സത്യ​ദൈ​വത്തെ ഭയപ്പെ​ടു​ന്ന​തി​ന്റെ പ്രയോ​ജ​ന​ങ്ങൾ

“ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്കു​ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.”—യെശയ്യാ​വു 48:17.

1. ദൈവ​ഭ​യം​മൂ​ലം ഏതെല്ലാം അത്യാ​ഹി​തങ്ങൾ ഒഴിവാ​ക്കാ​മാ​യി​രു​ന്നു?

ആദാം ദൈവ​ഭയം നട്ടുവ​ളർത്തി​യി​രു​ന്നെ​ങ്കിൽ അത്‌ തന്റെതന്നെ നാശത്തി​ലേക്കു നയിക്കു​ക​യും ആയിര​ക്ക​ണ​ക്കി​നു വർഷം തന്റെ സന്തതികൾ ദുഃഖ​മ​നു​ഭ​വി​ക്കാൻ ഇടയാ​ക്കു​ക​യും ചെയ്‌ത പാപത്തിൽനിന്ന്‌ അവനെ വിലക്കു​മാ​യി​രു​ന്നു. തന്നെ ഭയപ്പെ​ടു​ന്ന​തി​നും സ്‌നേ​ഹി​ക്കു​ന്ന​തി​നു​മുള്ള യഹോ​വ​യു​ടെ ബുദ്ധ്യു​പ​ദേശം അനുസ​രി​ച്ചി​രു​ന്നെ​ങ്കിൽ പുരാതന ഇസ്രാ​യേൽ ജനത ബാബി​ലോ​നി​ലെ അടിമ​ത്ത​ത്തി​ലേക്ക്‌ എടുക്ക​പ്പെ​ടു​ക​യോ ദൈവ​പു​ത്രനെ തിരസ്‌ക​രിച്ച്‌ അവന്റെ രക്തപാ​ത​ക​ത്തി​നു കുററ​ക്കാ​രാ​കു​ക​യോ ഇല്ലായി​രു​ന്നു. ഇന്നു ലോകം ദൈവത്തെ ഭയപ്പെ​ട്ടി​രു​ന്നെ​ങ്കിൽ സർക്കാർ അഴിമ​തി​യോ വ്യാപാര അഴിമ​തി​യോ കുററ​കൃ​ത്യ​മോ യുദ്ധമോ ഉണ്ടായി​രി​ക്കു​മാ​യി​രു​ന്നില്ല.—സദൃശ​വാ​ക്യ​ങ്ങൾ 3:7.

2. നമുക്കു ചുററു​മുള്ള ലോകം എന്തുതന്നെ ചെയ്‌താ​ലും നാം യഹോ​വാ​ഭയം നട്ടുവ​ളർത്തേ​ണ്ടത്‌ എന്തു​കൊണ്ട്‌?

² നമുക്കു ചുററു​മുള്ള ലോകം എന്തുതന്നെ ചെയ്‌താ​ലും, വ്യക്തി​ക​ളും കുടും​ബ​ങ്ങ​ളും യഹോ​വ​യു​ടെ ദാസൻമാ​രു​ടെ സഭകളും എന്നനി​ല​യിൽ നമുക്കു ദൈവ​ഭയം നട്ടുവ​ളർത്തു​ന്ന​തിൽനി​ന്നു പ്രയോ​ജ​ന​മ​നു​ഭ​വി​ക്കാം. ഇത്‌ മോശ ഇസ്രാ​യേൽ ജനതയ്‌ക്കു നൽകിയ ഓർമി​പ്പി​ക്ക​ലി​നു ചേർച്ച​യി​ലാണ്‌: “ആകയാൽ യിസ്രാ​യേലേ, നിന്റെ ദൈവ​മായ യഹോ​വയെ ഭയപ്പെ​ടു​ക​യും അവന്റെ എല്ലാവ​ഴി​ക​ളി​ലും നടക്കയും അവനെ സ്‌നേ​ഹി​ക്കു​ക​യും നിന്റെ ദൈവ​മായ യഹോ​വയെ പൂർണ്ണ ഹൃദയ​ത്തോ​ടും പൂർണ്ണ​മ​ന​സ്സോ​ടും​കൂ​ടെ സേവി​ക്കു​ക​യും ഞാൻ ഇന്നു നിന്നോ​ടു ആജ്‌ഞാ​പി​ക്കുന്ന യഹോ​വ​യു​ടെ കല്‌പ​ന​ക​ളും ചട്ടങ്ങളും നിന്റെ നൻമെ​ക്കാ​യി പ്രമാ​ണി​ക്ക​യും വേണം എന്നല്ലാതെ നിന്റെ ദൈവ​മായ യഹോവ നിന്നോ​ടു ചോദി​ക്കു​ന്നതു എന്തു?” (ആവർത്ത​ന​പു​സ്‌തകം 10:12, 13) സത്യ​ദൈ​വ​മായ യഹോ​വയെ ഭയപ്പെ​ടു​ന്ന​തു​കൊ​ണ്ടുള്ള ചില പ്രയോ​ജ​നങ്ങൾ ഏവ?

ജ്ഞാനം—സ്വർണ​ത്തെ​ക്കാൾ വില​യേ​റി​യത്‌

3. (എ) നമുക്കു കൈപ്പ​റ​റാ​വുന്ന ഏററവും മുഖ്യ​പ്ര​യോ​ജനം എന്ത്‌? (ബി) സങ്കീർത്തനം 111:1011-ന്റെ അർഥ​മെന്ത്‌?

³ ഏററവും മുഖ്യ​പ്ര​യോ​ജനം ജ്ഞാനമാണ്‌. “യഹോ​വാ​ഭക്തി [“യഹോ​വാ​ഭയം,” NW] ജ്ഞാനത്തി​ന്റെ ആരംഭ​മാ​കു​ന്നു” എന്നു സങ്കീർത്തനം 111:1011 പ്രഖ്യാ​പി​ക്കു​ന്നു. അത്‌ എന്താണ്‌ അർഥമാ​ക്കു​ന്നത്‌? പ്രശ്‌നങ്ങൾ പരിഹ​രി​ക്കു​ന്ന​തി​നും അപകടം ഒഴിവാ​ക്കു​ന്ന​തി​നും ചില ലക്ഷ്യങ്ങൾ നേടി​യെ​ടു​ക്കു​ന്ന​തി​നും വിജയ​പ്ര​ദ​മായ രീതി​യിൽ അറിവ്‌ ഉപയോ​ഗി​ക്കു​ന്ന​തി​നുള്ള പ്രാപ്‌തി​യെ​യാ​ണു ജ്ഞാന​മെന്നു പറയു​ന്നത്‌. അതിൽ പക്വമായ ന്യായ​ബോ​ധ​വും ഉൾപ്പെ​ട്ടി​രി​ക്കു​ന്നു. അത്തരം ജ്ഞാനത്തി​ന്റെ ആരംഭം, ആദ്യ ഘടകം, അടിസ്ഥാ​നം​തന്നെ യഹോ​വാ​ഭ​യ​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ സകല സൃഷ്ടി​യും അവന്റെ കൈ​വേ​ല​യാണ്‌. അത്‌ അവനിൽ ആശ്രി​ത​മാണ്‌. അവൻ മനുഷ്യ​വർഗ​ത്തിന്‌ ഇച്ഛാസ്വാ​ത​ന്ത്ര്യം നൽകി​യെ​ങ്കി​ലും അവരുടെ സ്വന്തം കാലടി​കളെ അവന്റെ മാർഗ​നിർദേശം കൂടാതെ വിജയ​പ്ര​ദ​മാ​യി നയിക്കാ​നുള്ള പ്രാപ്‌തി നൽകി​യി​രു​ന്നില്ല. (യോശുവ 24:15; യിരെ​മ്യാ​വു 10:23) ജീവൻ സംബന്ധിച്ച അടിസ്ഥാ​ന​പ​ര​മായ ആ വസ്‌തു​തകൾ നാം വിലമ​തി​ക്കു​ക​യും അവയ്‌ക്കു ചേർച്ച​യിൽ ജീവി​ക്കു​ക​യും ചെയ്യു​ന്നു​വെ​ങ്കിൽ മാത്രമേ നമുക്കു നിലനിൽക്കുന്ന വിജയം വരിക്കാ​നാ​വു​ക​യു​ള്ളൂ. ദൈവ​ഹി​തം തീർച്ച​യാ​യും വിജയം വരിക്കു​മെ​ന്നും വിശ്വ​സ്‌ത​തക്കു പ്രതി​ഫലം നൽകു​മെന്ന അവന്റെ വാഗ്‌ദ​ത്ത​വും അതിനുള്ള പ്രാപ്‌തി​യും ഉറപ്പു​ള്ള​താ​ണെ​ന്നു​മുള്ള ഇളകാത്ത ബോധ്യം, യഹോ​വ​യെ​പ്പ​റ​റി​യുള്ള നമ്മുടെ അറിവ്‌ നമുക്കു നൽകു​ന്നു​വെ​ങ്കിൽ ജ്ഞാനപൂർവം പ്രവർത്തി​ക്കാൻ ദൈവ​ഭയം നമ്മെ പ്രേരി​പ്പി​ക്കും.—സദൃശ​വാ​ക്യ​ങ്ങൾ 3:21-26; എബ്രായർ 11:6.

4, 5. (എ) ഒരു യുവാ​വി​ന്റെ സർവക​ലാ​ശാല വിദ്യാ​ഭ്യാ​സം അയാൾക്കു യഥാർഥ ജ്ഞാനം കൈവ​രു​ത്താ​ഞ്ഞത്‌ എന്തു​കൊണ്ട്‌? (ബി) അയാളും ഭാര്യ​യും പിന്നീട്‌ യഥാർഥ ജ്ഞാനം നേടി​യ​തെ​ങ്ങനെ, ഇത്‌ അവരുടെ ജീവി​ത​ത്തിൽ ഏതു വിധത്തിൽ മാററം വരുത്തി?

⁴ ഒരു ദൃഷ്ടാന്തം പരിചി​ന്തി​ക്കുക. ഏതാനും ദശകങ്ങൾക്കു​മുമ്പ്‌ ഒരു യുവാവ്‌ കാനഡ​യി​ലെ സസ്‌ക​ച്ചെവൻ സർവക​ലാ​ശാ​ല​യിൽ പഠിച്ചു​കൊ​ണ്ടി​രി​ക്ക​യാ​യി​രു​ന്നു. ജീവശാ​സ്‌ത്രം പാഠ്യ​പ​ദ്ധ​തി​യു​ടെ ഭാഗമാ​യി​രു​ന്നു, പരിണാ​മ​ത്തെ​പ്പ​റ​റി​യും അദ്ദേഹത്തെ പഠിപ്പി​ച്ചു. ബിരു​ദാ​ന​ന്തരം അദ്ദേഹം അണു​വോർജ​ത​ന്ത്ര​ത്തിൽ (atomic physics) വിശേ​ഷ​ജ്ഞാ​നം നേടി​യ​തു​മൂ​ലം ടൊ​റൊ​ന്റോ സർവക​ലാ​ശാ​ല​യിൽ പഠനം തുടരാ​നുള്ള സ്‌കോ​ളർഷിപ്പ്‌ നേടി. പഠനം തുടരവേ ആററത്തി​ന്റെ ഘടനയിൽ വിസ്‌മ​യാ​വ​ഹ​മായ ക്രമവും രൂപകൽപ്പ​ന​യും ഉള്ളതായി അദ്ദേഹം കണ്ടെത്തി. എന്നാൽ ഇവയെ​ല്ലാം ആർ രൂപകൽപ്പ​ന​ചെ​യ്‌തു, എപ്പോൾ, എന്തിന്‌, എന്നീ ചോദ്യ​ങ്ങൾക്ക്‌ ഉത്തരം ലഭിക്കു​ക​യു​ണ്ടാ​യില്ല. ആ ചോദ്യ​ങ്ങൾക്ക്‌ ഉത്തരം ലഭിക്കാ​തെ, അന്നു യുദ്ധത്തി​ലാ​യി​രുന്ന ലോക​ത്തിൽ, തന്റെ അറിവ്‌ ജ്ഞാനപൂർവം ഉപയോ​ഗി​ക്കാൻ അദ്ദേഹ​ത്തി​നു കഴിയു​മാ​യി​രു​ന്നോ? അദ്ദേഹത്തെ എന്തു വഴികാ​ട്ടു​മാ​യി​രു​ന്നു? ദേശീ​യ​വാ​ദ​മോ? അതോ ഭൗതി​ക​ത്വ​പ​ര​മായ പ്രതി​ഫ​ല​ങ്ങൾക്കുള്ള ആഗ്രഹ​മോ? അദ്ദേഹം വാസ്‌ത​വ​ത്തിൽ യഥാർഥ ജ്ഞാനം നേടി​യോ?

⁵ ബിരു​ദം​നേടി അധികം താമസി​യാ​തെ ആ യുവാ​വും ഭാര്യ​യും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി. തങ്ങൾക്കു ലഭിക്കാ​തെ​പോയ ഉത്തരങ്ങൾ ദൈവ​ത്തി​ന്റെ സ്വന്തം വചനത്തിൽനിന്ന്‌ അവർക്കു ലഭിക്കാൻ തുടങ്ങി. അവർ സ്രഷ്ടാ​വായ യഹോ​വ​യാം ദൈവത്തെ അറിയാ​നി​ട​യാ​യി. ചെങ്കട​ലി​ലാ​യി​രുന്ന മോശ​യെ​യും ബാബി​ലോ​നി​ലാ​യി​രുന്ന ദാനി​യേ​ലി​നെ​യും അവന്റെ സുഹൃ​ത്തു​ക്ക​ളെ​യും​പ​ററി പഠിച്ച​പ്പോൾ മനുഷ്യ​രെയല്ല ദൈവത്തെ ഭയപ്പെ​ടു​ന്ന​തി​ന്റെ പ്രാധാ​ന്യ​ത്തെ​പ്പ​ററി അവർ മനസ്സി​ലാ​ക്കി. (പുറപ്പാ​ടു 14:10-31; ദാനീ​യേൽ 3:8-30) അത്തരം ദൈവ​ഭ​യ​ത്തോ​ടൊ​പ്പം യഹോ​വ​യോ​ടുള്ള സ്‌നേഹം അവർക്കു പ്രേര​ണ​യേ​കാൻ തുടങ്ങി. പെട്ടെ​ന്നു​തന്നെ അവരുടെ മുഴു ജീവി​ത​രീ​തി​ക്കും മാററം​വന്നു. ആരുടെ കരവേ​ല​യെ​പ്പ​റ​റി​യാ​ണു താൻ ജീവശാ​സ്‌ത്ര​ത്തിൽ പഠിച്ച​തെന്ന്‌ ആ യുവാ​വിന്‌ ഒടുവിൽ മനസ്സി​ലാ​യി. താൻ പഠിച്ച ഊർജ​ത​ന്ത്ര​ത്തിൽ പ്രതി​ഫ​ലി​ച്ചി​രി​ക്കു​ന്ന​താ​യി കണ്ട ജ്ഞാനത്തി​ന്റെ ഉടമയു​ടെ ഉദ്ദേശ്യ​ത്തെ​പ്പ​ററി അദ്ദേഹം മനസ്സി​ലാ​ക്കാൻ തുടങ്ങി. തന്റെ സഹവി​ശ്വാ​സി​യെ നശിപ്പി​ക്കാൻ ഉതകുന്ന ഉപകര​ണങ്ങൾ നിർമി​ക്കു​ന്ന​തി​നു​വേണ്ടി തന്റെ അറിവ്‌ ഉപയോ​ഗി​ക്കു​ന്ന​തി​നു പകരം ദൈവ​ത്തെ​യും അയൽക്കാ​രെ​യും സ്‌നേ​ഹി​ക്കാൻ മററു​ള്ള​വരെ സഹായി​ക്കാൻ അദ്ദേഹ​വും ഭാര്യ​യും ആഗ്രഹി​ച്ചു. അവർ ദൈവ​രാ​ജ്യ​ത്തി​ന്റെ പ്രഘോ​ഷ​ക​രാ​യി മുഴു​സമയ സേവന​ത്തിൽ പേർചാർത്തി. പിന്നീട്‌, അവർ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽ പങ്കെടു​ക്കു​ക​യും മിഷന​റി​മാ​രാ​യി അയയ്‌ക്ക​പ്പെ​ടു​ക​യും ചെയ്‌തു.

6. യഹോ​വാ​ഭ​യ​ത്തിൽ വേരൂ​ന്നിയ ജ്ഞാനം നമുക്കു​ണ്ടെ​ങ്കിൽ ഏതു ഹ്രസ്വ​ദൃ​ഷ്ടി​യുള്ള നേട്ടങ്ങൾ നാം ഉപേക്ഷി​ക്കും, അതിനു പകരം നാം എന്തു​ചെ​യ്യും?

⁶ എല്ലാവർക്കും മിഷന​റി​മാ​രാ​കാൻ കഴി​ഞ്ഞെ​ന്നു​വ​രില്ല. എന്നാൽ ദൈവ​ഭ​യ​ത്തിൽ വേരൂ​ന്നി​യി​രി​ക്കുന്ന ജ്ഞാനം നമു​ക്കെ​ല്ലാം ആസ്വദി​ക്കാ​നാ​വും. നാം ആ ജ്ഞാനം നട്ടുവ​ളർത്തു​ന്ന​പക്ഷം, ജീവൻ എന്താ​ണെ​ന്ന​തി​നെ​പ്പ​ററി ഊഹി​ക്കു​ക​മാ​ത്രം ചെയ്യുന്ന മനുഷ്യ​രു​ടെ തത്ത്വചി​ന്ത​ക​ളിൽ നാം ആമഗ്നരാ​വു​ക​യില്ല. നാം ജീവന്റെ സ്രോ​ത​സ്സായ, നമുക്കു നിത്യ​ജീ​വൻ നൽകാൻ കഴിവുള്ള, യഹോ​വ​യാം ദൈവ​ത്താൽ നിശ്വ​സ്‌ത​മാ​ക്ക​പ്പെട്ട ബൈബിൾ പഠനത്തിൽ സ്വയം ആമഗ്നരാ​വു​ക​യാ​വും ചെയ്യു​ന്നത്‌. (സങ്കീർത്തനം 36:9; കൊ​ലൊ​സ്സ്യർ 2:8) സ്വയം ഛിന്നഭി​ന്ന​മാ​യി നാശത്തി​ന്റെ വക്കിൽ സ്ഥിതി​ചെ​യ്യുന്ന വ്യാപാര സമ്പ്രദാ​യ​ത്തി​ന്റെ അടിമ​ക​ളാ​യി​ത്തീ​രു​ന്ന​തി​നു പകരം, ദൈവ​വു​മാ​യുള്ള നമ്മുടെ ബന്ധത്തിനു ജീവി​ത​ത്തിൽ പ്രഥമ സ്ഥാനം നൽകി​ക്കൊണ്ട്‌ ഭക്ഷണം, വസ്‌ത്രം എന്നിവ​കൊ​ണ്ടു തൃപ്‌തി​യ​ട​യു​ന്ന​തി​നുള്ള യഹോ​വ​യു​ടെ ബുദ്ധ്യു​പ​ദേ​ശ​ത്തി​നു നാം ചെവി​ചാ​യ്‌ക്കും. (1 തിമൊ​ഥെ​യൊസ്‌ 6:8-12) നമ്മുടെ ഭാവി, ഈ ലോക​ത്തിൽ സമ്പന്നനാ​യി​രി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു എന്നവണ്ണം പെരു​മാ​റു​ന്ന​തി​നു​പ​കരം ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു, ദൈ​വേഷ്ടം ചെയ്യു​ന്നവൻ എന്നേക്കും ഇരിക്കു​ന്നു എന്ന യഹോ​വ​യു​ടെ വചനത്തിൽ നാം വിശ്വ​സി​ക്കും.—1 യോഹ​ന്നാൻ 2:17.

7. (എ) മൂല്യങ്ങൾ സംബന്ധിച്ച്‌ ഒരു സന്തുലിത ബോധ​മു​ണ്ടാ​യി​ക്കാൻ സദൃശ​വാ​ക്യ​ങ്ങൾ 16:16 നമ്മെ സഹായി​ക്കു​ന്ന​തെ​ങ്ങനെ? (ബി) ദൈവ​ഹി​തത്തെ നമ്മുടെ ജീവി​ത​ത്തി​ന്റെ പ്രഥമ​സ്ഥാ​നത്തു നിർത്തു​ന്ന​തിൽനിന്ന്‌ എന്തു പ്രതി​ഫ​ലങ്ങൾ ലഭിക്കും?

⁷ സദൃശ​വാ​ക്യ​ങ്ങൾ 16:16 സത്യമാ​യി ഇങ്ങനെ പ്രസ്‌താ​വി​ച്ചു​കൊ​ണ്ടു നമ്മെ പ്രോ​ത്സാ​ഹി​പ്പി​ക്കു​ന്നു: “തങ്കത്തെ​ക്കാൾ ജ്ഞാനത്തെ സമ്പാദി​ക്കു​ന്നതു [യഹോ​വാ​ഭ​യ​ത്തിൽനിന്ന്‌ ഉരുത്തി​രി​യുന്ന ജ്ഞാനം] എത്ര നല്ലതു! വെള്ളി​യെ​ക്കാൾ വിവേകം സമ്പാദി​ക്കു​ന്നതു എത്ര ഉത്തമം!” അത്തരം ജ്ഞാനവും വിവേ​ക​വും ദൈവ​ഹി​തം ചെയ്യുക എന്നതു നമ്മുടെ ജീവി​ത​ത്തിൽ പ്രഥമ​സ്ഥാ​നത്തു നിർത്താൻ നമ്മെ പ്രേരി​പ്പി​ക്കും. മാനവ​ച​രി​ത്ര​ത്തി​ലെ ഈ കാലഘ​ട്ട​ത്തിൽ ദൈവം തന്റെ സാക്ഷി​കളെ ഭരമേൽപ്പി​ച്ചി​രി​ക്കുന്ന വേല എന്താണ്‌? അവന്റെ രാജ്യ​ത്തെ​പ്പ​ററി പ്രസം​ഗി​ക്കു​ന്ന​തും യേശു​ക്രി​സ്‌തു​വി​ന്റെ യഥാർഥ അനുയാ​യി​ക​ളാ​യി​ത്തീ​രാൻ പരമാർഥ​ഹൃ​ദ​യരെ സഹായി​ക്കു​ന്ന​തും. (മത്തായി 24:14; 28:19, 20) യഥാർഥ സംതൃ​പ്‌തി​യും അത്യന്തം സന്തുഷ്ടി​യും പ്രദാ​നം​ചെ​യ്യുന്ന വേല ഇതുതന്നെ. ‘ജ്ഞാനം പ്രാപി​ക്കുന്ന മനുഷ്യൻ ഭാഗ്യ​വാൻ’ എന്നു ബൈബിൾ പറയു​ന്നതു നല്ല കാരണ​ത്തോ​ടെ​യാണ്‌.—സദൃശ​വാ​ക്യ​ങ്ങൾ 3:13.

ദുഷ്‌പ്ര​വൃ​ത്തി​ക്കെ​തി​രെ സംരക്ഷണം

8. (എ) ദൈവത്തെ ഭയപ്പെ​ടു​ന്ന​തു​കൊ​ണ്ടു​ണ്ടാ​കുന്ന രണ്ടാമത്തെ പ്രയോ​ജനം എന്തെന്നു പറയുക. (ബി) നാം ഏതു തിൻമ​യിൽനി​ന്നാ​ണു സംരക്ഷി​ക്ക​പ്പെ​ടു​ന്നത്‌? (സി) ദൈവ​ഭയം ശക്തമായ ഒരു പ്രേര​ണാ​ശ​ക്തി​യാ​യി​ത്തീ​രു​ന്നത്‌ എങ്ങനെ?

⁸ ദൈവത്തെ ഭയപ്പെ​ടു​ന്ന​തു​കൊ​ണ്ടുള്ള രണ്ടാമത്തെ പ്രയോ​ജനം നാം തെററു ചെയ്യു​ന്ന​തിൽനി​ന്നു സംരക്ഷി​ക്ക​പ്പെ​ടു​ന്നു​വെ​ന്ന​താണ്‌. ദൈവത്തെ ആഴമായി ആദരി​ക്കു​ന്നവർ നൻമയും തിൻമ​യും എന്താ​ണെന്നു സ്വയം തീരു​മാ​നി​ക്കു​ന്നില്ല. ദൈവം നല്ലത്‌ എന്നു പറയു​ന്നതു ചീത്തയാ​യി അവർ വീക്ഷി​ക്കു​ന്നില്ല, ചീത്ത എന്നു ദൈവം പറയുന്ന കാര്യങ്ങൾ നല്ലതാ​യും അവർ പരിഗ​ണി​ക്കു​ന്നില്ല. (സങ്കീർത്തനം 37:1, 27; യെശയ്യാ​വു 5:20, 21) കൂടാതെ, ദൈവ​ഭ​യ​ത്താൽ പ്രേരി​പ്പി​ക്ക​പ്പെ​ടുന്ന ഒരു വ്യക്തി നല്ലതെ​ന്നും ചീത്ത​യെ​ന്നും യഹോവ പറയുന്ന കാര്യങ്ങൾ വെറുതെ അറിയുക മാത്രമല്ല ചെയ്യു​ന്നത്‌. അത്തര​മൊ​രു വ്യക്തി യഹോവ സ്‌നേ​ഹി​ക്കു​ന്ന​തി​നെ സ്‌നേ​ഹി​ക്കു​ക​യും യഹോവ വെറു​ക്കു​ന്ന​തി​നെ വെറു​ക്കു​ക​യും ചെയ്യും. തത്‌ഫ​ല​മാ​യി അയാൾ ദൈവ​ത്തി​ന്റെ പ്രമാ​ണ​ങ്ങൾക്കു ചേർച്ച​യിൽ പ്രവർത്തി​ക്കും. അങ്ങനെ, സദൃശ​വാ​ക്യ​ങ്ങൾ 16:6-ൽ പ്രസ്‌താ​വി​ച്ചി​രി​ക്കു​ന്ന​പ്ര​കാ​രം “യഹോ​വാ​ഭ​ക്തി​കൊ​ണ്ടു [“യഹോ​വ​ഭ​യം​കൊ​ണ്ടു,” NW] മനുഷ്യർ ദോഷത്തെ വിട്ടക​ലു​ന്നു.” അത്തരം ദൈവ​ഭയം, ഒരു വ്യക്തിക്കു തന്റെ സ്വന്ത ബലത്താൽ നേടി​യെ​ടു​ക്കാൻ സാധി​ക്കാ​ത്തവ നേടി​യെ​ടു​ക്കു​ന്ന​തി​നുള്ള ഒരു ശക്തമായ പ്രേരക ഘടകമാ​യി​ത്തീ​രു​ന്നു.

9. ദൈവത്തെ അപ്രീ​തി​പ്പെ​ടു​ത്താ​തി​രി​ക്കു​ന്ന​തി​നുള്ള ഒരു ശക്തമായ ആഗ്രഹം മെക്‌സി​ക്കോ​യി​ലെ ഒരു സ്‌ത്രീ​യു​ടെ തീരു​മാ​നത്തെ സ്വാധീ​നി​ച്ച​തെ​ങ്ങനെ, എന്തു ഫലത്തോ​ടെ?

⁹ ദൈവ​ഭയം ഒരു വ്യക്തി​യിൽ വികസി​ക്കാൻ തുടങ്ങു​ന്ന​തേ​യു​ള്ളൂ എന്നുവ​രി​കി​ലും തന്റെ ശേഷിച്ച ജീവിത കാലം മുഴുവൻ ഖേദി​ക്കാൻ ഇടയാ​ക്കുന്ന എന്തെങ്കി​ലും ഒഴിവാ​ക്കു​ന്ന​തിന്‌ അത്‌ ആ വ്യക്തിയെ ശക്തനാ​ക്കും. ദൃഷ്ടാ​ന്ത​ത്തിന്‌, മെക്‌സി​ക്കോ​യി​ലുള്ള ഗർഭി​ണി​യായ ഒരു സ്‌ത്രീ ഗർഭച്ഛി​ദ്ര​ത്തെ​പ്പ​ററി യഹോ​വ​യു​ടെ സാക്ഷി​ക​ളി​ലൊ​രാ​ളോ​ടു ചോദി​ച്ചു. സാക്ഷി ആ സ്‌ത്രീ​യെ പല തിരു​വെ​ഴു​ത്തു​ക​ളും വായിച്ചു കേൾപ്പി​ച്ച​ശേഷം ഇങ്ങനെ ന്യായ​വാ​ദം ചെയ്‌തു: “സ്രഷ്ടാ​വി​നെ സംബന്ധി​ച്ചി​ട​ത്തോ​ളം ജീവൻ, ഇതുവരെ പിറന്നു​വീ​ണി​ട്ടി​ല്ലാത്ത ജീവൻപോ​ലും, വളരെ പ്രധാ​ന​പ്പെട്ട ഒന്നാണ്‌.” (പുറപ്പാ​ടു 21:22, 23; സങ്കീർത്തനം 139:13-16) അവളുടെ കുട്ടിക്ക്‌ അപാക​ത​യു​ണ്ടാ​യി​രു​ന്നേ​ക്കാ​മെന്ന്‌ ആശുപ​ത്രി പരി​ശോ​ധന സൂചി​പ്പി​ച്ചു. എന്നാൽ ഇപ്പോൾ, ദൈവ​വ​ച​ന​ത്തിൽ താൻ കണ്ട കാര്യ​ങ്ങ​ളു​ടെ പ്രേര​ണ​യാൽ കുട്ടി​യു​ണ്ടാ​കട്ടെ എന്നുതന്നെ ആ സ്‌ത്രീ തീരു​മാ​നി​ച്ചു. അവളെ വീണ്ടും കാണു​ന്ന​തിന്‌ അവളുടെ ഡോക്ടർ വിസമ്മ​തി​ച്ചു, ഭർത്താ​വാ​ണെ​ങ്കിൽ ഉപേക്ഷി​ക്കു​മെന്നു ഭീഷണി​പ്പെ​ടു​ത്തു​ക​യും ചെയ്‌തു. എന്നിട്ടും അവൾ തന്റെ തീരു​മാ​ന​ത്തിൽ ഉറച്ചു​നി​ന്നു. ഒടുവിൽ അവൾ ഒരു സാധാരണ, ആരോ​ഗ്യ​വ​തി​യായ, സുന്ദരി​യായ ഒരു പെൺകു​ട്ടി​ക്കു ജൻമ​മേകി. കൃതജ്ഞ​താ​ഭ​രി​ത​യാ​യി അവൾ ആ സാക്ഷി​കളെ തിരഞ്ഞു​പി​ടി​ച്ചു, അവർ അവളോ​ടൊ​പ്പം ബൈബി​ള​ധ്യ​യ​ന​വും തുടങ്ങി. ഒരു വർഷത്തി​നു​ള്ളിൽ അവളും ഭർത്താ​വും സ്‌നാ​പ​ന​മേ​ററു. ഏതാനും വർഷത്തി​നു​ശേഷം ആദ്യം കണ്ടുമു​ട്ടിയ ആ സാക്ഷിയെ ഒരു ഡിസ്‌ട്രി​ക്‌ററ്‌ കൺ​വെൻ​ഷ​നിൽവച്ചു വീണ്ടും കാണാൻ കഴിഞ്ഞ​തിൽ അവർ അത്യന്തം ആനന്ദി​ക്കു​ക​യും തങ്ങളുടെ നാലു​വ​യ​സ്സുള്ള പ്രിയ മകളെ സാക്ഷിക്കു പരിച​യ​പ്പെ​ടു​ത്തു​ക​യും ചെയ്‌തു. ദൈവ​ത്തോ​ടുള്ള ഉചിത​മായ ആദരവും അവനെ അപ്രീ​തി​പ്പെ​ടു​ത്താ​തി​രി​ക്കാ​നുള്ള ശക്തമായ ആഗ്രഹ​വും ഒരുവന്റെ ജീവി​ത​ത്തിൽ ശക്തമായ സ്വാധീ​ന​ങ്ങ​ളാ​യി പ്രവർത്തി​ക്കു​ന്നു.

10. ഏതുതരം ദുഷ്‌പ്ര​വൃ​ത്തി​യിൽനി​ന്നു സ്വത​ന്ത്ര​മാ​കാൻ ദൈവ​ഭ​യ​ത്തിന്‌ ആളുകളെ ശക്തരാ​ക്കാൻ കഴിയും?

¹⁰ പലവിധ ദുഷ്‌പ്ര​വൃ​ത്തി​കൾക്കും എതിരെ ദൈവ​ഭയം നമ്മെ ശക്തരാ​ക്കു​ന്നു. (2 കൊരി​ന്ത്യർ 7:1) ഉചിത​മാ​യി നട്ടുവ​ളർത്തു​ന്ന​പക്ഷം തനിക്കും യഹോ​വ​ക്കും മാത്രം അറിയാ​വുന്ന രഹസ്യ​മായ തെററു​കൾ ചെയ്യു​ന്നതു നിർത്താൻ ഒരു വ്യക്തിയെ സഹായി​ക്കാൻ അതിനു കഴിയും. മദ്യദു​രു​പ​യോ​ഗ​ത്തി​നോ മയക്കു​മ​രു​ന്നു ദുരു​പ​യോ​ഗ​ത്തി​നോ അടിമ​പ്പെ​ടു​ന്ന​തിൽനി​ന്നു സ്വത​ന്ത്ര​മാ​കാൻ അതിന്‌ ഒരുവനെ സഹായി​ക്കാ​നാ​വും. ദക്ഷിണാ​ഫ്രി​ക്ക​യി​ലെ ഒരു മുൻ മയക്കു​മ​രുന്ന്‌ ആസക്തൻ വിശദീ​ക​രി​ക്കു​ന്നു: “ദൈവ​ത്തെ​പ്പ​റ​റി​യുള്ള അറിവു നേടി​യെ​ടു​ത്ത​തോ​ടൊ​പ്പം അവനെ വേദനി​പ്പി​ക്കു​ന്ന​തിൽ അഥവാ അപ്രീ​തി​പ്പെ​ടു​ത്തു​ന്ന​തിൽ ഉള്ള ഒരു ഭയവും ഞാൻ വികസി​പ്പി​ച്ചെ​ടു​ത്തു. അവൻ വീക്ഷി​ക്കു​ന്നു​ണ്ടെന്ന്‌ എനിക്ക​റി​യാ​മാ​യി​രു​ന്നു. അവന്റെ ദൃഷ്ടി​യിൽ അംഗീ​ക​രി​ക്ക​പ്പെ​ടു​ന്ന​തി​നുള്ള ഒരു വാഞ്‌ഛ​യും എനിക്കു​ണ്ടാ​യി​രു​ന്നു. എന്റെ കൈവ​ശ​മി​രുന്ന മയക്കു​മ​രു​ന്നു​കൾ കക്കൂസി​ലി​ട്ടു നശിപ്പി​ക്കാൻ അതെന്നെ പ്രേരി​പ്പി​ച്ചു”. ദൈവ​ഭയം ആയിര​ക്ക​ണ​ക്കി​നാ​ളു​കളെ സമാന​മായ വിധത്തിൽ സഹായി​ച്ചി​രി​ക്കു​ന്നു.—സദൃശ​വാ​ക്യ​ങ്ങൾ 5:21; 15:3.

മാനു​ഷ​ഭ​യ​ത്തി​നെ​തി​രെ സംരക്ഷണം

11. ആരോ​ഗ്യാ​വ​ഹ​മായ യഹോ​വാ​ഭയം ഏതു സാധാരണ കെണി​യിൽനി​ന്നു നമ്മെ സംരക്ഷി​ക്കും?

¹¹ ആരോ​ഗ്യാ​വ​ഹ​മായ ദൈവ​ഭയം മാനു​ഷ​ഭ​യ​ത്തിൽനി​ന്നു നമ്മെ സംരക്ഷി​ക്കു​ന്നു. മിക്കയാ​ളു​ക​ളും മാനു​ഷ​ഭ​യ​ത്താൽ ബാധി​ക്ക​പ്പെ​ടു​ന്നു, ചിലർ കൂടിയ അളവിൽ, ചിലർ കുറഞ്ഞ അളവിൽ. ഗെത്‌ശെമന തോട്ട​ത്തിൽവച്ചു പടയാ​ളി​കൾ യേശു​വി​നെ പിടി​ച്ച​പ്പോൾ അവന്റെ അപ്പോ​സ്‌ത​ലൻമാർപോ​ലും അവനെ വിട്ടിട്ട്‌ ഓടി​പ്പോ​യി. പിന്നീട്‌, മഹാപു​രോ​ഹി​തന്റെ നടുമു​റ​റ​ത്തു​വെച്ചു സമചിത്തത നഷ്ടപ്പെട്ട്‌, ഭയത്തിന്‌ അടിപ്പെട്ട പത്രോസ്‌ താൻ യേശു​വി​ന്റെ ശിഷ്യൻമാ​രി​ലൊ​രാ​ളാ​ണെ​ന്നും അവനെ അറിയു​മെ​ന്നു​മുള്ള കാര്യം തള്ളിപ്പ​റഞ്ഞു. (മർക്കൊസ്‌ 14:48-50, 66-72; യോഹ​ന്നാൻ 18:15-27) എങ്കിലും ആത്മീയ സന്തുലനം നേടി​യെ​ടു​ക്കാൻ അപ്പോ​സ്‌ത​ലൻമാർക്കു സഹായം ലഭിക്കു​ക​യു​ണ്ടാ​യി. നേരേ​മ​റിച്ച്‌, യെഹോ​യാ​ക്കീം രാജാ​വി​ന്റെ നാളു​ക​ളിൽ ശെമയ്യാ​വി​ന്റെ മകനായ ഊരീ​യാവ്‌ അത്യന്തം ഭയവി​ഹ്വ​ല​നാ​യി യഹോ​വ​യു​ടെ ഒരു പ്രവാ​ചകൻ എന്നനി​ല​യി​ലുള്ള സേവനം ഉപേക്ഷി​ച്ചു ദേശത്തു​നിന്ന്‌ ഓടി​പ്പോ​യി, എന്നിട്ടും അവൻ പിടി​ക്ക​പ്പെ​ടു​ക​യും കൊല്ല​പ്പെ​ടു​ക​യു​മു​ണ്ടാ​യി.—യിരെ​മ്യാ​വു 26:20-23.

12. (എ) മാനു​ഷ​ഭ​യ​ത്തി​നെ​തി​രെ ഏതു സംരക്ഷ​ണ​ത്തി​ലേ​ക്കാ​ണു സദൃശ​വാ​ക്യ​ങ്ങൾ 29:25 വിരൽചൂ​ണ്ടു​ന്നത്‌? (ബി) ദൈവ​ത്തി​ലുള്ള ആശ്രയം വികസി​പ്പി​ക്ക​പ്പെ​ടു​ന്ന​തെ​ങ്ങനെ?

¹² മാനു​ഷ​ഭ​യത്തെ മറിക​ട​ക്കാൻ ഒരു വ്യക്തിയെ എന്തിനു സഹായി​ക്കാ​നാ​വും? “മാനു​ഷ​ഭയം ഒരു കണി ആകുന്നു” എന്ന മുന്നറി​യി​പ്പി​നു​ശേഷം സദൃശ​വാ​ക്യ​ങ്ങൾ 29:25 ഇങ്ങനെ കൂട്ടി​ച്ചേർക്കു​ന്നു: “യഹോ​വ​യിൽ ആശ്രയി​ക്കു​ന്ന​വ​നോ രക്ഷപ്രാ​പി​ക്കും.” യഹോ​വ​യി​ലുള്ള ആശ്രയ​മാ​ണു താക്കോൽ. അത്തരം ആശ്രയം അറിവി​ലും അനുഭ​വ​ത്തി​ലും അടിസ്ഥാ​ന​മു​ള്ള​താണ്‌. അവന്റെ വചനം പഠിക്കു​ന്ന​തി​ലൂ​ടെ യഹോ​വ​യു​ടെ വഴിക​ളി​ലെ നീതി നാം കാണുന്നു. അവനിലെ ആശ്രയ​ത്വം പ്രകട​മാ​ക്കുന്ന സംഭവങ്ങൾ, അവന്റെ വാഗ്‌ദ​ത്ത​ങ്ങ​ളു​ടെ (പുനരു​ത്ഥാ​നം ഉൾപ്പെടെ) ഉറപ്പ്‌, അവന്റെ സ്‌നേഹം, സർവശ​ക്ത​മായ ബലം എന്നിവ സംബന്ധി​ച്ചു നാം പരിചി​ത​രാ​കു​ന്നു. പിന്നീട്‌, യഹോവ നിർദേ​ശി​ക്കുന്ന കാര്യങ്ങൾ ചെയ്യു​ക​യും അവൻ മുന്നറി​യി​പ്പു നൽകുന്ന കാര്യങ്ങൾ ശക്തമായി നിരസ്സി​ക്കു​ക​യും ചെയ്‌തു​കൊണ്ട്‌ ആ അറിവി​ന്റെ അടിസ്ഥാ​ന​ത്തിൽ പ്രവർത്തി​ക്കു​മ്പോൾ അവന്റെ സ്‌നേ​ഹ​പു​ര​സ്സ​ര​മായ സംരക്ഷ​ണ​വും അവനി​ലുള്ള ആശ്രയ​ത്വ​വും നാം നേരിട്ട്‌ അനുഭ​വി​ച്ച​റി​യും. തന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തി​നു​വേണ്ടി അവൻ തന്റെ ശക്തി പ്രയോ​ഗി​ക്കു​ന്ന​തി​ന്റെ തെളിവ്‌ നാം വ്യക്തി​പ​ര​മാ​യി കാണും. അവനി​ലുള്ള നമ്മുടെ ആത്മവി​ശ്വാ​സം വളരു​ന്ന​തോ​ടൊ​പ്പം​തന്നെ അവനെ​പ്ര​തി​യുള്ള നമ്മുടെ സ്‌നേ​ഹ​വും അവനെ അപ്രീ​തി​പ്പെ​ടു​ത്താ​തി​രി​ക്കാ​നുള്ള നമ്മുടെ ആത്മാർഥ ആഗ്രഹ​വും വളരുന്നു. അത്തരം ആശ്രയം ശക്തമായ അടിസ്ഥാ​ന​ത്തി​ലാ​ണു പണിതി​രി​ക്കു​ന്നത്‌. അത്‌ മാനു​ഷ​ഭ​യ​ത്തി​നെ​തി​രെ ഒരു കൊത്ത​ള​മാ​യി നില​കൊ​ള്ളു​ന്നു.

13. ലൗകിക ജോലി ചെയ്യു​ന്നി​ട​ത്തും വീട്ടി​ലും സ്‌കൂ​ളി​ലും ദൈവ​ഭ​യ​ത്തി​നു നമ്മെ എങ്ങനെ സഹായി​ക്കാ​നാ​വും?

¹³ സത്യസ​ന്ധ​മ​ല്ലാത്ത വ്യാപാര നടപടി​ക​ളിൽ പങ്കുപ​റ​റാൻ നിരസി​ക്കു​ന്ന​തു​മൂ​ലം ജോലി നഷ്ടപ്പെ​ടു​മെന്നു തൊഴി​ലു​ടമ നമ്മെ ഭീഷണി​പ്പെ​ടു​ത്തു​ന്നു​വെ​ങ്കിൽ ദൈവ​ഭ​യ​വും യഹോ​വ​യി​ലുള്ള നമ്മുടെ ആശ്രയ​വും ശരിയാ​യതു ചെയ്യു​ന്ന​തിൽ നമ്മെ ഉറപ്പിച്ചു നിർത്തും. (താരത​മ്യം ചെയ്യുക: മീഖാ 6:11, 12.) അവിശ്വാ​സി​ക​ളായ കുടും​ബാം​ഗ​ങ്ങ​ളിൽനി​ന്നുള്ള എതിർപ്പിൻമ​ധ്യേ​യും സത്യാ​രാ​ധ​ന​യിൽ തുടരു​ന്ന​തിന്‌ അത്തരം ദൈവ​ഭയം ആയിര​ക്ക​ണ​ക്കി​നു ക്രിസ്‌ത്യാ​നി​കളെ പ്രാപ്‌ത​രാ​ക്കു​ന്നു. അത്‌, സ്‌കൂ​ളിൽ പഠിക്കുന്ന യുവാ​ക്കൾക്ക്‌ യഹോ​വ​യു​ടെ സാക്ഷി​ക​ളെന്നു തങ്ങളെ​ത്തന്നെ തിരി​ച്ച​റി​യി​ക്കു​ന്ന​തി​നു ധൈര്യം പ്രദാനം ചെയ്യുന്നു. ബൈബിൾ പ്രമാ​ണ​ങ്ങളെ പുച്ഛി​ച്ചു​ത​ള്ളുന്ന സഹപാ​ഠി​ക​ളിൽനി​ന്നുള്ള പരിഹാ​സത്തെ ചെറു​ത്തു​നിൽക്കാ​നും അത്‌ അവരെ ശക്തരാ​ക്കു​ന്നു. തൻമൂലം, “അവർ എന്തു ചിന്തി​ക്കു​ന്നു​വെ​ന്നതല്ല, യഹോവ എന്തു ചിന്തി​ക്കു​ന്നു​വെ​ന്ന​താ​ണു പ്രധാ​ന​മാ​യി​രി​ക്കു​ന്നത്‌” എന്ന്‌ കൗമാ​ര​പ്രാ​യ​ക്കാ​രി​യായ ഒരു സാക്ഷി പറഞ്ഞു.

14. തങ്ങളുടെ ജീവൻ ഭീഷണി​പ്പെ​ടു​ത്ത​പ്പെ​ടു​മ്പോ​ഴും യഹോ​വ​യു​ടെ ദാസൻമാർക്ക്‌ വിജയ​ശ്രീ​ലാ​ളി​ത​രാ​കാൻ കഴിയു​ന്നത്‌ എങ്ങനെ?

¹⁴ തങ്ങളുടെ ജീവനെ ഭീഷണി​പ്പെ​ടു​ത്തു​മ്പോൾപോ​ലും യഹോ​വ​യു​ടെ വഴികൾ മുറു​കെ​പ്പി​ടി​ക്കു​ന്ന​തി​നു സത്യ​ക്രി​സ്‌ത്യാ​നി​കളെ ശക്തി​പ്പെ​ടു​ത്തു​ന്നത്‌ അതേ ബോധ്യം തന്നെയാണ്‌. ലോക​ത്തിൽനി​ന്നു പീഡനം പ്രതീ​ക്ഷി​ക്ക​ണ​മെന്ന്‌ അവർക്ക​റി​യാം. അപ്പോ​സ്‌ത​ലൻമാർ അടിക്ക​പ്പെ​ട്ടു​വെ​ന്നും ദുഷ്‌ട​രായ മനുഷ്യർ യേശു​ക്രി​സ്‌തു​വി​നെ അടിക്കു​ക​യും കൊല്ലു​ക​യും ചെയ്‌തു​വെ​ന്നും അവർ തിരി​ച്ച​റി​യു​ന്നു. (മർക്കൊസ്‌ 14:65; 15:15-39; പ്രവൃ​ത്തി​കൾ 5:40; താരത​മ്യം ചെയ്യുക: ദാനീ​യേൽ 3:16-18.) സഹിച്ചു​നിൽക്കു​ന്ന​തി​നു യഹോ​വക്കു തങ്ങളെ ശക്തരാ​ക്കാൻ കഴിയു​മെ​ന്നും ദൈവ​സ​ഹാ​യ​ത്താൽ തങ്ങൾക്കു വിജയ​ശ്രീ​ലാ​ളി​ത​രാ​കാൻ കഴിയു​മെ​ന്നും വിശ്വ​സ്‌ത​രാ​യ​വർക്കു തീർച്ച​യാ​യും യഹോവ പ്രതി​ഫലം—ആവശ്യ​മെ​ങ്കിൽ തന്റെ പുതിയ ലോക​ത്തി​ലേ​ക്കുള്ള പുനരു​ത്ഥാ​ന​ത്തി​ലൂ​ടെ​പോ​ലും—നൽകു​മെ​ന്നും യഹോ​വ​യു​ടെ ദാസൻമാർക്കു ദൃഢവി​ശ്വാ​സ​മുണ്ട്‌. ദൈവ​ഭയം സഹിതം ദൈവ​ത്തോ​ടുള്ള അവരുടെ സ്‌നേഹം അവനെ അപ്രീ​തി​പ്പെ​ടു​ത്തുന്ന എന്തും ഒഴിവാ​ക്കാൻ അവരെ പ്രേരി​പ്പി​ക്കു​ന്നു.

15. നാസി തടങ്കൽപ്പാ​ള​യ​ങ്ങ​ളിൽ നിർമലത കാത്തു​സൂ​ക്ഷി​ക്കാൻ യഹോ​വ​യു​ടെ സാക്ഷി​കളെ പ്രാപ്‌ത​രാ​ക്കി​യത്‌ എന്ത്‌?

¹⁵ ഈ പ്രേരണ, 1930-കളിലും 1940-കളിലും നാസി തടങ്കൽപ്പാ​ള​യ​ങ്ങ​ളി​ലെ ഘോര​കൃ​ത്യ​ങ്ങൾക്കെ​തി​രെ ഉറച്ചു നില​കൊ​ള്ളാൻ യഹോ​വ​യു​ടെ സാക്ഷി​കളെ പ്രാപ്‌ത​രാ​ക്കി. “എന്റെ സ്‌നേ​ഹി​തൻമാ​രായ നിങ്ങ​ളോ​ടു ഞാൻ പറയു​ന്നതു: ദേഹത്തെ കൊന്നി​ട്ടു പിന്നെ അധിക​മാ​യി ഒന്നും ചെയ്‌വാൻ കഴിയാ​ത്ത​വരെ ഭയപ്പെ​ടേണ്ട. ആരെ ഭയപ്പെ​ടേണം എന്നു ഞാൻ നിങ്ങൾക്കു കാണി​ച്ചു​ത​രാം. കൊന്നി​ട്ടു നരകത്തിൽ തള്ളിക്ക​ള​വാൻ അധികാ​ര​മു​ള്ള​വനെ ഭയപ്പെ​ടു​വിൻ: അതേ, അവനെ ഭയപ്പെ​ടു​വിൻ എന്നു ഞാൻ നിങ്ങ​ളോ​ടു പറയുന്നു” എന്ന്‌ ലൂക്കൊസ്‌ 12:4, 5-ൽ കാണുന്ന യേശു​വി​ന്റെ ബുദ്ധ്യു​പ​ദേശം അവർ ഹൃദയ​ത്തി​ലുൾക്കൊ​ണ്ടു. സാക്‌സൻഹൗ​സൻ തടങ്കൽപ്പാ​ള​യ​ത്തി​ലാ​യി​രുന്ന ഒരു സാക്ഷി​യായ ഗസ്‌റ​റവ്‌ ഔഷ്‌നർ പിന്നീട്‌ ഇങ്ങനെ എഴുതി: ‘ഔഗസ്‌ററ്‌ ഡിക്‌മാ​നെ എസ്സ്‌എസ്സ്‌ വെടി​വച്ചു കൊന്നു, വിശ്വാ​സം ത്യജി​ക്കു​ന്ന​താ​യി പ്രഖ്യാ​പി​ക്കുന്ന ഒരു കടലാ​സിൽ ഒപ്പിടാ​ത്ത​പക്ഷം ഞങ്ങളെ​യെ​ല്ലാ​വ​രെ​യും വെടി​വെ​ക്കു​മെന്നു ഭീഷണി​പ്പെ​ടു​ത്തു​ക​യും ചെയ്‌തു. ഞങ്ങളാ​രും ഒപ്പിട്ടില്ല. അവരുടെ ബുള്ളറ​റു​ക​ളെ​ക്കാൾ ഞങ്ങൾക്കു ഭയം യഹോ​വയെ അപ്രീ​തി​പ്പെ​ടു​ത്തു​ന്ന​തി​ലാ​യി​രു​ന്നു.’ മാനു​ഷ​ഭയം അനുര​ഞ്‌ജ​ന​പ്പെ​ടു​ന്ന​തി​ലേക്കു നയിക്കു​ന്നു എന്നാൽ ദൈവ​ഭയം ഒരുവനെ ശരിയായ കാര്യ​ത്തിൽ ഉറപ്പിച്ചു നിർത്തു​ന്നു.

ജീവൻ സംരക്ഷി​ക്കൽ

16. ജലപ്ര​ളയം വരുന്ന​തു​വരെ ദശകങ്ങ​ളോ​ളം നേരുള്ള ഗതി നിലനിർത്താൻ നോഹയെ പ്രാപ്‌ത​നാ​ക്കി​യത്‌ എന്ത്‌, അവനും അവന്റെ കുടും​ബ​ത്തി​നും അതിൽനി​ന്നു ലഭിച്ച ഫലമെന്ത്‌?

¹⁶ പ്രളയ​ത്തി​നു​മു​മ്പത്തെ ലോക​ത്തി​ന്റെ അന്ത്യനാ​ളു​കളെ നോഹ അതിജീ​വി​ച്ചു. മമനു​ഷ്യ​ന്റെ വഷളത്തരം നിമിത്തം അന്നത്തെ ദുഷ്ട​ലോ​കത്തെ നശിപ്പി​ക്കാൻ യഹോവ നിശ്ചയി​ച്ചു​റ​ച്ചി​രു​ന്നു. എന്നിരു​ന്നാ​ലും, അതുവരെ അക്രമം, കൊടിയ അധാർമി​കത, ദൈവ​ഹി​ത​ത്തി​നു​നേരെ തികഞ്ഞ ഉദാസീ​നത എന്നിവ നിറഞ്ഞു​നിന്ന ആ ലോക​ത്തി​ലാ​യി​രു​ന്നു നോഹ. നോഹ നീതി പ്രസം​ഗി​ച്ചി​ട്ടും “ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മില്ല.” (മത്തായി 24:39) എങ്കിലും ദൈവം തന്റെ മുമ്പാകെ വെച്ച വേലയിൽനി​ന്നു നോഹ പിൻമാ​റി​യില്ല. അവൻ “ദൈവം തന്നോടു കല്‌പി​ച്ച​തൊ​ക്കെ​യും . . . ചെയ്‌തു; അങ്ങനെ തന്നേ അവൻ ചെയ്‌തു.” (ഉല്‌പത്തി 6:22) വർഷം​തോ​റും, ജലപ്ര​ള​യം​വരെ, ശരിയായ ഗതി നിലനിർത്താൻ നോഹയെ പ്രാപ്‌ത​നാ​ക്കി​യ​തെ​ന്താണ്‌? എബ്രായർ 11:7 ഉത്തരം നൽകുന്നു: “വിശ്വാ​സ​ത്താൽ നോഹ അതുവരെ കാണാ​ത്ത​വ​യെ​ക്കു​റി​ച്ചു അരുള​പ്പാ​ടു​ണ്ടാ​യി​ട്ടു ഭയഭക്തി പൂണ്ടു.” തത്‌ഫ​ല​മാ​യി, അവനും ഭാര്യ​യും ആൺമക്ക​ളും അവരുടെ ഭാര്യ​മാ​രും ജലപ്ര​ള​യത്തെ അതിജീ​വി​ച്ചു ജീവൻ സംരക്ഷി​ച്ചു.

17. (എ) മററു​ള്ളവർ എന്തു ചെയ്യു​ന്നു​വെ​ന്നതു ഗണ്യമാ​ക്കാ​തെ നാം എന്തു ചെയ്യേ​ണ്ട​തുണ്ട്‌? (ബി) യഹോ​വയെ ഭയപ്പെ​ടു​ന്നവർ സന്തുഷ്ട ജനമാ​യി​രി​ക്കു​ന്ന​തി​നു കാരണ​മെന്ത്‌?

¹⁷ പലവി​ധ​ത്തി​ലും നോഹ​യു​ടെ നാളിനു സമാന​മായ ഒരു കാലഘ​ട്ട​ത്തി​ലാ​ണു നാം ജീവി​ക്കു​ന്നത്‌. (ലൂക്കൊസ്‌ 17:26, 27) വീണ്ടും ഒരു മുന്നറി​യി​പ്പു നൽക​പ്പെ​ടു​ക​യാണ്‌. “ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ” എന്ന്‌ സകല ജാതി​യി​ലും ഗോ​ത്ര​ത്തി​ലും ഭാഷയി​ലു​മുള്ള ആളുക​ളോട്‌ ഉദ്‌ഘോ​ഷി​ച്ചു​കൊണ്ട്‌ ആകാശ​മ​ധ്യേ പറക്കുന്ന ഒരു ദൂത​നെ​പ്പ​ററി വെളി​പ്പാ​ടു 14:6, 7 പറയുന്നു. നിങ്ങൾക്കു ചുററു​മുള്ള ലോകം എന്തു ചെയ്യു​ന്നു​വെന്നു ഗണ്യമാ​ക്കാ​തെ ആ വാക്കുകൾ അനുസ​രി​ക്കുക, എന്നിട്ടു മററു​ള്ള​വർക്ക്‌ ആ ക്ഷണം നൽകുക. നോഹ​യെ​പ്പോ​ലെ വിശ്വാ​സ​ത്തോ​ടെ പ്രവർത്തി​ക്കു​ക​യും ദൈവ​ഭയം കാട്ടു​ക​യും ചെയ്യുക. നിങ്ങൾ അപ്രകാ​രം ചെയ്യു​ന്നത്‌ നിങ്ങളു​ടെ​യും മററുള്ള അനേക​രു​ടെ​യും ജീവൻ സംരക്ഷി​ക്കു​ന്ന​തിന്‌ ഉതകും. ദൈവത്തെ ഭയപ്പെ​ടു​ന്നവർ ആസ്വദിച്ച പ്രയോ​ജ​ന​ങ്ങ​ളെ​പ്പ​ററി പര്യാ​ലോ​ചി​ക്കു​മ്പോൾ, “യഹോ​വയെ ഭയപ്പെട്ടു, അവന്റെ കല്‌പ​ന​ക​ളിൽ ഏററവും ഇഷ്ടപ്പെ​ടുന്ന മനുഷ്യൻ ഭാഗ്യ​വാൻ [“സന്തുഷ്ടൻ,” NW]” എന്നു പാടിയ നിശ്വസ്‌ത സങ്കീർത്ത​ന​ക്കാ​ര​നോ​ടു യോജി​ക്കാ​നേ നമുക്കു കഴിയൂ.—സങ്കീർത്തനം 112:1.

നിങ്ങൾ എങ്ങനെ ഉത്തരം നൽകും?

◻ സത്യ​ദൈ​വത്തെ ഭയപ്പെ​ടു​ന്ന​തു​കൊ​ണ്ടുള്ള ചില മുന്തിയ പ്രയോ​ജ​നങ്ങൾ ഏവ?

◻ ദൈവ​ഭ​യ​ത്തിൽ വേരു​റ​ച്ചി​രി​ക്കുന്ന ജ്ഞാനത്തി​നു നമ്മെ എങ്ങനെ സംരക്ഷി​ക്കാ​നാ​വും?

◻ ദൈവ​ഭയം നമ്മെ തിൻമ​യിൽനിന്ന്‌ അകററി​നിർത്തു​ന്നത്‌ എന്തു​കൊണ്ട്‌?

◻ ദൈവ​ഭയം നമ്മെ മാനു​ഷ​ഭ​യ​ത്തിൽനി​ന്നു സംരക്ഷി​ക്കു​ന്നത്‌ എങ്ങനെ?

◻ നമ്മുടെ ഭാവി​ജീ​വിത പ്രത്യാ​ശ​യു​ടെ​മേൽ ദൈവ​ഭ​യ​ത്തിന്‌ എന്തു സ്വാധീ​ന​മാ​ണു​ള്ളത്‌?

[16,17 പേജു​ക​ളി​ലെ ചിത്രങ്ങൾ]

“യഹോ​വയെ ഭയപ്പെട്ടു, അവന്റെ കല്‌ന​ക​ളിൽ ഏററവും ഇഷ്ടപ്പെ​ടുന്ന മനുഷ്യൻ ഭാഗ്യ​വാൻ [“സന്തുഷ്ടൻ,” NW].”—സങ്കീർത്തനം 112:1