ബൈബി​ളി​ലെ പ്രാർഥ​നകൾ അടുത്ത പരി​ശോ​ധന അർഹി​ക്കു​ന്നു

ഉത്‌ക​ണ്‌ഠാ​കു​ല​യായ ഒരു സ്‌ത്രീ, ഒരു രാജാവ്‌, പിന്നെ ദൈവ​ത്തി​ന്റെ സ്വന്തം പുത്രൻ. ഇവർ നടത്തിയ പ്രാർഥ​ന​കളെ നാമി​പ്പോൾ ഒന്നടുത്തു വീക്ഷി​ക്കാൻ പോകു​ക​യാണ്‌. ഓരോ പ്രാർഥ​ന​യ്‌ക്കും പ്രേര​ക​ഘ​ട​ക​മാ​യി​ത്തീർന്നതു വ്യത്യസ്‌ത സാഹച​ര്യ​ങ്ങ​ളാ​യി​രു​ന്നു. എങ്കിലും, അത്തരം സ്ഥിതി​വി​ശേ​ഷങ്ങൾ ഇന്നു നമ്മെയും ബാധി​ക്കാ​വു​ന്ന​വ​തന്നെ. ഈ ദൃഷ്ടാ​ന്ത​ങ്ങ​ളിൽനി​ന്നു നമുക്ക്‌ എന്തു പഠിക്കാ​നാ​വും?

‘അടിയന്റെ സങ്കടം നോ​ക്കേ​ണമേ’

വിട്ടു​മാ​റാത്ത ഒരു പ്രശ്‌ന​വു​മാ​യി നിങ്ങൾ പോരാ​ടു​ക​യാ​ണോ? അല്ലെങ്കിൽ ഉത്‌ക​ണ്‌ഠ​യാൽ ഭാര​പ്പെ​ട്ടി​രി​ക്കു​ക​യാ​ണോ? അങ്ങനെ​യെ​ങ്കിൽ, തന്റെ ആദ്യ കുട്ടി​യായ ശമു​വേ​ലി​നെ പ്രസവി​ക്കു​ന്ന​തി​നു​മു​മ്പത്തെ ഹന്നായു​ടെ സാഹച​ര്യ​വു​മാ​യി സാമ്യ​മുണ്ട്‌ നിങ്ങളു​ടേ​തിന്‌. കുട്ടി​ക​ളി​ല്ലാ​യി​രുന്ന അവളെ മറെറാ​രു സ്‌ത്രീ നിന്ദിച്ചു. വാസ്‌ത​വ​ത്തിൽ, ആശയററു വലഞ്ഞ ഹന്നായ്‌ക്കു ഭക്ഷണം കഴിക്കാൻപോ​ലും തോന്നി​യി​രു​ന്നില്ല. (1 ശമൂവേൽ 1:2-8, 15, 16) അവൾ യഹോ​വ​യോട്‌ അഭ്യർഥിച്ച്‌ ഇങ്ങനെ യാചന കഴിച്ചു:

“സൈന്യ​ങ്ങ​ളു​ടെ യഹോവേ, അടിയന്റെ സങ്കടം നോക്കി അടിയനെ ഓർക്ക​യും അടിയനെ മറക്കാതെ ഒരു പുരു​ഷ​സ​ന്താ​നത്തെ നൽകു​ക​യും ചെയ്‌താൽ അടിയൻ അവനെ അവന്റെ ജീവപ​ര്യ​ന്തം യഹോ​വെക്കു കൊടു​ക്കും; അവന്റെ തലയിൽ ക്ഷൌര​ക്കത്തി തൊടു​ക​യു​മില്ല.”—1 ശമൂവേൽ 1:11.

പൊതു​വാ​യി എന്തോ സംസാ​രി​ക്കു​കയല്ല ഹന്നാ ചെയ്‌ത​തെന്ന കാര്യം ശ്രദ്ധി​ക്കുക. ഒരു പ്രത്യേക ആവശ്യം (ഒരു ആൺകു​ട്ടി​യു​ടെ കാര്യം) പറഞ്ഞു​കൊണ്ട്‌ അവൾ യഹോ​വയെ അഭിസം​ബോ​ധന ചെയ്‌തു. (അവനെ ദൈവ​ത്തി​നു വിട്ടു​കൊ​ടു​ക്കു​മെന്ന) ഉറച്ച ദൃഢനി​ശ്ച​യ​വും അതോ​ടൊ​പ്പ​മു​ണ്ടാ​യി​രു​ന്നു. ഇതു നമ്മോട്‌ എന്താണു പറയു​ന്നത്‌?

പ്രതി​കൂ​ല സാഹച​ര്യ​ങ്ങ​ളി​ലാ​യി​രി​ക്കു​മ്പോൾ, ആവശ്യങ്ങൾ കൃത്യ​മാ​യി പറഞ്ഞു പ്രാർഥി​ക്കുക. നിങ്ങളു​ടെ പ്രശ്‌നം—നിങ്ങളു​ടെ വീട്ടിലെ സ്ഥിതി​ഗ​തി​ക​ളോ, ഏകാന്ത​ത​യോ, മോശ​മായ ആരോ​ഗ്യ​സ്ഥി​തി​യോ—എന്തുമാ​യി​ക്കൊ​ള്ളട്ടെ, അതു സംബന്ധി​ച്ചു യഹോ​വ​യോ​ടു പ്രാർഥി​ക്കുക. നിങ്ങളു​ടെ പ്രയാ​സ​ത്തി​ന്റെ നിജസ്ഥി​തി​യെ​ന്തെ​ന്നും നിങ്ങൾക്ക്‌ എങ്ങനെ അനുഭ​വ​പ്പെ​ടു​ന്നെ​ന്നും അവനോ​ടു വിവരി​ച്ചു​പ​റ​യുക. “എല്ലാ ദിവസ​വും വൈകു​ന്നേരം ഞാൻ എന്റെ വിഷമ​തകൾ യഹോ​വയെ ഏൽപ്പി​ക്കു​ന്നു. ചില​പ്പോൾ വളരെ​യ​ധി​ക​മു​ണ്ടാ​യെ​ന്നും വരാം, പക്ഷേ, അവ ഓരോ​ന്നും ഞാൻ വ്യക്തമാ​യി സൂചി​പ്പി​ക്കാ​റുണ്ട്‌,” ലൂയിസ എന്നു പേരുള്ള ഒരു വിധവ പറയുന്നു.

വ്യക്തമായ വാക്കു​ക​ളിൽ യഹോ​വ​യോ​ടു സംസാ​രി​ക്കു​ന്ന​തു​കൊ​ണ്ടു പ്രയോ​ജ​ന​മുണ്ട്‌. അങ്ങനെ ചെയ്യു​മ്പോൾ നമ്മുടെ പ്രശ്‌നം സംബന്ധിച്ച്‌ നമുക്കു വ്യക്തമായ ഒരു ഗ്രാഹ്യം ലഭിക്കും. അതു​കൊ​ണ്ടു​തന്നെ അത്‌ അത്ര ഭയാന​ക​മാ​യി തോന്നു​ക​യു​മില്ല. ആവശ്യങ്ങൾ കൃത്യ​മാ​യി പറഞ്ഞുള്ള പ്രാർഥ​നകൾ നമ്മുടെ ഉത്‌ക​ണ്‌ഠ​കളെ അകററി​ക്ക​ള​യു​ന്നു. ഹന്നായു​ടെ പ്രാർഥ​ന​യ്‌ക്ക്‌ ഉത്തരം ലഭിക്കു​ന്ന​തി​നു മുമ്പു​തന്നെ അവൾക്ക്‌ ആശ്വാസം ലഭിച്ചു, “അവളുടെ മുഖം പിന്നെ വാടി​യ​തു​മില്ല.” (1 ശമൂവേൽ 1:18) മാത്രമല്ല, കൃത്യ​ത​യു​ണ്ടാ​യി​രി​ക്കു​ന്നതു നമ്മുടെ പ്രാർഥ​ന​യ്‌ക്കുള്ള ഉത്തരം തിരി​ച്ച​റി​യാൻ നമ്മെ ജാഗരൂ​ക​രാ​ക്കി നിർത്തും. “ഞാൻ എന്റെ പ്രാർഥ​ന​കളെ എത്ര കൃത്യ​ത​യോ​ടെ രൂപ​പ്പെ​ടു​ത്തു​ന്നു​വോ അത്ര വ്യക്തമാ​യി​ത്തീ​രു​ക​യാണ്‌ അവയ്‌ക്കുള്ള ഉത്തരങ്ങ​ളും,” ജർമനി​യി​ലെ ഒരു ക്രിസ്‌ത്യാ​നി​യായ ബർനാർഡി​ന്റേ​താണ്‌ ആ വാക്കുകൾ.

“ഞാനോ ഒരു ബാലന​ത്രേ”

എന്നിരു​ന്നാ​ലും, തന്നേ​ക്കൊ​ണ്ടാ​വി​ല്ലെന്നു തോന്നുന്ന ഒരു നിയമനം ലഭിക്കു​മ്പോൾ ഒരു വ്യക്തിക്ക്‌ അനുഭ​വ​പ്പെ​ടു​ന്നത്‌ വേറൊ​രു​തരം ഉത്‌ക​ണ്‌ഠ​യാ​കാം. യഹോവ നിങ്ങൾക്കു നൽകി​യി​രി​ക്കുന്ന ഉത്തരവാ​ദി​ത്വ​ത്തെ​ക്കു​റി​ച്ചു ചില​പ്പോ​ഴൊ​ക്കെ നിങ്ങൾ ആകുല​പ്പെ​ട്ടി​ട്ടു​ണ്ടോ? അല്ലെങ്കിൽ, നിങ്ങളു​ടെ നിയമ​ന​ത്തി​നു യോജി​ച്ച​യാ​ളല്ല നിങ്ങ​ളെന്നു ചിലയാ​ളു​കൾ വിചാ​രി​ക്കു​ന്നു​ണ്ടോ? ഇസ്രാ​യേ​ലി​ന്റെ രാജാ​വാ​യി അഭി​ഷേകം ചെയ്യ​പ്പെ​ട്ട​പ്പോൾ ബാലനായ ശലോ​മോൻ അതു​പോ​ലൊ​രു അവസ്ഥയി​ലാ​യി. അവന്റെ സിംഹാ​സ​ന​ത്തിൽ മററാ​രെ​ങ്കി​ലു​മാ​യി​രി​ക്കും നല്ലത്‌ എന്നു ചില പ്രമുഖർ ചിന്തി​ക്കു​ക​യു​ണ്ടാ​യി. (1 രാജാ​ക്കൻമാർ 1:5-7, 41-46; 2:13-22) അവന്റെ ഭരണത്തി​ന്റെ ആരംഭ​ത്തിൽ ശലോ​മോൻ പ്രാർഥ​ന​യിൽ ഈ അപേക്ഷ നടത്തി:

“എന്റെ ദൈവ​മായ യഹോവേ, നീ അടിയനെ ഇപ്പോൾ . . . രാജാ​വാ​ക്കി​യി​രി​ക്കു​ന്നു. ഞാനോ ഒരു ബാലന​ത്രേ; കാര്യാ​ദി​കൾ നടത്തു​വാൻ എനിക്കു അറിവില്ല. . . . ആകയാൽ ഗുണവും ദോഷ​വും തിരി​ച്ച​റി​ഞ്ഞു നിന്റെ ജനത്തിന്നു ന്യായ​പാ​ലനം ചെയ്‌വാൻ വിവേ​ക​മു​ള്ളൊ​രു ഹൃദയം എനിക്കു തരേണമേ.”—1 രാജാ​ക്കൻമാർ 3:7-9.

യഹോ​വ​യു​മാ​യുള്ള തന്റെ ബന്ധത്തെ​യും തനിക്കു ലഭിച്ചി​രി​ക്കുന്ന പദവി​യെ​യും നിയമനം നിർവ​ഹി​ക്കാ​നുള്ള തന്റെ പ്രാപ്‌തി​യെ​യും കേന്ദ്രീ​ക​രി​ച്ചു​ള്ള​താ​യി​രു​ന്നു ശലോ​മോ​ന്റെ പ്രാർഥന. അതു​പോ​ലെ, നമ്മുടെ പ്രാപ്‌തി​ക്ക​പ്പു​റ​മെന്നു തോന്നുന്ന ഉത്തരവാ​ദി​ത്വ​ങ്ങൾ നമുക്കു ലഭിക്കു​മ്പോ​ഴെ​ല്ലാം പ്രസ്‌തുത വേല നിർവ​ഹി​ക്കാൻ നമ്മെ സജ്ജമാ​ക്ക​ണ​മെന്നു നാം ദൈവ​ത്തോ​ടു യാചി​ക്കേ​ണ്ട​താണ്‌. പിൻവ​രുന്ന അനുഭ​വങ്ങൾ പരിചി​ന്തി​ക്കുക:

“വാച്ച്‌ ടവർ സൊ​സൈ​റ​റി​യു​ടെ ബ്രാഞ്ച്‌ ഓഫീ​സിൽ കൂടു​ത​ലായ ഉത്തരവാ​ദി​ത്വം ഏറെറ​ടു​ക്കാൻ ആവശ്യ​പ്പെ​ട്ട​പ്പോൾ, എനിക്കു തോന്നി, അതിനുള്ള പ്രാപ്‌തി​യൊ​ന്നും എനിക്കി​ല്ലെന്ന്‌. കൂടുതൽ യോഗ്യ​ത​യും വേണ്ടത്ര അനുഭ​വ​ജ്ഞാ​ന​വു​മുള്ള വേറെ​യാ​ളു​ക​ളു​ണ്ടാ​യി​രു​ന്നു. പിന്നെ രണ്ടു ദിവസ​ത്തേക്ക്‌ ഉറങ്ങാ​നൊ​ത്തില്ല, രാത്രി മുഴുവൻ പ്രാർഥ​ന​യിൽ ചെലവി​ട്ടു. അത്‌ എനിക്കു കരുത്തും വേണ്ടത്ര ഉറപ്പും പ്രദാനം ചെയ്‌തു,” യൂജിൻ വിശദീ​ക​രി​ക്കു​ന്നു.

വളരെ പ്രശസ്‌ത​നാ​യി​രുന്ന ഒരു സുഹൃത്ത്‌ പെട്ടെ​ന്നുള്ള ദുരന്ത​ത്തിൽ മരിച്ച​പ്പോൾ ശവസം​സ്‌കാ​ര​പ്ര​സം​ഗം നടത്താൻ റോയി​യോട്‌ ആവശ്യ​പ്പെട്ടു. നൂറു​ക​ണ​ക്കിന്‌ ആളുകൾ വരു​മെന്ന്‌ ഉറപ്പാ​യി​രു​ന്നു. റോയി എന്തു ചെയ്‌തു? “പരിപു​ഷ്ടി​പ്പെ​ടു​ത്തുന്ന ചിന്തകൾ പ്രകടി​പ്പി​ക്കാ​നും ആശ്വാസം പകരാ​നും​വേണ്ടി ഉചിത​മായ വാക്കുകൾ കണ്ടെത്താ​നുള്ള കരുത്തി​നും കഴിവി​നും​വേണ്ടി ഞാൻ അത്രമാ​ത്രം ഒരുനാ​ളും പ്രാർഥി​ച്ചി​ട്ടില്ല.”

സ്രഷ്ടാവ്‌ ‘കാര്യാ​ദി​കളെ ശീഘ്ര​മാ​യി നിവർത്തി​ക്കു’ന്നതിനാ​ലും അവന്റെ സ്ഥാപനം വികസി​ച്ചു​കൊ​ണ്ടി​രി​ക്കു​ന്ന​തി​നാ​ലും അവന്റെ ദാസൻമാ​രിൽ കൂടു​തൽക്കൂ​ടു​തൽ പേർക്ക്‌ ഉത്തരവാ​ദി​ത്വ​ങ്ങൾ ലഭിക്കു​ക​യെ​ന്നതു തികച്ചും സ്വാഭാ​വി​ക​മാണ്‌. (യെശയ്യാ​വു 60:22) നിങ്ങളു​ടെ വേലയിൽ കൂടുതൽ നിവർത്തി​ക്കാൻ നിങ്ങ​ളോട്‌ ആവശ്യ​പ്പെ​ടു​ന്നെ​ങ്കിൽ, നിങ്ങളു​ടെ ഭാഗത്ത്‌ അനുഭ​വ​ക്കു​റ​വോ, പരിശീ​ല​ന​ക്കു​റ​വോ പ്രാപ്‌തി​ക്കു​റ​വോ ഉണ്ടെങ്കിൽത്തന്നെ അക്കാര്യം യഹോവ നോക്കി​ക്കൊ​ള്ളും. ശലോ​മോൻ സമീപി​ച്ച​തു​പോ​ലെ ദൈവത്തെ സമീപി​ക്കുക. നിയമനം കൈകാ​ര്യം ചെയ്യാൻ അവൻ നിങ്ങളെ സജ്ജനാ​ക്കും.

“അവർ എല്ലാവ​രും ഒന്നാ​കേ​ണ്ട​തി​ന്നു”

മൂന്നാ​മ​ത്തേ​താ​യി ഇന്നുള്ള മറെറാ​രു സ്ഥിതി​വി​ശേ​ഷ​മാണ്‌ ഒരു കൂട്ടത്തെ പ്രാർഥ​ന​യിൽ പ്രതി​നി​ധാ​നം ചെയ്യേ​ണ്ടി​വ​രി​ക​യെ​ന്നത്‌. മററു​ള്ള​വർക്കു​വേണ്ടി പ്രാർഥന നിർവ​ഹി​ക്കാൻ നമ്മോട്‌ ആവശ്യ​പ്പെ​ടു​മ്പോൾ നാം എന്തിനാ​യി പ്രാർഥി​ക്കണം? യോഹ​ന്നാൻ 17-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രാർഥന പരിചി​ന്തി​ക്കുക. മനുഷ്യ​നെന്ന നിലയിൽ അവൻ ചെലവിട്ട അവസാന സന്ധ്യാ​സ​മ​യ​മാ​യി​രു​ന്നു അത്‌. തന്റെ ശിഷ്യൻമാ​രു​ടെ സാന്നി​ധ്യ​ത്തിൽ അവൻ ഈ പ്രാർഥന നടത്തി. ഏതുത​ര​ത്തി​ലുള്ള യാചന​യാ​യി​രു​ന്നു അവൻ തന്റെ സ്വർഗീയ പിതാ​വി​നോ​ടു നടത്തി​യത്‌?

സന്നിഹി​ത​രാ​യി​രു​ന്ന​വ​രു​ടെ പൊതു ലക്ഷ്യങ്ങൾക്കും പ്രത്യാ​ശ​ക്കു​മാ​ണു യേശു ഊന്നൽ നൽകി​യത്‌. യഹോ​വ​യാം ദൈവ​ത്തി​ന്റെ നാമത്തി​ന്റെ മഹത്ത്വീ​ക​ര​ണ​ത്തെ​യും രാജ്യത്തെ പരസ്യ​പ്പെ​ടു​ത്തു​ന്ന​തി​നെ​യും കുറിച്ച്‌ അവൻ സൂചി​പ്പി​ച്ചു. പിതാ​വി​നോ​ടും പുത്ര​നോ​ടും തിരു​വെ​ഴു​ത്തു പരിജ്ഞാ​ന​ത്തി​ല​ധി​ഷ്‌ഠി​ത​മായ ഒരു വ്യക്തി​പ​ര​മായ ബന്ധമു​ണ്ടാ​യി​രി​ക്കേ​ണ്ട​തി​ന്റെ മൂല്യ​ത്തി​നു യേശു ഊന്നൽകൊ​ടു​ത്തു. ലോക​ത്തിൽനി​ന്നു വേർപെ​ട്ടി​രി​ക്കേ​ണ്ട​തി​നെ​ക്കു​റിച്ച്‌ അവൻ സംസാ​രി​ച്ചു. അതാകട്ടെ, എതിർപ്പി​നെ​തി​രെ തന്റെ അനുഗാ​മി​കളെ ഒരുക്കി​നിർത്തു​ക​യും ചെയ്യു​മാ​യി​രു​ന്നു. തന്റെ ശിഷ്യൻമാ​രെ സംരക്ഷി​ക്കാ​നും അവരെ സത്യാ​രാ​ധ​ന​യിൽ ഏകീക​രി​ക്കാ​നും​കൂ​ടി ക്രിസ്‌തു പിതാ​വി​നോ​ടു പ്രാർഥി​ച്ചു.

അതേ, യേശു ഐക്യ​ത്തിന്‌ ഊന്നൽകൊ​ടു​ത്തു. (യോഹ​ന്നാൻ 17:20, 21) ആ സായാ​ഹ്ന​ത്തിൽ കുറച്ചു നേരം​മുമ്പ്‌, ശിഷ്യൻമാർ കുട്ടിത്തം വിട്ടു​മാ​റാ​ത്ത​വ​രെ​പ്പോ​ലെ പെരു​മാ​റി​യി​രു​ന്നു. ചെറു​താ​യൊ​രു ശണ്‌ഠ. (ലൂക്കൊസ്‌ 22:24-27) പക്ഷേ, അവരെ ശാസി​ക്കാ​നല്ല, പ്രാർഥ​ന​യി​ലൂ​ടെ അവരെ ഐക്യ​പ്പെ​ടു​ത്താ​നാ​യി​രു​ന്നു യേശു ശ്രമി​ച്ചത്‌. അതു​പോ​ലെ, കുടും​ബ​ത്തി​ലെ​യും സഭയി​ലെ​യും പ്രാർഥ​നകൾ സ്‌നേ​ഹത്തെ ഊട്ടി​വ​ളർത്തു​ന്ന​തും വ്യക്തികൾ തമ്മിലുള്ള ഉരസലി​നെ മറിക​ട​ക്കാൻ ഉദ്ദേശി​ച്ചു​ള്ള​തും ആയിരി​ക്കണം. പ്രതി​നി​ധാ​നം ചെയ്യ​പ്പെ​ടു​ന്ന​വ​രെ​ല്ലാം ഒത്തൊ​രു​മി​ച്ചുള്ള ഐക്യ​ത്തി​ലേക്കു വരുത്ത​പ്പെ​ടണം.—സങ്കീർത്തനം 133:1-3.

ശ്രദ്ധി​ച്ചു​കൊ​ണ്ടു നിൽക്കു​ന്നവർ സമാപ​ന​ത്തി​ങ്കൽ “ആമേൻ” അഥവാ “അങ്ങനെ​ത​ന്നെ​യാ​കട്ടെ” എന്നു പറയു​മ്പോൾ ഈ ഐക്യം പ്രകടമാക്കപ്പെടുന്നു. ഇതു സാധി​ക്ക​ണ​മെ​ങ്കിൽ, പ്രാർഥ​ന​യിൽ പറയു​ന്ന​തെ​ല്ലാം അവർ ഗ്രഹി​ക്കു​ക​യും അതി​നോ​ടു യോജി​ക്കു​ക​യും വേണം. അതു​കൊണ്ട്‌, സന്നിഹി​ത​രാ​യി​രി​ക്കു​ന്ന​വർക്ക്‌ അറിയാൻപാ​ടി​ല്ലാത്ത ഒരു കാര്യം പ്രാർഥ​ന​യിൽ സൂചി​പ്പി​ക്കു​ന്നത്‌ ഉചിത​മാ​യി​രി​ക്കില്ല. ഉദാഹ​ര​ണ​ത്തിന്‌, സഭയെ പ്രതി​നി​ധാ​നം ചെയ്‌തു പ്രാർഥി​ക്കുന്ന ഒരു മൂപ്പൻ ഗുരു​ത​ര​മാ​യി രോഗാ​വ​സ്ഥ​യി​ലായ ഒരു ആത്മീയ സഹോ​ദ​ര​നോ സഹോ​ദ​രി​ക്കോ​വേണ്ടി യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ച്ചേ​ക്കാം. എന്നാൽ അദ്ദേഹം പ്രതി​നി​ധാ​നം ചെയ്യുന്ന ബഹുഭൂ​രി​പ​ക്ഷ​വും ആ വ്യക്തിയെ അറിയു​ക​യും അവർ അസുഖ​ത്തെ​പ്പ​ററി കേൾക്കു​ക​യും ചെയ്‌തി​ട്ടു​ണ്ടെ​ങ്കി​ലേ അങ്ങനെ ചെയ്യു​ന്നത്‌ ഉചിത​മാ​വൂ.

കൂട്ടത്തിൽപ്പെട്ട ഓരോ​രു​ത്ത​രു​ടെ​യും ആവശ്യങ്ങൾ യേശു തരംതി​രി​ച്ചു പറഞ്ഞി​ല്ലെന്ന കാര്യം ശ്രദ്ധി​ക്കുക. അങ്ങനെ ചെയ്‌താൽ ഏതാനും ചില വ്യക്തി​കൾക്കു​മാ​ത്രം അറിയാ​വുന്ന വ്യക്തി​പ​ര​മായ സംഗതി​കൾ അതിൽ ഉൾപ്പെ​ട്ടു​പോ​കും. വ്യക്തി​പ​ര​മായ കാര്യങ്ങൾ സ്വകാര്യ പ്രാർഥ​ന​യിൽ വിഷയ​മാ​ക്കു​ന്ന​താ​ണു നല്ലത്‌. അതാവു​മ്പോൾ, ഇച്ഛാനു​സ​രണം നീട്ടി​യോ വ്യക്തി​ഗ​ത​മാ​ക്കി​യോ പറയു​ക​യും ചെയ്യാം.

ആരാധ​ക​രു​ടെ ഒരു വലിയ കൂട്ടത്തെ പ്രതി​നി​ധാ​നം ചെയ്‌തു പ്രാർഥി​ക്കാൻ ഒരു വ്യക്തി എങ്ങനെ ഒരുങ്ങണം? അനുഭ​വ​സ​മ്പ​ന്ന​നായ ഒരു ക്രിസ്‌ത്യാ​നി ഇങ്ങനെ വിശദീ​ക​രി​ക്കു​ന്നു: “എന്തി​നെ​ല്ലാം നന്ദിപ​റ​യ​ണ​മെ​ന്നും സഹോ​ദ​ര​ങ്ങൾക്ക്‌ എന്തെല്ലാം അപേക്ഷകൾ ഉണ്ടായി​രി​ക്കാ​മെ​ന്നും അവർക്കാ​യി ഏതെല്ലാം യാചനകൾ എനിക്കു സൂചി​പ്പി​ക്കാ​നാ​വു​മെ​ന്നും ഞാൻ കാലേ​ക്കൂ​ട്ടി ചിന്തി​ക്കു​ന്നു. സ്‌തു​തി​പ്ര​ക​ട​ന​ങ്ങ​ളുൾപ്പെടെ, എന്റെ ആശയങ്ങൾ ശരിയായ ക്രമത്തിൽ ഞാൻ മനസ്സിൽ പിടി​ക്കു​ന്നു. പരസ്യ​മാ​യി പ്രാർഥി​ക്കു​ന്ന​തി​നു​മുമ്പ്‌, ശ്രേഷ്‌ഠ​മായ വിധത്തിൽ സഹോ​ദ​ര​ങ്ങളെ പ്രതി​നി​ധാ​നം ചെയ്യാൻ കഴി​യേ​ണ്ട​തി​നു ഞാൻ നിശബ്ദ​മാ​യി പ്രാർഥി​ക്കു​ന്നു.”

നിങ്ങളു​ടെ സാഹച​ര്യം എന്തുത​ന്നെ​യാ​യാ​ലും, അതിനു സമാന​മായ സാഹച​ര്യ​ത്തിൽ ആരെങ്കി​ലും നടത്തിയ ഒരു പ്രാർഥന നിങ്ങൾക്കു ബൈബി​ളിൽ കണ്ടെത്താ​നാ​വും. വ്യത്യ​സ്‌ത​ത​യുള്ള പ്രാർഥ​ന​യു​ടെ വൻശേ​ഖരം തിരു​വെ​ഴു​ത്തു​ക​ളി​ലു​ള്ളതു ദൈവ​ത്തി​ന്റെ സ്‌നേ​ഹ​ദ​യ​യു​ടെ തെളി​വാണ്‌. ഈ പ്രാർഥ​നകൾ വായി​ക്കു​ന്ന​തും അവയെ​ക്കു​റി​ച്ചു ധ്യാനി​ക്കു​ന്ന​തും നിങ്ങളു​ടെ പ്രാർഥ​നകൾ ധന്യമാ​ക്കാൻ ഉപകരി​ക്കും.

[5-ാം പേജിലെ ചതുരം]

ബൈബിളിലെ ശ്രദ്ധേ​യ​മായ പ്രാർഥ​ന​കൾ

അനേകം വ്യത്യസ്‌ത സാഹച​ര്യ​ങ്ങ​ളിൽ യഹോ​വ​യു​ടെ ദാസൻമാർ പ്രാർഥ​നകൾ അർപ്പിച്ചു. പിൻവ​രുന്ന സ്ഥിതി​വി​ശേ​ഷ​ങ്ങ​ളിൽ ഒന്നി​നോ​ടോ ഒന്നിൽക്കൂ​ടു​ത​ലോ​ടോ അനുകൂ​ല​മാ​യി പ്രതി​ക​രി​ക്കാ​നാ​വു​മോ നിങ്ങൾക്ക്‌?

എലയാസറിന്‌ ആവശ്യ​മാ​യി​രു​ന്ന​തു​പോ​ലെ, നിങ്ങൾക്കു ദൈവ​ത്തിൽനി​ന്നുള്ള മാർഗ​നിർദേശം ആവശ്യ​മാ​ണോ?—ഉല്‌പത്തി 24:12-14.

യാക്കോബിനെപ്പോലെ, നിങ്ങൾക്ക്‌ അപകടം ആസന്നമാ​ണോ?—ഉല്‌പത്തി 32:9-12.

മോശയെപ്പോലെ, ദൈവത്തെ കൂടുതൽ മെച്ചമാ​യി അറിയാൻ നിങ്ങൾ ആഗ്രഹി​ക്കു​ന്നു​വോ?—പുറപ്പാ​ടു 33:12-17.

ഏലിയാവിനെപ്പോലെ, നിങ്ങൾ “എതിരാ​ളി​കളെ നേരി​ടുക”യാണോ?—1 രാജാ​ക്കൻമാർ 18:36, 37.

യിരെമ്യാവിന്‌ ആയിരു​ന്ന​തു​പോ​ലെ, നിങ്ങൾക്കു പ്രസം​ഗ​വേല ദുഷ്‌ക​ര​മാ​ണോ?—യിരെ​മ്യാ​വു 20:7-12.

ദാനിയേൽ ചെയ്‌ത​തു​പോ​ലെ, നിങ്ങൾക്കു പാപങ്ങൾ ഏററു​പ​റഞ്ഞ്‌ ക്ഷമ തേടേ​ണ്ട​യാ​വ​ശ്യ​മു​ണ്ടോ?—ദാനീ​യേൽ 9:3-19.

യേശുവിന്റെ അപ്പോ​സ്‌ത​ലൻമാ​രെ​പ്പോ​ലെ, നിങ്ങൾ പീഡന​ങ്ങളെ അഭിമു​ഖീ​ക​രി​ക്കു​ന്നു​വോ?—പ്രവൃ​ത്തി​കൾ 4:24-31.

ഇവകൂടെ കാണുക: മത്തായി 6:9-13; യോഹ​ന്നാൻ 17:1-26; ഫിലി​പ്പി​യർ 4:6, 7; യാക്കോബ്‌ 5:16.

[6-ാം പേജിലെ ചതുരം]

രൂഢമൂലമായ ഒരു ശീല​ത്തോ​ടു പോരാ​ടവേ എന്തിനാ​യി പ്രാർഥി​ക്ക​ണം

കെട്ടട​ങ്ങാത്ത ഒരു ബലഹീ​ന​ത​യ്‌ക്കെ​തി​രെ പോരാ​ടു​ക​യാ​ണോ നിങ്ങൾ? ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന പ്രാർഥ​നകൾ നമുക്കു പ്രയോ​ജ​ന​മു​ള്ള​താ​യി​രി​ക്കാൻ കഴിയു​ന്ന​തെ​ങ്ങനെ? സ്വന്തം ബലഹീ​ന​ത​ക​ളെ​ക്കു​റി​ച്ചു പല വ്യത്യസ്‌ത സാഹച​ര്യ​ങ്ങ​ളിൽ പ്രാർഥിച്ച ദാവീ​ദിൽനി​ന്നു പഠിക്കുക.

ദാവീദ്‌ ഇങ്ങനെ പാടി: “ദൈവമേ, എന്നെ ശോധന ചെയ്‌തു എന്റെ ഹൃദയത്തെ അറി​യേ​ണമേ; എന്നെ പരീക്ഷി​ച്ചു എന്റെ നിനവു​കളെ [“അലോ​സ​ര​പ്പെ​ടു​ത്തുന്ന ചിന്തകളെ,” NW] അറി​യേ​ണമേ.” (സങ്കീർത്തനം 139:23) അനുചി​ത​മായ ആഗ്രഹ​ങ്ങളെ, വികാ​ര​ങ്ങളെ, അഥവാ ആന്തരങ്ങളെ, യഹോ​വ​യാം ദൈവം ശോധന ചെയ്യണ​മെ​ന്നതു ദാവീ​ദി​ന്റെ ആഗ്രഹ​മാ​യി​രു​ന്നു. മററു വാക്കു​ക​ളിൽ പറഞ്ഞാൽ, പാപം ഒഴിവാ​ക്കു​ന്ന​തിൽ ദാവീദ്‌ യഹോ​വ​യു​ടെ സഹായം നേടി​യെ​ടു​ത്തു.

എന്നാൽ ദാവീ​ദി​ന്റെ ബലഹീനത അവനെ കീഴടക്കി, അവൻ മഹാപാ​പം ചെയ്‌തു. ഇവി​ടെ​യും പ്രാർഥന അവന്റെ സഹായ​ത്തി​നെത്തി—ഇപ്രാ​വ​ശ്യം ദൈവ​വു​മാ​യുള്ള തന്റെ ബന്ധം വീണ്ടെ​ടു​ക്കാ​നാ​യി​രു​ന്നു. സങ്കീർത്തനം 51:2 പറയുന്ന പ്രകാരം ദാവീദ്‌ ഇങ്ങനെ യാചിച്ചു: “എന്നെ നന്നായി കഴുകി എന്റെ അകൃത്യം പോ​ക്കേ​ണമേ; എന്റെ പാപം നീക്കി എന്നെ വെടി​പ്പാ​ക്കേ​ണമേ.”

തെററായ ചായ്‌വു​കളെ നിയ​ന്ത്രി​ക്കാൻ യഹോ​വ​യു​ടെ സഹായ​ത്തി​നു​വേണ്ടി നമുക്കും താഴ്‌മ​യോ​ടെ പ്രാർഥി​ക്കാ​നാ​വും. അതു രൂഢമൂ​ല​മാ​യി​രി​ക്കുന്ന ബലഹീ​ന​തയെ നേരി​ടാൻ നമ്മെ ശക്തി​പ്പെ​ടു​ത്തു​ക​യും പാപം ചെയ്യു​ന്നത്‌ ഒഴിവാ​ക്കാൻ നമ്മെ സഹായി​ക്കു​ക​യും ചെയ്യും. ഇടയ്‌ക്കൊ​ന്നു വീണു​പോ​യാൽ, പോരാ​ട്ടം തുടരാൻ സഹായി​ക്ക​ണ​മെന്നു യാചി​ച്ചു​കൊണ്ട്‌ നാം യഹോ​വയെ വീണ്ടും സമീപി​ക്കണം.

[7-ാം പേജിലെ ചിത്രം]

തിരുവെഴുത്തുപരമായ പ്രത്യാ​ശ​കൾക്കും പൊതു​വായ ആത്മീയ ലക്ഷ്യങ്ങൾക്കും ഊന്നൽ കൊടു​ക്കു​ന്ന​താ​യി​രി​ക്കണം കൂട്ടത്തി​നു​വേണ്ടി നടത്ത​പ്പെ​ടുന്ന പ്രാർഥ​ന​കൾ