യഹോ​വയെ തിര​ഞ്ഞെ​ടു​ക്കാൻ നിങ്ങൾ നിങ്ങളു​ടെ കുട്ടിയെ സഹായി​ക്കു​ന്നു​ണ്ടോ?

“ബൈബിൾ പഠിക്കു​ന്നത്‌ യഥാർഥ​ത്തിൽ വിരസ​വും മടുപ്പി​ക്കു​ന്ന​തു​മാ​ണെന്ന്‌ എനിക്കു തോന്നി. പ്രായ​പൂർത്തി​യാ​യ​ശേഷം യഹോ​വ​യു​ടെ സാക്ഷി ആയിരി​ക്കു​ക​യി​ല്ലെന്നു ഞാൻ എന്റെ ഹൃദയ​ത്തിൽ രഹസ്യ​മാ​യി തീരു​മാ​നി​ച്ചു,” എന്ന്‌ ഒരു യുവാവു പ്രസ്‌താ​വി​ച്ചു. ക്രിസ്‌തീ​യ​കു​ടും​ബ​ങ്ങ​ളി​ലെ ഭൂരി​പക്ഷം കുട്ടി​ക​ളും ഒടുവിൽ യഹോ​വ​യു​ടെ പക്ഷത്തു നില​കൊ​ള്ളാൻ തീരു​മാ​ന​മെ​ടു​ക്കു​മെന്നു പ്രതീ​ക്ഷി​ക്കു​ന്നെ​ങ്കി​ലും, അയാ​ളെ​പ്പോ​ലുള്ള ചെറു​പ്പ​ക്കാർ യഹോ​വയെ തങ്ങളുടെ ദൈവ​മാ​യി തിര​ഞ്ഞെ​ടു​ക്കു​ന്ന​തിൽ പ്രയാസം അനുഭ​വി​ച്ചേ​ക്കാം.

തങ്ങളുടെ കുട്ടി​കളെ ഫലകര​മാ​യി നയിക്കു​ന്ന​തെ​ങ്ങനെ എന്ന സംഗതി​യിൽ മാതാ​പി​താ​ക്കൾക്കു ചില​പ്പോൾ അനിശ്ചി​ത​ത്വം തോന്നു​ന്നു. ഒരിക്കൽ ഇപ്രകാ​രം പറഞ്ഞ ഉത്‌ക്ക​ണ്‌ഠാ​കു​ല​നായ പിതാ​വി​നെ​പ്പോ​ലെ അവർ വളരെ ആത്മ-ശോധ​നക്കു വിധേ​യ​രാ​കു​ന്നു: “സത്യസ​ന്ധ​മാ​യി പറഞ്ഞാൽ, കവിൾത്ത​ട​ത്തിൽ അപ്പോ​ഴും നിരാ​ശ​യു​ടെ കണ്ണുനീ​രോ​ടെ ഉറങ്ങി​ക്കി​ട​ക്കുന്ന എന്റെ കുട്ടി​ക​ളു​ടെ മുഖത്തു നോക്കി ഞാൻ കൂടുതൽ മയമു​ള്ള​വ​ന​ല്ലാ​യി​രു​ന്നെ​ങ്കിൽ എന്നു സംശയി​ച്ചി​ട്ടുള്ള സമയങ്ങ​ളുണ്ട്‌.” അദ്ദേഹ​ത്തി​ന്റെ രണ്ടു പുത്രൻമാർ പ്രായ​പൂർത്തി​യാ​യി, യഹോ​വയെ സേവി​ക്കു​ന്ന​തി​നെ തിര​ഞ്ഞെ​ടു​ത്തു.

എങ്കിലും യഹോ​വയെ ഉപേക്ഷി​ക്കു​ക​യും ക്രിസ്‌തീയ സഭയെ വിട്ടു സാത്താന്റെ ലോക​ത്തി​ലേക്കു പോവു​ക​യും ചെയ്‌ത യുവജ​നങ്ങൾ ഉണ്ട്‌. അതു​കൊണ്ട്‌ യഹോ​വയെ തിര​ഞ്ഞെ​ടു​ക്കാൻ തങ്ങളുടെ മക്കളെ സഹായി​ക്കു​ന്ന​തിൽ മാതാ​പി​താ​ക്കൾ വിജയി​ക്കു​ന്ന​തെ​ങ്ങനെ? ആ ചോദ്യ​ത്തിന്‌ ഉത്തരം നൽകു​ന്ന​തിന്‌, യുവജ​നങ്ങൾ യഹോ​വ​യോ​ടു പററി​നിൽക്കാൻ അവരുടെ മാതാ​പി​താ​ക്കൾ വളരെ​യ​ധി​കം ആഗ്രഹി​ക്കു​മ്പോൾത്തന്നെ ചില യുവജ​നങ്ങൾ അവനെ ഉപേക്ഷി​ക്കു​ന്ന​തെ​ന്തു​കൊ​ണ്ടെന്നു നമുക്ക്‌ ആദ്യം കണ്ടുപി​ടി​ക്കാം.

ചില യുവജ​നങ്ങൾ യഹോ​വയെ ഉപേക്ഷി​ക്കു​ന്ന​തെ​ന്തു​കൊണ്ട്‌?

കൂടുതൽ സാധാ​ര​ണ​മായ ഘടകങ്ങ​ളിൽ ഒന്ന്‌, ചില യുവജ​നങ്ങൾ യഹോ​വ​യെ​യോ അവന്റെ വഴിക​ളെ​യോ ഒരിക്ക​ലും യഥാർഥ​മാ​യി അറിയാൻ ഇടയാ​കു​ന്നി​ല്ലെ​ന്നു​ള്ള​താണ്‌. ബാല്യം മുതൽ ക്രിസ്‌തീ​യ​യോ​ഗ​ങ്ങ​ളിൽ ഹാജരാ​കു​ന്നു​ണ്ടെ​ങ്കി​ലും, അവർ വെറുതെ ഒഴുക്കി​നൊ​പ്പം നീങ്ങുന്നു, യഹോ​വ​ക്കു​വേണ്ടി ഒരു യഥാർഥ അന്വേ​ഷ​ണ​മില്ല. (യെശയ്യാ​വു 55:6; പ്രവൃ​ത്തി​കൾ 17:27) മേൽപ്പറഞ്ഞ ആൺകുട്ടി ക്രിസ്‌തീ​യ​യോ​ഗ​ങ്ങ​ളിൽ വിരസത അനുഭ​വി​ച്ചി​രു​ന്നു, കാരണം പ്രസം​ഗ​പീ​ഠ​ത്തിൽനി​ന്നു പ്രസം​ഗകർ പറഞ്ഞ കാര്യങ്ങൾ അവൻ ഗ്രഹി​ച്ചില്ല.

സത്യത്തി​ന്റെ വിത്തുകൾ ചിലരിൽ നടാൻ ഇടയാ​കു​ന്നു, എന്നാൽ സാത്താന്റെ ലോക​ത്തി​ലെ പ്രത്യ​ക്ഷ​ത്തിൽ അല്ലലി​ല്ലാത്ത ഭൗതി​കത്വ ജീവി​ത​രീ​തി​യാൽ തങ്ങളുടെ ഹൃദയങ്ങൾ വശീക​രി​ക്ക​പ്പെ​ടാൻ അവർ അനുവ​ദി​ക്കു​ന്നു. തങ്ങളുടെ സമപ്രാ​യ​ക്കാ​രോ​ടൊ​ത്താ​യി​രിക്കാ​നും അവരെ​പ്പോ​ലെ ആയിരി​ക്കാ​നു​മുള്ള വളരെ ശക്തമായ ആഗ്രഹത്തെ തരണം​ചെ​യ്യാൻ ചിലർക്കു കഴിയു​ന്നില്ല.—1 ദിനവൃ​ത്താ​ന്തം 28:9; ലൂക്കൊസ്‌ 8:12-14; 1 കൊരി​ന്ത്യർ 15:33.

എന്നിരു​ന്നാ​ലും, ലോക​മെ​മ്പാ​ടും ക്രിസ്‌തീ​യ​ഭ​വ​ന​ങ്ങ​ളി​ലെ അനേകം കുട്ടികൾ യഹോ​വ​യു​ടെ പക്ഷത്തു നിലയു​റ​പ്പി​ക്കു​ന്ന​തി​നെ തിര​ഞ്ഞെ​ടു​ത്തി​ട്ടുണ്ട്‌. അവരുടെ മാതാ​പി​താ​ക്കൾ സ്വീക​രിച്ച ഫലകര​മായ പടിക​ളിൽനിന്ന്‌ എന്തെങ്കി​ലും പഠിക്കാൻ കഴിയു​മോ?

നേരത്തേ തുടങ്ങുക

യഹോ​വയെ തിര​ഞ്ഞെ​ടു​ക്കാൻ നിങ്ങളു​ടെ കുട്ടി​കളെ സഹായി​ക്കു​ന്ന​തിൽ അതി​പ്ര​ധാ​ന​മായ ഒരു താക്കോൽ നേരത്തേ തുടങ്ങുക എന്നതാണ്‌. ഹൃദയം മൃദു​ല​വും പ്രതി​ക​ര​ണ​ശേ​ഷി​യു​ള്ള​തും ആയിരി​ക്കു​മ്പോൾ ലഭിക്കുന്ന ധാരണ​ക​ളും പഠിക്കുന്ന പാഠങ്ങ​ളും മിക്ക​പ്പോ​ഴും ഒരു ആയുഷ്‌കാ​ലം മുഴു​വ​നും നീണ്ടു​നിൽക്കും. (സദൃശ​വാ​ക്യ​ങ്ങൾ 22:6) അതു​കൊണ്ട്‌, അവരുടെ ഹൃദയ​ങ്ങ​ളിൽ യഹോ​വ​യോ​ടുള്ള സ്‌നേ​ഹ​വും യഹോവ അവർക്കു​വേണ്ടി ചെയ്‌തി​രി​ക്കു​ന്ന​തി​നോ​ടുള്ള വിലമ​തി​പ്പും കെട്ടു​പ​ണി​ചെ​യ്യാൻ ശ്രമി​ച്ചു​കൊണ്ട്‌ യഹോ​വ​യു​ടെ നൻമ, അവന്റെ സ്‌നേഹം, അസാധാ​ര​ണ​ത്വം എന്നിവ സംബന്ധി​ച്ചു നിങ്ങളു​ടെ കുട്ടി​ക​ളോ​ടു നേരത്തേ പറയാൻ തുടങ്ങുക. ഇതിനാ​യി, പല മാതാ​പി​താ​ക്ക​ളും വാച്ച്‌ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളിൽ കാണുന്ന യഹോ​വ​യു​ടെ സൃഷ്ടി​ക​ളെ​ക്കു​റി​ച്ചുള്ള നിരവധി ലേഖനങ്ങൾ വിജയ​ക​ര​മാ​യി ഉപയോ​ഗി​ച്ചി​രി​ക്കു​ന്നു.

യഹോ​വ​യോ​ടും അവന്റെ ആരാധ​ന​യോ​ടു​മുള്ള ആദരവും അനുസ​ര​ണ​വും മററു ഗുണങ്ങ​ളോ​ടൊ​പ്പം ജീവി​ത​ത്തി​ന്റെ തുടക്ക​ത്തി​ലേ നട്ടുവ​ളർത്തേ​ണ്ട​വ​യാണ്‌. സ്‌കൂൾ പ്രായ​ത്തി​നു​മു​മ്പുള്ള കുട്ടികൾ ലളിത​മായ കുറി​പ്പു​കൾ എടുക്കാ​നും തങ്ങളുടെ സ്വന്തം ബൈബി​ളിൽ വാക്യങ്ങൾ എടുത്തു​നോ​ക്കാ​നും കഠിന​ശ്രമം ചെയ്യു​ന്ന​തോ ഉറക്കം വരു​മ്പോൾ തങ്ങളുടെ മാതാ​പി​താ​ക്ക​ളോ​ടു​കൂ​ടെ തണുത്ത വെള്ളത്തിൽ മുഖം കഴുകാൻ പോകു​ന്ന​തോ കാണു​ന്നതു ഹൃദ്യ​മാണ്‌. ഇവ ലളിത​മായ കാര്യ​ങ്ങ​ളാണ്‌, എന്നാൽ യഹോ​വ​യോട്‌ ആദരവും അനുസ​ര​ണ​വും പ്രകട​മാ​ക്ക​ണ​മെന്ന്‌ യുവമ​ന​സ്സിൽ പതിപ്പി​ക്കു​ന്ന​തിന്‌ അവ എത്ര മർമ​പ്ര​ധാ​ന​മാണ്‌!

ഗൗരവ​മാ​യ വ്യക്തിഗത ബൈബിൾ പ്രബോ​ധ​ന​വും നേരത്തേ തുടങ്ങണം. തങ്ങളുടെ പുത്രൻമാർക്കു രണ്ടുവ​യസ്സു പ്രായ​മു​ള്ള​പ്പോൾ ഒരു ദമ്പതികൾ മഹദ്‌ഗു​രു​വി​നെ ശ്രദ്ധിക്കൽ എന്ന പുസ്‌തകം അവരോ​ടൊ​ത്തു വായി​ക്കാൻ തുടങ്ങി. പിന്നീട്‌, കുട്ടികൾ സ്‌കൂ​ളിൽ പോകാൻ തുടങ്ങി​യ​പ്പോൾ അവർ നേരത്തേ ഉണരു​ക​യും ഓരോ പ്രഭാ​ത​ത്തി​ലും അവരുടെ അമ്മയോ​ടൊത്ത്‌ എന്റെ ബൈബിൾ കഥാപു​സ്‌തകം, നിങ്ങൾക്ക്‌ ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്നീ പുസ്‌ത​ക​ങ്ങ​ളിൽനി​ന്നു പഠിക്കു​മാ​യി​രു​ന്നു. അതി​നെ​ത്തു​ടർന്നു പ്രഭാ​ത​ഭ​ക്ഷ​ണ​ത്തി​നു​മു​മ്പു പിതാവു നിർവ​ഹി​ക്കുന്ന ഒരു ദിനവാ​ക്യ പരിചി​ന്ത​ന​വും ഉണ്ടായി​രു​ന്നു. അവരുടെ പുത്രൻമാർ 10-ഉം 11-ഉം വയസ്സു​ള്ള​പ്പോൾ ജലസ്‌നാ​പ​ന​ത്തി​ലൂ​ടെ തങ്ങളുടെ സമർപ്പണം ലക്ഷ്യ​പ്പെ​ടു​ത്തി​ക്കൊണ്ട്‌ യഹോ​വയെ സേവി​ക്കാൻ ഈയിടെ തീരു​മാ​നി​ച്ച​പ്പോൾ മാതാ​പി​താ​ക്ക​ളു​ടെ ശ്രമങ്ങൾക്കു വർദ്ധിച്ച പ്രതി​ഫലം ലഭിച്ചു.

ജപ്പാനി​ലെ വാച്ച്‌ടവർ സൊ​സൈ​റ​റി​യു​ടെ ബ്രാ​ഞ്ചോ​ഫീ​സിൽ സേവന​മ​നു​ഷ്‌ഠി​ക്കുന്ന ഒരു മിടുക്കൻ യുവാവ്‌, താൻ വളരെ ചെറു​പ്പ​മാ​യി​രു​ന്ന​പ്പോൾ തന്റെ അമ്മ രാത്രി​യിൽ തന്റെ അടുത്തി​രു​ന്നു പ്രാർഥി​ക്കാൻ സഹായി​ച്ചു​കൊണ്ട്‌ യഹോ​വ​യോട്‌ ഒരു ബന്ധം വളർത്തി​യെ​ടു​ക്കാൻ സഹായി​ച്ച​താ​യി അനുസ്‌മ​രി​ച്ചു. പഠിപ്പിച്ച പാഠം അവൻ ഒരിക്ക​ലും മറന്നില്ല. അവൻ എവിടെ പോയാ​ലും എന്തു ചെയ്‌താ​ലും സഹായി​ക്കാൻ തയ്യാറാ​യി യഹോവ എപ്പോ​ഴും അടുത്തു​ണ്ടാ​യി​രു​ന്നു.

വിജയ​പ്ര​ദ​രാ​യ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ അവകാ​ശ​പ്പെ​ടു​ത്തിയ അപൂർണത നിമിത്തം ഉണ്ടാകുന്ന തെററായ പ്രവണ​തകൾ തിരി​ച്ച​റി​യാൻ പഠിക്കു​ന്നു. ഇവ തിരു​ത്താൻ തങ്ങളുടെ കുട്ടി​കളെ സഹായി​ക്കാൻ മാതാ​പി​താ​ക്കൾ നേരത്തേ തുടങ്ങു​ന്നു. (സദൃശ​വാ​ക്യ​ങ്ങൾ 22:15) സ്വാർഥത, മർക്കട​മു​ഷ്ടി, അഹങ്കാരം, മററു​ള്ള​വരെ അമിത​മാ​യി വിമർശി​ക്കൽ എന്നീ ചായ്‌വു​കൾക്കെ​തി​രെ നേരത്തേ നടപടി​യെ​ടു​ക്കണം. അല്ലെങ്കിൽ, അത്തരം വിത്തുകൾ പിൽക്കാ​ലത്തു ദൈവ​ത്തി​നും അവന്റെ വഴികൾക്കും എതിരായ മത്സരത്തി​ലേക്കു വളരും. ഉദാഹ​ര​ണ​ത്തിന്‌, സദു​ദ്ദേ​ശ്യ​മു​ള്ള​വ​രെ​ങ്കി​ലും അമിത ദാക്ഷി​ണ്യം കാട്ടുന്ന മാതാ​പി​താ​ക്കൾ മിക്ക​പ്പോ​ഴും തങ്ങളുടെ മക്കളെ തന്നിഷ്ട മനോ​ഭാ​വങ്ങൾ വളർത്താൻ അനുവ​ദി​ക്കു​ക​യാണ്‌. ഈ കുട്ടികൾ തങ്ങളുടെ മാതാ​പി​താ​ക്ക​ളെ​യോ യഹോ​വ​യെ​യോ ബഹുമാ​നി​ക്കു​ന്നതു പ്രയാ​സ​മാ​യി കണ്ടെത്തു​ന്നു. അവർ ബൈബി​ളിൽ പരാമർശി​ച്ചി​രി​ക്കുന്ന ‘നന്ദിയി​ല്ലാ​ത്ത​വ​രെ​പ്പോ​ലെ’ ആയിത്തീ​രു​ന്നു. (സദൃശ​വാ​ക്യ​ങ്ങൾ 29:21) നേരെ​മ​റിച്ച്‌, ഗൃഹ​ജോ​ലി​കൾ നൽക​പ്പെ​ടു​ന്ന​വ​രും മററു​ള്ള​വ​രു​ടെ ആവശ്യങ്ങൾ സംബന്ധി​ച്ചു ജാഗരൂ​ക​രാ​യി​രി​ക്കാൻ പഠിപ്പി​ക്ക​പ്പെ​ടു​ന്ന​വ​രും ആയ കുട്ടികൾ തങ്ങളുടെ മാതാ​പി​താ​ക്ക​ളോ​ടും യഹോ​വ​യോ​ടും കൂടുതൽ നന്ദിയു​ള്ള​വ​രാ​യി​രി​ക്കാൻ ചായ്‌വു കാണി​ക്കു​ന്നു.

മറെറാ​രു പ്രധാ​ന​വശം ഒരു കുട്ടിക്കു ന്യായ​മാ​യും എത്തി​ച്ചേ​രാ​വുന്ന ദിവ്യാ​ധി​പത്യ ലാക്കുകൾ വെക്കാൻ നേരത്തേ തുടങ്ങുക എന്നതാണ്‌. ഇതു നേര​ത്തേ​തന്നെ, സ്ഥിരത​യോ​ടെ നിർവ​ഹി​ക്കു​ന്നി​ല്ലെ​ങ്കിൽ മററു​ള്ളവർ വ്യത്യസ്‌ത ലാക്കു​കൾകൊണ്ട്‌ അവന്റെ മനസ്സും ഹൃദയ​വും നിറ​ച്ചേ​ക്കാം. ബൈബിൾ ആദി​യോ​ടന്തം വായിക്കൽ, വാച്ച്‌ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളി​ലൊ​ന്നു വ്യക്തി​പ​ര​മാ​യി പഠിക്കൽ, ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ പേർ ചാർത്തൽ, സുവാർത്ത​യു​ടെ ഒരു പ്രഘോ​ഷകൻ ആയിത്തീ​രൽ, സ്‌നാ​പ​ന​മേൽക്കൽ എന്നിവ ഈ ലാക്കു​ക​ളിൽ ഉൾപ്പെ​ടു​ത്തണം.

തന്റെ അമ്മ ലളിത​മായ ചോദ്യ​ങ്ങൾ ചോദി​ച്ചു​കൊ​ണ്ടും സ്‌കൂ​ളിൽനി​ന്നു വരു​മ്പോൾ മാസി​കകൾ കാണത്ത​ക്ക​വണ്ണം അടുക്ക​ള​യി​ലെ മേശയിൽ വെച്ചു​കൊ​ണ്ടും വീക്ഷാ​ഗോ​പു​രം, ഉണരുക! മാസി​കകൾ വായി​ക്കുന്ന ശീലം തന്നിൽ വളർത്തി​യ​താ​യി ററാക്കാ​ഫൂ​മി അനുസ്‌മ​രി​ക്കു​ന്നു. ക്രിസ്‌തീയ ശുശ്രൂ​ഷ​ക​രു​ടെ ആവശ്യം കൂടു​ത​ലു​ള്ള​ടത്തു സേവി​ക്കുന്ന പയനിയർമാരോടൊപ്പം ഏതാനും ദിവസം താമസി​ച്ച​തും അവരോ​ടൊ​പ്പം ശുശ്രൂ​ഷക്കു പോയ​തും അവർ നല്ല ആഹാരങ്ങൾ പാചക​പ്പെ​ടു​ത്തു​ന്നതു കണ്ടതും അവരുടെ സന്തോ​ഷ​വും തീക്ഷ്‌ണ​ത​യും നിരീ​ക്ഷി​ച്ച​തും അതേ വിധത്തിൽ യഹോ​വയെ സേവി​ക്കു​ന്ന​തി​നുള്ള തന്റെ ആഗ്രഹത്തെ സ്വാധീ​നി​ച്ച​താ​യി യൂറി ഓർക്കു​ന്നു. യുവാ​ക്ക​ളായ സ്‌ത്രീ​പു​രു​ഷൻമാർ സന്തോ​ഷ​പൂർവം യഹോ​വയെ സേവി​ക്കു​ന്നി​ട​മായ ബെഥേ​ലി​ലേക്കു തങ്ങളുടെ മാതാ​പി​താ​ക്കൾ തങ്ങളെ ക്രമമാ​യി കൊണ്ടു​പോ​യി​രു​ന്നത്‌ അനേകം യുവജ​നങ്ങൾ ഓർമ്മി​ക്കു​ന്നു. വാച്ച്‌ടവർ സൊ​സൈ​റ​റി​യു​ടെ മുഖ്യ​കാ​ര്യാ​ല​യ​വും ബ്രാഞ്ചു​ക​ളും ബെഥേൽ എന്നു വിളി​ക്ക​പ്പെ​ടു​ന്നു. കുട്ടി​ക​ളെ​ന്ന​നി​ല​യിൽ സന്ദർശി​ച്ച​വ​രിൽ അനേകർ ഇപ്പോൾ ലോക​മെ​മ്പാ​ടു​മുള്ള ബെഥേ​ലു​ക​ളിൽ സേവി​ക്കു​ന്നു.

കുട്ടി​കൾക്കു നിങ്ങളു​ടെ സമയം കൊടു​ക്കു​ക

നിങ്ങൾ മക്കളോ​ടൊ​ത്തു ചെലവ​ഴി​ക്കുന്ന സമയത്തി​ന്റെ അളവി​നും ഗുണത്തി​നും അവർ യഹോ​വയെ സേവി​ക്കാൻ തിര​ഞ്ഞെ​ടു​ക്കു​മോ ഇല്ലയോ എന്ന സംഗതി​യിൽ നേരി​ട്ടുള്ള ഒരു സ്വാധീ​ന​മു​ണ്ടാ​യി​രി​ക്കാൻ സാദ്ധ്യ​ത​യുണ്ട്‌. നിങ്ങൾ അവരോ​ടൊ​ത്തു നടത്തുന്ന ബൈബി​ള​ധ്യ​യ​ന​ത്തിന്‌ എത്രമാ​ത്രം സമയ​മെ​ടു​ക്കു​ന്നു, തയ്യാറാ​കൽ നടത്തുന്നു എന്നുള്ളത്‌ അവർ പെട്ടെന്നു തിരി​ച്ച​റി​യു​ന്നു. കഴിഞ്ഞ അധ്യയനം എവിടെ നിറു​ത്തി​യെന്നു നിങ്ങൾക്ക്‌ ഓർക്കാൻ കഴിയു​ന്നി​ല്ലെ​ങ്കിൽ അഥവാ നിസ്സാര കാരണ​ങ്ങൾക്കു അധ്യയനം ഒഴിവാ​ക്കു​ന്നെ​ങ്കിൽ, അധ്യയനം വളരെ പ്രധാ​ന​മ​ല്ലെ​ന്നുള്ള ആശയം നിങ്ങൾ ധരിപ്പിക്കുകയാണ്‌. എന്നിരു​ന്നാ​ലും, മാതാ​പി​താ​ക്കൾ അധ്യയ​ന​ത്തി​നു​വേണ്ടി ത്യാഗം അനുഷ്‌ഠി​ക്കു​ന്ന​താ​യും അതിനു​വേണ്ടി നന്നായി തയ്യാറാ​കു​ന്ന​താ​യും എന്തുതന്നെ ഉണ്ടായാ​ലും അധ്യയനം ക്രമമാ​യി നടത്തു​ന്ന​താ​യും അവർ കാണു​മ്പോൾ തീർത്തും വിഭി​ന്ന​മായ ഒരു സന്ദേശം ധരിപ്പി​ക്കു​ന്നു. അത്‌ ഒരു വ്യവസ്ഥ​യ​ല്ലെ​ങ്കി​ലും, ചില അമ്മമാർ യോഗ​ങ്ങൾക്കു പോവു​ക​യോ അയൽക്കാ​രിക്ക്‌ ഒരു ബൈബി​ള​ധ്യ​യനം നടത്തു​ക​യോ ചെയ്യു​മ്പോ​ഴെ​ന്ന​പോ​ലെ തങ്ങളുടെ മക്കളുടെ അധ്യയ​ന​ത്തി​നു​വേണ്ടി വസ്‌ത്രം മാറുന്നു. യഹോ​വ​യു​ടെ ആരാധന പ്രധാ​ന​മാണ്‌ എന്നതാണു നൽക​പ്പെ​ടുന്ന ധാരണ.

നിങ്ങളു​ടെ കുട്ടി​ക​ളു​ടെ ഹൃദയ​ത്തിൽ എത്തി​ക്കൊണ്ട്‌ അവരുടെ ബൈബിൾ വിദ്യാ​ഭ്യാ​സം ആസ്വാ​ദ്യ​മാ​ക്കു​ന്ന​തിന്‌ വളരെ സമയവും ശ്രമവും ആവശ്യ​മാ​യി​രി​ക്കും. പഠിക്കുന്ന കാര്യങ്ങൾ വിശേ​ഷാൽ കൊച്ചു​കു​ട്ടി​ക​ളു​ടെ മുമ്പാകെ അഭിന​യി​ച്ചു കാണി​ക്കു​മ്പോൾ അവർക്കു മതിപ്പു തോന്നു​ന്നു. ഉദാഹ​ര​ണ​ത്തിന്‌, ലാസറി​ന്റെ പുനരു​ത്ഥാ​നം സംബന്ധിച്ച ബൈബിൾ വിവരണം അഭിന​യി​ച്ചു​കാ​ണി​ച്ചു​കൊണ്ട്‌, ഒരു പിതാവു പുനരു​ത്ഥാ​നം വിഭാവന ചെയ്യാൻ തന്റെ കുട്ടി​കളെ സഹായി​ച്ചു. അദ്ദേഹം ഉള്ളറയി​ലേക്കു പോവു​ക​യും അതിനു​ശേഷം ലാസർ ഉയിർത്തു​വ​രു​ന്ന​തു​പോ​ലെ പുറത്തു​വ​രു​ക​യും ചെയ്‌തു.—യോഹ​ന്നാൻ 11:17-44.

കുട്ടികൾ പ്രായ​പൂർത്തി​യോ​ട​ടു​ക്കു​മ്പോൾ, അവർ അഭിമു​ഖീ​ക​രി​ക്കുന്ന വികാ​ര​ങ്ങ​ളു​ടെ​യും സംശയ​ങ്ങ​ളു​ടെ​യും ഉത്‌ക്ക​ണ്‌ഠ​ക​ളു​ടെ​യും പ്രളയത്തെ കൈകാ​ര്യം ചെയ്യു​ന്ന​തിന്‌ അതി​നെ​ക്കാൾ കൂടുതൽ സമയവും വൈദ​ഗ്‌ദ്ധ്യ​വും ആവശ്യ​മാ​യി വരുന്നു. കുട്ടികൾ യഹോ​വ​യി​ലുള്ള ആശ്രയം വളർത്തി​യെ​ടു​ക്ക​ണ​മെ​ങ്കിൽ സ്‌നേ​ഹ​വും വിവേ​ച​ന​യു​മുള്ള മാതാ​പി​താ​ക്കൾ ഈ ഘട്ടത്തിൽ നീക്കി​വെ​ക്കുന്ന സമയം വളരെ പ്രധാ​ന​മാണ്‌. തന്റെ മക്കൾ വിവിധ പ്രശ്‌ന​ങ്ങളെ അഭിമു​ഖീ​ക​രി​ച്ച​പ്പോൾ ബന്ധപ്പെട്ട വിവരങ്ങൾ വീക്ഷാ​ഗോ​പുര പ്രസി​ദ്ധീ​ക​ര​ണ​ങ്ങ​ളിൽനി​ന്നു നോക്കി​യെ​ടുത്ത്‌, പ്രതി​സന്ധി പൂർണ​മാ​യി തരണം ചെയ്യു​ന്ന​തു​വരെ ഓരോ ദിവസ​വും അവരോ​ടൊ​ത്തു ചർച്ച ചെയ്‌തി​രു​ന്ന​താ​യി നാലു മക്കളുള്ള വിജയ​പ്ര​ദ​നായ ഒരു പിതാവ്‌ എടുത്തു​പ​റഞ്ഞു.

രണ്ടു മക്കളുള്ള തിര​ക്കേ​റിയ ഒരു പയനിയർ മാതാവ്‌, മകൾ പിൻവാ​ങ്ങി പോകു​ന്ന​താ​യും അവൾക്കു ദിവ്യാ​ധി​പത്യ പ്രവർത്ത​ന​ങ്ങ​ളിൽ സന്തോഷം ഇല്ലാത്ത​താ​യും നിരീ​ക്ഷി​ച്ചു. അതു​കൊണ്ട്‌, കുട്ടി സ്‌കൂ​ളിൽനി​ന്നു തിരി​ച്ചു​വ​രു​മ്പോൾ ഓരോ ഉച്ചകഴി​ഞ്ഞും വീട്ടിൽ ഉണ്ടായി​രി​ക്കാൻ അവൾ തീരു​മാ​ന​മെ​ടു​ത്തു, ഒരുമി​ച്ചു ചായ കുടി​ക്കു​മ്പോൾ മകളോ​ടൊ​ത്തു സംഭാ​ഷ​ണ​ത്തിൽ ഏർപ്പെ​ടു​ക​യും ചെയ്‌തു. അമ്മയും മകളും തമ്മിലുള്ള ഉററ ആശയവി​നി​മ​യ​ങ്ങ​ളി​ലൂ​ടെ ആവശ്യ​മാ​യി​രുന്ന സഹായം പെൺകു​ട്ടി​ക്കു ലഭിച്ചു. ഇപ്പോൾ, ഹൈസ്‌കൂൾ വിദ്യാ​ഭ്യാ​സം കഴിഞ്ഞ്‌ അവൾ അമ്മയോ​ടൊ​പ്പം പയനിയർ സേവന​ത്തിൽ പ്രവേ​ശി​ച്ചി​രി​ക്കു​ന്നു.—സദൃശ​വാ​ക്യ​ങ്ങൾ 20:5.

നല്ല സഹവാ​സ​വും ദൃഷ്ടാ​ന്ത​വും

തങ്ങളുടെ സമയം കൊടു​ക്കു​ന്ന​തി​നു പുറമേ, മാതാ​പി​താ​ക്കൾ തങ്ങളുടെ മക്കൾക്ക്‌ ആരോ​ഗ്യ​ക​ര​മായ സഹവാ​സ​വും പ്രദാനം ചെയ്യണം. സദൃശ​വാ​ക്യ​ങ്ങൾ 13:20 ഇപ്രകാ​രം പറയുന്നു: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷൻമാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.”

വിജയ​പ്ര​ദ​രാ​യ അനേകം മാതാ​പി​താ​ക്കൾ ആ സദൃശ​വാ​ക്യ​ത്തി​ന്റെ സത്യത തിരി​ച്ച​റി​യു​ന്നു. നാലു മക്കളുള്ള ഒരു പിതാവു പറയുന്നു: “പിന്തി​രി​ഞ്ഞു നോക്കു​മ്പോൾ, ഞങ്ങളുടെ മക്കളുടെ സത്യത്തി​ലുള്ള വലിയ സുഹൃ​ദ്‌വ​ല​യ​മാ​യി​രു​ന്നു യഹോ​വയെ സേവി​ക്കാൻ അവരെ പ്രചോ​ദി​പ്പി​ക്കു​ന്ന​തി​നു സഹായി​ച്ച​തെന്നു ഞാൻ കരുതു​ന്നു. ഞങ്ങളു​ടേ​തി​നു​പു​റമേ മററു സഭകളിൽനി​ന്നും സുഹൃ​ത്തു​ക്കളെ സമ്പാദി​ക്കാ​നും ആ സൗഹൃ​ദങ്ങൾ പരി​പോ​ഷി​പ്പി​ക്കാ​നും ഞാൻ അവരെ പ്രോ​ത്സാ​ഹി​പ്പി​ച്ചു. പല വർഷങ്ങ​ളോ​ളം ബെഥേ​ലിൽ സേവന​മ​നു​ഷ്‌ഠിച്ച ഒരു ക്രിസ്‌തീയ മൂപ്പൻ അനുസ്‌മ​രി​ച്ചു: “ഞാൻ കുട്ടി​യാ​യി​രി​ക്കു​മ്പോൾ ഞങ്ങൾ ഒരു ചെറിയ വീട്ടി​ലാ​ണു താമസി​ച്ചി​രു​ന്നത്‌, എങ്കിലും അവിടെ എല്ലായ്‌പ്പോ​ഴും സർക്കിട്ട്‌ മേൽവി​ചാ​ര​കനു താമസ​സൗ​ക​ര്യം നൽകി​യി​രു​ന്നു. അതിനു​പു​റമേ ഞങ്ങളുടെ സഭയിലെ പ്രത്യേക പയനി​യർമാർ ക്രമമാ​യി ഞങ്ങളോ​ടൊ​ത്തു ഭക്ഷണം കഴിച്ചി​രു​ന്നു. അവർ ഞങ്ങളുടെ വീട്ടിൽവന്നു കുളി​ക്കു​ക​യും ഞങ്ങളോ​ടു സഹവസി​ക്കു​ക​യും ചെയ്‌തു. അവരുടെ അനുഭ​വങ്ങൾ കേട്ടതും അവരുടെ സന്തോഷം കണ്ടതും മുഴു​സ​മ​യ​സേ​വ​ന​ത്തോ​ടുള്ള വിലമ​തി​പ്പു നട്ടുവ​ളർത്താൻ എന്നെ സഹായി​ച്ചു.”

വിഷമ​ഘ​ട്ട​ങ്ങ​ളി​ലൂ​ടെ കടന്നു​പോ​കു​ന്ന​വരെ നല്ല സഹവാസം സഹായി​ക്കു​ന്നു. ഒരു അസ്വസ്ഥ​ഘട്ടം അനുഭ​വി​ച്ചു​കൊ​ണ്ടി​രുന്ന കുട്ടി​യു​ടെ അമ്മ യഹോ​വ​യു​ടെ സാക്ഷി​ക​ളി​ലെ ഒരു സഞ്ചാരമേൽവിചാരകനുമായി പ്രശ്‌നം ചർച്ച ചെയ്‌തു. കുട്ടിയെ അവളോ​ടൊ​പ്പം വയൽശു​ശ്രൂ​ഷ​യിൽ കൊണ്ടു​പോ​കാൻ അദ്ദേഹം ശുപാർശ​ചെ​യ്‌തു. “നിങ്ങൾ അങ്ങനെ ചെയ്‌താൽ അവന്റെ ആത്മീയ​ത​യും മററു സകലകാ​ര്യ​ങ്ങ​ളും അഭിവൃ​ദ്ധി​പ്പെ​ടും,” എന്ന്‌ അദ്ദേഹം പറഞ്ഞു. അവൾ റിപ്പോർട്ടു ചെയ്യുന്നു: “ഞങ്ങളുടെ സഭയിൽ സായാഹ്ന സാക്ഷീ​ക​ര​ണ​ത്തി​നുള്ള ഒരു ക്രമീ​ക​ര​ണ​മു​ണ്ടാ​യി​രു​ന്നു, സ്‌കൂൾ പ്രായ​ത്തി​ലുള്ള പല കുട്ടി​ക​ളും പ്രായ​മുള്ള പല നിരന്ത​ര​പ​യ​നി​യർമാ​രും ചുരു​ങ്ങി​യത്‌ ഒരു മൂപ്പനും അതിൽ പങ്കെടു​ത്തി​രു​ന്നു. എന്റെ മകനെ ക്രമമാ​യി കൊണ്ടു​പോ​കു​ന്നത്‌ ആദ്യ​മൊ​ക്കെ ഒരു കഠിന​യ​ത്‌ന​മാ​യി​രു​ന്നു. ആരോ​ഗ്യാ​വ​ഹ​മായ സഹവാ​സ​ത്തി​ന്റെ ഫലമായി കൂടുതൽ സന്തോ​ഷ​വാ​നാ​യും പ്രോ​ത്സാ​ഹി​ത​നാ​യും അവൻ എപ്പോ​ഴും വീട്ടിൽ തിരി​ച്ചെ​ത്തി​യ​തി​നാൽ കഠിന​യ​ത്‌നം നീണ്ടു​നി​ന്നില്ല. അവൻ ഒരു ഹൈസ്‌കൂൾ വിദ്യാർഥി ആയിരു​ന്ന​പ്പോൾ സ്‌നാ​പനം സ്വീക​രി​ച്ചു, ഓരോ മാസവും ഒരു സഹായ​പ​യ​നി​യ​റാ​യി സേവന​മ​നു​ഷ്‌ഠി​ക്കു​ക​യും ചെയ്‌തു. അവൻ ബിരു​ദ​മെ​ടു​ത്ത​ശേഷം ഒരു നിരന്തര പയനി​യ​റു​മാ​യി​ത്തീർന്നു.” യഹോ​വ​യു​ടെ ഇഷ്ടം ചെയ്യു​ന്ന​തി​നോ​ടൊ​പ്പം ആരോ​ഗ്യാ​വ​ഹ​മായ സഹവാ​സം​കൂ​ടെ ആയപ്പോൾ നല്ല ഫലങ്ങൾ കൈവ​രു​ത്തി.

നിങ്ങളു​ടെ കുട്ടി​യു​ടെ​മേൽ ആരോ​ഗ്യാ​വ​ഹ​മായ ഒരു സ്വാധീ​ന​മാ​യി​രി​ക്കാ​വുന്ന ചെറു​പ്പ​ക്കാർ സ്ഥലത്ത്‌ ഇല്ലാതി​രു​ന്നേ​ക്കാം. എന്നാൽ യഹോ​വയെ സേവി​ക്കാൻ തിര​ഞ്ഞെ​ടു​ത്തി​ട്ടുള്ള പല യുവാ​ക്ക​ളും ആവർത്തി​ച്ചു പറഞ്ഞി​ട്ടുള്ള ഒരു സംഗതി അവരുടെ മാതാ​പി​താ​ക്ക​ളു​ടെ മാതൃ​ക​കളെ സംബന്ധി​ച്ചാണ്‌. പല യുവാ​ക്ക​ളും അവരുടെ മാതാ​പി​താ​ക്കളെ പ്രശം​സി​ക്കു​ക​യും അവരെ അനുക​രി​ക്കാൻ ആഗ്രഹി​ക്കു​ക​യും ചെയ്‌തു. യൂറി അവളുടെ അമ്മയുടെ ആതിഥ്യ​വും ടെല​ഫോ​ണിൽ വിളി​ച്ചു​കൊ​ണ്ടും രോഗി​കൾക്കു​വേണ്ടി ആഹാര​മു​ണ്ടാ​ക്കി​ക്കൊ​ണ്ടും മററു​ള്ള​വർക്കു​വേണ്ടി കരുതിയ വിധവും ഓർക്കു​ന്നു. നാലു പുത്രൻമാ​രുള്ള, അവർ എല്ലാവ​രും ഇപ്പോൾ മുതിർന്ന​വ​രും യഹോ​വയെ സേവി​ക്കു​ന്ന​വ​രു​മാണ്‌, ഒരു കുടും​ബ​ത്തിൽനി​ന്നു വന്ന ററാറ​റ്‌സു​വോ ഇപ്രകാ​രം പറഞ്ഞു: “ഡാഡി ഒരു അവിശ്വാ​സി ആയിരു​ന്ന​തു​കൊ​ണ്ടു മമ്മിക്കു ക്രമമാ​യി ഞങ്ങളോ​ടൊ​ത്തു പഠിക്കാൻ കഴിഞ്ഞില്ല. മമ്മിക്കു ബന്ധുക്ക​ളിൽനി​ന്നു വളരെ എതിർപ്പും ഉണ്ടായി. എന്നാൽ സത്യത്തി​നു​വേ​ണ്ടി​യുള്ള മമ്മിയു​ടെ നിലപാ​ടും യഹോ​വയെ സേവി​ക്കു​ന്ന​തി​ലുള്ള സന്തോ​ഷ​വും നിരീ​ക്ഷി​ച്ചത്‌ എന്നെ വളരെ​യ​ധി​കം സ്വാധീ​നി​ച്ചു. ഞങ്ങളുടെ പ്രശ്‌ന​ങ്ങ​ളിൽ ഞങ്ങളെ സഹായി​ക്കു​ന്ന​തി​നു നേരം വെളു​ക്കു​ന്ന​തു​വരെ ഉണർന്നി​രി​ക്കാ​നും മമ്മി സന്നദ്ധയാ​യി​രു​ന്നു.” വിശ്വസ്‌ത പ്രവൃ​ത്തി​ക​ളാൽ പിന്താ​ങ്ങ​പ്പെ​ടു​മ്പോൾ മാതാ​പി​താ​ക്ക​ളു​ടെ ജ്ഞാന​മൊ​ഴി​കൾക്കു ശക്തിയുണ്ട്‌. യോയീ​ചി​റൊ തന്റെ മാതാ​പി​താ​ക്കളെ സംബന്ധിച്ച്‌ ഇപ്രകാ​രം പറഞ്ഞു: “അവർ എന്നെങ്കി​ലും സഭയിലെ മററു​ള്ള​വരെ സംബന്ധി​ച്ചു നിഷേ​ധാ​ത്മക ചിന്തകൾ പ്രകടി​പ്പി​ക്കു​ന്നത്‌ എനിക്ക്‌ ഓർക്കാൻ കഴിയു​ന്നില്ല; മററു​ള്ള​വ​രു​ടെ തെററു​ക​ളെ​ക്കു​റി​ച്ചു കുശു​കു​ശു​ക്കാൻ അവർ കുട്ടി​ക​ളായ ഞങ്ങളെ​യും അനുവ​ദി​ച്ചില്ല.”—ലൂക്കൊസ്‌ 6:40-42.

കുട്ടികൾ യഹോ​വയെ തിര​ഞ്ഞെ​ടു​ക്കു​ന്നതു കാണു​ന്ന​തി​ലെ സന്തോഷം

യഹോ​വയെ തിര​ഞ്ഞെ​ടു​ക്കാൻ നിങ്ങളു​ടെ കുട്ടി​കളെ സഹായി​ക്കു​ന്ന​തി​നു കുറു​ക്കു​വ​ഴി​യൊ​ന്നും ഇല്ല. പല അസ്വസ്ഥ നിമി​ഷങ്ങൾ ഉണ്ടാകും. എന്നാൽ നേരത്തെ പരാമർശിച്ച അസ്വസ്ഥ​നായ പിതാവ്‌ ഇപ്രകാ​രം പറഞ്ഞു: “മാതാ​പി​താ​ക്കൾ എന്ന നിലയിൽ യഹോ​വ​യു​ടെ ദൃശ്യ​സ്ഥാ​പ​ന​ത്തി​ന്റെ നിർദേ​ശങ്ങൾ പിൻപ​റ​റാൻ ഞങ്ങൾ എല്ലായ്‌പ്പോ​ഴും വിശ്വ​സ്‌ത​മാ​യി ശ്രമിച്ചു. പ്രശ്‌നങ്ങൾ തരണം​ചെ​യ്യു​ന്ന​തിൽ ഇതു വലി​യൊ​രു സഹായ​മാ​യി​രു​ന്നു.” അവരുടെ ശ്രമങ്ങൾ വിജയം കണ്ടു.

അതെ, യഹോ​വയെ സ്‌നേ​ഹി​ക്കു​ന്ന​തി​നു മതിയായ ന്യായങ്ങൾ നിങ്ങളു​ടെ കുട്ടി​കൾക്കു നൽകി​ക്കൊ​ണ്ടും വിശ്വ​സ്‌ത​മായ മാതൃ​ക​യാ​ലും സഹായി​ക്കാ​നുള്ള ആത്മാർഥ​മായ ശ്രമങ്ങ​ളാ​ലും അതിനെ പിന്താ​ങ്ങി​ക്കൊ​ണ്ടും ബൈബി​ളി​ലെ മാർഗ​രേ​ഖകൾ പിൻപ​റ​റാൻ പരമാ​വധി ശ്രമി​ക്കു​ന്ന​തി​നാൽ നിങ്ങളും ഒടുവിൽ നിങ്ങളു​ടെ ശ്രമങ്ങൾ വിജയ​കി​രീ​ടം അണിയു​ന്നതു കാണാൻ ഇടയാ​യേ​ക്കാം. യഹോ​വ​യു​ടെ സാക്ഷി​ക​ളിൽ ഒരുവ​നാ​യി​ത്തീ​രു​ന്നി​ല്ലെന്ന്‌ ഒരിക്കൽ തീരു​മാ​ന​മെ​ടുത്ത, നേരത്തെ പറഞ്ഞ ആൺകു​ട്ടി​യെ ഓർക്കു​ന്നു​ണ്ടോ? അവന്റെ അമ്മ ക്ലേശക​ര​മായ വർഷങ്ങ​ളി​ലൂ​ടെ അവനെ വിജയ​ക​ര​മാ​യി സഹായി​ച്ച​ശേഷം അവൻ പറഞ്ഞു: “അവർ ഒരിക്ക​ലും ശ്രമം ഉപേക്ഷി​ച്ചു​ക​ള​യാ​ഞ്ഞ​തിൽ ഞാൻ സന്തോ​ഷ​വാ​നാണ്‌!” നിങ്ങളു​ടെ കുട്ടി​ക​ളു​ടെ കാര്യ​ത്തിൽ സമാന​മായ ഒരു ഫലം നിങ്ങൾക്കു ലഭി​ച്ചേ​ക്കാം.—ഗലാത്യർ 6:9.

[അടിക്കു​റിപ്പ്‌]

വാച്ച്‌ടവർ ബൈബിൾ ആൻറ്‌ ട്രാക്‌ററ്‌ സൊ​സൈ​ററി ഓഫ്‌ ഇന്ത്യ പ്രസി​ദ്ധീ​ക​രി​ച്ചത്‌.

യഹോവയുടെ സാക്ഷി​ക​ളി​ലെ മുഴു​സമയ ശുശ്രൂ​ഷകർ പയനി​യർമാർ എന്നു വിളി​ക്ക​പ്പെ​ടു​ന്നു. ഒരു സഹായ പയനിയർ ശുശ്രൂ​ഷ​യിൽ ഓരോ മാസവും ചുരു​ങ്ങി​യത്‌ 60 മണിക്കൂ​റും ഒരു നിരന്തര പയനിയർ 90 മണിക്കൂ​റും ഒരു പ്രത്യേക പയനിയർ 140 മണിക്കൂ​റും ചെലവ​ഴി​ക്കു​ന്നു.

[30-ാം പേജിലെ ചിത്രം]

കുട്ടിയെ വളർത്തി​യ​തി​ലേക്കു സന്തുഷ്ട​മായ സ്‌മര​ണ​ക​ളോ​ടെ പിന്തി​രി​ഞ്ഞു​നോ​ക്കാൻ നിങ്ങൾക്കു കഴിയു​മോ?