“ഞാൻ വിശ്വാ​സം കാത്തു​സൂ​ക്ഷി​ച്ചു”

ബ്രൂണല ഇൻകോ​ണ്ടി​റ​റി​യു​ടെ സുഹൃ​ത്തു​ക്കൾ പറഞ്ഞ​പ്ര​കാ​രം

“ശനിയാഴ്‌ച വളരെ ദീർഘ​വും ഏകാന്ത​വു​മായ ഒരു ദിനമാ​യി​രു​ന്നു. ഞാൻ മുറി​യിൽ തനിച്ചാ​യി​രു​ന്നു. എനിക്കു വളരെ നിരാ​ശ​യും അനുഭ​വ​പ്പെട്ടു. ഒരു ഇടനാ​ഴി​യി​ലൂ​ടെ നടന്നാ​ലോ എന്നു തോന്നി. കാര്യ​ങ്ങ​ളെ​ല്ലാം ഭംഗി​യാ​യി നീങ്ങു​ക​യാ​യി​രു​ന്നു. എന്നാൽ, പെട്ടെന്ന്‌, ആരോ എന്റെ മുഖത്തി​നു​നേരെ കതക്‌ ആഞ്ഞടച്ചു. ഞാൻ എത്ര ശ്രമി​ച്ചി​ട്ടും രക്ഷപെ​ടാൻ യാതൊ​രു പഴുതു​മി​ല്ലാ​യി​രു​ന്നു.”

15 വയസ്സുള്ള ബ്രൂണല ഇൻകോ​ണ്ടി​റ​റി​യു​ടെ ഹൃദയ​ത്തിൽ അത്യധി​കം ശക്തമായ നിരാശ അനുഭ​വ​പ്പെട്ടു. തന്റെ തളിർജീ​വി​ത​ത്തി​ലെ ഏററവും സുപ്ര​ധാന ദിനം കൈവി​ട്ടു​പോ​വു​ക​യാ​യി​രു​ന്നു. ആ വർഷത്തി​ന്റെ ആരംഭ​ത്തിൽ യഹോ​വ​യോ​ടും ബൈബി​ളി​നോ​ടും അവൾക്കുള്ള സ്‌നേഹം തന്റെ ജീവിതം അവനു സമർപ്പി​ക്കു​ന്ന​തിന്‌ അവളെ പ്രേരി​പ്പി​ച്ചു. 1990 ജൂ​ലൈ​യിൽ കാനഡ​യി​ലെ മോൺട്രി​യ​ലിൽവെ​ച്ചു​നടന്ന യഹോ​വ​യു​ടെ സാക്ഷി​ക​ളു​ടെ “നിർമല ഭാഷ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ അവൾ സ്‌നാ​പ​ന​മേൽക്കാ​നി​രു​ന്ന​താണ്‌. അതിനു​പ​കരം, ബ്രൂണല തന്റെ ജീവി​ത​ത്തി​ന്റെ ശേഷി​ച്ച​ഭാ​ഗത്തെ മൊത്തം ബാധി​ക്കുന്ന തന്റെ വിശ്വാ​സ​ത്തി​ന്റെ പരീക്ഷയെ സത്വരം നേരി​ടാൻപോ​കു​ക​യാ​യി​രു​ന്നു.

സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ന്ന​തി​നു രണ്ടു ദിവസം​മുമ്പ്‌ തനിക്കു രക്താർബു​ദം ഉണ്ടെന്നു ബ്രൂണല മനസ്സി​ലാ​ക്കി. എത്രയും പെട്ടെന്നു ചികിത്സ തുടങ്ങു​ന്ന​തി​നു കുട്ടി​കൾക്കാ​യുള്ള പ്രാ​ദേ​ശിക ആശുപ​ത്രി​യി​ലെ ഡോക്ടർമാർ ആഗ്രഹി​ച്ചു. അങ്ങനെ ബ്രൂണല ആശുപ​ത്രി​യി​ലാ​യി.

അവളുടെ വാക്കുകൾ ഡോക്ടർമാ​രെ സ്‌പർശി​ക്കു​ന്നു

യഹോ​വ​യാം ദൈവത്തെ സംബന്ധി​ച്ചി​ട​ത്തോ​ളം രക്തം പവി​ത്ര​മാ​ണെന്നു ബ്രൂണ​ലക്ക്‌ അറിയാ​മാ​യി​രു​ന്നു. (ലേവ്യ​പു​സ്‌തകം 17:11) യാതൊ​രു കാരണ​വ​ശാ​ലും ചികി​ത്സ​യു​ടെ ഭാഗമാ​യി കുട്ടി​യിൽ രക്തപ്പകർച്ച നടത്തരു​തെന്ന്‌ അവളുടെ മാതാ​പി​താ​ക്ക​ളായ എഡ്‌മ​ണ്ടോ​യും നിക്കോ​ലെ​റ​റ​യും നിർദേ​ശി​ച്ചി​രു​ന്നു. “ബ്രൂണല മൈനർ ആയിരു​ന്നെ​ങ്കി​ലും അവളിൽനി​ന്നു ഡോക്ടർമാർ അതു കേൾക്ക​ണ​മെന്ന്‌ അവൾ ആഗ്രഹി​ച്ചു” എന്ന്‌ അവളുടെ പിതാവ്‌ അനുസ്‌മ​രി​ക്കു​ന്നു. “‘രക്തം വർജി​ക്കുക’ എന്ന ബൈബിൾ കല്‌പന ലംഘി​ക്കുന്ന ഒരു ചികി​ത്സ​യും തനിക്കു​വേണ്ട എന്ന്‌ അവൾ തറപ്പിച്ചു പറഞ്ഞു.”—പ്രവൃ​ത്തി​കൾ 15:20.

1990, ജൂലൈ 10-ന്‌ മൂന്നു ഡോക്ടർമാ​രും ഒരു സാമൂ​ഹിക പ്രവർത്ത​ക​യും ബ്രൂണ​ല​യു​ടെ മാതാ​പി​താ​ക്കൾ, യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയിലെ രണ്ടു ശുശ്രൂ​ഷകർ എന്നിവ​രു​മാ​യി കൂടി​ക്കാഴ്‌ച നടത്തി. ബ്രൂണ​ലക്ക്‌ മൂർധ​ന്യാ​വ​സ്ഥ​യി​ലെ​ത്തിയ ലിം​ഫോ​ബ്ലാ​സ്‌റ​റിക്‌ രക്താർബു​ദം (Lymphoblastic Leukemia) ആണെന്ന്‌ പരി​ശോ​ധ​ന​യിൽനി​ന്നു വ്യക്തമാ​യി. ആ രോഗ​ത്തോ​ടു മല്ലിടു​ന്ന​തി​നുള്ള തങ്ങളുടെ പദ്ധതി​യെ​ക്കു​റി​ച്ചു ഡോക്ടർമാർ വിശദീ​ക​രി​ച്ചു. ഈ രോഗത്തെ ചികി​ത്സി​ക്കു​ന്നതു വളരെ പ്രയാ​സ​ക​ര​മായ സംഗതി​യാ​ണെന്ന്‌ അവർ നയപൂർവം വിശദീ​ക​രി​ച്ചു. “ദൈവത്തെ അനുസ​രി​ക്കു​ന്ന​തി​നുള്ള ബ്രൂണ​ല​യു​ടെ നടപടി​യും ഉറച്ച തീരു​മാ​ന​വും ഡോക്ടർമാ​രെ​യും സാമൂ​ഹിക പ്രവർത്ത​ക​യെ​യും സ്‌പർശി​ച്ചു. അവളുടെ മാതാ​പി​താ​ക്ക​ളു​ടെ സ്‌നേ​ഹ​ത്തി​ലും ക്രിസ്‌തീയ സഭയിലെ സുഹൃ​ത്തു​ക്ക​ളു​ടെ പിന്തു​ണ​യി​ലും അവർക്കു മതിപ്പു​ള​വാ​യി. അവരുടെ നിലപാ​ടി​നെ ഞങ്ങൾ മനസ്സി​ലാ​ക്കി ആദരവു പ്രകട​മാ​ക്കിയ വിധത്തി​ലും അവർ വിലമ​തി​പ്പു കാണിച്ചു” എന്നു സഭയിലെ മൂപ്പൻമാ​രി​ലൊ​രാൾ അനുസ്‌മ​രി​ക്കു​ന്നു.

രക്തപ്പകർച്ച ഒഴിവാ​ക്കാൻ ഡോക്ടർമാർ തീരു​മാ​നി​ച്ചു. ബ്രൂണ​ലക്ക്‌ കീമോ​തെ​റാ​പ്പി നൽക​പ്പെ​ടും. എന്നാൽ, അതു സാധാ​ര​ണ​യി​ലും ശക്തി കുറഞ്ഞ​താ​യി​രി​ക്കും. ഇത്‌, ചികി​ത്സ​മൂ​ലം രക്തകോ​ശ​ങ്ങൾക്കു സംഭവിച്ച കേട്‌ കുറയ്‌ക്കും. “ഡോക്ടർമാർ ബ്രൂണ​ല​യു​ടെ ശാരീ​രി​ക​വും വൈകാ​രി​ക​വും ആത്മീയ​വു​മായ ആവശ്യ​ങ്ങളെ പരിഗ​ണി​ച്ചു” എന്ന്‌ നിക്കോ​ലെററ വിവരി​ക്കു​ന്നു. “ബാല്യ​കാല രക്താർബു​ദ​ത്തി​നു​വേ​ണ്ടി​യുള്ള രക്തരഹിത ക്രമീ​ക​രണം സംബന്ധിച്ച്‌ അനുഭ​വ​മുള്ള ഒരു സ്‌പെ​ഷ്യ​ലി​സ്‌റ​റു​മാ​യി ആലോ​ചി​ക്കു​ന്ന​തി​നു ഞങ്ങൾ അവരെ പ്രോ​ത്സാ​ഹി​പ്പി​ച്ച​പ്പോൾ അവർ അതിനു സമ്മതിച്ചു.” ബ്രൂണ​ല​യും ആശുപ​ത്രി​യി​ലെ ജീവന​ക്കാ​രും തമ്മിൽ ആഴമായ വാത്സല്യ​ബന്ധം ഉടലെ​ടു​ത്തു.

ആത്മീയ ലാക്കുകൾ

പ്രാരം​ഭ​ത്തിൽ നടത്തിയ ചികിത്സ അല്‌പ​സ്വ​ല്‌പം പ്രയോ​ജനം ചെയ്‌തെ​ങ്കി​ലും ബ്രൂണ​ല​യു​ടെ അഗ്നിപ​രീക്ഷ തുടങ്ങി​യതേ ഉണ്ടായി​രു​ന്നു​ള്ളൂ. 1990, നവംബ​റിൽ അവളുടെ രോഗ​ത്തി​നു തത്‌കാല ശമനമു​ണ്ടാ​യി. അതു​കൊണ്ട്‌, താമസം​കൂ​ടാ​തെ അവൾ സ്‌നാ​പ​ന​മേ​ററു. മുമ്പത്തെ ചില മാസങ്ങ​ളെ​ക്കു​റി​ച്ചു ചിന്തി​ച്ചു​കൊ​ണ്ടു ബ്രൂണല ഇപ്രകാ​രം സമ്മതി​ച്ചു​പ​റഞ്ഞു: “അത്‌ അത്ര എളുപ്പ​മാ​യി​രു​ന്നില്ല. വളരെ​യ​ധി​കം കരുത്ത്‌ ആവശ്യ​മാ​യി വരുന്നു. ക്രിയാ​ത്മക മനോ​ഭാ​വ​മു​ണ്ടാ​യി​രി​ക്കു​ക​യും വേണം. . . . എന്റെ വിശ്വാ​സം പരീക്ഷി​ക്ക​പ്പെട്ടു എന്നാൽ, ഞാൻ ഉറച്ചു നിന്നു. ഒരു നിരന്ത​ര​പ​യ​നി​യർ [മുഴു​സമയ ശുശ്രൂ​ഷക] ആയി ജീവിതം ചെലവ​ഴി​ക്ക​ണ​മെന്ന ഉദ്ദേശ്യം ഇപ്പോ​ഴും എനിക്കുണ്ട്‌.”

1991-ന്റെ ആദ്യഘ​ട്ട​ത്തിൽ ബ്രൂണ​ല​യു​ടെ രോഗം മൂർച്ഛി​ച്ചു. കീമോ​തെ​റാ​പ്പി നടത്തി​ക്കൊ​ണ്ടി​രി​ക്കവേ അവൾ ഏതാണ്ടു മരിച്ച​പോ​ലെ ആയി. എന്നാൽ സകല​രെ​യും അതിശ​യി​പ്പി​ക്കു​ക​യും ആനന്ദി​പ്പി​ക്കു​ക​യും ചെയ്‌തു​കൊണ്ട്‌ അവൾ ആരോ​ഗ്യം വീണ്ടെ​ടു​ത്തു. ഒരു സഹായ പയനിയർ എന്ന നിലയിൽ ആഗസ്‌ററ്‌ മാസത്തിൽ പരസ്യ ശുശ്രൂ​ഷ​യിൽ പങ്കെടു​ക്കാൻപോ​ന്ന​വി​ധം അവൾ സുഖം പ്രാപി​ച്ചു. അവളുടെ രോഗം വീണ്ടും വഷളായി. 1991, നവംബ​റിൽ അവളുടെ ശരീര​ത്തി​ന്റെ വിവി​ധ​ഭാ​ഗ​ങ്ങ​ളിൽ അർബുദം ബാധിച്ചു. വേറൊ​രു ആശുപ​ത്രി​യി​ലെ ഒരുകൂ​ട്ടം ഡോക്ടർമാർ റേഡി​യേഷൻ തെറാ​പ്പി​യി​ലൂ​ടെ അവളെ ചികി​ത്സി​ക്കാൻ തുടങ്ങി.

അത്തരം പ്രയാ​സ​ക​ര​മായ സാഹച​ര്യ​ങ്ങ​ളി​ലും ബ്രൂണല അചഞ്ചല​യാ​യി നില​കൊ​ള്ളു​ക​യും ആത്മീയ ലാക്കുകൾ വയ്‌ക്കു​ക​യും ചെയ്‌തു. രക്താർബു​ദ​മാ​ണെന്ന്‌ ആദ്യം മനസ്സി​ലാ​ക്കി​യ​പ്പോൾ ആറുമാ​സം​കൂ​ടി മാത്രമേ ജീവി​ച്ചി​രി​ക്കു​ക​യു​ള്ളൂ എന്ന്‌ അവളോ​ടു പറഞ്ഞി​രു​ന്നു. എന്നാൽ ഇപ്പോൾ അതെല്ലാം കഴിഞ്ഞ്‌ ഒന്നര വർഷത്തി​നു​ശേ​ഷ​വും ബ്രൂണല ഭാവി​പ​രി​പാ​ടി​കൾ ക്രമീ​ക​രി​ക്കു​ക​യാ​യി​രു​ന്നു. “തന്റെ ലക്ഷ്യങ്ങൾ സഫലമാ​ക്കു​ന്ന​തി​നു ലഭിച്ച സമയങ്ങ​ളൊ​ന്നും അവൾ പാഴാ​ക്കി​യില്ല” എന്ന്‌ സഭയിലെ ഒരു മൂപ്പൻ അഭി​പ്രാ​യ​പ്പെട്ടു. “ദൈവ​ത്തി​ന്റെ വാഗ്‌ദത്ത പറുദീ​സ​യിൽ ബ്രൂണ​ല​ക്കു​ണ്ടാ​യി​രുന്ന വിശ്വാ​സം യാതന​യി​ലെ​ല്ലാം അവളെ പരിര​ക്ഷി​ച്ചു. ചെറു​പ്പ​മാ​യി​രു​ന്നെ​ങ്കി​ലും അവൾ ക്രിസ്‌തീയ പക്വത​യി​ലെ​ത്തി​ച്ചേർന്നു. അവളുടെ നടത്തയും മനോ​ഭാ​വ​വും സഭയെ ഉത്തേജി​പ്പി​ച്ചു. ആശുപ​ത്രി​യി​ലെ ജീവന​ക്കാ​രുൾപ്പെടെ അവളെ അറിയു​മാ​യി​രുന്ന സകലരു​ടെ​യും ഹൃദയ​ത്തിൽ അവൾ സ്ഥാനം പിടിച്ചു.” അവളുടെ അമ്മ പിൻവ​രു​ന്ന​വി​ധം അനുസ്‌മ​രി​ക്കു​ന്നു: “അവൾ ഒരിക്ക​ലും പരാതി​പ​റ​ഞ്ഞില്ല. അവളുടെ ആരോ​ഗ്യ​നില എങ്ങനെ​യുണ്ട്‌ എന്ന്‌ ആരെങ്കി​ലും ചോദി​ക്കു​മ്പോൾ അവൾ, ‘നന്നായി​രി​ക്കു​ന്നു’ അല്ലെങ്കിൽ ‘വല്യ കുഴപ്പ​മൊ​ന്നു​മില്ല, നിങ്ങൾക്ക്‌ എങ്ങനെ​യുണ്ട്‌?’ എന്ന്‌ ഉത്തരം പറയു​മാ​യി​രു​ന്നു.”

ഒരു സുരക്ഷിത ഭാവി

1992 ജൂ​ലൈ​യി​ലെ യഹോ​വ​യു​ടെ സാക്ഷി​ക​ളു​ടെ “പ്രകാ​ശ​വാ​ഹകർ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ പങ്കെടു​ക്കു​ന്ന​തി​നു ബ്രൂണല പരിപാ​ടി​യി​ട്ടു. കൺ​വെൻ​ഷന്റെ സമയമാ​യ​പ്പോ​ഴേ​ക്കും ബ്രൂണല ആശുപ​ത്രി​യി​ലാ​യി. അവളുടെ ജീവൻ പിടി​വി​ട്ടു​പോ​വു​ക​യാ​യി​രു​ന്നു. എന്നുവ​രി​കി​ലും, അവൾ ഒരു വീൽചെ​യ​റിൽ കൺ​വെൻ​ഷ​നിൽ പങ്കെടു​ത്തു. അവളുടെ ഉദ്ദേശ്യം യഹോ​വ​യു​ടെ ദൃഷ്ടി​യിൽ ശരിയാ​യതു ചെയ്യൽ എന്ന നാടകം കാണുക എന്നതാ​യി​രു​ന്നു.

ജീവി​ത​ത്തി​ന്റെ അവസാന നാളുകൾ കുടും​ബാം​ഗ​ങ്ങ​ളോ​ടൊ​പ്പം ചെലവി​ടു​ന്ന​തിന്‌ അവൾ വീട്ടി​ലേക്കു തിരി​കെ​പോ​ന്നു. “അവസാ​ന​മാ​യ​പ്പോ​ഴേ​ക്കും തന്നെക്കാൾ കൂടുതൽ മററു​ള്ള​വ​രെ​ക്കു​റി​ച്ചാ​യി​രു​ന്നു അവളുടെ ചിന്തമു​ഴു​വ​നും. ബൈബിൾ പഠിക്കാൻപ​റ​ഞ്ഞും ‘പറുദീ​സ​യിൽ നാം ഒന്നിച്ചാ​യി​രി​ക്കും’ എന്നു പറഞ്ഞു​കൊ​ണ്ടു​മെ​ല്ലാം അവൾ അവരെ പ്രോ​ത്സാ​ഹി​പ്പി​ക്കു​മാ​യി​രു​ന്നു” എന്ന്‌ നിക്കോ​ലെററ പറയുന്നു.

1992 ജൂലൈ 27-നു ബ്രൂണല മരണമ​ടഞ്ഞു. പറുദീ​സാ ഭൂമി​യിൽ ജീവനി​ലേ​ക്കുള്ള പുനരു​ത്ഥാന പ്രത്യാ​ശ​യിൽ നല്ല ഉറപ്പു​ള്ള​വ​ളാ​യാണ്‌ അവൾ മൃതി​യ​ട​ഞ്ഞത്‌. അവൾ തന്റെ ലാക്കു​ക​ളിൽ എത്തി​ച്ചേ​രാൻ തുടങ്ങി​യതേ ഉണ്ടായി​രു​ന്നു​ള്ളൂ. എങ്കിലും പുനരു​ത്ഥാ​ന​ത്തി​നു​ശേഷം തന്റെ സമർപ്പിത ജീവി​ത​ഗതി പിന്തു​ട​രു​ന്ന​തിന്‌ അവൾ ആസൂ​ത്രണം ചെയ്‌തു. മരിക്കു​ന്ന​തിന്‌ ഏതാനും നാളു​കൾക്കു മുമ്പ്‌ ബ്രൂണല പിൻവ​രുന്ന കത്ത്‌ എഴുതി. അവളുടെ സ്‌മാരക ശുശ്രൂ​ഷ​യിൽ അതു വായിച്ചു കേൾപ്പി​ക്ക​യു​ണ്ടാ​യി.

“പ്രിയ സുഹൃ​ത്തു​ക്കളേ:

“നിങ്ങൾ വന്നതിനു നന്ദി. നിങ്ങളു​ടെ സാന്നി​ധ്യം എന്റെ കുടും​ബാം​ഗ​ങ്ങൾക്ക്‌ വളരെ​യ​ധി​കം സഹായ​ക​ര​മാണ്‌.

“എനിക്ക്‌ ഉററവ​രാ​യി​രു​ന്ന​വ​രോട്‌—നാം വളരെ​യ​ധി​കം സഹി​ക്കേ​ണ്ടി​വന്നു. നമുക്കു ധാരാളം പ്രയാ​സ​മേ​റിയ സാഹച​ര്യ​ങ്ങൾ ഉണ്ടായി​ട്ടു​ണ്ടെ​ങ്കി​ലും രസകര​മായ ചില സമയങ്ങ​ളു​മു​ണ്ടാ​യി​രു​ന്നി​ട്ടുണ്ട്‌. നീണ്ടു​നിന്ന ശക്തമായ ഒരു പോരാ​ട്ട​മാ​യി​രു​ന്നു അത്‌. എങ്കിലും ഞാൻ പരാജ​യ​മ​ട​ഞ്ഞ​താ​യി എനിക്കു തോന്നു​ന്നില്ല. തിരു​വെ​ഴു​ത്തു​ക​ളിൽ പറയു​ന്ന​തു​പോ​ലെ, ‘ഞാൻ നല്ല പോരാ​ട്ടം നടത്തി; ഞാൻ ഓട്ടം പൂർത്തി​യാ​ക്കി; ഞാൻ വിശ്വാ​സം കാത്തു​സൂ​ക്ഷി​ച്ചു.’—2 തിമൊ. 4:7, ഓശാന ബൈബിൾ.

“ഞാൻ ധാരാളം കാര്യങ്ങൾ പഠിക്കു​ക​യും വളർച്ച പ്രാപി​ക്കു​ക​യും ചെയ്‌തി​രി​ക്കു​ന്നു. എന്റെ സുഹൃ​ത്തു​ക്ക​ളും എനിക്കു ചുററു​മു​ണ്ടാ​യി​രു​ന്ന​വ​രും ആ മാററം കണ്ടിരി​ക്കു​ന്നു. എനിക്കു പിന്തുണ നൽകിയ സകലർക്കും നന്ദി നൽകു​വാൻ ഞാൻ ആഗ്രഹി​ക്കു​ക​യാണ്‌.

“പുതിയ വ്യവസ്ഥി​തി​യി​ലും യഹോ​വ​യി​ലും വിശ്വ​സി​ക്കുന്ന നിങ്ങൾക്കേ​വർക്കും പുനരു​ത്ഥാ​ന​മു​ണ്ടെന്ന്‌ അറിയാം. അതാണ​ല്ലോ യോഹ​ന്നാൻ 5:28, 29-ൽ പറഞ്ഞി​രി​ക്കു​ന്നത്‌. ആയതി​നാൽ, വിശ്വാ​സ​ത്തിൽ ബലിഷ്‌ഠ​രാ​യി​രി​ക്കുക. പരസ്‌പരം നമുക്കു വീണ്ടും കണ്ടുമു​ട്ടാം.

“എന്റെ കഷ്ടപ്പാ​ടു​കൾ മനസ്സി​ലാ​ക്കിയ സകലർക്കും ഞാൻ നന്ദി പറയുന്നു. നിങ്ങ​ളോ​രോ​രു​ത്ത​രെ​യും ഞാൻ ദീർഘ​മാ​യി ആശ്ലേഷി​ക്കു​ക​യും ചുംബി​ക്കു​ക​യും ചെയ്യുന്നു. നിങ്ങ​ളെ​യെ​ല്ലാ​വ​രെ​യും ഞാൻ സ്‌നേ​ഹി​ക്കു​ന്നു.”

ദൈവ​ത്തി​നു സമർപ്പി​ക്കു​ന്ന​തിൽനി​ന്നു തന്നെ തടയാൻ യൗവന​ത്തെ​യോ രോഗ​ത്തെ​യോ ബ്രൂണല അനുവ​ദി​ച്ചില്ല. വിശ്വാ​സ​വും ദൃഢനി​ശ്ച​യ​വും സംബന്ധി​ച്ചുള്ള അവളുടെ ദൃഷ്ടാന്തം ചെറു​പ്പ​ക്കാ​രും പ്രായ​മാ​യ​വ​രു​മായ സകലർക്കും പ്രോ​ത്സാ​ഹ​ന​മേ​കു​ന്നു. ജീവൻ നേടി​യെ​ടു​ക്കാ​നുള്ള ഓട്ടത്തെ തടസ്സ​പ്പെ​ടു​ത്തുന്ന എന്തി​നെ​യും തട്ടി​ത്തെ​റി​പ്പി​ക്കു​ന്ന​തിന്‌ ഇത്‌ അവർക്കു പ്രചോ​ദ​ന​മേ​കു​ന്നു.—എബ്രായർ 12:1.