അവൾ യഹോ​വ​യാൽ അത്യന്തം കൃപല​ഭി​ച്ച​വ​ളാ​യി​രു​ന്നു

“കൃപ ലഭിച്ച​വളേ, നിനക്കു വന്ദനം; കർത്താവു [“യഹോവ,” NW] നിന്നോ​ടു​കൂ​ടെ ഉണ്ടു.” എന്തോരു അഭിവാ​ദനം! സംസാ​രി​ക്കു​ന്ന​യാൾ മററാ​രു​മല്ല, ഗബ്രീ​യേൽ ദൂതനാണ്‌. അവൻ അഭിസം​ബോ​ധന ചെയ്യു​ന്നത്‌ എളിയ ഹൃദയ​നി​ല​യുള്ള ഒരു യുവസ്‌ത്രീ​യെ​യാണ്‌. അത്‌ ഹേലി​യെന്നു പേരുള്ള ഒരുവന്റെ മകളായ മറിയ​യാണ്‌. പൊ.യു.മു. (പൊതു​യു​ഗ​ത്തി​നു​മുമ്പ്‌) 3-ാം വർഷം. സ്ഥലം നസറെത്ത്‌ പട്ടണവും.—ലൂക്കൊസ്‌ 1:26-28.

മറിയ തച്ചനായ യോ​സേ​ഫിന്‌ വിവാ​ഹ​നി​ശ്ചയം ചെയ്യ​പ്പെ​ട്ട​വ​ളാണ്‌. യഹൂദ ആചാര-നിയമ​പ്ര​കാ​രം അവൾ അവന്റെ വിവാ​ഹ​നി​ശ്ചയം കഴിഞ്ഞ ഭാര്യ​യാ​യി​ട്ടാ​ണു കണക്കാ​ക്ക​പ്പെ​ടു​ന്നത്‌. (മത്തായി 1:18) അവളെ​പ്പോ​ലെ അവനും താണ ചുററു​പാ​ടു​ക​ളിൽ നിന്നു​ള്ള​വ​നാണ്‌. എങ്കിൽപ്പി​ന്നെ, അത്യന്തം കൃപല​ഭി​ച്ച​വ​ളെന്ന്‌ ദൂതൻ അവളെ അഭിവാ​ദനം ചെയ്യു​ന്നത്‌ എന്തു​കൊ​ണ്ടാണ്‌?

അവളുടെ അത്ഭുത​ക​ര​മായ പദവി

ഗബ്രീ​യേൽ ഇങ്ങനെ കൂട്ടി​ച്ചേർക്കു​ന്നു: “മറിയയേ, ഭയപ്പെ​ടേണ്ട; നിനക്കു ദൈവ​ത്തി​ന്റെ കൃപ ലഭിച്ചു. നീ ഗർഭം ധരിച്ചു ഒരു മകനെ പ്രസവി​ക്കും; അവന്നു യേശു എന്നു പേർ വിളി​ക്കേണം. അവൻ വലിയവൻ ആകും; അത്യു​ന്ന​തന്റെ പുത്രൻ എന്നു വിളി​ക്ക​പ്പെ​ടും; കർത്താ​വായ [“യഹോ​വ​യായ,” NW] ദൈവം അവന്റെ പിതാ​വായ ദാവീ​ദി​ന്റെ സിംഹാ​സനം അവന്നു കൊടു​ക്കും. അവൻ യാക്കോബ്‌ ഗൃഹത്തി​ന്നു എന്നേക്കും രാജാ​വാ​യി​രി​ക്കും; അവന്റെ രാജ്യ​ത്തി​ന്നു അവസാനം ഉണ്ടാക​യില്ല.”—ലൂക്കൊസ്‌ 1:29-33.

അത്ഭുത​പ​ര​വ​ശ​യാ​യി മറിയ ചോദി​ക്കു​ന്നു: ‘ഞാൻ പുരു​ഷനെ അറിയാ​യ്‌ക​യാൽ ഇതു എങ്ങനെ സംഭവി​ക്കും?’ “പരിശു​ദ്ധാ​ത്മാ​വു നിന്റെ​മേൽ വരും; അത്യു​ന്ന​തന്റെ ശക്തി നിന്റെ​മേൽ നിഴലി​ടും; ആകയാൽ ഉത്ഭവി​ക്കുന്ന വിശു​ദ്ധ​പ്രജ ദൈവ​പു​ത്രൻ എന്നു വിളി​ക്ക​പ്പെ​ടും” എന്ന്‌ ഗബ്രീ​യേൽ ഉത്തരം നൽകുന്നു. ഏതെങ്കി​ലും വിധത്തി​ലുള്ള സംശയം തുടച്ചു​നീ​ക്കു​ന്ന​തിന്‌ ഗബ്രീ​യേൽ കൂട്ടി​ച്ചേർക്കു​ന്നു: “നിന്റെ ചാർച്ച​ക്കാ​രത്തി എലീശ​ബെ​ത്തും വാർദ്ധ​ക്യ​ത്തിൽ ഒരു മകനെ ഗർഭം ധരിച്ചി​രി​ക്കു​ന്നു; മച്ചി എന്നു പറഞ്ഞു​വ​ന്ന​വൾക്കു ഇതു ആറാം മാസം. ദൈവ​ത്തി​ന്നു ഒരു കാര്യ​വും അസാദ്ധ്യ​മ​ല്ല​ല്ലോ.”—ലൂക്കൊസ്‌ 1:34-37.

തത്‌ക്ഷണം മറിയ മഹത്തായ ഈ സേവന പദവി സ്വീക​രി​ക്കു​ന്നു. “ഇതാ, ഞാൻ കർത്താ​വി​ന്റെ ദാസി; നിന്റെ വാക്കു​പോ​ലെ എനിക്കു ഭവിക്കട്ടെ” എന്ന്‌ മനസ്സൊ​രു​ക്ക​ത്തോ​ടെ എന്നാൽ താഴ്‌മ​യോ​ടെ അവൾ പ്രത്യു​ത്തരം നൽകുന്നു. അനന്തരം ഗബ്രീ​യേൽ അവളെ വിട്ടു​പോ​കു​ന്നു. മറിയ തിടു​ക്ക​ത്തിൽ യഹൂദ​യി​ലെ പർവത​പ്ര​ദേ​ശ​ത്തുള്ള ഒരു പട്ടണത്തി​ലേക്കു പോകു​ന്നു. പുരോ​ഹി​ത​നായ സെഖര്യാ​വി​ന്റെ​യും ഭാര്യ എലീശ​ബെ​ത്തി​ന്റെ​യും ഭവനത്തിൽ എത്തു​മ്പോൾ അവൾ കാണു​ന്നത്‌ ദൂതൻ വിവരിച്ച അതേ സ്ഥിതി​യാണ്‌. മറിയ​യു​ടെ ഹൃദയം സന്തോ​ഷ​ത്താൽ നിറഞ്ഞു​തു​ളു​മ്പി! അവളുടെ അധരങ്ങ​ളിൽനിന്ന്‌ യഹോ​വ​ക്കുള്ള സ്‌തു​തി​വ​ച​നങ്ങൾ അടർന്നു​വീ​ണു.—ലൂക്കൊസ്‌ 1:38-55.

അവൾ യോ​സേ​ഫി​ന്റെ ഭാര്യ​യാ​കു​ന്നു

ഒരു കന്യക​വേണം യേശു​വി​ന്റെ മനുഷ്യ ശരീരം പ്രദാനം ചെയ്യാൻ. കാരണം അത്തര​മൊ​രു ജനനം മൂൻകൂ​ട്ടി പറഞ്ഞി​ട്ടു​ള്ള​താ​യി​രു​ന്നു. (യെശയ്യാ​വു 7:14; മത്തായി 1:22, 23) എന്നാൽ വിവാ​ഹ​നി​ശ്ചയം കഴിഞ്ഞ ഒരു കന്യക ആവശ്യ​മാ​യി​രു​ന്നത്‌ എന്തു​കൊണ്ട്‌? ശിശു​വിന്‌ ദാവീദ്‌ രാജാ​വി​ന്റെ സിംഹാ​സ​ന​ത്തിന്‌ നിയമ​പ​ര​മായ അവകാശം നൽകാൻ കഴിവുള്ള ഒരു ദത്തുപി​താ​വി​നെ നൽകാൻ തന്നെ. യോ​സേ​ഫും മറിയ​യും യഹൂദാ ഗോ​ത്ര​ത്തിൽ പിറന്ന​വ​രും ദാവീദ്‌ രാജാ​വി​ന്റെ പിൻഗാ​മി​ക​ളു​മാണ്‌. അതു​കൊണ്ട്‌ യേശു​വി​ന്റെ അനന്തരാ​വ​കാ​ശ​പ​ദവി ഇരുവി​ധ​ത്തിൽ സംസ്ഥാ​പി​ക്ക​പ്പെ​ടും. (മത്തായി 1:2-16; ലൂക്കൊസ്‌ 3:23-33) മറിയ ഗർഭി​ണി​യാ​ണെ​ന്നു​വ​രി​കി​ലും അവളെ തന്റെ നിയമ​പ്ര​കാ​ര​മുള്ള ഭാര്യ​യാ​യി സ്വീക​രി​ക്കു​ന്ന​തി​നു മടി​ക്കേ​ണ്ടന്ന്‌ യോ​സേ​ഫി​നോ​ടു ദൂതൻ പിന്നീട്‌ ഉറപ്പോ​ടെ പറഞ്ഞത്‌ അക്കാര​ണ​ത്താ​ലാണ്‌.—മത്തായി 1:19-25.a

ഔഗു​സ്‌തൊസ്‌ കൈസർ പുറ​പ്പെ​ടു​വിച്ച നികു​തി​നിർണയ നിയമം​മൂ​ലം ബേത്‌ല​ഹേ​മിൽപോ​യി പേർചാർത്താൻ യോ​സേ​ഫും മറിയ​യും നിർബ​ന്ധി​ത​രാ​കു​ന്നു. അവി​ടെ​വെച്ച്‌ അവൾ തന്റെ ആദ്യജാ​തനു ജൻമം നൽകുന്നു. ആട്ടിട​യൻമാർ കുഞ്ഞിനെ കാണാൻ വരുക​യും അവന്റെ പിതാ​വായ യഹോ​വയെ സ്‌തു​തി​ക്കു​ക​യും ചെയ്യുന്നു. മോ​ശൈക ന്യായപ്രമാണം അനുശാ​സി​ക്കു​ന്ന​പ്ര​കാ​രം 40 ദിവസത്തെ ശുദ്ധീ​ക​ര​ണ​കാ​ലം കഴിഞ്ഞ്‌ മറിയ തന്റെ പാപങ്ങൾക്ക്‌ പാപപ​രി​ഹാ​ര​ബലി അർപ്പി​ക്കു​ന്ന​തിന്‌ യെരു​ശ​ലേ​മി​ലെ ദേവാ​ല​യ​ത്തി​ലേക്കു പോകു​ന്നു. (ലേവ്യ​പു​സ്‌തകം 12:1-8; ലൂക്കൊസ്‌ 2:22-24) അവൾ അമലോ​ത്ഭ​വ​യ​ല്ലാ​ഞ്ഞ​തി​നാ​ലും തൻമൂലം പാപക്ക​റ​യിൽനിന്ന്‌ ഒഴിവു​ള്ള​വ​ള​ല്ലാ​ഞ്ഞ​തി​നാ​ലും അവകാ​ശ​പ്പെ​ടു​ത്തിയ അപൂർണത ബലിക​ളി​ലൂ​ടെ പരിഹ​രി​ക്കേ​ണ്ടി​യി​രു​ന്നു.—സങ്കീർത്തനം 51:5.

മറിയ​യും യോ​സേ​ഫും ദേവാ​ല​യ​ത്തി​ലാ​യി​രി​ക്കു​മ്പോൾ പ്രായം​ചെന്ന ശിമ​യോ​നും വയോ​വൃ​ദ്ധ​യായ ഹന്നാ പ്രവാ​ച​കി​ക്കും ദൈവ​പു​ത്രനെ കാണു​ന്ന​തി​നു പദവി ലഭിക്കു​ന്നു. മറിയയല്ല ശ്രദ്ധാ​കേ​ന്ദ്രം. (ലൂക്കൊസ്‌ 2:25-38) പിന്നീട്‌ വിദ്വാൻമാർ വണങ്ങു​ന്നത്‌ അവളെയല്ല പ്രത്യുത, യേശു​വി​നെ​യാണ്‌.—മത്തായി 2:1-12.

ഈജി​പ്‌തി​ലേക്കു പലായനം ചെയ്‌ത്‌ ദുഷ്ടനായ ഹെരോ​ദാവ്‌ മരിക്കു​ന്ന​തു​വരെ അവിടെ തങ്ങിയ​ശേഷം യേശു​വി​ന്റെ മാതാ​പി​താ​ക്കൾ അവി​ടെ​നി​ന്നു മടങ്ങി നസറെത്ത്‌ എന്ന ചെറിയ ഗ്രാമ​ത്തിൽ താമസ​മു​റ​പ്പി​ക്കു​ന്നു. (മത്തായി 2:13-23; ലൂക്കൊസ്‌ 2:39) അവി​ടെ​യാ​ണു ദൈവിക കുടുംബ ചുററു​പാ​ടു​ക​ളിൽ യോ​സേ​ഫും മറിയ​യും യേശു​വി​നെ വളർത്തു​ന്നത്‌.

മറിയക്ക്‌ വേറെ മക്കൾ ഉണ്ടായി​രു​ന്നു

ക്രമേണ, മറിയ​യും യോ​സേ​ഫും യേശു​വിന്‌ ജഡിക സഹോ​ദ​ര​ങ്ങളെ നൽകുന്നു. തന്റെ ശുശ്രൂ​ഷ​യോ​ടുള്ള ബന്ധത്തിൽ സ്വന്ത നാടായ നസറെ​ത്തിൽ യേശു എത്തി​ച്ചേ​രു​മ്പോൾ ബാല്യ​കാല പരിച​യ​ക്കാർ അവനെ തിരി​ച്ച​റി​യു​ന്നു. “ഇവൻ തച്ചന്റെ മകനല്ല​യോ? ഇവന്റെ അമ്മ മറിയ എന്നവള​ല്ല​യോ? ഇവന്റെ സഹോ​ദ​രൻമാർ യാക്കോബ്‌, യോസെ, ശിമോൻ, യൂദാ എന്നവർ അല്ലയോ? ഇവന്റെ സഹോ​ദ​രി​ക​ളും എല്ലാം നമ്മോ​ടു​കൂ​ടെ​യി​ല്ല​യോ?” എന്ന്‌ അവർ ചോദി​ക്കു​ന്നു. (മത്തായി 13:55, 56) നസറെ​ത്തു​കാർ ഇവിടെ പരാമർശി​ക്കു​ന്നത്‌ യോ​സേ​ഫി​ന്റെ​യും മറിയ​യു​ടെ​യും ജഡിക കുടും​ബ​ത്തെ​യാണ്‌. അതിൽ മറിയ​യു​ടെ പുത്രൻമാ​രും പുത്രി​മാ​രും ഉൾപ്പെ​ടു​ന്നു. അവരെ യേശു​വി​ന്റെ ജഡിക സഹോ​ദ​രീ​സ​ഹോ​ദ​രൻമാ​രാ​യി​ട്ടാണ്‌ അവർ മനസ്സി​ലാ​ക്കു​ന്നത്‌.

ഈ സഹോ​ദ​രീ​സ​ഹോ​ദ​രൻമാർ യേശു​വി​ന്റെ മച്ചുനരല്ല. അവർ അവന്റെ ശിഷ്യ​രോ ആത്മീയ സഹോ​ദ​ര​ങ്ങ​ളോ അല്ല. കാരണം യോഹ​ന്നാൻ 2:12 ഈ രണ്ടു കൂട്ടർക്കും ഇടയി​ലുള്ള വ്യത്യാ​സം ഇങ്ങനെ പറഞ്ഞു​കൊണ്ട്‌ വളരെ സ്‌പഷ്ട​മാ​ക്കു​ന്നു: “അവനും [യേശു​വും] അവന്റെ അമ്മയും സഹോ​ദ​രൻമാ​രും ശിഷ്യൻമാ​രും കഫർന്ന​ഹൂ​മി​ലേക്കു പോയി.” വർഷങ്ങൾക്കു​ശേഷം യെരു​ശ​ലേ​മിൽ അപ്പോ​സ്‌ത​ല​നായ പൗലോസ്‌ കേഫാ​വി​നെ അഥവാ പത്രോ​സി​നെ കണ്ടുമു​ട്ടി​യ​ശേഷം ഇങ്ങനെ കൂട്ടി​ച്ചേർത്തു: “അപ്പോ​സ്‌ത​ലൻമാ​രിൽ വേറൊ​രു​വ​നെ​യും ഞാൻ കണ്ടില്ല; കർത്താ​വി​ന്റെ സഹോ​ദ​ര​നായ യാക്കോ​ബി​നെ മാത്രമേ ഞാൻ കണ്ടുള്ളൂ.” (ഗലാത്യർ 1:19, ദ ജറുസ​ലേം ബൈബിൾ) കൂടാതെ “മകനെ പ്രസവി​ക്കും വരെ അവൻ [മറിയയെ] പരി​ഗ്ര​ഹി​ച്ചില്ല” എന്ന പ്രസ്‌താ​വന, യേശു​വി​ന്റെ വളർത്തു​പി​താവ്‌ പിന്നീട്‌ അവളു​മാ​യി ബന്ധം പുലർത്തി​യെ​ന്നും അവളുടെ മററു മക്കളുടെ പിതാ​വാ​യി​ത്തീർന്നു​വെ​ന്നും സൂചി​പ്പി​ക്കു​ന്നു. (മത്തായി 1:25) തദനു​സൃ​തം, ലൂക്കൊസ്‌ 2:7 യേശു​വി​നെ അവളുടെ “ആദ്യജാ​തൻ” എന്നു വിളി​ക്കു​ന്നു.

ദൈവ​ഭ​യ​മുള്ള ഒരു മാതാവ്‌

ദൈവ​ഭ​യ​മുള്ള മാതാവ്‌ എന്നനി​ല​യിൽ തന്റെ മക്കളെ നീതി​യിൽ അഭ്യസി​പ്പി​ക്കു​ന്ന​തിന്‌ മറിയ യോ​സേ​ഫു​മാ​യി സഹകരി​ക്കു​ന്നു. (സദൃശ​വാ​ക്യ​ങ്ങൾ 22:6) എലീശ​ബെ​ത്തി​ന്റെ അഭിവാ​ദ​ന​ത്തി​നു മറുപ​ടി​യാ​യി അവൾ നൽകിയ പദപ്ര​യോ​ഗ​ങ്ങ​ളിൽനി​ന്നും തിരു​വെ​ഴു​ത്തു​ക​ളു​ടെ പഠനത്തിൽ ശുഷ്‌കാ​ന്തി​യുള്ള ഒരു വിദ്യാർഥി​നി​യാ​യി​രു​ന്നു അവളെന്നു കാണാ​വു​ന്ന​താണ്‌. ആ സമയത്ത്‌ യേശു​വി​ന്റെ അമ്മ ഹന്നായു​ടെ പാട്ടിന്റെ വരികൾ ആവർത്തി​ക്കു​ക​യും സങ്കീർത്ത​ന​ങ്ങ​ളെ​ക്കു​റി​ച്ചും ചരിത്ര-പ്രവാചക ലിഖി​ത​ങ്ങ​ളെ​ക്കു​റി​ച്ചും മോശ​യു​ടെ പുസ്‌ത​ക​ങ്ങ​ളെ​ക്കു​റി​ച്ചും അറിവു പ്രകടി​പ്പി​ക്കു​ക​യും ചെയ്യുന്നു. (ഉല്‌പത്തി 30:13; 1 ശമൂവേൽ 2:1-10; സദൃശ​വാ​ക്യ​ങ്ങൾ 31:28; മലാഖി 3:12; ലൂക്കൊസ്‌ 1:46-55) മറിയ പ്രാവ​ച​നിക സംഭവ​ങ്ങ​ളും വചനങ്ങ​ളും മനപ്പാ​ഠ​മാ​ക്കി അവ ഹൃദയ​ത്തിൽ സംഗ്ര​ഹി​ക്കു​ക​യും അവയെ​ക്കു​റി​ച്ചു മനസ്സിൽ ധ്യാനി​ക്കു​ക​യും ചെയ്‌തി​രി​ക്കു​ന്നു. അതു​കൊണ്ട്‌, ബാലനായ യേശു​വിന്‌ മാതൃ നിർദേ​ശങ്ങൾ നൽകാൻ തക്കവണ്ണം അവൾ സുസ്സജ്ജ​യാണ്‌.—ലൂക്കൊസ്‌ 2:19, 33.

നന്നായി അഭ്യസി​പ്പി​ക്ക​പ്പെട്ട 12 വയസ്സുള്ള യേശു​വി​ന്റെ തിരു​വെ​ഴു​ത്തു​പ​ര​മായ അറിവ്‌ ദേവാ​ല​യ​ത്തി​ലെ ജ്ഞാനി​ക​ളായ പുരു​ഷൻമാ​രെ അമ്പരപ്പി​ക്കു​ന്നു. ആ പെസഹാ ഘട്ടത്തിൽ അവൻ മാതാ​പി​താ​ക്ക​ളിൽനി​ന്നു വേർപെ​ട്ടു​പോ​യ​തി​നാൽ അവന്റെ അമ്മ ഇങ്ങനെ പറയുന്നു: “മകനേ, ഞങ്ങളോ​ടു ഇങ്ങനെ ചെയ്‌തതു എന്തു? നിന്റെ അപ്പനും ഞാനും വ്യസനി​ച്ചു​കൊ​ണ്ടു നിന്നെ തിരഞ്ഞു.” യേശു ഇങ്ങനെ പ്രത്യു​ത്തരം നൽകുന്നു: “എന്നെ തിരഞ്ഞതു എന്തിന്നു? എന്റെ പിതാ​വി​നു​ള്ള​തിൽ [“പിതാ​വി​ന്റെ ഭവനത്തിൽ,” NW] ഞാൻ ഇരി​ക്കേ​ണ്ടതു എന്നു നിങ്ങൾ അറിയു​ന്നി​ല്ല​യോ.” ഈ മറുപ​ടി​യു​ടെ പ്രാധാ​ന്യം തിരി​ച്ച​റി​യാ​നാ​വാ​തെ മറിയ അതു തന്റെ ഹൃദയ​ത്തിൽ സംഗ്ര​ഹി​ക്കു​ന്നു. നസറെ​ത്തിൽ മടങ്ങി​യെ​ത്തിയ യേശു “ജ്ഞാനത്തി​ലും വളർച്ച​യി​ലും ദൈവ​ത്തി​ന്റെ​യും മനുഷ്യ​രു​ടെ​യും കൃപയി​ലും മുതിർന്നു​വന്നു.”—ലൂക്കൊസ്‌ 2:42-52.

മറിയ യേശു​വി​ന്റെ ശിഷ്യ​യെന്ന നിലയിൽ

കാല​ക്ര​മേണ മറിയ യേശു​വി​ന്റെ അർപ്പിത ശിഷ്യ​യാ​യി​ത്തീ​ര​ണ​മാ​യി​രു​ന്നു എന്നത്‌ എത്ര ഉചിത​മാണ്‌! അവൾ താഴ്‌മ​യു​ള്ള​വ​ളാണ്‌. മഹത്തായ ദൈവദത്ത നിയമനം ലഭിച്ചി​ട്ടും അവൾ ഉന്നതസ്ഥാ​നം അഭില​ഷി​ച്ചില്ല. മറിയക്ക്‌ തിരു​വെ​ഴു​ത്തു​കൾ അറിയാം. ദിവ്യ​പ​രി​വേ​ഷ​മ​ണിഞ്ഞ്‌, “അമ്മരാജ്ഞി”യായി സിംഹാ​സ​ന​ത്തിൽ ഇരിക്കു​ക​യും ക്രിസ്‌തു​വി​ന്റെ മഹിമ​യിൽ കുളി​ച്ചി​രി​ക്കു​ക​യും ചെയ്യു​ന്ന​താ​യി അവളെ വർണി​ക്കു​ന്നത്‌ നിങ്ങൾ ബൈബി​ളിൽ തിരഞ്ഞാൽ കണ്ടെത്തു​ക​യില്ല. പ്രത്യുത, ആളുക​ളു​ടെ ശ്രദ്ധയിൽപ്പെ​ടാ​തെ, പിന്നണി​യിൽ നിൽക്കു​ന്ന​താ​യി അവളെ നിങ്ങൾ കണ്ടെത്തും.—മത്തായി 13:53-56; യോഹ​ന്നാൻ 2:12.

തന്റെ അനുഗാ​മി​ക​ളു​ടെ ഇടയിൽനിന്ന്‌ മറിയാ​രാ​ധ​ന​പോ​ലുള്ള എന്തും യേശു മുളയി​ലേ നുള്ളി​ക്ക​ളഞ്ഞു. ഒരു സന്ദർഭ​ത്തിൽ അവൻ സംസാ​രി​ച്ചു​കൊ​ണ്ടി​രി​ക്കവേ “പുരു​ഷാ​ര​ത്തിൽനിന്ന്‌ ഒരു സ്‌ത്രീ വിളി​ച്ചു​പ​റഞ്ഞു, ‘നിന്നെ ചുമന്ന ഉദരവും നീ കുടിച്ച മുലയും അനു​ഗ്ര​ഹ​മു​ള്ളവ!’ അതിന്‌ അവൻ ഇങ്ങനെ മറുപടി നൽകി, ‘പ്രത്യുത, ദൈവ​ത്തി​ന്റെ വചനം കേട്ട്‌ അതു പ്രമാ​ണി​ക്കു​ന്നവർ അത്രേ അനുഗൃ​ഹീ​തർ.’” (ലൂക്കൊസ്‌ 11:27, 28, ദ ന്യൂ അമേരി​ക്കൻ ബൈബിൾ, കാത്തലിക്‌ ബിബ്ലിക്കൽ അസോ​സി​യേഷൻ ഓഫ്‌ അമേരി​ക്ക​യു​ടെ അംഗങ്ങൾ പരിഭാ​ഷ​പ്പെ​ടു​ത്തി​യത്‌) ഒരു വിവാഹ സദ്യയിൽ യേശു മറിയ​യോ​ടു പറഞ്ഞു: “സ്‌ത്രീ​യേ, എനിക്കും നിനക്കും തമ്മിൽ എന്തു? എന്റെ നാഴിക ഇതുവരെ വന്നിട്ടില്ല.” (യോഹ​ന്നാൻ 2:4) വേറെ ചില പരിഭാ​ഷ​ക​ളിൽ ഇങ്ങനെ വായി​ക്കു​ന്നു: “അക്കാര്യം എനിക്കു വിട്ടേക്കൂ.” (വേമൗത്ത്‌) “എന്നെ നിയ​ന്ത്രി​ക്കാൻ ശ്രമി​ക്കേണ്ട.” (ആൻ അമേരി​ക്കൻ ട്രാൻസ്‌ലേഷൻ) അതേ, യേശു തന്റെ അമ്മയെ ആദരിച്ചു എന്നാൽ അവൻ അവളെ പൂജി​ച്ചില്ല.

ശാശ്വത പദവികൾ

എന്തെല്ലാം പദവി​ക​ളാ​ണു മറിയ ആസ്വദി​ച്ചത്‌! അവൾ യേശു​വി​നു ജൻമം നൽകി. അവൾ ആ കുഞ്ഞിനെ പരിപാ​ലി​ക്കു​ക​യും പരിശീ​ലി​പ്പി​ക്കു​ക​യും ചെയ്‌തു. ഒടുവിൽ, അവൾ വിശ്വാ​സം പ്രകടി​പ്പി​ച്ചു​കൊണ്ട്‌ ക്രിസ്‌തു​വി​ന്റെ ശിഷ്യ​യും ആത്മീയ സഹോ​ദ​രി​യു​മാ​യി​ത്തീർന്നു. തിരു​വെ​ഴു​ത്തു നമുക്ക്‌ മറിയ​യെ​ക്കു​റിച്ച്‌ യെരു​ശ​ലേ​മി​ലെ ഒരു മാളി​ക​മു​ക​ളിൽ ഇരിക്കു​ന്ന​താ​യി അന്തിമ സൂചന നൽകു​ന്നതു നാം കാണുന്നു. അവിടെ അവൾ യേശു​വി​ന്റെ അപ്പോ​സ്‌ത​ലൻമാ​രോ​ടും തന്റെ മററു പുത്രൻമാ​രോ​ടും മററു ചില വിശ്വസ്‌ത സ്‌ത്രീ​ക​ളോ​ടു​മൊ​പ്പ​മാണ്‌. അവരെ​ല്ലാം യഹോ​വ​യു​ടെ ആരാധ​ക​രാണ്‌.—പ്രവൃ​ത്തി​കൾ 1:13, 14.

കാലം കടന്നു​പോ​യ​തോ​ടെ മറിയ മരിക്കു​ക​യും അവളുടെ ശരീരം പൊടി​യി​ലേക്കു തിരികെ ചേരു​ക​യും ചെയ്‌തു. സ്വർഗ​ത്തി​ലെ അമർത്ത്യ ജീവനി​ലേക്ക്‌ ആത്മജീ​വി​യെന്ന നിലയിൽ ഉയിർപ്പി​ക്ക​പ്പെ​ടു​ന്ന​തി​നുള്ള ദൈവ​ത്തി​ന്റെ തക്ക സമയം വരുന്ന​തു​വരെ അവൾ തന്റെ പ്രിയ പുത്ര​നായ യേശു​വി​ന്റെ ആദിമ അഭിഷിക്ത അനുഗാ​മി​ക​ളെ​പ്പോ​ലെ മരണത്തിൽ നിദ്ര​പ്രാ​പി​ച്ചു. (1 കൊരി​ന്ത്യർ 15:44, 50; 2 തിമൊ​ഥെ​യൊസ്‌ 4:8) ‘അത്യന്തം കൃപല​ഭിച്ച’ ഇവൾ ഇപ്പോൾ യഹോ​വ​യു​ടെ​യും യേശു​ക്രി​സ്‌തു​വി​ന്റെ​യും സമ്മുഖത്ത്‌ എത്രമാ​ത്രം ആനന്ദപു​ള​കി​ത​യാ​യി​രി​ക്കണം!

[അടിക്കു​റിപ്പ്‌]

[31-ാം പേജിലെ ചിത്രം]

യേശുവിന്റെ അമ്മയെന്ന നിലയിൽ മറിയ അത്യന്തം കൃപല​ഭി​ച്ചവൾ ആയിരു​ന്നു