“കാൽക്കൽ അന്നം വിളമ്പാ​തെ വായ്‌ക്ക്‌ അന്നം തരിക”

പരമ്പരാഗതമായ ആഫ്രിക്കൻ ശവസം​സ്‌കാ​ര​രീ​തി​ക​ളി​ലേക്ക്‌ ഒരു എത്തി​നോ​ട്ടം

“അവർ തങ്ങളുടെ മരിച്ച​വരെ സംസ്‌ക​രി​ക്കു​ന്നില്ല!” പശ്ചിമാ​ഫ്രി​ക്ക​യി​ലെ യഹോ​വ​യു​ടെ സാക്ഷി​ക​ളെ​ക്കു​റി​ച്ചു സാധാ​ര​ണ​മാ​യി പറയാ​റുള്ള ഒരു പ്രസ്‌താ​വ​ന​യാ​ണിത്‌. എന്നാൽ, വാസ്‌ത​വ​ത്തിൽ സാക്ഷികൾ തങ്ങളുടെ മരിച്ച​വരെ സംസ്‌ക​രി​ക്കു​ക​തന്നെ ചെയ്യുന്നു എന്നുള്ളതു നന്നായി അറിയ​പ്പെ​ടുന്ന ഒരു കാര്യ​മാണ്‌.

യഹോ​വ​യു​ടെ സാക്ഷികൾ തങ്ങളുടെ മരിച്ച​വരെ സംസ്‌ക​രി​ക്കു​ന്നില്ല എന്ന്‌ ആളുകൾ പറയു​ന്നത്‌ എന്തു​കൊ​ണ്ടാണ്‌? അവർ അങ്ങനെ പറയു​ന്ന​തി​ന്റെ കാരണം സാക്ഷികൾ പ്രാ​ദേ​ശിക ശവസം​സ്‌കാ​ര​രീ​തി​ക​ളിൽ പലതും അനുഷ്‌ഠി​ക്കു​ന്നില്ല എന്നതാണ്‌.

പരമ്പരാ​ഗ​ത​മായ ശവസം​സ്‌കാ​ര​രീ​തി​കൾ

മധ്യ​നൈ​ജീ​രി​യ​യി​ലെ ഒരു കൊച്ചു​ഗ്രാ​മ​ത്തി​ലാണ്‌ ആലിയു താമസി​ക്കു​ന്നത്‌. തന്റെ അമ്മ മരിച്ച​പ്പോൾ അദ്ദേഹം മരണവാർത്ത ബന്ധുക്കളെ അറിയി​ക്കു​ക​യും അമ്മയുടെ വീട്ടിൽവെച്ച്‌ ഒരു തിരു​വെ​ഴു​ത്തു​പ്ര​സം​ഗം നടത്താൻ ക്രമീ​ക​രി​ക്കു​ക​യും ചെയ്‌തു. യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയിലെ ഒരു മൂപ്പൻ നടത്തിയ ഈ പ്രസംഗം മരിച്ച​വ​രു​ടെ അവസ്ഥയി​ലും ബൈബി​ളിൽ പരാമർശി​ച്ചി​രി​ക്കുന്ന ഹൃദ​യോ​ഷ്‌മ​ള​മായ പുനരു​ത്ഥാന പ്രത്യാ​ശ​യി​ലും കേന്ദ്രീ​ക​രി​ച്ചു. പ്രസം​ഗ​ത്തി​നു​ശേഷം ആലിയു​വി​ന്റെ അമ്മയെ സംസ്‌ക​രി​ച്ചു.

ബന്ധുക്കൾ വളരെ അമർഷ​മു​ള്ള​വ​രാ​യി​രു​ന്നു. അവരെ സംബന്ധി​ച്ചി​ട​ത്തോ​ളം, ഒരാൾ മരിച്ചു​ക​ഴി​യു​മ്പോൾ സാധാ​ര​ണ​മാ​യി രാത്രി​യിൽ നടത്തുന്ന ശവംകാ​ത്തി​രി​പ്പി​ല്ലെ​ങ്കിൽ ശവസം​സ്‌കാ​രം പൂർണ​മാ​കു​ക​യില്ല. ആലിയു​വി​ന്റെ ജനസമു​ദാ​യ​ത്തിൽ ശവംകാ​ത്തി​രി​ക്കൽ വിലാ​പ​ത്തി​ന്റെയല്ല, ആഘോ​ഷ​ത്തി​ന്റെ ഒരു സമയമാണ്‌. ശവത്തെ കുളി​പ്പിച്ച്‌ വെള്ളത്തു​ണി ധരിപ്പി​ച്ചിട്ട്‌ ഒരു കട്ടിലിൽ കിടത്തു​ന്നു. സന്തപ്‌ത​രാ​യവർ സംഗീ​ത​ക്കാ​രെ വിളി​ക്കാൻ ആളയയ്‌ക്കു​ക​യും ബിയറും കള്ളും വാങ്ങി​ക്കു​ക​യും ചെയ്യുന്നു. ഒരു കാള​യെ​യോ ആടി​നെ​യോ യാഗമർപ്പി​ക്കു​ന്ന​തി​നും അവർ ക്രമീ​ക​രണം ചെയ്യുന്നു. അതിനു​ശേഷം അടുത്ത ദിവസം പ്രഭാ​തം​വരെ പാടാ​നും ആടാനും തിന്നു​കു​ടി​ക്കാ​നു​മാ​യി ബന്ധുക്ക​ളും സ്‌നേ​ഹി​ത​രു​മെ​ത്തു​ന്നു.

ഈ ചടങ്ങു​ക​ളു​ടെ സമയത്ത്‌, ഭക്ഷണസാ​ധ​നങ്ങൾ ശവശരീ​ര​ത്തി​ന്റെ കാൽക്കൽ വയ്‌ക്കു​ന്നു. മരിച്ച​യാ​ളു​ടെ മുടി, കൈനഖം, കാൽനഖം എന്നിവ​യു​ടെ അംശങ്ങൾ മുറി​ച്ചെ​ടു​ത്തു ‘രണ്ടാമത്തെ ശവസം​സ്‌കാര’ത്തിനായി മാററി​വ​യ്‌ക്കു​ന്നു. ഇതു നടത്തു​ന്നത്‌ ദിവസ​ങ്ങ​ളോ, ആഴ്‌ച​ക​ളോ, വർഷങ്ങൾപ്പോ​ലു​മോ കഴിഞ്ഞാണ്‌.

ശവസം​സ്‌കാ​ര ചടങ്ങുകൾ ഒരാഴ്‌ച​യോ അതിൽ കൂടു​ത​ലോ നീണ്ടു​പോ​കു​ന്നെ​ങ്കി​ലും ശവത്തിനു കാവലി​രു​ന്ന​തി​ന്റെ പിറേ​റ​ദി​വസം മൃത​ദേഹം സംസ്‌ക​രി​ക്കു​ന്നു. അതിനു​ശേ​ഷ​മാ​ണു രണ്ടാമത്തെ ശവസം​സ്‌കാ​രം നടക്കു​ന്നത്‌. മുടി, കൈനഖം, കാൽനഖം എന്നിവ​യു​ടെ അംശങ്ങൾ മുറി​ച്ചെ​ടുത്ത്‌ ഒരു വെള്ളത്തു​ണി​യിൽ പൊതിഞ്ഞ്‌ അത്‌ അഞ്ചോ ആറോ അടി നീളമുള്ള ഒരു പലക​യോ​ടു ചേർത്തു കെട്ടി​വ​യ്‌ക്കു​ന്നു. പാട്ടു​പാ​ടി നൃത്തം ചെയ്‌ത്‌ ഒരു ജാഥയാ​യി ശ്‌മശാ​ന​സ്ഥ​ല​ത്തേക്ക്‌ ഈ പലക വഹിച്ചു​കൊ​ണ്ടു​പോ​യി അത്‌ ആരു​ടേ​താ​ണോ അയാളു​ടെ അടുത്താ​യി കുഴി​ച്ചി​ടു​ന്നു. വീണ്ടു​മൊ​രി​ക്കൽക്കൂ​ടി വളരെ​യ​ധി​കം പാട്ടും കുടി​യും സദ്യയും നടത്തുന്നു. ശവസം​സ്‌കാര ചടങ്ങുകൾ അവസാ​നി​പ്പി​ക്കാൻവേണ്ടി ഒരു തോക്കു​കൊണ്ട്‌ ആകാശ​ത്തേക്കു വെടി​വ​യ്‌ക്കു​ന്നു.

ഈവക കാര്യ​ങ്ങ​ളൊ​ന്നും ആലിയു അനുവ​ദി​ക്കാ​ഞ്ഞ​തു​കൊണ്ട്‌ മരിച്ച​വ​രോ​ടോ അവരെ ആദരി​ക്കുന്ന പാരമ്പ​ര്യ​ങ്ങ​ളോ​ടോ അദ്ദേഹ​ത്തി​നു യാതൊ​രു ആദരവു​മി​ല്ലെന്ന്‌ ആരോ​പി​ക്ക​പ്പെ​ടു​ന്നു. എന്നാൽ ഒരു യഹോ​വ​യു​ടെ സാക്ഷി​യായ ആലിയു ഈ പാരമ്പ​ര്യ​ത്തി​ന​നു​സ​ര​ണ​മാ​യി പോകാൻ വിസമ്മ​തി​ച്ചത്‌ എന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ ഇത്തരം പാരമ്പ​ര്യ​ങ്ങൾ അടിസ്ഥാ​ന​പ്പെ​ട്ടി​രി​ക്കുന്ന മതപര​മായ ആശയങ്ങൾ മനസ്സാ​ക്ഷി​പൂർവം സ്വീക​രി​ക്കാൻ അദ്ദേഹ​ത്തി​നു കഴിഞ്ഞില്ല.

പരമ്പരാ​ഗ​ത​മായ ആഫ്രിക്കൻ വിശ്വാ​സ​ങ്ങൾ

ആത്മമണ്ഡ​ല​ത്തിൽനി​ന്നാണ്‌ എല്ലാ മനുഷ്യ​രും വന്നതെ​ന്നും അവർ അവി​ടേക്കു മടങ്ങി​പ്പോ​കു​മെ​ന്നും ആഫ്രി​ക്ക​യി​ലു​ട​നീ​ളം ആളുകൾ വിശ്വ​സി​ക്കു​ന്നു. നൈജീ​രി​യ​യി​ലെ യോരുബ വിഭാ​ഗ​ത്തിൽപ്പെ​ട്ടവർ പറയു​ന്നത്‌ ഇങ്ങനെ​യാണ്‌: “ഭൂമി ഒരു ചന്തസ്ഥല​മാണ്‌, എന്നാൽ സ്വർഗം ഒരു വീടും.” ഇഗ്‌ബോ വിഭാ​ഗ​ത്തിൽപ്പെ​ട്ടവർ ഇങ്ങനെ പറയുന്നു: “ഭൂമി​യിൽ എത്ര കാലം പ്രവർത്തി​ച്ചാ​ലും ഈ ലോക​ത്തി​ലേക്കു വരുന്ന ഏതൊ​രാ​ളും വീട്ടി​ലേക്കു മടങ്ങി​പ്പോ​കേണ്ടി വരും.”

നേരത്തെ പരാമർശിച്ച ആചാര​ങ്ങ​ളെ​ക്കു​റി​ച്ചു പരിചി​ന്തി​ക്കുക. ശവത്തിനു കാവലി​രി​ക്കു​ന്ന​തി​ന്റെ ഉദ്ദേശ്യം ആത്മാവി​നു നല്ലൊരു യാത്ര​യ​യപ്പു നൽകു​ക​യാണ്‌. വെള്ളവ​സ്‌ത്രം ആത്മമണ്ഡ​ല​ത്തിന്‌ അനു​യോ​ജ്യ​മായ ഉടയാ​ട​യാ​യി കരുത​പ്പെ​ടു​ന്നു. യാത്ര​യു​ടെ ഘട്ടങ്ങളിൽ ശവശരീ​രം ഭക്ഷണം കഴിക്കു​ന്നു എന്ന ആശയ​ത്തോ​ടു ബന്ധപ്പെ​ട്ടാ​ണു കാൽക്കൽ ഭക്ഷണം വയ്‌ക്കു​ന്നത്‌, പൂർവി​ക​രു​ടെ നാട്ടി​ലേ​ക്കുള്ള യാത്ര​യിൽ വിശന്നു​വ​ല​യാ​തി​രി​ക്കാൻ ശവശരീ​ര​ത്തി​നു ഭക്ഷി​ക്കേ​ണ്ട​തുണ്ട്‌.

മാത്രമല്ല, ആത്മാവു ശരീരത്തെ വിട്ടു​പോ​കു​മ്പോൾ ജീവി​ച്ചി​രി​ക്കു​ന്ന​വരെ ചുററി​പ്പ​റ​റി​നിൽക്കു​ന്നു​വെ​ന്നും രണ്ടാമത്തെ ശവസം​സ്‌കാ​ര​ത്താൽ അന്തിമ​മാ​യി വിടു​വി​ക്ക​പ്പെ​ടു​ന്ന​തു​വരെ അതു പൂർവി​ക​രു​ടെ പക്കലേക്കു മടങ്ങി​പ്പോ​കു​ന്നി​ല്ലെ​ന്നും ആളുകൾ പൊതു​വേ വിശ്വ​സി​ക്കു​ന്നു. രണ്ടാമത്തെ ശവസം​സ്‌കാ​രം നടത്തി​യി​ല്ലെ​ങ്കിൽ ആത്മാവു കോപിച്ച്‌ ജീവി​ച്ചി​രി​ക്കു​ന്ന​വരെ രോഗ​ത്താ​ലും മരണത്താ​ലും ബാധി​ക്കു​മെന്ന്‌ ആളുകൾ ഭയപ്പെ​ടു​ന്നു. തോക്കു​കൊ​ണ്ടു വെടി​വെ​ക്കു​ന്നതു സ്വർഗ​ത്തി​ലേക്ക്‌ “ആത്മാവി​നെ അയയ്‌ക്കാ​നാണ്‌.”

ആഫ്രി​ക്ക​യി​ലെ ഓരോ സ്ഥലമനു​സ​രി​ച്ചും ശവസം​സ്‌കാര രീതികൾ വ്യത്യാ​സ​പ്പെ​ട്ടി​രി​ക്കു​ന്നെ​ങ്കി​ലും ആത്മാവ്‌ ശരീര​ത്തി​ന്റെ മരണത്തെ അതിജീ​വി​ക്കു​ന്നു എന്നതാണ്‌ സാധാ​ര​ണ​മാ​യുള്ള കേന്ദ്ര ആശയം. “വീട്ടി​ലേ​ക്കുള്ള വിളി”യോടു പ്രതി​ക​രി​ക്കാൻ ആത്മാവി​നെ സഹായി​ക്കുക എന്നതാണ്‌ ഈ കർമാ​നു​ഷ്‌ഠാ​ന​ങ്ങ​ളു​ടെ മുഖ്യോ​ദ്ദേ​ശ്യം.

അമർത്ത്യത സംബന്ധിച്ച ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്ക​ലും ‘വിശു​ദ്ധൻമാ’രെ അവൾ പൂജി​ക്കു​ന്ന​തും ഈ വിശ്വാ​സ​ങ്ങ​ളെ​യും സമ്പ്രദാ​യ​ങ്ങ​ളെ​യും പ്രോ​ത്സാ​ഹി​പ്പി​ച്ചി​രി​ക്കു​ന്നു. യേശു വന്നത്‌ പാരമ്പര്യ വിശ്വാ​സ​ങ്ങളെ നശിപ്പി​ക്കാ​നല്ല, പിന്നെ​യോ അവയെ നിവർത്തി​ക്കാ​നോ സ്ഥിരീ​ക​രി​ക്കാ​നോ ആണ്‌ എന്നു പറഞ്ഞ സ്വാസി​ലാൻഡി​ലെ ഒരു സൈനിക പുരോ​ഹി​തന്റെ അഭി​പ്രാ​യം ഇതിന്‌ ഉദാഹ​ര​ണ​മാണ്‌. സാധാ​ര​ണ​മാ​യി പുരോ​ഹി​തൻമാർ ശവസം​സ്‌കാര ചടങ്ങു​കൾക്കു നേതൃ​ത്വം വഹിക്കു​ന്ന​തു​കൊണ്ട്‌ അവയിൽനിന്ന്‌ ഉത്ഭൂത​മാ​കുന്ന പരമ്പരാ​ഗ​ത​മായ വിശ്വാ​സ​ങ്ങ​ളെ​യും ആചാര​ങ്ങ​ളെ​യും ബൈബിൾ പിന്താ​ങ്ങു​ന്നു​വെന്ന്‌ അനേക​മാ​ളു​കൾ വിശ്വ​സി​ക്കു​ന്നു.

ബൈബിൾ പറയുന്ന സംഗതി

ബൈബിൾ ഈ വിശ്വാ​സ​ങ്ങളെ പിന്താ​ങ്ങു​ന്നു​ണ്ടോ? മരിച്ച​വ​രു​ടെ അവസ്ഥ സംബന്ധി​ച്ചു സഭാ​പ്ര​സം​ഗി 3:20 ഇപ്രകാ​രം പ്രസ്‌താ​വി​ക്കു​ന്നു: “എല്ലാം [മനുഷ്യ​രും മൃഗങ്ങ​ളും] ഒരു സ്ഥലത്തേക്കു തന്നേ പോകു​ന്നു; എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു.” തിരു​വെ​ഴു​ത്തു​കൾ കൂടു​ത​ലാ​യി ഇങ്ങനെ പറയുന്നു: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; . . . അവരുടെ സ്‌നേ​ഹ​വും ദ്വേഷ​വും അസൂയ​യും നശിച്ചു​പോ​യി; . . . നീ ചെല്ലുന്ന പാതാ​ള​ത്തിൽ [ശവക്കു​ഴി​യിൽ] പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.”—സഭാ​പ്ര​സം​ഗി 9:5, 6, 10.

ഇവയും മററു തിരു​വെ​ഴു​ത്തു​ക​ളും, മരിച്ച​വർക്കു നമ്മെ കാണാ​നോ നാം പറയു​ന്നതു കേൾക്കാ​നോ നമ്മെ സഹായി​ക്കാ​നോ നമ്മെ ഉപദ്ര​വി​ക്കാ​നോ കഴിയു​ക​യില്ല എന്നു വ്യക്തമാ​ക്കു​ന്നു. ഇതു നിങ്ങൾ നിരീ​ക്ഷി​ച്ചി​രി​ക്കു​ന്ന​തി​നോ​ടു യോജി​പ്പി​ലല്ലേ? മരിച്ചു​പോയ ധനവാ​നും സ്വാധീ​ന​മു​ള്ള​വ​നു​മായ ഒരു മനുഷ്യ​നെ​ക്കു​റി​ച്ചു നിങ്ങൾക്ക​റി​യാ​മാ​യി​രി​ക്കാം, അദ്ദേഹ​ത്തി​ന്റെ കുടും​ബം പരമ്പരാ​ഗ​ത​മായ ശവസം​സ്‌കാര ചടങ്ങുകൾ പൂർണ​മാ​യി നടത്തി​യെ​ങ്കി​ലും ആ കുടും​ബാം​ഗങ്ങൾ പിന്നീടു ദുരി​ത​മ​നു​ഭ​വി​ച്ച​താ​യും നിങ്ങൾക്ക​റി​യാ​മാ​യി​രി​ക്കാം. അയാൾ ആത്മമണ്ഡ​ല​ത്തിൽ ജീവ​നോ​ടി​രി​ക്കു​ന്നെ​ങ്കിൽ തന്റെ കുടും​ബത്തെ എന്തു​കൊ​ണ്ടാ​ണു സഹായി​ക്കാ​ത്തത്‌? സഹായി​ക്കാൻ അയാൾക്കു കഴിയില്ല, കാരണം ബൈബിൾ പറയു​ന്നതു സത്യമാണ്‌—മരിച്ചവർ തീർച്ച​യാ​യും ജീവര​ഹി​ത​രാണ്‌, അവർ “മരണ​ത്തോ​ടെ ബലഹീ​ന​രാ​യി​ത്തീർന്ന”വരാണ്‌, അതു​കൊണ്ട്‌ ആരെയും സഹായി​ക്കാ​നും അവർക്കു കഴിയില്ല.—യശയ്യാ 26:14, NW.

ഇതു സത്യമാ​ണെന്നു ദൈവ​പു​ത്ര​നായ യേശു​ക്രി​സ്‌തു​വിന്‌ അറിയാ​മാ​യി​രു​ന്നു. ലാസറി​ന്റെ മരണ​ശേഷം എന്തു സംഭവി​ച്ചു​വെന്നു പരിചി​ന്തി​ക്കുക. ബൈബിൾ പ്രസ്‌താ​വി​ക്കു​ന്നത്‌ ഇങ്ങനെ​യാണ്‌: “ഇതു പറഞ്ഞിട്ടു അവൻ [യേശു]: നമ്മുടെ സ്‌നേ​ഹി​ത​നായ ലാസർ നിദ്ര​കൊ​ള്ളു​ന്നു; എങ്കിലും ഞാൻ അവനെ ഉണർത്തു​വാൻ പോകു​ന്നു എന്നു അവരോ​ടു [തന്റെ ശിഷ്യൻമാ​രോ​ടു] പറഞ്ഞു. ശിഷ്യൻമാർ അവനോ​ടു: കർത്താവേ, അവൻ നിദ്ര​കൊ​ള്ളു​ന്നു എങ്കിൽ അവന്നു സൌഖ്യം വരും എന്നു പറഞ്ഞു. യേശു​വോ അവന്റെ മരണ​ത്തെ​ക്കു​റി​ച്ചു ആയിരു​ന്നു പറഞ്ഞതു.”—യോഹ​ന്നാൻ 11:11-13.

യേശു മരണത്തെ ഉറക്ക​ത്തോട്‌, വിശ്ര​മ​ത്തോ​ടു താരത​മ്യ​പ്പെ​ടു​ത്തി​യെന്നു ശ്രദ്ധി​ക്കുക. ബഥനി​യിൽ എത്തിയ​പ്പോൾ അവിടുന്ന്‌ ലാസറി​ന്റെ സഹോ​ദ​രി​മാ​രായ മറിയ​യെ​യും മാർത്ത​യെ​യും സാന്ത്വ​നി​പ്പി​ച്ചു. അനുകമ്പ തോന്നിയ യേശു കരയു​ക​യു​ണ്ടാ​യി. എന്നാൽ, അപ്പോ​ഴും ജീവ​നോ​ടി​രി​ക്കു​ക​യും തന്റെ പൂർവി​ക​രു​ടെ ദേശ​ത്തെ​ത്താൻ സഹായം ആഗ്രഹി​ക്കു​ക​യും ചെയ്യുന്ന ഒരാത്മാ​വു ലാസറി​നു​ണ്ടാ​യി​രു​ന്നെന്നു സൂചി​പ്പി​ക്കുന്ന എന്തെങ്കി​ലും യേശു പറയു​ക​യോ പ്രവർത്തി​ക്കു​ക​യോ ചെയ്‌തില്ല. പകരം, താൻ ചെയ്യു​മെന്നു പറഞ്ഞതാ​ണു യേശു ചെയ്‌തത്‌. ഒരു പുനരു​ത്ഥാ​നം മുഖാ​ന്തരം അവിടുന്ന്‌ ലാസറി​നെ മരണനി​ദ്ര​യിൽനിന്ന്‌ ഉണർത്തി. സ്‌മാ​ര​ക​ക​ല്ല​റ​ക​ളി​ലുള്ള എല്ലാവ​രെ​യും ഉയിർപ്പി​ക്കാൻ ദൈവം ഒടുവിൽ യേശു​വി​നെ ഉപയോ​ഗി​ക്കു​മെ​ന്ന​തിന്‌ ഇതു തെളിവു നൽകി.—യോഹ​ന്നാൻ 11:17-44; 5:28, 29.

ചിലർ വ്യത്യ​സ്‌ത​രാ​യി നില​കൊ​ള്ളു​ന്നത്‌ എന്തു​കൊണ്ട്‌?

തിരു​വെ​ഴു​ത്തു​വി​രു​ദ്ധ​മായ വിശ്വാ​സ​ങ്ങ​ളിൽ അടിസ്ഥാ​ന​മുള്ള ശവസം​സ്‌കാര ചടങ്ങുകൾ അനുഷ്‌ഠി​ക്കു​ന്ന​തിൽ എന്തെങ്കി​ലും തെററു​ണ്ടോ? ആലിയു​വും ലക്ഷക്കണ​ക്കി​നു വരുന്ന മററു യഹോ​വ​യു​ടെ സാക്ഷി​ക​ളും അങ്ങനെ ചെയ്യു​ന്ന​തിൽ തെററുണ്ടെന്നു വിശ്വ​സി​ക്കു​ന്നു. വ്യാജ​വും വഴി​തെ​റ​റി​ക്കു​ന്ന​തു​മായ പഠിപ്പി​ക്ക​ലു​ക​ളിൽ വ്യക്തമാ​യും അധിഷ്‌ഠി​ത​മായ ഏതെങ്കി​ലും രീതി തങ്ങൾ പിൻപ​റ​റു​ന്നത്‌ തെററാ​ണെന്ന്‌—കപടഭ​ക്തി​പരം പോലു​മാ​ണെന്ന്‌—അവർക്ക​റി​യാം. മതപര​മായ കപടഭക്തി നിമിത്തം യേശു അപലപിച്ച ശാസ്‌ത്രി​മാ​രെ​യും പരീശൻമാ​രെ​യും പോ​ലെ​യാ​യി​രി​ക്കാൻ അവർ ആഗ്രഹി​ക്കു​ന്നില്ല.—മത്തായി 23:1-36.

തന്റെ സഹപ്ര​വർത്ത​ക​നായ തിമൊ​ഥെ​യോ​സി​നു പൗലോസ്‌ ഇങ്ങനെ മുന്നറി​യി​പ്പു നൽകി: “ഭാവി​കാ​ലത്തു ചിലർ വ്യാജാ​ത്മാ​ക്ക​ളെ​യും ഭൂതങ്ങ​ളു​ടെ ഉപദേ​ശ​ങ്ങ​ളെ​യും ആശ്രയി​ച്ചു ഭോഷ്‌കു പറയു​ന്ന​വ​രു​ടെ കപടത്താൽ വിശ്വാ​സം ത്യജി​ക്കും എന്നു ആത്മാവു തെളി​വാ​യി പറയുന്നു.” (1 തിമൊ​ഥെ​യൊസ്‌ 4:1, 2) മരിച്ചു​പോയ മനുഷ്യർ ആത്മമണ്ഡ​ല​ത്തിൽ ജീവ​നോ​ടി​രി​ക്കു​ന്നു​വെന്ന ആശയം ഭൂതങ്ങ​ളു​ടെ ഉപദേ​ശ​മാ​ണോ?

അതേ, അതു ഭൂതങ്ങ​ളു​ടെ ഉപദേ​ശ​മാണ്‌. ‘ഭോഷ്‌കി​ന്റെ പിതാവാ’യ പിശാ​ചായ സാത്താൻ ഹവ്വാ മരിക്കു​ക​യി​ല്ലെന്ന്‌ അവളോ​ടു പറഞ്ഞു. അവൾ തുടർന്നും ജഡത്തിൽ ജീവി​ച്ചി​രി​ക്കു​മെന്ന്‌ അവൻ സൂചി​പ്പി​ക്കു​ക​യാ​യി​രു​ന്നു. (യോഹ​ന്നാൻ 8:44; ഉല്‌പത്തി 3:3, 4) ശരീര​ത്തി​ന്റെ മരണ​ശേഷം ഒരു അമർത്ത്യ​ദേഹി തുടർന്നും ജീവി​ക്കു​ന്നു എന്നു പറയു​ന്ന​തു​പോ​ലെ ആയിരു​ന്നില്ല അത്‌. എന്നിരു​ന്നാ​ലും, ജീവിതം മരണാ​ന​ന്ത​ര​വും തുടരു​ന്നു എന്ന ആശയത്തെ പ്രോ​ത്സാ​ഹി​പ്പി​ക്കു​ക​വഴി ദൈവ​വ​ച​ന​ത്തി​ലെ സത്യത്തിൽനിന്ന്‌ ആളുകളെ അകററി​ക്ക​ള​യാൻ സാത്താ​നും അവന്റെ ഭൂതങ്ങ​ളും കഠിന​മാ​യി ശ്രമി​ക്കു​ന്നു. ബൈബി​ളിൽ ദൈവം പറയുന്ന കാര്യങ്ങൾ തങ്ങൾ വിശ്വ​സി​ക്കു​ന്ന​തു​കൊ​ണ്ടു സാത്താന്റെ നുണകളെ പിന്താ​ങ്ങുന്ന വീക്ഷണ​ങ്ങ​ളി​ലും ആചാര​ങ്ങ​ളി​ലും യഹോ​വ​യു​ടെ സാക്ഷികൾ പങ്കുപ​റ​റു​ന്നില്ല.—2 കൊരി​ന്ത്യർ 6:14-18.

തിരു​വെ​ഴു​ത്തു​വി​രു​ദ്ധ​മായ ശവസം​സ്‌കാര രീതികൾ ഒഴിവാ​ക്കു​ന്ന​തു​കൊ​ണ്ടു യഹോ​വ​യു​ടെ സാക്ഷി​കൾക്കു തങ്ങളുടെ വീക്ഷണ​ങ്ങ​ളിൽ പങ്കുപ​റ​റാത്ത ചിലരു​ടെ അപ്രീതി നേരി​ടേ​ണ്ട​താ​യി വന്നിട്ടുണ്ട്‌. ചില സാക്ഷി​കൾക്കു തങ്ങളുടെ കുടും​ബ​സ്വ​ത്തു​പോ​ലും നിഷേ​ധി​ക്ക​പ്പെ​ട്ടി​ട്ടുണ്ട്‌. മററു ചിലർക്ക്‌ അവരുടെ കുടും​ബാം​ഗങ്ങൾ ഭ്രഷ്ടു കൽപ്പി​ച്ചി​ട്ടുണ്ട്‌. എന്നിരു​ന്നാ​ലും, സത്യ​ക്രി​സ്‌ത്യാ​നി​ക​ളെന്ന നിലയിൽ ദൈവ​ത്തോ​ടുള്ള വിശ്വ​സ്‌ത​മായ അനുസ​രണം ലോക​ത്തി​ന്റെ അപ്രീതി കൈവ​രു​ത്തു​മെന്ന്‌ അവർ തിരി​ച്ച​റി​യു​ന്നു. യേശു​ക്രി​സ്‌തു​വി​ന്റെ വിശ്വസ്‌ത അപ്പോ​സ്‌ത​ലൻമാ​രെ​പ്പോ​ലെ “മനുഷ്യ​രെ​ക്കാൾ ദൈവത്തെ അനുസരി”ക്കാൻ അവർ ദൃഢനി​ശ്ചയം ചെയ്‌തി​രി​ക്കു​ന്നു.—പ്രവൃ​ത്തി​കൾ 5:29; യോഹ​ന്നാൻ 17:14.

മരണത്തിൽ നിദ്ര​പ്രാ​പി​ച്ചി​രി​ക്കുന്ന തങ്ങളുടെ പ്രിയ​പ്പെ​ട്ട​വ​രെ​ക്കു​റി​ച്ചുള്ള ഓർമ​കളെ താലോ​ലി​ക്കവേ ജീവി​ച്ചി​രി​ക്കു​ന്ന​വ​രോ​ടു സ്‌നേഹം പ്രകട​മാ​ക്കാൻ സത്യ​ക്രി​സ്‌ത്യാ​നി​കൾ കഠിന​ശ്രമം ചെയ്യുന്നു. ഉദാഹ​ര​ണ​ത്തിന്‌, തന്റെ പിതാവു മരിച്ച​പ്പോൾ ആലിയു അമ്മയെ തന്റെ വീട്ടി​ലേക്കു കൂട്ടി​ക്കൊ​ണ്ടു​വന്ന്‌, അവരുടെ ശേഷിച്ച ജീവി​ത​കാ​ലം അവരെ പോറ​റി​പു​ലർത്തു​ക​യും പരിപാ​ലി​ക്കു​ക​യും ചെയ്‌തു. ജനരഞ്‌ജ​ക​മായ പാരമ്പ​ര്യ​ത്തിന്‌ അനുസ​ര​ണ​മാ​യി തന്റെ അമ്മയെ അടക്കം ചെയ്യാ​ത്തതു നിമിത്തം ആലിയു തന്റെ അമ്മയ്‌ക്കു​വേണ്ടി കരുതി​യില്ല എന്നു മററു​ള്ളവർ പറയു​മ്പോൾ തന്റെ നാട്ടു​കാ​രു​ടെ ഇടയിൽ പൊതു​വാ​യി പറഞ്ഞു​കേൾക്കാ​റുള്ള, “എന്റെ കാൽക്കൽ അന്നം വിളമ്പും മുമ്പ്‌ നിങ്ങ​ളെന്റെ വായ്‌ക്ക്‌ അന്നം തരിക” എന്ന ചൊല്ലാണ്‌ അദ്ദേഹം പരാമർശി​ക്കാറ്‌. വായെ പോഷി​പ്പി​ക്കു​ന്നത്‌, അഥവാ ഒരാൾ ജീവി​ച്ചി​രി​ക്കു​മ്പോൾ അവനു​വേണ്ടി അല്ലെങ്കിൽ അവൾക്കു​വേണ്ടി കരുതു​ന്നത്‌, കാലു​കളെ പോറ​റു​ന്ന​തി​നെ​ക്കാൾ അതായത്‌ ആൾ മരിച്ച​ശേഷം ശവത്തിനു കാവലി​രി​ക്കു​ന്ന​തി​നോ​ടു ബന്ധപ്പെ​ട്ട​തും നേരത്തെ വിവരി​ച്ച​തു​മായ ആചാര​ത്തെ​ക്കാൾ വളരെ​യേറെ പ്രധാ​ന​മാണ്‌. വാസ്‌ത​വ​ത്തിൽ കാലു​കളെ പോറ​റു​ന്നതു മരിച്ച​യാൾക്കു തെല്ലും പ്രയോ​ജനം ചെയ്യു​ന്നില്ല.

ആലിയു തന്റെ വിമർശ​ക​രോട്‌ ഇപ്രകാ​രം ചോദി​ക്കു​ന്നു, ‘നിങ്ങളു​ടെ വയസ്സു​കാ​ലത്തു നിങ്ങളു​ടെ കുടും​ബം നിങ്ങൾക്കു​വേണ്ടി കരുതു​ന്നു, അല്ലെങ്കിൽ നിങ്ങളു​ടെ മരണ​ശേഷം അവർ വലി​യൊ​രു ആഘോഷം നടത്തുന്നു, ഇതി​ലേ​താ​ണു നിങ്ങൾക്കി​ഷ്ടം?’ ജീവ​നോ​ടി​രി​ക്കു​മ്പോൾ പരിപാ​ലനം ലഭിക്കാൻ മിക്കവ​രും ആഗ്രഹി​ച്ചു. മരിക്കു​മ്പോൾ അന്തസ്സുററ രീതി​യിൽ ബൈബി​ള​ധി​ഷ്‌ഠി​ത​മായ ഒരു അനുസ്‌മരണ ശുശ്രൂ​ഷ​യും മാന്യ​മായ ഒരു ശവസം​സ്‌കാ​ര​വും തങ്ങൾക്ക്‌ ലഭിക്കു​മെ​ന്നുള്ള അറിവി​നെ​യും അവർ വിലമ​തി​ക്കു​ന്നു.

തങ്ങളുടെ പ്രിയ​പ്പെ​ട്ട​വർക്കു​വേണ്ടി യഹോ​വ​യു​ടെ സാക്ഷികൾ ചെയ്യാൻ ശ്രമി​ക്കു​ന്നത്‌ അതാണ്‌. അവർ കാൽക്കൽ അന്നം വിളമ്പാ​തെ വായ്‌ക്ക്‌ അന്നം കൊടു​ക്കു​ന്നു.