘വിശ്വാ​സി​ക​ളായ എല്ലാവർക്കും പിതാ​വാ​യി​ത്തീർന്നു.’—റോമർ 4:11.

ഭോഗാ​സ​ക്തി​യു​ടെ ‘ആത്മാവ്‌’ അതിശ​ക്ത​മാ​യി​രി​ക്കുന്ന ലോക​ത്താൽ വലയം​ചെ​യ്യ​പ്പെ​ട്ടി​രി​ക്കുന്ന നാം അബ്രഹാ​മി​ന്റെ മാതൃക പിൻപ​റേ​റ​ണ്ട​താ​വ​ശ്യ​മാണ്‌. (എഫെസ്യർ 2:2) എല്ലാക്കാ​ര്യ​ങ്ങ​ളി​ലും നാം യഹോ​വ​യു​ടെ മാർഗ​നിർദേശം സ്വീക​രി​ക്കു​ന്നു​വെ​ങ്കിൽ അവിടു​ത്തെ സ്‌നേ​ഹ​നിർഭ​ര​മായ സംരക്ഷണം നാം നേരി​ട്ട​നു​ഭ​വി​ക്കും. “എന്റെ പ്രാണനെ അവൻ തണുപ്പി​ക്കു​ന്നു; തിരു​നാ​മം​നി​മി​ത്തം എന്നെ നീതി​പാ​ത​ക​ളിൽ നടത്തുന്നു. നൻമയും കരുണ​യും എന്റെ ആയുഷ്‌കാ​ല​മൊ​ക്കെ​യും എന്നെ പിന്തു​ട​രും; ഞാൻ യഹോ​വ​യു​ടെ ആലയത്തിൽ ദീർഘ​കാ​ലം വസിക്കും” എന്നു ദാവീ​ദി​നു തോന്നി​യ​തു​പോ​ലെ നമുക്കും തോന്നും. അപകട​ത്തി​ന്റെ പാതക​ളി​ലേക്കു തിരി​യാ​തെ “നീതി​പാ​ത​കളി”ലൂടെ നടക്കു​ന്നതു നിത്യ​മായ അനു​ഗ്ര​ഹങ്ങൾ കൈവ​രു​ത്തും.—സങ്കീർത്തനം 23:3, 6.

[അടിക്കു​റിപ്പ്‌]

[24-ാം പേജിലെ ചിത്രം]

നിങ്ങൾ വിവാഹം ചെയ്യാൻ സ്വത​ന്ത്ര​ന​ല്ലെ​ങ്കിൽ നിങ്ങൾക്ക്‌ ആകർഷ​ക​മാ​യി തോന്നുന്ന ഒരാളിൽനി​ന്നു വൈകാ​രി​ക​മാ​യി അകന്നു​നിൽക്കു​ക