ക്രിസ്‌ത്യാ​നി​കൾ പരസ്യ​നി​ന്ദയെ നേരി​ടുന്ന വിധം

ആരെങ്കി​ലും നിങ്ങളെ അധി​ക്ഷേ​പി​ക്കു​മ്പോൾ, അല്ലെങ്കിൽ നിങ്ങ​ളെ​ക്കു​റി​ച്ചു നുണകൾ പറഞ്ഞു​പ​ര​ത്തു​മ്പോൾ നിങ്ങൾക്ക്‌ എന്തായി​രി​ക്കും തോന്നുക? സ്വാഭാ​വി​ക​മാ​യും ഭയങ്കര വിഷമം. യഹോ​വ​യു​ടെ സാക്ഷി​കളെ ലക്ഷ്യമാ​ക്കി മാധ്യ​മ​ങ്ങ​ളിൽ തെററാ​യ​തോ വളച്ചൊ​ടി​ച്ച​തോ ആയ വിവരങ്ങൾ വരു​മ്പോൾ അവർക്കും ഏതാണ്ട്‌ അങ്ങനെ തോന്നു​ന്നു. എന്നാൽ മത്തായി 5:11, 12-ൽ യേശു പറഞ്ഞി​രി​ക്കു​ന്ന​തു​പോ​ലെ, അവർക്ക്‌ അപ്പോ​ഴും സന്തോ​ഷി​ക്കാൻ വകയുണ്ട്‌.

ഉദാഹ​ര​ണ​ത്തിന്‌, “ഓരോ സാക്ഷി​യും പ്രസ്‌തുത മതവി​ഭാ​ഗ​ത്തി​ന്റെ [sect] ആസ്ഥാന​ത്തേക്കു തന്റെ വരുമാ​ന​ത്തി​ന്റെ 17 മുതൽ 28 വരെ ശതമാനം സംഭാവന കൊടു​ക്കാൻ ബാധ്യ​സ്ഥ​രാണ്‌” എന്നു ജർമനി​യി​ലെ ഒരു കത്തോ​ലി​ക്കാ പ്രസി​ദ്ധീ​ക​രണം അവകാ​ശ​പ്പെ​ടു​ക​യു​ണ്ടാ​യി. എന്നാൽ യഹോ​വ​യു​ടെ സാക്ഷികൾ ഒരു മതവി​ഭാ​ഗമല്ല. അവരുടെ വേലയ്‌ക്കുള്ള പണം വരുന്നതു സ്വമേ​ധയാ ഉള്ള സംഭാ​വ​ന​ക​ളി​ലൂ​ടെ​യാണ്‌. ഈ തെററായ വിവരം മുഖാ​ന്തരം അനേകം വായന​ക്കാ​രും വഞ്ചിത​രാ​യി. യഹോ​വ​യു​ടെ സാക്ഷി​കളെ വേദനി​പ്പി​ക്കു​ന്ന​താണ്‌ അത്തരം വ്യാജ​വി​വ​രങ്ങൾ. എന്നാൽ മാധ്യ​മ​ങ്ങ​ളി​ലൂ​ടെ​യുള്ള അത്തരം നിന്ദ​യോ​ടു സത്യ​ക്രി​സ്‌ത്യാ​നി​കൾ എങ്ങനെ​യാ​ണു പ്രതി​ക​രി​ക്കേ​ണ്ടത്‌?

ക്രിസ്‌ത്യാ​നി​കൾക്കു പിൻപ​റ​റാൻ ഒരു മാതൃക

തന്നെ എതിർത്ത മതനേ​താ​ക്കൻമാ​രു​ടെ കാപട്യ​ത്തെ​യും വഞ്ചന​യെ​യും യേശു എപ്രകാ​രം കുററം​വി​ധി​ച്ചു​വെന്നു മത്തായി 23-ാം അധ്യായം വ്യക്തമാ​യി വർണി​ക്കു​ന്നുണ്ട്‌. ക്രിസ്‌ത്യാ​നി​കൾ ഇന്നു വിമർശ​കരെ എങ്ങനെ നേരി​ട​ണ​മെ​ന്ന​തി​നുള്ള ഒരു മാതൃ​ക​യാ​ണോ ഇത്‌? തീർച്ച​യാ​യും അല്ല. തനിക്കു​ണ്ടാ​യി​രുന്ന അനുപ​മ​മായ അധികാ​ര​വും ഉൾക്കാ​ഴ്‌ച​യും നിമി​ത്ത​മാണ്‌ മനുഷ്യ​പു​ത്രൻ തന്റെ മതപ്ര​തി​യോ​ഗി​കളെ കുററം​വി​ധി​ച്ചത്‌. അവനെ ശ്രദ്ധി​ച്ചു​കൊ​ണ്ടി​രുന്ന പുരു​ഷാ​ര​ത്തി​ന്റെ പ്രയോ​ജ​ന​ത്തി​നു​വേ​ണ്ടി​യാ​യി​രു​ന്നു അങ്ങനെ ചെയ്‌തത്‌.

യേശു​വി​ന്റെ ശിഷ്യൻമാർ യഹൂദ പാരമ്പ​ര്യം ലംഘി​ച്ചു​വെന്നു പറഞ്ഞ്‌ യേശു വിമർശി​ക്ക​പ്പെ​ട്ടു​വെന്നു മത്തായി 15:1-11 വിവരി​ക്കു​ന്നു. യേശു എങ്ങനെ​യാ​ണു പ്രതി​ക​രി​ച്ചത്‌? അവൻ സംയമനം പാലിച്ചു. ചിലയ​വ​സ​ര​ങ്ങ​ളിൽ യേശു വിമർശ​ക​രു​ടെ നേരെ എതിർവാ​ദ​മു​ന്ന​യിച്ച്‌ അവരുടെ തെററായ വീക്ഷണ​ങ്ങളെ തുറന്ന​ടി​ച്ചു ഖണ്ഡിക്കു​ക​യു​ണ്ടാ​യി. പൊതു​വേ പറഞ്ഞാൽ, തങ്ങളുടെ വേല​യെ​യോ പഠിപ്പി​ക്ക​ലു​ക​ളെ​യോ ആരെങ്കി​ലും വളച്ചൊ​ടിച്ച്‌ അവതരി​പ്പി​ക്കു​മ്പോൾ ഇന്നത്തെ ക്രിസ്‌ത്യാ​നി​കൾ വസ്‌തു​തകൾ നിരത്തി യുക്തി​പൂർവ​ക​മാ​യി സംഗതി വ്യക്തമാ​ക്കാൻ ശ്രമി​ച്ചു​കൊണ്ട്‌ അവ തിരു​ത്താൻ ശ്രമി​ക്കു​ന്ന​തിൽ തെറെ​റാ​ന്നു​മില്ല. അവർ ഇതു ചെയ്യു​ന്നതു യഹോ​വ​യു​ടെ സാക്ഷി​കൾക്കെ​തി​രായ വിമർശനം അടിസ്ഥാ​ന​ര​ഹി​ത​വും അപകീർത്തി​പ്പെ​ടു​ത്തു​ന്ന​തു​മാ​ണെന്ന്‌ ആത്മാർഥ​ത​യുള്ള ആളുകൾ ഗ്രഹി​ക്കാൻത​ക്ക​വണ്ണം അവരെ അതിനു സഹായി​ക്കാൻവേ​ണ്ടി​യാണ്‌.

എന്നാൽ കുറച്ചു​നേരം കഴിഞ്ഞ്‌ “പരീശൻമാർ ഈ വാക്കു കേട്ടു ഇടറി​പ്പോ​യി എന്നു അറിയു​ന്നു​വോ” എന്നു ശിഷ്യൻമാർ സൂചി​പ്പി​ച്ച​പ്പോൾ യേശു എങ്ങനെ പ്രതി​ക​രി​ച്ചു​വെന്നു ശ്രദ്ധി​ക്കുക. ഈ പരീശൻമാർ “ഇടറി​പ്പോ​യി”—അവർ വെറു​തെ​യൊ​ന്നു വിഷമി​ച്ചു​വെന്നല്ല, യേശു​വി​നാൽ തള്ളപ്പെട്ട, തിരു​ത്താ​നാ​വാത്ത പ്രതി​യോ​ഗി​ക​ളാ​യി​ത്തീർന്നു. അതു​കൊണ്ട്‌ അവൻ ഇങ്ങനെ ഉത്തരം കൊടു​ത്തു: “അവരെ വിടു​വിൻ; അവർ കുരു​ടൻമാ​രായ വഴികാ​ട്ടി​കൾ അത്രേ.” വൈരാ​ഗ്യ​ചി​ന്ത​യുള്ള അത്തരം എതിരാ​ളി​ക​ളോ​ടു കൂടു​ത​ലായ ചർച്ചന​ട​ത്തു​ന്നതു നിരർഥ​ക​മാ​കു​മാ​യി​രു​ന്നു, ആർക്കും ഒരു പ്രയോ​ജ​ന​വും ചെയ്യു​മാ​യി​രു​ന്നില്ല. പ്രയോ​ജ​ന​ര​ഹി​ത​മായ വെറും വാദ​കോ​ലാ​ഹ​ലം​മാ​ത്ര​മാ​വും ഫലം. (മത്തായി 7:6; 15:12-14; താരത​മ്യം ചെയ്യുക: 27:11-14.) യേശു കൊടുത്ത മറുപ​ടി​കൾ പ്രകട​മാ​ക്കു​ന്നത്‌ “മിണ്ടാ​തി​രി​പ്പാൻ ഒരു കാല”വും “സംസാ​രി​പ്പാൻ ഒരു കാല”വുമുണ്ട്‌ എന്നാണ്‌.—സഭാ​പ്ര​സം​ഗി 3:7.

തങ്ങളെ​ക്കു​റിച്ച്‌ എല്ലാവ​രും നല്ലതു പറയു​മെന്ന പ്രതീ​ക്ഷ​യൊ​ന്നും യഹോ​വ​യു​ടെ സാക്ഷി​കൾക്കില്ല. “സകല മനുഷ്യ​രും നിങ്ങളെ പുകഴ്‌ത്തി​പ്പ​റ​യു​മ്പോൾ നിങ്ങൾക്കു അയ്യോ കഷ്ടം; അവരുടെ പിതാ​ക്കൻമാർ കള്ളപ്ര​വാ​ച​കൻമാ​രെ അങ്ങനെ ചെയ്‌തു​വ​ല്ലോ” എന്ന യേശു​വി​ന്റെ വാക്കുകൾ അവർ മനസ്സിൽപ്പി​ടി​ക്കു​ന്നു. (ലൂക്കൊസ്‌ 6:26) തനിക്ക്‌ എതിരെ നടത്തുന്ന ദുഷ്‌പ്ര​ച​ര​ണ​ങ്ങൾക്കൊ​ന്നും എന്തേ മറുപടി കൊടു​ക്കാ​ത്തത്‌ എന്നു ചോദി​ച്ച​പ്പോൾ വാച്ച്‌ ടവർ സൊ​സൈ​റ​റി​യു​ടെ ആദ്യത്തെ പ്രസി​ഡൻറാ​യി​രുന്ന സി.ററി. റസ്സൽ മറുപടി പറഞ്ഞു: “നിങ്ങളു​ടെ​നേരെ കുരയ്‌ക്കുന്ന ഓരോ പട്ടി​യെ​യും തൊഴി​ക്കാൻ നിന്നാൽ നിങ്ങൾ ഏറെ​യെ​ങ്ങും എത്താൻ പോകു​ന്നില്ല.”

അതു​കൊണ്ട്‌, കച്ചകെ​ട്ടി​യി​റ​ങ്ങി​യി​രി​ക്കുന്ന എതിരാ​ളി​ക​ളു​ടെ അഭി​പ്രാ​യ​പ്ര​ക​ട​നങ്ങൾ ദൈവ​സേ​വ​ന​ത്തിൽനി​ന്നു നമ്മുടെ ശ്രദ്ധതി​രി​ക്കാൻ നമ്മെ അനുവ​ദി​ക്ക​രുത്‌. (സങ്കീർത്തനം 119:69) നമുക്കു സത്യ​ക്രി​സ്‌ത്യാ​നി​ക​ളു​ടെ വേലയിൽ, സുവി​ശേ​ഷ​ഘോ​ഷ​ണ​ത്തിൽ, ശ്രദ്ധ​കേ​ന്ദ്രീ​ക​രി​ക്കാം. അതിന്റെ ഒരു സ്വാഭാ​വിക ഫലം എന്നനി​ല​യിൽ, ചോദ്യ​ങ്ങൾക്ക്‌ ഉത്തരം കൊടു​ക്കാ​നും നമ്മുടെ വേല സംബന്ധി​ച്ചു ചുരു​ക്കി​വി​വ​രി​ക്കാ​നു​മുള്ള അവസരങ്ങൾ നമുക്കു ലഭിക്കും. അത്‌ ഒരു വ്യക്തി​യു​ടെ ധാർമി​ക​തയെ അഭിവൃ​ദ്ധി​പ്പെ​ടു​ത്തു​ക​യും ദൈവ​ത്തി​ന്റെ വചനത്തിൽ അയാളെ പ്രബോ​ധി​പ്പി​ക്കു​ക​യും ചെയ്യും.—മത്തായി 24:14; 28:19, 20.

വിമർശ​ന​ത്തോ​ടു പ്രതി​ക​രി​ക്ക​ണ​മോ?

യേശു തന്റെ അനുഗാ​മി​ക​ളെ​ക്കു​റിച്ച്‌ ഇങ്ങനെ പറഞ്ഞു: “നിങ്ങൾ ഈ ലോക​ത്തി​ന്റെ ഭാഗമല്ല . . . ഇക്കാര​ണ​ത്താൽ ലോകം നിങ്ങളെ വെറു​ക്കു​ന്നു.” (യോഹ​ന്നാൻ 15:19) യഹോ​വ​യു​ടെ സാക്ഷി​കളെ കരിവാ​രി​ത്തേ​ക്കുന്ന പത്രറി​പ്പോർട്ടു​ക​ളിൽ അനേക​വും ഈ വെറു​പ്പി​ന്റെ ഒരു പ്രകടനം മാത്ര​മാണ്‌, അതു​കൊ​ണ്ടു​തന്നെ അവഗണി​ക്കേ​ണ്ട​തും. എന്നുവ​രി​കി​ലും, ചില​പ്പോ​ഴൊ​ക്കെ മാധ്യ​മങ്ങൾ കൊടു​ക്കുന്ന വിവരങ്ങൾ അവർക്കു സാക്ഷി​ക​ളെ​ക്കു​റി​ച്ചു വിവര​മി​ല്ലെന്നേ പ്രതി​ഫ​ലി​പ്പി​ക്കു​ന്നു​ള്ളൂ, അല്ലെങ്കിൽ അവ ചില വസ്‌തു​ത​ക​ളു​ടെ വളച്ചൊ​ടി​ക്ക​ലാ​കാം, അഥവാ ദുർവ്യാ​ഖ്യാ​ന​മാ​കാം. ചില പത്ര​പ്ര​വർത്ത​കർക്കു വിവരം ലഭിക്കു​ന്നതു പക്ഷപാ​ത​മു​ള്ള​വ​രിൽനി​ന്നാ​യി​രി​ക്കാം. മാധ്യ​മ​ങ്ങ​ളിൽ വന്ന തെററായ ഒരു വിവരം നാം അവഗണി​ക്ക​ണ​മോ ഉചിത​മായ മാർഗ​ത്തി​ലൂ​ടെ സത്യാ​വ​സ്ഥ​യ്‌ക്കു​വേണ്ടി വാദ​പ്ര​തി​വാ​ദം നടത്തണ​മോ എന്നത്‌ സാഹച​ര്യ​ങ്ങൾ, വിമർശ​ന​ത്തി​നു പിന്നിലെ വ്യക്തി, അയാളു​ടെ ലക്ഷ്യം എന്നിവ​യെ​യാണ്‌ ആശ്രയി​ച്ചി​രി​ക്കു​ന്നത്‌.

ചില​പ്പോൾ, വേണ്ടവി​ധ​ത്തിൽ ഒരെഴു​ത്തു തയ്യാറാ​ക്കി, അതു മുഴു​വ​നാ​യി പ്രസി​ദ്ധീ​ക​രി​ക്കു​മെ​ങ്കിൽ, പത്രാ​ധി​പർക്ക്‌ അയച്ചു​കൊ​ണ്ടു വിവരങ്ങൾ തിരു​ത്താ​വു​ന്ന​തേ​യു​ള്ളൂ. എന്നാൽ അത്തരം എഴുത്തു​കൾക്ക്‌ ഉദ്ദേശി​ച്ച​തി​നു നേർവി​പ​രീത ഫലവും ഉളവാ​ക്കി​ക്കൂ​ടെ​ന്നില്ല. എങ്ങനെ? ആദ്യത്തെ കള്ളപ്ര​ച​ര​ണ​ത്തിന്‌ അതുമൂ​ലം കൂടുതൽ പ്രചാരം കിട്ടുന്നു, അല്ലെങ്കിൽ നുണക​ളോ നിന്ദക​ളോ അടിച്ചു​പ്ര​ച​രി​പ്പി​ക്കാൻ എതിരാ​ളി​കൾക്കു പിന്നെ​യും അവസരം ലഭിക്കു​ന്നു. മിക്ക സന്ദർഭ​ങ്ങ​ളി​ലും പത്രാ​ധി​പൻമാർക്കു കത്ത്‌ എഴുതുന്ന കാര്യം ബന്ധപ്പെട്ട മൂപ്പൻമാർക്കു വിടു​ന്ന​താ​വും ബുദ്ധി. പ്രതി​കൂ​ല​മായ ഒരു പത്രറി​പ്പോർട്ട്‌ ഹേതു​വാ​യി ആളുക​ളിൽ മുൻവി​ധി​യു​ണ്ടാ​യി​ട്ടു​ണ്ടെ​ങ്കിൽ, വാച്ച്‌ ടവർ സൊ​സൈ​റ​റി​യു​ടെ ബ്രാഞ്ച്‌ ഓഫീ​സിന്‌ ആ രാജ്യത്തെ സഭകളെ ആവശ്യ​മായ വിവരങ്ങൾ ധരിപ്പി​ക്കാ​നാ​വും. അങ്ങനെ അതു ചോദി​ക്കു​ന്ന​വർക്കു തൃപ്‌തി​ക​ര​മായ വിശദാം​ശങ്ങൾ കൊടു​ക്കാൻ പ്രസാ​ധ​കരെ പ്രാപ്‌ത​രാ​ക്കി​ക്കൊ​ള്ളും.

കെട്ടി​ച്ച​മച്ച അത്തരം ആരോ​പ​ണ​ങ്ങ​ളിൽ നിങ്ങൾ വ്യക്തി​പ​ര​മാ​യി ഉൾപ്പെ​ടേണ്ട ആവശ്യം​പോ​ലു​മു​ണ്ടോ? “അവരെ വിടു​വിൻ,” അവരെ അവഗണി​ക്കു​വിൻ, എന്ന യേശു​വി​ന്റെ ബുദ്ധ്യു​പ​ദേശം എതിരാ​ളി​ക​ളു​ടെ ഈ കൂട്ടത്തി​ന്റെ കാര്യ​ത്തി​ലും ബാധക​മാണ്‌. വിശ്വാ​സ​ത്യാ​ഗി​ക​ളെ​യും അവരുടെ വീക്ഷണ​ങ്ങ​ളെ​യും തള്ളിക്ക​ള​യു​ന്ന​തി​നു വിശ്വസ്‌ത ക്രിസ്‌ത്യാ​നി​കൾക്കു ബൈബിൾപ​ര​മായ കാരണ​ങ്ങ​ളുണ്ട്‌. (1 കൊരി​ന്ത്യർ 5:11-13; തീത്തൊസ്‌ 3:10, 11; 1 യോഹ​ന്നാൻ 2:19; 2 യോഹ​ന്നാൻ 10, 11) വിമർശനം വസ്‌തു​ത​യോ വ്യാജ​മോ എന്നറി​യാൻ ആരെങ്കി​ലും ആത്മാർഥ​മാ​യി താത്‌പ​ര്യം കാട്ടു​ന്നെ​ങ്കിൽ, അതി​നൊ​രു ഉത്തരം കൊടു​ക്കാൻ സാധാ​ര​ണ​മാ​യി നിങ്ങളു​ടെ​തന്നെ സുസ്ഥാ​പിത പരിജ്ഞാ​നം മതിയാ​കും.—കാണുക: 1986 മാർച്ച്‌ 15 വീക്ഷാ​ഗോ​പു​രം (ഇംഗ്ലീഷ്‌), പേജ്‌ 13, 14.

വളച്ചൊ​ടി​ച്ച വിവരങ്ങൾ പത്രങ്ങ​ളിൽ കാണു​മ്പോൾ, സദൃശ​വാ​ക്യ​ങ്ങൾ 14:15-ലെ ഈ ബുദ്ധ്യു​പ​ദേശം ചെവി​ക്കൊ​ള്ളുക: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” ആരെയും വികാ​രം​കൊ​ള്ളി​ക്കു​ന്ന​താ​യി​രു​ന്നു സ്വിറ​റ്‌സർലൻഡി​ലെ ഒരു പത്രറി​പ്പോർട്ട്‌. ആളുകൾ രോഷാ​കു​ല​രാ​യി. രക്തം​കൊ​ടു​ക്കു​ന്ന​തിൽനിന്ന്‌ ആശുപ​ത്രി ജീവന​ക്കാ​രെ ബന്ധുക്കൾ തടഞ്ഞതി​നെ​ത്തു​ടർന്നു സാക്ഷി​യായ ഒരു യുവതി മരണമ​ട​ഞ്ഞു​വെ​ന്നാ​യി​രു​ന്നു പത്രറി​പ്പോർട്ട്‌. എന്നാൽ അതു വാസ്‌ത​വ​മാ​യി​രു​ന്നോ? അല്ല. മതപര​മായ കാരണ​ങ്ങ​ളാ​ലാ​യി​രു​ന്നു രോഗി രക്തപ്പകർച്ച നിരാ​ക​രി​ച്ചത്‌. എന്നാൽ രക്തരഹിത പകര ചികി​ത്സ​യ്‌ക്ക്‌ അവൾ തീർച്ച​യാ​യും സമ്മതി​ച്ചി​രു​ന്നു. ഒരൊ​ച്ച​പ്പാ​ടും​കൂ​ടാ​തെ അതങ്ങു കൊടു​ത്താൽ മതിയാ​യി​രു​ന്നു. ചില​പ്പോൾ അത്‌ അവളുടെ ജീവൻ രക്ഷി​ച്ചേനേ. എന്നാൽ വളരെ വൈകി​പ്പോ​കു​ന്ന​തു​വരെ അനാവ​ശ്യ​മാ​യി സംഗതി വച്ചുതാ​മ​സി​പ്പി​ക്കു​ക​യാണ്‌ ആശുപ​ത്രി​ക്കാർ ചെയ്‌തത്‌. ഈ വസ്‌തു​ത​ക​ളൊ​ന്നും പത്രറി​പ്പോർട്ടി​ലു​ണ്ടാ​യി​രു​ന്നില്ല.

അതു​കൊണ്ട്‌, അത്തരം റിപ്പോർട്ടു​ക​ളിൽ എത്രമാ​ത്രം സത്യമു​ണ്ടെന്നു ശ്രദ്ധാ​പൂർവം തൂക്കി​നോ​ക്കുക. അത്തരം കാര്യങ്ങൾ സ്‌നേ​ഹ​പു​ര​സ്സ​ര​മായ വിധത്തി​ലും ബൈബിൾ മാർഗ​നിർദേ​ശ​ങ്ങൾക്കു ചേർച്ച​യി​ലും പ്രദേ​ശത്തെ മൂപ്പൻമാ​രാ​ണു കൈകാ​ര്യം ചെയ്യു​ന്നത്‌ എന്നു നിങ്ങ​ളോ​ടു ചോദി​ക്കു​ന്ന​വ​രോ​ടു പറയാ​നാ​വും. മറുപടി പറയു​മ്പോൾ തത്ത്വങ്ങ​ളോ​ടു പററി​നിൽക്കു​ന്നത്‌ എടുത്തു​ചാ​ടി നിഗമ​ന​ങ്ങ​ളി​ലെ​ത്തു​ന്ന​തിൽനി​ന്നു നമ്മെ പിന്തി​രി​പ്പി​ക്കും.—സദൃശ​വാ​ക്യ​ങ്ങൾ 18:13.

നേരി​ട്ടുള്ള വിവരം മർമ​പ്ര​ധാ​നം

ഒന്നാം നൂററാ​ണ്ടിൽ യേശു​വി​ന്റെ സൽപ്പേ​രി​നു കളങ്കം ചാർത്താൻ ആളുകൾ അവനെ​ക്കു​റി​ച്ചു നുണകൾ പറഞ്ഞു​പ​ര​ത്തു​ക​യു​ണ്ടാ​യി. ചിലർ അവനെ രാജ്യ​ദ്രോ​ഹി​യെ​ന്നു​പോ​ലും മുദ്ര​കു​ത്തി. (ലൂക്കൊസ്‌ 7:34; 23:2; താരത​മ്യം ചെയ്യുക: മത്തായി 22:21.) പിന്നീട്‌, ക്രിസ്‌തീയ സഭയ്‌ക്കും അതിന്റെ ശൈശ​വ​ദ​ശ​യിൽ മത-ലൗകിക ഘടകങ്ങ​ളിൽനി​ന്നു വ്യാപ​ക​മായ എതിർപ്പു നേരി​ടേ​ണ്ടി​വന്നു. “ദൈവം ലോക​ത്തിൽ ഭോഷ​ത്വ​മാ​യതു തിര​ഞ്ഞെ​ടുത്ത”തുനി​മി​ത്തം പലരും അവന്റെ ദാസൻമാ​രെ പുച്ഛ​ത്തോ​ടെ വീക്ഷിച്ചു. (1 കൊരി​ന്ത്യർ 1:22-29) ഇന്നത്തെ സത്യ​ക്രി​സ്‌ത്യാ​നി​കൾ നിന്ദ പ്രതീ​ക്ഷി​ച്ചേ​തീ​രൂ, അത്‌ ഒരുത​ര​ത്തി​ലുള്ള പീഡന​മാണ്‌.—യോഹ​ന്നാൻ 15:20.

എന്നുവ​രി​കി​ലും, തങ്ങൾ സംസാ​രി​ക്കുന്ന വ്യക്തി നിഷ്‌പ​ക്ഷ​ചി​ന്താ​ഗ​തി​ക്കാ​ര​നാ​ണെ​ങ്കിൽ, റോമിൽവെച്ച്‌ പൗലോ​സി​ന്റെ സന്ദർശകർ പ്രകട​മാ​ക്കിയ അതേ മനോ​ഭാ​വം കാട്ടു​ന്ന​വ​നാ​ണെ​ങ്കിൽ യഹോ​വ​യു​ടെ സാക്ഷികൾ അതു വിലമ​തി​ക്കും. “ഈ മതഭേ​ദ​ത്തി​ന്നു എല്ലായി​ട​ത്തും വിരോ​ധം പറയുന്നു എന്നു ഞങ്ങൾ അറിയു​ന്ന​തി​നാൽ നിന്റെ മതം ഇന്നതു എന്നു നീ തന്നേ പറഞ്ഞു​കേൾപ്പാൻ ആഗ്രഹി​ക്കു​ന്നു” എന്നായി​രു​ന്നു അവർ പറഞ്ഞത്‌.—പ്രവൃ​ത്തി​കൾ 28:22.

തെററി​ദ്ധ​രി​ക്ക​പ്പെട്ട ആളുകൾക്കു സൗമ്യ​മാ​യി ഒരു വിശദീ​ക​രണം കൊടു​ക്കുക. (റോമർ 12:14; താരത​മ്യം ചെയ്യുക: 2 തിമൊ​ഥെ​യൊസ്‌ 2:25.) യഹോ​വ​യു​ടെ സാക്ഷി​ക​ളെ​ക്കു​റി​ച്ചു നേരി​ട്ടുള്ള വിവരം കണ്ടെത്താൻ അവരെ ക്ഷണിക്കുക. അതു വ്യാജ ആരോ​പ​ണ​ങ്ങ​ളാൽ കബളി​പ്പി​ക്ക​പ്പെ​ടാ​തി​രി​ക്കാൻ അവരെ സഹായി​ക്കും. നിങ്ങൾക്കു വാച്ച്‌ ടവർ സൊ​സൈ​ററി പ്രസി​ദ്ധീ​ക​രി​ച്ചി​രി​ക്കുന്ന വിശദീ​ക​ര​ണ​ങ്ങ​ളും ഉപയോ​ഗി​ക്കാം. അവ സ്ഥാപന​ത്തെ​യും അതിന്റെ ചരി​ത്ര​ത്തെ​യും അതിന്റെ പഠിപ്പി​ക്ക​ലു​ക​ളെ​യും കുറി​ച്ചുള്ള വിശദാം​ശങ്ങൾ നൽകും.a ഫിലി​പ്പോസ്‌ ഒരിക്കൽ നഥന​യേ​ലി​നോ​ടു മറുപടി പറഞ്ഞ​പ്പോൾ ഇത്രയേ പറഞ്ഞുള്ളൂ: “വന്നു കാൺക.” (യോഹ​ന്നാൻ 1:46) നമുക്കും അതു​പോ​ലെ ചെയ്യാം. അങ്ങനെ ആഗ്രഹി​ക്കുന്ന ആർക്കും ഊഷ്‌മ​ള​മായ സ്വാഗ​ത​മുണ്ട്‌. അവർക്കു രാജ്യ​ഹാൾ സന്ദർശിച്ച്‌ യഹോ​വ​യു​ടെ സാക്ഷികൾ ഏതുതരം വ്യക്തി​ക​ളാണ്‌, അവർ എന്തു വിശ്വ​സി​ക്കു​ന്നു എന്നെല്ലാം സ്വയം നിരീ​ക്ഷി​ക്കാ​വു​ന്ന​താണ്‌.

എതിരാ​ളി​കളെ ഭയപ്പെ​ട​രുത്‌

ആളുകൾ യഹോ​വ​യു​ടെ സാക്ഷികൾ ആയിത്തീ​രു​ന്നതു തടയാൻ നിന്ദ​കൊ​ണ്ടു സാധി​ക്കു​ന്നി​ല്ലെ​ന്നത്‌ എത്ര പ്രോ​ത്സാ​ഹ​ജ​ന​ക​മാണ്‌! ജർമനി​യി​ലെ ഒരു ടിവി പ്രഭാ​ഷ​ണ​ത്തിൽ വിശ്വാ​സ​ത്യാ​ഗി​കൾ സാക്ഷി​കൾക്കെ​തി​രെ നുണകൾ വാരി​വി​തറി. വിശ്വാ​സ​ത്യാ​ഗി​ക​ളു​ടെ വശ്യമായ ആ പ്രസ്‌താ​വ​ന​ക​ളൊ​ക്കെ​യും കെട്ടു​ക​ഥ​ക​ളാ​ണെന്നു തിരി​ച്ച​റിഞ്ഞ ഒരു പ്രേക്ഷകൻ സാക്ഷി​ക​ളോ​ടൊ​ത്തുള്ള തന്റെ ബൈബിൾ പഠനം പുനരാ​രം​ഭി​ച്ചു. അതേ, പരസ്യ​നി​ന്ദ​യും ചില​പ്പോൾ ഗുണമുള്ള ഫലങ്ങളു​ണ്ടാ​ക്കു​ന്നു!—താരത​മ്യം ചെയ്യുക: ഫിലി​പ്പി​യർ 1:12, 13.

ചിലർ സത്യ​ത്തെ​ക്കാ​ള​ധി​കം ശ്രദ്ധി​ക്കുക “കെട്ടുകഥ”കളെയാ​യി​രി​ക്കു​മെന്ന്‌ അപ്പോ​സ്‌ത​ല​നായ പൗലോസ്‌ അറിഞ്ഞി​രു​ന്നു. അതു​കൊണ്ട്‌ അവൻ ഇങ്ങനെ എഴുതി: “നീയോ സകലത്തി​ലും നിർമ്മദൻ ആയിരിക്ക; കഷ്ടം സഹിക്ക; സുവി​ശേ​ഷ​കന്റെ പ്രവൃ​ത്തി​ചെയ്‌ക; നിന്റെ ശുശ്രൂഷ നിറപ​ടി​യാ​യി നിവർത്തിക്ക.” (2 തിമൊ​ഥെ​യൊസ്‌ 4:3-5) അതു​കൊണ്ട്‌, ശ്രദ്ധപ​ത​റാൻ സ്വയം അനുവ​ദി​ക്ക​രുത്‌. എതിരാ​ളി​ക​ളാൽ ‘ഒന്നിലും കുലു​ങ്ങി​പ്പോ​ക​രുത്‌.’ (ഫിലി​പ്പി​യർ 1:27) ശാന്തത​യോ​ടെ, സംയമ​ന​ത്തോ​ടെ സന്തോ​ഷ​ഭ​രി​ത​രാ​യി സുവാർത്ത പ്രസം​ഗി​ക്കുക. അങ്ങനെ നിങ്ങൾ പരസ്യ​നി​ന്ദയെ അചഞ്ചല​മാ​യി നേരി​ടു​ന്ന​താ​യി​രി​ക്കും. അതേ, യേശു​വി​ന്റെ ഈ വാഗ്‌ദത്തം ഓർക്കുക: “എന്റെ നിമിത്തം നിങ്ങളെ പഴിക്ക​യും ഉപദ്ര​വി​ക്ക​യും നിങ്ങ​ളെ​ക്കൊ​ണ്ടു എല്ലാ തിൻമ​യും കളവായി പറകയും ചെയ്യു​മ്പോൾ നിങ്ങൾ ഭാഗ്യ​വാൻമാർ. സ്വർഗ്ഗ​ത്തിൽ നിങ്ങളു​ടെ പ്രതി​ഫലം വലുതാ​ക​കൊ​ണ്ടു സന്തോ​ഷി​ച്ചു​ല്ല​സി​പ്പിൻ; നിങ്ങൾക്കു മുമ്പെ​യു​ണ്ടാ​യി​രുന്ന പ്രവാ​ച​കൻമാ​രെ​യും അവർ അങ്ങനെ​തന്നേ ഉപദ്ര​വി​ച്ചു​വ​ല്ലോ.”—മത്തായി 5:11, 12.

[അടിക്കു​റി​പ്പു​കൾ]

[27-ാം പേജിലെ ആകർഷ​ക​വാ​ക്യം]

എതിരാളികളെ നേരി​ട്ട​പ്പോൾ യേശു ശിഷ്യൻമാ​രോ​ടു പറഞ്ഞു: “അവരെ വിടു​വിൻ.” അവൻ എന്താണ്‌ അർഥമാ​ക്കി​യത്‌?

[29-ാം പേജിലെ ആകർഷ​ക​വാ​ക്യം]

“എന്റെ നിമിത്തം നിങ്ങളെ പഴിക്ക​യും ഉപദ്ര​വി​ക്ക​യും നിങ്ങ​ളെ​ക്കൊ​ണ്ടു എല്ലാ തിൻമ​യും കളവായി പറകയും ചെയ്യു​മ്പോൾ നിങ്ങൾ ഭാഗ്യ​വാൻമാർ.”—മത്തായി 5:11