രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

യഹോവ തന്റെ ശത്രു​ക്ക​ളെ​ക്കാൾ ബലവാ​നാണ്‌

വ്യാജ​മ​ത​ത്തെ​യും ആത്മവി​ദ്യ​യെ​യും ഉപയോ​ഗി​ച്ചു​കൊണ്ട്‌ പിശാ​ചും അവന്റെ ഭൂതങ്ങ​ളും സുവാർത്താ ഘോഷ​ണത്തെ തടസ്സ​പ്പെ​ടു​ത്താൻ ദീർഘ​നാ​ളാ​യി ശ്രമി​ച്ചു​കൊ​ണ്ടി​രി​ക്കു​ക​യാണ്‌. ബൈബിൾ 2 കൊരി​ന്ത്യർ 4:4-ൽ സാത്താന്റെ ദുഷ്ട ഉദ്ദേശ്യ​ത്തെ​ക്കു​റി​ച്ചു പറയു​ന്നുണ്ട്‌. അവിടെ അത്‌ “ദൈവ​പ്ര​തി​മ​യായ ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം ശോഭി​ക്കാ​തി​രി​പ്പാൻ ഈ ലോക​ത്തി​ന്റെ ദൈവം അവിശ്വാ​സി​ക​ളു​ടെ മനസ്സു കുരു​ടാ​ക്കി” എന്നു പ്രസ്‌താ​വി​ക്കു​ന്നു.

എന്നാൽ യഹോ​വ​യാം ദൈവം സാത്താ​നെ​ക്കാൾ ബലവാ​നാണ്‌. ദിവ്യേ​ഷ്ടം നിറ​വേ​റു​ന്ന​തി​നെ തടയാൻ യഹോ​വ​യു​ടെ ശത്രു​ക്കൾക്കു യാതൊ​ന്നും ചെയ്യാ​നാ​വില്ല. “സകലമ​നു​ഷ്യ​രും രക്ഷപ്രാ​പി”ക്കണമെ​ന്നും “സത്യത്തി​ന്റെ പരിജ്ഞാ​ന​ത്തിൽ എത്ത”ണമെന്നു​മാണ്‌ അവന്റെ ഇഷ്ടം. (1 തിമൊ​ഥെ​യൊസ്‌ 2:4) ഇക്കാര്യം എടുത്തു​കാ​ണി​ക്കു​ന്ന​താണ്‌ ഓസ്‌​ട്രേ​ലി​യ​യി​ലെ രാജ്യ​പ്ര​ഘോ​ഷ​ക​രിൽനി​ന്നുള്ള പിൻവ​രുന്ന റിപ്പോർട്ട്‌.

◻ 20 വർഷം മതങ്ങളു​മാ​യി ബന്ധപ്പെ​ടാ​തെ കഴിഞ്ഞു​പോ​രി​ക​യാ​യി​രുന്ന ഒരു സ്‌ത്രീ വീണ്ടും ബൈബിൾ വായി​ക്കാൻ തുടങ്ങി. ബൈബി​ളി​നോ​ടുള്ള താത്‌പ​ര്യ​ത്തി​നു പുതു​ജീ​വൻ ലഭിച്ച​തോ​ടെ അവളുടെ മനസ്സിൽ എണ്ണമററ ചോദ്യ​ങ്ങൾ പൊന്തി​വ​രാൻ തുടങ്ങി. അതു​കൊണ്ട്‌, ഉത്തരം കണ്ടെത്താൻ സഹായ​മേ​കണേ എന്ന്‌ അവൾ ദൈവ​ത്തോ​ടു പ്രാർഥി​ച്ചു. സത്യം കണ്ടെത്തണം എന്ന്‌ അവൾ ആഗ്രഹി​ച്ചു. എന്നാൽ തന്റെ പഴയ മതത്തി​ലേ​ക്കു​തന്നെ തിരി​ച്ചു​പോ​കു​ന്നതു പ്രശ്‌ന​പ​രി​ഹാ​ര​മാ​വി​ല്ലെന്ന്‌ അവൾക്ക്‌ അറിയാ​മാ​യി​രു​ന്നു. അതിനു​പ​കരം, അവൾ പഴയ പുസ്‌ത​കങ്ങൾ വിൽക്കുന്ന ഒരു കടയിൽ ചെന്ന്‌, മതത്തെ സംബന്ധിച്ച ഏതെങ്കി​ലും പുസ്‌ത​ക​മു​ണ്ടോ എന്ന്‌ അന്വേ​ഷി​ച്ചു.

കടയുടെ ഉടമസ്ഥ​യ്‌ക്ക്‌ ഉടനെ ഓർമ​വന്നു, തന്റെ കൈവശം മതപര​മായ ഒരു പുസ്‌ത​ക​മു​ണ്ട​ല്ലോ എന്ന്‌, കടയിലല്ല, വീട്ടിൽ. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ആ പുസ്‌ത​ക​ത്തി​ന്റെ പേർ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്നായി​രു​ന്നു. ആകാം​ക്ഷ​യോ​ടെ ആ പുസ്‌തകം വായിച്ച ആ സ്‌ത്രീക്ക്‌ ബൈബി​ളി​നെ സംബന്ധി​ച്ചു​ണ്ടാ​യി​രുന്ന പല ചോദ്യ​ങ്ങൾക്കും ഉത്തരം ലഭിച്ചു. അവസാനം ടെല​ഫോൺ ഡയറക്ട​റി​യു​ടെ സഹായ​ത്തോ​ടെ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ട അവർ ക്രമമാ​യൊ​രു ബൈബി​ള​ധ്യ​യനം ആരംഭി​ച്ചു.

◻ ഒരു യുവതി ഒരു ഏലസ്സ്‌ വിൽക്കാ​നു​ണ്ടെ​ന്നും പറഞ്ഞ്‌ പ്രാ​ദേ​ശിക പത്രത്തിൽ പരസ്യം കൊടു​ത്തു. ‘വളരെ ശക്തിയുള്ള മധ്യകാ​ലഘട്ട ഏലസ്സ്‌’ എന്നൊരു പരാമർശം പരസ്യ​ത്തി​ലു​ണ്ടാ​യി​രു​ന്നു. പ്രസ്‌തുത പരസ്യം ശ്രദ്ധയിൽപ്പെട്ട ഒരു യഹോ​വ​യു​ടെ സാക്ഷി പരസ്യ​ത്തോ​ടൊ​പ്പ​മു​ണ്ടാ​യി​രുന്ന ഫോൺ നമ്പർ ഉപയോ​ഗിച്ച്‌ ആ യുവതി​യു​മാ​യി ബന്ധപ്പെട്ട്‌, ഏലസ്സിന്‌ ഉണ്ടെന്നു പറയുന്ന ശക്തിയു​ടെ ഉറവി​നെ​ക്കു​റി​ച്ചു സംസാ​രി​ക്കാൻ പരിപാ​ടി​യി​ട്ടു. ഭൂതങ്ങ​ളു​ടെ പ്രവർത്തനം സംബന്ധിച്ച ബൈബി​ളി​ന്റെ വീക്ഷണ​ത്തെ​ക്കു​റി​ച്ചുള്ള ഒരു ചർച്ചയും നടന്നു. ഭൂതങ്ങ​ളെ​ക്കൊ​ണ്ടു തനിക്കുള്ള പ്രശ്‌ന​ങ്ങ​ളിൽനി​ന്നു സഹായി​ക്കണേ എന്നു തൊട്ടു തലേദി​വ​സ​മാ​യി​രു​ന്നു താൻ ദൈവ​ത്തോ​ടു പ്രാർഥി​ച്ചത്‌ എന്ന്‌ ഏലസ്സു​കാ​രി യുവതി പറഞ്ഞു. ഫോണി​ലൂ​ടെ മറെറാ​രു ചർച്ച കൂടി നടത്താൻ സാക്ഷി ഏർപ്പാ​ടാ​ക്കി.

അവൾ ഫോൺചെയ്‌ത നേരം ആ യുവതി വീട്ടി​ലി​ല്ലാ​യി​രു​ന്നു. അമ്മയാ​യി​രു​ന്നു ഫോൺ എടുത്തത്‌, അവർ പറഞ്ഞു: “എന്റെ മകളോ​ടു നിങ്ങൾ എന്താണു പറഞ്ഞ​തെ​ന്നൊ​ന്നും എനിക്ക്‌ അറിയില്ല, എന്നാൽ സംഭവി​ച്ചത്‌ ഒരു അത്ഭുതം​തന്നെ!” ഫോണി​ലൂ​ടെ​യുള്ള ആദ്യസം​സാ​രം കഴിഞ്ഞ​പ്പോൾത്തന്നെ, സാത്താന്യ ചിത്ര​ങ്ങ​ളും പുസ്‌ത​ക​ങ്ങ​ളും വലി​ച്ചെ​റി​ഞ്ഞു​കളഞ്ഞ മകൾ ഇപ്പോൾ ബൈബിൾ വായന തുടങ്ങി​യി​രി​ക്കു​ന്നു​വെന്ന്‌ അവർ അറിയി​ച്ചു.

താമസി​യാ​തെ, ആ യുവതി​യെ ചെന്നു​കാ​ണാ​നുള്ള ക്രമീ​ക​ര​ണങ്ങൾ ചെയ്‌തു. യഹോ​വ​യു​ടെ സാക്ഷി​ക​ളു​മൊ​ത്തു ക്രമമാ​യൊ​രു ബൈബി​ള​ധ്യ​യ​ന​ത്തിന്‌ അവൾ ഉടൻ സമ്മതിച്ചു. ക്രിസ്‌തീയ യോഗ​ങ്ങ​ളിൽ പങ്കുപ​റ​റി​ക്കൊണ്ട്‌ അവൾ യഹോ​വ​യു​ടെ സാക്ഷി​ക​ളോ​ടൊ​പ്പം സഹവസി​ക്കാ​നും തുടങ്ങി. അങ്ങനെ ബൈബി​ളി​നെ​ക്കു​റി​ച്ചുള്ള സൂക്ഷ്‌മ പരിജ്ഞാ​നം പ്രകാ​ശി​പ്പി​ച്ചു​കൊണ്ട്‌, വീണ്ടും യഹോവ ഭൂതങ്ങളെ തോൽപ്പി​ച്ചി​രി​ക്കു​ന്നു.