വായന​ക്കാ​രിൽനി​ന്നുള്ള ചോദ്യ​ങ്ങൾ

എബ്രായർ 4:15, 16-ൽ സൂചി​പ്പി​ച്ചി​രി​ക്കുന്ന, യേശു​ക്രി​സ്‌തു​വി​ന്റെ മഹാപു​രോ​ഹിത സേവന​ങ്ങ​ളു​ടെ പ്രയോ​ജ​നങ്ങൾ ഇപ്പോൾ എങ്ങനെ​യാ​ണു “വേറെ ആടുകൾ”ക്കു ബാധക​മാ​വു​ന്നത്‌?

മഹാപു​രോ​ഹി​തൻ എന്നനി​ല​യി​ലുള്ള യേശു​വി​ന്റെ റോളിൽനി​ന്നും മുഖ്യ​മാ​യും പ്രയോ​ജ​ന​മ​നു​ഭ​വി​ക്കു​ന്നത്‌ അവനോ​ടൊ​പ്പം സ്വർഗ​ത്തി​ലാ​യി​രി​ക്കു​ന്ന​വ​രാ​ണെങ്കി​ലും ഭൗമിക പ്രത്യാ​ശ​ക​ളുള്ള ക്രിസ്‌ത്യാ​നി​കൾക്ക്‌ ഇപ്പോൾപ്പോ​ലും യേശു​വി​ന്റെ പൗരോ​ഹി​ത്യ സേവന​ങ്ങ​ളിൽനി​ന്നു പ്രയോ​ജ​ന​മുണ്ട്‌.

ആദാം​മു​തൽ മനുഷ്യ​വർഗം പാപത്താൽ ഞെരു​ക്ക​പ്പെ​ട്ടി​രി​ക്കു​ക​യാണ്‌. ഇസ്രാ​യേ​ല്യ​രെ​പ്പോ​ലെ, അവകാ​ശ​പ്പെ​ടു​ത്തി​യി​രി​ക്കുന്ന അപൂർണ​ത​നി​മി​ത്തം നാം കഷ്ടപ്പെ​ടു​ക​യാണ്‌. സ്വന്തം പാപങ്ങൾക്കു​വേ​ണ്ടി​യും മറ്റുള്ള​വ​രു​ടെ പാപങ്ങൾക്കു​വേ​ണ്ടി​യും യാഗങ്ങ​ളർപ്പിച്ച മഹാപു​രോ​ഹി​തൻമാ​രി​ലും ഉപപു​രോ​ഹി​തൻമാ​രി​ലും തലമുറ തലമു​റ​യോ​ളം അവർ ആശ്രയി​ച്ചു. കൃത്യ​സ​മ​യത്ത്‌, “മല്‌ക്കി​സേ​ദെ​ക്കി​ന്റെ വിധത്തിൽ” യേശു പുരോ​ഹി​ത​നാ​യി അഭി​ഷേകം ചെയ്യ​പ്പെട്ടു. തന്റെ പൂർണ​ത​യുള്ള മനുഷ്യ​ബ​ലി​യു​ടെ മൂല്യം സമർപ്പി​ക്കാൻ യേശു, പുനരു​ത്ഥാ​ന​ശേഷം, യഹോ​വ​യു​ടെ മുമ്പാകെ പ്രത്യ​ക്ഷ​പ്പെട്ടു.—സങ്കീർത്തനം 110:1, 4.

ഇതു നമുക്കിന്ന്‌ എന്ത്‌ അർഥമാ​ക്കു​ന്നു? എബ്രാ​യർക്കുള്ള തന്റെ ലേഖന​ത്തിൽ മഹാപു​രോ​ഹി​തൻ എന്നനി​ല​യി​ലുള്ള യേശു​വി​ന്റെ സേവന​ത്തെ​ക്കു​റി​ച്ചു പൗലോസ്‌ ചർച്ച​ചെ​യ്‌തു. “മനുഷ്യ​രു​ടെ ഇടയിൽനി​ന്നു എടുക്കുന്ന ഏതു മഹാപു​രോ​ഹി​ത​നും പാപങ്ങൾക്കാ​യി വഴിപാ​ടും യാഗവും അർപ്പി​പ്പാൻ ദൈവ​കാ​ര്യ​ത്തിൽ മനുഷ്യർക്കു വേണ്ടി നിയമി​ക്ക​പ്പെ​ടു​ന്നു,” എന്നു നാം എബ്രായർ 5:1-ൽ വായി​ക്കു​ന്നു. എന്നിട്ട്‌, യേശു മഹാപു​രോ​ഹി​ത​നാ​യി​രി​ക്കു​ന്നു​വെ​ന്നും അതിനു നമ്മുടെ പ്രയോ​ജ​ന​ത്തിൽ കലാശി​ക്കാ​നാ​വു​മെ​ന്നും പൗലോസ്‌ 5-ഉം 6-ഉം വാക്യ​ത്തിൽ പ്രകട​മാ​ക്കി.

അതെങ്ങനെ? “പുത്രൻ എങ്കിലും താൻ അനുഭ​വിച്ച കഷ്ടങ്ങളാൽ അനുസ​രണം പഠിച്ചു തികഞ്ഞ​വ​നാ​യി തന്നെ അനുസ​രി​ക്കുന്ന ഏവർക്കും നിത്യ​ര​ക്ഷ​യു​ടെ കാരണ​ഭൂ​ത​നാ​യി​ത്തീർന്നു,” പൗലോസ്‌ എഴുതി. (എബ്രായർ 5:8, 9) ദൈവ​ത്തോ​ടും യേശു​വി​നോ​ടും വിശ്വ​സ്‌ത​രാ​യവർ തങ്ങളുടെ പാപപൂ​രിത അവസ്ഥയിൽനി​ന്നു സ്വത​ന്ത്ര​മാ​ക്ക​പ്പെ​ടു​ക​യും നിത്യ​ജീ​വൻ ലഭിക്കു​ക​യും ചെയ്യുന്ന പുതിയ ലോക​ത്തിൽ, നമുക്ക്‌ എങ്ങനെ പ്രയോ​ജനം നേടാ​നാ​വു​മെ​ന്നാണ്‌ ആ വാക്യം ആദ്യം നമ്മെ ചിന്തി​പ്പി​ക്കു​ന്നത്‌. യേശു​വി​ന്റെ ബലിയു​ടെ രക്ഷാകര മൂല്യ​ത്തി​ന്മേ​ലും മഹാപു​രോ​ഹി​തൻ എന്നനി​ല​യി​ലുള്ള അവന്റെ സേവന​ത്തി​ന്മേ​ലും അധിഷ്‌ഠി​ത​മായ ഒരു സാധു​വായ പ്രതീ​ക്ഷ​യാ​ണത്‌.

എന്നാൽ, വാസ്‌ത​വ​ത്തിൽ മഹാപു​രോ​ഹി​തൻ എന്നനി​ല​യി​ലുള്ള അവന്റെ റോളിൽനിന്ന്‌ അഥവാ സേവന​ത്തിൽനി​ന്നു നമുക്കി​പ്പോൾത്തന്നെ പ്രയോ​ജനം നേടാം. എബ്രായർ 4:15, 16 ശ്രദ്ധി​ക്കുക: “നമുക്കുള്ള മഹാപു​രോ​ഹി​തൻ നമ്മുടെ ബലഹീ​ന​ത​ക​ളിൽ സഹതാപം കാണി​പ്പാൻ കഴിയാ​ത്ത​വനല്ല; പാപം ഒഴികെ സർവ്വത്തി​ലും നമുക്കു തുല്യ​മാ​യി പരീക്ഷി​ക്ക​പ്പെ​ട്ട​വ​ന​ത്രേ നമുക്കു​ള്ളതു. അതു​കൊ​ണ്ടു കരുണ ലഭിപ്പാ​നും തത്സമയത്തു (“കൃത്യ സമയത്ത്‌,” NW) സഹായ​ത്തി​നുള്ള കൃപ പ്രാപി​പ്പാ​നു​മാ​യി നാം ധൈര്യ​ത്തോ​ടെ (“സംസാര സ്വാത​ന്ത്ര്യ​ത്തോ​ടെ,” NW) കൃപാ​സ​ന​ത്തി​ന്നു അടുത്തു ചെല്ലുക.” എപ്പോ​ഴാ​യി​രി​ക്കും “കൃത്യ സമയം”? നമുക്കു കരുണ​യും അനർഹ​ദ​യ​യും ആവശ്യ​മു​ള്ള​പ്പോൾ. അപൂർണത നിമിത്തം നമു​ക്കെ​ല്ലാം ഈ ആവശ്യം ഇപ്പോൾ തോ​ന്നേ​ണ്ട​താണ്‌.

ഇപ്പോൾ സ്വർഗ​ത്തിൽ പുരോ​ഹി​ത​നാ​യി​രി​ക്കുന്ന യേശു മനുഷ്യ​നു​മാ​യി​രു​ന്നു, അതു​കൊണ്ട്‌ അവനു സമാനു​ഭാ​വ​മു​ള്ള​വ​നാ​കാൻ സാധി​ക്കു​മെന്ന്‌ എബ്രായർ 4:15, 16 വ്യക്തമാ​ക്കു​ന്നു. ആരുടെ നേർക്ക്‌? നമ്മുടെ നേർക്ക്‌. എപ്പോൾ? ഇപ്പോൾ. യേശു മനുഷ്യ​നാ​യി​രു​ന്ന​പ്പോൾ മനുഷ്യർക്കു സാധാ​ര​ണ​മായ സമ്മർദങ്ങൾ അവൻ അനുഭ​വി​ച്ചു. അവനു വിശപ്പും ദാഹവു​മു​ണ്ടായ സന്ദർഭ​ങ്ങ​ളു​ണ്ടാ​യി​രു​ന്നു. പൂർണ​നാ​യി​രു​ന്നി​ട്ടും അവനു ക്ഷീണം നേരിട്ടു. അതു നമ്മെ ആശ്വസി​പ്പി​ക്കേ​ണ്ട​താണ്‌. എന്തു​കൊണ്ട്‌? സ്വാഭാ​വിക ക്ഷീണം യേശു അനുഭ​വി​ച്ച​തു​കൊണ്ട്‌, നമുക്ക്‌ അത്‌ എങ്ങനെ കൂടെ​ക്കൂ​ടെ അനുഭ​വ​പ്പെ​ടു​ന്നു എന്നതു സംബന്ധിച്ച്‌ അവൻ ബോധ​വാ​നാണ്‌. യേശു​വി​നു ശിഷ്യ​ന്മാർക്കി​ട​യി​ലെ അസൂയ​പൂണ്ട ശണ്‌ഠയെ ഒതു​ക്കേ​ണ്ട​തു​ണ്ടാ​യി​രു​ന്നു​വെ​ന്നും ഓർക്കുക. (മർക്കൊസ്‌ 9:33-37; ലൂക്കൊസ്‌ 22:24) അതേ, അവനെ നിരാ​ശ​പ്പെ​ടു​ത്തുന്ന കാര്യ​ങ്ങ​ളു​ണ്ടാ​യി​രു​ന്നു. നാം നിരാ​ശ​രാ​കു​മ്പോൾ, നിരു​ത്സാ​ഹി​ത​രാ​കു​മ്പോൾ അവൻ അതു മനസ്സി​ലാ​ക്കു​ന്നു​വെന്ന ഉറപ്പ്‌ അതു നമുക്കു നൽകേ​ണ്ട​തല്ലേ? തീർച്ച​യാ​യും.

നിങ്ങൾക്കു നിരു​ത്സാ​ഹം തോന്നു​മ്പോൾ എന്തു ചെയ്യാ​നാ​വും? മനസ്സും ശരീര​വും പൂർണ​ത​യു​ള്ള​താ​യി​ത്തീ​രാൻ നിങ്ങളു​ടെ മഹാപു​രോ​ഹി​ത​നായ യേശു നിങ്ങളെ സഹായി​ക്കുന്ന പുതിയ ലോകം​വരെ നിങ്ങൾ കാത്തി​രി​ക്കേ​ണ്ടി​വ​രു​മെന്നു പൗലോസ്‌ പറഞ്ഞു​വോ? ഇല്ല. നമുക്കു ‘കരുണ ലഭിക്കു​ക​യും തത്സമയത്തു (“കൃത്യ സമയത്ത്‌,” NW) സഹായ​ത്തി​നുള്ള കൃപ പ്രാപി​ക്കു​ക​യും ചെയ്‌തേക്കാ’മെന്നാ​യി​രു​ന്നു പൗലോസ്‌ പറഞ്ഞത്‌. അതിൽ ഇപ്പോ​ഴത്തെ കാലം ഉൾപ്പെ​ടു​ന്നുണ്ട്‌. മാത്ര​വു​മല്ല, യേശു ഒരു മനുഷ്യ​നാ​യി​രു​ന്ന​പ്പോൾ, അവൻ ദുരി​ത​ങ്ങ​ളും പ്രയാ​സ​ങ്ങ​ളും അനുഭ​വി​ച്ചു, അങ്ങനെ, “സർവ്വത്തി​ലും നമുക്കു തുല്യ​മാ​യി പരീക്ഷി​ക്ക​പ്പെട്ട”വനായി. അതു​കൊ​ണ്ടു നമുക്ക്‌ അത്തരം സംഗതി​കൾ നേരി​ടു​മ്പോൾ, നാം അനുഭ​വി​ക്കു​ന്നതു സംബന്ധിച്ച അവന്റെ ഗ്രാഹ്യ​ത്തി​ല​ധി​ഷ്‌ഠി​ത​മാ​യി അവൻ നമ്മെ സഹായി​ക്കാൻ ഒരുക്ക​മു​ള്ള​വ​നാണ്‌. അതു നിങ്ങളെ അവനി​ലേക്ക്‌ ആകർഷി​ക്കു​ന്നി​ല്ലേ?

16-ാം വാക്യം ശ്രദ്ധി​ക്കുക. അഭിഷി​ക്ത​രും വേറെ ആടുക​ളും ഉൾപ്പെട്ട നമുക്കു സംസാര സ്വാത​ന്ത്ര്യ​ത്തോ​ടെ ദൈവത്തെ സമീപി​ക്കാ​നാ​വു​മെന്നു പൗലോസ്‌ പറയുന്നു. (യോഹ​ന്നാൻ 10:16) നമുക്ക്‌ ഇഷ്ടമുള്ള എന്തും, കോപ​വും അനാദ​ര​വും തുളു​മ്പുന്ന സംഗതി​കൾപോ​ലും, നമുക്കു പ്രാർഥ​ന​യിൽ പറയാ​നാ​വു​മെന്ന്‌ അപ്പോ​സ്‌തലൻ അർഥമാ​ക്കി​യില്ല. മറിച്ച്‌, നാം പാപി​ക​ളാ​ണെ​ങ്കി​ലും, യേശു​വി​ന്റെ ബലിയു​ടെ​യും മഹാപു​രോ​ഹി​തൻ എന്നനി​ല​യി​ലുള്ള അവന്റെ സേവന​ത്തി​ന്റെ​യും അടിസ്ഥാ​ന​ത്തിൽ നമുക്കു ദൈവത്തെ സമീപി​ക്കാ​നാ​വും.

നമ്മുടെ മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ സേവന​ങ്ങ​ളിൽനി​ന്നു നമുക്ക്‌ ഇപ്പോൾപ്പോ​ലും പ്രയോ​ജനം അനുഭ​വി​ക്കാ​നാ​വുന്ന മറ്റൊ​രു​വി​ധം നമ്മുടെ പാപങ്ങ​ളു​മാ​യി, അഥവാ തെറ്റു​ക​ളു​മാ​യി ബന്ധപ്പെ​ട്ട​താണ്‌. ഇപ്പോ​ഴത്തെ വ്യവസ്ഥി​തി​യിൽ യേശു തന്റെ ബലിയു​ടെ മുഴുവൻ മെച്ചവും നമുക്കു ബാധക​മാ​ക്കു​മെന്നു നാം തീർച്ച​യാ​യും പ്രതീ​ക്ഷി​ക്കു​ന്നില്ല. അങ്ങനെ അവൻ ചെയ്‌താൽപ്പോ​ലും, അപ്പോ​ഴും നമുക്കു നിത്യ​ജീ​വൻ ഉണ്ടായി​രി​ക്ക​യില്ല. കിടക്ക​യിൽ കിടത്തി മേൽക്കൂ​ര​യി​ലൂ​ടെ താഴേ​ക്കി​റ​ക്കിയ തളർവാ​തം പിടി​പെട്ട മനുഷ്യ​നെ സംബന്ധി​ക്കുന്ന ലൂക്കൊസ്‌ 5:18-26-ൽ രേഖ​പ്പെ​ടു​ത്തി​യി​രി​ക്കുന്ന സംഭവം ഓർമി​ക്കുക. യേശു അദ്ദേഹ​ത്തോ​ടു പറഞ്ഞു: “മനുഷ്യാ, നിന്റെ പാപങ്ങൾ മോചി​ച്ചു​ത​ന്നി​രി​ക്കു​ന്നു.” ഏതോ പാപങ്ങൾ നിമി​ത്ത​മാണ്‌ ആ തളർവാ​ത​മു​ണ്ടാ​യത്‌ എന്നല്ല അതി​ന്റെ​യർഥം. ആ മനുഷ്യ​ന്റെ പാപങ്ങളെ പൊതു​വേ ആയിരി​ക്കാം അർഥമാ​ക്കി​യത്‌. ഒരു പരിധി​വരെ അയാൾ അവകാ​ശ​പ്പെ​ടു​ത്തിയ, അസുഖ​ങ്ങൾക്കി​ട​യാ​ക്കുന്ന, അപൂർണ​ത​യും അതിലുൾപ്പെ​ട്ടി​രി​ക്കാം.

പാപപ​രി​ഹാ​ര ദിവസം അസസ്സേ​ലി​നുള്ള കോലാ​ട്ടു​കൊ​റ്റൻ ഇസ്രാ​യേ​ലി​ന്റെ പാപങ്ങൾ നീക്കി​ക്ക​ള​ഞ്ഞ​തു​പോ​ലെ, യേശു അർപ്പി​ക്കു​മാ​യി​രുന്ന ബലിയിൽ അടിസ്ഥാ​ന​മാ​ക്കി അവന്‌ ആ മനുഷ്യ​ന്റെ പാപങ്ങൾ നീക്കാൻ കഴിഞ്ഞു. (ലേവ്യ​പു​സ്‌തകം 16:7-10) എങ്കിലും തളർവാ​തം ബാധി​ച്ച​യാൾ അപ്പോ​ഴും ഒരു മനുഷ്യ​നാ​യി​രു​ന്നു. അയാൾ പിന്നെ​യും പാപം ചെയ്യു​മാ​യി​രു​ന്നു, പാപി​കൾക്കു സംഭവി​ക്കേ​ണ്ട​തു​പോ​ലെ, കാല​ക്ര​മ​ത്തിൽ അയാൾ മരിച്ചു. (റോമർ 5:12; 6:23) യേശു പറഞ്ഞതി​ന്റെ അർഥം ആ മനുഷ്യന്‌ ഉടനടി നിത്യ​ജീ​വൻ കിട്ടി​യെന്നല്ല. എന്നാൽ ആ സമയത്ത്‌ ഒരള​വോ​ള​മുള്ള ക്ഷമയാൽ ആ മനുഷ്യൻ അനുഗൃ​ഹീ​ത​നാ​യി.

ഇനി നമ്മുടെ സ്ഥിതി​വി​ശേഷം പരിചി​ന്തി​ക്കുക. അപൂർണ​രാ​യ​തു​കൊ​ണ്ടു നമുക്കു ദിവസ​വും തെറ്റു​പ​റ്റു​ന്നു. (യാക്കോബ്‌ 3:2) അതു സംബന്ധി​ച്ചു നമുക്ക്‌ എന്തു ചെയ്യാ​നാ​വും? കൊള്ളാം, നമുക്കു സ്വർഗ​ത്തിൽ കരുണാ​സ​മ്പ​ന്ന​നായ ഒരു മഹാപു​രോ​ഹി​ത​നുണ്ട്‌. പ്രാർഥ​ന​യിൽ നമുക്ക്‌ അവനി​ലൂ​ടെ യഹോ​വയെ സമീപി​ക്കാ​നാ​വും. അതേ, പൗലോസ്‌ എഴുതി​യ​പോ​ലെ, ‘കരുണ ലഭിപ്പാ​നും തത്സമയത്തു സഹായ​ത്തി​നുള്ള കൃപ പ്രാപി​പ്പാ​നു​മാ​യി നമുക്കു ധൈര്യ​ത്തോ​ടെ [ദൈവ​ത്തി​ന്റെ] കൃപാ​സ​ന​ത്തി​ന്നു അടുത്തു ചെല്ലാ’നാവും. തത്‌ഫ​ല​മാ​യി, ഇന്നു വേറെ ആടുക​ളിൽപ്പെട്ട സകലരും ക്രിസ്‌തു​വി​ന്റെ മഹാപു​രോ​ഹിത സേവന​ങ്ങ​ളിൽനി​ന്നു തീർച്ച​യാ​യും ഒരു ശുദ്ധ മനസ്സാക്ഷി ഉൾപ്പെടെ മഹത്തായ പ്രയോ​ജ​ന​ങ്ങ​ള​നു​ഭ​വി​ക്കു​ന്നുണ്ട്‌.

അടുത്തു​കൊ​ണ്ടി​രി​ക്കുന്ന പുതിയ ലോക​ത്തി​ലെ പ്രയോ​ജ​ന​ങ്ങൾക്കു​വേണ്ടി നോക്കി​പ്പാർത്തി​രി​ക്കാൻ ഭൗമിക പ്രത്യാ​ശ​യുള്ള സകല ക്രിസ്‌ത്യാ​നി​കൾക്കും സാധി​ക്കും. അന്നു പാപത്തി​ന്റെ സമ്പൂർണ മോചനം സാധ്യ​മാ​ക്കു​ന്ന​തി​ന്റെ ഭാഗമാ​യി നമ്മുടെ സ്വർഗീയ മഹാപു​രോ​ഹി​തൻ തന്റെ ബലിയു​ടെ മെച്ചം മുഴു​വ​നാ​യി ബാധക​മാ​ക്കും. ആളുക​ളു​ടെ ശാരീ​രി​ക​വും ആത്മീയ​വു​മായ ആരോ​ഗ്യ​ത്തി​നു ശ്രദ്ധനൽകി​ക്കൊണ്ട്‌ അവൻ മഹത്തര​മായ പ്രയോ​ജ​ന​ങ്ങ​ളും നമുക്കു നീട്ടി​ത്ത​രു​ന്ന​താ​യി​രി​ക്കും. ഇസ്രാ​യേ​ലിൽ പുരോ​ഹി​ത​ന്മാ​രു​ടെ ഒരു മുഖ്യ ഉത്തരവാ​ദി​ത്വം ന്യായ​പ്ര​മാ​ണം പഠിപ്പി​ക്കൽ ആയിരു​ന്ന​തു​കൊണ്ട്‌, ഭൂമി​യിൽ ദൈവ​ജ​ന​ത്തി​ന്റെ വിദ്യാ​ഭ്യാ​സം യേശു വൻതോ​തിൽ വിപു​ലീ​ക​രി​ക്കും. (ലേവ്യ​പു​സ്‌തകം 10:8-11; ആവർത്ത​ന​പു​സ്‌തകം 24:8; 33:8, 10) അതു​കൊണ്ട്‌, യേശു​വി​ന്റെ പുരോ​ഹിത സേവന​ങ്ങ​ളിൽനി​ന്നു നാം ഇപ്പോൾ പ്രയോ​ജനം അനുഭ​വി​ക്കു​ന്നു, എന്നാൽ അതേസ​മയം വളരെ​യ​ധി​കം പ്രയോ​ജ​നങ്ങൾ നമ്മെ കാത്തി​രി​ക്കു​ക​യും ചെയ്യുന്നു!