പത്രോ​സി​ന്റെ കുഴി​മാ​ടം—വത്തിക്കാ​നി​ലോ?

“അപ്പോ​സ്‌ത​ലൻമാ​രു​ടെ തലവന്റെ കുഴി​മാ​ടം കണ്ടെത്തി​യി​രി​ക്കു​ന്നു.” പീയൂസ്‌ XII-ാമൻ പാപ്പാ​യു​ടെ വിജയ​ഭേ​രി​യോ​ടെ​യുള്ള ഈ പ്രഖ്യാ​പനം വത്തിക്കാൻ റേഡി​യോ പ്രക്ഷേ​പണം ചെയ്‌തു. 1950-ന്റെ അവസാ​ന​ത്തി​ലാ​യി​രു​ന്നു സംഭവം. സെൻറ്‌ പീറേ​റ​ഴ്‌സ്‌ ബസ്ലിക്ക​യു​ടെ അടിഭാ​ഗത്തു നടത്തിയ സങ്കീർണ​മായ അനേകം ഗവേഷ​ണ​കു​ഴി​ക്ക​ലു​കൾ പൂർത്തി​യാ​ക്കി​യ​ശേ​ഷ​മാ​യി​രു​ന്നു ആ പ്രഖ്യാ​പനം. പത്രോ​സി​നെ അടക്കി​യതു വാസ്‌ത​വ​ത്തിൽ റോമി​ലാ​യി​രു​ന്നു​വെന്നു തെളി​യി​ക്കു​ന്ന​താണ്‌ ഈ പുരാ​വ​സ്‌തു​ഗ​വേഷണ ഫലങ്ങ​ളെ​ന്നാ​യി​രു​ന്നു ചിലരു​ടെ അഭി​പ്രാ​യം. എന്നാൽ എല്ലാവ​രും ഇതി​നോ​ടു യോജി​ച്ചില്ല.

കത്തോ​ലി​ക്കരെ സംബന്ധി​ച്ചി​ട​ത്തോ​ളം, വത്തിക്കാ​നി​ലെ സെൻറ്‌ പീറേ​റ​ഴ്‌സ്‌ പള്ളിക്കു പ്രത്യേക സവി​ശേ​ഷ​ത​യുണ്ട്‌. ഒരു ഗൈഡ്‌ പുസ്‌തകം പറയുന്നു: “റോമി​ലേ​ക്കുള്ള തീർഥ​യാ​ത്ര​യു​ടെ മുഖ്യ ഉദ്ദേശ്യം പത്രോ​സി​ന്റെ പിൻഗാ​മി​യെ കാണു​ക​യും അദ്ദേഹ​ത്തി​ന്റെ അനു​ഗ്രഹം സ്വീക​രി​ക്കു​ക​യു​മാണ്‌. കാരണം റോമി​ലേക്കു വന്ന പത്രോസ്‌ അവി​ടെ​ത്ത​ന്നെ​യാണ്‌ മരിച്ച്‌ അടക്ക​പ്പെ​ട്ടത്‌.” എന്നാൽ വാസ്‌ത​വ​ത്തിൽ റോമി​ലാ​ണോ പത്രോ​സി​നെ അടക്കി​യത്‌? അദ്ദേഹ​ത്തി​ന്റെ കുഴി​മാ​ടം വത്തിക്കാ​നി​ലാ​ണോ? അദ്ദേഹ​ത്തി​ന്റെ അസ്ഥികൾ കണ്ടെത്തി​യി​ട്ടു​ണ്ടോ?

ഒരു പുരാ​വ​സ്‌തു നിഗൂഢത

1940-തോടെ ആരംഭിച്ച്‌ പത്തുവർഷ​ത്തോ​ളം നീണ്ടു​നിന്ന ഗവേഷ​ണ​കു​ഴി​ക്ക​ലു​കൾ പലവിധ വിവാ​ദ​ങ്ങൾക്കു വഴി​വെ​ച്ചി​രി​ക്കു​ക​യാണ്‌. പാപ്പ നിയമിച്ച പുരാ​വ​സ്‌തു​ഗ​വേ​ഷകർ എന്താണു കണ്ടെത്തി​യത്‌? അനേകം കുഴി​മാ​ട​ങ്ങ​ളുള്ള ഒരു പുറജാ​തി സെമി​ത്തേ​രി​യാണ്‌ ഒന്ന്‌. അവയുടെ നടുവിൽ, പാപ്പാ​യു​ടെ ഇപ്പോ​ഴത്തെ അൾത്താ​ര​യു​ടെ കീഴ്‌ഭാ​ഗത്ത്‌, അവർ ഒരു ഈഡി​ക്യൂ​ല അഥവാ ഒരു പ്രതി​മ​യെ​യോ രൂപ​ത്തെ​യോ വെക്കാ​നുള്ള ചുവർപൊത്ത്‌, ചെഞ്ചായം പൂശിയ ചുവരിൽ കണ്ടെത്തി. അതിന്റെ ഇരുവ​ശ​ങ്ങ​ളി​ലും പാർശ്വ​മ​തി​ലു​ക​ളു​ണ്ടാ​യി​രു​ന്നു. അവസാനം, തീർത്തും നിഗൂ​ഢ​മാ​യി കുറച്ചു മനുഷ്യാ​വ​ശി​ഷ്ട​ങ്ങ​ളും പുറ​ത്തെ​ടു​ത്തു. ഒരു പാർശ്വ​മ​തി​ലിൽനി​ന്നാണ്‌ അതു ലഭിച്ച​തെന്നു പറയുന്നു.

ഇവി​ടെ​യാ​ണു വ്യാഖ്യാ​ന​ങ്ങ​ളു​ടെ തുടക്കം. നീറോ​യു​ടെ കാലത്ത്‌, ചില​പ്പോൾ പൊ.യു. [പൊതു​യു​ഗം] 64-ലെ പീഡന​കാ​ലത്ത്‌, പത്രോസ്‌ വസിച്ച​തും രക്തസാ​ക്ഷി​ത്വം വഹിച്ച​തും റോമി​ലാ​യി​രു​ന്നു എന്നതാണ്‌ ഒരു പാരമ്പ​ര്യം. ഇതു ശരി​വെ​ക്കു​ന്ന​താണ്‌ ഈ അവശി​ഷ്ട​ങ്ങ​ളെ​ന്നാ​ണു കുറെ കത്തോ​ലി​ക്കാ പണ്ഡിതൻമാ​രു​ടെ അഭി​പ്രാ​യം. കണ്ടെടുത്ത വസ്‌തു​ക്കൾ അപ്പോ​സ്‌ത​ലന്റെ സ്‌മാ​ര​കാ​വ​ശി​ഷ്ട​ങ്ങ​ളാ​ണെ​ന്നും അതിൻമേൽ കണ്ട ആലേഖ​ന​ത്താൽ അതു തിരി​ച്ച​റി​യാ​മെ​ന്നു​കൂ​ടി പറയു​ക​യു​ണ്ടാ​യി. ഒരു വ്യാഖ്യാ​നം പറയു​ന്ന​ത​നു​സ​രിച്ച്‌, “പത്രോസ്‌ ഇവി​ടെ​യാണ്‌” എന്നായി​രു​ന്നു ആ ആലേഖനം. “വിശുദ്ധ പത്രോ​സി​ന്റെ ഭൗതി​കാ​വ​ശി​ഷ്ടങ്ങൾ കണ്ടെത്തി​യി​രി​ക്കു​ന്നു, നമ്മുടെ ഭക്തി അർഹി​ക്കു​ന്ന​തും പൂജി​ക്കേ​ണ്ട​തു​മാണ്‌ അവ” എന്ന്‌ 1968-ൽ പോൾ VI-ാമൻ പാപ്പ പ്രഖ്യാ​പി​ച്ച​പ്പോൾ അദ്ദേഹം ഈ സങ്കൽപ്പത്തെ പുകഴ്‌ത്തു​ക​യാ​യി​രു​ന്നി​രി​ക്കാം.

എന്നിരു​ന്നാ​ലും, വ്യാഖ്യാ​ന​ങ്ങ​ളോ​ടൊ​പ്പം​തന്നെ എതിർവാ​ദ​ങ്ങ​ളു​മു​ണ്ടാ​യി​രു​ന്നു. ഈ വിഷയ​ത്തെ​ക്കു​റിച്ച്‌ അറിയാ​വുന്ന സകലതും ‘പ്രസി​ദ്ധീ​ക​രി​ക്കാൻ’ തന്നെ ‘അനുവ​ദി​ച്ചില്ല’ എന്നു വത്തിക്കാൻ നടത്തിയ ഗവേഷ​ണ​കു​ഴി​ക്ക​ലു​ക​ളിൽ പങ്കെടുത്ത കത്തോ​ലി​ക്കാ പുരാ​വ​സ്‌തു​ശാ​സ്‌ത്ര​ജ്ഞ​നും ഒരു ജെസ്യൂ​ട്ടു​മായ അന്റോ​ണി​യോ ഫെറുവാ ഒന്നില​ധി​കം പ്രാവ​ശ്യം തറപ്പിച്ചു പറഞ്ഞി​ട്ടുണ്ട്‌. വ്യക്തമാ​യും, ആ വിവരങ്ങൾ പത്രോ​സി​ന്റെ സ്‌മാ​ര​കാ​വ​ശി​ഷ്ടങ്ങൾ തിരി​ച്ച​റി​ഞ്ഞി​രി​ക്കു​ന്നു​വെന്ന അവകാ​ശ​വാ​ദത്തെ പൊളി​ക്കു​മാ​യി​രു​ന്നു. അതിലു​പരി, “ചുവപ്പു​മ​തി​ലി​ന​ടി​യിൽനി​ന്നു കണ്ടെടുത്ത മനുഷ്യാ​സ്ഥി​കൾ ശാസ്‌ത്രീ​യ​മാ​യി പരി​ശോ​ധി​ച്ച​പ്പോൾ അതിന്‌ അപ്പോ​സ്‌ത​ല​നായ പത്രോ​സു​മാ​യി എന്തെങ്കി​ലും ബന്ധമു​ള്ള​താ​യി കണ്ടില്ല” എന്നു കത്തോ​ലി​ക്കാ കർദി​നാ​ളായ പൂപാർ എഡിററു ചെയ്‌ത്‌ 1991-ൽ പ്രസി​ദ്ധീ​ക​രിച്ച റോമി​നെ​ക്കു​റി​ച്ചു വിശദീ​ക​രി​ക്കുന്ന ഒരു പുസ്‌തകം പറയുന്നു. വിചി​ത്ര​മെ​ന്നു​പ​റ​യട്ടെ, അടുത്ത പതിപ്പിൽനിന്ന്‌ (1991 അവസാ​നത്തെ) ആ വാചകം അപ്രത്യ​ക്ഷ​മാ​യി, എന്നിട്ട്‌ ഒരു പുതിയ അധ്യായം വന്നു. “കണിശം: പത്രോസ്‌ സെൻറ്‌ പീറേ​റ​ഴ്‌സിൽ” എന്നായി​രു​ന്നു അതിന്റെ തലക്കെട്ട്‌.

അവശി​ഷ്ട​ങ്ങ​ളെ​ക്കു​റി​ച്ചുള്ള വ്യാഖ്യാ​നം

അവശി​ഷ്ട​ങ്ങൾക്കു പല വ്യാഖ്യാ​ന​ങ്ങ​ളു​ണ്ടാ​കാ​മെ​ന്നത്‌ വ്യക്തമാണ്‌. അതു പലയാ​ളു​കൾക്കു പലതര​ത്തിൽ വ്യാഖ്യാ​നി​ക്കാം. “പത്രോസ്‌ വാസ്‌ത​വ​ത്തിൽ റോമിൽ രക്തസാ​ക്ഷി​ത്വം വഹിച്ചു​വോ, അദ്ദേഹത്തെ അവിടെ അടക്കി​യോ എന്നിവ​യെ​ക്കു​റി​ച്ചെ​ല്ലാ​മുള്ള ചരി​ത്ര​പ​ര​മായ പ്രശ്‌നങ്ങൾ തർക്കാ​തീ​തമല്ല” എന്ന്‌ ഏററവും ആധികാ​രി​ക​ത​യുള്ള കത്തോ​ലി​ക്കാ ചരി​ത്ര​കാ​രൻമാർ തീർച്ച​യാ​യും സമ്മതി​ക്കു​ന്നുണ്ട്‌. അവശി​ഷ്ടങ്ങൾ എന്താണു വെളി​പ്പെ​ടു​ത്തു​ന്നത്‌?

മൂന്നാം നൂററാ​ണ്ടി​ന്റെ ആരംഭ​ത്തിൽ ജീവി​ച്ചി​രുന്ന ഒരു പുരോ​ഹി​ത​നായ ഗായി​യൂസ്‌ പരാമർശിച്ച “സ്‌മാ​രകം” (“trophy”) ആണ്‌ ഈഡി​ക്യൂ​ല സ്‌മാ​ര​ക​മെന്ന്‌ കത്തോ​ലി​ക്കാ പാരമ്പ​ര്യം ഉയർത്തി​പ്പി​ടി​ക്കാൻ ശ്രമി​ക്കു​ന്നവർ പറയുന്നു. തനിക്കു ‘വത്തിക്കാൻകു​ന്നിൽ പത്രോ​സി​ന്റെ സ്‌മാ​രകം ചൂണ്ടി​ക്കാ​ട്ടാൻ’ കഴിയു​മാ​യി​രു​ന്നു​വെന്നു ഗായി​യൂസ്‌ പറഞ്ഞി​രു​ന്ന​താ​യി നാലാം നൂററാ​ണ്ടി​ലെ സഭാച​രി​ത്ര​കാ​ര​നായ, കൈസ​ര്യ​യി​ലെ യൂസേ​ബി​യസ്‌ പറയുന്നു. “ഗായി​യൂ​സി​ന്റെ സ്‌മാ​രകം” എന്ന്‌ അറിയ​പ്പെ​ടാ​നി​ട​യായ ആ സ്‌മാ​ര​ക​ത്തി​ന​ടി​യി​ലാണ്‌ അപ്പോ​സ്‌ത​ലനെ അടക്കി​യി​രി​ക്കു​ന്ന​തെന്നു പാരമ്പ​ര്യ​വാ​ദി​കൾ അവകാ​ശ​പ്പെ​ടു​ന്നു. എന്നാൽ ഗവേഷ​ണ​കു​ഴി​ക്ക​ലു​ക​ളു​ടെ ഫലങ്ങളെ തികച്ചും വ്യത്യ​സ്‌ത​മായ വിധത്തി​ലാ​ണു മററു ചിലർ വ്യാഖ്യാ​നി​ക്കു​ന്നത്‌. മരിച്ച​വരെ സംസ്‌ക​രി​ക്കുന്ന കാര്യ​ത്തിൽ ആദ്യ​ക്രി​സ്‌ത്യാ​നി​കൾ വളരെ​യൊ​ന്നും ശ്രദ്ധി​ച്ചി​രു​ന്നി​ല്ലെ​ന്നും പത്രോസ്‌ അവി​ടെ​യാ​ണു കൊല്ല​പ്പെ​ട്ട​തെ​ങ്കിൽപ്പോ​ലും അദ്ദേഹ​ത്തി​ന്റെ ശരീരാ​വ​ശി​ഷ്ടങ്ങൾ വീണ്ടെ​ടു​ക്കുക തീർത്തും അസാധ്യ​മാ​കു​മാ​യി​രു​ന്നു​വെ​ന്നും അവർ ചൂണ്ടി​ക്കാ​ട്ടു​ന്നു. (29-ാം പേജിലെ ചതുരം കാണുക.)

“ഗായി​യൂ​സി​ന്റെ സ്‌മാ​രകം” (കണ്ടെടു​ത്തി​രി​ക്കു​ന്നത്‌ അതുത​ന്നെ​യാ​ണെ​ങ്കിൽ) ഒരു കുഴി​മാ​ട​മാ​ണെന്നു സമ്മതി​ക്കാ​ത്ത​വ​രുണ്ട്‌. രണ്ടാം നൂററാണ്ട്‌ അവസാ​നി​ക്കാ​റാ​യ​പ്പോൾ പത്രോ​സി​ന്റെ ബഹുമാ​നാർഥം പണിത ഒരു സ്‌മാ​ര​ക​മാ​ണി​തെ​ന്നും പിന്നീട്‌ അത്‌ “ഒരു ശവക്കല്ല​റ​സ്‌മാ​ര​ക​മാ​യി കരുത​പ്പെ​ടാ​നി​ട​യാ​യെ”ന്നും അവർ പറയുന്നു. എന്നിരു​ന്നാ​ലും, ദൈവ​ശാ​സ്‌ത്ര​ജ്ഞ​നായ ഓസ്‌കാർ കുൾമാൻ പറയു​ന്ന​ത​നു​സ​രിച്ച്‌, “വത്തിക്കാൻ നടത്തിയ ഗവേഷ​ണ​കു​ഴി​ക്ക​ലു​ക​ളിൽ പത്രോ​സി​ന്റെ കുഴി​മാ​ടം കണ്ടതേ​യില്ല.”

അസ്ഥിക​ളു​ടെ കാര്യ​മോ? അസ്ഥികൾ വാസ്‌ത​വ​ത്തിൽ എവി​ടെ​നി​ന്നു വന്നു​വെ​ന്നത്‌ ഇപ്പോ​ഴും ഒരു പിടി​കി​ട്ടാ​പ്ര​ശ്‌ന​മാണ്‌ എന്നു പറയേ​ണ്ടി​യി​രി​ക്കു​ന്നു. ഇപ്പോൾ വത്തിക്കാൻകു​ന്നു സ്ഥിതി​ചെ​യ്യു​ന്നി​ടത്ത്‌ ഒന്നാം നൂററാ​ണ്ടു​മു​തൽ ഒരു പുറജാ​തി സെമി​ത്തേ​രി​യു​ണ്ടാ​യി​രു​ന്നു. ആ സ്ഥലത്ത്‌ അനേകം മനുഷ്യാ​വ​ശി​ഷ്ടങ്ങൾ അടക്കം ചെയ്യ​പ്പെ​ട്ടി​ട്ടുണ്ട്‌. അവയിൽ പലതും പുറ​ത്തെ​ടു​ത്തു കഴിഞ്ഞു. അപ്പോ​സ്‌ത​ലന്റെ കുഴി​മാ​ട​ത്തി​ന്റെ അവശിഷ്ടം കണ്ടെടു​ക്ക​പ്പെട്ട സ്ഥലമെന്നു തിരി​ച്ച​റി​യി​ക്കു​ന്ന​താ​യി ചിലർ പറയുന്ന (സാധ്യ​ത​യ​നു​സ​രിച്ച്‌ നാലാം നൂററാ​ണ്ടോ​ളം പഴക്കമുള്ള) അപൂർണ​മായ ആലേഖനം ഏറിവ​ന്നാൽ പരാമർശി​ക്കു​ന്നത്‌ “പത്രോ​സി​ന്റെ അസ്ഥിക​ളു​ടെ സാന്നി​ധ്യം ഉണ്ടായി​രി​ക്കാം” എന്നാണ്‌. അതിലു​പരി, “പത്രോസ്‌ ഇവി​ടെ​യില്ല” എന്നു​പോ​ലും ആ ആലേഖ​ന​ത്തിന്‌ അർഥമു​ണ്ടാ​യി​രി​ക്കാ​നാ​വു​മെന്ന്‌ അഭി​പ്രാ​യ​മുള്ള അനേകം ശിലാ​ലേ​ഖ​വി​ദ്വാൻമാ​രുണ്ട്‌.

‘അവിശ്വ​സ​നീ​യ​മായ പാരമ്പ​ര്യം’

“ആദ്യകാ​ല​ത്തു​ള്ള​തും കൂടുതൽ വിശ്വ​സ​നീ​യ​വു​മായ ഉറവി​ടങ്ങൾ [പത്രോ​സി​ന്റെ] രക്തസാ​ക്ഷി​ത്വ​ത്തി​ന്റെ സ്ഥലം സൂചി​പ്പി​ക്കു​ന്നില്ല. എന്നാൽ പിൽക്കാ​ല​ത്തെ​യും വിശ്വ​സ​നീ​യത കുറവു​ള്ള​വ​യു​മായ ഉറവി​ട​ങ്ങ​ളിൽ ഏതാ​ണ്ടൊ​രു യോജി​പ്പുണ്ട്‌, അതു വത്തിക്കാൻ മേഖല​യി​ലാ​യി​രു​ന്നു”വെന്ന്‌ ചരി​ത്ര​കാ​ര​നായ ഡി. ഡബ്ലിയു. ഒ’കോനർ പറയുന്നു. അതു​കൊണ്ട്‌, അവിശ്വ​സ​നീ​യ​മായ പാരമ്പ​ര്യ​ങ്ങ​ളിൽ അടിസ്ഥാ​ന​പ്പെ​ടു​ത്തി​യാ​യി​രു​ന്നു വത്തിക്കാ​നിൽ പത്രോ​സി​ന്റെ കുഴി​മാ​ട​ത്തി​നു​വേണ്ടി തിരച്ചിൽ നടത്തി​യത്‌. “സ്‌മാ​ര​കാ​വ​ശി​ഷ്‌ടം വലിയ പ്രാധാ​ന്യ​മു​ള്ള​താ​യി​ത്തീർന്ന​പ്പോൾ പത്രോ​സി​ന്റെ [സ്‌മാ​രകം] അദ്ദേഹ​ത്തി​ന്റെ കുഴി​മാ​ട​ത്തി​ന്റെ കൃത്യ​മായ സ്ഥലമാ​ണെന്നു വാസ്‌ത​വ​ത്തിൽ സൂചി​പ്പി​ക്കു​ന്നു​വെന്നു ക്രിസ്‌ത്യാ​നി​കൾ ആത്മാർഥ​മാ​യി വിശ്വ​സി​ക്കാ​നി​ട​യാ​യി” എന്നു ഒ’കോനർ തറപ്പിച്ചു പറയുന്നു.

ഈ പാരമ്പ​ര്യ​ങ്ങ​ളും സ്‌മാ​ര​കാ​വ​ശി​ഷ്ടങ്ങൾ പൂജി​ക്കുന്ന തിരു​വെ​ഴു​ത്തു​പ​ര​മ​ല്ലാത്ത ആചാര​ങ്ങ​ളും സമാന്ത​ര​മാ​യി വളർന്നു​വന്നു. മൂന്നും നാലും നൂററാ​ണ്ടു​കൾ മുതൽ അനേകം സഭാ​കേ​ന്ദ്ര​ങ്ങ​ളിൽ സത്യവും വ്യാജ​വു​മായ സ്‌മാ​ര​കാ​വ​ശി​ഷ്ടങ്ങൾ സ്ഥാപി​ത​മാ​യി. അതെല്ലാം സാമ്പത്തിക നേട്ടങ്ങ​ളി​ല്ലാ​തെ​യാ​യി​രു​ന്നില്ല. എന്നാൽ അതിന്റെ ലക്ഷ്യം “ആത്മീയ” മേധാ​വി​ത്വം ഉറപ്പി​ക്കുക, സ്വന്തം അധികാ​രം ഉന്നമി​പ്പി​ക്കുക എന്നിവ​യാ​യി​രു​ന്നു. അങ്ങനെ, അത്ഭുത​ശ​ക്തി​യു​ള്ള​താ​ണു പത്രോ​സി​ന്റെ അവശി​ഷ്ട​ങ്ങ​ളെന്ന ബോധ്യ​ത്തോ​ടെ ആളുകൾ അദ്ദേഹ​ത്തി​ന്റേ​തെന്നു കരുതുന്ന കുഴി​മാ​ട​ത്തി​ലേക്കു തീർഥ​യാ​ത്ര നടത്തി. ആറാം നൂററാ​ണ്ടി​ന്റെ അവസാനം വിശ്വാ​സി​കൾ കൃത്യ​മാ​യി തൂക്കിയ വസ്‌തു​ക്കൾ “കുഴി​മാട”ത്തിലേക്ക്‌ എറിയുക പതിവാ​ക്കി. അക്കാല​ഘ​ട്ട​ത്തി​ലെ ഒരു വിവരണം പറയുന്നു: “അത്ഭുത​ക​ര​മെ​ന്നു​പ​റ​യട്ടെ, അപേക്ഷ​കന്റെ വിശ്വാ​സം ഉറച്ചതാ​ണെ​ങ്കിൽ, കുഴി​മാ​ട​ത്തിൽനി​ന്നു തുണി തിരി​ച്ചെ​ടു​ക്കു​മ്പോൾ അതിൽ ദിവ്യ​ഗു​ണങ്ങൾ നിറഞ്ഞ്‌ അതിനു മുമ്പ​ത്തെ​ക്കാൾ കൂടുതൽ ആ കാലഘ​ട്ട​ത്തി​ലെ ക്ഷണവി​ശ്വാ​സ​ശീ​ലം എത്ര​ത്തോ​ള​മാ​യി​രു​ന്നു​വെന്ന്‌ ഇതു സൂചി​പ്പി​ക്കു​ന്നു.

നൂററാ​ണ്ടു​ക​ളാ​യി, ഇതു​പോ​ലുള്ള ഐതി​ഹ്യ​ങ്ങ​ളും യാതൊ​രു അടിസ്ഥാ​ന​വു​മി​ല്ലാത്ത പാരമ്പ​ര്യ​ങ്ങ​ളും വത്തിക്കാൻ ബസ്ലിക്ക​യു​ടെ അന്തസ്സിനെ വർധി​പ്പി​ക്കാൻ കാര്യ​മാ​യി സഹായി​ച്ചി​ട്ടുണ്ട്‌. എന്നിരു​ന്നാ​ലും, വിയോ​ജി​പ്പിൻ പ്രസ്‌താ​വ​ന​ക​ളു​മു​ണ്ടാ​യി​രു​ന്നു. 12, 13 നൂററാ​ണ്ടു​ക​ളിൽ വാൽഡെൻസസ്‌ അതിർവിട്ട ഈ പ്രവർത്ത​ന​ങ്ങളെ കുററം​വി​ധി​ച്ചു. പത്രോസ്‌ ഒരിക്ക​ലും റോമിൽ പോയി​ട്ടി​ല്ലെന്ന്‌ അദ്ദേഹം ബൈബിൾ ഉപയോ​ഗി​ച്ചു വിശദീ​ക​രി​ച്ചു. നൂററാ​ണ്ടു​കൾ കഴിഞ്ഞ്‌, പ്രൊ​ട്ട​സ്‌റ​റൻറ്‌ നാനത്തി​ന്റെ സമാരം​ഭ​ക​രും അതേ രീതി​യിൽ വാദിച്ചു. 18-ാം നൂററാ​ണ്ടിൽ പ്രശസ്‌ത​രായ തത്ത്വചി​ന്തകർ ചരി​ത്ര​പ​ര​മാ​യും തിരു​വെ​ഴു​ത്തു​പ​ര​മാ​യും പ്രസ്‌തുത പാരമ്പ​ര്യ​ത്തെ അടിസ്ഥാ​ന​ര​ഹി​ത​മാ​യി കരുതി. അതേ കാഴ്‌ച​പ്പാ​ടു​ത​ന്നെ​യാ​ണു കത്തോ​ലി​ക്ക​രും കത്തോ​ലി​ക്കേ​ത​ര​രു​മായ പ്രഗത്ഭ പണ്ഡിതൻമാർ ഇന്നുവ​രെ​യും പുലർത്തി​പ്പോ​രു​ന്നത്‌.

പത്രോസ്‌ മരിച്ചതു റോമി​ലോ?

ഗലീല​ക്കാ​ര​നായ താഴ്‌മ​യുള്ള പത്രോസ്‌ ഒന്നാം നൂററാ​ണ്ടി​ലെ ക്രിസ്‌തീയ സഭയിലെ മൂപ്പൻമാ​രു​ടെ​മേൽ തനിക്ക്‌ ഒന്നാം സ്ഥാനമു​ണ്ടെ​ന്നുള്ള എന്തെങ്കി​ലു​മൊ​രു ആശയം തീർച്ച​യാ​യും വെച്ചു​പു​ലർത്തി​യി​രു​ന്നില്ല. അതിനു​പ​കരം, അവൻ സ്വയം നിർവ​ചി​ച്ചത്‌ “ഒരു സഹമൂപ്പ”നായി​ട്ടാണ്‌. (1 പത്രോസ്‌ 5:1-6, റി​വൈ​സ്‌ഡ്‌ സ്‌ററാൻഡേർഡ്‌ വേർഷൻ) വത്തിക്കാൻ ബസ്ലിക്ക​യിൽ ചെല്ലുന്ന ഏതൊരു സന്ദർശ​ക​നും കാണാ​വു​ന്ന​തു​പോ​ലെ, പത്രോ​സി​ന്റെ താഴ്‌മ​യുള്ള പ്രതി​ച്ഛാ​യ​യ്‌ക്കു നേർവി​പ​രീ​ത​മാണ്‌ അദ്ദേഹ​ത്തി​ന്റേ​തെന്നു പറയ​പ്പെ​ടുന്ന കുഴി​മാ​ട​ത്തി​നു ചുററും കാണുന്ന ആഡംബരം.

പത്രോസ്‌ കുറച്ചു കാല​ത്തേക്കു റോമിൽ പാർത്തി​രു​ന്നു​വെന്ന ‘പിൽക്കാ​ല​ത്തെ​യും വിശ്വ​സ​നീ​യത കുറവു​ള്ള​വ​യു​മായ’ പാരമ്പ​ര്യ​ത്തെ വിലയു​ള്ള​താ​ക്കാൻ ശ്രമിച്ച കത്തോ​ലി​ക്കാ സഭയുടെ ലക്ഷ്യം മററു ക്രിസ്‌തീയ വിഭാ​ഗ​ങ്ങ​ളു​ടെ​മേൽ തങ്ങളുടെ ആധിപ​ത്യം ഉറപ്പി​ക്കുക എന്നതാ​യി​രു​ന്നു. എന്നാൽ അദ്ദേഹത്തെ അടക്കം ചെയ്‌തി​രി​ക്കുന്ന സ്ഥലം വത്തിക്കാ​നല്ല, റോമിൽ മറെറ​വി​ടെ​യോ ആണെന്നു മററു പുരാതന പാരമ്പ​ര്യ​ങ്ങൾ പറയു​ന്നു​വെ​ന്നത്‌ വിചി​ത്ര​മാണ്‌. എങ്കിലും, പത്രോ​സി​നെ സംബന്ധിച്ച നേരി​ട്ടുള്ള വിവരണം അടങ്ങുന്ന ഒരേ ഒരു ഉറവി​ട​മായ ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന വസ്‌തു​ത​ക​ളോട്‌ എന്തു​കൊ​ണ്ടു പററി​നി​ന്നു​കൂ​ടാ? ദൈവ​ത്തി​ന്റെ വചനത്തിൽനി​ന്നു കാര്യം വ്യക്തമാണ്‌, യെരു​ശ​ലേ​മി​ലുള്ള ക്രിസ്‌തീയ സഭയുടെ ഭരണസം​ഘ​ത്തിൽനി​ന്നു ലഭിച്ച നിർദേ​ശങ്ങൾ അനുസ​രിച്ച്‌, പത്രോസ്‌ ബാബി​ലോൻ ഉൾപ്പെ​ടെ​യുള്ള പൂർവ​പ്ര​ദേ​ശത്തു തന്റെ വേല നിർവ​ഹി​ക്കു​ക​യാ​യി​രു​ന്നു.—ഗലാത്യർ 2:1-9; 1 പത്രൊസ്‌ 5:13; താരത​മ്യം ചെയ്യുക: പ്രവൃ​ത്തി​കൾ 8:14.

പൊ.യു. ഏതാണ്ട്‌ 56-ൽ റോമി​ലെ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ, അപ്പോ​സ്‌ത​ല​നായ പൗലോസ്‌ ആ സഭയിലെ 30 അംഗങ്ങളെ അഭിവാ​ദ്യം ചെയ്യു​ക​യു​ണ്ടാ​യി, എന്നാൽ പത്രോ​സി​നെ ഒന്നു പരാമർശി​ക്കു​ക​പോ​ലും ചെയ്‌തില്ല. (റോമർ 1:1, 7; 16:3-23) പിന്നീട്‌, പൊ.യു. 60-നും 65-നുമി​ട​യിൽ പൗലോസ്‌ റോമിൽനിന്ന്‌ ആറു ലേഖനങ്ങൾ എഴുതു​ക​യു​ണ്ടാ​യി, എന്നാൽ അതി​ലൊ​ന്നും പത്രോ​സി​നെ പരാമർശി​ച്ചില്ല. പത്രോസ്‌ അവി​ടെ​യു​ണ്ടാ​യി​രു​ന്നില്ല എന്നതി​നുള്ള ശക്തമായ സാഹച​ര്യ​തെ​ളി​വാ​ണി​വ​യെ​ല്ലാം.a (താരത​മ്യം ചെയ്യുക: 2 തിമൊ​ഥെ​യൊസ്‌ 1:15-17; 4:11.) അപ്പോ​സ്‌ത​ല​പ്ര​വൃ​ത്തി​കൾ പുസ്‌ത​ക​ത്തി​ന്റെ അവസാ​ന​ഭാ​ഗത്തു റോമിൽവെ​ച്ചുള്ള പൗലോ​സി​ന്റെ പ്രവർത്ത​നങ്ങൾ വിവരി​ക്കു​ന്നുണ്ട്‌. എന്നാൽ അവി​ടെ​യും പത്രോ​സി​നെ​ക്കു​റി​ച്ചു യാതൊ​രു സൂചന​യു​മില്ല. (പ്രവൃ​ത്തി​കൾ 28:16, 30, 31) അങ്ങനെ, മുൻവി​ധി​ക​ളൊ​ന്നും കൂടാതെ ബൈബിൾ തെളി​വു​കൾ വസ്‌തു​നി​ഷ്‌ഠ​മാ​യി പരി​ശോ​ധി​ക്കു​മ്പോൾ, അത്‌ ഈ നിഗമ​ന​ത്തി​ലേ എത്തുക​യു​ള്ളൂ, പത്രോസ്‌ റോമിൽ പ്രസം​ഗി​ച്ചി​ട്ടില്ല.b

പാപ്പാ​യു​ടെ “ഒന്നാം സ്ഥാനം” അവിശ്വ​സ​നീ​യ​മായ പാരമ്പ​ര്യ​ങ്ങ​ളി​ലും തിരു​വെ​ഴു​ത്തി​ന്റെ വളച്ചൊ​ടി​ച്ചുള്ള ബാധക​മാ​ക്ക​ലി​ലും അടിസ്ഥാ​ന​മാ​ക്കി​യു​ള്ള​താണ്‌. പത്രോ​സല്ല, യേശു​വാ​ണു ക്രിസ്‌ത്യാ​നി​ത്വ​ത്തി​ന്റെ അടിത്തറ. ‘ക്രിസ്‌തു​വാണ്‌ സഭയുടെ ശിരസ്സ്‌’ (എഫേ​സോസ്‌ 2:20-22; 5:23, പി.ഒ.സി. ബൈ.) വിശ്വാ​സ​മുള്ള സകല​രെ​യും അനു​ഗ്ര​ഹി​ക്കാ​നും രക്ഷിക്കാ​നും യഹോവ അയച്ചതു യേശു​ക്രി​സ്‌തു​വി​നെ​യാ​യി​രു​ന്നു.—യോഹ​ന്നാൻ 3:16; പ്രവൃ​ത്തി​കൾ 4:12; റോമർ 15:29; ഇതുകൂ​ടെ കാണുക: 1 പത്രൊസ്‌ 2:4-8.

അപ്പോൾ, പത്രോ​സി​ന്റെ കുഴി​മാ​ട​മെന്ന്‌ ആത്മാർഥ​മാ​യി വിശ്വ​സിച്ച്‌ ‘അദ്ദേഹ​ത്തി​ന്റെ പിൻഗാ​മി​യെ കാണാൻ’ അവി​ടേക്കു യാത്ര ചെയ്യുന്ന സകലരും ‘അവിശ്വ​സ​നീ​യ​മായ പാരമ്പ​ര്യ​ങ്ങൾ’ സ്വീക​രി​ക്ക​ണ​മോ വിശ്വാ​സ​യോ​ഗ്യ​മായ ദൈവ​വ​ചനം വിശ്വ​സി​ക്ക​ണ​മോ എന്ന ഈ പ്രശ്‌നം അഭിമു​ഖീ​ക​രി​ക്കു​ന്നു. തങ്ങളുടെ ആരാധന ദൈവ​ത്തി​നു സ്വീകാ​ര്യ​മാ​യി​രി​ക്കാൻ ക്രിസ്‌ത്യാ​നി​കൾ ആഗ്രഹി​ക്കു​ന്ന​തു​കൊണ്ട്‌, ‘അവരുടെ വിശ്വാ​സത്തെ പൂർത്തി​യാ​ക്കു​ന്ന​വ​നായ യേശു​ക്രി​സ്‌തു​വി’ലും അവൻ നമുക്കു​വേണ്ടി വെച്ച മാതൃ​ക​യി​ലും അവർ ‘ഉററു​നോ​ക്കു​ന്നു.’—എബ്രായർ 12:2, NW; 1 പത്രൊസ്‌ 2:21.

[അടിക്കു​റിപ്പ്‌]

[29-ാം പേജിലെ ചതുരം]

“ഈഡി​ക്യൂ​ലക്കു കീഴെ ഒരു കുഴി​മാ​ട​മു​ള്ള​തി​ന്റെ യാതൊ​രു ലക്ഷണവും ഗവേഷ​ണ​കു​ഴി​ക്ക​ലു​കൾ വെളി​പ്പെ​ടു​ത്തി​യി​ട്ടില്ല. കൂടാതെ, വിശുദ്ധ പത്രോ​സി​ന്റെ ശവം ക്രിസ്‌തീയ സമുദാ​യ​ത്തിൽ അടക്കം ചെയ്യു​ന്ന​തി​നു​വേണ്ടി വധാധി​കൃ​ത​രിൽനി​ന്നു വീണ്ടെ​ടു​ത്തു​വെ​ന്ന​തിന്‌ വാസ്‌ത​വ​ത്തിൽ യാതൊ​രു ഉറപ്പു​മില്ല. സാധാ​ര​ണ​ഗ​തി​യിൽ ഒരു പരദേ​ശി​യും (പെരെ​ഗ്രീ​നസ്‌) നിയമ​ത്തി​ന്റെ ദൃഷ്ടി​യിൽ ഒരു സാധാരണ കുററ​വാ​ളി​യു​മാ​യി​രുന്ന ഒരുവന്റെ ശവം റൈബർ നദിയിൽ എറിഞ്ഞു കളഞ്ഞി​രി​ക്കാ​നാ​ണു സാധ്യത. . . . കൂടാതെ, അന്നത്തെ​ക്കാ​ലത്ത്‌ ശരീര അവശി​ഷ്ടങ്ങൾ സംരക്ഷി​ച്ചു​വെ​ക്കു​ന്ന​തിൽ അത്ര താത്‌പ​ര്യ​മൊ​ന്നും ഉണ്ടായി​രു​ന്നില്ല. പിൽക്കാ​ല​ങ്ങ​ളിൽ, ലോക​ത്തി​ന്റെ ആസന്നമായ നാശത്തി​ലുള്ള വിശ്വാ​സ​ത്തി​നു മങ്ങലേൽക്കു​ക​യും രക്തസാ​ക്ഷി​ക​ളു​ടെ വ്യക്തി​പൂ​ജാ പ്രസ്ഥാനം രംഗത്തു വരുക​യും ചെയ്‌ത​പ്പോ​ഴാണ്‌ അതിൽ താത്‌പ​ര്യം വർധി​ച്ചത്‌. അതു​കൊണ്ട്‌, വിശുദ്ധ പത്രോ​സി​ന്റെ ശവം അടക്കം ചെയ്യു​ന്ന​തി​നു​വേണ്ടി വാസ്‌ത​വ​ത്തിൽ കണ്ടെത്തി​യി​രി​ക്കാൻ സാധ്യ​ത​യി​ല്ലെ​ന്നത്‌ സത്യമാണ്‌.”—വിശുദ്ധ പത്രോ​സി​ന്റെ പുണ്യ​സ്ഥ​ല​വും വത്തിക്കാൻ ഗവേഷ​ണ​കു​ഴി​ക്ക​ലും (ഇംഗ്ലീഷ്‌), ജോയ്‌സി റേറാ​യ്‌ൻബീ, ജോൺ വാർഡ്‌ പെർക്കിൻസ്‌ എന്നിവ​രാ​ലു​ള്ളത്‌.