യഹോ​വ​യു​ടെ സാക്ഷികൾ ഉണർന്നി​രി​ക്കു​ന്ന​തി​ന്റെ കാരണം

“നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നുനി​ങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ.”—മത്തായി 24:42.

1. “ഉണർന്നി​രി​പ്പിൻ” എന്ന ബുദ്ധ്യു​പ​ദേശം ആർക്കാണു ബാധക​മാ​കു​ന്നത്‌?

ദൈവ​ത്തി​ന്റെ സകല ദാസർക്കും—ചെറു​പ്പ​ക്കാ​രോ പ്രായ​മു​ള്ള​വ​രോ പുതു​താ​യി സമർപ്പി​ത​രോ സേവന​ത്തി​ന്റെ ഒരു നീണ്ട ചരി​ത്ര​മു​ള്ള​വ​രോ ആരായാ​ലും ശരി—ബൈബി​ളി​ന്റെ പിൻവ​രുന്ന ബുദ്ധ്യു​പ​ദേശം ബാധക​മാണ്‌: “ഉണർന്നി​രി​പ്പിൻ”! (മത്തായി 24:42) ഇതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

2, 3. (എ) യേശു വ്യക്തമാ​യി വിവരിച്ച അടയാ​ള​മെന്ത്‌, പ്രവച​ന​ത്തി​ന്റെ നിവൃത്തി എന്തു കാണി​ച്ചി​രി​ക്കു​ന്നു? (ബി) മത്തായി 24:42-ൽ പരാമർശി​ച്ചി​രി​ക്കുന്ന ഏതു സാഹച​ര്യം നമ്മുടെ വിശ്വാ​സ​ത്തി​ന്റെ സത്യതയെ പരി​ശോ​ധി​ക്കു​ന്നു, എങ്ങനെ?

² ഭൂമി​യി​ലെ തന്റെ ശുശ്രൂഷ അവസാ​നി​ക്കാ​റാ​യ​പ്പോൾ രാജ്യാ​ധി​കാ​ര​ത്തി​ലുള്ള തന്റെ അദൃശ്യ സാന്നി​ധ്യ​ത്തെ​ക്കു​റിച്ച്‌ യേശു മുൻകൂ​ട്ടി പറഞ്ഞു. (മത്തായി 24-ഉം 25-ഉം അധ്യാ​യങ്ങൾ) തന്റെ രാജകീയ സാന്നി​ധ്യ​ത്തി​ന്റെ സമയം അവിടുന്ന്‌ കൃത്യ​മാ​യി വർണിച്ചു—പ്രവച​ന​നി​വൃ​ത്തി​യാ​യുള്ള സംഭവങ്ങൾ അവിടുന്ന്‌ 1914-ൽ സ്വർഗ​ത്തിൽ രാജാ​വെന്ന നിലയിൽ സിംഹാ​സ​നാ​രൂ​ഢ​നാ​യി എന്നു കാണി​ക്കു​ന്നു. നമ്മുടെ വിശ്വാ​സ​ത്തി​ന്റെ സത്യതയെ അന്നു പരി​ശോ​ധി​ക്കുന്ന ഒരു സാഹച​ര്യ​മു​ണ്ടാ​യി​രി​ക്കു​മെ​ന്നും അവിടുന്ന്‌ ചൂണ്ടി​ക്കാ​ട്ടി. ഈ സന്ദർഭം വധാധി​കൃ​ത​നെന്ന നിലയിൽ യേശു​ക്രി​സ്‌തു ഈ ദുഷ്ടവ്യ​വ​സ്ഥി​തി​യെ മഹോ​പ​ദ്ര​വ​ത്തിൽ നശിപ്പി​ക്കു​ന്ന​തി​നോ​ടു ബന്ധപ്പെ​ട്ട​താണ്‌. ആ സന്ദർഭത്തെ പരാമർശി​ച്ചു​കൊ​ണ്ടു യേശു ഇപ്രകാ​രം പറഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല.” അതു മനസ്സിൽ വെച്ചു​കൊ​ണ്ടാണ്‌ “നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നു നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ” എന്നു യേശു പറഞ്ഞത്‌.—മത്തായി 24:36, 42.

³ മഹോ​പ​ദ്രവം ഏതു നാളിൽ, ഏതു നാഴി​ക​യിൽ തുടങ്ങും എന്നു നമുക്ക​റി​ഞ്ഞു​കൂ​ടാ. ആ സ്ഥിതിക്ക്‌ ക്രിസ്‌ത്യാ​നി​ക​ളെന്നു നാം അവകാ​ശ​പ്പെ​ടു​ന്നെ​ങ്കിൽ ഓരോ ദിവസ​വും സത്യ​ക്രി​സ്‌ത്യാ​നി​ക​ളാ​യി ജീവി​ക്കേ​ണ്ടത്‌ ആവശ്യ​മാണ്‌. മഹോ​പ​ദ്രവം വന്നെത്തു​മ്പോൾ നിങ്ങളു​ടെ ജീവി​ത​രീ​തി​യിൽ കർത്താവ്‌ പ്രസന്ന​നാ​യി​രി​ക്കു​മോ? അതല്ല മരണമാണ്‌ ആദ്യം സംഭവി​ക്കു​ന്ന​തെ​ങ്കിൽ നിങ്ങളു​ടെ ഇപ്പോ​ഴത്തെ ജീവി​ത​ത്തി​ന്റെ അവസാ​നം​വരെ യഹോ​വയെ വിശ്വ​സ്‌ത​ത​യോ​ടെ സേവി​ച്ചി​ട്ടുള്ള ഒരാളാ​ണു നിങ്ങ​ളെന്ന്‌ അവിടുന്ന്‌ ഓർമി​ക്കാൻ വകയു​ണ്ടോ?—മത്തായി 24:13; വെളി​പ്പാ​ടു 2:10.

ആദിമ ശിഷ്യർ ഉണർന്നി​രി​ക്കാൻ പരി​ശ്ര​മി​ച്ചു

4. ആത്മീയ​മാ​യി ഉണർന്നി​രി​ക്കു​ന്നതു സംബന്ധിച്ച്‌ യേശു​വി​ന്റെ മാതൃ​ക​യിൽനി​ന്നു നമുക്ക്‌ എന്തു പഠിക്കാ​നാ​കും?

⁴ ആത്മീയ​മാ​യി ഉണർന്നി​രി​ക്കു​ന്ന​തി​നു യേശു​തന്നെ ഏററവും നല്ല മാതൃക വെച്ചു. അവിടുന്ന്‌ തന്റെ പിതാ​വി​നോ​ടു കൂടെ​ക്കൂ​ടെ​യും മുട്ടി​പ്പാ​യും പ്രാർഥി​ച്ചു. (ലൂക്കൊസ്‌ 6:12; 22:42-44) പരി​ശോ​ധ​ന​കളെ അഭിമു​ഖീ​ക​രി​ച്ച​പ്പോൾ അവിടുന്ന്‌ തിരു​വെ​ഴു​ത്തു​ക​ളിൽ അടങ്ങി​യി​രി​ക്കുന്ന മാർഗ​ദർശ​ന​ത്തിൽ ശക്തമായി ആശ്രയി​ച്ചു. (മത്തായി 4:3-10; 26:52-54) യഹോവ നിയോ​ഗി​ച്ചി​രുന്ന വേലയിൽനി​ന്നു വ്യതി​ച​ലി​ക്കാ​തി​രി​ക്കു​വാൻ അവിടുന്ന്‌ ശ്രദ്ധിച്ചു. (ലൂക്കൊസ്‌ 4:40-44; യോഹ​ന്നാൻ 6:15) യേശു​വി​ന്റെ അനുഗാ​മി​ക​ളെന്നു സ്വയം കരുതി​യവർ അതേമാ​തി​രി ജാഗ്രത പാലി​ക്കു​മാ​യി​രു​ന്നോ?

5. (എ) ആത്മീയ സമനില നിലനിർത്തു​ന്ന​തിൽ യേശു​വി​ന്റെ അപ്പോ​സ്‌ത​ലൻമാർ ബുദ്ധി​മു​ട്ട​നു​ഭ​വി​ക്കാൻ കാരണ​മെന്ത്‌? (ബി) പുനരു​ത്ഥാ​ന​ത്തി​നു​ശേഷം യേശു തന്റെ അപ്പോ​സ്‌ത​ലൻമാർക്ക്‌ എന്തു സഹായം നൽകി?

⁵ ചില​പ്പോ​ഴെ​ല്ലാം യേശു​വി​ന്റെ അപ്പോ​സ്‌ത​ലൻമാർപോ​ലും വ്യതി​ച​ലി​ക്കു​ക​യു​ണ്ടാ​യി. ജിജ്ഞാ​സ​യു​ടെ​യും തെററായ ആശയങ്ങ​ളു​ടെ​യും ഫലമായി അവർക്കു നിരാശ അടയേ​ണ്ടി​വന്നു. (ലൂക്കൊസ്‌ 19:11; പ്രവൃ​ത്തി​കൾ 1:6) യഹോ​വ​യിൽ പൂർണ​മാ​യി ആശ്രയി​ക്കാൻ പഠിക്കു​ന്ന​തി​നു​മുമ്പ്‌ പെട്ടെ​ന്നുള്ള പരി​ശോ​ധ​നകൾ അവരെ വിഭ്രാ​ന്തി​യി​ലാ​ക്കി. അതു​കൊണ്ട്‌, യേശു​വി​നെ അറസ്‌ററു ചെയ്‌ത​പ്പോൾ അവിടു​ത്തെ അപ്പോ​സ്‌ത​ലൻമാർ ഓടി​പ്പോ​യി. പിന്നീട്‌ ആ രാത്രി​യിൽ ഭയംമൂ​ലം പത്രോസ്‌ തനിക്കു ക്രിസ്‌തു​വി​നെ അറിയാ​മെ​ന്ന​കാ​ര്യം ആവർത്തി​ച്ചാ​വർത്തി​ച്ചു തള്ളിപ്പ​റഞ്ഞു. “ഉണർന്നി​രു​ന്നു പ്രാർത്ഥി​പ്പിൻ” എന്ന യേശു​വി​ന്റെ ബുദ്ധ്യു​പ​ദേശം അപ്പോ​സ്‌ത​ലൻമാർ അതുവ​രേ​ക്കും ഹൃദയ​ത്തിൽ ഉൾക്കൊ​ണ്ടി​രു​ന്നില്ല. (മത്തായി 26:41, 55, 56, 69-75) അവരുടെ വിശ്വാ​സം ബലപ്പെ​ടു​ത്തു​ന്ന​തി​നു തന്റെ പുനരു​ത്ഥാ​ന​ത്തി​നു​ശേഷം യേശു തിരു​വെ​ഴു​ത്തു​കൾ ഉപയോ​ഗി​ച്ചു. (ലൂക്കൊസ്‌ 24:44-48) തങ്ങളെ ഏൽപ്പി​ച്ചി​രി​ക്കുന്ന വേലയ്‌ക്കു ചിലർ രണ്ടാം സ്ഥാനം നൽകു​ന്ന​താ​യി കണ്ടപ്പോൾ കൂടുതൽ പ്രധാ​ന​മായ വേലയിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തിന്‌ യേശു അവരുടെ പ്രചോ​ദ​നത്തെ ശക്തി​പ്പെ​ടു​ത്തി.—യോഹ​ന്നാൻ 21:15-17.

6. ഏതു രണ്ടു കെണി​കൾക്കെ​തി​രെ​യാണ്‌ യേശു അപ്പോ​സ്‌ത​ലൻമാർക്കു നേരത്തെ മുന്നറി​യി​പ്പു നൽകി​യത്‌?

⁶ ലോക​ത്തി​ന്റെ ഭാഗമാ​യി​രി​ക്ക​രു​തെന്നു യേശു തന്റെ ശിഷ്യൻമാർക്കു നേരത്തെ താക്കീതു നൽകി​യി​രു​ന്നു. (യോഹ​ന്നാൻ 15:19) അവർ പരസ്‌പരം കർത്തൃ​ത്വം നടത്തരു​തെ​ന്നും മറിച്ച്‌, സഹോ​ദ​രൻമാ​രെന്ന നിലയിൽ ഒന്നിച്ചു സേവി​ക്ക​ണ​മെ​ന്നും അവിടുന്ന്‌ അവരെ ഉപദേ​ശി​ച്ചു. (മത്തായി 20:25-27; 23:8-12) അവർ അവിടു​ത്തെ ബുദ്ധ്യു​പ​ദേശം കൈ​ക്കൊ​ണ്ടോ? അവിടുന്ന്‌ അവർക്കു ചെയ്യാൻ നൽകിയ വേല അവർ മുൻപ​ന്തി​യിൽ വെച്ചു​വോ?

7, 8. (എ) ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളു​ടെ ചരിത്രം അവർ യേശു​വി​ന്റെ ബുദ്ധ്യു​പ​ദേശം ഹൃദയ​ത്തി​ലുൾക്കൊ​ണ്ടി​രു​ന്നു​വെന്നു പ്രകട​മാ​ക്കു​ന്ന​തെ​ങ്ങനെ? (ബി) ആത്മീയ​മാ​യി നിതാന്ത ജാഗ്രത പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

⁷ അപ്പോ​സ്‌ത​ലൻമാർ ജീവി​ച്ചി​രു​ന്നി​ട​ത്തോ​ളം കാലം സഭയെ അവർ സംരക്ഷി​ച്ചു. ആദ്യകാല ക്രിസ്‌ത്യാ​നി​കൾ റോമാ​സാ​മ്രാ​ജ്യ​ത്തി​ലെ രാഷ്‌ട്രീയ കാര്യ​ങ്ങ​ളിൽ ഉൾപ്പെ​ട്ടി​രു​ന്നി​ല്ലെ​ന്നും അവർക്ക്‌ ഉന്നത പുരോ​ഹി​ത​വർഗം ഉണ്ടായി​രു​ന്നി​ല്ലെ​ന്നും ചരിത്രം സാക്ഷ്യ​പ്പെ​ടു​ത്തു​ന്നു. നേരെ​മ​റിച്ച്‌ അവർ ദൈവ​രാ​ജ്യ​ത്തി​ന്റെ തീക്ഷ്‌ണ​ത​യുള്ള പ്രഘോ​ഷ​ക​രാ​യി​രു​ന്നു. ഒന്നാം നൂററാ​ണ്ടി​ന്റെ അവസാ​ന​ത്തോ​ടു​കൂ​ടി അവർ റോമാ​സാ​മ്രാ​ജ്യ​ത്തു​ട​നീ​ളം സാക്ഷ്യം നൽകി. ഏഷ്യയി​ലും യൂറോ​പ്പി​ലും ഉത്തരാ​ഫ്രി​ക്ക​യി​ലും ശിഷ്യരെ ഉളവാ​ക്കു​ക​യും ചെയ്‌തു.—കൊ​ലൊ​സ്സ്യർ 1:23.

⁸ എന്നുവ​രി​കി​ലും പ്രസം​ഗ​ത്തി​ലെ ആ നേട്ടങ്ങൾ മേലാൽ ആത്മീയ​മാ​യി ഉണർന്നി​രി​ക്കേ​ണ്ട​യാ​വ​ശ്യ​മി​ല്ലെന്ന്‌ അർഥമാ​ക്കി​യില്ല. യേശു​വി​ന്റെ മുൻകൂ​ട്ടി​പ്പറഞ്ഞ വരവ്‌ അപ്പോ​ഴും വളരെ വിദൂര ഭാവി​യി​ലാ​യി​രു​ന്നു. സഭ പൊ.യു. (പൊതു​യു​ഗം) രണ്ടാം നൂററാ​ണ്ടിൽ പ്രവേ​ശി​ച്ച​തോ​ടെ ക്രിസ്‌ത്യാ​നി​ക​ളു​ടെ ആത്മീയ​തയെ അപകട​ത്തി​ലാ​ക്കിയ സാഹച​ര്യ​ങ്ങൾ ഉയർന്നു​വന്നു. അതെങ്ങനെ?

ജാഗ്രത വെടി​ഞ്ഞ​വർ

9, 10. (എ) അപ്പോ​സ്‌ത​ലൻമാ​രു​ടെ മരണ​ശേഷം, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ട​വ​രിൽ അനേക​രും ഉണർന്നി​രി​ക്കു​ക​യ​ല്ലാ​യി​രു​ന്നു എന്ന്‌ ഏതു സംഭവ വികാ​സങ്ങൾ പ്രകട​മാ​ക്കി? (ബി) ഖണ്ഡിക​യിൽ പരാമർശി​ച്ചി​രി​ക്കുന്ന ഏതു തിരു​വെ​ഴു​ത്തു​കൾ ആത്മീയ​മാ​യി ശക്തരാ​യി​രി​ക്കു​ന്ന​തി​നു ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ട​വരെ സഹായി​ക്കു​മാ​യി​രു​ന്നു?

⁹ സഭയി​ലേക്കു വന്ന ചിലർ തങ്ങൾ പ്രസം​ഗി​ച്ച​കാ​ര്യ​ങ്ങൾ ലോക​ത്തി​ലെ ആളുകൾക്കു കൂടുതൽ സ്വീകാ​ര്യ​മാ​യി​രി​ക്കേ​ണ്ട​തി​നു തങ്ങളുടെ വിശ്വാ​സ​ങ്ങളെ ഗ്രീക്കു തത്ത്വശാ​സ്‌ത്ര​ത്തോ​ടു ബന്ധപ്പെ​ടു​ത്തി പ്രകട​മാ​ക്കാൻ തുടങ്ങി. കാല​ക്ര​മേണ, ത്രിത്വ​വും ആത്മാവി​ന്റെ സഹജമായ അമർത്ത്യ​ത​യും പോലുള്ള വിജാ​തീയ പഠിപ്പി​ക്ക​ലു​കൾ ക്രിസ്‌ത്യാ​നി​ത്വ​ത്തി​ന്റെ ദുഷിച്ച രൂപത്തി​ന്റെ ഭാഗമാ​യി​ത്തീർന്നു. ഇത്‌ ആയിര വർഷ പ്രത്യാശ ഉപേക്ഷി​ക്കു​ന്ന​തി​ലേക്കു നയിച്ചു. എന്തു​കൊണ്ട്‌? ആത്മാവി​ന്റെ അമർത്ത്യ​ത​യിൽ വിശ്വാ​സം വെച്ചവർ ക്രിസ്‌തു​വി​ന്റെ ഭരണത്തി​ന്റെ അനു​ഗ്ര​ഹങ്ങൾ എല്ലാം മനുഷ്യ​ശ​രീ​രത്തെ അതിജീ​വി​ക്കുന്ന ആത്മാവിന്‌ ആത്മമണ്ഡ​ല​ത്തിൽ നേടാൻ കഴിയും എന്നു നിഗമനം ചെയ്‌തു. അതു​കൊണ്ട്‌ ക്രിസ്‌തു​വി​ന്റെ സാന്നി​ധ്യ​ത്തി​നും അവിടു​ത്തെ രാജ്യ​ത്തി​ന്റെ ആഗമന​ത്തി​നും വേണ്ടി ഉണർന്നി​രി​ക്കേ​ണ്ട​യാ​വ​ശ്യ​മി​ല്ലെന്ന്‌ അവർ കണക്കാക്കി.—താരത​മ്യം ചെയ്യുക: ഗലാത്യർ 5:7-9; കൊ​ലൊ​സ്സ്യർ 2:8; 1 തെസ്സ​ലൊ​നീ​ക്യർ 5:21.

¹⁰ ഈ സാഹച​ര്യം മററു സംഭവ​വി​കാ​സ​ങ്ങ​ളാൽ കൂടുതൽ ശക്തമാ​യി​ത്തീർന്നു. ക്രിസ്‌തീയ മേൽവി​ചാ​ര​കൻമാർ എന്നവകാ​ശ​പ്പെട്ട ചിലർ തങ്ങൾക്കു​തന്നെ പ്രാമു​ഖ്യത സമ്പാദി​ക്കാ​നുള്ള ഒരു മാർഗ​മാ​യി തങ്ങളുടെ സഭകളെ ഉപയോ​ഗി​ച്ചു. അവർ തന്ത്രപൂർവം തങ്ങളുടെ സ്വന്തം ആശയങ്ങൾക്കും പഠിപ്പി​ക്ക​ലു​കൾക്കും തിരു​വെ​ഴു​ത്തു​കൾക്കു തുല്യ​മോ അതിലും ഉന്നതമോ ആയ മൂല്യം കൽപ്പിച്ചു. അവസരം ലഭ്യമാ​യ​പ്പോൾ ഈ വിശ്വാ​സ​ര​ഹി​ത​മായ സഭ രാഷ്‌ട്ര​ത്തി​ന്റെ ഭരണസം​ബ​ന്ധ​മായ താത്‌പ​ര്യ​ങ്ങൾക്കു​ത​കും​വി​ധം സ്വയം ഏൽപ്പി​ച്ചു​കൊ​ടു​ത്തു.—പ്രവൃ​ത്തി​കൾ 20:30; 2 പത്രൊസ്‌ 2:1, 3.

വർധിച്ച ജാഗ്ര​ത​യു​ടെ ഫലങ്ങൾ

11, 12. പ്രൊ​ട്ട​സ്‌റ​റൻറ്‌ പരിഷ്‌ക​രണം സത്യാ​രാ​ധ​ന​യി​ലേ​ക്കുള്ള ഒരു തിരി​ച്ചു​വ​ര​വി​നെ കുറി​ക്കാ​തി​രു​ന്നത്‌ എന്തു​കൊണ്ട്‌?

¹¹ റോമൻ കത്തോ​ലി​ക്കാ സഭയുടെ പക്ഷത്തു​നി​ന്നുള്ള നൂററാ​ണ്ടു​ക​ളാ​യുള്ള ഉപദ്ര​വ​ത്തി​നു​ശേഷം 16-ാം നൂററാ​ണ്ടിൽ ചില പരിഷ്‌കർത്താ​ക്കൾ തങ്ങളുടെ സ്വാത​ന്ത്ര്യ​വും ജീവനും അപകട​പ്പെ​ടു​ത്തി​ക്കൊ​ണ്ടു​പോ​ലും തുറന്ന​ടി​ച്ചു സംസാ​രി​ച്ചു. എന്നാൽ ഇതു സത്യാ​രാ​ധ​ന​യി​ലേ​ക്കുള്ള തിരി​ച്ചു​വ​ര​വി​നെ കുറി​ച്ചില്ല. എന്തു​കൊ​ണ്ടില്ല?

¹² വിവിധ പ്രൊ​ട്ട​സ്‌റ​റൻറ്‌ വിഭാ​ഗങ്ങൾ റോമി​ന്റെ അധികാ​ര​ത്തിൽനി​ന്നു വിടുതൽ നേടി​യെ​ങ്കി​ലും അവർ വിശ്വാ​സ​ത്യാ​ഗ​ത്തി​ന്റെ അനേകം അടിസ്ഥാന പഠിപ്പി​ക്ക​ലു​ക​ളും ആചാര​ങ്ങ​ളും തങ്ങളോ​ടൊ​പ്പം കൊണ്ടു​പോ​യി. അവയിൽ ചിലത്‌ പുരോ​ഹിത-അൽമായ സങ്കൽപ്പം, ത്രിത്വ​ത്തി​ലുള്ള വിശ്വാ​സം, ആത്മാവി​ന്റെ അമർത്ത്യത, മരണാ​നന്തര നിത്യ​ദ​ണ്ഡനം എന്നിവ​യാണ്‌. റോമൻ കത്തോ​ലി​ക്കാ സഭയെ​പ്പോ​ലെ അവർ രാഷ്‌ട്രീയ ഘടകങ്ങ​ളു​മാ​യി അടുത്ത സഖ്യം പുലർത്തി​ക്കൊ​ണ്ടു ലോക​ത്തി​ന്റെ ഭാഗമാ​യി​രി​ക്കു​ന്ന​തിൽ തുടർന്നു. അതു​കൊണ്ട്‌ അവർ രാജാ​വെ​ന്ന​നി​ല​യി​ലുള്ള ക്രിസ്‌തു​വി​ന്റെ വരവിന്റെ ഏതു പ്രതീ​ക്ഷ​യെ​യും തള്ളിക്ക​ള​യാ​നുള്ള പ്രവണത കാട്ടി.

13. (എ) ചിലർ ദൈവ​വ​ച​നത്തെ യഥാർഥ നിധി​പോ​ലെ കാത്തു​കൊ​ണ്ടു​വെന്നു തെളി​യി​ക്കു​ന്ന​തെന്ത്‌? (ബി) 19-ാം നൂററാ​ണ്ടിൽ ക്രിസ്‌ത്യാ​നി​കൾ എന്ന്‌ അവകാ​ശ​പ്പെട്ട ചിലരിൽ പ്രത്യേ​കം താത്‌പ​ര്യം ജനിപ്പിച്ച എന്തു സംഭവം ഉണ്ടായി? (സി)  അനേക​രും നിരാ​ശ​യ​ട​ഞ്ഞ​തി​നു കാരണ​മെന്ത്‌?

¹³ എന്നിരു​ന്നാ​ലും, അപ്പോ​സ്‌ത​ലൻമാ​രു​ടെ മരണാ​ന​ന്തരം രാജ്യ​ത്തി​ന്റെ യഥാർഥ അവകാ​ശി​കൾ (അവിടുന്ന്‌ ഗോത​മ്പി​നോട്‌ ഉപമി​ച്ചവർ) കൊയ്‌ത്തു​വരെ വ്യാജ ക്രിസ്‌ത്യാ​നി​ക​ളോ​ടൊ​പ്പം (അഥവാ കളക​ളോ​ടൊ​പ്പം) തുടരു​മാ​യി​രു​ന്നു എന്നു യേശു മുൻകൂ​ട്ടി​പ്പ​റ​ഞ്ഞി​രു​ന്നു. (മത്തായി 13:29, 30) യജമാനൻ ഗോത​മ്പെന്നു വീക്ഷിച്ച മുഴുവൻ പേരേ​യും നമുക്ക്‌ എന്തെങ്കി​ലും ഉറപ്പോ​ടെ പട്ടിക​പ്പെ​ടു​ത്താ​നാ​വില്ല. എന്നാൽ 14 മുതൽ 16 വരെയുള്ള നൂററാണ്ടുകളിൽ തങ്ങളുടെ ജീവനും സ്വാത​ന്ത്ര്യ​വും പണയ​പ്പെ​ടു​ത്തി​ക്കൊ​ണ്ടു ബൈബിൾ സാമാ​ന്യ​ജ​ന​ത്തി​ന്റെ ഭാഷയി​ലാ​ക്കു​ന്ന​തി​നു തങ്ങളെ​ത്തന്നെ സമർപ്പിച്ച ആളുക​ളു​ണ്ടാ​യി​രു​ന്നു എന്നതു ശ്രദ്ധേ​യം​തന്നെ. മററു ചിലർ ബൈബി​ളി​നെ ദൈവ​വ​ച​ന​മാ​യി സ്വീക​രി​ക്കു​ക​മാ​ത്രമല്ല ത്രിത്വ​ത്തെ തിരു​വെ​ഴു​ത്തു​വി​രു​ദ്ധ​മാ​യി തള്ളിക്ക​ള​യു​ക​യും ചെയ്‌തു. ആത്മാവി​ന്റെ അമർത്ത്യ​ത​യി​ലും തീനര​ക​ത്തി​ലെ ദണ്ഡനത്തി​ലു​മുള്ള വിശ്വാ​സം ദൈവ​വ​ച​ന​ത്തി​നു വിരു​ദ്ധ​മാ​ണെ​ന്നു​പ​റഞ്ഞ്‌ ചിലർ അതും തള്ളിക്ക​ളഞ്ഞു. കൂടാതെ, 19-ാം നൂററാ​ണ്ടിൽ, ബൈബി​ളി​ന്റെ വർധിച്ച പഠനത്തി​ന്റെ ഫലമായി ഐക്യ​നാ​ടു​ക​ളി​ലും ഇംഗ്ലണ്ടി​ലും ജർമനി​യി​ലും റഷ്യയി​ലും പല കൂട്ടങ്ങൾ ക്രിസ്‌തു​വി​ന്റെ തിരി​ച്ചു​വ​ര​വി​നുള്ള സമയം ആസന്നമാ​യി​രു​ന്നെ​ന്നുള്ള ബോധ്യം പ്രകട​മാ​ക്കാൻ തുടങ്ങി. എന്നാൽ അവരിൽ മിക്കവ​രു​ടെ​യും പ്രതീ​ക്ഷകൾ നിരാ​ശ​യിൽ കലാശി​ച്ചു. എന്തു​കൊണ്ട്‌? അതിന്റെ മുഖ്യ കാരണം മതിയായ അളവിൽ അവർ തിരു​വെ​ഴു​ത്തു​ക​ളിൽ ആശ്രയി​ക്കാ​തെ മനുഷ്യ​രിൽ അമിത​മാ​യി ആശ്രയി​ച്ചു എന്നതാണ്‌.

ഇവർ ജാഗ്ര​ത​യു​ള്ള​വ​രാ​ണെന്നു തെളി​യി​ച്ച​വി​ധം

14. ബൈബി​ള​ധ്യ​യ​ന​ത്തി​ന്റെ സംഗതി​യിൽ സി. ററി. റസ്സലും അദ്ദേഹ​ത്തി​ന്റെ സ്‌നേ​ഹി​ത​രും കൈ​ക്കൊണ്ട സമീപനം വിവരി​ക്കുക.

¹⁴ പിന്നീട്‌, 1870-ൽ ചാൾസ്‌ റെറയ്‌സ്‌ റസ്സലും അദ്ദേഹ​ത്തി​ന്റെ ചില സ്‌നേ​ഹി​ത​രും പെൻസിൽവേ​നി​യാ​യി​ലെ അലി​ഗെ​നി​യിൽ ബൈബിൾ പഠനത്തി​നു​വേണ്ടി ഒരു സംഘം രൂപീ​ക​രി​ച്ചു. തങ്ങൾ കൈ​ക്കൊണ്ട ബൈബിൾ സത്യങ്ങ​ളി​ല​നേ​ക​വും ആദ്യമാ​യി വിവേ​ചി​ച്ച​റി​ഞ്ഞത്‌ അവരല്ലാ​യി​രു​ന്നു, എന്നാൽ പഠിക്കു​മ്പോൾ, ചർച്ച​ചെ​യ്യ​പ്പെ​ടുന്ന ചോദ്യ​ത്തെ സംബന്ധി​ച്ചുള്ള സകല തിരു​വെ​ഴു​ത്തു​ക​ളും പരി​ശോ​ധി​ക്കുക എന്നത്‌ അവർ ഒരു ശീലമാ​ക്കി​ത്തീർത്തു.a മുൻനിർണ​യിച്ച ഒരാശ​യ​ത്തി​നു​വേണ്ടി തിരു​വെ​ഴു​ത്തു തെളി​വു​കൾ കണ്ടെത്തുക എന്നതല്ലാ​യി​രു​ന്നു അവരുടെ ഉദ്ദേശ്യം, മറിച്ച്‌, ഒരു കാര്യ​ത്തെ​ക്കു​റി​ച്ചു ബൈബിൾ പറഞ്ഞ സകലത്തി​നോ​ടു​മുള്ള യോജി​പ്പി​ലാ​ണോ തങ്ങൾ നിഗമ​നങ്ങൾ ചെയ്‌ത​തെന്നു തീർച്ച​പ്പെ​ടു​ത്തുക എന്നതാ​യി​രു​ന്നു.

15. (എ) റസ്സൽ സഹോ​ദ​രനു പുറമേ വേറെ ചിലർ തിരി​ച്ച​റിഞ്ഞ വസ്‌തുത എന്ത്‌? (ബി) ബൈബിൾ വിദ്യാർഥി​കളെ ഇവരിൽനി​ന്നു വ്യത്യ​സ്‌ത​രാ​ക്കി​യ​തെന്ത്‌?

¹⁵ ക്രിസ്‌തു ഒരാത്മാ​വെ​ന്ന​നി​ല​യിൽ അദൃശ്യ​നാ​യി തിരി​ച്ചു​വ​രു​മെന്ന്‌ അവർക്കു മുമ്പു മറേറ​താ​നും പേർ തിരി​ച്ച​റി​ഞ്ഞി​രു​ന്നു. ക്രിസ്‌തു​വി​ന്റെ തിരി​ച്ചു​വ​ര​വി​ന്റെ ഉദ്ദേശ്യം ഭൂമിയെ ചുട്ടെ​രി​ച്ചു മുഴു​മ​നു​ഷ്യ​ജീ​വ​നെ​യും തുടച്ചു​നീ​ക്കു​ക​യെ​ന്നതല്ല മറിച്ച്‌, ഭൂമി​യി​ലെ മുഴു​കു​ടും​ബ​ങ്ങ​ളെ​യും അനു​ഗ്ര​ഹി​ക്കുക എന്നതാ​ണെന്നു ചിലർ ഗ്രഹി​ച്ചി​രു​ന്നു. 1914 എന്ന വർഷം വിജാ​തീ​യ​രു​ടെ കാലങ്ങ​ളു​ടെ അവസാ​ന​ത്തെ​ക്കു​റി​ക്കു​മെന്നു തിരി​ച്ച​റി​ഞ്ഞി​രുന്ന ഏതാനും ചിലർപോ​ലും ഉണ്ടായി​രു​ന്നു. എന്നാൽ റസ്സൽ സഹോ​ദ​ര​നു​മാ​യി സഹവസിച്ച ബൈബിൾ വിദ്യാർഥി​കൾക്ക്‌ ഇവ ദൈവ​ശാ​സ്‌ത്ര ചർച്ചക്കുള്ള ആശയങ്ങ​ളെ​ക്കാൾ കവിഞ്ഞ​താ​യി​രു​ന്നു. ഈ സത്യങ്ങളെ അവർ തങ്ങളുടെ ജീവി​ത​ത്തി​ന്റെ അടിസ്ഥാ​ന​മാ​യി കരുതു​ക​യും അവയ്‌ക്ക്‌ ആ യുഗത്തിൽ മുമ്പി​ല്ലാഞ്ഞ അളവിൽ സാർവ​ദേ​ശീയ പ്രചാരം നൽകു​ക​യും ചെയ്‌തു.

16. “നാം ഒരു പരി​ശോ​ധനാ കാലഘ​ട്ട​ത്തി​ലാണ്‌” എന്ന്‌ 1914-ൽ റസ്സൽ സഹോ​ദരൻ എഴുതാൻ കാരണ​മെന്ത്‌?

¹⁶ എന്നിരു​ന്നാ​ലും അപ്പോ​ഴും അവർ ഉണർന്നി​രി​ക്കേണ്ട ആവശ്യ​മു​ണ്ടാ​യി​രു​ന്നു. എന്തു​കൊണ്ട്‌? ഒരു ഉദാഹ​രണം പറഞ്ഞാൽ, 1914 ബൈബിൾ പ്രവച​ന​ത്താൽ അടയാളം കുറി​ക്ക​പ്പെ​ട്ട​താ​ണെന്ന്‌ അവർ അറിഞ്ഞി​രു​ന്നെ​ങ്കി​ലും ആ വർഷത്തിൽ എന്തു സംഭവി​ക്കു​മെന്ന്‌ അവർക്കു കൃത്യ​മാ​യി അറിയി​ല്ലാ​യി​രു​ന്നു. ഇത്‌ അവരെ സംബന്ധി​ച്ചി​ട​ത്തോ​ളം ഒരു പരി​ശോ​ധ​നയെ അർഥമാ​ക്കി. 1914 നവംബർ 1-ലെ ദ വാച്ച്‌ ടവറിൽ റസ്സൽ സഹോ​ദരൻ ഇങ്ങനെ എഴുതി: “നാം ഒരു പരി​ശോ​ധനാ കാലഘ​ട്ട​ത്തി​ലാ​ണെന്ന ഓർമ നമുക്കു​ണ്ടാ​യി​രി​ക്കട്ടെ. . . . കർത്താ​വി​നെ​യും അവിടു​ത്തെ സത്യ​ത്തെ​യും ത്യജി​ക്കു​ന്ന​തി​ലേ​ക്കും കർത്താ​വി​നു​വേണ്ട ത്യാഗ​ങ്ങ​ള​നു​ഷ്‌ഠി​ക്കു​ന്നതു നിർത്തു​ന്ന​തി​ലേ​ക്കും നയിക്കുന്ന എന്തെങ്കിലും കാരണ​മു​ണ്ടെ​ങ്കിൽ, കർത്താ​വി​ലുള്ള താത്‌പ​ര്യം ഉളവാ​ക്കി​യത്‌ ഹൃദയ​ത്തി​ലെ ദൈവ​സ്‌നേ​ഹമല്ല, മറിച്ച്‌ മറെറ​ന്തോ ആണ്‌; ഒരുപക്ഷേ കാലം ചുരു​ങ്ങി​യ​താ​യി​രു​ന്നെന്ന പ്രതീ​ക്ഷ​യാ​യി​രി​ക്കാം; അല്ലെങ്കിൽ സമർപ്പണം ഒരു നിശ്ചി​ത​കാ​ല​ത്തേക്കു മാത്ര​മാ​യി​രു​ന്നി​രി​ക്കാം.”

17. എ. എച്ച്‌. മാക്‌മി​ല്ല​നും അദ്ദേഹ​ത്തെ​പ്പോ​ലെ​തന്നെ മററു​ള്ള​വ​രും ആത്മീയ​മാ​യി സമനില പാലി​ച്ചത്‌ എപ്രകാ​ര​മാണ്‌?

¹⁷ അന്നു ചിലർ യഹോ​വ​യു​ടെ സേവനം ഉപേക്ഷി​ച്ചു. എന്നാൽ അങ്ങനെ ചെയ്യാ​തി​രു​ന്ന​വ​രിൽ ഒരുവ​നാ​യി​രു​ന്നു എ. എച്ച്‌. മാക്‌മി​ല്ലൻ. വർഷങ്ങൾക്കു​ശേഷം അദ്ദേഹം ഒട്ടും മറച്ചു​വെ​ക്കാ​തെ ഇങ്ങനെ സമ്മതിച്ചു: “ചില​പ്പോൾ ചില തീയതി​ക​ളെ​ക്കു​റി​ച്ചുള്ള ഞങ്ങളുടെ പ്രതീ​ക്ഷകൾ തിരു​വെ​ഴു​ത്തു​കൾ നൽകുന്ന ഉറപ്പി​നു​മ​പ്പു​റ​മാ​യി​രു​ന്നു.” അപ്പോൾ ആത്മീയ സമനില കാക്കാൻ അദ്ദേഹത്തെ സഹായി​ച്ചത്‌ എന്തായി​രു​ന്നു? അദ്ദേഹം സമ്മതി​ച്ച​പ്ര​കാ​രം, “ആ പ്രതീ​ക്ഷകൾ നിവൃ​ത്തി​യാ​കാ​തെ പോയ​പ്പോൾ അതു ദൈവ​ഹി​ത​ത്തി​നു മാററം വരുത്തി​യില്ല” എന്ന വസ്‌തുത അദ്ദേഹം തിരി​ച്ച​റി​ഞ്ഞു. അദ്ദേഹം ഇങ്ങനെ​യും കൂട്ടി​ച്ചേർത്തു: “നാം നമ്മുടെ പിശകു​കൾ സമ്മതി​ക്ക​ണ​മെ​ന്നും കൂടുതൽ ഉദ്‌ബോ​ധ​ന​ത്തി​നു​വേണ്ടി ദൈവ​വ​ച​ന​ത്തിൽ തുടർന്ന്‌ അന്വേ​ഷി​ച്ചു​കൊ​ണ്ടി​രി​ക്ക​ണ​മെ​ന്നും ഞാൻ മനസ്സി​ലാ​ക്കി.”b ആ ആദ്യകാല ബൈബിൾ വിദ്യാർഥി​കൾ ദൈവ​വ​ചനം പറയു​ന്ന​പ്ര​കാ​രം തങ്ങളുടെ വീക്ഷണ​ഗതി വിനയ​പൂർവം മാററി.—2 തിമൊ​ഥെ​യൊസ്‌ 3:16, 17.

18. ലോക​ത്തി​ന്റെ ഭാഗമ​ല്ലാ​തി​രി​ക്കുന്ന കാര്യ​ത്തിൽ കൈ​ക്കൊണ്ട ക്രിസ്‌തീയ ജാഗ്രത ക്രമാ​നു​ഗ​ത​മായ പുരോ​ഗതി കൈവ​രു​ത്തി​യത്‌ എങ്ങനെ?

¹⁸ പിൽക്കാല വർഷങ്ങ​ളിൽ, ഉണർന്നി​രി​ക്കേ​ണ്ട​തി​ന്റെ ആവശ്യം കുറഞ്ഞു​പോ​യില്ല. ക്രിസ്‌ത്യാ​നി​കൾ ലോക​ത്തി​ന്റെ ഭാഗമാ​യി​രി​ക്ക​രു​തെന്നു തീർച്ച​യാ​യും അവർക്ക്‌ അറിയാ​മാ​യി​രു​ന്നു. (യോഹ​ന്നാൻ 17:14; യാക്കോബ്‌ 4:4) അതി​നോ​ടുള്ള ചേർച്ച​യിൽ സർവരാ​ജ്യ​സ​ഖ്യം ദൈവ​രാ​ജ്യ​ത്തി​ന്റെ രാഷ്‌ട്രീയ ഭാവമാ​ണെന്നു സമ്മതി​ക്കു​ന്ന​തിൽ അവർ ക്രൈ​സ്‌ത​വ​ലോ​ക​ത്തോ​ടു കൂട്ടു​ചേ​രാ​തി​രു​ന്നു. എന്നാൽ 1939-ൽ മാത്ര​മാണ്‌ അവർ ക്രിസ്‌തീയ നിഷ്‌പ​ക്ഷ​ത​യു​ടെ പ്രശ്‌നം വ്യക്തമാ​യി മനസ്സി​ലാ​ക്കി​യത്‌.—1939 നവംബർ 1-ലെ ദ വാച്ച്‌ടവർ കാണുക.

19. സ്ഥാപനം ഉണർന്നി​രു​ന്ന​തി​ന്റെ ഫലമായി സഭാ മേൽവി​ചാ​ര​ണ​യിൽ ഉണ്ടായ നേട്ടങ്ങൾ ഏവ?

¹⁹ അവർക്ക്‌ ഒരു വൈദിക വർഗമി​ല്ലാ​യി​രു​ന്നു. എങ്കിലും, സഭയിൽ പ്രസം​ഗി​ക്കുക എന്നതു മാത്രമേ തങ്ങളിൽനി​ന്നു പ്രതീ​ക്ഷി​ക്കാ​വൂ എന്നു കരുതി​യി​രുന്ന ചില മൂപ്പൻമാ​രു​ണ്ടാ​യി​രു​ന്നു. എന്നിരു​ന്നാ​ലും, തിരു​വെ​ഴു​ത്തു​ക​ളോട്‌ അനുരൂ​പ​പ്പെ​ട​ണ​മെന്ന തീക്ഷ്‌ണ​മായ താത്‌പ​ര്യ​ത്തോ​ടെ സ്ഥാപനം തിരു​വെ​ഴു​ത്തു​ക​ളു​ടെ വെളി​ച്ച​ത്തിൽ വീക്ഷാ​ഗോ​പു​ര​ത്തി​ന്റെ പേജു​ക​ളി​ലൂ​ടെ മൂപ്പൻമാ​രു​ടെ റോൾ വീണ്ടും വീണ്ടും അവലോ​കനം ചെയ്‌തു. തിരു​വെ​ഴു​ത്തു​കൾ നൽകുന്ന സൂചന അനുസ​രി​ച്ചാ​ണു സ്ഥാപന​പ​ര​മായ മാററങ്ങൾ വരുത്തി​യത്‌.

20-22. ദൈവ​വ​ചനം നമ്മുടെ നാളു​ക​ളി​ലേക്കു പട്ടിക​പ്പെ​ടു​ത്തി​യി​രുന്ന വേല ക്രമാ​നു​ഗ​ത​മാ​യി നിറ​വേ​റ​റാൻ സ്ഥാപനം മൊത്ത​ത്തിൽ തയ്യാ​റെ​ടു​പ്പു നടത്തി​യ​തെ​ങ്ങനെ?

²⁰ ദൈവ​വ​ചനം നമ്മുടെ നാളു​ക​ളി​ലേക്കു പട്ടിക​പ്പെ​ടു​ത്തി​യി​രുന്ന വേല പൂർണ​മാ​യി നിറ​വേ​റ​റാൻ സ്ഥാപനം മൊത്ത​ത്തിൽ തയ്യാ​റെ​ടു​പ്പു നടത്തു​ക​യാ​യി​രു​ന്നു. (യെശയ്യാ​വു 61:1, 2) നമ്മുടെ നാളിൽ സുവാർത്ത എത്ര വ്യാപ​ക​മാ​യി പ്രസം​ഗി​ക്ക​പ്പെ​ടേ​ണ്ടി​യി​രു​ന്നു? “സുവി​ശേഷം മുമ്പെ സകല ജാതി​ക​ളോ​ടും പ്രസം​ഗി​ക്കേ​ണ്ട​താ​കു​ന്നു” എന്നു യേശു പറഞ്ഞു. (മർക്കൊസ്‌ 13:10) മാനു​ഷി​ക​മായ ഒരു വീക്ഷണ​ത്തിൽ, ആ വേല മിക്ക​പ്പോ​ഴും അസാധ്യ​മാ​യി കാണ​പ്പെ​ട്ടി​ട്ടുണ്ട്‌.

²¹ എങ്കിലും സഭയുടെ തല ക്രിസ്‌തു​വാ​ണെന്ന ധൈര്യ​ത്തോ​ടെ വിശ്വ​സ്‌ത​നും വിവേ​കി​യു​മായ അടിമ​വർഗം മുന്നോ​ട്ടു നീങ്ങി. (മത്തായി 24:45) ചെയ്യ​പ്പെ​ടേണ്ട വേല അവർ വിശ്വ​സ്‌ത​ത​യോ​ടും ഉറപ്പോ​ടും​കൂ​ടെ യഹോ​വ​യു​ടെ ജനത്തിനു ചൂണ്ടി​ക്കാ​ട്ടി​യി​രി​ക്കു​ന്നു. 1919 മുതൽ വയൽശു​ശ്രൂ​ഷക്കു വർധിച്ച ഊന്നൽ നൽക​പ്പെട്ടു. അനേകർക്കും, വീടു​തോ​റും പോയി അപരി​ചി​ത​രോ​ടു സംസാ​രി​ക്കുക എന്നത്‌ അത്ര എളുപ്പ​മ​ല്ലാ​യി​രു​ന്നു. (പ്രവൃ​ത്തി​കൾ 20:20) എങ്കിലും “നിർഭയർ അനുഗൃ​ഹീ​ത​രാ​കു​ന്നു” (1919-ൽ), “നല്ല ധൈര്യ​മു​ള്ള​വ​രാ​യി​രി​ക്കുക” (1921-ൽ) എന്നീ അധ്യയന ലേഖനങ്ങൾ യഹോ​വ​യിൽ ആശ്രയി​ച്ചു​കൊ​ണ്ടു വേല തുടങ്ങാൻ ചിലരെ സഹായി​ച്ചു.

²² ദൈവ​രാ​ജ്യ​ത്തിന്‌ അർഹി​ക്കുന്ന പ്രാമു​ഖ്യത നൽകു​ന്ന​തിന്‌ “രാജ്യ​ത്തെ​യും രാജാ​വി​നെ​യും പ്രസി​ദ്ധ​മാ​ക്കുക, പ്രസി​ദ്ധ​മാ​ക്കുക, പ്രസി​ദ്ധ​മാ​ക്കുക” എന്ന 1922-ലെ ആഹ്വാനം ആവശ്യ​മായ ഉത്തേജ​ന​മേകി. ആ തിരു​വെ​ഴു​ത്ത​ധി​ഷ്‌ഠിത ഉത്തരവാ​ദി​ത്വം സ്വീക​രി​ക്കാഞ്ഞ മൂപ്പൻമാ​രെ 1927 മുതൽ നീക്കം ചെയ്‌തു. ഏതാണ്ട്‌ ആ സമയത്ത്‌, സൊ​സൈ​റ​റി​യു​ടെ സഞ്ചാര പ്രതി​നി​ധി​ക​ളാ​യി​രുന്ന ദേശസ​ഞ്ചാ​രി​കൾ പ്രാ​ദേ​ശിക സേവന അധ്യക്ഷൻമാ​രാ​യി നിയമി​ക്ക​പ്പെട്ടു. അവർ വയൽസേ​വ​ന​ത്തിൽ പ്രസാ​ധ​കർക്കു വ്യക്തി​പ​ര​മായ നിർദേ​ശങ്ങൾ നൽകേ​ണ്ട​തു​ണ്ടാ​യി​രു​ന്നു. എല്ലാവർക്കും പയനി​യ​റിങ്‌ ചെയ്യാൻ കഴിയു​മാ​യി​രു​ന്നില്ല, എങ്കിലും അനേകർ വാരാ​ന്ത​ങ്ങ​ളിൽ മുഴു​ദി​വ​സ​ങ്ങ​ളും സേവന​ത്തി​നാ​യി അർപ്പി​ക്കു​ക​യാ​ണു ചെയ്‌തത്‌. അവർ അതിരാ​വി​ലെ ആരംഭിച്ച്‌, ഒരു സാൻഡ്‌വിച്ച്‌ കഴിക്കാ​നാ​യി മാത്രം ഇടയ്‌ക്കു നിർത്തി പിന്നെ വൈകു​ന്നേ​രം​വരെ ഈ വേല തുടരു​ക​യും ചെയ്‌തു. അവ ദിവ്യാ​ധി​പത്യ വികാ​സ​ത്തി​ന്റെ ശ്രദ്ധേ​യ​മായ സമയങ്ങ​ളാ​യി​രു​ന്നു, അതിനാൽ യഹോവ തന്റെ ജനത്തെ നയിച്ചു​കൊ​ണ്ടി​രുന്ന വിധം പരി​ശോ​ധി​ക്കു​ന്ന​തി​നാൽ നാം വർധി​ച്ച​യ​ള​വിൽ പ്രയോ​ജനം അനുഭ​വി​ക്കു​ന്നു. അവിടുന്ന്‌ ഇപ്പോ​ഴും അങ്ങനെ ചെയ്യു​ന്ന​തിൽ തുടരു​ന്നു, അങ്ങനെ അവിടു​ത്തെ അനു​ഗ്ര​ഹ​ത്താൽ, സ്ഥാപി​ത​മായ രാജ്യ​ത്തി​ന്റെ സുവാർത്താ​പ്ര​സം​ഗ​വേല വിജയ​ക​ര​മാ​യി പര്യവ​സാ​നി​ക്കും.

നിങ്ങൾ ഉണർന്നി​രി​ക്കു​ന്നു​വോ?

23. ക്രിസ്‌തീയ സ്‌നേഹം, ലോക​ത്തിൽനി​ന്നുള്ള വേർപെ​ട്ടു​നിൽക്കൽ എന്നിവ​യോ​ടുള്ള ബന്ധത്തിൽ നാം ജാഗരൂ​ക​രാ​ണെന്നു വ്യക്തി​പ​ര​മാ​യി നമുക്ക്‌ എങ്ങനെ പ്രകടി​പ്പി​ക്കാൻ കഴിയും?

²³ യഹോ​വ​യു​ടെ മാർഗ​നിർദേ​ശ​ത്തോ​ടു പ്രതി​ക​രി​ച്ചു​കൊണ്ട്‌, ലോക​ത്തി​ന്റെ ഭാഗമാ​യി​രി​ക്കു​ന്ന​താ​യി അടയാ​ള​പ്പെ​ടു​ത്തുന്ന ആചാര​ങ്ങ​ളെ​യും മനോ​ഭാ​വ​ങ്ങ​ളെ​യും​പ​ററി അവിടു​ത്തെ സ്ഥാപനം നമ്മെ തുടർന്നും ജാഗരൂ​ക​രാ​ക്കി​ക്കൊ​ണ്ടി​രി​ക്കു​ന്നു. അല്ലാത്ത​പക്ഷം ലോക​ത്തോ​ടൊ​പ്പം നീങ്ങി​പ്പോ​കു​ന്ന​തി​നുള്ള അപകട​സാ​ധ്യ​ത​യുണ്ട്‌. (1 യോഹ​ന്നാൻ 2:17) അതു​കൊണ്ട്‌, വ്യക്തി​ഗ​ത​മാ​യി നാം ഉണർന്നി​രി​ക്കു​ക​യും യഹോ​വ​യു​ടെ മാർഗ​നിർദേ​ശ​ത്തോ​ടു പ്രതി​ക​രി​ക്കു​ക​യും ചെയ്യേ​ണ്ട​തുണ്ട്‌. ഒന്നിച്ചു ജീവി​ക്കു​ന്നതു സംബന്ധി​ച്ചും വേല ചെയ്യു​ന്നതു സംബന്ധി​ച്ചു​പോ​ലും യഹോവ നമുക്കു പ്രബോ​ധനം നൽകുന്നു. ക്രിസ്‌തീയ സ്‌നേഹം യഥാർഥ​ത്തിൽ അർഥമാ​ക്കു​ന്നത്‌ എന്തോ അതി​നോ​ടുള്ള വിലമ​തി​പ്പിൽ വളരു​വാൻ അവിടു​ത്തെ സ്ഥാപനം നമ്മെ സഹായി​ക്കു​ന്നു. (1 പത്രൊസ്‌ 4:7, 8) ഉണർന്നി​രി​ക്കുക എന്നു പറഞ്ഞാൽ മാനുഷ അപൂർണ​തകൾ ഉണ്ടായി​രി​ക്കു​മ്പോൾപോ​ലും ഈ ബുദ്ധ്യു​പ​ദേശം ബാധക​മാ​ക്കു​ന്ന​തി​നു നാം ആത്മാർഥ​മായ ശ്രമം ചെലു​ത്തണം എന്നാണ്‌.

24, 25. ഏതു പ്രധാന സംഗതി​ക​ളോ​ടുള്ള ബന്ധത്തി​ലാ​ണു നാം ജാഗ്ര​ത​യു​ള്ള​വ​രാ​യി​രി​ക്കേ​ണ്ടത്‌, എന്തു പ്രത്യാശ മുൻനിർത്തി​ക്കൊണ്ട്‌?

²⁴ “പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്ത വിവേ​ക​ത്തിൽ ഊന്നരു​തു”, (സദൃശ​വാ​ക്യ​ങ്ങൾ 3:5) “ഇടവി​ടാ​തെ പ്രാർത്ഥി​പ്പിൻ” (1 തെസ്സ​ലൊ​നീ​ക്യർ 5:17) എന്നിങ്ങനെ വിശ്വ​സ്‌ത​നും വിവേ​കി​യു​മായ അടിമ നമ്മെ നിരന്തരം ഓർമി​പ്പി​ച്ചു​കൊ​ണ്ടാണ്‌ ഇരിക്കു​ന്നത്‌. ദൈവ​വ​ച​നത്തെ ആധാര​മാ​ക്കി നമ്മുടെ തീരു​മാ​നങ്ങൾ എടുക്കാൻ നാം ബുദ്ധ്യു​പ​ദേ​ശി​ക്ക​പ്പെ​ട്ടി​രി​ക്കു​ന്നു. ഈ വചനം ‘നമ്മുടെ കാലിനു ദീപവും പാതയ്‌ക്കു പ്രകാ​ശ​വും’ ആയിരി​ക്കാൻ നാം അനുവ​ദി​ക്കേ​ണ്ട​തുണ്ട്‌. (സങ്കീർത്തനം 119:105) ദൈവ​രാ​ജ്യ​ത്തെ​പ്പ​റ​റി​യുള്ള സുവാർത്താ​പ്ര​സം​ഗം നമ്മുടെ ജീവി​ത​ത്തിൽ മുൻപ​ന്തി​യിൽ വയ്‌ക്കു​വാൻ നമ്മെ സ്‌നേ​ഹ​പൂർവം പ്രോ​ത്സാ​ഹി​പ്പി​ച്ചി​രി​ക്കു​ന്നു. ഈ വേലയാ​ണു നമ്മുടെ നാളി​ലേക്കു യേശു മുൻകൂ​ട്ടി​പ്പ​റ​ഞ്ഞത്‌.—മത്തായി 24:14.

²⁵ അതേ, വിശ്വ​സ്‌ത​നും വിവേ​കി​യു​മായ അടിമ തീർച്ച​യാ​യും ഉണർന്നി​രി​ക്കു​ക​യാണ്‌. വ്യക്തി​ഗ​ത​മാ​യി നാമും ഉണർന്നി​രി​ക്കേ​ണ്ട​തുണ്ട്‌. ഇപ്രകാ​രം ചെയ്യു​ന്ന​തി​ന്റെ ഫലമായി, മനുഷ്യ​പു​ത്രൻ ന്യായ​വി​ധി നിർവ​ഹി​ക്കാൻ വരു​മ്പോൾ അവിടു​ത്തെ മുമ്പാകെ അംഗീ​കൃ​ത​രാ​യി നിൽക്കു​ന്ന​വ​രിൽ നാമും കാണ​പ്പെ​ടട്ടെ.—മത്തായി 24:30; ലൂക്കൊസ്‌ 21:34-36.

[അടിക്കു​റിപ്പ്‌]

പുനരവലോകനത്തിൽ

◻ മത്തായി 24:42 കാണി​ക്കു​ന്ന​പ്ര​കാ​രം നാം ജാഗ്ര​ത​യു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

◻ യേശു​വും ഒന്നാം നൂററാ​ണ്ടി​ലെ അവിടു​ത്തെ അനുഗാ​മി​ക​ളും ആത്മീയ​മാ​യി ജാഗ്ര​ത​യു​ള്ള​വ​രാ​യി​രു​ന്നത്‌ എങ്ങനെ?

◻ യഹോ​വ​യു​ടെ ദാസർ ജാഗ്ര​ത​യു​ള്ള​വ​രാ​യി​രു​ന്ന​തി​ന്റെ ഫലമായി 1870 മുതൽ എന്തെല്ലാം വികസ​നങ്ങൾ ഉണ്ടായി​ട്ടുണ്ട്‌?

◻ നാം വ്യക്തി​പ​ര​മാ​യി ജാഗ്ര​ത​യു​ള്ള​വ​രാ​ണെ​ന്ന​തിന്‌ തെളിവു നൽകു​ന്നത്‌ എന്ത്‌?

[23-ാം പേജിലെ ചിത്രം]

പിതാവ്‌ നിയോ​ഗിച്ച വേലയിൽ യേശു വ്യാപൃ​ത​നാ​യി​രു​ന്നു. അവിടുന്ന്‌ മുട്ടി​പ്പാ​യി പ്രാർഥി​ക്കു​ക​യും ചെയ്‌തു

[24-ാം പേജിലെ ചിത്രം]

ചാൾസ്‌ റെറയ്‌സ്‌ റസ്സൽ അദ്ദേഹ​ത്തി​ന്റെ പിൽക്കാല വർഷങ്ങ​ളിൽ

[25-ാം പേജിലെ ചിത്രം]

47,00,000-ത്തിലധി​കം രാജ്യ​പ്ര​ഘോ​ഷകർ ഭൂമി​യി​ലെ​ങ്ങും സജീവ​രാണ്‌