നിങ്ങൾ യഹോ​വയെ സ്‌തു​തി​ക്കു​മോ?

“ദൈവമേ, നിന്റെ നാമം​പോ​ലെ തന്നേ നിന്റെ സ്‌തു​തി​യും ഭൂമി​യു​ടെ അററങ്ങ​ളോ​ളം എത്തുന്നു.” കോരഹ്‌ പുത്രൻമാ​രു​ടെ ഒരു പ്രാവ​ച​നിക ഗീതത്തിൽനി​ന്നുള്ള വാക്കു​ക​ളാ​ണിവ. (സങ്കീർത്തനം 48:10) ഇന്ന്‌, ദൈവ​രാ​ജ്യ​ത്തെ​പ്പ​റ​റി​യുള്ള സുവാർത്ത പ്രസം​ഗി​ച്ചു​കൊണ്ട്‌ ലക്ഷങ്ങ​ളോ​ളം വരുന്ന യഹോ​വ​യു​ടെ സാക്ഷി​ക​ളു​ടെ ഒരു സമർഥ ഗായക​സം​ഘം ദൈവത്തെ സ്‌തു​തി​ക്കു​ക​യും അവന്റെ നാമത്തെ വിശ്രു​ത​മാ​ക്കു​ക​യു​മാണ്‌. 232 ദേശങ്ങ​ളി​ലും സമുദ്ര ദ്വീപു​ക​ളി​ലു​മാ​യി 300-ലധികം ഭാഷക​ളിൽ ഇതു ചെയ്‌തു​കൊണ്ട്‌ അവർ അക്ഷരാർഥ​ത്തിൽ “ഭൂമി​യു​ടെ അററങ്ങ​ളോ​ളം” എത്തുക​യാണ്‌.

യഹോ​വ​യെ സ്‌തു​തി​ക്കാൻ വ്യത്യസ്‌ത സാംസ്‌കാ​രിക-സാമു​ദാ​യിക-ഭാഷാ പശ്ചാത്ത​ല​ങ്ങ​ളി​ലുള്ള ജനങ്ങളെ നിർബ​ന്ധി​ത​രാ​ക്കു​ന്ന​തെ​ന്താണ്‌? ദൈവ​വ​ചനം സംബന്ധിച്ച സൂക്ഷ്‌മ പരിജ്ഞാ​നം ലഭിച്ച​തി​നുള്ള കൃതജ്ഞ​ത​യാണ്‌ ഒരു മുഖ്യ കാരണം. ആത്മീയ സത്യം അവരെ അന്ധവി​ശ്വാ​സ​ങ്ങ​ളിൽനി​ന്നും നിത്യ​ദ​ണ്ഡ​നം​പോ​ലുള്ള മതപര​മായ വിശ്വാ​സ​ത്തി​ന്റെ അടിമ​ത്ത​ത്തിൽനി​ന്നും സ്വത​ന്ത്ര​രാ​ക്കി​യി​രി​ക്കു​ന്നു. (യോഹ​ന്നാൻ 8:32) സ്‌നേഹം, ശക്തി, ജ്ഞാനം, കരുണ​കൊ​ണ്ടു മയപ്പെ​ടു​ത്തിയ നീതി എന്നിങ്ങ​നെ​യുള്ള ദൈവ​ത്തി​ന്റെ അത്ഭുതാ​വ​ഹ​മായ ഗുണങ്ങളെ വിലമ​തി​ക്കാ​നും സത്യം അവരെ സഹായി​ക്കു​ന്നു. തന്റെ ഏകജാത പുത്ര​നായ യേശു​ക്രി​സ്‌തു​വി​നെ ദൈവം മനുഷ്യ​വർഗ​ത്തി​നു​വേണ്ടി മറുവി​ല​യാ​ഗ​മാ​യി അർപ്പി​ച്ചതു സംബന്ധി​ച്ചുള്ള അറിവ്‌ യഹോ​വയെ സ്‌തു​തി​ക്കു​ന്ന​തി​നും സേവി​ക്കു​ന്ന​തി​നും നേരുള്ള ആളുകളെ പ്രേരി​പ്പി​ക്കു​ന്നു.

വെളി​പാട്‌ പുസ്‌തകം പറയു​ന്ന​ത​നു​സ​രിച്ച്‌ ഒരു സ്വർഗീയ ഗായക​സം​ഘം ഇപ്രകാ​രം ഘോഷി​ക്കു​ന്നു: “കർത്താവേ, നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.” (വെളി​പ്പാ​ടു 4:11) അത്തരം സ്‌തുതി വെറും ചുമത​ലാ​ബോ​ധ​ത്തിൽനിന്ന്‌ ഉരുത്തി​രി​യു​ന്നതല്ല. മറിച്ച്‌, യഹോ​വ​യോ​ടുള്ള ഭക്ത്യാ​ദ​ര​വിൽനിന്ന്‌ ഉരുത്തി​രി​യു​ന്ന​താണ്‌.

സുവാർത്ത പ്രഖ്യാ​പി​ച്ചു​കൊ​ണ്ടു ദൈവത്തെ സ്‌തു​തി​ക്കു​വിൻ

യഹോ​വയെ സ്‌തു​തി​ക്കു​മ്പോൾ ഒരു വ്യക്തി പ്രമുഖ സ്‌തു​തി​പാ​ഠ​ക​നായ യേശു​ക്രി​സ്‌തു​വി​ന്റെ മഹത്തായ മാതൃക അനുക​രി​ക്കു​ക​യാണ്‌. യേശു​വി​ന്റെ കാലടി​കൾ പിന്തു​ട​രു​ന്ന​തിൽ ദൈവ​രാ​ജ്യ​ത്തെ​പ്പ​റ​റി​യുള്ള സുവാർത്ത പ്രസം​ഗി​ക്കു​ന്ന​തിൽ പങ്കുപ​റ​റു​ന്നത്‌ ഉൾപ്പെ​ടു​ന്നു. (മത്തായി 4:17, 23; 24:14) ഈ പ്രസംഗ പ്രവർത്തനം യഹോ​വയെ സ്‌തു​തി​ക്കു​ന്ന​തി​നുള്ള ഏററവും വലിയ ലോക​വ്യാ​പക ഉദ്യമ​മാ​യി തീർന്നി​രി​ക്കു​ക​യാണ്‌.

ഈ പ്രസം​ഗ​വേല അത്യധി​കം പ്രധാ​ന​മാ​യ​തി​നാൽ ബൈബിൾ അതിനെ വ്യക്തമാ​യും രക്ഷയു​മാ​യി ബന്ധപ്പെ​ടു​ത്തു​ന്നു. റോമർ 10:13-15-ൽ നാം ഇങ്ങനെ വായി​ക്കു​ന്നു: ‘“കർത്താ​വി​ന്റെ നാമത്തെ വിളി​ച്ച​പേ​ക്ഷി​ക്കുന്ന ഏവനും രക്ഷിക്ക​പ്പെ​ടും” എന്നുണ്ട​ല്ലോ. എന്നാൽ അവർ വിശ്വ​സി​ക്കാ​ത്ത​വനെ എങ്ങനെ വിളി​ച്ച​പേ​ക്ഷി​ക്കും? അവർ കേട്ടി​ട്ടി​ല്ലാ​ത്ത​വ​നിൽ എങ്ങനെ വിശ്വ​സി​ക്കും? പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും? ആരും അയക്കാതെ എങ്ങനെ പ്രസം​ഗി​ക്കും? “നൻമ സുവി​ശേ​ഷി​ക്കു​ന്ന​വ​രു​ടെ കാൽ എത്ര മനോ​ഹരം” എന്നു എഴുതി​യി​രി​ക്കു​ന്നു​വ​ല്ലോ.’

കഴിഞ്ഞ​വർഷം മാത്ര​മാ​യി യഹോ​വ​യു​ടെ സാക്ഷികൾ നൂറു കോടി​യി​ല​ധി​കം മണിക്കൂർ പ്രസം​ഗ​വേ​ല​ക്കാ​യി മാററി​വച്ചു. ദൈവത്തെ ഈ വിധം സ്‌തു​തി​ക്കു​ന്ന​തി​ലൂ​ടെ എന്തെല്ലാം നല്ല ഫലങ്ങളാണ്‌ ഉണ്ടായത്‌! ഏതാണ്ട്‌ 3,14,000 പേർ യഹോ​വ​ക്കുള്ള തങ്ങളുടെ സമർപ്പ​ണത്തെ ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി​ക്കൊണ്ട്‌ സ്‌തു​തി​പാ​ഠ​ക​രു​ടെ ഗായക​സം​ഘ​ത്തോ​ടു ചേർന്നി​രി​ക്കു​ന്നു.

എങ്കിലും, 1994-ൽ ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തിൽ ഹാജരായ 1,22,88,917 പേരെ സംബന്ധി​ച്ചെന്ത്‌? അവരിൽ 70,00,000 പേർ സുവാർത്ത​യു​ടെ പ്രസം​ഗകർ എന്നനി​ല​യിൽ ഇതുവരെ യഹോ​വയെ സ്‌തു​തി​ക്കാൻ തുടങ്ങി​യി​ട്ടില്ല. ആ സുപ്ര​ധാന അവസര​ത്തി​ലെ അവരുടെ സാന്നി​ധ്യം സ്‌തു​തി​പാ​ഠ​ക​രു​ടെ സംഘത്തി​ലേക്കു ക്രമേണ ലക്ഷോ​പ​ല​ക്ഷങ്ങൾ കൂടി​ച്ചേ​രു​ന്ന​തിൽ കലാശി​ച്ചേ​ക്കാം. താത്‌പ​ര്യ​ക്കാ​രായ ഇവരെ യഹോ​വ​യു​ടെ സ്‌തു​തി​പാ​ഠ​ക​രാ​യി​ത്തീ​രാൻ സഹായി​ക്കു​ന്ന​തിന്‌ എന്തു ചെയ്യാൻ കഴിയും?

ലഭ്യമായ സഹായം

താത്‌പ​ര്യ​ക്കാ​രായ അനേകർക്കും യഹോ​വയെ സ്‌തു​തി​ക്കു​ന്ന​തി​നുള്ള ആഗ്രഹ​മു​ണ്ടാ​യി​രി​ക്കും എന്നാൽ, യോഗ്യ​ത​ക​ളിൽ എത്തി​ച്ചേ​രാൻ തങ്ങൾക്കാ​വി​ല്ലെന്ന്‌ അവർക്കു തോന്നു​ന്നു. അവർ സങ്കീർത്ത​ന​ക്കാ​രന്റെ പിൻവ​രുന്ന വാക്കുകൾ ഓർക്കു​ന്നതു നന്നായി​രി​ക്കും: “ഞാൻ എന്റെ കണ്ണു പർവ്വത​ങ്ങ​ളി​ലേക്കു ഉയർത്തു​ന്നു; എനിക്കു സഹായം എവി​ടെ​നി​ന്നു വരും? എന്റെ സഹായം ആകാശ​ത്തെ​യും ഭൂമി​യെ​യും ഉണ്ടാക്കിയ യഹോ​വ​യി​ങ്കൽനി​ന്നു വരുന്നു.” (സങ്കീർത്തനം 121:1, 2) യഹോ​വ​യു​ടെ ആലയവും ദിവ്യാ​ധി​പത്യ ഗവൺമെൻറി​ന്റെ ഭൗമിക ആസ്ഥാന​വും സ്ഥിതി​ചെ​യ്‌തി​രുന്ന യെരു​ശ​ലേ​മി​ലെ മലകളി​ലേ​ക്കാ​ണു സങ്കീർത്ത​ന​ക്കാ​രൻ തന്റെ കണ്ണുകൾ ഉയർത്തി​യത്‌ എന്നതു സ്‌പഷ്ട​മാണ്‌. ദൈവത്തെ സ്‌തു​തി​ക്കു​ന്ന​തി​നും രാജ്യ​സ​ന്ദേശം പ്രഖ്യാ​പി​ക്കു​ന്ന​തി​നു​മുള്ള സഹായം യഹോ​വ​യിൽനി​ന്നും അവന്റെ സ്ഥാപന​ത്തിൽനി​ന്നും മാത്ര​മാ​ണു വരുന്നത്‌ എന്ന്‌ ഇതിൽനി​ന്നു നമുക്ക്‌ ഉചിത​മാ​യും നിഗമനം ചെയ്യാ​വു​ന്ന​താണ്‌.—സങ്കീർത്തനം 3:4; ദാനീ​യേൽ 6:10.

ഇന്ന്‌ യഹോ​വയെ സ്‌തു​തി​ക്കാൻ ആഗ്രഹി​ക്കു​ന്ന​വർക്ക്‌ അവന്റെ ഭൗമിക സ്ഥാപന​ത്തിൽനി​ന്നു സഹായം പ്രതീ​ക്ഷി​ക്കാ​വു​ന്ന​താണ്‌. ദൃഷ്ടാ​ന്ത​ത്തിന്‌, താത്‌പ​ര്യ​ക്കാ​രായ ആളുക​ളോ​ടൊ​പ്പം സൗജന്യ ഭവന ബൈബി​ള​ധ്യ​യ​നങ്ങൾ നടത്തി​ക്കൊണ്ട്‌ യഹോ​വ​യു​ടെ സാക്ഷികൾ സഹായം വാഗ്‌ദാ​നം ചെയ്യുന്നു. ഈ വിദ്യാ​ഭ്യാ​സ പരിപാ​ടി​യിൽ ബൈബിൾ തത്ത്വങ്ങൾ പഠിക്കു​ന്ന​തി​നെ​ക്കാൾ അധികം ഉൾപ്പെ​ട്ടി​രി​ക്കു​ന്നു. താൻ പഠിക്കുന്ന കാര്യ​ത്തോ​ടും യഹോവ ഉപയോ​ഗി​ക്കുന്ന സ്ഥാപന​ത്തോ​ടും വിലമ​തി​പ്പു വളർത്തി​യെ​ടു​ക്കാൻ ഇതു വിദ്യാർഥി​യെ സഹായി​ക്കും.

ഇതി​നോ​ടു​ള്ള ചേർച്ച​യിൽ, പുതു​താ​യി കണ്ടെത്തിയ സത്യങ്ങൾ തലയിൽ മാത്രമല്ല ഹൃദയ​ത്തി​ലും പതിയു​ന്നു​വെന്ന കാര്യം ഉറപ്പു​വ​രു​ത്താൻ ബൈബി​ള​ധ്യ​യനം നടത്തുന്ന സാക്ഷി ശ്രമി​ക്കു​ന്നു. യഹോവ തന്റെ ഉദ്ദേശ്യം ഭൂമി​യിൽ നിവർത്തി​ക്കു​ന്ന​തി​നു തന്റെ സ്ഥാപനത്തെ എങ്ങനെ ഉപയോ​ഗി​ക്കു​ന്നു​വെന്നു കാണി​ക്കാൻ അധ്യാ​പകൻ മടിച്ചു​നിൽക്ക​രുത്‌. ഈ കാര്യം നിർവ​ഹി​ക്കു​ന്ന​തിന്‌, യഹോ​വ​യു​ടെ സാക്ഷികൾ—ലോക​വ്യാ​പ​ക​മാ​യി ഐക്യ​ത്തിൽ ദൈവ​ത്തി​ന്റെ ഇഷ്ടം ചെയ്യുന്നു എന്ന ലഘുപ​ത്രി​ക​യും യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം എന്ന വീഡി​യോ​ടേ​പ്പും വളരെ സഹായ​ക​മെന്നു തെളി​ഞ്ഞി​ട്ടുണ്ട്‌.

യഹോ​വ​യു​ടെ ഭാവി സ്‌തു​തി​പാ​ഠ​കരെ സഹായി​ക്കു​ന്ന​തി​നു ക്രിസ്‌തീയ യോഗ​ങ്ങ​ളും ഒരു മർമ​പ്ര​ധാ​ന​മായ പങ്കുവ​ഹി​ക്കു​ന്നു. ഒരു ബൈബി​ള​ധ്യ​യ​ന​ത്തി​ന്റെ പ്രാരം​ഭ​ഘട്ടം മുതൽക്കേ ക്രിസ്‌തീയ യോഗ​ങ്ങ​ളിൽ ഹാജരാ​കാൻ വിദ്യാർഥി​യെ ക്ഷണിക്കാ​വു​ന്ന​താണ്‌. കാല​ക്ര​മേണ, എല്ലാ സഭാ​യോ​ഗ​ങ്ങ​ളി​ലും ക്രമമാ​യി ഹാജരാ​കു​ക​യും പങ്കുപ​റ​റു​ക​യും ചെയ്യു​ന്ന​തി​ന്റെ പ്രാധാ​ന്യം അയാൾ മനസ്സി​ലാ​ക്കും. (എബ്രായർ 10:24, 25) ആത്മീയ​മാ​യി പരിപു​ഷ്ടി പകരു​ന്ന​തും പ്രാ​യോ​ഗി​ക​വു​മായ യോഗ​ങ്ങൾക്കു​വേണ്ടി തയ്യാറാ​യി​ക്കൊ​ണ്ടു സഹവി​ശ്വാ​സി​കൾക്കും യഹോ​വ​യു​ടെ ഭാവി സ്‌തു​തി​പാ​ഠ​കർക്കും അമൂല്യ​മായ സഹായം പ്രദാ​നം​ചെ​യ്യാൻ മേൽവി​ചാ​ര​കൻമാർക്കു കഴിയും.

യഹോ​വയെ സ്‌തു​തി​ക്കാൻ കുട്ടി​കളെ സഹായി​ക്കു​ക

സമീപ​ഭാ​വി​യിൽ സുവാർത്ത​യു​ടെ പ്രസാ​ധ​ക​രാ​യി​ത്തീ​രാൻപോ​കുന്ന അനേക​രിൽ കുട്ടി​ക​ളും ഉൾപ്പെ​ടു​ന്നു. തങ്ങളുടെ കുട്ടി​കളെ “കർത്താ​വി​ന്റെ [“യഹോ​വ​യു​ടെ,” NW] ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു”ന്നതിനുള്ള ബൈബി​ള​ധി​ഷ്‌ഠിത ഉത്തരവാ​ദി​ത്വം പിതാ​ക്കൻമാർക്കു പ്രത്യേ​കി​ച്ചും ഉണ്ട്‌. (എഫെസ്യർ 6:4) ദൈവ​ഭ​ക്തി​യുള്ള മാതാ​പി​താ​ക്ക​ളാൽ ഉചിത​മാ​യി പരിശീ​ലി​പ്പി​ക്ക​പ്പെ​ടു​മ്പോൾ വളരെ ചെറിയ കുട്ടി​ക്കു​പോ​ലും യഹോ​വയെ സ്‌തു​തി​ക്കാ​നുള്ള ആഗ്രഹം വികസി​പ്പി​ച്ചെ​ടു​ക്കാ​നാ​വും.

അർജൻറീ​ന​യി​ലുള്ള ഒരു കൊച്ചു പെൺകു​ട്ടി ഒരു രാജ്യ പ്രസാ​ധിക എന്നനി​ല​യിൽ യോഗ്യത നേടാൻ സഹായം അഭ്യർഥി​ച്ചു​കൊണ്ട്‌ പല മാസങ്ങ​ളി​ലാ​യി പലവട്ടം സഭയിലെ മൂപ്പൻമാ​രെ സമീപി​ച്ചു. യഥാസ​മ​യത്ത്‌ ഒരു സ്‌നാ​പ​ന​മേൽക്കാത്ത പ്രസാ​ധി​ക​യാ​കാൻ അവളുടെ മാതാ​പി​താ​ക്ക​ളും മൂപ്പൻമാ​രും അനുവാ​ദം നൽകി. അവൾ ഇപ്പോൾതന്നെ ഫലപ്ര​ദ​മായ രീതി​യിൽ വീടു​ക​ളിൽ രാജ്യ​സ​ന്ദേശം നൽകുന്നു. വെറും അഞ്ചു വയസ്സുള്ള ഈ കൊച്ചു പെൺകു​ട്ടി​ക്കു വായി​ക്കാ​ന​റി​യി​ല്ലെ​ങ്കി​ലും ചില ബൈബിൾ വചനങ്ങ​ളു​ടെ സ്ഥാനം അവൾ മനഃപാ​ഠം പഠിച്ചി​ട്ടുണ്ട്‌. തിരു​വെ​ഴു​ത്തു കണ്ടുപി​ടി​ച്ച​ശേഷം അവൾ വീട്ടു​കാ​ര​നോട്‌ അതു വായി​ക്കാൻ അഭ്യർഥി​ക്കു​ക​യും പിന്നീട്‌ അതിന്റെ വിശദീ​ക​രണം നൽകു​ക​യും ചെയ്യുന്നു.

യഹോ​വ​യു​ടെ സ്‌തു​തി​പാ​ഠ​ക​രാ​യി​ത്തീ​രാൻ തക്കവണ്ണം പുരോ​ഗ​മി​ക്കു​ന്ന​വരെ പ്രോ​ത്സാ​ഹി​പ്പി​ക്കു​ക​യും സഹായി​ക്കു​ക​യും ചെയ്‌തു​കൊണ്ട്‌ മൂപ്പൻമാർക്കും മാതാ​പി​താ​ക്കൾക്കും വളരെ​യേറെ നൻമ ചെയ്യാ​നാ​വും എന്നതു സ്‌പഷ്ട​മാണ്‌.—സദൃശ​വാ​ക്യ​ങ്ങൾ 3:27.

യഹോ​വ​യു​മാ​യി ഒരു നിത്യ​ബ​ന്ധം

എങ്കിലും, നിങ്ങൾ കുറേ കാലമാ​യി യഹോ​വ​യു​ടെ സാക്ഷി​ക​ളോ​ടൊ​പ്പം സഹവസി​ക്കു​ക​യും എന്നാൽ ഇതുവരെ പ്രസം​ഗ​വേ​ല​യിൽ അവരോ​ടൊ​പ്പം പങ്കു​ചേ​രാ​തി​രി​ക്ക​യു​മാ​ണെ​ങ്കി​ലോ? പിൻവ​രുന്ന ചോദ്യ​ങ്ങൾ നിങ്ങൾ സ്വയം ചോദി​ക്കു​ന്നതു പ്രയോ​ജ​ന​പ്ര​ദ​മാ​യി​രി​ക്കും, ‘സത്യം കണ്ടെത്തി​യെ​ന്നും യഹോവ മാത്ര​മാ​ണു സത്യ​ദൈ​വ​മെ​ന്നും ഞാൻ വിശ്വ​സി​ക്കു​ന്നു​ണ്ടോ? മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള ഏക പരിഹാ​രം ദൈവ​രാ​ജ്യ​മാ​ണെന്ന്‌ എനിക്ക്‌ ഉറച്ച ബോധ്യ​മു​ണ്ടോ? യഹോ​വയെ വ്യസനി​പ്പി​ക്കുന്ന സകല വ്യാജ​മ​ത​വും ലൗകിക സമ്പ്രദാ​യ​ങ്ങ​ളും ആചാര​ന​ട​പ​ടി​ക​ളും ഞാൻ ഉപേക്ഷി​ച്ചു​വോ? ദൈവത്തോ​ടും അവന്റെ നീതി​യുള്ള പ്രമാ​ണ​ങ്ങ​ളോ​ടും എനിക്ക്‌ ആഴമായ സ്‌നേ​ഹ​മു​ണ്ടോ?’ (സങ്കീർത്തനം 97:10) ഈ ചോദ്യ​ങ്ങൾക്കു സത്യസ​ന്ധ​മാ​യി ഉവ്വ്‌ എന്ന്‌ ഉത്തരം നൽകാൻ നിങ്ങൾക്കു കഴിയു​മെ​ങ്കിൽ യഹോ​വയെ സ്‌തു​തി​ക്കു​ന്ന​തിൽനി​ന്നു നിങ്ങളെ എന്താണു തടഞ്ഞു​നിർത്തു​ന്നത്‌?—താരത​മ്യം ചെയ്യുക: പ്രവൃ​ത്തി​കൾ 8:36.

യഹോ​വ​യെ സ്‌തു​തി​ക്കു​ന്ന​തിൽ സുവാർത്ത പ്രസം​ഗി​ക്കു​ന്ന​തി​ലു​മ​ധി​കം ഉൾപ്പെ​ട്ടി​രി​ക്കു​ന്നു. നിങ്ങൾ സൂക്ഷ്‌മ​പ​രി​ജ്ഞാ​നം നേടു​ക​യും, നിങ്ങൾക്കു യഥാർഥ വിശ്വാ​സം ഉണ്ടായി​രി​ക്കു​ക​യും ദിവ്യ നിർദേ​ശ​ങ്ങ​ളു​മാ​യി നിങ്ങളു​ടെ ജീവിതം പൊരു​ത്ത​പ്പെ​ടു​ത്തു​ക​യും ചെയ്‌തി​രി​ക്കു​ന്നു​വെ​ങ്കിൽ ദൈവ​വു​മാ​യുള്ള നിങ്ങളു​ടെ വ്യക്തി​പ​ര​മായ ബന്ധം ഉറപ്പി​ക്കേ​ണ്ട​തുണ്ട്‌. എങ്ങനെ? പ്രാർഥ​ന​യി​ലൂ​ടെ അവനു സമർപ്പി​ക്കു​ക​യും സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ക​യും ചെയ്‌തു​കൊ​ണ്ടു​തന്നെ. നിത്യ​ജീ​വൻ നിർണാ​യക സന്ധിയി​ലാണ്‌. അതു​കൊണ്ട്‌, യേശു​വി​ന്റെ പിൻവ​രുന്ന ബുദ്ധ്യു​പ​ദേ​ശ​പ്ര​കാ​രം പ്രവർത്തി​ക്കുക: “ഇടുക്കു​വാ​തി​ലി​ലൂ​ടെ അകത്തു കടപ്പിൻ; നാശത്തി​ലേക്കു പോകുന്ന വാതിൽ വീതി​യു​ള്ള​തും വഴി വിശാ​ല​വും അതിൽകൂ​ടി കടക്കു​ന്നവർ അനേക​രും ആകുന്നു. ജീവങ്ക​ലേക്കു പോകുന്ന വാതിൽ ഇടുക്ക​വും വഴി ഞെരു​ക്ക​വു​മു​ള്ളതു; അതു കണ്ടെത്തു​ന്നവർ ചുരു​ക്ക​മ​ത്രേ.”—മത്തായി 7:13, 14.

ഇപ്പോ​ഴ​ത്തെ വ്യവസ്ഥി​തി അതിന്റെ നാശക​ര​മായ അന്ത്യത്തി​ലേക്കു നീങ്ങി​ക്കൊ​ണ്ടി​രി​ക്കേ ഇതു സംശയി​ച്ചു നിൽക്കാ​നുള്ള സമയമല്ല. യഹോ​വ​യു​മാ​യി നിത്യ​മായ ഒരു ബന്ധം സ്ഥാപി​ക്കു​ന്ന​തി​നു സത്വര നടപടി​കൾ എടുക്കുക. നിങ്ങൾ യഹോ​വയെ സ്‌തു​തി​ക്കു​മോ? ഈ ചോദ്യ​ത്തിന്‌ അനുകൂ​ല​മാ​യി ഉത്തരം നൽകു​ന്ന​തി​നുള്ള സമയം വാസ്‌ത​വ​ത്തിൽ ഇതാണ്‌.