രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

രാജ്യ​സു​വാർത്ത പ്രസം​ഗി​ക്ക​പ്പെ​ടും

സത്യ​ക്രി​സ്‌ത്യാ​നി​ത്വ​ത്തി​ന്റെ വ്യാപനം തടയാ​നുള്ള ശ്രമത്തിൽ ദൈവ​ത്തി​ന്റെ മുഖ്യ എതിരാ​ളി​യായ പിശാ​ചായ സാത്താൻ രാഷ്‌ട്രീയ ഗവൺമെൻറു​ക​ളെ​യും വ്യാജ​മ​ത​ത്തെ​യും തന്ത്രപൂർവം ഉപയോ​ഗി​ച്ചി​രി​ക്കു​ന്നു. എന്നാൽ ഈ മാർഗ​ങ്ങ​ളെ​ല്ലാം പരാജ​യ​മ​ട​യും. “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​മാ​യി നിവസി​ത​ഭൂ​മി​യി​ലെ​ങ്ങും പ്രസം​ഗി​ക്ക​പ്പെ​ടും” [“പ്രസം​ഗി​ക്ക​പ്പെ​ട്ടേ​ക്കാം” എന്നോ “പ്രസം​ഗി​ച്ചെ​ന്നു​വ​രാം” എന്നോ അല്ല] എന്ന്‌ യേശു മുൻകൂ​ട്ടി പറഞ്ഞി​ട്ടുണ്ട്‌.—മത്തായി 24:14, NW.

ഗ്രീസിൽ സാത്താന്റെ പരാജയം വ്യക്തമാ​യി​രി​ക്കു​ന്നു. ആ രാജ്യത്ത്‌ ഗ്രീക്ക്‌ ഓർത്തോ​ഡോ​ക്‌സ്‌ സഭ, രാജ്യ​സു​വാർത്ത പ്രസം​ഗി​ക്കു​ന്ന​തിൽനി​ന്നു യഹോ​വ​യു​ടെ സാക്ഷി​കളെ നിരോ​ധി​ക്കാൻ ശ്രമി​ച്ചി​ട്ടുണ്ട്‌. എന്നാൽ, പിൻവ​രുന്ന അനുഭവം പ്രദീ​പ്‌ത​മാ​ക്കു​ന്ന​പ്ര​കാ​രം എതിർപ്പിൻ മധ്യേ​യും ബൈബിൾ സത്യങ്ങൾ പരമാർഥ​ഹൃ​ദ​യ​രായ ആളുക​ളു​ടെ പക്കൽ തക്കസമ​യത്ത്‌ എത്തി​ച്ചേ​രു​ന്നു.

ഏതാണ്ടു 30 വർഷം മുമ്പ്‌ ഒരു ഗ്രീക്ക്‌ ഓർത്തോ​ഡോ​ക്‌സ്‌ പുരോ​ഹി​തൻ സുവാർത്ത സ്വീക​രി​ക്കു​ക​യും യഹോ​വ​യു​ടെ സാക്ഷി​ക​ളിൽ ഒരുവ​നാ​യി​ത്തീ​രാ​നുള്ള ആഗ്രഹം പ്രകട​മാ​ക്കു​ക​യും​പോ​ലും ചെയ്യു​ക​യു​ണ്ടാ​യി. എന്നിരു​ന്നാ​ലും, അദ്ദേഹ​ത്തി​ന്റെ ബന്ധുക്കൾ ഈ നടപടി​യെ ശക്തമായി എതിർക്കു​ക​യും സാക്ഷി​ക​ളു​മാ​യുള്ള സഹവാസം വെടി​യാൻ പോന്ന​വി​ധം അദ്ദേഹ​ത്തി​ന്റെ​മേൽ സമ്മർദം ചെലു​ത്തു​ക​യും ചെയ്‌തു. തന്റെ കുടും​ബത്തെ സന്തോ​ഷി​പ്പി​ക്കാൻവേണ്ടി പുരോ​ഹി​തൻ എന്നനി​ല​യിൽ അദ്ദേഹം തുടർന്നു; എങ്കിലും, സത്യം പഠിക്കു​ന്ന​തി​നു യഹോ​വ​യു​ടെ സാക്ഷികൾ തന്നെ സഹായി​ച്ചു​വെ​ന്നും ഒരു വ്യാജ​മ​ത​ത്തിൽ സ്ഥാനമാ​ന​ങ്ങൾക്കു​വേണ്ടി താൻ അതു സ്വയം ത്യജി​ച്ച​താ​ണെ​ന്നും അദ്ദേഹം എല്ലായ്‌പോ​ഴും തിരി​ച്ച​റി​ഞ്ഞി​രു​ന്നു.

എന്തുത​ന്നെ​യാ​ണേ​ലും, അദ്ദേഹം ചില​പ്പോ​ഴൊ​ക്കെ സാക്ഷി​ക​ളെ​ക്കു​റിച്ച്‌ അനുകൂ​ല​മാ​യി സംസാ​രി​ക്കു​മാ​യി​രു​ന്നു. ബൈബിൾ സത്യങ്ങ​ളെ​ക്കു​റിച്ച്‌ അറിയാൻ ആഗ്രഹ​മു​ണ്ടെ​ങ്കിൽ സാക്ഷി​ക​ളോ​ടൊ​പ്പം പഠി​ക്കേ​ണ്ട​തു​ണ്ടെന്ന്‌ അദ്ദേഹം പലവട്ടം ആളുകളെ ഉപദേ​ശി​ക്കു​ക​പോ​ലും ചെയ്‌തി​ട്ടുണ്ട്‌. വർഷങ്ങൾകൊണ്ട്‌ ചിലർ വാസ്‌ത​വ​മാ​യും അദ്ദേഹ​ത്തി​ന്റെ ശുപാർശ പിന്തു​ട​രു​ക​യു​ണ്ടാ​യി.

സമീപ​കാ​ലത്ത്‌ ഈ പുരോ​ഹി​തൻ വളരെ രോഗ​ബാ​ധി​ത​നാ​യി, ഉടൻതന്നെ മരിക്കു​മെന്ന സ്ഥിതി​യി​ലാ​യി. ആശുപ​ത്രി​യി​ലാ​യി​രു​ന്ന​പ്പോൾ അദ്ദേഹം തന്റെ മക്കളെ വിളി​പ്പി​ച്ചു.a അവരെ​ല്ലാം അദ്ദേഹ​ത്തി​ന്റെ കിടക്ക​യ്‌ക്കു സമീപം കൂടി​വന്നു. താൻ മരി​ച്ചെ​ന്നു​വ​രി​കി​ലും അവർ ഒരുപക്ഷേ തന്നെ കാണു​മെന്ന്‌ അദ്ദേഹം വിശദീ​ക​രി​ച്ചു. മനുഷ്യർ ഭൂമി​യി​ലെ പറുദീ​സ​യിൽ ജീവി​ക്കാൻ യഹോ​വ​യാൽ ഉയിർപ്പി​ക്ക​പ്പെ​ടു​മെന്ന ബൈബി​ളി​ന്റെ പഠിപ്പി​ക്ക​ലി​നെ​പ്പ​ററി അദ്ദേഹം അവരോ​ടു സംസാ​രി​ച്ചു. എന്നാൽ അതു സംഭവി​ക്കു​ന്നതു കാണാൻ അവർ യഥാർഥ​ത്തിൽ ആഗ്രഹി​ക്കു​ന്നെ​ങ്കിൽ ബൈബി​ളിൽ നിന്നുള്ള സത്യം പഠിക്കു​ക​യും വ്യാജ​മ​ത​വു​മാ​യുള്ള സഹവാസം അവസാ​നി​പ്പി​ക്കു​ക​യും ചെയ്യേ​ണ്ട​തു​ണ്ടെന്ന്‌ അദ്ദേഹം അവരോ​ടു പറഞ്ഞു. യഹോ​വ​യു​ടെ സാക്ഷി​ക​ളു​മാ​യി സഹവസി​ക്കാ​നും യഥാർഥ ക്രിസ്‌ത്യാ​നി​കൾ ആയിത്തീ​രു​ന്ന​തെ​ങ്ങ​നെ​യെന്ന്‌ അവരിൽനി​ന്നു പഠിക്കാ​നും അദ്ദേഹം അവരോട്‌ അഭ്യർഥി​ച്ചു.

അതിനു​ശേ​ഷം പെട്ടെ​ന്നു​തന്നെ പുരോ​ഹി​തൻ മരിച്ചു. എന്നിരു​ന്നാ​ലും, വിടപ​റ​യും​നേരം അദ്ദേഹം മക്കൾക്കു നൽകിയ ബുദ്ധ്യു​പ​ദേശം നല്ല ഫലങ്ങൾ കൊയ്‌തു. അദ്ദേഹ​ത്തി​ന്റെ മകൾക്ക്‌, ബന്ധുക്ക​ളിൽ മിക്കവ​രു​ടെ​യും കാര്യ​ത്തി​ലെ​ന്ന​പോ​ലെ​തന്നെ, യഹോ​വ​യു​ടെ സാക്ഷി​ക​ളോ​ടും അവരുടെ വേല​യോ​ടും വളരെ​യ​ധി​കം എതിർപ്പാ​യി​രു​ന്നു. എന്നുവ​രി​കി​ലും മരണശ​യ്യ​യിൽവ​ച്ചുള്ള പിതാ​വി​ന്റെ ആത്മാർഥ​മായ അഭ്യർഥന അവഗണി​ക്കാൻ അവൾക്കു കഴിഞ്ഞില്ല. അതു​കൊണ്ട്‌ അവൾ പെട്ടെ​ന്നു​തന്നെ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ടു ബൈബിൾ പഠിക്കാൻ തുടങ്ങി. സമീപ​കാ​ലത്ത്‌ അവൾ തന്റെ ജീവിതം യഹോ​വക്കു സമർപ്പി​ക്കു​ക​യും സമർപ്പണം ജലസ്‌നാ​പ​ന​ത്തി​ലൂ​ടെ പ്രതീ​ക​പ്പെ​ടു​ത്തി​ക്കൊണ്ട്‌ ഒരു സാക്ഷി​യാ​യി​ത്തീ​രു​ക​യും ചെയ്‌തു.

ഗ്രീസി​ലും അതു​പോ​ലെ​തന്നെ വേറെ 230 രാജ്യ​ങ്ങ​ളി​ലും യഹോ​വ​യു​ടെ സാക്ഷികൾ ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ ശക്തിയിൽ ആശ്രയി​ക്കു​ന്നു. പരിശു​ദ്ധാ​ത്മാ​വി​ന്റെ മുഴു പിന്തു​ണ​യും കൊണ്ടാണ്‌ അവർ യേശു​വി​ന്റെ പിൻവ​രുന്ന പ്രവച​ന​ത്തി​ന്റെ നിവൃ​ത്തി​യിൽ പങ്കു​കൊ​ള്ളു​ന്നത്‌: “പരിശു​ദ്ധാ​ത്മാ​വു നിങ്ങളു​ടെ മേൽ വരു​മ്പോൾ നിങ്ങൾ ശക്തി ലഭിച്ചി​ട്ടു യെരൂ​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും എന്റെ സാക്ഷികൾ ആകും.”—പ്രവൃ​ത്തി​കൾ 1:8.

[അടിക്കു​റി​പ്പു​കൾ]