രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

“പിശാ​ചി​നോ​ടു എതിർത്തു​നി​ല്‌പിൻ; എന്നാൽ അവൻ നിങ്ങളെ വിട്ടു ഓടി​പ്പോ​കും”

ഒന്നാം നൂററാ​ണ്ടിൽ എഫേസൂ​സിൽ “മാന്ത്രി​ക​വി​ദ്യ”കളിൽ തീക്ഷ്‌ണ​രാ​യി​രുന്ന ഒരു കൂട്ടം ആളുകൾ ക്രിസ്‌തീയ സന്ദേശ​ത്തോ​ടു പ്രതി​ക​രി​ക്കു​ക​യു​ണ്ടാ​യി. മാന്ത്രി​ക​വി​ദ്യ​യെ​ക്കു​റി​ച്ചുള്ള തങ്ങളുടെ പുസ്‌ത​കങ്ങൾ അവർ പരസ്യ​മാ​യി​ത്തന്നെ കത്തിച്ചു. (പ്രവൃ​ത്തി​കൾ 19:19, NW) ഈ പുസ്‌ത​കങ്ങൾ 50,000 വെള്ളി​ക്കാശ്‌ വിലയു​ള്ള​താ​ണെന്നു കണക്കാ​ക്ക​പ്പെ​ടു​ന്നു. ബൈബിൾ പരാമർശി​ക്കു​ന്നത്‌ റോമൻ വെള്ളി​ക്കാ​ശായ ദിനാ​റ​യാ​ണെ​ങ്കിൽ അതിന്റെ മൂല്യം ചുരു​ങ്ങി​യത്‌ 37,000 ഡോളർ വരും!

ഗൂഢവി​ദ്യ​ക​ളു​മാ​യി ബന്ധപ്പെട്ട സാഹി​ത്യ​ങ്ങൾ ഒരു കാലത്തു കൈവശം വെച്ചി​രുന്ന, എന്നാൽ അതേസ​മയം പുരാതന എഫേസ്യ​രു​ടേ​തി​നു സമാന​മായ ദൃഢനി​ശ്ചയം പ്രകട​മാ​ക്കി​യവർ ഇന്ന്‌ അനേക​രാണ്‌. കാനഡ​യിൽനി​ന്നുള്ള പിൻവ​രുന്ന അനുഭവം പരിചി​ന്തി​ക്കുക.

അഞ്ചു വർഷം മുമ്പ്‌, വീടു​തോ​റും പ്രസം​ഗി​ക്കു​ക​യാ​യി​രുന്ന ഒരു യഹോ​വ​യു​ടെ സാക്ഷിയെ നോറ എന്നു പേരായ ഒരു സ്‌ത്രീ തന്റെ വീട്ടി​ലേക്കു വലിച്ചു​കൊ​ണ്ടു​പോ​യി. അനേക വർഷങ്ങ​ളാ​യി ആത്മീയ അന്വേ​ഷ​ണ​ത്തി​ലാ​യി​രുന്ന ആ സ്‌ത്രീ മതപര​വും ആത്മവി​ദ്യാ​ചാ​ര​പ​ര​വു​മായ നൂറു​ക​ണ​ക്കി​നു പുസ്‌ത​കങ്ങൾ വാങ്ങി​ക്കൂ​ട്ടി​യി​രു​ന്നു. എങ്കിലും മരിച്ച​വ​രെ​ക്കു​റി​ച്ചുള്ള പ്രത്യാ​ശയെ സംബന്ധി​ച്ചു ബൈബി​ളിന്‌ എന്താണു പറയാ​നു​ള്ള​തെ​ന്ന​റി​യാൻ അവൾക്ക്‌ ആഗ്രഹ​മു​ണ്ടാ​യി​രു​ന്നു. മരിച്ചു​പോയ പ്രിയ​പ്പെ​ട്ട​വർക്ക്‌ എന്തു പ്രത്യാശ എന്ന ലഘുലേഖ സാക്ഷി അവൾക്കു കൊടു​ത്തു. അതോടെ നോറാ​യു​ടെ ചോദ്യ​ങ്ങൾക്ക്‌ ഉത്തരമാ​യി, അവൾ വീക്ഷാ​ഗോ​പു​രം, ഉണരുക! എന്നീ മാസി​ക​കൾക്കുള്ള വരിസം​ഖ്യ എടുത്തു.

പിന്നീട്‌, അവൾ അവി​ടെ​നി​ന്നു സ്ഥലംമാ​റി​പ്പോ​യി. അങ്ങനെ സാക്ഷി​ക​ളു​മാ​യുള്ള ബന്ധവും അററു. എങ്കിലും, പുതിയ അഡ്രസ്സിൽ തപാലി​ലൂ​ടെ അവൾക്കു മാസി​കകൾ ലഭിച്ചു​കൊ​ണ്ടി​രു​ന്നു. മാസി​ക​ക​ളിൽ സൂചി​പ്പി​ച്ചി​രുന്ന ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളിൽ ചിലതിന്‌ അവൾ ഓർഡർ അയയ്‌ക്കു​ക​യും ചെയ്‌തു. കുറച്ചു​നാൾ കഴിഞ്ഞ​പ്പോൾ ഒരു യഹോ​വ​യു​ടെ സാക്ഷി അവളുടെ വീട്ടു​വാ​തിൽക്കൽ വന്നു. ചോദ്യ​ങ്ങൾക്കുള്ള ഉത്തര​മെ​ല്ലാം നേരിട്ടു ബൈബി​ളിൽനിന്ന്‌ എടുക്കു​ന്ന​തിൽ മതിപ്പു​തോ​ന്നിയ നോറ അവളെ സ്വാഗതം ചെയ്യു​ക​യും കൂടുതൽ കാര്യങ്ങൾ ചർച്ച ചെയ്യാൻ വീണ്ടും വരാൻ ആവശ്യ​പ്പെ​ടു​ക​യും ചെയ്‌തു.

എന്നുവ​രി​കി​ലും, സാക്ഷിക്കു നോറ​യു​മാ​യി വീണ്ടും ബന്ധപ്പെ​ടാൻ നന്നേ പാടു​പെ​ടേ​ണ്ടി​വന്നു. ആഴ്‌ച​യിൽ വ്യത്യസ്‌ത ദിവസ​ങ്ങ​ളി​ലും ദിവസ​ത്തിൽ വ്യത്യസ്‌ത സമയങ്ങ​ളി​ലും പോയി​നോ​ക്കി. യാതൊ​രു ഫലവു​മു​ണ്ടാ​യില്ല. എങ്കിലും അവളുടെ സ്ഥിരോ​ത്സാ​ഹ​ത്തി​നു പ്രതി​ഫലം കിട്ടി, നല്ല ഫലങ്ങളും കൊയ്‌തു. ക്രമമായ ഒരു ബൈബി​ള​ധ്യ​യനം ആരംഭി​ച്ചു. നോറ​യു​ടെ നിർബ​ന്ധ​പ്ര​കാ​രം അധ്യയനം ആഴ്‌ച​യിൽ മൂന്നു പ്രാവ​ശ്യ​മാ​ക്കി. പഠിച്ച കാര്യ​ങ്ങ​ളെ​ക്കു​റി​ച്ചു സുഹൃ​ത്തു​ക്ക​ളോ​ടും കുടും​ബാം​ഗ​ങ്ങ​ളോ​ടും പറയാൻ അവൾ പ്രേരി​ത​യാ​യി. അതിന്റെ ഫലമായി, അവരിൽ മൂന്നു പേർ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ ആവശ്യ​പ്പെട്ടു.

അനേകം വ്യാജ​മ​ത​ങ്ങ​ളും വ്യാജ​പ്ര​വാ​ച​ക​രും ഉണ്ടെന്നും എന്നാൽ ജീവനി​ലേക്കു നയിക്കുന്ന ഒരേ ഒരു വഴിയേ ഉള്ളൂ​വെ​ന്നും അധ്യയ​ന​ത്തി​ലൂ​ടെ നോറ​യ്‌ക്കു മനസ്സി​ലാ​യി. അനേകം വർഷങ്ങ​ളാ​യി തന്റെ ചോദ്യ​ങ്ങൾക്കെ​ല്ലാം അവൾ ഉത്തരം തേടി​ക്കൊ​ണ്ടി​രു​ന്നത്‌ വ്യാജ​മ​ത​ങ്ങ​ളി​ലാ​യി​രു​ന്നു. എന്നാൽ ഭൂതങ്ങ​ളെ​ക്കു​റി​ച്ചു ബൈബി​ളിന്‌ എന്താണു പറയാ​നു​ള്ള​തെന്നു മനസ്സി​ലാ​ക്കി​യ​ശേഷം അവൾ പ്രവൃ​ത്തി​കൾ 19:19-ൽ പ്രതി​പാ​ദി​ച്ചി​രി​ക്കുന്ന പുരാതന എഫേസ്യ​രെ​പ്പോ​ലെ പ്രവർത്തി​ച്ചു. അവൾ തന്റെ ലൈ​ബ്രറി വെടി​പ്പാ​ക്കി. ഗൂഢവി​ദ്യ​യെ​യും വ്യാജമത പഠിപ്പി​ക്ക​ലു​ക​ളെ​യും കുറി​ച്ചുള്ള ആയിര​ത്തി​ല​ധി​കം പുസ്‌ത​കങ്ങൾ പല ദിവസ​ങ്ങൾകൊണ്ട്‌ നശിപ്പി​ച്ചു. നശിപ്പി​ക്ക​പ്പെട്ട പ്രസി​ദ്ധീ​ക​ര​ണ​ങ്ങ​ളിൽ നാലെ​ണ്ണ​മുള്ള ഒരു സെററ്‌ പുസ്‌ത​ക​ത്തി​ന്റെ വില 800 ഡോള​റിൽ കൂടുതൽ വരുന്ന​താ​യി​രു​ന്നു!

വ്യക്തമാ​യും, നോറ​യു​ടെ പ്രവൃ​ത്തി​യിൽ നീരസം​പൂണ്ട ഭൂതങ്ങൾ രണ്ട്‌ ആഴ്‌ച​യോ​ളം അവളെ പീഡി​പ്പി​ച്ചു. എന്നിരു​ന്നാ​ലും, ബൈബിൾ പഠനം തുടരു​ന്ന​തിൽനി​ന്നും യഹോ​വ​യു​ടെ ആധുനിക നാളിലെ സ്ഥാപന​ത്തോ​ടൊ​ത്തു സഹവസി​ക്കു​ന്ന​തിൽനി​ന്നും അവളെ പിന്തി​രി​പ്പി​ക്കാൻ ഈ ദുഷ്ടാ​ത്മാ​ക്കൾക്കു കഴിഞ്ഞില്ല.

“ആകയാൽ ദൈവ​ത്തി​ന്നു കീഴട​ങ്ങു​വിൻ; പിശാ​ചി​നോ​ടു എതിർത്തു​നി​ല്‌പിൻ; എന്നാൽ അവൻ നിങ്ങളെ വിട്ടു ഓടി​പ്പോ​കും” എന്ന ബൈബിൾ വചനത്തി​ന്റെ സത്യത നന്നായി ചിത്രീ​ക​രി​ക്കു​ന്ന​താണ്‌ ഇത്തരം അനുഭ​വങ്ങൾ.—യാക്കോബ്‌ 4:7.